الحكومة تحظر التمباك في الخرطوم..

تاني (سف) مافي.

ولكي أكون أكثر دقة ، لن تجدد حكومة ولاية الخرطوم رخص محلات (ود عماري)،

الجيِّد..











-
وغير الجيِّد.

مقاطعة اقتصادية لدارفور!
جنى

عزيزي الشاعر عبدالقادر الكتيابي عليه التوقف عن إلقاء رائعته ( على كيفي).

كوبنهاجن موجود

يا جني،

بالعكس ، لاتسئ الظن، دا حا يرفع السعر في العلالي.

(الديك) سفه؟

كوستاي يا عميل يا دنماركي،
الشلن الرميتو لينا دا شنو؟
شنو يعني كوبنهاجن؟

شوف ، صعوطنا لابديل له،
كوبنهاجن دا (كان بقا صعوط إسكندنافي) ما بجيب راس ناس المناطق (الحاره).

في واحد كدا بتاع سعوط في سوق الملجه تمباكو الكييفين بيتعاطوهو بعد ما يقعدوا في الأرض..
مكتوب على العلبه ( يمنع تعاطيه وقوفا)..

وزي ما قال خليل ( لو ما فاطر ما تخاطر)..




-
قال كوبنهاجن..

وأهم مشاكلنا حلت بتمديد مواعيد الحفلات إلى 12 منتصف الليل* عوضا عن الحادية عشرة.













_
*
ما عايز أقول بتوقيت الكبجاب.

البشير ح يسف من ويــن

والي الخرطوم قال المظاهرات المقترحه في صدد موضوع (الفيديو) لا غضاضة فيها،
لكن لو تم استغلالها للكسب السياسي فسنعرف كيف نتعامل معها،





_
سنعود لموضوع التمباك،

فاصل ونواصل..

الوالي قال التمباك يتسبب في سرطان الفم،

The honourable government is launching a campaign against Squamous Cell Carsinoma

د. بله موسى ، كان أنا غلطان صححني..










-
حاول حِس بي.

أحد معجبي أحمد المصطفى أصبح يغني ( يا حبيبي أنا "خرمان" )

إلى العضو الذي أرسل لي SMS سائلا:
Kaifak

بالله تاني ما تسألونا أسئله إن تُبدَ لنا تجهجهنا..

مـــــا تقول لي خدر بيسف؟؟







_________
خدر دا أبو لقاء

قرار صائب واستراتيجي بحت

دا أسمو قطع العلاقات الاقتصاديةوالتجارية مع حركات دارفور المسلحة
حتى لا تسطيع شراء أسلحة من عايدات التمباك..

Quote: ولكي أكون أكثر دقة ، لن تجدد حكومة ولاية الخرطوم رخص محلات (ود عماري)، الجيِّد.. - وغير الجيِّد.

إذا لم يتراجع الوالي عن قراره الهبتلي هذا غالبا ما سيودع ولاية الخرطوم هو لا التمباك

Quote: مـــــا تقول لي خدر بيسف؟؟

القرار يا راويه يطبق في ولاية الخرطوم ولم يصل أمستردام،













-
بعدين كان خدر بيسف أريت البيسفوا تبقى سفَّتم زي سفة خدر..

عارف يا مرتضى ، الحومة اكتشفت إنو أي حاجه تعملا مافي زول بيقدر يقول بِغِم..
عليه أي زول يخرم (بفتح الراء) يمشي الكاملين.











ـ
برضو الباقير ممكن.

جوريسديكشن وكدا..

Quote: قرار صائب واستراتيجي بحت

صائب عريقات؟
يا أحمد، عندي واحد صاحبن لي بيولع السيجاره بالسجاره ، قلت ليهو ياخ ما تبطل السجاير دا،
قال لي ليه أترك الحاجه الوحيده البستمتع بيها في حياتي؟

زي ما إنت عارف وانا عارف والله عارف ، في ناس التمباك دا كيفم الوحيد وممكن يهاجروا ليهو
ويضربوا له أكباد اللواري فكيف يقرر مجلس الولاية حرمانهم من الحاجه الوحيده البتكيفم؟

السجاير غالي،
النكد بالكوم،
الإحباط على قفا من يشيل ،
الشاي والقهوه؟ زادوا سعر السكر لدرجة أن أحد المُستَطلعين قال لقناة تلفزيزنيه بالأمس:
رجعنا نشرب الشاي بالبلح .



-
واحد صاحبنا قال والله مافي كيف مع شراب الشاي بالبلح
زي الفيلم المترجم ، لاتعرف تتابع المشاهد لاتعرف تتابع قراية الترجمه،

تاني أكياس النايلون 5 بوصه إلا يعبّوا فيها (الشمار).














-

لا عطس بعد اليوم.

Quote: البشير ح يسف من ويــن

أرجو تحديد المعنى المقصود من (يسف) في السؤال أعلاه تفاديا لفوضى المصطلح والسيمانتيكية والمترادفات اللغوية،
والأجهزة الأمنية ،











-
حدّد يا طويل العمر..

لا شيشه لا تمباك
_____
ننحرف يعني
نسكر ول كيف

Quote: بعدين كان خدر بيسف أريت البيسفوا تبقى سفَّتم زي سفة خدر..

سفة خدر أريتها سفة السرور
هنعمل ليها قروب معجبين في الفيس بوك
ونعمل لايك كل ربع ساعة






____________
يامولانا قال ليك
الخرطوم تنتج وأمستردام تستهلك
أمال إيه؟

Quote: لا شيشه لا تمباك _____ ننحرف يعني نسكر ول كيف

الغريبه يا منعم ، الوالي قال للمذيع ما معناه : الصحفيين ديل ما بجيبوا إلا الأخبار الزي دي (أخبار التمباك)
هسه نحن مددنا مواعيد الحفلات ساعه ليه ما ركزوا على الخبر الإيجابي دا؟

وهذا يعني شيئين أولا إنو وقف تراخيص محلات التمباك خبرن كعب وشين ، فإن كان كذلك فلِم تم اتخاذه؟
ثانيا إنو خبر تمديد مواعيد الحفلات خبر كويس ، فإن كان كذلك فلِم قررتم سابقا إنتهائها الساعة 11؟



---

ياخ تمديد الحفلات ساعه دا خبر كويس ، الله يديك العافيه يا مجلس الولايه ، لأنو الحفلات التي تنتهي 11
دي زي حلاوه قطن ، قبل ما تعيش معاها تلقاها إِِِِِِِِِِِِِِِِِِِِِشششششششششششششش ببح،


زي الديمقراطيه في السودان.

Quote: وهذا يعني شيئين أولا إنو وقف تراخيص محلات التمباك خبرن كعب وشين ، فإن كان كذلك فلِم تم اتخاذه؟ ثانيا إنو خبر تمديد مواعيد الحفلات خبر كويس ، فإن كان كذلك فلِم قررتم سابقا إنتهائها الساعة 11؟

محمد نسيت اسلم عليك
مشتاقين يا راجل يا اصيل
والله فعلا با محمد كلامك 100 الميه
أصبحت حتى الفرحة في عهد هؤلاء الاوباش منحة تستوجب الشكر والمدح

من ثم يكون قرار تمديد الحفلات ساعة من الزمان قد أفرغ من محتواه لأنو الناس ما حا تساهر بدون مكيفات،





_

الأعزاء،
لظروف خاصه سأتغيب عن المنبر لأيام قد تطول،
عليه أرجو التكرم بالمحافظة على (ممتلكاتي الإسفيريه) في غيابي.
ودعتكم لسيد الوداعه..
وأرجو أن يسود الود والتسامح دائما.

والعفو والعافيه إن أخطأت في حق أخ أو أخت هنا أو هناك..

محبتي

و ......السافي التراب ؟؟؟

كضب العدو!!!ما بقدر يمنع
ياخى كلهم بسفو جنس سف!!!
انت فاكر المتعافى براهو؟

Quote: ____________لا عطس بعد اليوم.

ههههههههههههههههههه

Quote: لظروف خاصه سأتغيب عن المنبر لأيام قد تطول، عليه أرجو التكرم بالمحافظة على (ممتلكاتي الإسفيريه) في غيابي

نواصل كيف من غير كيف؟

حبيبنا محمد المرتضى

سف مافي

يعني كل أنواع السف

مع تحياتي

Quote: الوالي قال التمباك يتسبب في سرطان الفم،

سلامات يا مولانا
مظفر النواب عليه السلام هجى الإمبريالية قائلاً:
"حذرنا الكُهَّانُ من التفجير النووي وذبحوا أكثر من ذلك أضعافا!"
فتأمل!!

زمن المهدية منع التمباك (التابا)

فقيل:

لا سعوط ولا سنجير

ولا مريسي ولا طنبير

وعقربا تطقك يا محمد خير


وطبعا إنتهت ذلك الحكم

وعاد السودانيون لساعوطهم وسنجيرهم

شوف يا مرتضى الحكومة دي لا الفديوهات ولا المظاهرات بتغيرها لكن اكان هبشت التمباك دا ليك علي الجنقو - مش ناس الكي بورد - يقلبوها ليكم ضحى .

جميع الجنود العاملين في القوات المسلحة وجميع العاملين في الشرطة وجميع العاملين في المطافئ وجميع العاملين في شرطة الحياة البرية وجميع الامرين بالمعروف والناهين عن المنكر سيتمردوا ضد هذا القرار .

الحكومة دي احسن ليها ما تهبش العقرب في ضنبا.

قلت اجرب الاخضر بس

عملت شاهد قبل النشر

لقيتو ليك هيييييييييييع وطوالي فتحت ال ... واديتها جغمة

Quote: لقيتو ليك هيييييييييييع وطوالي فتحت ال ... واديتها جغمة

ات قاصد الحقه اديتا سفه

مولانا صباح الخير
الجمرى محظور فى الخرطوم عاصمة ممنوع السف وضرب الكف
القرار يطبق على الجميع مش سواقين لوارى الطوب بس و عمال الكماين

لا للسف

التمباك بعيداً عن أضراره الصحية والبيئية فهو الخيار الوحيد للشعب والقرار الوحيد الذي يمكن أن يتخذه المواطن دون إملاءات أو ضغوط ، فقد سفت الحاجة بت المنى في نهار رمضان وبعد أن (جوووووط) بصقت نبهها حفيدها إلى ذلك وقال ليها يا حبوبه إنتي ما صايمه قالت ليهو أجي كيفين ماني صايمه يا ولدي قال ليها يا حبوبه لكين إنتي ما سفيتي قالت ليهو بِس الطرطشه هو التمباك بقي يفطر كمان.
أحد أعداء التمباك قال أن الشجرة الملعونة هي شجرة التمباك لا شجرة الزقوم.
وقال حاج أبكرونا وهو من ألد الخصام لكل من دنكل سفة بسبب وجع الُضرس أو خرمة كيف أو سواهما محاولاً إثبات حالة كون التمباك رجس قال فض فوه:
كان إنت راكب فوق الجمل الطويل دا
والجمل فوقو سرج
والسرج فوقو فروه والفروة تحتها بردعه
أها كان الجمل عفص التمباك وإنت متوضئ وضوك بيكون إتنقض
فضحك صاحبنا وقال ليهو والله دا مش لو تمباك دا لو تيار كهربائي بقوة خمسمائة فولت ما تجيك عوجه.
==
تخريمة: أخّدر زرعي كيتن على السنيح ود شيقوق

يا داااااااب ما اتقلبت

المحرب

Quote: ات قاصد الحقه اديتا سفه

لا لفخة يا مسنوح

ود المرتضي سلامات,, كييفي ودعماري بيقولوا (سفة علي الريق تساوي عشرة بقرات بي حبالن),,,دحين جنس البيقولو كدي ديل باقي ليك قرار الوالي ده بمشي عليهم؟
ود شيقوق ما تشيل هم عندي عشرين كيلو ود عماري من النوع الممتاز

كيف يعني يمنعوا التمباك!!

الناس دي ما كانت تجلد التمباك وتمنع البنات

انت يا مرتضى مالك ومال التمباك لا بتسفو ولا بتبيعو

بعدين انت هسع شمتان على البسفو ولا منبري للدفاع عن حقوق التمباكة ؟

Quote: (الديك) سفه؟

ما شفتو والله
..
محمد المرتضى سلامات
طبعا لازم يحظر لانو بزكر الجماعة بعملية السف وكدة
تحياتى

Quote: د. بله موسى ، كان أنا غلطان صححني..

يامولانا

التمباك لوحده لايسبب السرطان لكن تعاطيه مع تعاطى الإنقاذ فى وقت واحدهو مايسبب السرطان*







____________________________________
* معا نحو شفايف نضيفة!

الكيزان ديل ما عايزين ولو مجازا زول (يسف) معاهم !!
ياخي دا جشع فظيع..

عشان لقو اي واحد شاف فتاة الفيديو بصق عليهم, قالوا اخير بصقة بدون سفة ارحم
تف عليهم بي سفة و بدون سفة

Quote: انت يا مرتضى مالك ومال التمباك لا بتسفو ولا بتبيعو

يومن أبيض زي اللبن
خدر طلع مابيسف

لوووووووووووووووول


قالو الزول الخرمان دا ممكن يعمل اي حاجة

اها يلا بعد دا الاالمعارضة تهجج بالموضوع دا
لانه بمس اي زول في الشعب رجالا ونساء واطفالا


تكوة ثورة شكل ضبان الوش..


مودتي وعامل كيف؟

مولانا
أرى إن هذه الخطوة لتنظيف الشفايف ستعقبها خطوة لفرض الروج على الجميع!

الناس تاني الا ترجع للريش

ود القرشي

الناس تاني الا ترجع للريش


لا في حاجة بزرعوها في شاطي النيل اسمها القامشة تلاشت الان ربما يعود الطلب اليها بعد حظر التابا

القامشة نبات يتم تدخينو بالكدوس وريحته تجيب الضهبان

Quote: لقامشة نبات يتم تدخينو بالكدوس وريحته تجيب الضهبان

الطيب عندو اسم تانى على ما اظن الكبنقه
الشاعر قال تقول سكران كنبقه بيحصصلو جنان

نكتح ودعمارى وننحرق بى سجارنا
وناخد الليل حنين لامن يجينا حمارنا
والحمار بفتح الحا هو بزوق الفجر

انا ضد السفه والله شكلها بايخ
مع احترامى للناس البسفو التنباك
ما السف التانى داك

المحرب


يوماً عشانا ربيت
و يوماً نكتح التابا و عليها نبيت
يا جبت مالاً فرح أم سوميت
يا فوق جبال تقلي انجدعت ما جيت

Quote: محرب يوماً عشانا ربيت و يوماً نكتح التابا و عليها نبيت يا جبت مالاً فرح أم سوميت يا فوق جبال تقلي انجدعت ما جيت

الاخ الطيب كان البينسون العلبه ال 10 سجاير مكتوب عليها صنع خصيصا
للسودان كان الزول البسجر البينسون بكون من الناس المميزين انذاك وكانت ريحة السجاره
بجيك من مسافه بعيده وليها نكهه خاصه زى ريحة العربيه عندما تاتى ريحة الديزل او البنزين
تبقى لمده طويله انا ما عارف لان الجو كان صافى
اما موضوع المهاجرة كان المتاح عندهم هو التباكو الكدوس والتنباك ودا فيه تفصيل
هو كان شى من التقليد القدامو بسفو انا لازم اسف كا ثبات بانك بقيت راجل يعنى

قال ليك اتنين عرسان راكبين الطيارة ما شين يقضوا شهر العسل برةقام العريس
فتح الكيس وداير يسف العروس اتهجمت سجمي انت بتسف قال ليها اي بسف وبطلق كمان عندك مانع

Quote: الاخ الطيب كان البينسون العلبه ال 10 سجاير مكتوب عليها صنع خصيصا للسودان كان الزول البسجر البينسون بكون من الناس المميزين انذاك وكانت ريحة السجاره بجيك من مسافه بعيده وليها نكهه خاصه زى ريحة العربيه عندما تاتى ريحة الديزل او البنزين تبقى لمده طويله انا ما عارف لان الجو كان صافى اما موضوع المهاجرة كان المتاح عندهم هو التباكو الكدوس والتنباك ودا فيه تفصيل هو كان شى من التقليد القدامو بسفو انا لازم اسف كا ثبات بانك بقيت راجل يعنى

المحريييييييييييب

والله كلامك دا كلو صاح . وكمان عربات الضباط الاداريين الزمان ( اللاندروفرات) كان عندهن حلاة ريحة تتكرفها زى المتكرف ليك فلير دمور .


فيسل

المسنوح - قال بطلق كمان

تحظره فقط ؟؟!!
يا ريت لو منعوه
ويكون عقابه 150 جلده .

هااااا ناس هوووووى ..وتانى هووووى
على الحلف تمباك وااااااحد بتمنع من
السودان دا مافى ..

الناس ديل هناك شوف عينى ماقول قالو
الواحد من الصباح قبال يفتح عينة بتحسس
الحقة .. والعجب كان لقاها فاضية .. اها
اليوم داك يوم العدو... يعنى مابدور ولا
بالدفرة..

الناس الطيبين ديل تدويرتهم بسفة يعنى
لا كبتشينو ولا نسكافى ولا تركش كوفى..

حتى التماك ده استكتروه على الناس
قالو بيعمل سرطان .. اها اصبرو شوية
كده لان السجاير برضو جاية الدور سمعنا
السجاير قالو تحت تحت بيعمل (بواسير)

يالطيف

عوض حمزة


الناس ديل هناك شوف عينى ماقول قالو
الواحد من الصباح قبال يفتح عينة بتحسس
الحقة .. والعجب كان لقاها فاضية .. اها
اليوم داك يوم العدو... يعنى مابدور ولا
بالدفرة..

الناس الطيبين ديل تدويرتهم بسفة يعنى
لا كبتشينو ولا نسكافى ولا تركش كوفى..



ههههههههههههههها وحاة الله كلامك صاح

الأستاذ شيقوق

أظن الأبيات تروى هكذا:


يوما كربتيت
ويوماً عشانا ربيت
و يوماً نكسر\نكتح التابا و عليها نبيت
يا جبت مالاً فرح أم سوميت
يا فوق جبال تقلي انجدع ما جيت

والله لكن نقبكم طلع علي شونة ياقول اولاد بمبة
القرار صدر بحظر فتح محلات جديدة
لكن ناس الجمري واخوانو قاعدين لناس التمبكة والمزاج
ههههههههههههههههههههههههههههه

استاذ الباقر

يوما كربتيت
ويوماً عشانا ربيت
و يوماً نكسر\نكتح التابا و عليها نبيت
يا جبت مالاً فرح أم سوميت
يا فوق جبال تقلي انجدع ما جيت


يطول عمرك والله كلامك صاح بس شنو كربتيت دي ؟

محمد المرتضى ....

Quote: وأهم مشاكلنا حلت بتمديد مواعيد الحفلات إلى 12 منتصف الليل* عوضا عن الحادية عشرة.

إنت من زمن الساعة 12م تمثل منتصف الليل والساعة 12ظ تمثل منتصف النهار؟ .... ياخ إنت قديم خلاص ..

Quote: نسكر ول كيف

برضو كيف؟

زمان (درّاج المحن) الذي محّن الشعب السوداني ... عمل في الناس ما عمل .... وأوّل ما هبشهم في الكورة، وفرتق الهلال والمريخ، وتاني هبشهم في كيفهم (فاقوا) ليهو وغتّسوا حجرو ..... دحين الناس ديل ما قروا التاريخ؟