الصحراء ( أم بطناً غريقة ) ماذا تخبيء لنا بعدُ يا مرتضى ؟
ثم إنك شليقٌ شليق .. هذه " البحبتة " لابد مهلكتك ثم إنها لملحقانا الزينين . بنات أودادن يا مرتضى ؟ هلا هلا .. هلا هلا .. مش يقال أن الصحراْ مسكونة بالجن , و الشيطان أب لمبة ؟ ما جئت به هنا يا صاحبي هو الجن و هن اللمبات بنات الشيطان .. و هو الغناء الأمازيغي السمح . هؤلاء الأمازيغ و الشناقطة شغلهم عجيب .. و سمحاتهم توجع .
.... اللهم زد عبدك ود المرتضى افتتانا و وقوعاً في الفخاخ المجيهة ليل نهار يا فاطر السموات .. اللهم و لا تحرمنا فضله الذي يجود به علينا كلما مسه المسّ الجميل . اللهم إن بنات أودادن فاتنات و غنائهن سمح , اللهم و يتورن علينا الضرس .. فارأف بحالنا يا كريم يا حليم .
Quote: والله يا مرتضى لو قدر للطيب مصطفى لأن يكون مديرا للاذاعة والتلفزيون وصادفته هذه الكلمات اكان لحقن ليك امات طه
سلامات يا ود شيقوق...
انتظروا بس خلونى ابقى رئيسة للسودان فى يوم ما.. اخلى الشارع السودان كلو فى حالة غنا, جوع بطن ورأس وروح, حرام والله ناس تخلى الدنيا مكرضمة فى وشنا, تلقى بعدين انو تلاتة ارباع عمرك انهدرن ساى فى الجرى الغنا بطيل العمر.. وعن تجربة, رضوض الروح دى مافى دواء ليها الاّ تسمع غنا زى ده وتحمد سيدك وتستغفر وتتشهد خوفا من تقتلك يوم حالة ابداع وانت نائم - ده لو فى نوم-
الطيب الله يهديك واسمع كلام د. إشراقه الفوق ده وقول ورا مولاي عماد : آمين، تعرف إذا غَمَّدت عيونك وأنت تشاهد وتستمع إلى الفيديو المرفق أدناه ستعتقد لوهلة أنك في عدة مناطق من السودان في آن كما أشارت إشراقة ملحوظه، كما يقول الأبنودي ، أو تحذير ، كما تعلن مصلحة الأرصاد ، إحتفظ بوثيقة تأمين على الضلوع. وما تحت الضلوع.
شاهد بحذر بنات أودادن مع فرقة آيت باعمران وربنا يكتب سلامتك ويخليك لأولادك.
قُلتِ الماقِدرتَ أقولو ب (اللحمه البترجف) دي، يمكن لو ماكانت (اللحمه البترجف) دي وشركة الشرايين ما كان انسجنت فيهم وعماد يشخِّت لي في حيط الحراسه ليلي وصباحي. يا إشراقه إنتي بس قولي ورا مولاي عماد آمين.
العزيز.. العائد إلى الجذور والباحث عن البهجة دوما/ محمد المرتضى..
(عبرت بنا من موريتانيا (التي أفدتنا فيها بمعلومة لا تنسى!) إلى الأفراح المراكشية الخضراء ( ولم نكن من قبل نعرف سوى أناشيد الجيوش المغربية!) .. لعلنا في الطريق إلى قصر الحمراء في غرناطة للاستمتاع بموشحات ابن زيدون وولادة بنت المستكفي..تحت ظلال جنات العريف الوارفة..
فجوة الأجيال تقف حائلاً دون المزيد من التعليق !!
محبتي
عبد المنعم
Post: #7 Title: Re: بنات أودادن.. Author: محمد عثمان Date: 04-20-2009, 10:06 PM Parent: #5
ود المرتضى...
الف حمد لله بالسلاامة
جاى مولع نااار...
Post: #23 Title: Re: بنات أودادن.. Author: محمد المرتضى حامد Date: 04-21-2009, 10:32 AM Parent: #7
Quote: جاى مولع نااار...
محمد عثمان، مش سمعت رمية كابلي البيقول فيها: أحي أنا المرضان شِن اسو ... أنا الجنّيت وقلت هاو؟ برضو أنا المولِّع يا محمد؟
تعرف يا صاحب .. اللحن ده ما بيشبه لي شي غير : ( يا مسافر فراقك لي صعيب ) .. أظنو بتاع فاطنة الحاج .. أظنو .. لكن غنيتنا إيقاعها الصفقة و الشتم و الأصوات السمحة . بنات أودادن ديل دخلن في الغنا شي يعرفنو براهن .. قادر الله .
.... ياخي الليل سمح مع بنات الجن الجبتهم ديل .. و الأصوات النادية دي .. و الرقيص .. الرقيص يا ابن خالتي .. و هزّ الغصين المفرهد .. ثم الغنج .. إلهي و سيدي .
هسه انا أعضي منو ؟
Post: #12 Title: Re: بنات أودادن.. Author: كمال سالم Date: 04-20-2009, 11:29 PM Parent: #11
الأخ محمد المرتضى حامد ياأيها البحات فى خبايا صخور أطلس ويا أيها المخرج من محار صمتها لآلئا ومرجانا للعالمين فيا عزيزى تلك الشعوب الساميه والتى أطلق عليها الأغاريق لفظة بربر وما هم ببربر ولا هم بغجر وكانت عبارة الأغاريق تلك كعبارة الكديس عندما يتعذر عليه الوصول إلى الثريد فى عالى مشلعيبه فكان أولئك القوم الذين تحرف إسمهم إلى الأمازيق من الفينيقين أهل السيادة والرياده وعلماء البحر والنجوم والتجاره جاسوا فى شواطئ الأطلسى وجذره وتجذروا فى شعوبه الشوام وأهل مالطه وايجه وغيرهم ورغم إنتصار الرومان عليهم إلا أنهم حافظوا على هويتهم وهواياتهم ألم تكحل الأثر السامى فى لحنهم والموسيقى وجرس اللغه فلولا الصوره لحسبتهم من الأمهره ولحسبت المغنيه أستير يا سبحان الله ولك الشكر على ذلك فهم أبناء عمومه للكلدانين والآشوريين والكنعانين واليهود والعرب وكذا الأحباش وقول يا لطيف
وصلت حد الثمالة مع الصوت الرقيق, الموسيقى السلسة.. القوام اللادن المشدوق الموسيقى والإيقاع متوحدة مع أهلنا في شمال دارفور.. وما يطلع لي واحد يقول دي صلبطة!!
Quote: انتظروا بس خلونى ابقى رئيسة للسودان فى يوم ما.. اخلى الشارع السودان كلو فى حالة غنا, جوع بطن ورأس وروح, حرام والله
طيب رايك شنو في الكلام ده؟
Quote: يقول الدكتور: { لوتر } : إن مفعول الغناء والموسيقى في تخدير الأعصاب أقوى من مفعول المخدرات
ويقول الدكتور: { والف آدلر}
إن أحلى وأجمل الأنغام والألحان الموسيقية تعكس آثاراً سيئة على أعصاب الانسان
وعلى ضغط دمه
وإذا كان ذلك في الصيف كان الاثر التخريبي أكثر
إن الموسيقى تتعب وتجهد أعصاب الانسان على أثر تكهربها بها
فإن الارتعاش الصوتي في الموسيقى يولد في جسم الانسان عرقاً كثيراً – خارجاً عن المتعارف
.ومن الممكن ان يكون هذا العرق الخارج من الحد مبدءاً لأمراض اخرى
إلى غيرها من الإعترافات والتصريحات التي أدلى بها الأخصائيون والأطباء
بشأن الغناء وتأثيره على الأعصاب , وإتعابه للنفس والروح, وغير ذلك
وإذا استمر الانسان في هذه التجربة المقيتة , وواصل إستماعه الى الموسيقى والغناء
هل تعرف اين يؤول أمره ومصيره ؟
إلــــــــــى
مستشفى الامراض العقلية
وابتلاع الاقراص المخدرة للأعصاب وتحطيم الجسم
أما البرفسور { هنري اوكدن } الاستاذ بجامعة لويزيانا والمتخصص في علم النفس , والذي قضى 25 سنة في دراسته , كتب مقالاً في مجلة " نيوزويك " قال فيه :" إن { آدنولد } الدكتور في مستشفى نيويورك قام بواسطة الأجهزة الالكترونية – الخاصة بتعيين أمواج المخ والدماغ – بإجراء بعض التجارب على الالوف من المرضى الذين يشكون من الأتعاب الروحية والعصبية والصداع
وبعد ذلك ثبت لديه
أن من أهم عوامل ضعف الأعصاب والأتعاب النفسية الروحية والصداع
هـــــــــــو
الاستماع الى الموسيقى والغناء , وخصوصاً اذا كان الاستماع بتوجه وإمعان
مالك على اعصابنا وضغط دمنا كفانا الفينا ده يا شروقو
Post: #18 Title: Re: بنات أودادن.. Author: محمد المرتضى حامد Date: 04-21-2009, 07:23 AM Parent: #17
سيدي عبدالمنعم خليفه، عندما كتبت عن موريتانيا من خلال (المعلومة بنت الميداح) كنت ألقي الضوء على ثقافة تكن لنا حبا وتتقاطع إحداثياتها مع خارطتنا في مواضع عدة ولنا فيها جذور ومرجعيات واتخذت (المعلومة) عدسة واسعة أو، إن شئت ، نافذة بانورامية تطل على حياة أهلنا في تلك الرقعة إفريقية الجغرافية عربية الثقافة سافانية الإنفعال. إتجهت اليوم إلى جبال الأطلس لذات الأسباب وبتحريض من حبيبنا عماد وانتخبت الأمازيغ وهم ينتشرون منذ آلاف السنين في الشمال الأفريقي مع (تسلل) إلى أفريقيا من الجنوب الليبي إلى تشاد والنيجر ومالي في تواز مع الطوارق واختلاط بهم في بعض الأحايين ، لذا يمكنك أن (ترى) الكثير من الملامح الثقافية متمثله في الغناء والرقص والملامح التي تجمع أولئك الأقوام ببعضهم البعض ، ولعلك ظننت عند الإستماع للنموذجين أنك تستمع لفن دارفوري أو عمل من كردفان وهنالك بعض الأغنيات لايختلف إيقاعها عن المردوم في شئ. يا منعم ، في كل منا زولا سرب سربه وخلاّ الديار غربا ، بريد زولي .
Post: #19 Title: Re: بنات أودادن.. Author: الزاكى عبد الحميد Date: 04-21-2009, 08:20 AM Parent: #18
Quote: (هل رأيتم جسدا في مثل اشتهائي أو مثل انكساري أو مثل اكتئابي ...)
-الشاعرة الأمازيغية مليكة مزان-
الأمازيغ في لهاثهم المتعثر تجاه هوية تبدو بعيدة المنال.. يأتي هذا البوح الجسدي مؤدلجاً الجنس سلاحاً.. فالجنس لديها ليس متعة ولذة بل هو قضية بحجم شعب يبحث عن هوية..
بوست أخذني إلى أغوار لم تسبر من قبل.. ( الفيديو ما فتح عندي ) لكن هذه الأبيات كافية لكي تجعل لساني يلهج بالثناء لك على عمق فكرتك من خلال هذا البوست..
مرتضى شكرا ليك..وأكيد.. أكيد ح أعود مرات ومرات عشان أستفيد...
تحياتي
Post: #20 Title: Re: بنات أودادن.. Author: كمال علي الزين Date: 04-21-2009, 08:43 AM Parent: #19
(*)
(أبي) ما أبكاه شيئاً ,.. حتى يوم رحيلها , كنت أرقبه , رابط الجأش , مستسلماً لطبول الرحيل ,.. كنت قد بكيتها طويلاً ,.. خاصة وأنني قد شهدت رحيلها الأول , .. والثاني ,.. والأخير ,.. كانت متمسكة بأمر عودتها لوطنها ,.. تمسكها بالحياة ,.. شهدت موتها الأول , حين جاء أبنها الأكبر وقرأ لها ماتيسر ,.. ورددت وراءها (الشهادتين) ,.. ثم أسبل أعينها , لكنها رفضت الرحيل , .. وتمسكت بأيدينا وغنت :
ثم نهضت باكراً ,.. وتجددحلمها بالعودة إلى (فاس) ,..
ثم موتها الثاني ,... حين تكرر ذات (السيناريو) , .. قرأ لها , ورددت وراءه الشهادتين ,.. وأسبل على عينيها , بعد أن وضع عليها قطرات من ماء ,.. ثم عادت تغنى :
(رقب بحرنا ..
............)
ونهضت باكراً , وبدأ حلمها من جديد , ..
ذلك الصباح , كانت تغني ذات الأغنية ,.. قال لها (أبي) : سأخذك إلى الحج .. قالت : حجي هناك , إلى (فاس) ..
ثم عادت تغني له , لأصغر أبناءها ,..
لأبي :
رقب بحرنا ,.. بان بحرهم ..
ومضت هذه المرة , دون أن يقرأ لها أحد ,.. ورددت الشهادتين دون عون ,.. وأسبلت عينيها , .. وتبدد حلم عودتها إلى (فاس) ..!!
(*)
عاشت معنا ,.. وقلبها هناك على مرامي (فاس) .. كانت دونهن (بيضاء) ليست ذات (عوارض ),.. طالما أحببت أن أتنقل معها , .. أنام خلفها ,.. أزهو بجمالها ,.. حارت دواخلي قبل عقلي ,.. حين ما أبكى رحيلها (أبي) ,.. كان أصغر أبناءها وأقربهم إلى قلبها ,.. وأقربهم إلى ملامح أهلها (المغاربة) و(الشناقيط)..
(*)
(شباك النبي أحمد عثمان زروق المغربي) ,.. ما أطوله من إسم ,.. بل ما أطولها من (حياة) ,.. ناهزت عامها (المأئة) ,.. وهي تقطر جمالاً وحيوية ,.. وتحدياً ,..
أقول لها : (وين أهلك يمة) ..؟ تقول : (عدا من تفرق بالسودان .. إنهم هنالك بفاس الماوراها ناس وجبال وهران وشنقيط) ..
كانت تغني لي ... حتى ليلة رحيلها, أظنني كنت (أًصغر) أحفادها ,.. ولد بعدي ,.. بعد رحيلها كثيرون ,.. أظن أنني حظيت شيئاً عظيماً ... (محبتي) لها,.. (محبتها) لي .. لكنها كانت تفضل (فاساً) عليا ,.. أغار منها هذه (المدينة) التي لم أرها ,.. فقد نازعتني محبتها ,..
كنت صغيراً يوم دفنها ,.. أصررت على أن أحمل معولاً ,.. وأزين لها حواشي (قبرها) ,.. لكنني كنت بقرارة نفسي ,.. أود أن أحفر لها طريقاً عبره إلى (فاس) .. فرحلة روحها إلى مكان أحبته ,.. ستكون أسهل منها جسداً, لبس (ثوباً ) سودانياً ,.. وأنجب سودانيين ,..
كم من السنوات مرت ,.. دون أن أفي بوعدي لها ,.. أن أحج عنها ,..
إلى (فاس) ..!!
(*)
طرقوا مسالكاً, كانت صعداً ,.. صحراء مابين نيلنا وأطلسهم ,.. حتى وفدوا إلى (أم درمان) ,.. مدينة كانت ولا تزال (من تراب طينة خلق منها علي المك) ,.. وشرق بعضهم وغرب بعض ,.. حتى صاروا ملة وصارت لهم قرى وبنادر ,.. كانت (جدتي) أحدهم ,.. ثم صارت أحداً من قوم آخرين ,.. كانوا قوم (جدي) ,.. ولما مات عنها ,.. بحثت عنهم ,.. من شرقوا ومن غرب ,.. فوجدتهم جمعيهم قد صاروا (أحداً) من قوم آخرين ,.. فحنت إلى (فاس) ,..
وصارت بيننا لكنها أحد من (أهل فاس) ,..
وعلا صوتها تغني من جديد :
رقب بحرنا , بان بحرهم ,.. بانت جبال (وهران) نبكي ,.. ...!!
Post: #21 Title: Re: بنات أودادن.. Author: كمال علي الزين Date: 04-21-2009, 08:56 AM Parent: #20
(*)
العزيز/ محمد المرتضى ..
المداخلة أعلاه كلمات إلى روح جدتي لأبي
(إبنة الشيخ / أحمد عثمان زروق المغربي) شيخ المغاربة في السودان ..
ح اديك جانب اخر من الثقافه الامازيغيه ( فانا نصفي امازيغي من جهة الوالده)... وهنا بشكر اخوي الجميل عادل عبدالعاطي قبل اشتراكي في المنبر وحبه للفن الامازيغي الخالد....
المرتضي والمتداخلون الاكارم ح اهديكم كلمات اسطوره امازيغيه قديمه تحوي حوار بين اب عجوز يدعي "اينوفا" وبنته الصغيره "غريبا" "غريبا" هذه يقال انها اغترفت (ذنبا) وتقطع الرجل(اينوفا) بين مشاعر الابوه وحكم المجتمع والخوف من العار...
كلمات الاغنيه باللغه الامازيغيه...
A Vava inouva (my little father) Txilek elli yi n taburt a Vava Inouva Ccencen tizebgatin-im a yelli Ghriba Ugadegh lwahc elghaba a Vava Inouva Ugadegh ula d nekkini a yelli Ghriba
Amghar yedel deg wbernus Di tesga la yezzizin Mmis yethebbir i lqut ussan deg wqarru-s tezzin Tislit zdeffir uzetta Tessallay tijebbadin Arrac ezzin d i tamghart A sen teghar tiqdimin
Txilek elli yi n taburt a Vava Inouva Ccencen tizebgatin-im a yelli Ghriba Ugadegh lwahc elghaba a Vava Inouva Ugadegh ula d nekkini a yelli Ghriba Adfel yessed tibbura Tuggi kecment yehlulen Tajmaât tettsargu tafsut Aggur d yetran hejben Ma d aqejmur n tassaft Idegger akken idenyen Mlalen d aït waxxam I tmacahut ad slen
Txilek elli yi n taburt a Vava Inouva Ccencen tizebgatin-im a yelli Ghriba Ugadegh lwahc elghaba a Vava Inouva Ugadegh ula d nekkini a yelli Ghriba
الكلمات باللغة العربية يا أبي إينوفا
هي : أرجوك يا أبي "إينوفا" .. إفتح لي الباب هو : آه يا إبنتي "غريبا" .. دعي أساورك ترجّ هي : أخشى من وحش الغابة يا أبي إينوفا هو : آهٍ يا إبنتي " غريبا " .. وأنا أيضاً أخشاه
هو : الشيّخ متلفّع في بُرْنُسِهِ منعزلاً .. يتدفّأ وابنه المهموم بلقمة العيش يعيد في ذاكرته صباحات الأمس والعجوز ناسجة خلف مندالها دون توقّف .. تحيك الخيطان والأطفال حولها يتلقنون ذكريات أيام زمان
هي : أرجوك يا أبي "إينوفا" .. إفتح لي الباب هو : آه يا إبنتي "غريبا" .. دعي أساورك ترجّ هي : أخشى من وحش الغابة يا أبي إينوفا هو : آهٍ يا إبنتي " غريبا " .. وأنا أيضاً أخشاه
هو : الثلج رابض خلف الباب و " الإيحلولين " يسخن في القِدْرِ والأعيان تحلم منذ الآن بالربيع المقبل و القمر .. و النجوم .. مازالوا مختفون و حَطَبة البلّوط تحلّ محلّ حصيرة الصفصاف العائلة مجتمعة تستمع بشغف لحكايا زمان
هي : أرجوك يا أبي "إينوفا" .. إفتح لي الباب هو : آه يا إبنتي "غريبا" .. دعي أساورك ترجّ هي : أخشى من وحش الغابة يا أبي إينوفا هو : آهٍ يا إبنتي " غريبا " .. وأنا أيضاً أخشاه
Quote: غنا جميل .. طابعه مثل شرق السودان وبه نكهة أرترية .
.................
دا فعلاً يا أخ رأفت الانطباع الاول البجيك لدى الاستماع لموسيقى الطوارق. في الفيديو المرفق حلقة تسجيلية عن الفرقة الطوارقية- الامازيغية الشهيرة تيناروين او Tinariwen و تعني كلمة تيناروين بالامازيغي ( الاماكن الفارغة ). تيناروين - كما جاء في موقعها الإلكتروني - فرقة موسيقية تكوٌنت في الثمانينات... استبدلت أسلحة الكلاشنيكوف بالقيثارات الكهربائية ... ترثي صحراءا أمازيغية عرٌبوها وزنٌجوها و قسٌموها...!!
Post: #53 Title: Re: بنات أودادن.. Author: محمد المرتضى حامد Date: 04-23-2009, 10:46 AM Parent: #35
Quote: TINARIWEN فرقة موسيقية تكوٌنت في الثمانينات... استبدلت أسلحة الكلاشنيكوف بالقيثارات الكهربائية ... ترثي صحراءا أمازيغية عرٌبوها وزنٌجوها و قسٌموها...!!
ممكونه والسهل الممتنع. جميل يا ممكونه التعبير.
Post: #52 Title: Re: بنات أودادن.. Author: محمد المرتضى حامد Date: 04-23-2009, 09:35 AM Parent: #26
رأفت الحبيب، نعم ، النكهة الإرترية حاضرة وكذا الأثيوبية ولايغيب عنك الآلات المستخدمه والرقص اليكاد يكون من أسمرا ، ياخ الصوت الحنين دا بيجيبنا ويودينا وربنا يلطف. شكرا يا العزيز وراجيك.
السنوسي بدر، ياخي شرفت المساحه وتركت فيَّ إحساس بأني أتأرجح بين الواقع والحلم ، واقع أنك من نفر أحكي عنهم عمروا الأطلس والروح والتاريخ الإفريقي وحالة حلم هي أني مهما كتبت فلن أطأ عتبات ذلك التاريخ البهي المسافر في النفس ، (إينوفا) هي أغنية الفنان الأمازيغي إيدر التي أتحفنا بها الفنان عماد محمد عبدالله في أحد أروع البوستات التي مررت بها مؤخرامن الشِعر المغاربي ( ترانيم الأطلس ) يهمني كثيرا أن تكتب لنا ، عن ما تبدل في حياة أولئك الناس مع تموضعهم في الصحراء الغربية وشمال دارفور وكيف هو حالهم هناك. أذكر جيدا أنك كتبت عنهم بعد حادثة اشتباك مسلح لا أريد أن أعرض له هنا لكني تمنيت يومها أن يتصدى شخص مثلك INSIDER ليكتب عن أولئك الأقوام الأهل. أنتظرك يا سنوسي وسقفي الود.
يا كمال، (شباك النبي) نموذج لكثير من اللائي منحن هذه الأمة السودانية جمالا بإضافتهن للتنوع الموجود أصلا، إضافة في التاريخ واللغة والسحنة وحكايا تؤهل الواحدة منهن أن تكون وحدها وزارة للتراث المهاجر، جدتك لاتختلف كثيرا عن جدتي لأمي الحاجة (ستنا صالح خالد) التي كانت ، بنفس ملامح (شباك النبي) وبذات التفاصيل التي حكيت عنها إلا أن (ستنا) لم تكن مضمخة بكل تلك النوستالجيا التي استغرقت كل خلايا (شباك النبي) لأنها فتحت عينيها على دنيا أمدرمان ورئات تتبادل الأوكسجين مع أشجار سقاها النيل، لكنها كانت تنقل عن أمها ، على نهج العنعنات ، وتسمى الحاجة (مريم) ويناديها الكبار (مريوم) وهي من جيل (مريم) التي وطئت أرض السودان وهي بعد طفلة مع أولئك الأقوام الشناقيط المغاربة، رأيتها في طفولتي الباكرة وكانت بذات التفاصيل ، اللون المغاربي وضفيرتان غليظتان طويلتان وصرامة في القسمات ولامجال لأية تسويات أو مناطق وسطى في القرارات...
(ستنا) كانت تحفظ كل تراث أمها وقوتها الأسطورية وتفاصيل أراضي الأجداد التي لم تكن في حياتنا سوى منهلا خصبا لتعليقاتنا الساخرة، طيب لو أصلو كانت بلادكم جنه الجابكم (لينا) شنو؟ هكذا كانت ردودنا. أنت تعرف يا كمال، هنالك الكثير من الأسر السودانية نزحت إلى بلاد السودان من المغرب العربي وتحديدا من موريتانيا والمغرب (مراكش) وكانوا يسمون ، في معظمهم ، بالمغاربة ، وذات العِرق تجد له تواجدا ملحوظا في غرب السودان حيث أن مناطق دارفور وكردفان شهدت مجئ أولئك المغاربة وكثير منهم كانوا من الصوفية وعلماء الدين ، وأنت أعلم مني ، أن هنالك بلدانا في الوسط يغلب على أهلها الأصول المغاربية وهذا بعض من الحالة السودانية الجميلة التي جعلت منه لوحة مزركشة كزجاج معشَّق فيه كل الألوان تنظر إليه من بعد فتأتيك شهقة الإنبهار.
كثيرا ما أحس بحزن بالنيابة عن (شباك النبي) و (مريوم) أنهن ذهبن ، جسدا ، قبل أن يكحلن الأعين ويطيبن الدواخل ، يبرِّدَن الحشا ، بحج ل (فاس) أو مراتع الصبا والطفولة، كنت أعجب كيف لأولئك الأسلاف أن اتخذوا قرارات فادحة بذلك المستوى القاسي ، كيف لإنسان أن يهجر صلصالا خلق منه وترابا امتزج بعظام أسلافه، لكنه التاريخ البشري لم يترك للدهشة أن تستطيل ، كلكم لآدم وآدم ( سن المعاصي وعلمكم مفارقة الجنان) فقط تبقى الحقيقة الأولى والأخيرة أن الناس إخوة بل a mad dance of electrons كما قال أحدهم ، أحادية المنشأ والمآل. سردك يعجب جد.
Post: #38 Title: Re: بنات أودادن.. Author: محمد المرتضى حامد Date: 04-22-2009, 10:08 AM Parent: #19
الزاكي الباهي، يؤكد الأمازيغيون أنهم لايبحثون عن هوية بل يطالبون الدول التي يقطنون فيها كالجزائر والمغرب وليبيا وتونس وحتى تشاد والنيجر ومالي والسنغال بأن تعترف رسميا بهويتهم وثقافتهم على خلفية أن لهم ثقافتهم الخاصة بهم ولغتهم وتقاليدهم وما إلى ذلك، وقد كونوا جمعيات نشطة ترفد تلك الأهداف بزخم ملموس في كافة المحافل الإقليمية مما أدى إلى صدام بينهم وبين الحكومات في تلك الدول كان أنصعها ما بين منطقة القبائل والسلطات في الجزائر. بالطبع لست في جانب أي من الفريقين وإيماني أن التشرذم والدعوة إليه فعل سلبي لكن هذا لايجب أن يتصادم مع حق أي قومية في إبراز ثقافتها وممارسة عاداتها وتقاليدها ، ولعلك أدرى مني بأن تلك الحالة الأمازيغية صورة مكرورة في عدد من البؤر الملتهبة تتناثر كالجمر على أطلس الجغرافيا لاتستثنى منها قارة. إنشالله الفيديو فتح معاك؟
Post: #42 Title: Re: بنات أودادن.. Author: الزاكى عبد الحميد Date: 04-22-2009, 12:36 PM Parent: #38
Quote: بأن تعترف رسميا بهويتهم وثقافتهم
جبهة البوليساريو هل تتحدث باسم كل الأمازيغ أم فقط أولئك الذين يسكنون في الصحراء المغربية/الجزائرية.. بصراحة أنا ما عارف.. لكين البوست نافذة مهمة جداً لتسليط بعض الضوء على هذه الإشكالية..
Quote: جبهة البوليساريو هل تتحدث باسم كل الأمازيغ أم فقط أولئك الذين يسكنون في الصحراء المغربية/الجزائرية..
عزيزنا الزاكي، مسألة البوليساريو (الجبهة الشعبية لتحرير الساقية الحمراء ووادي الذهب) تختلف عن مسألة الأمازيغ ، فالأولى أسست في منتصف السبعينيات من قبل شباب يساري في صحراء العيون بدعم من دول مجاورة لكن الموازنات تغيرت الآن. هؤلاء الناس السمحين يا زاكي لايختلفون كثيرا عن الموريتانيين وسكان جنوب المغرب ولهم لغة تسمى الحسانية والمقاتلين مع الجبهة يتواجدون في معسكرات تندوف جنوب غرب الجزائر وهذا ربما تسبب في التوتر المستمر بين المغرب والجزائر. الثوب السوداني يميز النساء الصحراويات ولهم غناء يشجي وحياتهم أقرب ما تكون إلى البدوية فما زال كثير منهم يعيش في الخيام ويحتفظ بالتراث الأصيل للأجداد.
الصورة ليست من مدرسة ودعشانا الإبتدائية بل من مناطق البوليساريو.
الطيب، لا علاقة لي بالطب لكن الموسيقى والغناء لايمكن بأي حال أن يتسببا في تقصير العمر ، والله يا الطيب مافي شي بيقصر العمر غير النكد والجدل في اليسوى والما يسوى ، ياخ الموسيقى تعيد ترتيب فوضى النفس وتنسق ذبذبات الخاطر وتخلق منك كائنا جميلا حتى لو كنت في شكل نتنياهو أو بوش، شوف هسه أول ما يُسعد الطفل الرضيع شنو وتعال قول لي. ما تجيب لي كوتيشنز وسايتيشنز تاني تؤيد كلامك لأنو بجيب ليك زيها ألف، كدي أسمع كلامي وجيب ليك سيدي فيهو صولو ساكس وأديني تقرير عن قياس الضغط والسكر وكلسترول الضمير. سمح؟*
حبيب نوره، شكرن كتيرن على الزيارن، إنشالله أكون بحق أسعدت يومك، لك بعض من الفن الأمازيغي الأصيل في الملاعب، اللاعب الأمازيغي الأصل زين الدين زيدان الفنان.
Quote: بوست أخذني إلى أغوار لم تسبر من قبل.. ( الفيديو ما فتح عندي ) لكن هذه الأبيات كافية لكي تجعل لساني يلهج بالثناء لك على عمق فكرتك من خلال هذا البوست..
طيب لو كان فتح عندك كان قلت شـــــــــنو ؟ منتظرينك لما يفتح.
يا سلام عليك يا كمال فقد شكوتني عند من لايظلم، على البربر بستحق الشكية يا كمال، (البربر) دي يا كمال كلمة كان بيقولوها الإغريق التغيانين زمان حتى لجيرانم الجرمانيين والسكسون ، كانوا فاكرين أي زول غيرُم أقل حضارة ، ورغم إني أعترف لهم بالحضارة الهيلينية الوطيده الوهيطه الجابت ( مريا) الغنى عليها صلاح أحمد إبراهيم ، لكن قسما عظما سياد الحضارة ناسنا في وجده وتطوان وطنجة ، الأمازيغ السمحين يا سيدي ولد سالم الجعفري ، سياد مدينة (بركان) نعم نارم حرَاقه، زمان كنت بسمع مقولة (صادف المكان أهله) وما عرفت معناها إلا في (بركان)، البلد شايل إسمو يا كمال. عارفك حاتقول لي بن باديس وبن نبي وسيرة الكفاح لكن ظني يا كمال الناس السمحين ديل رجالهم أسلموا الروح حبا وولها، عشان كدا عُرف الجزائر ببلد المليون شهيد ، فكل قتيل بينهن شهيد،
Quote: فلولا الصوره لحسبتهم من الأمهره ولحسبت المغنيه أستير يا سبحان الله ولك الشكر على ذلك فهم أبناء عمومه للكلدانين والآشوريين والكنعانين واليهود والعرب وكذا الأحباش وقول يا لطيف
إضافة إلى ما سبق هذا الكلام في مداخلة الأديب المنصور المفتاح ، اقول أنه أوفى في التعبير عما كنت أبتغيه في مداخلة سابقة في ذات المعنى ، على سبيل المثال يا المنصور تجد آلة (أم كيكي) مستخدمة بكثافة في الموسيقى الأمازيقية إلى جانب الطار والطبول ، الصوت والتركيب الموسيقي يجمع بين مصائب الإثيوبيين النويية ممثلة في صوت أستير أويكي وأغاني الوولو الشعبية الإثيوبية مع رقصة الإسكستا التي يلعب فيها الكتف الدور المحوري فيما أسماه بعضهم (الكشِف) بدارجة مستهلكة. ومعاك يا المنصور أردد : يا لطيف .
Post: #33 Title: Re: بنات أودادن.. Author: نوفل عبد الرحيم حسن Date: 04-21-2009, 08:49 PM Parent: #32
دا شنو دا الناس السمحين ديل ؟
الغناء ما فهمتو .. لكن ورم قلبي الشفتو
Post: #36 Title: Re: بنات أودادن.. Author: نادية عثمان Date: 04-22-2009, 00:17 AM Parent: #33
ياسلام ياخ !
الناس ديل أدروبات ولوفيين زي أدروبات شرقنا المليانين محنة وحب
ناس يتسمعوا بالإحساس قبل طبلة الأذن الوسطى ماتلتقط إيقاعهم المألوف والأليف شديد !!
ود المرتضى
الله يديك العافية يارب ومايحرمنا منك قول آآآمين
خارج النص :
سلم على بت طلحة وقول ليها جهزي القصائد وفتة الضأن أنا جاية سمح ؟ ( وش ضاحك خلقة الله )
Post: #37 Title: Re: بنات أودادن.. Author: محمد المرتضى حامد Date: 04-22-2009, 08:38 AM Parent: #36
Quote: الموسيقى والإيقاع متوحدة مع أهلنا في شمال دارفور.. وما يطلع لي واحد يقول دي صلبطة!!
يا عبد العزيز مافي أي (سلبطة) هذا ما أحسسته في كثير من أغاني أولئك الناس كما أشرت أعلاه، ولعلك قرأت ما كتبه حبيبنا السنوسي بدر وهو دارفوري من المناطق المجاوره لليبيا وتجري في عروقه دماء أمازيغية. بالطبع لا أعرف في علم الأجناس ولا الفن وأصول الموسيقى ولكني أنقل مشاهدات وحسب ولكن هنالك حقائق لاخلاف حولها ، أهو أصحاب الأصول الأطلسيه من الأعضاء في تزايد وبخلاف السنوسي يمكنك قراءة مداخلة الأديب كمال علي الزين التي أحسست منها وكأنه يكتب نيابة عني وسأعود لها تفصيلا. شكري يا عزيز,
Post: #39 Title: Re: بنات أودادن.. Author: محمد أحمد الخضر Date: 04-22-2009, 11:03 AM Parent: #37
فجوة الأجيال تقف حائلاً دون المزيد من التعليق !!
كفاني الأخ عبد المنعم خليفة مؤونة التعليق. لكن برضي بسمع وأعاين. دي فيها حاجة يا مرتضى؟! قال فجوة الأجيال قال؟!
Post: #40 Title: Re: بنات أودادن.. Author: الزاكى عبد الحميد Date: 04-22-2009, 11:39 AM Parent: #39
Quote: طيب لو كان فتح عندك كان قلت شـــــــــنو ؟ منتظرينك لما يفتح
أبو بكر يا ايها العزيز
فتح! وهنا للصمت حديث أبلغ.. وقد قال لقمان الحكيم "الصمت حُكْمُ وقليل فاعله!"
تعرف يا أبو بكر صاحبك دا بطلع ليه حاجات كدا ويفك الناس عكس الهوا.. مرتضى رفقاً بمن لا يستحملون كل هذا الجمال الحارق..
تحياتي
Post: #44 Title: Re: بنات أودادن.. Author: Ahmed al Qurashi Date: 04-22-2009, 06:51 PM Parent: #40
تعرف يا مرتضى هنالك علاقة ثقافية وثيقة بين المغرب العربي والسودان وخاصة السودان الغربي.... فلقد لاحظت الكثير من الكلمات العامية السودانية المتداولة في السودان تستعمل وبكثره في المغرب العربي ويتضح هذا بجلاء في كتابات الروائي المغربي الكبير محمد شكري صاحب الخبز الحافي ، ولقد ذكر الأستاذ الموسيقار إسماعيل عبدالمعين إن إيقاع التم تم قد يكون قد دخل السودان من المغرب العربي ، قبل أيام كنت أشاهد برنامج عن زواج الطوارق في إحدى القنوات الفضائية فلقد لاحظت أن لهم نفس طقوس الزواج السوداني .... فهنالك تداخل ثقافي من قديم الزمان بين تلك المناطق واغلب الهجرات العربية إلى غرب السودان كانت من المغرب العربي بعد انم تشبعت بثقافة المحليين من امازيق وطوارق .
حتى الان لم أوفق في مشاهدة الكليب . لكنني طُربت لطرب الآخرين
Post: #47 Title: Re: بنات أودادن.. Author: محمد عثمان محمود Date: 04-22-2009, 09:12 PM Parent: #45
الأخ مرتضى
لا شك يا عزيزي أن الثقافة العربية السودانية لها إرتباط وثيق وجذور ضاربة في أعماق الثقافة المغاربية، وهناك العديد من الدلائل التاريخية التي تشير إلى تفاصيل هذه العلاقة مثلما ذكر أخونا أحمد القرشي، فنحن عندما نرى أو نسمع المفردة الثقافية المغاربية جميعنا نشعر بأن هنالك إحساساً ما يربطنا بالمغاربة وبالثقافة المغاربية، ومع ذلك نجد أن السودانيين في معظمهم - وأنا منهم - لا يعايشون هذه الثقافة ولا يتابعون أخبارهاولا يجترونها مثلما يفعلون مثلاً مع ثقافة مصر المجاورة، وذلك بالرغم من الإختلاف الواضح في المفردات الثقافية وفي العادات والتقاليد بيننا وبين مصر، وكما هو واضح في ثقافات الأكل والشراب ومراسم الموت والفرح والغناء والرقص وغيرها. فلا بد يا مرتضى أن هناك أسباباً باعدت بيننا وبين هؤلاء القوم الرائعين، فهل من أمل في تدارك هذا القصور قبل فوات الأوان.
مودتي ايها الأروع
Post: #65 Title: Re: بنات أودادن.. Author: محمد المرتضى حامد Date: 04-25-2009, 07:12 AM Parent: #47
Quote: فنحن عندما نرى أو نسمع المفردة الثقافية المغاربية جميعنا نشعر بأن هنالك إحساساً ما يربطنا بالمغاربة وبالثقافة المغاربية،
محمد عثمان محمود ، ليس مجرد إحساس بل كثير منا له أصوله في تلك البقاع إلا أن جماعة (جدنا العباس) إختزلوا كل من نطق العربية في جهة المشرق العربي مما وجَّه الأنظار إلى جزيرة العرب وأصبحت بوصلات القلوب لاتتجه إلا شرقا وساعد في ذلك وجود القبلتين شرقا. بالطبع العامل الديني جعل من التواصل مع الشرق أكثر كثافة وبشكل مستمر ، فالحج والعمره ومؤخرا النفط والغاز والمنافع الأخرى كانوا من العوامل التي ربطت السودانيين بالمشرق العربي بشكل وثيق وكان ذلك خصما على تواصلهم مع المغرب العربي الذي لم يعد يذكره إلا بضعة آلاف تلقوا تعليمهم هناك بينما الملايين إما يعملون في المشرق أو تهفوا قلوبهم إليه وهذا هو تاريخ الهجرات وحركة الإنسان عبر التاريخ يرسمها البحث عن الرزق والعلم والأمن. محبتي .
أحمد القرشي، كتبت في إحدى مداخلاتي أعلاه بأني عندما أستمع لكثير من الموسيقى المغاربية كأنني أستمع لأغنية سودانية ، قديما أدهشتني كثيرا فرقة جيل جلاله المغربية ومنها رحت أتابع كل ماهو مغاربي سواء كان ذلك في المغرب أو الجزائر أو موريتانيا حتى ظهرت أغاني الراي المعروفة. إعجابنا بأغاني هؤلاء الأقوام ربما تجد له جذورا في ذكريات الطفولة والصبا بين أهلنا في كردفان ودارفور . لاأشك في أن الهجرات بين المغرب العربي ووسط وغرب أفريقيا تركت أثرها ثقافيا بين المناطق التي يتحرك فيها الأمازيق والطوارق ، ومن المصادفات أنني شاهدت ذات البرنامج الذي عرض للزواج عند الطوارق الذي حكيت عنه في مداخلتك. الناس ديل كلهم واحد يا عزيزي ولا أغالي إن قلت أن ثقافتهم مرت إلى اثيوبيا والقرن الأفريقي.. تسلم يا قرشي.
Post: #61 Title: Re: بنات أودادن.. Author: محمد المرتضى حامد Date: 04-24-2009, 11:36 AM Parent: #39
Quote: فجوة الأجيال تقف حائلاً دون المزيد من التعليق !!
أستاذنا ودالخدر، لا أرى (الفجوة) التي وردت على لسان أستاذي عبدالمنعم خليفه زعيم الشباب، فلا تركنن لكلمات يداري بها الألق الأخضر المستدام، الجمال يذوب بغير تواصل الأجيال ومعنى الجمال يمتد من خلق آدم وحتى الفردوس. يا سيدي ، شكرا ، في هذا البوست عصفت بنا الأشواق الخارجة من قمقم ألقاه بوجهي البحر هذه المرة. مودتي.
Post: #48 Title: Re: بنات أودادن.. Author: انعام عبد الحفيظ Date: 04-22-2009, 09:40 PM Parent: #37
العزيز محمد المرتضى جينا نسمع ونشوف ونستمتع ونقول ليك ربنا يديك من جمال الروح كمان وكمان عشان انت تجي وتمتعّنا بكل هذا الجمال
Post: #50 Title: Re: بنات أودادن.. Author: محمد الأمين موسى Date: 04-22-2009, 10:20 PM Parent: #48
أخي الأستاذ محمد المرتضى وضيوفه الكرام... ما بالك بمن عاش على مقربة من هذا الجمال المغربي 18 عاما دون انقطاع؟؟؟ حقا أن المغرب لكنز عامر بالحضارة والإبداع... بنات أودادن وعائشة تشينويت وفاطمة تحيحيت وغيرهن من الأمازيغيات المبدعات اللائي يسكن منطقة سوس التي تقع في الجنوب الأوسط للمملكة المغربية (أغادير وما جاورها) لا علاقة لهن بموريتانيا لا شكلا ولا مضمونا.. يسمونهم الشلوح.. الموسيقى خماسية ولكنها تختلف عن موسيقى الصحراء التي يرتوي منها سكان الصحراء المغربية وموريتانيا ومالي وغيرها... موسيقى راقصة ولحن حزين ينم عن نوستالجيا... وجسد يحمل ملامح آسيوية... صفاء في البشرة وصفاء في النفس... ورقص يشتغل على الصدر والأكتاف كما يفعل أهلنا الحبش والنغمة ومتشابهة معهم... التجارة تسري في عروقهم... وأمسكوا قوي في طارق جبريل يكمل ليكم الباقي... وإذا استطعتم أن تقحموا المبدع محجوب البيلي... فلكم المن والسلوى... وما أن يطل صلاح الأحمر فذاك هو الخلود!
Post: #51 Title: Re: بنات أودادن.. Author: الزاكى عبد الحميد Date: 04-23-2009, 07:35 AM Parent: #50
Quote: وأمسكوا قوي في طارق جبريل يكمل ليكم الباقي
يا ود الامتداد نحن في انتظارك بالله ياااااخ!
تحياتي للجميع
الزاكي
Post: #54 Title: Re: بنات أودادن.. Author: ibrahim kojan Date: 04-23-2009, 10:57 AM Parent: #51
i will come back after a cup of coffee from the same place
this is just to reserve my place as i am still at work
no arabic key board)
i think we have spoken about the marcs before and i had a memory of a conversation with the late tayeb salih
i will try to bring it back in this well composed topic with songs that can make the strongest man indure heart ache just as you
أخي د. محمد الأمين، 18 سنه؟ والله أمك داعيا ليك، ياخي سألتك بالله أن تكتب لنا عن حياة الشلوح لأن المراجع الإسفيرية ضنينة في ناحيتهم، كثيرا ما نعتقد بأنهم من نفس القماش الصحراوي والحسانية، أرجو أن يسمع هذا النداء ممن انتخبتهم لهذا العامل بصفتهم أساطين في الدروب المغاربية كطارق والبيلي وصلاح الأحمر وغيرهم. المغرب العربي بالفعل يزدحم بالجمال رأسيا وأفقيا وفي شتى الإتجاهات ويستحق أن يعرف عنه كل الناس لكن الدين على من نهلوا منه أثناء سنوات الطلب ، وهم كثر في هذا المنبر. شكري يا محمد وننتظر منك ومن صحابك. 18 سنه؟
Post: #66 Title: Re: بنات أودادن.. Author: محمد المرتضى حامد Date: 04-25-2009, 09:31 AM Parent: #48
Quote: جينا نسمع ونشوف ونستمتع
شرفتي يا إنعام، حقيقة الناس ديل صوت وصورة. شوفي الأناقة الأمازيغية المغربية، تسلمي.
مولانا أبوبكر أبوالقاسم ، (الحَتِل) تفرضه الظروف وأنت أدرى بها ومتابعة بوست مفرد مسألة تحتاج لوقت لايتوفر في ظروف العمل العادية بل يتعارض معها تماما ، لذا ننتهز فرصة يقل فيها الضغط لمناداة أقلام الأعضاء للمشاركة في مثل هذا العمل. أتمنى على الأحباب الذين كانت لهم إقامة طويلة في المغرب العربي أن يمتعونا كما وعد د. محمد الأمين موسى وأخي طارق جبريل وغيره وألا يضنوا علينا بما في ذخيرتهم. محبتي يا أبابكر.
Post: #59 Title: Re: بنات أودادن.. Author: سيف الدولة كامل Date: 04-23-2009, 11:10 PM Parent: #57
يا سلالالالالالالالالالالالالالالالالالالالالالالالام يا ود المرتضي ... والله فن راقي
متعتنا سمع وشوف والله الواحد شعر بالغني جوووه عضامه ......
الناس ديل مننا وفينا متل اصحاب ود شيقوق
واصل ابداع وربنا يديك العافية
سيف الدولة كامل
نيويورك
Post: #60 Title: Re: بنات أودادن.. Author: محمد المرتضى حامد Date: 04-24-2009, 07:44 AM Parent: #59
Quote: سلم على بت طلحة وقول ليها جهزي القصائد وفتة الضأن أنا جاية سمح ؟ ( وش ضاحك خلقة الله )
ناديه، عايني، بت طلحه قصايدا جاهزات طبِع ونار فتة الضان ما بتنطفي في بيت الزبير العامر ، لكن قصة (جايه) دي عندنا هنا بقت مكروره زي هجم النمر ، وبنقول عليها زعم الفرزدق وفي رواية أخرى (وعد عرقوب) ، دا إنذار مدتو أسبوع وإلا فالنتائج وخيمة ، زي مابقولوا الأمريكان . سمح؟
____
عارفه يا ناديه يبدو لي ودالرضي كتب (ينوحن لي حماماتن) في بنات أودادن ، كدي شوفي أبيات القصيده
طارق جبريل، ولم البخل والإحتكار، ما سمعت بفضل الزاد؟ تعال إدفّق هنا ، المغرب العربي ملهِم بحق فادنُ مني وخذ إليك (كلامي) كما قال جورج جرداق أو قَرِّب تعال ما تبتعد زي ما غنى محمد الأمين. تسلم يا عزيز.
Post: #64 Title: Re: بنات أودادن.. Author: محمد على طه الملك Date: 04-24-2009, 10:42 PM Parent: #63
إيييييييه يا مولاي .. عندما تقام السرادق .. ويدمع الناي .. ويصطف الحسان كعقد من لؤلؤ منضود.. مرنحات الأعطاف مهضومات الحشى مائسات القد ( كما وصفهن عنترة ).. تتسور حناجر الرجال أعناقهم وتهرج طربا.. بعدها .. تهجع الأنفس بما طاواها من عشق مقيم.. فينسرب خيط زئبقي يشيء بتراث مشترك.. يمتدَ من مغارب امازيقية الإيقاع الي مشارق بُنتية* اللحن والحنيين.. وما بينهما من هوى وهوية لا ينضب معينهما..
Quote: عندما تقام السرادق .. ويدمع الناي .. ويصطف الحسان كعقد من لؤلؤ منضود.. مرنحات الأعطاف مهضومات الحشى مائسات القد ( كما وصفهن عنترة ).. تتسور حناجر الرجال أعناقهم وتهرج طربا.. بعدها .. تهجع الأنفس بما طاواها من عشق مقيم.. فينسرب خيط زئبقي يشيء بتراث مشترك.. يمتدَ من مغارب امازيقية الإيقاع الي مشارق بُنتية* اللحن والحنيين.. وما بينهما من هوى وهوية لا ينضب معينهما..
الف حمد الله على السلامة .
ويا اخي افتقدناك وافتقدنا دررك ولآليك يا زعيم
كتر علينا الطلة والبركة في بنات اودادن الطلعنك من عرينك
العزيز المبدع دوما / محمد المرتضى للمغرب سحر خاص من العيون الى اقصى الشمال في تطوان وسبتة ومليلية واخص ما في هذا السحر بنات المغرب وعيون بنات المغرب ثم جمال الجمال في المغرب ان الطبيعة تزدان عندما تصل الى مغرب الشمس ان الشمس بالفعل تغرب في ساحل الرباط في عين حمئة كما وجدها ذوالقرنين وهي تنزوي في اعماق الاطلسي كاسية اياه بلون التبر الاصيل جمال بنات المغرب يثير في اعماق النفس دندنة برائعة يزيد بن معاوية وامطـــــرت لؤلؤا من نرجس وهاكم اياها وتخيلوا الروعة
Post: #84 Title: Re: بنات أودادن.. Author: محمد المرتضى حامد Date: 04-27-2009, 05:51 AM Parent: #68
Quote: للمغرب سحر خاص من العيون الى اقصى الشمال في تطوان وسبتة ومليلية واخص ما في هذا السحر بنات المغرب وعيون بنات المغرب ثم جمال الجمال في المغرب
ما قاله أخي وصديقي (عبدالله) ، سأبقى قليلا مع (جمال الجمال) وأتمعن العبارة ريثما أعود لعبدالله على مهل.
Post: #85 Title: Re: بنات أودادن.. Author: محمد المرتضى حامد Date: 04-27-2009, 09:25 AM Parent: #68
Quote: ان الشمس بالفعل تغرب في ساحل الرباط في عين حمئة كما وجدها ذوالقرنين وهي تنزوي في اعماق الاطلسي كاسية اياه بلون التبر الاصيل جمال بنات المغرب يثير في اعماق النفس دندنة برائعة يزيد بن معاوية وامطـــــرت لؤلؤا من نرجس
عبدالله ، قرأت أشعارا أمازيغية ترجمت إلى العربية ولكني أظن أن قصيدة يزيد لا يعلى عليها ولا رديف لها في الأمازيغية لكنها قطعا تشبه الأمازيغيات ، الله يطراك بالخير يا كابلي.. المعاني الواردة في الشعر الأمازيغي المترجم تجعلنا نتحسر أننا لا نعرف تلك اللغة التي تكاد تشبه حروفها اللغة الفرعونية وقيل أنها تداخلت معها ومع العربية وربما الآفروآسيوية وهذا حديث يفتي فيه أهل اللسانيات، المهم في الأمر يا مولاي نحن لاتعوزنا 33 حرفا أمازيغية كيما نفهم لغة الجمال وجمال الجمال الذي أشرت له ، وأنا لم أفهم كلمة واحدة من الأغنية أعلاه ولكن قلبي وجهازي العصبي المركزي عرف من اللمحة الأولى كل شئ ، السماحه يا عبدالله لغة كونية ، الموسيقى كوجه من أوجه السماحة تشجينا حتى لو جاءت من مجرة في تجمُّع العذراء أو ال Virgo Cluster . ما أسهل اللغات وما أصعب الإنسان.
كان ظهور مجموعة اودادن في بداية الثمانينات إشارة واضحة على ظهور جيل جديد , فقد اعتمدت اودادن على موسيقى الإيقاع السريع وعلى المواضيع الشعرية الغزلية المستمدة من تراث الروايس خاصة الرايس سعيد اشتوك, الذي ظهر تأثيره الواضح على المجموعة.
تمكنت أغاني اودادن من النفاذ إلى قلوب الجمهور الواسع من مختلف الفئات خاصة فئة النساء, كما استطاعت اودادن ان تراكم رصيدا غنائيا مهما بفضل انتظام إنتاجها إلى الآن.
هناك من الباحثين من أعطى تصنيفا أخر للمجموعات الغنائية لا يختلف مضمونا عما سردناه, فقد تم تصنيفها من طرف البعض إلى: - هناك المجموعات الأكاديمية (اوسمان ) - المجموعات الأدبية ( أرشاش ) - المجموعات الانتقادية ( ازنزارن ) - المجموعات الغزلية ( اودادن )
كما أن هناك تصنيف آخر يعتمد على معيار التأثير:
- مدرسة الحاج بلعيد ( اوسمان – ازنزارن...) - مدرسة بوبكر أنشاد ( أرشاش... ) - مدرسة سعيد اشتوك ( اودادن... )
و في قراءتنا هذه لا يجب إغفال ثلة من المجموعات الأخرى التي ما زالت تحمل المشعل الغنائي الامازيغي , فمن مدرسة اسمان نستطيع أن نصنف مجموعات ماسينيسا ويوبا و امارك فيزيون ومن مدرسة ازنزارن نذكر ءيكيدار,اسوفا,ايتماتن,وتودرت.
ومن مدرسة أرشاش نجد ابركاك,ازاليون,اينمالن. ومن مدرسة اودادن نعرج على انرزاف, ايت العاتي, وامغران.
وفي الأخير أود التذكير بمقولة الباحث الفرنسي في الموسيقى الامازيغية "كلود ليفيبير" حيث جاء في سياق حديثه عن المجموعات الامازيغية العصرية في المغرب: ..فبالإضافة إلى الأضواء الرعدية اوسمان هناك خيوط الشمس ازنزارن,لتنضاف فرقة أرشاش إلى الزخة في مبارزة و تناقض,وفي نفس الوقت نوع من التكامل لان النبات في حاجة إلى جميع تلك العناصر المناخية لينمو و يخضر...
Quote: نجي نضَّهَب .. يا شيخ مرتضى .. what else we can do !!
والله يا هميم مافي شيتن مزعلني غير غيابك من المنبر، إنت ما بتضهب يا حامل الأختام ، تعرف يا هميم ، السياحة في عوالم الشعوب الأخرى شئ يسعد بحق وحقيق ، لهذا السبب كانت منتجات التوعية التوثيقية عن الشعوب وأحوالهم من كتب ووثائق وافلام ، كما تفعل ناشونال جوقرافي ، تجد لها رواجا بين البشر على اختلاف سحنهم وألسنتهم ، وما زلنا ، رغم تقدم السن ، ننبهر بالبرامج العلمية والجغرافية عندما تعرضها أجهزة التلفاز. بالله ما تطوِّل الغيبة كما تغني هيام يونس. الأمازيغ الطوارق وصلوا حتى مالي.
Quote: إيييييييه يا مولاي .. عندما تقام السرادق .. ويدمع الناي .. ويصطف الحسان كعقد من لؤلؤ منضود.. مرنحات الأعطاف مهضومات الحشى مائسات القد ( كما وصفهن عنترة ).. تتسور حناجر الرجال أعناقهم وتهرج طربا.. بعدها .. تهجع الأنفس بما طاواها من عشق مقيم.. فينسرب خيط زئبقي يشيء بتراث مشترك.. يمتدَ من مغارب امازيقية الإيقاع الي مشارق بُنتية* اللحن والحنيين.. وما بينهما من هوى وهوية لا ينضب معينهما..
وتاني يا مولاي إيييهِِ. والله يا ود الملك كلامك دا لو حاولت أعقب عليهو بحرف أستحق الحجر للسفه والغفلة والطيش البيِّن ، رغم الهوى الجامح، يا سيدي لا تعقيب. سلم الخاطر واليراع.
Quote: متعتنا سمع وشوف والله الواحد شعر بالغني جوووه عضامه ......
شكرا يا سيف الدوله، عساك تكون مرتاح في بلد أوباما ولعلها أحسن وجها بعدما ترك بيتها الأبيض سيئ الذكر بوش، أهلنا السمحين ديل بالحيل غناهم بيدخل في العُضام وريدتم تاني ما بتطلع، أدام المولى عليك إدمانهم والعافية. تسلم يا عزيز.
Post: #83 Title: Re: بنات أودادن.. Author: محمد على طه الملك Date: 04-26-2009, 09:50 PM Parent: #80
مهلا مولاي.. الفضل لك من قبل ومن بعد.. من قبل .. حين حدفَ يراعك الثمل بالإبداع.. تواشيح أرخت حبال صبري.. فغاصت جوانحي بلا استئذان .. تبترد بماء ورد دحته حياضهن..
ومن بعد.. وأنت تغرقني بعرفان جزيل.. فلك الشكر من قبل ومن بعد.
Post: #86 Title: Re: بنات أودادن.. Author: بابكر عثمان مكي Date: 04-27-2009, 09:45 AM Parent: #83
الاخ الفاضل الشفيف محمد المرتضي ..
لهن نفس التضاريس الكمشتاوية ..
ذلك الهجين الايطالي الافريقي
لبنات اسمرا في شارع كمشتات
اللاتي يشبهن لون الشفق
نسيت فلبي ذات مرة معلقا مابين هدب اسود وجفن داكن ومضيت
........
المشكلة انو ام العيال جات لقتني مقهي في بنات ودادن
Quote: نسيت فلبي ذات مرة معلقا مابين هدب اسود وجفن داكن ومضيت
بابكر زيكو، لن ترجع، هكذا تقول قراءة كفك، تلك العيون والجفون كالبقع السوداء في الفضاء ، يقال أن من تبتلعه يذهب إلى (كون ) آخر ، نهنئك بالرحلة إلى هناك.
Quote: المشكلة انو ام العيال جات لقتني مقهي في بنات ودادن
عند لحظة اشاحة شعر اشقر بملامح رقصة نوبية
قالت لي الظاهر لسة فيك بواقي جهل يابو العيال
صدقني ، هناك من اتصل بي هاتفيا وقال لي مالم يقله هنا ، ياخ أنت رجل شجاع ، ونحمد الله أن حالتك انتهت بالتقريع ووصفك بأن فيك بعض (جهل) أو (جاهلية). تهانينا على التقريع ووسام الجهل ونوط الجاهلية ونيشان الشجاعة. ألم ترد عليها بمقولة أهلنا : شوف العين ما بكتل غزال؟
Post: #90 Title: Re: بنات أودادن.. Author: محمد المرتضى حامد Date: 04-28-2009, 10:25 AM Parent: #83
مولاي محمد علي، إن كانت القوارير افتتن بهن و (ببياض الطُُلى وورد الخدود) ونسجن على نول المتنبي قولا يماثل (راميات باسهم ريشها الهدب تشق القلوب قبل الجلود) شوف كلام ناديه فوق ، فما تراني قائل؟ عليك الله يا مولانا مش الزول الفارس دا ذاتو صدق حين قال عنهن أنهن (جمعت بين جسم أحمد والسقم وبين الجفون والتسهيد)؟
جميل يا بهاء هذا الرسم ، ستبقى أفئدتنا مضمار الخيول الجميلة ، حينها ما أسعد الشرايين بالصهيل. هؤلاء قوم قُدُّوا من صلصال معجون بالشهد فكانوا كما ترى ، ربنا يحفظكم هناك في البعيد. طفلة باللباس الأمازيغي الشعبي
Post: #91 Title: Re: بنات أودادن.. Author: د.محمد حسن Date: 04-28-2009, 10:36 AM Parent: #89
الحبيب شاهنا
قوقلني وتمزغ
Post: #92 Title: Re: بنات أودادن.. Author: الزاكى عبد الحميد Date: 04-28-2009, 11:28 AM Parent: #91
Quote: ما أسعد الشرايين بالصهيل
أو هكذا يستعذب الالتياع...
وصف كأنه مقطع شعر طليّ.. ما أروعك يا من تشكل من صلصال الحرف كلاماَ كان تسريةً للهم أينما كان ويكون..
Quote: السياحة في عوالم الشعوب الأخرى شئ يسعد بحق وحقيق
الحق ما تقول عزيزنا المرتضى والحق جل وعلا يقول : (وجعلناكم شعوباً وقبائل لتعارفو) صدق الله العظيم تغيبي عن المنبر كان بسبب تغيُر المنبر المحزون نفسه البركة فيك وأمثالك ممن يحملون إلينا الجمال ويحملوننا على العودة سلمت يا مرتضى وافر تحياتي ولزوارك الكرام
والله يا زاكي دا كلام سمح ، ناسنا ديل جمالم ملتبل، صوت وصوره وبهجة ألوان وعذوبة الحان، قوس قزح ( في معالق الجوف موسو مجلوخه)، ناس زي ما قالوا : ينسّوك الفرض والنافله ، الله يجازي عماد، أستغفر الله. تسلم.
Post: #95 Title: Re: بنات أودادن.. Author: محمد المرتضى حامد Date: 04-29-2009, 08:35 AM Parent: #91
د. محمد حسن، بقيت تكتب كلمتين وتمشي، ياخ قوقل دا ذاتو جيب لينا منو (تمزغ)، التقنية سهلت علينا المراجع بالله أكتب وانسى الكهربا لأنك أصبحت فيها كمن ينتظر (جودو). تسلم يا أبا (البنات).
طبعا يا مرتضي الحروف دي يحمد للمراه الامازيغيه حفظها من الاندثار ... وعمرها تقريبا بعمر حضارة الفراعنه ...
ومن الشخصيات الامازيغيه: طارق بن زياد وابن بطوطه والقديس اقسطين والبابا ميلتيدس وعبدالكريم الخطابي وزين الدين زيدان ومانو دياك بتاع رالي باريس - داكار الشهير وغيرهم...
يا سلام يا سنوسي، هذا أداء وحضور بحق بديع، لولا أن العمل أمازيغي بحت لاعتقد المشاهد أنها سهرة مجودة لفنان من الشرق مع جمال سوداني خالص سيما أن الثوب السوداني وحده هو السائد تتدثر به الغيد الحسان ، الرقص ايضا لايختلف عن أي أداء من وسط السودان وقلب الخرطوم. السماحه هي العنصر الثابت في كل أعمال أولئك الناس . يا سلام ياخ.
Post: #103 Title: Re: بنات أودادن.. Author: محمد المرتضى حامد Date: 05-03-2009, 10:30 AM Parent: #102
Quote: ياخي خاف الله فينا . البنات سمحات حرم الليل كلو .. اشغل في اليوتيوب الجميل دة الحكاية شنو جمال جمال مبالغة يازول حردنا نسوانا
باسط المكي، ياخي بناتنا لهن جميلهن الخاص بهن وال (حرد) ما معانا. وددت إلقاء الضوء على نماذج جميلة وهي أقرب إلينا من حبل الوتين من حيث الثقافة والجغرافيا والمصاهرة إلا أننا لانمد لها جسور تصلنا بها مكتفين بشعوب لها صوت عالِ وإعلام واقتصاد يصفع مسامعنا وجيوبنا صباح مساء. الفن الأمازيغي أقرب إلينا من كل الفنون التي تقتحم حواسنا على مدار اليوم أو هكذا أحسها. بالله شوف الرابط اللي جابو السنوسي أعلاه. محبتي يا ود المكي.
Post: #104 Title: Re: بنات أودادن.. Author: Ahmed al Qurashi Date: 05-03-2009, 09:09 PM Parent: #101
يا مرتضى الصورة دى ذكرتنى صلاح احمد ابراهيم وقصيدته مريا عندما يقول....
وجعلت الشعر كالشلال بعض يلزم البعض الكتف وبعض يتبعثر
Quote: وجعلت الشعر كالشلال بعض يلزم البعض الكتف وبعض يتبعثر
وهو الذي قال عنه نزار (الشعر الغجري المجنون يسافر في كل الدنيا) سفر يا أحمد.
Post: #105 Title: Re: بنات أودادن.. Author: صلاح الأحمر Date: 05-06-2009, 03:52 AM Parent: #99
Quote: طارق جبريل، ولم البخل والإحتكار، ما سمعت بفضل الزاد؟
(أودادن) تعني (الوحش)
ياود المرتضى يديك العافية،، بوست زوين بزاف،،
شكرا لدكتور محمد اللمين موسى على حسن الظن، سلام للجميع عرب وشلوح وغيرهم.
Post: #107 Title: Re: بنات أودادن.. Author: محمد المرتضى حامد Date: 05-07-2009, 10:40 AM Parent: #105
صلاح الأحمر،
Quote: (أودادن) تعني (الوحش)
يا سلام على الوحوش يا صلاح، بعدين ياخ نعمل ليك نداء ومن معك من المغاربيين حتى بحَّ الماوس والكيبورد وحتى تناثر في الأسافير صدى صيحتي وبرضو تقول لي وحش وتمشي. شكري ظاهر يا صلاح.
Post: #108 Title: Re: بنات أودادن.. Author: صلاح الأحمر Date: 05-08-2009, 08:18 AM Parent: #107
الشكر لكل من شارك في هذا البوست قراءة أوكتابة، سيذهب هذا البوست - إن شاء الله ورضي بكري - إلى مثواه الأخير بالمكتبة. رغم حقيقة أن بنات أودادن الينوحن لي حمامتن ما بنفاتن لكنه حال الدنيا ولاشئ في الأزل فاتن.، التحية والمودة للجميع.
Post: #113 Title: Re: بنات أودادن.. Author: كمال علي الزين Date: 06-25-2009, 07:45 AM Parent: #99
