Post: #1 Title: الحب في المنبر Author: محمد المرتضى حامد Date: 03-21-2007, 10:37 PM Parent: #0
في انحسار
ولأن المنبر ، وفقا لشكوى عدد غير قليل من القراء والأعضاء ، يعاني منذ فترة ليست بالقصيرة من التهابات سياسية فشلت معها كل أنواع المضادات المجرّبة مصحوبة بحالة سيولة لغوية أفرزت حالة جفاف لم تُجد معها المحاليل الوريدية التى تفنن في ضخها نفر كريم من قبيلة الإبداع بالمنبر، وربما لايحتاج الأمر الى فحص مجهري لمعرفة نوع الكائنات الدقيقة التي تسببت في هذا الوضع غير الصحي وعلى رأسها بكتريا التناحر ومواد مسرطنة من مشتقات العبارات غير المريحة التي أصبحت كأقراص الكينين في مرارتها تتناولها العيون قسرا عند اللزوم وبلا لزوم ، ولا أريد حشد قائمة بنماذج من تلك العبارات التي لايخلو منها عنوان أو موضوع هذه الأيام . في ظل هذا الجو الخانق انحسر مد الحب وتوارت متفرعاته وكأنما نسي الخلق مفردات العشق والريده وماجاورها وآخاها ورادفها في قاموس الغرام والوله , (الله ياطوق النجاة وملجأ المعنى المهوم والفؤاد التائه الأضلاع زاوية الوجيب).
الحب أساس كي نبقى أحياء ، و من يدعي أنه متفرغ لقضية ( تزوجها ) وأطل علينا بوجه مكفهر نكاد نلمس أحافيره شاهرا سيفه قبل قلمه يجهل بأننا نحبه ويجهل أيضا أن من لايعشق ويذرف الدمع في محراب الحبيب ، أيا كان ذلك الحبيب ، عليه مراجعة دفتر أحوال فؤاده وحالة المناخ في شريانه التاجي. من لايحب الإنسان لايحب الأرض فالوطن هو الإنسان والأرض وبضع مقابر (أُناس في أرض) وإرشيف ذكريات . لايأتيني أحد بمقولة نزار (وطني حيث أجد أمني) ، لاتسمعوا له فقد قالها وهو يعاني آثار فجيعة خلّفها رحيل بلقيس يوم قال كانت أجمل النخلات في أرض العراق ، فهلا أنتم منصتون؟ (عجبا يقول الناس إنك هاجري).
صدقوني إن عدد القصائد هنا لاتكفي لتنفس عاشق واحد كتمبس ، والكلمات الورود والتعابير الأزاهير أصبحت في السوق السوداء وتوارى الزارعون سوى بعض الشاهقين المرابطون في الحدائق يوالون أشجاننا واللواعج بالرعاية والسقيا . ضمرت وذبلت أحاديث البراءة وفي ناصية أخرى يكابد أحباب ، رغم الظروف ، لرش الأرض اليباب بأغان مكتوبة ومسموعة في سفر يحفظ لنا تأريخ (الريدة والحزن) عند الأجداد لينبت من كل زوج بهيج ، فهل نحن على حافة جرف يكاد ينهار أم أنه زمن التحاريق. لا أطلب الكثير فقط دعوا لنا لقاء ألف حجّاج زرياب واحد ومقابل مائة نيرون نيرودا حتى يستقيم ميزان دواخلنا فى زمن الماراثون المهلك هذا .
جودوا علينا بالأغنيات الصحاح وبالتراحم واللوحات الناطقات والموسيقى وبالتآلف والتلاوين والأشعار والمودة والقصص القصيرة والروايات الطويلة والتسامح فأيامنا بينكم معدودات ، أنثروا العطور لننام على وسادة من الياسمين ونتدثر أوركيدا لايبلى في أمان لايزول قبل ان يأتينا (مغرب العمر واخفاق الشعاع) . أصلحوا رئاتنا واغسلوا شراييننا درءا للتجلط والتخثُّر والأنسداد... بالله عليكم ..
وسادة: كانت ذراعاك لرأسي مرقدا
Post: #2 Title: Re: الحب في المنبر Author: tmbis Date: 03-21-2007, 10:47 PM Parent: #1
خطــوة اولى .. للحب في زمــان الكوليرا .. لكــل ( الليالي ) .. وكانت هي ..
Post: #3 Title: Re: الحب في المنبر Author: Ahmed al Qurashi Date: 03-21-2007, 11:04 PM Parent: #2
عجبا يقول الناس إنك هاجرى وأنا الذى ذوّبت فيك مشاعرى سبّحت باسمك والشجون سوامرى حتى بكى قلبى .. بدمع محاجرى
***************** قل لى بربك ، كيف تنسى الموعدا؟ والليل أحلام ... وشوق غرّدا والجدول الهيمان ..حولنا عربدا كانت ذراعاك ... لرأسى مرقدا عجبا أتنساها وتنسى المشهدا ************** أنسيت أنك فى شعورى وفى دمى؟ مهما بعدت ... وزاد منك تألمى سأعيش بعدك ... راهبا فى مأتمى وتعيش أبدا .. ذكرياتك فى فمى ما دام حبّك ياحياتى ملهمى
جميل ومبدع انت يا حسين بازرعة فعلا انها اسم على مسمى (صبابة).
Post: #4 Title: Re: الحب في المنبر Author: شهاب الفاتح عثمان Date: 03-21-2007, 11:24 PM Parent: #3
الحب أساس كي نبقى أحياء
Post: #9 Title: Re: الحب في المنبر Author: محمد المرتضى حامد Date: 03-22-2007, 01:20 PM Parent: #4
د. شهاب الفنان أنت ممن يلونون هذا المنبر بكل جميل هذه ليست مجاملة علاقات عامة وإنما كلمة حق ياعزيز لها دليل مادي مشهود يرسيها. لك مودتي.
Post: #13 Title: Re: الحب في المنبر Author: محمد المرتضى حامد Date: 03-22-2007, 02:00 PM Parent: #3
أحمد القرشي أمين عام اتحاد عمال النظافة بالمنبر . حُرّاسك يا أحمد الحيا والفضيلة وحارس أنت للحب والحقيبه. تعرف يا أحمد عندما نُحِبُ و نُحَبُ نحس أننا مدرعين وفي أمان. تتذكر الحصن الحصين؟
_____
سبّحت باسمك والشجون سوامري. ياسلام
Post: #7 Title: Re: الحب في المنبر Author: محمد المرتضى حامد Date: 03-22-2007, 12:09 PM Parent: #2
تمبس
كيفك ياخ
ياسلام ياعلاء ،
بجيك تاني
Post: #392 Title: Re: الحب في المنبر Author: علاء الدين حيموره Date: 07-14-2007, 10:19 AM Parent: #2
فوق
Post: #403 Title: Re: الحب في المنبر Author: محمد المرتضى حامد Date: 07-17-2007, 11:16 PM Parent: #392
علاء ، آخر من حفل بهم المنبر من آل حيموره، ياخ أنا مبسوط لحضورك فأكثرت البحث عن مداخلتك التي وجدتها في الصفحة الأولى. (عشرون عاما يا كتاب الهوى ومازلت في الصفحة الأولى). شكري أن رفعت لواء الهوى ( من الصفحة الأولى).
Post: #5 Title: Re: الحب في المنبر Author: معاوية كرفس Date: 03-21-2007, 11:25 PM Parent: #1
.
أقول منو أنا هسع:
أستاذي ولا عزيزي ولا أخي
محمد المرتضي حامد
نحن علي حافة _ جرفٍ هار
هو فضل لينا زمن للحب
ولا للخاص زاتو
أنا لأني بحبك شديد
عايز أحكي ليك قصتي
لكن ما عارف كيف
إحتمال تلقاها في المسنجر
و لا إيميلك و لا البوستة
المهم حأسعي ..
ودي الشديد م.كرفس
Post: #15 Title: Re: الحب في المنبر Author: محمد المرتضى حامد Date: 03-22-2007, 02:18 PM Parent: #5
Quote: أقول منو أنا هسع:
أستاذي ولا عزيزي ولا أخي
محمد المرتضي حامد
نحن علي حافة _ جرفٍ هار
هو فضل لينا زمن للحب
ولا للخاص زاتو
أنا لأني بحبك شديد
عايز أحكي ليك قصتي
لكن ما عارف كيف
إحتمال تلقاها في المسنجر
و لا إيميلك و لا البوستة
المهم حأسعي ..
ودي الشديد م.كرفس
معاويه الحبيب
قول لي يا مرتضى ولو أردفتها ب عزيزي ستدخل شبكة أعصابي دون المرور بخلايا الحراسة الغريزية فيّ جِلدي وتبدأ من هناك. تعال احكي لي قصتك.. هي في ظني ، وليس كل الظن إثم ، قصتي . معاويه ، عرفتك قبل ما أشوفك ، زي ماقال وداللمين بكلمات أخرى ، عندما أوجعك حال غاده فما سكنت وما أخذتك سِنة ولانوم حتى أنجزت وعدك والباقي على الله ، يا جبّار الكسور.
برجاك.
Post: #6 Title: Re: الحب في المنبر Author: 3mk-Tango Date: 03-21-2007, 11:38 PM Parent: #1
زهرة اخري في الربيع ...
معطره يا اخي محمد المرتضي ..
احترامي ..
Post: #8 Title: Re: الحب في المنبر Author: الطيب شيقوق Date: 03-22-2007, 12:25 PM Parent: #6
اخي المرتضى
حيثما سما الآدب كان فنا صادقا في توجيه المجتمع نحو الخير والحق والجمال، وقد تنعكس الصورة وتنقلب حين يصبح الادب تعبيرا عن عواطف مريضة وامزجة منحرفة وعندئذ سيولد الرذيلة وميولا لمقارفة الانحراف وارتكاب الموبقات .
لما لا نحكي عن الجمال وعن الحب وعن التالف :
لله در شاعرنا صديق مدثر حين قال :
عاد الحبيب فعادت روحى وعاد شبابى ياشوق مالك ؟ دعنى أما كفاك عذابى؟ لقد شربت دموعى اما سئمت شرابى؟ ***** عاد الحبيب فعادت إلىَّ أحلى الليالى ذكراه تقدح ناراً ووجده فى إشتعال رويته بدموعى وصنته بخلالى وماظفرت بوصل ولاانا عنه لاهى ***** عاد الحبيب فأهدى لكل قلب سلام أهدى العيون بريقاً أهدى الثغور إبتساما فكيف ينسى فؤاداً أهدى إليه الغرام وكيف ينسى محباً أمسى يذوب هياماً ***** زدنى صدوداً فإنى عشقت دنيا عذابى وأرحم سواى فقلبى راهب المحراب إن زادك الحسن تيهاً فاسأل طيور الروابى سلها تجبك بأنى بثثتها كل مابى قد صاغت الوجد لحناً ووقعته ببابى
عميق مودتي
Post: #10 Title: Re: الحب في المنبر Author: Mustafa Mahmoud Date: 03-22-2007, 01:24 PM Parent: #8
dear brother
salaam
i have been putting beautiful songs as videos and beautiful poems in this site for three months
i have not yet seen there in any post i hope you join soon
love and respect
dr mustafa
Post: #32 Title: Re: الحب في المنبر Author: محمد المرتضى حامد Date: 03-23-2007, 00:21 AM Parent: #10
عزيزي د. مصطفى محمود لأنك ترنو ل (مظفر) أحييك و
(أرسل اليك حين ينام الناس سلامي)
ولأنك تتهجد في محراب نزار أهديك من عزالدين هلالي منسوج على منوال نزار:
(يا من خُيِّرتِ شقا عمري من كل حكايات نزار عاديت الموت على صدري واخترتِ كل دفاتر أشعاري
يامن خيّرتُكِ واخترتِ ماضر ان اخترتِ خياري
العمر طريق نمضيه ونمر سراعا للدار
أبغير غرام نقضيه؟ فإذا ماجدوى الأشعار؟
أوَ نقضي الرحلة في التِّيه؟ وبغير حديث السمار؟
أوَ يجدي الشعر بما فيه؟ ولقاك بُعيد الأنظار؟
وبعيدا عنك شقا عمري وبعيدا عنك لظى ناري؟
إني خيرتك لي دارا فلماذا جافيتِ دياري؟
شوقا خيرتك لي جارا فلماذا خاصمت جواري؟
شيخا عمّدتُكِ ومزارا فلماذا عاديت مزاري؟
حُبا خلدتك أشعارا فلماذا تُكسَرُ غيثاري؟
عشقا خيرتك مشوارا وجميل جدا مشواري
لاأرضى الجنة في المنفى وبقربك أرضى بالنار
فرحيلك عني يا قدري ولعمري أقسى أقداري
"إني خيّرتك فاختاري" يا أحلى أحلى أسراري
"لاتوجد منطقة وسطى مابين الجنة والنار" _
تعرف يا المصطفى أخوي مع اللهاث المستمر وراء طَرَقة الكِسره والوفاء بقوائم الخضار والتعازي والمشيه للحليب ومعاودة المرض وعيادة المريض ببقى صعب الزول يفتش في النت ده كتير ، شان كده فاتتني بوستات الغنا اللي فرّحت بيها المنبر. أتمنى يا عزيز تجيب لي روابطا وبرابط فيها كان حييت. شكرا أن شرّفتني بكلامك وزيارتك
Post: #31 Title: Re: الحب في المنبر Author: محمد المرتضى حامد Date: 03-22-2007, 10:35 PM Parent: #8
الشقيق شيقوق حبيب الشعب. (تتراكم الأوجاع حين يظل عري الليل تاجا للضحى المهزوم، باب للنهار هانحن عدنا للمحطات العتاق نمد أيدينا ونهتف للقطار عد بعد عام نفتح ال(...) للسقيا ونرتشف البحار لنحس أن طوابق الرؤياتجر ظلالها الخضراء، تنبض في العروق لنحس أن التوق للميلاد عبر مراكض السحب الأصيلة والبروق عد بعد عام تبرد الحمى وتلتئم الحروق ) سند
ياعريريب بلغة المهندس الإنسان الجميل أبوبكر شوف يا شيقوق أنا عارف شعر ناس الرمزية ده ما شبهك لأنك داير شغل البطانه الصريح ورقصة الصقرية والله يا أبا بكر الطيب ده وزارة للجمال ، و (تبشتنه) كل الفنون من الصقرية في البطانة الى ال ( اسكستا) في أديس وأسمرا. لاتخدعك الصرامة الكذوب في الصورة فهو (هين تستخفه بسمة الطفل "عريريب" يصارع الأجيال) عندما غبت عنا في عطلتك الأخيرة وأنت تعبر نهرك الجاف ، هتف بعضهم دايرين شيقوق وشمّر أفراد الأحتياطي المركزي من كتيبة فاروق ومن لف لفه استعدادا لقمعنا لكنك عدت وعادت الينا أحلى الليالي فذكراك ( تقدح نارا) بس الله يستر عليك من نوبات PLESK
Post: #435 Title: Re: الحب في المنبر Author: baha eassa Date: 08-14-2007, 02:21 PM Parent: #8
ليتنا نزرع في هذا المنبر .. حبا .. وحبا وخبا ..وشعرا ومشاعر رقيقة .. تنسينا رهق السياسة القاتل .. ليتنا ننسي الجهويات والتحزب البغيض الذي لايعني شيء غير الحقد .. فنحن ننتمي لاحزاب سياستها ودستورها الاختلاف فقط ؟؟ ومايدور من مهاترات واسفاف قول في المنبر لايعني شيء غير الفراغ ؟ هذه دعوة خب للجميع ..
بهاء الدين حسن/IMG]
Post: #30 Title: Re: الحب في المنبر Author: محمد المرتضى حامد Date: 03-22-2007, 10:13 PM Parent: #6
(عبرت ملامحك النضيرة خاطري فهتفت ليتك لاتزال للريح خمرك للمساء وللظلال والبرق لي ...والرعد.. والسحب الخطاطيف الطوال تروي هجير النار تحت أضالعي الحرّى وتلحف في السؤال كيف ارتحالك في العشيِّ بلاحقائب أو لحاف.) سند
Post: #11 Title: Re: الحب في المنبر Author: د.محمد حسن Date: 03-22-2007, 01:27 PM Parent: #1
بهلوي
عشان خاطرك هاك الحتة دي م ( تاموري ) يعني من طرف القليب لانو جوة القليب قاعد انا بقرب نبضي
مدي ايدك وافتحيها
تلقي انو قلبي فيها
بين مسامات ارتعاشه
تلقي انك انت فيها
مصدر حراكه
انقباضه وانبساطه
وكل نبضو
وارنو ليكي
نسمة في عز السموم
في الليالي وبشتهيها
وانغمز فيك
انت يا كل المشاعر
اكتب الكلمة المدوزنة
وانطرب شوقا وتيها
با دلالي
ويا غزالي
ويا عيون ترجاني ليلة
وارتجيها
تحكيني عن سر الغرام
واحكي ليها
بالعذاب الشايلو بين احضان هيام
اشدو ليها
بي حديث عذب الكلام
كله فيها
وبس
-
Post: #43 Title: Re: الحب في المنبر Author: محمد المرتضى حامد Date: 03-23-2007, 09:02 AM Parent: #11
د. محمد حسن، صديق من عهد الدهشة البكر ممتد الى زمن التنهد والهنهنات كيفك يا محمد يا صالح كونك مازلت تكتب الشعر وحده نبأ جميل يعيد ترتيب كياني وين أيامك وأنت تردد في المساءات الجميلة ( لو أن زندك احتمل الندى .. لكسوت زندك ما يشاء) و أيام كانت فيها أشعار سماعين حسن تراتيل لكل الأمسيات مناي ألا تنحني عن الشعر والرسم ولا تنحاز لغيرهما وألا تلقي بالا لإشارات المرور المضلله و ظَل على حالك من الغاوين. أما زلت ، رغم النفط وبطاقات الإئتمان ، ذلك الفنان؟ والله إنك لقوي أمين.
كن بخير محض ياحبيب.
Post: #12 Title: Re: الحب في المنبر Author: د.محمد حسن Date: 03-22-2007, 01:32 PM Parent: #1
دي حاجة صغيرة يمكن تعجبك فاذا اعجبتك قول لغيرنا ولو ماعجبتك كلم بكري يوديها الخور
بيني وبينك
قصة الوله الدفين
لوعة الحروف..
رقة الشعور
وحرقة الأنين
أهواك
نجمة تغازل الندى وتلثم الأقاح..
و تبرقين
كشهقة الصباح
كدفقه الحنين
قلبي الذي احتواك همسة
تدغدغ الشعور
تبعث الشجى
وتدركين
كم أقول فيك ،
غير أنني..
في هواك احترق
ولا معين
Post: #14 Title: Re: الحب في المنبر Author: عبد المنعم سليمان Date: 03-22-2007, 02:18 PM Parent: #1
استاذي واخي محمد المرتضي
خالص محبتي لك
منعم
Post: #46 Title: Re: الحب في المنبر Author: محمد المرتضى حامد Date: 03-23-2007, 01:14 PM Parent: #14
عبدالمنعم سليمان، منظمة الإغاثة اللابسه بنطلون وقميص. مرابط في ياتو مستشفي يا الحبيب؟ (أروع ما فيك "الإنسان" أروع ما فيك الشمس الغاربة الوجه تصلي فوق خليج من أحزان) والله يامنعم أتعبنا السفر وأخشى عليَّ من تابوت يُقِلُّني قبل أن أنعم بلحظات في أزِقة المسالمه وودنوباوي وعودة للغرب في الخريف. ياخ الحصل لينا شنو ؟ سد مأرب تنخر فيه الفئران بالمعاول هذه المرة وليس الأسنان.
(غاب رشدي اهديني......وعلى ملتقى النيلين......أتغنى واشدينى على توتي....عديني......تجد الأدب فطرى.....وتجد الحياء الديني)
يامنعم قول لي : هل من عوده ... هل؟
Post: #16 Title: Re: الحب في المنبر Author: abubakr Date: 03-22-2007, 04:30 PM Parent: #1
المرتضي ... وهكذا اتيت انت من بوابة حسبتها دائما هي مدخلك اتيت انت من بوابة "الحب" ومن غيرك في هذا المنبر مسموح له بالدخول منها دون بطاقة اليكترونية او اذن مسبق ... سكت انت كثيرا ... منذ اكتوبر الماضي وايام نجوم ونجوم صار الباب مواربا لا تدخل منه انت الا فيما ندر ويدخل تمبس وودالقرشي ومني وود المحرب وام احمدوممكونة ودومة واحمد ولؤ ي وتماضر وسمية وناذر وطلال وايزبيلا وعبدالمنعم وبشري وسلمي وكثيرون رائعون وحتي العرريب شيقوق خلسة ثم يخرجون وانا الاحاقهم علني افوز بشئ من مخلاياتهم المليانة حبا ولكنهم ينشغلون كما انشغل انا بغيره وهو كثير ...وعندما اتانا رائع الحرف فضيلي عائدا توسمنا خيرا كثيرا فالخير في قدوم الوارديين امثاله وها انت الخير .. اليوم اتيت انت فاتحا البوابة علي مصراعيها وثبتها بحيث لا يقفلها ريح او كتاحة وها نحن في الداخل منتظرون بداية حفلة لا تنته
لك مودتي ابوبكر
Post: #48 Title: Re: الحب في المنبر Author: محمد المرتضى حامد Date: 03-23-2007, 02:16 PM Parent: #16
أبوبكر العزيز، يا أخي أنا بس تعبت من الجري وأخشى على بلد ليس لي غيره بلد، تعرف يا باش ، حالات التنابذ والتجهم والإتهام والإقصاء ليست هي الطريق الى عدن ، ويحزنني أن بعضنا نسي أو تناسى مساحات الجمال فيه وأن ما يجمع بينه وبين من يعتقد أنهم خصومه أكبر مما يبعده عنهم، من تجاربك تعلم أن هؤلاء الأعزاء يستخدمون في سجالهم مدفعية الميدان في أزقة المنبر ، وبعضهم لايتوانى في اللجوء الى أسلحة الدمار الشامل شمالا وغربا وشرقا وجنوبا ، حسب اتجاه الرياح ، وما أن يخسر الزمالك والقطن حتى تُسحب بطاريات الصواريخ بموجب بيان بعنوان (هلاريخ) ويتدفق نهر التهاني وتوزع الحلوى والبسمات والإعتذارت بكل اللغات . تذكرني هذه الأشياء بحرب لبنان الأهلية ، عندما فازت فرنسا على البرازيل عام 1986 انطلقت زخات رصاص الفرقاء احتفالا في بيروت من أعالي (جونيه) وحتى الضاحية الجنوبية ، مجرد مثال قد لا يليق لكنه يبين لك العجائب في أن يحترب من أهل الوطن والدم ويجمعهم انتصار فرنسا في الملعب. تدرك يا بكري أن العنف اللفظي هو الشرارة الأولى لمعظم حروب التاريخ الضروس ، وتدرك أيضا أن كل تلك الحروب انتهت الى فواجع أيا كان المنتصر ، لكن بعضنا لايقرأ التاريخ جيدا ووالله لو اعتبروا منه لكفاهم الكثير . يا سيدي أنا لا أفتح بابا للحب لكنني أُنوِّه لوجوده ، وأقول ألا أحد يملك الحقيقة كلها وأقول أن الثابت الوحيد في الحياة هو التغيُّر وأنا ما داير أترك المنبر لأنو في مجموعه جميل ولست بشرطي مرور فيه بمرتب من بكري أو متطوع لكنني أناشد أهلي تغليب الحب والإحترام وسيادة الجمال على ما عاداه فالقبح دخيل على الإنسان فلماذا نتلفح به تاركين أجمل مافي الدواخل كامنا ليوم المقابر. يعني ما يجمعنا الا الموت؟ ياخ بعض من أهلي شاغلين فؤادي وتايهين فايقين. بالله يا بكري اخوي مش حرام واحد أُمي اسمو محمدعبدالله يقول قصيده بلسان السودانيين كلها عِبَر ويتناحر مثقفينا بهذا المستوى؟ أها ..هاك ليها أقراها:ما بخاف من شئ برضي خابر......المقدر لا بد يكون ******** إن اتانى الهم جيشه دافر....يلقى يا خلاي صبري وافر يلقى عزمي التام ليه خافر....يلقى قلبي شجاع ما جبون ********* بالعدا معروف ما ببادر .......ما بخون الجار مانى غادر ما بقول للناس مثلى نادر......بل بقول للخالق..... شئون ******** ما عصيت مولاي مانى فاجر.......لا... ولا بالعالم بتاجر نفسي يا أحباب ليها زاجر........لم أكون كل يوم لي لون ******** الثبات معروف لي معاصر ......لو بقيت في داخل معاصر و الإله غير شك لي ناصر........رغم انف الواشي الخؤن ********* قول لشاهد الزور فيما ثائر.......هدى روعك قبل الخسائر يا ما قبلك عميت بصائر........من لساني ...وقولي الهتون ******* قول لأهل الجور والمساخر .....مافى أول ما ليه آخر مابدوم العز والمفاخر.......وما بدوم الظل والحصون ******* عن لسان الحق مانى نافر....وما جحدت الخير مانى كافر ما ضمرت السوء مانى حافر......للصديق هاويات السجون
____________ لك الرحمه يا بادي
محبتي يا أمير
Post: #50 Title: Re: الحب في المنبر Author: abubakr Date: 03-23-2007, 03:57 PM Parent: #48
Post: #17 Title: Re: الحب في المنبر Author: معتصم عبدالرحيم Date: 03-22-2007, 04:49 PM Parent: #1
اتمني ان يسمعك يامحمدالمرتضي حامد ..كل سوداني غيور
محب للسودان ..وطناً
ومعاً نرفع شعار الحب ..للبلد
ولتكن كل ايامنا دوماً (هلال مريخ)
معك...معك...معك
معتصم العربي
Post: #18 Title: Re: الحب في المنبر Author: الطيب شيقوق Date: 03-22-2007, 07:01 PM Parent: #17
Quote: اليوم اتيت انت فاتحا البوابة علي مصراعيها وثبتها بحيث لا يقفلها ريح او كتاحة وها نحن في الداخل منتظرون بداية حفلة لا تنته
المرتضى الله يضرك ضريتنا والله الزول ده الزمن ده كلو يبحث عن حد
Who could properly address his feelings
عليك الله المرتضى اسرح بيهو وامرح بيهو اما نحن فدنياواتنا كثر .
بعدين زولك ده امره ساهل اصلا ما بتعبك اكان غنيت ليهو العاجكو بتبهدلو بيها .
شيشك عليهو .
لكن بيني وبينك انا خايف انت تتلب في الفسحة قبليهو . الله يسلط عليكم بلسكيا يخلي الواحد فيكم يجي ماشى مدور في الاشارة الحمراء .
Post: #19 Title: Re: الحب في المنبر Author: Muna Khugali Date: 03-22-2007, 07:07 PM Parent: #18
كلامك جميل جمال تصوير هذا القلب...
تحياتي
Post: #20 Title: Re: الحب في المنبر Author: abubakr Date: 03-22-2007, 07:07 PM Parent: #1
Who can properly address his feelings
Quote:
وانت لا حتخليهو توادرس ماي فيلينغز لا تمشي الي الككويات ؟
Post: #21 Title: Re: الحب في المنبر Author: Raja Date: 03-22-2007, 07:11 PM Parent: #1
العزيز محمد المرتضى..
مساء الورد..
Quote: الحب في المنبر
موجود.. ولكنه متخبًي..
وكل عام وأنت بخير
Post: #24 Title: Re: الحب في المنبر Author: الطيب شيقوق Date: 03-22-2007, 07:36 PM Parent: #21
Quote: وانت لا حتخليهو توادرس ماي فيلينغز لا تمشي الي الككويات ؟
انت عسل عدييييييييييييييل
بالمناسبة المرتضى قدم افتتاحية ماستر بيس واتصل فيني وكلمنى بيها وجيت جاري اقراها . بعد قريتها قلت ليهو انت يا المرتضى اخوى حساس ومرهف والكلام المشاتر ما بتحبو وبكرهك بوستيك وبتزعل وتخليهو للفارغين وما بتعود لينا الا بعد يغنوا ليك بالرائع جفيتني وانا ضائع .
قلت ليهو لو انت المرتضى الزمان والله انا وبكوري نبعد منك قال لا لا لا لا هو اصلا انا عامله لبكوري اولا والفاروق ثانيا و اسماء عبد الحليم ثالثا طبعا حريص على تمثيل المراة ومنى خوجلي رابعا - انا قلت ليهو يا المرتضى اخوى راعي قواعد الشرع قال لا انت مش سمعت باخر فتوى للترابي المراة العالمة تساوى اربعة رجال جهلاء .
انا قلت طيب يا المرتضى انا بكون الكم في قائمتك دى قال افو انت الجوكر تاكل سااااااااااى .
حيييييييييي منك يا المرتضى السكر
Post: #22 Title: Re: الحب في المنبر Author: abubakr Date: 03-22-2007, 07:24 PM Parent: #1
Quote: بعدين زولك ده امره ساهل اصلا ما بتعبك اكان غنيت ليهو العاجكو بتبهدلو بيها .
قايلني انا حتات زييك
Post: #23 Title: Re: الحب في المنبر Author: سلمى الشيخ سلامة Date: 03-22-2007, 07:31 PM Parent: #1
ما اجمل ان تكون محبا وما اجمل الحب يا صديقى ، الحب (عذاب فى كسلا ) لكنه موجود اينما تحل رواسيك موجود ، فقط ابحث عنه
Post: #25 Title: Re: الحب في المنبر Author: الطيب شيقوق Date: 03-22-2007, 07:38 PM Parent: #23
Quote: قايلني انا حتات زييك
والله اضحك وادمع من كلامك الله يمسخك
Post: #26 Title: Re: الحب في المنبر Author: الطيب شيقوق Date: 03-22-2007, 07:44 PM Parent: #25
Quote: موجود.. ولكنه متخبًي..
المرتضى انت وين حبيبي ( شوف) اوع تكون مع احمد هاشم بطلّع ............ تعال يا معبود الجماهير اوع تباري تنظير احمد هاشم زى ما انا ضحية ود الضو بحكى الحصاحيصا والحلاويين .
اطلع علينا جاى قبل تسونامي بلسكي يجينا .
Post: #27 Title: Re: الحب في المنبر Author: abubakr Date: 03-22-2007, 07:49 PM Parent: #1
Quote: ما اجمل ان تكون محبا وما اجمل الحب يا صديقى
اجمل ما في الحب انو غير مكلف وببلاش .. انا غايتو بحب مما ولدوني لحد هسع ....اها ياودشيقوق عندك مانع ياحتات يا مسطح ؟
Post: #28 Title: Re: الحب في المنبر Author: نهال الطيب Date: 03-22-2007, 08:16 PM Parent: #27
سلميلي على رفاقي في زوايا المغربية
قولي ليهم حبوا غنوا الدنيا
ما زالت ندية
استاذ محمد الرتضى معاك
لنزرع الحب البيوقد للنهاية
Post: #29 Title: Re: الحب في المنبر Author: الطيب شيقوق Date: 03-22-2007, 08:24 PM Parent: #28
Quote: لنزرع الحب البيوقد للنهاية
هلا هلا يا بكري تعال شوف الحب البيوقد للنهاية مش زى حبك المسكول ده
Post: #47 Title: Re: الحب في المنبر Author: خالدة البدوي Date: 03-23-2007, 01:36 PM Parent: #28
الاخ المرتضى
كل الورود الزاهية ..
على امتدا النيل ..
ونسيمات الربيع ..
ووجدان أهلنا الحنان ..
كل ربيع والحب الوطن ..
والامنيات الصادقة ..
بسودان جديد وجميل ..
لك الود كله وربيع الحب ..
مودتي ،،
Post: #33 Title: Re: الحب في المنبر Author: REEL Date: 03-23-2007, 00:42 AM Parent: #1
إنها دعوة مفتوحة لنطل على الوطن من أبواب الجمال كي نعجن أشواقنا وطين الأرض.... فتزكى رائحتها... وترقى اطوارها لابد من خروج فقبل الصلاة لابد من ماء طهور وقبل إتيان القبلة لابد من إنتواء الإخلاص لابد من عشق سامق هو كما ذكرت طوق للنجاة محراب للتطهر والقبول
أحبني أحبك نحب بعضنا نعشقه سويا يشرق وهو أقل حزنا وأعظم كبرياءا .... .. . شكرا أخ محمد
Post: #34 Title: Re: الحب في المنبر Author: HAYDER GASIM Date: 03-23-2007, 04:52 AM Parent: #33
Quote: الحب أساس كي نبقى أحياء
هكذا ... أتيتنا الجوهر من حيث غلاوته ... ونداوته ,
وهذا يصح فى حكمية قلب صحيح ... وناسا شايلين مشاعرهم
وفي إستعداد للدفع بها على كل { ثقب } إنساني ... حتى
يستشعرون لذات أنفسهم المتامهية فى الآخرين ... معنى الحياة ,
يعني زي الناس الجو هنا وزاوروك بكل فرح وأريحية ... فهم كذلك .
لكن حبيبي ... أوضاعنا أسوأ من أن تستشفيها حبوب الحب عند اللزوم
... فقد سعت كثير من القلوب هنا على ناحية مناهضة للحب ... وكأنه
سبب علتنا ... فإستحضروا { الغلظة } لتجريف نوازع الحب , وتجريده
من سطوته التاريخية والإنسانية علينا ... تمهيدا للأرض من اجل { البديل }
العنف ثانيا ... ولإستدارة فى أخيلة التاريخ وموسوع الجغرافيا ثالثا , لنتحسس
{ سودانيتنا } ... في حالة كونها معروضة لللإختبار والتشكيك , ورابعا... أرنو
لإحترام متبادل ... غض النظر عن القضية موضع النقاش ... فهذا من بداهات الحوار .
ومن الأسانيد الداعية لتطوره وتلاحقه ... لأجل من يهمهم الأمر ... وسلام .
قلت ما قلت ... وما عارف ... هل يلفق مع اطروحتك ... أم أنه فيضي الخاص .
تحت كل الظروف ... والإحتمالات ... معزتي
مع مودتي
Post: #35 Title: Re: الحب في المنبر Author: الطيب شيقوق Date: 03-23-2007, 04:55 AM Parent: #33
Quote: اجمل ما في الحب انو غير مكلف وببلاش .. انا غايتو بحب مما ولدوني لحد هسع ....
آه زماااااااااااان ايام شبابك وروعتك وحلاوتك الطبيعية اما الحاجات البتعمل فيها هسع فلا احسب ان العطار سيفلح في إصلاح ما افسده الدهر .
Post: #36 Title: Re: الحب في المنبر Author: الطيب شيقوق Date: 03-23-2007, 05:02 AM Parent: #35
Quote: أنا عارف شعر ناس الرمزية ده ما شبهك لأنك داير شغل البطانه الصريح ورقصة الصقرية
تخريمة
انت يا المرتضى حصل لبست العراقي المزركش الشفاااااااااف والفنيلة الداخلية ام عيون كباااااار ديك مع سروال طويل وشبشب راقي وجلست بيهم امام البوابة الخارجية تلولح كراع في كراع وتعاين يمين وشمال ويا دنيا ما فيك الا انا ؟
ولا ابوك مربي الاجيال يطول عمره عندو راى في الجلسات دى باعتبار انها تشكل مضايقة لبعض المارة في شوارع حي المسالمة المترعة بالامان ؟
Post: #39 Title: Re: الحب في المنبر Author: سمية الحسن طلحة Date: 03-23-2007, 07:41 AM Parent: #36
أن من لايعشق ويذرف الدمع في محراب الحبيب ، أيا كان ذلك الحبيب ، عليه مراجعة دفتر أحوال فؤاده
توقف عمرى في يوم ٍ ما قبله غابر مدروس ِ وتنادت أرجائي وهتفت بطلوع فجر ٍ وشموس ليبدأ قلبي نبضته الأولى كسجين داخل قفص محبوس فطار يهفو لكنوز الحُب المكدوس القلب بلا حب ٍ كأقلام ٍ دون رؤوس .... والحب بلا مأوى كهوام الأرض فى جوس .
( من قصيدة نبضة قلب ) سمية الحسن طلحة
يقولون ... مال هذا الميت !!! أمات بداء... أم جنون !؟ .................. إنما المقتول مات .... ...... مات من دفق الشجون مات من شوق إلى تلك العيون اعتصره .... فسقاه للأقلام حبراً ومشت به الدنيا لحُون يالـَشوق ٍ يقتلُ الأرواحَ عمداً وينوش بالأسنة للماّقي والجفون يالشوق كلُ شوق ٍغيره أراه دون يا لحََُبٍ قاتـل ٍ ترياقه تلك العيون الواثباتُ تراقبُ المتأوهَ المطعون فلا قلمي ولا ريشة ٌ تحاكيها ولو اُطلقت كلُ الأعنةِ للفنون إنها شوقي الجديد القاتلُ ..... أفتأذنون ( من قصيدة دفق الشجون ) سميةالحسن طلحة.
يقول نزار قبانى الحب ليس رواية شرعية بختامها يتزوج الأبطال لكنه الإبحار دون سفينة وشعور أن الوصول محال هوأن تظل على الأنامل رعشة وعلى الشفاه المطبقات سؤال....................... هو*** أن *** نموت *** وتزهر *** الآمال .
أخى محمد المرتضى أسمح لى أن أهدى عبارتك التى أقتبستها فى صدر مداخلتى إلى كل أولئك الذين لايعلمون أن الحب ليس منحى واحدا وإنما مناح كثيرة وأن العشاق مشارب... لكم التحية وأنتم تعمرون بالحب يباب القلوب ودمتم
عذرا أبا أكرم فمنذ أن تعطلت آلية الإقتباس بهذا الكمبيوتر العتيق لجأت لإستخدام الخطوط الأرضية للفصل بين أملاكى وأملاك غيرى الكلامية ،كما كان يفعل أجدادنا لرسم الحدود وقد نبهتنى منى لذلك ولكننى بدوية حقانية وراسى قوى فلم أنتصح حتى أدركت أنه قد وجب الإنصياع لمقولة ( لو إتنين قالوا ليك راسك ما فوقك ألمسو ) عذرا مرة أخرى .
Post: #37 Title: Re: الحب في المنبر Author: abubakr Date: 03-23-2007, 06:25 AM Parent: #1
Quote: آه زماااااااااااان ايام شبابك وروعتك وحلاوتك الطبيعية اما الحاجات البتعمل فيها هسع فلا احسب ان العطار سيفلح في إصلاح ما افسده الدهر .
الانسان دائما في احسن تكويين يا عرريب ... انا متصالح تماما مع نفسي وعمري وبدني ..والحب هو لكل العمر وليس مرحلة من العمر والا كانت الحياة جافة كنهرك الجاف ... ان الحب لا يتعامل الا مع حقيقتك اما القشور من بدلة وكرفتة وحت وتسطيح ومحاولات شعرية فاشلة فهي تذهب عنك الحب "الحقيقي" ... انا كهل واحب-حب مش شلهته وبهدلة حال - كما كنت صبيا فالحب هو الذي صبيا في داخلي .... فهمت حاجة واللا لسه مسطح
Post: #38 Title: Re: الحب في المنبر Author: Ahmed al Qurashi Date: 03-23-2007, 07:17 AM Parent: #37
*على الطريق العام كنت أسير وافكارى معك ... عاكسني احد المارة ممتدحا جمالي ...أدركت أن الحب الذي يملؤني قد فاض على وجهي.
* احتجت لبعض عقلي فاتخذت قرارا بالا أذكرك إلا على رأس كل ساعة.. لكنى ألفيت نفسي اقضي العمر انتظارا لرؤوس الساعات فعدلت عن القرار.
هذه الجمال كانت تكتبه الأستاذة الأديبة فاطمة السنوسي في منتصف الثمانينات بجريدة السياسة ... أين هي الان... لها التحية والتقدير
Post: #40 Title: Re: الحب في المنبر Author: الطيب شيقوق Date: 03-23-2007, 07:47 AM Parent: #38
Quote: الانسان دائما في احسن تكويين يا عرريب ...
اقترح استبدال كلمة تكوين اعلاه بعبارة تقويم كده بتكون احلى واجمل . ما تنسى البوست ده سيدو ما بفوت حاجة والله اكان لقى لغتك مشاترة يخليهو لينا ويمشى .
برضه مع افتراض انو مشى وخلاهو المنبر ده عامر بمواضيع الحب ولو ما وجدناها ننزوى بس في بوست لحظة من فضلك ونغني انا ما بسيبو غرامك رضيان معاك بشقايا .
Post: #41 Title: Re: الحب في المنبر Author: abubakr Date: 03-23-2007, 08:22 AM Parent: #1
Quote: كلمة تكوين
"تكوين":التشكييل والشكل العام ....طالما انت اشرت الي العمر و ما يصاحب ذلك في الشكل بسبب العمر ..فهمت حاجة ؟؟؟
Post: #42 Title: Re: الحب في المنبر Author: الطيب شيقوق Date: 03-23-2007, 08:29 AM Parent: #41
"
Quote: تكوين":التشكييل والشكل العام ....طالما انت اشرت الي العمر و ما يصاحب ذلك في الشكل بسبب العمر ..فهمت حاجة ؟؟؟
ابو بكر عندى نية اناسبك شوف لاخوك رطانية بس تبقى زى ام اولادك تفكنى اتهمل في المنبر ساااااااى ولا بتسألني تقول لي مشيت وييييييييييين .
Post: #44 Title: Re: الحب في المنبر Author: abubakr Date: 03-23-2007, 09:34 AM Parent: #1
Quote: ابو بكر عندى نية اناسبك شوف لاخوك رطانية بس تبقى زى ام اولادك تفكنى اتهمل في المنبر ساااااااى ولا بتسألني تقول لي مشيت وييييييييييين .
بناتنا ما بواسطة خطابات وخطابيين ..هن البيختارن ....ولذا واعيات باهتمامات ونشاطات شركاهم وبيساعدوهم في ذلك ... اها شفت كيف ؟؟؟
Post: #45 Title: Re: الحب في المنبر Author: رأفت ميلاد Date: 03-23-2007, 11:44 AM Parent: #44
العزيز جدآ محمد المرتضى حامد
لا أدرى لماذا لم أر هذا البوست من قبل
قرأت فقط ما كتبته أنت من جميل القول سأعود لأقرأ ما كتبه الآخرون
وحتمآ سأعود
حيثما يكون الحب حتمآ سيكون محمد المرتضى حامد
تحياتى
رأفت
Post: #49 Title: Re: الحب في المنبر Author: الطيب شيقوق Date: 03-23-2007, 03:53 PM Parent: #45
Quote: بناتنا ما بواسطة خطابات وخطابيين ..هن البيختارن ....ولذا واعيات باهتمامات ونشاطات شركاهم وبيساعدوهم في ذلك ... اها شفت كيف ؟؟؟
ما شفت اى حاجة اهو انا السمحة ام ولدى تركشونى عليها تتركشة وتركشوها على تتركشة لينا 30 وكلما ركلت السنون خلفنا كلما زاد حبنا بريقا وعنفوانا .
تعالوا نقارن بين زواج التتركشة وزواج الحب من حيث ال sustainability ؟؟؟؟؟؟؟؟
Post: #51 Title: Re: الحب في المنبر Author: abubakr Date: 03-23-2007, 04:06 PM Parent: #1
العزيز المرتضي ...
ابواب الحب كثيرة ومفاتيحها متاحة وادواتها ليست كادوات الشر مكلفة ونتائج افعالها تزيد الخضرة نضارا والجفاف ليونة بينما الشر دمار وخراب ...وسئ اللفظ هو اكثر ادوات الشر تداولا وفي المنابر ورغم انتشار لادوات الحب الا ان ادوات الشر تفتك بمعظمها وكلنا يفتح باب للحب تقفله جحافل الشر وذلك بفتح نيران كتلك التي ذكرت في لبنان تبدو وكانها باسم الحب ...
لم اكن اعرف عن جلسات البرامكة السودانية الكثير الا ان ارسل لي اخي في الاسبوع الماضي كتاب للاستاذ حسن ابشر الطيب افرد فيه بابا باسم "مجالس البرامكة السودانية "... وانتشار تلك التي اسميها انا "مجالس الود السودانية " لما فيها من حب كثيير جعل اهل كردفان ودارفور "الشاي " بابا له .. وتلك المجالس هي من مبتكرات الوجدان السوداني المحب في منطقة اختلطت فيها القبائل والمصالح فترصد بها الشر دوما الا ان اهلها ابتكرو "مجالس ود" يقول فيها الاستاذ حسن "
Quote: يقول الثقاة من الرواة بدات مجالس البرامكة اول الامر في قبيلة الهبانية حول قرية شركيلة في مطلع عام 1914 ثم ما فتئت ان جذبت بظرفها قبائل الكواهلة والحمر والحوازمة والمسيرية واذا اردت فقل البقارة علي اختلاف بطونها. وقد جمع البرامكة في هذه المجالس حبهم للشاي فتغنو به ما شاء الله لهم الغناء وصاغوا فيه من الشعر الشعبي ما يدل علي افتنانهم به وقد كانو يرددون هذه القصائد في مجالسهم فما تزيدهم الا حبا وتفاعلا كمجموعة. وقد عرفوا بين افراد القبيلة الذين لم ينتسبوا اليهم بظرفهم او كما تقول العبارة "فنجري" . كما كانو حماة اباة ليوث العرين يغيثون الملهوف ويشعلون نار القري ليكرمو الضيف "
ويقو ل
Quote: " ذكرنا في مطلع الحديث ان مجالس البرامكة قد بدات في مطلع 1914 بين ابناء قبيلة البقارة ثم انتشرت حتي شملت جنوب جبال النوبة وامتدت حتي وصلت قبائل الليري في جنوب البلاد "
ويقول
Quote: " قد يقول سائل لم كل هذا الاهتمام بمجالس البرامكة؟ ان اهتمامنا يرجع لسببين: اولهما اننا نؤمن علي اهمية التنمية الاجتماعية لا نها تمثل عصب وركيزة التنمية الاقتصادية وهنا ينبغي ان يستفيد خبراء التنمية الاجتماعية من النظم الفطرية التي نشات من قبل لاسيما تلك التي تحض علي التعاون وتدعو له وتعمل من اجله كمجالس البرامكة. واكثلر الاشياء التي يسهل فهمها والعمل بموجبهاما كان اشد التصاقا بالبيئة. اما السبب الثاني فقد اردنا ان نوضح دور مجالس البرامكة في اثراء التراث الشعبي باغانيهم الشجية الصادقة المعبرة التي تسجل في صدق صورة رائعة موحية لمنهجهم في الحياة "
عزيزي المرتضي .. الانسان بن بيئته والاحتراب وافد علي البيئة السودانية وليس اصيلا فيها وان اردنا ان نعيد لبيئتنا اصالتها فلا ياتي ذلك الا بمزيد من الحب والتعاون واختيار اللفظ الحسن والقول المفيد ...
ومن بوابة الحب التي فتحتها دعنا ندعو اهلنا هنا في المنبر من كل اطرافه ووسطه الي مجالس ود اسفيرية وبيننا ملكات وملوك للحرف الرائع والنغم الذي ينفذ الي القلب .. ندعو هشام هباني وهو قد خبر مجالس الود وهي فيه لا تغيرها ولا تبدلها موروثات العم سام ولا تؤثر فيها ماخذ حكم جائر اساء للبلاد والعباد وادعو ودحماد وملكتنا سمية واختي ام احمد والاعرابي احمد ابو حريرة و شيخ العرب خالد المحرب والفارووق العرريب الشقي ود شيقوق والمستعرب رافت ومني وتماضر وسلمي وبكري الصائغ وابوبكر يوسف ومحمد عبدالجليلو ممكونة واختي دومة وووووشاعرنا الفنان نور الهادي وكاتبنا حيدر وكل الاسماء التي وردت في هذه المساجلة وغيرها من بوابات الحب في منبرنا وسيد الغنا تمبس ولؤي ومدير ادارة الحفلات ناذر وعراب الكلمة الحلوةو ودالقرشي وامير شعراؤنا فضيلي وكل امراء واميرات الحب في هذا المنبر وهم اعلم بانفسهم وليعذروني عجزت ذاكرتي الكهلةولم اذكرهم ولا اظن ان هم في انتظار ان اذكرهم فحرفهم شذي ادعوهم جميعا ان يوقدو نار شاي الحب في مجالس للود في مداخلات مختلفة كلها حب تطغي علي بوابات الشر وحراسها ..
ومن حبهم للحب غني اهل مجالس البرامكة للسكر فقالو :
فتعالو نجبر خاطر شعبنا االموجوع بمجالس ود تعيد له راحة بال وحب افتقده كثيرا فصار اسم بلادنا ملازم للوجع والاحتراب وسوء الحال .... و دارفور والتي زحفت اليها مجالس البرامكة من كل ناحية في الماضي فاخضرت رياضها نراها اليوم في كبد جفت رياضها وضروع امهاتها باحتراب ليس اصيلا فيهم اني من ابواب شر لا يمكن سدها الا بكثير من الود ومجالس الود ...
فتعالو نغني للود والسكر (Sugar Sugar)
ولكم مودتي ابوبكر
Post: #52 Title: Re: الحب في المنبر Author: hameem Date: 03-23-2007, 07:06 PM Parent: #1
الحبيب .. شيخ المحبين الأستاذ مرتضى هسي بالله شايف (رتينة محبتك ) دي لملمت ليك شنو ؟ سرب من السمحين والسمحات أولى الرهافة ومن تبعهم بأشواق وطبيعي أن يفسح غياب السماحة والسمحين ( لبدائل ما سمحة) المجال لتطغى فلتبقى يا جميل ولتنثر سماحاتك دي ولا تتوارى .. رجاء والسماحة دي يا حبيبنا كان من جيت سكبت منها هنا (بتشرقك) ويستفحل ظمأنا لك الحب والاحترام
Post: #53 Title: Re: الحب في المنبر Author: abubakr Date: 03-23-2007, 07:23 PM Parent: #1
عادل انت كنت وين ؟ شيخنا المرتضي سرو باتع الجابك لينا مودتي ابوبكر
Post: #54 Title: Re: الحب في المنبر Author: Ahmed al Qurashi Date: 03-23-2007, 07:43 PM Parent: #53
نواصل التجوال في حدائق الجمال والحب للأديبة فاطمة السنوسي ......
* اقتادوه إلى مركز الشرطة لأنه حين يذكرها يدق قلبه بعنف مسببا الإزعاج العام .
*في وسط السوق شاهدت منظرا أدمى قلبي فرأيت حماية لقلبي أن أضعك على عيوني انظر الدنيا من خلالك وما إن فعلت حتى رأيت شحاذا يعترض المارة يعطيهم ولا يأخذ منهم.
Post: #55 Title: Re: الحب في المنبر Author: Ahmed al Qurashi Date: 03-23-2007, 07:44 PM Parent: #53
نواصل التجوال في حدائق الجمال والحب للأديبة فاطمة السنوسي ......
* اقتادوه إلى مركز الشرطة لأنه حين يذكرها يدق قلبه بعنف مسببا الإزعاج العام .
*في وسط السوق شاهدت منظرا أدمى قلبي فرأيت حماية لقلبي أن أضعك على عيوني انظر الدنيا من خلالك وما إن فعلت حتى رأيت شحاذا يعترض المارة يعطيهم ولا يأخذ منهم.
Post: #56 Title: Re: الحب في المنبر Author: فاروق حامد محمد Date: 03-23-2007, 07:49 PM Parent: #53
Quote: ابو بكر عندى نية اناسبك شوف لاخوك رطانية بس تبقى زى ام اولادك تفكنى اتهمل في المنبر ساااااااى ولا بتسألني تقول لي مشيت وييييييييييين
.
LOOK WHO IS TALKING ?X
شوف الواد !!!! تقول أم عبدالله بتسألك !!!!!؟
ود حامد المرتضى ...
حب منتصف العمر ده حلو حلا !!!
أعتقد أنه الحب الحقيقي !!!
"تدبيسة": ولا مش يا أبابكر ؟؟؟؟
Post: #57 Title: Re: الحب في المنبر Author: الطيب شيقوق Date: 03-23-2007, 09:17 PM Parent: #56
Quote: LOOK WHO IS TALKING ?X
الفاروووووق خليني من ال ............
الشفرة الفوق دى خلت راسي يدور غلبتني وحياتك فكها عبر المسنغر الخاص سريييييييييع .
Post: #58 Title: Re: الحب في المنبر Author: محمد المرتضى حامد Date: 03-23-2007, 10:48 PM Parent: #57
المعتصم يا سيدي في البدء كان الكلم والعصفورة ثم جاء الإنسان ونسي العصافير وصنع الطلقة ، ياخي مش هو ركّب للقناة سنان؟ وفي الأصل كان المستشفى ومن قبل عهد جالينوس أقيمت المشافي والعيادات وهي سابقة في التاريخ على السجون ، واذا محمد وردي أو محجوب نادى بعمليات الإحلال والإبدال أعلاه فذلك لأنه يدرك ماهية الأصل ويطالب بإعادته لأن ما عداه زيف سيذهب ، كالزبد ، جُفاءا.
____ وساده
( سأسكن داخل قلبي لأقاسمك المسكن سأسكن فيه لأمشي بين بُطينَيهِ وأجري بين أُذينيهِ وأصعد أول شريان يخرج منه فألقاك وأعشق أكثر ألقاك بياض المرمر ألقاك كطفل يداعب ذقني، آمَلُ - أبدا - ألا يكبر لاأعرف غير تمام البدر بقلبي لا أعرف كيف يمر النبض بكل وريد؟ سأسكن في عينيّ لأشهد طيفك في عينيّ كمالا حين كمال الضوء تجلّى - فجرا من عينيك) الصديق الفاتح الجزولي في .. (أعلى قمم الحب) مودتي يا المعتصم والينا بشدوك
Post: #59 Title: Re: الحب في المنبر Author: محمد المرتضى حامد Date: 03-23-2007, 11:23 PM Parent: #58
Quote: كلامك جميل جمال تصوير هذا القلب...
تصوير قلبك سمح يا منى خوجلي ، في لونو زي كَرَز المغيب. (قصرُُ في قلبي وحبيبي يسكن قلبي وبقلبي أسمى الكلمات بقصري- في عينيّ- بناتُ الشِعرِ سكَنّ وطيف حبيبي قَطَب الحاجب - في رمشة عين حين لحاظ حبيبي مدّت فيهنّ وميضا، فتفرق ومضُ اللحظ على الأبياتِ شتات شتات)- برضو الجزولي
منى ، مسئوله من الخير ،هي القلوب السمحه ولا التصاوير؟
محمد بشير عتيق قال يا منى: انت الهنا وليك في المحاسن أحسنا يا اسمى ألحان الغُنا أما أنا صدقني يا حلو المنا ما اظن أحصر شمايلك لو اعيش مليون سنه
خليك قريبه يا قريبه
Post: #60 Title: Re: الحب في المنبر Author: محمد المرتضى حامد Date: 03-24-2007, 07:58 AM Parent: #59
Raja
Quote: موجود.. ولكنه متخبًي..
ياعزيزتي صدقيني الحب لايختبئ ابدا بل على العكس فهو يعلن عن (نفسه)، مش يا رجاء أهلنا بيقولوا الحب ما بِدَسّا؟ ولا أنسى مقولة عمر الحاج موسى ونحن صغار ( اذا أحب المرء أخاه فلا سدرة لمنتهاه , فالحب كالطِيْب وللطِيْب افتضاح ) ، المشكله يا رجاء انو الكلام ده ماجديد على الناس ومن ثم يكون البشر هم من يخبئون الحب ولبيس العكس والأخير برئ. شكرا على باقة الورود التي زيّنتِ بها هذه المساحة يا أنيقة و لاشك أنها من المصدّات التي تحول بيننا و صرصر العاتية.
Post: #61 Title: Re: الحب في المنبر Author: حيدر حسن ميرغني Date: 03-24-2007, 08:06 AM Parent: #60
ود المرتضى
سلامات وبس
قلت لي يحبني برص
Post: #62 Title: Re: الحب في المنبر Author: Noon3 Date: 03-24-2007, 08:15 AM Parent: #60
لا بديل للحب إلا الحب (والحب في الارض بعض من تصورنا لو لم نجده عليها لاخترعناه) انها دعوة للمخترعين وناشري الأشرعة البيضاء والخضراء في ربوع المنبر. والاختلاف الواعي لا يقتل الحب بل يحيه (وهذه الدنيا كتاب أنت فيه الفكر)
Post: #63 Title: Re: الحب في المنبر Author: nourelhadi awad Date: 03-24-2007, 08:26 AM Parent: #1
المرتضى مجرد كتابة هذا الإسم تضج المساحات بألوانك البهاء وتستطيل المساحات الخضر إرتفاعا.. تتحد و سقوفات المكان ود معبأ دائم الصلاحية لك ولجمعك الجميل دعني أغرس وردة أصلها مكانك وفرعها السماء
نور
Post: #64 Title: Re: الحب في المنبر Author: محمد أبوالعزائم أبوالريش Date: 03-24-2007, 09:00 AM Parent: #1
أبو أكرم العزيز
ياخي حكايتك معانا شنو؟
كل ما نقول نستغفر ونبقى ناس عمليين ونجاري العولمة ونلحق الدنيا .. تجيب لينا سيرة البتاع ده وترجعنا لي رومانسية (حاولنا) ننساها.
بس ما دام بتتكلم عن الحب المطلق ... ليه حاصرو في المنبر؟
رحم الله الإمام الشافعي إذ قال: من لم يحركه الربيع وأزهاره .. والعود وأوتاره ....... فهو فاسد المزاج .. ليس له علاج.
اللهم أدخل الحب قلوب من يريدون إفساد مزاجنا ليثنيهم عن مرامهم.
لك التحية ولأسرتك الكريمة
Post: #65 Title: Re: الحب في المنبر Author: فضيلي جماع Date: 03-24-2007, 10:49 AM Parent: #64
الحقوقي الأديب/ محمدالمرتضى حامد..كتبت تقول:
Quote: جودوا علينا بالأغنيات الصحاح وبالتراحم واللوحات الناطقات والموسيقى وبالتآلف والتلاوين والأشعار والمودة والقصص القصيرة والروايات الطويلة والتسامح فأيامنا بينكم معدودات ، أنثروا العطور لننام على وسادة من الياسمين ونتدثر أوركيدا لايبلى في أمان لايزول قبل ان يأتينا (مغرب العمر واخفاق الشعاع) . أصلحوا رئاتنا واغسلوا شراييننا درءا للتجلط والتخثُّر والأنسداد... بالله عليكم ..
كنت أحوم حول هذا البوست أرشفه قطرة قطرة كلما سمح لي وقتي البخيل بساعة من زمان للسياحة في هذا المنبر. وكلما قرأت استغاثتك أعلاه شعرت أنني وقبيل من المساهمين والمساهمات بمحاولاتنا المتواضعة في الحقل الإبداعي - بأننا المعنيون قبل غيرنا بصرختك وأن علينا أن نجود بما في الخزانة من زاد.
أدعي أنني أعرفك أكثر من كثيرين هنا: صرامة في المهنة والمواقف "الحارة" ، توازيها لمن لا يعرفون المرتضى رقة مشاعر وجمال إحساس تقترب به كثيرا من عالم الطفولة النظيف. ولعل البعض هنا لا يثقون في شهادتي فيك ، فهي شهادة صديق وهي - عندكم في المحاكم- مجروحة. لكني أؤكد أن هذه الصرخة إعلان لنا جميعا- ولدعاة التشنج والتجريح في الكتابة- بأن كفى هراء ، وأن هلم إلى الكلمة التي تشيد قصور الحب والوحدة والوئام. معك ألف حق.
وعشت أيها الصديق.
Post: #66 Title: Re: الحب في المنبر Author: محمد المرتضى حامد Date: 03-24-2007, 01:41 PM Parent: #65
Quote: ما اجمل ان تكون محبا وما اجمل الحب يا صديقى ، الحب (عذاب فى كسلا ) لكنه موجود اينما تحل رواسيك موجود ، فقط ابحث عنه
سلمى الشيخ ، كيفك يا العزيزه ، عليك الله قولي لي ما هو سر (العذاب) في حُب (كسلا) والذي تضج به الأغنيات ، يعني يا سلمى ماهو سبب التفرد اليميز الحب في (كسلا) ، ناس علي ابراهيم والتاج مكي وو من يسمعهم يظن أن الحب ( رغم العذاب الطافح) علامة تجارية مملوكة لكسلا ومسجلة في ادارة البيانات والعلامات التجارية- قسم توتيل. ليس ذلك وحسب ، أطل علينا الماهر كابلي وختّاها عديل كده وقال انها (أشرقت بها شمس وجدِهّ) ، يعني (المصنع هناك). طبعا ده كلام زول ما عاش في المسالمه وفي الجزئية دي أنا (جهوي) متطرف. نعم يا سلمى ، الحب موجود أينما حَلَلنا فالله محبّة. محبتي
Post: #67 Title: Re: الحب في المنبر Author: محمد أبوالعزائم أبوالريش Date: 03-24-2007, 01:57 PM Parent: #1
صديقي مرتضى ....
تكلم عن الحب .... تلقاني معاك (للطيش) ... لكن ما لا يعجبني هو ماركة (عذبني وتفنن)
مودتي
Post: #68 Title: Re: الحب في المنبر Author: Ahmed al Qurashi Date: 03-24-2007, 02:48 PM Parent: #67
نواصل إبداعات الأستاذة الأديبة فاطمة السنوسي ...
* خلعت ثوب عافيتي لأنشره عليك ما وجدتك صار في الدنيا مريضان.
*قرأت مرة بالصحف إعلانا من دائرة الشرطة يرصد مكافأة لمن يدلهم على رجل يملك إمتاع العقل والروح والعين والفؤاد في لحظة واحدة... خنت حبيبي أرشدتهم لمكانه وقبضت المكافأة.
Post: #69 Title: Re: الحب في المنبر Author: Ahmed al Qurashi Date: 03-24-2007, 07:28 PM Parent: #68
نواصل إثراء هذا البوست الجميل بإبداعات الأستاذة فاطمة السنوسي..
* كتب إليها وهو على فراش الموت لن أموت حتى لا تبكين فتحمر عيناك الجميلتان ... لكنها حينما قرأت الرسالة بكت فأحمرت عيناها الجميلتان.
*سال دمه فجرى دمعي ....اختلط الدمع بالدم صار الدم باهتا تغيرت ملامحه ..تعلمت آلا أبكى في ساحة النضال.
Post: #70 Title: Re: الحب في المنبر Author: الطيب شيقوق Date: 03-24-2007, 07:58 PM Parent: #69
Quote: وان اردنا ان نعيد لبيئتنا اصالتها فلا ياتي ذلك الا بمزيد من الحب والتعاون واختيار اللفظ الحسن والقول المفيد ...
ما تنظّر الزول ده بيقول ليك الحب في المنبر انت تتحدث عن البئية - دائما يقولوا ليك تور وتسأل تقول اولاده كم؟
خلي الناس تحت وتبكي وتسطح يا ابا الرجال . لو عايز كلام السياسة امشى لبوستيك الفتحتو بهناك بتاع منى اركوى .
نحن هنا بنحكي عن دموع جميل وطرفة و المحلق واحمد القرشى ذاتوووووووووو وغيرها من الاحاسيس المحبوسة جواك ولم تفصح عنها يا حبيبي .
Post: #71 Title: Re: الحب في المنبر Author: abubakr Date: 03-24-2007, 08:07 PM Parent: #1
Quote: نحن هنا بنحكي عن دموع جميل وطرفة و المحلق واحمد القرشى ذاتوووووووووو وغيرها من الاحاسيس المحبوسة جواك ولم تفصح عنها يا حبيبي .
اها يا ابن بيئتك والنهر الجاف والقرود والتيمس المغرز لليوم الانت طلعت بيهو انك بقيت حتات ..مش ؟
Post: #72 Title: Re: الحب في المنبر Author: الطيب شيقوق Date: 03-24-2007, 08:28 PM Parent: #71
Quote: اها يا ابن بيئتك والنهر الجاف والقرود والتيمس المغرز لليوم الانت طلعت بيهو انك بقيت حتات ..مش ؟
انا بقول ليك الحب ده لا علاقة له بالبيئة الحب ده .................. اححححححححح حبيبي اكشف لينا عن الجواك سرييييييييييييع .
نحن جبلنا على شفافيتنا اما انتم فجبلتم على قتاتتكم وهذه القتاتة هي التي تجاسرت على الحب وافقدته الكثير من جمالياته .
Post: #73 Title: Re: الحب في المنبر Author: ismeil abbas Date: 03-24-2007, 08:46 PM Parent: #1
ألأخ/محمد المرتضى حامد
تحياتى
دعنا نقول حب الناس يحبوك
و الحب ذى الهوى البتنفسو
وإنى أحبك فى الله
زول زيك ....لازم إتحب
سلام,إسماعيل محمد أحمد عباس
Post: #74 Title: Re: الحب في المنبر Author: احمد حماد ادريس Date: 03-24-2007, 09:44 PM Parent: #73
اخى / ود المرتضى -
البيت الكبير المليان سرور -دخلنا هنا بحبور - وانا عايد حالا - سلام ايها الرائع
ود شيقوق -حلة فيها ابوبكر الرطانى والمعلم احمد القرشى -وتمبس ومنى خوجلى وبقية الغقد الفريد دى البفوتا امو داعيا عليه - وها هو شاعرنا الرائع اطل بكل بهائه من لندن -المبدع -ولض امى المسيرى الاحمر او الازرق -فضيلى جماع -خلونا اجيب لى فرش انا ناوى الاستقرار فى هذا البوست - الله يحفظك لينا يا ود المرتضى ..
Post: #75 Title: Re: الحب في المنبر Author: الطيب شيقوق Date: 03-24-2007, 09:53 PM Parent: #74
Quote: ود شيقوق -حلة فيها ابوبكر الرطانى والمعلم احمد القرشى -وتمبس ومنى خوجلى وبقية الغقد الفريد دى البفوتا امو داعيا عليه - وها هو شاعرنا الرائع اطل بكل بهائه من لندن -المبدع -ولض امى المسيرى الاحمر او الازرق -فضيلى جماع -خلونا اجيب لى فرش انا ناوى الاستقرار فى هذا البوست - الله يحفظك لينا يا ود المرتضى ..
هلا هلا علي الطلاق جبرت خاطري بالحيل ديل اهلك وديل ناسك وديل عقدك والفضيلي الحلوو ده انت ما جلست معاهو والله يا احمد اخوى اصلك ما تتخيل انو هو الفضيلي الاسطورة الادبية وانما هو انسان وديع ولطيف وشفاف ويحكي لك عن اللداية والمشلعيب والتيبار والمندهوب والانيس والنال (المرتضى عفوا الانيس والنال ديل نباتات تنمو في بلدنا وفي بلد الفضيلي وقطعا انت سمعت بيها في تجوالك مع البابا)وربما انتكت بنداها مع الصباح في راس بيتكم .
حبابك احمد اخوى وما تفارقنا نحن محتاجون اليك
معزتي
ود شيقوق
Post: #76 Title: Re: الحب في المنبر Author: محمد المرتضى حامد Date: 03-24-2007, 11:13 PM Parent: #75
Quote: سلميلي على رفاقي في زوايا المغربية
قولي ليهم حبوا غنوا الدنيا
ما زالت ندية
استاذ محمد الرتضى معاك
لنزرع الحب البيوقد للنهاية
نهال الطيب، فرحنا بشوفتك في المنبر ، أهو مجئ الربيع مرتبط بتفتُّح الزهور وهذا ليس من باب الصُدَف فأنا لا أعتقد في الصدف ، الكون ده مُنظّم يا نهال ، والله ( زوايا المغربية) دي أعجبتني يا غاليه ، كل استهلال للمساء والصباح يعيد توازن كيمياء دمي بنفس ما يفعل فيّ المطر ، لذا كانت أنشودة المطر للسيّاب تعادل النشيد الوطني في أحد منحنيات صبانا. مش قال فيها : عيناك غابتا نخيل ساعة السحر؟ وعينك حين تبسمان تورق الكروم ؟ كنا نحفظ تلك القصائد الشامخات تاركين قصائد الوزارة وحساب المثلثات لغيرنا لأنو مراجعة الدروس العاطفية كانت أهم بالنسبه لينا حتى نجتاز امتحانات العشق بيسر . نعم (الحب بيوقد للنهايه) وياليل .. أبقالي شاهد. سننهل من نهرك ماءا زلالا. مودتي
Post: #77 Title: Re: الحب في المنبر Author: محمد المرتضى حامد Date: 03-25-2007, 07:47 AM Parent: #76
Quote: كل الورود الزاهية ..
على امتدا النيل ..
ونسيمات الربيع ..
ووجدان أهلنا الحنان ..
كل ربيع والحب الوطن ..
والامنيات الصادقة ..
بسودان جديد وجميل ..
لك الود كله وربيع الحب ..
مودتي ،،
خالده البدوي، ومودتي أيضا، عندما قلت أن مؤشر الحب في المنبر يشير الى انحسار كنت أدرك أن المنبر ومايُكتب فيه يكاد يكون انعكاسا و صورة مقابلة mirror image لحال كثير من المثقفين في بلادنا والذين يقودون حركة التغيير فيها صعودا وهبوطا ، وعندما رجوت أن يغلِّبوا لغة الحب والتراحم والتثاقف بالرأي والإحترام والنأي عن العنف اللفظي الذي سيُفضي حتما الى عنف مادي معروفة سلفا نهاياته، كنت أدرك من التاريخ القريب فقط نتائج المسير في دروب الحديث الوعر ، لم تمض أيام قلائل على ما قلت حتى أزهقت أرواح في حي المهندسين والبدايات كانت العنف اللفظي وفقا لمن شهد الوقيعة. يا خالده ، صدقيني ، بالحب والخير يمكننا وقف اندياح الفجيعة، وبغيابهما ستبكينا حتى ثمود. مَعَزَّتي
Post: #78 Title: Re: الحب في المنبر Author: الطيب شيقوق Date: 03-25-2007, 08:08 AM Parent: #77
المرتضى جيناك نبل شوقنا ونفك الريق وبس
Post: #83 Title: Re: الحب في المنبر Author: Abdul Monim Khaleefa Date: 03-25-2007, 10:22 AM Parent: #78
أخي العزيز محمد المرتضى
حامل لواء الحب والفن والشعر والجمال ، والماضي على درب شعراء الشعب ممن ساروا خلف أحبتهم من أسكلة الخرطوم إلى الجبلين إلى الرجاف ..
تعلم أخي مرتضى عن هوايتي المتمثلة في ترجمة الشعر .. لذا رأيت أن أتجاوب مع دعوتك إلى غسل الرئات وإصلاح الشرايين !، بنقل بعض مقتطفات من قصائد من شعر الفرنجة كنت قد قمت بترجمتها من اللغة الإنجليزية ، وما يجمع بين المقتطفات التي سأوردها أن الحب هو محورها.
إليك أولاً هذه الأبيات عن الحب الذي ينفذ إلى سويداء الفؤاد ( معالق الجوف !) لـ سير جون هارننجتون:
لك أهدي هذه الماسة يا عزيزتي فهي نموذج من ذاتك .. ويا لها من روعة تثير ولعي عندما تزدان بمعصمك وتتلألأ من وهج بشرك .. وهي إن تكن من أنقى النضار فأنك أكثر نقاء وأنعم ملمساً .. وإن كان سرك صفاؤها فلتذكري أنها استمدته من بهاء محياك .. وإن كنت تعزينها كماسة نفيسة لأنني قدمتها لك فإنني أكثر اعتزازا لأنك أنت التي أهديتنيها
هذه الماسة القادرة على اختراق الزجاج والفولاذ لا يدانيها مضاء سوى حبك الذي نفذ إلى سويداء فؤادي .. وبينما هي – مثل جميع الأشياء – تبلى تبقين أنت يا جوهرتي دائمة الثمر
وهذه الأبيات عن الحب الخالد لـ ثوماس مور
التوهج وسمو الروح اللذين تستأثرين بهما لا يُعرفان فقط عندما تمتلكين الجاذبية الساحرة والصبا أو عندما تنساب دمعة بجلال فوق خديك .. وذلك لأن الزمن هو مستودع النفائس ولأن القلب الذي يعرف الحب حقا لا يسلو أبداً .. بل يزداد عشقاً ودنواً مثل زهرة عباد الشمس التي تنظر لإلاهها وهو يأفل نفس نظرة التوق له حين الإشراق ..
وهذه الأبيات عن حب الأم من قصيدة " إلى أمي " لـ كينيث كارول
من قبل أن تكون هناك معان لكلمات الحياة والجمال والحب كنت قد قدمتها لي مثل هدية من ملكة ومن قبل أن أعرف ما هو الحب كنت قد قدمته لك في المقابل
من قبل أن ينحت الزمن الجبال الرواسي من غور الأرض ويحيل الجليد بحاراً ، والبحار صحارى كنت قد شاركتني حباً أبدياً لا يحده الدهر
وطويلاً من بعد أن تصبح الشمس رمزاً محترقاً لحياة سالفة.. والمحيطات رشفة من ماء الكون سأظل أحبك فلتدفئي يا أمي بهذه المناجاة عندما يحتدم الصقيع ..
أخي محمد المرتضى
نكتفي بالقصائد المترجمة إلى حين انقضاء فترة الكوستدي عن (الشعر الجاهلي !)
عبد المنعم خليفة
Post: #80 Title: Re: الحب في المنبر Author: احمد حماد ادريس Date: 03-25-2007, 09:03 AM Parent: #76
قد يدفع الانسان حياته ثمنا للحب ..وقد يدفع حريته فيتزوج وقد يدفع ثروته فيفلس ..قد يختلس ويدخل السجن ..الحب اذن له ثمن وليس عيبا او انتقاصا من قيمة الحب ان يكون له ثمن ..كل شىء فى هذه الدنيا لها ثمن .
اغلى ثمن للحب يدفعه الانسان يدفعه من احاسيسه ومشاعره وعواطفه فالذى يحب حقيقة يخصص احسن ما فيه واغلى ما فيه واجمل ما فيه من اجل ان يحب ..
الحب اخى ود المرتضى كائن حى ..كائن يتطور ..الحب فى القرن 21 ليس كالحب فى القرن 19 او 14 ..الحب فى سنوات العمر الاولى ليس كالحب فى سن ال 30 او ال 40 او ال 60 ..الحب فى الخرطوم ليس كالحب فى مسقط او باريس او كسلا لانو الحب عذاب فى كسلا او هنولولو ..كل مدينة تفرض شروطها ونموذجها وقيمها ..وكما لاتتطابق البصمات لا تتطابق العواطف ولا تتطابق قصص الحب ..اخى ود المرتضى ما حدث لقيس وليلى كان يمكن الا يحدث لو كان عندهما جوال او انترنت او فاكس او حتى جهاز تسجيل يرسل لها على شرائطه قصائده ..او كان عندهما ادارة بريد نشطة ليرسل لها خطاباته وقصائده على عنوان صديقتها وترسل له خطاباتها على عنوان الدكان المجاور او على صندوق بريد ..الدنيا تغيرت اخى ود المرتضى وتغير الحب ..الدنيا تطورت وتطور الحب ..الحب الاول ليس هو الحب الاخير ..الحب كالتيار الكهربائى لا نستغنى عنه والذين لا يحبون كالذين لا يستخدمون الكهرباء ولا يعرفون فوائدها ومتعها يعيشون فى الظلام -كما ان الكهرباء تنير حركة الحياة فالحب يدير حركة القلب -وكما ان الكهرباء تضىء لنا البيت فالحب يضىء حياتنا كلها ..
Post: #79 Title: Re: الحب في المنبر Author: د.محمد حسن Date: 03-25-2007, 08:56 AM Parent: #1
الشاه
في ربيع الحب كنا او كما قال المحجوب انا ما ابتعدت عن القصيد وعن اهازيجي وفني
بيني وبين القلم رابط ازلي يحس بي فينزف دمه احرفا بها كل الشعور او ينفثني ظلالا تحكي شغفي بجماليات الحياة رغم قسوتها الندية في ديرتي يقولون
الدراهم مراهم
وقد كثرت البثور المادية لدرجة انها اصبحت لا تحتاج لاخصائي جلدية ولكنها تحتاج الى ورق صنفرة
ولي عودة
لانهن حببن الينا مع الطيب
ولا انكر بعض جاهليتي ورغم علمي بكيدهن
اصبو اليهن
Post: #81 Title: Re: الحب في المنبر Author: abubakr Date: 03-25-2007, 09:23 AM Parent: #1
العرريب ود شيقوق ... اها قت حب ما سياسة يلالا نادييها مع الدوش (الله يرحمه) والرطان :
Quote: بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا
Post: #82 Title: Re: الحب في المنبر Author: الطيب شيقوق Date: 03-25-2007, 10:02 AM Parent: #81
Quote: العرريب ود شيقوق ... اها قت حب ما سياسة يلالا نادييها مع الدوش (الله يرحمه) والرطان :
يا امير الزمن ده كلوووووو ندودر فيك عشان نجيبك ونفتش الجواااااااااااااك وقد كان امرا عصيا . وها انت تترنح مع دموع المرتضى الذى استطاع ان يرجّك ويخجّك ويجعل من الاحاسيس الحبيسة تزمجر لتغني لنا بناديهااااااااااااا
لله در شاعرنا الدوش
هذه الحروف تسكن القلب بلا استئذان فمكانها بصيرة الفؤاد اخضر الله حرفه دوما..وهو يمنحنا هذا الدفء
مودتى
Post: #84 Title: Re: الحب في المنبر Author: الطيب شيقوق Date: 03-25-2007, 10:47 AM Parent: #82
اخي احمد حماد
على خلفية الحب هناك في كسلا كتب الاخ الظرف نجيلة من ولاية ارزونا باميركا ما يلي :
Quote: مابين أويتلا وتوتيل علاقة ما بجبال شاندلر والأوباشي.. تستقطب الطبيعة بعدآ مشابها بين كسلا و فينكس.. وبين البني عامر وقوافل النافاهو من الهنود الحمر.. وعيون ناعسة سود بين التاية الخمرية البجاوية و ماريا الاسبانية المكسيكية..وحتى الشجر تشابه سدراته و دومه و مسكيته و عرديبه و نخيله وحتى الطيور ألحظ فيها ود أبرك وعشوشة والدباس.. بالأمس غنت قمرية قرب نافذة حجرتي عند الفجر وأنا أتهيأ للنوم.. فعادت بي الأشجان والذكرى لقمرية كانت تغنى على نيمة في الفجر في يبتنا الكبير ..
Post: #86 Title: Re: الحب في المنبر Author: محمد المرتضى حامد Date: 03-25-2007, 11:44 AM Parent: #84
حيدر قاسم، كعادتك السمحة تثري المساحات بحديث لايقف عند المضمون العميق بل يتعداه الى جمال الوعاء الذي يحمله ، يا رجل أنت تكرمنا بأجمل الطعام على صحاف من ذهب ، رغم أني أشتاق للشراب بكؤوس القرع وعصيدة في أقداح نُحِتت من جذع شجرة أو خزف قديم . بالأمس ضحكت وتذكرت حديثك عن الفار الكندي ( الهاميستر) وسرادق العزاء الذي أقامته المكلومة صاحبة الفأر ، تذكرتك عندما دخل عليّ أحد زملائي المحامين من نيوزيلنده وهو يستفسرني عن الإجراءات المطلوبة لاستقدام حيوان أليف تعشقه حرمه المصون ( كلب) لأنه سيسافر الى أوكلاند ليعود برفقة زوجته والكلب، وقال لي إن تذكرة (الكلب ) من أوكلاند الى مسقط ستكلفه 2000 دولار ، اتجاه واحد، يعني ضعف قيمة تذكرته هو . وقتها تذكرت مظفر النواب في احدى قصائده عندما عَوَت فيه كلاب الحيِ . شوف بالله الناس ديل ياحيدر ، والله محتاج قرن آخر شان أفهم البسوو فيهو ده ، لكن هو حب لا نستطيع أن نستكثره على أي كائن وديننا حضنا وأوصانا عى الرفق بالحيوان ، لكن 2000 دولار؟ أها ياحيدر، نرجع لكلامك:
Quote: هكذا ... أتيتنا الجوهر من حيث غلاوته ... ونداوته ,
وهذا يصح فى حكمية قلب صحيح ... وناسا شايلين مشاعرهم
وفي إستعداد للدفع بها على كل { ثقب } إنساني ... حتى
يستشعرون لذات أنفسهم المتامهية فى الآخرين ... معنى الحياة ,
يعني زي الناس الجو هنا وزاوروك بكل فرح وأريحية ... فهم كذلك .
لكن حبيبي ... أوضاعنا أسوأ من أن تستشفيها حبوب الحب عند اللزوم
... فقد سعت كثير من القلوب هنا على ناحية مناهضة للحب ... وكأنه
سبب علتنا ... فإستحضروا { الغلظة } لتجريف نوازع الحب , وتجريده
من سطوته التاريخية والإنسانية علينا ... تمهيدا للأرض من اجل { البديل }
العنف ثانيا ... ولإستدارة فى أخيلة التاريخ وموسوع الجغرافيا ثالثا , لنتحسس
{ سودانيتنا } ... في حالة كونها معروضة لللإختبار والتشكيك , ورابعا... أرنو
لإحترام متبادل ... غض النظر عن القضية موضع النقاش ... فهذا من بداهات الحوار .
ومن الأسانيد الداعية لتطوره وتلاحقه ... لأجل من يهمهم الأمر ... وسلام .
قلت ما قلت ... وما عارف ... هل يلفق مع اطروحتك ... أم أنه فيضي الخاص .
تحت كل الظروف ... والإحتمالات ... معزتي
زي الكلام ده يا حيدر كيفن يعني ما بلفق مع أطروحتي ، ياخ ده كلام جميل وحا أرجع ليهو تاني بهدوء، بس (صيانة ) الحب حتى ( تسمح ظروف بمشاعر تليق به ) لا اتفق فيها معك لأنو انت بالطريقه دي كمن يخزن العطر وينتظر فرحا في ال (حِلّة) قد لا يأتي ، أضف ياعزيزى أن الحب ذاته مشاعر (تليق). اشارتك ل ( التطبيع الإنساني ) كمرحلة أولى سلوك براغماتي ( بالمعنى الحميد للكلمة) ومقترح ينم عن واقعية ونظرة ثاقبة للأمور لا أختلف معك عليها إلا انني أطمع في سقف أعلى تطبيقا لقوله تعالى : (فإذا الذي بينك وبينه عداوة كأنه ولي حميم). منتظر منك الكثير يا أمير وأثناءها دعني أردد مع أحمد الطيب ، طَيّب الله ثراه : أين يا وصلي ..قلبي بنيران الغرام مصلي. ضاع صبري
Post: #85 Title: Re: الحب في المنبر Author: محارب Date: 03-25-2007, 10:57 AM Parent: #1
الاخ محمد المرتضى
لله درك يا أخي
فقد لامست مفاتيح الحب والإبداع في قلوب مترعة بكل ماهو جميل
فإنداح الجمال في هذا البوست ( الدوحة )
اكيد محبتي وشكري ،،،
Post: #87 Title: Re: الحب في المنبر Author: محمد المرتضى حامد Date: 03-25-2007, 01:30 PM Parent: #85
والربيع ، كما هو معروف وكما ورد أعلاه ، ياتي بالورود والزهور والجمال وربيع هذا العام جاء بسلطان العاشقين عماد الأمين بعد غياب ( طال واستمرَ). لاشك أن حضورك اسعدنا يا عماد وتهانينا لوزيره العزيز جمال عمر ولاشك أن د. أحمد طراوه فاتته لحظات لن تتكرر مع أولئك السَحَرة والمتبتلين: يا عماد أهديك أبيات الرائعة حد الغيبوبة ( حنان مرتضى) وشكري لأخي عصام صالح عيسى مخزن الجمال.
(أقسم أني امرأة لكن.. ------ وانا أمارس سطوتي ، وأنا أثور عَلَى أنا .. بأنوثتي ، وأنا أحاور مقلتيكَ وأختفي .. ببراءتي وأنا أشد على يديك بِرِقَّتي وتُلح في هذا السؤال " أَرَدتِنِي؟" خَجَلِي يَهُم يصدني وأظل أنتظر الكلام على فمي أظل ، كم أحببت فيك تكلُّمي وتكونُ كل الناس أنت ، ولا أرى، إلا يديك وقد هَوَت بهما يداي لتحتمي )
( حنان مرتضى)
ياعماد .. شُفتَ الحنان؟
Post: #88 Title: Re: الحب في المنبر Author: Ahmed al Qurashi Date: 03-25-2007, 04:46 PM Parent: #87
نواصل مع الأستاذة فاطمة السنوسي وحديثها العذب...
* وضعت قلبي على لساني لأكون صادقة القول ولأنك ملّ القلب تلونت بك كلماتي فصرت امرأة عذبة الحديث.
*في قلب سحابة بعيدة حفرا مخبأ لحبهما .... هطلت الأمطار انسكب الحب على المدينة.
Post: #89 Title: Re: الحب في المنبر Author: محمد المرتضى حامد Date: 03-25-2007, 10:27 PM Parent: #88
سميه الحسن طلحه، من قبل دخولها المنبر كانت من المشرفين على الفعل الثقافي بنادي الجالية السودانية بمسقط هي واسرتها الكريمة ، هذه الأسرة ، حفظها الله ، تمثل مجلسا لوزراء الفرح ، وقبل دخولها المنبر ايضا كانت تشارك من خلال المبدعين فيه بنثرها وأشعارها ( مِلِك حُر) مش زي حالاتنا كده نقعد نقترض جميل القول لنزيِن به حديثنا. والله يا سميه أنا مبسوط منك ومن الرجل الجميل الزبير والإبن المهندس عمر استاذي العلآّمه في الكيبورد الموسيقي ، ( ما يقوموا يقولو لي من مناضلين الكيبورد برضو)، الشاب ده بيعمل في الموسيقى الدايرو وهو ساحر في تركيب النغمات والأيقاع اليكترونيا ولو قلت أصابعو بتجري علي الكيبورد زي البِلِّية في السِرويس ، الزبير ماحايكتفي بكلمة( هرشك) المََّره دي. يا بت طلحه،
Quote: أسمح لى أن أهدى عبارتك التى أقتبستها فى صدر مداخلتى إلى كل أولئك الذين لايعلمون أن الحب ليس منحى واحدا وإنما مناح كثيرة وأن العشاق مشارب... لكم التحية وأنتم تعمرون بالحب يباب القلوب
كلامك سمح ، فليبق هذا قاموسنا السوداني الأصيل فالمعاجم التي فارقها العشق نشاز في مكتباتنا وبثور في أرشيفنا ، كوني كما أنت ، وفي هذا انداحي في تبشيرك. وكما قال (سند) ننادي العشق ونهتف له: (أدعوك ولا أتهاون فيك.. ولا أتردد.. حتى ينزف عِرق لهاتي.. حتى يشحب لون حروفي.. حتى ينشف آخر بحر في الأشعار.. يحتار الشوق .. يجن الشوق.. يروح الشوق.. يجئ الشوق.. يموت الشوق .. ولكن.. ابقى فيك كما غنيتك منذ البدء قويا لا أتغير.. لا أتبدل .. لا .. أنهار)
Post: #90 Title: Re: الحب في المنبر Author: فاروق حامد محمد Date: 03-25-2007, 11:23 PM Parent: #89
ود حامد المرتضى
نتاوق ونسلم من بعيييييييييييييييييييييد !!!!
Post: #91 Title: Re: الحب في المنبر Author: محمد المرتضى حامد Date: 03-25-2007, 11:32 PM Parent: #90
Quote: نتاوق ونسلم من بعيييييييييييييييييييييد !!!!
ياخ انت أصلو مامكن تكون بعيد .. أنت تسافر من الوريد الى الوريد..
_
في الفؤاد ترعاك العنايه.. يا الفاروق الحبيب
Post: #92 Title: Re: الحب في المنبر Author: محمد المرتضى حامد Date: 03-26-2007, 09:33 AM Parent: #91
رأفت ميلاد.. الرجل مهذب العبارة .. بصدق يا رأفت لما أجد صورتك وابتسامتك أغسل ما غشي عيوني في المنبر من أدران . كلماتك المحسوبة ذات المضمون الممعن في التسامح تقوم بدور المُنَظِّفات هنا. بالله شوفو مداخلات رأفت للإستيثاق من صدقية شهادتي. يا رأفت ما زلت أكرر طلبي اليك بإعادة بوست المبادرة بوصل من انقطع في أرجاء الكون من الأهل والصحاب وهو من أجمل البوستات في هذا المنبر، ولاّ تعبت من الإيميلات؟ ياخ ده كان بيجمع ناس كتار في الدنيا وكنت من المداومين على قراءته قبل أن أصبح عضوا هنا ، أصلو في ناس كتيرين رايحين لي في الفانيه دي وأتوقع ألاقيهم هنا أو في الآخرة. إبق على الإبتسامة سنداوم على حبك َقَسم بي محياك البدرِ
Post: #93 Title: Re: الحب في المنبر Author: الطيب شيقوق Date: 03-26-2007, 11:55 AM Parent: #92
واصلوا اخوتى هذا الفيض من الابداع فنحن متابعون .
Post: #94 Title: Re: الحب في المنبر Author: محمد المرتضى حامد Date: 03-26-2007, 09:02 PM Parent: #93
hameem
Quote: وطبيعي أن يفسح غياب السماحة والسمحين ( لبدائل ما سمحة) المجال لتطغى
أولا ألف مبروك يا عريس،
بالطبع هي حياة جد مختلفة وأنت بكل مافيك من رحمة ومودّة ستجد السكن فيها حتما. أعيد قراءة ابيات قال فيها أحدهم:
كنت أود ألا ينحني شاعر تلك الكلمات الى موائد الإنقاذ ، مجرد أمنيات ، لكنه فعل ولكني أترك له ما أراد في شأنه السياسي وأكتفي بما ترك لي في شأني العاطفي. نعم ياهميم .. طبيعي أن يفسح غياب السماحة لبدائل (ماسمحه) المجال لتطغى ، علينا أن نحترم كل وجهات النظر والأيديولوجيات وكل رأي سياسي باعتبارها نتاج للفكر الأنساني و ظروف متباينه ووليدة ثقافات مختلفة شريطة أن يتم التعبير عنها بعيدا عن العنف والعبارات الجارحة والإهانة ، فكل من يسلك نهجا يتعارض مع مشاعر الأنسان السوي ويتناقض مع آدميته عليه أن يتصور ، ولو لبرهة ، كيف يكون إحساسه إذا كان هو المجني عليه. نحن نحترم المقاومة والمعارضة بالكلمة أيا كانت مسموعة أو مكتوبة ، ومنها هذا المنبر التوعوي المؤثِّر، فهي في النهاية وسائل ترفد نهر الوعي وتُعرِّف الآخر بحقوقه منعا للأرتخاءات ودرءا للدكتاتوريات التي يترعرع في أجحارها وظلامها كل من يخاف النور، أخذت تلك الشموليات المتطرفة أجمل أيام العمر ولن نتركها تأخذ منا الحب والأدب والقيم الجميلة وأنا لا أدعو الى التخلي عن الشأن السياسي أو المقاومة الواعية في هذا المنبر أوأي منبر آخر أو أي وسيط متاح بل العكس تماما، الا أن الإنفلات الأخلاقي ، إضافة الى ضخِّه لمستخرجات العنف ، سيسعدأعداء الديمقراطية ويتيح لهم فرصة أن يقولوا للإنسان البسيط : أُنظروا هذا هو البديل.
_____
ياعريس ،
(عِشرون دهرا أكتُبك
أقسمتُ أنَّك آخِري أقسمتَ إني مُبتداك أقسمتَ إن اليوم عِندي ألفُ يوم من رؤاك وحلفتَ إن رموز عِطري سوف تفهمُها يداك وحلَفتَ كم أقسمتَ بي، وكتَبتَني.... فتَوتَّرَت كل اللغات.) (حنان مرتضى)
دُم هميما وحميما
Post: #95 Title: Re: الحب في المنبر Author: nourelhadi awad Date: 03-26-2007, 09:34 PM Parent: #1
Post: #96 Title: Re: الحب في المنبر Author: سمية الحسن طلحة Date: 03-26-2007, 10:35 PM Parent: #95
والله يا سميه أنا مبسوط منك ومن الرجل الجميل الزبير والإبن المهندس عمر استاذي العلآّمه في الكيبورد الموسيقي ، ( ما يقوموا يقولو لي من مناضلين الكيبورد برضو)، الشاب ده بيعمل في الموسيقى الدايرو وهو ساحر في تركيب النغمات والأيقاع اليكترونيا ولو قلت أصابعو بتجري علي الكيبورد زي البِلِّية في السِرويس ، الزبير ماحايكتفي بكلمة( هرشك) المََّره دي. .......... مرتضى أثقلت عودى الطرى بكلامك الثمار فوجب الإنحناء لك ألبستنى ثوبا فضفاضا فإنى والله لأخشى العثرة والتعثر . التحية لك يارجل وربنايدوم عليك البسط وخلاص منصب وزارة الفرح العينتنا فيه دا مابنتنازل منه أبدا لكن تعال أنا مابنتظر لمن الزبير يجىء يهرشك ... أمعط لى 7شعرات من راسك سريع عشان أبخر ولدى كر على يايما أتاريك متفكر فيهو ! تانى مابخليه يجيك إلا بعد ما أكتب ليه حجاب . هو فى حب أكبر من حب الأم ؟؟؟ كدى أنقوم أتصل بولدى أشوفو كويس ؟
Post: #109 Title: Re: الحب في المنبر Author: nourelhadi awad Date: 03-27-2007, 12:39 PM Parent: #96
عليك الله ياود المرتضى قوم الزولة دي أمانة في زمتك دا كلام نصاح أثقلت عودى الطرى بكلامك الثمار وكمان عايزة تنحني دي تترسم كيف؟؟؟؟؟ بقيتونا كيشة
Post: #110 Title: Re: الحب في المنبر Author: nourelhadi awad Date: 03-27-2007, 12:41 PM Parent: #96
مكرر
Post: #97 Title: Re: الحب في المنبر Author: سمية الحسن طلحة Date: 03-26-2007, 10:39 PM Parent: #95
والله يا سميه أنا مبسوط منك ومن الرجل الجميل الزبير والإبن المهندس عمر استاذي العلآّمه في الكيبورد الموسيقي ، ( ما يقوموا يقولو لي من مناضلين الكيبورد برضو)، الشاب ده بيعمل في الموسيقى الدايرو وهو ساحر في تركيب النغمات والأيقاع اليكترونيا ولو قلت أصابعو بتجري علي الكيبورد زي البِلِّية في السِرويس ، الزبير ماحايكتفي بكلمة( هرشك) المََّره دي. .......... مرتضى أثقلت عودى الطرى بكلامك الثمار فوجب الإنحناء لك ألبستنى ثوبا فضفاضا فإنى والله لأخشى العثرة والتعثر . التحية لك يارجل وربنايدوم عليك البسط وخلاص منصب وزارة الفرح العينتنا فيه دا مابنتنازل منه أبدا لكن تعال أنا مابنتظر لمن الزبير يجىء يهرشك ... أمعط لى 7شعرات من راسك سريع عشان أبخر ولدى كر على يايما أتاريك متفكر فيهو ! تانى مابخليه يجيك إلا بعد ما أكتب ليه حجاب . هو فى حب أكبر من حب الأم ؟؟؟ كدى أنقوم أتصل بولدى أشوفو كويس ؟
Post: #98 Title: Re: الحب في المنبر Author: فاروق حامد محمد Date: 03-27-2007, 00:28 AM Parent: #97
هذه تحية خاصة جدا للملكة سمية ...
ولاسهاماتها الفائقة كل حدود الروعة
Post: #99 Title: Re: الحب في المنبر Author: abubakr Date: 03-27-2007, 03:40 AM Parent: #1
يا جماعة الحب ما بيكمل من غير التلات دييل :
احمد ابو حريرة ام احمد (عواطف) خالد ود المحرب
وانتو اخر حب وما ساعليين عنهم .اها باروو ود شيقوق كان ما دخلكم النهر الجاف.. دة كلام .. انا غايتو مضرب لحد ما يظهرو فتكم بعافية
Post: #100 Title: Re: الحب في المنبر Author: الطيب شيقوق Date: 03-27-2007, 05:45 AM Parent: #99
Quote: يا جماعة الحب ما بيكمل من غير التلات دييل :
احمد ابو حريرة ام احمد (عواطف) خالد ود المحرب
وانتو اخر حب وما ساعليين عنهم .اها باروو ود شيقوق كان ما دخلكم النهر الجاف.. دة كلام .. انا غايتو مضرب لحد ما يظهرو فتكم بعافية
يا حليلك انت بتنفخ في قربة مقدودة - ديل هباته حبهم بموتو بيهو جوووووووووووووووة مش بدقو ليهو الطار زيكم . ديل الواحد بيتفرشخ بي حبو تحت ضل الهجليجة او السدرة او طرف النهر الجاف ويقعد يشخّت في الواطه ويلولح راسو لحدى وطاتو تمسي ويجى راجع الحلة يجر هبابو قدام الخلوة وما عايز اى حد يشاغله . وكان غلبت ام غلاب يشيل قروانتو يقول وارد للموية في محل الحنفية متعشم يلاقي محبوبتو وارده.
Post: #101 Title: Re: الحب في المنبر Author: salma subhi Date: 03-27-2007, 06:28 AM Parent: #100
تفشت بوستات الحب في المنبر والحمدللة وما زالت تناضل لتعبر وبقوة بين بوستات الزعل
التحية لكل بوست ينثر الحب ولك سيدي الفاضل
Post: #102 Title: Re: الحب في المنبر Author: الطيب شيقوق Date: 03-27-2007, 08:20 AM Parent: #101
Quote: التحية لكل بوست ينثر الحب ولك سيدي الفاضل
كتر خيرك يا سلمى انت ارض الجزيرة وقلب المحنة ونصبناك لعمودية المنبر العام لأنك غير انتقائية في مداخلاتك الا من ابى .
Post: #103 Title: Re: الحب في المنبر Author: أحمد طراوه Date: 03-27-2007, 08:22 AM Parent: #1
... وليس غريبا ان يأتي بوست الحب من نواحى مسقط التى شعار ناسها : شايلين المحنة .. و همنا نبني جنة .. و اشهد بان صديقنا و صفيُنا المرتضى ود حامد ، قد ظل وهو في اشد حالات المِحنة و انعكاس الاحوال يقول : مشاكلى بسيطة بالريدة بتُحل !! و هي فيما اذكر كلمات لفضل الله محمد ترنم بها ابوداود جبل المحبة و الوداد المتحرك .. و قال الشاعر القادم من وادى البطانة القشو بلاقى (ودى كان لزم بتشرحها سمية بنت طلحة) : الريد الكتير لابد تعقبوا عداوة .. و القلب الفسِل بنصيحة ما بداوى !! و تقول فلسفة علم الجمال السودانى علي لسان الراحل النعام آدم : إن القلوب الطيبة ما كانت شريرة .. والله طاريك يا ام درق و طارى العشيرة !! و القصد انو لو ربينا اطفالنا علي الطيبة و المحنة و حسن الطوية بوصفها انشطة للعقل و مبادى للاقوياء ، فأن قلوبهم و اقلامهم لن تعرف البخل و الفسالة يوم ان يلتحقوا بالمنابر الاسفيرية او يوم ان يدخلوا في علاقات انسانية واعية و قاصدة على نهج الرجل السودانى ادريس جماع عالي الشفافية و الذي قال : قم يا ملاكى و الدنيا ليل .. نتناجى في الشاطى الجميل .. و الليل نهار العاشقيين !! .. وكلما تقدم بنا الزمن اتضح لنا ان قضايا مثل الحب و حُكم السودان و قيادتو هى بالفعل مهنة العقلاء اللي بيفكروا بقلوبهم ، لانو ماعدا ذلك بيقع الضيم و التجني ، و يمكن كمان الاستباحة و القمع زى ما شايفين بعيونا .. و قيل ان هنالك بالفعل مسافة بين العقل و القلب ان لم يتنكبها الانسان فسوف ياتى باسم الثغر يلوح بالامانى ، بل سوف ياتى بكريم الافعال ، و عظيم المواقف و جميل القول من شاكلة : حبيبي طرفي مسهد .. اراك قريب و أتنهد .. و مرة فيك اتشهد .. انا قلبى آمن و وحد .. و ... و الى ان يقول .. يا مراهم جروح الامة و يا ملكا و ملاكا !! بالله يا مرتضى اقعد مع احمد القرشى و اكتبوا لينا كلمات العبادى : يا موفورة النفل .. يا الهيبة الكست الحِفل .. لدينا اسباب كافية لتقديم طلب مستعجل كهذا .. أغثنى با حبيب و اربح اجرى ..
Post: #104 Title: Re: الحب في المنبر Author: سمية الحسن طلحة Date: 03-27-2007, 09:08 AM Parent: #103
هذه تحية خاصة جدا للملكة سمية ...
ولاسهاماتها الفائقة كل حدود الروعة ـــــــــــــــــــــــــــــــــ فاروق النار
أنحنى أمام هذه التحية العاصفة لاسيما أنها آتية من جهة النار فأنا والله لاأملك الإستقامة أمام هذا المد العارم من الثناء.
لك ودى مابقيت
ــــــــــــــــــ
و قال الشاعر القادم من وادى البطانة القشو بلاقى (ودى كان لزم بتشرحها سمية بنت طلحة) : الريد الكتير لابد تعقبوا عداوة .. و القلب الفسِل بنصيحة ما بداوى
د. أحمد طراة معنى الجمال مشروح
لك منى من التحايا ما بلون قش البطانة.
Post: #105 Title: Re: الحب في المنبر Author: محمد المرتضى حامد Date: 03-27-2007, 09:28 AM Parent: #103
حيدر حسن ميرغني،
Quote: ود المرتضى
سلامات وبس
قلت لي يحبني برص
والله أضحكتني في زمن الإكفهرار المريب. تعرف يا بَرَكَه ، كلمة (بُرص) دي أنا سامع بيها لكن وكيلك الله ما عارف معناها بس إحساسي انها ( ما ياها) ، على العموم مقبوله منك يا حيدر ، المهم يا العزيز البوست ده من حاجاتو الجميله انو جاني بسببو شريط هديه على طريقة ( هاك يا فالانتاين) والشريط بصوت شابه اسمها نسرين هندي ويبدأ ب ( طريقك دايما فارشو ورد وطريقي دايما فارشو شوك) ودي زي ما عارف أغنية صلاح محمد عيسى مش برقيه من سلفاكير للبشير ، والشريط ينتهي ب ( يا دمعي اللِشَتَّت وغلب اللَقَاط ) ، برضو تقول لي ( يحبك بُرص ) يا حيدر.. يا ..... دمعي.
Post: #107 Title: Re: الحب في المنبر Author: Muna Khugali Date: 03-27-2007, 10:41 AM Parent: #105
Quote: كلمة (بُرص) دي أنا سامع بيها لكن وكيلك الله ما عارف معناها بس إحساسي انها ( ما ياها)
البرص هو الضب
وبسؤال مرجعنا .. اشمعني الضب?
الرد كان لأنه هناك مقولة ان الضب ملعون من الأزل.. وانه حيوان لا مؤاخذه غير نظيف.. لكن اصبحت جملة حبك برص تردد بروح دعابيه.. وأضاف لها الصغار فيما بعد..جزءا آخر طفولي شقي ليست به حساسية اللغه ومعناها.. فأصبحت الجمله كالآتي..
حبك برص..وعشره خرص ..واتنين طرش!
Post: #106 Title: Re: الحب في المنبر Author: د.محمد حسن Date: 03-27-2007, 10:10 AM Parent: #1
واسمح لنفسي ان اتكئ هنا واقول :
حروفك
الخيول
جامحات
وانت يا شفيف
تسوقك الرؤى
تسوقه الكلام
رنة وذبذبات
تضاجع الفؤاد حين ترفل النجوم في المسا
تملا الهيام
بالهيام
وتملا الوريد نمنمات
*****
اعلن
اني قد عاقرت هواك
ثملت وعشت النشوة في اعماق الفرح
لثمت لماك
اغراني شبق الشوق
فردت جناح العشق
وكان البحر عيونك حين يضج الكون بعطر شذاك
-
Post: #108 Title: Re: الحب في المنبر Author: الطيب شيقوق Date: 03-27-2007, 11:33 AM Parent: #106
قال احد الحكماء
(لو سألني احدكم .. ما هي علامات الحب وما شواهده .. لقلت بلا تردد أن يكون القرب من المحبوبة اشبه بالجلوس في التكييف في يوم شديد الحرارة .. وأشبه باستشعار الدفء في يوم بارد ..لقلت هي الألفة ورفع الكلفة وأن تجد نفسك في غير حاجة الى الكذب .. وأن يرفع الحرج بينكما ، فترى نفسك تتصرف على طبيعتك دون أن تحاول أن تكون شيئاً آخر لتعجبها .. وأن تصمتا انتما الاثنان فيحلو الصمت وأن يتكلم احدكما فيحلوا الاصغاء.. وأن تكون الحياة معاً هي مطلب كل منكما قبل النوم معاً .. وألا يطفئ الفراش هذه الأشواق ولا يورث الملل ولا الضجر وإنما يورث الراحة والمودة والصداقة .. وأن تخلو العلاقة من التشنج والعصبية والعناد والكبرياء الفارغ والغيرة السخيفة والشك الأحمق والرغبة في التسلط ، فكل هذه الأشياء من علامات الأنانية و حب النفس وليست من علامات حب الآخر .. وأن تكون السكينة والأمان والطمأنينة هي الحالة النفسية كلما التقيتما .. وألا يطول بينكما العتاب ولا يجد أحدكما حاجةً إلى اعتذار الآخر عند الخطأ ، وإنما تكون السماحة والعفو وحسن الفهم هي القاعدة .. وألا تشبع أيكما قبلة أو عناق أو أي مزاولة جنسية ولا تعود لكما راحة إلا في الحياة معاً والمسيرة معاً وكفاح العمر معاً . ذلك هو الحب حقاً .. والمشكلة أن يصادف الرجل المناسب المرأة المناسبة وذلك هو الحب في كلمة واحدة ..التناسب تناسب النفوس والطبائع ..قبل تنافس الأجسام والعمر والثقافات ...)
لكم حبي
Post: #111 Title: Re: الحب في المنبر Author: محمد المرتضى حامد Date: 03-27-2007, 12:51 PM Parent: #108
Noon 3
نون 3 ، لقبك ظريف لكن بالطريقه دي حاتجينا واحده وتاخد لقب ( بيان ..رقم 1) مع انو ده محجوز .. لناس الجيش.
Quote: لا بديل للحب إلا الحب (والحب في الارض بعض من تصورنا لو لم نجده عليها لاخترعناه) انها دعوة للمخترعين وناشري الأشرعة البيضاء والخضراء في ربوع المنبر. والاختلاف الواعي لا يقتل الحب بل يحيه (وهذه الدنيا كتاب أنت فيه الفكر)
هذا هو الكلام الذي يُبث على أثير نبتغيه وتلتقط قلوبنا ذبذباته فتكون حصيلة التجميع (أغدأ ألقاك)؟ يا نون ، انت اخترت بيدرا فسيحا للخطاب بإيرادك رائعة الراحل المقيم الهادي ولقولك ( إختراع الحب لو لم نجده ) فالحاجة أم الإختراع ونحن في حاجة مستمرة للحب فهذا الأخير تتفرع عنه الفضيلة والمروءة والشهامة والكرم والكرامة والنخوة والأدب والنظافه ( جوه وبرّه) ومليونا من الخصال الجميلة ، تعرفي يانون ، سبق أن قلت أن هناك أناسا يكفيهم أن يقول لهم الحبيب ( بريدك) وبعدها تشوفي العجائب والخوارق. زي ده يا نون ممكن يصبح عالِم أو يقتحم حصن خيبر وحده وحتما سيشفى من أعتى الأدواء ولا أشك انه سيدحر أي كتيبة مارينز تلتقيه في طريق العوده إضافة الى خاصية المشي فوق الماء والأرتقاء بمقدار بضعة أمتار في الهواء كما فعل القس جريجوري ، إن صحّت الرواية، مش شفتي أديبنا الرائع بشرى الفاضل قال شنو في حكاية البنت التي طارت عصافيرها؟ سلامي كثير واحترامي,
Post: #112 Title: Re: الحب في المنبر Author: Mohamed Abdelgaleel Date: 03-27-2007, 01:07 PM Parent: #111
Quote: جودوا علينا بالأغنيات الصحاح وبالتراحم واللوحات الناطقات والموسيقى وبالتآلف والتلاوين والأشعار والمودة والقصص القصيرة والروايات الطويلة والتسامح فأيامنا بينكم معدودات ، أنثروا العطور لننام على وسادة من الياسمين ونتدثر أوركيدا لايبلى في أمان لايزول قبل ان يأتينا (مغرب العمر واخفاق الشعاع) . أصلحوا رئاتنا واغسلوا شراييننا درءا للتجلط والتخثُّر والأنسداد... بالله عليكم ..
يا سلام على إختياراتك يا محمد المرتضى حامد ..
Post: #113 Title: Re: الحب في المنبر Author: الزاكى عبد الحميد Date: 03-27-2007, 02:15 PM Parent: #112
بعودتك يا صديقي عاد الحب للمنبر فبالله لا تدعنا لهذا القحط الذي يجتاح المنبر بلا رحمة..
فالتحية لك ولكل المتداخلين/المتداخلات لأني وجدت في كلامهم كل ما يريد القلب قوله..
عشان كدة بقول ليك: الغيبة عن المنبر ما بتليق بيك..
ببساطة لأن الحب أساس الحياة كما قلت..
لك ودي
الزاكي
Post: #114 Title: Re: الحب في المنبر Author: Ahmed al Qurashi Date: 03-27-2007, 06:19 PM Parent: #113
نواصل إبداعات فاطمة السنوسي..
* اتخذت حبل وصلك المقطوع حاجز من خوف وعقدة من شك ونصبت مشنقة لحبك .. كان الحب كبيرا ما طوقته المشنقة ... فشنقت اوهامى وحررت شهادة بقاء أبدى للحب الكبير.
* عبر منفذ صغير اقتحمت حياته ... دخلت عالمه الرحب ....استوقفتني كنوزه ....ضاعت منى بوابة الخروج.
Post: #115 Title: Re: الحب في المنبر Author: أحمد طراوه Date: 03-27-2007, 07:42 PM Parent: #1
... حكيمك يا ود شيقوق كلامو سمح بالحيل ّ! شوف لينا برضو ايه قال بن حزم عن الحب ! خبرنى احد الباحثين في ازمة ثقافة الحب انو الكتاب اللي اسمو طوق اليمامة به نظرات ، و اساسيات و تفكر عميق في امر الحب و المُحبين .. و ما اظنى مخطى لو قلت ليك ودحامد بكون خاتى هذا السِفر الهام تحت المخدة بتاعتو ... و بالله بمجرد دخولك لجنة النادى ابدا مشروع تكوين مكتب جديد اسموا : التعارف و التآلف و المودة .. طمنى تعال نبدا .. و كلكم علي قول الحردلو : كبس الهم علي ليلي و نهارى مُسرح .. بطنى (إتشيمطت) قلبى البِفر مُجرح .. الصايدني كان صاد الحُجار بتمرح .. إلا رحمة المولى الوسيعة بتفرح .. ثقافة الحب قضية مركزية في الالفية الجديدة .. أه .. أه .. نحلم بوطن حيث صالة للثقافة .. تسرح الغزالة جنبها الزرافة .. بتمن طبنجة احسن الكمنجة .. و عاش من قال انني أومن بالحب و ايضا بالشعب حبيبي و ابي ..
Post: #116 Title: Re: الحب في المنبر Author: abubakr Date: 03-27-2007, 08:09 PM Parent: #1
Quote: لكم حبي
شوفو الراجل دة ... فاتح بلاغ ضدي في بكان غير دة و يقول "لكم حبي" وكمان قال بيعرف "حكما" واحمد قريبي صدقوا ....
عموما كنت عايز اجيب قصيدة شعر نوبية ( ما تفهمو منها حاجة حتي المتزوج رطانية ) لكن رحمة وحب اها بجيب ليكم عربي يا عرريب ود شيقوق "القاك" دي ما تحوم بيها لحد ما القضية تنتهي ؟ مش انت الشكيتني والملكة هي المدعي العام ..اها النشوف اخرتا )
Quote: أغدا ألقاك
غناء ام كلثوم
أغدا ألقاك يا خوف فؤادي من غدا
يالشوق واحترافي في انتظار الموعد
آه كم أخشى غدي هذا وارجوه اقترابا
كنت استدينه ولكن هبته لما أهابا
واهلت فرحة القرب به حين استجابا
هكذا احتمل العمر نعيما وعذابا
مهجة جرى وقلبا مسه الشوق فدابا
أغدا ألقاك ؟
أنت يا جنة حبي واشتياقي وجنوبي
أنت يا قبلة روحي وانطلاقي وشجوني
أغدا تشرق أضواؤك في ليل عيوني
آه من فرحة أحلامي ومن خوف ظنوني
كم أناديك وفي لحني حنين ودعاء
يا رجائي أنا لم عذبني طول الرجاء
أنا لك أنت أنت لم أرحل بمن راح وجاء
أنا أحيا بعد اشواقي بأحلام اللقاء
فتأت أو لا تأت أو افعل بقلبي ما تشاء
أغدا ألقاك ؟
هذه الدنيا كتاب أنت فيه الفكر
هذه الدنيا عيون أنت فيها البصر
فأرحم القلب الذي يصفو اليك
لغدا تملكه بين يديك
وغدا تأتق الجنة أنهارا وظلا
وغدا للحاضر الزاهر نحيا ليس الا
وغدا نسمو فلا نعرف للغيب محلا
وغدا للحاضر الزاهر نحيا ليس الا
قد يكون الغيب حلوا
انما الحاضر ..... أحلى
أغدا ألقاك؟
Post: #117 Title: Re: الحب في المنبر Author: الطيب شيقوق Date: 03-27-2007, 08:35 PM Parent: #116
Quote: ود شيقوق "القاك" دي ما تحوم بيها لحد ما القضية تنتهي ؟ مش انت الشكيتني والملكة هي المدعي العام ..اها النشوف اخرتا )
بت طلحة
دى رطاني خطير جدا شفتي بقصد شنو؟ هو قاصد يصرفنا من قضيتو ويولع النار بهنا ونقحم انفسنا في كيفية اطفاء لهيب نيران استاذنا الهادي آدم وود المرتضى .
يا ابوى انت معلن للرد على الدعوى رتب دفوعك ونحن في انتظارك بهنااااااااااااك .
Post: #118 Title: Re: الحب في المنبر Author: abubakr Date: 03-27-2007, 08:52 PM Parent: #1
Quote: يا ابوى انت معلن للرد على الدعوى رتب دفوعك ونحن في انتظارك بهنااااااااااااك .
اولا لازم تخاطب الملكة وتقول يالملكة بت طلحة وبعديين هي مدعي عام وانت شاكي فلو عندك محام هو يقوم بشغلو ( ما هو بشان كدة انت محام خلع لا بتعرف قانون ولا حاجة ) .. وانا بجييك بمدافع مش بدفوعات .. اها هاك دفوعات من كلام واحد عرريب اسمو شادول :-
Quote: كلمات عن حبيبتي كلمات عن حبيبى
أعزائى ..
أحييكم ..
أعيرونى مسامعكم
فأطربكم .. و أشجيكم
و غنوا ..
صفقوا طرباً ..
فعن حلواى أنبيكم
فمنها أستقى شعرى
فأسمعكم .. و أثريكم
و لولا وحى عينيها
لما طابت .. لياليكم
و لولا سحر عينيها
لما غنت أماسيكم
فصمت حبيبتى يحكى
عن الأجداد و الشهرة
و عن أمجاد تهراقا
و عن كررى .. و عن مرّة
و عن تاريخ أجدادي
و عن توتيل .. و الخضرة
و عن اهلى .. و عن بلدى
و عن مروى .. وعن حبى
و عن آثار .. ماضيكم
..
و شعر حبيبتى ليلٌ
أسامره .. فيلهينى
و أغفو فى جدائله
فتأوينى .. و تحمينى
و أدفن بينها رأسى
فمنها كان تكوينى
و هذا الليل أعشقه
فيونسنى .. و يوحينى
و أهجع عنده فرحاً
فأطربكم .. و أثريكم
..
و صوت حبيبتى لحنٌ
تملكنى .. فهزانى
و قرع طبول أفريقيا
تمازجه .. بوجدانى
أنام عليه إن أمست
و أصحو و هو يرعانى
عزفت على مقاطعه
مزاميرى .. و ألحانى
فصوت حبيبتى وحيٌ
و يلهمني .. فأشجيكم
..
ووجه حبيبتى .. سعدٌ
يطالعني .. فأهواه
و أعجب من ملامحه
لعل البدر حاكاه
وهل للبدر رونقه
و هل للبدر مرآه؟
و هل لذت لنا دنيا
و طاب العيش لولاه؟
و هل غنت حناجركم
و هل طابت أماسيكم؟
..
و فى العينين أحبابى
قضيت العمر لا أدرى
نسيت عليهما نحسى ..
لأكتب منهما شعرى
و فى أمواج عينيها
رضيت نهاية العمر
و فى الأجفان أحبابى
حفرت براحتى قبرى
و عدت لكم أودعكم
و عن مثواى أنبيكم
أعزائى ..
أحييكم ..
و غنوا ..
صفقوا ثانٍ
فعنها كنت أنبيكم
كثيرٌ ما خفى عنكم
و هذا القدر .. يكفيكم
Post: #119 Title: Re: الحب في المنبر Author: الطيب شيقوق Date: 03-27-2007, 09:00 PM Parent: #118
Quote: و بالله بمجرد دخولك لجنة النادى ابدا مشروع تكوين مكتب جديد اسموا : التعارف و التآلف و المودة ..
يا دكتور كنت انظر بعين الرضا لكل ماهو هنا في النادي . حديثك الجميل فيه اشارات ربنا يكفينا شرها.
Post: #120 Title: Re: الحب في المنبر Author: abubakr Date: 03-27-2007, 09:09 PM Parent: #1
Quote: حديثك الجميل فيه اشارات ربنا يكفينا شرها.
ات الجن المخاوييك دة جن كلكي خلاك ترفع قضية ضدي وهسع الدكتور عايز تقول في كلامو "ان" ؟؟ روح نوم ورانا شغل الصبح واللا قايلنا شغاليين في بورصة بتاعة سمك ؟؟؟
Post: #121 Title: Re: الحب في المنبر Author: محمد المرتضى حامد Date: 03-27-2007, 10:51 PM Parent: #120
وأخي عصام صالح عيسى ( مخزن الجمال) أهداني من ( سماعين حسن) الراحل الجميل هذه الأبيات :
أخي مرتضى التمس منك إفراد مساحة لكلماتٍ ساهمت في إخضرار ذلك الزمن الذي لازال يعيشنا منذ أن عشناه كلمات شيخنا إسماعين في قصيدته "المصيوب" عليكِ البينا ما تهمي وتفتحي للأسى الأبواب...... لأني بخاف .. عليكِ بخاف وخوفي شديد من الداجين على درب الزمان أغراب....... وخوفي عليكِ من ناساً زمان وصوكِ من حبي وقالوا ليك دي عاداتو يغير ديمة في الأحباب..... أنا ياحلوة ما إتغيرتَ ما إتبدلتَ بس كايس غراماً يبقي قدر أمي.... يبقى أنا وأنسى أنا وأتوه في نفسي أنسى إسمي دحين ياحلوة كان وصفولك المصيوب عليكِ البينا ماتهمي.....__
ياسلام شكري يا أبا عزه
Post: #122 Title: Re: الحب في المنبر Author: محمد المرتضى حامد Date: 03-28-2007, 07:33 AM Parent: #121
قالت:
الحب والصداقة كأوتار الكمان ، قد يتوقف العزف ولكن تبقى الأوتار مشدودة.
Post: #129 Title: Re: الحب في المنبر Author: محمد المرتضى حامد Date: 03-28-2007, 08:37 AM Parent: #122
nourelhadi awad
Quote: ود معبأ دائم الصلاحية لك ولجمعك الجميل دعني أغرس وردة أصلها مكانك وفرعها السماء
نور
الفنان التشكيلي الأديب نور، كنت اتمنى على المولى أن يمنحني لغة أغزل منها وشاحا يليق بصدرك يا نور ، الذي يدثرني بثياب الود الحرير يجمِلني ويواري نقائصي فيصبح ماء عيوبي غورا لا تستطيع عيون الصحاب والعباد له طلبا . تعرف يا نور ، نحن عندما نثني على أصحابنا فاننا ننشد رفع مستويات التسامي فيهم وفينا إلى ذُرَاها وذلك للحؤول دون انحسار الفضيلة حتى في لحظات الضعف الإنساني اليفضي الى النكوص والإنكسار. عندما نصف إنسانا بالشجاعة والفضيلة فلا خيار لذلك الأنسان غير تبنيهما وتثبيتهما حتى إن كانتا في حالة لاتوازن في دواخله ، وهكذا سنبقى.
وقالت:
( وبرغم أنك يا رفيق الأنجم خبّأت ضوء الأنجم ورحلت بين الأنجم في بعد تلك الأنجم ألقاك يا عَجَبي معي.. ألقاك تعدو في دمي مُتحكِّما في لفتتي تُلقي الكلام بمسمعي متحكما في همستي تُخفي الحنين باضلعي متحكما في رحمتي وتقول لي " لاترجِعِي النار تَكثُرُ في دمي لاتطفئيها.. بل أضيئي ..أضرِمي" وأظَلُ أحترفُ القِناعَ أظَلُّ أنتظر المجئَ أظَلُّ أنتظرُ القيود بمعصمي )
_
النور الهادي لك محبة لاتفنى
Post: #123 Title: Re: الحب في المنبر Author: mamkouna Date: 03-28-2007, 08:06 AM Parent: #1
إلى دكتور أحمد القرشي.. إلى المرتضى.. و كل زوار البوست التريان محبة..
المزيد من فاطمة السنوسي...
Quote: قرأت مرة بالصحف إعلاناً من دائرة الشرطة برصد مكافأة لمن يدلهم على رجل يملك إمتاع العقل والروح والعين والفؤاد في لحظة واحدة.. خُنت حبيبي.. أرشدتهم إلى مكانه وقبضت المكافأة...!!!
Post: #124 Title: Re: الحب في المنبر Author: mamkouna Date: 03-28-2007, 08:08 AM Parent: #123
Quote: تخاصمنا مرة.. فنزعت خاتمي من يدي وكان عليه حرفه الأول.. ثم أتبعته بأقراطي.. قلادتي .. وسواري.. وكان عليها جميعاً ذات الحرف.. تركتها بالبيت.. وخرجت لحياتي اليومية. لكن إحساسي بالحرف ظل يلازمني.. حيرني الأمر.. ثم تذكرت كنت نقشت الحرف على قلبي نزعت الأشياء ولم أنزع قلبي...!!!
Post: #125 Title: Re: الحب في المنبر Author: mamkouna Date: 03-28-2007, 08:10 AM Parent: #124
Quote: وضع طبيبها السماعة على صدرها .. نظرت اليه معاتبة.. إستدرك ان قلبها لم يعد معها... فوضع السماعة على صدره ....!!!!!
Post: #126 Title: Re: الحب في المنبر Author: mamkouna Date: 03-28-2007, 08:12 AM Parent: #125
Quote: وضعتُ قلبي على لساني لأكون صادقة القول ، ولأنك ملء القلب ، تلونت بك كلماتي ، فأصبحت إمرأة عذبة الحديث ...!
Post: #127 Title: Re: الحب في المنبر Author: mamkouna Date: 03-28-2007, 08:26 AM Parent: #126
إلى أحمد.. حبيبي...طبيبي...و حتة مني...!
Quote: يضحكنى حبيبى
فهو قصير القامة جداَ ...
مستدير الوجه جداَ ...
صغير الوجه جداَ...
يفشل فى تقبيلى لاننى جيداَ انظر اليه ..
إنفجر بالضحك ...
أحببته معنى..هِمت به حقيقة
أعطيته الحياة.. أطال لي حياتى .
نادانى.. ياماما
ناديته ..يارجل
فقد بلغ من العمر .. ثلاث سنوات.....!!!!
Post: #128 Title: Re: الحب في المنبر Author: mamkouna Date: 03-28-2007, 08:28 AM Parent: #127
Post: #130 Title: Re: الحب في المنبر Author: محمد المرتضى حامد Date: 03-28-2007, 11:37 AM Parent: #128
محمد أبو العزائم ،
Quote: كل ما نقول نستغفر ونبقى ناس عمليين ونجاري العولمة ونلحق الدنيا .. تجيب لينا سيرة البتاع ده وترجعنا لي رومانسية (حاولنا) ننساها.
بس ما دام بتتكلم عن الحب المطلق ... ليه حاصرو في المنبر؟
رحم الله الإمام الشافعي إذ قال: من لم يحركه الربيع وأزهاره .. والعود وأوتاره ....... فهو فاسد المزاج .. ليس له علاج.
اللهم أدخل الحب قلوب من يريدون إفساد مزاجنا ليثنيهم عن مرامهم.
صديقي القديم جدا أبوالريش،
انت هسه وكِت ما داير سِيرة ال (بتاع ده) داخل تسوي شنو؟ يا محمد الحب يتجلى في كل زوايا حياتنا ولا شك عندي أنه لايوجد إبداع بدونه ، شوف من لايحب لايرسم اللوحات ولا ينثر أدبا ولا يكتب شعرا ولا يتظاهر ضد الظلم ولا يبكي في صلاته أو لفراق عزيز أو حتى لسماع مسالة مؤثرة أو مشهد درامي. الحب يهذِّبنا ويفرد لنا مظلة حياء تدفع عنا البهيمية والتَفَلُّت . بالطبع أنت ، كموسيقِي ، أخبر مني في هذا الجمال والمجال ، يا محمد الزول اللي بيحب بيكون ظاهر فتجده طروبا كريما وشفوقا يعرف ماهو المرح وماهي الدعابة ، أما التانيين ديلاك انت عارفهم براك. صدق الأمام الشافعي. لك محبتي يا غالي.
Post: #131 Title: Re: الحب في المنبر Author: Ahmed al Qurashi Date: 03-28-2007, 11:56 AM Parent: #130
الأخ العزيز / احمد طراوة
طلباتك أوامر وهاهي أغنية موفورة النفل للشاعر إبراهيم العبادى ...
ياموفورة النفل
يا موفـــــورة النفل......... يا الهيبة الكست الحـفل ليك في الجمع الحفل...........نسبة راد من طـــفــل اتمايل غصنك رفل ............مـــــيل سنــده الكفــل اتماوج عائم رتــل .........رن في قلوبنا حجيله تل عام نهده وكتفه الحتل........اتوســد في فنايــده تــل من الريــل الوقــل ........ليكى الجيـــد والمـــقل وفيكى القــال والنقل........ما بحـــصل عشر الاقـــــل اتناعس مايس قـــدل ..........في الأرداف رمى الجدل في القامة الزاينه البدل.......شفنا الجــور والعــــدل يا المايح احب واجــل .........فيك إذلال قدري الأجل قلبي الما بعرف الوجل............هابك وخاف سيف النجل ليــك مقــدار ما بــذل.........در نفـــــيس الغـــــزل في حــــبه أنا لم أزل .........رغـــــم اللام والعــذل
Post: #132 Title: Re: الحب في المنبر Author: Osman Musa Date: 03-28-2007, 05:01 PM Parent: #131
أحببتك أيتها الغنية الجمال أحببتك وأنتى عرفتى. عوزى وفراغ ذات يدى أنا احببتك أنتى اشعلتى المصابيح .. ____ وكما قال الشاعر العبادى فى حبك أنا لم أزل .... رغم اللام والعزل ___- أستاذ محمد سلام شديد اخيك عثمان
Post: #133 Title: Re: الحب في المنبر Author: Ahmed al Qurashi Date: 03-28-2007, 07:28 PM Parent: #132
Quote: يا نون ، انت اخترت بيدرا فسيحا للخطاب بإيرادك رائعة الراحل المقيم الهادي ولقولك ( إختراع الحب لو لم نجده ) فالحاجة أم الإختراع ونحن في حاجة مستمرة للحب فهذا الأخير تتفرع عنه الفضيلة والمروءة والشهامة والكرم والكرامة والنخوة والأدب والنظافه ( جوه وبرّه) ومليونا من الخصال الجميلة ،
الأخ / محمد المرتضى
هذا الحديث يذكرني بمقولة معاوية بن أبى سفيان عندما قيل له إن ابنك يزيد قد عشق فقال دعوه إن الفتى إذا عشق نظف وظرف ولطف.
Post: #146 Title: Re: الحب في المنبر Author: محمد المرتضى حامد Date: 03-30-2007, 03:40 PM Parent: #130
إسماعيل محمد أحمد عباس،
Quote: دعنا نقول حب الناس يحبوك
و الحب ذى الهوى البتنفسو
وإنى أحبك فى الله
صح لسانك يا المُفتَدَى، يا غالي لو أننا فعلنا كما تقول لأصبحت الأرض مكانا أجمل ، ظنِّي يا اسماعيل أن محبة الناس هى الأصل وهي القاعدة وأن ماعداها استثناءات وإلا لما بقي على وجه البسيطة كائن ، من ثم تجد كلماتي مايؤيدها في أن ما يجمع بيننا من مساحات المحبة أكبر بكثير مما يباعد بين النفوس . سعدت كثيرا بزوال غشاوة عداء بين إخوة لم يكن في الأصل والواقع ما يفرِّق بينهم وعرفوا في لحظات أن القواسم المشتركة بينهم تكاد تناديهم وهم في غفلة عنها فوقفا ( للوصل وانطلقا.. إذا ما " التسامح " هز كوامن الأشياء فاعتنقا).
التسامح مشتق من الحب وعائدإليه.
وانا أحبك في الله يااسماعيل ،
يحفظك مولاي.
Post: #155 Title: Re: الحب في المنبر Author: محمد المرتضى حامد Date: 04-01-2007, 10:32 PM Parent: #130
مكرر
Post: #167 Title: Re: الحب في المنبر Author: محمد المرتضى حامد Date: 04-02-2007, 10:58 PM Parent: #130
مكرر
Post: #281 Title: Re: الحب في المنبر Author: hamid brgo Date: 05-11-2007, 12:44 PM Parent: #130
قلنا نسلم عليكم
الا الواحد احسن يجيكم و في يدو حاجة
حامد
Post: #134 Title: Re: الحب في المنبر Author: أحمد طراوه Date: 03-28-2007, 10:32 PM Parent: #1
... مودتي وجزيل شكرى يا قرشي .. انت الانيس اللي احبابو غنى .. انت اللطيف الماجار او تجنى ..
.. فى القامة الزاينة الجِدل .. شفنا الجور و العدل !! بس كيف يجتمع الجور و العدل في ذات الموقع و الظرف ! ؟ و اضح انو الحب هو فى بعض من جوانبه عملية تجري خارج اطار قوانين الزمان و المكان .. سجل يا محمد و عندك التسجيل ، علمت انك بصدد انجاز كتاب بعنوان العجائب و الغرائب في سيرة الحب و الحبايب !! تذكر الجاغريو لمن جمع الماء و النار في خد المحبوب .. اسمر لونه لادن جسمو .. يزدرى بالبروق فر بسمو .. امات البنات اتلموا .. و بقوا يلدوا و عليهو يسموا !!
Post: #135 Title: Re: الحب في المنبر Author: mamkouna Date: 03-29-2007, 08:20 AM Parent: #1
المزيد من قُصاصات فاطمة السنوسي.
Quote: إلتقت الفتاة بصديق قديم لها ، حكى لها عن فكرة يتبناها ومشى فيها خطوات ، تتمثل الفكرة في تكوين ناد للقلوب الخالية..!! التقيا مرة اخرى لمناقشة ابعاد الفكرة ، كان اللقاء حلوآ والحديث شجيآ ، قبل نهاية اللقاء ادرك كلاهما...
أنهما فقدا شرط العضوية الوحيد....!!!!!
Post: #136 Title: Re: الحب في المنبر Author: mamkouna Date: 03-29-2007, 08:31 AM Parent: #135
Quote: كان رجلآ أعزبآ ، هادئآ ، ومسالمآ .. قرأ طالعه بصحيفة ذلك اليوم وكان يقول : شجار يقود إلى علاقة زواج ، تهللت أساريره فقد وجد مفتاح الحل ، وعندما أوى إلى فراشه ليلآ كانت مشكلته ألأساسية ألإختيار ،، فقد تشاجر في ذلك اليوم مع ... ..... أبنة عمه وصديقتها وثلاث من زميلاته في العمل ... وبنت الجيران.!!!
Post: #137 Title: Re: الحب في المنبر Author: mamkouna Date: 03-29-2007, 08:35 AM Parent: #136
Quote: كان رجلا لا يأبه لبيته ...
كثيراً .. ولا قليلاً !
احتسى خمراً وغفا..
سمع ضجة واصواتاً متداخلة .
صرخ منادياً زوجته لتعيد للبيت هدوءه .
ونام ...
استيقظ متأخراً ليجد أن عدد أطفاله قد زاد واحداً...!!!!
Post: #138 Title: Re: الحب في المنبر Author: mamkouna Date: 03-29-2007, 08:38 AM Parent: #137
له.. وحده..!!
Quote: تحاببنا بصدق.. توحدنا .. انصهرنا... طلب صورتي ..
فأعطيته المرآة....!!!
Post: #139 Title: Re: الحب في المنبر Author: محمد المرتضى حامد Date: 03-29-2007, 10:53 AM Parent: #138
أم أحمد ( الممكونه) .. مزيد من التدفق والإندياح.. سأعود للأحباب أعلاه بالترتيب وأعود اليك وودالقرشي وبت السنوسي. لابد نعود.. محبتي..
Post: #140 Title: Re: الحب في المنبر Author: Ahmed al Qurashi Date: 03-29-2007, 06:09 PM Parent: #139
الأخت العزيزة / ممكونة
افتقدنا كتاباتك في الفترة السابقة ... شكرا جزيلا لك وللمبدعة الأديبة فاطمة السنوسي.
Post: #141 Title: Re: الحب في المنبر Author: سمية الحسن طلحة Date: 03-29-2007, 06:38 PM Parent: #140
علمت انك بصدد انجاز كتاب بعنوان العجائب و الغرائب في سيرة الحب و الحبايب !!
أود أن أحجز نسخة من هذا الكتاب ممكن ؟
Post: #142 Title: Re: الحب في المنبر Author: abubakr Date: 03-29-2007, 07:03 PM Parent: #1
الادباء شيخاتنا وشيوخنا العارفيين .. احاول ان ابتعد عن حوليتكم هذه فليس لي ما عندكم من حرف بهي و معرفة بجميل الكلام والشعر والغناء ولكن اجد نفسي هنا فالعنوان وانتم سواء فاعذروني ....
مما قرات واعجبني سطور اولي في فصل اول لكاتبة انسانة رائعة اسمها احلام مستغانمي واكيد تعرفونها انتم اكثر مني ... في مستهل الفصل الاول من كتابها الشهير " ذاكرة الجسد " تقول:
Quote: ما زلت اذكر قولك ذات يوم "الحب هو ما حدث بيننا والادب هو كل ما يحدث" يمكنني اليوم وبعدما انتهي من كل شئ ان اقول: هنئا للادب علي فجيعتنا اذن فما اكبر مساحة ما لم يحدث . انها تصلح اليوم لاكثر من كتاب. وهنئا للحب ايضا فما اجمل الذي حدث بيننا ما اجمل الذي لم يحدث ما اجمل الذي لن يحدث قبل اليوم كنت اعتقد اننا لا يمكن ان نكتب عن حياتنا عندما نشفي منها عندما يمكن ان نلمس جراحنا القديمة بقلم دون ان نتالم مرة اخري عندما نقدر علي النظر خلفنا دون حنين دون جنون ودون حقد ايضا ايمكن هذا حقا؟ نحن لا نشفي من ذاكرتنا ولهذا نحن نكتب ولهذا نحن نرسم ولهذا يموت بعضنا ايضا"
____ لكم مودتي وعفوا ان قطعت عليكم استرسالكم الشيق
ابوبكر
Post: #143 Title: Re: الحب في المنبر Author: أحمد طراوه Date: 03-29-2007, 10:38 PM Parent: #1
... الحب هو ماحدث بيننا .. و الادب هو كل مايحدث !! ... يقول الجاغريو سجل با محمد و عندك التسجيل ..
كم هي عميقة و بعيدة المدى كلمات هذه الاحلام مستغماني !! ... اكاد افهم الان لماذ يقال ان الحب هو ارقى تجليات الثقافة .. هو نشاط معرفى واعي يفتح آفاقا غير محدودة للإلهام .. هو استولاد المشاعر الجميلة و الرومانس عبر النشاط الاحتماعى اليومى المحكوم بمنظومة القيم النبيلة ، انه الاستولاد و الانتاج ثم الشروع الانساني - الاجتماعي في عملية التبادل .. الحب قيمة انسانية مُُنتجة ، و التبادل ملازم لانتاجها .. لكنه السلعة الوحيدة التي لا يخضع تبادلها لقانون السوق !! انه نشاط انساني حر مفتوح انه السلعة الوحيدة التي لا يتحكم في انتاجها الربح !! .. انتاج الحب و تبادله لا يخضع لوقت العمل الضرورى اجتماعيا كما الحال في انتاج السلع للسوق ، انه يخضع لتحقق شروط خاصة جدا بين أمرأة و رجل .. فسوق الحب هو الفضاء الانسانى الواسع الا محدود ، هو اتفاق شخصى -انساني بين رجل و أمراة ، اتفاق لا تحكمه كمبيالات و لا قانون اجراءت مدنية ... لذلك سيستمر قانون الاحوال الشخصية و قانون الزواج مجروحا في عمقه الحقوقي و الانسانى و الي مدي زمنى سيطول
... مُطوفا بعد قراءة لكرستوفر كودويل في احدى كتاباته العميقة باسم : الحب دراسة في قيم مُتبدلة ..
استشهد كودويل و هو من امة الانجليز عن 35 عاما في اسبانيا متطوعا في الفيلق الاممي دفاعا عن الجمهورية في وجه زحف فرانكو المدعوم من هتلر و موسلينى ..
مناشدة و نداء آخر لمعاوية و محمد عثمان .. الرجاء رفع اغنية الحب عرفتو لشرحبيل احمد كلمات الرجل الرقيق بشير محسن .. و بالعدم بالله لا تتركوا بوست محمد المرتضى الجميل هذا مكشوف الضهر غنائيا .. دمتم ..
.. رسالة الي عصام صالح عيسى بنواحي مسقط .. وهو ممن اقاموا للحب مشيخة و عمودية كاملة في دروب دنيانا العريضة و التي هي بالاصل زهور تضحك مع كل جميلي الانفس حسبما قال كابلي : شاهد عبيد عبد الرحمن تلك البنت السمهرية حفيدة الكنداكة تسير علي تقاسيم شجرة البان سودانية لاصل فقال : غايتو نقول جِدل .. نحكم بعدّل .. جيد انسان و صيد متبادلين بدل !! ... صدق الامى اذا قال : عيون الصيد الناعسات عيونى .. عيون النيل حاكن عِيوني ..
Post: #144 Title: Re: الحب في المنبر Author: محمد المرتضى حامد Date: 03-29-2007, 11:54 PM Parent: #143
كتبت مداخلة مطوّلة عن الحب والجمال وقمت بتعديلها عدة مرات، مسحتها كلها وقررت أن أكتب:
فضيلي.
Post: #145 Title: Re: الحب في المنبر Author: Ahmed al Qurashi Date: 03-30-2007, 03:24 PM Parent: #144
وهذه من فاطمة السنوسى ايضا...
*فى بلاد بعيدة نظر الطبيب صورة لقلبى بالاشعة السينية قال بانزعاج هنالك تشوهات بالقلب .. قلت بغير انزعاج ليس تشوها ولكن قلبى فى الغربة دائما يتشكل بخارطة الوطن ... استمع الطبيب الىّ مندهشا وعكف على الخارطة يدرسها بامعان.
* يا له من بارع انشأ بيتا من الشعر اسكن حبيبته فيه.
Post: #147 Title: Re: الحب في المنبر Author: Ahmed al Qurashi Date: 03-30-2007, 07:08 PM Parent: #145
هذا الجمال لا اعرف من كتبه بل قرأته في وقت سابق في مكان ما لا اذكره ...
*قالت اصدقنى اننى أحيا بقلبك وأتنفس بأنفاسك .... كتم أنفاسه مداعبا فإذا بها تسقط أمامه جثة هامدة.
Post: #148 Title: Re: الحب في المنبر Author: الرشيد شلال Date: 03-30-2007, 11:58 PM Parent: #147
بالحب نعيش وبالحب نتعلم الاخلاص وبالحب نتوحد :- قال لى المحبوب لما جئته زائرا من بالباب ؟ فقلت : انا فقال : لقد انكرت توحيد الهوى حين فرقت فيه بيننا0 فمضى دهرا وجئته طارق الباب مؤهنا فقال من بالباب ؟ فقلت : انظر فليس بالباب سوى انت هنا 0 فقال : الان ادركت تنعيم الهوى فنعمت فأدخل ياانا 0
لك التحية استازى مرتضى وملئت ايامك حبا ووصلا ايها النقى0
Post: #149 Title: Re: الحب في المنبر Author: محمد المرتضى حامد Date: 03-31-2007, 03:17 PM Parent: #148
REEL
Quote: إنها دعوة مفتوحة لنطل على الوطن من أبواب الجمال كي نعجن أشواقنا وطين الأرض.... فتزكى رائحتها... وترقى اطوارها لابد من خروج فقبل الصلاة لابد من ماء طهور وقبل إتيان القبلة لابد من إنتواء الإخلاص لابد من عشق سامق هو كما ذكرت طوق للنجاة محراب للتطهر والقبول
أحبني أحبك نحب بعضنا نعشقه سويا يشرق وهو أقل حزنا وأعظم كبرياءا .... .. . شكرا أخ محمد
العزيزة ريل،
في زمن الطالبية قيل لنا أن الدولة تتكون من ثلاث عناصر هي الشعب والإقليم (الأرض) والسلُطة ، وهذا هو تعريف أهل القانون ، أما الشعراء والمحبين والبسطاء أمثالي فلهم تعريفهم الخاص بالدولة الوطن ، يبدأ من أماكن بعينها فيها ملاعب الصبا مرورا بديار الحبيب ( ديار سلمى) ولاتنتهي بمقابر تواري رفات الأجداد والأحباب . كل نسمة فيه وطقس عقائدي أو مناخي يدخل في تعريفهم للوطن ولكن قطعا ليست السُلطة بعض من تعريفهم إلم يكن العكس تماما. الوطن في خاطرهم إحساس و(حاله) مستمرة مكانها الوجدان وشبكة جهازهم العصبي الإرادي واللاإرادي والمركزي والطرفي إلا من جحِد. بهذه الحالة نتنقل في أرجاء المعمورة على أراض متباينة وبين شعوب مختلفة وتحت سلطات تتلوّن ويبقى الوطن فينا متنقلا يستقل معنا وسائل النقل ويهبط في المطارات ويقدم أوراقه لموظفي الهجرة والجوازات ويصاحبنا الى المطاعم والفنادق والمكاتب وكثيرا مايعلن عن وجوده برضانا أو بدونه. من ثم ، وكما قلتِ ، دوما نطل عليه من أبواب الجمال فينا ويطل هو علينا من و في دواخلنا. كما تقولين في تصويرك الصوفي البديع لتلك ال (حالة) لا بد من عشق سامق وحالة توحيد وتطهّر للذات الرابض فيها ذلك الوطن وحب كل مكوناته وأهمها الإنسان نفسه. هذا الوطن السودان بدون اختلاف ألوانه وثقافاته وأعراقه ومعتقداته لايكون السودان الذي عشت في معظم أرجائه فعرفته وعشقته ولن يكون تلك اللوحة والقصيدة التي تسكنني. من يبتغي وجها للسودان غير ذلك فهو يبتغي استبدال اللوحة بقماشها فقط ، مساحة شاغرة بلا ابعاد تغيب عنها السحنات والغابات والمعتقدات والصحاري والأفراح والأحزان وانفعالات السافنا الفقيرة والكبرياء. أصبح الوطن بالنسبة لنا ، كما يقول صديقي الحبيب (شُمُّو) ، مقياس رسم للتواصل والرحيل. لاأغالي لكني أحس وهم يفحصون دمي في المعامل بأن النتيجة ستأتيهم (سوداني) (مش بتاعت الإعلان) وكذا الأمر في نتائج الأشعة السينية والمقطعية ، ووقتها لايكون الطبيب أو (الطبيبة) قد خالف أصول المهنة إن استعاض عن الروشتة بإسماعي ( يا سمير بنظرتك أوفي الميعاد العيون الشافتك ما أسعدا) . لوعرفنا كيف نحب بلادنا لسكن كل ما حوى ذلك الوطن الفؤاد . نختلف كما كنا في البيت ايام الطفولة ويبقى الحب هو قانون الإختلاف. صدقيني بالحب سنذهل العالم ، اليس هو الذي (دَكَّ الحِجاره و..همَّدا)؟ في الفؤاد ترعاه وترعاك العنايه
Post: #150 Title: Re: الحب في المنبر Author: محمد عثمان Date: 04-01-2007, 06:14 AM Parent: #1
الجميل محمد المرتضى... و الاخوة المتدااخلين..
كل هذا الجماال و التدااعى فى هذا البوست الجميل...و انا لا اعى.. و متلى كم ضاايعين...و مالى و مال سهاام العين سهم فى هذا البوست الانيق و الرجوع بمهلة...
يديكم العاافية...
Post: #151 Title: Re: الحب في المنبر Author: محمد المرتضى حامد Date: 04-01-2007, 09:14 AM Parent: #150
أحمد حماد إدريس
شكرا يا العزيز وطبعا ماعايز أقول ليك منتظرك ,أهوكلامك:
Quote: البيت الكبير المليان سرور -دخلنا هنا بحبور - وانا عايد حالا - سلام ايها الرائع
ود شيقوق -حلة فيها ابوبكر الرطانى والمعلم احمد القرشى -وتمبس ومنى خوجلى وبقية الغقد الفريد دى البفوتا امو داعيا عليه - وها هو شاعرنا الرائع اطل بكل بهائه من لندن -المبدع -ولض امى المسيرى الاحمر او الازرق -فضيلى جماع -خلونا اجيب لى فرش انا ناوى الاستقرار فى هذا البوست
جيب الفَرِش وقيِّل وبيِّت مع المحبين ، تعرف يا أحمد هنا في ناس ألم بهم العشق وهم بعد تلاميذ في الأبتدائية ، أها رأيك شنو يا أحمد ، ديل هم ذاتم اللي قاصدهم كابلي في إحدى أغنياته بقوله ( الوعي المُبَكِّر والعاطفة النبيله). يا أحمد كم مشتاق اقول ليك. راجي مقيلك
Post: #152 Title: Re: الحب في المنبر Author: محمد المرتضى حامد Date: 04-01-2007, 10:48 AM Parent: #151
أستاذنا الجليل الإقتصادي الشاعر عبدالمنعم خليفة خوجلي، شرّفت هذه المساحة وزيّنتها بجميل كلامك , أشكر لك الإستجابة و (النجدة) ردا على استغاثتي بأن ننقذ هذا المكان من حالة ال dehydration التي تبدَّت في عدة زوايا وكانت مشاركتك بالترجمة رغم أني كنت أتوقع واحدة من قصائدك والتي ننتظر أن تفرد لها ( بوست ) خاص بها في هذا المنبر. أتمنى لو يشاركنا إبننا المبدع عمار عبدالمنعم خليفة حتى لو كان يدَّخِر أعماله لمساحة أخرى.
قصيدة (حب الأم) يا سيدي عمل جميل يستحقه ذلك الكائن الأروع الذي يمنحك مجرد نطقه الإحساس بالأمان ، أليست هي الأنسان الوحيد في الأرض الذي يحبك دون شروط؟ نعيد نشره كبعض الوفاء للأم أين كانت.
حب الأم من قصيدة " إلى أمي " لـ كينيث كارول
من قبل أن تكون هناك معان لكلمات الحياة والجمال والحب كنت قد قدمتها لي مثل هدية من ملكة ومن قبل أن أعرف ما هو الحب كنت قد قدمته لك في المقابل
من قبل أن ينحت الزمن الجبال الرواسي من غور الأرض ويحيل الجليد بحاراً ، والبحار صحارى كنت قد شاركتني حباً أبدياً لا يحده الدهر
وطويلاً من بعد أن تصبح الشمس رمزاً محترقاً لحياة سالفة.. والمحيطات رشفة من ماء الكون سأظل أحبك فلتدفئي يا أمي بهذه المناجاة عندما يحتدم الصقيع ..
شكري لك أستاذي منعم
Post: #153 Title: Re: الحب في المنبر Author: Moawia Mohammed Date: 04-01-2007, 02:12 PM Parent: #1
يا عاشقين توبوا الهوي غدار للقلوب مضني وللعمر ودار
Post: #154 Title: Re: الحب في المنبر Author: Moawia Mohammed Date: 04-01-2007, 02:27 PM Parent: #1
كنت قربي وكنت حبي وكانت الأحلام معانا كانت الأنسام بتحكي كل نغمة من غنانا
كانت الأطياف تردد كل نغمة من غنانا تحكي للأيام كتير عن غرامنا وعن صبانا لحظه تبعد عن عيوني دا المقدر غير رضانا انت ماراضي بنصيبك برضو عايشين في شقانا
ترجع الأيام تقول وين حناننا وابتسامنا وين سمرنا الكنا فيهو راح وولي من أمامنا لو بكيناالعمر كلو ما أظنو يكون لقانا تفضل الدمعة في عيوننا في نهارنا في مسانا
Post: #156 Title: Re: الحب في المنبر Author: محمد المرتضى حامد Date: 04-01-2007, 10:40 PM Parent: #154
محابب .. عفوا محارب.
Quote: فقد لامست مفاتيح الحب والإبداع في قلوب مترعة بكل ماهو جميل
فإنداح الجمال في هذا البوست ( الدوحة )
شكرا يا محارب على وصفك البوست ب (الدوحه) رغم انه في ظني ( مسقط) ومهبط لأناس هُمُ الجمال بعينه يتوضأ بماء العشق الطهور. زيارتك تسعد الروح المُعَنّى ،
وسادة:
لوِّمُوه اللاهي في الغرام باللهِ .. وقولو ليهو الحب ..شي طبيعي إلهي.
يا إالهي.
Post: #157 Title: Re: الحب في المنبر Author: مصدق مصطفى حسين Date: 04-01-2007, 11:34 PM Parent: #1
الحبيب محمد المرتضى حامد
Quote: جودوا علينا بالأغنيات الصحاح وبالتراحم واللوحات الناطقات والموسيقى وبالتآلف والتلاوين والأشعار والمودة والقصص القصيرة والروايات الطويلة والتسامح فأيامنا بينكم معدودات ، أنثروا العطور لننام على وسادة من الياسمين ونتدثر أوركيدا لايبلى في أمان لايزول قبل ان يأتينا (مغرب العمر واخفاق الشعاع) . أصلحوا رئاتنا واغسلوا شراييننا درءا للتجلط والتخثُّر والأنسداد... بالله عليكم ..
لبيك أيها الجميل ،، نتوسد هذا البراح لنسترد أنفاسنا اللاهثه من وعثاء السفر ( الأسفيرى )، لك الود و الحب و أنت تشرع هذه المساحه الغناء المفعمه نبلا وموده ، كن و الجميع أبدا بخير .
Post: #158 Title: Re: الحب في المنبر Author: أحمد طراوه Date: 04-02-2007, 04:43 AM Parent: #1
... و بحق من سوانا جميعا .. لا اضيق تطعين و تباريح شعر صالح عبد السيد .. ! ! ومع ذلك شكرا يا معاوية علي سلامة الحس و سرعة الاستجابة و اصلا ابو صلاح من قدامى المكافحين لنقل امة السودان من واقع الحوجة و مغبة ضغوط الحياة اليومية .. الي ملكوت الحرية الانسانية و فضاءات الحب الندية .. واليوم اللي بجى فيهو و زير ثقافة من قبيلة ناس صفاء الرؤية و جمال الفكرة .. و دا نفس اليوم اللي بكون فيه مفتى الديار من الداعين الي توسيع رحمة المولى و اخذ اهل السودان بنواياهم .. فنحن حنقدم طلب ممهور بتوقيع عشرات بل مئات الالاف لبناء تمثال ابوصلاح ، و عبد الرحمن الريح ، و عشة الفلاتية .. و بقية العقد الفريد .. و للحق يا معاوية أداء ابراهيم خوجلي خلى البوست بالضبط كرونق الصبح البديع .. ولو قدر لينا باسط النعم نسمع برضو وجه القمر سافر بصوت ود خوجلي منسوب توتي ، فسيصبح بوست المرتضى بالضبط متل خريف ابو السِعن اللي كلو ماء وخدار و كمان نار و ودار في خدودو مجتمعين ..
Post: #159 Title: Re: الحب في المنبر Author: Soumeta Date: 04-02-2007, 05:09 AM Parent: #1
و كيف حمني عيوني شوف سيل الحب الكاسر هنا؟!
Post: #160 Title: Re: الحب في المنبر Author: Asma Abdel Halim Date: 04-02-2007, 05:50 AM Parent: #159
يا عزيزى مرتضى حب إيه الإنت جاى تقول عليه؟ نحن عايزين جنازة نشبع فيها لطم!!!!!!!!!! والله بوستك ده أنامتابعاه بس دايرة أشوف زواره منو! فعلا طلع ناس ما بتلقاهم فى كل مكان. أها هاك أبكى شوية وأدى ناس ممكونة ومن لف لفها
قمر على ........
عزت الطيري - مصر
قمرٌ على بحر المساءِ يصبُّ أسئلةً ويقترح الإجابه ويعطّر الليلَ الجموحَ بماء فضّتهِ ويُلبسه ثيابهَ ويداعب الفجرَ البعيدَ، يُريق أغنيةً على حجر البكاء الرّخوِ يُسرفُ في الصبابه قمرٌ يرنّ على جوانب حزننا فيحنُّ من رنّاتهِ طيرُ الكتابة للكتابه ! وتهزهز الريحُ الفؤادَ فينتشي وتبوحُ من أوجاعها مُقَلُ السحابه قمرٌ، ونجمُ الأمنياتِ يمدُّ ريشتَهُ ويرسم في فضاء الليلِ بستاناً، ونهراً قد يسافر في عذوبتهِ ولا يُنهي غيابَه هذا المساءُ لنا، وهذا الحزنُ، هذا السوسنُ البريُّ يحمل، حلمَهُ الباكي يحمّله عتابه هذا المساء لنا وهذا الخوفُ هذا العندليبُ المستحمُّ، بنهر دهشتهِ، يرفرف، كي يقصَّ لنا.. عذابَهْ قمر، وأغنية، ونجم ضامرٌ ماذا سنفعل أيها العشَّاقُ، في ليل، يصادقنا جهاراً، ثم يرشق في قلوب الساهرينَ، - جوىً - حرابه !! ماذا سنفعل؟، غير أن نبكي ونبكي فارتعشْ بالدمع يا.. وترَ الربابه!!
Post: #161 Title: Re: الحب في المنبر Author: محمد المرتضى حامد Date: 04-02-2007, 09:19 AM Parent: #160
Salma subhi
يا سلمى، سلامي،
Quote: تفشت بوستات الحب في المنبر والحمدلله وما زالت تناضل لتعبر وبقوة بين بوستات الزعل
التحية لكل بوست ينثر الحب ولك سيدي الفاضل
بوستات الحب كالواحة وبوستات (الزعل) اللي بتقولي عليها دي مش صحراء وبس ، دي شرنوبل ذاتا ، تعرفي يا سلمى العنف هنا وفي أي وسيط آخر يشبه استخدام الأسلحة التي تحتوي على مواد مشعة كاليورانيوم المنضّب أو المُخصَّب (زي شغل الأمريكان) ففي حرب كهذه لاتنتهي الفواجع بانتهاء الحرب وسكوت المدافع بل تجئ بعد سنين أجِنّة شائهة وزروع غريبة فيها خمط و اثل ، بل لا شـي ء حتى من سدر قليل ، وارجو ألا يأتي اليوم الذي لايجد فيه الناس حتى ما يشتجروا عليه، وربما لايجدوا حتى وجودهم. أدعم مجهودك الواضح في مساحة مجاورة لإفشاء ثقافة الحب ووقوفك كأحد الأشجارالعالية (مصدَات الرياح) في مواجهة ( الخُماسِين) .
كلماتك ياسلمى ( تبعث السلوى وتُنسِي الموت مهتوك القناعِ). مودتي.
Post: #162 Title: Re: الحب في المنبر Author: ابوبكر يوسف إبراهيم Date: 04-02-2007, 09:45 AM Parent: #160
أخي العزيز المرتضى
تحية رقيقة فيها من رشاش الخريف ودعاش المطر ما يترفق بروحك السمحة .. فالحب في المنبر ربما كان لدى البعض خطيئة ويفضلون عليه الحب مع أهل ( البنبر) حيث يرفع (البيرق) عالياً !! أخي مرتضى ، تابعت البدايات والمداخلات فإتضح لي أن ما كتبه أخونا المرتضى يتجلى وكأنماما كتبه مرآة لبيئته وربما مجتمعه وبيته منوهاً بخصائص ومثلٌ وتقاليد ، فلم يتمرد في هدوء عقله واتزان نفسه على سلطان الذوق العام ولم يفارق حمى تلك البيئة الظليلة .. ذوق وبوح في غير جمود .. وحفاوة بالجدير دون إزدراء القديم وأخذ بأسباب التحول في حياة الإنسان والإنسانة وتطور الحياة وأيقاعاتها حتى في همس الحديث الوجداني المنمنم .. ما أثارني ذاك التسلسل الوجداني وكأنها ديباجة بليغة تتسامى عن التعبير المهلهل ويؤثر ذاك الإحتشام العاطفي الذي يتجافى عن الوصف المبتذل .. وجدانيات هامسة في شكل همهمات تطرزها الفضيلة.. النزعة التصويرية لتسلسل البوح كانت فاتحة طيبة في براعة الإستهلال.. بوحك موفور الحظٍ من السلاسة والعذوبة .. أحرفٌ مأنوسة طيِّعة المنال عليها رقة وطلاوة .. ونتابع
Post: #163 Title: Re: الحب في المنبر Author: محمد المرتضى حامد Date: 04-02-2007, 01:02 PM Parent: #162
طراوه.. عليك الله ذكِّرني لو بتتذكّر ، منو القال ( الغرام عمل احتلال)؟
Post: #205 Title: Re: الحب في المنبر Author: محمد المرتضى حامد Date: 04-07-2007, 07:29 PM Parent: #159
Soumeta
Quote: و كيف حمني عيوني شوف سيل الحب الكاسر هنا؟!
يا سوميتا، قلت ليك العيون ما بتشوف ، البشوف الفؤاد وهذا هو الفرق بين البصر والبصيره، أها رغم انو عيونك حَمَنِّك تشوفي (سيل الحب الكاسر هنا) قامت جابتك البصيرة. لاشك أنك تعلمين أن الأبصار لاتَعمَى ولكن تَعمَى القلوب التي في الصدور.
كُلِّك نظر.
Post: #164 Title: Re: الحب في المنبر Author: بدرالدين شنا Date: 04-02-2007, 01:15 PM Parent: #1
Post: #165 Title: Re: الحب في المنبر Author: الطيب شيقوق Date: 04-02-2007, 07:05 PM Parent: #164
Quote: العزيزة ريل،
في زمن الطالبية قيل لنا أن الدولة تتكون من ثلاث عناصر هي الشعب والإقليم (الأرض) والسلُطة ، وهذا هو تعريف أهل القانون ، أما الشعراء والمحبين والبسطاء أمثالي فلهم تعريفهم الخاص بالدولة الوطن ، يبدأ من أماكن بعينها فيها ملاعب الصبا مرورا بديار الحبيب ( ديار سلمى) ولاتنتهي بمقابر تواري رفات الأجداد والأحباب . كل نسمة فيه وطقس عقائدي أو مناخي يدخل في تعريفهم للوطن ولكن قطعا ليست السُلطة بعض من تعريفهم إلم يكن العكس تماما. الوطن في خاطرهم إحساس و(حاله) مستمرة مكانها الوجدان وشبكة جهازهم العصبي الإرادي واللاإرادي والمركزي والطرفي إلا من جحِد. بهذه الحالة نتنقل في أرجاء المعمورة على أراض متباينة وبين شعوب مختلفة وتحت سلطات تتلوّن ويبقى الوطن فينا متنقلا يستقل معنا وسائل النقل ويهبط في المطارات ويقدم أوراقه لموظفي الهجرة والجوازات ويصاحبنا الى المطاعم والفنادق والمكاتب وكثيرا مايعلن عن وجوده برضانا أو بدونه. من ثم ، وكما قلتِ ، دوما نطل عليه من أبواب الجمال فينا ويطل هو علينا من و في دواخلنا. كما تقولين في تصويرك الصوفي البديع لتلك ال (حالة) لا بد من عشق سامق وحالة توحيد وتطهّر للذات الرابض فيها ذلك الوطن وحب كل مكوناته وأهمها الإنسان نفسه. هذا الوطن السودان بدون اختلاف ألوانه وثقافاته وأعراقه ومعتقداته لايكون السودان الذي عشت في معظم أرجائه فعرفته وعشقته ولن يكون تلك اللوحة والقصيدة التي تسكنني. من يبتغي وجها للسودان غير ذلك فهو يبتغي استبدال اللوحة بقماشها فقط ، مساحة شاغرة بلا ابعاد تغيب عنها السحنات والغابات والمعتقدات والصحاري والأفراح والأحزان وانفعالات السافنا الفقيرة والكبرياء. أصبح الوطن بالنسبة لنا ، كما يقول صديقي الحبيب (شُمُّو) ، مقياس رسم للتواصل والرحيل. لاأغالي لكني أحس وهم يفحصون دمي في المعامل بأن النتيجة ستأتيهم (سوداني) (مش بتاعت الإعلان) وكذا الأمر في نتائج الأشعة السينية والمقطعية ، ووقتها لايكون الطبيب أو (الطبيبة) قد خالف أصول المهنة إن استعاض عن الروشتة بإسماعي ( يا سمير بنظرتك أوفي الميعاد العيون الشافتك ما أسعدا) . لوعرفنا كيف نحب بلادنا لسكن كل ما حوى ذلك الوطن الفؤاد . نختلف كما كنا في البيت ايام الطفولة ويبقى الحب هو قانون الإختلاف. صدقيني بالحب سنذهل العالم ، اليس هو الذي (دَكَّ الحِجاره و..همَّدا)؟ في الفؤاد ترعاه وترعاك العنايه
آه يا المرتضى يديك العافية .
Post: #166 Title: Re: الحب في المنبر Author: الطيب شيقوق Date: 04-02-2007, 08:50 PM Parent: #165
المرتضى انا عايز اريحك من الرطاني لانو قصيدة امرؤ القيس دي حتدور راسه
لمن طلل بين الجدية والجبل .........محل قديم العهد طالت به الطيل
عفا غير مرتاد ومر **رحب .......ومنخفض طام تنكر واضمحل
وزالت صروف الدهر عنه فأصبحت .....على غير سكان ومن سكن ارتحل
تنطح بالاطلال منه مجلجل ........أحم إذا احمومت سحائبه انسجل
بريح وبرق لاح بين سحائب .....ورعد إذا ما هب هاتفه هطل
فانبت فيه من غشنض وغشنض .....ورونق رند والصلندد والأسل
وفيه القطا والبوم وابن حبوكل ......وطير القطاط والبلندد والحجل
وعنثلة والخيثوان وبرسل .......وفرخ فريق والرفلة والرفل
وفيل واذياب وابن خويدر .....وغنسلة فيها الخفيعان قد نزل
وهام وهمهام وطالع انجد ......ومنحبك الروقين في سيره ميل
فلما عرفت الدار بعد توهمي .....تكفكف دمعي فوق خدي وانهمل
فقلت لها يادار سلمى وما الذي .....تمتعت لا بدلت يادار بالبدل
لقد طال ما اضحيت قفرا ومالفا .....ومنتظرا للحي من حل او رحل
ومأوى لأبكار حسان اوانس .....ورب فتى كالليث مشتهرا بطل
لقد كنت اسبي الغيد أمرد نا شئا .....ويسبينني منهن بالدل والمقل
ليالي أسبي الغانيات بجمة ......معثكلة سوداء زينها رجل
كأن قطير البان في عنكاتها .....على منثنى والمنكبين عطى رطل
تعلق قلبي طفلة عربية ....تنعم في الديباج والحلي والحلل
لها مقلة لو انها نظرت بها ....إلى راهب قد صام لله وابتهل
لأصبح مفتونا معنى بحبها .....كأن لم يصم لله يوما ولم يصل
ألا رب يوم قد لهوت بدلها ....إذا ما أبوها ليلة غاب أو غفل
فقالت لأتراب لها قد رميته ....فكيف به إن مات أو كيف يحتبل
أيخفى لنا إن كان في الليل دفنه ....فقلت وهل يخفى الهلال إذا أفل؟
قتلت الفتى الكندي والشاعر الذي .....تدانت له الأشعار طرا فيا لعل
لمه تقتلي المشهور والفارس الذي ......يفلق هامات الرجال بلا وجل
ألا يا بني كندة اقتلوا بابن عمكم......وإلا فما انتم قبيل ولا خول
قتيل بوادي الحب من غير قاتل .....ولا ميت يعزى هناك ولا زمل
قتلك التي هام الفؤاد بحبها ......مهفهفة بيضاء درية القبل
ولي ولها في الناس قول وسمعة .....ولي ولها في كل ناحية مثل
كأن على أسنانها بعد هجعة ......سفرجل أو تفاح في القند والعسل
رداح صموت الحجل تمشي تبخترا......وصراخة الحجلين يصرخن في زجل
غموض عضوض الحجل لو أنها مشت ......به عند باب السبسبيين لانفصل
فهي هي وهي هي ثم هي هي وهي وهي ......منى لي من الدنيا من الناس بالجمل
ألا لآ لا إلا ليء لا بث ........ولا لآ لا إلا لآليء من رحل
فكم كم وكم كم ثم كم كم وكم وكم ......قطعت الفيافي والمهامة لم أمل
وكاف وكفكاف وكفي بكفها ......وكاف كفوف الودق من كفها انهمل
فلو لو ثم لو لو ولو ولو ......دنا دار سلمى كنت اول من وصل
وعن عن وعن عن ثم عن عن وعن وعن .....أسائل عنها كل من سار وارتحل
وفي في وفي في ثم في في وفي وفي ......وفي وجنتي سلمى أقبل لم أمل
وسل سل وسل سل ثم سل سل وسل وسل .....وسل دار سلمى والربوع فكم أسل
وشنصل وشنصل ثم شنصل عشنصل .....على حاجبي سلمى يزين مع المقل
وقلت لها أي القبائل تنسبي .....لعلي بين الناس في الشعر كي أسل
فقالت أنا كندية عربية ......فقلت لها حاشا وكلا وهل وبل
فقالت أنا رومية عجمية .....فقلت لها ( ورخيز بياخوش ) من قزل
فلما تلاقينا وجدت بنانها .....مخضبة تحكي الشواعل بالشعل
ولا عبتها الشطرنج خيلي ترادفت .....ورخي عليها دار بالشاه بالعجل
فقالت وما هذا شطارة لاعب ....ولكن قتل الشاه بالفيل هو الأجل
فناصبتها منصوب بالفيل عاجلا .....من اثنين في تسع بسرع فلم امل
وقد كان لعبي كل دست بقبلة .....أقبل ثغرا كالهلال إذا أهل
فقبلتها تسعا وتسعين قبلة .....وواحدة أيضا وكنت على عجل
وعانقتها حتى تقطع عقدها ...وحتى فصوص الطوق من جيدها انفصل
كأن فصوص الطوق لما تناثرت ....ضياء مصابيح تطايرن عن شعل
وآخر قولي مثل ما قلت أولا ......لمن طلل بين الجدية والجبل
مودتي
Post: #168 Title: Re: الحب في المنبر Author: mamkouna Date: 04-02-2007, 11:01 PM Parent: #1
تاكيت الباب وإستنيتك.. صيفين..وشتا..ورشة مطرة ما حِسك كان صاحي وبي خير وألوانك واضحة ومختصرة وكتين ما جيت ……. ضايرت الخوف..حزمت التوب وصٌيت الغيمة تلاوح البيت وما تسد الباب..جايين راجعين متيمنة بيك ..وشاردة معاك ح افتش ليك.. برٌات الضل …جوٌات الدمْ ما بين النار و صراخ جمرة ح أجيك……ح أجيك وبراى ..هل كنت براي قايل ؟ صورتك جواي .
يآخي أحبك وأتآمر ضدك . . . أناْ...و....الشوق!!!
____________________________
عليكم الله ما بالغت نجلاء التوم دي؟؟!!!
Post: #169 Title: Re: الحب في المنبر Author: محمد المرتضى حامد Date: 04-02-2007, 11:17 PM Parent: #168
Mohamed Abdegaleel
محمد مسّاك الخير، أكن سعيدا ، بل أسعد مرتضى ، إن استلطفت اختياراتي. هي لم تكن (اختيارات) بل حبر سال من الوريد يحكي عن حال وأمل في مآل ( وأنا الشارع يستنطقني .. والريح يعدو بإزائي .. سائلا - لهفا على الريح ولهفي) كما ماقال شاعر أمتي. والله يامحمد ، وما طالبني حليفه ، أصبحت لفترة أدخل المنبر وبيوت الناس (بوستاتهم) وأنا خايف من رصاصة أو سكين أو على الأقل كف من النوع اليعمي ، فقلت أشوف لي بيت براي واتاكي الباب والدايرني حبابو والمادايرني برضو عليهو يسهِّل . بعض الأحباب يظنون أنّا مخلّدون هنا فينفقون الوقت في تخزين الفجيعة وضخ العذاب في الوقت الذي حباهم المولى هذه الأجهزة المدهشة والأسلاك ( كيف اسلاك) ..معليش جات عرضا.. وهي اختراعات بذل من ورائها جهدا نحمده لأهله ، وحباهم المولى ايضا قدرة على استعمال هذه الأجهزة العجيبة ولغة وعلما وو.. المهم نحن عايزينهم ينثروا لينا شوية مودّه ولو لهنيهة وأهو نناديهم حتى صار شعار المرحلة (أسمعنا مرَّه) لكن يبدو اننا ننادي ( ناس لالا ناس لالا ..ناس لالا). بس ما حانقيف حتى يسمعوا (ربيع الدنيا). يا العزيز أشكرك جد جد.
وساده:
يعلمنا الحزن والجرح.. أن الذي فات .. لايستعاد وأن الرماد .. وإن كان ذرية النار.. ينجب ذرية الرماد.. وأن الحداد .. هو الزمن المنقضي بين ميلاد حزن وموت حداد.. وأن الكهولة في القلب .. كالريح في العشب.. لا احد يبصر الريح.. لا أحد يمنع العشب أن يتماوج فيها.. ويكذبنا الحزن حين يعلمنا أن خير الليالي مضت دون أن يطلع الفجر فيها وأن الأماني ، إذ نشتهيها.. تُعلِِِّّّقنا من سراويلنا في الهواء.. وأن اللواتي تولين عنا وضيعننا.. كُنَ خير النساء.. وأن الحياة سلو عن الموت.. تعزية عن عزاء. (ود المكي)
Post: #170 Title: Re: الحب في المنبر Author: فاروق حامد محمد Date: 04-02-2007, 11:34 PM Parent: #169
يا ود حامد المرتضى .....
هل هي مقولة صحيحة .. تلك التي تقول :
"وما الحب إلا للحبيب الأول"
أنا بقول التاني !!!!!!!
إت شن قولك ...؟؟؟؟؟
هسع يجيك ود شيقوق يقول ليك الخامس والعشرين !!!!!!!!
Post: #171 Title: Re: الحب في المنبر Author: Moawia Mohammed Date: 04-03-2007, 00:29 AM Parent: #1
أول حبيب
Post: #172 Title: Re: الحب في المنبر Author: الطيب شيقوق Date: 04-03-2007, 06:07 AM Parent: #171
Quote: هل هي مقولة صحيحة .. تلك التي تقول :
"وما الحب إلا للحبيب الأول"
أنا بقول التاني !!!!!!!
إت شن قولك ...؟؟؟؟؟
هسع يجيك ود شيقوق يقول ليك الخامس والعشرين !!!!!!!!
لا والله يا الفاروق الحالة اتغيرت وما عاد الحب هكذا . الحب صار زى تشريعات البورصات تلاحق التكنولوجيا لتواكبها وليس العكس .
ولهذا نجد المحدثين من الشعراء العاطفيين يقولون :
محا حبها حبّ الألي كنّ قبلها وحلّت مكانا لم يكن حلّّ من قبل (بضم اللام هنا)
شفت كيف مش زى تشريعات البورصات البفصّلوها لإلباسها جبون التكنولوجيا. والتكنولوجيات تتمدد وتتجدد يوميا بصورة افضت لوأد كل قواعد الشرعية ( principles of legality ) القائمة على اساس استقرار وثبات التشريع .
مودتي
Post: #173 Title: Re: الحب في المنبر Author: محمد المرتضى حامد Date: 04-03-2007, 01:00 PM Parent: #172
الزاكي عبدالحميد .. الباهي، أولا مبروك انتخابكم كعضو بمجلس إدارة نادي الجالية السودانية بمسقط ولا أضيف جديدا إن قلت أن الزاكي أهل للمكان فقد ظل على الدوام( لاعب الإرتكاز) إن لم يكن هو المدير الفني لفريق الثقافة بالنادي بشكل عام وبالتالي واقعة إعادة انتخابهتشي بحقيقة وحيدة فحواها أن برشلونه لن يتخلى عن رونالدينهو . ( طبعا يا الباهي في زول جديد لأول مره يدخل المجلس وناسو في البورد ده عاملين ليهو نوبه ونُقّاِره ونحاس وعرضه وصقريه ومرات جيرك، الزول ده أول اسمو الطيب بلير شيقوق ....). توصيني ألا أغيب عن هنا وأنت الغائب الحاضر عن المنبر ، نعم ، ندرك جميعنا مايتطلبه العمل والجهد المبذول للإعداد للمحاضرات والندوات الثقافية الأسبوعية لكن برضو بنقول ليك غيابك طال. ... ننتظرك هنا رغم ( الكتّاحه) الحاصلة . تعال فرِّح ليالينا. محبتي يازاكي.
Post: #174 Title: Re: الحب في المنبر Author: فاروق حامد محمد Date: 04-03-2007, 01:53 PM Parent: #173
المرتضى ود حامد أنا منتظر اجابتك على سؤالي وصدقني
ما حأخليك تفطني كده بالساهل ...
ولا يزال السؤال قائما !!!!!!!!!!
أفا عليك ...
Post: #176 Title: Re: الحب في المنبر Author: Muna Khugali Date: 04-03-2007, 02:10 PM Parent: #174
Post: #175 Title: Re: الحب في المنبر Author: محمد المرتضى حامد Date: 04-03-2007, 02:06 PM Parent: #173
يا طراوه.. انشالله اليوم اللي يتبخّر فيهو الحب من جوّانا نمشي أحمد شرفي أو البكري ، ما بيفرق الحبايب معظمهم هناك. نعم ، وكما قلت ، مشاكلي بسيطه بالريده بتُحَل ، ولم لا ؟ هسّه لو الناس بقت بتريد كان حاتكون في بلاوي من الشايفا وعايشا دي؟ بعدين يا بركه انا من زمان قلت ليك عندي إعتقاد انو أجسامنا دي أقل من نفوسنا وعليك تناسيها وشوف لي أحوال أرواحنا لأن للأجسام تاريخ انتاج وصلاحية وأما النفس والروح فلهما السرمدية ، يا أحمد أجهزةالكومبيوتر الجامده لاقيمة لها الا بعد انزال ال software وهي لها بمثابة النفس والروح ، أها نحن السوفت وير بتاعنا محبه و (ريده) تتفرع عنهما بقية (البرامج) وانت براك عارف أننا ليس لنا الخيار في هذا المنحى ، وُلِدنا بهذا السوفت وير وبالتالي نحن مجرد رعايا في امبراطورية الحب ونخضع لكل ماتمليه علينا تلك الإمبراطورية بكافة سلطاتها من أحوال ، يعني يا أحمد زي ما قال عبدالرحمن الريح وتغنَّى الرائع الفاضل أحمد عن الأوضاع في المسالمه في أشهر مانيفيستو وقتها (هو أمير الهوى وقاضي الغرام مفتيهو) ، أها تاني نقول شنو؟ هنا يكون الحاكم الفرد هو المحبوب، وفي ظل هذه التوتاليتارية الجميلة والدكتاتورية المدهشة يحلو تركيز السُلطات في يد المعشوق وهو يمثل كل شئ ( أمير الهوى وقاضي الغرام مفتيهو) ، كما ترى هنا، يا طراوه و يا ود القرشي، اجتمعت في يد المعشوق السلطة التشريعية (مفتيهو) والقضائية ( قاضي الغرام) بالإضافة الى السلطة التنفيذية المستمدة من (أمير الهوى) ، يالروعة تلك الحاكمية المطلقة ويالروعة المُحِب يا أحمد عندما يرضى طائعا مختارا بتلك الدساتير الغير قابلة للتعديل والتي لم يسمع بهاجون لوك وهوبز و روسو ، ويمضي عبدالرحمن قائلا (إن جار أو عدَل سيبو اليتيه في تيهو) بالله شوف التسليم والتصالح مع النفس والحبيب كيف!! طبعا هو قال كده لأنو عارف ان كل ما يأتي من الجميل جميل. ياخ مش وقف هنا وبس، قال ليهو( لو ماجار علي في قلبي كيف أصفيهو) وطبعا هذه حال يجهلها من جهل فيوازيها بنعوت بائنة الخطل في ال psychiatry مع انها تمثل اليقين والإيمان في الحب في أسمى تجلياته وانو البجي من (هناك) كله سمِح ، ويبلغ الأمر أوجُّهُ مع عبيد عبدالرحمن فيخاطب المحبوب بتوكيل شرعي من ألوية المحبين وكتائب العشق قائلا ( صريح قانون هواك خَوَّل .. هلاكي وقلبي ما اتحول) . طراوه أخوي .. مصباح الظلام الربّنا معليهو، سلامي للعاشقين طرفك.
ملحوظه: (يا قلبي الحزين أنت الصبر خاتيهو إن جار أو عَدل سيبو اليتيه في تيهو)
Post: #177 Title: Re: الحب في المنبر Author: abubakr Date: 04-03-2007, 03:14 PM Parent: #1
Quote: الزاكي عبدالحميد .. الباهي،
دة باهي بهاء تمام ...ونجح في انتخابات بديمقراطية وليس بالاجماع السكوتي كالعرريب ودشيقوق الحتات طيش لستة الفائزيين ( رقم 14 مع انو كلهم اتناشر .. اسالو الملكة سمية) ...انتو بس املو كل المسامات حب عشان الدنيا تغني
مودتي للجميع
ابوبكر
Post: #178 Title: Re: الحب في المنبر Author: الطيب شيقوق Date: 04-03-2007, 08:36 PM Parent: #177
Quote: تتفرع عنهما بقية (البرامج)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ زى الاكسل يعني ؟
Post: #179 Title: Re: الحب في المنبر Author: محمد المرتضى حامد Date: 04-03-2007, 09:21 PM Parent: #178
و أخوي أبوعاقله أحمد ابوسن قرا الكلام الفوق ده يا طراوه وقال ليك: المحلّق قال: الوش المليح ما قالوا دابو .. يكيل مِد الصُبا ويدفق عقابو قِرينِك عنّفو الجاولي وانتكابو "قبيح اهلِك علشانك حبابو"
الشرح ياود أبوروف: دابو: على قدر الشئ ولايزيد. الصُبا: هو الجمال والوضاءة. قِرينك: شَعرِك ، والجاولي هو اللبان الجاولي المعروف وهو يخلط بالعطر.
وقال ليك الناس لو وصَلت لي قدر ده وسكتت كان كويس لكن اسمع القال ده:
أُحِبُ بني العوّام من أجل حبها ومن أجلها أحببت أخوالها كلبا فإن تُسلِمي نسلم وإن تتنصَري يُعلِّق رجال فوق أعناقهم صُلبا.
أها جاي ولاّ قاعد في أمريكتك دي؟
Post: #180 Title: Re: الحب في المنبر Author: أحمد طراوه Date: 04-04-2007, 00:06 AM Parent: #1
... يا محمد معاك علي شرع الوداد و المحبة .. بوستك بقى زي جنة رضوان بعد اوراق الخريف اللي صارت حولنا .. وانا لا ادري بت الاولياء اللُحق بتجيب الصور المُستنطقة لجمال الطبيعة دي من وين : الروض بسم .. و الطير غرِد .. و الطقس لا حر لا برِد .. و يا حبيبي قوماك ننفرد .. !! و شوف معاوية جاب زينب و خديجة ! وشن بقولوا ! : من دون الاحبة .. اظهر لي ودادو و بادلنى المحبة .. و جينا نهنى الزاكى حادى الثقافة و الادب ، لقينا روحنا محاصرين حصار ستالينغراد.. و زرة ناس عوض عبد الرازق في غابة الزرزور بنواحى جنوبنا الحبيب .. و قول لود ابوسن مسدارك بنغطيه بقول ود محلق في السمهرية السودانية تاجوج و ذلك قبل 12 سنة من دخول الاتراك السودان : الناس بتلد الناس ساكت حسادة .. و اُمِك بتلد الصيد سمح القِلادة .. و حقو يامعاوية تستلف اغنية عتيق اللى اسمها شكل الغزالة مع الصباح من بوست خضر بشير لبوست المرتضى وذلك من باب الشراكة الذكية و حقيقة الجمال العابر للبوستات .. يا قرشى : عاوزين اغنية لي في المسالمة غزال .. نافر بغنى عليهو .. جاهل و قلبو قاسي .. و شال قلبي يلعب بيهو .. فرعك بتاع النقرزان عندو محاضرة غنائية يوم السبت .. الريهيرسال الغنائي بتاع موفورة النفر بواسطة محمد حسين و إقبال ذكرنى ليل سعودى و ايامى الفى الدويم !!
Post: #181 Title: Re: الحب في المنبر Author: ASIM AL BANNA Date: 04-04-2007, 00:55 AM Parent: #1
ياطراوة والله مليون حبابك قدر عين الشمس ... كل التهانى واجمل الامانى وفرحتنا ليك بالشوالات ... وشايف زعيم المكسرين مرتضى دور مكنة الحب الجاز وجات سيرة الشيخ العرب ودالقرشى و عصام لكن نفتقد اللوغات (حيدر واحمد هاشم ) المشار اليهم فى نواحى مسقط ...
حبى القديم ياكنار داريتو من الناس وطويت هواى على نار حبى القديم
ماحيلة الانسان ان جار عليهو زمان ونصيبو كان حرمان (من شنو) من طيبك الفياح يانفحة الازهار غير يرضى بالمحتوم ويسلير الاقدار.
Post: #182 Title: Re: الحب في المنبر Author: ASIM AL BANNA Date: 04-04-2007, 01:18 AM Parent: #1
حياة الحب بسميها السعادة بكل معانيها ...... فى حب يا اخوانا اكتر من كده؟ فى كلمة غير احبك ارددا؟؟ فى الحياة غيرك مافى زول همانى فى بعادك ازيايا وفى وصالك امانى ... مابسيب حبك حتى لو ضرانى ...
يا احمد القرشى ... تتفق معى فى ان لا معيار للحب كما لا جغرلفيا وحدود للشعر والغناء ولا معاير جمالية بل هناك خيال مطلق وان الخيال هو جزء من الحب
فاذا احببت تحب من ترسم له صورة فى خيالك فتبحث عنه وكيف لا ويخدعك خيالك فتواجه حقيقة ان الانسان المعنى يختلف عن من هو بخيالك ( فتصبحوا على ما فعلتم نادمين)
وعليه استطع ان اقول ان الحب توام الخيال ... فلن تجد من احب لمرة واحدة فقط فى حياته.... وما استغرب له ان الحب ضرورة ناكل حب ونشرب حب ونسو جنحين محبة نطير ياقول صديقك شادول .... السؤال ؟؟؟
هل الحب اعمى ام اطرش ؟؟؟
( اطرش لان المقتولة مابتسمع الصيحة)
تحياتى للجميع يملاها الحب فى المنبر حبا اذل فؤادى واعمى البصيرة حب المشرد فى حبه دون ماوى وزاد حب الذى فى سبيل رسالته قبل الاضطهاد ( صلاح احمد ابراهيم) من غابة الابنوس
Post: #183 Title: Re: الحب في المنبر Author: أحمد طراوه Date: 04-04-2007, 07:21 AM Parent: #1
.. يا عاصم .. ليك السلام ماغنى شادى او رطان .. ليك السلام ما غنى مفارق الاوطان .. سمعتك قبل يومين علي ميلودى الاوتار و الكمنجات الحاضرة و تلك الضائعة المشدود قوسها جسرا ببحر الليل ، وانت تردد كلام عمك : فى تقسيم سناك قد جلّ البديع .. و ضع الماء و النار في خدك جميع .. غثنى ولو مناما من قبال اضيع .. و صحبك ود حامد ليهو مدة بيهو الغرام استبدا ! قام فتح بوستا عن الحب و تخصيصا عن تساكن و تصالح الماء و النار في خديد الزول اللى قال عنو عبد الرحمن الريح : يا بعيد الدار انت جميل جمال ودار .. رحم الله كرومة الذى ما انفك يبكى و ينوح و يصييّح للشوفتن بتريّح و يملاء سماء ليل امدرمان بتلك الضراعة التى ابكت الرجل الصالح المتعبد الشيخ قريب الله فى خلوتو نواحى ود نوباوى : يا ليل صار ليك مُعاهد .. طرفي اللي منامو زاهد .. مليون سلام للسمحة قصبة منصح الوادى المُخدِر دِرو .. لحمراء ام قلب و الباسل بابكر
Post: #184 Title: Re: الحب في المنبر Author: سمية الحسن طلحة Date: 04-04-2007, 09:00 AM Parent: #183
سلام ياأهل المحبة يابت يامنى بت خوجلى ختى ليك كلمتين حنب الصورة دى عشان تكفى العين من عينيك ديل الناس الحبيبين ديل عينم حاااارة .
Post: #185 Title: Re: الحب في المنبر Author: محمد المرتضى حامد Date: 04-04-2007, 09:43 AM Parent: #183
لولا أنني اريد لهذه المساحة أن تتسع لقلت لك: you said it all رغم انو في ناس يا ممكونه بيزعلونا إلا أن ذلك يتزامن ويتوازى مع تسامحنا المستدام فيعاصره ولانترك للزعل حتى المساحة الزمنية( الطويله) بين الشهيق والزفير. بمناسبه الشهيق والزفير دي ، في حالة بينهما - زي شهقه مختصره جدا - عند أهلنا الإثيوبيين وهي في موضع (نعم) أو إشارة تحريض على مواصلة الحديث وفي ناس سمحين لما تصدر منهم تلك الشهقة في احتمال المستمع (الممكون) يشهق و ..يودِّع. المهم يا ممكونة التسامح ، وكما قال جاك بيرك ، هو أعلى درجات الثقافة والمعرفة ، وكلما قصرت المسافة بين الزعل والتسامح كلما أكد ذلك على سمو نفس المسامح وعُلُوِّها على الصغائر وهذا بعض من حال المتصوفة العارفين بربهم الصادقين ، ونحن بنحب تقصير المسافات كما فعل آصف بن برخيا مع عرش بلقيس فأتى به قبل أن يرتد الي سليمان طرفه وبهذا كان عَرضُهُ متفوقا على عرض الجِن فصادف قبولا لدى مليكه ونبيه عليه السلام. الأطفال يا ممكونه هم أبرز دليل على أنّا في أصلنا أنقياء ومُحِبين وأن العداء والخصام صفات مكتسبة ، تعرفي هناك أشياء تحدث أمامنا لانوفيها ما تستحق من تأمل . تفكّروا في مخلوقاته.
Post: #186 Title: Re: الحب في المنبر Author: Sawsan Ahmed Date: 04-04-2007, 10:30 AM Parent: #185
الاخ ممد المرتضي! دعوه للحب! ناس مسقط كلهم شفافين والحب مزروع في وجدانهم والله بختكم ...في طريقه تلقو لينا سكن انشاءالله في ابراء ومن جاور السعيد يسعد!
حياه الحب اسميها سعاده بكل معانيها! اقيم ليلاي ..يعني ذي الصلاه!
لك الود سـوسـن
Post: #187 Title: Re: الحب في المنبر Author: محمد المرتضى حامد Date: 04-04-2007, 01:43 PM Parent: #186
عثمان موسى، دائما من الحداة في قوافل الجَمَال تتمايل خلفك الهوادج وقلوب من سكن الهوادج. شكرا ياسيدي وكنت أدرك أنك في الطريق بعد أن غشيت خيمةأخوك ودالقرشي ، باقي إنت خط أمدرمان - باره وبالعكس ده مسويهو ساساقا لحبك المفرط لعكاظ الحقيبة الذي سارت بصيته الركبان عبر كوابل الفايبرقلاس أكروس أتلانتيك والساتيلايتس كمان ، فأقيمت سرادق كانت مواضعها قديما ديار بثينه وليلى ب (باب الدخول) و( حَومَلِ) , فاصبحت اليوم شقق نرمين ونانسي في (ياهو) و ( قُوقَلِ) . قلت لي نار .. مين؟ ناري حيّه؟ طيب ياعثمان ، مولاي يعَلِّي مقامك.
Post: #188 Title: Re: الحب في المنبر Author: محمد المرتضى حامد Date: 04-04-2007, 06:10 PM Parent: #187
ولمن لا يعرف الرشيد شلاّل أقول أنه من أهل التصوف والعشق الإلهي . هذا الشاب الوجيه يلقاك باسما كالربيع فتسري في نفسِك وجسدك سكينة تزيل عنك حتى مالحقك في ماضيك من قلق الليالي الكوالح المُسهِدات. عضو جديد في المنتدى قديم في دفاتر ابن عربي والحلاّج وغيرهم ممن يرون الأشياء على غير مايراها الكثير ممن يبصرون بأعينهم دون قلوبهم، فالفارق بين البصر والبصيرة شاسع. قال:
Quote: قال لى المحبوب لما جئته زائرا من بالباب ؟ فقلت : انا فقال : لقد انكرت توحيد الهوى حين فرقت فيه بيننا0 فمضى دهرا وجئته طارق الباب مؤهنا فقال من بالباب ؟ فقلت : انظر فليس بالباب سوى انت هنا 0 فقال : الان ادركت تنعيم الهوى فنعمت فأدخل ياانا 0
يا رشيد، ليتني كنت من المُصطَفِين في بحور البيان المُصطَّفين في حلقات الذِكرِ والمنخرطين في سلك التصوف حتى أجد مايناسب حالة التماهي المرئية (بالفؤاد) في حديثك . تذكرني كلماتك ،أبيات الضخم الفيتوري محمد مفتاح في معزوفة الدرويش المتجول:
شحبت روحي, صارت شفقا شعت غيما و سنا كالدرويش المتعلق في قدمي مولاه أنا أتمرغ في شجني أتوهج في بدني غيري أعمى , مهما أصغى , لن يبصرني فأنا جسد .... حجر شيء عبر الشارع جزر غرقى في قاع البحر.... حريق في الزمن الضائع قنديل زيتي مبهوت في اقصى بيت , في بيروت أتالق حينا. ثم أرنو ثم أموت
و يحي... وأنا أتلعثم نحوك يا مولاي أجسد أحزاني .... أتجرد فيك هل انت أنا؟ يدك الممدودة أم يدي الممدودة؟ صوتك أم صوتي؟ تبكني أم ابكيك؟
في حضرة من أهوى عبثت بي الأشواق حدقت بلا وجه و رقصت بلا ساق و زحمت براياتي و طبولي الآفاق عشقي يفنى عشقي و فنائي استغراق مملوكك.... لكنـي سلطان العشاق _
مش كاشف ودمدني العملاق قال : أحبك وانسى فيك ذاتي؟ ومش المدهش خضر بشير غنى لنا : أتلاشى فيك وانسى الألم.. إيهِ يامولاي. أصافحك، ( يَدُكَ الممدودة أم يدي الممدودة؟)
Post: #189 Title: Re: الحب في المنبر Author: nourelhadi awad Date: 04-04-2007, 07:49 PM Parent: #1
Post: #190 Title: Re: الحب في المنبر Author: Ahmed al Qurashi Date: 04-05-2007, 07:56 AM Parent: #189
الأخ العزيز / احمد طراوه
أغنية لي في المسالمة غزال سجلها على الاسطوانات الفنان الكبير الفاضل احمد سنة 1936 لشركة ميتشجان ورافقه في الكورس عوض شمبات ويوسف الرباطابى وفاطمة خميس.. وهذا الفنان الذي لم يجد حظه من الشهرة له مقدرة تطريبية عالية وصوت جميل وحنين وعاصم البنا أظنه يتفق معي على حلاوة صوت الفاضل احمد ولقد ذكر الأستاذ معاوية حسن يسن في كتابه من تاريخ الغناء والموسيقى في السودان إن احد الصحفيين قال ( اجزم أن الفاضل احمد كان اشد ملكة وموهبة وقدرة من سرور وكرومه والأمين برهان ) وإذا اختلفنا أو اتفقنا مع هذا الصحفي إلا إن الحقيقة هي أن الفاضل احمد كان صوته عذبا ورائعا بالمناسبة الفاضل احمد سجل عدة اسطوانات منها ....
* غبت عن انسانى للشاعر عبد الرحمن الريح *قسم بمحيك البدرى لابوصلاح *ما رأيت في الكون لعبدالرحمن الريح * لي في المسالمه غزال لعبدالرحمن الريح *البديع الهواك سباني لابوصلاح *خليني أشوفك ثانية لعمر البنا ( عزيزي عاصم أغنية عم عمر الجميلة دى كادت أن تندثر ولم يتغنى بها احد في الفترة الماضية وأظنها ستكون أجمل إذا أضفت لها صوتك الرائع ) *بهجة حياتي لمحمد بشير عتيق * اعطف علىّ ياريم لابوصلاح *حبيبي هواك جمره حرقني لابوصلاح *ارحم يا سمير لابوصلاح
محمد المرتضى سامحني أنا قايل نفسي في بوست الحقيبة لكن اعمل إيه ما كل الحلوين خلوني وحتلوا معاك بجاى طراوه وممكونة والطيب شيقوق وانت معاهم عشان كده جينا لاحقنهم بجاى بحقيبتنا والبركة في طراوه يعنى وراهم وراهم واليك ياطراوة أغنية لي في المسالمة غزال...
لي في المسالمه غزال نافر بغنى عليه .....جاهل قلبه قاسى وقلبي طائع ليه مصــــــباح الظــلام الربنا معليه ...........زايد في الكمال نور الجمال جاليه إن شافه الغزال مع نفرته يواليه ...........وان شاقه القمر أنواره تخجل ليه كل من شافه قال أنا بالنفس افديه ........هو غصن الرياض الزاهي في واديه أزهار الربيع ما زى زهور خدّيه ..........وجدلات الحرير ما لينه زى ايديه ان جاء النسيم زى الفــرع يتنيه ...........والثمر الرطيب كـذب اليقول يجنيه باللّمى والخدود يأذى العشوق يفنيه ..........الصحا والنعاس والسحر في عينيه والده معجنه وعلى فطرته مربيه ............الفرد الوحيد في الدنيا مافى شبيه يتجاهل علىّ وأنا حالي ما غابيه ......سابني في نارهواى وشال قلبي يلعب بيه هو أمير الهوى وقاضى الغرام مفتيه ......إن جار علىّ في قتلى كيف يفتيه يا قلبي الحزين انت الصبر خاتيه ....... إن جار أو عدل سيبه اليتيه في تيه
Post: #192 Title: Re: الحب في المنبر Author: محمد المرتضى حامد Date: 04-05-2007, 11:14 AM Parent: #190
محمد عثمان.. من يوم ما جبت لي ود توتي إبراهيم خوجلي ده و أنا فاتح الصفحه دي واقول عمري ده كلو أسمع في الغنا في الكرة الأرضية وحاجه جميله زي دي تفوتني كِيفن مع انو ابراهيم خوجلي ده يجلي في أعصابنا منذ الطفولة وكنا نسمعه يغني مصاحبا آلة الماندولين الممعن في ( الحِنِّيَة) أغنية ( تطربني القماري) وفي صوته شجن غريب، ولأني أجهل طبقات الأصوات (عدا صوت الحب بالطبع) فإنني أتمنى على أهل الموسيقى أن يوضحوا لي ما هي قصة صوت إبراهيم خوجلي هذه فهذا الصوت قد يصل بك في إحدى حالات الإبصار الى التهدُّج لما فيه من مسحة نواح وشجن عميقين. تبكي بس.
Quote: كل هذا الجماال و التداعى فى هذا البوست الجميل...و انا لا اعى.. و متلى كم ضاايعين...و مالى و مال سهاام العين سهم فى هذا البوست الانيق و الرجوع بمهلة...
يديكم العاافية...
محمد والله سهمك ما طاش ويقيني أن بكنانتك المزيد الفريد وأما مسألة سهام العين دي ما (بتضييع) زول لأنو غياب تلك الأسهم هو عينُ الضياعِ ، خصوصا تلك التي قال عنها ودالعباسي: راميات باسهم ريشها الهدب تشق القلوب قبل الجلود. أها نحن كمان بنمشي أكتر ونرفع أيادينا الى السماء داعين مع ودالرضي قائلين : عنِّي ما نجيت ويا جرح غَوِّر إنشالله ما بريت. ويا محمد طالما انك راجع (بمهله) ستجدني انشاءالله من الصابرين. والله كنت داير (أثبِّت الأغنية) وأقول ليك أديني الرابط لكن الطلب ده شدة ما كتر في المنبر بِقا ولدك كان المدرس قال ليهو سِمِّع السوره يقول ليهو أديني لينك الحفظ. راجيك .
Post: #202 Title: Re: الحب في المنبر Author: محمد عثمان Date: 04-07-2007, 11:18 AM Parent: #192
الجميل..محمد المرتضى..
يديك العاافية..و فعلا اصبح هذا البوست واحة ظليلة ناتى لنستريح فيها من كدر العمل و تعب الحياة اليومى.. الفنان ابرااهيم خوجلى يمتاز بصوت دفّاق ذو خصوصية و مقدرة تطريبة عاالية جدا سااعده على ذلك مهاارته الكبيرة فى العزف على الة المندلين التى اجاادها تماما..له ايضا اعمال كثيرة على الة العود و الفرقة الموسيقية الكااملة.. للاسف كما ذكر الفنان نفسه فى احد اللقاءت الاذاعية معه ان حظه فن تسجيلاا الاذاعة اغنية واحدة فقط و هى اغنية تطربنى القماارى...كل التسجيلااات الاخرى الموجدودة له جاءت من خلال حفلاته و لقاءته المتعددة سواء ان كان فى التلفزيون او الاذااعة... لدى كمية من التسجيلااات لهذا الفنان و انشاء الله من خلااال هذا البوست واحدة..واحدة بس حااسب على قلبى..
قمت بتغيير الاغنية فى واجهة البوست باغنية الزمان زمانك و مرفق هنا اغنية متلى كم ضاايعين و لينك الحفظ...
كل مودتى....
Post: #191 Title: Re: الحب في المنبر Author: Ammir Mohamed Date: 04-05-2007, 10:43 AM Parent: #1
محمد المرتضى شاف الوسخ في الناس .... رغى قليبو صابونة
شاف الرغيف بالصف .... كفى إيدونو طابونة
وزع كراتين الفرح ... كرتونة كرتونة!!!
واحد من أجمل البوستات التي قرأتهافي هذا المنبر الذي بدأ يذكرني بالنشاط الجامعي الملئ بالمراهقين السياسيين.
أرجو أن تواصل وإليك أبيات أعجبتني
إفتح فؤادك ضمني
أغمض جفونك غطني
وهج المشاعر ... غطني
أهواك .. أهواك إلا أنني
أخشى عليك ... تمعني
أمير
Post: #193 Title: Re: الحب في المنبر Author: محمد المرتضى حامد Date: 04-05-2007, 01:48 PM Parent: #191
سميه طلحه,
Quote: علمت انك بصدد انجاز كتاب بعنوان العجائب و الغرائب في سيرة الحب و الحبايب !!
أود أن أحجز نسخة من هذا الكتاب ممكن ؟
والله قِصص، يا سميه ، إذا كان أبوصلاح عن حبيبه واحده بس قال ( الشجر أقلام والنيل مداد لو كتب أشواقي ليك ما عدَّدا ) كيفن أنا أقدر أكتب في الحب كلو كتاب واحد. سميه ، حاجات الحب دي ما بتتكتب ولا بتتشاف لكن بتتحسَّ آثارا بس زي الكهربا ، يا حراره يا ضو يا موت. يطول عمرك.
Post: #194 Title: Re: الحب في المنبر Author: Moawia Mohammed Date: 04-05-2007, 02:05 PM Parent: #1
حبيبي عرج بي وميل نتأمل الأفق الجميل شكل الغزاله مع الصباح ............. ........ ..... هنا هنا هنا يا ظريف الظل وريف والجو لطيف أنا وانت في حلل العفاف أرواحنا ممتزجه ائتلاف كل ما أقول ليك اقتراح ترضاهو بكل ارتياح
Post: #195 Title: Re: الحب في المنبر Author: فاروق حامد محمد Date: 04-05-2007, 04:15 PM Parent: #194
Quote: لا والله يا الفاروق الحالة اتغيرت وما عاد الحب هكذا . الحب صار زى تشريعات البورصات تلاحق التكنولوجيا لتواكبها وليس العكس .
أبوبكر ...
ألحق صاحبك !!!!!
حتى الحب قلبه بورصة !!!!
Post: #196 Title: Re: الحب في المنبر Author: محمد عثمان Date: 04-05-2007, 04:19 PM Parent: #1
والزمااان زماانك أهدى لي مـن فـضلـك.. نـظـره فى رمااانك يا الفريـد فـى عصرك.. قلبى فاااقد امااانك حرااام عليك تهجرنى.. وترضى بى حرمااانك بالكـمااال شــرفـت.. مـناااطق ام درمااانك وبالجمااال امــتـزت... عـلـى شباااب زمااانك يا أنيس الصـيـد.. أنــا فى الغراااام انسااانك انت روح شعـرى... وانا فى الشعر حسااانك ان قصدت هلاااكــى.... تجدنى مـن فرسااانك وان عـطفـت عــلى... ذاااك مـن إحسااانك يا الحنـين فـى نفـسك.. قول لى ويـنه حنااانك شلت قلـبى ودمى.. خـضـبـت بيهو بنااانك لو مرقت تـمر فى الـروض عـلى افنااانك النجوم تـتـغـزل فــى بـياااض اسنااانك ايها الفتاان.. حلمكك على ولهاانك ذبت من الامى وعقلى ضااع فى ريااضك برضى خااضع ليك.. و انا ياا حبيبى مهاانك و ان نكرت هوااى.. ورينى ايه برهاانك..؟!
Post: #197 Title: Re: الحب في المنبر Author: فاروق حامد محمد Date: 04-05-2007, 05:29 PM Parent: #196
Quote: لا والله يا الفاروق الحالة اتغيرت وما عاد الحب هكذا . الحب صار زى تشريعات البورصات تلاحق التكنولوجيا لتواكبها وليس العكس .
أبوبكر ...
ألحق صاحبك !!!!!
حتى الحب قلبه بورصة !!!!
Post: #198 Title: Re: الحب في المنبر Author: محمد المرتضى حامد Date: 04-06-2007, 02:44 AM Parent: #197
Moawia Mohammed
غايتو يا معاويه الله يديم عليك الجمال ، ياخ أعمل لينا بوست ناصح لخضر بشير يا(ملاك والدنيا ليل) خلِّينا نتناجى في الشاطي الجميل. كؤوسك المترعات بالأغاني ترياق مضاد لل(كتاتيح) ودعوة للدعاش. الله يخدّر ضراعك.
الليل نهار العاشقين.
Post: #199 Title: Re: الحب في المنبر Author: محمد المرتضى حامد Date: 04-06-2007, 03:00 AM Parent: #198
وبرضو يا معاويه كان مِخَزِّن ليك دوبيت أدَّنا مِنُّو من شان نَشَنِّق الطاقيه ونتذكّر غربنا السمح في الخريف. (ياناس كلامي القُلتو ما فسّرتو... يوم عيدالله مالقيت لي عَلَق فصَّلتو.. قِل المويه حتى اللابسو ما غسَّلتو..)
ويا ودالقرشي جيب لي كلام الضَحكت أسنانِن ضوَّت دكاكين بارا.
Post: #200 Title: Re: الحب في المنبر Author: Ahmed al Qurashi Date: 04-06-2007, 03:16 PM Parent: #199
شتيلة المشرق المشتولة فوق القيف وهباله النسيم في عز ليالي الصيف بارزات شلوخك زى بحور السيف ونهدك سام تلاته الهدّ خط بارليف
* كوزيمة النوقر الدخلن كويع الخشه وأجمل خلقه من صل الدبيب الوشه يا أم نهدا متوقر لا انكسر لا انفشه ويجازيك الله كان دبلتى لي الغشه
* كويع الخشه :-- هو الشجر الكثيف
Post: #201 Title: Re: الحب في المنبر Author: محمد المرتضى حامد Date: 04-06-2007, 05:45 PM Parent: #200
مصدق مصطفى حسين
Quote: نتوسد هذا البراح لنسترد أنفاسنا اللاهثه من وعثاء السفر ( الأسفيرى )، لك الود و الحب و أنت تشرع هذه المساحه الغناء المفعمه نبلا وموده ،
هو أصلا يا مصدق هذه المساحة غنّاء بكم وبنبلكم ومودتكم وليتني أُوتيت قاموسا مفعما بالمفردات المضيئة لأُوفيك حقك من كلام. وعثاء السفر الإسفيري هلك بعيري ، والله نحترم كل من يكتب هنا شريطة أن يحترم أعيننا وجداننا وعقولنا فهذا أُسُّ نظرية العقد الإجتماعي كما جاءت بها الأديان وجان جاك روسو. أناشد المهندس الجميل بكري أبوبكر أن يُبوِّب لنا هذا المنبر وأقترح أن تكون العناوين (ووترلو) وهذه مساحة للمحاربين ناس ultimate warrior، و (الخميله) وهي أرض تتموضع فيها قبيلة ودالقرشي ومن لف لفه خيامها و (اللوفر) وهي بقاع يسكنها التشكيلي النور الهادي عوض وربعِهِ الذين يهدونني من فضلهم اللوحات (ناطقات) السحاب. واما باب السياسة فنسميه (وستمنستر) او (الكرملين) أو (ما بينهما من متشابهات). ده كلو عشان نتفادى وعثاء السفر وكآبة المنظر .
ياسلام يامهدي محمد سعيد وصلاح محمد عيسى بلحن علاء الدين حمزه ، قالوا: جميل كامل الأخلاق والقدر اذا ما لاح في الإشراق كالبدر وطيب الزهر من أنفاسه يسري سكرنا منه مرات ولم ندري
يديك العافية يا مصدق.
Post: #203 Title: Re: الحب في المنبر Author: Sahar Abdelrahman Date: 04-07-2007, 01:45 PM Parent: #201
الأستاذ الفاضل محمد المرتضى...أعذب التحايا
Quote: حاجات الحب دي ما بتتكتب ولا بتتشاف لكن بتتحسَّ آثارا بس زي الكهربا ، يا حراره يا ضو يا موت
معزتي لك دوما
سحر
Post: #204 Title: Re: الحب في المنبر Author: mamkouna Date: 04-07-2007, 02:35 PM Parent: #1
Quote: أناشد المهندس الجميل بكري أبوبكر أن يُبوِّب لنا هذا المنبر وأقترح أن تكون العناوين (ووترلو) وهذه مساحة للمحاربين ناس ultimate warrior، و (الخميله) وهي أرض تتموضع فيها قبيلة ودالقرشي ومن لف لفه خيامها و (اللوفر) وهي بقاع يسكنها التشكيلي النور الهادي عوض وربعِهِ الذين يهدونني من فضلهم اللوحات (ناطقات) السحاب. واما باب السياسة فنسميه (وستمنستر) او (الكرملين) أو (ما بينهما من متشابهات). ده كلو عشان نتفادى وعثاء السفر وكآبة المنظر .
أوافقك على كل ما جاء في الإقتباس.. بس عليكم الله ما تنسو باب (( الممكونين..الصابرين )) و دا مُخصٌص .. للبكاء على الأطلال.. و الأغاني من نوعية (( جاي تفتش الماضي )) !!
Post: #206 Title: Re: الحب في المنبر Author: soma Date: 04-08-2007, 05:27 AM Parent: #204
باسم الحب احييكم فى صمت وذهول.... واهديكم
رسالة غرام...
انا ما حبيتك .. لكنى عشقتك ... واتمنيتــــــــــــك ... بى ريشة قلبى .. رسمتك... وفى الاعماق ختيتك ... بحنانى الفايض.. برضى شملتك ... ما خليــــــــــــتك ... واتخيلتك .. فى بستـــــــــــان .... انى زرعتك ... بى دمى رويتك ... وكيف راعيتـــــــــــــــك ... لما قطفتــــــــــــك .. اتحسستك .. وريحة عطرك ... نرجس نور .. ساحة بيتك .... ويوم لاقيتك .. لامست سحابة عرشك ... واتنهدت عشان حسيتك ... كتمت الاهه .. وراها التانيه ... اتوهمت كمان ناديتك ... كتبتك احلا قصائد ريد ... كم لحنتك .. وكم غنيتك .... وتانى بديتك .. وجيت تميتك ... لما حفظتك واتوشحتك ... واتغطتيــــــــــــــتك ... ومن خوفى عليك ... قريت حصنتك ... وبى رمشى هناك ضاريتك ... واتوسلتك .. واترجيـــــــتك .. تعرف انى عشقتك ما حبيتك .. والله عشقتك .. وما حبيتك
اسماء الجنيد مسقط
متاوقة اخى الحنين ود المرتضى اهديك الدهشة
Post: #207 Title: Re: الحب في المنبر Author: ابوبكر يوسف إبراهيم Date: 04-08-2007, 06:07 AM Parent: #206
أخي المرتضى أشكر لك أيميلك الرقيق ولكنك يا صديقي تخطيت رقبتي لا رقاب الآخرين ( لمجرد المزاح ).. ما زلت أتابع
Post: #208 Title: Re: الحب في المنبر Author: محمد المرتضى حامد Date: 04-08-2007, 08:54 AM Parent: #207
أبوبكر يوسف إبراهيم ،
Quote: أخي العزيز المرتضى
تحية رقيقة فيها من رشاش الخريف ودعاش المطر ما يترفق بروحك السمحة .. فالحب في المنبر ربما كان لدى البعض خطيئة ويفضلون عليه الحب مع أهل ( البنبر) حيث يرفع (البيرق) عالياً !! أخي مرتضى ، تابعت البدايات والمداخلات فإتضح لي أن ما كتبه أخونا المرتضى يتجلى وكأنماما كتبه مرآة لبيئته وربما مجتمعه وبيته منوهاً بخصائص ومثلٌ وتقاليد ، فلم يتمرد في هدوء عقله واتزان نفسه على سلطان الذوق العام ولم يفارق حمى تلك البيئة الظليلة .. ذوق وبوح في غير جمود .. وحفاوة بالجدير دون إزدراء القديم وأخذ بأسباب التحول في حياة الإنسان والإنسانة وتطور الحياة وأيقاعاتها حتى في همس الحديث الوجداني المنمنم .. ما أثارني ذاك التسلسل الوجداني وكأنها ديباجة بليغة تتسامى عن التعبير المهلهل ويؤثر ذاك الإحتشام العاطفي الذي يتجافى عن الوصف المبتذل .. وجدانيات هامسة في شكل همهمات تطرزها الفضيلة.. النزعة التصويرية لتسلسل البوح كانت فاتحة طيبة في براعة الإستهلال.. بوحك موفور الحظٍ من السلاسة والعذوبة .. أحرفٌ مأنوسة طيِّعة المنال عليها رقة وطلاوة .. ونتابع
يا ابابكر،
(بباب الدخول وقفت أُسَوِّي العباءة، أكبحُ مُهر اندهاشي ، كما حدّثوك ، وأُخفي على تابعيك دوار الذهول).
دثار الحرير (الناغم الأسلاك منغوم الحفيف) هذا الذي ألبستنيه لا أستحقه دون مجاملة أو تواضع. والله يا أبابكر أجهل النقد الأدبي وفن الكتابة وليتني أُوتيتهما كيما أُداني مثل الذي جئتَ به من حديث طيب لدرجة أن سوَّلَت لي نفسي أن أُقدِّم قماش مودتي الى حائك أديب يخيط لي ما أهديه إليك ، فكلامك عني يكفيني لسيرتي الذاتية التي أقدمها رفق طلب لشغل شاغر في محراب المتبتلين. بيئتي ومجتمعي وبيتي الذين ذكرت في لوحتك الأدبية أعلاه هم السودان وأهله الذين كفلوني وما ضنّوا عليّ بشئ و أرجو أن أكون ممن يحفظ الجميل والحقوق لا ممن يمارس الجحود والعقوق. . عندما نتحدث يا سيدي عن ( سلطان الذوق العام) نستصحب ما تربى عليه المواطن السوداني العادي مثلي ، نحن لم ننشأ على غير ما تعارف عليه عموم أهل السودان ومن ثم نعرف حدودنا وما تعنيه اللياقة واللباقة وتفريعا على هذا جاءت مسألة الخطوط الحُمر والتي سبق أن قلت أنها رسمها وجدان هذا الشعب وأدبياته وتقاليده . كنا بعد أطفالا حين سمعنا من قال ( و فايت الحدود واسو) ، وكنا نعلم بغريزة صقلها التوجيه الإجتماعي ماهية تلك الحدود ، لذا لم يكن من اليسير على عامة المجتمع قبول ارتكاب العنف أو جنحة (الإخلال بالحياء العام) سواء كان ذلك بالكتابة أو الصورة أو الإشارة سيما وأن تلك الأفعال الجانحة تتنافى مع الوجدان السليم غض النظر عن النهي الإلهي الصريح ، ورغم ما لنا من آثام وعيوب ولمم إلا أننا نسأل المولى ألا تبلغ سقف الكبائر والموبقات . يا سيدي ، لكل انسان أن يعبِّر بما أتاه عقله ولسانه لكن حدود حريته في ذلك هي حدود حريتنا و (الذوق العام) ومعيار الأخير هو الأنسان السوداني العادي أو ال reasonable man ، أما حديثي عن الحب والتواد فهو مجرد دعوة قديمة سبقني اليها كثير من َ أعضاء المنبر وما كلامي إلا رجع صدى لما قالوه فقط على سبيل التذكرة ، فإن كان في كلامي شطط فهذا مرجعه عِلَّة في القلب فقلبي ( بساح الجمر يحرقني ويحرق لحم قافيتي) والعذر لمن اصابه رذاذ الحرف ، وفي مثل هذا الحال ماذا تراني قائل غير أن أردد مع سند؟ (ها هنا موتي.. حدود توهمي.. شمس بعمق الجرح.. ترقص في عيون الحس .. تزحف تحت أنسجة الشعور.)
أبوبكر الأديب ، بحق يشرفني مجيئك الى هنا ،
وعدتني ب (المتابعة) وفيك الوفاء.
Post: #209 Title: Re: الحب في المنبر Author: الطيب شيقوق Date: 04-08-2007, 10:06 AM Parent: #208
Quote: ويجازيك الله كان دبلتى لي الغشه
احمد القرشي الزول ده هنا بيقصد الغشة deceiving ولا القشة بالقاف ؟
اعتقادي بيقصد القشة التي قصمت ظهر البعير .
المرتضى وجميع جمهور الرومانسيين وحياتكم تورونى ليش الواحد لما يحارب محبوبته للحظات الفراق البسيط ده يلهب جذوة الحب في فؤاده ليعود نارا تلظى .
عميق محبتي ( طالما انتم في سياق الحديث عن الحب)
Post: #210 Title: Re: الحب في المنبر Author: محمد المرتضى حامد Date: 04-08-2007, 06:11 PM Parent: #209
الماجدة د. أسماء عبدالحليم،
Quote: يا عزيزى مرتضى حب إيه الإنت جاى تقول عليه؟ نحن عايزين جنازة نشبع فيها لطم!!!!!!!!!! والله بوستك ده أنامتابعاه بس دايرة أشوف زواره منو! فعلا طلع ناس ما بتلقاهم فى كل مكان. أها هاك أبكى شوية وأدى ناس ممكونة ومن لف لفها
أحمدلله أن وجدتِ زواري يا اسماء من أهل الأفئدة النقية وليس معهم (جنازة) وليس فيهم مَن لطَم الخدودأو شقَ الجيوب على الرغم أن فيهم من الممكونين من جعل البكا والنحيب من نوافل يومه في صمت وصبر عجيبين. أنت ادرى أن الحب ( اللي جاي أقول عليه) المعني هنا ليس وحده ما تغنَّت به كوكب الشرق وحده ولا الذي شَدَت به الرائعة فيروز ( بالصيف و الشِتِي) بل يتمدد ذلك بطول بلد طرِب النيل لديها فتثنى ، وبالطبع لايغير من ذلك ( الأمجاد) الغابره التي تتهادى على أجسادنا قبل شوارعنا والتي شكوتِ منها لطوب الأرض قبل القراء عقب زيارتك الأخيرة للوطن. والله يا أسماء رغم ما نشاهده من بلاوي في السودان لكن في حاجات مُريحه بشكل ، بالأمس كنت أتابع الأخبار وشاهدت الألعاب الناريه في سماء الخرطوم وما تلاها من ذعر وجئت اليوم منهكا لأمارس ماسوشيتي اليومية وهي مشاهدة الأخبار ، وبينما أنتظر خبرا عن السودان جاءني الخبر ، طبعا بعد ما كَحَّلتُ عيني بمشاهدة العُمَرين ، عمر البشير وعمر كوناري بتاع الإتحاد الأفريقي ، أها جاء خبر مصوّر عن شاب (اسماعيل) قدم مهرا لعروسه ( مي محجوب شريف) يتكون من خمس لوحات زيتية رسمها بنفسه وانطلقت الزغاريد معلنة انهيار شنط المغتربين وحتى قِشرة سعد قِشرة ، والله ارتحت حتى بانت نواجذي ، شوفي الريده دي بالله يا اسماء ، هسه في الأرض دي كلها بتلقي ناس تبدأ حياتها بلوحة؟ مش ابداع؟ في هذه الجزئية ، وبهذه المناسبة قال لي أحد الموريتانيين أنهم كانوا في البادية يقدمون المهر للعروس ما يحفظون من قصائد فصيحة وكلما البت بقت سمحه وماليا هِدومه كلما كان عدد القصائد المطلوب حفظها أجود وأطول وطبعا في الموضوع ده في حاجات تانيه نتركها لحينها. شكرا على القصيدة التي وُفِّقتِ في اختيارها ، كعادتك ، وهذا يؤكد انحيازك المكشوف للروائع كعهدي بك، وأهديها لنفسي أولا لأن لموريتانيا مساحة خاصة في وجداني. لك مودتي واحترامي .
Post: #211 Title: Re: الحب في المنبر Author: محمد المرتضى حامد Date: 04-08-2007, 07:55 PM Parent: #210
عاصم البنا، كيفك أب احمد،
Quote: وشايف زعيم المكسرين مرتضى دور مكنة الحب الجاز
الحمدلله التِكِسِّر جابك راجع ، تعرف يا عاصم التكسر ده مرحله تخطيناها زمن كان الواحد لما يبتسمو ليهو يقوم يحصل شي كده في المنطقة بين القلب والحجاب الحاجز زي الحاله اللي بتحصل ليك عند انخفاض الطائرة فجأة في الجو أوهِزَّة بمقدار حداشر درجة على مقياس ريختر المكوَّن من تسعه درجات ، مش في ناس كده (بينسُّوك الفرِض والنافله)؟ أها يا أبا رنيم ما عدنا كذلك ليس لانحسار المد ولكن لانشغال القلب بضروب اخرى من الجمال والعواطف وهذه عملية إزاحة معقدة تجسِّد نظرية أرخميدس عيانا بيانا. حدث تنوع في كائنات القلب وتبدُّل في نباتاته وربما يعزوها بعض المتشائمين الى الإنحباس الحراري أو ظاهرة ( النينو) لكني أرى انها ناجمة عن زيادة ملحوظة في مساحات الوجدان ليسع ما تنقله البصيرة والبصر والسمع ومن ضمنها ما تعنيه المودة والرحمة والسكينه ، لكن ثق أن أوزون الفؤاد ما زال intact وما عايز أعمل ليك رد يماثل النشره الجويه لكن التِكِسِر في حد ذاتو ظاهرة حميده تشي بسلامة غرف الخافق الأربع وانتظام إيقاع الوجيب. تعرف يا عاصم لما واحد يقول ليك انت مكسّر بيكون قلَّدك نوط جدارة ووشَّى صدرك بأوسمة ونياشين تباهي بها كتائب قيس وجميل وابن الملوَّح ويكون باختصار قال ليك ( يا إنسان). ولما تكون بالفعل مكسَّر و آخر صورة أشعه أخدوها ليك طلعت فاضيه ، ده معناهو انك في أرقى حالات السمو والجمال و هذا دليل قاطع أن الروح أرقى من الكالسيوم. شُفت الضو في الأثير بسافر كيف؟ وساده:
هسّه فيك انا شن اسو؟
Post: #212 Title: Re: الحب في المنبر Author: Ahmed al Qurashi Date: 04-09-2007, 11:52 AM Parent: #211
Quote: وبهذه المناسبة قال لي أحد الموريتانيين أنهم كانوا في البادية يقدمون المهر للعروس ما يحفظون من قصائد فصيحة وكلما البت بقت سمحه وماليا هِدومه كلما كان عدد القصائد المطلوب حفظها أجود وأطول وطبعا في الموضوع ده في حاجات تانيه نتركها لحينها.
يعنى الواحد يامرتضى يسافر مورتانيا ولا شنو ... والله حفظ الشعر اسهل من جمع المال الحلال فى هذا الزمن ...على الاقل ليس عليه ضرائب ...
Post: #213 Title: Re: الحب في المنبر Author: عفاف أبو حريرة Date: 04-09-2007, 02:58 PM Parent: #212
]
حوش المرتضي كله مزروع حب وضهر الشيخ الحسن محمد طلحه منبع الحب زاته وجاتنا منه بشاير وروايع زي كنوز الجنه
تسلمي يا الريحانة والعديل مُشهادك من يومك قِدامية وكان ساعة الدغش ميلادك وكت شبيتي قمتي سغيره تابعه نسل أجدادك ما جبته من عندي شي دا القالو عَنْكِ رفاقّك
كلي حب ليكم ياسميه
Post: #214 Title: Re: الحب في المنبر Author: محمد المرتضى حامد Date: 04-09-2007, 10:07 PM Parent: #213
سوسن أحمد،
Quote: الاخ ممد المرتضي! دعوه للحب! ناس مسقط كلهم شفافين والحب مزروع في وجدانهم والله بختكم ...في طريقه تلقو لينا سكن انشاءالله في ابراء ومن جاور السعيد يسعد!
حياه الحب اسميها سعاده بكل معانيها! اقيم ليلاي ..يعني ذي الصلاه!
لك الود سـوسـن
سوسن سلام ، حقيقة ناس مسقط يتمتعون بميزات كثيرة ولا أدري عن مجتمعات الجاليات السودانية في البلدان الأخرى تفاصيلها رغم أني زرت منها الكثير لكني لحظت أن من يزورونا من جميع انحاء العالم (يبهلون) ثناءا غزيرا على الجالية هنا وفورا يعقدون مقارنة يوضحون بها الفوارق الكبيرة بين ما رأوه في مسقط وما عايشوهُ في أماكن إقامتهم بل حتى الذين زاروا مسقط من السودان كان لهم نفس الرأي. بصدق يا سوسن تمكن أفراد الجالية في عمان من المحافظة على علاقات رائعة بينهم خالية من الأمراض التي تترعرع بين البشر ويجمعهم تآلف وتواد وتراحم ونُصرة لبعضهم ولايحس القادم الجديد إلا بأنه جزء من هذا التآلف، ساعد في خلق هذا الجو الصحي عدة عناصر لا داع لتفصيلها لكن هناك روادا ، ومنهم عمنا بابكر النور مصطفى أمَدَّ الله في عمره ، وضعوا أسسا ورسّخوا تقاليدا ما زالوا يوالونها بالرعاية والمتابعة وأسفرت تلك الأسس والتقاليد عن احترام وتعاضد وتحصين ضد الإنفلات ، كما لعب نادي الجالية السودانية دورا بارزا في لم الأُسر في كافة المناشط والإهتمامات الأكاديمية والثقافية والرياضية وغيرها ومازال النادي يلعب هذا الدور وهو أول ناد لجالية في السلطنة والأقوى والأنشط ، اضف الى ذلك كله طبيعة سلطنة عمان نفسها وأهلها الذين لايتركوا لك خيار غير أن تحترمهم وتحترم كل من حولك طوعا وذلك بأدبهم وهدوئهم وتسامحهم المدهش. قلتي لي عايزه سكن انشالله في (إبراء) ، يعني انت بتعرفي مدينة ابراء ؟ أكيد عارفه قرية ( الحُقنه) في السودان!! ولماذا (إبراء) بالذات ، طبعا معنى الإسم مختلف عن مايتبادر للذهن . حياة الحب لازم تسمِّيها السعادة بكل معانيها يا سوسن ، هل أسبلت جفنيك على لحظيك للحظة في عتمة الليل البهيم وتخيّلت الدنيا بدون حب ؟ بالله قولي لي شكلها بيبقى كيف؟ مش أخير عدَما؟
وشال من ناري عِمَّه وشال .. ياسوسن.
Post: #215 Title: Re: الحب في المنبر Author: محمد المرتضى حامد Date: 04-09-2007, 11:56 PM Parent: #214
ومن مسقط وردتني رسالة من إحدى سيدات الجالية أختي بدور محمد الأمين وهي ممن يسابق الريح لخدمة أهلنا الأحباب في مسقط ومعها الجميل العزيز صلاح الركابي .
Quote: العزيز ود المرتضي
لك الود في زمن التجافي ولك الشكر في زمن الجحود والنكران لك الود لانك اهل له ولك الشكر لانك اثريت المنبر بدرر حديثك المنمق ولانك اخترت الموضوع فاحسنت الاختيار ,,,, الحب,,,,, نعم فالحب هو الاساس لكل ماهو جميل وهذه دعوة مني للكل بان نجعل الحب هو النبراس الذي يضئ ما اظلم من دهاليز الحياه والتسامح,,,التسامح ولكم مني الحب كله
بدور محمد الامين
الشكر لك أنت يابدور القلعه ولأياديك البيضاء علينا. حفظك وأسرتك المولى .
Post: #216 Title: Re: الحب في المنبر Author: abubakr Date: 04-10-2007, 03:23 AM Parent: #1
Quote: اعتقادي بيقصد القشة التي قصمت ظهر البعير .
يا ودشيقوق .. قطعت نفسي اجري وراك ..ما تجي بكانات زي دى قت ليك بشان ما تخربا؟ دييل بنضمو عن "الحب" بالباء مش "الحت" بالتاء .. فز اطلع من هنا وخلي الحلويين دييل يحبو زي ما عايزين .. انت مش ناس لجنة النادي خلاص شافو ليك شغل ..بعير اليرفسك ؟؟؟-
Post: #217 Title: Re: الحب في المنبر Author: محمد المرتضى حامد Date: 04-10-2007, 11:42 AM Parent: #216
قصة مراسلة (رويتر) في الخرطوم مع الحب وزواجها من سوداني أنشرها هنا دون تعليق ، ولا حتى دندنة ( في حب يا اخوانا أكثر من كده)؟ وشكرا يا إلهام الوداعه على إرسال الموضوع.
Quote: Wedding vows: A Sudanese love affair Monday 9 April 2007. Opheera McDoom is the Reuters correspondent in Sudan where she was one of few resident foreigners when she began her assignment three years ago. In the following story, she describes the elaborate rituals that marked her wedding in Khartoum last week and how they exemplify the rich and varied mix of traditions of a country associated usually with conflict. By Opheera McDoom April 8, 2007 (KHARTOUM) — People often ask me how I can tie myself forever to Sudan, when I have covered the worst of this country in conflict zones like Darfur. I guess I finally understood the strength of love.
Reuters correspondent in Sudan Opheera Mcdoom smiles next to her husband Mohamed Omer Abdelati during the "jirtik" ritual at their traditional Sudanese wedding in Khartoum April 4, 2007. (Reuters) The news I report is often grim. But living here for three years has also given me a unique opportunity to see a side of this fascinating place that few get to understand. War and oppression have ripped at the fabric of society in much of Sudan but strong family bonds have kept people together. I arrived as a stranger, alone in a place where there were few foreigners, and was welcomed by many into that family. My new husband, Mohamed Omer Abdelati, is from northern Sudan and runs an aviation services company and the Canadian University of Sudan. We are both 29 and Muslim, and shared a circle of friends for two years. But I was often on the road and we did not really become close until 2005. When we did, we came together in this rich mix of ancient Arab and African cultures, where no culture is dominant, despite the indoctrination policies of various governments. My wedding, for example, was a week-long affair that ended on Saturday. Pharaonic ceremonies passed down over thousands of years were more important than Muslim traditions. During the "jirtik" ritual, the boss of the home is prophesied by whether the bride or groom first spits milk in the other's face. Chanting and singing women wave incense, waft perfumes and form a tight circle around the couple: he is draped in white cloth and carrying a huge sword; she is dressed in bright red and dripping in gold. My Sudanese family spent many hours making traditional perfume. They picked what they call the "fingernails" of sea creatures from the Far East and stuffed hundreds of cloves in apples that they left to dry. The mixture is ground up, boiled in a huge pot and finally poured into crystal vases full of exotic scents for daytime and evening. Chanel, eat your heart out. SHAKE IT LIKE SHAKIRA The bride has to dance for the women in both families. Shake it like Shakira I thought — great fun — until I discovered it entailed learning some 75 different tribal dances, including Ethiopian shoulder shaking. In the old days, the bride would dance in a grass skirt and nothing else to show the in-laws how fertile she would be. Now the bride is clothed — but not very. During the 1990s when a hard-line government enforced its strict version of Islamic sharia law, the racy bridal dance was one tradition they did not dare touch. Everyone pitches in at a Sudanese wedding. Dozens of family and friends all work to prepare exotic dishes and design elaborate decorations. Relatives living abroad send packages with vital ingredients, from hair extensions for the bridal dance to candles, huge quantities of gold jewelry and dresses. The bride is expected to do, well nothing really. For at least a month before the wedding, a Sudanese bride is locked up at home, scrubbed daily with concoctions of turmeric, coffee, crushed almonds, rice and sandalwood. She is then placed aloft over a pit of burning perfumed wood to give the skin a beautiful color and scent. All her body hair is removed and her hands and feet are painted in intricate designs of henna. When she emerges on the first day of the wedding, her skin is dazzling. 2,000 GUESTS I invited friends and family from around the world to my wedding — 2,000 people attended the white dress night at the Palace hotel on the banks of the Nile in Khartoum — because I wanted them to see this, the other side to Sudan. Yet I am a rather unconventional Sudanese bride. Three weeks before my wedding, I slipped off to Darfur one more time for what a friend called my "last dash for freedom". Authorities had banned me for almost three months from Darfur and I had finally been granted a travel permit. The 2.5 million people who suffer from the conflict there can only imagine the luxury of a beach honeymoon as they fester in miserable camps, too afraid to go home and dependent on handouts from aid workers. My husband says he wants our children to be part of the generation that rebuilds Sudan as a more equal nation after so many years of civil war and faltering peace deals. I just hope it doesn't take that long. (Reuters)
Post: #218 Title: Re: الحب في المنبر Author: غادة عبدالعزيز خالد Date: 04-10-2007, 11:51 AM Parent: #217
الأخ الكريم محمد
نحو مزيدا من الحب فى المنبر و خارج المنبر.. اما اوفيرا و ابن الخال محمد عبدالعاطى فيكفى ان تنظر اليهما لترى النور يشع من عينيهما
كل الود
غادة
Post: #219 Title: Re: الحب في المنبر Author: محمد المرتضى حامد Date: 04-10-2007, 01:09 PM Parent: #218
Post: #220 Title: Re: الحب في المنبر Author: خالد علي محجوب المنسي Date: 04-10-2007, 09:48 PM Parent: #219
الأخ الفاضل/ محمد المرتضى حامد خير بدء الدخول السلام عليكم كُنت ومازلت ألتهم حلو حرفك وجمال التجانس فيما تكتُب مجامع الكلم تملكها فمتعنا متعك الله دنيا وآخره عذراً إذا صال الفحل فلنسمع ونقرأ ونستمتع( هذا أقصد به شخصي الذي لا يقوى على مجارتك في نظم الحديث العذب ومجارات الغالب من المتداحلين ... في عذب الكلام الرطب ) بوست نشهد له بالجمال المتدفق جدل في رقيبة السمحة في البنوت
الحب شئ جميل وقيل فيه الكثير ونحن تابعين قول الفحل ودبادي
بعد ما الليل يهوّد ونحن نهوّد عاد اماتّن ينادن ليهن نمشي علي القيزان نتقادم أقيس الخطوة مع التاتاي ومشيهّن والله البعد الحاصل مانساني وحاتكن في قمراتنا بشوفو وشيّهن ألا النضم أب غُنة اللهج السُكر وين بلقاهو بنات الريل الدوب ليهن الخوف آناس كان إبقى الشوق الحاصل بينا معشعش فيهن مًقنع سابل وين بلقاهو طرفاً زابل وين بلقاهو وعين بدنقر من واليهن الوجنات الشعّن بقّن ودالعين النايم زرقّن مو زايغ رسيان وميقّن زولن كان خدران ومحقّن من الشُوفه عروقو يطقّن كان الدنيا بِصح تنخلا كنا جلسنا معاهن في رملات الحلّه ألا كمان بنشوفّه مزلا
Post: #221 Title: Re: الحب في المنبر Author: محمد المرتضى حامد Date: 04-10-2007, 11:04 PM Parent: #220
Ammir Mohamed
Quote: شاف الرغيف بالصف .... كفى إيدونو طابونة
وزع كراتين الفرح ... كرتونة كرتونة!!!
واحد من أجمل البوستات التي قرأتهافي هذا المنبر الذي بدأ يذكرني بالنشاط الجامعي الملئ بالمراهقين السياسيين.
أرجو أن تواصل وإليك أبيات أعجبتني
إفتح فؤادك ضمني
أغمض جفونك غطني
وهج المشاعر ... غطني
أهواك .. أهواك إلا أنني
أخشى عليك ... تمعني
أمير
يا الأمير لك شكري على كلماتك الجميلة ، مايسعدني حقيقة أن أكون كتبت شيئا يرضي ولو القليل من الزائرين ويشحذ أقلامهم فتجود بالخواطر المضيئة في زمن العتمة والبيرجر المشبوه هذا. وجدت نفسي محصورا (بين القذيفة والقذيفة) حين صاح البعض فينا صيحة طارق بن زياد ولكن الفرق شاسع بين الصيحتين فاخترت (همسة) عساها تصل آذان الأحباب في هذا المنبر. يا أمير ، أعلمُ أني لم آت بجديد ولم أغادر من مُتَرَدّمِ ولم أعرف دار العشق بعد توهم ، وأعلمُ أن كل ما كتبته هنا مكرور ويكاد يكون مملا ومموجا ، إلا أنه لايوجد لي خيار في هذا لإيماني أن الحب والتسامح واحترام الإنسان لإخيه الإنسان هو السبيل الوحيد للخروج من (البسوس) ، لماذا لانأخذ من حبيبنا المصطفى كلماته الشهيرة عند فتح مكة ومن المسيح ما قاله وهو على الصليب في لحظاته الأخيرة في الحياة الأرضية الزائلة ومن غاندي ومانديلا في أول خطاب له كرئيس بعد اندحار حقبة الأبارتيد القبيحة أو البابا بولس الذي زار من حاول قتله في سجنه وأعلن صفحه عنه؟ يا أمير ، السماحة والتسامح أو الطوفان ، فإن جاء هذا الأخير سنكون كقوم نوح امام موج كالجبال فيومها لا عاصم لنا من الماء.
مرة أخرى لك مني ثناءا سقفه السماء. (إفتح فؤادك ضمني
أغمض جفونك غطني)
تَسلَم
Post: #222 Title: Re: الحب في المنبر Author: أحمد طراوه Date: 04-10-2007, 11:10 PM Parent: #1
... شكرا يا قرشى علي كلمات عبد الرحمن الريح في شأن حسناء المسالمة التى ضاهت مصباح الظلام عالي المقام .. وهي كلمات تسري مسرى الدم في العروق ! و قالت لي شامة عبد العزيز اخت سيد عبد العزيز ، انو حسناء المسالمة اللي كتب فيها عبيد و عبد الرحمن و سيد ، كانت و حتى السبعينات لمن تكون ماشة مع بناتا في شارع نجيب كباشى ، فمن الصعوبة انك تفرز الوالد من الولد ، ودا كلام طويل و جميل في قصة ذاك البلد ... وبوست صحبك اصبح فنار بحر قزوين تحج اليه الفراشات و عصافير الخريف التى ما انفكت تمارس الذوق السليم و الشوق الحلو حسب قول الحلنقى .. و فعلا الحب شعار لمن تمسكو الجماهير التى اظمئتها الدنيا، فهى لن تتوقف إلا في ساحة القصر حيث حقل النار و حيث الزهور التى رواها نصار و بنت حران بدم الاحرار .. و ثقافة الحب فى مبناها السليم بتقول و حسب قول المغنى السودانى : التعارف و التآلف والمودة .. ثم المحبة اللي بتبدأ حبة حبة .. وقد لاحظت ان أوفيرا التي رمت بعصا تسيار العشق في موطنى ، قد عرفت محمد عمر عبد العاطى في 2005 ثم حسمت امر حبها له في 2007 فصار مشروعا اقوى و اكبر مما كان العدو يتصور .. و العدو المقصود هو من يدخل معاك و بقوة الدبابة في علاقة اجبارية و ليست اختيارية ثم يفترض انك بتحبو و ساير في ركبو لمجرد انو بطل عليك كل يوم من الاذاعة و التلفزيون .. يعنى حب بدون نشاط معرفى كافى و مستمر ، وبدون اختيار حر ما ظنيتو بعمر و بعيش .. والي جميع السائرين في مواكب الريد القُدام و الجُداد اهدى من غرائب القول ما قاله صالح عبد السيد في اربعينات القرن الماضى وهو يخاطب قمر السما و يرجو منه الموآزرة و السند وذلك في ليلة نساما عليل يسعد الروح المُعنى و يحيى ميت الشعور : بلغ الاقوال ياهلال .. انت شايف البها و الجلال .. و الترف و التيه و الدلال .. بي لاحظ الشوق و الملال ... شوف دواى ممزوج في الخلال .. في العنب و الدر و الزلال .. طبى يحرم و الموت حلال .. مين يميز دى و يعقلا .. شبيهك جسمى إنقلا ..
Post: #223 Title: Re: الحب في المنبر Author: محمد عثمان Date: 04-11-2007, 06:26 AM Parent: #222
الجميل..احمد طرااوة.. و كل النااس الحناان...
صبااحاات ندية..و صبااح الفل و اليااسمين لم يكن فى الحسباان ان اكتب هذا الصبااح ولكن شدتنى كلمااتك و استدعت ذكرياات حبيبة لنفسى...جاء ذكر المسااالمة و سيد عبد العزيز..رجعت بى الى اياام خلت و اياام جميلة عشتها فى ربوع المسااالمة...لا زلت اذكر اخرى مرة شاهدت فيهاالشااعر سيد عبد العزيز...و لازالت كل التفاااصيل فى بااطن الذااكرة اذكر ايضا ابناءه و كنا قد تزااملنا فى فريق نجمة المساالمة.. الاستااذ طرااوة..فعلا من الحب ما قتل و فعلا قتلتنى المساالمة و قتلنى شاارع الكنيسة..و قتلتنى....الله...شكلها القصة مااشة لفت كلااام قديم جديد...ربما احتااج حبة الان عند اللزوم او بعد الاكل..حتى استطيع ترديد ذكرياات اياام خلت..و فعلا رجع الصدى عااد لى حكاايتو و رددا...و ذكرياااتنا مهما...برضو ترديدا..شنو..؟؟ و ابو عفاان كان دايما يقول ذكرتنى..ذكرتنى..و انتهى بالكاابلى او ور الجيلانى..لو حااولت تتذكر و تعيد المااضى من اول..و اذكر حكاايتى معااك تلاااقى القصة جد مرة.. و اذكرى اياام صفاانا....و نقيف..و الزمن انتهى و يبقى...فقط: انت بدر السماء.. في صفاااك قولي من عيني.. ما الخفاااك..؟! ياحبيبي متي وفاااك *** قلبي دون الناس اصطفاااك وروحي تسمو سماااك الفاااك الممااات والحياة.. بين شفاااك فيك نفور الظبي في صفااااك *** قلبي واله بيك ما نساااك عاني فيك العنا من اسااك قصدي زورة طيفك عساااك ياحبيب القسا سيب قساااك *** انت كعبة حب لليطوف انت جنة.. وادانيات قطوف *** ما الو بدر السماء ما شروق ما الحماه ومنعه المروق خده زهري.. وبسمة البروق وغير اشوفه انا مااا بروق **** حاااجبه يحكي النون والهلااال وطرفه فيه معاااني الدلااال فاه فيه الدر والزلااال وجيدة اتلع ظبي التلااال *** ياحليل زمن الجهل بين تلااال الابي في السهل من جروفنا بنشرب نهل يااا زمااان هل من عوده ...هل..؟؟
Post: #224 Title: Re: الحب في المنبر Author: أحمد طراوه Date: 04-11-2007, 08:50 AM Parent: #1
... دمت يا محمد عثمان .. دامت صباحاتك بهية .. و تجيك الطيور تحمل زهور فوقا الندا .. جاتك تزور حاديها نور في الكون بدا ! شكرى مكرر ليك و لمعاوية .. عطائكم زى عقد الجواهر الضواى و باهر ! البوست اللي فيهو قديم وردى اخذنا مدا و جزرا ..! ان وجدتم اغنية اسماعيل ود حد الزين "الوصية" ، اطرحوها فى بوست المرتضى درعا و نشيدا : اوع يا قلبى تنسى .. في لحظة الوصية ! على كل ، لا خيار امامك سوى الاعتصام بقول الشيخ / محمد ود الرضى ، و انت تواجه جيوش الذكريات التى نهضت بجيلا : يا عنتر هز .. اثبت لا تفز .. غارة تمام .. تلفان من الاجفان طير يا منام .. متعكم الله و إيانا بالغمدة و النومة العميقة ..
Post: #225 Title: Re: الحب في المنبر Author: Abdul Monim Khaleefa Date: 04-11-2007, 12:05 PM Parent: #224
أخي العزيز محمد المرتضى لك ( حبي !) ومودتي
ماذا بعد كل هذه الأطروحات الممتدة والشيقة والممتعة لك ولأصدقائك ، ورغم كل النداوات و(الطراوات) التي حفلت بها دوحتك الظليلة ، ورغم كل ما كتبه الإمام ابن حزم ، وابن زيدون ، وابن الملوح ، وجميل ، والخيام ، ونزار ، وأبوصلاح ، وعتيق ، وود الرضي ، والأمي ، وعبد الر حمن الريح .. وجميع " المكتولين كمد " .. ماذا لو فاجأك أحدهم قائلاً : ليس الحب سوى أسطورة ( إشاعة!) .. وأن كل ما قيل من شعر عاطفي ما هو إلا تهويمات لشعراء هائمين في كل واد ( ما مهم أن يكون حتى وادي عبقر )؟
طبعاً سوف تنبري له أنت وأصدقاؤك الأشاوس بقدر ما يسمح به الباندوث ! ( شايف الثقافة الإسفيرية !) .
للإجابة على مثل هذه الافتراءات أعود بك إلى مقولات وقصائد لأصدقاء من أيام الصبا الباكر :
كتب صديقي الشاب رسالة إلى عمه للفيتو ضد تزويج بنت عمه لآخر لأنه يحبها .. وكانت تلك رسالة من سلسلة رسائل لعمه في ذات المعنى :
" عمي .. لقد بعثت إليك بها في العشرين من يوليو الماضي من أعماق نفس تحترق .. كروما يندلع في جوانبها اللهيب .. ولكن مع الدخان المتصاعد ترتفع أنفاس الحضارة .. لقد أحببتها .. وإذا قلت أنني لم أحببها فسيصحو مسيلمة الكذاب من قبره ويضع أوزاره وزراً وزراً في كفيّ ولا تمتلئ .. وحدي الذي أحب .. وحدي الذي أتمزق .. فالزيزفون كذبة كسائر كذبات الأتراك .. وقيس وليلى مجرد عمل فني رائع ! ".
ودافع آخر عن الحب والشعر كليهما في قصيدة أذكر منها :
" منبع الإلهام والفرحة يا ربيعاً زاهر الإشراق يا لوحة لرسام تمناها وأشعاراً لفنان تغناها وأزهاراً بروض الحب لصب عاشق بالشوق روّاها وعاش العمر يرعاها
أنت كل السحر في الدنيا وأنت العطر كل العطر في الدنيا وأنت الرمز والمعنى
فيا سكري ويا طهري ويا لوعة .. تذيب القلب أحبك أنت يا روعة
وإني لا أرى في الحب أسطورة وإني لا أرى في الشعر إلهاماً خرافيا لأن بحبك الإلهام وحبك بهجة الأيام "
وكان ذالك ( دفاعاً ) بدون أتعاب يا سعادة المستشار !
عبد المنعم خليفة
Post: #226 Title: Re: الحب في المنبر Author: أحمد طراوه Date: 04-11-2007, 07:50 PM Parent: #1
... يا منعم .. مودتى ، غبت عن "إنسانى" انت و كل الذين نحبهم ! و قال المساح : وين تلقى المنام يا عيونى غاب "إنسانِك " ! وقد لاحظ الراحل علي المك ان علي المساح قد استخدم مفردة إنسان ، إستخدام تورية مزدوج التركيب : الانسان كهوموسابين و ايضا كجزء عزيز و غالي داخل العين .. و الحب في ايام صفاكم تلك حركته و حكت حاله كلمات مسعد حنفى : اتذكرى جلستنا في المقرن سوا .. و شعارات عبد الرحمن الريح ذات الادب المكتوب بمداد من قطر الندى : نفسك ابية وروحك لطيفة و ليك جاذبية .. و يا مارى عند الاصيل وحدك في شاطى النيل .. صدقنى شكلك جميل .. وقد كانت بنات بلادى الناهضات بثقة و وعى علي دروب السودان الجديد لا يساورهن ادنى خوف او رهبة في ارتياد الحدائق العامة و الالتقاء بخياراتهم المصيرية .. و الاستمتاع بجمال الطبيعة التى سفرت باحلي مناظرا .. قيل ان الخرطوم كانت من اجمل العواصم الافروعربية و يفوح منها مساءا الياسمين و شذى الورود .. وقد شاهدت فيديو كليب قديم لعثمان حسين يغنى في حديقة المقرن و شاطئها المقابل لضريح بُر ابو البتول ومعه حسناء رشيقة يتناهى الثوب فيها رونقا و جمالا وهى من جيل نهاية الستينات .. قائلا لها : خلي قلبك معاى شوية .. يا اعز عزيزة ليا .. و اذكرينى يا اغلى درة كل صحوة و كل عشية .. و كان صديقك المرتضى قد قال لي مرة من سعادة الدنيا ان يذكرك الحبيب و يتصل بك صباح و مساء و ان يرن جرس موبايلك من حين الي آخر لتجده يقول لك : مافي حاجة لكن حبيت اسمع صوتك و اخليك تسمع صوتى ، فمنك استمد قوتى و توازنى و صفا رؤيتى للامور ! وربما هذا ما يعرف بالكيرنغ = الاهتمام و التقدير في ثقافة الحب .. ! و إختصارا اقول لك ( و انت سيد العارفين ) اقوالا صحاح لا كُلفة لا خوف لا لِحاح : إن عودة دولة الحب و مملكته لارض السودان رهين بإصلاح اقتصادى اجتماعى عميق ، و استعادة دولة القانون و الحس السليم .. فالحب ممارسة طبيعية تحتاج اولا و قبل كل شى الي احساس الانسان بالامان ، الامان في العيش و السكن و النفس و العْرض ، و لا يستطيع ان يمارس الحب ذلك المسكون بالخوف ، الخوف من الدولة الباطشة ، الخوف من اليوم ومن الغد ... يحتاج الحب الي مجتمع يتحرك و ينمو وفق نهج طبيعى مجتمع تتسع فيه المؤسسات المدنية من اندية و جامعات و مسارح و دور سينما و مساجد للعبادة الخالصة الراشدة يرتادها مصلحين يحدثوننا عن ادب النبى محمد مع النساء و انحيازه لهم في مجتمع يثرب ذاك ، ودفاعه عنهم امام تشدد بعض الصحابة ، و لغو السفهاء و تنطع الاغبياء .. انه ذلك السودان الديمقراطى الموحد الحديث الذى سترقص فيه كل بنت مع من تحب ، حتى لو كان ذلك الرقص علي كلمات ادب مديح المصطفى القائل : كنزى ونوري يا كريم هون .. بيهو تُقضى امورى رسول الله .
Post: #227 Title: Re: الحب في المنبر Author: محمد المرتضى حامد Date: 04-12-2007, 10:12 AM Parent: #226
Sahar Abdelrahman
يا سحر سلامي ،
نعم ، أقرب مايماثل الحب في ثشبيهي هو الكهرباء، والله يا سحر هذا التشبيه
يلازم مخيلتي منذ بدايات الصبا ، كان هناك تيار من نوع يستهل سريانه من الصدر
( منطقة العمليات) ويسافر في مساحات تتخطى الجسد الى ما لاصقه وجاوره فتزول عن
الثياب التجاعيد وتنتشي ياقتي والشجر والحوائط. هذا التيار هو الذي يتسبب في
المرتفع الجوي الحاد ناحية الفؤاد ، نحن يا سحر الكهربا ( ضربتنا) كثير رغم انو
مافي زول شافا ، كنت كغيري أُسمِّي محولات الكهرباء في الحِلَّه ( الأُمِّية) ومع أول صعقة
عرفت أني أنا (الأُمِّي) . غايتو يا سحر نقوم ونقع ونقوم ونقع وتاني نقوم ،
حَسَب الفولت وحسب الأوم.
(وحدي أسافر باغترابي دون خطوات تُعد على الأصابع دون زاد، أو بكاء في الوداع.. لكنما نفيي صراع بين أمنية تضيع، وبين إحساس الضياع)
وساده: إلى نصفين أقسمني مللت قساوة الوحدة وبين مكابس التغريب لاشرق ولا قُدرة
(حنان مرتضى)
Post: #228 Title: Re: الحب في المنبر Author: REEL Date: 04-12-2007, 03:14 PM Parent: #1
..... ... .. .
أضع لشوقي آلاف البراهين ثم لا افسرها أسأل عينيك عني ثم هذه السؤالات أنكرها تتقصاك اللهفة و يستبقيك الحنين هذه الضجة كما الالفة كل التفاصيل الشائكة و المراوغة و الحميمة أنتها كلها في قلقها وشفافتها وحصارها حنو العصر الشجي والليل والشمع الجسور كل الاوقات تتوالى بك مؤرخة بغيابك وحين حضورها كل الاوقات انت ساكنها أنت عنفوانهاوبراحها وتيهها أرجوحة وفضاء هذا الهواء المرتد في فيض وفي دفيء كم تملك انفاس اللحظة تملك حريتها واطواقها أسلاكها المعربدة و افتتان حريرها لا افسر شوقي ولا ابارحه وكل الحمائم رابضة تخشى خيبات حنينها الفضاء قريب واجنحة الوجد ساكنة تشكو كتمانها تبتغي افصاحا لودها وتبتغي سماء واسعة لسراحها...
... .. .
محمد المرتضى تعبرنا لحظات شوق تظل حبيسة نزيلة لدينا ولكنها تعمر ارضنا بفعل مطرها وصدقها ما هناك اجمل مما تبتدعه هذه العاطفة في دواخلنا ولا أنبل من أن نتجمل بها إخاءا أن توعكنا قليلا ... .. . شكرا لبوستك الجميل جدا
Post: #229 Title: Re: الحب في المنبر Author: Muna Khugali Date: 04-12-2007, 11:07 PM Parent: #228
ما عارفاهم ماشيين وين..لكن شكلهم ماشيين مكان كويس..مكان بيحبوه..نفسي أمشي معاهم!
Post: #230 Title: Re: الحب في المنبر Author: عفاف أبو حريرة Date: 04-13-2007, 00:44 AM Parent: #229
Quote: ! اكاد افهم الان لماذ يقال ان الحب هو ارقى تجليات الثقافة .. هو نشاط معرفى واعي يفتح آفاقا غير محدودة للإلهام .. هو استولاد المشاعر الجميلة و الرومانس عبر النشاط الاحتماعى اليومى المحكوم بمنظومة القيم النبيلة ، انه الاستولاد و الانتاج ثم الشروع الانساني - الاجتماعي في عملية التبادل .. الحب قيمة انسانية مُُنتجة ، و التبادل ملازم لانتاجها
الاخ الاستاذ الرايع محمد المرتضي كل شويه انا بفتح البوست ده وبغلبني اقول شنو معاكم حقيقي موضوع الحب سهلا سهلا وصعبا صعبا الحب كالماء به تستمر الحياة فلا حياة من دونه (وجعلنا من الماء كل شيءً حي) المشكله تجي في المويه حسب المناخات في حب يكون زي الماء المغلي يغلي صاحبو غلي وحب زي الماء العذب يجري ويروي ويخضّر كل مايمر عليه وحب كالماء الراكض يسبب الأمراض والآفات والتلوث على كل المستويات(ومليان قعونجات) وأفظع حب كالماء البارد كل مامرت عليه الأيام يزداد برودا حتى يتجمد ويصبح قاسيا خاليا من كل مايميزه بصفة الحياه فتراه العين ولا تدركه الحواس
عــــــفـــاف أبوحـــريرة
Post: #231 Title: Re: الحب في المنبر Author: Ahmed al Qurashi Date: 04-13-2007, 10:10 PM Parent: #230
كتب الروائي والكاتب النمساوي فرانز كافكا في إحدى رسائله إلى معشوقته كاميلينا....
( أنا لا احبك أنت ، بل أحب ماهو أكثر من ذلك .... أحب وجودي الذي يتحقق من خلالك )
Post: #232 Title: Re: الحب في المنبر Author: بدرالدين شنا Date: 04-14-2007, 05:24 AM Parent: #1
Quote: أجمل ما قيل عن الحب . . .
1 – ساعَتُنَا في الحب لها أجنحة ، ولها في الفراق مخالب . "شكسبير" . 2 – كلَّما ازداد حبَّنا تضاعف خوفنا من الإساءة إلى من نحب . "جورج صاند" . 3 – حب بلا إخلاص بناءٌ بلا أساس . "شوبنهاور" . 4 – دوام الحب مراعاة الأدب . "فيكتور هيجو" . 5 – بقدر ما نُحِبُّ نُحَبُّ . "مثل عربي" . 6 – لا يعيش الحُبُّ إلاَّ بالتضحية . "رابليه" .
Post: #233 Title: Re: الحب في المنبر Author: محمد المرتضى حامد Date: 04-14-2007, 09:17 PM Parent: #232
نعم لقد أحببتها وأحبتني ، لاأظن انها أحبت وحدا قبلي وعرفت معنى أن تحب إمرأة رجلا. لا أعتقد
أن رجلا قبلي أحبها حبا حقيقيا، حبا من لحم ودم ونفس، أعتقد أنها أدركت ذلك حتى قبل أن أبوح
لها بشئ ، وظلت مدركة له حتى بعد أن أنكرني عمها ,اراد أن يجبرها أن تنكرني. نعم أدركت أن حبي
لها ليس مثل حب المتحلقين حولها المؤتمرين بأمر عمها ، الذين كلما اقتربوا منها ازدادت هي
بعدا عنهم . أعتقد أنها بفطرتها – كما قال الشاعر ذات مرة - أنها عند الواحد من هؤلاء كانت مثل
فكرة جميلة ، مثل بيت من الشعر الخالص، مثل كناية تسعى على قدمين ، بسمة لله في وجه الشباب
الأرعن . لكنها أدركت أن حبي لها من جوهر الدم لا من جوهر الصورة.
( من "الغنيمة والإياب " )
منذ أهديتنيها، أخي مروان ، ورحلت عن (مسقط) ونحن نلوك ذات السؤال. تاني بنسأل (ارض الجزائر والمراكب والطنابير الترِن...) أين أنت أيها الجميل د. مروان حامد الرشيد؟ اين أنت يا مروان؟ هل من مجيب؟
Post: #234 Title: Re: الحب في المنبر Author: الطيب شيقوق Date: 04-15-2007, 05:27 AM Parent: #233
اخي المرتضى دعنى استرخي في واحتك الزاهية هذه وانا ادندن بهذه الابيات التي يتغنى بها استاذنا الكابلي :
اهديتك حبى من فؤاد يبعث الحب نديا ان يكن حسنك مجهول المدى فخيال الشعر يرتاد الثريا كلما اخفيته فى القلب تنبى عنه عيناك ولا يخفى عليا اناان شئت فمن اعماق قلبى ارسل الالحان شلالا رويا وابث الليل اسرار الهوى واصوغ الصبح ثوبا بابليا لا تقل انى بعيد فى الثرى فخيال الشعر يرتاد الثريا
يا ضنين الوعد يا ضنينا بالوعد
كان بالامس لقانا عابرا كان وهما كان رمزا عبقريا كان لولا اننى ابصرته وتبينت ارتعاشا فى يديا بعض احلامى التى انسجها فى خيالى واناجيها مليا
يا ضنين الوعد يا ضنينا بالوعد
ومضة عشت على اشراقها وانقضت عجلى وما اصغت الى امة خباءتها بخافقى وترفقت بها برا حفيا من دمى غذيتها غذيتها حتى غدت ذات جرس يأثر الاذن شجيا وافترقنا وبعينى المنى قالها الدمع فما ابصرت شيئا ان تكن انت جميلا فانا شاعر يستنطق الصخر العصيا
آآآآآآآآآآآآآآآآآآآآآآآآه مودتي
Post: #235 Title: Re: الحب في المنبر Author: محمد المرتضى حامد Date: 04-15-2007, 11:34 AM Parent: #234
Soma
في البدء أشكرك أن اتخذتِ هذا (البوست) مناسبة للعودة البهيّة ، واشكرك عاشرا على تزيينك هذه المساحة بقصيدة بهذا الجمال ، و ليس آخرا ثنائي على كلماتك الرقيقة .
يا أسماء (الحرد) ما كويس وأغرب ما فيه أنه يأتي من قبيل المبدعين في المنبر وأستطيع تفهم الأسباب وراء ذلك بشكل أكاد ألمسه لكننا لانتعامل مع هذا الموقع كأنه بيت بجدران يقوم الواحد يقول والله إلا اشيل شنطتي وأطلع أو الواحدة تقول هسّه ألبس توبي وأمرُق اخلّي ليكم البيت ده. نحن ندرك أن الشعراء والفنانين أكثر الخلق حساسية وعرضة للمؤثرات والإستجابة لها حتى لو تظاهروا بغير ذلك لكن من يغادر هذه المساحة عليه أن يفكر في مسألتين بسيطتين ، هل تعيش حوريات البحر في الصحاري ؟ وهل يضمن لنا فنانا أو شاعرا (حردان) أن يحل محله شاعر/ة أو فنان /ة ؟ مش في احتمال يجينا بدلا عنه ديدبان؟. نحن جد سعداء بك يا طيبة الأخلاق ومكانك هنا مع الأحباب والصحاب تعطيهم وتأخذي منهم كما هي الحياة تعطي بقدرما تأخذ وأن نبقى دوما عونا لبعضنا البعض لكي نعيش سعادة حقيقية وهذه ليست طوباوية ورومانسية لكنه قانون البشرية.
أسعدني (إيميل) أرسلته صديقة يبعث على التأمل ويُحدث في كيان القارئ فعلا إنقلابيا جاء فيه ، إضافة الى جمال الصورة ، رواية عن تسعة متسابقين في أولمبياد سياتل ( وكان كل المتسابقين من المعوقين جسديا أوعقليا ، وقفوا جميعا على خط البداية لسباق المائة متر ركض ، وانطلق المسدس معلنا بداية السباق ، لم يستطع الكل الركض ولكنهم جميعهم أحبوا المشاركة فيه ، واثناء الركض انزلق أحد المشاركين من الذكور وتعرض ل (شقلبات) متتالية قبل أن يبدأ بالبكاء على المضمار فسمعه الثمانية الآخرون وهو يبكي ، فأبطأوا من ركضهم وبدأوا ينظرون الى الوراء نحوه ، وتوقفوا عن الركض وعادوا إليه ... عادوا كلهم إليه، فجلست بجانبه فتاة منغولية وضمّته نحوها وسألته : أتشعر الآن بتحسن؟ فنهض الجميع ومشوا جنبا الى جنب كلهم الى خط النهاية معا . فقامت الجماهير الموجودة جميعها وهللت وصفقت لهم ودام هذا التهليل والتصفيق طويلا.
الأشخاص الذين شهدوا ذلك الحدث مازالوا يتذكرونه ويقصّونه ، لماذا؟ لأننا جميعا نعلم في دواخلنا أن الحياة أكبر بكثير من مجرد أن نحقق الفوز لأنفسنا. الأمر الأكثر أهمية في هذه الحياة هو أن نساعد الآخرين على النجاح والفوز حتى لو كان معنى ذلك أن نبطئ وننظر الى الخلف ونغير اتجاه سباقنا نحن )، (الشمعة لاتخسر شيئا إذا ماتم استخدامها لإشعال شمعة أخرى).
هذا ماورد في الرسالة المعبِّرة عن الحب الفطري الذي يكنه الإنسان لأخيه الإنسان كقاعدة ، وهذا مانريده في هذه الحياة العبوس الغرّاره كما يراها بعضنا اليوم، وعلى ذات المنوال أثق يا أسماء أنك لن تسعدي بالعيش في قصر وسط الأكواخ ، إذن فلا بديل للحب كمنصة للعطاء ، السباق المحموم يا أسماء غَيَّب الكتف الذي يتكئ عليه المفجوع ليبكي ما شاء الله له النحيب وما وسعت عيناه وغدده الدمعية حتى يرفع رأسه من ذلك الكتف او الصدر وهو مغسول نظيف ، أقل حزنا وأكثر أمنا وسكينة ووسامة ، يا ويلي من زمن لانجد فيه من يُزمِّلنا ويُدثُّرنا . لك يا أسماء مودَّتي
Post: #236 Title: Re: الحب في المنبر Author: سمية الحسن طلحة Date: 04-15-2007, 04:28 PM Parent: #235
Quote: عليك الله ياود المرتضى قوم الزولة دي أمانة في زمتك دا كلام نصاح أثقلت عودى الطرى بكلامك الثمار وكمان عايزة تنحني دي تترسم كيف؟؟؟ ؟؟بقيتونا كيشة
نور الهادى لاتوجد أوراق بمقاييس ومواصفات تتناسب ولونك فى هذا الكون فمكانك بين علماء البرمجة اللغوية العصبية (NLP) أى برمجة الأعصاب لغوياً (Neuro Linguistic Programming) قلت لك فى ملأِ أعلى فى أول لقاء بيننا بدار مأثورات الآباء والأجداد ما لن أتورع عن قوله فى هذا الملأ ألاوهو قول التجانى يوسف بشير أرسم على الأعصاب وأكتب على الحس... ومافتئت أرددها حتى بلغ صداها تخوم علاك ، فلما لاتفتح لها أبواب سماواتك وتستجيب ، فتريحنى من عناء العروج لذاتك والتنزل لكونى ! ؟. أرسم على الأعصاب وبس سمح ؟ .
Post: #237 Title: Re: الحب في المنبر Author: سمية الحسن طلحة Date: 04-15-2007, 05:02 PM Parent: #236
أستاذنا أحمد القرشى أيستأذن مثلك على ملكة ليس لبلاطها حاجب دون المحبة والتآلف والمودة ؟ رغم ما قرأت هنا من غرائب مثل الحب بالدبابات كما سماه د. أحمد طراوة ! حمانا الله ، سمعنا وسلمنا . لك التحية وأنت تجمع لنا أدب الدوبيت من أطراف الدنيا من كردفان ودوبيت أو صلاح ... دعماً لذلك إليك هذه المجادعات بين شعراء من قلب البطانة إلى دبى مسقط .. وبالعكس ..
Post: #238 Title: Re: الحب في المنبر Author: سمية الحسن طلحة Date: 04-15-2007, 05:28 PM Parent: #237
Quote: وضهر الشيخ الحسن محمد طلحه منبع الحب زاته وجاتنا منه بشاير وروايع زي كنوز الجنه
تسلمي يا الريحانة والعديل مُشهادك من يومك قِدامية وكان ساعة الدغش ميلادك وكت شبيتي قمتي سغيره تابعه نسل أجدادك ما جبته من عندي شي دا القالو عَنْكِ رفاقّك
كلي حب ليكم ياسميه
عفاف أبوحريرة فاض بى حبكم لى أو فلنقل :ـ فاض بكم حبكم لى وعمّ كل الدور التى نرتادها إجتاحنى وعطل قدراتى فأصابنى بعوز البلاغة ألوذ بالصمت قناعة لاشجاعة رغم صمت كلامى لكم ودى وحبى تقديرى وإحترامى .
Post: #239 Title: Re: الحب في المنبر Author: Ahmed al Qurashi Date: 04-16-2007, 11:37 AM Parent: #238
Quote: أستاذنا أحمد القرشى أيستأذن مثلك على ملكة ليس لبلاطها حاجب دون المحبة والتآلف والمودة ؟
الاستاذه / سمية الحسن طلحة
دائما نتعلم منك الأدب والتواضع .... نحن تلاميذ في مدرستك العامرة بفنون الأدب والدوبيت والشعر .. ولكننا لم نتعدى مرحلة الرواة .. وانت الاستاذة فى قول وتاليف الجيد والجميل من الشعر والدوبيت.. وشكرا على هذه المجادعات اللطيفة والجميلة والخفيفة على النفس ....
Post: #240 Title: Re: الحب في المنبر Author: محمد المرتضى حامد Date: 04-16-2007, 11:21 PM Parent: #239
بدرالدين ، طبعا ماعندي اي طريقه أكمل (شنا) العاملا قدام اسمك يا بدر، كنت عايز أقتبس صورتك اللي في المداخله لكن غيّرت رأيي ، بعض الناس يعتقدون أن بدرالدين حلا جميل في المنبر وحسب لكن هذا الرائع هكذا في كل حركاته وبعفوية مدهشة، بدرالدين أصبح يأتي الى مسقط ويخرج منها متخفيا لأن الطلب أكثر من العرض ومن ثم تصبح السوق السوداء أمرا محتوما وارتفاع السعر لاتوقفه المنفعة الحدية ونظريات كينز وآدم سميث ومن لف لفهما ، المورد العذب كثير الزحام. ياسلام عليك يا الحنين الرهيف النظيف.
Post: #241 Title: Re: الحب في المنبر Author: محمد عثمان Date: 04-17-2007, 06:49 AM Parent: #1
الزعيم الرااحل الازهرى كان عازفا مااهرا للكمان و هذا ما سمعته من احد الاخوان الذى اهدانى كتابا عن الزعيم الازهرى.. عذارى الحى قيل ان كاتبها الاصلى هو الزعيم الازهرى و لكن لحسااسية مركزه فى ذلك الوقت فانه لم يريد ان يشار الى ذلك...الاغنية مسجلة باسم الشااعر اسماعيل حسن و الله اعلم.. افتونا ياا جمااعة...!!!!!!
و حبة عند اللزوم... عذارى الحى..
و الضغط للاستمااااااااع
Post: #242 Title: Re: الحب في المنبر Author: محمد المرتضى حامد Date: 04-17-2007, 09:01 PM Parent: #241
عفاف أبوحريره،
شكرا ياالعزيزه ومرحب بيك في الحوش ده ، وفقا لتعبيرك ، يعني ياعفاف حي داخل دولة بكري. ممكن نسميهو (حوش الحب ) بمعناه الشامل ووالله سعدت بكل من خط حرفا أو لوّن مساحة فيه أو أشجانا بلحن. يهمني جدا أن يكون الحوش كقوس قزح الذي كنا نراه عقب الأمطار زمن الطفولة ، بالله يا عفاف متين آخر مره شفتي قوس قزح ؟ آه من زمن عمارات الزجاج وطعم الزجاج .
مودتي
Post: #243 Title: Re: الحب في المنبر Author: Osman Musa Date: 04-17-2007, 11:11 PM Parent: #242
الصمد . محمد المرتضى واهل حوش الحب سلام .. هاكن دى
* من (أمات رميله) متركشات لا شمال * سمعن هدرى لأ قدام كرير وأظلال * اشرحط بريقن راح يشيل ولوال * وتيسن زاغلن باكر مع الشـــلا ل __________ مالن يسار من امات رميلة يا محمد المعتصم وما لبثن الا أن سمعن هدير الرعد وتلامعت عليهن البروق كانها تولول وهن بلا بعل). لبثن ينتظرن عودته، ( والله يا محمد المرتضى الحب دا يجنن مش الغزال يجنن الاسد زاتو تحياتى الى عاشق الدفوف والحروف اخى د/ أحمد القرشى اخيكم عثمان
Post: #244 Title: Re: الحب في المنبر Author: Ahmed al Qurashi Date: 04-19-2007, 07:50 PM Parent: #243
قال شيخ خراساني ... إن الحب يطلق اللسان ويفتح جبلة البليد والبخيل ويبعث على التلطف وتحسين اللباس وتطيب المطعم ويدعو إلى الحركة والذكاء وتشريف الهمة.
وقال ابن القيم الجوزيّة ..
انه لايسلم من الحب إلا الذي ليس فيه فضل ، ولا عنده فهم ..
واليك كل الحب اخى محمد المرتضى ولك الود عزيزي عثمان موسى
Post: #245 Title: Re: الحب في المنبر Author: الطيب شيقوق Date: 04-20-2007, 08:59 AM Parent: #244
Post: #246 Title: Re: الحب في المنبر Author: محمد المرتضى حامد Date: 04-20-2007, 11:38 AM Parent: #245
(جميل أن يكون لك قلباَ أنت صاحبه... ولكن الأجمل أن يكون لك صاحباَ أنت قلبه)
شكرا يا الطيب على الرابط ويا ودالقرشي على (الأصرار) على استمرار هذا البوست.
Post: #247 Title: Re: الحب في المنبر Author: الطيب شيقوق Date: 04-20-2007, 03:12 PM Parent: #246
نعم اخي المرتضى وايضا :
من السهل أن ينسى الانسان نفسه ...لكن من الصعب ان ينسى نفس صادقة وامينة سكنت نفسه
Post: #248 Title: Re: الحب في المنبر Author: Muna Khugali Date: 04-20-2007, 03:33 PM Parent: #247
قوي هو من يحاول دائما احياء الحب والأمل..
احب أن أكون قويه..وأحب أن يكون كل من أحبهم أقوياء كما هم ظرفاء..
Post: #260 Title: Re: الحب في المنبر Author: محمد المرتضى حامد Date: 04-26-2007, 01:38 PM Parent: #248
Quote: قوي هو من يحاول دائما احياء الحب والأمل..
احب أن أكون قويه..وأحب أن يكون كل من أحبهم أقوياء كما هم ظرفاء..
يا منى ، إننا لا نُحيي الحب والأمل لكنهما يحييانا. ستظلين قوية وسيبقى من تحبينهم أقوياء حتى الرمق الأخير وفي البرزخ.
(سكن السحاب و مر طيفك من جديد نثرته كف البرق حين تلاحق الإيماض وانعتقت شرارات الرعود أرخى وأزهر ثم طار زنابقا كالفجر لامعة الخدود حلق المرايا رنّ كالناقوس وانفرطت ملايين العقود فاذا هممت توارت الألوان وانتصبت شبابيك الجليد أنا في الرياح مسافر يلقى على الأبواب جارحة الردود.)
Post: #249 Title: Re: الحب في المنبر Author: أحمد طراوه Date: 04-20-2007, 07:43 PM Parent: #1
That's right ... love is a mere practice of peolpe with good faith, strong and above all daring ones
... writing from an airport caffee
Post: #250 Title: Re: الحب في المنبر Author: محمد المرتضى حامد Date: 04-22-2007, 10:16 AM Parent: #249
وبعد أن أراحنا مريخنا العظيم وهلالنا بنصرين و أعادا قلوبنا الى الخفقان ب ECT يا طراوه، عادت الينا امكانية النظر في أمر البوست هذا والذي كتبت في إحدى مداخلاتي فيه ان التراشق العنيف والقصف بمدفعية الميدان و اطلاق الكاتيوشا بين بعض أعضائه يخمد عند أول نصر هلاريخي على فريق أجنبي وهذا ما تكرر بالأمس وأول البارحة. رحم الله أخي وصديقي بشير حسين الخواض المحامي، كان هلاليا متطرفا ويحفظ تاريخ الهلال والمريخ منذ ( تيم عباس) و كأنه من مواليد المسالمة وحي العرب، جهوي جهوي ، وكان في ذات الوقت عاشقا لدرجة الوله للفنان المرحوم أحمد الجابري ابن حي العرب الذي لن تولد حنجرة تدانيه ، وكان يذوب وهو يدندن بخطاب مفتوح لايخلو من تقريظ أحيانا ولوم وعتاب أرسله الجابري لقلبه بقوله:
جيت لقيت باب الغرام فاتح دخلت ومن شراب الريد يامسكين نهلت وابتديت تعشق ياقلبي وانشغلت كنت جاهل والعشق ظنيتو ساهل إلا ياريتك عرفت .. وماجهلت إنت ياقلبي المتيم ..كنت خالِ
وخطاب كهذا يحمل بين طياته العطف وأحيانا التعنيف ورغم الشفقة الظاهرة فيه إلا أنه لايخلو من محاسبة إدارية ومساءلة تنظيمية ، ألا رحم الله الجابري وابن الحي ابراهيم عوض كنا ونحن أطفالا ننظر اليهما على أنهما ابطالا قوميين وكانا يستحقان ذلك لما تميزا به من جمال وروعة. وصيت .
( من طرف الحبيب جات أغرب رسائل يحكي عتابو فيها قال ناسينو قايل)
لهم جميعا الرحمة والمغفرة... أيامنا معدودة .. ربي أقضها لنا في المحبة.
Post: #251 Title: Re: الحب في المنبر Author: محمد عثمان Date: 04-22-2007, 07:54 PM Parent: #1
فوق و لنا عودة...
Post: #252 Title: Re: الحب في المنبر Author: Ahmed al Qurashi Date: 04-23-2007, 04:08 PM Parent: #251
الحب يا له من مجلد فى كلمة ، واوقيانوس فى دمعة ، وسماء سابعة فى نظرة ، وعاصفة فى زفرة ، والف عام فى لحظة . من اقوال مارتن توبل
لنجعل هذا البوست عنوانا للحب فى المنبر وتحياتى لك مرتضى وزوارك الكرام.
Post: #253 Title: Re: الحب في المنبر Author: Osman Musa Date: 04-23-2007, 04:51 PM Parent: #252
( فى القامة الزاينة الجدل ... شفنا الجور والعدل) ________
يا أستاذ أحمد طراوه يا أخى الشاعر كتب الجور والعدل أيام الاستعمار مش كدى ؟ أين درس القانون فى تلك الزمانات ؟ وكيف تبحر فى العدل ؟ حولا حب يخلى حيران الخلاوى زى شاعرنا يفتش ( الرفرنس) حب يفتح النافوخ ) ( ويجلى الطايوق) أحمد طراوه يا قامة من هنا لى عين الشمس الله يديك العافيه ويخدر ضراعك وانت ترد للشاعر بعض الحقوق بعد 60 سنه من الجور .. تحياتى لكل من يحترم ويحب أساتذة الحب
عثمان
Post: #254 Title: Re: الحب في المنبر Author: mamkouna Date: 04-23-2007, 05:16 PM Parent: #1
Quote: كتب الروائي والكاتب النمساوي فرانز كافكا في إحدى رسائله إلى معشوقته كاميلينا....
( أنا لا احبك أنت ، بل أحب ماهو أكثر من ذلك .... أحب وجودي الذي يتحقق من خلالك )
سُئل نجم سينمائي معروف برجولته و وسامته عن سبب حبه ل فُلانة..و هي متواضعة الجمال..متواضعة المؤهلات.. فقال.. لا تسألوني عن شكلها.. لا تسألوني عن مؤهلاتها... ask me how she makes me feel when i am around her ....!!!
Post: #255 Title: Re: الحب في المنبر Author: محمد المرتضى حامد Date: 04-26-2007, 01:01 AM Parent: #254
محمد عثمان ، الرئيس التنفيذي لهيئة الفؤاد في أقصى حالات التوهج.
شكري بقدر ما يرضيك لولائك لهذه المساحة وموالاتك لها بالجميل و (الترفيع)
المستمر إعلاءا لكلمة الحب في زمن الفتنة الكبرى ، ومع كل الولاء والموالاة
أظل مادا يدي (شحاَّدا) مطلق أنتظر (برضي ليك المولى الموالي) التي شحدتها
من معاوية حامل أختام الطرب وبقيت أنتظر (جودو) ، كما قال صموئيل بيكيت،
مرابطا في صف الشحادين.
راجيك يا الباشق.
Post: #256 Title: Re: الحب في المنبر Author: محمد عثمان Date: 04-26-2007, 02:14 AM Parent: #1
Quote: محمد عثمان ، الرئيس التنفيذي لهيئة الفؤاد في أقصى حالات التوهج.
شكري بقدر ما يرضيك لولائك لهذه المساحة وموالاتك لها بالجميل و (الترفيع)
المستمر إعلاءا لكلمة الحب في زمن الفتنة الكبرى ، ومع كل الولاء والموالاة
أظل مادا يدي (شحاَّدا) مطلق أنتظر (برضي ليك المولى الموالي) التي شحدتها
من معاوية حامل أختام الطرب وبقيت أنتظر (جودو) ، كما قال صموئيل بيكيت،
مرابطا في صف الشحادين.
راجيك يا الباشق.
الاخ محمد المرتضى...
لك التحية و الاعزاااز و ساااحة الحب عاامرة بكل الجماال و الوجوه النيرة..و الالق المتفرد
مرفق: ود توتى..و اغنية تطربنى القمااارى
و بجيك رااجع باغنية برضيك ليك المولى المواالى
و فيك لازم الصبر الجميل...
مودتى...
من اوصااف عديدة ظهرت بى قواافى وفنون جديدة افكااارى تايهة *** تطربنى القمااارى فى غصنك نشيدة يا الحزت المحااسن يا المنية الوحيدة انا يانور عيونى محبتى ليك اكيدة يا الصاين جمالك حسادك تكيدة *** قربك لى سعادة وشوفتك لى مفيدة بشكى ليك حظوظى وظروفى العنيدة يا الناااعسات عيونك لى عينا سهيدة بى حالى وسهااادى نجوم الليل شهيدة *** يا حبيب انت جااافى نيرااانى بتزيدة شايل قلبى عندك والروح انت سيدة يا عقد الجواااهر يا معنى القصيدة تضرب بى سهااامك ارواااحنا وتصيدة *** حبك يا حبيبى اصبح لى فريضة فى وصفك مكمل فى ذاتك فريدة انت سلبت روحى وانا روحك بريدة شفنا الصيدة عااارت من جيدك وريدة *** الروح تهوى زاااتك يا حبيب وانت عيده البدرين تهااابك من حسنك بعيدة نظراتك دواااى وما منظور تعيده لو طيفك يزورنى دى الليلة السعيدة
Post: #257 Title: Re: الحب في المنبر Author: munswor almophtah Date: 04-26-2007, 03:00 AM Parent: #256
أشياء لا يستطيع الإنسان تسميتها كما هى ويصعب عليه وصفها ولا يدرى ما دوافعها ولكنه يدرى أنه مجذوب بغير عمد أوحبال مرئيه ومجذوب مرعب فى لحظات المكافحه وتلك أكثر لحظات القلب إشعاعا والعقل كسلا ولحظات التوارى تلك التى تتمحى فيها المسافات وتتسع مسامات الروح لتستوعب حضور الذكرى الباقيه دون رحيل وحال الإنسان فيها حال من قال
أكاد لا أعى من الأمور غير ظاهر خفى
أو كمن قال
أفرحى وجاييك صحى وما تستحى ومن غير تعابير أفصحى وخلى المسافه البينى بينك تتمحى
الحب قضيه فلسفيه شائكه من جراحيها المهره محمد المرتضى حامد
لك السلام ولك الود
منصور
Post: #258 Title: Re: الحب في المنبر Author: Haydar Badawi Sadig Date: 04-26-2007, 03:07 AM Parent: #256
Quote: الحب أساس كي نبقى أحياء ، و من يدعي أنه متفرغ لقضية ( تزوجها ) وأطل علينا بوجه مكفهر نكاد نلمس أحافيره شاهرا سيفه قبل قلمه يجهل بأننا نحبه ويجهل أيضا أن من لايعشق ويذرف الدمع في محراب الحبيب ، أيا كان ذلك الحبيب ، عليه مراجعة دفتر أحوال فؤاده وحالة المناخ في شريانه التاجي.
ياله من قلب ذاك الذي تصدر منه هذه الكلمات. المنبر بخير ما دام يتشرف بعضوية أمثالك، يا عزيزي محمد! فلنعمل جميعاً على تأكيد معاني الحب والخير والعدل والمرحمة هنا إن كان نبتغي لوطننا خيراً.
Post: #259 Title: Re: الحب في المنبر Author: محمد عثمان Date: 04-26-2007, 03:12 AM Parent: #1
Quote: محمد عثمان ، الرئيس التنفيذي لهيئة الفؤاد في أقصى حالات التوهج.
شكري بقدر ما يرضيك لولائك لهذه المساحة وموالاتك لها بالجميل و (الترفيع)
المستمر إعلاءا لكلمة الحب في زمن الفتنة الكبرى ، ومع كل الولاء والموالاة
أظل مادا يدي (شحاَّدا) مطلق أنتظر (برضي ليك المولى الموالي) التي شحدتها
من معاوية حامل أختام الطرب وبقيت أنتظر (جودو) ، كما قال صموئيل بيكيت،
مرابطا في صف الشحادين.
و كل نفس توجد نصيبة و البيصيبه المولى بيصيبه
و هاااك الدليل....
Post: #261 Title: Re: الحب في المنبر Author: الرشيد شلال Date: 04-26-2007, 05:44 PM Parent: #259
ايها النقى – مرتضى ، لك تحيات مباركات ولكل من اسهم فى هذا البوست والذى اتسم بالحب والشفافية والنقاء والبهاء 0 ونعتذر وبرقة شديدة عن توقفنا خلال ماضيات الايام الفائتة ، لقد شغلتنا الدنيا كثيرا وان كنا نعلم انها مقدرة سلفا واعلم ان مثل هذا البوست يرفع عننا الكثير من العذابات ويمنحنا الحب والؤد والتواصل 0 لك التحية مجددا0 ويقول ابونا العارف الاستاذ الشيخ اسماعيل :-
عصيت جميع العازلين ولم اطع ولكن لسلطان الهوى لست عاصيا واذناى صم عن مقالات عازلى ولكــــن لاقـــــوال المليحة صاغيا وعيناى لم ترء ا سوى محض نورها وعـــن رؤية العـــذال قطعا تعاميا فان كنت اجفو غيرها من عواذلى عليها شفيق لست ارضى التجافيا وان كنت ذا عز على الغير قد اتت بقــوة حـكم العشق هانت زمانيـــا فصرت لها عبدا وراض بحكمها تقلبـنــى مهمــا تشــاء لمــا بيـــا فكيف ببعد العامرية ارتضى بهــذا وفيهــا قـــد جفوت سهاديا حديثى فى ليلى غريب وحبها تبلى بقلبــى حيـث صــرت اناديــا فلاتعذلوا اسماعيل فى حب من دعت ليال هـــواه شارفـــات غـــواليــا
هو الحب ولكن بمنظار العارفين ومع هذا فأننا نعول كثيرا على الاطلاق وليس التقيد فالحب اساس للوجود ، فالمولى حب ان يرى كمالاته فخلق الدنيا فقامت على الحب 0 واتمنى يامرتضى ومعاك طراوة وودالقرشى ان تمنحونا بعضا من المقارنة بين الحقيبة وماقاله العارفين من فرسانها واجزم انهم عارفين لنقاء صورهم الداخلية ومابين الحب عند اهلنا المتصوفة 0
لكم حبى جميعا 0
Post: #262 Title: Re: الحب في المنبر Author: nourelhadi awad Date: 04-26-2007, 06:38 PM Parent: #1
عفوا لم أقرأ من تداخل فقط حالة شوق جاءت هكذا لهذا الرجل القامة مـحمد الـمرتـضى وياللرجل نبيل .... كثير الشـبه بالـوطن جزيل.... كالنيل..النهر السلسبيل يصب في مساحاتنا البور ويتفرع في عروقنا جداول وقد أصبح الماء غورا وذات البلابل أصابها نواح فملها الشجر وتجهم الصباح ....... عفوا إن لم أقرأ جميع من تداخل فقط هي حالة شوق كونوا جميعكم بخير نورالهادي
Post: #263 Title: Re: الحب في المنبر Author: Osman Musa Date: 04-26-2007, 06:56 PM Parent: #262
فى يوم دخل الفتى الماء وكأن قوة غامضة تشده، وسبح صوب الضفة الشمالية ، الفتاة تجذبه اليها بوجهها العسلى وأسنانها البيضاء وضحكتها العذبة. وصل منتصف النهر ، فسبحا مع التيار جنبآ الى جنب حتى وصلا جزيرة صقيرة وسط النهر، بعيدآ عن أعين الرقباء.
الكاتب العالمى .ا لطيب صالح .
Post: #264 Title: Re: الحب في المنبر Author: محمد عثمان Date: 04-26-2007, 10:22 PM Parent: #1
Post: #265 Title: Re: الحب في المنبر Author: الطيب شيقوق Date: 04-27-2007, 05:45 AM Parent: #264
أجمل حاجة في بوستيك يا المرتضى تقول فيهو مغنطيس تدخل المنبر قاصد بوست آخر تلقى بوست الحب وتجر رسنك تنيخ جملك تلقى البنات بسون في القهوة التقيلة تصنقر في البنبر يشممموك مقلاية البن ويجيبو ليك الموية من القربة المعلقة في فرع السدرة ام ظلا وارف _ وبعد تنجم يجيبو ليك القهوة في جبنة الفخار الما خمج بالوقاية ام سكسك المزخرفة بالالوان الحلوة في صينية الالمونيوم المتمرة بطرف توب ست القهوة الجميلة - تعاين ليها وتعاين في فنجانك مرات يجلبق يندلق في عب عراقيك النضيف وتصير هذه البقعة آآآآآآآآآآآآآآه البداية .
بعد انجميت عايز تقوم وتقول ودعتكم الله تعاين وتبحث وتفتش في اغلى ما عندك عشان ترميها في الصينية وتديهم عرض اكتافك وما تجد في جيوبك غير الوصلة التحت دى ترميها وتهديها ليهن وتتمنى تديها كمان لاحمد القرشى لانو متوحد هنااااااااااك في المصيرة ولانو بيهدى ليهن اجمل اغاني الحقيبة.
Post: #266 Title: Re: الحب في المنبر Author: وضاحة Date: 04-27-2007, 06:52 AM Parent: #1
آآآآآآآه من حرقة الشوق البيسرق روحي من عصب البدن يهدم متاريس العناد الراسخة جواي من زمن ماشفت عاشقين في حنين الا وصرخ في الجوف شجن ما هبت النسمة البتلفح خصلتيك الا وبكن عيني جرن يا موقفة الروح انتباهـ يا وازنة عصب الحس نغم يوم رنّة ما قال الا آآآآهـ محتكرة بند الذكريات طيفك يغيب كل الجمال تلقيه تاهـ جنة رويحتك .. وفوح عبيرك وابتسامات الشفاهـ في حضرتك .. يا غالية بنتحر الكلام كل المسام مغمورة في بحر انشداهـ وحياتك الا وجيب فؤاد من عشقو ليك ناجي الاله الله عليك الله عليك الله الله
ملطـــــــــــــــوش
Post: #267 Title: Re: الحب في المنبر Author: nourelhadi awad Date: 04-27-2007, 10:59 AM Parent: #1
آآآآآآآه من حرقة الشوق البيسرق روحي من عصب البدن يهدم متاريس العناد الراسخة جواي من زمن ................... وضاحة جد ونغم حروفك يسوقنا توش ود اللحد نورالهادي
Post: #268 Title: Re: الحب في المنبر Author: محمد المرتضى حامد Date: 04-27-2007, 09:31 PM Parent: #267
المنصور مفتاح الأدب، كيفك يا فارس المسادير، كعادتك ، لاتمر إلا بعد التأكد من أنك أسعدت كل روح مُعَنَّى وأنك استبدلت الفجعة بالهجعة . كنت أدرك أن منصور المفتاح ، وهو من المعنيين بهذا البوست ، لابد أن ينيخ راحلته هنا يوما لأن في قافلته نفر من جهابذة الشتاء والصيف بين الحجاز والشام ، وأن آلة السدس لقبطان مثله ستشير الى ميناء (الريده) هذا وفقا لمعطيات خارطة الرحلة مهما تكثف الضباب في العباب، فهو في إبحاره لا (يضهب) وله قدرة على الرؤية مستعينا(أحيانا) بالنجوم والأفلاك لرسم إحداثيات موطئ قلمه المتصل بالوريد. هذه هي بصيرة المحبين الذين تنتسب اليهم الشفافية ، يمخرون بسلاسة عجيبة فتنأى عن طريق سفنهم الشعب المرجانية بمناورة من عندها لأنها تدرك أن أمثاله لهم خافق يتضاءل معه ال GPRS . المنصور ، لولا أنك من أهلي ولست غريبا على بقاعي لردَّدتُ في حقك مقولة سند (أخيرا وطئت (ترابي) ياشرفات مناي ... وكنت أراك نهارا مدل الحواشي ووحيا بعيد الحلول). يا سيدي لست من جرّاحي الحب المهرة كما تصفني لكنني في مسعى لحشد أمناء السر والجهر لدوائر العشق تأمينا لمعيشة أقل كدرا في زمن انهيارات كقطع الدومينو تتجه نحونا من القطب الشمالي والله وحده يعلم مرساها.
محبتي
Post: #269 Title: Re: الحب في المنبر Author: محمد المرتضى حامد Date: 04-28-2007, 07:25 AM Parent: #268
نورالهادي، أهديك زهور ما ( شالا) زول وما أظن (يشيلا) وراك بشر. الغنيه اللي محمد عثمان معطر بيها الصفحه دي تحيي وتميت ثم تحيي. عليك الله يا نور شوف الزول ده قال شنو ( وتمنى الهلال ينصاغ لقِديمك حِجِل). يانور الهادي، والله والله ...
....غايتو.
(والاك الجمال يرفع لقدرك يجِل)
Post: #270 Title: Re: الحب في المنبر Author: nourelhadi awad Date: 04-28-2007, 05:15 PM Parent: #1
وجاءت ورودك وقت حزن وكانت بشارة من أعطاك سر التواقيت؟ وورودك إحتشاد النضارة علقتها في بهو الذاكرة مقابل كوة القلب ويالعجتي فهي تنبض شكرا مرتضي ولك جزيل ودي
Post: #271 Title: Re: الحب في المنبر Author: محمد المرتضى حامد Date: 04-28-2007, 09:30 PM Parent: #270
حيدر بدوي،
Quote: فلنعمل جميعاً على تأكيد معاني الحب والخير والعدل والمرحمة هنا إن كان نبتغي لوطننا خيراً.
نعم أخي حيدر ، كل الكلمات أعلاه ودلالاتها العميقة الغزيرة هي الصمام لوطن يرتجى ، ظني أن الحب يشمل ماتلاه من قيم الخير والعدل والمرحمة فمن يحب بصدق يعمل لخير الآخر ولايظلمه وتبقى المرحمة نهجه على مستوى السلوك اليومي ، من يحب تجده نظيفا طاهر السر والسريرة والبدن ، الحب يطهر قلوبنا من الرجس والضغينة والحسد وإيذاء الغير حتى هرة تأكل من خشاش الأرض ، ويوفر لنا الحب عدسات نرى بها جمال الآخر وألسنة مشذّبة يأتيها الكلام مغسولا معقّما بفعل مطهِّرات الوجدان . ما وددت تكرار أقوال في حضرة إنسان في مثل قامتك يدرك ما لا أدرك ويرى الأشياء بمنظار لايتوفر للبسطاء أمثالي فأهل الفكر والبصيرة لهم مسبار لا يدانيه ما تعرضه (ناسا) ، لكنني أردد كلامي كتذكرة لنفسي أولا عند غفلتها سيما أنها امّارة بالسوء . لاأنسى كلمات جاك بيرك (إن أسعفتني الذاكرة الخؤون) قال : إن التسامح أعلى درجات الثقافة . يا حيدر نحن في السودان في الأصل أهل محبة وتسامح ولا أعني بالأخير التفريط و إلغاء الأعراف والقوانين ، انما أعني إدراك المرء بأنه لايملك كل الحقيقة ليشهر سيفه ولسانه جادعا أنف من يخالفه الرأي مخوِّنا لغيره ولنا في تاريخنا قديمه وحديثه ما يكفي للإعتبار.. هذه الحياة تحتشد بالمآسي ونحن يا دكتور شايلين المحنّه وهمّنا نبني (هدنه) لأن الجنة ليس مكانها الأرض فهذه الأرض لاتسوى ذرة في غبار الكون وعلينا التفكر في هذه الجزئية البسيطة لنعمل على ضوئها. think globally , act locally وأستعير هذه المقولة الشهيرة لرينيه دوبوس في غير ما أراد بها ولكن فقط للتقريب . شخصي الوهين الضيف الراحل قريب ، يا حيدر ، لايسوى زفرة في لانهائية الملكوت فعليَّ التأدب ، وسامحني على التطاول.
لك محبتي
Post: #272 Title: Re: الحب في المنبر Author: محمد المرتضى حامد Date: 04-29-2007, 09:48 AM Parent: #271
وضاحه,
السلام يا روح البدن،
كنت داير اقتبس من كلامك شويه لقيت النور الهادي سبقني على الخير.
تعرفي يا وضاحه اليوم اللي يمر وما نحس فيهو بالحب ده يوم مشطوب مش (ملطوش) من الروزنامه ومن العمر كلو. كنت بسمع في اللي قال: حبك يمزج أعضاي إجمالي..... لو كنت يمين يهواك شمالي ..
اللهم أجعلنا من أصحاب اليمين.
Post: #273 Title: Re: الحب في المنبر Author: Ahmed al Qurashi Date: 05-08-2007, 08:51 PM Parent: #272
الأخ العزيز / محمد المرتضى
يجب علينا أن نجعل هذا البوست دائما في الأعلى حتى يسود الحب والاحترام والتقدير بين أعضاء المنبر وتختفي الألفاظ المؤذية والجارحة التي انتشرت في هذه الأيام على صفحات المنبر ... ويجب علينا أن نسمو فوق كل الضغائن ونترفع عن الصغائر حتى نكسب هذا المنبر احترام القارئ والزائر ... ويمكننا أن نختلف ولكن علينا احترام أنفسنا ومن نختلف معهم.... تعالوا جميعا لنسلك معا هذا الطريق وان نسير جميعنا على هذا الدرب.
Post: #274 Title: Re: الحب في المنبر Author: Osman Musa Date: 05-08-2007, 09:14 PM Parent: #273
ادخل البوست اجد الأخوان والأخوات الذين تطيب لى صحبتهم. اجد اهل المنابر والمحابر والعذوبة التحية لاهل البوست الجميل
Post: #275 Title: Re: الحب في المنبر Author: محمد المرتضى حامد Date: 05-09-2007, 10:40 AM Parent: #274
(أحبابنا أهل الهوى) أحمد القرشي وعثمان موسى، ( بالله ياطير المشارق) أبلغهما سلامي، لكما الشكر على المتابعة وظني أنكما استخدمتما معدات (شيفرون) لرفع هذا البوست بعد أن غيّبته مشاغل الحياة. أحمد تهانينا بخروجك من الجزيرة وننتظر شوفتك في مسقط (إيه الحياه غير ليمك). بالله هسه كوخ زي التحت ده معاهو مكتبه وراديو مش جنّه يا عثمان؟ سئل الكاتب المعروف آرثر ميللر أو مارك توين ، لا أذكر، عن أقصى أمانيه فقال: بيت في جزيرة جميلة به مكتبة الكونغرس وحسناء تدير تلك المكتبة.
Post: #276 Title: Re: الحب في المنبر Author: Ahmed al Qurashi Date: 05-09-2007, 10:43 PM Parent: #275
Quote: سئل الكاتب المعروف آرثر ميللر أو مارك توين ، لا أذكر، عن أقصى أمانيه فقال: بيت في جزيرة جميلة به مكتبة الكونغرس وحسناء تدير تلك المكتبة.
عزيزى مرتضى
اظن ان هذا الكاتب قد طلب كل شئ ... لان هذه الامانى هى السعادة كلها ... ففى الجزيرة الخضرة والماء اما الجمال فهوهذه الحسناء التى تدير العلم والثقافة والمعرفة والتى تتوفر جميعها فى هذه المكتبة الضخمة ... هذا هو الطمع بعينه لكنه مستحسن ومستساغ وجميل ومقبول.
Post: #277 Title: Re: الحب في المنبر Author: حسن الطيب يس Date: 05-11-2007, 03:33 AM Parent: #1
حبي لكم منجوه القلب وابادلكم الشعور
Post: #278 Title: Re: الحب في المنبر Author: أحمد طراوه Date: 05-11-2007, 05:32 AM Parent: #1
. . بالله هل حقا هنالك من هو علي كامل الاستعداد للموت عشقا في تلك المساحة الضيقة و الحرجة من الجفن و الواقعة مابين الرميش و الطِريّف الكحيل ؟ ! و مطوفا بعد الاستماع لودخوجلي يشدو برائعة ا بوصلاح خلي العيش حرام .. تذكرت ان المزركش ( وهو قد عرف ايضا بصريع الحسان و الغوانى ) كان يفنى في اليوم الف مرة ! والفناء ليس كالموت ! فقد كانت العدوية رابعة، تفنى في اليوم الاف المرات و تقول لمعشوقها الذى تعالى و سما : ليت الذى بينى و بينك عامر .. و ما بينى و بين العالمين خراب ! شى عجيب يا النور ! او كما قال الراحل مصطفى سيد احمد : حكمة يا ابراهيم !
Post: #280 Title: Re: الحب في المنبر Author: Osman Musa Date: 05-11-2007, 06:02 AM Parent: #278
أرى حبها حتما وطاعتها فرضا اذا ذكرت ليلى أهيم لذكرها وكانت منى نفسى وكنت لها أرض وان رمت صبرآ أو سلؤا بغيرها رأيت جميع الناس من دونها بعضا __ أماليلى فقد نعت قيس قائلة: لم يكن المجنون فى حالة ... الا وقد كنت كما كانا لكنه باح بسر الهوى ... واننى قد ذبت كتمانا ___ وهكذا انتهى هذا لحب الكبير الذى أرخى ظلاله على كل قصص الحب وانتزع منهم أجمل ما قالوا وما يقولون حتى بات قيس وباتت ليلى سترة لكل محبوب ... لكم التحية
Post: #279 Title: Re: الحب في المنبر Author: حسن الطيب يس Date: 05-11-2007, 05:47 AM Parent: #1
ود المرتضي مادام دخلت من باب الحب عاوزين نحب نحنا كمان و لكن بعد ان نسمع من الحبيبة كلام ينقط عسل إذا كان عندك او عند بكري أسرعوا لي بيها
Post: #282 Title: Re: الحب في المنبر Author: محمد المرتضى حامد Date: 05-12-2007, 10:06 AM Parent: #279
حسن الطيب يس ، هسه أنا باكتب ليك تحت تأثير أغنية (بخاف) وهي من الأغنيات اللي عندها تأثير لاينتهي بسماعها بل يبقى (مفعولها) معك لمدى طويل وهي من الأغنيات اللي كانت في فترة زمنية مع توأمتها ( في الليله ديك) مثل ال Marseillaise لجيل من الشباب من شهداء الواجب والوطن و(الضمير الإنساني) والأحباب المرابطين جوار خباء العامرية وطالبي حق اللجوء العاطفي وهم يبذلون الدمع هتونا بعد ان يقدم الواحد منهم عرضحالا يستهله ب : (ألملم في خطاوي الشوق وازور بيتك) علَّه يشرح الموقف الحرج الذي صار فيه بالنسبة للخيار الآخر ( واخاف لو برضي غبت عليك تقول ناسيك وجافيتك) وكانت الشوارع وقتها كلها تتظاهر خلف أبوعركي يا رييييت يا ريييييت وآه آه آه آه آآآآه. والله أيام يا زمان.. كانت الشوارع والقلوب في قمة الجمال. الغريبه يا حسن بعدها بشويه خرجت ذات الجموع تهدر أحيانا وتئن أحيانا بصوت واحد (ما كنت عارف ياريتني كنت عارف) المهم يا حسن انو يبقى وتر الحب مشدود واقبل ردي وودي.
Post: #283 Title: Re: الحب في المنبر Author: محمد المرتضى حامد Date: 05-12-2007, 10:01 PM Parent: #282
حامد برقو،
Quote: قلنا نسلم عليكم
الا الواحد احسن يجيكم و في يدو حاجة
حامد
حامد العزيز حمدالله ألف على السلامة،
والله يا حامد جيت وإيدك مليانه جد.
(يوم سافرت انت بقيت انسان وحيد بكيت من جوّه قلبي ربيع عهدي السعيد متين ترجع لحبك تبقى حياتنا عيد ***** في الليل ياحبيبي نورك انت ضاوي حليلك وانت جنبي في الزي السماوي جرح الفرقه يمكن الأيام تداوي ***** مع ساعة الغروب مشيت أسأل عليكم حليلكم يا أحبه حليل آمالنا فيكم)
ما داير أتكلم عن اختيارك لكن الأغنية دي ، لسبب لا أعلمه ، ترتبط لي بأخرى هي (العزيزه) لفتحي حسين ربمالأنني كنت أعتقد لفترة أنهما لنفس المغني ولكن بعد زمن من الطرب المُسكِر عرفت أن التي جئتنا بها تغنى بها ابراهيم حسين بصوته الإستثنائي الممعن في المحَنّه. شكرا يا أمير على الهدية وتشريفي بالزيارة ولك دوام العافية
Post: #284 Title: Re: الحب في المنبر Author: الطيب شيقوق Date: 05-13-2007, 07:06 AM Parent: #283
ات يا المرتضى عارف الشعراء ديل فيهم ناس مجانين عديل كده شوف ده قال شنو :
بلغـوها إذا أتــيـتم حـمـاهـــا .. .. أنني مت في الــغـرام فــداهــا وأذكروني لهــا بــكل جـمـيــل .. .. فعساها تـــبـــكي علي عساهـا واصحبوهــا لتربـتي ، فعظـــامي .. .. تشـتهي أن تدوســها قـدمــاهـا
هسع ده نقول فيهو شنو
لكن يا المرتضى عايزك ما تمشى بعيد تامل في البيت ده لانو حقيقة
يموت الهوى مني إذا لقيتها ويحيا إذا فارقتها فيعـود !
اها واتفرج في ده يا مرتضى كمان قال شنو
ورحت أجمع من عينيك قافية للشوق تومض فيه الحاء والباء !
Post: #285 Title: Re: الحب في المنبر Author: Osman Musa Date: 05-16-2007, 08:25 PM Parent: #284
الشباب الحكايه شنو و ين ؟ فوق
Post: #286 Title: Re: الحب في المنبر Author: أحمد طراوه Date: 05-16-2007, 11:08 PM Parent: #1
... اقول ليك اقوالا صِحاح يا عثمان : ناس ود حامد و ود القرشى كما عهِدتهم يمارسون موجدة الحب علي طريقة الامام المهدى .. فينزلون الغار التحت صيفا و يطلعون الي الغار الفوق شتاء ! لذا قد يغيبون حينا .. غير انهم ينقطعون للتأمل و محاسبة النفس و تنشئة الرؤى و الافكار في امر المحبة و الوداد و مواصلة السير بين الناس بالحكمة و عفيف اللسان و جميل القول .. و تلك لعمرى بعض من جوانب العبادة !! استمعت منذ حين لكلمات الراحل حسن الزبير ، عجيب و الله كادح الفكر و الغرام هذا الحسن : اول بشيل الضمة ديك .. و ابرى السكون حرف الوقِف ! و هذا نهج استثنائي لانتزاع الصورة الشعرية بتوظيف استتباعات الحروف من ترقيم و تنضيد ! و اصلا كان ود الزبير يبحث عن مداخل للكلام و استعادة ثقافة الحوار الغائبة بين كل المتقابلات السودانية : الحاكم و شعبه ، المرأة و زوجها ، الاب و طفله ، المحب و محبوبته ! جعل حسن الزبير قولة ( ما بنختلف ) شعارا و اشتراطا لقصيدته الغنائية العميقة الموحية المكتوبة بقوافى متلألئة بالسهل المُمتنع ، ، فنازعها و ناجزها الراحل خوجلي عثمان علي تفانين ميلوديا الخماسى السودانى العزب و موازين التم تم الحار !! مدد يا معاوية و محمد عثمان وكل اصحاب الجاهزية العالية .. اسمعونا زرياب السودان الذى قتله اعداء الحِوار و إحتمال الآخر !
Post: #287 Title: Re: الحب في المنبر Author: محمد عثمان Date: 05-17-2007, 01:15 AM Parent: #286
Quote: هذا نهج استثنائي لانتزاع الصورة الشعرية بتوظيف استتباعات الحروف من ترقيم و تنضيد ! و اصلا كان ود الزبير يبحث عن مداخل للكلام و استعادة ثقافة الحوار الغائبة بين كل المتقابلات السودانية : الحاكم و شعبه ، المرأة و زوجها ، الاب و طفله ، المحب و محبوبته ! جعل حسن الزبير قولة ( ما بنختلف ) شعارا و اشتراطا لقصيدته الغنائية العميقة الموحية المكتوبة بقوافى متلألئة بالسهل المُمتنع ، ، فنازعها و ناجزها الراحل خوجلي عثمان علي تفانين ميلوديا الخماسى السودانى العزب و موازين التم تم الحار !! مدد يا معاوية و محمد عثمان وكل اصحاب الجاهزية العالية .. اسمعونا زرياب السودان الذى قتله اعداء الحِوار و إحتمال الآخر !
د. احمد طرااوة...
و كل النااس الناايمة على العسل... و من اقاااصى الدنيا جيت و معااى رحاالى و انا بين خياالاتى لا اعى....!!! لعله الصباااح عندى الان و انا فى الطرف لاخر من الدنيا البعيدة...و فى الخاااطر راائعة حدربى التى يغنيها محمد ميرغنى بذلك الصوت الجميل,, سااعة الشمس ياادوب بتطلع.... و الشعااع من بين فتيحاات الغصون رقرق على قش الدرب.... مااااااع الندى وقع متل خرز السبح خيطو انقطع.... و يستمر الرسم بالكلمااات لتكتمل هذه اللوحة الجميلة و القمرى من عش ما بيطير..اعتاد عليها و واااالفها.. حتى السبيط..مد الشخاليب و ابتسم.. مرات تقيف..منو وتشيل .. مرات تكون مشغولة بى شيتا كتر..
و لعلنا الان مشغولين بشيتا كتر و لكن ما بنختلف ابدا..ابدا و هذا هو حسن الزبير الذى استطااع ان يطوع الكلماات الداارجة ليجعلنا نحفظ كلمااته حرف...حرف و نكون طلبة فى دروس الهوى لنشيل الضمة الديك ونبرى السكون الذى لا ينقطع..و لا يبارحنا ابدا وصف تلك الملااامح الجميلة
شكرا احمد و انت تخرجنى من حااالة الثباات و السكون لا استرجع الحب و الريد الزماان القالو عند الناس خرف,,, و ساامحنو مرة للغياااب الذى ليس فيه انا لا صاارف لا منصرف...
و يديكم العاافية.....
Post: #288 Title: Re: الحب في المنبر Author: محمد عثمان Date: 05-19-2007, 07:54 PM Parent: #287
Quote: و لعلنا الان مشغولين بشيتا كتر و لكن ما بنختلف ابدا..ابدا و هذا هو حسن الزبير الذى استطااع ان يطوع الكلماات الداارجة ليجعلنا نحفظ كلمااته حرف...حرف و نكون طلبة فى دروس الهوى لنشيل الضمة ديك ونبرى السكون الذى لا ينقطع..و لا يبارحنا ابدا وصف تلك الملااامح الجميلة
Post: #289 Title: Re: الحب في المنبر Author: محمد المرتضى حامد Date: 05-20-2007, 11:49 AM Parent: #288
أحبابنا محمد عثمان وعثمان موسى، علمت أن النأي عن هذا البوست غير منجيني من العذاب وأن هناك نفر كريم من أعدهم سياد بيت عديل كده يوالونه بالنوال وهذا بعض من كرم سجاياهم وبالطبع هذه المساحة تخص الجميع وما أنا إلا مشارك بمداخلاتي المتواضعه وأتمنى أن يستمر العطاء والسخاء و(البكاء) المريح لأن هذا الأخير يوسِّع الشعب الهوائية في غير ما emphysema وبالتالي تصبح عملية التنفس ممكنة حتى تحت الماء وبنكهة النعناع ، و لا يدانيني شك في أن العشق حتى بجرعات بسيطة منتظمة أو غير منتظمة يزيل الكولسترول الوجداني ويذيب الدهون المشبّعة بالفجيعة فتحس بالإنعتاق من أسر ( السلاسل الحلقية) القميئة الثقيله التي نجرها خلفنا صحوا ومناما وتبقى بعد داك خفيف وياليل أبقالي شاهد ، طبعا يا محمد الليل هنا شاهد (ملك)، وياعثمان زي الكلام ده بيقلل منامنا:
يا ليل صار ليك معاهد طرفي اللي منامي زاهد دنا لي سهرك وأشاهد فوق لي نجمك ظنوني
يا جميل لي سهري واجد واراك نايم وهاجـد مين لي عيني ناجد بى دموعي الغرقونى
أها ده الكلام المجاور لصلاة القيام ، ورغم أنو الرائع أبو صلاح بصفته أحسن من يعد دراسات الجدوى العاطفية خرج الينا بهذه النتيجة إلا أن التمسك بانجاز مشاريع الحب شأن وطني لايقبل التأجيل ولا التسويات وليكن يا محمد شعارنا لهذه المرحلة وكل المراحل ألا صوت يعلو فوق صوت الحب والإنحياز للجمال وامداومة على الإبتسام حتى تعرف Signal أنها بدائية في إعلاناتها. بإسم الحب أقدم ليكم تحياتي .
Post: #290 Title: Re: الحب في المنبر Author: hameem Date: 05-20-2007, 12:29 PM Parent: #1
Quote: لا صوت يعلو فوق صوت الحب والإنحياز للجمال
ويا ريت كل زول تايه يلاقي الريدة في دربو ..أو أقله .. يلاقي البوست دا عشان الناس تحب الناس .. وتحب الخلق كله حتى ليلاقي أحدهم نمراً في غابة .. فيأخذه بالأحضان ويقول له مرحباً يا صديقي وينك يا لذيذ .. ويبادله النمر ذات الأحضان بعد أن يكون قد اختلس (كحلة) لما ينتعله هذا الأحدهم في قدميه يا ناس .. يا المرتضي .. يا سمحين أحبكم
Post: #291 Title: Re: الحب في المنبر Author: محمد المرتضى حامد Date: 05-22-2007, 02:11 PM Parent: #290
Quote: حتى ليلاقي أحدهم نمراً في غابة .. فيأخذه بالأحضان ويقول له مرحباً يا صديقي وينك يا لذيذ .. ويبادله النمر ذات الأحضان بعد أن يكون قد اختلس (كحلة) لما ينتعله هذا الأحدهم في قدميه
هميم، نعم فينا المتهور لكن ما للدرجه دي ، قلت لي بالأحضان؟ بالغت يا هميم، وفي الغابه؟ ولابس جلد ود خالتو مركوب؟
Post: #292 Title: Re: الحب في المنبر Author: سمية الحسن طلحة Date: 05-22-2007, 08:18 PM Parent: #291
طيفٌ عابــرٌ
صفـت الليالي ولـم تعُـد متـكدِّرة
خطبـت لـودِّي ولم تعُـد متـنكـِّرة
رقـّت لحالي فأنـصفـت بل أكثرا
جاد الزمان بطيف خِلٍّ في الكرى
حـلوٌ كما الأنسـام مرّت عابـــرة
وضـيءٌ كـوجـه البـدر حين تـدوّرا
متبسماً كالصبح حين يـنـوِّرا
جلس يميني وأقبل مستبشـرا
قـلت لــه لما لعـيـني إنـبرى :ـ
رحماك.. ألسنا في حرام الأشـهـرا ؟
لكنـّه ..غـضّ منامي ولم يطيِّب خاطرا
سمية الحسن محمد طلحة
فليداوم المحبون على الزيارة فى الطيف أو فى الصحيان .
Post: #293 Title: Re: الحب في المنبر Author: خالد علي محجوب المنسي Date: 05-22-2007, 10:29 PM Parent: #292
تحدي الحب للتقاليد ... السرقة في كل .. النظرة .. الهمسة .. الموعد .. اللقاء .. وما أحلاها من سرقة العقاب عليها لاقطع يد وما كان سلب فقطع من خلاف ... يعني كان إتورط خالص خبطة بي عود مضبب في الصنقوع وحرمان
حرموني منك أنا ياحبيب قلبي سائل دوام عنّك
ياالحرموني شوفتّك أنا في قلبي صورتّك كلما ذكروا سِيرتك يزداد بي شُجوني يجفُو النوم عيوني يرحم قلبي حُبك
يا المنعوك زيارتي وهم شاعرين بي حالتي وما جاهلين مكانتي لكن التقاليد حجبت عني شخصك
منعونا التلاقي لكن رغم ذلك ضلَّ هوانا باقي أسأل طيف خيالك عن فرط إشتياقي وأسأل نور جمالك عن نار إحتراقي طبعاً ياملاكي لو يرضيك هلاكي أنا لا أعصى أمرك
حجبوك حيرونّي أبو ليك إذكروني ليه يا حبيب أراهم زايدين في جفاهم ومن شدة قساهّم مانعين التفاهم برضّي أقول عساهم يسمحوا لي بي وصلك
Post: #294 Title: Re: الحب في المنبر Author: Osman Musa Date: 05-28-2007, 10:26 PM Parent: #293
أستاذ محمد شنو؟ أنت وين ؟ تحياتى
Post: #295 Title: Re: الحب في المنبر Author: محمد المرتضى حامد Date: 05-31-2007, 08:27 AM Parent: #294
سميه..
كيفنك يا عزيزة،
Quote: رحماك.. ألسنا في حرام الأشـهـرا ؟
في الأشهر الحُرُم أهديك ودا يُشيبُ (سوالف النهار)
Post: #296 Title: Re: الحب في المنبر Author: محمد المرتضى حامد Date: 05-31-2007, 11:56 AM Parent: #295
تعرف يا خالد الناس اللي بتقول عليهم ديل ، هم ذاتم الناس البيذكروك قصة (ميدوزا) في
ميثولوجيا الإغريق ، البت اللي كانت تلمس أي حاجه فتستحيل ذهبا ، أها نحن ما عايزين اللمسة
اللي تحيلنا ذهبا لكن تلك التي تذهب عنّا ما خلّفته قرون من الهزيمة والفجيعة. مش جرّبت
الملاريا والتايفوئيد اللي بيعملوا حمى درجتها مليار مئوية ؟ حمى كده من النوع اللي بيحرق
المخده والملايه وتتبخر معها حتى الدموع وحبوبتك جنبك تلمسك وتقول كُر؟ أها في ناس لما
يمرروا راحة يدهم على جبهتك وانت في الحاله ديك ترجع في لمح البصر لدرجة حرارة الغرفه
الطبيعية و 37 سنتقريد مودّه ، مع بقاء النيران مشتعلة في الفؤاد كشئ طبيعي وحتمي، وبعد
تبرد وتعرق تقوم تهذي من جديد وتغني مع أحمد المصطفى ( يا ناري قيدي ) وكان طَوَّل قعدتو معاك
قطع شك بيبقى عليك كلام أبوصلاح :
قال لي لازم جرحك مدة الأزمــــان.........لا روايحى تطـبك لا ولا لقــــمان البداوى جروحك إن شفتو يا سقمان.........في عصير الند البنضحـو الرمان
ديل ناس يا خالد سَحَرَه وأثر سحرهم يمتد لمسافات شاسعة ولو ما خلّيت بالك من قلبك فمصيره
حتما كمصير نجم مَرَّ بثقب أسود.
اللهم احفظ عبيدك ....... و إمائك .
آمين
Post: #297 Title: Re: الحب في المنبر Author: Muna Khugali Date: 05-31-2007, 12:29 PM Parent: #296
لمسه يدهم لمسة روح ساحره..ترتاح لها انفاسك المحروقه قبل ان يرتاح الجبين فتنخفض حرارته.. تنام بعدها في ارتياح لم يسبق له مثيل.. ثم تستيقظ والهدوء والسكينه تغمر الكون.. وتعرف ساعتها أنك قد شفيت.. ولكن اصابك "داء" من آخر.. فيه دنيا جديده بصورها والوانها ومايخلقونه في النفس...
تحياتي لكم جميعا..
Post: #298 Title: Re: الحب في المنبر Author: الطيب شيقوق Date: 05-31-2007, 03:34 PM Parent: #297
جميل يا سيدتي
أن نلتقي لوحدنا ان نتحدث عن حبنا عن إخلاصنا لبعضنا
جميل سيدتي
أن نتعاتب حينما يقصر كل طرف تجاه الآخر في الحب
جميل يا سيدتي
أن نفضفض عن مشاعرنا أن نغرق في بحر عواطفنا
جميل يا سيدتي
أن نتبادل إحساسنا بكل صدق و أمانه
جميل يا سيدتي أن نبتسم سوياً أن تنفتح شفتان
جميل يا حبيبتي
أن نتراشق بكلمات الحب و الحنان
جميل حبيبتي
أن نتقارب بوجدانياتنا أن نلغي كل الحواجز و المسافات
جميل يا حبيبتي
أن نحكي عن معاناتنا في الحب آسف عن سعادتنا في الحب
جميل يا حبيبتي
أن نقف مع بعضنا في أوقات همومنا في أحزاننا
جميل يا حبيبتي
أن نتصارح أن نقول ما شئنا عن حبنا
جميل يا حبيبتي
أن نتلامس بأيدينا أن نتحسس حرارة أجسادنا
جميل يا عزيزتي
أن تمسحي دمعاتي عند لقائنا كي يبتسم من جديد
جميل يا عزيزتي
أن أمسح دمعاتك عند فراقنا كي أرسم أبتسامه على محياك
جميل يا أغلى إنسانه في الوجود
أن نذوب في بعضنا إلى الأبد
فنحن جسدان في روح واحده
فعواطفنا و مشاعرنا منتشرة في أرواحنا بنفس المعايير و القوة و الحب الدافىء يملاء جوانحنا
حبيبتي يامن ملكتي على قلبي ووجداني أن تكوني شفافه كما أنا أن تبوحي بكل ما بداخلك من مكنونات دون خجل فأجمل ما في الحب هو البوح و الإفصاح
و أسواء ما في الحب هو قتله بل إقتلاعه من جذوره بالصمت و الكتمان
جميل إذن يا حبيبتي أن نلتقي
Post: #302 Title: Re: الحب في المنبر Author: محمد المرتضى حامد Date: 06-03-2007, 09:32 AM Parent: #298
يا الطيب بعد الكتبتو فوق ده ما عندي غير أقول ليك (شيئ عجيب في غرامك) مودتي
Post: #299 Title: Re: الحب في المنبر Author: محمد عثمان Date: 05-31-2007, 04:33 PM Parent: #1
لا الصابر ولا الباكي غايتو حكايتي بين أمرين وراضي أتشاقى في ريدك وأعيش بدل العمر عمرين شوقي كتير وفرحي لرؤيتك أكتر وحالي أخير تخليه هو حال الحبَ بتشكر إذا اتشاغلت عن الناس يقولوا اتناسى واتنكر وإذا إتشاغلت عن الناس يقولوا اتناسى وإتنكر وإذا إتشاغلت عن جرحي يزيد في ضلوعي ويتوكر
خيالك عندي يوماتي صباح خيري ومسا أفراحي أعد ميعادو باللحظات وسهري معاهو صباحي عيونك فوق عيوني تنوم وفوق آلامي ترتاحي وريدك من عواتي الريح ألمو وأضم علي جناحي منو العزاك زيي أنا ومنو المن قلبو غناك خلاك فرحة للحزنان وخلاك بسمة للشاكي وطار بيك فوق مكان ومكان وطاف بيك وين وداك يقابل بالمحنة جفاك ويشيل أشواقو ويرجاك
الرحمة و المغفرة للشااعر حسن الزبير
و سلاااااام لكل الاحباااااب.....
Post: #300 Title: Re: الحب في المنبر Author: محمد المرتضى حامد Date: 06-02-2007, 08:08 AM Parent: #299
عثمان موسى ،
ماك طالبني حليفه ، لكن والله متابعة الأمور الدنيوية بتهد الحيل ولاشك لها أولوية على الأمور الإسفيرية ، الشلهته واللهاث والمحاحاه وملاعبة البيضة بالحجر والتأني بالضجر هلكتنا، جدول اليوم الينتهي في فراش من هموم أصبح مكلفا فأصبحنا نمشي بأيدينا لأن الأرجل ما عادت تصلح للوظيفة ذاتها ( وتسير رجلي وهي تخبط ... لا أعي فتسارع اليسرى فتركلها اليمين.. وتثاقل اليمنى فتدفعها اليسار) ، غايتو ما فضل لينا إلا بضع مخزون من المحبة نرجو ألا يصبح مآله ككهرباء الخرطوم.
Post: #301 Title: Re: الحب في المنبر Author: محمد المرتضى حامد Date: 06-02-2007, 11:34 AM Parent: #300
منى خوجلي
Quote: لمسه يدهم لمسة روح ساحره..ترتاح لها انفاسك المحروقه قبل ان يرتاح الجبين
ديل يا منى ، زياده على كده ، ناس عيونم زي المايكروييف ، لما يعاينوا (فيك)
بيسخِّنوا قلبك من جوه أولا ثم تتجه السخونه للخارج وبعدها انت و (ديسكفري) حالكم واحد
الى خارج الغلاف الجوي والمدارات العجيبة ، نوع من الناس كده يا منى لما الواحد ينظر
ليك عديل في عيونك تحس أنه يصحح كيمياء بدنك ويعيد الى خلاياك ترتيبها فتعود الى زمن
استشرف آفاقها أهـــــــل ( الريكي) والنيرفانا أو من سكن شواطئ اليقين.
تتصوري يا منى ده كلو ممكن يحصل بس بكلمة طيبة بشهادة منشأ من القلب ونظرة حانية يغار
منها الليزر الجافي.
صدقيني الكلم الطيب الحاني بين البشر يضارع مفعول سحره عصا موسى وخاتم سليمان ، فلم لانصطفيه
موجات لبثّنا بقوة مليار هيرتز؟
الله يرحمك يا عثمان خالد : نظره بتذوِّب حجر وبسمة بتطوِّل عمر..
يا حليلو
Post: #303 Title: Re: الحب في المنبر Author: Muna Khugali Date: 06-03-2007, 09:47 AM Parent: #301
هل تشفينا الأيادي الحنينه بلمستها لجباهنا المحمومه؟
ام يشفينا شعورنا بملامسة ايادي من نحب فقط؟ ان لامست جباهنا يد انسان يحبنا ولا نحبه..وكانت يده كلها حنان وحب وشفقه علينا.. هل تشفينا تلك الملامسه النبيله اللطيفه؟ هل نشعر بها كما نشعرها من الذي نحب فنشفي أيضا؟؟
صباحكم ورد جميعا..
Post: #304 Title: Re: الحب في المنبر Author: خالد علي محجوب المنسي Date: 06-03-2007, 05:28 PM Parent: #303
مرَّ الشاعر الأصمعي في البادية يوماً بحجر مكتوب عليه ابيات شعر.. كتب صاحبها
يا معشر العُشاقَ خبّروا ******** إذا حلَّ عشقٌ بالفتى كيف يصنعُ
فكتب له الأصمعي في ذاك الحجر
يدارّي هواهُ ثم يكُتم سره ******** ويخشع في كل الإمور ويخضعُ
فعاد الأصمعي في اليوم التالي فوجد مكتوب تحت البيت الذي كتبه هذا البيت
وكيف يداري والهوى قاتل الفتى ******** وفي كل يوم قلبه يتقطعُ
فكتب الأصمعي هذا البيت تحت بيت الفتى
إذا لم يجد صبراً لكتمان سره ********* فليس له شئ سوى الموت ينفعُ
قال الأصمعي فلما عدت في اليوم الذي بعد وجدت شاباً ملقى تحت ذلك الحجر ( ميت ) ومكتوب على ذلك الحجر بيتان
سمعنا وأطعنا ثم متنا فبلغّوا ******** سلاماً إلي من كان بالوصلِ يقطعُ هنيئاً لأرباب النعيم نعيمهم ********* وللعاشق المسكين ما يتجرعُ
رحم الله ذاك العاشق لك التحية محمد المرتضى
Post: #306 Title: Re: الحب في المنبر Author: محمد المرتضى حامد Date: 06-04-2007, 11:01 AM Parent: #299
Quote: غايتو حكايتي بين أمرين وراضي أتشاقى في ريدك وأعيش بدل العمر عمرين
محمد عثمان، التقيت الراحل حسن الزبير عدة مرات ولا أغالي إن قلت لك أنه من أرق نسل آدم ولا يُدانَى في شفافيته وصدق مشاعره وجمال قلبه ، إنه رجل محب برتبة فينوس ، وقيس بن الملوح أحد تلاميذه ، يعرف الجمال ببصيرة لاتتوفر للكثيرين ويعبر عن مجموع مستقبلاته الشفيفة بكلام مهذب عذب رقيق يوازي جسده النحيل . لاشك أن الشعر الغنائي افتقده كثيرا وكذا أصحابه وتلاميذه الحزانى ومنهم أخي عاصم البنا ود. أحمد فرح شادول وآخرين. زول بيقول ( انت السماح لابسك وشاح) ده ما زول ساهل. الله يرحمك يا حسن الزبير العفيف النظيف . شكرا يا محمد
Post: #305 Title: Re: الحب في المنبر Author: أحمد طراوه Date: 06-03-2007, 06:54 PM Parent: #1
... يا سلام يا خالد ! جميلة بحق قصة ( قتيل الحجر ) هذه !! كنت اتابع مساجلة ود حامد و بت الاولياء اللُحق ، و شاقنى فرح بدخول بوست الحب مرحلة ( العلاج بلمسات من نحب و نعشق ) ! لكن قصة الاصمعي تنقل البوست جهارا نهارا الي مرحلة جديدة اخرى وهى مرحلة ( الموت حبا و عشقا) .. الاصمعى كان مفروض يوسع الخيارات امام الفتى و ينصحو بالبحث عن مداخل للحوار و عرض فيرامانو علي نهج ود الرضى : قصتى إن لم تعلمانى .. هاك شرحى و هاك فيرامانى ! او نهايتو الطفشان بالاودية ودا برضو خيار معقول ! لكن واضح برضو انو خيار روميت ( الموت حبا ) هو الخيار الاشد دراماتيكية .. لذا فهو الاجمل .. ! وقال عبيد عبد الرحمن : ماسليتِك وانتي كيف تسلى .. صِرت ميت و الدموع غُسلى ! و صدق العمري وهو من قال : يا الهواكم اذى في البداية .. النهاية كيف تبقى خير .. المجد لشهيد الحجر .. المجد لمن سبقوا .. ومن ينتظرون وما بدلوا تبديلا ...
Post: #307 Title: Re: الحب في المنبر Author: محمد المرتضى حامد Date: 06-04-2007, 10:50 PM Parent: #305
والله يا طراوه انت ود حلال، اتذكرتك بعد مشاهدة برنامج في قناة فضائية كان فيها
برنامج عن القلب وكان برنامجا شيقا بحق ، ملخص الموضوع يا بركه انوالجراحين ناس
مجدي يعقوب ومن لف لفه من الخواجات قالوا اكتشفوا شبكة أعصاب خاصه بالقلب وحده
وتعمل على تخزين الذكريات (محليا) وهي التي تشغِّل القلب بعد عمليات القلب المفتوح
( طبعا عمليات القلب المفتوح دي أنا كنت قايلا عمليات العشق المجروح وكده ونتائجها
من نوع سالب فؤادي وما عليك وانا في جحيمي مشتاق اليك) ومن ذاكرته الخاصه يعرف
القلب المنقول آخر حركه كان متوقفا فيها حتى لو كان في انتظارها في ركن المدرسه
وكأني به كان يخفق ويقول (أموت ركن).
المهم يا أحمد انو من لقاءات تمت مع من نقلت لهم قلوب غيرهم، وحسب البرنامج ،اتضح
أن مزاجهم ومواهبهم حدث فيها تغيُّر يكاد يكون هو نفسه مزاج واهتمامات المتبرعين
المرحومين وهواياتهم . والله يا أحمد الموضوع ده شاغلني شديد وهسه بفتش في النت
للمزيد، طبعا الموضوع ده يمكن يذكِّرك فيلم Change of mind في سينما أمدرمان
شاشه اسكوب أيام الثانوي العام ، زمن الأستراحه بيغني فيها حمد الريح بغنيلك
واناديلك بقدر خيوط مناديلك ، طبعا قبل زمن التيشوز ، زمن تولِّع الأنوار وتاخد ليك
كَحلَه في ناس اللوج ناس زاهي في خِدرو ما تألم . أها اتخيل يا طراوه لو قلبك
ده راح فيها، لاقدّر الله ، وركَّّبو ليك قلب زولا سمح كده أو العكس ، ياخ دي قصة ، طبعا
دون أن تعي تجد نفسك عايش قصة حب مع زول في جزر القمر وتعمل للحبيب الحالي مجنون .
غايتو في ناس كده حايغنوا ليهم مع ابراهيم عوض (قلبك حجر) رغم انو قلبهم في
الواقع (حلاوه قطن).
بمناسبة (حلاوه قطن) دي بالله ما تذوب في لِهاة كاليفورنيا وتحرمنا منك .
Post: #308 Title: Re: الحب في المنبر Author: حسن الطيب يس Date: 06-05-2007, 05:05 AM Parent: #1
أخونا محمد و الاخوان و الله المراد الواحد من جنبكم ما يزح لكن الله غالب و إنشاء الله نواصل المشوار معكم زمان و بالتحديد في السبعينيات و أول وظيفة كانت مدرس مدرسة وسطي و لكن المظهر العام لشخصي لم يتغيير نفس مظهري و أنا طالب يوم الوالد علية رحمة الله ناداني و قال لي بالحرف
يا ولدي إذا عاوز تعيش عيشة سمحة و تتقدم لي قدام و لكون ليك مستقبل[B/] حب و كان صادق في قوله و انا اوصيكم بالحب أبقو عشرة عليه
Post: #309 Title: Re: الحب في المنبر Author: شادية الطيب Date: 06-05-2007, 05:48 AM Parent: #1
بوست جميل ورائع يدل على روعة كاتبه ويدلل على انهار الحب المتدفقة في قلوب الكثيرين هنا رغم روح العداء الصارخة ومظاهر الاختلاف البينة
Post: #311 Title: Re: الحب في المنبر Author: محمد المرتضى حامد Date: 06-05-2007, 10:35 AM Parent: #309
Quote: هل تشفينا الأيادي الحنينه بلمستها لجباهنا المحمومه؟ ام يشفينا شعورنا بملامسة ايادي من نحب فقط؟ ان لامست جباهنا يد انسان يحبنا ولا نحبه..وكانت يده كلها حنان وحب وشفقه علينا.. هل تشفينا تلك الملامسه النبيله اللطيفه؟ هل نشعر بها كما نشعرها من الذي نحب فنشفي أيضا؟؟
والله يا منى أسئلتك مشروعه ومحرجه لإنسان مسكين زيي تعوزه القدرة على الشرح
والتفسير مع شح مكشوف في قاموسي اللغوي لكن أنا عايز أقول ليك إنو حقو نتفق من البدايه انو
الزول البنريدو ده لازم يكون بريدنا كشئ طبيعي وتلقائي وقصة ( الحب من طرف واحد ) دي يمكن
موجوده في الطرف الأغر لكن ما عندنا هنا لأننا نشأنا أطفالا على سماع أغنية (ما بنمشي لناس
ما بيجونا ...) بالتالي أي يد من تلك الأيادي المعنية التي تلامس حين الحمى جبهتك ( جبهة
الصمود والتصدي) هي يد إنسان نحبه ويحبنا وما أظن يكون في إنسان بيحبنا ونحن ما بنحبو ، أما
سؤالك عن مدى قدرة تلك الملامسة النبيلة اللطيفة على شفائنا فهذا أمر أثق فيه أكثر من
المضادات الحيوية وكل منتجات أسترا زينيكا وأخواتها ، يمكنك وصفي بالشعوذة كخيار بديل زي
ما بيقول طراوه ، لكنني أومن بمثل ( أسأل مجرب وما تسأل طبيب ) ، معليش يا أحمد ، أنسى
المهنه في الحته دي ، وبحق يا منى اللمسة الشفوق مع الكلمة الطيبة والبسمة الحانية لايمكن أن
تأتي إلا من إنسان (إنسان) غض النظر عن (التوجه الأيديولوجي العاطفي) لصاحب اليد على خلفية
( خذيني باليمين وانا راقد شمال) ، لكني أكون أكثر واقعية إن قلت لك أن هناك من يمسح على
جباهنا وهو لايفعل سوى المجاملة و دي برضو مقبوله وهناك أيضا لمسة حنان من ناس جميلين لكن
ما (إياهم) وهذه بنقول عليها نيران صديقه. لكن يا منى مافي زي لمسة الأم لأنها غير مشروطة وليس
لها فاتورة آجلة الدفع من أي نوع.
مناشدة: بالله يا زوار (بوست) محمد من كان منكم رائحا أو غادِ ألتمس أن توالوا البوست بالرعاية لاحتمال الغياب بسبب إعصار (جونو) الذي سيضرب سلطنة عمان اليوم ويستمر لأيام وقيل لنا أن (كاتارينا) بالنسبة له مجرد بروفه أو دافوري في أبوروف.
وساده:
( وأنا الصاحي أرى في النور أشباح الظلام وغدت كأسي على راحي بقايا من حطـــــام)
Post: #310 Title: Re: الحب في المنبر Author: محمد عثمان Date: 06-05-2007, 10:23 AM Parent: #1
و لى عودة...........
Post: #312 Title: Re: الحب في المنبر Author: محمد المرتضى حامد Date: 06-05-2007, 10:46 PM Parent: #310
Quote: يا ولدي إذا عاوز تعيش عيشة سمحة و تتقدم لي قدام و يكون ليك مستقبل ..حِب.
أها يا حسن شوف ابوك ده بريدك وبيعِزَّك قدر شنو؟ بس انشالله
عملت بنصيحتو؟ رغم انو النصيحة دي ذات حدين لأنو يا تتقدَّم يا ..تتقدّم.
Post: #313 Title: Re: الحب في المنبر Author: حسن الطيب يس Date: 06-06-2007, 03:50 AM Parent: #1
الفنان محمد المرتضي متعك الله بالحب طبعا أخوك لقاها فرصة يجكس أقرب بت و كانت بني الجيران و فعلا بعد أيام شعرت الواحد العصرية يستحمي و يتريح و يقشر و الكرسي قدام الباب طبعا ده كله لزوم لفت الإنتباه قلت في نفسي الحاج ده كان خطير العارف ده كله مشيت سألته يا أبوي الوراك الحب بيغيير الزول منو؟ حبي لي أمك إنتهي كلام الوالد الحب شعور وأحاسيس من كل أعضاء الجسمو تكون هذة الاحاسيس جزئية إذا لم يكن التوافق كاملا مع الطرف الاخر و إذا كان التوافق كاملا يتم برمجت أعضاء الجسم للطرفين علي نظام واحدز و جه مجرد إجتهاد
Post: #314 Title: Re: الحب في المنبر Author: Muna Khugali Date: 06-08-2007, 09:44 PM Parent: #313
Post: #315 Title: Re: الحب في المنبر Author: رشا سالم Date: 06-08-2007, 09:55 PM Parent: #314
كل المودة والحب ليك يا محمد المرتضي..
Post: #316 Title: Re: الحب في المنبر Author: Muna Khugali Date: 06-11-2007, 03:43 PM Parent: #315
لسه يا محمد المرتضي؟ طيب طراوه وناس الحب الجميل الباقيين وينهم؟
Post: #317 Title: Re: الحب في المنبر Author: Osman Musa Date: 06-11-2007, 08:22 PM Parent: #316
( زينت الفتاة وأدخلت على زوجها المحتضر بوجه ضاحك باك فنظر اليها وتأمل ملامحها من خلال وشاح الدموع الذى كسى وجهها وقال
__ أتت وحياض الموت بينى وبينها _ وجادت بوصل حين لا ينفع الوصل _ فلما رأتنى فى السياق تعطفت _ على وعندى عن تعطفها شغل
ثم أسلم الروح .
Post: #318 Title: Re: الحب في المنبر Author: محمد المرتضى حامد Date: 06-12-2007, 10:05 PM Parent: #317
منى خوجلي،
(شارع الحب) كان اسمه قبل أن يجن جنون (جونو)، هذا المنظر كان عند بداية الإعصار ولم يعد هذا الشارع في الخارطة لكن حتما سيعود ويعود العشاق.
Post: #319 Title: Re: الحب في المنبر Author: Mustafa Mahmoud Date: 06-12-2007, 10:08 PM Parent: #318
welcome back
i hope you and your family are well
i will come back to this post later i just called to say hello to you and your honourable guests
thanks mustafa
Post: #331 Title: Re: الحب في المنبر Author: Muna Khugali Date: 06-15-2007, 07:13 PM Parent: #318
Post: #320 Title: Re: الحب في المنبر Author: أحمد طراوه Date: 06-13-2007, 04:32 AM Parent: #1
... تعرفي يا بت الاولياء اللُحق .. ( في وداعة الاولياء اللُحق دى من اغانى الشيخ العدار العاش في المهدية و اواخر العهد التركى ) الحصل لناس مسقط دا دخل علينا جوه الجوه و وصل ذات الحتة البزغرد فيها صوت الناي ! ظليت مع ابو اكرم علي هاتف الاثير فما وجدت منه إلا جميل القول و حكمة الحياة و مشاوير ذات الفرح اللى ما اظنو كان في الدنيا او كانت صِلة .. مكالمات منحنى فيها دِف الاخوة ونداوة اللحظات وهو الذى يعانى قسوة الوديان و عبث الطبيعة و جفوة البحر الهندي الكبير ! ولانى عارف معزتو عندك ، خلينى اسجل ليهو باسمك يا منى كلمات حدباى لسيد عبد العزيز يوم محنتو تلك :
" .. قابل بى شجاعة تنوع الآلام .. و ابذل ما استطعت لهن كل كلام .. من مكنون قصيدك يجلو عنك ظلام .. و حرّك يبقى هيف و ماواك يبقى سلام .. عهدي بيك القديم كان ثغرك البسام .. تقتحم الامور لو كان وراها السام .. "
... تعرف يا محمد شارع الحب الممتد من شاطي القرم حتي نواحيكم في العُذيبة ، كان عندنا برضو زيو زمان في مجمع مدارس بحري الشعبية الخلف بيت احمد المرغنى ! وقيل ان البنات و الاولاد كانوا يكتبون علي كل حيطانه عبارة : شارع الحب يا احلي طريق .. عطفا علي تلك الاغنية الاثيرة ! و صدقنى الاعاصير وقوى الشر و الظلام ممكن تهدم شوارع الحب باشجارها و كافتيرياتا و اوكارا .. غير ان العشاق و المحبين ذات نفسهم ان بقيوا علي قيد الحياة فسرعان ما تنهض حركتهم و اشواقهم و شجونهم و غناهم من الرماد ! فهم مثل طائر الفينيق النارى .. و صدقت تلك الطالبة الجسورة التى وقفت امام كومر البوليس في مظاهرات شعبان 1973 و بعد اعتقال طلاب ثانوية تلودى بمدينة المهدية و هتفت قائلة : انا ما بسيبو صلاح .. لو عبوا ليا سلاح .. وياها بالضبط الحنينة السُكرة !
Post: #321 Title: Re: الحب في المنبر Author: Muna Khugali Date: 06-13-2007, 10:03 AM Parent: #320
Quote: ... تعرف يا محمد شارع الحب الممتد من شاطي القرم حتي نواحيكم في العُذيبة ، كان عندنا برضو زيو زمان في مجمع مدارس بحري الشعبية الخلف بيت احمد المرغنى ! وقيل ان البنات و الاولاد كانوا يكتبون علي كل حيطانه عبارة : شارع الحب يا احلي طريق .. عطفا علي تلك الاغنية الاثيرة ! و صدقنى الاعاصير وقوى الشر و الظلام ممكن تهدم شوارع الحب باشجارها و كافتيرياتا و اوكارا .. غير ان العشاق و المحبين ذات نفسهم ان بقيوا علي قيد الحياة فسرعان ما تنهض حركتهم و اشواقهم و شجونهم و غناهم من الرماد ! فهم مثل طائر الفينيق النارى .. و صدقت تلك الطالبة الجسورة التى وقفت امام كومر البوليس في مظاهرات شعبان 1973 و بعد اعتقال طلاب ثانوية تلودى بمدينة المهدية و هتفت قائلة : انا ما بسيبو صلاح .. لو عبوا ليا سلاح .. وياها بالضبط الحنينة السُكرة !
آخد تنهيده عميقه..وااقنع اصابعي بان تتخلي عن حالة عشقها المباغت وسرحانها فيه وارجع لكم لأكتب بهم..شكرا محمد وشكرا طراوه علي النخيل وشارع الحب..
Post: #322 Title: Re: الحب في المنبر Author: محمد المرتضى حامد Date: 06-13-2007, 10:39 AM Parent: #320
يا رشا ، يا ... بت سالم ،
الوفية ، كنت أوصيت الأحباب على حراسة هذه المساحة ورفدها بالنرجس والياسمين استقطابا لمواكب ( الريده) والجمال والعاشقين وتوجيه خط سير تلك المواكب كيما ينبض بمرورها أكبر عدد من القلوب الدفيئة وغير الدفيئة وتكتحل بالنظر اليها العيون التي في طرفها كافة مشاريع العشق التي أحيلت للصالح العام ، زورا كما يقال. لله درِّك فقد كفيتِني استجداء العون وطلب الغوث مع أخونا عاصم وهو يشدو يا رشا .. غيثني.
Post: #323 Title: Re: الحب في المنبر Author: Muna Khugali Date: 06-13-2007, 11:02 AM Parent: #320
Quote: " ولانى عارف معزتو عندك ، خلينى اسجل ليهو باسمك يا منى كلمات حدباى لسيد عبد العزيز يوم محنتو تلك :
.. قابل بى شجاعة تنوع الآلام .. و ابذل ما استطعت لهن كل كلام .. من مكنون قصيدك يجلو عنك ظلام .. و حرّك يبقى هيف و ماواك يبقى سلام .. عهدي بيك القديم كان ثغرك البسام .. تقتحم الامور لو كان وراها السام ..
شكرا يا احمد علي كرمك الجميل..
Post: #324 Title: Re: الحب في المنبر Author: محمد المرتضى حامد Date: 06-13-2007, 01:13 PM Parent: #323
شاديه الطيب،
Quote: بوست جميل ورائع يدل على روعة كاتبه ويدلل على انهار الحب المتدفقة في قلوب الكثيرين هنا رغم روح العداء الصارخة ومظاهر الاختلاف البينة
البوست ده ما عندو كاتب يا شاديه ، ده (تجمع) أرواح بدون وسيط ، يعني ما (تحضير) أرواح زي ما
بيعملوا أخوان الصفا أو غيرهم ناس آرثر فيندلي . نحن بنحضر برانا ما بيحضِّرونا والحاضر يكلم
الغائب.
أها يا شادية بمجرد زيارتك هنا ودخولك المجال الجوي لهذا البوست و (إنعطانك) في مياهه الإقليمية
أصبحت جسما أثيريا او روحا لاعلاقة لهما بماديات الأرض.
مشعوذِ؟ برضو مقبوله، بس زي ما بيغني ود اللحو بنقول ليك (كل منانا وحياتك كتِّري من زياراتك).
مودتي
Post: #325 Title: Re: الحب في المنبر Author: ست البنات Date: 06-13-2007, 02:16 PM Parent: #1
أهلا بكم وبالحب -
ذلك الساحر الأنيق - الوحيد المسموح له بالدخول بلا استئذان ودونما عتاب !
فما ان يحل باحدنا حتى يتبدل شقاءه فرحا - وهمومه سعادة وراحة .
ولكننى لدى مأخذ بسيط : حين يحل بنا تزداد لحظات القلق والأنشغال !
اذ يزداد عدد من تنشغل عليهم واحدا -
يطرحهم جميعا بعيدا ويجلس قبالة مركز التفكير فى مخك وحده دون
منافس !
حين تسير فى الشوارع وأينما تواجدت _
يلازمك كظلك وان كان بينك وبينه فراسخ وبحار كالقرين !
ومن جمائله : ازدهار خانات الفرح بالقلب !
فتزداد جمالا واشراقا - وان لم تك جميلا !
فأحبتنا دائما أجمل الخلق - وألطفهم -
واكثرهم اناقة ومعرفة وظرفا !
لذلك تجد كل محب جميل ووسيم !
وحين يداعب النوم مقلتيك تراه أمامك - يتمنى لك ليلة هانئة !
و تصحو صبحا وانت مسرورا حين تطوف بالذهن أحرف اسمه !
وتتأكد أن أحلام ليلتك الماضية لم تك من فراغ !
فانت حقيقة فى حالة حب - وان محبوبك واقعا !
وبأختصار : ( أنا أحب اذا أنا موجودة ) .
ست البنات .
Post: #326 Title: Re: الحب في المنبر Author: محمد المرتضى حامد Date: 06-14-2007, 09:54 AM
مصطفى محمود،
Quote: welcome back
i hope you and your family are well
i will come back to this post later i just called to say hello to you and your honourable guests
thanks mustafa
شكري يا عزيز على كلماتك التي تقلل من هول ما جرى، تعرف يا المصطفى كل ما يمكن أن يشريه المال لا يُُحزن عليه، لكن ما يفجعني حد الدوار أن أفقد كل الصور والخطابات وأشرطة وكتبا أهدانيها من ألَّفها، أقول لك صور الطفولة البهيّة والصبا الألِق والكهولة المهزومة ، ياخ عندي إحساس بأن تاريخي كله ولّى وعبر كمركب ريح زي ما بتغني الشاهقة فيروز. ننتظر عودتك إلى هنا بالجميل، مودتي
Post: #327 Title: Re: الحب في المنبر Author: ضحيه ابراهيم Date: 06-14-2007, 10:54 AM Parent: #326
الاستاذ الراقى/ محمد المرتضى
تحياتى ومودتى يارجل نسأل عن عوافيكم وعوافى الاسرة الكريمةنتمنى ان تكونوا بخير كم شفقنا وقلنقنا عليكم نتمنى ان جميع الاخوه بخير..
تحيات الاخوه حسن وحسين على نمر بالدوحه..
Post: #332 Title: Re: الحب في المنبر Author: محمد المرتضى حامد Date: 06-16-2007, 09:07 AM
Quote: فأحبتنا دائما أجمل الخلق - وألطفهم -
واكثرهم اناقة ومعرفة وظرفا !
لذلك تجد كل محب جميل ووسيم !
بالله مش كده يا ست البنات؟
العقاد حسم الموضوع ده عن الزول الذي إذا ضاءت مطالعه
فكل (سمائه) بدر وأفادنا بإشعار كتابي بالبريد المسجل مصحوب
بعلم الوصول قائلا: خذوا دنياكم هذه فدنياواتنا كثر.
ياست البنات ، بعد الكلام المن جوه الجوّه ده تجدينا من الناظرين
في قارعة الأمل مذكرة توضيحية لقانون الهوى.
نرجاك؟
Post: #328 Title: Re: الحب في المنبر Author: أحمد الشايقي Date: 06-14-2007, 10:58 AM Parent: #1
التحيـة لك يا صديقي,
وأنت تواصـل نشـر المحبة في المنبر رغم الذي تعرضـت له من كوارث الطبيعـة
دمت سمح النفس بسام العشيات الوفي
أحمـد الشايقي
Post: #329 Title: Re: الحب في المنبر Author: محمد المرتضى حامد Date: 06-14-2007, 09:56 PM Parent: #328
Quote: __ أتت وحياض الموت بينى وبينها _ وجادت بوصل حين لا ينفع الوصل _ فلما رأتنى فى السياق تعطفت _ على وعندى عن تعطفها شغل
ثم أسلم الروح .
هؤلاء من شهداء الواجب يا عثمان موسى،
Post: #330 Title: Re: الحب في المنبر Author: سمية الحسن طلحة Date: 06-15-2007, 02:30 PM Parent: #329
عاد محمد المرتضى ليعتلى منبر الحب خطيبا مفوها كما عهدناه وعاد المحبون لمحرابه يلملمون أشتاتهم ، ومنهم من ظل معتكفا مافتىء يشدو لإستدعاء الربيع وعاد العشاق هنا فى مسقط لشارع الحب ، كعادتهم مساء كل خميس ، لم يثن إعصار جونو وشائجهم الصلبة فتعلمنا منهم أن الحب يقتله الجفاء ويحييه الوصل .... فهلا فعلتم معشر المحبين ؟
Post: #333 Title: Re: الحب في المنبر Author: ياسر ميرغنى عبدالرحمن Date: 06-16-2007, 10:22 AM Parent: #330
( الحب من طرف واحد )
Post: #334 Title: Re: الحب في المنبر Author: Muna Khugali Date: 06-16-2007, 10:52 AM Parent: #333
Quote: ( الحب من طرف واحد )
ده صعب شديد..ربنا يكون في عون من يعانيه..
كيف يحب انسان انسان آخر ويستمر في حبه حتي دون أن يبادله نفس الحب؟ كيف يستمر الحب دون احساس متبادل؟ هل الحب من طرف واحد حقيقه؟ ام حقيقه اصبحت وهم يسكن المحب؟
في الحب.. الفكره ..الأحساس تحتاج لمشاركه.. الكلمه تحتاج لمن يسمعها ويعيها بنفس القدر من الوعي.. الهمسه لمن يرددها معك بنفس الأحساس.. الم يزول بالمفاسمه ارتياح في وجود من نحب واحساس مشترك يصبح فرح.. نظره في العيون تفهمنا مايوده الآخر دون كلام.. فان غبنا فانه الخوف الذي يجعلنا نسأل لما الغياب..وليس غيره وان ضللنا الطريق فالاطمئنان مازال موجودا..فنصفنا في الحب مازال موجود.. وان زاد حزننا..فهو الملاذ وكل الايمان.. حبيب يشاركك كل شيء وبدون حب متبادل ليست هناك مشاركه.. يفهمك دون ان تشرح كثيرا أو تضطر للتبرير.. تفاخر به الدنيا وتتكأ عليه فيتكئ عليك..
و...........
و...........
سلام آل ياسر
Post: #335 Title: Re: الحب في المنبر Author: محمد المرتضى حامد Date: 06-16-2007, 06:51 PM Parent: #334
ضحية ابراهيم، كيفك يا ودود، شكرا على المشاعر الطيبة يا أمير ، (جونو) ده ماعندنا معاهو مشكلة وسنخرج من آثاره أكثر قوة والذي يأتي من السماء لايجد عندنا غير القبول والتسليم. نحن نتجاوز ما حدث بتؤدة وثبات لكن في حاجات ما بترجع وحارقاني لكن بحاول أتنساها حتى أنساها. سلامي كتير لأحبابي حسن وحسين أولاد الناظر الماخمج عمنا علي نمر وكل أهلنا في دوحة الجميع وربنا يحفظكم جميعكم من كل مكروه.
Post: #336 Title: Re: الحب في المنبر Author: Mustafa Mahmoud Date: 06-16-2007, 07:17 PM Parent: #335
نزار قباني >> وصايا إلى امرأة عاقلة
وصايا إلى امرأة عاقلة
أُوصيكِ بجنوني خيراً..
فهو الذي يمنحُ نَهْدَكِ
شَكْلَهُ الدائريّْ
ويومَ، ينحسرُ نَهْرُ جُنُوني
سيصبحُ نَهْدُكِ مُكعَّباً..
مثلَ صندوق البَريدْ...
2
أوصيكِ بجُنوني خيراً..
فهو الذي يغسلكِ
بالماء.. والعُشْبِ.. والأزهارْ
ويومَ أرْفَعُ عنكِ يَدَ جُنُوني
ستتحوَّلينَ،
إلى امرأةٍ من خَشَبْ...
3
أُوصيكِ بجنوني خيراً..
فطالما أنا عُصَابيٌّ..
ومكتئبٌ..
ومُتَوتّرُ الأعصابْ
فأنتِ جميلةٌ جداً..
وحين تزولُ أعراضُ جنوني
ستدخلينَ في الشَيخُوخَهْ....
4
أوصيكِ بجنوني خيراً..
فهو رصيدُكِ الجَمَاليّْ
وثروتُكِ الكُبرى
ويومَ أسحبُ منكِ
كفالةَ جُنوني..
سيُشهِرُونَ إفْلاسَكِ..
5
أوصيكِ بجنوني خيراً..
فهو التاجُ الذي به تحكمينَ العالمْ
ويومَ تغيبُ شمسُ جُنُوني
سيسقُطُ تاجُكِ
ويُجرّدك الشعبُ من جميع سُلُطَاتِكْ..
Post: #337 Title: Re: الحب في المنبر Author: محمد المرتضى حامد Date: 06-16-2007, 09:52 PM Parent: #336
العزيز أحمد الشايقي،
الإعصار ده يا مولاي كان جاي يغني مع زيدان (باب الريده وانسدَ) لكنو لقانا
من الأوفياء لإبن المسالمة فريد عصره أحمد الجابري ندندن (هات يا زمن جيب كل أحزانك
تعال جيب المحن) وذهب عنا وهو ينشد ( جيت لقيت باب الغرام فاتح ..دخلت) فرحل عنا
ونحن في أعلى قمة حب تعصمنا من الماء وبعد أن غاض الماء وقضى الأمر استوينا على
(جودى) مشاعركم وحنانكم الذي ضمختم به هذا المنبر و كل وسائل الإتصال على شحِّها .
ما تخاف علينا يا أحمد إلا من أنفسنا الأمّارة بالسوء ومن ذنوبنا التي نسأل المولى أن
يغسلها عنّا بابتلاءات الدنيا.
محبتي يا مولانا.
Post: #338 Title: Re: الحب في المنبر Author: محمد المرتضى حامد Date: 06-17-2007, 11:14 AM Parent: #337
Quote: وعاد المحبون لمحرابه يلملمون أشتاتهم ، ومنهم من ظل معتكفا مافتىء يشدو لإستدعاء الربيع وعاد العشاق هنا فى مسقط لشارع الحب ، كعادتهم مساء كل خميس ، لم يثن إعصار جونو وشائجهم الصلبة فتعلمنا منهم أن الحب يقتله الجفاء ويحييه الوصل .... فهلا فعلتم معشر المحبين ؟
صدقت يا سمية ،
حقيقة النازلة التي حلّت بهذا البلد لم يكن بمقدور دولة من دول العالم الثالث أو غيره
تجاوزها لولا أن العمانيين أظهروا مقدرة على التكاتف والتواد والتجرد جد نادرة ، لو لم
يملأ قلوبهم الحب لوطنهم لبقوا شهورا ينتحبون و يندبون حظهم العاثر الذي رماهم في مسار
(جونو) الفي العصر مرورو . لم يكتف أولئك المحبون بتقديم العون لبعضهم بل كانوا أول من قدم
لنا العون منذ اليوم الأول للإعصار وحتى هذه اللحظة وبصدق تراه في عيونهم . يأتيك بعضهم لترحل
الى منزله أنت ومن معك ، يمد أحدهم يده اليك بمبلغ مالي كبير يساعدك في تجاوز المحنة وتعتذر
مع الشكر و يسلمك أحدهم مفتاح سيارة لتبقيها معك حتى ترضى وأناس ياتونك بالوجبات الجاهزة
وبزاد يكفيك شهورا وعددا من (كراتين ) المياه تكفي قرية. يا سميه نحن نعرف معدن الناس في
الشدائد وأحمد الله أن غيّض لنا أن نشارك هذا الشعب العماني العظيم أفراحه وأتراحه وأنت شاهدة على
ما جرى ولو لم يكن أهل عمان بهذه الصفات النبيلة لربما كان مصيرنا ، نحن الضيوف ، كمصير من مر
بهم (كاتارينا). الحب يفعل المعجزات يا سمية ، اللهم احفظ عمان وأهلها وهم أهلنا وعمِّر قلوبنا
بالحب والتعاضد والتسامح.
Post: #342 Title: Re: الحب في المنبر Author: سمية الحسن طلحة Date: 06-18-2007, 02:23 PM Parent: #338
Quote: سلام آل ياسر
مرحبا ياهوى أحبك يامنى سمية زوج ياسر
Quote: الحب يفعل المعجزات
صدقت يامحمد أسأل الله أن يذيق عباده طعمه ويريهم فعله .
Post: #339 Title: Re: الحب في المنبر Author: hameem Date: 06-17-2007, 12:26 PM Parent: #1
Quote: فأحبتنا دائما أجمل الخلق - وألطفهم -
واكثرهم اناقة ومعرفة وظرفا !
أو محمد المرتضى
تغيبت كثيراً ولم آت لأقول عوضكم الله بخير العوض في حينها فمعذرة .. وعفواً .. والعفوُ لديكمُ مأمول ومثلك لا تزيده الابتلاءات إلا طيباً . وإن الله إذا أحب عبداً ابتلاه لك وللمرهفين والمرهفات من حجاج هذا البيت أصدق المودة
Post: #340 Title: Re: الحب في المنبر Author: د.محمد حسن Date: 06-17-2007, 12:36 PM Parent: #1
الاخ الكريم محمد المرتضى
ولك من الحب اصفاه
الف حمد الله على السلامة
Post: #341 Title: Re: الحب في المنبر Author: محمد المرتضى حامد Date: 06-18-2007, 01:21 PM Parent: #340
الأخ الصديق ياسر ميرغني,
Quote: ( الحب من طرف واحد )
يا ياسر إنت خبير صيدلاني وضليع في التفاعلات الكيميائية وبرضو تصدق قصة (طرف واحد) دي ؟
نعم ، الحب في بعض الحالات يخالف كثيرا قوانين الفيزياء وقصة المولِّد الكهربائي والمغنطيس
ثنائي القطبية و ملف الحث induction coil لكن كمان ما للدرجه دي ، الحب من طرف واحد لايذكرني
غير (عقوق الوالدين) مش حبوباتنا كاننن بقولن (قلبي على جناي انفطر وقلب جناي على حجر)؟
وحتى هذه الحالة لاتصنف كحب أحادي القطبية لخصوصيتها أما إذا كنت قاصد ناس ( إنت لو داير بكاي
ألف أهلا يا دموع) فهؤلاء حتما ليسوا في حالة حب ولكنهم من المتأثرين بالنظام العالمي الجديد
بتاع بوش الأب الذي لامحالة الى زوال. يعني مثلا زمان يا العزيز كنا بنسمع هاشم ميرغني راحلنا
الجميل بيقول ( ارتاح ياقليبي ارتاح.. ارتاح من النسانا وما طرانا وقصد أذانا وملانا جراح ...
إنت ارتاح ... ) وكنا في حالة سغربة واندهاش للحالة دي لكن اتضح لاحقا انها مجرد تكتيك.
صدقني يا ياسر الحب من طرف واحد ده خرافه كالعنقاء ، يا سيدي شبكة أعصابنا لا تخطئ أبدا ، زول
ما بريدنا والله مستحيل نحس بيهو لدرجة الحب ، ياخ الحب ده كائن حي بينمو تدريجيا بين ( الأطراف
المعنية) غض النظر عن تموضعها لكنه حتما يكون أسرع نموا بالتغذية الصحية والتطعيم ضد
الكائنات الضارة عليها اللعنة والتحصين ضد الكوليرا والعواذل وبالتواصل بين الدولتين
لمناقشة الأمور (ذات الإهتمام المشترك) وبعدها يصدر بيانا ختاميا يغني فيه كل طرف للآخر (يعني
كيفن ما بريدك) كما أوردت الأسوشيتدبرس.
نواصل يا عزيز
Post: #343 Title: Re: الحب في المنبر Author: محمد المرتضى حامد Date: 06-18-2007, 10:47 PM Parent: #341
منى خوجلي بالغتي في (آل ياسر) دي،
شايف ياسر سخَّن قلمك بحكاية (من طرف واحد) دي وما أظنو حايكررا،
يا منى الأرواح جنود مجندة وهي لاتضل سدرة منتهاها حتى لو سلكت طرقا
ملتوية أو مسارات وعرة ومتعرجه في رحلتها نحو توأمها الذي يبقى منتظرا يغني مع
الكاشف ( حبيب الروح إلامَ) ، بعض الفلاسفة يا منى يقول أنه طالما اتصفت الروح بالخلود
فيجب أن يكون لها (ماض قبل الولادة وأن يكون لها مستقبل بعد الموت) وكثير من هؤلاء
يرى بأن هذه الأرواح لاترتاح إلا بتوحدها مع ذات أخرى هائمة عشان كده ناس الحقيبه دايما
بقولوا يا تومي هوووووى ... ليلى وليلى الله يا تومي الخ... بالذات ناس ميرغني
المأمون وأحمد حسن جمعة كانوا بيأكدوا على حكاية التوأمة دي شديد، أها فقانون
الثنائية ده مستمر ويتضاد مع سالفة ( من طرف واحد) ، تعرفي يا منى في كثير من حالات
التنويم المغنطيسي الإسترجاعي عن الحيوات السابقة regression hypnosis وصف المُنَوَّمين
أناسا بعينهم يرون فيهم منتهى راحتهم ووصفوهم بدقة وأكدوا أنهم في رحلة بحث دائم عن
(صنو الروح) ذاك وتفريعا على هذا ماغوى وما ضلَّ القائل ( انت الذي أتعبتني وانت
الذي فيك راحتي) يعني في زول كده يا منى ماترتاح في الدنيا الزائله دي إلا لما
تلقاهو حتى لو لم يكن موجودا في الحياة الأرضية من أصلو و حتى قبل أن تعرفه ، يعني
زول قاعد في خاطرك كده ، مش أبواللمين قال (عذابي معك بريدك قبل ما اعرفك)؟ وقال (
قلبي عاشق ودربي خال من حبيب )؟ ده كلو بيأكد انو الطرف التاني موجود بس منتظر اللحظة
التاريخية الحاسمة في حياة الأمة والشعب ليتحد مع توأمه لينهمر كورال العشق و (عش
معاي الحب .. عيش معاي حناني).
عطَّر الله ثراك يا صالح الضي.
Post: #344 Title: Re: الحب في المنبر Author: ياسر ميرغنى عبدالرحمن Date: 06-19-2007, 07:22 AM Parent: #343
هل الحب من طرف واحد حقيقه؟ نعم حقيقة احب كثيرين منكم ولا استطيع ان ابوح وكفى كفى المرء نبلا ان تعد معايبه اعترف
Post: #345 Title: Re: الحب في المنبر Author: محمد المرتضى حامد Date: 06-19-2007, 10:25 PM Parent: #344
Post: #346 Title: Re: الحب في المنبر Author: محمد المرتضى حامد Date: 06-20-2007, 11:04 PM Parent: #345
هميم،
ياخي أنا بس مزعلاني الصور الراحت والجوابات البقت محايه في الفيضان
، دي جوابات ما هينه ياهميم ، ياخ دي لما دابت في المويه (طرب "السيل لها" فتثنى)
في ناس قالوا لي : الجاك في الريش ..بقشيش ، لكن الجوابات والصور دي ضربه في الجهاز
العصبي المركزي ذاتو.
هل نحن غير ذكريات؟
Post: #347 Title: Re: الحب في المنبر Author: Muna Khugali Date: 06-21-2007, 01:14 AM Parent: #346
رساله الي ياسر زوج سميه..
كتب لها يقول.. احضرت طعامي ووضعته امامي.. نظرت له دون احساس.. ولم استطع ان اتناوله! طعم الوحده سخيف..فارغ كالفضاء.. كيف يمكن لكل هذه الحركه حولي ان تكون ساكنه سكون الموت في داخلي؟
كتبت له سميه..
وحشتني موت!
Post: #348 Title: Re: الحب في المنبر Author: Osman Musa Date: 06-21-2007, 01:59 AM Parent: #347
التحية للفنان الكبير على ابراهيم
له التحية مشارك أساسى فى بوست الحب فى المنبر الأستاذ على ابراهيم محب للشعر محب للجمال محب للفن. ( انشاءالله تعيش يا على ) _ اعلم انك تعانى . واعلم انك ( تلوك الصبر) لك التحية
Post: #349 Title: Re: الحب في المنبر Author: محمد المرتضى حامد Date: 06-21-2007, 05:45 PM Parent: #348
د. محمد حسن، أتمنى تكون مازلت معطون أو على الأقل مبلول في الأشعار والرسم، صدقني الإتنين مريحين جد ، لو بقيت ماشي الصيف ده سور الأزبكيه أو مكتبة مدبولي كلمني. ما تهتم كتير للأعاصير ، (غيب وتعال تلقانا نحن يا نا نحن لا غيرتنا ظروف ولا هزتنا) صروف. سنظل في ريدتنا سواء كنا جوار نهر (بَرَدَى) أو في نهر البارد.
Post: #350 Title: Re: الحب في المنبر Author: أحمد طراوه Date: 06-21-2007, 09:00 PM Parent: #1
... عاين وردة منى يا محمد ! و الالوان دلالات ! وفى الحب الالوان ليها سُنن و فروض ! هل اتاك جمال البمبى معطوف على الاخضر الزاهى ! فقد قال كجراى .. متجاوزا قبائل الشرق كلها لينضم لقبيلة العشق السودانى الكبيرة : قلبي اخضر ! وذلك في اغنية وردى اللي اسمها مافي داعي ! مدد يا معاوية ويا محمد عثمان ، بالله انتو وين ؟ ! و الحب عابر للقبائل و الطبقات و القوميات ! لذا فهو مدخل لسودان الوحدة والقيم الجديدة ! ولم ينجو شرحبيل احمد ( منسوب الفلاتة السودانين ) من طغيان رونق البمبي البديع وقد كان وقت ذاك يسعى جاهدا لتوطين الهارد روك بلونية هارى بلافونت في تراب الوطن العزيز ! فاطلق شعار البمبي في ستينات القرن الماضى لتمشى تحت راياته مواكب العُشاق الغُر الميامين : مِيل يمين .. مِيل شمال .. و دوِر .. دوِر يا الابس البمبى ! وصار المحبين دعما للتواصل و توسيع مواعين العمل العاطفى يسالون بعضهم البعض عن لونهم المفضل ! وقيل ان البنت السمهرية التفتيحة منسوبة الطبقة الوسطى ، قد ردت على الولد الطيب الولهان : لونى المفضل ياهو لون زينب ! فهرول الولد الغشيم الى جدته قائلا : يا حبوبة زينب انتى لونك المفضل شنو ؟ فردت عليه : لونى ياهو لون الراية الكان تحتها جدك يوم حرابة كررى ! و هكذا اتسعت محنة الوليد العاشق المخلص و طفق يسال العارفين بالتاريخ و حكاوى ذلك اليوم الذى عرف ب ( سد الفرقة و تسوية الصفوف ) .. !! و صدق الفنان الجبلابى محمد ميرغنى وهو يترنم بقول صلاح حاج سعيد الموشى و المقفى : ما قلنا ليك .. الحب طريق .. قاسى و صعيب من اولو .. !
Post: #351 Title: Re: الحب في المنبر Author: Osman Musa Date: 06-21-2007, 11:30 PM Parent: #350
أحمد طراوه العاشق الشفاف اكتب كما شئت ___ وكما قال الشاعر المحب . نزار قبانى ( اكتب كما شئت باسم الهوى والعدالة ، باسم النجوم التى لا نراها وباسم الزمان الذى عشت تحلم حتى تراه ... تحياتى
Post: #356 Title: Re: الحب في المنبر Author: محمد المرتضى حامد Date: 06-22-2007, 11:14 AM Parent: #351
Quote: اكتب كما شئت باسم الهوى والعدالة
وبسم الحب أقدم ليك تحياتي
يا عثمان ،
ناس طراوه ديل مبدأ (تشفي الجروح والروح) عندهم حرفه وهوايه.
Post: #352 Title: Re: الحب في المنبر Author: أحمد طراوه Date: 06-21-2007, 11:41 PM Parent: #1
... دمت يا عثمان ! دمت مُحبا و مظفرا .. فقط اسندوا حبيبكم ود حامد ! اسندوه بابا" باب ، حتى يجف الشراب في حافة الكأسِ ! و تذكر .. هؤلاء قواريرهم لا تنطب فهى معباة بالمطلق ، و بينابيع الحنان السرمدي ..
Post: #353 Title: Re: الحب في المنبر Author: Muna Khugali Date: 06-22-2007, 00:04 AM Parent: #352
طراوه..
عندما يصفو المساء ويفرح الشوق..
Post: #354 Title: Re: الحب في المنبر Author: Osman Musa Date: 06-22-2007, 00:07 AM Parent: #352
( مادام هاجرنى ... رسلى نسيمك كلام ياتى مثل الضوء الشاعر ده يا د / أحمد يرى كل ما لا نراه غزل سودانى اصيل مورق بالمحبة والشوق والأمنيات الطيبات . والامل فى العودة الى تلك الجنة المفقودة تحياتى
Post: #355 Title: Re: الحب في المنبر Author: أحمد طراوه Date: 06-22-2007, 04:40 AM Parent: #1
... بالضبط يامنى ! هو المساء عند شواطى المسيسبى مترامية الاطراف ! المساء الذى حرك زخم العواطف و الاشواق لدى حسن عوض ابوالعلا فقال : ولىّ المساء .. الواله المحزون في جوف الضباب .. وانا اُهيُُى زينتى و اعُدُ مفتخر الثياب ! آملا ُلقياك الحبيب .. يصدنى زهو الشباب .. محمد المرتضى كان كثيرا ما يتوكأ على قول ابو العلا : و وسادتى ، بللتُها بالدمع و الدمع السخين ! شوفو بالله جمال التكرار ! حقا الدموع انواع .. خفيف و تقيل ، زى النقرزان البرقصوه البنات .. سوى الخفيف و تقيل يا بت البلد ! بل عند النعام آدم فالدموع دم عديل : ابكى يا عيونى دمع الدم .. الزمان بعذابي حكم .. اشد اوتارى و اترنم .. و اجرو مع الخيال النم .. دليب شديد يا حفيدات مهيرة ! ! و قديما كان كرومة قد اطلق كلماته تلك : دمع المحاجر سال .. و التى صنفته ضمن جماعة الشيخ البكاى ! ورغم اهتمامي الشديد بحضارات الانهار الاربعة القديمة : السند ، و النهر الاصفر في الصين ، و حضارات المسيسبى ، و نهر النيل .. الا ان شواطى بحر ابوروف هى مهد كل الحكاوى و القصص بالنسبة لنا .. يشدو ندماء الشاطى و يشق صوتهم اثير البحر الي توتى و شمبات قائلين : بحثنا سألنا عليهو الطير .. و ما بنستحمل يوم بلا .. العندى انا ما بدى .. و بحر ابوروف انا بعدي !!
... عمر البنا يا عثمان ، هو اول من استخدم مفردة ( الإقليم الجغرافى ) في الغناء السودانى ! ففى ذات الاغنية بصوت اللحو ، يقول : يا اماني حياتى .. البيك نور إقليمك .. يتمنى البدرى يظفر ب لِيمك .. يا نعيم الدنيا ! اناشد احمد القرشى وعاصم البنا ان يحكى اى منهم قصة البنت الشكرية الجميلة اللتى طلبت من عمر البنا ان ينزل بحر ازرق و يجيب ليها عود (الكليت) الشايلو التيار ! وعود الكليت عزيز عند النساء في السودان ! بس مشكلتو الوحيدة انو بمشى وراه تمساح الكبلو !
Post: #357 Title: Re: الحب في المنبر Author: محمد عثمان Date: 06-22-2007, 02:50 PM Parent: #1
الجميل محمد المرتضى...الف حمدا لله بالسلاااامة الجميع هنا تحبااات عاطرات و سلااام ليكم و للمعااكم فى......قاعدين...
هذا البوست هو ترياق البلسم..الذى يشفى جراحاتنا شكرا لكم و انتم تسكبون علينا كل هذا الرحيق الذى ينزل بردا و سلااااما على لهيبنا الدااخلى.. و امسكوا على هذا البوست لا يضيع مع الارشفة...
الاستاذ احمد طراوة جاب سيرة كجرااى و وقت سيرتك يجيبوها.....خلااص نحن بنتلبش.. الشااعر الفذ عاش فترة طويلة بمدينة بورتسودان اتذكرها جيدا رغم فارق السن طبعا....
ساعود اليكم اكثر منعة وقوه..لاكتب لكم عن كجرااى و عن امسيااات و زمن جميل و عن مافى دااعى و عن يخااصم يوم و يرجع يوم التى ابدع فيها ابراهيم حسين...
مافي داااعي تقولي مااافي يالربيع في عطرو دافي لهفة الشوق في سلااامك في كلاااامك وسر غرااامك ماهو خافِ
إرتعاااشاتااك بتحكي قصة أحلاااامك معااااي وكل خفقة في قلبي نغمة تحكي ليكي شوقي وهواااي إنت في بهجة شبابك وحبي ليك من غير نهاية مافي داااعي ..
قلبي أخضر ولسة في ريعااان شبابو في حرااارة شوقو بيسطر كتابو شوفي كيف نشوااانا بتتراقص حروفو كل لحظة شوق بتتجدد ظروفو مافي داااعي ..
Post: #358 Title: Re: الحب في المنبر Author: Osman Musa Date: 06-22-2007, 04:11 PM Parent: #357
أخى محمد عثمان والله فى داااعى .. وفى الف دواااعى انك تكتب عن كجراى قلب الشرق ارجو أن تكتب عنه شاعر الكلمات المترعة بالحب كلمات ( تنشاف ) فى الظلام. والله يا محمد عثمان نحنا فى الغربة دى (متوكين تب) بالحزن والوجع والخوف اتمنا أن لا تصادر الغربة أحلامنا( فترنا.
Post: #359 Title: Re: الحب في المنبر Author: محمد المرتضى حامد Date: 06-22-2007, 09:47 PM Parent: #358
عليك يا حب تحياتي عليك أوقفت غاياتي وأفراحي وملذاتي أحبك ... وانسى فيك ذاتي
Post: #360 Title: Re: الحب في المنبر Author: أحمد طراوه Date: 06-23-2007, 03:42 AM Parent: #1
... لله درك يا محمد عثمان ! جزيل شكرنا .. عندك لنا دائما ابتداءت الفرذق في مقاطع جرولِ .. حدثنا بالله عن كجراى حديث النعمان عن ماء السماء .. او كما روى مالكُ عن انسِ .. بوستك يا ود حامد متل خام برنت عالي الإغلاق .. بودينا لي دنيا الصبابة .. و السعادة الفاتحة بابا ..
Post: #361 Title: Re: الحب في المنبر Author: د.محمد حسن Date: 06-23-2007, 06:49 AM Parent: #1
عزيزي الشاه
اجل النظر يا صاح
كتبنا ليك كم قصيدة في بوستك ده تاكد ليك اني ما زلت معطونا بالشغلة دي
اما الرسم فقد نقلت الموهبة الى ( صبا) كبري بناتي وامارسه معها ( تتميز بانمل رشيقة وخيال قوي ربنا يحفظها ويحفظ عيالك
وهاك الكبسولة دي عند اللزوم
ونفرش رمل السكة ورود وازاهر ونحلم انك يوم حتجينا ولما تغيب يا غالي بنسال ولو اتجاهلت اكيد ما بنزعل لانك مننا فينا وبيك تهل الفرحة علينا ولما تغيبي بتبقى اماني الكون رؤياك وبيك بتبقى النسمة حنينة ولما نحي وليك نسلم عشان جوانا يزغرد ومرة يغرد بي تحنانك جاي يداعب ضي عينينا وتبقى الدنيا حبور وسرور وبهجة تناغم في اماسينا وريدة زول من قلبه نقية ما طمعان الامودة ليها نمد الروح ونسلم فيها بايدينا
Post: #380 Title: Re: الحب في المنبر Author: محمد المرتضى حامد Date: 06-29-2007, 10:26 AM Parent: #361
د. محمد حسن
Quote: اجل النظر يا صاح
أحمده حمدا كثيرا أنك سادر في الهوايات القديمة. ل (صبا) وأخواتها منى السلام ، ولأم صبا بعد التحايا وسام النيلين من الطبقة ( العليا) زي ما بيقول عادل مختار ولك سلام محمدالفاتح. مودتي يا حبيب.
Post: #362 Title: Re: الحب في المنبر Author: محمد عثمان Date: 06-23-2007, 07:40 AM Parent: #1
Quote: إرتعاااشاتااك بتحكي قصة أحلاااامك معااااي وكل خفقة في قلبي نغمة تحكي ليكي شوقي وهواااي إنت في بهجة شبابك وحبي ليك من غير نهاية مافي داااعي ..
عليكم الله دا كلاااام نصاااح..؟؟؟
الحبيب عثمان موسى و الجميل احمد طراااو.. رااجع ليكم و معااى اشوااقى ما وحدى بس شوية كدا..
و على ذكر اللون و الالواان كما ذكر طرااوة فى مدااخلته السااابقة كان لاسماعيل حسن منحنى اخر و هو يقول في اللون الأسمر ذوبت شبابي وعشقت الجنة وفي الجنة عذابي.. و وااصل عشقه للون الاسمر فى الليلة يااا سمرا لونك بديع وطبعك وديع وخدك يفوق زهر الربيع و لم يصدق ود الامين فخرجت منه اسمر جميل فتاان فكاانت اغنية الموسم وقته..
و نبقى نحن هناااك مع الخدود الشاربة من لون الشفق عند المغارب ديل خدودك سيدي .. وسيد الناس .. يا سيد الحبايب ووووو لونك أبهى لون وكفاك العيون آه للإبتسامة كالنغم الحنون نظراتك لهيب وتثير الشجون
و مااافى دااااعى......!!!!
Post: #363 Title: Re: الحب في المنبر Author: محمد المرتضى حامد Date: 06-23-2007, 01:10 PM Parent: #362
Quote: إرتعاااشاتااك بتحكي قصة أحلاااامك معااااي
والله يامحمد صحي الكلام الفوق ده ما كلام نصاح، يا محمد كلمة (إرتعاشاتك) اللي عملت ليها ألف ألِف طالعه دي لما ارتعشت حروفا ذاتا كلمه ما هينه وهي من قاموس المفردات التى لاتشرح بل تُحَس فقط. وهي من الكلمات اللي مجرد قراءتها يُسري في جسدك موجة سريعة مركزها تحت الأذنين تتجه من الرقبه إلى الصدر لزوم الترجمه في منطقة العمليات ، شباب اليومين دي يسمي تلك المنطقه (حنانك) ، ثم تتجه تلك الموجه ب U turn إلى الظهر لتقوم بتعديل أي إنزلاق غضروفي أو أي حالة عدم إنتباه أو سهو ( والرعشة هنا تسمى انتفاضه ). لاحظ انو دي إرتعاشة واحده دعك عن عدد من الإرتعاشات . وبالطبع أبوصلاح كان عالما في جراحة الأعصاب ولم يك صعبا عليه متابعة ممرات تلك الأحاسيس حين قال : من هواك أنا جسمي دايما في ارتعاد ، والإرتعاد و الإرتعاش كلمتان تفيدا الحال التي يكون عليها زولنا ورغم تقاربهما في المعنى إلا أن ناس وأهل اللغة عندهم كلام تاني عن المصطلحات التي تستخدم لحركات أعضاء جسم الإنسان دون تحريكه لها كارتعاد الفريصة ونبض العرق وضربان الجرح وخفقان القلب واختلاج العين وارتعاش اليد الخ... . والغريبة كل تلك الحركات تلازم حالات الحب الجديد لنج بالذات أيام الثانوي العام ، مش كده يا طراوه؟ ياسلام على ( الوعي المبكر والعاطفه النبيله) ، نرجع للإرتعاش ، وطبعا ما أظنك ناسي صلاح بن البادية في أغنية وشوشني العبير حين يصل الى : يد الحرير ارتعشت ، إرتعشت بكيت من رعششششتهااااا ، بكيييييييييتُ .... تن تارا تن تارا تن تارا تان تارا تان تارا تان تان ، ووردي رجع لقصة الرعشة مره تانيه في قصة البت (هاله) وقال لمن شفتك شعرت الرعشه من راسي لي كرعي. من ثم فإن الإرتعاش يكون لليد ، زي قالب الجلي يعني ، أما الإرتعاد فيكون للفريصة وهي لحمة عند الكتف تضطرب عند الخوف كما يقول أهل اللغة وقال حسان بن ثابت: شك الفريصة بالمدرى ، فأنفذها ... طعن المبيطر إذ يشفى من العضد مقذوفة بدخيس النحض بازلها ... له صريف ، صريف القعو بالمسد
والمعنى واضح .
أغرب حاجه يا محمد إنو ناس المويه عندهم خبراء بيتحسسوا وجود أنابيب المياه تحت الأرض في منطقه ما بسلك في شكل 7 ويرتعش السلك في يدهم بشده عند وجود أنبوب ماء تحت الأرض ، برضو في واحد صاحبي كان لما يجي ماري ببيت بيعرف من خارج السور انو البيت ده فيهو بت سمحه ولاّ لا ، وده سببو المجال المغنطيسي لساكني البيت والقصه دي بيسموها ناس( الباز) وناس ( ناسا) Remote Sensor أو التحسس من البعد بواسطة الأقمار الإصطناعيه ، شوف بالله يا محمد ، زمان كنا بنراقب الأقمار هسّه الأقمار بقت تراقبنا.
دنيا
Post: #364 Title: Re: الحب في المنبر Author: محمد عثمان Date: 06-23-2007, 01:40 PM Parent: #1
ود المرتضى....
لكن ما محاااضرة فى التشريح الوجدااانى و زولك الشااعر الفلسطينى الذى كتب للفنان صلااح بن الباادية ليلة السبت طاار عبر الفضاء و لا ابولو فى السبعينااات:
وجمعت باقات الزهور هنا ولكم .. بازهارى تزينتى القيتها بجوار مقعدنا الخالى حزينا اذ تخلفتى وبكى المساء الوردى وارتعشت كل النجوم .. عشية السبت
وحملت .. اشواقى وعدت بها متلفحا بالليل .. والصمت
و ارتعاااش النجوم دا يقولوا عليهو شنو..؟؟؟؟
عاايتو انا داير محامى بعد كدا...!!!
يديك العاافية...
Post: #365 Title: Re: الحب في المنبر Author: Osman Musa Date: 06-23-2007, 02:41 PM Parent: #364
والله يا محمد المرتضى انا لما أدخل البوست ده بتكيف _ كلام الاخوان هنا كلام زى الورد. يا سلام تحياتى . اخيكم . عثمان عبدالرحيم موسى .
Post: #366 Title: Re: الحب في المنبر Author: محمد المرتضى حامد Date: 06-24-2007, 10:52 AM Parent: #364
محمد عثمان، يوم السبت ده الحاجه الوحيده الكويسه فيهو ليلة السبت نفسها. أغنية ليلة السبت دي ومعها (كلمة) لمحمد يوسف موسى كانتا من مقدسات صديق عزيز وظلتاعنده لزمن طويل كميثاق العمل الوطني عند الإشتراكيين العرب ، لكن يا محمد أغنية سال من شعرها الذهب دي عندها مكانه خاصه في القلب هي وشاعرها أبوآمنه رحمه الله. والله أبوآمنه ده يتحبّ في كل إتجاه.
Post: #367 Title: Re: الحب في المنبر Author: د.محمد حسن Date: 06-24-2007, 12:36 PM Parent: #1
واجما ماقيل في الانتظار والارتعاش ما تغني به ندي الصوت خليل اسماعيل
وطالت وقفة الاشواق معاي جنب المكان زاتو انا ورعشة ظلال الليل وقلبي حزينة دقاتو فات ميعادنا فات روح وشال الليل حكاياته
وجـــــــــــــــــــــــع
Post: #368 Title: Re: الحب في المنبر Author: Osman Musa Date: 06-25-2007, 01:22 AM Parent: #367
نتابع
Post: #369 Title: Re: الحب في المنبر Author: محمد المرتضى حامد Date: 06-26-2007, 09:41 AM Parent: #367
اللهم ارحم كل الراحلين عن دار البوار هذه واسكنهم فردوسا عرضها السموات والأرض، اللهم أزل عن قلوبنا كل ما يعيبها واترعها بالحب والتسامح. العبوس غرّاره.
Post: #370 Title: Re: الحب في المنبر Author: Sawsan Ahmed Date: 06-26-2007, 01:50 PM Parent: #369
الاستاذ محمد المرتضي! انشاءالله عافيه.. شكرا ليك ولكل ضيوفك هنا..
الصمت هو ابلغ تعبير ...
لكن الناس دي محتحته حـب ..بختهم
Post: #371 Title: Re: الحب في المنبر Author: محمد عثمان Date: 06-26-2007, 02:15 PM Parent: #370
Quote: محمد عثمان، يوم السبت ده الحاجه الوحيده الكويسه فيهو ليلة السبت نفسها. أغنية ليلة السبت دي ومعها (كلمة) لمحمد يوسف موسى كانتا من مقدسات صديق عزيز وظلتاعنده لزمن طويل كميثاق العمل الوطني عند الإشتراكيين العرب ، لكن يا محمد أغنية سال من شعرها الذهب دي عندها مكانه خاصه في القلب هي وشاعرها أبوآمنه رحمه الله. والله أبوآمنه ده يتحبّ في كل إتجاه
ود المرتضى...
غاايتو ما تذكرنا سبت المدرسة زمااان..!!! الحاااجة المحيرااانى ليه الشااعر اختار يوم السبت..؟؟؟ شرة يوم السبت...حاااجة تحير..! ليلة السبت شااعرها فلسطينى و ليس محمد يوسف موسى انا شخصيا كنت حتى زمن قريب اعتقد ان من كتبها هو محمد يوسف موسى..حتى صححنى احد الاخوان... محمد موسى كتب الكثير من الاعماال الجميلة..للفنان ود الباادية...برواااقة كدا بنجيها راجعين و ايضا هناك يا صوتها لما سرى والفنان سيد خليفة و طبعا للاغنية قصة طويلة........بنرجع ليها برضو..!! عذبنى و زيد عذابك..و زى ما نسانى قلبك يمكن قلبى ينسى...وردى طبعا وايضا محمد يوسف موسى... معليش الظااهر سرحنا بعيدا مع محمد يوسف...
طال انتظاار ليلة السبت.. و قبل ميعاادنا بسااعتين و رجيتك فى انتظار عينيك كملت الصبر كلو و راح الميعااد و زمانى راح و اوعك تخلف الميعااد
عليك الله شوف كم شااعر كتب الكلاام الفوق دا و كلها موااعيدو لقاءات... و المحيرنى الزول القال: اغالط نفسى فى اصرار و اقول يمكن انا الما جيت كلاااااااااااااااااام و بس...
تخريمة: شكرا سوسن على انتشال البوست من الاعماااق لى يومين بفتش عليهو..
شكرا كتير...
Post: #372 Title: Re: الحب في المنبر Author: الطيب شيقوق Date: 06-26-2007, 04:25 PM Parent: #371
اقسم بالله انا بقرأ في المداخلة بتاعتك دى يا المرتضى وكنت زى الانسان المنبطح لعملية مساج ولما وصلت الحتة بتاعة يد الحرير ارتعشت وتن تار وتن تار وتن تار وقفت على طولى وانا في المكتب و بديت اعمل في حركات لا ارادية بعد شوية فتّحت وقلت استغفر الله .
وحياتك يا المرتضى كب الحب كلوووووووووووووو في الهواء الاسفيري ده قبل اعصار باكستان ما يجينا .
Post: #373 Title: Re: الحب في المنبر Author: أحمد طراوه Date: 06-26-2007, 07:01 PM Parent: #1
... الي كل من يجمعون باقات الورود و يُعدون مفتخر الثياب في انتظار ليلة السبت .. كتب القصيدة شاعر اسمو ( محمد حسيب القاضى) ! لا ادرى ان كان فلسطينى او من الشوام عموما او من فلسطينيى غزة الذين عاشوا و تعلموا في مصر ! و واضح انو يوم الخميس و منذ عهد السودان التركى ، هو يوم (الحفلة و الرقيص ) .. اذ يقول الحردلو (محمد احمد ابوسن) : الزول السمح يوم الخميس واعدنا .. ومن ديم كسلا كان فتنا منو بِعدنا .. يا عبد الامين ما شفتو كيف واددنا .. ترا دا المنسينا العقاب و بلدنا ! وصدق من قال : خاصمت الكل علشان حِبانى ..
Post: #374 Title: Re: الحب في المنبر Author: Muna Khugali Date: 06-26-2007, 09:55 PM Parent: #373
لغاية الليل ما يطمئن في سكونه..
مع حبي لكم جميعا..
Post: #375 Title: Re: الحب في المنبر Author: Osman Musa Date: 06-27-2007, 02:46 AM Parent: #374
( ضرب بموت الشاعر المحب مضاض المثل فى زمانه . قال رجل من أهل الطائف يقال له بهنان ، كان من أهل هزان بن سكسك : ____ أموت اذا جد الفراق بيثرب . كما مات من حر الفراق مضاض فتى لم يخن لكن ردى الدهر خانه . تولى وللأيام فيه عضاض فباد ويحيى ذكره بعد موته . حديث على طول الزمان مفاض وخاض ببحر لم يكن منه مصدر . بعيد على الوراد ليس يخاض دعاه وقد قضى من الموت نحبه . بنات الثرى من دونهن رياض ___
لقد مات مضاض وهو يشكو ظمأ المسامحة . وماتت فى أثره مى تشكو ظمأ الندم وكان أول الذين ماتوا عشقا فى الجاهلية . ( يا سلام ع .....
Post: #376 Title: Re: الحب في المنبر Author: محمد المرتضى حامد Date: 06-28-2007, 02:14 PM Parent: #375
Quote: شكرا ليك ولكل ضيوفك هنا..
الصمت هو ابلغ تعبير ...
ولك الشكر يا سوسن على التواصل ، كلمة التواصل دي تستخدم بتراكيب مختلفه وابن
زيدون المحب حد الدله والوله يكثر من كلمة الوصل ويتباكى على زمانه مع بنت
المستكفي في مناطق كاتالونيا وبرشلونه وعوض الكريم عبدالله سمعتو بقول حرموني من
الوصال حرموني الحب الحلال ، على أية حال التواصل والوصل والوصال والصلة ، خصوصا صلة
عودة لكلماتك أود التعقيب بأن الصمت في حرم الجمال جمال لكن الجمال الذي غطى به
الأحباب هذه المساحة يناديك : يا سوسن هل من مزيد.
الذين يكتبون هنا بندى الياسمين يا سوسن ليسوا ضيوفي بل هم أصحاب هذه المساحة ، ما
أن يسمعوا مترنما حاديا كان أو شادي ، عاشقا كان أو هاو ، رائحا كان أو غاد إلا أتوه
من كل فج عميق ، بعضهم يواسي بعضا ونفر منهم يحمل شحنات عاليه من العشق لو لامست
الهاي تنشن لاينز وأبراجها لانصهرت. و بعضهم جاء ليدعوا لي أن يصبح حالي كالذي تعلق
بأستار الكعبة وسأل ربه أن يزيده عشقا في الحِنَينَه المغنيسيوم كما يغني نزار وكاظم
زيديني عشقا زيديني. تعرفي قصة المغنسيوم دي عاجباني من زمن المدرسه وقبل مده لقيت
واحد كاتب مقال يتمنى (المرأة المغنسيوم ) التي تشع وتتوهج من الداخل وعجبني
التشبيه ، مش زي تلك التي تلعب دور تشالنجر أو ديسكفري ترفعها صواريخ الدفع من الأرض
إلى مراق عاليات وعندما تصبح قاب قوسين أو أدنى من الغلاف الجوي تتخلى عن تلك
الصواريخ فتسقط الأخيرة هذه في محيط الأسى أو الأطلنطي أو بحر الظلمات، طبعا دي قال
فيها محمد يوسف موسى (بشعري رفعتك أسمى مكانه يا الجازيتني بكسر جناحي) ، أها يا
سوسن الناس اللي بيكتبوا هنا ديل متصالحين مع دواخلهم أيا كانت مواقعهم وهم لم
يأتوا بطلب من أحد لكن سمعوا مناغمتي وجو يفقدوني و يتبنوني وأنا سعيد بمجيئهم
وسأظل أنادي في الباقين حي على الحب حي على التسامح حي على الجمال من الوريد الى
الوريد ، وعلى قلوب العاشقين في الأقاليم مراعاة فروق النبض.
Post: #377 Title: Re: الحب في المنبر Author: ibrahim fadlalla Date: 06-28-2007, 02:45 PM Parent: #1
Quote: صدقوني إن عدد القصائد هنا لاتكفي لتنفس عاشق واحد كتمبس ، والكلمات الورود والتعابير الأزاهير أصبحت في السوق السوداء
نعم..أيها الصديق الـ "ما بينهبش باليد"..محمد المرتضى حامدالأجواء في المنبر سوداوية إلى حد كبير..وممتلئة بمعارك وهمية ...وعرسان مختلفين لقضة واحدة أو لقضايا متعددة ..ما فرقت ..لكنها في الخلاصة..عرسة لا تقدم جديدا يغير في واقع حياتنا ..بقدر ما هي تعكر صفونا وتخرب أمزجتنا الصباحية الرايقة ... بدل ما الواحد يدخل المنبر بحثا عن كوتته الإيجابية ..ليبدأ بها يومه ... يلقى الكتاحة قايمة ..بين زعيط ومعيط ..
شكرا لك ..وللمتداخلين ...على هذه الروح الحية ..المنعشة التي تعطر هذا الحوش... ..عن الحب ...والورود ..سيأتي كلام...لو مد في الأجل...وظل بابكم متركشاً.. ودي وتقديري ...مزيج بمزاج ...
Post: #378 Title: Re: الحب في المنبر Author: محمد عثمان Date: 06-28-2007, 09:31 PM Parent: #1
Quote: ... الي كل من يجمعون باقات الورود و يُعدون مفتخر الثياب في انتظار ليلة السبت .. كتب القصيدة شاعر اسمو ( محمد حسيب القاضى) ! لا ادرى ان كان فلسطينى او من الشوام عموما او من فلسطينيى غزة الذين عاشوا و تعلموا في مصر ! و واضح انو يوم الخميس و منذ عهد السودان التركى ، هو يوم (الحفلة و الرقيص ) .. اذ يقول الحردلو (محمد احمد ابوسن) : الزول السمح يوم الخميس واعدنا .. ومن ديم كسلا كان فتنا منو بِعدنا .. يا عبد الامين ما شفتو كيف واددنا .. ترا دا المنسينا العقاب و بلدنا ! وصدق من قال : خاصمت الكل علشان حِبانى ..
الجميل احمد طرااوة...
والله ما قصرت تب و شكرا للمعلومة و لتحية و التقدير للشااعر محمد يوسف موسى..
يديك العاافية...
Post: #379 Title: Re: الحب في المنبر Author: Sawsan Ahmed Date: 06-28-2007, 09:54 PM Parent: #378
[تخريمة: شكرا سوسن على انتشال البوست من الاعماااق لى يومين بفتش عليهو..
شكرا كتير...]
الاخ محمد عثمان
قادر تتخيل لمن تكون في ضيقه والفرج يفتح ليك باب اهو البوست ده بحسه مفتاح فرج!!! كل مايختفي برفعه لكن الله غالب الناس فيه ما بقدر علي حروفهم بنقراءها وبنزوق ممكن نحاول لكن المحاوله ذاتها صعبه عشان كده هو ذي البحر تمشي ليه وتونس في صمت وامكن تغني وامكن تشكي وتبكي وترجع خايف يشوفك زول وتبقي في السؤال مالك وتغلبك الاجابه.......
لك التقدير
Post: #381 Title: Re: الحب في المنبر Author: محمد عثمان Date: 06-29-2007, 05:48 PM Parent: #1
Quote: الاخ محمد عثمان
قادر تتخيل لمن تكون في ضيقه والفرج يفتح ليك باب اهو البوست ده بحسه مفتاح فرج!!! كل مايختفي برفعه لكن الله غالب الناس فيه ما بقدر علي حروفهم بنقراءها وبنزوق ممكن نحاول لكن المحاوله ذاتها صعبه عشان كده هو ذي البحر تمشي ليه وتونس في صمت وامكن تغني وامكن تشكي وتبكي وترجع خايف يشوفك زول وتبقي في السؤال مالك وتغلبك الاجابه.......
لك التقدير
سوسن...
التسجيل هنا فى هذا البوست اتوماتيكيا...البيدخل هناااا لن يستطيع الخروج و يلا ابقى ماسكة لوحك...و البيت بيتك.. و الحب ديدن الجميع هناا فى هذا البوست الذى تمكن من فك شفرة ارتعاشناا اصبح لنا واحة نستظل بها من هجير حاااجااات كتيرة و اصبح الملاذ الامن الذى نهرب اليه حتى لا تصيبنا الشظاايا التى تنطلق من هنا و هنااك عشوائيا..!!! نذكر لو المرتضى و بقية الناس الحلوين الهناااا انهم كسروا لنا ا شفرة لغة الجان فاتاحوا لنا مداخل كنوز وادى عبقر .. وفتحوا لنا عوالم الليل.. وكما قيل ان خاويت الليل فتح لك مغاليق صمته..
لن نتركك تذهبين للبحر وحدك..و البحر ايضا لم يتركه الشعرا وحيدا و حدربى محمد سعيد فى راائعة محمد ميرغنى: ياا الناااااازلة ماشه على البحر.. سااعة الحلب سااعة الشمس ياادوب بتطلع.... و الشعااع من بين فتيحاات الغصون رقرق على قش الدرب....
و قبله جعل ابن الشرق بااازرعة البحر شااهدا على حااله و هو يحكى عن ايااام خلت: يا ربا البحر أشهدي هاهنا كان موعدي وهنا كان مقعدي أنا والنجم والمساء
الراحل مصطفى سيد احمد ايضا كان له صولاات مع البحر عندما غنى: وفى البحر .. إنتظزنى .. أنتظرنى فى حفيف الأجنحة والمساءات الطيور النازحة حين تنهد المزارات و تسود سماء البارحة.. إنتظرنى..إنتظرنى و ايضا اغنيته المشهورة عجاااج البحر: يراقصني عجاج البحر .. ترعد داخلي الأمطار يكلمني تراب الأرض .. تشدو قلبي الأوتار .. أغنيكم .. أغنيكم .. أغني جذوة النار التي فيكم ..
و عتيق لم ينسى ليلته فى شاطئ النهر: ما بنسي ليلة كنا في شاطي النهر نتعاطي خمر الحب بكاسات الزهر والبدر مزق ظلمته و سفر ازدهر في النيل سطع بي نوره واتقطع بهر
و ننتظر الجميل احمد طرااوة يتم لينا الباااقى...ان كان فى الكاس باااق..
شفتى البحر كيف..؟؟؟ على وزن اغنية فيروز.. شايف البحر...!!!
يديك العااافية....
Post: #382 Title: Re: الحب في المنبر Author: محمد المرتضى حامد Date: 06-29-2007, 10:32 PM Parent: #381
Quote: الأجواء في المنبر سوداوية إلى حد كبير..وممتلئة بمعارك وهمية ...
إبراهيم فضل الله..
والله صدقت ، تعرف يا أبوخليل لو عرف أصحابنا أن الثابت الوحيد في هذه الدنيا هو
التغيُّر ما تجرأ أحد على الشطط والفجور في الخصومة ، نظرة سريعة للتاريخ البشري تكفي
كل ذي بصيرة أن يفكر مرتين قبل أن يتمترس في خندق ويطلق لسانه كخزنة الكلاشينكوف
وكل همه أن يبيد من يتخندق في الجانب الآخر مع انو يا ابراهيم احتمال أن يصبح ذات
الشخص منتميا للخندق الآخر أكبر من احتمال أن يبقى مع من يقاتل معهم اليوم خلف
أكياس الرمل ويترك رفاق الأمس يتنادوا مصبحين يقلبون كفا على كف وينشدون مع الجابري
هات يازمن جيب كل أحزانك تعال جيب المحن ، على الأقل هذا ما تعلمناه من التاريخ
السياسي السوداني بالذات قديمه وحديثه . يا سيدي إن قلب المرء بين أصابع الرحمن
يقلبه كيفما شاء ، لكننا مع هذا الحراك والتقلُّب وقانون التناقض لا نرجو سوى أن يبقى
الإحترام بين الناس هو الإطار الكبير وان يبقى الأدب ديدن كل من يحمل فكرا أو يرفع
راية يستقطب خلفها المساكين والبسطاء أمثالي لأن العامة ، وشخصي منهم ، لا يسمح
لهم وجدانهم أن يلتفوا حول لواء يرفرف عليه شعار غير شعار الإنسانية بكل ماتحمل
العبارة من معان أدناها احترام الإنسان للإنسان . ياخ نتمنى أن يصلح المولى أعمالنا
وقلوبنا وأن ننأى بأنفسنا عن قبيح القول كمرحله أولى .
يا الخليل لو أن كل سياسي طبّق ما ينادي به على نفسه لأصبح بلدنا يوتوبيا لم يحلم
بها فلاسفة الحضارة الهيلينية ، جنة عدن ..بس . ياخ الكلام في السياسة ده زي المشي في
بلدان الزراعة في (الدَرَت) لازم جلابيتك تتملي حسكنيت ونعلاتك (ضِريسَا) ، ووفقا لتجربتي
المتواضعة وجدت مجادلة كثير من يصنفون أنفسهم ساسة كلقيط الباميه ( الضَرَّابَه) أو
الكركديه ( الأنقارا) كما يسمى في كردفان ودارفور ، تنتهي من جمعها لكن يبقى في
عثمان موسى، أخونا أحمد ده لما يتكلم عن الغنا وتاريخو بيكون في الأصل بيتكلم عن تاريخ الحب والجمال ، كدى خليهو يقول ليك قصة الشاعر اللي جا ولقي المحبوبه نايمه قال فيها شنو ، ما تخلط بين حالة ناعس الأجفان والناعسات عَيوني ، أنا باتكلم عن السمحه وهي نايمه وفي مرحلة من النوم بيحصل frequent blinking للجفنين ناس طراوه ديل في الطب بيسمو الحاله دي ال Rabbit Eye Movement ونحن بنسميها حركات التحرر.
Post: #387 Title: Re: الحب في المنبر Author: Sawsan Ahmed Date: 07-04-2007, 11:42 AM Parent: #386
Quote: الأجواء في المنبر سوداوية إلى حد كبير..وممتلئة بمعارك وهمية
عشان كده نرفع البوست ده عشان يخفف الهجير يا مرتضي!
الجمال والحب برغم الجرح والنزيف لانه ده الدواء
Post: #388 Title: Re: الحب في المنبر Author: الطيب شيقوق Date: 07-04-2007, 12:18 PM Parent: #387
هاكم الجن ده
يكاد يصرعها لولا تشددها ... إذا تقوم إلى جاراتها الكسل
إذا تلاعب قرناً ساعةً فترت ... و ارتج منها ذنوب المتن و الكفل
صفر الوشاح و ملء الدرع بهكنةٌ ... إذا تأتى يكاد الخصر ينخزل
نعم الضجيع غداة الدجن يصرعها ... للذة المرء لا جافٍ و لا تفل
فالسفح يجري فخنزيرٌ فبرقته ... حتى تدافع منه الربو فالحبل
حتى تحمل منه الماء تكلفةً ... روض القطا فكثيب الغينة السهل
يسقي دياراً لها قد أصبحت غرضاً ... زوراً تجانف عنها القود و الرسل
أبلغ يزيد بني شيبان مألكةً ... أبا ثبيتٍ أما تنفك تأتكل
ألست منتهياً عن نحت أثلتنا ... و لست ضائرها ما أطت الإبل
كناطح صخرةً يوماً ليوهنها ... فلم يضرها و أوهن قرنه الوعل
تغري بنا رهط مسعودٍ و إخوته ... يوم للقاء فتردي ثم تعتزل
تلحم أبناء ذي الجدين إن غضبوا ... أرماحنا ثم تلقاهم و تعتزل
لا تقعدن وقد أكلتها خطباً ... تعوذ من شرها يوماً و تبتهل
سائل بني أسدٍ عنا فقد علموا ... أن سوف يأتيك من أبنائنا شكل
و اسأل قشيراً و عبد الله كلهم ... و اسأل ربيعة عنا كيف نفتعل
إنا نقاتلهم حتى نقتلهم ... عند اللقاء و إن جاروا و إن جهلوا
قد كان في آل كهفٍ إن هم احتربوا ... و الجاشرية من يسعى و ينتضل
لئن قتلتم عميداً لم يكن صدداً ... لنقتلن مثله منكم فنمتثل
لئن منيت بنا عن غب معركةٍ ... لا تلفنا عن دماء القوم ننتقل
لا تنتهون و لن ينهى ذوي شططٍ ... كالطعن يذهب فيه الزيت و الفتل
حتى يظل عميد القوم مرتفقاً ... يدفع بالراح عنه نسوةٌ عجل
أصابه هندوانٌي فأقصده ... أو ذابلٌ من رماح الخط معتدل
كلا زعمتم بأنا لا نقاتلكم ... إنا لأمثالكم يا قومنا قتل
نحن الفوارس يوم الحنو ضاحيةً ... جنبي فطيمة لا ميلٌ و لا عزل
قالوا الطعان فقلنا تلك عادتنا ... أو تنزلون فإنا معشرٌ نزل
الاعشى
Post: #389 Title: Re: الحب في المنبر Author: Osman Musa Date: 07-04-2007, 03:30 PM Parent: #388
يا استاذ الطيب شيقوق سلام صدق القال اخد الحكمة من افواه المجانين تحياتى
Post: #390 Title: Re: الحب في المنبر Author: Osman Musa Date: 07-08-2007, 03:33 AM Parent: #389
لا بد من أن ننقر باب حوش ناس ود المرتضى تحياتى
Post: #391 Title: Re: الحب في المنبر Author: Osman Musa Date: 07-14-2007, 03:48 AM Parent: #390
_ يا حليف الخدرى ...........
Post: #393 Title: Re: الحب في المنبر Author: Osman Musa Date: 07-14-2007, 03:38 PM Parent: #391
يا ناس
Post: #394 Title: Re: الحب في المنبر Author: محمد عثمان Date: 07-14-2007, 07:21 PM Parent: #393
Quote: يا ناس
الحبيب عثماان...
ناس ناسيانا...
Post: #395 Title: Re: الحب في المنبر Author: محمد المرتضى حامد Date: 07-15-2007, 08:48 AM Parent: #394
Quote: عشان كده نرفع البوست ده عشان يخفف الهجير يا مرتضي!
الجمال والحب برغم الجرح والنزيف لانه ده الدواء
الشكر يا سوسن ممسكة باللواء ، لواء الحب ، وإن تكاثرت الرماح ولمعت السيوف.
عثمان موسى ، خبير التنقيب عن النفائس والعناصر المشعه على حد سواء. لك مودتي يا العزيز.
محمد عثمان ، صدقني مازالت (مِتلِي كم ضايعين) تتبعني أكثر من ظلي فالأخير يغيب في المغيب.
Post: #396 Title: Re: الحب في المنبر Author: د.محمد حسن Date: 07-15-2007, 09:08 AM Parent: #1
الشاه الغارق
وانت تذكر لي افرادا من كوكبة عصابة الزمن النقي
تذكرت قصة صديقنا المقروح والذي كان منوما بمستشفى الجامعة كان يعاني من القرحة ومن احدى حسناوات الجامعة الامريكية ، وكانت متنزة بعض شئ ونسبة لتفاقم القرحة قرر صديقنا ان يقلع نمرها وكانت هذه فرصة لاخونا عادل ان يتقرب ويركب ليها لوحة جمرك اسكندرية واتته الفرصة ونحن في طريقنا لزيارة المقروح بالمستشفى وكان في معيتنا زميلاتنا الصدوقات قابلتنا الحسناء وقد زاد اكتنازها وكانت تنتعل بنطالا بالزيت نظر اليها عادل وبعد السلام قال ليها والله سمنت يافلانة ردت عليه بسذاجة عرفتني كيف تنلجلج عادل وترجرج ثم قال لها
؛( جضومك كبروا)
تحياتي للوالد الاستاذ حامد عبد الله والعقد الفريد
Post: #397 Title: Re: الحب في المنبر Author: Osman Musa Date: 07-15-2007, 11:50 PM Parent: #396
- مادام هاجرنى ... ارسلى نسيمك عليك الله يا محمد المرتضى الكلام ده كلام نصاح ؟ اغنية تخلى الواحد عينيه ترقرق .
Post: #398 Title: Re: الحب في المنبر Author: الطيب شيقوق Date: 07-16-2007, 04:08 AM Parent: #397
Quote: إذا تقوم يضوع المسك أصورةً ... و الزنبق الورد من أردانها شمل
هسع ده ما قال طابق البوخة القام نداهو يهتف عديل كده ، بس فاقد ليهو توضبة وتبربحة بجاى وبجاى عشان يستوى بس
Post: #405 Title: Re: الحب في المنبر Author: محمد المرتضى حامد Date: 07-18-2007, 10:34 AM Parent: #396
Quote: الشاه الغارق
( في خليج من أحزان)
وبمناسبة ( القرحه) يا دكتور ، طبعا ما بغالط في شغلكم لكن أنتم وناس طراوه تضللون البشر وتنسبون مسبباتها للبايلوري والباكتريا اللاهوائية وأشياء أخرى وهي منها براء ، نحن أدرى بالحقيقة. الناعسات عَيوني عيون الصيد.
Post: #399 Title: Re: الحب في المنبر Author: أحمد طراوه Date: 07-16-2007, 08:55 AM Parent: #1
و اصلا , كان ما الشى قسم وانا عقلى مُداير ..
.. و ياهو الوجه المتل قمر العشا الداير .. هو نفسو السبب الودانا ننقب في اسرار المدرسة الغنائية الاولى و التانية ... و خلاصتو لقيناهو الحب ، وتحديدا الحب اللي طرفو الرجال و النساء هو سبب كل الكلام الجميل اللي اتكتب و اللي راح يتكتب ايضا !!
Post: #400 Title: Re: الحب في المنبر Author: قرشـــو Date: 07-16-2007, 10:25 AM Parent: #1
العزيز محمد المرتضى حامد
لك التحية والسلام ولكل من مر من هنا
ولك الشكر لفتح هذه النافذة للحب ولاستنشاق عبق الحب ولتحريك حبات الحب بين الاوردة والشرايين ..
وحسنا فعلت لاخراج الناس هنا من دوامة الاحتراب مع طواحين الهواء وليكن الجهد كله للحب ولنشر الحب ولسيادة الحب بيننا وبين كل بنى البشر فهو الاجدى وهو الانفع وهو الابقى والكره يزول ويسبب الامراض ويسبب الاحقاد ويسبب الضغائن ويقود للاحتراب الحقيقى ...
جميل ان تجعل مرفأ للحب ترسو اليه قلوب المحبين وافئدة العشاق وتصبح منارته عالية تهدى كل من يريد ....
واسمحوا لى ان انقل لكم من مدونة المشاكسة ما يلى :
ليست القضيه متى سيأتي،، القضيه هل يبقى حين يأتي؟
الفصل الأول: إلتقته وهي في الثلاثين من عمرها في وقت ظنت أنها فقدت القدره على الحب والحلم والأمل وأشياء أخرى تحتاج إليها المرأه في منتصف العمر وبعد أن ذاقت من الأشياء أمرها وبعد أن حملتها الظروف من الألم فوق طاقتها وبعد أن أتسعت الفجوه بينها وبين الفرح وأصبحت السعاده من مستحيلات حياتها
الفصل الثاني: عندها جاء هو بقلبه الكبير وببحور حنانه الباحثه عن أنثى تكون نصف قلبه الآخر أقترب منها كالأحلام الهادئه عشقها بصدق فرسان الحكايات القديمه وطرق بابها في أشد مراحل عمرها ظلمه ليمنحها باقه من النور لم يكن آخر أطواق النجاة بالنسبه إليها بل كان الشاطيء والقبطان والسفينه
الفصل الثالث: غيرها تماما نسفها داخليا وخارجيا لون كل المساحات السوداء في داخلها فتعلقت به تعلق الأم بطفلها وتعلق الأنثى بفارسها وتعلق الإنسان بوطنه وشعرت معه بأمان لم تشعر به طيلة سنواتها
الفصل الرابع: أقترب من أعماقها أكثر ملأ إحساسها كالدم بجسدها ملأ حياتها كالهواء في رأتيها كانت تنام على وعوده وتستيقظ على صوته تمادت معه بأحلامها منحت نفسها حق الحلم كسواها حلمت بأطفال بعدد نجوم السماء وبقدره إلهيه تهديه أياها وبليله من العمر تجمعهما في جنه فوق الأرض تعيش فيها معه
الفصل الخامس: كان رجلا رومانسيا شفافا بادلها أحلامها بنقاء لم تكن بالنسبه إليه حكايه يسعى إلى إنهاء دوره فيها ولم يكتبها رقما في أجندته ولم يسجلها موعدا قابلا للإنتهاء كانت أشياء أخرى أحساسا مختلفا وإمرأه لا يمكن تصور حياته من دونها
الفصل السادس: إعتادت على وجوده في حياتها تماما كما إعتاد هو على وجودها في عالمه كان إحساسها طاهرا نقيا لم تدنسه مواعيد الغرام ولم تلوثه اللقاءات المحرمه كان يصونها كعرضه وكانت تحفظه كعينيها
الفصل السابع: سألها يوما : ماذا لو خنتك؟ قالت : سأقتلك. قال : وماذا لو مت؟ قالت : ستقتلني. عندها أدرك أنها إمرأه ترفض الحياة من دونه وبغير وجوده فتمسك بحياته أكثر وتمنى أن يعيش إلى الأبد كي يجنبها ألم فقدانه وفجيعة رحيله
الفصل الثامن: منذ أن عرفته وهي تعشق المساء جدا ففي المساء يأتي صوته حاملا لها فرح العالم كله ويعيدها رنين هاتفها إلى الحياة التي بفارقها حين تفارقه ويفارقها وما أن ترفع السماعه حتى يبادرها متسائلا: من تحبين أكثر؟ أنا؟ أم أنا؟ فتجيبه بطفولة إمرأه عاشقه: أحبك أنت أكثر من أنت. ثم يتجولان معا في عالم من الأحلام الجميله
الفصل التاسع: وهذا المساء إنتظرت صوته كالعاده ومرت الدقائق وتليها الساعات شيء ما في قلبها بدأ يشتعل شيء ما تتجاهل صوته لكنه يلح شيء ما يصرخ فيها أنه لن يعود وشيء ما يوقض في داخلها كل شكوك وظنون الأنثى في لحظة الإنتظار ترى هل نسى؟ ترى هل خان؟ هل رحل؟ ومع أول إشعاع نور للصباح حادثها أحدهم ليخبرها بضرورة وجودها في المستشفى لأن أحدهم يصر على رؤيتها قبل دخوله غرفة العمليات
الفصل العاشر: وهناك إلتقته باسما في وجهها كعادته برغم الألم قال لها: \"سامحيني أعلم أن رحيلي سيسرق منك كل شيء ،، وأعلم كيف ستكون لياليك من بعدي وأعلم مساحة الرعب التي سيخلفها رحيلي في داخلك وأعلم أنه لا شيء سيملأ الفراغ خلفي وأعلم كم ستقتلك البقايا وأعلم كم ستكسرك الذكرى وأعلم تحت أي مقاصل العذاب ستنامين وفي أي مشانق العذاب والإنتظار ستتعلقين وأعلم كم ستبكين وكيف ستبكين وأعلم أني قد خذلتك وأعلم أنك ستغفرين
الفصل الحادي عشر: ومضى إلى مصير تجهله كانت رائحة الوداع تملأ حديثه لكنها تعلقت بآخر قشه للأمل وإنتظرت إنتظرت إنتظرت وكانت تردد بينها وبين نفسها ماذا لو أنه رحل؟ ماذا ن لون حياتها؟ بل ماذا سيتبقى من حياتها؟ لم تحتمل ثقل سؤالها. فجلست على الأرض. ما عادت قدماها تقويان على حملها إستندت إلى الجدار في إنتظار حكم الحياة عليها
الفصل الثاني عشر: ومن بعيد لمحته يأتي يتقدم نحوها إنه الطبيب الذي أجرى له العمليه تمنت أن يقف مكانه أن لا يتقدم أكثر أن لا يفتح فمه بنبأ رحيله دقات قلبها تزداد ،، أنفاسها تتصاعد ترى هل رحل؟ أغمضت عينيها ووضعت يديها على أذنيها لا تريد أن تسمع لا تملك القدره على أن تسمع نبأ كهذا النبأ
الفصل الثالث عشر: لا أحد يعلم كم من الوقت مر قبل أن يصلها الطبيب ربما لحظات ،، ربما سنوات ،، لكنه أخيرا وصل وقف أمامها باسما قائلا: كتب له عمر جديد يا سيدتي نجحت العمليه وسيعيش وإنتظر أن ينطق منها صوت الفرح لكنها صمتت لم تنطق ولن تنطق أبدا لقد رحلت ،، قتلها الإنتظار والخوف والترقب
الفصل الرابع عشر: عفوا إنها إمرأه وصلت بتعلقها به إلى درجة رفض الحياة في غيابه
هل توجد مثل هذه المرأه الآن؟ هل يوجد مثل هذا الرجل الآن؟
وأخيرا يا ترى من قتل من؟
Post: #401 Title: Re: الحب في المنبر Author: محمد عثمان Date: 07-16-2007, 06:37 PM Parent: #1
ماجنيت في هوااك وماعلي جنااح أشتكيت للقمري لم يعيرني جنااح يكفي لسااني الغنى ليك وليك كم نااح لورثيت به حيااتي ماإحتجت لي منااح
Post: #402 Title: Re: الحب في المنبر Author: محمد المرتضى حامد Date: 07-17-2007, 08:33 PM Parent: #401
قرشو، شكرا على الحضور تتلمس خطاك عتبات العشق المقدسة هذه ، سؤالك المستفز الضاج في صمت يدفق مدادا طالما ادخره أهل الحب ممن كتبتهم الكلمات هنا ، ففيهم المتبتل والعاكف والراهب ، منهم من تعتَّق ولهه ومنهم من ينتظر وبدّلوا ولم يتبدَّلوا. تختلج صدورهم ببراكين وحمم حميمة سالكين طرق الحرير في بحث لاينتهي عن الصدر الوطن ، ديل يا قرشو بنقول عليهم ناس التيار الصدري. زمرة تبذل الروح رخيصة لأجل الحبيب ، فداك نفسي. يحملون أطلسا ملوَّنا به كل التفاصيل من خرائط تبين مواقع السهاد ومنحنيات السهر وأودية الهلاك وكل طبوغرافيا مناطق التدله واحتمالات الزلازل والإرتعاش ، بين الأكمة يتغنون بكورال جماعي ينادون الحبيب في السِماك الأعلى وكل يلهج ( خفت في المستقبل أهدي ليك الروح وانت بي لاتقبل .. أكون محروم) محروم . ديل يا بركه ، في تفانيهم فناهم ، بيذكِّروك جماعة الجميل مارلون براندو في رائعته (القيامه الآن) الحتف رهن الإشارة . ياسلام على الحبيب البيمسِّخ غيابو الدنيا ويخليك تناهد ورا أبوداؤود (من بعدك أصبح حظي زي لون هضليمك .. يا نعيم الدنيا). مش في واحد/ة قال/ت لا أبغي حبا يمكنني العيش معه ولكنني أبغي حبا لا يمكنني العيش بدونه؟ ديل يا العزيز ذاتم البيقدموا طلب اللجوء العاطفي لمعشوقيهم وكل فحوى عرضحالهم شطر من بيت شاعر قال ( خلِّي من حضنك ضرايا).
Post: #404 Title: Re: الحب في المنبر Author: الطيب شيقوق Date: 07-18-2007, 07:04 AM Parent: #402
المرتضى ويا قرشو
Quote: يحملون أطلسا ملوَّنا به كل التفاصيل من خرائط تبين مواقع السهاد ومنحنيات السهر وأودية الهلاك وكل طبوغرافيا مناطق التدله واحتمالات الزلازل والإرتعاش
المرتضى يا اخوى كان تريحنا وتقول يحملون GPS ومقياس رختر ومهم جدا انت وقرشو تكونان مزودين باجهزة الانذار المبكر ضد الكوارث العاطفية .
Post: #406 Title: Re: الحب في المنبر Author: محمد عثمان Date: 07-18-2007, 10:39 AM Parent: #1
Post: #407 Title: Re: الحب في المنبر Author: د.محمد حسن Date: 07-18-2007, 12:33 PM Parent: #1
المريخي الشاه
اتفق معك في اسباب القروح وابرئ الباكتيريا وقد كان اسم الاغنية انة المقروح ولظرف غير طارئ تحولت القاف جيم وكلها تدمي
Post: #408 Title: Re: الحب في المنبر Author: محمد المرتضى حامد Date: 07-18-2007, 09:04 PM Parent: #407
جيت لقيت باب الغرام فاتح دخلت ومن شراب الريد يا مسكين نهلت
رحمك الله يا حنجرة ماسية لن تتكرر ... الجابري.
كنت جاهل والعشق ظنيتو ساهل إلا يا ريتك عرفت .. عرفت وما جهلت.
يا محمد عثمان وقلبك المتيَّم الله يعلِّي مقامك ويريِّحك دنيا وآخره
Post: #409 Title: Re: الحب في المنبر Author: Osman Musa Date: 07-19-2007, 01:26 AM Parent: #408
ياسلام عليكن .
Post: #410 Title: Re: الحب في المنبر Author: محمد المرتضى حامد Date: 07-24-2007, 08:11 AM Parent: #409
Quote: و اصلا , كان ما الشى قسم وانا عقلى مُداير ..
طراوه ، الله يعينك اليومين ديل ويعدل العقل المداير، ياخ دي مرقتها من وين؟ ذكّرتني القال :
ما تصدقيهم لو قالوا ليك جنّيت ....... ما أنا بعدك ما عندي عقلا بيهو أجِن.
محبتي وعذرا للغياب .
Post: #411 Title: Re: الحب في المنبر Author: محمد عثمان Date: 07-24-2007, 04:05 PM Parent: #1
و كنت جااهل و العشق ظنيتو سااهل.. الا ياا ريتك عرفت عرفت و ما جهلت.. المحااسن اغرتك و بقيت عشوقه.. انت قاايل عااصفة المحبة شفوقه... دى المحبة و انت سااير فى طريقه... لماا بكرة تصحى بتلاااقى الحقيقة..
Post: #412 Title: Re: الحب في المنبر Author: محمد المرتضى حامد Date: 07-26-2007, 07:42 PM Parent: #411
Quote: كنت جاهل والعشق ظنيتو ساهل.
تعرف يا محمد القصيده دي ولحنها وأداء الجابري عمل متكامل لكن مزعلني فيها كلام (عكس ما إنك ..بريدك) وتركه المصير للمقادير ، لكن عكس ما إنك بريدك دي يقولها بعضهم أو بعضهن لأجل تلقي المزيد من التوكيد و الدعم اللوجستي تجاه القلب لأنو عبارات زي دي الواحد ما بيفكها إلا بضمانه وهو أسلوب للشعللة مستحب في المنحنيات التي تمر بها المشاعر وبعضهم يبتغي منها (إضاءة خفايا الخفايا) وعندما يطلق الواحد منهم تلك العبارة يكون حتما في انتظار رد ممعن الأيجابية من نوع (يعني كيفن ما بريدك) وهنا تفتَرُّ الشفاه عن بسمة رضا تتجلى في بدايات الصف الأعلى من الأسنان البيسموه ناس ود القرشي ال smile line ونحن بنسميهو خط النار وعادة ما يصاحبه إسبال نص كم للجفون وبعدها يصل العشاق الى سطح القمر في جاذبية هي سدس ما في الأرض ويبقى المشي زي ناس آرمسترونج وألدرين وكل جماعة أبوللو شعراءا كانوا ، رواد فضاء أو عاشقين ، ويا حبيبي .. ايدي وايدك .. إيدي وايدك، وتعزف الأرض معهما أغاني الخريف والربيع وآلاف الفصول ..
Post: #413 Title: Re: الحب في المنبر Author: Haytham Abdulaziz Date: 07-27-2007, 00:40 AM Parent: #412
Quote: و جيت لقيت باب الغرام ... فاتح ... فاتح و دخلت
و أنا جيت لقيت باب البوست فاتح و دخلت من دون إذنك و كنت جاهل و العشق ظنيتو ساهل...
Quote: كنت جاهل والعشق ظنيتو ساهل
و هاهي يا عزيزي مرتضى بالصوت و الصورة .... و كيف مسقط على حسك ... و تقبل تحيات خالد قيلي و الفاتح خليل لو بتعرفهم....
Post: #414 Title: Re: الحب في المنبر Author: محمد المرتضى حامد Date: 07-27-2007, 11:13 AM Parent: #413
Quote: و هاهي يا عزيزي مرتضى بالصوت و الصورة .... و كيف مسقط على حسك ... و تقبل تحيات خالد قيلي و الفاتح خليل لو بتعرفهم....
هيثم سلام.. لك المودة وأنت تأتينا بسيرة الأحباب خالد قيلي والفاتح خليل وهما من رفاق الزمن الأخضر فقد جمعني بهما السكن والسكينة أيام الطالبية والعشق المصفّى ، أبناء أمدرمان من الملازمين الحي والملازمين للوجدان دعائي لهما بالنجاح والعيش الهانئ في زمن أصبحنا نرتدي فيه الرهق والنَصَب. مسقط في طور النقاهة تتعافى من الأنواء وآثار حزيران ، لا نلعن الدهر لكن حزيران فينا شهر التوجس والتطيُّر منذ الطفولة. برضك لقيت باب الغرام فاتح؟ تبّت يدا كل من سعى لأغلاقه فالدنيا بدون الحب أرض ماحلة باطنها خير من ظاهرها. مناي أن يجمعنا الوطن جسدا وهو الذي جمعنا أرواحا فنحن كما قال الصقلاوي في المعنى : (مستوطن شوق الحنين بنا ... نحو المرافئ وهي تغترب ما مر يوم ما بنا عطش..... لعناقه أو ضمـــــه يثب غنى الزمان بلحن غربتنا... وانداح في أوصاله العجب نترقب فيض الصباح وقد ..... جفّت سواقي العمر.. لا حبب)
Post: #415 Title: Re: الحب في المنبر Author: الطيب شيقوق Date: 07-29-2007, 08:30 AM Parent: #414
المرتضى كلامك ذهب الى ما بعد بعد بعد هيثم زى صواريخ الاسكوت .
عشان كدة لابد من التصدى لكم بهذا الباتريوت .
أحبك جدا واعرف ان الطريق الى المستحيل طويل واعرف انك ست النساء وليس لدي بديل واعرف أن زمان الحبيب انتهى ومات الكلام الجميل لست النساء ماذا نقول.. احبك جدا.. احبك جدا وأعرف اني أعيش بمنفى وأنت بمنفى..وبيني وبينك ريح وبرق وغيم ورعد وثلج ونار. واعرف أن الوصول اليك..اليك انتحار ويسعدني.. أن امزق نفسي لأجلك أيتها الغالية ولو..ولو خيروني لكررت حبك للمرة الثانية.. يا من غزلت قميصك من ورقات الشجر أيا من حميتك بالصبر من قطرات المطر أحبك جدا واعرف أني أسافر في بحر عينيك دون يقين وأترك عقلي ورأيي وأركض..أركض..خلف جنوني أيا امرأة..تمسك القلب بين يديها سألتك بالله ..لا تتركيني لا تتركيني.. فما أكون أنا اذا لم تكوني أحبك.. أحبك جدا ..وجدا وجدا وأرفض من نار حبك أن أستقيلا وهل يستطيع المتيم بالحب أن يستقيلا.. وما همني..ان خرجت من الحب حيا وما همني ان خرجت قتيلا
نزار
Post: #416 Title: Re: الحب في المنبر Author: munswor almophtah Date: 07-29-2007, 09:48 AM Parent: #415
يا ود مرتضى السلام جاك
عندنا عمنا من السروراب يسمى ب عمر محمد حسن مات فى ريعان شبابه وكان شاعر صاقعه...ذهب للجزيره عندما كان المشروع فتوحا آنذاك وذلك أشبه بالإغتراب وترك والدته وبنت عمه التى يعشقها خلف ظهرانيه...وكان أحد رفقته ذاهب من الجزيره إلى السروراب فحمله مصروف أمه ومحبوبته ووصايا شفهيه يتبعها
قال لصديقه
أغريها السلام يا خلى وحياة دينك وحياة الوداد الباقى بينى وبينك أجلس بإحترام خلى الحواجز بينك وأوعى يطير سهم من عينا إقلع عينك
وقال إبن عمه الآخر
مى حاجاجه مى لاجاجه فوق شرك التهم هباره مى ولاجه فرع الخيدران أم طلعة وجاجه دى أم بيتا خريف للجاره والمحتاجه شن برضيها غير ألبل جدية الباجه ما برضيها غير البل جدية الباجه
فذلك الذى به نعيش وعلى إيقاعه نمشى وفى حواريه نتنفس
فلك الشكر يا باعث الفرح فى الأرواح الوهنه
لك خالص الود والتحايا
منصور
Post: #417 Title: Re: الحب في المنبر Author: hameem Date: 07-29-2007, 10:25 AM Parent: #1
Quote: المرتضى كلامك ذهب
Quote: فلك الشكر يا باعث الفرح فى الأرواح الوهنة
Post: #418 Title: Re: الحب في المنبر Author: محمد المرتضى حامد Date: 07-29-2007, 09:59 PM Parent: #417
Quote: أحبك جدا ..وجدا وجدا وأرفض من نار حبك أن أستقيلا وهل يستطيع المتيم بالحب أن يستقيلا..
مستحيل .. يا الطيب ، إستحالة الإستقالة من حب بهذه الجزالة. الإستقالة تكون في الصحو كإجراء إداري إرادي أما اللاإرادي ، ومنه البيباريك واليجئ في النوم ، فلا مجال ، يا الطيب ، للإستقالة والتنحي. في واحدة من أشجى ما سمعت من أغان وهي ( وحياة ابتسامتك) وداللمين قال رحت ألقاك في منامي وبيك أحلم ، أها اللي في المنام ده تمشي منو وين ، دي حاجه زي الدوار البيقولو عليهو vertigo ، لو رقدت تحس بيهو ولو وقفت تحس بيهو ولو غمَّدت عيونك برضو الدوشه حاصله والراس زي المروحه ، ورغم أن بيت الشعر الذي يقول: أنت كالليل الذي هو مدركي وإن خلت المنتأى عنك واسع قصد به في الظاهر الوالي يومها إلا أنه في ظني كان المقصود به الحب وهو برضو والي. مش مرّات بتسمع يقولوا ده واحد ما عندو والي ؟ هم قاصدين انو ما بيحب. هذا ما يخص الإستقالة لكن بالطبع يمكنك أن تسألني وكيف يكون الحال عند ( الإقالة) ؟ أقول ليك يا الطيب إن من (يُقيل) الحبيب معتقدا أنه نفاه من دواخله حتما واهم لأن( المُقال) يبقى يرزح في خلايا (المُقيل) عدة قرون كأثر الزرنيخ أو مخلّفات شرنوبل ، (يزحف تحت أنسجة الشعور) مهما تظاهر الأخير بخلاف ذلك ويتبدى الأمر في زفرات تتفاوت فتراتها الزمنية وذكر سيرة المُقال بين الفينة والفينة ، هنا يُعلِّق بعض العابثين بمقولة ( الضرس تاورو)، الله يكفيك شر الإقالة يا الطيب فإن لها طعم السيانيد ، قال لي صديق. على ذكر (وحياة ابتسامتك ) الصاقعة ( على حد تعبير المنصور المفتاح) ، ياخ ما تكتب لينا شرح وافي ليها بعد ما غتّست حجر( مريا). شوف لما واحد يقول للتاني ( هاك عهدي يا حبيبي ....هات ايديك)..
قال استقال قال
Post: #419 Title: Re: الحب في المنبر Author: الطيب شيقوق Date: 07-30-2007, 10:00 AM Parent: #418
يا اخونا بايظة بايظة هاكم
إقتربي ..... إقتربي أكثر أريدك أن تكوني أقرب من أنفاسي أريدك أن تختالي داخل إحساسي
إقتربي .... إقتربي أكثر أريد أن أضمك بلحظة عناق أريد أن أسجن عمري بلحظة عناق أريد أن تعلمي كم أنا مشتاق أريد أن تعلمي أنه لن يقتلني إلا الفراق
إقتربي .... إقتربي أكثر أريد أن تلفح وجهي حرارة أنفاسك أريد أن أستريح قليلا داخل إحساسك
إقتربي ... إقتربي .... إقتربي أكثر وأكثر واكثر أريد أن أحس بك داخل دمائي أريد أن أشعر بك داخل عروقي أريد أن أتنفس حبك أريد أن أعيش بنبض قلبك أريد أن نكون جسدان بروح واحدة بقلب وحب وإحساس واحد
Post: #420 Title: Re: الحب في المنبر Author: الطيب شيقوق Date: 07-30-2007, 10:01 AM Parent: #418
يا اخونا بايظة بايظة هاكم
إقتربي ..... إقتربي أكثر أريدك أن تكوني أقرب من أنفاسي أريدك أن تختالي داخل إحساسي
إقتربي .... إقتربي أكثر أريد أن أضمك بلحظة عناق أريد أن أسجن عمري بلحظة عناق أريد أن تعلمي كم أنا مشتاق أريد أن تعلمي أنه لن يقتلني إلا الفراق
إقتربي .... إقتربي أكثر أريد أن تلفح وجهي حرارة أنفاسك أريد أن أستريح قليلا داخل إحساسك
إقتربي ... إقتربي .... إقتربي أكثر وأكثر واكثر أريد أن أحس بك داخل دمائي أريد أن أشعر بك داخل عروقي أريد أن أتنفس حبك أريد أن أعيش بنبض قلبك أريد أن نكون جسدان بروح واحدة بقلب وحب وإحساس واحد
وتاني
------------------------------ إقتربي .... لاتبتعدي فقد مللت الإبتعاد كل تلك السنين التي مضت دعيني أذوب قليلا بعالمك أو ... دعينا نذوب معا بعالم يجمعنا معا وحدنا .. أنا وأنتي فقط أريد أن أعيش معك بلحظة إقتراب أريد أن أطرد لحظات الإبتعاد
إقتربي .... إقتربي دعينا نذهب الى أجمل الرياحين بين تلك البساتين دعينا نرجع مامضى من سنين دعينا ننفض غبار الأنين دعينا ... دعينا نوقظ الحنين الذي نام من سنين هل مازلتِ تذكرين
إقتربي ... إقتربي تلاعبي بي كما تشائين شرقا وغربا كما تريدين واعشقيني كما كنتي دوما تعشقين
إقتربي .... إقتربي لايزال هناك في العمر بقية لازلت أحتفظ لك بنفس الهدية إقتربي وازرعيني في عالمك شوقا وإنتظارا وسأزرعك في عالمي حبا وغراما سأعزف لك لحن حبي على أوتار قلبي سأدندن لك بنشيد عشقي ليطرب قلبك
إقتربي .... إقتربي فأنتي عندما تكونين قريبة لاأرى ورود الكون ولاأشم عبير تلك الورود أراك أنتي فقط وأشم عبيرك أنتي فقط ولاأريد غيرك أريدك أنتي فقط
إقتربي .... إقتربي أريد أن أكون صورة بداخل عيونك أريد أن أكون إبتسامة بين شفاهك
إقتربي .... إقتربي سأكون لك بحر من حب تبحرين فيه بمراكب من عشق
إقتربي ... إقتربي أريد أن ترتوي عيوني بماء عيونك أريد أن تكتحل عيوني بجمال جفونك أريد أن تلمس رموشي رموشك
إقتربي ... إقتربي افردي أجنحة الحب وحلقي في فضاء خيالي واحمليني معك .. على متن جناحك نذهب الى البعيد ولانريد الجديد لانريد ... لانريد سوى ماضينا الجديد
إقتربي ..... إقتربي أكثر أريدك أن تكوني أقرب من أنفاسي أريدك أن تختالي داخل إحساسي
إقتربي .... إقتربي أكثر أريد أن أضمك بلحظة عناق أريد أن أسجن عمري بلحظة عناق أريد أن تعلمي كم أنا مشتاق أريد أن تعلمي أنه لن يقتلني إلا الفراق
إقتربي .... إقتربي أكثر أريد أن تلفح وجهي حرارة أنفاسك أريد أن أستريح قليلا داخل إحساسك
إقتربي ... إقتربي .... إقتربي أكثر وأكثر واكثر أريد أن أحس بك داخل دمائي أريد أن أشعر بك داخل عروقي أريد أن أتنفس حبك أريد أن أعيش بنبض قلبك أريد أن نكون جسدان بروح واحدة بقلب وحب وإحساس واحد
Post: #421 Title: Re: الحب في المنبر Author: محمد المرتضى حامد Date: 07-31-2007, 07:54 AM Parent: #420
أحمد طراوه، ألف مبروك.
Post: #422 Title: Re: الحب في المنبر Author: الطيب شيقوق Date: 07-31-2007, 08:26 AM Parent: #421
الله يجازي محنك يا المرتضى
كتاباتك بحس بيها تشبه حلاوة مولد البيكون فيها فول وفيها حاجات حمراء وصفراء كده .
Quote: ومنه البيباريك واليجئ في النوم ، فلا مجال ، يا الطيب ، للإستقالة والتنحي.
بس ده يا المرتضى اصلك ما تلاويهو خليهو ياخد راحتو ويسل روحك وفوت بس .
Quote: مش مرّات بتسمع يقولوا ده واحد ما عندو والي ؟
المرتضى انت يا اخوى الاغنية بتاعة الحقيبة البغنيها عاصم البنا وفيها وردت كلمة والي بتقول كيف ؟ انا اول مرة اعرف في ولاية مادية وولاية معنوية .
Quote: لأن( المُقال) يبقى يرزح في خلايا (المُقيل) عدة قرون
وينسحب هذا على الجنسين صاح؟ يعني البنت حتى لو تزوجت برضه تظل ذكريات حبيبها بتاورها؟
Quote: ( هاك عهدي يا حبيبي ....هات ايديك)..
المرتضى البيقرا كلامك بحس بحالة سيطرة اوانتداب عاطفي شبيه بالانتداب الحاصل بعيد الحرب العالمية الثانية لبعض دول الجنوب الافريقي ؟؟؟؟؟؟؟؟؟؟
Post: #423 Title: Re: الحب في المنبر Author: محمد المرتضى حامد Date: 07-31-2007, 10:27 PM Parent: #422
Quote: أغريها السلام يا خلى وحياة دينك وحياة الوداد الباقى بينى وبينك أجلس بإحترام خلى الحواجز بينك وأوعى يطير سهم من عينا إقلع عينك
ياسلام عليك يا مفتاح
Quote: وقال إبن عمه الآخر
مى حاجاجه مى لاجاجه فوق شرك التهم هباره مى ولاجه فرع الخيدران أم طلعة وجاجه دى أم بيتا خريف للجاره والمحتاجه شن برضيها غير ألبل جدية الباجه ما برضيها غير البل جدية الباجه
ويا سلام عليك يا منصور
المنصور بإذن الله
كأنك كنت تدخر هذا المخمل ليوم فراش خشن حد الجلاميد يُذهب عن جفوننا احتمالات النعاس ، ادخرت
كلامك الجميل هذا ليوم حشد فيه البعض مخزونا من العبارات التي تصفع الأعين وما من مغيث . كل
يوم تضيف إلىّ ما يستحق أن تخزنه الذاكرة لتُردده بينها وبينها تسرية للنفس حين السُرَى في صحراء
الوجع.
هكذا يكون الأدب والأدباء ، جمال الوصف وتهذيب العبارة وهذا ينبئ عن ما انطوت عليه سريرة
الإنسان الإنسان. شوف بالله ( مي حجّاجة مي لجّاجة) دي، هي اختصار لمعاني الحياء والرزانة ، والتي
تكون ( فوق شرك التهم هباره مي ولاجه) هي التي زانها العفاف الموجِّه لكل حركاتها وسكناتها
ببوصلة فطرية صقلتها التربية وكل هذا في كرم سارت بسيرته الركبان . ياسلام يا منصور.
كلام الولد وود عمو وصف موجز لما يتمناه الإنسان في نفسه وفي الآخر لتصبح بيوتنا كلها (خريفا
للجار والمحتاج). كلامك يا المنصور (تكحَلُ منه العيون بدون انطفاء) ،
أهديك ما قاله الصقلاوي سعيد:
وأنتِ قصيدتي الأولى وأنت قصائدي الأُخَرُ وأنتِ الفِكرُ والفِكَرُ وأنت الرسم والصور وأشكال التعابير التي تشدو بها الآمال والأحلام والوطرُ وعنواني ومصباحي وأشجاني ، وأفراحي وذاكرتي التي بالود تختمر فعشقي فيك يستعر ولا نُكُرُ وعطر هواك في الأضلاع معروف ، ومبتَكَرُ وملتصق ، ومنتشر فلا قيسُُ ... ينافسني ولا الوضاّحُ.. أو عُمَرُ
شوف يا منصور، سعيد ده كأنو كان يسترق السمع مع الجن لِمَن قال:
أها يا العزيز ، حبيب زي ده لابد أن يكون فيه ما وصفه شاعرك ، فالزول السمح الفات الكبار
والقدرو ما فاتم بوسامة المحيا بل قبل ذلك بجمال النفس والخُلُق وما أبقاها من زينة تورث في
النفس الخلود.
Quote: فذلك الذى به نعيش وعلى إيقاعه نمشى وفى حواريه نتنفس
الله يعلِّي مقامك.
Post: #424 Title: Re: الحب في المنبر Author: Muna Khugali Date: 07-31-2007, 10:31 PM Parent: #423
سلام ليكم ولمحمد المرتضي..
Post: #425 Title: Re: الحب في المنبر Author: محمد المرتضى حامد Date: 08-01-2007, 01:11 PM Parent: #424
hameem
أدرك جيدا أنه ليس موعد خروجك من الصومعة وأنك لشفافيتك المعهودة تبتعد عندما يتضرج المنبر بما يخدش الحياء لكن يا سيدي هذه هي الدنيا وهذه هي الحياة ، نسأل الله أن يستر عيوبنا، ياخ قرِّب تعال ما تبتعد ، وصلتني هديتك عبر (بوست) آخر . اشكر الله أن غيّض لي من يذكرني في هذه العبوس الغرّاره. شكرا يا الهميم الحميم.
Post: #426 Title: Re: الحب في المنبر Author: Osman Musa Date: 08-02-2007, 04:40 AM Parent: #425
يا ناس الحب فى المنبر
كيفنكن ؟ حالكن ؟ احوالكن ؟
Post: #427 Title: Re: الحب في المنبر Author: محمد المرتضى حامد Date: 08-06-2007, 01:13 PM Parent: #424
العزيزين منى وعثمان، تحايا لا تعرف نهاية، السفر والترحال غيّب المقال، سنلتقي قريبابإذنه تعالى، لكما ولكل المشاركين هنا (سياد البوست) سلامي.
Post: #428 Title: Re: الحب في المنبر Author: الطيب شيقوق Date: 08-06-2007, 03:02 PM Parent: #427
سلامة بالوصول يا المرتضى
لكن بيني وبينك طالما ظل المنبر العام محتويك حتى في السودان فحتما غابت مجالس ام در الجميلة التي ان كانت كما كانت لما كان ملاذك هاهنا .
Post: #429 Title: Re: الحب في المنبر Author: أحمد طراوه Date: 08-06-2007, 11:47 PM Parent: #1
... يا ود حامد فقدناك يوم واقعة نيوجرسى ! ودى واقعة موثقة صوت و صورة بواسطة صديقك كوستاوى !
كان حفلا دارت فيهو الافلاك و الازمنة ، وساقنا في دروب بعيدة !!
و الخلانى فوق نيران جهنم خالف إنو عاطف انيس بدا الغنا برائعة ابراهيم عوض كلمات ابراهيم الرشيد و الحان ود الحاوى : لو عاوز تسيبنا جرب و انت سيبنا .. لو عاوز تحب ! حب وانساه ريدنا !!
... يا ريت (كما قال ترباس) نسمع لوعاوز تسيبنا معاد توزيعا علي ايقاع الرقى ! باداء جميل لفنان اسمو درماس
.. و لتعش عالية خفاقة راية بوست الحب فينا ! لاحظت ان شعبنا بالفعل قد استبدت بيهو المحن و الابتلاءات والقواسى ، و بالفعل طول ما فِرح ! المجد عوفى يا منى ! مودتي يا ود شيقوق لكل ناس مسقط .. خالص التحايا لجماهير بوست الحب ..
Post: #430 Title: Re: الحب في المنبر Author: munswor almophtah Date: 08-07-2007, 06:59 AM Parent: #429
ويا ود مرتضى نأتيك بقول الحكيم يوسف بدرى عندما كان يعمل فى بورتسودان وكان يواجه مسكنه أحد قصور الحصارمه بعينه ونعيمه ولأنه قوام متبتل يسبق النباه على القيام وفى إحدى فجرياته شاهد خلقا من خلق الله تصحو وتصحى فى يدها وردة من الفل فكتب لإبن عمه يوسف نورالدائم يشركه ذات الهيبه والرهبه من تلك التى تدلت من الدرك فى تؤده
فكتب قائلا
يا يوسف أخوى قمت الصبح لأصلى لاقانى العجب من تانى دور مدلى بريبة عسين ديسك سدر مدلى فله وشايله فله وفى قلوبنا تفلى
شفت الدقش دا يا المرتضى فلفله رهيبه
منصور
Post: #431 Title: Re: الحب في المنبر Author: محمد المرتضى حامد Date: 08-12-2007, 11:03 AM Parent: #430
من التقى بورداب الخرطوم فهو آمن. سلوا منى خوجلي ونور الهادي. التحية لهم/ن جميعا.
Post: #432 Title: Re: الحب في المنبر Author: Muna Khugali Date: 08-12-2007, 11:57 AM Parent: #431
ولنا في الخرطوم صحوه! صحوة حب وشوق ووئام يمتد الا ماشاء الله وماشئنا بعد مشيئته.. سلام للقلوب المحبه والأرواح المتوالفه في صدق دون تصنع أو تردد.. متي تاتون للخرطوم فتعشقون الحياه بعد أن تتنفس مسامكم روائح البشر والجو والدكريات وتسمعون "ياروحي"
Post: #433 Title: Re: الحب في المنبر Author: hameem Date: 08-12-2007, 01:08 PM Parent: #1
Quote: من التقى بورداب الخرطوم فهو آمن. سلوا منى خوجلي ونور الهادي. التحية لهم/ن جميعا.
يا سيدي نحمد الله الما كنا حاضرين دا إسمو الهاي فولتيج .. ما عارف كان ممكن يحصل للواحد شنو خلونا كدا .. نسمع أصوات .. نقرا كتابات .. والأرواح أكيد متلاقية حبي لكم جميعاً
Post: #434 Title: Re: الحب في المنبر Author: محمد المرتضى حامد Date: 08-14-2007, 02:05 PM Parent: #433
Quote: .. و لتعش عالية خفاقة راية بوست الحب فينا ! لاحظت ان شعبنا بالفعل قد استبدت بيهو المحن و الابتلاءات والقواسى ، و بالفعل طول ما فِرح !
يا طراوه الله يجيبك أمدرمان وتاخد ليك جوله كداري في سوق الشجره وودالبنا والدنيا غيم ، عملتها مع عاصم ، يا سلام ، رغم المحن والقواسي اللي قلت عليها لكن مد المحبه طالع مع البحر اليومين ديل ، الأشياء هنا ليها طعم الطبيعه والريده ما جينيتكالي موديفايد والحب هنا لايحتاج لمواد حافظه ، تغيب وترجع تلقا الناس لاغيرتهم ظروف ولا هزّتم محنه لكن في حاجات لازم تجي تشوفا بنفسك. على أية حال قلنا نطمنك على علايل ابوروف والمزالق وتحايا لكل أهالي نيوجيرسي وسان خوسيه وسان سواها.
Post: #436 Title: Re: الحب في المنبر Author: محمد المرتضى حامد Date: 08-17-2007, 06:11 PM Parent: #434
Quote: ليتنا نزرع في هذا المنبر .. حبا .. وحبا وخبا ..وشعرا ومشاعر رقيقة .. تنسينا رهق السياسة القاتل .. ليتنا ننسي الجهويات والتحزب البغيض الذي لايعني شيء غير الحقد .. فنحن ننتمي لاحزاب سياستها ودستورها الاختلاف فقط ؟؟ ومايدور من مهاترات واسفاف قول في المنبر لايعني شيء غير الفراغ ؟ هذه دعوة خب للجميع ..
بهاء الدين حسن/IMG]
وفي شأن أحزابنا، ستثبت الأيام القليلة القادمة صدق كلامك
شكرا يا بهاء
Post: #437 Title: Re: الحب في المنبر Author: محمد المرتضى حامد Date: 08-19-2007, 00:30 AM Parent: #436
Quote: يا يوسف أخوى قمت الصبح لأصلى لاقانى العجب من تانى دور مدلى بريبة عسين ديسك سدر مدلى فله وشايله فله وفى قلوبنا تفلى
يا المنصور أخوي ، والله في كلام قالوه ناس مغمورين أروع منه لم أقرأ ويؤكد ذلك ما أوردته من نماذج ، هسه فُله وشايله فله وفي قلوبنا تفلي ده مش كلام يلف الراس التلفان ويفلّو ويعدلو؟ ياخ الشعراء والأدباء ديل بنسميهم مهندسين الأرواح والدنيا بدونم وجبات اسبتاليه ساكت. (الواهبون تسربلوا هماتهم ... صبح الخلود بخطوهم يزدان). يديك ألف عافيه يا المنصور.
Post: #438 Title: Re: الحب في المنبر Author: معاوية كرفس Date: 08-19-2007, 01:19 AM Parent: #1
.
صديقي أستاذ / مرتضي
سلامات
و الحمد لله علي سلامتكم
دي كانت مجرد تحية و إشهار حب .
كنت و لا ذلت سعيداً بتلك الدقائق التي قضيناها معاً
خلسة في حضرة ( مني عوض خوجلي ) و من قبلها
( بكري أبوبكر ) .
ما يفرحني هذه الأيام أن مشروعنا و الذي لك فيه القدح المعلي
يسير و فق ما نهوي .
أمنياتي لك و لها بوافر الصحة و العافية .
كرفس
Post: #439 Title: Re: الحب في المنبر Author: Ishraga Haimoura Date: 08-19-2007, 08:34 AM Parent: #1
الأستاذ محمد المرتضى
Quote: من التقى بورداب الخرطوم فهو آمن
نحن الأسعد بلقياكم ونحن نمد قلوبنا بالحب من غير سوء ونحن نرفع شعار الحب
يا سيدي ... ما أضيق الأرض التي لا مجال فيها لإحتواء الحب وما أقسى الوطن الذي يهوى اغتيال الحب
لك الأمان سيدي أينما كنت ولتفرش لك القلوب دوماً
Post: #440 Title: Re: الحب في المنبر Author: محمد المرتضى حامد Date: 08-19-2007, 11:51 AM Parent: #439
hameem
Quote: يا سيدي نحمد الله الما كنا حاضرين دا إسمو الهاي فولتيج .. ما عارف كان ممكن يحصل للواحد شنو خلونا كدا .. نسمع أصوات .. نقرا كتابات .. والأرواح أكيد متلاقية حبي لكم جميعاً
والله يا هميم حقيقة كان هاي فولتيج ، والله رصّة الحبايب كانت هاي تينشن لاين ، الله يحفظ ملاسي كان المنسق ومرشدي لمواطن الجمال في دار بكري أبوبكر أولا ثم دار منال خوجلي الجميلة ومعها رونالدينو المنبر منى خوجلي . حبوباتنا زمان بيقولن : انشالله يوم شكرك ما يجي ، شان كده ما حا أتكلم عن بكري أو منى أو منال واكتفي بترديد ( في الفؤاد ترعاهم العنايه... بين ضلوع الوطن العزيز).
Post: #441 Title: Re: الحب في المنبر Author: tayseer alnworani Date: 08-19-2007, 12:25 PM Parent: #440
الحبوب محمد المرتضى و (صديقه الحبوب ) لك المحبة لانك من عطر زماننا الجميل و نفحاته دوما تاتى منك المحبة دعونا نقول لولا الحب لم كانت لنا قيمة انسانية و اهديكم الكتيابى لو كنت ادرك ان هدا الحب يهدىء للتى للجحيم لكفيتك العبرات كنت هديت وجهك للصراط المستقيم (هدا حب) و محمد مدنى قال أحب عيونها والخمر و الوطن الموزع بين صالات الفنادق اواه يا وطنى اجيئك لينا كالماء مندفعا كعاطفة المراهق و هدا ايضا حب بعض هدى القصيدة محض جروح كلها فى انتظار سفينة نوح للجميع محبتى وللنشر الحب فى بقاع وطننا الواسع
Post: #442 Title: Re: الحب في المنبر Author: Tumadir Date: 08-19-2007, 12:54 PM Parent: #441
منفستو وفاء ومحبة ...
Post: #443 Title: Re: الحب في المنبر Author: محمد المرتضى حامد Date: 08-19-2007, 09:51 PM Parent: #442
معاويه كرفس.. بحق، في حضرة من هوينا عصفت بنا الأشواق كما قال الفيتوري، على قصر وقت اللقيا إلا أنها كانت رمزا عبقريا ، سعدت أنني التقيت نفرا خلقوا ليسعدوا الناس ، ناس اتفرّغوا للناس ، عشان يسعدوهم. والله يا معاويه تمنيت لو أتيحت لي عطلة أطول بينكم لكنها كانت أقصر من نظر بوش ولا أريد أن أكتب أسماءا فرحت بي شوفتها حتى لا أنسى إسما أو نجما وحينها يلزمني سجود سهو لا يرتفع بعده رأسي. عن مشروع الأمل لم أفعل سوى ما أراده الله ، في صلواتي أدعو لها أن تنال كل العافية وستشفى حتما طالما التفت حولها كل تلك القلوب الملائكية وستعود لنحتفل بها مرات ومرات. ياخ ربنا يحفظكم ويحفظ شعبا صابرا (يفتك الذهول في حشاه ... طارد يفتك بالطريد) ، لكنكم أقدر من غيركم على صنع المعجزات أيا كان نعيق الغربان. يا معاويه.. رغم بعدي برسل سلامي.
Post: #445 Title: Re: الحب في المنبر Author: محمد المرتضى حامد Date: 08-21-2007, 08:59 PM Parent: #441
Quote: اواه يا وطنى اجيئك لينا كالماء مندفعا كعاطفة المراهق
يا سلام يا تيسير ، هذا الوطن لا تعرف قيمته بالعمق الكافي إلا وقت الرحيل، يا سيدتي سعدت بلقاك والأديب كمال بعد سنوات طوال فعاد إليّ عبق الزمن الياسميني و عهد يقطِّر صفاءا ، كان فيه الأصدقاء ، من بقي منهم ومن رحل ، ( يُنمنمون حُلمهُم على صحائف الغد المسكون بالبراءه) ، ألا يكفي الوطن جمالا أنكم فيه وأنه يبقى دوما مرفأ مراكبنا التي أنهكها السفر؟ لك ولكمال زاد عمر من الود.
Post: #444 Title: Re: الحب في المنبر Author: محمد المرتضى حامد Date: 08-20-2007, 11:26 AM Parent: #439
Quote: ما أضيق الأرض التي لا مجال فيها لإحتواء الحب وما أقسى الوطن الذي يهوى اغتيال الحب
إشراقه الودوده، الحب لاتحتويه الأرض بل الجوانح ، الأرض نفسها قد تكون محورا للحب وعنصرا أساس فيه ( حب الديار ومن سكن الديار) ، والله يا إشراقة الوطن لايغتال الحب ولكن البشر يغتالون ألف وطن سيما في زمن الجحود الكئيب هذا ، وطن لم يبخل علينا بشئ فما أن تمكن بعضنا من منصب أو وثيقة سفر إلا أدار ظهره لهذا الوطن ، الجحود يا إشراقة صنو الخيانة ، سعدت بحق بجمعكم و حسدت بورداب الخرطوم على اللمّه السمحه والترابط والإلتفاف حول ما يفيد العباد بعيدا عن الثرثرة الممجوجة . شكرا يا إشراقه على كرمكم ودروسكم لنا حول كيف يكون الإمساك على الجمر ..أيها السَحَرَه.
Post: #446 Title: Re: الحب في المنبر Author: محمد المرتضى حامد Date: 08-22-2007, 10:30 AM Parent: #444
Quote: منفستو وفاء ومحبة ...
ولك الوفاء والمحبة يا خُناس ، بس أوعي تطوِّلي الغياب وانتي عارفه شوقنا كم زي ما قال صالح الضي.
سأعود إليك يا تماضر .
Post: #447 Title: Re: الحب في المنبر Author: Osman Musa Date: 08-24-2007, 12:16 PM Parent: #446
لك اكاليل الورد يا محمد المرتضى وانت جاكى بين تلك الجنات تقسم محبتك على الاهل هناك بختك سلم لى على كل حته كل الحتت المعشعشه بالجمال ياحليلك يابلد حالى السنه دى يا محمد سنتى ال 11 منها دعواتك لينا تنفك السواجير والكواجير ونرجع للبلد الحبيب سلام كتير
___
Post: #448 Title: Re: الحب في المنبر Author: محمد المرتضى حامد Date: 08-24-2007, 05:44 PM Parent: #447
تعرف يا عثمان ود موسى في السفر المنتظم للسودان فوائد أكثر من تلك التي أحصاها الإمام الشافعي يعني تحس حاله لا توصف والأشياء تأخذ طعمها الحقيقي بما في ذلك الكتّاحه والمطر الذي يسكرني ويقلب كيمياء نفسي راسيا وأفقيا لدرجة أن نقيق الضفادع الذي يتبعه يضاهي عندي أي كورال أو معزوفه لمجموعة جيمس لاست وما تقول لي دي نوستالجيا غير مُرَشّده ، ياخي لما تطلع مع المريخاب في موكب فرح بعد أن ضربوا النيجيريين بنصف دستة أهداف يخالجك شعور بأنك الفريد في عصرك ,لما تديها صحن بوش مع باقي دعاش المطر ونومه في الحوش تقول أين المارينز؟ والحب والغناء والطرب الذي لفّني هناك مع البسطاء وغير البسطاء يشحن صواريخ الدفع عندي وأنا في الهواء . أشجتني أغنيات ترسم حالات حب في بساطة متناهية حتى تخالها بعض هذيان أو تفكير بصوت مسموع للشاعر/ه ، وحسب معرفتي المتواضعه انها أغاني ما عندها شاعر أو شاعره معروفه وما عايز أوحل في الحته دي تفاديا لمقاس المويه بتاع طراوه وودالقرشي ومجموعة هاشم حبيب الله لأنو الشباب ديل بيعرفوا أي أغنيه سودانيه ومن قائلها وسبب نزولها ومن الذي تغنى بها سواء كان ذلك في برنامج الربوع أو إندايه أو رويال البرت هول. كانت تلك الأغنيات بسيطة توازي بساطة الحب السائد أياميها ، سايق العظمه سافر خلاني ويييين .. بالطبع لايمكن أن يفهم شباب هذه الأيام قصة ( نقلوك من امدرمان مبعوث لمارنجان وسافر .. خلاني وييين) باعتبار أن مفهوم الإبتعاث أصبح ، ومنذ بداية التسعينات ، ماليزي الهوى و الإتجاه ويرتبط إلى حد كبير بحاجات سياسية ده ما مكانا ومن ثم كان يكون الأمر أقرب لفهم أبناء اليومين ديل لو قالت الشاعره ( يا الماشي لي بتروناس جيب لي معاك أنناس أو جالون جاز مثلا). المهم إنو في نسخه تانيه بتقول يا الماشي لباريس جيب لي معاك عريس شرطا يكون لبيس ومن هيئة التدريس و...سااافر خلاني لييييه، والحقيقه انو ما كانت تنشده الحبيبه في حبيبها في الزمن الأخضر يعبر عن قيم تضج بالسمو و تتضح في ذلك (المانفستو) العاطفي زي ما بتقول تماضر ، ولا أضيف جديدا إن قلت أن بعضهم انحرف بتلك القيم ووراها الأغنيات الى الإغتراب وتبعاته من مشتقات النفط الذي أصبح بوصلة لمغنيات الزمن الفجيعة ايّا كان موقع تلك ( الآبار) سواء في الخليج أو نيجيريا حتى كادوا أن يكتبوا على أشرطة أغاني الكيروسين تلك : ممنوع التدخين وأما تنويه ( قابل للإشتعال) فهو بالبديهة إسم ( الألبوم) ، والله بعض الحب حا يبقى في محنه والله يجازي الكان السبب . أعود وأقول أن تلك الأغاني أشجتنا وما زلنا نقتات عليها كأنما ضُرب بيننا والجديد بباب وصُمَّت آذاننا عن جُلَ ما جاء بعد الثمانينات ، سوى القليل ، لكأنما لدينا جوّه الجوّه إحساس انو الحاجات الحايمه دي ما بتعبِّر عننا وحيث أن مد الحب فينا ما زال عظيما وشاهقا فإن المحصله تكون أن الجديد فشل في الصعود لهامات قلوبنا وهذا الحال لايقتصر علينا ، كدي شوف ناس الغرب والراب البايخ وقارنو بريتشارلس زمان وهو يلخص طلباته الختاميه في عرضحاله للحبيبه ويقول لها : Unchain my heart …set me free و هي النسخة المترجمة لأعطني حريتي أطلق يديَ وشوف كمان بالله قولة آه من قيدك أدمى معصمي .. إنا لله وإنا إاليه راجعون. يا سلام على عبودية الحب ونارو وبدايات الحريق لحظة الخفقة البكر :
ظهرت لي شراره وحرقتني بينارا وييين يا حبيبي كان مُتَّ ذنبي عليك.
يا حليل ثنائي النغم: يا الماشي لسنار في سوقك انت كُتَار وسافر.... خلاني ليه.. أجمل هديه ولو ترسما لي تذكار وسافر ... خلاني ليييه..
تقول لي حداشر سنه ما مشيت ؟ ياخي دي في عرف الحبيب جناية.
سايق العَظَمه سافر .. الله يرجِّعو سالم
Post: #449 Title: Re: الحب في المنبر Author: ASIM AL BANNA Date: 08-26-2007, 11:08 PM Parent: #1
يا اخوانا سلام عليكم يامرتضى نفسى اتقطع من كترة التفتيش على البوست ده وانت توصف لى يمين شمال الناصية الجاية لما الليلة عترت فيهو .. بس كان تسهل على الامر وتقول لى بيت الفراش فى المنبر ... كان الوصول ساهل ... الطيب اخوى الشيقوقى .. لامنى فيك الوالى والى مابيسوى وكلو من يأوالى لست اعبأ به ... زخرف الاقوالى برضى فى التبريح والبكا المتوالى يا نسيم الليل ... مرتضى صديقك الفرجونى فى واحدة من بكياتو قال :
بريدك والا لكن ما بقوللك (بحبك أه بس ميش أيلا) اشوفك سمحة يالرويانة كلك شتيلة النرجس البتنادى فلك اموت عطشان ويبقى رقادى ضلك ؛؛؛؛؛؛؛؛؛؛؛ وحات من صورك يا السمحةآية خدودك زى تلاصيف المراية رموشك نقرشوهن لى قراية بهضرب بيك وبتكلم برايا
؛؛؛؛؛؛؛؛ اشوفك سمحة واسمح من غنايا سماحة الطبعة والروح والقناية جمالك صورو المالك العناية بهضرب بيك تقول مطلوب جناية
احمد طراوة ... واحمد القرشى عصام صالح ده خبير استرالى فى اللغات ... ليهو التحية
وياطراوة ... قال ابو صلاح حبك فى الجوف يطارد مابين صادر ووارد ... ابو صلاح ده كان بيحضر توم اند جيرى كتير مش ؟
الحب حب صلاح احمد ابراهيم فى غابة الابنوس ولا كفا
احبك حبا اذلٌ فؤادى واعمى البصير حب الذى يشتهيك بعين بصيرة وايد قصيرة احبك حب المشرد فى حبه دون مأوى وزاد حب الذى فى سبيل رسالته قبل الاضطهاد احبك حبين حب الهوى وحب لانك اهل لذاك ...
تقول لى محمد المرتضى (حامد) محمد المرتضى حامد شاكر على انه لم يتلظى بويلات هذا الحب المدمر كما الكاتيوشا عندما تساندها الشبح فى ليلة مستعرة من حروب القرون الهسة دى
حبكم تيرب حبوب وسط الحشا ... منو زراع الريده فى قلبى انشتل
Quote: Ýí ÇäÍÓÇÑ غلبنى اقلها ليكم من الصفحة لكن مرتضى قال الحب اساس (كى) نعيش (ياخراشى) كى دى مهمة يامرتضى ركز لى عليها كى اعيش
لى ... قدام
Post: #453 Title: Re: الحب في المنبر Author: محمد المرتضى حامد Date: 08-27-2007, 09:53 AM Parent: #449
Quote: بريدك والا لكن ما بقوللك اشوفك سمحة يالرويانة كلك شتيلة النرجس البتنادى فلك اموت عطشان ويبقى رقادى ضلك ؛؛؛؛؛؛؛؛؛؛؛ وحات من صورك يا السمحةآية خدودك زى تلاصيف المراية رموشك نقرشوهن لى قراية بهضرب بيك وبتكلم برايا
؛؛؛؛؛؛؛؛ اشوفك سمحة واسمح من غنايا سماحة الطبعة والروح والقناية جمالك صورو المالك العناية بهضرب بيك تقول مطلوب جناية
تعرف يا عاصم كثير من المهتمين بالغناء عرفوا الفرجوني كمطرب لكن قلة من يعرف أحمد الشاعر
الفصيح الذي لا يجارَى حين يكتب بالفصحى أو العامية والأبيات التي أوردتها أعلاه دليل ناصع على جمال
التصوير الشعري عند ملك الباديه والصيد ، ياخ كلمة (بريدِك) حقَتنا دي ليس لها ما يعادلها في لغات
الدنيا جميعها ، كدي شوف اللي أعلن عودة وعيه وخروجه من الغيبوبة ووقف في نص البلد ودقَ سدرو
وقال ( بريدك ) يا صباح عمري ، بالله يا عاصم أغمض عينك وراجع كلمة (بريدك) دي واديني رأيك .
نرجع تاني لأحمد وشوف بالله عبارة ( الرويانه كُلِّك) و( شِتيلة النرجس البِتنادَى فُلِّك) ، يا سلام عليك يا
فرجوني يا نضيف يا سمح ، والله يا عاصم اختيارك لتلك الأبيات في مكانو وماك خاتي كان سويتا (رميه)
لبعض الأغنيات مما ينم عن (تِكِسِّر) يشهد لك به القاصي والداني ، أهو طلعنا تلامذة في معهد هوى
الفرجوني.
صاحبك الطيب شيقوق متوقف عن الكتابة في المنبر كآخرين من الكتَاب الجميلين ومنهم أبوبكر سيد أحمد
ونفتقدهم بحق رغم أني هاتفت الطيب وقلت له عليه ألا يتوقع أن يكون كل من يكتب في المنبر بالمستوى
الذي ينشد فلا بد أن يكون فيه أمثالي ممن قال عنهم الفرجوني بهضربوا وبتكلموا براهم.
ما تغيب عن ( بيت الفُرَاش ) ده وتتلَوَم مع المكتولين كمد.
وساده:
(أموت عطشان ويبقى رُقادي ضُلِّك)
Post: #450 Title: Re: الحب في المنبر Author: mamkouna Date: 08-27-2007, 08:49 AM Parent: #1
كنت تلملم أشياءك المبعثرة في حجرة الفندق... وتجمعها في حقيبة سفرك. حين أردت ان اسألك: هل لديك مكان يتسع لشيء صغير ؟ لكنك كنت تشكو من كثرة اشيائك... ومن صغر الحقيبة...!!
لو أنَّ يدَهُ تنزلقُ قليلاً ليسَ لتكبيرِ نهدِها الذابل بالونةً مجرَّدةً من اللونِ والهواءِ وإنَّما.... لترميمِ قلبِها.. هذه الطائرة الورقية التي يئنُّ جناحاها كُلَّما لامسَها حبٌّ جديد..!!
سوزان عليوان- رغبة زائفة.
Post: #462 Title: Re: الحب في المنبر Author: محمد المرتضى حامد Date: 08-30-2007, 08:51 AM Parent: #452
Quote: لو أنَّ يدَهُ تنزلقُ قليلاً ليسَ لتكبيرِ نهدِها الذابل بالونةً مجرَّدةً من اللونِ والهواءِ وإنَّما.... لترميمِ قلبِها..
ياسلام عليك يا ممكونه لانتخابك هذه النصوص عن رغبات سوزان التي نعتتها بالزيف المحتشدة معنى والممعنة في جمالها ، لم أقرأ لسوزان من قبل وانا ممتن أنك لفتِ انتباهي الى ذلك القلم الراقي الخلاَق فهكذا يكون نموذج الكتابة التي تشجينا بتعابيرها غير المنتظرة والمعاني غير المتوقعة. بالفعل يا ممكونة ، ليت كان من بين الجرّاحين من يرمم القلب. يا ريت.
Post: #454 Title: Re: الحب في المنبر Author: Ishraga Haimoura Date: 08-27-2007, 10:38 AM Parent: #1
الأستاذ محمد المرتضى تهانينا بسلامة العودة
أحمد الفرجوني شاعر إبن شعراء ولكني لم أعرف أن كلمت هذه الرمية له إلا من مداخلة الأخ عاصم.... لا زلت أذكر له قصيدة بالعربية الفصحى وكثيراً ما سألت في هذا المنبر عنها كاملة ولم أجد من يمدني بها، يقول مطلعا: لتنظـر كل عاذلـة لأمري وتسـمع كل حسـناء مقالي نذرت العمر إني لا أبالي أقبري في بطاح أم جبال
ياليت الأخ عاصم يفيدني في هذا الأمر
لك وللأخ عاصم ولجميع متداخلي وزوار حوش المحبة هذا
Post: #455 Title: Re: الحب في المنبر Author: ASIM AL BANNA Date: 08-28-2007, 11:54 PM Parent: #1
مرتضى يا اخوى التكسر ده فوقو المرمطة وانا مابقدر هليها باقى الدنيا حظوظ وانا حظى جميل مادمت اراك لى ودادى تميل ... الدنيا حظوظ والسىء اقسام والحب للروح ما للاجسام .. خلى روحك ارق من الانسام ... طرفك ناعس وثغرك بسام ... تنيل اخلاص الناس وتنيل علا السودان وعظمة النيل .... دى قالا عبدالرحمن الريح وانا بقولها ليك وصية اخ لا اخيه الاخ .... اما الريده وعالمها الجميل وقصدته عالمها لانه فى ( بتريد اللطام) زى ود حبوبه فى ... ( قالو البريدك بتعب ... والمابريدك حالو من البريدك اصعب) حسن الزبير....والريده خشم بيوت البنريدو تايه .. وعامل ميت ... والريده ريدتنا والمحبة حقتنا ... ولو ضميت الحاء تسف طوالى..المهم ياصديقى فى الامر حكاية ودى البداية والبقطع القلب لما تريد ليك زول من الازوال وهو يريدك ويعمل (حركات)وبركات وتمشى منو يفرش ورقو ...
اختى اشراقة ليك التحية .. بكل اسف انا ما سمعته الابيات دى اول مره لكن انشاء الله بسألو ليك عنها واهدى ليك ابيات انا حافظها
عصفور حط على قلبى لكن ما اسرع ما طار عصفور غرد كامرأة وامرأة كانت ازهارا ازهار كانت فى قلبى احمرت واشتعلت نارا
نار يامرتضى نار الويل وسهر الليل تقول لى تكسر ... الجبص راقد 6 شهور تمشى تانى ... النار الله خوف بيها عباده ..
ممكونه
الله يحلك بالسلامة جابت ليها شنط وكدايس و ود ابرق حالة صعبة الله يسهل علينا وعليكم
الطيب الشيقوقى .... لو بتعرف انه ريدك كيف بسوى وفينا بعمل.... ما بتفكر يوم تسيبنا وما بتحاول مرة تزعل حقو تعرف وين مكانك قبل ما تصدق ظنونك ... يا سبنا الناس عشانك وعشنا افراح فى عيونك ... دحين يا الطيب اخوى عندك نظارة ( بال .ظ ) up
Post: #456 Title: Re: الحب في المنبر Author: omar altom Date: 08-29-2007, 05:47 AM Parent: #1
الي حبيبتي
وقد كانت هذه الاغنية آخر ما قلناه لبعضنا ......ثم .....افترقنا.......بعد ان صار حبنا اكبر من قدرتنا علي الحب......والاحتمال.....فشرقتَ انت....وغربت انا....وبقي براين آدمز يغني وحيدا في مسجل السيارة.......وهو لايدري باننا لسنا هناك .......!!
Look into my eyes - you will see What you mean to me Search your heart - search your soul And when you find me there you'll search no more Don't tell me it's not worth tryin' for You can't tell me it's not worth dyin' for You know it's true Everything I do - I do it for you
Look into my heart - you will find There's nothin' there to hide Take me as I am - take my life I would give it all I would sacrifice Don't tell me it's not worth fightin' for I can't help it there's nothin' I want more Ya know it's true Everything I do - I do it for you
There's no love - like your love And no other - could give more love There's nowhere - unless you're there All the time - all the way
Don't tell me it's not worth tryin' for I can't help it there's nothin' I want more I would fight for you - I'd lie for you Walk the wire for you - Ya I'd die for you
Ya know it's true Everything I do - I do it for you
Post: #457 Title: Re: الحب في المنبر Author: mamkouna Date: 08-29-2007, 07:49 AM Parent: #1
بإمكانِ كُلٍّ منّا ألاّ ينامَ وحيدًا
لماذا لا تحرّكُ مقبضَ بابي في هذه اللحظةِ وتدخلُ كضوءٍ في العتمة؟ تجلسُ إلى حافةِ سريري تعيشُ أرقي والقهوةَ وموسيقى روحٍ تجلّتْ؟
Post: #458 Title: Re: الحب في المنبر Author: mamkouna Date: 08-29-2007, 07:57 AM Parent: #457
تكنسُ الكوابيسَ كُلَّ فجرٍ عن عتبةِ البيتِ
تقشِّرُ قبالةَ النافذةِ بصلتيْن
كي لا يسألَها اليمامُ عن دموعِها.
بطرفِ جلبابِها
تلمِّعُ المرايا
عاجزةً عن إزالةِ حنانٍ مُترهِّلٍ
يقرِّبُ قلبَها من التراب.
ليلاً هدهدتِ الأطفالَ بحكاياتِ البحر
في جلبابِها رائحةُ الحارةِ
ألوانُ عرائسِ الحلوى والأحصنةِ الصغيرةِ.
وعدتْهُمْ بفطيرةِ جُبْنٍ ساخنةٍ في الصباح.
"الشمسُ
في هذه المدينةِ الكئيبةِ
باردةٌ
قاسية
ستكسِّرُ أسنانَنا..."
لا بُدَّ من حيلةٍ أخرى
تُخْرِجُهُمْ من دفءِ القُطنِ والأحلام!.
لو كانت روحُها سجَّادةً
لنفضَتْ عنها هذا الغبار
لتركتْها في الهواءِ قليلاً
تتنفَّسُ...!
سوزان عليوان- جلباب الدمع
Post: #459 Title: Re: الحب في المنبر Author: mamkouna Date: 08-29-2007, 08:00 AM Parent: #458
كثيرةٌ هي أمنياتُهُ
أكثرَ من السنواتِ التي أمضاها واقفًا في هذا الخلاءِ
أكثرَ من البذورِ التي يحرسُها الهواءُ
عبرَ جسدِهِ القليل.
يحلمُ بمقعدٍ يريحُ ساقَهُ النحيلةَ
بوضعِ يدِهِ في جيبٍ
في كفِّ امرأةٍ
بغيمةٍ تستقرُّ فوقَ رأسِهِ تمامًا
بأطفالٍ طيِّبينَ يقذفونَ نحوَهُ كُرَةَ القدمِ
بينَ حينٍ وآخر
بدلاً عن الأحجارِ
بأزهارٍ قليلةٍ تنبتُ حولَهُ
ليطمئنَّ أنَّ أحدًا في العالم سيفتقدُهُ
إن سقَطَ
بضربةِ مِنْجَلٍ.
يحلمُ بالعصافير
تلامسُهُ
دونَ خوفٍ
حتَّى إن أخذَتْ
- مقابلَ حنانِها العابرِ-
قشَّ القبَّعةِ التي تحميهِ
في هذا الخلاءِ
من قسوةِ الشمسِ والمطر.
سوزان عليوان - فزَّاع الطيور
Post: #460 Title: Re: الحب في المنبر Author: mamkouna Date: 08-29-2007, 08:01 AM Parent: #459
أهي الوجوهُ كُلُّها تُشْبِهُهُ؟
أم أنَّها
لِفَرطِ الوَلَعِ
في كُلِّ وجهٍ عابرٍ
تراهُ ؟!!!!!!!!!!!!!
سوزان عليوان - وله
Post: #461 Title: Re: الحب في المنبر Author: Ishraga Haimoura Date: 08-29-2007, 10:33 AM Parent: #1
الجمال والحب في بلادي شعر : سيد عبد العزيز ----------------------- الجمال والحب في بلادي والحضارة إزدهارها وإنتشارها في المدارس والنوادي العلوم العالية والفنون الراقية جمالها بادي ينبي عن أثار قوة الأفكار والأيادي الأنجزت أعمال وخلدت تذكار في جبين الوادي سوداننا العاجبنا رسمه في نفوسنا مقداره يسمو الطيور غنت بي أسمه وكم صايح ينادي أسمك يابلادي هتقت به الجنود وغنتبو الشوادي في بلادنا مناظر الطبيعة حافيها السحر الحلال في الشرق المينا العظيمة بيها الثغر باسم الدلال والغرب حرست مداخله الهيبة حصون التلال وجنوبها ينافس الشمال حيوية وعظمة وجلال في بلادنا القرى والمدائن أثر النعمة عليها باين وتاني محل العين تعاين تشوف بهجة وروح وإعتدال في منظر جذاب ودادي أحي السودان وأرضه والأرض الطاهرة النقية أحي السودان وأهله أهل العبقرية أهني السودان بشعبه طوح النفس الأبية الوافي راعي المحارم أكرم من الغيث مكارم وأصلب من الحده صارم إن في الحرب وإن مسالم يمتاز بالروح القوية مقدام ومن طبعه هادي
Post: #463 Title: Re: الحب في المنبر Author: محمد المرتضى حامد Date: 08-30-2007, 09:50 PM Parent: #461
والله يا عاصم ما عندي للكلام الفوق ده غير السؤال المشروع في غنوتك ( هسّه فيك أنا شن اسو).. يا خي حسن الزبير ده ، رحمه الله ، لايترك لك مخرجا (كريما) من قصور الوله .. أها هسه أقبِّل وين؟
Post: #464 Title: Re: الحب في المنبر Author: فضيلي جماع Date: 08-30-2007, 10:15 PM Parent: #463
الحقوقي الأديب /الصديق محمد المرتضى حامد
إسمح لي أن أردد هنا بعضا مما قلته لك شفاهة في أكثر من مرة عبر الهاتف أو شفاهة في لقاء: جمال هذا البوست في أنه أناخ للكثيرين راحلات أعياها تسفار الحياة ودأبها اليومي. تحتاج النفوس أن تبوح ، فهي إن كلت عميت. إن النجاح الذي لاقاه هذا البوست - بما شهد من مداخلات جادة من البعض- لهو الشهادة على أن الإسفاف الذي يظهر هنا وهناك في صحفناالإليكترونية له ما يقابله ويحسره بوجود من يغمرون موائدنا بالدسم وشهي غذاء الروح. وهذا البوست أبان أيضا أن للحب دولة في حياتنا تقبل الجميع وتسع في فراديسها كل من حلم بعالم يخلو من النقار والكراهية.
أحييك يا أفوكاتو وأنت - رغم ضيق الوقت عندك وزحمة يومك بالشكاوى والجري وراء مصباح العدالة- تتحفنا بدوحة وظل ممدود. هذا البوست ناجح بكل المقاييس لآنه تناول أمرا يبدو هينا لينا في الظاهر لكنه عميق عمق الحياة وتعقيداتها حين نفكر فيه ونستبصر.
Post: #465 Title: Re: الحب في المنبر Author: محمد المرتضى حامد Date: 08-31-2007, 03:08 PM Parent: #464
Omer Altom
Quote: وقد كانت هذه الاغنية آخر ما قلناه لبعضنا ......ثم .....افترقنا.......بعد ان صار حبنا اكبر من قدرتنا علي الحب......والاحتمال.....فشرقتَ انت....وغربت انا....
حقيقة يا عمر ، هنالك حب يفوق الإحتمال ولا مغالاة ، بمثل ماهنالك حزن يفوق ما تتحمله
النفس البشرية فهنالك حب يندفع كإعصار أهوج عات أو فيضان عارم يدمر سدود النفس معربدا
خلفها وينتهي باكتساح كل (بواباتها) وربما يرحل تاركا وديان حضارة الذات كالصريم ، يمشي و
يخليك يا عمر خاتِّي الخمسه في الإتنين ولا يُبقِى لك غير أن تعلن أن جهازك العصبي ومعه الكبد
والفؤاد منطقة كوارث.
الله يحفظك.
Post: #466 Title: Re: الحب في المنبر Author: محمد المرتضى حامد Date: 09-02-2007, 10:21 AM Parent: #465
Quote: وهذا البوست أبان أيضا أن للحب دولة في حياتنا تقبل الجميع وتسع في فراديسها كل من حلم بعالم يخلو من النقار والكراهية
فضيلي الودود،
أعجبني تعبيرك لكنني أرى أنه ليس فقط للحب دولة في حياتنا ولكنه الدولة التي فيها حياتنا حتى
لو كان في بعض نواحي تلك الدولة أقاليم متمردة أو طرفيات مهمشه فسلطة الحبيب المركزية
الدكتاتورية قادرة على إعادة الأمور إلى نصابها في معظم مناطق التململ و إخضاع من شق عصا الطاعة
والولاء وهي حالات معزولة غالبا ما تكون وراءها قوى أجنبية نسميها ( العواذل)، عفوا فضيلي فحتى
مفرادتنا عن الحب لوثها كثير ممن أسَمُّوا أنفسهم ساسة ، المهم يا العزيز صدقت بقولك أن دولة
الحب تقبل الجميع والتاريخ شاهد على ذلك ففي أسوأ حقب القمع لم ينحسر مد الحب ، فالعشق ياسيدي
، وأنت سيد العارفين به وأحد حمَلة ألويته ، حالة تزدهر بشكل غريب حتى في أوقات الظلم والخطر
والحرب والمرض والغربة وكل الظروف السالبة حتى لكأن الجسم الأثيري astral body يخلق أدوات
مناعة عاطفية إضافية لمواجهة الظروف السالبة المحيطة التي قد تثبِّط المشاعر في ( المناطق
المجاورة) ، أما (النقار والكراهية) ديل موضوعم طويل بدأ مع قابيل ولن ينتهي حتى يرث المولى
البسيطة ومن عليها ، لكن ثق بأن قوى الحب قادرة على الصمود والتصدي ولن تتأثر بالمظاهر السالبة
التي تشاهدها هنا وهناك ، تعرف يا فضيلي أنا عندي إحساس إنو معظم البتناقرو هنا في المنبر هم
أصلا بيمارسو العشق بس بطريقه ( غير) ،
اكثر ما أدهشني ، منذ يفاعتي ، معرفتي بأن شخصية الفوهرر المتطرفة والتي تسببت في
أعتى حرب في التاريخ كانت شخصية عاشقة حد الدموع وقيل ان ايفا براون كانت (ملهمة) الرجل
الكارثة في كل أفاعيله فكان يخرج من عندها ويلهب الجرمان بخطبه النارية ، وينظر إليها مرددا
بالألمانية (فكــــري فيــك حايـــــر …كل ساعة جيش حبك بهجوم في الصدير غاير) وكان يخرج من
عندها منتشيا حتى تغازله دول المحور في الشوارع ، حسب تعبير د.بشرى الفاضل ، ثم يعود إليها
مترنما ترنيمته الشهيرة عندما تتأخر إيفا قائلا ( يا إيفا بنظرتك أوفي الميعاد "الجيوش"
الشافتِك ما أسعدا) ويظل يهتف باسمها حتى يصل الى (لو سهم عينيك صدف راسى الجماد غير شك دك
الحجارة وهمدا) وفي الواقع يكون هو من دك المدن وهمّدا ، بالله مش حاجه تسغرِب؟
لا أظنه بخاف على أحد أن بعض حالات الفشل العاطفي تعلن عن نفسها في شكل نشاط وسلوك يتمثل في
محاولات إثبات الذات أو التعويض بشتى السبل حربا، حبا ، شعرا أو (مَنَاقَرَه) من خلال اي وسيط إعلامي
عساه يصادف الحبيب السابق فإن كان النشاط موجبا فإن ذلك من نعم الحب ودوافع بناء الحضارة
والمجد وإلا فالدمار هو البديل.
العيون الشافتك ما أسعدا.
شكرا فضيلي لتشريفك هذه المساحة مرة أخرى.
Post: #467 Title: Re: الحب في المنبر Author: Osman Musa Date: 09-02-2007, 10:13 PM Parent: #466
الحب فى المنبر ... نتابع بكل اعجاب
Post: #468 Title: Re: الحب في المنبر Author: محمد المرتضى حامد Date: 09-03-2007, 10:11 PM Parent: #467
يا عثمان أنا مندهش لماذا لايكتب من يسعى إلى وظيفة ضمن سيرته/ا الذاتيه (عاشق) او (عاشقة)؟ لعمري أنها تكفي عن سواها.
Post: #469 Title: Re: الحب في المنبر Author: الطيب شيقوق Date: 09-05-2007, 06:31 AM Parent: #468
في راي يا المرتضى اذا كان الحب تاشيرة دخول الى حرمات الناس كما هو واضح من الرواية ادناه فيقيني من باب اولى ان يكون الحب احد العناصر المهمة في السيرة الذاتية للحصول على وظيفة في اى مؤسسة .
الحب يا المرتضى دائما يستصحبه الثراء والنجاح وهو اكثر سموا عنها جميعها
A woman came out of her house and saw 3 old men with long white beards sitting in her front yard. She did not recognize them. She said "I don't think I know you, but you must be hungry. Please come in and have something to eat."
"Is the man of the house home?", they asked.
"No", she replied. "He's out."
"Then we cannot come in", they replied.
In the evening when her husband came home, she told him what had happened.
"Go tell them I am home and invite them in!" The woman went out and invited the men in"
"We do not go into a House together," they replied.
"Why is that?" she asked.
One of the old men explained: "His name is Wealth," he said pointing to one of his friends, and said pointing to another one, "He is Success, and I am Love." Then he added, "Now go in and discuss with your husband which one of us you want in your home."
The woman went in and told her husband what was said. Her husband was overjoyed. "How nice!!", he said. "Since that is the case, let us invite Wealth. Let him come and fill our home with wealth!"
His wife disagreed. "My dear, why don't we invite Success?"
Their daughter was listening from the other corner of the house. She jumped in with her own suggestion: "Would it not be better to invite Love? Our home will then be filled with love!"
"Let us heed our daughter's advice," said the husband to his wife.
"Go out and invite Love to be our guest."
The woman went out and asked the 3 old men, "Which one of you is Love? Please come in and be our guest."
Love got up and started walking toward the house. The other 2 also got up and followed him. Surprised, the lady asked Wealth and Success: "I only invited Love, Why are you coming in?"
The old men replied together: "If you had invited Wealth or Success, the other two of us would've stayed out, but since you invited Love, wherever He goes, we go with him. Wherever there is Love, there is also Wealth and Success!!!!! !"
Post: #470 Title: Re: الحب في المنبر Author: محمد المرتضى حامد Date: 09-05-2007, 01:12 PM Parent: #469
فدنياواتنا كثر وهي حالة تسامي ، تتذكر كلام العلوم والتحول من حالة الصلابة للغازية دون المرور
بحالة السيوله، أها في ناس مع الحب بيتحولوا من الجسد الى كيان أثيري وهذا ما لايقدر عليه ناس
المادة. ياخي العاشقين ديل أصحاب كرامات وبذات القدر الذي تستخفهم بسمة الطفل لكن قوة الحب فيهم
كفيلة بدحر جيوش الفواجع والإحباط وكل الأساطيل القبيحة.
(متلي كم ضايعين ما لي ومال سهام العين).
Post: #471 Title: Re: الحب في المنبر Author: الطيب شيقوق Date: 09-05-2007, 10:20 PM Parent: #470
وحياة اسم الله يا المرتضى ود حامد انت ومعاك عاصم ود البناء (سري ده ) بعد تفنيا تستاهلا يعملوا اليكما ( المثني طلع زيتي) تمثال زي بتاع توت عنخ آمون .
Post: #472 Title: Re: الحب في المنبر Author: محمد المرتضى حامد Date: 09-06-2007, 08:44 AM Parent: #471
يا طيب أنا مش قلت ليك الشعراء والأدباء ( الما خمج) يهندسون أرواحنا؟ حصل يا الطيب حبيت ليك زول لدرجة البكاء ؟ طيب شوف الزول فاروق ده قال شنو في قصيدته (أحبك حتى البكاء)
أحبك حتى البكاء وأعلم أن الذي بيننا ليس نزوا ولا هو محض اشتهاء ولكن معناهُ فيكِ ومنكِ وفي لحظةٍ جمعت تائهينِ على رفرفٍ من خيوط السماء فكان انجذابٌ، وكان ارتواءُ جعل الشجر المتباهي بكل عناقيده المترعاتِ يرى في تطاوله فرصة لاحتواء المسافة بيني وبينكِ مدُّ الظلالِ، لعل الظلال تشارفُ حّد السماء فتأوي إليه وتبسط بين يديه احتياج الوليفين للعشِّ توق الحناجر، وهي مكتلة، للغناءْ! هل الأرض تدري بأن خطاك الخفيفة مسرعة في المروق، وذائبة في العروق تسابق عُمرين يصطرعان لأن الذي قد تبقى من الوقت أصغر من رشفةٍ وأقل من اللحظةِ السانحة فكيف يقالُ الكلامُ الكثير بلفظٍ وحيد؟ وكيف نُطيق احتشاد الوعود ليوم جديد؟ وكيف نزيحُ انكسار زمانٍ ثقيل بليد؟ لنفسحَ فينا مكاناً، لطلةِ حُبً جديد
Post: #473 Title: Re: الحب في المنبر Author: محمد المرتضى حامد Date: 09-06-2007, 08:47 AM Parent: #472
ومرارات أيامهم يلوكون عجز الزمان الذليل وحين تحاول أعناقهم أن تشبّ تناطحهم صخرة المستحيل! أحبكِ حتى البكاء وليس البكاءُ نهاية ما يمكنُ البوحُ به ولكنه خاتمةٌ لتجمع بخار الصبوات المؤجلة واختبار الساعات المحبطة، طويلا ها أنتِ على رفرفِ الكون أبعد من نجمٍ وحيد مراوغ وأقربُ من دهشةٍ مفاجئة تُلقي بجمرها على الوجوه الصلدة المقفرة وتُنبتُ فيها الحياة فتخضوضرُ صفحتها بالرغائب مُدي يديك لنعتصر معاً عناقيد الفرح واغرفي من البئر الممتلئة بكل فُصول الحياة ريّاً لظمأ قديم وعطشاً لزمان قادم! لم توهب أنثى ما وُهبته من ألفةٍ وحيوية يداك تتنافسان في إبداع حياةٍ لا سابقة لها فكل ما تُبدعينه هو على غير مثالٍ سابق لا تُعيدين، ولا تقلدين ولا تستريحين الى طريقٍ عبدّه السابقون فلديكِ من القدرة على الإدهاش ومن وفرة الاحساس واشتعال الحُميّا ما يجدد اللحظة باللحظة ويملأ الوقت بالوقت ويفيض على الزمن بالغنى والحركة والإيقاع الجياش الذي يفور دوماً ولا يهدأ!«
Post: #475 Title: Re: الحب في المنبر Author: محمد المرتضى حامد Date: 09-06-2007, 08:53 AM Parent: #473
وشوف الباقي يا الطيب واستغفر ربك فالموت حق،
أحبكِ حبيّ من الحب انك لي وأنك - من بين كل النساء حصيلة عمرٍ حفيل وتوقٍ طويلٍ طويل ولذع الرهان المراوغ يُفلت من قبضة المستحيل لكي تُصنعي مثلما قد حلُمتُ وتأتين فارسةً في السباقِ الطويل فكيف أجاريكِ سابحةً في المدار وساطعةً كالنهارِ ومنغرقةً كالبحار وقافزة فوق كل السدود التي تتساقطُ تحت سنابك هذا الجوادِ الأصيل رويدكِ لا تقلعي في السحاب ولا تُشعلي البرق والرعدَ لا تستثيري التخوم البعيدة وهي تُحّدق جازعةً تترجرجُ عند اقتراب الصهيل فها أنتِ.. لا تُشبهين اختلاط الفصول ولغو الشتاتِ وفوضى الصفاتِ ودمدمة القابعين بأحداقهم أحبكِ حتى البكاء كأن البكاءَ طريقي إليكِ، وفي موكب الدمع أصعد، معراج روحي بهاؤكِ سدرة دربي ظلالٌ من السدرِ تبسطُ لي رحمةً، وتُناولني بعض ماء ويلتفُ منكِ الشعاعُ الذي يحتويني يخيل لي تارةً أنه ومض جسرٍ وآنا ألاحقه كالسرابِ المُراوغِ وأعلمٌ أنك ما زلت أبعدَ أبعدَ من كل ما يستبيني وأبحثُ عنه، وألهثُ محتمياً في يقيني يقيني الذي يتشققُ حين تداهمهُ طرقاتُ الغزاة فيصبحُ حلمي الجميلُ شظايا ويصبح ما كان عمراً.. بقايا وأصعدُ - ما زلتُ أصعدُ - منكسراً، كالزمان الحزينِ ودمعي براءةُ توقي واشراقُ رُوحي وسهمي الذي حين أطلقُ يرتدّ، منغرزا في الصفاء الطعين وأنتِ، شبيهة نفسكِ وحدكِ تجيئينَ - من دون كلِّ النساء- تميمة حُبً، وأيقونةً لصلاةٍ تؤملُ سقيا، وفيض عزاء أحبكِ.. حتى البكاءْ!
ما خليت لي نصيب غير البكا والنحيب رحمك الله خليل اسماعيل
يا الطيب لا أراك الله مكروها في عزيز لديك .. قول آمين.
Post: #474 Title: Re: الحب في المنبر Author: د.محمد حسن Date: 09-06-2007, 08:50 AM Parent: #1
الشاه
سلامات
شوف الكلام القالو محمد ودحسن ده مش بختو في زمرة المنشرقة قلوبهم:
Post: #476 Title: Re: الحب في المنبر Author: محمد المرتضى حامد Date: 09-06-2007, 09:26 PM Parent: #474
الحب في القرآن الكريم
ولنطالع ما أوردته (بترا) ،
اختتام أعمال مؤتمر"الحب في القران الكريم".
06/09/2007
البحر الميت/6 ايلول/بترا/أجمع المشاركون في البيان الختامي لأعمال مؤتمر"الحب في القران الكريم"الذي اختتم اعماله في البحر الميت اليوم بحضور مندوب جلالة الملك سمو الأمير غازي بن محمد المبعوث الشخصي والمستشار الخاص رئيس مجلس امناء مؤسسة ال البيت الملكية للفكر الاسلامي وسمو الاميرة اريج غازي على أن الحب في القرآن الكريم هو نقيض الغلوّ والتطرّف والكراهية وأنه أساس من أسس التعايش مع الآخر بمحبّة واحترام. وقدّموا في المؤتمر34 بحثاً تناولت مفهوم الحب في القرآن الكريم وأهمية إبرازه دينياً وثقافياً وسلوكياً بإعتباره الأساس للعلاقات بين العباد وخالقهم وبين الناس بعضهم ببعض على اختلاف عقائدهم وأجناسهم وثقافاتهم وأنه الترجمة العمليّة للكرامة الإنسانيّة التي أفاء الله بها على بني آدم. وتطرّقوا إلى المسببات التي تغذّي الغلو والتطرّف ومنها..الاستغلال والاستبداد والفساد والاحتلال ومحاولات احتكار الإيمان ورفض الاختلافات التي هي آية من آيات الله وعظمته. وبحثوا كيفية التصدّي لهذه المسببات والعمل على إزالتها خاصة وأنها أصبحت تشكّل مادة تستغلّ في حملة الإساءة إلى الإسلام وتشويه صورته ومن ثم توجيه الاتهامات الباطلة إليه وإصدار أحكام الإدانة المسبقة عليه. ورأى العلماء المشاركون في المؤتمر أن سوء فهم غير المسلمين للإسلام وسوء تفسير بعض المسلمين لتعاليمه يسهم في تشويه صورته الأمر الذي يتطلب منا إبراز القيم الدينية السامية التي يدعو إليها الإسلام وفي مقدمتها قيمة الحب التي تعتبر من أسمى القيم التي يقوم عليها الإيمان. وشددوا على أن الدعوة إلى حوار جاد بين الحضارات والثقافات والأديان يقوم على قاعدة الحب المتبادل التي يؤكِّد عليها القرآنُ الكريم بما تقتضيه من احترام للتنوع والتعدّد والاختلاف بين الناس. وأشاروا إلى أن ما يعاني منه العالم اليوم من صراعات وفتن واضطرابات تعود إلى تغييب قيمة الحب في العلاقة مع الله سبحانه وتعالى وفي العلاقات بين جميع الناس. ودعا العلماء إلى الالتزام بمبادئ التقوى والعدل والصّلاح والتوادّ واجتناب الفسوق والظلم والعدوان والفساد والكراهية ورفض العنف والتطرّف والغلوّ والعمل على إزالة مسبباتها لتناقضها مع ما يدعو إليه الإسلام من سلام واعتدال وسماحة ورحمة وحبّ. وقال مدير مؤسسة ال البيت الملكية للفكر الاسلامي الدكتور ابراهيم شبوح ان المؤتمر جمع افاضل العلماء المسلمين في جو تميز بالحوار الموضوعي والفكر المستنير الذين اثروا محاور المؤتمر بالنقاش المفيد والمثمر بما يحقق مصلحة الاسلام والمسلمين في مجتمعنا المعاصر وليرسي بذلك افضل القواعد للمحبة والعقل لاستئصال كل اسباب الفرقة والتناحر التي تعصف ببعض بلاد المسلمين. واكد ان الاسلام الصحيح ارسى افضل القواعد للعلاقات الانسانية بين الافراد والامم والشعوب بصرف النظر عن الاختلاف في العقيدة اواللون اوالجنس على قاعدة من الوسطية والتسامح والعدل. ودعا شبوح الامة الى الابتعاد والامتناع عن تبادل تهم التكفير باسم الاسلام واطلاق الفتاوى التي لا تصدر عن علم وادراك لمعنى المسؤولية مخالفين لجوهر الدين الذي اتفق عليه علماء المسلمين في ارجاء الارض.
Post: #477 Title: Re: الحب في المنبر Author: محمد المرتضى حامد Date: 09-07-2007, 08:49 AM Parent: #476
Quote: كسرتك مش كدة
هو أصلا إنت لقيت فيني عضُم سالم؟ محمد يوسف محمد قال عرف الحب هوى وإخلاص حنان ووداد وورود وسلام لكن يا محمد حسن في نظري كانت تلك مشارف عالم الحب فقط والحكاية دي ( ماليها حد ..ما ليها قيف)
يا رفيق أيامي الخضراء .. كنت معايا ولسّه معايا.
يسلم بدنك... وروحك.
رمضان كريم
Post: #478 Title: Re: الحب في المنبر Author: الطيب شيقوق Date: 09-07-2007, 11:57 AM Parent: #477
سلمت أيها الحبيب لي سلمت لك تنزلت حلمت لو بلحظة على يديك أنجم وكف عن دواره الفلك حلمت لو يطوق الربيع بالورود منزلك سلمت أيها الجميل من لواحظ العيون نجوت يا بديع من شوارد الظنون حاسدين من آفة تلونت بكيد وعلقت بقبة السماء ذيلها
سلمت لي - سلمت لك يزفك الأصيل نغمة نديه لبلبل صدح غرست فرعك المديد يا موزع الفرح شجيرة من الحناء تمايلت فروعها نداوة وروعة وكبرياء هنا الجمال غار منك ثم حط مرغما" لديك كل ما ملك والنهر موجه الرقيق هل رأيت كيف غازلك؟
ما أجملك – ما أجملك خرجت للصباح وردة من الضياء في طهارة الملك سلمت لي – سلمت لك
الخرطوم ،صيف 1990
المرتضى شايفك لفيت على الحب في القران الكريم مالك نفسك اتقطع ولا دى نهايات الحب في المنبر العام؟ عجب والله زى ما قال فضيلي تشبه نمة فنانيي الحقيبة بعد يوصفوا المحبوبة لحد الخصر والباقي يا تومي هووووووووووووووووووووووووووووووووووووووووووووووووووووووووووى يا تومي هووووووووووووووووووووووووى هوى هوى .
Post: #479 Title: Re: الحب في المنبر Author: محمد المرتضى حامد Date: 09-07-2007, 11:14 PM Parent: #478
يا الطيب، لن ينضب معين الحب في محب بل يزداد تدفقا كلما عاشه وتغني به، باسيدي الحب الذي نعني لايقتصر على ما خلده أهل الحقيبة ولعلي أشرت لذلك في مستهل هذا البوست .. بالله يا الطيب هل صافحت عيناك أبيات كالتي ذكرها ودالضو وأكملها فضيلي عن العشق الإلهي وما قالته رابعة العدويه؟ هاكها فاحفظ تلك التجليات.
أحبك حبين : حب الهوى وحـب لأنك أهـل لِـذاكَ فأما الذي هو حب الهوى فشغلي بذكرك عمّن سواك وأما الذي أنت أهلٌ له فكشفك للحــــجب حتى أراك فلا الحمد في ذا ولا ذاك لي ولكن لك الحمدُ في ذا وذاك ولما علمت بأن قلبي فارغ ممن سواك .. ملأته بهواك وملأت كلّي منك حتى لم أدع مني مكاناً خالياً لسواك فالقلب فيه هيامه وغرامه والنطق لا ينفك عن ذكراك والطرف حيث أجيله متلفتاً في كل شيء يجتلي معناك والسمع لا يصغي إلى متكلم إلا إذا ما حدّثوا بحلاك
رابعة العدوية
Post: #480 Title: Re: الحب في المنبر Author: الفاتح الجنيد Date: 09-08-2007, 09:28 AM Parent: #479
الحبيب محمد المرتضى ،،، الرجل النسمة
هل لى أن أتساءل ؟؟؟
مابال هذا الزمن الذى أصبحت فيه الكلمة الطيبة باهظة الثمن !!! مابال هذا الزمن الذى أصبح فيه مبدأ الحياة " فرق لتسد " !!! مابال هذا الزمن الذى أصبح فيه " الهجوم خير وسيلة للهجوم " !!! مابال هذا الزمن الذى أصبح فيه المثل " أعمل ليومك كأنك تعيش أبدا ،، واعمل لغدك لتذبح أحدا " !!! مابال هذا الزمن الذى أصبح فيه النوم بعين واحدة أمر واجب !!! مابال هذا الزمن الذى أصبحت فيه أنفاس البشر كبخار عوادم السيارات !!! والسؤال الأمر : مابال هذا الزمن الذى مات فيه الحب ، وولد فيه الرعب !!! ووووووو مليون سؤال !!! ولكن يبقى السؤال الأخير ... مابال هذا الزمن الذى انعدمت فيه الاجابة عن كل الاسئلة !!! ..................................... قيل عندما ضجر والد ليلى معشوقة قيس بن الملوح من أشعاره فى ابنته ، حرَّم عليه الاقتراب من مضاربها ، واجتهد ليزوجها لأى شخص آخر حتى يرتاح من عار أشعار قيس فيها ،،،
وقيل أنه بعدانعزاله وبعده عن الناس هام فى الصحراء لعدة ايام وليالى ،، وبعد أنتشار خبر وفاة قيس الذى وجد ميتا فى منطقة كثيرة الحجارة ، لم تبق فتاة من بني جعده ولا بني الحريش الا خرجت حاسرة الراس صارخة عليه تندبه ، وأجتمع فتيان الحي يبكون عليه أحر بكاء ، وشاركهم في ذلك كافة قبيلة حبيبته ليلى العامريه رغم أنهم ناصبوه العداء ، حيث حضروا معزين وأبوها معهم وكان أشد القوم جزعا وبكاء عليه وهو يقول : ماعلمنا أن الامر يبلغ كل هذا ولكني كنت عربيا أخاف من العار وقبح الأحدوث ....
وروي أن يوم العاشر من ذي الحجة في عامٍ ما صادفت وقفته يوم جمعة ، فاجتمع يومها من الخلق ما لم يجتمع في حج من قبل ،، وهو حج جفل منه قيس عندما أخذه والده إلى الكعبة آخذا بنصيحةٍ نفر من الناس لعل الله يشفيه من حب ليلى ،،، قيل فلما طلب منه والده أن يتعلق بأستار الكعبة ويدعو الله الفرج مما هو فيه ، وقف قيس في نهدةٍ من الأرض صارخاً في البيت (اللهم زدني لليلى حباً ،، وبها كلفاً ،، ولا تنسني ذكرها ، ولا تشغلني عنها أبدا ،،، فبهت أبوه ، والتفتت إليه الجموع مستغربةً مستنفرةً ، فمثل هذا الدعاء لم يعهدوه ولم يسمعوا بمثله في هذا الموقف ، فاستكبره جمهور رأى فيه بوحاً لا يليق ، واستهتاراً لا يسكت عنه ، فشخصوا حول قيسٍ وتناهبوه، وهو يردد الدعاء ذاته ، لا يغير فيه إذا لم يزد ،،، وأبوه يذود عنه مسترحماً معتذراً متعذراً بجنونٍ ألم بولده لفرط العشق ،، لكنهم لايتسمعون إليه ، حتى أوشكوا أن يقضوا عليه ،،، وفيما هو محمول يخرجونه من الحرم ، ودمه يغسل الطريق ، كان يردد بصوتٍ واهنٍ ، لا يكاد يسمع : ها أنت سمعت ها أنت رأيت ...
فأين نحن من هذا ؟؟؟ هو ليس ببعيد عنا ،، ولكننا نحن الذين بعدنا عنه ،،، فهلا اقتربنا ،،، محبتى ،،،،
Post: #482 Title: Re: الحب في المنبر Author: محمد المرتضى حامد Date: 09-10-2007, 12:55 PM Parent: #480
الفاتح الجنيد، إنت وسوما اللتنين في البوست السعيد ده ؟ ياخي والله دي ريده ستيريو. يا سيدي ألف مرحب بك ثانية في المنبر ومامن شك أنك ستتحف هذا المنبر كما فعلت حرمكم المصون أدام الله عليها عافيتها وودها. سأعود للمسائل الغزيرة التي وردت في مداخلتك المميزة وأتمنى تواصل كل جميل هنا. محبتي يا محمد ورمضان كريم.
Post: #481 Title: Re: الحب في المنبر Author: محمد عثمان Date: 09-10-2007, 07:05 AM Parent: #1
ود المرتضى..
سلاام ليك و للمعاك فى الاوضة قاعدين.. يا ليالى الصبر ياتو الامر من الصبر زاااتو و قالوا الصبر عاقبو الحلو....
و ليالى الصبر.. و الزول الخطير ود البادية... شوية تغيير يعنى...
يديكم العاافية....
Post: #483 Title: Re: الحب في المنبر Author: Osman Musa Date: 09-11-2007, 02:46 AM Parent: #481
يا محمد المرتضى جميل بثينه ده هو . جميل بن عبدالله بن قيس بن عذرة . شاعر أموى عذرى . أحب البنية بثينة _ وديك قصه طويلة_ المهم صاحبك جميل أمضى ليالى عدة يقتنص فرصة اللقاء حتى وجد بثينة مرة مع صديقاتها فنزل اليهم. واذا بالفرح والأسى والذكرى والمعاناة تفوح لتلون كل الكلمات وبلغها بأنه أتى ليودعها قبل أن يقصد مصر . وانصرف جميل قاصدا مصر محملا بالذكريات مثقلا بالجراح والآهات ناثرا مع نسيمات الهواء أجمل الابيات اذ قال :
ألا ليت أيام الصفاء جديد ... ودهرا تولى يا بثين يعود فنغنى كما كنا تكون وأنتم ... صديق واذ ما تبذلين زهيد ................................................... راجع ليك بعد ما امشى ادى الفاتحة فى جميل بثينة ده . المسكين مات لا يدو لا كراعو. اها فى جنس ده تقول شنو؟ .
Post: #486 Title: Re: الحب في المنبر Author: محمد المرتضى حامد Date: 09-12-2007, 10:19 AM Parent: #483
لكل من شاركته هذا البوست رمضان كريم السنه دي ربنا يعدلها عليكم وعلى الشعب الطيب وعلى ارض (طرب النيل لديها فتثنى) لكم محبتي
Post: #484 Title: Re: الحب في المنبر Author: محمد المرتضى حامد Date: 09-11-2007, 11:53 AM Parent: #481
Quote: قالوا الصبر عاقبو الحلو....
لاشك يا محمد.. بس ما يطلع ( الحلو) اللي بيغسل اليدين في نكتة الهيلاهوب.
شكرا يا هندسه.
Post: #485 Title: Re: الحب في المنبر Author: nourelhadi awad Date: 09-11-2007, 02:35 PM Parent: #484
يا أيها المرتضي ربما ذات العشق غيبني فصفحات الوطن لاتعرف الترقيم والإبتداء السماء ملت إبتعاد فابتل ريق الأديم صعودا.. وأفترشنا نجيل التواجد ورددنابصوت جهور يغالبه الهمس مبلل بالطمي النعمة يالعزيز نحن بنريدك وتباقص اللحن تأشيرة خروج وغيبت أفق الوطن فطار طائر الهوى جناحه مال وإنكسر
لكنكم... ولأنكم كما ظننتكم عشة طايري وحديقته البرية
مودتي
Post: #487 Title: Re: الحب في المنبر Author: محمد المرتضى حامد Date: 09-13-2007, 11:46 AM Parent: #485
عثمان موسى ، شكرا على رفد المنبر باساطير وقصص أهل الحب والريده الماخمج. شفت نزار الشاهق السامق في السماك الأعلى عمل شنو؟
سأغير التاريخ لو أحببتني امحو فصولا او اضيف فصولا وسينتهي العصر القديم على يدي وأقيم عاصمة النساء بديلا
رحمك إلهي يا قباني
Post: #488 Title: Re: الحب في المنبر Author: محمد عثمان Date: 09-13-2007, 11:45 PM Parent: #1
ود المرتضى... و الجميع هناااا
رمضان كريم و تصوموا تفطروا على خير
تخريمة: و قفنا الاغنية الفوق...و الحلو ما يخلص قلنا نسمع شوية عوض احمد خليفة و الفنان الذرى و لكن حنانك وين..؟؟؟؟؟
Post: #489 Title: Re: الحب في المنبر Author: محمد المرتضى حامد Date: 09-17-2007, 09:17 AM Parent: #488
near, far, wherever you are i believe that the heart does go on my heart will go on
لكل من جاء إلى الدنيا في 17 سبتمبر محبة.
Post: #490 Title: Re: الحب في المنبر Author: الطيب شيقوق Date: 09-17-2007, 09:57 AM Parent: #489
Quote: يا الطيب، لن ينضب معين الحب في محب بل يزداد تدفقا كلما عاشه وتغني به، باسيدي الحب الذي نعني لايقتصر على ما خلده أهل الحقيبة ولعلي أشرت لذلك في مستهل هذا البوست .. بالله يا الطيب هل صافحت عيناك أبيات كالتي ذكرها ودالضو وأكملها فضيلي عن العشق الإلهي وما قالته رابعة العدويه؟ هاكها فاحفظ تلك التجليات.
صحيح يا المرتضى
حتى الورود تعبر عنه والحيوانات تشعر به بالغريزة والانسان يقع فيه. وهو كلمة من حرفين ولكنه يعبر عن مشاعر جياشة معقدة أحياناً. يقال انه أعمى يجعلنا نتصرف بجنون يجعلنا تارةً نضحك وأخرى نبكي، فكيف تظهر كل هذه الاعراض؟ يقال ان العواطف هي المسؤولة عنه لذا نعتقد انها غير عقلانية. ولكن وجد العلماء ان الحب متصل بعوامل فسيولوجية لأننا بحاجة للحب والحنان والعطف وهناك عناصر كيميائية مسؤولة عنه وهي مواد الامفيتامين - كما تفضلت بذلك سابقا يا المرتضى - التي تنتشر في الدماغ وهي عناصر مسؤولة عن اعراض الحب. وللحب جذور تاريخية، ولم يكن مفهوم الحب قبل الزواج منتشر أو معروف عند بعض الشعوب كالصينية والهندية والافريقية فلغتهم لم تكن تحوي على كلمة الحب ولم يكن هناك كلمة مرادفة للحب في اثنين من أعرق وأقدم الحضارات في العالم وهي الاغريقية واللاتينية. والحب هو محور الثقافات ووراء اجمل قصائد الغزل وأحلى الفنون ويمكن ان يدفع صاحبه الى الجنون وتشير الاحصائيات الى ان الكثير من الجرائم سببها الحب (ومن الحب ما قتل). ولكن ما هو الحب؟
تبقى الاجابة على هذا السؤال سرمدية و بطول نفس بوست الحب في المنبر العام
عميق محبتي
Post: #491 Title: Re: الحب في المنبر Author: محمد المرتضى حامد Date: 09-17-2007, 01:58 PM Parent: #490
نورالهادي عوض، هنالك أناس نفرح كالأطفال حين نلتقيهم وأنت منهم. الشكر للوطن وحوش بكري الإسفيري وحوش بكري في بحري وقبلهم إرادة المولى ، أن هيأوا لنا لقيا. شكرا يا نور على كل شئ.
Post: #492 Title: Re: الحب في المنبر Author: محمد المرتضى حامد Date: 09-18-2007, 09:53 AM Parent: #491
Quote: وهناك عناصر كيميائية مسؤولة عنه وهي مواد الامفيتامين
أمفيتامين ؟ الأمفيتامين مسؤول عن الحب؟ بالله ده كلام يا الطيب؟ يا أخوانا شيقوق ده ( لوِّموهو اللاهِ في الغرام بالله وقولو ليهو الحب ده شي طبيعي إلهي).
Post: #493 Title: Re: الحب في المنبر Author: abubakr Date: 09-18-2007, 10:55 AM Parent: #1
رمضان كريم جيت مار ساااي وما عارف انو العرريب ودشيقوق بجاي وكمان بيفتي في مواضيع الحب والكيماويات ؟؟؟ في ذمتك الاميفتاميين مالو ومال الحب اها اقرا دة ؟؟ يااا مفشلنا في البر والبراري والبادية والبندر ؟ :
الجرعات الكبيرة تؤدي إلى العجز الجنسي وفرط تحكم اللاعبين بحركتهم الامفيتامينات تثير مراكز الجهاز العصبي المركزي
د.جابر بن سالم القحطاني الامفيتامينات مجموعة من المركبات المنشطة التي تشيد كيميائياً ويؤدي استعمالها إلى إثارة مراكز الجهاز العصبي المركزي . يتكسر الامفيتامين في جسم الإنسان حيث يمتص بسرعة عند تعاطيه إما عن طريق الفم أو الشرج، وينتشر بسرعة خارج الأوعية الدموية ويؤخذ بواسطة كريات الدم الحمراء، يحصل للامفيتامين تفاعل حيث تنزع مجموعة الامين بواسطة الأكسدة فيعطي المركب المعروف باسم فينايل أسيتون والذي يتأكسد مرة أخرى ليعطي حمض النبزويك والذي بدوره يتحد مع الجلايسين ليكون حمض الهبيوريك، بالاضافة إلى تفاعلات أخرى بسيطة تعطي ما يعرف ب4- هيدروكسي امفيتامين (وهو مركب نشط). ونورافدرين (فينايل بروبانول أمين). إن إفراز الامفيتامين في البول يعود إلى الاس الايدروجوني للبول، حيث يزداد الافراز عن طريق البول إذا كان البول حمضيا. يمكن الكشف عن الامفيتامين في البول بعد تناول جرعة كبيرة خلال بضعة أيام. وتحت عدم استقرار الاس الايدروجوني للبول فإن 30% من الجرعة تفرز عن طريق البول دون تغيير خلال 24ساعة . وحوالي 90% من الجرعة تفرز خلال ما بين 3- 4أيام. ان الكميات المفرزة من المادة التي لم يحصل لها تغيير خلال ال 24ساعة يمكن أن تزيد حوالي 74% من الجرعة عندما يكون البول حمضيا وتتناقص إلى مابين 1-4% في البول القلوي. وعندما يكون البول قلويا فإن حمض الهيبوريك وحمض النبزويك تشكلان حوالي 50% من المواد الموجوده في البول. وفي الحالات التي يكون البول فيها عاديا فان البول يحتوي على ما بين 16- 28حمض الهيبيوريك وحوالي 4% بنزويل جلوكورونايد ، 2-4% هيدروكس أمفيتامن وحوالي 2% نور إفدرين خلال 24ساعة. ولا يوجد ما يشير إلى وجود أي كمية من الامفيتامين أو المواد الناتجة من تكسيره تخرج مع البراز .
عند تناول 160ملجم من الامفيتامين عن طريق الحقن بالوريد لشخص منتظم في تناول الامفيتامين فإن التركيز يكون في البلازما 0.59ميكروجرام للمليلتر الواحد بعد ساعة واحدة من الحقن .
الجرعة القاتلة أو المميتة لغير المدمنين 200ملجم. وقد وجد أن الامفيتامين يوجد في بعض الأنسجة لدى أشخاص توفوا حيث بعد تشريح الجثة اتضح أن الدم يحتوي على 41ميكروجرام لكل ملي والكبد 23ميكروجرام لكل ملي، والبول 23ميكروجرام لكل ملي .
تأثير الامفيتامين على جسم الإنسان:
تشمل التأثيرات السريعة للجرعة العادية من الامفيتامين(15مجم) تثبيط الشهية للطعام وزيادة ملحوظة في درجة الانتباه والثقة بالنفس والنشوة ورفع الروح المعنوية وتقليل الأحساس بالتعب والشعور بالقلق، كما تسبب الامفيتامينات توسع حدقة العين وارتفاع ضغط الدم وتصبب العرق وزيادة ضربات القلب، وفي بعض الحالات يؤدي تناول الامفيتامين إلى القلق والتقلقل.
وبعد تكرار استعمال الجرعة العادية يحتمل الجسم تأثيرها بحيث تقل فعاليتها بدرجة ملحوظة، مما يجبر المرء على الاكثار من مقدار الجرعة وعدد مرات تناولها، فقد يصل مقدار الجرعات اليومية في بعض الحالات الى جرام من الامفيتامين،وفي حالات أخرى يصل المقدار إلى جرامين أو أربعة جرامات في اليوم.
ويسبب استعمال الجرعات الكبيرة فرط إثارة الاعصاب وحدوث أعراض شبيهة بأعراض جنون العظمة وانفصام الشخصية. كما يؤدي الاستعمال إلى حدوث حالة من التوهم حيث يشعر المدمن أن حشرات تتحرك تحت جلده، كما يشعر بالتنميل المستمر. ويسبب الامفيتامين حدوث هلوسة بصرية وسمعية ورعشات وأرق وخوف وتململ وارتفاع في ضغط الدم وحرارة الجسم، والام في الصدر وصداع واضطرابات معدية واضطرابات في وظائف العضلات والثرثرة، كما يؤدي إلى انهاك القوى بسبب قلة النوم والغذاء. وقد يصدر عن المدمن تصرفات غير مألوفة تتميز بالفضول والشك الممتع وسلوك عدواني عنيف. وبالرغم من أن استعمال الامفيتامينات يساعد على رفع مستوى اللياقة البدنية والكفاءة الفردية للرياضيين، إلا أنها تسبب مع استمرار الاستعمال الخلط في التفكير والاختلال في مقدرة اللاعب على التحكم في الاداء. ولقد دلت الدراسات على أن استعمال الامفيتامين بإفراط في الأجواء الحارة أدى إلى وفاة بعض اللاعبين.
ويستعمل بعض الافراد الامفيتامينات بهدف التنشيط الجنسي وزيادة فترة المباشرة الجنسية والنشوة أثناء الذروة، بيد أن إدمان الامفيتامين يؤدي إلى فقدان الرغبة الجنسية .
ويؤدي إدمان الامفيتامين إلى حدوث أمراض سوء التغذية، كما يسبب حقن الامفيتامين في الوريد بجرعات كبيرة حدوث ذهان وأعراض تشبه أعراض جنون العظمة وسلوك عدواني عنيف، وينجم عن حقن الامفيتامين حدوث إصابات في الشرايين مثل الالتهاب والنخر، وفشل كلوي وتدمير الأوعية الدموية بالكلية وانسداد في الأوعية الدموية للمخ ونزيف في المخ قد يؤدي إلى الوفاة. ويسبب استعمال المدمن للحقن الملوثة الاصابة بالأمراض الميكروبية مثل التهاب الكبد الفيروسي والتهاب بطانة القلب وتسمم الدم ومرض الايدز والزهري والتيتانوس ويؤدي استنشاق الامفيتامين إلى إثارة الأغشية المخاطية للانف.
أعراض الحرمان:
تشمل الاعراض الناجمة عن الاقلاع فتور، الشعور بالقلق والاكتئاب الشديد الذي قد يؤدي إلى الانتحار، والارهاق الشديد والنوم المستمر الذي قد يستغرق عدة أسابيع أو شهور، وخلال فترات النوم الطويلة تزاداد الفترة الزمنية لمرحلة الاحلام وهي المرحلة التي يطلق عليها اسم مرحلة الحركة السريعة لمقلة العين.
Post: #494 Title: Re: الحب في المنبر Author: الطيب شيقوق Date: 09-18-2007, 11:32 AM Parent: #493
هو شنو الفاضل ليكم انتم يا السودانيين عشان يفشلوا ليكم ؟
ومن غضب الله عليكم ذاتو بقيتوا تشوفوا فتيل الخمرة زى فتيل حقنة البنسلين ؟؟؟؟؟؟؟؟؟؟
Post: #495 Title: Re: الحب في المنبر Author: abubakr Date: 09-18-2007, 11:46 AM Parent: #1
Quote: هو شنو الفاضل ليكم انتم يا السودانيين عشان يفشلوا ليكم ؟
الحب ...
Post: #496 Title: Re: الحب في المنبر Author: الطيب شيقوق Date: 09-18-2007, 02:28 PM Parent: #495
Quote: الحب
Quote: عزيزتي ود ,لن أتحدث عنكي لان كلماتي بك مجروحة..!وايضا كلماتك بي ..!! صحيح " ود" لقد تعلمنا في مدرج المحاظرات أن الأدب هو معبر عن صور واقعية في الحياة.. ولكن لم يعلمنا أحد أن هذه الصور يجب أن تكون جميلة دائما..!! فهناك صور مقلوبة ..!! وهناك صور مشوهة ..!!وهناك فعلا (مثالية مفقودة) وهنا المشكلة ياود ..! ولن أتحدث أكثر .. ود,ربما أنت أكثر شخص يعلم بأنني لم أقصد "نوع واحد من الحب ..!" غروب ..تتحدث عن الحب في الشارع ..الحب في الآسرة ..الحب مع الناس .. الحب مع كل الأشيئاء من حولنا .. إنتباه : هل تعلمون ..؟؟ ( الحب بدأ يتراجع ونحن لانشعر ..!!) عموما ياود مازلت أنتظر استكمال حديثنا معا .. ودمتي لي ...
اخي ابو بكر
Quote: ( الحب بدأ يتراجع ونحن لانشعر ..!!)
أرى هنا ان الحب آفل فاين تكون مضاجعه ؟
Post: #497 Title: Re: الحب في المنبر Author: ماجدة عوض خوجلى Date: 09-19-2007, 00:59 AM Parent: #1
تحياتى اخى محمد المرتضى وكل عام وانت وزوارك كلهم بخير انا منتظمه فى الزيارة وبقرا البوست ده بمزاج شديد وبعتبرو من البوستات الجميله جدا البتمنى انها تستمر بعد الارشفه وكل ارشفة تحياتى لك وشكرا على كل هذا الجمال !!!
Post: #498 Title: Re: الحب في المنبر Author: abubakr Date: 09-19-2007, 06:18 AM Parent: #1
Quote: أرى هنا ان الحب آفل فاين تكون مضاجعه ؟
الطيب ..الحب لا يافل انما تعجز القلوب والوجدان عن استيعابه عندما تنشغل بما هو ليس حبا ..
Post: #499 Title: Re: الحب في المنبر Author: salma subhi Date: 09-19-2007, 06:41 AM Parent: #498
الأخ محمد المرتضى
رمضان كريم وكل سنة وانت طيب
والحب في المنبر ينبض وينبض من غير توقف
تقديري
Post: #500 Title: Re: الحب في المنبر Author: ابوبكر يوسف إبراهيم Date: 09-19-2007, 10:22 AM Parent: #499
أخي الحبيب محمد المرتضى سلام على روحك الطيبة ورمضان كريم
الحب .. شعور معنوي تحسه القلوب والمشاعر يتجسد في حب الأنثى الأموهى الأغلى لدى بني البشر لا يعدلها أو يتماهي إى حب الأوطان في صورتها.. الحب الأشمل .. الوطن حبنا
[I]الخرطوم
[ سمراء ما زال الحنين إليك مشبوب الفكر وعلى جبينك من حنانك راحة ظلّتْ تمـر وبقية مـن ذكـريات عـالقات بالبصـر عن أعـينٍ سوداء يـبرق في تأملها الحذر عن عالمَ في قبضة الشمس العنـيدة ينصهر ..تتسلق الجدران والأبهاء فيك خُطى الـزهر ويـكاد يـورق في لياليـك المحجبـة الحجر فبقلب هـذا المنجم المـسود شـعبٌ مـزدهر رفع الجـباه، وسار منـداحاً كفجرٍ من صور فإذا السلام على الوجـوه، وفي أسارير النهر
غَنيتُ تحت ظلالك الهدباء أسراب الطفولة كانوا فراشات حيارى يمرحون اليوم طوله يتواثبون كـما تواثـب العصافير الجميلة ويزخرفون الحائط الممتد بالصور الهزيلة ما زلت أذكر بينهم طفلاً يتيماً كالخمـيلة لم يحمِ صفحة وجهه بيديه من كفّي الثقيلة فيداه فوق قميصه المخروق تلتمسان حيلة وإذا بثرثرة العيون تُذيب في عبثٍ نحوله حتى إذا ترك ما قطّعتْ من روحه قطعاً ملوله ترك القميص لكي يغطي جرح أيام ذلــيلة
أنا لست أنسى ليلةً عذراء ساجية الجفون قد سرتُ في أهدابها دمعاً جريحاً مستكين متذكراً من قريتي نبضـاً من البذر الدفين والقمح يقفز في وشاح ناعم رطْبَ الرنين وإذا بنخل بين ( شمبات) يهوِّم في العيون وقرى تنام مع البذور على جفون الكادحين والجدة العجفاء تروي ، والصغار يحملقون وعلى الروابي من حداء الراحلين شذىً حزين أحسست بعواصف الأحزان وأنا أبحث عن حنين فهويت أحتضن التراب بما ملكت من السنين
في أرض بلادي السخية عشتُ عمراً مخصبا أسرعت خلف غزالها (بأم بادر) حتى ترامى مُتْعَبا وسمعت ( دوبيتاًحمرياً) تغنى باللقاء ، ورحبا رقصت رقص(النوبة) مهتاجاً عنيفاً مغضبا وعلى صدى حوافر خيل (الشكرية)ألفيت عمري واثبا ومع ( النوير) وقفتُ مشدوه التأمل معجبا و(البقارة)هم الوجود الطفل يخطر في البراءة لآعبا و(الينكا) أيامهم للصيد والمرعى الذي قد أعشبا وصباحهم أبواب نورٍ أترعوها بالصبا حتى إذا ما أفرغوها أعادوا نارها مغربا أحبيبتي السمراء يا تهويمة الفجر الندي قالوا ( لقد أضحى الهوى والود غير مورد)! فتهتف شعري : هذه أكفكم السمراء تعشقها يدي وهواي في عينيك إما رائح ... أو مغتدي ألقاه في مرح الصباح ، في ظلال الموعد ويُرى بحقلٍ نائمٍ متوسِّـد بالساعد وبسنبلٍ ذهب الأصيل بجفنه لم يعقد وبكرمة شفّت على السـاقي ، وكأس مجهد هذا هو الحب الذي سيظل أوفى مورد مـن أجله نحيا بقـلبٍ خافـقٍ متوحد]
Post: #501 Title: Re: الحب في المنبر Author: سمية الحسن طلحة Date: 09-19-2007, 11:14 AM Parent: #500
رمضان كريم كل عام والحب بخير
Post: #502 Title: Re: الحب في المنبر Author: محمد المرتضى حامد Date: 09-19-2007, 03:03 PM Parent: #501
Quote: تحياتى اخى محمد المرتضى وكل عام وانت وزوارك كلهم بخير انا منتظمه فى الزيارة وبقرا البوست ده بمزاج شديد وبعتبرو من البوستات الجميله جدا البتمنى انها تستمر بعد الارشفه وكل ارشفة تحياتى لك وشكرا على كل هذا الجمال !!!
الماجدة عوض خوجلي، كل سنه وانت ماجده، بزيارتك بيتنا نوّر ولاشك أن مدحك لهذه المساحة هو ثناء وإطراء للذين عمّروها من المسئولين عن الفرح الذين يشكلون مجلس وزراء الجمال في المنبر. الإستمرارية يا الماجده رهينة بعدة عوامل منها الوقت ومشاركات أهل الحب والجمال من الأعضاء وهؤلاء هم ال life line لأي بوست وغيابهم يعني الأنيميا فالغيبوبة فالنعي. شوفي في كم واحده وواحد يداومون على رفد الجروف هذه بكل جميل من زهر وروح وريحان ، لولاهم لأصبح هذا البوست برقة ثهمد. مرة أخرى أشكر لك الزيارة وأعدك أن يبقى لواء الحب مرفوعا .
أهديك إحدى صور الحب غير المشروط uncoditional love.
Post: #522 Title: Re: الحب في المنبر Author: محمد المرتضى حامد Date: 09-23-2007, 11:34 AM Parent: #501
Quote: رمضان كريم كل عام والحب بخير
سميه، طالما أنت بخير فالحب بخير، كل سنه وانت طيبة يا عزيزة، مودتي
Post: #511 Title: Re: الحب في المنبر Author: محمد المرتضى حامد Date: 09-20-2007, 10:09 PM Parent: #500
salma subhi
Quote: والحب في المنبر ينبض وينبض من غير توقف
صدقيني سيظل يعربد في ميادين المنبر وغاباته كماالأكسجين في الشرايين حتى يجري على الخافق أمر الخالق.
ما تشوفي الحرابه القايمه بره دي ، الحاصل يا سلمى ، زي ما قال خوجلي ود عثمان، نحن أصلنا ناس محبه.
ما يهم هنا يا العزيزة سعادتي بزيارتك فلك المودة .
سيد الصوره دي سماها floating hearts
( اللهم ثبت قلوب عبادك)
Post: #503 Title: Re: الحب في المنبر Author: محمد عثمان Date: 09-19-2007, 03:10 PM Parent: #1
Post: #504 Title: Re: الحب في المنبر Author: Muna Khugali Date: 09-19-2007, 04:26 PM Parent: #503
الحب غير المشروط uncoditional love
وهو حب ينمو دون تدخل ولا املاء.. يسعي ولا يتعب من السعي..ليس من هدف سوي مزيد من الحب والصفاء ليس من غرض عنده سوي الحب قلب الانسانيه.. وهو حب حر..نقي وازلي في القلوب.. يذهب الي الطيور والورود والحيوانات وكل الكائنات..دون تفرقه ويعيش بين البشر الأخيار ولا يكل ولا يتعب..
Post: #505 Title: Re: الحب في المنبر Author: الطيب شيقوق Date: 09-19-2007, 06:09 PM Parent: #504
هو يا منى اختي
* ليس مجرد كلمات تقال وليس له تعريف ثابت في دنيا المحبين *
* هو أن تبحر دموعك من شاطئ عيوني ، وأن تشرق ابتسامتي على أفق شفتيك *
* جواز سفر ، يحملنا إلى بلاد غير معلومة ، وفي وقت غير معلوم *
* كالهواء ؛ نعيش فيه ونحسه ولا نراه *
* وصمة مثل بصمات الأصابع، لا يمكن أن نتخلص منه في أي وقت نشاء *
* كالعطر .. يدخل كل أنف رغم أنف كل من لا يريد *
* كالموت .. قدر لا يخالف ولا مفر منه
هو الضيف الوحيد الذي نفتح له كل الأبواب والنوافذ .. وننتظره بشغف مفتوح الذراعين وغالبا لا يأتي
* هو الخروج من المجال المغناطيسي للمكان .. ومن المجال التاريخي للزمان *
شيء شفاف لاتراه العين ولكن .. يدركه القلب ، فهو احساس نقي صافي تتضح آثاره في الشعور و تنعكس على التصرفات فيما بين المحبين ، فيظهر مدى تعلق أحدهما بالآخر ، فهو أعذب نعمة
ولكنه رغم العذوبة نقمة وبلاء
هو سلطان يجعلك في لهفة بان ترى حرفا يكتبه لك من تحب في بوستيك
هو الحب في المنبر العام كلوووووووووو
Post: #506 Title: Re: الحب في المنبر Author: محمد المرتضى حامد Date: 09-19-2007, 10:43 PM Parent: #505
Quote: الطيب ..الحب لا يافل انما تعجز القلوب والوجدان عن استيعابه عندما تنشغل بما هو ليس حبا ..
أبوبكر، حتى لو قلت لك you said it all حايجيني صديقي الطيب ويقول لي عندو تمومه. ياخي شيقوق ده الله يوريني فيهو يوم من أيام كثير عزه ، لكن بيني بينك هو رجل يتمتع بخاصية كشف مواطن الجمال ، جمال الروح والبدن ، وبين ضلوعه أجهزة إنذار مبكر وعيون كما الباشق اسأل الله أن يحفظها له كي يلقي عليها اللوم عند السقم على نول (عيوني هم السبب في أذاي) ، لكنه في عناده حتما يردد مع ودالرضي: عني ما نجيتا ويا جرح غوِّر إنشالله ما بريتا.
Post: #507 Title: Re: الحب في المنبر Author: الطيب شيقوق Date: 09-19-2007, 10:57 PM Parent: #506
Quote: جمال الروح والبدن
انت انسان مهذب بشكل ما عادي الله يخليك - بس مرات بتغلف العبارة باخرى بقصد الاقلال من غلواء عزلة الكلمة لكن الاجمل هو ان القشرة نفسها لا تقل روعة وجمالا عن الجوهر المغلف بها .
نجتاج لمزيد من الشفافية والافصاح يا المرتضى اخوى
Post: #508 Title: Re: الحب في المنبر Author: الطيب شيقوق Date: 09-20-2007, 05:31 PM Parent: #507
لماذا نحب ؟
لماذا تبحث عنه فى كل مكان ؟
كل شخص تقابله من الجنس الآخر , أول خاطر يداعبك هو : هل يمكن أن أحب ذلك الشخص ؟
إذا وقعت عيناك على حبيبين يجلسان فى جو من الحب , دون وعى منك تحسدهما على ما هما فيه .
و أذا أتت اللحظة التى أنتظرتها طويلاً , تلك اللحظة التى تقابل فيها من يخفق له قلبك
تبدأ فى الحيرة و التردد , هل تصارحه أم لا ؟
تسهر عيناك طوال الليل تفكر فيه , و أذا أغمضتهما تحلم به
أذاً فالحب حيرة و تردد و قلق , فلماذا نحب ؟
Post: #509 Title: Re: الحب في المنبر Author: Muna Khugali Date: 09-20-2007, 05:49 PM Parent: #508
Quote: هو سلطان يجعلك في لهفة بان ترى حرفا يكتبه لك من تحب في بوستيك
او في جوابات زي جوابات خضره لأبراهيم..
كل ارشفه وانتو سالمين..
Post: #510 Title: Re: الحب في المنبر Author: Muna Khugali Date: 09-20-2007, 06:14 PM Parent: #509
ولا أجد مكانا أنسب من الشكوي هنا.. فهنا مكان الحب وهنا الشكوي من الحبيب الغائب..
..... .....
ممكن بالله تكلموا بكري يرجع صندوق البوسته التركواز علشان أنا بحبه أمكن أكتر من الرسائل..ممكن؟؟؟
غاب وجلست الرسائل وحيده عاريه في نصف الطريق!
Post: #512 Title: Re: الحب في المنبر Author: الطيب شيقوق Date: 09-20-2007, 10:10 PM Parent: #510
منى
Quote: او في جوابات زي جوابات خضره لأبراهيم..
ممكن برضه يا منى لكن حرف واحد من الحبيب في بوستيك يلهب الاحاسيس والمشاعر وبخليك كمان تعرف نفسك بان كنت تدري ولا تدري انك هكذا .
Post: #513 Title: Re: الحب في المنبر Author: Osman Musa Date: 09-20-2007, 10:22 PM Parent: #512
بوست يفك الدبرسه.
والله يا الطيب شيقوق ضحكتنا ضحك شديد
Post: #514 Title: Re: الحب في المنبر Author: الطيب شيقوق Date: 09-21-2007, 07:06 AM Parent: #513
عثمان موسى
Quote: برجع ليكن
شنو التعتعة؟ - لنا أم لهنّ ؟
Post: #515 Title: Re: الحب في المنبر Author: Osman Musa Date: 09-21-2007, 07:59 PM Parent: #514
شيخ الطيب شيقوق سلامات يازول الكبر مادخل التعتعه والهترشه كترت بلحيل ربك يهون وصاحبك بى هناك داير خبرك (الدغور) نتابع بكل الحب ما يكتب فى بوست الحب فى المنبر . بوست متابع وخفيف الدم __ التحية لمحمد المرتضى .
Post: #516 Title: Re: الحب في المنبر Author: سمية الحسن طلحة Date: 09-21-2007, 08:59 PM Parent: #515
شوف يامرتضي حب ناس زمان دا بالإدغام بغتة وبغيرهاوتشديد شديد ولاتنطق الهاء في أواخر الكلم:
Post: #517 Title: Re: الحب في المنبر Author: الطيب شيقوق Date: 09-21-2007, 09:08 PM Parent: #516
Quote: وصاحبك بى هناك داير خبرك (الدغور) نتابع بكل الحب ما يكتب فى بوست الحب فى المنبر
حيي الافكاتو اخي الدغور يا عثمان
تدوم العافية
Post: #518 Title: Re: الحب في المنبر Author: محمد المرتضى حامد Date: 09-22-2007, 09:53 AM Parent: #517
الأديب الرائع ابوبكر يوسف، سلامي وتحاياي وعودا حميدا يا عزيز بعد طول غياب.
Quote: وقرى تنام مع البذور على جفون الكادحين والجدة العجفاء تروي ، والصغار يحملقون وعلى الروابي من حداء الراحلين شذىً حزين أحسست بعواصف الأحزان وأنا أبحث عن حنين فهويت أحتضن التراب بما ملكت من السنين
كقارئ متواضع لكنه عاشق للشعر ، تبهجني التعابير غير المتوقعة المتمردة على العادية ، فالقرى التي تنام مع البذور على جفون الكادحين تمثل أفقا في ابتداء اي لوحة لأهل الفنون الجميلة كنور الهادي وأوركسترا انتخبت الريش الملونة عِوضا عن الفيولين والشيلّو . في اعتقادي يا أبابكر أن النتاج الفني تنتجه النفس المُحبة وبآلات تختلف في الشكل فقط سواء كانت ريشة أو ساكسفون ، وبالمناسبة آلات كالناي و الساكس عند عبدالله دينق أو ألامايو أو فوستو بابيتي تصيبني بالغيبوبة طربا، وكذا الشعر الإنقلابي اليرجرج الدواخل ويعيد لملمتها ويصالح ما بينك و (بينك).
Quote: أسرعت خلف غزالها (بأم بادر) حتى ترامى مُتْعَبا وسمعت ( دوبيتاًحمرياً) تغنى باللقاء ، ورحبا رقصت رقص(النوبة) مهتاجاً عنيفاً مغضبا وعلى صدى حوافر خيل (الشكرية)ألفيت عمري واثبا ومع ( النوير) وقفتُ مشدوه التأمل معجبا و(البقارة)هم الوجود الطفل يخطر في البراءة لآعبا و(الينكا) أيامهم للصيد والمرعى الذي قد أعشبا وصباحهم أبواب نورٍ أترعوها بالصبا حتى إذا ما أفرغوها أعادوا نارها مغربا أحبيبتي السمراء يا تهويمة الفجر الندي قالوا ( لقد أضحى الهوى والود غير مورد)! فتهتف شعري : هذه أكفكم السمراء تعشقها يدي وهواي في عينيك إما رائح ... أو مغتدي ألقاه في مرح الصباح ، في ظلال الموعد ويُرى بحقلٍ نائمٍ متوسِّـد بالساعد وبسنبلٍ ذهب الأصيل بجفنه لم يعقد وبكرمة شفّت على السـاقي ، وكأس مجهد هذا هو الحب الذي سيظل أوفى مورد مـن أجله نحيا بقـلبٍ خافـقٍ متوحد]
يا أبابكر ، من نعم الإله على شخصي الضعيف أن أتاح لي العيش في معظم أرجاء السودان وبالتالي فإن ما ورد في قصيدتك من اسماء لأماكن وقبائل وفنون يتجسد في ناظِريَّ بكل وضوح سيما أن ذاكرة الطفولة و الصبا لا تُضاهَى في شفافيتها وقدرتها التسجيلية العجيبة قبل أن تدمر الفواجع والهزائم الذاكرة وما حوت وما ادخرناه لنقتات عليه في في زمن الكوليرا كفلورنتينو أريثا عند ماركيز في رائعته المعروفة، لذا متّعت نفسي بكامل النص سواء في (دارحمر) او جبال النوبة أو ( المسالمه) فكلها أعضاء لجسد السودان إذا التهب منه جزء تنادت القبائل والجغرافيا بالسهر والحب والحمى. نعم تتماهى صور الحب للأم والحبيبة والأرض وحين ترحل واحدة (منهن) وننداح في البكاء رأسيا وأفقيا لاندري على من نبكي وفي من كان النشيج ولمن كان العويل.
. دار امبادر يا حليلا يا أبابكر
لك محبتي
________
وسادة:
خوفي منك .. خوفي تنساني وتنساها الليالي
Post: #523 Title: Re: الحب في المنبر Author: محمد المرتضى حامد Date: 09-23-2007, 02:12 PM Parent: #503
يا محمد عثمان، إجابة على سؤال الحمداني أقول لك ، وبي حليفة ، إن للهوى علينا النهي والأمر، وفيه نحن أوفياء وليس ( في بعض الوفاء مذَلَّة) كما قال. ياخ أنا أثني على اختياراتك بلا استثناء.
Post: #519 Title: Re: الحب في المنبر Author: ASIM AL BANNA Date: 09-23-2007, 02:01 AM Parent: #1
الحب فيك ياجميل .... معنى الجمال مشروح
عدل الطبيعة جعل ..... جور الحبيب مسموح ؟؟؟؟؟؟؟؟
العجب حبيبى ؟؟؟؟؟؟؟؟؟؟؟ عجب
Post: #520 Title: Re: الحب في المنبر Author: معتصم ود الجمام Date: 09-23-2007, 02:31 AM Parent: #519
اولا اعتــــــــذار انتم تزرعون الحب ليك شهور ونحن لا نمر من هنا لذلك نعتذر ونردد مع نهال حبو غنوا الدنيا ما زالت نديه حبو غنوا الدنيا ما زالت حبو غنوا الدنيا ما حبو غنوا الدنيا حبو غنوا حبو
Post: #521 Title: Re: الحب في المنبر Author: الطيب شيقوق Date: 09-23-2007, 06:37 AM Parent: #520
وينك يا العاصم ود البنا وينك ود الجمام
فاطراً لاح وسيم خلاني في اللجلاج
وبسّاماً يضوي الليل تكنه سـراج
أداني الحرور والتيهة والسهراج
ومن فرقـك متـوّك تاقي للفـرّاج
Post: #524 Title: Re: الحب في المنبر Author: الطيب شيقوق Date: 09-24-2007, 07:09 AM Parent: #521
استاذي
Quote: نعم تتماهى صور الحب للأم والحبيبة والأرض وحين ترحل واحدة (منهن) وننداح في البكاء رأسيا وأفقيا لاندري على من نبكي وفي من كان النشيج ولمن كان العويل.
زمانك والهوي أعوانك أحكمي فينا هذا أوانك بهواك كيف أطيق سلوانك
في صبحي ومساي نازلات دموع ساحالك وأنا طالب رضاك، ورضاك أضحى محالك بهواك كيف أطيق سلوانك اتعكر صفاي وبياضي اصبح حالك والحالة العلي يا ريتو لو يوحى لك بهواك كيف أطيق سلوانك
زمانك والهوي أعوانك أحكمي فينا هذا أوانك بهواك كيف أطيق سلوانك
هاروت سحره ماخود من سحر عينانك طلموك لو يقولوا الدر شبيه أسنانك بهواك كيف أطيق سلوانك
حسنك مافي لا عجمان ولا عربانك إن هب النسيم هزاك ميل بانك بهواك كيف أطيق سلوانك
في صبحي ومساي نازلات دموع سرحانك والحالة العلي يا ريتو ما كان حالك
Post: #525 Title: Re: الحب في المنبر Author: محمد المرتضى حامد Date: 09-24-2007, 10:29 AM Parent: #524
Quote: شوف يامرتضي حب ناس زمان دا بالإدغام بغتة وبغيرهاوتشديد شديد ولاتنطق الهاء في أواخر الكلم:
سميه، بالضبط هي الطريقة التي سمعت بها مثل هذا الكلام في مناطق بابنوسه والمجلد وبعض مناطق دارفور زمن خضرة القلب وهدوء الخاطر. أما قولك دا (ريد) يطوح ويرجح بكل موازين الحب فهو في محله وبالذات كلمة (ريد) التي أعتقد أنها أجمل كلمة في قاموسنا، هذه الكلمة رغم يسرهاتعادليتها وأنها متعددة الوظائف multifunction ومتعددة (الأغراض) إلا أنها تسافر جوَه الجوّه إن انطلقت من قاعدة (معينه) أو بُثّت على مدى موجي محدد. كدي بالله شوفي تعابير الزول لمن يقولا وتقاسيم البيسمعا.
انتي يا سميه مش كانت في مطربه بتغني (يُمّه الله من الريد يا يُمَه الله من الريد)؟
Post: #535 Title: Re: الحب في المنبر Author: محمد المرتضى حامد Date: 09-26-2007, 07:51 AM Parent: #519
Quote: الحب فيك ياجميل .... معنى الجمال مشروح
عدل الطبيعة جعل ..... جور الحبيب مسموح ؟؟؟؟؟؟؟؟
العجب حبيبى ؟؟؟؟؟؟؟؟؟؟؟ عجب
عاصم انت براك عارف (جور) دي معناها شنو في لغة الحب ، وهو ليس مسموح وحسب بل مطلوب في بعض الأحيان ويسمونه (حركة تصحيحية) للنبض، وعلى أية حال لانخالف (عدل الطبيعة) ومشيئة القدر رغم سؤالنا باللطف فيه لا رده كقضاء. الحب فيك يا حبيب.
Post: #526 Title: Re: الحب في المنبر Author: أحمد طراوه Date: 09-24-2007, 12:25 PM Parent: #1
.... ود حامد .. مكرر لجماعة العشق السرمدى
.. بسطتُ يدِ الهوى فتذكرت انك سالتنى عنها ذات مرة تلك الاغنية التى تقول :
الغرام عامل احتلال .. و الهجُر حاجة مش حلال .. رشفة من مائِك الزلال .. فليعيش حاجبك الهِلال
" نظرة يا ظبية السّلم .. تبقى من هجركم سلام "
.. سل عن شاعرها احمد القرشى .. و قال عنترة : سلى الخيل يا بنت مالك تُنبيكِ بما لا تعلمى .. يخبرك من شهِد الوقيعة اننى اغشى الوغى و اعُف عند المغنمِ
اما عن السلم و النال الذى تستجير به الظباء من شاكلة المها العربى the arabian Oryx ، فسل الطيب شيقوق ... اما عن الصداقة النادرة و عبير الامكنة و زراعة الازهار في ربوع الوادى ، فسل منى خوجلي و اشراقة حيمورة .. وهن على نهج الجاغريو القائل : الفى العصُر مرورو .. ونروح الاجازة .. وفي الخرطوم نقيل ..
Post: #527 Title: Re: الحب في المنبر Author: خالد علي محجوب المنسي Date: 09-24-2007, 10:48 PM Parent: #526
صاحب الحوش الجميل والوفي الودود محمدالمرتضى حامد حامدين فعايلك وبي إنشراح جاينّك نستميحك عذرا ( وليت قلب طراوة يميل ويجاوب ) أن نسأل الفاضل الجميل طراة
اياك يا طراوة أعني .. بدور منك تفتفت لي بويت الشعر هذا للشاعر ابوصلاح ... من سمعه يدوب قلبي شجنا واطرب له إجمالي. حبك يمزج أعضاي إجمالي لو كنتَ يمين يهواك شمالي
Post: #541 Title: Re: الحب في المنبر Author: محمد المرتضى حامد Date: 09-30-2007, 08:05 AM Parent: #527
Quote: حبك يمزج أعضاي إجمالي لو كنتَ يمين يهواك شمالي
والله يا خالد طراوه لا يُعقَّب على كلامه لكن أبوصلاح في البيت ده تفوق على نفسه ، ورغم أسلوب السهل الممتنع في البيت إلا أن ماوراء الكلمات يوحي إليك بأن أبي صلاح متخصص في الفيزياء النظريه بل في الماورائيات إن شئت. رحم الله عبقري الحقيبة وطيَّب ثراه.
Post: #528 Title: Re: الحب في المنبر Author: ASIM AL BANNA Date: 09-24-2007, 11:04 PM Parent: #1
الحب فيك ياجميل معنى الجمال مشروح
عدل الطبيعة جعل
جور الحبيب مسموح
Post: #529 Title: Re: الحب في المنبري Author: أحمد طراوه Date: 09-25-2007, 06:05 AM Parent: #1
مودتى يا خالد ..
وفيها بقول : قابل بي جزاي من جنس افعالي !
... وهذا تعبير مركزى في عدل المعاملات ، و ادب التبادل الانسانى و تنمية الوشائج ...
.. وقيل ان ابوصلاح قرأ كثيرا في شعر زهير بن ابي سلمى و تاثر به فاتسم شعره بالحكمة و المأثور و صار من ضروب القول السائر ، او ما شابه ذلك :
- طبى يحرم و الموت حلال .. مين يصدق دى و يعقلا
- مادام ارى الموت يحل .. فوق الطريف الكحيل
- يا مراهم جروحا .. يا ملكا و ملاكا
- الشجر اقلام جميع و النيل مداد .. لو كتب اشواقي ليك ما عددا
- الناس جروحم تسعة .. وانا لي جروح تسعين .. شفنا السيوف تتجرد من عيون واسعين .. صاح وهبة فاقد عقلو وكم جريح و طعين
- يُنسب نوحى على البلابل .. وانتى القمرة بتنسبيلا
_ اغرب شى و اعجب مسائل .. حلم الصاحى و دمعو سائل
- العُشق نصيب و الغرام قدر .. و القلوب تطيع امرك الصدر
- قلبى بذكركم تأهل .. و شوقي كاد منو عقلي يُذهل .. و النجوم من وصالك اسهل
. .. و لكل السائرين على درب بوست المرتضى نهدى في ذات ما اورده خالد :
... المجد و صالح الاعمال و الاقوال لابوصلاح و بقية رواد المدرسة الغنائية الاولى ..
Post: #530 Title: Re: الحب في المنبري Author: الطيب شيقوق Date: 09-25-2007, 07:45 AM Parent: #529
أخي الجميل المرتضى عزيزي العسل دكتور طراوة
Quote: اما عن السلم و النال الذى تستجير به الظباء من شاكلة المها العربى the arabian Oryx ، فسل الطيب شيقوق ...
يا احمد اخوى السلم ده نبات صحراوي وكنا زمان بنمشي للصيد في اماكن بعيدة وكنا نركّز على اماكن شجيرات السلم لان الغزال بيمتص او يمص (if you like it ) الماء الذي في جذورها. تخيل حكمة المولى عز وجل تجد الغزال او اى حيوان اخر يسكن في مكان بعيد بالاف الكيلومترات عن مورد الماء ومع ذلك فهو عائش ومرطّب كمان .
السلم ده حاجة غير يا احمد اخوى :
اذكر ان الاستاذ على الخليفة ، وهو من فطاحلة معلمي اللغة العربية ، كان يدرسنا مادة التصغير في اللغة العربية في الثانوي وفي حديثه ذكر لنا ان بعض اسماء الاشارة قد ورد تصغيرها في اشعار العرب ولا انسى استشهاده بهذا البيت :
يا ما أميلح غزلان شدن لنا من هويليائكنّ الضال والسلم
فلاحظ ياالمرتضى الناس ديل ذهبوا بالتصغير الى ما بعد حيفا عندما تعمدوا تصغير اسم الاشارة (هؤلاء)
السلم برضه وردت في اغنية القمر بوبا :
الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم
القمر بوبا عليك تقيل
اما النال ده والله يستحق بوست كامل لان النال ليس نباتا تفوح منه احلى الروائح او تشيد به البيوت فحسب كلا النال عبارة تتجسد فيها معاني متعددة واقدس ما احتواه ظل النال في بيئاتنا هو(الحب)
ويكفي ما قاله الرطاني الما خمج - خليل فرح :
يا جمال النال في ثراكن يا حلاة البرعن اراكن في قفاهن تور قرنو ماكن لا غشن لاشافن مساكن في الخزام والشيح والبراح
Post: #531 Title: Re: الحب في المنبري Author: محمد المرتضى حامد Date: 09-25-2007, 10:23 AM Parent: #530
Quote: الحب غير المشروط uncoditional love
وهو حب ينمو دون تدخل ولا املاء.. يسعي ولا يتعب من السعي..ليس من هدف سوي مزيد من الحب والصفاء ليس من غرض عنده سوي الحب قلب الانسانيه.. وهو حب حر..نقي وازلي في القلوب.. يذهب الي الطيور والورود والحيوانات وكل الكائنات..دون تفرقه ويعيش بين البشر الأخيار ولا يكل ولا يتعب..
والذين نحبهم بدون شروط هم الذين يمكن أن نضحي بأرواحنا لأجلهم، وهم الذين نخفي عنهم ما بذلناه لهم من جميل وهذا ال (جميل) نعده (واجب) نستمتع بالقيام به، وهم الذين نسأل الله أن يكونوا خيرا منا في كل شئ ونخاف عليهم أكثر من خوفنا على انفسنا. عدا ذلك فالشروط الصريحة والضمنية هي اس البدء والإنتهاء.
Post: #532 Title: Re: الحب في المنبري Author: Osman Musa Date: 09-25-2007, 07:44 PM Parent: #531
عمك أبوقطاطى تجارب فى الغناء لا ليها حد ولا عد _ قال جمالك فى البنات معدوم... شبيهك ما كحل عينيى اقدلى وسكتى الخشامه ... وانزلى فى العوازل كى سوات العاصفه .... بى ساق الشتيل النيى يا محمد المرتضى عمك رسم صورة لهوركين كاترينا قبل ما يجى بى عشرين سنه التحية لأبوقطاطى الشاعر المتيم .
Post: #533 Title: Re: الحب في المنبري Author: خالد علي محجوب المنسي Date: 09-25-2007, 10:48 PM Parent: #532
Quote: . .. و لكل السائرين على درب بوست المرتضى نهدى في ذات ما اورده خالد :
أشفيت ولهان يا طراوة متعك ربي بالشفاء والعافية ما دمت حيَّ تلك المعاني كنت أحسها لكنها رفضت أبت أن تخرج واستعصت على لساني جملة جزاك الله عنا كل خير
لك التحية والاحترام أحمد طراوة
Post: #534 Title: Re: الحب في المنبر Author: ASIM AL BANNA Date: 09-25-2007, 11:17 PM Parent: #1
لى فى الحب مسائل ياقاضى الغرام
كيف يحل سقامى وطبى يكون حرا
......
هم خالين نيام وساهر طرفى شاخص ارعى الليل قيام
ياطراوا قيام الليل ده ماظنيتو عند الفقرا بس .... والحب زى الجوع كافر كان ماكتلتو بكتلك ... وعلاقة الحب بالروح شنو (ياحبيبى ظمئت روحى) (الحب غذا الارواح كل جيل يسلف جيل وبعد انتهاء الاجيال فى قلبى ليها سكون ... سيدة شباب الكون.) الحب يامرتضى قى المحراب ما فى المنبر (انا فى محراب حبك تقى ... حبيبى ياحبيبى ) مما سبق ماهو الفرق بين الحب والملاريا بتاعت الجنوب ؟؟؟؟؟
سهر والظماوالغذاء والتقديس .... ملاريا خبيثة
Post: #536 Title: Re: الحب في المنبر Author: محمد المرتضى حامد Date: 09-26-2007, 11:44 AM Parent: #534
Quote: اعتــــــــذار انتم تزرعون الحب ليك شهور ونحن لا نمر من هنا لذلك نعتذر ونردد مع نهال حبو غنوا الدنيا ما زالت نديه حبو غنوا الدنيا ما زالت حبو غنوا الدنيا ما حبو غنوا الدنيا حبو غنوا حبو
معتصم ود الجمام, ياخ انت وين من زمان ؟ على اية حال رغم (إفادتك) بأننا شغالين (زراعة للحب) من شهور إلا أننا نجد لك العذر في التأخير ونقول لك موسم الزرع متصل حتى لو تأخرت في زيارة الحقل وبذر ما شاء لك الله في القلوب، نحن يا المعتصم زراعتنا مطريه وبالري الصناعي ولو داير حتى بالتنقيط ستجد مبتغاك ، المهم أن يتوالى الزرع وأن تبقى الإفئدة في خضرة مستدامه. شكرا يا المعتصم واللحو عندو غنيه بيقول فيها كل منانا وحياتك تكتِّر من ... زياراتك. ما تنسى كلام نهال الفوق دا.
Post: #537 Title: Re: الحب في المنبر Author: محمد المرتضى حامد Date: 09-27-2007, 08:51 AM Parent: #536
Quote: جمالك فى البنات معدوم... شبيهك ما كحل عينيى اقدلى وسكتى الخشامه ... وانزلى فى العوازل كى سوات العاصفه .... بى ساق الشتيل النيى يا محمد المرتضى عمك رسم صورة لهوركين كاترينا قبل ما يجى بى عشرين سنه
عثمان موسى، تظل الوفي الوصي على هذه المساحة، لم يجل بخاطري أن أغنية وردي تلك كتبها محمد علي أبوقطاطي وما كنت أدري أن (هالة) التي ورد ذكرها هناك تنبأ لها الشاعر بأن تلعب دور( كاتارينا) في المناطق المجاورة لخليج القلب منذ ربع قرن من الزمان. لكن ( سكِّتي الخشّامه) دي بالغ فيها يا عثمان ، أما القدله قدّام العواذل لمستوى من السماحة كالتي وصفها الشاعر فتذكرني باستعراض قرقول (كركون) الشرف عند زيارة الملوك والرؤساء الماخمج وبيني وبينك في ناس في الدنيا دي الملوك والرؤساء ذاتم يقيفوا ليهم قرقول شرف. محبتي
Post: #538 Title: Re: الحب في المنبر Author: ASIM AL BANNA Date: 09-28-2007, 02:03 AM Parent: #1
مرتضى ... تعرف الحبوبات زمان كانو مابقولو اسم ازواجهم نهائيا على لسانهم وفيها نوع من الاحترام حسب تفسير الكثيرين .. لكن يظل السؤال قائم هل حبا للزوج احتراما ....
وزى ما قال الجاغريو فى اسمر لونه لادن جسمو
لو بى سهامو قلبى يقسمو لايمكن ابوح بى اسمو
هل البوح بالاسم يتطلب العيش بى نص مكنة؟؟؟
بحبك أه بس مش ايلا
Post: #539 Title: Re: الحب في المنبر Author: محمد المرتضى حامد Date: 09-28-2007, 11:59 AM Parent: #538
Quote: الحب يامرتضى قى المحراب ما فى المنبر
واحد ظريف يا عاصم قال قلب المرأة العاشقة محراب من ذهب ..غالبا ما يحتضن تمثالا من طين. من ثم، ولأنا من أهل هوى الخلخال لا الصلصال ، تخيَّرنا المنبر.
Post: #540 Title: Re: الحب في المنبر Author: محمد المرتضى حامد Date: 09-29-2007, 09:37 AM Parent: #539
Quote: مرتضى ... تعرف الحبوبات زمان كانو مابقولو اسم ازواجهم نهائيا على لسانهم وفيها نوع من الاحترام حسب تفسير الكثيرين .. لكن يظل السؤال قائم هل حبا للزوج احتراما ....
يا عاصم ، قصة الحب والإحترام دي طويله لكن ما أعرفه في هذه المسألة إنو حبوباتنا كانوا بيحترموا أزواجهن إلى حد بعيد وظني إن عدم ذكر اسم الزوج نشا من الإحترام وليس الحب رغم انو في بعض بنات اليومين ديل بيقولن لصاحباتن مع ابتسامة لها معناها : ما بجيب اسمو ... الهوا بقسمو. شغل رهيب مش كدا؟ أما قصة حب أجدادنا وحبوباتنا دي فقد كانت تتبدى في عدة مظاهر أخرى ولم تك تخفى علينا ونحن بعد يُفَّع ، يعني الناس الكبار ديل كانوا بيهتموا ببعض بشكل كبير حتى لو أظهر الرجل صرامة إلا انه يكن حنانا عاليا لزوجته وإن غابت لسويعات عن البيت تجده قلقا يضيق صدره لكل إنسان غيرها وتجده كما يقول شباب هذه الأيام (لافي صينيه)، بس يا حبيب مع الإنترنت والفضائيات والموبايل إحتمالات التغيرُّ كبيرة خصوصا وأنك تجد هذه الأيام الحبوبه عندها دكتوراه سايكولوجي أو سايكاتري وما إلى ذلك من علوم وبالطبع مسألة ( أبو فلان) في طريقها إلى زوال أكيد ولكن الإحترام يبقى في في القلب مجاورا للمحبه.
تسلم يا (أب احمد)
Post: #544 Title: Re: الحب في المنبر Author: محمد عثمان Date: 10-02-2007, 00:13 AM Parent: #538
الجميل عااصم...
سلااام و رمضان كريم و الله حكاااية نص المكنة دى و جال بخاطرى الدنيا منى و احلام شفت كيف اتنين بدل اسم واحد و عبد الرحمن الريح قال عديل و سجن سجن غرامة..غرامة و قالوا بدور القلعة ما براها كانوا خمسة ولا اربعة ما عارف و كلهم اخوات و كلهم موجودين فى القصيدة لكن صاحبك ابو صلااح خاف من الجماعة قام دساهم فى الكلااام...و اللبيب بالاشارة... و كمان اسماعيل حسن ما قصر و ما قدر يكتم فى يا سلااام و فك اخرو فى نهاية القصيدة و اذكريها يا بدور شكلو كلهم كانوا بنص مكنة..و حفظ الاسم حار خلاااص...
و سلااام...
Post: #542 Title: Re: الحب في المنبر Author: mamkouna Date: 10-01-2007, 11:56 AM Parent: #1
الي اروع "كابوس" استولى على حلمي تمطي في ليلي واحتل قمري ...!
اليه فقد تحققت اشهي احلامي بين جفونه ..
سأمتطي اليوم صهوة الحلم وأصوغ الدنا حرفا من شعر ومطر فأنتظرني هاهنا فسآتيك بقبس من نور كلماتي تزيل عنك عتمة التردد ، وموعدنا قلمي المفتون بأساطير صمتك
اذن فانتظرني امتصك ملحا بين فواصل الارض حتى منتهي السراب آملة أن تحضر حاضنا في عباءتك كل لوحاتك المترعات بالالوان وتنثر في عيني حبك .. قطرة من لحن وقطرة من لون
هل أطلب الكثير ؟.: " قلت في حلمي لشجرة اللوز : حدثيني عنه .. فأزهرت شجرة اللوز ."
رأيت فيما لا يرى النائم اننا نمارس معا بعض حماقاتي نقتل، ولو لحين رصانتك ونعتنق الجنون مذهبا قلت في نفسي : ليفعل بي "هيدس" مايشاء
رأيتنا الليلة نغني معا بعضا من أحلامنا وأفراحنا وجنوننا، بلا عناء، بعد كثير عناء، عناء الانتظار ..عناء الخوف وعناء العشق المخبوء، بين الصدور وخلف الأبواب
رأيتني أحملك منذ البدء في جوانحي نبيذاً للحب .. قيثارة للجنون .. وسكناً....؟!
أشهدت العشب والنجوم التي تتراقص هناك.. أنني، ومنذ هذا الحلم لن يزدهر نبضي بالرقص إلا في مملكة نجومك... لن تغمض عينٌ لي، إلا بين جفنيك .وسأتوسد إلحانك وأنام ثملة في ملكوت عشقك الغامض
رأيت في حلمي أن ملائكة الحب ترفرف فوقنا و تدخل على رؤوس اصابعها دنيانا ، فمنحناها الأثير
أشهدت ملائكة التوق في حلمي على انفراط خرزات حبنا شلالا وأنشودة فركع الكون لنا بخشوع متدثرا بأناشيد الياسمين
رأيتك في حلمي تضع في أصبعي خاتما من وريدك ...!
متنا بعدها موتا باذخا عرفنا بعده معني الحياة
... ....
Post: #543 Title: Re: الحب في المنبر Author: mamkouna Date: 10-01-2007, 12:01 PM Parent: #542
Post: #546 Title: Re: الحب في المنبر Author: الطيب شيقوق Date: 10-02-2007, 05:47 AM Parent: #545
سكوت من فضلكم...فالعمانيون لا يحبون الضجيج
أحيانا يسرح بي خيالي بعيدا لدى متابعتي النهضة العُمانية، وأضع زمنا مكان زمن، وقراراً يتأخر وآخر يتقدم فيدهشني هذا التوافق العجيب بين القَدَر والإرادة وكأن للزمن خاصية المدّ والجزر.
ماذا لو أن السلطان قابوس بن سعيد قرر الاستمرار في تحدي القوى المناوئة له حتى النصر النهائي أو يقضي الله أمرا كان مفعولا؟
ماذا لو تأخر عامين أو ثلاثة، ثم طلب منهم بعد ذلك أن ينضموا إليه في النهضة العمانية؟
أغلب الظن أن كلمة متمردين كانت ستسبق وصفهم بالثوار، ثم تتوسع الهوة، وتكبر الفجوة، ولا تكون المصالحة الوطنية إلا على صفيح ساخن.
كان صغير السن ولكن هل تقاس الأحلام بعدد السنوات التي يحملها المرء على كاهله؟
دولة كبيرة تتاخم خصوما في كل مكان، وعلى هذا الشاب الأسمر الحالم أن يمسك بندقيته ويرفع غصن الزيتون. أن يتفاوض ويدرس خرائط المنطقة، لكنه لا يُضَيّع وقتاً في الصراعات الاقليمية.
تحالفات كثيرة تتغير وتتبدل، وقوات ايرانية مدعومة من شاه ايران تظن أن خليج هرمز مفتاح الأمن لها وحدها، وخلافات لم يتم حسمها مع إمارة رأس الخيمة، ودعم كامل من عدن للجبهة الشعبية لتحرير عُمان بعدما أعلنت الجبهة أن النصر قد حُسم لصالح السلطان قابوس.
السوفييت يبحثون عن قاعدة كبيرة في اليمن الجنوبي تهدد أحلام السلطان الشاب في نهضة لبلد نحته الفقر والجهل والأمية، ويريدون بديلا لقاعدتهم في الصومال التي أغلقها محمد سياد بري.
البريطانيون يملكون الخرائط والوثائق، والسلطان قابوس يشاهد، ويدرس، ويتأمل لعبة الكبار، لكنه كان يخطط لمدى أبعد، ويختار الصديق الذي لن يخذله ابدا.
اختار السلطان قابوس مناوئيه وخصومه ليبنوا معه البلد من جديد، وأصدر عفوا شاملا، وأثبت أن النصر ليس نهاية لكنه بداية جني ثمراته.
ماذا لو كانت سلطنة عُمان في عام سبعين دولة غنية وقوية ورث الحكمَ فيها السلطان قابوس بن سعيد عن والده؟
لا ريب في أن التاريخ كانت ستتم كتابته من جديد، وربما تغيّر المشهد تماما.
عبقرية السلطان قابوس بدأت من حيث
ينتهي صبر الآخرين، فسهام الاتهامات كانت قادرة لو أن الرجل الشاب ضعيف، وآلة الاعلام الماركسية أقوى من كل حقائق المنطقة، فمفردات اللغة غريبة وكلها تتحدث عن الثورة والانتفاضة وجيش كوبي بسلاح سوفييتي يستطيع أن يحطم الامبريالية (!!).
من فوق قمة جبل عُماني كان يمد البصر إلى كل الاتجاهات فلا يعثر على أصدقاء، والجيران يحترمون القوي والغني، وكل الدلائل تشير إلى أن جيران السلطنة النفطيين، السعودية والامارات وايران من الناحية الأخرى للماء، قادرون على كسب سباق النهضة والتسلح والثراء قبل أن يبدأ السلطان قابوس في بناء رابع مدرسة في هذا البلد المترامي الأطراف.
لم يكن السلطان قابوس طامعاً في قطعة أرض هنا أو هناك، لكنه بذكائه المبكر وضع اصبعه على أول خيوط اللعبة التي يمارسها الكبار من جيرانه، فكان يطالب بمناطق صغيرة من جيران يعرف أنها عمانية، لكنه أراد ايصال رسالة إلى الجميع بأن سلطنة عمان يحكمها صاحب قرار مستقل.
كان السلطان قابوس بن سعيد يعرف أن صراعا أمريكيا/بريطانيا بعد الحرب العالمية الثانية لن يكتفي بقناة السويس، لكنه سيمد أذرعه إلى الخليج، بل كان هذا الصراع أحيانا أشد من الصراع الأمريكي / السوفييتي على القواعد العسكرية في المنطقة، وخروج الامبراطورية التي لم تكن الشمس تغيب عنها.
قدرة السلطان قابوس بن سعيد على دخول ساحة القتال ثم الخروج منها واضعا يده في يد خصومة هي بداية التعرف على فكر شاب ظن كل جيرانه عندما تولّىَ الحُكمَ أنه سيكون الحلقة الأضعف في الخليج. مقدمة لابد منها للتعرف على بداية النهضة العُمانية، لكنها ليست المقدمة الوحيدة فزاوية الرؤية للمشهد في ذلك الزمن تختلف من موقع ومكان وأيديولوجية وصديق وخصم وعدو ومحايد.سنوات طويلة مضت منذ بداية النهضة المباركة، لكن ما يميزها أن فكر السلطان قابوس متجدد، ومتحرر، وأكثر استقلالية مما يتصور الكثيرون.
مصلحة السلطنة قبل كل شيء، والسلطان قابوس يشترك مع الأشقاء الآخرين في دول مجلس التعاون الخليجي في نفس الحلم، لكنه لم يفقد استقلالية القرار ولو مرة واحدة، فهناك حسابات داخلية ومعقدة وقد لا يستوعبها الآخرون، فسلطنة عمان تبحث عن الأمن والسلام على كل المستويات، الاقتصادية والعسكرية والسياسية والاجتماعية.
عندما أجمع الأعضاء الآخرون في ( الخليجي ) على موعد للعملة الموحدة، كان للسلطان رأي آخر أعلنه تماما كما أعلنت بريطانيا أنها تؤجل فكرة العملة الموحدة ( اليورو)، لكن هذا لم يؤثر قيد شعرة في التزاماتها تجاه الاتحاد الأوروبي وكل الاتفاقيات الأخرى.
لم يجد صانع القرار السياسي العُماني حرجا في أن يعلن عن رغبة السلطنة في الانسحاب من ( طيران الخليج )، لكن العلاقات مع مملكة البحرين تظل كما هي، بل تزداد رسوخا.
سياسة السلطان قابوس ليست فيلما للعرض يصفق بعده الجمهور وينتشي الزعيم، إنما هي رؤية داخلية تقيس كل الأمور داخل السلطنة ثم تبني عليها ما يمكن أن تفهمه السياسة الخارجية ، أي الامتداد من الداخل وليس من الخارج.
كثيرون من الزعماء يفشلون عندما ينظرون إلى أوطانهم من الخارج قبل التحقق من تفاصيل المشهد الداخلي، فصناعة النهضة عمل داخلي بحت حتى لو جاءت المساعدات من الخارج. والزعيم لا تصنعه قوى خارجية إنما هي تضع رجلا يرى بعينيها، أما السلطان قابوس فليس لأحد فضل عليه إلا الله، وليس لقوة حق تأكيد دعمها له إلا شعبه.
من أهم اشراقات النهضة العمانية أن القطاع الخاص فيها حريص بنفس القدر مع القطاع العام على الالتزام بكافة القوانين واللوائح والأنظمة وحتى التوجيهات العامة.
سبعة وثلاثون عاما من تأهيل الموارد البشرية والمهارات الانسانية انتجت انسانا عُمانيا متوازنا في مشاعره، مؤمنا بما سعى السلطان قابوس منذ أول يوم لاقناع كل فرد به، أي أن عُمان بلد يشترك في ملكيته كل عماني، وترتفع قيمة المعادلة ليصبح العكس أيضا صحيحا، أي تمتلك عُمان كل فرد فيها.
عندما يتمكن الزعيم من اقناع شعبه بأن النهضةَ باقية والزعيمَ راحل ولو طال العمر فإنه يكون قد وضع أساس التطور والرقي.
فهناك زعماء كثيرون دمروا بلادهم، وكلما خرجوا من حرب دخلوا حربا أخرى، لأنهم بكل بساطة أقنعوا شعوبهم أن الزعيم باقٍ، والشعب راحل ولو طال الزمن!
هل حب الوطن فطرة أم شيء مكتسب؟
كانت هناك قطعة أدبية للكاتب الفرنسي شاتوبريان عن مسقط الرأس يشرح فيها حب الوطن، ويؤكد بأنه يبدأ في الطفولة ويتجمع في ذكريات، ويلتصق بأهم مكان في الذاكرة، ويظل قادرا على إمداد المرء كلما بحث في ماضيه عن حدث أو فكرة أو رائحة أو صوت.
الآن اختلطت شعوب وهجرات وأصبح الوطن أوطانا، وحلم الهجرة يسير جنبا إلى جنب مع كل خطط المستقبل التي يضعها المرء لمستقبله.
في سلطنة عمان تمكن السلطان قابوس بن سعيد من توثيق عروة الوطن، وجعل حلم الهجرة داخليا، واقناع العمانيين بأن عمان بلدهم، وأن أي خطوة تمد النهضة بشيء مهما كان صغره هي تكملة للحلم العماني الداخلي.
لذا لم يجد العمانيون غضاضة أو حرجا في أن يمارسوا أي عمل ويقودون سيارات الأجرة، ويعملون فيما يظنه الأثرياء الآخرون مهمات ملقاة على الوافدين والعاملين الأجانب والأيدي الرخيصة.
الأيدي العاملة الرخيصة ترتفع قيمتها عندما تتسلم العمل منها يد وطنية لا تزدرية أقل الأعمال شأنا، ولا تحتقر عملا مهما كانت بساطته.
تحصد سلطنة عمان جوائز في كل المجالات الابداعية والثقافية والفكرية، وفي معارض الكتب، وجوائز لشعرائها ومستشفياتها وروائييها ورواد البيئة والزراعة والبحث العلمي.
الغريب أن العمانيين مولعون بالصمت، وقد يكون هذا ناتجا عن خجل طبيعي في
الشخصية العمانية التي تبتعد قدر الامكان عن الضوضاء والجلبة والحديث الممل عن النفس والثورة والتطور والانجازات والمكتسبات.
هل سمعتَ يوما عن نهضة صامتة وتطور يخجل أصحابه من تكرار الحديث عنه؟
لو أنك أرهفتَ السمع قليلا لخطبة من زعماء العالم الثالث لظننت أنه سيعلن الحرب على العالم كله، وسيرسل أسطوله لكل موانيء الدنيا، وأن شعبه يشرب من ماء الجنة ، ويأكل من بركة الزعيم.
في سلطنة عمان يخفت الصوت لدى الحديث عن ثورة لم يستخدم مفجّرُها هذا الاسم قط، بل في كل عام ومع تحقق انجازات ومكتسبات يقول بأن الطريق لا يزال طويلا!
مسابقات الابداع الاعلامي التي تقيمها وزارة الاعلام نموذج فريد من نوعه، فهو جزء لا يتجزأ من النهضة نفسها، لذا فنظرة متأملة للموضوعات والتحقيقات التي حصلت على جوائز لا يخطيء العاقل فهم دوافعها.
هناك جوائز لمقالات وتحقيقات عن الثروة المائية ، والاكتتاب وتوعية المواطنين، والقروض الشخصية، التي ظاهرها الرحمة وباطنها العذاب، والأخطاء الطبية في قفص الاتهام، ومسقط عاصمة العرب الثقافية، وبرامج إذاعية عن البيئة وعن التراث العماني وعن الطرق التنموية، وهذا يؤكد أن وزارة الاعلام تلعب دورا هاما في التعبير عن النهضة، ودفع الكفاءات لتقديم ما لديها.
طرحت في أحد مقالاتي منذ فترة طويلة سؤالا قد لا يروق للكثيرين ممن يتصورون أن عطاءاتهم الابداعية أكبر من أن تتلقى في نفس الوقت من سلطنة عمان.
كان السؤال المقال هو: لماذا لا يتعلم العرب من العمانيين؟ مفاجأة للكثيرين، بل ظن بعض الذين انتفحت عقولهم كبرياء أن السؤال مزحة.
تثبت الأيام أنني لم أطرح من قبل عن مشاكل العرب وهمومهم اللانهائية سؤالا أكثر قيمة وجدية واخلاصا من هذا السؤال!
لماذا لم يتعلم العرب قيمة التسامح الديني من سلطنة عمان؟
كلنا ندفع ثمن الطائفية والمذهبية والخلافات الحمقاء التي تُعلي فكرا على آخر، وتمنح صك غفران لكل من يؤيدها أو يدعمها أو يؤمن بالفكرة.
في أكثر بلداننا العربية يستخرجون من التاريخ مواد سامة أو سيوفا حادة تقطع دون أي تردد، وأحكاما تكفيرية تستدعي المقصلة قبل أن ينتهي المرء من قراءة الفتوى.
ارهابيون وشباب مفخخ وجمعيات تنبت شيطانيا وكتب ومقالات وحوارات ممزوجة بالدماء كأننا أنهينا حل مشاكلنا مع الآخرين وبقيت معضلات مع أنفسنا وتاريخنا.
لماذا لم تنتج التربة العمانية والمدرسة والبيت والجامعة والشارع والدولة والاعلام ورجال الدين شبابا يحلمون بالموت، وتسكرهم فكرة الانتحار، وتشغلهم الخلافات الصغيرة بين المذاهب؟
لماذا كانت سلطنة عمان عصَيّة على الفكر الارهابي والتكفيري، ولم تستطع الفتاوى الفجة والساقطة والمتخلفة اختراق عقل العماني لتصنع منه قنبلة موقوتة كما فعلت في معظم دول عالمنا الاسلامي ؟
لماذا لم ينصف العرب سلطنة عمان حتى هذه اللحظة، فنحن بعيدون عن آداب العمانيين وشعرائهم ومبدعيهم واعلامييهم وابتكاراتهم في مجالات شتى؟
بل لماذا لم يكتشف العرب سلطنة عمان السياحية التي لا تقل بأي حال من الأحوال عن كل المناطق السياحية في الشرق الأوسط وحوض البحر المتوسط، ففيها ما يبحث عنه السائح من شواطيء وطعام جيد وشعب ودود ومناظر طبيعية خلابة وطقس معتدل في ثلاثة فصول؟ لماذا لم يحاول المسؤولون العرب اللجوء إلى سلطنة عمان لحل الخلافات الحدودية والطائفية وغيرها؟ وأخيرها أسأل بمرارة: ماذا يعرف العرب عن سلطنة عمان؟
بقلم الناشر رئيس التحرير المسؤول بمجله طائر الشمال (مجلة عربية حرة ومستقلة. صدر عددها الأول المطبوع بالعاصمة النرويجية أوسلو في يونيو 1984 ) محمد عبد المجيد
Thursday 7 يونيو 2007 م الموافق 07 June 2007 هـ
Post: #547 Title: Re: الحب في المنبر Author: ابوبكر يوسف إبراهيم Date: 10-02-2007, 11:53 AM Parent: #546
أخي محمد المرتضى
يا بهيج الكلم ورقيق الحواشي لا أملك إلا هرطقة أوهضللة وددت أن أضجرك بها في عز الإمساك عن اللغو وفي عز الصيام عن الشهوات ولكني ذاك الإبتلاء .. فهاك وأعذرني:
حينما عدنا تساءلت الجميلة بنت شيخناوأنا المريد المحب: لم يتورد الممتد بين العائدين ويعرج؟ لم يعبق الشوق الذي ينمو على أحضانهم؟ هل كلما إقترب تولهك من دمي أبكي .. فيعرفني المسائيون والمستضعفون والحواريون والمريدون على شفا ولّهٍ.. وأكاد أذوب في أحضانهم؟!!.. فهمست هذي زهرةٌ تلهو بخاطرتي ، وخاطرة تنوء بما يقول العشق في أوجاعهم ، أحسست أن تلاصق الشفتين قد أضحى بحجم غيابهم ، والساعدين موحدين يحاوران ، فأومأتِ لي ، أرشدت طيري إلى أشجارها .. أسراب موسيقى تميل بوعينا فنميل: يا رعيان قولوا للذين تباطأوا .. أو ليس للعينين إلا ما أرى؟ - ها أنا كنت غيماً، صعدت إلى سدرة ، كنت أنتِ تطرين ما بين العشق والتوله ولا نعرف البدء، كون الدماء الذي قد تساقط مني لون دمائك ... كان إبتسامك طائراً يمضي على بحرٍ فيأخذ موجةً لجراح شهوته إنسلالاً تصعدين. يا غائماً ... مما؟ أعطيتنا يما وجعي على الوجع الذي لا يعرف الممَّا يا ممطراً مَنَّاً لُمَّ الشذى لمَّا إما سيغرقنا الجميل بشطه أو سوف نذكر للدروب بيوتنا كلمي كم مرَّ من طرقٍ على أفكارنا؟ كم مرَّ من شجرٍ على أطيارنا؟ كم موميء أومأ: أحب الخيل فانداحت له المدن التي تجتاحنا رغما؟!
ا
Post: #548 Title: Re: الحب في المنبر Author: ASIM AL BANNA Date: 10-03-2007, 03:08 AM Parent: #1
الطيب كده مامعانا .... خليك فى صريفك احسن لينا معاك
Post: #549 Title: Re: الحب في المنبر Author: حسن الطيب يس Date: 10-03-2007, 04:32 AM Parent: #1
شوفي الحب كيف الحب الماهو لعب
Post: #550 Title: Re: الحب في المنبر Author: محمد المرتضى حامد Date: 10-03-2007, 10:10 AM Parent: #549
Quote: أحذر أنتظاري لعينيك الذي تحول قنبلة موقوتة تنفّجر قُبُلاَ أنى رأتك
أحذر لهفتي لغيوم صوتك تغرق فججي
يا إشراق،
والله كلامك عجبني، مدهشة غيوم صوت الحبيب المغرقة للفجج.
كل (محاذيرك ) جميلة فتابعي الهطول.
ممكونة، لك سلام شامل لم تصنعه مبادرات أو بروتوكولات مشروطة كذوب ولك أجر تقديمنا، والقوارير صرعى
ل (جنّةالإشراق) كما تغنى كابلي.
Post: #551 Title: Re: الحب في المنبر Author: محمد المرتضى حامد Date: 10-05-2007, 02:14 PM Parent: #550
Quote: وحات من صورك يالسمحة اية خدودك وى تلاصيف المراية رموشك نقرشوهن لى قراية بهضرب بيك تقول مطلوب جناية
و
Quote: بهضرب بيك وبتكلم برايا
والله يا عاصم احمد الفرجوني دا زول سمح بالباب عديل وبجيب الكلام في محلو تمام، وصدق نزارحين قال: علمني حبك يا سيدتي ما الهذيان ياخ اللي بيوصل حد الهضربه دا تب ما خلا للعشاق رُتبه يترقوا ليها ونحن ما عندنا غير أداء التحية والإجلال والتقدير لكل قبائل الهذيان وعشائر الهضربه ، ديل يا عاصم أسياد مقامات يرنو لها شيوخ الصوفية ولايبلغوها إلا بشق الأنفس. يا سلام على العاشقين البتكلموا براهم.
(يا امرأة قلبت تاريخي .. إني مذبوح من الشريان إلى .. الشريان).
هضِربوا تصِحوا.
Post: #552 Title: Re: الحب في المنبر Author: محمد المرتضى حامد Date: 10-07-2007, 08:53 PM Parent: #551
أبوبكر يوسف إبراهيم،
Quote: يا بهيج الكلم ورقيق الحواشي لا أملك إلا هرطقة أوهضللة وددت أن أضجرك بها في عز الإمساك عن اللغو وفي عز الصيام عن الشهوات ولكني ذاك الإبتلاء .. فهاك وأعذرني:
حينما عدنا تساءلت الجميلة بنت شيخناوأنا المريد المحب: لم يتورد الممتد بين العائدين ويعرج؟ لم يعبق الشوق الذي ينمو على أحضانهم؟ هل كلما إقترب تولهك من دمي أبكي .. فيعرفني المسائيون والمستضعفون والحواريون والمريدون على شفا ولّهٍ.. وأكاد أذوب في أحضانهم؟!!.. فهمست هذي زهرةٌ تلهو بخاطرتي ، وخاطرة تنوء بما يقول العشق في أوجاعهم ، أحسست أن تلاصق الشفتين قد أضحى بحجم غيابهم ، والساعدين موحدين يحاوران ، فأومأتِ لي ، أرشدت طيري إلى أشجارها .. أسراب موسيقى تميل بوعينا فنميل: يا رعيان قولوا للذين تباطأوا .. أو ليس للعينين إلا ما أرى؟ - ها أنا كنت غيماً، صعدت إلى سدرة ، كنت أنتِ تطرين ما بين العشق والتوله ولا نعرف البدء، كون الدماء الذي قد تساقط مني لون دمائك ... كان إبتسامك طائراً يمضي على بحرٍ فيأخذ موجةً لجراح شهوته إنسلالاً تصعدين. يا غائماً ... مما؟ أعطيتنا يما وجعي على الوجع الذي لا يعرف الممَّا يا ممطراً مَنَّاً لُمَّ الشذى لمَّا إما سيغرقنا الجميل بشطه أو سوف نذكر للدروب بيوتنا كلمي كم مرَّ من طرقٍ على أفكارنا؟ كم مرَّ من شجرٍ على أطيارنا؟ كم موميء أومأ: أحب الخيل فانداحت له المدن التي تجتاحنا رغما؟!
الله يحفظك.
هذا قول لا يعلق عليه او يُرَد.
Post: #553 Title: Re: الحب في المنبر Author: Osman Musa Date: 10-13-2007, 07:37 PM Parent: #552
انشاءالله يامحمد العاقبه تنتقل عدوة الحب من المنبر الى كل اركان الدنيا
Post: #554 Title: Re: الحب في المنبر Author: محمد المرتضى حامد Date: 10-16-2007, 07:05 PM Parent: #553
حسن الطيب في الحب وانت طيب الريد مبارك عليك العشق الجاي يمر عليك وانت سعيد وعساك من عواده والله الفيديو بتاعك ده سمح سماحة الصح كل عام وانت ولهان
Post: #555 Title: Re: الحب في المنبر Author: محمد عثمان Date: 10-19-2007, 09:47 AM Parent: #1
عيد مبارك للجميع...
Post: #556 Title: Re: الحب في المنبر Author: هاشم أحمد خلف الله Date: 10-19-2007, 10:23 AM Parent: #555
الأخ الحبيب محمد المرتضي كل عام وانتم بخير , عضو جديد لنج في بوستك الجميل اها تقبلوني ولا امشي اصلي من زمان بتاوق من بعيد لبعيد وقلتا يمكن يكون البوست ده شرك للناس الريادة وكده , لكن خلاس لقيت الناس كلها متلي بتحب الجمال وبتحب من الأعماق , شكراً لك من خط حرفاً في هذا البوست واخص منهم علي سبيل المثال اخوي العزيز ود شيقوق واقول ليهو كل سنة وانتا طيب .
Post: #561 Title: Re: الحب في المنبر Author: محمد المرتضى حامد Date: 10-20-2007, 05:37 PM Parent: #556
Quote: الأخ الحبيب محمد المرتضي كل عام وانتم بخير , عضو جديد لنج في بوستك الجميل اها تقبلوني ولا امشي اصلي من زمان بتاوق من بعيد لبعيد وقلتا يمكن يكون البوست ده شرك للناس الريادة وكده , لكن خلاس لقيت الناس كلها متلي بتحب الجمال وبتحب من الأعماق
هاشم
سلامات وكل سنه وانت طيب يا عزيزنا الريده دي هي القاعدة وما عداها الاستثناء بالله يا هاشم الزول المابريد فرقو من الروبوت شنو محبتي
Post: #563 Title: Re: الحب في المنبر Author: محمد المرتضى حامد Date: 10-21-2007, 04:41 PM Parent: #555
أخي محمد عثمان كل سنة وأنت تنثر الطيب في المنبر لك العبق والأريج ولكل أحبابك في الإدارة العامة للعطور والورود, نتمنى على الجليل أن تبقى الزهور صاحيه وانت صاحي محبتي
Post: #557 Title: Re: الحب في المنبر Author: nourelhadi awad Date: 10-19-2007, 11:25 AM Parent: #1
ياجمالكم مشاتل الفراشات ومكامن النبض الرعشة كل السنين وأنت/م/ن وسامة غنوا معاي غنوة العيد والفرح الحب
تحية خاصة لكم جميعا
نورالهادي
Post: #558 Title: Re: الحب في المنبر Author: Mustafa Mahmoud Date: 10-19-2007, 12:37 PM Parent: #557
Post: #559 Title: Re: الحب في المنبر Author: محمد المرتضى حامد Date: 10-19-2007, 05:20 PM Parent: #558
Quote: انشاءالله يامحمد العاقبه تنتقل عدوة الحب من المنبر الى كل اركان الدنيا
يا عثمان كل سنه وانت طيب بنقول امين سيما في زمن يعلو فيه صوت القبح اللامحالة زائل سيبقى الحب وستذخب كل تراكيب القبح المشبوهة والصريحة كالزبد جفاءا محبتي
Post: #565 Title: Re: الحب في المنبر Author: محمد المرتضى حامد Date: 10-26-2007, 10:11 AM Parent: #558
قالت جميلة (العالم يقف على وتر مشدود وانا اقف على قوس قزح... إني عاشقة) د. مصطفى محمود ، شكرا على الأزهار والورود ومنانا أن يصل شذاها كل ضواحي المنبر. مودتي
Post: #564 Title: Re: الحب في المنبر Author: محمد المرتضى حامد Date: 10-23-2007, 04:45 AM Parent: #557
يا نورالهادي لحن الحياه منك ولونها يا فنان جد جد
Post: #560 Title: Re: الحب في المنبر Author: أحمد طراوه Date: 10-20-2007, 01:44 AM Parent: #1
.. منذ ايام وانا افتح هذه الصفحة و اقراء حزمة المحاذير الفريدة الواردة في الخاطرة رقم 35 !
... بالله من كتبها ؟! بوستك يا زول كندا ودانا في سكة بعيدة !
.. محاذير تخيف قايد المليون .. و ترهب عنتر و نابليون !!
.. وبعد قراءتها مرة و اثنان ، اذهب فى حالى متخيرا ترديد كلام الراحل ابراهيم عوض : يا وسيم الطلعة .. اوع حاذر اوعا .. نحنا اكبر .. اكبر من الشجن و اللوعة .. و القلوب الشابة ما بتعرف الدمعة !
.. واجمل ما في سيرة هذه الاغنية ( الفانتازيا الارجوانية ، و المشرئبة بالعزم و الموقف العاطفى ) ، هى تلك اللزمة الموسيقية الجهيرة اللي بعملا ود الحاوى بالاكورديون !
وكان علي المك يا شيقوق قد قال عن ايراد المساح لمفردة (عينانيك ) في عروض صدر البيت الشعرى بدلا عن (عيناك ) .. : انها براءة الاطفال وهم يعالجون مصاعب تصريف اللغة العربية قبل ان تدخل سجون النحويين .. المساح هجر مبكرا موازين الفراهيدى اللتى لا تتسع لحب ام زين ! وياها الشدة و التباريح اللي بتخلي الكثيرين يرددون مع ود البادية :
سوقى يا حنية سوقى .. وسوى زي ما تسوى فوقى !!
Post: #562 Title: Re: الحب في المنبر Author: خالد علي محجوب المنسي Date: 10-20-2007, 06:42 PM Parent: #560
بعد الأنجمامة بين الاسرة بنقول سلام يا كنيدي زمانك العماني نزور بوستك العامر بأهلو وضيفو الجميل دكتور أحمد طراوة مرات خلسة دون أن يشعر بنا أحد ونأخد لينا غميدة ومرات بندق الباب
لك التحية والمودة المرتضى وتحياتي لزوارك الكرام على رأسهم صاحب القلم العميق طراوة
خالد
Post: #566 Title: Re: الحب في المنبر Author: محمد عثمان Date: 10-26-2007, 01:09 PM Parent: #1
ود المرتضى و الجميع هنااااا...
تحايا عطرة وسلااام عندما كتب حسن عوض ابو العلا اغنية اسراب الحسان كان بعد عودته من مصر و هو مقعدا بعد حادثته الشهيرة.. و يقاال انه كان دايما يجلس فى كرسيه امام منزله بشارع عبد الله خليل و كان يشاهد بنات الاحفاد غدوا و رواحا فجاءت هذه القصيدة و الله اعلم... و الحقنا يا دكتور طرواة..!!!
أي سرب ؟؟ يتهادى!! بين أفياء الظلال.. يتثنى فى دلاال ..و يغنى فى دلاال.. مثل عنقود تدلى ..بين شغااف القلب مااااال!! كطيور حاالمات ..سابحااات فى العبير!! و صلاة و دعاء ..و ابتسام فى الثغور فتنة تمشى الهوينى ..بين منثور الزهور...
يااااا ملااك!! يا ملااك الحسن مهلاا !! انت فى زهو الشباب!! و انا قد صرت كهلاا.. من جوى الوجد المذاب .. لو هوانا كان عدلاا ..ما جفى ثغرى الشراب ان فى عينيك سحرا .. ملء عينيي سراب!! دمعة حرى .. و كؤوس من عذاب.. هذا ما نلت !! فهاتوا ما تبقى يا صحاب..
أتروكوها فى ذراها .. و دعونى فى جواهااااا شغل القلب هواها ..و هى لاا تدرى الهوى.. كم تمنيت لقاها..و تمنانى النوى ..
Post: #567 Title: Re: الحب في المنبر Author: محمد المرتضى حامد Date: 10-26-2007, 08:40 PM Parent: #566
Quote: بعد الأنجمامة بين الاسرة بنقول سلام يا كنيدي زمانك العماني نزور بوستك العامر بأهلو وضيفو الجميل دكتور أحمد طراوة مرات خلسة دون أن يشعر بنا أحد ونأخد لينا غميدة ومرات بندق الباب
ياخالد العيد الجاب الناس لينا جابك قبال غيرك ومع الزمان الكندي والعماني بنقول كل همسة وانت طيب وكل زفره وانت في هناء, كنت داير أقول ليك ربنا يرد غربتك لكن الغربه خشوم بيوت بس ياريت عيدنا الجاي يكون هناك ، يا سلام على أعياد هناك مكان المسادير ، اسأل سميه طلحه والمنصور المفتاح.
طراوه صاحبك دا كنت سأطلق عليه لقب هوديني أو ديفيدكوبرفيلد لولا أني أعرف شفرته في مسائل السحر فهو كأنه عاش ردحا في بلاط فرعون وشهد وقيعة الحبال إياها لكني أطمئنك أنه بعيد عن أفاعيل هاروت ويعمل خارج دائرة الغواية لكنه ينظر في مظلمة عوض الكريم عبدالله بعد أن رفعها هذا الأخير مدعيا أنهم منعوه الوصال والحب والسحر الحلال لذا فإن الحبر السري الذي يكتب به هنا مهرق حسب الشريعة الرومانسية وفقا لآخر تقرير صادر عن دائرة الإفتاء العشقي. خالد خلي المتاوقه ولز الباب.. أوكي؟
Post: #568 Title: Re: الحب في المنبر Author: ماجدة عوض خوجلى Date: 10-26-2007, 09:18 PM Parent: #567
عارف حوشك ده ومعاهو كم حوش يتعدو على الاصابع جد بيعيدو لينا توازن بنكون محتاجين ليهو كتير بغشاكم كل يوم وجد فغلا البوست عاجبنى شديد وماعندى غيرالوردة دى ليكم كلكم شايفاكم ياسلام عليكم مجتمعين على كتير من الجمال معليش التعديل لتغير الوردة التانيه مقاسا اخل بجمال الصفحة وانا والله ماشفتها غير هسة ارجو المعذرة تسلمو يارب التعديل الاول لاصلاح مافعلته بانزال صورة اكبر من المطلوب التعديل التانى كتبت اعتذار وسبب التعديل ومالقيتو قلت اكتب تانى فارجو المعذرة
Post: #569 Title: Re: الحب في المنبر Author: mamkouna Date: 10-26-2007, 11:32 PM Parent: #1
من عز النوم بتسرقني... بهرب لبعيد بتسبقني يا حبي صرت بآخر ارض... عم امشي وتمشي فيي الارض لوينك بعدَك لاحقني؟
كنا توادعنا وصوتك غاب ...وندهني العمر الخالي ولما ع حالي سكٌرت الباب.. لقيتك بيني وبين حالي مشلوحه على بحر النسيان فارقني النوم وكل شي كان ووجهك ما كان يفارقني ..جرٌب اسبح ويغرقني.
رقص وضحك وسهرية عيد وكل صحابي حواليي وعم فتش انا على حب جديد والناس عيونا عليي بتطٌل بيوقع مني الكاس وحدي اللي بشوفك من هالناس من بين الكل بتسرقني.. وبتلج الماضي بتحرقني... و من عز النوم..بتسرقني.
Post: #570 Title: Re: الحب في المنبر Author: mamkouna Date: 10-27-2007, 00:06 AM Parent: #569
سألتك حبيبي لوين رايحين ...خلينا خلينا و تسبقنا سنين إذا كنا ع طول..لتقينا ع طول ليش بنتلفت خايفين؟
أنا كل ما بشوفك ..كأني بشوفك لأول مرة حبيبي أنا كل ما توادعنا... كأنك تودعنا لآخر مرة حبيبي
قلي.. إحكيلي ..نحنا مين .. و ليش بنتلفت خايفين... ومن مين خايفين؟
موعدنا بكرة ... وشو اتأخر بكرة أقولك مش جاية حبيبي عم شوفك بالساعة ... بتكات الساعة من المدى جاي حبيبي
ويا دنيي شتي ياسمين ... ع اللي تلاقو و مش عارفين ... و من مين خايفين ... من مين...؟؟؟!!
Post: #571 Title: Re: الحب في المنبر Author: محمد المرتضى حامد Date: 10-27-2007, 09:40 AM Parent: #570
محمد عثمان، حسن عوض أبوالعلاء الشاعر المرهف لم يكن ملهَما وحسب بل مُلهِما لغيره من الشعراء الذين شاركوه التراجيديا المعروفة التي صاحبت علته الناجمه عن الحادثة المأساوية التي تعرض لها وهو ما زال شابا فتبناها غيره ممن آلمهم حاله فتقمصوا تلك التراجيديا وقدموا أشعارا ونثرا إنسانيا راقيا وبديعا ولعل (سفري السبب لي عنايا) لنفس الشاعر التي تغنى بها الراحل الشاهق أحمد المصطفى كانت ملكية عامة يستدعيها كل من نزلت به نائبة شبيهة باعتبارها لسان حال ينطق بالفجيعة المعاشة والمرئية لصاحبها أو لعزيز له يكون منه كحبل الوتين. رحم الله كل أولئك الجميلين فقد غسلونا بالحزن النبيل.
Post: #572 Title: Re: الحب في المنبر Author: خالد علي محجوب المنسي Date: 10-27-2007, 11:54 AM Parent: #571
أأأأها دقينا الباب بعد كثر التلصص سلااااااام الجميل مرتضى حبي لك نابع من التوأمة في معاناة ألم الفراق بظروف المعايش
نصك في السلطنة مقلي بحراية الخليج ونصفك الآخر يرتجف من صقيع كندا
الحال ياهو واحد مع الفرق أن نصفي مقلية بي بصقيع البرد
بحسب دقايق الليل أنا والنجم زُملان تابع هواكم جافي الأهل والخِلان
أعطف علي يا ريم يانافر الغزلان خِصرك رقيق وعلي قلبك حجر مالان
Post: #577 Title: Re: الحب في المنبر Author: محمد المرتضى حامد Date: 10-30-2007, 02:07 AM Parent: #572
خالد علي محجوب (اللامنسي) فأنت تتمخطر في الخاطر،
(ما للهوى بلد).
Post: #573 Title: Re: الحب في المنبر Author: محمد عثمان Date: 10-27-2007, 09:48 PM Parent: #1
كثيرا ماا تقتلنى اشياء صغيرة و تحيينى من جديد و متين الليل يصاافينى...؟؟؟؟ لابحث عن نجمة بعيدة فى الاعاالى اقرأ على ضؤهااا حكااايااتى القديمة و اتأمل بها صوراا اخفيتها منذ زمن طويل... لكن يغلبنى النعااااس و صوت المغنى يشدو: لا بنساااك ولا قاادر.... و يستمر الحب...
Post: #574 Title: Re: الحب في المنبر Author: محمد المرتضى حامد Date: 10-28-2007, 11:04 AM Parent: #573
Quote: عارف حوشك ده ومعاهو كم حوش يتعدو على الاصابع جد بيعيدو لينا توازن بنكون محتاجين ليهو كتير بغشاكم كل يوم وجد فغلا البوست عاجبنى شديد وماعندى غيرالوردة دى ليكم كلكم شايفاكم ياسلام عليكم مجتمعين على كتير من الجمال
تسلمو يارب
A man should hear a little music, read a little poetry, and see a fine picture every day of his life, in order that worldly cares may not obliterate the sense of the beautiful which God has implanted in the human soul.
يعني يا ماجده عشان نكون أصحاء جسدا وروحا وكي لا يذبل الوجدان فينا لابد من (الوصفة) أعلاه سيما في هذا الزمن الموحش عدو الأمان والطمأنينة، أنا لا ألعن الزمان لكن الشر وأهله ينفخون في بوق ينبئ بروما نيرون جديدة ، بوق يأتي منه صوت أجش نشاز قبيح ينادي بالحريق ويعلن شفرة القتل والكذب والإرتزاق والزيف وبيع الذمم والأهل والدين والوطن يمنة ويسرة حتى لم يبق ما يباع ، كان لابد يا عزيزة أن نصطف وآخرين مؤذنين أن حي على السلام والمودة والتراحم والمحبة ، صدقيني إن أهل الشر والرذيلة ضعاف أمام مد الفضيلة الجارف حين يجئ وأن الجمال الغامر لابد آت ونحن موعودون بخير الليالي وأيام خضر تقيل عنا وعن العالمين ألما اقام في مفاصلنا وقلوبنا ردحا من الزمان فقط تعوزنا وقفة مع النفس نرجو ألا يضن بها الزمان والضمير. شكرا يا الماجده والحوش دا عامر بيكم والورده مقبوله فبها يندحر ويتراجع شجر الزقوم.
Post: #575 Title: Re: الحب في المنبر Author: محمد المرتضى حامد Date: 10-29-2007, 11:49 AM Parent: #574
ممكونه، مرة أخرى مع الحب غير المشروط و تفصيل من محمود درويش بلسان مارسيل الجميل..
شعر: محمود درويش ألحان: مرسيل خليفة غناء: مرسيل خليفة
أحن إلى خبز أمي و قهوة أمي و لمسة أمي و تكبر في الطفولة يوما على صدر يوم و أعشق عمري لأني إذا مت أخجل من دمع أمي **** خذيني إذا عدت يوما وشاحا لهدبك و غطي عظامي بعشب تعمد من طهر كعبك و شدي وثاقي بخصلة شعر بخيط يلوح في ذيل ثوبك عساني أصير إلها إلها أصير إذا ما لمست قرارة قلبك **** ضعيني إذا ما رجعت وقودا بتنور نارك و حبل غسيل على سطح دارك لأني فقدت الوقوف بدون صلاة نهارك هرمت فردي نجوم الطفولة حتى أشارك صغار العصافير درب الرجوع لعش انتظارك
Post: #576 Title: Re: الحب في المنبر Author: Osman Musa Date: 10-29-2007, 01:13 PM Parent: #575
أى سرب؟ يتهادى !! بين أفياء الظلال .. محمد المرتضى ده شنو ؟ الواحد يشرط هدومو ويمشى فى الشارع يعنى ؟ الشعر السودانى يا محمد عيارات تقيله بلحيل . لهم التحيات الاف .
Post: #578 Title: Re: الحب في المنبر Author: mamkouna Date: 10-30-2007, 06:25 AM Parent: #575
Quote: شعر: محمود درويش ألحان: مرسيل خليفة غناء: مرسيل خليفة
أحن إلى خبز أمي و قهوة أمي و لمسة أمي و تكبر في الطفولة يوما على صدر يوم و أعشق عمري لأني إذا مت أخجل من دمع أمي **** خذيني إذا عدت يوما وشاحا لهدبك و غطي عظامي بعشب تعمد من طهر كعبك و شدي وثاقي بخصلة شعر بخيط يلوح في ذيل ثوبك عساني أصير إلها إلها أصير إذا ما لمست قرارة قلبك **** ضعيني إذا ما رجعت وقودا بتنور نارك و حبل غسيل على سطح دارك لأني فقدت الوقوف بدون صلاة نهارك هرمت فردي نجوم الطفولة حتى أشارك صغار العصافير درب الرجوع لعش انتظارك
Post: #579 Title: Re: الحب في المنبر Author: محمد المرتضى حامد Date: 10-30-2007, 10:36 AM Parent: #573
Quote: كثيرا ماا تقتلنى اشياء صغيرة و تحيينى من جديد و متين الليل يصاافينى...؟؟؟؟ لابحث عن نجمة بعيدة فى الاعاالى اقرأ على ضؤهااا حكااايااتى القديمة و اتأمل بها صوراا اخفيتها منذ زمن طويل... لكن يغلبنى النعااااس و صوت المغنى يشدو: لا بنساااك ولا قاادر.... و يستمر الحب...
كنت ، على زمن الطفولة الأخضر، أندهش كثيرا وأنا استمع للمغنيين يمجدون الليل لأنه كان يمثل لنا
حالة تختلف جذريا عن تلك التي (نحسها) اليوم. كان الليل يرتبط بنهاية وقت اللعب وال (عشا)
وإلزامية كوب الحليب دعك عن ارتباطه بالمجهول والحذرممن يختبئ وراء أي باب أو غرفة مظلمة بل
تغطية اصابع القدم خوفا من العفاريت، لم نكن نعرف يومها أن العفاريت والشياطين الحقيقيين هم من
البشر وهم أشد بأسا وأكثر خطرا، كنا نحفل بالصباح وحتى الى ما قبل المغيب حتى جاء وقت أصبح الليل
يمثل قيمة مختلفة تماما. في الليل يا محمد تتم كافة المراجعات وتفتح كل الدفاتر
للمحاسبة والتدقيق بينك وبين خالقك وبينك وبين العباد وبينك وبينك، في أحايين كثيرة نتجزأ بين
تمني مجيئه والهروب منه والحالة الأخيرة هي في واقعها هروب من النفس والمحاسبة وذلك لمن حباه الله
نفسا لوّامه، ومن يحب يا عزيزي يبدأ من (يا ليل أبقالي شاهد) ولاينتهي عند السفر بخيالات لا محطة له
ا حتى سدرة المنتهى أو حافة الكون فيجد عزاءه في الليل (إن صافاه هذا الأخير) والحديث يطول حينها
حتى يتوفى الله النفس في منامها بانتظار صبح قريب.
ياسلام يا محمد لما تكون عاشق وتؤوب للوسادة القوس قزح ، دا عالم تاني خالص يا بَرَكَه.
شكرا يا محمد على رفدك هذه الصفحة برائعة حسن عوض أبوالعلا وصوت سيد الندي..
Post: #580 Title: Re: الحب في المنبر Author: محمد المرتضى حامد Date: 10-31-2007, 03:33 AM Parent: #579
Quote: محمد المرتضى ده شنو ؟ الواحد يشرط هدومو ويمشى فى الشارع يعنى ؟
على رسلك يا عثمان ، تعرف يا الحبيب الإستماع الي أغنيات كهذه في المهجر بحد ذاته فتنة تمشي الهوينى ، لن تكون الفريد في عصرك ولن تدخل موسوعة جينيس ولن تسجل سابقة جنونية بعملية شِريط الهدوم دي فقد حكى لنا بعضهم أن أحد أقرب أصدقاء أبوداؤود ، وهو والد صديق لي، كان بيشرط جلابيتو عند بلوغه سدرة الطرب بالذات في أغنيات بعينها لدرجة إنو أبوداؤود قبل ما يغني أي من تلك الصواعق بقول :يا اخوانا صاحبي ده شوفو ليهو عراقي قديم. لكن انت داير تمشي في الشارع كمان ودي بترفعك نمرتين زيادة في مدرج التهورالصادق وممكن تاخد عليها ترقيه إستثنائية في الميدان. رحم الله عبدالعزيز داؤود الجميل وعلي المك ومختار عباس وكل من أثرى أفئدتنا وخلايانا بالروائع فبعدهم لم يبق لنا غير ترديد: ( وأنا الصاحي أرى في النور أشباح الظلام .. وغدت كأسي على راحي بقايا من حطام) تسلم يا الحبيب.
Post: #581 Title: Re: الحب في المنبر Author: محمد عثمان Date: 11-05-2007, 09:12 PM Parent: #1
و تم التسلل ليلا لاراضى ود المرتضى..... انا عاارف...!!!
Post: #582 Title: Re: الحب في المنبر Author: محمد المرتضى حامد Date: 11-06-2007, 08:34 AM Parent: #581
مدينة الحب، كانت .. ونتمنى أن تعود ، أيا كان موقعها في الأرض.
Post: #583 Title: Re: الحب في المنبر Author: محمد المرتضى حامد Date: 11-06-2007, 08:56 PM Parent: #582
محمد عثمان ، سألتك بالله كان تغيِّرا،
سير بيَّا ودِّيني وفي غناك أبديني واندب هناك حظي وسعدي المعاديني رحماك يا حمام... لو رُمتَ ترويني مروى العطِيش في ابروف بجرعه داويني في جوفي كاويني حب ام عفاف أمدُر من قبل تكويني.
إنت منو يا محمد القال عن (شي) بينسّيك الفَرِض والنافله؟
وساده: في حظي أفتيني.
Post: #584 Title: Re: الحب في المنبر Author: محمد المرتضى حامد Date: 11-07-2007, 04:40 PM Parent: #583
طراوه،
هل اتاك حديث العشق أم آثرت ترتيل المودة سرا؟
محاولة لإزالة الغبار العالق بالخارج قبل حدوث الإختناق.
Post: #585 Title: Re: الحب في المنبر Author: محمد عثمان Date: 11-07-2007, 08:20 PM Parent: #1
Quote: محمد عثمان ، سألتك بالله كان تغيِّرا،
ود المرتضى.. خلاااص بديك المفتاح...
Quote: إنت منو يا محمد القال عن (شي) بينسّيك الفَرِض والنافله؟
و السؤال دا محوّل لاخونا عثمان موسى....
Quote: وساده: في حظي أفتيني.
ننتظر شيخنا دكتور طرااوة...
يديك العاافية...
Post: #588 Title: Re: الحب في المنبر Author: محمد المرتضى حامد Date: 11-11-2007, 10:03 AM Parent: #585
Quote: و تم التسلل ليلا لاراضى ود المرتضى..... انا عاارف...!!!
يا محمد ، ياريت كل اليغشى جروفي يراعي ظروفي ويغرز شتله يغسل ساقيها النيل وتتغزَّل فيها حتى السواقي ، يا سلام على التسلل ليلا وفيهو ودخوجلي البناغم:
بالله يا ودعثمان عليك الخلقك غمِّد عيونك و(شوف) زول شوقو ماليهو، ده بكون كيف؟ ياخ الحياه دي قصيره خلاس.
Post: #586 Title: Re: الحب في المنبر Author: أحمد طراوه Date: 11-08-2007, 11:38 AM Parent: #1
.. دى آمنة يا محمد !
.. نست العبادى الفروض و النافلة !
.. القصيدة بتبدا ب : أحيّى الم الفراق حشش كلاي .. و اجرى دمعي انا لظبية وجرا ..
.. تخيل دى البداية ! فالنهاية كيف تبقى خير ! ؟ زى ما قال زولك العمري
.. لمن أمنة مرضت و تالمت .. العبادى قال : يا الخلفاء بنية بنية .. وجع امونة ضيفو عليا .. ! ( الاضافة دى من باب افديك بالروح يا موطني ! ) لطيف بحق العبادى وناس بوستك كمان يا ود حامد
غابتك الكحلية ام صنوبر زاهى .. و اللي هي على وزن بدلتى الكحلية بتاعت عوض الكريم عبد الله .. بنقول فيها :
دخلنا الغابة .. وصلنا ميسا .. و كشفنا اسرارا الغميسة .. لغاية ما نقول : يا حليل ام در و يا حليل نفيسة .. !
Post: #587 Title: Re: الحب في المنبر Author: Osman Musa Date: 11-08-2007, 04:46 PM Parent: #586
يا الخلفاء بنية .. بنية وجع امونه... اضيفو عليا ___ محمد شوف المحبة النضيفه دى كيف . ناس تحب بكرم وبشجاعه .. يا مشايخ بى بركاتكن اضيفو وجع امونه ده على حسابى . ناس كانت تدفع حاضر . وCASH تقول لى يا محمد PLATINUM وVISA BUSINESS CARD اهل ناس طراوة وود القرشى ديل ما كان عندهن لى باكر ( الكترابة ) ناس كانت تدفع الروح لبنات النيل هلا هلا ..
Post: #589 Title: Re: الحب في المنبر Author: الطيب شيقوق Date: 11-11-2007, 10:40 AM Parent: #587
انت عارف يا المرتضى بوست الحب ده انا مرات براى حاسي بانه زى شاسى المنبر
لكن نشاط المحبين تراجع عشان كده البوست صار ما بمشى الا شمومة
Post: #590 Title: Re: الحب في المنبر Author: الطيب شيقوق Date: 11-11-2007, 11:48 AM Parent: #589
واحد مسطول سألوهو عن الحب و الزواج والعلاقة بينهما.... قال ليهم : - الحب احساس جميل ما بيتوصف .. ..زي كأنك ماشي في الشارع ، ..في مساء ربيعي والجو شاعري .. ..بتنظر للنجوم وبتدندن ببعض الاغاني ...و .. - أها والزواج - الزواج ده بقى هو ( الحفرة ) البتقع فيها وانت ماشي بتعاين في النجوم ..
هييييييييييييييييييييييع
Post: #591 Title: Re: الحب في المنبر Author: Muna Khugali Date: 11-11-2007, 05:54 PM Parent: #590
Post: #592 Title: Re: الحب في المنبر Author: محمد المرتضى حامد Date: 11-12-2007, 08:52 AM Parent: #586
Quote: .. دى آمنة يا محمد !
.. نست العبادى الفروض و النافلة !
.. القصيدة بتبدا ب : أحيّى الم الفراق حشش كلاي .. و اجرى دمعي انا لظبية وجرا ..
.. تخيل دى البداية ! فالنهاية كيف تبقى خير ! ؟ زى ما قال زولك العمري
.. لمن أمنة مرضت و تالمت .. العبادى قال : يا الخلفاء بنية بنية .. وجع امونة ضيفو عليا ..
]ا جهينة، في خبرك اليقين هذا وريتنا واحد من ناس شيل من عمري وأدِّيهو. الناس المن قلوبهم بيهدوا الروح وهم طايعين مختارين ، دا كان الحبيب يرضى. _
وساده:
(مَكَتَّف يا جبل واقف وتشرب دمعةْ القاعدين)
Post: #593 Title: Re: الحب في المنبر Author: الطيب شيقوق Date: 11-12-2007, 09:00 AM Parent: #592
البوست ده بذكرني تردة الرهد ابو دكنة الوزين بتلب فيها اعمى سااااااااااااى مش زى حفر مؤسسة الحفريات البيعملوها بسبب نقل التراب لعمل جوانب للترعة الكاسرة . النوع الاخير ده لما يجي الخريف بيتملئ موية لكن الوزين ما بالحيل عليهو يا المرتضى اخوى .
Post: #594 Title: Re: الحب في المنبر Author: الطيب شيقوق Date: 11-13-2007, 07:47 PM Parent: #593
اصلك يا المرتضى ما مارق منها خليني اتمك بس ونرتاح منك . ولعلمك بوستيك ده ما عاد ملكك ده بوست الحق فيهو مشاع وانت غير مطالب بالرد على المتداخلين بس تعاين وتتفرج ولو عندك حاجة صارية وعاجباك ارميها فيهو وشوف همك . بوستيك ده بذكرني ضريح واحد من المشايخ الصالحين اى زول عنده حاجة سمحة وخايف يسرقوها يرميها في الضريح ده بس ويمشى يتسوق النهار كله الجن ما بهبشها .
Post: #596 Title: Re: الحب في المنبر Author: خالد علي محجوب المنسي Date: 11-13-2007, 08:28 PM Parent: #595
الله ليا يا ليلة افروا لي ديل من ديلا
يا اب أحمد شكيت ليك عُذري تفاح جناين الخِدري السبب المضيع عمري دُخان الضِحي البدري
Post: #597 Title: Re: الحب في المنبر Author: محمد المرتضى حامد Date: 11-14-2007, 10:23 AM Parent: #594
Quote: اصلك يا المرتضى ما مارق منها خليني اتمك بس ونرتاح منك . ولعلمك بوستيك ده ما عاد ملكك ده بوست الحق فيهو مشاع وانت غير مطالب بالرد على المتداخلين بس تعاين وتتفرج ولو عندك حاجة صارية وعاجباك ارميها فيهو وشوف همك
دا كلام قلناه من كم شهر في هذا البوست يا شيقوق. لكن كدي بالله شوف جنس النضمي دا من عضو المنبر أبوذر بابكر
فى حدائق وجهِها تأتلفُ العصافيرُ تكتبُ على خدِ الصباحِ الذى فى كلِ يومٍ يُفتّح أبوابَ الضياءِ ثم يخلعُ شمسَه عند بابِ الوردِ لتأتلقَ الأزاهيرُ
يغمسُ نومَه فى نهلِها العبيرِ ثم يرتدى كسوةَ الرحيقِ
هناك فى حدائق وجهِها تدفقُ العصافيرُ مواعيدَ بوحِها تذكاراً عن العشِِ العتيقِ تدفنُ العصافيرُ مَواتَ جرحِها وما تبقى من دموعِ ليلِها الصديقِ
وليلُنا الذى كلما مددنا صوبَه حرقةَ العيونِ ترجلَ عن سوادِ حزنِه أناخَ راحلةَ الجراحِ ونام فينا ونحن بين يقظةِ الأنينِ مطلقِ السراحِ وغفوةِ الظنونِ نجوسُ وسط نومِنا أو فوقَ موتنا المباحِ حيث كلُ حلمٍ فيه أخرسٌ يناوشُ الهتافَ يستعيرُ حرقةَ الصياحِ وصيحةَ الحريقِ
فى حدائق وجههِا نبعٌ بُنّى الطعمِ يسكنُ الصفاءُ لونَه يمنحُ السماءَ لونَها وإرتواءَ نبضِها وكحلَ جفنِها الخجولِ نبعٌ يسكنٌ غيرَ بعيدٍ عنه حقلٌ يمتزجٌ نداهُ بروح القهوةِ وبعضِ حليبٍ من ثدى الألقِ قمرٌ يمتهن الفرحةَ يغزلُ أفقَ العشقِ بفضةِ إبتسامِها بنشوةِ الفصولِ فلأجلِ وجهِها نهرٌ من صندلِ الليلِ الموشى بالبريقِ هبّ بشوقِه همّ بها وهمّت به هبّ بشوقِه وسيّجَ بضفائرِ المساءِ كرنفالَ زهوِها فأعلنت نجماتُ البهاءِ أن الضوءَ إسمُها أن البنفسجَ رسمُها وأننا فى جدرانِ الطيفِ ننحت المنى سفناً تنتعلُ الموجَ يباركنا ظلٌ أخضرٌ يربضُ وسط ركامِ الصيفِ يباركنا النهرُ فى حدائق وجهِها ترتاحُ الأيامُ تتمددُ فوق أسُرةِ النهارِ تحتفلُ الأعوامُ بأعيادِ التفتحِ فى أرجاءِ وجهِها النضارِ تبتهجُ الأنسامُ بنوافذٍ تهاتفُ الشموسَ أن تعالى، فهنا حيثُ حدائق وجهِها تورقُ أحلامُ العشبِ تدُس نداءَ الشوقِ بعيداً فى مهجِ الأسرارِ فى حدائق وجهِها عمّدنا البهاءُ باركنا النهرُ مدّ من بين القصائدِ وجهَه وقالَ هاكم إشربوا مدادَ عشقِكم قال إذهبوا فأنتمُ العشاقُ أنتمُ التعساءُ
انت عارف يا المرتضى القصيدة الزى درب النمل دى بقرا فيها تقول بتقردن الواحد عندما تصل نهايتها تحس جاك ابو شهيق هق.
Post: #599 Title: Re: الحب في المنبر Author: salma subhi Date: 11-14-2007, 12:33 PM Parent: #598
الأخ الفاضل محمد المرتضى...
عدنا....فحيثما وجد النقاء فاننا نسلك طرقاته ...
أدام الله الحب في المنبر...
اهديك وكل الأعضاء هذه اللوحة الفنية والتي تسمى...
ُETERNAL LOVE OF THE LIGHT
Post: #600 Title: Re: الحب في المنبر Author: خالد علي محجوب المنسي Date: 11-14-2007, 10:19 PM Parent: #599
Post: #601 Title: Re: الحب في المنبر Author: خالد علي محجوب المنسي Date: 11-14-2007, 10:23 PM Parent: #600
عندما تجتمع الكلمة واللحن والأداء تكتمل الصورة وتتألم ناس مستمعة زينا
ظُبية المسالمة
إهداء لك يا الراقي الجميل محمد المرتضى ليت الدكتور عاشق الحقيبة يمتعنا بالحديث عنها تحياتي ومودتي تخريمة أأسف عندما لقيت أن الفيديو الذي سوف أنزله سيكون آخر الصفحة السادسة جريت واطي وعملتَّ العملية الما كويسة دي أمسحَ لي في وشي ( مبروك الصفحة السابعة يا جميل )
Post: #602 Title: Re: الحب في المنبر Author: Osman Musa Date: 11-15-2007, 07:48 PM Parent: #601
الحب فى المنبر البوست الفاكهه لابد أن يكون فى العلالى
Post: #603 Title: Re: الحب في المنبر Author: الطيب شيقوق Date: 11-15-2007, 08:02 PM Parent: #602
Quote: تخريمة أأسف عندما لقيت أن الفيديو الذي سوف أنزله سيكون آخر الصفحة السادسة جريت واطي وعملتَّ العملية الما كويسة دي أمسحَ لي في وشي ( مبروك الصفحة السابعة يا جميل )
عليك الرسول يا ود المنسي انت الفديو بتنزله كيف؟ انا سجلت لى كلام كتير عن الحب في الغابة صوت وصورة لكن غلبني انزلها وريني عليك الرسول .
Post: #610 Title: Re: الحب في المنبر Author: محمد المرتضى حامد Date: 11-20-2007, 06:39 PM Parent: #601
ظبية المسالمه شخصيا؟ تعرف يا خالد المامنسي ، سمعت واحده بتغني وتقول : قالوا البريد ما بنستر, طبعا انت عارف وانا عارف انو الزول المابريد دا ما عندو فكره عن الستره، الزول المابعرف الريد يا خالد زول مكشوف حال.
Post: #604 Title: Re: الحب في المنبر Author: محمد المرتضى حامد Date: 11-17-2007, 10:40 AM Parent: #593
Quote: البوست ده بذكرني تردة الرهد ابو دكنة الوزين بتلب فيها اعمى سااااااااااااى مش زى حفر مؤسسة الحفريات البيعملوها بسبب نقل التراب لعمل جوانب للترعة الكاسرة . النوع الاخير ده لما يجي الخريف بيتملئ موية لكن الوزين ما بالحيل عليهو يا المرتضى اخوى .
والله يا الطيب المقارنة بين وصفك ووصف سلمى صبحي تبين الكثير ، ناس الخلا وناس الحضر ، لكن يا سيدي لكل نكهته الخاصة به المهم (إتحاد المعنى) واتفاق القلوب يا شيقوق. حقيقة يا الطيب وصفك ذكرني الوزين في (التُرَد) في كردفان ودارفور فالوزين (الإوَز) دائم الإرتياد للترد الطبيعية ولكن إذا ما نزل في حفائر صناعية أو (فولات) فذلك يكون على سبيل الهبوط الإضطراري. لكن عريبي وصّاف وصف..
Post: #605 Title: Re: الحب في المنبر Author: الطيب شيقوق Date: 11-17-2007, 11:13 AM Parent: #604
Quote: الهبوط الإضطراري.
ده حق البخات !!!!!!! مو محتاج لتدبي بالشدر ولا حتى نيشانو محتاج لصرة عين يا ود حامد اخوى
هيييييييييييييع تخم وتدي النار سااااااااااااااى اكان فيك مروة
Post: #606 Title: Re: الحب في المنبر Author: محمد المرتضى حامد Date: 11-18-2007, 09:47 PM Parent: #605
سلمى صبحي
Quote: أدام الله الحب في المنبر...
آمييييييييييييين ، شكرا لك ، كواحدة من عمال النضافه، وأنت تلونين مساحات فيه بكل جميل. يحفظك مولاي.
Post: #607 Title: Re: الحب في المنبر Author: الطيب شيقوق Date: 11-19-2007, 06:22 AM Parent: #606
Quote: حقيقة يا الطيب وصفك ذكرني الوزين في (التُرَد) في كردفان ودارفور فالوزين (الإوَز) دائم الإرتياد للترد الطبيعية ولكن إذا ما نزل في حفائر صناعية أو (فولات) فذلك يكون على سبيل الهبوط الإضطراري.
انت عارف الواحد عندما يدخل المنبر العام ويقلب جاى ويقلب جاى ويجي بجاى وتقابلك بوستات هشام هباني الزى دعايات سوداني وخليك سوداني دى تتململ وتبحث ليك عن محل استراحة وما بتلقاها الا في الحب في المنبر العام ولانك لو قلبتو كويس من قولة تيييييييت وطولت نفسك حتما بتجد احلى من الحب ذاتو !!!!!!!!
Post: #608 Title: Re: الحب في المنبر Author: محمد عثمان Date: 11-19-2007, 01:51 PM Parent: #1
ود المرتضى...
قلنا نديها كوز.. يا اخوى الموت مع الجمااعة عرس و شكلها....... اليومين دى شابكة معانا ما نسيناك و سيبلى دربى خلاااص كفااية...فضل لينا بس اسماعيل حسن و... كانت غرامى ليك...والله كلاااااام
اها زولك تانى...
Post: #609 Title: Re: الحب في المنبر Author: Abdul Monim Khaleefa Date: 11-20-2007, 12:17 PM Parent: #608
أخي العزيز / محمد المرتضى تحياتي ومودتي
حيث أنك زعيم قبائل المحبين في هذا المنبر ، والمتحدث الرسمي باسم المكتولين كمد ، ولأنك مرجع في كل ما يحيط بهذه الأمور الحيوية ( كما يقال دائما !) ، رأيت أن أطلعك على هذه المقتطفات من أقوال الإمام ابن حزم التي أخذتها من بعض المراجع التراثية ، علها تعينك في محاولات التأصيل ! ولك أن تبحث في مدى انطباقها على أصدقائك شعراء الشعب ممن ساروا خلف أحبتهم من أسكلة الخرطوم إلى الجبلين على الرجاف !
عبد المنعم خليفة
اعترف ابن حزم في بعض صفحات مؤلفه " طوق الحمامة " بتولعه بجارية من جواري القصر، كانت تجيد الغناء والعزف على العود، وذكر طرفاً من أخباره معها، وقص خبر غنائها لأبيات العباس بن الأحنف التي أولها:
إني طربت إلى شمس إذا غربت كانت مغاربها جوف المقاصير
قال: ( فلعمري لكأن المضراب إنما يقع على قلبي، وما نسيت ذلك اليوم ولا أنساه إلى يوم مفارقتي الدنيا).
يقول الإمام ابن حزم في طوق الحمامة: "الحب -أعزك الله- أوله هزل وآخره جد، دقت معانيه لجلالها عن أن تُوصف فلا تدرك حقيقتها إلا بالمعاناة، وهو ليس بمنكر في الديانة ولا بمحظور في الشريعة؛ إذ القلوب بيد الله عز وجل." وقد أحب من الخلفاء المهديون والأئمة الراشدون وكثير من الصالحين والفقهاء في الدهور الماضية والأزمان القديمة . ويستدل الإمام ابن حزم على موقفه من الحب بما رواه بسنده في موضع آخر من كتابه طوق الحمامة من أن رجلاً قال لعمر بن الخطاب رضي الله عنه: "يا أمير المؤمنين، إني رأيت امرأة فعشقتها، فقال عمر: " ذاك مما لا يملك".
يقول الإمام ابن حزم: "أما العلة التي توقع الحب أبدًا في أكثر الأمر على الصورة الحسنة ، فالظاهر أن النفس الحسنة تُولع بكل شيء حسن، وتميل إلى التصاوير المتقنة؛ فهي إذا رأت بعضها تثبتت فيه ،أي إذا رأت الجمال تعلقت به، فإن ميزت وراءها شيئًا من أشكالها ،أي إذا رأت وراء هذا الجمال شيئًا يتشابه مع صفاتها النفسية ، اتصلت به، وصحت المحبة الحقيقية ".
Post: #611 Title: Re: الحب في المنبر Author: الطيب شيقوق Date: 11-21-2007, 06:08 AM Parent: #609
الدكتور عبد المنعم خليفة
تحياتي
Quote: يقول الإمام ابن حزم في طوق الحمامة: "الحب -أعزك الله- أوله هزل وآخره جد، دقت معانيه لجلالها عن أن تُوصف فلا تدرك حقيقتها إلا بالمعاناة، وهو ليس بمنكر في الديانة ولا بمحظور في الشريعة؛ إذ القلوب بيد الله عز وجل."
وهل ممكن يكون مع اكثر من واحد او اكثر من واحدة؟
Post: #612 Title: Re: الحب في المنبر Author: محمد المرتضى حامد Date: 11-21-2007, 10:31 AM Parent: #611
Quote: وهل ممكن يكون مع اكثر من واحد او اكثر من واحدة؟
شيقوق ، الحصل ليك شنو ؟ السؤال ده إت ماك عارف إجابتو يعني؟ شوف يا الطيب , رغم انو سؤالك موجه لأستاذنا عبدالمنعم خليفه خوجلي إلا أنني أستسمحه بالرد مع عدم الإخلال بحقه في تقديم (محاضرة) للجميع ، وأنت فيهم ، في هذا الإتجاه وهو قمين بذلك. الحب يا شيقوق لاعلاقة له ب (واحدة أو أكثر) ولا صلة له بلغة الأرقام ، وسؤالك يشبه سؤالا طرحه أحد المتداخلين في بدايات هذا البوست عن الحبيب الأول والحبيب الثاني وما إلى ذلك من مقولات تذكرني بنتائج الفصل في الإبتدائية. الحب يا الطيب حاله دائمة في الإنسان لا علاقة لها بوجود الآخر ، أقول ليك شنو يعني وداللمين مش قال ( قلبي عاشق ودربي خالي من حبيب) ؟ أها يا طيب حالة الحب دي غريزة كامنه ولكنها تعلن عن نفسها وتتبدى على استحياء أحيانا وأحيانا أخرى بشكل سافرعند مرور (جسم) يستطيع قلبك التقاط إشاراته والجسم المعني قد يكون طفلك أو والديك أو أقاربك أو اصفياء الوريد وجيران الوتين أو واحدة من بني شيبه أو رهط من مضارب بني ربيعة ممن يعربدن في الشريان بملك حر أو بالحكر ومرات بالإيجار زي ماقال خلف الله حمد في في ناس (ترنعي تشبهي مهر السبق)، وتتحدد حالتك وفقا لطول الموجات التي يرسلها ذلك الجسم لرادارك ، طبعا في ناس راداراتم معطله وما بريدو وقلنا عنهم أعلاه إنهم مكشوفين حال ، ممكن أضرب ليك مثل بالكومبيوتر ففيه الهاردوير وفيه السوفتوير ، أها الحب ده زي السوفتوير بيكون موجود وبعد كده تبقى المسألة مسألة تطبيقات ، من ثم فالشخص المبرمج على الحب لايغير فيه تنوع ال applications ولايمكن أبدا يا الطيب زول مُجَهَّز بسوفتوير من الريده والمحبه يعمل ليك (حاجه) واحده بس ، يعني لو القصه بقت كدا تقوم تكمِّل (الكوته) بتاعت الحب في أم الأولاد وبعد داك تصُر وشَّك في خلق الله بما فيهم أولادك وأصحابك وأهلك وناس لا لا ، ولو كان هناك حب لشخص واحد في قلب البني آدم لما تزوج إنسان لأنه سيكون استنفد سلفا ( الجرعه اليتيمه) في حبه لوالديه أو وطنه أو في الشاكوش الأول. الطيب ، الفارق ضخم بين أن تكون محبا وبين أن تحب شخصا واحدا. الطيب انت مالك الليله؟ مورود؟ الطيب ، فوقك طه ويس وهود.
Post: #613 Title: Re: الحب في المنبر Author: محمد المرتضى حامد Date: 11-21-2007, 02:08 PM Parent: #608
Quote: قلنا نديها كوز..
يا ابوحميد
درءا للشبهات ، انت قاصد تديها أريج؟
على أية حال شكرا لكل الجمال الذي ضمخت به البوست وثق أني ليك المولى الموالى.
Post: #614 Title: Re: الحب في المنبر Author: محمد المرتضى حامد Date: 11-24-2007, 10:17 PM Parent: #613
محمد عثمان، لم استمع لمطرب تبنى التفاؤل رأسيا وافقيا مثل زيدان على الرغم من الليله إياها وانسداد باب الريده لكن جل اختيارات العندليب تنضح بالموجب القادم من طرف الحبيب. زيدان يا محمد كان في قمته حين بدأ جيلنا مشروع البراكين الكبرى بين الضلوع ، زمن كانت (نتملى بجمرك نهيم) تكتسح فصول حياتنا الثانويه العامه وكانت الدراما واللافا المندلعه تبلغ ذراها في (من بعدك انتي يعيش منو ومن تاني مين يتمنى العمر) فتنصهر نواصي المدارس والكراسات والكتب التي كن يموضعنها على الصدور تقديسا.. للعلم، جيب لينا زيدان يا حامل المسك.
Post: #615 Title: Re: الحب في المنبر Author: محمد عثمان Date: 11-24-2007, 11:24 PM Parent: #614
Quote: محمد عثمان، لم استمع لمطرب تبنى التفاؤل رأسيا وافقيا مثل زيدان على الرغم من الليله إياها وانسداد باب الريده لكن جل اختيارات العندليب تنضح بالموجب القادم من طرف الحبيب. زيدان يا محمد كان في قمته حين بدأ جيلنا مشروع البراكين الكبرى بين الضلوع ، زمن كانت (نتملى بجمرك نهيم) تكتسح فصول حياتنا الثانويه العامه وكانت الدراما واللافا المندلعه تبلغ ذراها في (من بعدك انتي يعيش منو ومن تاني مين يتمنى العمر) فتنصهر نواصي المدارس والكراسات والكتب التي كن يموضعنها على الصدور تقديسا.. للعلم، جيب لينا زيدان يا حامل المسك.
ود المرتضى...
عندك الحق زيدان فنان استثنائى وسط الزهور متصور من الاغنيااات الراسخة فى الذاكرة و جميل ما سألناه قصة براااها..بدون تفصيل و اظنها من كلماات مهدى محمد سعيد و الحان احمد زااهر.. غاايتو صححونى كان غير كدا...
Post: #616 Title: Re: الحب في المنبر Author: محمد المرتضى حامد Date: 11-25-2007, 10:33 AM Parent: #615
Quote: و جميل ما سألناه قصة براااها..بدون تفصيل
معك .. بدون تعليق.
Post: #617 Title: Re: الحب في المنبر Author: محمد المرتضى حامد Date: 11-30-2007, 01:26 PM Parent: #616
كم أعجبتني كتاباتها وعناوينها عن الحب.
Post: #618 Title: Re: الحب في المنبر Author: عبدالأله زمراوي Date: 11-30-2007, 01:49 PM Parent: #617
الأستاذ محمد المرتضى..
قضيت ليلة كاملة وانا أبحر في هذا الحب الذي لا يتوقف! قرأت كل المداخلات وعرجت على كل القصائد الجميلة وأرهفت السمع للأغاني الجميلة التي تحكي عن الحب. لا أدري لماذا لم أشاهد هذا الحب (البوست) من قبل. ربما كسل عاطفي!
أهديك ومتابعي هذا البوست قصيدة كتبتها قبل فترة وأتمنى ان تعجبكم مع شكري ومودتي وحبي.. ______________________________________________________________________________________________
صهوة العمر الشقي
في ليلِ القَمَرْ وفوقَ صَهوة العُمر الشقي يسُافرُ القلبُ الذي ما انَفَك مصلَوباً على الدَمعِ العِصًي!
ياَ مَنْ تساَرعَ عمُره المشدودُ من عَصب الرياح السَابلة! ياَ مَنْ تدثَّر بالفضاءاَتِ الرحيبةَِ والأماني الغابَرة! يا من تداَرك وقعْ أقدام الأماني الثَاكلَِة!
الفتنةُ السمراءُ تأخَذُ من تلابيبي العنيَدةَ، ثم تَفضحُني حكَايا الأُغنياتْ! الرَغبةُ الهَوجاءُ تحَصْدُ في شَراييني المدَيدةِ، ثم تجلسُ في جبيني الأُمنيات!
أخي زمراوي، يسكرني الشعر الجميل الذي يعارض العادية ويأتيك بصور كان يطاردها خيالك وخاب السعي في مسك حتى طرف الإطار. إن الشعراء يفصحون بما يعتمل في دواخلنا نيابة عنا فشفاهنا متلعثمة والألسن تخونها الفصاحة والقافية معا. ليتني كنت شاعرا لأكتب مثل هذا الكلم الجميل يا عبدالإله, أشكر لك زيارتك عند المغيب, محبتي يارجل.
Post: #620 Title: Re: الحب في المنبر Author: salma subhi Date: 12-01-2007, 10:47 PM Parent: #619
Quote: الحب في المنبر
هو أروع سيمفونية تسوقها الأقدار...ومن ثم تعزفها المشاعر.
هو فرصة للجميع بأن يصبحوا أرقى وأجمل...
تقديري دوماً استاذ محمد
Post: #621 Title: Re: الحب في المنبر Author: محمد المرتضى حامد Date: 12-02-2007, 10:16 AM Parent: #620
Quote: هو فرصة للجميع بأن يصبحوا أرقى وأجمل...
سلمى، صدقيني لو ذهب الحب عن الأرض فباطنها خير من ظاهرها، الحب ياسلمى لخالقك وللإنسان والأوطان وكل ما يضيف إلى كيانك ووجودك. كل الديانات السماوية ياسلمى تدعو للمحبة والتسامح والرحمة ومكارم الأخلاق، أما الذين يرون غير ذلك فهذا شأنهم، تحياي أيتها الأديبة بنت الأديب.
Post: #622 Title: Re: الحب في المنبر Author: Muna Khugali Date: 12-02-2007, 11:50 AM Parent: #621
صباح الخير أهل الحب.. ان بدأنا يومنا بالتفكير في الحب صار انتاجنا رائعا..واقله مرضيا.. من جعل الحب بمعانيه الساميه طريقه الحقيقي في الدنيايصير انسان متصالح مع نفسه وما مع حوله.. ولا يجد التناقض مكان فيما يسلك في الدنيا.. الحب طريق لتهذيب الروح.. والروح المهذبه تهدينا ايضا للسلوك المهذب ثم للمواقف المتناسقه في انسانيتها وتهذيبها.. ..... .....
شكرا مستمرا علي هذه المساحة من الجمال..وسلام خاص جدا للحب في المنبر..
Post: #623 Title: Re: الحب في المنبر Author: محمد المرتضى حامد Date: 12-03-2007, 08:41 AM Parent: #622
Quote: الحب طريق لتهذيب الروح.. والروح المهذبه تهدينا ايضا للسلوك المهذب ثم للمواقف المتناسقه في انسانيتها وتهذيبها..
منى خوجلي، في الصباح الباهي لك مني التحايا
Post: #624 Title: Re: الحب في المنبر Author: عبدالأله زمراوي Date: 12-05-2007, 03:09 PM Parent: #619
أستاذي محمد المرتضى..
فلندع هذا البوست عاليا خفاقا، يأخذ عنا قليلا من وعثاء السقر وكآبة المنظر الذي عليه هذا الوطن الأسفيري وسآتيك يقصائد تدعو للفرح والتغني به!
stay tuned
Post: #625 Title: Re: الحب في المنبر Author: عبدالأله زمراوي Date: 12-05-2007, 03:19 PM Parent: #624
لأي نِسَاء العاَلِم أَعِلفُ خَيْلي وأُسافرْ!
لأي نِساء العالمِ أعلفُ خيلي وأسافرْ..؟ لأي نساء العالم أحملُ قوسي.. وتَر الموتِ، كالطيِر أُهاجرْ؟ أَتعلقُ بالسُحبِ الملأى بالأَنواءِ أُخاطر..!
صَدْقني يا محَبوبي أنَ العشَقَ جنونُُ سافرْ "شبقُ" غجريُُ خاسرْ والعاشقُ مثل الرمح يُسافرْ.. في القَشِة يتَعلقُ، يتَجّردُ في شِخصِ الساَحر يتأرجحُ معشَوقكِ يا محبوبي ما بين القدرةِ والقادر!
تسألني...؟؟ عن أيِ نساَء العالمَ تسألنُي فأجيبَكَ ياجبَل الأحزان..؟ عن عين المَحبْوبِة تسَأُلنيُ: هل للمحبوبةِ عينُُ أم عينان؟ قلبُُ أم قلبان؟ شفةُُ أم شفتان..؟ أم تسألني يا جبل الأحزان: عن سوقِ السلطان. دعني يا محَبوبي إني أخشَى بطش السلُطان!
ما ضرك يا محبوبي "أنَي ميتُُ" إنَّ الموتَ ضميُر الحي إن الموتَ ختامُ العشق إن الموتىَ كالطودِ الشامخِ يسترقَون السَمع كما الإنسان! وحكيمُ الموتى يقضي ما بين العُشاق والشاهدُ والقُبر يجيبان عليه بأن ختامي يا محبوبي وجَدُُ وهُيام! يتقطَّع قلَبي صدقني ما بين اللَّهفِة والوجدان!
أبصق للظلمةِ والجسد المسِجي و أهُشُ أنيني الموجعْ صدقني يا محبوبي إني أضعفُ من تختاَرُ حبيباً إني أقسى من تعشق!
Post: #626 Title: Re: الحب في المنبر Author: محمد المرتضى حامد Date: 12-06-2007, 10:12 AM Parent: #625
Quote: ما ضرك يا محبوبي "أنَي ميتُُ" إنَّ الموتَ ضميُر الحي إن الموتَ ختامُ العشق إن الموتىَ كالطودِ الشامخِ يسترقَون السَمع كما الإنسان! وحكيمُ الموتى يقضي ما بين العُشاق والشاهدُ والقُبر يجيبان عليه بأن ختامي يا محبوبي وجَدُُ وهُيام! يتقطَّع قلَبي صدقني ما بين اللَّهفِة والوجدان!
لا أحبذ الإقتباس من القصائد لأن ذلك قد يوحي بأن المُقتَبَس هو القصيدة ولكن هنالك ابيات ذات تركيب ومضمون يستحيل تجاوزها.
شكرا يا زمراوي ، بالنسبة لبقاء هذا البوست عاليا كما تقول فالأخ بكري أبوبكر لايسمح بغير بوست واحد في الأرشفة وحيث أن لي بوست جديد (ناسنا) فمن ثم سيذهب هذا البوست للمكتبة ونشوف مسائل الحب في بوست آخر إذا مد الله في الآجال وليس بالضرورة أن أفترع البوست بل تهمني المشاركة بالجميل في أي بوست في زمن نحن فيه أحوج ما نكون للمحبة والتسامح سميا والأرض امتلأت ب (المناضلين). لك مودتي يا عبدالإله.
Post: #627 Title: Re: الحب في المنبر Author: mamkouna Date: 12-06-2007, 11:24 AM Parent: #1
"الحبُّ أن يتجاور اثنان لينظرا في الاتجاه نفسه .. لا أن يتقابلا لينظرا إلى بعضها البعض"
عندما تُرفع طاولة الحبّ كم يبدو الجلوس أمامها أمراً سخيفاً وكم يبدو العشّاق أغبياء فلِمَ البقاء كثير علينا كل هذا الكَذب ارفع طاولتك أيّها الحبّ حان لهذا القلب أن ينسحب !
- مستغانمي -
Post: #628 Title: Re: الحب في المنبر Author: محمد المرتضى حامد Date: 12-07-2007, 02:52 PM Parent: #627
ممكونه العزيزة ، منذ زمن وانا أتجنب الإشارة إلى أحلام مستغانمي لا لشئ إلا لعدم معرفتي بالنقد الأدبي من جانب ومن جاب آخر فشلي في الإمساك بتلابيب أحلام الفكرة رغم انبهاري بمستوى اللغة العالية التي تستخدمها وبنفس طويل في رواياتها ومقالاتها القصيرة، لا اشك ابدا أنها ترسم طقوسا ومناخات استعصت على الكثيرين من المحترفين الرجال بل حاول البعض منهم الرسم على قماشها أو النسج على منوالها فاستحالوا مسخا ، لكن يا ممكونة أحلام لم تستطع الدفاع عن الفكرة الواحدة لذا غابت عنها الرؤية أحيانا ، وهذا يهم في المحصلة النهائية كإجابة عن السؤال الأزلي : لماذا نكتب؟ وتداخلت من ثم في أعمالها المرأة الجسد و المبدأ و القضية، لكن أحلاما تبقى رقما في الأدب يجلد ويبهر (عابر سرير وذاكرة الجسد) إضافة للغة الموسيقى الفاتنة التعبير بالفعل.
أجمل ما قرأته كنقد لأحلام كان بقلم سوسن العطار التي قالت، ضمن ما قالت، مخاطبة أحلام: عزيزتي أحلام : بصدق أنا أستمتع وأنا أقرأك، وسأحاول أن أعيد قراءتك لعلى أجد فيها مخفيا بين الشخوص، عن امرأة ما أو رجل ما ، لا أريده / أريدها مثاليا ، ولكن عاديا ، يعيش لفكرة ما، لهدف ما إلى جانب غرائزه ، ولا يستخدم سحر قضاياه ورومانسية عذاباته لتجميل غرائزه وجعلها أكثر إغراءا ، الخيانة ليست فضيلة، الخيانة خيانة لوطن لزوج لصديق، فلا يتزوج او يستمر في الزواج من لا يشعر أن الآخر صديقه وزوجه ووطنه.
وهاك كامل الكلام:
أحلام مستغانمي وأحلام الرجال.... عابرون في خيال عابر
سوسن العطار
قرأت أحلام بعد فترة ليست قصيرة من صدور ثلاثيتها، استمتعت جدا جدا بقراءتها، تكتب شعرا و موسيقى، وتغلف رواياتها بالوجع الجزائري على امتداد الجرح و الهم العربي الذي لا يقل عنه وجعا وخيبات و فجائع، وتقول ما في خبايا نفوسنا كنساء، وما تتمنى " بعضنا" أن تمارس "بعضه" ولا تجرؤ ، كالعيش بنفس رجل دون خوف أو اعتبارات للعواقب ، كخيانات و تجريب بعض الرجال ، السفر والإطلال على حب قديم ، الإشراف على خيانة قديمة ، العثور على شبق جديد ، تجريب ما يصادف والعيش على وتيرة الإثارة والمغامرة بأعصاب متوترة نتيجة شبق يحاول الارتواء ويبقى عطشا مع محاولة مستميتة لإبقائه سرا...
هذه هي أحلام مستغانمي، تحبها النساء وينام على عبق رواياتها الرجال، تنتظرها بشغف وإعجاب المثقفات المتحررات أكثر من شغف وإعجاب غيرهن، في الحقيقة فيما يتعلق بأفكار وأحلام أحلام مستغانمي لا أجد فرقا بين المعجبات بها من المثقفات وغيرهن، أراهن جواري في العقلية، هي أروت من قرأ رواياتها ولم تروني، ليس لأنني لم استمتع، ولكن عندما اقرأ واستمتع أقول ثم ماذا ؟ هذا السؤال لم اطرحه على نفسي مباشرة بعد قراءاتي الثلاث، ويبدو أن غيري لا يطرحه، لان كتابات أحلام كساندويتش لذيذ نأكله وننساه، وان تذكرناه لا نتذكر تفاصيله، بل كان لذيذا وأشبعنا قليلا في انتظار وجبة كاملة نحصل عليها من سوى أحلام.
افهم أن تعجب كتابات أحلام الرجال فقد تحدثت بلسانهم، بمشاعرهم وغرائزهم وشبقهم اللطيف الحزين الرومانسي، وأوجدت لأجلهم امرأة منفتحة جنسيا حاضرة لإشباعه وان امتنعت نحزن على شبقهم الحزين ونتعاطف مع المخدوعين من قبل امرأة لا تعطينا فرصة لنكرهها أو نحقد عليها، بالكثير نختلف معها فيما تذهب إليه.
ما الذي يعجب المتحررات في كتابات احلام؟ لماذا هن متيمات بها؟ هل تعجبهن المرآة الشبقة التي هي في بحث دائم في الشارع عن رجل تهدي له أنوثتها مقابل متعة عابرة؟! كيف تهدي رجل لا تعرفه وتحصل على متعة منه؟! أم المرأة التي لا تعرف النضج أو الإخلاص على مدى سني عمرها، لا تعرف الإخلاص لزوج، لحبيب، لذكرى والد شهيد، الإخلاص لنفسها لاسمها.
هل تعجبهن المراة التابع التي تجرؤ على الخيانة في وضح النهار وتحت أضواء الليل في داخل الوطن وخارجه، ولا تجرؤ على طلب الحرية من نصف زوج هي ليست زوجته الوحيدة ولم يضطرها للزواج منه شيء، هو في خانة والمبادئ في خانة أخرى.
أم المرأة المتعلمة شبه المثقفة التي لا تستغل تعليمها و ثقافتها في سبيل تحررها. أم الأخت التي تقف موقف المتفرج من شقيقها وهو يتجه اتجاهات أيدلوجية سلبية دون محاولة إنقاذه أو التأثير عليه، وحتى دون المساعدة ومد يد العون له في الغربة، بل تستغل غربته لمصالحها الخاصة.
هل تحب أحلام بطلتها وتحترمها، هل وقع القارئ في هواها أو كن لها احترما، هل حقد عليها أو على الأقل نفر منها، هل يحدد موقف منها،
أحلام ليست مطالبة أن تقدم نموذج المراة القوية المتحررة المثقفة التي نريد، وليست مطالبة أيضا أن تقدم نموذج الرجل الملتزم الوفي، ولكن أن تقدم أحلام على مدى ثلاث روايات، على مدى عقد من الزمن وباسماء مثيرة تلك النماذج الرديئة، ولا جديد فبها ولا تطور ولا نضج!
أريد أن اسأل أحلام: الم تتغير أفكارك خلال عقد ؟ ألا تشعرين انك مختلفة عما كنت من عقد ؟ ألا تعتقدين انك انضج وأكثر خبرة وممتلئة بتجارب اكبر، وانك أكثر حكمة، قد لا تكونين أقوى ولكن عليك أن تكوني مختلفة قليلا وانضج كثيرا! لماذا تصرين على تلك البطلة الفجة السادرة في فجاجة شبقها طوال تلك الثلاثية؟ لماذا تبقى على نفس الوتيرة لا تتغير حتى إلى الأسوأ، لماذا النساء السلبيات: من الزوجة الخائنة إلى الزوجة التي تدري بخيانات زوجها وتصمت كان ذلك احد حقوقه، أو الزوجة الغبية التي لا تدري أصلا بخيانات زوجها إلى الأم الأرملة التعسة الجاهلة و المطلقة المستسلمة.
ألا يوجد في الدنيا نموذج واحد لإمرأة جيدة أو على الأقل عادية ؟!هل كل هذه النماذج السلبية لتثبت انها تكتب ادبا انسانيا وليس نسائيا ! هل نقرا احلام كما نقرأ لغيرها من الكتاب ؟ لا ، نحن نقراها ونتذكر اننا نقرأ لامراة ، هي تجبرنا على ذلك ،هي في النهاية لم تستطع الانعتاق من سمات الادب النسائي مهما تغير اسوبها عن غيرها من الكتاب النساء.
لماذا نفس الرجال من حيث الشكل والمضمون، اليد المقطوعة تستبدل بيد مشلولة الإثنتان ترسم وتكتب، تضم تطبطب على من لا يستحق، يتيم الأب يستبدل بيتيم الأم وكلاهما يريق حنانه على يتامى الروح ومن لا يستحق، جيد ألا تنجب بطلة أحلام وجيد ألا يكون هناك مجالا لاستنساخها، يكفي العالم ما فيه من جينات رديئة الأولى أن تندثر.
عزيزتي أحلام : بصدق أنا أستمتع وأنا أقرأك، وسأحاول أن أعيد قراءتك لعلى أجد فيها مخفيا بين الشخوص، عن امرأة ما أو رجل ما ، لا أريده / أريدها مثاليا ، ولكن عاديا ، يعيش لفكرة ما، لهدف ما إلى جانب غرائزه ، ولا يستخدم سحر قضاياه ورومانسية عذاباته لتجميل غرائزه وجعلها أكثر إغراءا ، الخيانة ليست فضيلة، الخيانة خيانة لوطن لزوج لصديق، فلا يتزوج او يستمر في الزواج من لا يشعر أن الآخر صديقه وزوجه ووطنه.
الرجل الشبق كما المرأة في رواياتك و في الواقع ليس له قلب ولا يعرف الحب، وأكثر "المرهفين" شعراء أو كتاب من يدعي نصرة المراة ويدعو إلى تحررها الجنسي هو اقل من يحترمها، بل يضطهدها، لذلك لا عجب أن يوقع نزار قباني على نصوصك، من غيره ليفعل فهو كل ما سبق، هو من لا يرى المرأة أكثر من نهد وظيفته الوحيدة إطفاء لهيب الرجل و للأسف هناك نساء تشاركه الرأي.
شكرا يا ممكونه،
Post: #629 Title: Re: الحب في المنبر Author: mamkouna Date: 12-07-2007, 09:33 PM Parent: #628
جه في خاطري ما أحتفظ به من قصاصات مستغانمي..لما قريت إنو بوست (( الحب في المنبر )) في طريقه للأرشفة... لكن ما دام جبت سيرتها...خليني أتونس معاك شوية عنها...
* ما لاحظت إنو مستغانمي بتشبه خليل فرح..في إنها تعلمت العربية على كِبَر و كان لسانها لسع معجن...لكن ما لبثت حروفه أن ضجٌن و لجٌن و سجٌن و مجٌن!؟
* أحلام مستغانمي روائية كبيرة - حسب ما أسمع - لكني - بصراحة كدا - فشلت في تكملة رواياتها (( فوضى الحواس )) و (( عابر سرير ))....أفضل أن أقرأ قصاصات و مقالات مستغانمي المُحررة و الأديبة و الكاتبة و الشاعرة على طريقة .. ما قلٌ و دلٌ...ففيها الكثير من الفلسفة و العميق من الحكم و المواعظ.
* أول عهدي بمستغانمي كان إبان معركتها الشهيرة مع الكاتب العراقي سعدي يوسف...الذي زعم أنه كاتب روايتها الشهيرة (( من ذاكرة الجسد )) لا لسبب إلا لأنها طلبت منه مراجعة ما كتبت... فصمتت هي عن مقارعته ...و إكتفت بقولها....
(( ثمة دائماً من يحاول إستدراجك إلى معارك لا نبل فيها و لا شرف لأصحابها، حتى إن أجبتهم خرجت ملطخاً بوحل مستنقعاتهم ))! (( النجاح إعتداء على الآخرين، لأنّه يكشف فشلهم))...!! (( المبدع يردّ على كلّ فاجعة بكتاب وليس بمعارك ))!
شُفت القلٌ و دلٌ دا كيف؟!!!!!!
Post: #630 Title: Re: الحب في المنبر Author: salma subhi Date: 12-07-2007, 09:48 PM Parent: #629
يا استاذ محمد....
هذا البوست ننتشله من أي مكان يستقر فيه...وليصفح لنا لأننا لا نمهله الراحة وعذرنا في ذلك أننا نتوق لأن نتنسم كل جميل فلا يلمنا....
وما يطمئننا هو ان لم نجده فهو يجدنا....لأنه يتجول كما النور في طرقات المنبر...
تقديري دوماً استاذ محمد
Post: #638 Title: Re: الحب في المنبر Author: محمد المرتضى حامد Date: 12-12-2007, 02:10 PM Parent: #630
سلمى صبحي،
Quote: هذا البوست ننتشله من أي مكان يستقر فيه...وليصفح لنا لأننا لا نمهله الراحة وعذرنا في ذلك أننا نتوق لأن نتنسم كل جميل فلا يلمنا....
وما يطمئننا هو ان لم نجده فهو يجدنا....لأنه يتجول كما النور في طرقات المنبر...
تسلمي يا سلمى فأنت إحدى رئات المنبر في زمن التنفس تحت الماء والغبار اليتخلل تجاويف رئاتنا
واللغو اليثقب إنسان العين و شكرا لكل عمال النظافة بالمنبر،
مودتي
Post: #631 Title: Re: الحب في المنبر Author: mamkouna Date: 12-07-2007, 09:53 PM Parent: #629
* المزيد من الجِرَس المستغانمية...
سأنجب منك..قبيلة!
سيدي كل مافيك سيدي لكن ... خذلتني أنوثتي هذه الرجولة .. كيف لامرأة واحدة أن تدللها وكيف لقبيلة من الرجال أن تنتسب جميعها إلى جسدي؟
ياولدي .. و والدي .. وأبا أولادي ياكبدي وكيدي ومكابدتي ياسيدي وسدّي وطوفان شهوتي ما كان لي قبلك من أحد
يتيمة من لم تنجبها عاقر كل امرأة لم تنجبك عانس من لم تعقد قرانك عليها عذراء كل انثى لم تعرفك ثكلى الحياة من قبل أن تأتيها أرملة يوم تفارقها طلّتك
تزوّجني.. سأُنجب للنساء من قُبَلَك قبائل من الرجال وأهبك من الأطفال بعدد عُشب صدرك
أنجبني... كي تُنادي بين الرجال باسمي كي أحمل جيناتك في دمي واسمك على جواز سفري وأنتسب إلى مسقط قلبك
قل (( يا بُنيتي )) كي تكون لي قرابة بقدميك عندما تقفان طويلاً للصلاة فأدلكهما مساءً بشفتي كما كنتُ بالقُبَل أغسل قدمي أبي
يازهو عمري .. كُن ابني كي أُباهي بك واختبر الأنوثة بوسامتك عسى تطاردك رائحتي ويحتجزك حضني وتخذلك النساء جميعهن فتعود مُنكسراً إلي
لأكن أُمك كي يكون لك حق مهاتفتي ومرافقتي و واجب الاطمئنان علي فيتسنّى لي الموت بين يديك
ياحسرة أحشائي فاتني أن أُنجبك فأنا وُلدتُّ لتوي من ضمّتك أبقني في قفصك الصدري ريثما يكبر فرحي بك ريثما يحبل منك قدري لا تقل " يا نسائي .. كنتُ سأنجب منك قبيلة" مادمنا في كل ليلة أُنجبك ..و..تُنجبني.
Post: #632 Title: Re: الحب في المنبر Author: محمد المرتضى حامد Date: 12-08-2007, 07:06 AM Parent: #627
(ليس في إمكان شجرة حبّ صغيرة نبتت للتوّ، أن تُواسيك بخضارها، عن غابة مُتفحِّمة لم تنطفئ نيرانها تماماً داخلك·· وتدري أنّ جذورها ممتدة فيك·........)
Post: #633 Title: Re: الحب في المنبر Author: محمد المرتضى حامد Date: 12-09-2007, 08:46 PM Parent: #632
ممكونه الماجده:
نعم سيذهب هذا البوست للمكتبة مع الأرشفة ولكل أجل كتاب ، قلتي لي مستغانمي بكايه، طيب شوفي فاديا غيبور الشاعرة الماخمج قالت في (الجِرسَه دي شنو)، أشكر هنا د. بيان التي قدمت هذه القطعة الموسيقية القصيدة في بوست الطيب شيقوق (مريا).
(أنا لا أريدك عاشقا كالآخرين)
وتعودُ.. تغمرُك الظّلالُ بسحرها لاشيء يستلبُ انعتاقك من حدودِ الحزنِ الدّنيا بخير... وتروحُ تحلمُ هائماً برفيفِ أجنحةِ العصافيرِ الصغيرةِ وهي ترقصُ في يديكْ وتدقُّ بابَ العيدِ تفتحُهُ أحاديثُ الأصابعِ حين تركضُ نحو ضحكتها وتهمسُ:
كلّ عامٍ والحياةُ جميلةٌ لم تذبل الأشعار فوقَ بطاقةٍ أرسلتها لحبيبةٍ كانت تزورك طفلةً وتنازَعتكَ الذكرياتُ وأنت ترسمُ غابةً شجراً مديداً... يستطيلُ إلى السّماءِ يرودُ غيمَ الأمنياتِ فيرتمي مطراً وينهمرُ البهاءُ على الحدائقِ والقصيدةُ.. تفتحُ اللحظاتِ للمطرِ الجميلْ فانهضْ إلى فرحِ الفصولْ
واضحك أحبّكَ ضاحكاً أنا لاأريدُك عاشقاً كالآخرين هذا المدى رحبٌ ويتّسعُ الفضاءُ لضحكتينِ صغيرتين ولحزمةٍ من دفءِ صوتك إذ يسافرُ في دمي كيف ارتحلتَ إلى التناسي بعدما أدمنت فيك توحدي وتشردي.. وجعلتُ حبّك بوحَ نايٍ.. في فمي أنا لا أريدك عاشقاً كالآخرين هذا المدى رحبٌ وتتسع السماءُ لهامةٍ مرفوعةٍ ولقبضةٍ من عنفوان الأرضِ بعض شموخِها لقصيدةٍ ترتادُ آفاقَ التألقِ حينَ ترسِلُها شفاهكَ عبرَ إيراقِ البنفسجِ واقترافِ الصبوة الأولى ليومٍ... فيه يبتكرُ التذكرُ أغنياتِ الوقتِ والفرحِ القديمِ فأنثني نحو ارتيابي واعتناقي كذبةَ الصّمتِ المعبأ بالهوى متناثراً في أضلعي مطراً... نجوماً.. ياسمينْ أنا لاأريدُك عاشقاً كالآخرين فاضحكْ.. أحبّكَ ضاحكاً كالأقحوان على سرير النّهرِ يغزلُ حلمَهُ في لحظةٍ مغسولةٍ بالضّوءِ يحملُ دفأها ويمدُّها كي تستحيلَ إلى سنين لو... يبتدي زمني لأجلك أبتديهِ بوردةٍ... وبضحكةٍ جذلى تزغردُ فوقَ ثغرِ قصيدتي لو... ترجعُ النبضاتُ نحو ربيعها الأحلى رسمتُّكَ فوقَ أوراق اليفاعةِ حلمَها المجنونَ رّياها المعبأ بالعطورْ وعدوتُ نحوكَ مهرةً عربيةً لاالريحُ تجرحُ وجهها لاالعابراتُ من الهمومِ تلفّها لاغربةُ الكلماتِ تسرقُ صوتَها لكنني... لم أستطعْ غير احتواءِ الحلمِ في زمنِ المواجعِ فابتكرْ لمواجعي أثوابها أنت احتمالُ النبضةِ الأغلى تمادَت في دمي... فاكتبْ دمي ورداً خضيلا واختصرْ آهاتهِ وابدأْ صعودك في أغانيَّ الجديدةِ وانبعثْ... زمناً جديداً للصفاءْ واضحكْ.. أحبّكَ ضاحكاً أنا لاأريدك عاشقاً كالآخرين
فاديا غيبور
وسادة: _______
أنا لاأريدك عاشقاً كالآخرين
Post: #634 Title: Re: الحب في المنبر Author: mamkouna Date: 12-10-2007, 08:42 AM Parent: #1
أفتقدك هذا الصباح ...
أفتقدك كلّ صباح .
على الرغم من إحتمال وجودك في دمي..
بنسبة لا متناهية ...
من الشوق والحريق..!
فاديا غيبور 1998
Post: #635 Title: Re: الحب في المنبر Author: نادية عثمان Date: 12-10-2007, 11:18 AM Parent: #634
Quote: ارفع طاولتك أيّها الحبّ حان لهذا القلب أن ينسحب !
- مستغانمي -
شكرا لكل هذا الحب والجمال والالق !!
Post: #636 Title: Re: الحب في المنبر Author: محمد المرتضى حامد Date: 12-10-2007, 11:21 AM Parent: #634
وهكذا يأتيها القمر المتعب يدق على النوافذ ، فاديا في (أحزان سفانه الطائية)
عشب على جسد الصباح
وخيط نار في يدي
قمر يدق على النوافذِ
يستغيث بصرخة امرأة
تناور ليلها برسالة مرميةٍ
بين الأصابع و...والشفاه الشاحبة
أو... ترتمي حقلاً من القبلات فوق جبين طفل نائمٍ
يرنو إلى حلم صغير نازفٍ
بين الجراح الصاخبة
________
الأدب يا ممكونه ، إنه الأدب.
Post: #637 Title: Re: الحب في المنبر Author: محمد المرتضى حامد Date: 12-10-2007, 11:21 PM Parent: #636
Quote: شكرا لكل هذا الحب والجمال والالق !!
ناديه عثمان..وينك؟
عزه في هواك موسيقاها تعيد إليَّ يقيني ، وعندما يرتب هذا الأمر ملك الساكسفون الإثيوبي قيتاشو ميكوريا يعود إليَّ .. ضياعي. عزه .. قلبي لسواك ما شفتو مال .. يمميني شطر اليمين.. إن هذيت في الشمال
Post: #639 Title: Re: الحب في المنبر Author: محمد المرتضى حامد Date: 12-12-2007, 10:21 PM Parent: #637
Post: #640 Title: Re: الحب في المنبر Author: Mustafa Mahmoud Date: 12-12-2007, 11:12 PM Parent: #639
Post: #641 Title: Re: الحب في المنبر Author: محمد المرتضى حامد Date: 12-13-2007, 09:04 AM Parent: #640
أخي الدكتور مصطفى محمود، كل عام وأنتم والأسرة الكريمة بألف خير ونتمنى على المولى أن يحقق أمانينا جميعا، تحاياي للجميع بطرفكم، مودتي،
Post: #642 Title: Re: الحب في المنبر Author: محمد المرتضى حامد Date: 12-16-2007, 11:27 AM Parent: #641
