Post: #13 Title: Re: مدن و قرى سودانية Author: اسيا ربيع Date: 07-02-2008, 07:34 AM Parent: #11
الاخ فيصل لك كل الود
..
مدينة شندي
مدينة شندي تقع مدبنة شندي إلى الشمال من الخرطوم بحوالي مائة وعشرون كيلو متر وتقع على الضفة الشرقية من النيل ويصل بينها وبين الخرطوم العاصمة خط السكة الحديد المتجه شمالاً وكذلك طريق بري مسفلت. تتبع لها العديد من المحليات منها محلية حجر العسل والتي تعتبر بوابة ولاية نهر النيل والمحافظة من الجنوب وتمتد إلى أكثر من 75 ك من شلال السبلوقة ( السادس ) إلى البسابير وتضم أكثر من ثلاثة وعشرون قرية منها حجر العسل والوادي السعيد والشيخاب والبسابير وكذلك محلية كبوشية وكذلك محافظة المتمة التي تقع جنوب غرب مدينة شندي وهي من أشهر المدن في السودان على الإطلاق. ومن أشهر القرى التي تضمها محلية المتمة قرية السيال الصغير والسيال الكبير وبها مشروع السيال وتبلغ مساحته 3000فدان وقري الكروماب والصلوعاب - الهوبجي - ود حامد وحجر الطير - ود الحبشي - وهناك محلية طيبة الخواض ومن أشهر قراها - المغاوير - العقيدة, وهناك قري كلي والمكنية. وتعتبر مدينة شندي من أهم مدن ولاية نهر النيل والعاصمة التاريخية لقبيلة الجعليين أشهر القبائل العربية في السودان وقد قامت بالقرب منها العديد من الحضارات مثل الحضارة المروية وكذلك توجد بالقرب منها العديد من الآثار ( النقعة والمصورات ومروي القديمة). وتعتبر من المدن الزراعية حيث توجد بها أكبر منطقة لزراعة المانجو وكذلك تشتهر بإنتاج الفول المصري والبصل والفاصوليا والعديد من الفواكه. وبها العديد من المصانع حيث بها مصنع النسيج والذي يعتبر من أوائل مصانع النسيج في السودان. وتوجد بها العديد من المدارس الثانوية وكذلك بها جامعة شندي والعديد من المؤسسات التعليمية. مما (الحواره)جنوب شندي .كذلك بها عدد من المشاريع المروية ومن اهمها مشروع قندتو الزراعي، ومشروع كبوشية الذي تقع معظم أراضيه في قرية ديم القراي التي تعتبر من أكبر وأهم قرى شرق النيل التابعة لمحافظة شندي، وكذلك مشروع الزيداب وكلي وغيرها من المشاريع الحديثه مشروع الشهيد يمتد من العوتيب جنوبا حتي قري التضامن شمالا.اما جامعة شندي فهي من الجامعات الحديثه في عهد ثورة الانقاذ تشتمل علي عدد من الكليات(الطب -الصحة القانون اداب - تربيه الاقتصاد- تنمية المجتمع. أما من ناحية الفن لقد قدمت مدينة شندي عدد من الفنانين الذين عطروا سموات السودان امثال (الشفيع- علي ابراهيم -مجذوب أونسه - حسين شندي - محجوب كبوشية-الطيب عبدالله) أما في مجال الرياضة فبها عدد من الاندية التي مثلت في دوري السودان وهي (الاهلي النيل -سارديه - حوش بانقا- الهلاال-الهدف، ومن اللاعبين المشهورين صلاح عبدالمحمود-علي فليكو -معتصم صديق -ناصر ابراهيم.ومن اشهر المدارس مدرسة شندي الاهليه عبدالله الحسن حوش بانقا منذ عام 1976 تشهد شندي الان نقلة في مجال التعليم الخاص فأنشأت بها مدارس دار المعالي الخاصة من قبل أ- طلحة عباس محمد احمد ابو السعود لجميع المراحل التي تميزت بمستواها التعليمي والاجتماعي وتشهد ايضا تطورا عمرانيا كبيرا
(منقول)
Quote: الاخ فيسل
مبااااااااااااااااالغة
بالله الشينة دى شندى
والجميلة دى فداسي
ود شيقوق الاغنية دي هديه لك .. عشان كلامك دا
Post: #14 Title: Re: مدن و قرى سودانية Author: فيصل محمد خليل Date: 07-02-2008, 04:25 PM Parent: #13
دنقلا dongola
Post: #15 Title: Re: مدن و قرى سودانية Author: خالد علي محجوب المنسي Date: 07-02-2008, 06:37 PM Parent: #14
تحياتي فيصل وشكراً كتير أن خصيت هذه المدينة الحبيبة لأنفسنا ( شندي )
Post: #16 Title: Re: مدن و قرى سودانية Author: خالد علي محجوب المنسي Date: 07-02-2008, 06:54 PM Parent: #15
Quote: ود شيقوق الاغنية دي هديه لك .. عشان كلامك دا
شكراً كتير الأخت الكريمة أسيا الربيع على هذا العرض الجميل لإبراز جمال شندي
ياودشيقوق شندي جمالها في روح أهلها وسل كل من سكنها أو ساكن أهلها لفترة
القرى التي حول مدينة شندي جنوب شندي القليعة .. مويس ( علي إبراهيم اللحو ) .. حوش بانقا .. ودالحاج .. الفجيجة .. الدوريمات ( حسين شندي ) .. الضوياب .. قندتو ( أول قرية في السوادن أحتفلت في مطلع السعينيات بمحو الأمية في كل السكان وهي قرية العلم والمعلمين ) قوز المطرق .. السوراب .. البسابير .. حلة ودجمال .. بانقا المحطة
Post: #18 Title: Re: مدن و قرى سودانية Author: فيصل محمد خليل Date: 07-02-2008, 08:37 PM Parent: #17
سواكن
Post: #19 Title: Re: مدن و قرى سودانية Author: فيصل محمد خليل Date: 07-02-2008, 08:41 PM Parent: #18
الفنانة الرائعة اسيا
عاوز اشوفك تاني مرة و الف مرة
Post: #20 Title: Re: مدن و قرى سودانية Author: فيصل محمد خليل Date: 07-02-2008, 08:48 PM Parent: #19
عطبره و في روية اخرى اتبرا
Post: #21 Title: Re: مدن و قرى سودانية Author: عصام عبد الحفيظ Date: 07-02-2008, 09:38 PM
عزيزى فيصل هاك مدن وقرى واشجان
مثلا عروس
كسلا
كلمة ( دارفور )
واو
الزومة
Post: #22 Title: Re: مدن و قرى سودانية Author: JOK BIONG Date: 07-02-2008, 10:56 PM Parent: #21
Abyei
Post: #23 Title: Re: مدن و قرى سودانية Author: JOK BIONG Date: 07-02-2008, 11:07 PM Parent: #22
Quote: الجعليين أشهر القبائل العربية في السودان
ياتوا عرب.. بتاع الجزيرة العربية ام عرب افريقيا زي طوارق؟
Post: #24 Title: Re: مدن و قرى سودانية Author: الطيب شيقوق Date: 07-03-2008, 07:55 AM Parent: #23
اسيا الجميلة كييييييفك
Quote: ود شيقوق الاغنية دي هديه لك .. عشان كلامك دا
تسلمى يا بت الربيع كلك ذووق
الاخ محمد الطيب يوسف
مالك يا زول دايرلي الفتنة مع اسحاق بله انا لم ولن اكن قادحا لفداسي ولا لاهلها الطيبين -
والله ناس فداسي عندهم جنس فهم لو قمت هبشتهم عيييييييييك ورلك صنقع
Post: #25 Title: Re: مدن و قرى سودانية Author: فيصل محمد خليل Date: 07-03-2008, 04:45 PM Parent: #24
جنوبنا الحبيب
الفنان الرائع عصام عبدالحفيظ
مرورك زادنا قوة لتوثيق مدن و قرى السودان
و يا ريت كل واحد يوثق بالصور و النثر لمدينته
او قريته
و نرفع راية هم خلوها فوق الساريا متكية
Post: #26 Title: Re: مدن و قرى سودانية Author: sami Alzubair Date: 07-03-2008, 05:24 PM Parent: #1
هليل كيفنك ابوي انا دي سواكن
... وكان صدينا لي موضوع شندي هاك يا خالد المنسي القري دي في المتمةحسب ترتبها وانت متجه شمالا ودي مناطقنا طبعا قوز بدر قوز برة الشبطاب كلي الفرحسين ام سدرة الابيضاب ام دقورة الحليلة المكنية الكمير بقروسي ... بعدين لو داير يا عمك نعمل بوست خاص نجمع فيهو كل قري السودان واي زول يدينا المناطق البعرفها ومواقعها شوف رايك وبلغني
... مشكور يا حبيب ومشكورة اسوية علي الغنية
Post: #27 Title: Re: مدن و قرى سودانية Author: sami Alzubair Date: 07-03-2008, 05:27 PM Parent: #1
دي رشاد يا عمك
Post: #28 Title: Re: مدن و قرى سودانية Author: omer abdelsalam Date: 07-03-2008, 05:31 PM Parent: #1
فيصل خليل ، قريتنا في الشمالية اسمها { البرصة } بالله ماعندك ليها صورة ؟ فتش عند اصحابك الشايقية انا بعيد جنب فاس الماوراه ناس مافي طريقة اجيب صورة { البرصة }
Post: #29 Title: Re: مدن و قرى سودانية Author: فيصل محمد خليل Date: 07-03-2008, 06:00 PM Parent: #28
سنار
قريبي Jok bong
مال موقوا
مشاركتك رائعة.
وطول بالك وخلي اي واحد ياخد راحتو في انتمائه
السودان حقنا كلنا تعال نبنيهو مع بعض.
و مافي حاجه بتجي بالساهل و الحياة صراع.
و الصراع دا هو البقدمنا.
الصراع الهادف.
نحن عاوزين نباهي بسودانا الامم
فساعدنا في ذلك.
موداتي
Post: #30 Title: Re: مدن و قرى سودانية Author: فيصل محمد خليل Date: 07-03-2008, 06:21 PM Parent: #29
الضفة الشرقية للنيل ............................ الكاسنجر كريمة البركل مروى الدتى الكرو الدهسيرة الزومة مقاشى حزيمة المحفور المقل الحجير البرصة جلاس العفاض مورة ................................................ الضفة الغربية للنيل ................................... نورى دويم ودحاج السقاى مروى غرب ابو دوم او ام دوم او ابدوم والله اعلم والعارف يصحح تنقاسى القرير كورتى منصور كتى الدبة ........................................... تلك القرى ذات سحر خلاق ..........................
تخريمة ................... سحر الناس فى القناعة وحاضنة نيلها وطيبة الناس الحنونة وسر المناعة فى الزول البريدا حتما يرجع ياهو سيدا (عدل بواسطة عبد العظيم احمد on 25-03-2008, 05:06 صاي
Post: #31 Title: Re: مدن و قرى سودانية Author: اسيا ربيع Date: 07-03-2008, 08:04 PM Parent: #30
جنوبنا الحبيب تبلغ مساحة جنوب السودان أكثر من 700كم مربع, تسكنها قبائل افريقية بعضها نيلية مثل الدينكا والنوير والشلك والاشولي والجور(لوه) وبعضها نيلية حامية مثل الباريا واللاتوكا والمورلي وبعضها الاخر سودانية بانتوية مثل الزاندى والفرتيت. تقدر سكان جنوب السودان بحاولي ال15 مليون نسمة.
Post: #32 Title: Re: مدن و قرى سودانية Author: اسيا ربيع Date: 07-03-2008, 08:52 PM Parent: #31
حلفا القديمة
الفنان الموسيقار محمد وردي
Post: #33 Title: Re: مدن و قرى سودانية Author: فيصل محمد خليل Date: 07-04-2008, 06:54 AM Parent: #32
شلالات جبل مره
اهداء خاص لعمنا كمال عطا
و الخال ودشيقوقـ بس ود المنسي
ما تدوهو معاكم
Post: #34 Title: Re: مدن و قرى سودانية Author: saif massad ali Date: 07-04-2008, 07:58 PM Parent: #33
مدينة القطينة
Post: #35 Title: Re: مدن و قرى سودانية Author: keiga2000 Date: 07-04-2008, 08:07 PM Parent: #34
Quote: الدويمات ( حسين شندي )
في داعي للهياج في الغربه دا
دا اغنية تبكي
مع تحياتي لك
ابومصطفى
Post: #36 Title: Re: مدن و قرى سودانية Author: saif massad ali Date: 07-04-2008, 08:08 PM Parent: #34
ام مرحي الشيخ الطيب
Post: #37 Title: Re: مدن و قرى سودانية Author: فيصل محمد خليل Date: 07-04-2008, 08:45 PM Parent: #36
القرير اخي سامي الزبير
موافق
المتسلل صديقي اللدود عمر عبدالسلام
ياخي قرينك دي فتشتا ليها في التاريخ
و سألت عنها الاجداد حتن عرفتها
و كلفت صحبي الدكتور بتاع المنطقة عشان
يمشي و يصور البرصة ويرسل لي الصور
دا كلو عشان انت عزيز لدينا و السودان اعز
Post: #38 Title: Re: مدن و قرى سودانية Author: فيصل محمد خليل Date: 07-04-2008, 09:23 PM Parent: #37
الزومه الفنانة الرائعة اسيا
قدم الخير
برضو عاوز اشوفك تاني مرة
مولانا سيف مساعد
تشكر يا ظريف على المشاركة الجميلة
Post: #39 Title: Re: مدن و قرى سودانية Author: اسيا ربيع Date: 07-05-2008, 02:45 AM Parent: #38
كسلا
نبذة تتميز كسلا بطبيعتها الخلابة وحدائقها الغناء التي تجعل منها أهم منطقة سياحية تجذب السياح . يوجد بها مشروع خشم القربة والعديد من المشاريع إنتاج قصب السكروالقمح والذرة . يمارس المواطنون الرعي إلى جانب الزراعة
اهم المعالم جبال التاكا العاصمة كسلا المساحة 36710كلم مربع . المرتبة 6 النسبة 5.8 عدد السكان 1.234.562 نسمة اهم القبائل البني عامر والهدندوة الديانات الإسلام والمسيحية اللغات واللهجات , العربية اهم المدن كسلا / حلفا الجديدة / خشم القربة الحرف السائدة الزراعة والرعي
اهمية الولاية سياحية / زراعية ورعوية
اهم المحاصيل القطن / الفول / الذرة / القمح
اهم الصناعات السكر وتعليب الفواكهه
الجامعات الحكومية جامعة كسلا عددالكليات 3 الاهلية كلية الشرق الأهلية عدد الكليات 5
المحافظات - المحليات - المدارس - المستشفيات عدد المحافظات 5 وهي : كسلا / نهر عطبرة /ستيت / القاش / همشكوريب عدد المحليات 17 عدد المدارس اساس ثانوي عدد المستشفيات 11
Post: #40 Title: Re: مدن و قرى سودانية Author: السر عبدالله Date: 07-05-2008, 03:03 AM Parent: #39
وين كوستى يا فيصل؟؟؟
Post: #41 Title: Re: مدن و قرى سودانية Author: omer abdelsalam Date: 07-05-2008, 11:15 AM Parent: #1
Quote: لمتسلل صديقي اللدود عمر عبدالسلام
ياخي قرينك دي فتشتا ليها في التاريخ
و سألت عنها الاجداد حتن عرفتها
و كلفت صحبي الدكتور بتاع المنطقة عشان
يمشي و يصور البرصة ويرسل لي الصور
دا كلو عشان انت عزيز لدينا و السودان اعز
ياسلام يافيصل أخوك في شوق كثير لرؤية { البرصة } الجميلة حتى ولو { بايرث غو غل } اخوك آخر مرة شافها في سنة 1982 البرصة ، ، ستجدها في الماضى والحاضر قرية عظيمة يكفي انها انجبت الشاعر الذي قال : يا عجو المحس التقيل..التقيل فدع الغراجين انتى ما بدوك لى زولا مسيكين الا واحدا نخلو مقرون فى البساتين.. سواقيهو تصحى الكانوا نايمين يا حليلك يا أم جبين يا بدر دورين!! صديرك عاام تقول غرر الوزازين..
Post: #42 Title: Re: مدن و قرى سودانية Author: فيصل محمد خليل Date: 07-05-2008, 04:40 PM Parent: #41
عزيزي السر دي كلها صور من كوستي
قام بتصويرها طارق عبدالكريم
Post: #43 Title: Re: مدن و قرى سودانية Author: فيصل محمد خليل Date: 07-05-2008, 05:06 PM Parent: #42
Post: #48 Title: Re: مدن و قرى سودانية Author: فيصل محمد خليل Date: 07-05-2008, 09:15 PM Parent: #46
بورتسودان
استاذة سلمى حبابك عشرة
الرطاني الرائع ابوبكر
كيفك يا محترم
الفنانة الكبيرة اسيا
حاولت ارجع البوست لحجمه الطبيعي لكنو ابا.
ابا و والا الجزيرة لبب
Post: #49 Title: Re: مدن و قرى سودانية Author: اسيا ربيع Date: 07-05-2008, 11:08 PM Parent: #48
فيصل سلام تانى
تعريف المشكله فى الصورة بتاعت سيف مساعد (القطينة )
على فكرة انا برضو من القطينة
قول لسيف اتصلح شويه ياخي
Post: #50 Title: Re: مدن و قرى سودانية Author: فيصل محمد خليل Date: 07-06-2008, 06:41 AM Parent: #49
Post: #51 Title: Re: مدن و قرى سودانية Author: اسيا ربيع Date: 07-06-2008, 09:17 AM Parent: #50
ودمدني
تقع مدينة ودمدني في ولاية الجزيرة الخضراء, كانت بداية نشاة مدينة ودمدنى في عام 1489 م عندما حل الفقيه محمد الأمين ابن الفقيه مدني الذي يتصل نسبه بعقيل ابن أبى طالب ابن عبد المطلب الهاشمي بموقع المدينة حيث قام بالمكان الذي توجد فيه قبته الآن خلوه لتعليم القران والفقه . وبدأت منذ ذلك التاريخ تتكون الأحياء السكنية حيث قام أول ما قام حي المدنين الذي كان يسكنه الدارسون والمريدون للفقيه محمد الأمين. وقامت خلال تلك الحقبة من الزمن صناعة المراكب الشراعية في إطار المركز التجاري الذي اتسمت به المدينة إلى جانب الصناعات المحلية كدباغة الجلود والأحذية والعناقريب.
عندما غزا إسماعيل بن محمد على باشا السودان اتخذ من مدينة ودمدنى قاعدة بقواته التي أرسلها لغزو سنار و فازقلي وانتهت أهمية المدينة كقاعدة عسكرية لجيوش الأتراك بمقتل إسماعيل باشا . وعند بداية الحكم الثنائي اتخذت مدينة الكاملين كعاصمة لمديرية النيل الأزرق. إلا إنه وبحلول عام 1902 م حولت العاصمة الى ودمدنى. وخلال العشرين عاما الأوائل من عام 1900 م أقيمت محطة للسكة الحديد والمستشفى الذي كان وحده عسكرية تابعه للقوات البريطانية ومباني رئاسة المديرية والمحاكم والبوستة والجامع الكبير على امتداد شارع النيل كما بدا أول تخطيط إسكاني بالحي السوداني وحي القسم الأول. وشهدت مدينة ودمدنى منذ ذلك التاريخ نشاطا تجاريا كبيرا وحلت بالمدينة أعداد كبيرة من التجار والحرفيين.
في عام 1929 م ضعفت أهمية مدينة ودمدني كمركز تجارى كان يستقبل يوميا عشرات القوافل المحملة بحاصلات السودان لتتوجه إلي كسلا وكان ذلك بسبب اكتمال الخط الحديدي إلي شرق السودان حتى مدينة كسلا. واستعادت ودمدنى أهميتها الاقتصادية مره أخرى بقيام مشروع الجزيرة في عام 1925 م وتوسعت حركت الأداء الحكومي بها نسبة للتطور الاجتماعي والإنمائي الذي شمل مديرية النيل الأزرق بحجمها السابق إلي أن جاء عام 1973 م حيث بقيت المدينة عاصمة لمديرية الجزيرة بعد تقسيم المديريات.
توجد بودمدني احدى أعرق جامعات السودان ألا وهي جامعةا لجزيرة, كلية ودمدني الأهلية
( منقول )
Post: #52 Title: Re: مدن و قرى سودانية Author: محي الدين جبريل Date: 07-06-2008, 10:22 AM Parent: #51
الحبيب فيصل وضيوفوا وكل القاعدين هنا خاصة ودالمنسى وود شيقوق وزينة الساحة اسيا بت عمو ربيع ، ياسلام عليكم وانتوا بتحوموا بينا فى ربوع السودان ، والله رغم انى مابنقطع من اهلى فى ربوع شندى وقادى الدرب ساساقة لكن شوقتونى ليهم اكتر ، اها يلا نمشى سوا لهناك
قرية الكمر ريفى ودحامد جنوب المتمة ، تقع على الضفة الغربية للنيل فى محلية المتمة وهى اول محلية فى ولاية نهر النيل تجاورها جنوبا محلية كررى ريفى شمال امدرمان وتحدها من الضفة الشرقية للنيل قرى ريفى حجر العسل التابعة لمحلية شندى .
أها يا اخوانا الكمر دى قرية تاسست عام 1946 بعد فيضان 46 او ما يعرف ( بالتساب ) وكان اهلها يسكنون الجزيرة نسرى التى اصبحت الان تضم المشاريع الزراعية لسكان الكمر ، يحدها غربا قرية حجر الطير وشرقا الجابراب وقلعة البكرية ووادى ابوحوية ....
لاهلها مصاهرات مع سكان القرى المجاورة وتلك التى تقع شرق النيل مثل الشيخاب وقلعة ودجمال والزرق والبسابير وغيرهن ....
بها مسجدان ومدرستان اساسيتان للبنين والبنات وعدد من الزوايا والخلاوى ومحطتان للمياه ...
بها خدمات الكهرباء حيث تغذيها الشبكة القومية من ولاية الخرطوم التى تشغل محطات تقوية شبكات الهاتف السيار لتغطية المناطق المجاورة
اها وبجيكم تانى
Post: #53 Title: Re: مدن و قرى سودانية Author: فيصل محمد خليل Date: 07-06-2008, 03:16 PM Parent: #52
ياسلام يا محي الدين
تعرف يا محيو نصف ساعة كاملة
انا بعاين للقرية الكمر و سارح
و مر امامي شريط من الذكريات,
من نافذة القطار وانا في طريقي الى وادي حلفا
المدينة التي تتنفس من تحت الماء
كنت ارى قرى جميلة جمال هذه القرية الوديعة
التي تكرمت بها لنا عشاق السودان]
Post: #54 Title: Re: مدن و قرى سودانية Author: فيصل محمد خليل Date: 07-06-2008, 08:33 PM Parent: #53
نيالا
اسيا قواسيب موداتي
Post: #55 Title: Re: مدن و قرى سودانية Author: محي الدين جبريل Date: 07-06-2008, 08:38 PM Parent: #53
فيصل ود ابوى
الكمر طيبة الذكر ورغم ملامح الجفاف المرسومة على اديمها ، الا ان لاهلها قلوب خضراء ياريت تسمح الايام والظروف وتجو تمشوا معاى لاهلى ديل ...
وده الطريق البمشيبوا لاهلى هناك الكمر عبر ( عقبة فنقول )
ورغم الصعوبة فى الطريق ،، برضوا بنجرى ليها جرى
وبجيك كان الله خلى فى العمر باقى آآآ فيصل اخوى
Post: #56 Title: Re: مدن و قرى سودانية Author: فيصل محمد خليل Date: 07-07-2008, 06:40 AM Parent: #55
