Post: #1
Title: والله قصه تحير!!وتحــــبط!!
Author: Ibrahim Algrefwi
Date: 02-07-2004, 12:18 PM
Parent: #0
في ايام العيد وفي وضح تلفزيون جمهوريه السودان (الفضائي)
برنامج في الشارع في الحدائق مع الاطفال (ما يطلبه الاطفال)
المذيعه جابت ليها طفله صغيره جنوبيه بتسأل فيها عن العيد وشنو
اتخيل المذيعه سألتها قالت ليها شنو:!!!!!!
قالت للطفله الجنوبيه انتي اسه بعد السلام حيترجعي)!!!
اتخيل معاي الاظطهاد وصل يا تو مراحل !!ترجع وين وكيف وليه
بعدين هي لاجئه ولا شنو؟ والخرطوم دي حقت منو؟ ياخ ده موش اضطهاد فظيع ,,فظيــــــــع جدا وسافر!!
وفي نص نهار العيد وفي تلفزيون السلام الجديد؟ والبرنامج ولا مباشر كمان عـــــــادي!!!
ياخ دي موش مسأله تورم!!وتفقع!!
|
Post: #2
Title: Re: والله قصه تحير!!وتحــــبط!!
Author: Ibrahim Algrefwi
Date: 02-07-2004, 12:27 PM
Parent: #1
في التلفزيون رسمـــــــــــــــي
!!!!!!!!!!!!!!!!!!!!!!!!!!!!!!!!
|
Post: #3
Title: Re: والله قصه تحير!!وتحــــبط!!
Author: Abo Amna
Date: 02-07-2004, 12:33 PM
Parent: #2
الجريفاوي
يازول اهدا شوية
ما متخيل انو لسه في ناس بينفعلوا مع قضايا زي دي لانو الناس ملت من الكلام والانفعال لكن واضح انو تحت الرماد نار ...
كدة بتموت ولا بجيك ورم خبيث .. وتلفزيون السودان ده حاول تقعد فيهو بس في المناسبات السعيدة ... ولما تعمل كدة خليك حذر جدا من المواقف دي عشان ما يجيك ضغط ولا سكري
تحياتي لك ولانفعالك ( الذي احترمته وأحببته كثيرا )
وليتهم يسمعون
|
Post: #4
Title: Re: والله قصه تحير!!وتحــــبط!!
Author: اساسي
Date: 02-07-2004, 12:36 PM
Parent: #3
والله ما ليها حق تقول كدا للشافعة.. لكن اي جنوبي ليهو حق لما يقول
انه اولاد العرب ديل لازم يطلعوا من السودان زي ما طلعوا من الاندلس
ليهم حق ما بلدهم لكن المشكلة انحنا عرب ؟
|
Post: #5
Title: Re: والله قصه تحير!!وتحــــبط!!
Author: Ibrahim Algrefwi
Date: 02-07-2004, 12:51 PM
Parent: #4
كدي النحكي ليك القصه دي
حكي لينا متوكل قال صاحبهمواسمه سر الختم الوسيله الخواجه في النمسا ساْلو
قال ليه انت العلرب العاملين معاكم المشاكل وبضطهدوكم ديل وين اصلو ما شفتهم في اوربا؟؟1
صاحبنا قال ليه خجلان كده: (العرب ديل ما نحنه ذاتنا)
انته عارف الخواجه يي اليل متحير وبضحك
|
Post: #6
Title: Re: والله قصه تحير!!وتحــــبط!!
Author: Ibrahim Algrefwi
Date: 02-07-2004, 01:01 PM
Parent: #3
ابو امنه صاحبي البمرر علي حياتي بامل دنقل
اذيك
لكن ياخ انته عارف ديل جابو النار وكبوها لينا في راسنا
انا والله تلفزيونا ده بتحاشاهو محاشاه الشرطي لكن كمان العيد
يا خي دي مساله بقت عميقه ومحبطه لكن
يلا ( ربنا يولي من يصلح)!!!ها ها ها!!
|
Post: #7
Title: Re: والله قصه تحير!!وتحــــبط!!
Author: Ibrahim Algrefwi
Date: 02-07-2004, 05:20 PM
Parent: #3
انته ده جيفارا يا ابوامنه؟؟!!
|
Post: #8
Title: النبي يا ابراهيم
Author: توما
Date: 02-07-2004, 05:36 PM
Parent: #1
لكن المشكله ما في المذيعه المشكله في راس القايده زاتم ناس القشريون ده..هو المذيع ده البشغلوهو لا قاري اعلام كدي يقولو عليهو لا بعملو ليهو تدريب لا بوروهو يقول شنو وكمان ما عندهم خط اعلامي واضح كان زمان الخط السياسي معلوم للكل المذيعه لازم تغتي راسهاوما تهبش الناس الفوق اسا بقا اي زول داير يحشر كلمه السلام في حوارو اظن بدوهم حوافز وجات في الشافعه المسكينه...النبي يا ابراهيم* الشافعه قالت ليها شنو..ما احرجتها?? ..*صاحبتك عديل مش معليش لووول
|
Post: #9
Title: Re: النبي يا ابراهيم
Author: Ibrahim Algrefwi
Date: 02-08-2004, 02:28 PM
Parent: #8
نحن اساسا اصحااااااااااااااااب
بعدين ناس القشريون علي قولك ديل ناس افقعوا المراره , بس المسأله
مصحوبه بي ادعاء استصحاب للتعدد العرقي في تلفزيونهم,,
واللهى ريحتني رسمي الشافعه لكن حاجه تغيظ
|
Post: #10
Title: Re: والله قصه تحير!!وتحــــبط!!
Author: Ibrahim Algrefwi
Date: 02-09-2004, 03:45 PM
Parent: #1
قونقليس بالشطه
اصحاب ولا لا؟؟؟
|
Post: #11
Title: Re: والله قصه تحير!!وتحــــبط!!
Author: Ahmed Elmardi
Date: 02-09-2004, 04:55 PM
Parent: #10
شئ مؤسف، حاجة زي دي في امريكا "الكعبة دي" بتخلى كبار يفقدو مناصبهم
|
Post: #13
Title: Re: والله قصه تحير!!وتحــــبط!!
Author: Ibrahim Algrefwi
Date: 02-09-2004, 06:15 PM
Parent: #11
عندنا بتخليك تفقد طورك رسمي
وتذيدك حراره (يعني بتبقيك حر) ود عرب يعني العرب ديل ذاتم ما حرين الاعندنا!!!!!!!!!!!!!!!!!!!!!!!!!!!!!!!!!!1
|
Post: #12
Title: لوووووول
Author: توما
Date: 02-09-2004, 05:32 PM
Parent: #1
لوووووول يا ابراهيم
والله اصحاب جنس شطه
عليك الله مالك علي لامن اتمطقت
لكن انت في ده ولا في الشمار انا براي اقول يا ربي شافعه ناس ابراهيم ديك تكون قالت للمذيعه شنو..بس فت المره حقت نكته الكمونيه عارفها..لا كده انا عملت ليك البوست سوق الناقه..بس ما بسالني..
|
Post: #14
Title: Re: لوووووول
Author: Ibrahim Algrefwi
Date: 02-09-2004, 06:23 PM
Parent: #12
شطه ساي
بس القشريشون ده كشح لينا في عيونا واضنينا,,
يا توما ماعارف القصه حقت الكمونيه كدي سويها (علي وزن سوق الناقه)
موش لقيت في بوست الغلط بتاع تماضر (السوق الماركت)
عايني (كردفاني) ,, البنيه قالت شنو
|
Post: #15
Title: Re: لوووووول
Author: Mandela
Date: 02-10-2004, 03:56 AM
Parent: #14
لا لا لا ...
معقووولة...؟؟؟؟!؟!؟!؟!
عليك الله دي ياتو مذيعة..؟ بتكون هي ذاتها ما من الخرطوم..
أها الليلة قاعد أحضر في قناة سعد الدين الأزرق...أقصد قناة النيل الازرق....جابو واحد ..لا اتنين مصريين و معاهم ذلك الشيطان الراكب موتر ( نسرين سوركتي و لابسة توب ليموني كمان!!!) و سيد المحطة سعدالدين ... وكانو بتكلمو عن الذوق الموسيقي المشترك بين شعبي وادي النيل..يا أخوانا!!!!! ؟؟؟؟؟؟...طبعا دي براها درابة..يعني بالغصب دايرين يشركونا في حاجات...و الدرابة الكبيرة لمن جات فرقه كده كلهم لابسين قمصان لونا أصصصصصصصصصصصفر....و قالو اسمها الاصايل و قعدوا يغنو بالمصري (حبيبي ده...)...( بلهجة سودانية ) و هاك يا ايقاع عشرة بلدي و انسى الخستكة....يعني لولا انو التلفزيون ما حقنا كنت فلقتو باقرب حاجة...
في النهاية بس سمحت لمرارتي تنفقع سرعة سرعة و غيرت المحطة...
|
Post: #17
Title: Re: لوووووول
Author: Ibrahim Algrefwi
Date: 02-10-2004, 12:49 PM
والله يا مانديلا ما بعرفها والله لا عرفنا بيها!!!
اها شفته هذا الذي حدث
عاين انته داير تقول لي سوركتي وشنو داير تعمل لينا مشاكل مع الاولاد ولا شنو!!
لكن سعد الدين الازرق دي عجبتني !!!
اصلا المشاريع دي كلها مشاريع صفراء
وتلفزيونا اصفااااااااااااااااااااااااااااااااااار
|
Post: #16
Title: اها
Author: توما
Date: 02-10-2004, 06:35 AM
Parent: #1
اها ما قالو المره راجيه اختها الشمشاره اكتر منها في شان يمشو بكاء ناس هنايه..اها قامت جاتها ليك متاخره زي بكره كده اها مالك يختي اتاخرتي..هي ما شفتي لكن علويه يا يمه قاعده في بمبرها تنضف في كمونيتها الساعه القالو ليك وقعت ررررب يا يمه الا تلبو الرجال شالوها شيل اها دي جيتي منها بعد اطمنت عليها..ديك عاينت ليها قالت ليها النبي الكمونيه كانت ليله ضان ولا بقر............
اها شفت ما اخير انا في الشمار
انا لكن بالجد بالغت في الانصرافيه..جد يخسي علي..
|
|