Post: #1
Title: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 05:04 PM
Parent: #0
صاحبت فتره طفولتنا كاطفال لصغار الموظفين مجموعه من الاصدارات العربيه والعالميه- حينها كن الزمان ندياً غير هذ- كسلسله العميل البريطاني (جيمس بوند) او (سوبرمان) والسلسله البوليسيه المصريه الشياطين الطلطاشر و(عثمان من السودان) والمغامرين الخمسه (تختخ ولوزه ) وهما- موضوع الحكي - هذا بعد بعد اشتد عودنا (وافترينا)علي الوالت ديزنيات وبندق وميكي جيب وسمير(التي لم اكن احبها كثيراً) الي جانب الصبيان وعمك تنقو وعزو هذا الولد الطيب (الذي لايحبه طفل مشاكس مثل جميع اصدقائي حينها) ..اما سلسله عبير فهي مشروع يخص (البنات) الاخوات الكبار( شويه) وماجد لصغار السن...
علي كل كان بكري صديقي متعلقاً علي اشده بشخصيه تختخ * بكري هذا كان بدينا جداً قبل ان تلحقه يد السلطات !! كان يري ان تختخ هو الوحيد القادر علي مماسكته كطفل بدين يري انه بدين وذكي ومغامر تماماً كتختخ الي حد انه كان يحب جارتنا فاطنه وكان يسميها (لوزه) لاعتقاده ان لوزه تحب تختخ..!!
كلينا انا وهو كنا نعتقد ان هذه الشخصيات موجوده وتسكن في مكان ما وكنا نعتقد ان (المعادي) حيث يسكن تختخ هو مكان خلف المورده امدرمان تماماً ... ذات مره خرجنا بعد (الفطور طوالي) نبحث عن تختخ والمعادي وعدنا بالريح بعد (الدرس) فكان نصيبنا الجابره خمس غلاظ من (الكنبه الوره) بكري بكي وقال لانهم اغبياء هو يبكي!!
بكري قال لي مره ان فكره كونه بدين ذات صله بتقسم العمل الكوني
فصار شيوعياً وشيوعياً جداً
بكري صار يحب (يحي الفخراني) و(جان جنيه) و(عبدالخالق )معاً
بكري الان لم يعد بديناً
ولم تعد افاقنا جميله كالتزام (تختخ)
***هامش..(التراجيدي ده خارج المشاركات لو سمحتو.)
|
Post: #2
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 05:08 PM
Parent: #1
.... شفتو كيف . بكري ده
|
Post: #3
Title: Re: تختخ ..ولوزه..وبكري .. وتقسيم العمل الكوني !!!
Author: Rawia
Date: 05-10-2004, 05:11 PM
Parent: #1
بكرى خطير
|
Post: #4
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 05:23 PM
Parent: #1
راويه جاءت
لالالالا
راويه جـات ...
اذيو وين يا حلتنا
بكري خطير وبس
بكري خطير وجداً
شوفتك ترد الروح يالوزه يا منقه انتي ياخ
|
Post: #5
Title: Re: تختخ ..ولوزه..وبكري .. وتقسيم العمل الكوني !!!
Author: الجندرية
Date: 05-10-2004, 05:25 PM
Parent: #1
مش يا راوية
لكن ابراهيم دا اخطر منو
|
Post: #6
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 05:33 PM
Parent: #5
سمح انتو لوعارفين كده ما تقنعو لينا لينا( هبو) دي ياخ
بعدين بكري اخطر
تعالو نهتف
بكري خطير طير طير
بكري خطير طير طير
اسه في زول قال البشير
انا لي اربعه يوم نسيت عمر البشير مااذكرتو ده رئيس شنو ده هو
لكن علي عثمان ما (جده)لكن....
***كان هذا حديث في السياسه 
فاصل ونعود الي بكري
|
Post: #7
Title: Re: تختخ ..ولوزه..وبكري .. وتقسيم العمل الكوني !!!
Author: Raja
Date: 05-10-2004, 05:41 PM
Parent: #1
بكري خطير.. وغلبااااااان.. وحقو نديهو شهادة طول البال..
ابراهيم، راوية، أماني..
سلام شلة الجمال والخير في المنبر الوطن..
|
Post: #8
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 05:48 PM
Parent: #1
رجاء
ياخ اقول ليك سر
انتي احسن زول ذاتو
بمناسبه المنبر الوطن دي
الاتحادين مؤتمرهم كان بمنو
تسلمي ياهميمه ويسلم السودان الموحد ويسلم بكري من ناس الامن
|
Post: #10
Title: Re: تختخ ..ولوزه..وبكري .. وتقسيم العمل الكوني !!!
Author: Raja
Date: 05-10-2004, 05:55 PM
Parent: #8
|
Post: #13
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 06:10 PM
Parent: #10
لووووووووووووووووول
والله يارجاء
شندي عديل كده انتي ماسمعتي بي نادر خدر وتجمع القوي الحديثه في الحزب ولا شنو:
لووووووووووووول يالوليه عديل كده
يسلم قفطانو سيدي كلامو ما بقع تب
احكي ليك القصه دي
(زمان في واحد ختمي جاء لي السيد علي قال ليه: (أنا ولدي عايز علاجات وامي كمان وظروفي صعبه وشنو) قام السيد علي اداهو فاتحه
في جماعه انصار قالو ليه امشي للسيد عبدالرحمن قام مشي ليه وحكي ليه ظروفه فالسيد عبدالرحمن اداهو قروش كتار . الانصار اتكيفو قالو ليه شفت الفرق كيف قال ليهم : هو في شنو ما فاتحه السيد علي نفذها السيد عبدالرحمن )
شفتي كيف تقول لي ديالكتيك
هو اداك فاتحه
بس خلاس الجير علينا نحنه طوالي
|
Post: #9
Title: Re: تختخ ..ولوزه..وبكري .. وتقسيم العمل الكوني !!!
Author: توما
Date: 05-10-2004, 05:53 PM
Parent: #1
والله جد
ده لاثبات انو ما مالفاها باقي انا كضاابه علي قول اختي الصغيره لانو بسرح بيها..كدي عشان ما اسرح بي وميل
اها عن جد
عندنا بنات جيرانا وهم كده وجنهم يلبسو برتقالي وليموني وبنفسجي مع الموضه اها الموضه الوقت داك الاجازه في مصر اها لما جو راجعين قشرو
ليك علينا ومشينا وين وجينا كيف واكلنا كشري ولي ناس تختخ ولوزه مشينا المعادي فتشناهم ..الغريبه نحنا كنا اصغر منهم ولا بنلبس ليموني لكن ضحكنا..
قرمبوز اسا لوزه بس ما يكون عرسوها وخلت تخ تخ
|
Post: #11
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 05:58 PM
Parent: #1
| Quote: دمعات تجي و دمعات تفوت |
ولوزه عرسوها وخلت تخ تخ
ماكلنا ما دايرين تراجيدي
الله
شنو ياتوما ياخ اسه بجي واحد يقول لينا لوزه ظروفها ودايره تساعد اهلها وانجبرت وظروف ودمعات تجي ودمعات تفوت
انتي سمعتي غنيه( بيلموني ليه)
|
Post: #12
Title: Re: تختخ ..ولوزه..وبكري .. وتقسيم العمل الكوني !!!
Author: Rawia
Date: 05-10-2004, 06:09 PM
Parent: #11
نحنا مره مشينا المعادى لى ناس زياره
قام صاحبنا لما جينا طالعين قال لينا دى( الشدره) البنزل بيها تختخ متسللا من بيته بالليل
بكرى عندو شدره يهرب بيها من ناس الامن ياابراهيم?
|
Post: #14
Title: Re: تختخ ..ولوزه..وبكري .. وتقسيم العمل الكوني !!!
Author: صديق الموج
Date: 05-10-2004, 06:11 PM
Parent: #11
| Quote: جانب الصبيان وعمك تنقو |
دى نحن ما حضرناها ممكن ياعمو قرموز تحكى لينا عن مجلة ماجد
|
Post: #16
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 06:23 PM
Parent: #14
ياخ انتو حضرتو الحاجات كلها ياخ
بعدين عملتو ليها DELETE ياخ احكو لينا انتو لانو زمنا ده زمن قواسي ومظاهرات وعبدالباسط سبدرات وحاجات كعبااااااااه
نحنه الناس القبل ماجد مباشرةً _الوقت داك الامارات ماعملت جاليه سودانيه ياليل
لكن احاول ليك برضو ما اخو
غايتو ماجد دي فيها بت قليصه اسمها ذكيه الذكيه اسه معانا في البورت باسم مستعار وفيها كسلان جداً ونشيط في دانه وشمسه والنقيب فهمان وفي موزه الحبوبه (سراً مازلت اتوقها) وصديقها رشود
يلا احكي انته عن عشه الفلاتيه
|
Post: #29
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-12-2004, 06:17 PM
Parent: #11
ولوزه عرسوها وخلت تخ تخ
ماقلنا ما دايرين تراجيدي
الله
شنو ياتوما ياخ اسه بجي واحد يقول لينا لوزه ظروفها ودايره تساعد اهلها وانجبرت وظروف ودمعات تجي ودمعات تفوت
انتي سمعتي غنيه( بيلموني ليه)
|
Post: #15
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 06:16 PM
Parent: #1
متسللاً عديل كده وبليل كمالشجن
بكره شدرتو قطعوها من زمن شوقي ومعهد المعلمين ومذبحه الشجره
لكن حلتنا دي خصبه بدسو منهم
انتي بس ما تشيلي همو ... خليك في شجرتك
كل زول يركز في شجرتو بلاي الناس ديل حيهجمو
|
Post: #17
Title: Re: تختخ ..ولوزه..وبكري .. وتقسيم العمل الكوني !!!
Author: Raja
Date: 05-10-2004, 06:24 PM
Parent: #1
كُر يا قرمبوز..
يعني فاتحة أول أمبارح محتاجة ليها "توضيحات"  ..
|
Post: #18
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 06:33 PM
Parent: #17
لا عادي جداً يا رجاء
داك السيد علي وده مولانا صاحب قرنق
فرق كبير
بس من اسه انحبسي
|
Post: #19
Title: شفتو الزول ده مجامل كيف
Author: Ibrahim Algrefwi
Date: 05-10-2004, 06:50 PM
Parent: #1
مجامل شديد الزول ده من اولاد شمبات
أنا طبعاً ذي (بكري) بحب يحي الفخراني
فمره بتونس شله كده فقلت ليهم شفتو يحي الفخراني ده عجيب كيف
طوالي هو رده ما مجامل شديد : (كيف ياخ بالذات في فيلم المصير)
مجامل وكذاب
لا لا ما كذاب كذاب دي مهذبه مجامل وكضاب
|
Post: #20
Title: Re: تختخ ..ولوزه..وبكري .. وتقسيم العمل الكوني !!!
Author: مراويد
Date: 05-10-2004, 06:57 PM
Parent: #1
قرموا قرمه...قرمرمرم
(المعادي) حيث يسكن تختخ هو مكان خلف المورده امدرمان تماماً
لا ماتماماً..انت اتلخبتن عليك المعادى والقماير ..بتشابهن زى التعاريف
سمح انتو لوعارفين كده ما تقنعو لينا لينا( هبو) دي ياخ
يا بت يا هبو..اقتنعى (لى) ابراهيم ده...فاهمه...
خلاس اقنعتها ليك قنيعه
قول لى بكرى
I have seen the best minds of my generation
destroyed by madness
|
Post: #21
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-10-2004, 07:05 PM
Parent: #20
مراويد ريد تريد برريد حمر يمي
هبو اقتنعت عديل كده
طيب ما خلاص المسافرين يرجعو المهاجرين ليها شنو
مراويد
القماير دي نحنه ما بنغباها حتي ولو حظر زعيم البي بي نو
البي بي نو ده سمعته بيهو
بعدين النسعلك
Quote: I have seen the best minds of my generation
destroyed by madness |
ده انجليزي ده يامرسي
هو ده ذاتو ما الخلاهو بكري ياصاحبي
|
Post: #22
Title: Re: تختخ ..ولوزه..وبكري .. وتقسيم العمل الكوني !!!
Author: dreams
Date: 05-10-2004, 10:26 PM
Parent: #21
تختخ شنو ياخ
والله انا فنجاط ومرتو ديلاك كانو بضحكونى كيف
اها صباح كيف معاك
صحى يا قرمبوز
البليستشن احسن من الجماعة ديل؟
|
Post: #23
Title: Re: تختخ ..ولوزه..وبكري .. وتقسيم العمل الكوني !!!
Author: بدرالدين شنا
Date: 05-11-2004, 09:19 AM
Parent: #1
| Quote: أنا طبعاً ذي (بكري) بحب يحي الفخراني |
عندنا واحدة قريبتنا مولعة بي المسلسلات شديد فمرة كان بتحكي لي عن حلقة فيها يحيى الفخراني والإسم طار منها وبقت تقول لي ياخ داك .. داك ياخي .. الإسمو شنو؟؟ آآآآآآآآآي مريم فخرالدين
غايتو ناس تختخ ديل كان ظهروا بعد بيارة حلتنا بكون حضرتهم
والله والله يا قرمبوز أنا مستمتع بيك عديل كدا
وأنا عندي قاعدة ماشي بيها وهي
إذا لقيت بنات العباسي وتوما ديل في أي بوست قطع شك البوست دا بوست أحرار
لكم ودي جميعاً
|
Post: #24
Title: Re: تختخ ..ولوزه..وبكري .. وتقسيم العمل الكوني !!!
Author: معاويه بشري
Date: 05-11-2004, 12:53 PM
Parent: #1
يايصديقي انها احالات الي ازمان هجرتنا ولم يبقي غير (البكي والنحيب)
هذه فتره خلقت قيم وسلوك في منتهي المعرفه ابتداء من تلك الحركه
الدؤبه وسط الاطفال بغرض تبادل الكتب والالغاز االى ذلك الخيال
الطفولي الندي الذي افسده (الراهن)فنحن الان نعاني (فجوه طفوليه)
اطفالنا اين هم الان ؟؟ اصبحوا معنا علي ذات منول النكد بداء من
الاحباط انتهاء بالفشل الكلوي وذي ماقال الاستاذ محجوب شريف(اطفالنا
يمشوا علي جمر الغسيل) وغاب عن وطننا اجمل صيغه في الكون (صيغه ان
تكون طفلا)..ذهبت وذهب معها تختخ واصدقائه(انها بحق السنوات التي
افسد فيها العالم)
|
Post: #27
Title: Re: تختخ ..ولوزه..وبكري .. وتقسيم العمل الكوني !!!
Author: haneena
Date: 05-11-2004, 01:58 PM
Parent: #24
أخخخ
ذكرتنا أيام سمحة بالحييييييل ياخ
المغامرون الخمسة و الشياطين ال13
بمناسبة تختخ و لوزة
والله كلنا انا واخواني والحلة كنا متاكدين قطع شك بحب تختخ ولوزة و مبسوطين كدة زي صاحبك دة
أحلي شي سافرنا القاهرة إجازة وطبعآ انا وأخوي آخر إنبساط إنه حنقابل المغامرون الخمسة..وآخر سرحان في حنقول ليهم شنو و نفعل شنو و لازم نشاركهم واحدة عن مغامراتهم وإسمنا يظهر في اللغز الجاي.....ها ها ها
اهاواصرينا طبعآ يودونا المعادي والاهل يحاولوا يقنعوا فينا إنو دة كلام خيال وكدة..المهم بالاصرار أخدتنا الوالدة للمعادي نلف فيها وبين فيلاتها الجميلة قعدنا نفتش عن الكوخ الخشبي الفي بيت ناس لوزة و اخوها عاطف
لما فترنا قلنا لازم نسال
سالنا زول من الماشين في الشارع..
عايزينك توصلنا البيت الفيهو الكوخ الخشبي
رد...إيه...إيه..إيه؟؟!! كوخ إيه؟؟
ياخ بيت ناس عاطف و لوزة ..ناس المغامرون الخمسة؟؟؟ حتي معاهم تختخ و محب و نوسة
المهم الراجل قلبها في راسه كدة وقال...
حاوصلكم بس تدفعولي ريال...وهو 20 قرش مصري
أقنعنا الوالدة الكانت عارفاه غشاش بالدفع..وطبعآ الراجل عمل لينا جولة سياحية في المعادي وقال لينا طبعآ بخبث....باين الجماعة عزلوا(رحلوا) وقام جاري بالريال ..إنشاء الله ما ينفعه
وطبعآ الوالدة أحست بخيبة الامل الكنا فيها...وعزمتنا علي ايسكريم لجبر الخواطر
وطبعآ أول ما وصلنا السودان كان الخبر النشرناه في الحلة
المغامرون الخمسة رحلوا من المعادي.....لوووووووووووووول
آآآخ يا زول ..كانت لنا أيام
يا حليل دي أيام عدت و مشت ومشي معاها كل سمح
أطفالنا الايام دي غير الديشات عندهم شي تاني...
الواضح قصص المغامرين دي كانت بتحمل معاها مثل وحاجات تانية حلوة و شكلت فينا خيال جميل و برئ و تواصل مع بعض لاستبدال الكتب و ترسيخ معني المشاركة
تحياتي لبكري الذي شاركنا احلامنا الصغيرة البريئة في يوم ما
تسلم جريفاوي ..قرمبوز في رواية أخري
|
Post: #28
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-11-2004, 02:17 PM
Parent: #27
حنينه
في الراويه الاكيده انكي حنينه وحنينه جداً
وفي الروايه الاكثر تأكيداً احترامي اليك دون ما اشعر
لووووووووووول علي عزلو
لكن اولاد بمبه ديل ما عجيبين
مره كده ودعمنا لينا راكب مع بتاع تكسي مصري فدار بينهم الحوار ده
: انته منين ياعم ؟
: من السودان
: ع فكره انا روحت السودان قبل كده
: ياخ بلاي ومشيت وين
: رحت ام درمان
: يا سلام دي ما حتتنا ذاتو بلاي وين في امدرمان
: شفت السوق جمب السوق بالظبط
: ياخ دي حلتنا ذاتها
: اه اصلي انا ليه واحد صحبي معانا كان في الخليج من السودان
اجوز وانا رحت زواجو
: اها وشفته طبعاً بحري والخرطوم وكده
: لا انا بصراحه من مطار القاهره ع مطار امدرمان علي طول ياعم
لووووووووول شفته كيف يا حنون
لكن اطفالنا ديل اسه ظراف برضو لكن محروميييين اوي
. اطلاله حنيناااااه
|
Post: #25
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-11-2004, 01:43 PM
Parent: #1
دريمز
فنجاط لكن ما عجيب كان طفره في الكوميكس
ومسجل عالمي... انا صباح دي غايتو ما كنت بحب ناسها كلهم لكن مرات اولاد حلتنا بعجبو
بلي ستيشن السجم والرماد
تحت تحت هو ممتع
وين يا خال اخبارك واخبار قابوس وياكم
مريم فخر الدين مره واحد والله لكن قريبتك عجيبه جداً
لووووووووووول
Quote: إذا لقيت بنات العباسي وتوما ديل في أي بوست قطع شك البوست دا بوست أحرار
|
موش كده ... لكن خلينا في موضوع البدانه وشمسه ودانه
صديقي السيد ماو
انها السنوات التي يركض فيها المرء صوب سفارات وسفارات
سنوات ياشوارعها تقرصنا حشرات اليأس علي حد وصفها احمد الصادق الحاج...
هي فتره تكوين حميمه وحدت جيل باكمل علي علاتها لطيفه داعمه لمشروع المكتبه والقراءه ... والتبادل وتنميه القدرات البدائيه للكتابه والبحث والفنتازيه الموضوعيه ...
ولا كيف
بمناسبه تختخ دي وين بلاي باقيرا
|
Post: #26
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-11-2004, 01:45 PM
Parent: #1
اسف مكرر
|
Post: #30
Title: Re: تختخ ..ولوزه..وبكري .. وتقسيم العمل الكوني !!!
Author: معاويه بشري
Date: 05-12-2004, 07:06 PM
Parent: #1
up up up up up up
|
Post: #31
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-13-2004, 12:07 PM
Parent: #30
اللاه يعلي مراتبك يا ودعمي
|
Post: #32
Title: Re: تختخ ..ولوزه..وبكري .. وتقسيم العمل الكوني !!!
Author: خضر حسين خليل
Date: 05-13-2004, 02:13 PM
Parent: #1
up
ياقرمبوز ماذا عن ميكي ماوس
|
Post: #33
Title: Re: تختخ ..ولوزه..وبكري .. وتقسيم العمل الكوني !!!
Author: Ibrahim Algrefwi
Date: 05-20-2004, 01:41 PM
Parent: #32
بطوط هو من يحبه بكري هناك يا خدر
وهو الان بجواري
ولا يحب محظوظ اطلاقاً
|
|
..