بدر الدين شنا ..مفيش حج احسن من حج...!!!

الحاج بدر

شفتو الزول ده دمو خفيف كيف؟؟ الراجل ده مبالغه ,,



حكايه ,,, انا بس قلت كدي النشوف الزول ده فقعدت افتش واقراء في بوستاتو ومساهماته وشنو لقيتو ليك ما زول ذاتو ,,لقيتو فرح فرح كتير وامال وخفه روح وابتسامات نبيله جداً بعدين ظررريف شديد وعميق أشده ,,, وسرباع سربعه الجن والجنبو ,

غايتو أنا بنصح الناس بالراجل ده خمسه مرات في اليوم


ولا رايكم شنو؟!!!

عليك الله موش مبالغه

لاشك يالجريفاوى بدرالدين
مبدع فى الدراما وفى البورد

بدرالدين شناه..

يوم شكرو ما يجى..

لكن جيناتو دى العجنوهو بيها كانت عباره عن سته واربعين نكتوزوم.. وقرقروبوم وسربعوم..

ما افتكر لقو ليها جينات ولا لقيمات غيرها..

ياخ ده بخلينى اقنقش بالضحك ..حتى لو كتب عزا..

ويا عزا الفراق بى طال..


لذييييييييييييييييييييييييييييييذ ..لو حج او بجا..
وما فى زول مهممنى الا مرتو واولادو ديل..
لانو دى ما حالة دى...


الف ود يا شنون..

هو غايتو بعد الحج ده ..موضوع الشكر ده ....!!!

عندنا جدنا اصلو مابدور الحج قال هو لسه صغير

لوووووووووووووول

ده هزار خشن شويه

لكن بدرالدين ده زول عجيب ومهذب وعندو كيبورت عميق وساخر

وانا باختصار حبيتو من اول نظره

يا ياسر بس كدي ارجع البصر كرتين

الزول ده مباااااااااااااااالغه

الأخ إبراهيم
تحية أخوية

تشكر على فتح هذا البوست عن ( شقيقي ) الحاج بدر الدين
و يوم شكرو ما يجي.
إنت حبيتو من أول نظرة ،، و أنا حبيتو من أول قفشة قريتها له عند إشتراكي في هذا البورد.
بدر الدين رجل ( لماح ) بكل ما تحمل هذه الكلمة من معنى.
رجل سريع البديهة و ذاخر باللغة و مفرداتها يستعملها في إحترافية تنبض بالسخرية و الفكاهة المحببة إلى النفس. أسلوبه في الرد يجعلك تنتبه لكلماته التي تقف كالمطب ( الطبيعي ) فتفغر فمك دونما إستغراب و لكن بإبتسامة تقودك تلقائيا إلى حضوره الذهني المكتسب من دراسته للدراما و عقله المتهيء للتلقي و الإجابة السريعة العفوية.
تشكر أخي إبراهيم و أحييك
دمت

ابو جهينه

أسمع البت ام ورد دي مريييييييحه الله يريحك

بعدين انا زاتي سراً مقتنع بيك شديد كزول اخو

وبدر شناه ده شناتو شناة السرور

اسمع يا ابو جهينه انا ماشي حته وجاي

لمن اجي بحكي ليك نكته

الجريفاوي وزمراوي وتماضراوي وأبوجهينةاوي؟؟؟
مادام كلكم آوي آوي آوي فلابد أن آوي إلى ركن يعصمني من كلماتكم التي البستني ثوباً حريريا لأ أستحقه (لزوم التواضع) تواضع شيخ الدين؟؟؟
أشكرك أخي جريفاوي وأقسم بالله (وأنا حاج) أن هذا هو رأي فيك ولكنك سبقتني وكم إستمتعت بك أنت وتمبس في ذلك البوست الملئ بالسربعات
لك ودي وشكري وتقديري

الأديب زمراوي
عايز أقراك فهل تمكنني من ذلك
أحبك وأحب هدوءك

تماضر بدون القاب
أنا معجب بيك وواحد من جمهورك لمن يكون مزاجك رايق
بالمناسبة الكلام القلتي فيني دا أنا بعتبره شهادة وبضيفو (للسي في) بتاعتي وبعتبره شهادة من العارف بالمسرح الشيخ تماضر شيخ الدين

شقيقي أبوجهينة
عهدي بيك إنك رجل صادق في كل شئ منذ أن عرفتك في هذا الحوش السايبيري ولكني هذه المرة أخشى أن تكون صادقاً فيما ذهبت إليه من إطراء لأنني حقيقة لا أطول شرفات هذا الوصف
قطعت قلبي بي اللغة العربية
الله يديك العافية

ممكن اسجل اعجابي
ببدر الدين البوردابي
جد جد بدر الدين ظرافه
وانتهز هذه الفرصه وكل مسرح وانت طيب
بعدين يا قرمبوز شكرا لهذه الفرصه الجميله التي لم نراك فيها

تماضر بدون القاب


بدون القاب قوسين او ادنى

وإنت طيبة يا توما
وأشكرك على الحروف المتوهجة يا متوهجة إنتي
والله كل ما ألقاك أقول ليك أنا فرحان بي عودتك للبورد
تحياتي ليك ولي أهلنا في الجزيرة (الكسمبر .. أم دقرسي .. ود الماجدي .. أبو عشر) وما جاورهما

صديق الموج

Quote: بدون القاب قوسين او ادنى

حلوة السربعة
يلا خلاص سربع يديك وأقعد في الكنبة ديك
بدون القاب
غداً القاب
لك تحياتي

الاخ بدرالدين
حبابك الف ان كتت تريد ان تقرانى فى ذاتى
فانا كتاب مفتوح لك
وان كنت تريد ان تقرا من شعرى فاعمالى ستترى
والتحية ليك ياغالى

السيرة مرقت عصر قاصدة الحاج بدر

بدرالدين الزين

زي ما قالت تماضر يوم شكرك ما يجي

والتحايا لاماني الوفية

قالو كان في واحد شين شناه (شناه يا أنا) شنا شديده بعدين
قامت امو قالت ليه ياخ بدل عاطل لينا كده وشين ذاتو ياخ امشي
السعوديه اغترب انا ببيع ليك دهبي ده تشتري ليك اقامه !!

صاحبنا سافر واشتغل سولق مع الامير فلان.... الامير قال ليه : انا اشغلك تسوق السياره للاطفال وانطيك الفين ريال
لكن الشفع الاميرين شافو صاحبنا الزول الشين ده خافو منو قالو ما نبغاه يصير سولق عنا ..فرفدوه لكن الامير حنه عليه وقال ليه خلاص انا بديك حقوق سنتين وارجع اهلك.واداهو ليك كم كده الف وميه وشنو كده ريال...........

شال القروش ورجع السودان مبسوووووووووط

في الباب لاقتو امو اتخلعت سجمي سجمي الجابك شنو يالشؤم كشوك ولا شنو السواده والكترابه والترابه في خشمي...وردحت

فقال ليها وهو مبتسم يمه كدي اصبري النحكليك .....ووراها ليك القروش الكتار انكيفت
زغردت رزغاريد شديده وقالت ليه

(جيت لي جيت لي شناة الســرور)

بدرالدين شنا



توما علي فكره انا عايزك بس تعبان اسي اخد لي تومه واجيك

صديق الموج فيصل عباس عندو ولدو اسمو موج شفته كيف

zumrawi بتوحشني بطريقه بشعه كده ليه

maia اي ما يجي انتو مالكم ياخ انشاءالله مايجي ذاتو

العفيف زمراوي
سلام تاني
أشكرك على الأريحية والبهاء
أعتقد أنني سوف أجد ذاتك في اشعارك يا بحر
نتواصل يا جميل

الخلوقة ميّأ
سلام اردام أردام زي العافية في العضام
شكرأ مديداً على السيرة المرقت عصر أتمنى أن نحسن إستقبالها
أشكرك تاني لسؤالك عن المدام يا اصيلة

الحبيب الجريفاوي (قرمبوز)
عن شناتي بقولكم
شناتي كتوكو

Quote: (جيت لي جيت لي شناة الســرور)

أرجوك يا قرمبوز ما تحاكي لي أمي

يا قرمبوز ..يا اصلي

الاشتراك في جمعية المعجبين بي بدرالدين اللزيز ده .. بلاش يعني ؟؟
انت الزول ده عارفو خال منو والا كتبت الكلام ده ساكت كده بس
الزول ده صاحبي وفكاك دبرستي والله

الله يخليك يابدري ياحلو

تمبس

وحياتك ما عارفو خال منو لكن خاسي بانو خالي انا ده

عليك الله قول لي هو خال منو ؟؟

بعدين انتو بس الفيها والله من غيركم كان !!!!!!!!!!!



بدر اسه انته خال وحاج الاتنين؟!!!

تمبس مليانة شاي
حبيب قلبي سلاااااااااااام

Quote: انت الزول ده عارفو خال منو والا كتبت الكلام ده ساكت كده بس

كان وريتو أنا خال منو أنا كمان بوريهو إنت أخو منو بس
تحياتي للشفيف عمر منصور


قرمبوز سلام
أنا أتشرف بخلخلتك ياود أختي

Quote: مفيش حج احسن من حج...!!!

حجة تفوت ولا حج يموت
إبن أختي الذي يقصده تمبس هو زميلكم في البورد الكثيف الرحمابي

يا قرمبوز
انت بتلعب
دا بدر الحنين ياخ

thanx , lamin alga key boart bel3rbi bageik

العفيفة أماني
سلام بالحجم العائلي .. بقدر دستووووووووووووووورك في أغاني خدر

Quote: انت بتلعب دا بدر الحنين ياخ

آي كلميهو لي
تحياتي لمحمد وأبو محمد والعقاب

السيد بدرالدين الخال وبعد

كامل الافق بوروده واشجاره لك

ومني ايضاً ابتسامه

ابراهيم سربعه
هاك دى...بمناسبة الحاج بدر..
الترجمه على الشريط

Quote: A woman was shopping at her local supermarket where she lived. She purchased the following: * A pint of milk, * A carton of eggs, * A litre of orange juice, * A head of romaine lettuce, * A 2 kg can of coffee, * A 1 lb pack of bacon. As she was unloading her items on the conveyor belt to check out, a drunk standing behind her watched as she placed the items in front of the cashier. While the cashier was ringing up her purchases, the drunk calmly stated, "You must be single". The woman was a bit startled by this proclamation, but she was intrigued by the derelict's intuition, since she was indeed single. She looked at her six items on the belt and saw nothing particularly unusual about her selections that could have tipped off the drunk to her marital status. Curiosity getting the better of her, she said "Well, you know what, you're absolutely correct. But how on earth did you know that?" "The drunk replied, "Cause you're ugly."

بدر الدين نشاه
انا عازماك ونسه لكن الموضوع عليك

قرمبوز اها ??(شماريه)

بعدين وين بوست الخرطوم والقطر انا لسه ما ادليت بدلوي (ما تسربعها خليها كده)

الحبيب عصام جبرالله
تحية وإحترام

Quote: هاك دى...بمناسبة الحاج بدر..

هسع عليك الله ياعصام بمناسبة (الحاج) بدر راشح الواطة إنجليزي قالولك أنا حجيت في بريطانيا؟؟؟


الغالية جداً جداً توما
سلام كتيييييير

Quote: بدر الدين نشاه انا عازماك ونسه لكن الموضوع عليك

أول حاجة النشاه الدفقتيها فوق إسمي دي شنو؟؟؟
أما بخصوص (الموضوع) أنا مشيت عشان أجيبو لكن قالوا ست الموضوع الليلة كشوها العساكر

QUITE }وحياتك ما عارفو خال منو لكن خاسي بانو خالي انا ده

خالى ذهن

الحاج بدر الدين

شفتي الزول ده دمو خفيف كيف؟؟ الراجل ده مبالغه ,,
تسلم الأخ إبراهيم ود الجريف....

حالتك انت ما شفتو ولا عشت معاه يا خوي يا إبراهيم ..
والأخ أبو جهينة برضو .. فما بالكم من عاش معه ومن يهاتفه باستمرار ..ومن يتناول منه ألنكته طااااااااااازه وفرش قبال ما يسمعن بيها بنات عمها .. والله أنا مرات أقول الجيران بتلمو فينى هههههههههه
ألحبيبه تماضر انتى عارفه ما تشيلي هم مرتو الاصيله ووليداته الله يديهم العافية .. الناس دي ما شاء الله وعيني باردة .. كلهم مبدعين وفنانين .. وجد حنينيــــــــــــــــــن مبالغه .. والو نسه والضحك والطرب عندهم زى شراب المويه ..
مره مشيت زرتهم في دارهم ألعامره بوجود بدر الدين هناك في إحدى أجازاتنا ..وكان يوما لا ينسى .. سجلتو في خارطة زمني السعيد .. استقبال امى عشه ألحبيبه من أول الشارع .. حبابك حبابك بت امى شرفتينا يعلم الله .. والوالد رحمة الله عليه بى طيبته وكرمه وحنانه الفائض.. والأخوات الحنينات ..وست البيت زوجته سمحة ألخلقه والأخلاق .. نوارة في دارها.. وعيني باااااااااارده .. وكل القبيلة والله بدون فرز .. الخالات العمات الحبوبات كلهن جن جاريات يسلمن ..جد حسيت بى فرحه ما حصلت لى قبلها وأنا واخوتى الانبسطوا وارتاحو للرحلة دي اكتر منى .. وكل اجازه اخوانى واخواتى في البيت يتحجزوا من أول يوم اها متين بتمشى لى ناس البدرى .. أنا بمشي وأنا بمشي معاك .. لو خليتم بى راحتهم البيت كلو بمشي واهلى والجيران كمان .. العجب يوم يكون هو معانا بي هناك .. بكون يوم ما عادى .. البيت كلو بتكسر يحرسو ..مافى زول بقضي شغله بس يعاين في خشم بدر الدين ههههههه
كلو ده كوم وودالصادق كوم تااااااااااانى .. جانا العصيــر داخل .. ومن بره يكورك ويعاتب .. البدرى ..مالك أخوى ما بتقول لى جوك اهلك ناس الجنيد ..آآ ؟ دحن ما اتلومت ؟ ما كنا جينا وقمنا بالواجب ؟.. وقبال ما يسلم سمح جر اقرب تريزه وهاااااااااااك يا غنا ورقيص .. لا تعرفي تضحكي يا تماضر ؟ لا تعرفي تقومي ترقصي .. ولا تعرفي تقعدي وتبحلقي في كمية الفن الماصل القدامك ده .. وبدر الدين اليوم داك وحات الله غنى جنس غنى .. لمن التربيزه شكت منه .. لسه ما ترتاح شويه يتناولها ودالصادق تانى.. الله يديه العافية ويمتعه بالصحة إن شاء الله ..
مهما كتبت ومهما حكيت عن البدرى السمح..يعلم الله لا اقدر أن أوفي هذا الإنسان الموسوعة حقه .. من كرم وطيبة أخلاق واصااااااااااااااااله في زمن انعدمت فيه كتير من قيمنا السودانية السمحة .. فقط أقول كما قالت اختنا تماضر ..إن شاء الله يوم شكرك ما يجى يا أبو أواب..

[QUITE] تحياتي لمحمد وأبو محمد والعقاب [QUITE/]


والعقاب شهر

سوما الهرم بت أمي الحرم
سلام رزم رزم (بدرالدين أبوقوتة)
أشكرك صديقتي سوما على هذا الإطراء وهذه اللوحة الجميلة فهذا كثير كثير وأحسب أنني لا أستحقه كله (كبي لي ربع بس)
تحياتي ليك وللشفيف الفاتح والأولاد

الشندقاوي شنديق الموج
إنت كوتاتك دي مالها كلها ضاربة
عاين يمينك وإنت بترد بتلقى الكلام دا

Quote: HTML is allowed You may use Markup Codes

إضغط عليهو وشوف الحاصل شنو

esam gabralla
عصام جبرالله كسركم ...

ابراهيم سربعه انته عارف في سمساري في الهجره في بعدين اسمو ابراهيم ملبعه ملبعه ده لو قلت ليه ملبعه بعوقك!!!
اسه تاني لو قلت لي ابراهيم سربعه بعوقك ذاتو!!

لكن مبالغه مبالغه شغال عربي وافرنجي يا عصام الحكايه شنو

لكن ما فهمته يعني شنو

توما ما مره انتي قلتي الكمونيه وشنو ما عارف داير احكي ليك قصه الكمونيه لكن خلي العوارض ديل امشو!!!
صديق الموج عارف انا لمن كنت في المدرسه خالي الذهن دي كانت عاجباني ليك عجب وانا ما كنت فاهمها مره اختي الكبيره حشت لي حشوه فاضيه فيها حبة فول قلت ليها ده شنو يا ساره ياخ تحشي لي رغيفه خالي الزهن

soma ياخ انته محظوظ حظ لكن انا اسوي شنز ما اقنعني ذاتو بالريد