Post: #1
Title: أمــاني عبدالجليل ..!
Author: Ibrahim Algrefwi
Date: 10-27-2004, 01:55 PM
Parent: #0
الجندرية منذ أيام مافيشه
______
______
لا أعتقد أن السؤال عن أماني " الجندرية" يهدر من الباندوث.!
هذا ان لم يدعمه باطيب الحكايا والمواقف " النظرية" وبالحروف المؤنسنة .!
......
......
لأماني علاقة طيبة بالكتابة ومسألة الثقافةو"موضعها" وعندها أماني تليق بالادميين .!
وبالسودان " الذي كان ".., والمحبة وبالتوثيق ..!
والحظ مع ذلك أهتمامها " المقدر" بالمسألة الشعرية, يتم هذا بروح مثقفة
وعقل شفاف..!يعجبني للأمانةالتصاقها الحميم بقضايا المراة, الفكر الصوفي والتطور الانساني..!
....
....
في سودانيز أون لاين ياما حمست أناس ودفعت أفكار جديدة واعضاء "انا من زمرتهم" للكتابة حيناً والتداعي المسؤول والحر بتارة اخري , وهي بصيرة.
وتعمل في الموقع بنشاط يخص الصباحات ... دؤوبه لاجل وطنها " المأمؤل"
بالشعر والقصه , المسرح , الاغنية والمديح واحوال الناس هنا وهناك
....
....
قرأت لها بوستات كثيرة لائقة بالاحترام , ومداخلات كانت تضع
الجدول علي مائه , وتفتح اسئلة حساسه ( تجد يدها بكم موضوع
وكمين بوست في اليوم الواحد تكون من اميز المشاركات وأجملها)
سهلة , بت حلال وتسيجها قيم وريفة ,وبصنعاء تُربي اطفالها - وتراث- علي حب الناس والحياة " الكريمة " وتجمع اشعار لشباب السودان
(أخر عهدي بها كانت تجمع في كتاب للمشهد الشعري بالسودان)
...
...
با ختصار أماني مُلهمة ... حساسة , وكائنة
|
Post: #2
Title: Re: أمــاني عبدالجليل ..!
Author: Ibrahim Algrefwi
Date: 10-27-2004, 02:01 PM
Parent: #1
...
...
ياتري انت فين يا ضنايا
,
|
Post: #4
Title: Re: أمــاني عبدالجليل ..!
Author: Raja
Date: 10-27-2004, 02:07 PM
Parent: #2
ابراهيم العباسي..
ســـلامات كتيرات..
الجندرية كده وزيادة حبتين كمان..
خوفي تكون بتخبز للعيد..
أماني.. اظهر وبان..
يا ابراهيم.. مشتاقووووون
|
Post: #5
Title: Re: أمــاني عبدالجليل ..!
Author: Ishraga Mustafa
Date: 10-27-2004, 02:08 PM
Parent: #2
ابراهيم سلام
ضناك
ضنانا بخير
كنا قبيل مع بنحكى مع بعض فى الماسنجر، هى بخير ولكنها مشغوله جدا بخصوص الكتاب اللى بتعد فيهو
امانى فعلا جميلة
وانسانه
مثقفة وواعية
وتجبرك على احترامها
سنكتب عنها يوما
كما كتبت الآن عنها بكل هذا الجمال
|
Post: #17
Title: Re: أمــاني عبدالجليل ..!
Author: Ibrahim Algrefwi
Date: 10-28-2004, 02:27 AM
Parent: #5
رجاء : مشتاقوووووووووووون ديت انا بذيدها ليك واو وشديد
ماهي الاخبار بحوذتكم , ماهي اخبار الاخبار , ومصر اذيها و رمضان والحُسيني والسيدة أُم هاشم "الله ينفعنا بي جاهها" ... بشكل خاص عنك يا اجمل صحفية في حوض النيل .!
اخوكم : قرمبوز
.....
.....
اشراقة الله يطمنك
وانتي كمان والله بتشرحي القلب .!
وانا لم أكتب عنها أي شئ هذه أقل ملامحها وسامة .!
شكراً يا شاعرة علي وجودك معنا علي الاقل...
اما لو شفتي أماني تاني اخبريها عتابي
|
Post: #3
Title: Re: أمــاني عبدالجليل ..!
Author: محمد الامين احمد
Date: 10-27-2004, 02:04 PM
Parent: #1
Quote:
با ختصار أماني مُلهمة ... حساسة , وكائنة
|
قصدك انسانه
.
.
الاخ ابراهيم ، فى سؤال كهذا يتمدد الباندوث
و التحية للجميع
|
Post: #6
Title: Re: أمــاني عبدالجليل ..!
Author: Ibrahim Algrefwi
Date: 10-27-2004, 02:11 PM
Parent: #1
موش بلاي يامحمد
طيب رأيك شنو في الشعر ده تتسحر بيهو
" أنسانة تحشد روحها في دوايه
تفتح في غمام الروح بنين وبنات
تونس همنا الاخير با خر طلقه عن
عن أخر نفس "
,
|
Post: #7
Title: Re: أمــاني عبدالجليل ..!
Author: محمد الامين احمد
Date: 10-27-2004, 03:01 PM
Parent: #1
الاخ ابراهيم
كل هذا الجمال (اتسحر) به وحدى
يا عزيزى هذة وليمة ندعو اليها كل البورداب و الزوار
و نرفع الايادى شاكرين المولى عز و جلّ و نرجوه ان نرى
صاحبة هذة الوليمة بيننا فى وقت قريب
.
.
اتفضلوا
|
Post: #8
Title: Re: أمــاني عبدالجليل ..!
Author: تراث
Date: 10-27-2004, 07:33 PM
Parent: #7
والله فعلاُ اشتقنا ليها . وافتقدناها.
حقو الزول يشوف واحدة غيرها.
|
Post: #13
Title: Re: أمــاني عبدالجليل ..!
Author: Ishraga Mustafa
Date: 10-27-2004, 11:38 PM
Parent: #8
حقو الزول بشوف واحدة غيرها.
قلت شنو يا تراث؟ مالك داير تجيب عليك الهواء
الجندرية.. طلعت منه وقال مشتاق والله كويس ظاهرة صحية انو الواحد يشتاق لمرته
كل الود
|
Post: #9
Title: Re: أمــاني عبدالجليل ..!
Author: بدرالدين شنا
Date: 10-27-2004, 07:52 PM
Parent: #1
حبيبي الجريفاوي
سلام ورمضان كريم
أشكرك على سؤالك عن عزيزتنا الجندرية وأناشدها معك للعودة
|
Post: #11
Title: Re: أمــاني عبدالجليل ..!
Author: yumna guta
Date: 10-27-2004, 08:16 PM
Parent: #9
ابراهيم رمضان كريم
بالله ممكن حتة كده اقيف جنبك و اكوريك ليها
تراث ...سلامات
بالله لو داير تغير فك لينا القديم بى جاى محتاجينو شديد والله
|
Post: #10
Title: Re: أمــاني عبدالجليل ..!
Author: إيمان أحمد
Date: 10-27-2004, 08:13 PM
Parent: #1
|
Post: #12
Title: Re: أمــاني عبدالجليل ..!
Author: أبو ساندرا
Date: 10-27-2004, 11:10 PM
Parent: #1
أماني الجندرية ،منتمية بوعي لقضايا الوطن والفن والجمال وكرست وقت غالي لقضايا النوع فإهتمت بوضعية المرأة في مجتمعاتنا المتخلفة والظلم اللذي ترزح تحته من جهات متعددة ، منها القهر الذكوري والصادر عن المؤسسة الدينية وتفسيرها المتخلف والمنحاز.
ألبت وعينا وساهمت بقدر معلى في تثقيفنا بقياي الجندر مع زميلاتها ومنهن إشراقة مصطفى.
تميزت مساهماتها بالرصانة الفكرية ، ولا تخشى في الحق لومة لائم ، وإعتنت بالتواصل الإجتماعي والإنساني ، ونأت عن المشحنات الفارغة والإنصرافية ، والتزمت بالسلوك الراقي الرفيع والدماثة مع الجميع فنالت حبنا وإحترامنا ، وهذا أقل ما تستحق
أشد على يديها إشادة بمآثرها ، وتحية لرفيقها الصديق عثمان تراث
وشكرآ جزيلآ الجريفاوي على اللفتة البارعة
|
Post: #14
Title: امانى
Author: mohmmed said ahmed
Date: 10-27-2004, 11:43 PM
Parent: #1
هلا هلا لمن يبقى الكلام عن امانى عبد الجليل
بدق صدرى واقيف فوق جبل نقم واهتف عرفتها
امانى انسانة
مثقفة ومفعمة بالحب
تزورم فى البيت هى وتراث يقيدوا ليك ايديهم شموع
يضيفوك تاكل وتخزن ويونسوك عن الشعر والابنودى وحميد والقدال والماركسية والجندروالهادى الجبل والقاهرة الفرع واتحاد الكتاب ومجذوب عيدروس اوالمسرح والصوفية
امانى في شخصيتها فى شى محبب هو روح الحبوبة بالعطاء الانسانى والرحمة وتديك احساس انها مسؤولة عن الجميع
اتذكر فى زواج اخونا شمس الدين فى صنعاء بعد ما لبس البدلة ومارق للعرس جات جاريا وب على يا شمس الدين تعال اكحلك يا حليلو امى ما فى تكحلو اكحلو انا
امانى حظيت باحباء احطوا بها اخذت منهم الحب فشع من حوله والداها المربى العظيم عبد الجليل زوجها تراث اخوانها محمد واسامة عمر وطارق اخواتها بتول وهالة
|
Post: #15
Title: Re: أمــاني عبدالجليل ..!
Author: ودقاسم
Date: 10-27-2004, 11:51 PM
Parent: #1
تذكرت :
حليل الكان بيهدي الغير صبح محتار يكوس هدّاي ..
الجندرية كانت ترفع نداءاتها فيستجيب لها البورد في لحظة ،، ولم أر في البورد أحدا يستجاب له أسر مما يستجاب للجندرية ،، والغريب أن عثمان تراث يرفع صوته مع الآخرين لكن هؤلاء الآخرين ليس من بينهم الجندرية ،،
على العموم هي منذ فترة طلبت معلومات عن أدب الشباب أو التسعينات أو شئ من هذا القبيل ،، وجاءتها الاستجابة سريعا ،، وأكيد هي مشغولة بتحليل المعلومات التي وصلتها ،،
وبعدين هي غابت اسبوع أو أقل ، تجي يا ابراهيم تكتب ليها نداء وتبحث عنها في كل الاتجهات ؟ خلوها تسكت شوية من طلباتها الكتيرة ،، وفعلا هي ستدخل قريبا في موضوع خبيز العيد ،، وخلينا نشوفك بعد العيد يا جندرية ،، قبل العيد ما في داعي ،،
ما زلت أحسدك ..
|
Post: #16
Title: Re: أمــاني عبدالجليل ..!
Author: Amin Elsayed
Date: 10-28-2004, 01:21 AM
Parent: #1
| Quote: وفعلا هي ستدخل قريبا في موضوع خبيز العيد |
|
Post: #18
Title: Re: أمــاني عبدالجليل ..!
Author: Ibrahim Algrefwi
Date: 10-28-2004, 02:44 AM
Parent: #1
تراث : أهل مكة , افيدونا بلاهي عليكم ... لو وحشتك شوف طوالي وسلامي لهبو واحترامي لكل من بجوارك ..!
البدري : اذيك يا خال ..مُش عليك الله أماني دي من النوع المنتاز
يمني قوته : أنا ليه بقيت ما بشوفك ؟
أيمان : أين أنتم يا اصدقائي .! وكمان
الصديق الأنيق عبدالرحمن بركات حاف كدة . لك ودي الحار "أتمني ان يصل "
Quote: أماني الجندرية ،منتمية بوعي لقضايا الوطن والفن والجمال وكرست وقت غالي لقضايا النوع فإهتمت بوضعية المرأة في مجتمعاتنا المتخلفة والظلم اللذي ترزح تحته من جهات متعددة ، منها القهر الذكوري والصادر عن المؤسسة الدينية وتفسيرها المتخلف والمنحاز.
ألبت وعينا وساهمت بقدر معلى في تثقيفنا بقياي الجندر مع زميلاتها ومنهن إشراقة مصطفى.
تميزت مساهماتها بالرصانة الفكرية ، ولا تخشى في الحق لومة لائم ، وإعتنت بالتواصل الإجتماعي والإنساني ، ونأت عن المشحنات الفارغة والإنصرافية ، والتزمت بالسلوك الراقي الرفيع والدماثة مع الجميع فنالت حبنا وإحترامنا ، وهذا أقل ما تستحق
أشد على يديها إشادة بمآثرها ، وتحية لرفيقها الصديق عثمان تراث
|
بالظاااااااابط .,
تسلم أبوي
محمد سيدأحمد : سلام يا ريس , وأماني حنينة تقطع القلب وما وش غربة
ودقاسم : هل سبق واخبرتك بانك رجل مهم ومفيد علي الاقل بالنسبةلي ثم أن اماني لو ما جاءت يحدي العيد سيجف البورد هذا وربنا يشهد ...
ويا امين السيد بعد سلامي خبيز وجمعة كده أ/اني بتجي راجعة
|
Post: #19
Title: Re: أمــاني عبدالجليل ..!
Author: أبو ساندرا
Date: 10-28-2004, 09:59 AM
Parent: #1
1-ودقاسم
قلت { قبل العيد مافي داعي }
منو القال ليك نحن عايزنها في رمضان ده! وإنت كان في الصيام مقيد ومصفد نحن ذنبنا شنو ، .
ما شايف البورد فاقد المذاق والنكهة ، الحسادة كعبة
2-تراث
يا ولد أرعى بقيدك ، دي المرة التانية تعبر عن رغبة تعدد ، غايتو التالتة ثابتة والشافك مفلق ما كضب
3-إبرهيت { الجريفاوي}
{ ودنا الحار ...زينة الدار } كانت لي في الجريف ذكرى مع أصدقاء من الجبهة الشعبية الإرترية ،
|
Post: #20
Title: Re: أمــاني عبدالجليل ..!
Author: طلال عفيفي
Date: 10-28-2004, 05:33 PM
Parent: #19
أماني !
فيها لطف وأنس,وبها دأب على الآدمي .
حنانها نشيط وروحها وريفه.
حضورها مهم, فهو غالباُ ما يوازن الامر.
وانت يا ابراهيم قلت الفيها ..
انت كمان جميل وبهي .
...
طلال
|
Post: #21
Title: Re: أمــاني عبدالجليل ..!
Author: hala guta
Date: 10-28-2004, 05:42 PM
Parent: #1
Amani
|
Post: #22
Title: Re: أمــاني عبدالجليل ..!
Author: Nada Amin
Date: 10-28-2004, 06:07 PM
Parent: #1
يا أماني كل البيحبوك في إنتظار طلتك الزي هلال العيد
و ياريت تكون كمان بخبيزها
إذ جاءتنا الأخبار من ود قاسم إنك مشغولة بخبيز العيد
ما تحرمينا من الطلة و من خبيزك المعرفي
|
Post: #23
Title: Re: أمــاني عبدالجليل ..!
Author: nada ali
Date: 10-29-2004, 05:36 AM
Parent: #1
الاخ ابراهيم الجريفاوى
شكرا على هذه اللفتة البارعة
امانى الجندرية كما كتبتم و اكثر
و لهذا نحبها و نحترمها و نفخر بها
تخريمة
يا استاذ تراث نتحفظ بشدة على جملتك الثانية
|
Post: #24
Title: Re: أمــاني عبدالجليل ..!
Author: أبو ساندرا
Date: 10-29-2004, 10:01 AM
Parent: #1
تراث
يا صديقي الطبيعة لاتقبل فراغ ، لو حاسي بفراغ أو في حتة كده فاضية ، طوالي أملاها زي ماعايز
|
Post: #25
Title: Re: أمــاني عبدالجليل ..!
Author: الجندرية
Date: 10-30-2004, 00:39 AM
Parent: #1
حبان قساي
وشريكات بلاي
ما يفقدوكن / م بي شينة
عارفني بلاكن / ما ما بسوى قشرة بصلة
بس شوييييييييية كدا امتن عصيدتي واجي
ادعو/ ن لي تنجض قوام قبل رمضان يخلص عشان اجي كيتن كدي في ود قاسم
|
Post: #26
Title: Re: أمــاني عبدالجليل ..!
Author: tmbis
Date: 10-30-2004, 00:52 AM
Parent: #25
قرمبوز ..
انا قاعد افتش عليك انت زاتك ..
وينك ؟؟
اماني ؟؟
يا
اماني ؟؟!!
معقولة في كل الافتراضات ما فيشه ؟؟
عارفه المسالة بعد تتعدي التلاتة ايام الواحد بيدخل في حته ضيقه جدا وانت ما فيشه ..
اظهري كمان ..
|
Post: #27
Title: Re: أمــاني عبدالجليل ..!
Author: Ibrahim Algrefwi
Date: 10-30-2004, 05:55 AM
Parent: #1
سلام يا ناس أماني زمانها جايه بعد شوية
ندي وندي , وهالة وطلال ودقاسم تراث وتمبس والجميع أماني تستحق شيئاً يشبه التحايا الوسيمة .. اليس كذلك .!
...
...
|
Post: #28
Title: Re: أمــاني عبدالجليل ..!
Author: Ibrahim Algrefwi
Date: 11-02-2004, 06:20 AM
Parent: #1
لسه
|
Post: #29
Title: Re: أمــاني عبدالجليل ..!
Author: طلال عفيفي
Date: 11-02-2004, 04:14 PM
Parent: #28
أماني عبد الجليل :
افتقدناك .
...
طلال
_____________________________
* غجريه : فحم على ورق .
بيد : Alexander Rosenfeld
تم توقيعها في 1927 / بولندا .
|
Post: #30
Title: Re: أمــاني عبدالجليل ..!
Author: الجندرية
Date: 11-03-2004, 03:21 AM
Parent: #1
وصلنا ؟
شدر الحنة
تقدروا / ن تقولوا / ن دي طلة صغيرونة كدا
عشان ابل شوقي في حباني واغيظ ود قاسم
بكرة حاعرض الفصل الاول من ( بعض من رزاز النيل ) في منتدى النيلين في صنعاء
واحاخذ طبعاً بملاحظاتهم / ن
وبعدها حاكمل اخبز للعيد
واواصل في الفصلين الباقين عشان اسلم لانه الناس ما قصرت معاي خالص
يلا دعواتكم/ن
بس لو غبتا خلو روح كلامكم /ن الجميل دا طايفة حولي طوالي كدي
|
Post: #31
Title: Re: أمــاني عبدالجليل ..!
Author: طلال عفيفي
Date: 11-03-2004, 03:25 AM
Parent: #30
أستاذه أماني ..
أتمى لك كل التوفيق ..
والرضا ..
أنا متأكد من كونك ستكونين مرآة هذه المواهب الناصعه .
...
طلال
|
Post: #33
Title: Re: أمــاني عبدالجليل ..!
Author: Eima
Date: 11-03-2004, 04:35 AM
Parent: #31
بت الكبدة والمصران
القالوا شوية عليك ياجميلة
بكفى فى حوش ذى دا انك تكونى مصدر ثقة واحترام الكل
اتزكرتك يوم الجمعة الفاتت وقفت فى خطبة الجمعة
فى تلفزيون السودان كان عصام أحمد البشير بيخطب فى جامع الشهيد
وكانت جمعة محضورة بالمسؤليين شايفة عمر البشير وعبد الرحيم محمد حسين وغيرهم 00 المهم كان بتكلم عن انواع الاستعمار الجديد واشكالوا والهجمة لطمس الهوية الاسلامية والكلام داك وقال الجندرة والجندر وطبعا لزوم ابتزاز عواطف المصليين اتكلم عن المثليين
قلت امانة يا أمانى ما راجيك كتير
|
Post: #32
Title: Re: أمــاني عبدالجليل ..!
Author: mohammed alfadla
Date: 11-03-2004, 04:00 AM
Parent: #1
أماني
بالقطارة يعني،أهو منتظرين
رمضان كريم
|
Post: #34
Title: Re: أمــاني عبدالجليل ..!
Author: الجندرية
Date: 12-30-2004, 11:56 AM
Parent: #1
العزيز طلال
ايما الجميلة
محمد الفاضلابي
وكل المشاركين / ات
وطبعاً قرمبوز
كثير امتناني
وامنياتي بعام قادم كما تتمنون / تتمنيين
|
|