Post: #1
Title: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-03-2004, 03:10 PM
Parent: #0
وبعد أن اشتعل قلبهُ بياض الحليب والراسُ بالعصافير وبالنوافذ
غني محجوب شريف من داخل الحجاب قوافلٌ وجهتها النور.غني للعلم والسلم وكُل البنات أرضعنا من ثدي "اوكسجين الحياة اليوماتي"
وغني لأجل...
صبايا وصبيه يمرحوا في صباح الغد
.....................
...............
خفاف ولطاف
... ...
"خفاف ولطاف" في قلبي و"ياقلبي شويه شويه" لا أخف ولا الطف منهن
كُن بنات من جمر ينُضج لحم الاماني ,كانت ألوان الطيف دون جراثيم , وبكل الاماني المشروعه لأجل الحياة
..............
كالبلوم في فروعهن غنن ..
زحف صوب الفرع الجدب والاصفر
مجموعة الوان الطيف الغنائيه "المشروع الذي ذُبح بفعل العفن الاسلاماني عالي الدسم فحسم عنا الالوان وترك لنا الطيف..!
اذكر علي قلب صباي وطفولتي حُلم بنات الحي "يغمضن عين لتفتح علي باقه الأنوثه المدرسيه -حديثه الصدر والضفائر- عضوات في بستان الأمل المُسمي هكـــــــــذا
..ألـــوان الطــيف..!
كُن صغاراً عن النهر الادفقاً ونضار ,كان الشاطي يعج ببنات لذات الضفة يشتهين كُل بنات الحي
صلة مميزه بالضؤ "وغني تلميذه صباح الجُمعه" ولهم من ساره طعمُها القمحي النبيل ومن داليا اختي كراهيتها للمشط وكتاب المطالعة وشوك ال"تمر هندي" ومن حُبها للحجله فالاناشيد و"نط الحبل" وعلاقه مُبهمة ب"طين البحِر"
عن فلسلفه تنتمي لمدارس الحُلم والالوان وابراج الحمام وبالطبع موضوع الجمال والمصابيح جميعها,كان المسير المسير الذي يحكُم سبع من طلائع الاصيل
وكان حبلٌ لطيف في رأسي يربط الوان الطيف بوجه فردوس عبدالحميد-التي كُنت اظن دون أثم انها خالتي ربما لان امي اسمها لدي النهار ساميه عبدالحميد واسمها السري ( أُمي ).
ومن الاسماء السريه للأرض والناس والمسره اسم الوأن الطيف .وموسيقي محبه للناس,غنت الوأن الطيف بالاسود والابيض وبكل الالوان ودائماً بقُزح
أنشدت البناتُ للبيئة والسلام والسلام وللتعليم والصحه وغنتالطيف لحبوبة وكُل الاحاجي ...
للحُُب والحنين واسماء الله والبلوم ولخصائص الالوان وتراث الحقول وحقوق الشجرواوراقه في الحياة لاجل اجيال قادمات
فتحن أعين بناتً من ندي وضفائر علي أخضر الاشياء
وقلوب فتيةُُاّمنو بالغليان لأجل مذيداً من الورد
غنت
ونحن حفظنا الوانهن وضفائرهن "بضنب الحصان" عن ظهر قلب ,غناءً لمهرجانات الحصاد واعياد الون والعناق والشمس والشجر والتراب
ولسماء ازرق ...أزرق كالعمل اليومي.
لاقتراح انسان جديد بسلطة الخصب والماء المسرح والاناشيد والابتسامات النبيلة
أمين صديق -شملتهُ مغفرة الورد- وأدعوه بالصحه ودوام الحلم شاعراً يشعُر بضرورت الاداء ,بوقت العمل,وب"جدادٍ يلقطُ الحب والاوكسجين
لماذا لانفتح ابوباً جديدةّ؟؟!
ابحثُ دائماً بقربي عن الوأن الطيف
وعن بنات لم اكنُ أحسب انهُن يذهبن الي المدرسة..!
|
Post: #2
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-03-2004, 03:23 PM
Parent: #1
انا ضاع مني تسجيل كاسيت لي الوأن الطيف !!!
ممكن تساعدوني عليهن
|
Post: #3
Title: Re: ألوان الطيــف...حُلم الصبايا ...لا للـجـفاف
Author: معاوية كرفس
Date: 06-03-2004, 04:02 PM
Parent: #2
عييييييك .....
بالله يا قرمبوز إنت من زمن ألوان الطيف
ما تزعل
حأسكتك بي حاجه قريبة منهم
فرقة نفاج وبرضو محجوب شريف
|
Post: #5
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-06-2004, 12:06 PM
Parent: #3
كرفس وين انته انته خليت الناس ولا شنو
والله ياريت تسكت اشواقي دي ياخ
برجاك برجاك هواك ملكني ...برجاك برجاك
|
Post: #4
Title: Re: ألوان الطيــف...حُلم الصبايا ...لا للـجـفاف
Author: الجندرية
Date: 06-04-2004, 06:26 AM
Parent: #1
****
|
Post: #6
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-06-2004, 12:07 PM
Parent: #4
يعني شنو يعني يعني فوق وبس
اديك العافيه كُلها يااماني وما يخلي لي حاجه
|
Post: #7
Title: محجوب يغني للاطفال
Author: Ibrahim Algrefwi
Date: 06-07-2004, 10:17 AM
Parent: #1
ياقلبي
هذا مجنون وطفولي وشاعري وعميق ومدق
دق دق ادق دق دق دق
وأنا قلبي مدق
وهن كالانسان.. لاشق لاطق
أحبكم يامعاوية جملة
واحب محجوب بالقطاعي
|
Post: #8
Title: Re: ألوان الطيــف...حُلم الصبايا ...لا للـجـفاف
Author: الجندرية
Date: 06-07-2004, 10:24 AM
Parent: #1
لو ما نزلتو لي لنك الحفظ
بجيب يد المدق
وبلم فيك انت وماو صاحبك دا بكسر البلقاه قدامي
فاهم ؟
|
Post: #9
Title: Re: ألوان الطيــف...حُلم الصبايا ...لا للـجـفاف
Author: معاوية كرفس
Date: 06-07-2004, 03:10 PM
Parent: #8
لالا لا لا لا لا
هاكي ليها
نفاج .... عندي مدق
|
Post: #10
Title: Re: ألوان الطيــف...حُلم الصبايا ...لا للـجـفاف
Author: الجندرية
Date: 06-07-2004, 03:51 PM
Parent: #1
معليش يا معاوية
جات فيك ؟
ياخ الف شكر
والله لطفك دا طير لي باقي شكلتي لقرمبوز
بس كلمه يرسل الكتاب سمح ؟
|
Post: #11
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-08-2004, 02:06 PM
Parent: #10
اها تاني دايره شنو
بعدين الكتاب رسلتو ليك وحاة الله لو ما مصدقاني اسالي محمد المهدي بشرُي
ناس المطار ديل دي المرة التانية يعملوها معاي
اقول ليك اكتبي لي العنوان تاني
|
Post: #12
Title: Re: ألوان الطيــف...حُلم الصبايا ...لا للـجـفاف
Author: الجندرية
Date: 06-09-2004, 09:04 AM
Parent: #11
يا ود ما تبطل امورك دي ؟
طيب دا العنوان
اليمن
صنعاء
ص ب ( 105 )
عثمان محمد أحمد
ومنه لأماني عبد الجليل
اها الموية بتكضب الغطاس
|
Post: #13
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-09-2004, 01:20 PM
Parent: #12
والله رسلتو والله كده ده
أسه انا القروش دي بلقاها في الحركه الشعبيه (يعني واقعة) .
لكن نجرب تاني
عايني أماني أنتي وين الناس مشو
انعل ابو الما مسنجر
خلونا في الوان الطيف ديل
|
Post: #14
Title: Re: ألوان الطيــف...حُلم الصبايا ...لا للـجـفاف
Author: Dia eldin khalil
Date: 06-09-2004, 01:49 PM
Parent: #1
رسالة الى مريم محمود
ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب
حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
|
Post: #15
Title: Re: ألوان الطيــف...حُلم الصبايا ...لا للـجـفاف
Author: Dia eldin khalil
Date: 06-09-2004, 01:52 PM
Parent: #1
طريق الشعب
ya nas ma7gooob shareef alla yediho al3afia da bigoool alkalam 7ar wa 7iniaeen
طريق الشعب أوسع من زحام الضيق
وقلب الشعب أرحب من رحاب الضو
ونبض الشعب كل حلم براه يتم
شجر متشابك الهامات
جيلاً جاي حلو الشم
صبايا وفتية يمرحوا فى صباح الغد
عيونهم برقهن لماح
سوالم رد
وتطلع من شقوق الأرض
آلاف المدن قامات
يطلعوا من قلب الحجر الصم
خفاف ولطاف
ثعابيناً أوان الجد
دفاعاً عن حياض السلم والإفصاح
سلموا ليَّ عليهن جملة
حتى اللسة قبل الخلق والتكوين
صناع الحياة اليوماتي
ملح الأرض
نبض الشعر والموسيقى والتكوين
هدامين قلاع الخوف
كانت هذه الدراجة يوماً ما.. كلاشنكوف
وما بين منارات السمّع والشوف
نقاشين جدار الصمت
نساجين خيوط الشمس
كهربجية الظلمات
وأجمل ما تكون الدنيا
رسامين وحفارين مجاري العصر
نصراً نصر
مقدامين زمانهم فيه ضبط الوقت بالتقدير
شروق الشمس بالإنجاز
حروفهم وا حلالي
تشمهم ترتاح
حا.. حرية
تا.. تغيير
جـ.. جدار
ك.. كتاب
س.. سمار وسكة حديد تهز وترز
با.. بحارة بحراً عبَّ وثار
واو.. وطن مدرار
جرت تتلاحق الأنهار كما تتلاحق الأعراف
كما تتصافح الأديان
كما تتمازج الألوان
هجيناً من سلالات الفخار والعز
مرور النسمة وأيضاً هزة الإعصار
علم فى نشرة الأخبار
وهيبة على امتداد الكون
وعلماً فى حماه الورد
حتى الزهرة والمريخ
شبح حرب النجوم ينزاح
أيادي القهر خلف الظهر مكتوفين
أفاعي السمت حيث مزابل التاريخ
|
Post: #16
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-10-2004, 11:59 AM
Parent: #15
ضياء
محجوب المحبه والسلام والعصافير
والوان الطيفQuote: نساجين خيوط الشمس
كهربجية الظلمات
وأجمل ما تكون الدنيا
رسامين وحفارين مجاري العصر
|
لك مني الشمس والضياء
|
Post: #17
Title: Re: ألوان الطيــف...حُلم الصبايا ...لا للـجـفاف
Author: معاويه بشري
Date: 06-10-2004, 12:51 PM
Parent: #1
ابراهيم ..سلام
غني المحجوب سر الحياه شعرا ..واذددنا تمسكا بها
المحجوب(نعمه فينا )
الوان الطيف (غابن)
البلابل (غابن)
ال ..ال..ال..(غابن)
نحن اتنشلنننننننننننننا عينك ياتاجر
|
Post: #18
Title: Re: ألوان الطيــف...حُلم الصبايا ...لا للـجـفاف
Author: معاوية كرفس
Date: 06-11-2004, 04:58 PM
فووووق
|
Post: #19
Title: Re: ألوان الطيــف...حُلم الصبايا ...لا للـجـفاف
Author: Ibrahim Algrefwi
Date: 06-12-2004, 03:34 PM
Parent: #1
كُل الوان " لموازنة الكاشف كُل الاشواق"
ماو ومعاوية
لنبحث عن ورودنا في دهاليزم
ونغُني
ونغُني
ونغُني
|
|