Post: #1
Title: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-10-2006, 08:43 AM
Parent: #0
__________
ذكري البابونج ، رسم الكتروني
مثلثات علي دوائر علي حاجات عميقة
تم توقيعها بامدرمان 2006يوليو ...
|
Post: #2
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-10-2006, 09:00 AM
Parent: #1
الخرطوم - أمدرمان الاثنين 10-يوليو
شهدت الخرطوم ميلاد الفنان التشكيلي الفذ سفيان نابري "ابوطاقية"...
بعد ان دشن لوحته الاولي التي صدرت باسم " ذكري البابونج" باستخدام أخر برامج الرسم والتلوين الكتروني .وهي عبارة عن انفعالات علي خلفية زرقاء وجميلة تشبه حلمه الدوؤب بالدولة الشاطية الجميلة ، ومن المتوقع ان تُثير لوحة سفيان الاولي والاخيرة انتباه النقاد والمهتمين بحركة الرسم علي الدقون في البلاد ، الجدير بالذكر ان الاستاذ سفيان قد استبدل الطاقية القديمة "الدكاكيني" بواحدة بيضاء قطنية عليها خطوط سوداء جميلة تساعد علي التاملات التي تدخل في اطار اهتمامته الجديدة ...
ابراهيم الجريفاوي . سودانيز اون لاين . الخرطوم
|
Post: #3
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Adil Osman
Date: 07-10-2006, 09:09 AM
Parent: #1
شغل جميل يا سفيان نابرى
تعرف لم ار من قبل نبات بابونج. فذهبت الى صديقى قووقل الذى اسعفنى بهذه الصورة
هل هناك بابونج فى السودان يا جريفاوى، يا سادن الجمال والابداع فى الخرطوم؟
|
Post: #4
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Hussein Mallasi
Date: 07-10-2006, 09:17 AM
Parent: #3
الاصوب وضع الصورة هكذا؛
و ليس كما اوردها المراسل الثقافي من امدرمان!
|
Post: #7
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-10-2006, 03:11 PM
Parent: #4
حج حسين
ماشي ياعم لو شائفه كده مامافي مشاكل ...
طبعا حركة "الفن" الحديثة دي بتعتمد علي النظر من مختلف الزواية ...
والحكاية كلها احساس ...
|
Post: #6
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-10-2006, 03:02 PM
Parent: #3
هو ده المدعو بابونج شخصياً ...
ومنور كده مالو ، عامل ذي ايسكريم بوظا كده...
عاشت الورود والله ياعادل وعاش دعمك الامتناهي للجد والهزل
أما بخصوص سؤالك عن البابونج موجود في الخرطوم ام لا ؟ فعلمي علمك ، ولكن أخونا الكاتب المصور طلال عفيفي مرة كده عزمنا في كوبر "منزلهم الكائن" علي شراب كده جميل جدا ويأخذ ساخن وقال ده اسمو : زيت زهرة البابونج ، وأنا والحق يقال كنت اظن ان الولد الف الحكاية دي من عندياتو ، المهم الشراب داك كان فنان ، مما استدعي ذاكرة استاذ سفيان لتخزين ذكراه ...
...
...
هامش:
أتمني كم أتمني ان أراك في الخرطوم في اسرع مايكون
"الهي قريب تجيب دعوة الداعي "...
|
Post: #5
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-10-2006, 11:21 AM
Parent: #1
تحياتي ...
يا قرمبوز سلام ياخ ليك ...
ذكري البابونج هي ذكري في رأسي دون أن اري البابونج كزهرة، فقط في أمسية
محتشدة بشجن الاصدقاء وزيارات (انصاص اليالي) احتسيت دن دافي من البابونج
وظللت لفترة من تلك الامسية اتلصص مذاقه بداخلي واتصور له شكل ولم يسعفني
وطني أن اري هذه الزهرة فعدوت الى صديق (عادل عثمان) السيد (قوقل) فاعطاني
الزهرة ولم يعطيني ليلتي تلك ولا الاصدقاء .
هذه الزهرة المتخيلة في الاساس وضعها الرئيسي هو الذي قال به الحاج / حسين
ملاسي وهو الوضع الرئيسى (صاحب قدمين احداهما في الارض والاخري تؤكد المسير)
لان تلك الامسيه كانت أمسية للمسير الروحي وسريان الاصدقاء ومشاوير للمحاببة
والحديث المفعم بالآمل والامنيات .
لا استطيع أن اقول اني تشكيلي أو فنان أو أدعي مثل هذه الامور التي تحتاج للكثير والكثير جداً ، لكني استطيع أن اقول لا يوجد ما يمنعي من التجريب .
فقط يا اصدقاء هي مجرد ذكري لامسية تطوف في خيالي الي الان .
قرمبوز..
عادل عثمان..
ملاسي..
لكم الود ..
|
Post: #9
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-10-2006, 03:28 PM
Parent: #5
سفيان ياخ ما تخلي تواضعك الشديد ده
انت والله فنان فن شديد ، أفنن حاجة حصلت ،
حتي بالامارة ، هاكم الرابط :
________
________
الافكار طيور والروح مشربكة غابة
_____________
اسم اللوحة "الافكار طيور والروح مشربكة غابة"
تاملات لجملة وردت في نص "خطة"للشاعر محمد الفاضلابي سكن الله غربته بالبنين والبنات.
|
Post: #8
Title: Re: ذكري البابونج ، لوحة للفنان التشكيلي \ سفيان بشير نابري ...
Author: حمد فتح الرحمن
Date: 07-10-2006, 03:23 PM
Parent: #1
Quote:
قرمبوز..
عادل عثمان..
ملاسي..
|
سفيان طبعا
و اللوحة
و البابونج
ايضا
لكم الود جميعا ..
|
Post: #16
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-13-2006, 07:03 AM
حمد ياحمد يالعزابة :
ماهي الاخبار ياصديق في الحجاز .
شفت اخر تطورات صاحبك سفيان ،
بقي ملوناتي ...
|
Post: #21
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:32 AM
Parent: #16
ســوما,,
ياناس كان قمنا صدقنا بتتعبو
والعاقبة عندكم في المسرات .
|
Post: #20
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:28 AM
حمد حمدنا ونحنا احبابو
شايفك بتناضم في الجريفاوي
يازول مش كلمناك ووديدي؟؟
طيب ياما ح تشوف !!!
|
Post: #10
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Soumeta
Date: 07-11-2006, 03:59 PM
Parent: #1
This is Something!
|
Post: #17
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-13-2006, 07:19 AM
Parent: #10
This is Something!
سفيان ، أبشر يا أستاذ ، اهل الذكر كمان 
|
Post: #22
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:37 AM
Parent: #17
Quote: لكن يا سفيان ما تقول لي
الـ Abstraction عندك والله ..
أتنبأ لك بمستقبل تشكيلي باهر
|
زين الدين زيدان شخصياً!!!
زارتنا الكروت الحمراء
ونهاية الاسطورة والكورة
يا تيسر اوعه تشجعيني علي المسألة دي
نهايتي فيها ح تكون اسواء من نطحه.
ولا اراك الله مكروه في عزيز عليك .
|
Post: #11
Title: Re: ذكري البابونج ، لوحة للفنان التشكيلي \ سفيان بشير نابري ...
Author: تيسير عووضة
Date: 07-11-2006, 06:40 PM
Parent: #1
لكن يا سفيان ما تقول لي
الـ Abstraction عندك والله ..
أتنبأ لك بمستقبل تشكيلي باهر
خصوصاً مع الناقد الفني المخضرم
إبراهيم الجريفاوي ,,
لو الكلام الفوق دا صحي
يبقى الفن التشكيلي في خطر 
|
Post: #12
Title: Re: ذكري البابونج ، لوحة للفنان التشكيلي \ سفيان بشير نابري ...
Author: غادة عبدالعزيز خالد
Date: 07-12-2006, 01:48 PM
Parent: #11
الأخ العزيز
سفيان
لم اكن اعلم ان لديك هكذا مواهب
تعرف,
كنت قديما لا احب مثل هذة الرسومات
احس اننى لا افهم المعنى
و المغزى خلفها
ثم اكتشفت ان هذا اجمل
ما فيها
ان تسرح
و ان تقيم
و ان تحاول الوصول
الى ما يعنية الرسام
و ليس هذا فحسب,
بل و لما تعنية الصورة للمشاهد
نفسة, و التى قد تختلف
عما يعنية الرسام نفسة
خالص الود
و اتمنى ان ارى المزيد
و الشكر لك يا اخ ابراهيم
على هذا البوست
و على التعريف
غادة
|
Post: #23
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:43 AM
Parent: #12
غادة عبد العزيز,,
كيفك وهاشم والصبيان والاسرة الكبيرة المعاك هناك؟!
ياغادة تدعميني جنس دعمك ده هسع يجيني (الهندي) ناطي
تعال ارسم لينا في اخر لحظة ومية في المية ح يرسل الولد
(ايدام) يعلق بوست احتمال (بمليارات).
غايتو دنيا،،
|
Post: #19
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Ibrahim Algrefwi
Date: 07-13-2006, 04:10 PM
Parent: #11
اسه ياتيسير
لوحتين بس دخلوك في شكك
لو سفيان ده قرر يعمل معرض ، حتمشو من الله وين !
|
Post: #13
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Adil Osman
Date: 07-12-2006, 03:01 PM
Parent: #1
جريفاوى
سلام
ان شاء الله نتلاقى فى الخرطوم ونمشى لى طلال يعزمنا شاى البابونج
الاخ سفيان
كيف بترسم؟ بكون عندك فكرة مسبقة؟
ولا بتتفاعل مع شاشة الكمبيوتر وعفوية اللحظة spontaneous?
|
Post: #14
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Salma Daoud
Date: 07-13-2006, 01:28 AM
Parent: #13
يا شباب...
وبدون زعل...
.
.
.
.
إنتوا جادين!!! 
|
Post: #15
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Salma Daoud
Date: 07-13-2006, 01:39 AM
Parent: #14
| Quote: الافكار طيور والروح مشربكة غابة |
أنا بقترح ليها إسم:
"جننتوا الpaint جن!"
|
Post: #18
Title: Re: ذكري البابونج ، لوحة للفنان التشكيلي \ سفيان بشير نابري ...
Author: ابوبكر الامين يوسف
Date: 07-13-2006, 10:48 AM
Parent: #15
:
الجميع لكم التحايا النواضر
تعرفى ياسلمى كل مرة ادخل واطلع
وسؤالك ده وقع لى فى جرح ...انتو جادين
صديقى سفيان لك التحية ياوحش
|
Post: #25
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:53 AM
Parent: #14
سلمي داود,,
انتي تتجازي !!
قاعده لينا في (الخرزه)
هسي الحساده شنو ما تخلينا نحلم!!
وكمان طلقتي فينا ابوبكر ؟!!
ياخ ده وحش ومر .
|
Post: #24
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:50 AM
Parent: #13
عادل عثمان ,,
دعمك عجيب ولا محدود ب(كفتيرتو) كمان
يا صاحبي الموضوع بسيط اهو من زمان
كل زهجة اشخبط يعني لسع معاي هوايات
من الطفولة وكل هواياتي الخاصة الطلعته
بيها هي (تصفيف الشعر) وحبة شخبطة اسميها
اسامي كده يكون عندها علاقة بذكريات المهم بريح
روحي للاخر وكمان حبة قراية ..واهو الواحد بقي عندو
علاقة مع الكمبيوتر اليوم كلو قاعد قدام الشاشة
وبقيت اشخبط عليهو وارسم وادي الرسمات اسامي
اتسلط علينا قرمبوز ده وقال نفرفش حبتين ونطلع
من جو الدبرسه والاحباطات وطلما ذكريات قلنا نتزكر
لكن نصيحة لي الله بعد كفتيرتك السمحه دي اعملو حسابكم
يمكن اصدق وامسك فيها وكان قلتو يافكيك ما اظن تنحلو!
|
Post: #26
Title: Re: ذكري البابونج ، لوحة للفنان التشكيلي \ سفيان بشير نابري ...
Author: سفيان بشير نابرى
Date: 07-14-2006, 01:58 AM
Parent: #24
يا جماعة التشكيل والرسم
حاجة صعبة وما ساهلة
انا بحبو جداً لكن ما تشكيلي
ولا (بشكيليك) كل الشغلة ومافيها
قاعد طول اليوم من 8 صباحاً ل12مساء
قدام الكمبيوتر وبس.
لكن نشكر الدعمونا شديد..
اما ناس تيسير وابوبكر الامين وسلمي داود
انشاءلله يخشو الجنة !
|
Post: #27
Title: Re: ذكري البابونج ، لوحة للفنان التشكيلي \ سفيان بشير نابري ...
Author: ابوبكر الامين يوسف
Date: 07-17-2006, 04:14 AM
Parent: #26
صديقى سفيان تعرف ادخل واطلع
ومرة ارجع ياربى سفيان قصتو شنو
اقول افهم يغلبنى الفهم
جات سلمى وختت لى النقط فوق الحروف
حتى استوعبت الحاصل
:
:
:
اخبارك مقطوعة
|
Post: #28
Title: Re: ذكري البابونج ، لوحة للفنان التشكيلي \ سفيان بشير نابري ...
Author: Salma Daoud
Date: 07-26-2006, 07:05 AM
Parent: #27
حتى لا يجاهر الاخ سفيان باتهامي بالتخريب المتعمد..
والإستخفاف بالمواهب..
وتدمير الطاقات الإنسانية المخزونة لديه..
قلت أرفع ليهو البوست لأدلل على إيماني بإنه..
.
.
.
.
.
It's a free country
|
|