سُعـــاد ...

سُعـاد ماسي ...

مغنية جزائرية ،فرنسية ، عازفة جيتار ، تؤلف الاغاني والالحان الساحرة ...

حلوة

حلوة وغناها كمان يا هشام حلو ...

ولدت في الجزائر 1972 م ، ويُسرت لما خلقت له ، للعذاب البهيج
كانت البنت الجزائرية الصغيرة تحس بانها ستصبح مغنية ،

الأن تعيش في باريس ...
...
...
تتمتع سعاد بصوت مُضيء ممزوج باسلوبها الجديد في مزج
الموسيقى العربية خصوصاًالايقاع الجزائري مع الموسيقى الغربية
الحديثة وخاصة الريغي والفلامنكو.

...
...

She has a golden voice and a sparkling talent.
She creates a delicate and harmonious Algerian
folk rock with activist and sensitive lyrics.
Each song is particular and reminds
us of
Joan Baez’s and Tracy Chapman’s
rebellious and melodious worlds

الكلام عن سعاد نقلاً عن موقع الموسيقي الفرنسية ...

...
...

وتشبه بعض اغانيها الهادئة اسلوب المغنية الشهيرة جون باييز. وتريسي جابمن
وتختلف موسيقاها عن موسيقى الراي الجزائرية التي اكتسحت اوروبا في العقدين
الاخيرين وخاصة على يد الشاب خالد لانها اقرب الى موسيقى الروك العالمية.

...
...

لسعاد

صوت مُضئ وحساس ...

جريفاوى يا راقى

الفن قِسم

الخرطوم
قبل عامان أواكثر ,

بدعوة من المركز الثقافي الفرنسي بالخرطوم , اقامت
سُعاد ماسي واربعة عازفين فرنسيين وجزائريين ،بيز جيتار
دربكة , ودف وجيتارة..
"بقاعة الصداقة" كان اليوم العالمي للموسيقي , غنت سعاد
وغنت وغنت كما لم يكن ، وغنت لنا من اشعارها وتلحينها
"حياتي" و"حكاية لم احكيها لاحد" و"اللي ساكن قلبي" و"راوي" و... و...
وكانت تلك أجمل حفل رأيتها في حياتي ...

يومها صرخ سيد صوصل المسرحي "الفنان"
باعلي صوته :

يا سُعــــــاد ...

سكت الناس ، وردت سعاد : نعم

صاح صوصل مجيباً

ILOVE YOU

ياجريفاوي:

إلى كل سعاد
كلنا صوصل.

(كُل واحد منِا قلبو حكاية...)
...
...
في العام 2001 ولد البوم سُعاد الأول
يحمل عنوان الاغنية الاولي :

راوي :"Raoui"

أحكي عن راوي يحكي حكاية
اذا بدكم رواية احكيلكم... علي ناس زمان ,
حكيلي علي الف ليلة ... ولونجة بنت الغولة ولولد السُلطان
حاجيتك ما جيتك ... دنا بعيد مدي الدنيا ,
حاجيتك ما جيتك...
(كُل واحد مِنا في قلبه حكاية...)
...


بشكل شخصي ، هذه الغنية الصافية وثقت صلاتي
مع سعاد ماسي لما فيها من صوت صافي وعذب
وحنين يعرف مسالكه من الاذن الي قلب اهله ...

....
راوي:
كُل واحد مِنا في قلبه حكاية

....

صورة لغلاف البوم راوي بها اغنياته

شُكراً وديدي لنفحك الروح في جسد البوست ...

محبه للفن المغربي عموما

اتمني انك توصلنا باغاني لها

....
المحبّه قَدَرْ!
وكُلُنا في الهوى غرب..
(يا وِلْدِي)
Yawlidi
نوبة وتطريب
وهدير مُدّاح
.....
(يا وِلْدِي):
لو كان جيت
طير نطير نعلي في سماه
لو كان جيت طير صغير
.....
أظنّها في جَرِحْ مع عُشّاق الفن النوبي

.....

زُنجية
كان في زمن ليس ببعيد هُناك في الجزائر لاعب كرة قدم أسمه "لخضر بريش"
كــان الناس يحبونه حُبا كبيراً -كُل الناس -وكان كابتن المنتخب لفترة طويلة
كان يرتدي فانيلة بالرقم عشرة "10" ...
حكي لي صديقنا الجزائري عبدالله بان الجزائريين
في العد عندما يصلون الي الرقم "10" يستبدلونه بقولهم لخضر ،

سبعة ،تمنية ،تسعة ،لخضر ...
...
...
انها البلاد الجميلة ، بلاد السوق الداخلي
والبحر والوتاد ،انها بلاد الشهيدات والحزن والمحبة ...

المغرب ديار الصالحين ...


...
...
زيت علي قماش
إنعكاسات إفريقية، 1951
للفنان الجزائري عبدالحليم همش

سلامات يا قرمبوز

وين انت مختفي

يعني تجي و تعمل لينا وجع قلب

شوت لينا اي حاجة من المزك بتاعها سريع يا مان .

.....

قرمبوز يانوبي مُشكلتو لغاية هسّة قايمة،
باختصار هو(حزب الأمّة) في مسائل التحميل ورفع الملفات ديّة،
غايتو مُمكن خانة (أي حاجة) الطلبتها دي نملاها ليك بي:
ويااا قلبي جرحك طال
يا أصحاب القيل والقال
كل واحد يعرف عيبو
ياك دنيا فانية
ويا قلبي جرحي طال


.....

فيصل يا نوبي
أذيك يا حنين ، والله أنا تتنطبق علي قولة الشاعر درويش

" كُلما نهضة سفرجلةُ نسيت حدود قلبي "



شفت سُعاد دي طلعتها بهية كيف في سودانيز اون لاين ، شائف البلوزة والوش النّور.
...
...
أما بخصوص المزيكة والصوت وكده ،
فاسأل وديدي يعطيك مما اعطاه الله ...

الجريفاوى
دايمآ تتحفنا بالجديد، المثير، الخطر على امن الاذواق الكاسدة والمهيمنة.
لك اذن عجيبة. وعين اعجب. انت ترى الجمال وتلمسه وتتذوقه وتشمه وتعتنى به غاية الاعتناء رغم العناء.
حفظتك الالهة. ورعتك. وامدتك بقدرة وقوة على التوغل فى الجمال، واحتمال دهشاته ومفاجاته.
وسوف يرزقك رب الجمال ما يروقك.

هنا لقاء مع سعادك الماسية:
http://www.qantara.de/webcom/show_article.php/_c-586/_nr-14/i.html

الأخوين الجريفاوي و وديدي

تحياتي ،،

تصدقوا ، أنا لمن قريت العنوان ، قلت أكيد ده موضوع عن سعاد بتاعت عمر الدوش والتي شدا بها الأستاذ عبدالكريم الكابلي ،

وطبعاً كنت متوقع أجد مثل هذه الكلمات :

هيا سعاد .. هيا سعاد ..
علي ود سكينة ..
الكِلْتِي في خشمو الرماد ..
هيا سعاد .. هيا سعاد ..
علي ود سكينة المات أسى ..
وأنا بت بلاك ، منعول هواي ..
إن كنت أرضى أعرسها ..
أنا يا سعاد ..
آه من سعاد .. آه من سعاد ..
وكتين تطلي ..
سحابة رقَّصت الدعاش ..
وكتين تطلي ..
سحابة بترقص للدعاش ..
بفرش على روحي وبجيك ..
زولاً هلك تعبان وطاش ..
وكتين أشوفك ببقى زول ..
فرشولو فرش الموت وعاش ..
آه يا سعاد .. آه يا سعاد ..

لكن لمن توغلت في البوست وفي المداخلات :

كبرت كراعي من الفرح ..
نص في الأرض ونص في النعال ..

وهتفت كما المجنون :

الله أكبر يا معافرة ..
يا مدافرة يا جهاد .
هيا يا سعاد .. آه يا سعاد ..


ولعلها المرة الأولى التي أسمع فيها عن هذه المغنية الجزائرية ، وازددت تنويراً أكثر بمداخلة الأخ الأستاذ عادل عثمان والتي أورد فيها ذلك اللقاء مع تلك المغنية الشابة سعاد .

فشكراً جزيلاً ونبيلاً على هذه الوجبة الفنية الدسمة .

مع مودتي ،،،


( ليمو )

أنا يا سعاد ..

آه من سعاد .. آه من سعاد ..
وكتين تطلي ..
سحابة رقَّصت الدعاش ..
وكتين تطلي ..
سحابة بترقص للدعاش ..
بفرش على روحي وبجيك ..
زولاً هلك تعبان وطاش ..
وكتين أشوفك ببقى زول ..
فرشولو فرش الموت وعاش ..
آه يا سعاد .. آه يا سعاد ..
...
...
عبدالحيم التلب ، أسم سُعاد ده براهو مُش حكاية.
مليان محبة وشعر شديد ، قدر المحبة والشاعرية
الفي الدُنيا وفضاءاتها دي ،اسعدتني مشاركتك ...
والبركة في الدوش الجابك . وتقبل تحية الاخويين وديدي وجريفاوي.

عمو عادل :
كما تكتب سوميتا

ياليت لي قلبك ...

ياليت لي ...

..
.
لم اكن اعرف ان هذه الاغنيه (راوي)للمعني لها سعاد ماسي
فقد سمعتها كثير هذه الاغنيه و فعلا حلوه.. .

more songs please

تحياتي

صوت سماوي
سعاد مي
سعاد
نصاح

Quote: يومها صرخ سيد صوصل المسرحي "الفنان" باعلي صوته : يا سُعــــــاد ... سكت الناس ، وردت سعاد : نعم صاح صوصل مجيباً ILOVE YOU

ليك
حق يا صوصل

الجريفاوي شكرا على الثقافة

صوت سماوي فعلاً
من الفعل سما يا عشوشة ..

..
..
والله يا عشة ياأخت عالية
وشكراً ليك انتي ياستي علي التفاعل مع الاستاذة ...

وانا كمان وزنجية
more songs please

لو تسمح ...

..
.
Ibrahim Alrefwi
thanx for informations and yes plz
More songs

________
الجريفاوى

You are really an amizing
How could walk slowly on our skin
wihtout leaving a print? I am serious

I just discover you here and there
Body & soul's post
!remember

كلك زوق ياهشام يا ادم ،
المُذهلة هي سعادنفسها ، طريقتها المميزة وصوتها الحزين
الساحر الذي يصعد جبالك بوديانها وصحاريها اخضرها وذكرياتها البعيدة .
...
...
الغناء صوت الادمية والهديل صوت الحمامة ...

...
...

لك علي ان اخبرك يا صاحبي ان وجودوك "هنا" معي
وسعاد اللطيفة اسعدني واراحني
وكلماتك الانجليزية الطيبة كذلك .

محبتي عنوانك .

وياقلبي جرحك طال ...

..

سُعاد ، فيديو ، تحقيق القناة الخامسة الفرنسية ....

اضغط علي الرابط أعلاه ...

مع تحياتي ....

يا ضحكتها،،
وبسمتها،،

اخيراً سمعتها!

تعابير وشها بتغني!

أُستادة سوميتة :

شُكراً علي تحميل الملف ، وشكراً علي تفاعلك مع البوست .

ابراهيم .

عارف يا معلم اول بوست ليك قريتو كان لوحة مفاتيح

اول حاجة لفتت انظاري هي صورة ( تريزي ) اذا كنت كتبت الاسم صح

صورة البوست بتاعك

ما اظن انو انسان طبيعي بسمع تريزي انا شخصيا معتقد انو هي فنانة ما اي زول بسمعها

كنت قايل نفسي براي البسمع ليها او على الاقل ما في ناس كتير بيسمعوها

و طبعا لما شفت صورتها عرفت انو في مجنون تاني بيسمع ترزي

تاني حاجة عجبتني طريقة كتابتك

بعدها ما قدرت ارد

الان ارد قبل ان اسمع سعاد بس انا متاكد انها جميلة زيك

أكرم ، وين ياراستا ...
تريسي دي ، حاجة عجيبة دي الحب ذاتو "شخصياً"،
شفت بوب مارلي فيستفال ، الحفلة العجيبة الغنت فيها البت المجنونة
(لورين هيل) iwaana give u some good ، غنت فيها تريسي جابمن دي لبوب مارلي ،
وبكت ، خلطة عجيبة جداً، بوب وتريسي جابمن .الحفلة دي من أجمل حفلات العالم.

تريسي فنانة شاملة يا اكرم،
بتالف اغانيها وبتكتب شعر وبتلحن وتغني وكان هي فاعلة اجتماعياً في منظمات رعاية الايتام واطفال الشوارع وعضو في اكتر من 200 مجموعة لمكافحة الفقر ...

وبما انو خلاص نحن بقينا اخوان ، فاحوريك سر ...
( في الموقع بتاع تريسي أسمو www.abouttracychapman .com حتلقي فيديو كده ، من ضمن الفيديوس ، تريس بتغني لايف gerup standup . شوفها وتعال وريني رأيك.

...
...
اما بخصوص سعاد.
فمعظم النقاد بتوع المزيكة بقولو انها ماخه اسلوبها "استايلها" من سعاد ماسي وجوان بييز . وسعاد في مقابلة وافقت علي الكلام ده وقالت انها تتمني .

- مع بالغ تقديرنا لي انو البوست يرشد الى الموسيقا (حسب رأي عبد الله الطيب تكتب الموسيقا بالالف، لعجمة الفها) و يرشد ربما الى كلمات الاغاني و اسلوب اداء الفنانة دي الخ الموضوعات الطيّبة (اشكّك في نوايا الكاتب، و اظنه مهتم بالبت ذاتها، و الله بكل شيء عليم)

- و مع سابق علمنا انّ الذوق الجمالي دة مراتب (اقلّها الانا راقد فيها دي، حيث يتطلّب اكل التسالي متابعة شيء من الفن) لكننا لا نقبل تحمل اي مسئولية عن اتجاهاتنا الذوقية مهما كانت ارجلية

- وبرغمه، نقترح يا ابراهيم، انك تضغط تاني على الرابط اعلاه (بتاع الفيديو) و تقفل الصوت خاالص، تنسانك من قصة المزك دي، و تتفرّج على البت و الدعوة عامة
ربما، و ربما لا، تصل معاي لي انو البت دي موهبتا التالتة هي الغناء، بعد الطعامة و المساخة و حب الذات الانانية
لشنو يعني هي بتسوي كدة؟

جانب آخر من نفس المسألة
لديكم (انت و وديدي) صديق مخرطة اسمو محمد السر، سأل عنا خطأً في بتاع الفاتح وديدي، ياخي ارجو ابلاغه لو اتصل بيكم انو انا في، و بناء على نصيحتو هو ذاتو خليت الكتابة لانه اقترح علينا الكتابة عن الفن او الادب او اي اشياء اخرى مفيدة، و لم يترك لنا الخيار، سوى اهتبال السانحة دي لتبيان تعلقنا بمودته

كما –بعد تبديدنا لاهداف البوست- نرجو ايصال سلامنا الى الكاتب و المصوّر طلال عفيفي عندما يستمر من هنا

و في الختام، لك الشكر على هذا التوجيه اللخضر، و اخطرك بانني سوف اقوم بشراء اسطوانة فيديو لهذا الفتاة، و قد احاول دخول الاسطوانة احيانا

و الياسلام عليك يا لخضر الجريف، ما انت، قصدي السجاير بتاعك البتطلّب تتابع بت زي دي. ياخ ما ممكن نبادلك بي كيلو تسالي يعطلّك حبة؟

الجريفاوي
ياجرف اخضر كاسيهو الجمال
انت زول جميل وبث

يا أحمد الفنان ،

الصورة اعلاه غلاف الالبوم الثاني لسعاد ، ديب ،
Deb،
صدر بباريس في 25 مارس 2003
طريقة مختلفه نوعاً ما عن الالبوم الاول راوي ،
اعتمدت فيه الات اخري واضافه اصوات مغنيين أخلري "كورس" والات جديدة ...
نجح نجاح شديد ، وكسب حب جمهورها الزواق ...

شكراً يا فنان علي المداخلة اللطيفة الفنانة ...

لخضر حسبو ، في الامر نظر ،
انظر الي البنت (صورتها) بتساليك اياه
وستقع في شباك الاهتمام المفرط ، بالتعابير
التعابير ، هي التخريب ذاته يا أخونا البعيد ،

- سكنتك سعاد ، صاح ؟
انا طبعاً بعرف علاقتكم كويس بالذات انت واخونا الصالح ميرغني بالجزائر والمغرب ودياوله، كمان عارف علاقتكم (المريبة) بكتاب وليمة لحيدر حيدر ، حتي اختلط علي الامر في بوست الراجل العرص الاسمو حسين خوجلي داك ، دفاعاً عن من ؟
- ومع ان مشاركتك تخريبية -دي كلمة سوفيتيه صاح - الا ان وجودك في هذا البوست اكسبه معني خاص بالنسبة الي ، يعني حبة زملاء(شباب) كده بترفع معنويات المؤلف شويه ... لذا سنعتبرها نيران صديقة دكتور حيدر ابراهيم عن اقلام ناقده للتجمع الديمقراطي ال.......

ساوصل سلامك الي كل من ذكر اعلاه ...
واخبرك بانك لن تجد فيديو لسعاد بسهولة ولكن أستعمل خيالك حتي تصل ...

لا
إله
إلا
الله
و..
لا
حول
و
لا
قوة
إلا
ب
الله
العلي
العظيم
ــــــــ
قرمبوز
بجنس
بوستات زي دي يوم بـ(تعوق)ليك بيها احساس مواطن!!

ده انت المرهف ذيادة عن القانون شويه يا عادل ...

عليك الله تعال تاني هنا ، بولدك المؤثر الحبيس ده ...

لا أعرف عن سعاد المغنيه يا ابراهيم ..
( لعوز بالمعارف لصيق ) ..
لكن الأنثى القدامي دي ..
جميلة كما الفلق
و .. ( تُرهِقُ صعودا ) ..


جِرسه... مُش ؟؟

عماد الحبوب ، اهو دي فرصة تانية ااكد ليك جرستك ...

للامام انظر :


واملاء قلبك بالنسيم
طالما العالم قديم ،
وخلي بالك مستقيـــم
دُغري وان مال الزمن

..

اسف لتاخير الرد


دخلت اللنك ما ظهر معاي يبدو انو في خطاء في اللنك

و جد شكرا ليك يا رائع

امنياتي بالاستفادة من بعضنا البعض يا بعضنا

http://www.about-tracy-chapman.net/videos.htm

اضغط علي الرابط يا اكرم ...

هذا الموقع الذي عن تريسي جابمن من اجمل المواقع في كوكب الارض ...

thx Ibrahim this time for Tracy Chapman site ..
i love this women ..

والله وحشتني سعاد ...

اليوم ساطير واياها في ساحات الله الواسعة ...

نغلغو







..

باب الماضي