Post: #1
Title: الاربعين ( 1966 _ 2005 )
Author: shaheen shaheen
Date: 12-25-2005, 02:31 PM
Parent: #0
( 1 )
سنة واحدة بس ... والاربعين حيدق على ابواب مدينتك ... افتح الباب الكبير ... سنة واحدة بس ... شمسك خلاص بدات تميل نحو المغيب ... سنة واحدة بس ... اكوام قزاز مكسور ... وبحثك عن بصير يجبر كسور ... يا دون كيشوت العظيم ... ضيعتا عمرك يا غبى ... ضيعتا عمرك فى طواحين الهواء ... ( انا بعتقد , انا بفتكر ) ... ( الم الكتابة المؤلمة , وعى الجماهير لو تعى ) ... امشى اتلهى ... شوف ليك فكى ... يمكن حجابه يرجع العمر اللى ضاع ... وتبداء صاح ... وتنتهى ... مثل الجميع ما بيشتهى ... والاربعين جاييك جرى ... ود يا غبى .
( 2 )
ماتكون جبان يا اربعين ... تطعنى فى الضهر العليل ... راجل انا ... داير الرجالة تعال عديل ... جيب ما تجيب ... السكرى , ضغط العيون ... كمشة تجاعيد فى الجيوب ... جيب ما تجيب ... التهابات المثانة , الم البواسير الرهيب ... يلا الخلاء ... فارس انا ... عكازى مع شوال سنين تحت السرير ... وعضم كبير فوق السرير ... تحت المخدة كيس صعوط ... بداء الهبوط ... شيخوخة شاخ منك ضناك ... فارس دكر ... طااااخ , اااخ , انبرشت على السرير .
( ملحوظة ) دار المسنين استعدى ... على الطريق ... نزيل جديد .
شاهين
|
Post: #2
Title: Re: الاربعين ( 1966 _ 2005 )
Author: Osman Malik
Date: 03-08-2006, 01:02 PM
Parent: #1
كلنا في الهوا...سوا
( 1 )
سنة واحدة بس ...
والاربعين حيدق على ابواب مدينتك ...
افتح الباب الكبير ...
سنة واحدة بس ...
شمسك خلاص بدات تميل نحو المغيب ...
سنة واحدة بس ...
اكوام قزاز مكسور ...
وبحثك عن بصير يجبر كسور ...
يا دون كيشوت العظيم ...
ضيعتا عمرك يا غبى ...
ضيعتا عمرك فى طواحين الهواء ...
( انا بعتقد , انا بفتكر ) ...
( الم الكتابة المؤلمة , وعى الجماهير لو تعى ) ...
امشى اتلهى ...
شوف ليك فكى ...
يمكن حجابه يرجع العمر اللى ضاع ...
وتبداء صاح ...
وتنتهى ...
مثل الجميع ما بيشتهى ...
والاربعين جاييك جرى ... ود يا غبى .
( 2 )
ماتكون جبان يا اربعين ...
تطعنى فى الضهر العليل ...
راجل انا ...
داير الرجالة تعال عديل ...
جيب ما تجيب ...
السكرى , ضغط العيون ...
كمشة تجاعيد فى الجيوب ...
جيب ما تجيب ...
التهابات المثانة ,
الم البواسير الرهيب ...
يلا الخلاء ...
فارس انا ... عكازى مع شوال سنين تحت السرير ...
وعضم كبير فوق السرير ...
تحت المخدة كيس صعوط ...
بداء الهبوط ...
شيخوخة شاخ منك ضناك ...
فارس دكر ...
طااااخ ,
اااخ ,
انبرشت على السرير .
( ملحوظة ) دار المسنين استعدى ... على الطريق ... نزيل جديد .
شاهين
|
Post: #3
Title: Re: الاربعين ( 1966 _ 2005 )
Author: shaheen shaheen
Date: 03-08-2006, 01:17 PM
Parent: #2
الحبيب عثمان / بمناسبة كلنا فى الهواء سوا
دى واحدة من البوستات النشرتها صحيفة الصحافة بتشجيع من الاستاذة / امال عباس
واتذكر وهى بتقراء وانا قاعد جنبها , ضحكت وقلعت النطارة وقالت
- حسه يا ولدى انت خايف من الاربعين , نحن نسوى شنو ؟
لك التحية عثمان
كده ناس البورد حيقولوا شاهين هو عثمان
لك الود .
شكرا حبيبى
شكرا
|
Post: #4
Title: Re: الاربعين ( 1966 _ 2005 )
Author: أبوذر بابكر
Date: 03-11-2006, 00:11 AM
Parent: #1
العزيز شاهين
تحياتى والود
أحييك، وحرفك المكتنز بدسم الإبتسام النبيل دائما
وكتابتك العالية التى تغرى الروح لأن تنتبذ أقصى أركان النشوة
المهم يا زول
إنت يا دابك بديت
والأربعين باب الدخول لى عوالم محتشدة بى حاجات كتيرة وكبيرة وسمحة
ما تخاف ساى
تذكرت وأنا أقرأ هذا التداعى الجميل
تذكرت جزع شيخنا "مصطفى سند" وهو يدخل من نفس الباب
سوف أعود الى ديوانه وأكتب لك المقطع المقصود
حياك الخالق يا شاهين ووهبك عمرا طويلا مليئاً بما تحب وتشتهى
|
Post: #5
Title: Re: الاربعين ( 1966 _ 2005 )
Author: سيف النصر محي الدين محمد أحمد
Date: 03-11-2006, 04:23 AM
Parent: #4
شاهين كل سنة وأنت طيب.
الأربعين دي بداية يا زول ....لكن بداية شنو ما تسألني . لأني بصراحة ما متأكد. غايتو الله يكضب الشينة.
|
Post: #6
Title: Re: الاربعين ( 1966 _ 2005 )
Author: shaheen shaheen
Date: 03-11-2006, 01:11 PM
Parent: #4
تحياتى
ابوذر
24/2 بداء الاربعين تبع سعادتى
اتمنى ان يكون محتشد
حتى الان لم اشاهد اى احتشاد
ربنا يستر
|
Post: #7
Title: Re: الاربعين ( 1966 _ 2005 )
Author: shaheen shaheen
Date: 03-11-2006, 01:14 PM
Parent: #6
ابو السيوف ود الكلاكلة
كلها كم سنة وحتجى تمسح دموعك فى منديلى
استعد يا حبيب
على الباغى تدور الدوار
|
Post: #8
Title: Re: الاربعين ( 1966 _ 2005 )
Author: Tragie Mustafa
Date: 03-12-2006, 02:10 AM
Parent: #7
up
|
|