Post: #1
Title: مساء الخير ... يا زميل يا جميل
Author: shaheen shaheen
Date: 01-02-2006, 02:31 PM
ومساء الخير ... يا زميل يا جميل ... يا اصيل فى الزمن الوجعو كتير ... وبديع , زول مابى يبيع ... وبشيل , شيال ان نخوا الشيالين ... معجون من طين الاستفهام ... مجنون بى بكرة وما هو أت ... وعنيد احلام ... احلام اكبر من سنه ونضارته وجيبه الفاضى من الاموال ... درويش فى كلامه الدرابات ... مدمن بومبان ... وزبون معروف للمعتقلات ... بيعشى حبيبته سياسة وفول ... ويحلى بموية وكيس تمباك ... مليان اصرار ... اصر , يصر , بقى ملحاح ... شغال كى ياتى علينا صباح ... وصباح الخير على شجرة نيم قصوها تطول ... متفائل , مؤمن انو الليل بيزول .
شاهين
|
Post: #2
Title: Re: مساء الخير ... يا زميل يا جميل
Author: خالد العبيد
Date: 01-02-2006, 03:24 PM
Parent: #1
العزيز شاهين
لك تحايا الورد
شكرا لهذه المساءات الجميلة يا جميل
|
Post: #3
Title: Re: مساء الخير ... يا زميل يا جميل
Author: shaheen shaheen
Date: 01-02-2006, 03:32 PM
Parent: #1
thanks ابو الخلود على المرور عند المصريين مثل لذيذ يقول ( ملواش فى الورد عيب قالوا يا احمر الخدين ) .
|
Post: #4
Title: Re: مساء الخير ... يا زميل يا جميل
Author: shaheen shaheen
Date: 01-04-2006, 03:42 PM
Parent: #1
تكبدت مشاق الاتصال ايها الوغدفقط لتسال بطريقتك اللطيفة
- البوست ده لينا ولا شنو يا خال ؟
ايوه ايها الوغد الصغير خالك رغم الاعتزال ما زال يفهم الفولة , عرفت ان الموجة قد ضربتك منذ بدات استخدام كلمات مثل ( مكسب ) , ( والزول فى الحتة دى زى داير يقول ) , ( واسلوب القمع المتبع فى البيت ) .
نحن هكذا فى العائلة المقدسة نبداء زملاء وننتهى كتاب بوستات
لك حبى .
شاهين
|
Post: #5
Title: Re: مساء الخير ... يا زميل يا جميل
Author: Ahmed El Gasim
Date: 01-05-2006, 05:15 AM
Parent: #4
الاخ شاهين
لك التحية
اسمح لي فقد قمت بنقل محتوي هزا البوست لبوست ابناء الكلاكلة تعريفا بك اكثر---وارسلت ليك رسالة في الماسنجر لازيل بعض غبار الزاكرة لك ولاسرتك التحايا والاشواق
احمد علي القاسم
|
Post: #6
Title: Re: مساء الخير ... يا زميل يا جميل
Author: shaheen shaheen
Date: 01-05-2006, 05:24 PM
Parent: #5
احمد تحية قلبية حارة عرفتك مباشرة من الاسم الثلاثى , عندى مشكلة مع الماسنجر يا ما شغال يا انا ما عارف اخش , شكرا على ما كتبته عنى وعن اسرتى يا ابن حلة العرب , فرحت جدا , جدا , انك موجود فى البورد . تحية للزمن الجميل , ستجد شكر اخر فى بوست الكلاكلة حبى واحترامى يا ابو حميد
|
|