Post: #1
Title: عندك مجلات ميكى ؟؟
Author: shaheen shaheen
Date: 04-18-2006, 09:24 AM
Parent: #0
اكبر منى ب سنتين
انا كنتا فى خامسة ابتدائى
وانتى فى سادسة ابتدائى
عايدة السنة
وظهرتى ك الشيطانة يا شيطانة
فى نص الطريق
بين بيت ابوى والمدرسة
( يا حلبى يا ود يا سمح , عندك مجلات ميكى ؟ )
اندهشتا من السؤال
مشروع مثقف من زمان
....................
....................
وبدات علاقتنا المريبة
اديها ( ميكى )
اخد ( سمير )
تدينى ( ميكى )
تاخد ( سمير )
وبدات جوابات الغرام
بين المجلات فى الظهور
وبداء اللهيب
وانا مندهش
تحضنى فى نص الطريق
وانا مندهش
وتبوسنى فى الخشم الصغير
وانا مندهش
وتخت اديا على صدرها الناهد صغير
( اضغط هنا )
واضغط هناك وانا مندهش
وتفح فحيح
( اوعك تكلم زول )
مشروع مثقف من زمان
...................
...................
ايام تشيل .. ايام تخت
ايام تسر .. ايام تضر
فى الاربعين
وهى اكبر منى ب سنتين
لقيتا فى حفلة عرس
اتغيرت واتبهدلت
وسمعتا قالوا اطلقت
واخوها مات
شقت زحام الحفلة جات
مدت اديها فى صوت حزين
( يا حلبى يا ود يا سمح عندك مجلات ميكى ؟ )
بين الضحك
نزلت دموع
وبكت
بكت شديد
وحضنتها
يا ( ميكى ) عيد ليها الصبا
يا ( ميكى ) عيد ليها الصبا
يا ( ميكى ) عيد ليها الصبا
خليها ترجع بت صغيرة
مليانة ب قلة ادب , ب شيطنة
يا ( ميكى ) وحيات الرسول
ما تخلى اقدام السنين
تطلع عليها وتهرسا
يا ( ميكى ) أأأأأأأأأأأأأأأأأأأأأخ .
شاهين .
|
Post: #2
Title: Re: عندك مجلات ميكى ؟؟
Author: Walid Safwat
Date: 04-18-2006, 09:56 AM
Parent: #1
| Quote: يا ( ميكى ) أأأأأأأأأأأأأأأأأأأأأخ |
قصة مكررة لعبتا معانا
لكن برضو نرجع نقول
يا ميكي آآآآه
|
Post: #3
Title: Re: عندك مجلات ميكى ؟؟
Author: shaheen shaheen
Date: 04-18-2006, 10:16 AM
Parent: #1
وليد صفوت
يا حلبى يا ود يا سمح
انتا برضو عندك مجلات ميكى
الله لا مرقك .
شكرا على المرور
|
Post: #4
Title: Re: عندك مجلات ميكى ؟؟
Author: Osman Malik
Date: 04-18-2006, 10:21 AM
Parent: #1
Up
من أجل مكتبة shaheen shaheen
|
Post: #5
Title: Re: عندك مجلات ميكى ؟؟
Author: shaheen shaheen
Date: 04-18-2006, 10:31 AM
Parent: #1
صديقى : عثمان مالك
تعظيم سلام
|
Post: #6
Title: Re: عندك مجلات ميكى ؟؟
Author: طلال عفيفي
Date: 04-18-2006, 10:42 AM
Parent: #5
أنا يا شاهين مستمتع شديد بكتابتك ،
كتابه أليفه وعارفه السكه بهدوء ..
...
طلال
|
Post: #7
Title: Re: عندك مجلات ميكى ؟؟
Author: shaheen shaheen
Date: 04-19-2006, 10:48 AM
Parent: #1
شكرا طلال عفيفى
وشكرا على رسم حبيبى ميكى
تحية.
|
Post: #8
Title: Re: عندك مجلات ميكى ؟؟
Author: Walid Safwat
Date: 04-19-2006, 05:30 PM
Parent: #1
تعرف يا شاهين انا كنت من مدمني ميكي وسمير
عندما كانتا باللهجة الدارجة
الى ان قام احد المتفلهمين بدار الهلال بتحويلها
للفصحة... بطني طمت و قلبت للاعداد القديمة
من سوبرمان والبرق
ياميكي آآآآآآه ه ه....
|
Post: #9
Title: Re: عندك مجلات ميكى ؟؟
Author: AMNA MUKHTAR
Date: 04-19-2006, 06:51 PM
Parent: #8
يا ميكى آآآآه...
ماله أيقظ الشجون .
|
Post: #10
Title: Re: عندك مجلات ميكى ؟؟
Author: محمد محي الدين
Date: 04-20-2006, 08:51 AM
Parent: #1
شاهين يا ود يا سمح اسمح لي بالمرور...
ويا مجلة ميكي
عرفنا الفيكي
ومن ديكي وعيكي
من ميكي اااه ...
|
Post: #11
Title: Re: عندك مجلات ميكى ؟؟
Author: shaheen shaheen
Date: 04-20-2006, 09:03 AM
Parent: #1
وليد
تم سحب توكيل ولت ديزنى من دار الهلال وتم اصدار ميكى الجديدة بشكل غياظ جدا
الكارثة انو (زيزى) بقى اسمها ( بطوطة)
هناك مقال رائع من صحيفة (الدستور) المصرية سوف اقوم بنقله وهو يتحدث عن مجلة (ميكى)
|
Post: #12
Title: Re: عندك مجلات ميكى ؟؟
Author: shaheen shaheen
Date: 04-20-2006, 09:09 AM
Parent: #1
امنة مختار :
بين الضحك نزلت دموع
وبكت
بكت شديد
وحضنتها
يا ( ميكى ) عيد ليها الصبا
يا ( ميكى ) عيد ليها الصبا
يا ( ميكى ) عيد ليها الصبا
خليها ترجع بت صغيرة
مليانة ب قلة ادب , ب شيطنة
يا ( ميكى ) وحيات الرسول
ما تخلى اقدام السنين
تطلع عليها وتهرسا .
|
Post: #13
Title: Re: عندك مجلات ميكى ؟؟
Author: shaheen shaheen
Date: 04-20-2006, 09:12 AM
Parent: #1
محمد
من حسع بتقول أأأأأأأأأه
طيب نحن اعمامك نعمل شنو ؟
مرورك يشرفنى
شكرا ليك .
|
Post: #14
Title: Re: عندك مجلات ميكى ؟؟
Author: Dr Mahdi Mohammed Kheir
Date: 04-20-2006, 09:32 AM
Parent: #13
الأخ العزيز أو الطفل المغوى .. شاهين
لقد كنت أحد العاشقين .. لمجلات ومجلدات ميكى وسمير وسوبرمان والوطواط , وكنت حريصا على جمعها وتخزينها .. الى أن أتى عليها , وعلى منزلنا , فيضان القاش فى منتصف السبعينات .
لك الشكر على الزكريات الجميلة , وعلى .. الجمال والسلاسة .
|
Post: #15
Title: Re: عندك مجلات ميكى ؟؟
Author: shaheen shaheen
Date: 04-20-2006, 09:41 AM
Parent: #1
تسلم دكتور مهدى
وشكرا على المرور
حزين انو ثروتك من مخزون ميكى والوطواط وسوبرمان ضاعت فى الفيضان
انتا عارف كان عندى كمية مهولة من ( ميكى ) و ( سمير ) . بدرجة غربية
ما عارف الكمية دى مشت وين
اقول ليك سر خليه فى سرك , فى معرض القاهرة الدولى للكتاب السنة دى اشتريت احدث اصدارت د/ منصور خالد ومجلد ميكى من اصدار السبعينيات .
حالف طلاق ان لا اقتل الشافع فى داخلى
والداير يقول على اهبل يقول
شكرا دكتور .
|
Post: #17
Title: Re: عندك مجلات ميكى ؟؟
Author: Waly Eldin Elfakey
Date: 04-20-2006, 05:56 PM
Parent: #16
شكرا يا شاهين
لكن كلنا .....
ميكي......أأأأأأأأأأأأه
|
Post: #18
Title: Re: عندك مجلات ميكى ؟؟
Author: محمد سنى دفع الله
Date: 04-21-2006, 03:56 AM
Parent: #17
شاهين شاهين
شــــــــــاهـــــين!!
استعد ياجبان ياقليل الادب !!!
لو عندك محامي حضرو لو عندك قانوني ضليع!!؟؟ تلفنو!
في شــنو؟؟لاأعمل لي فيها يرئ،، لالاما بصبح ولابامسي..
ولافي ســـــــــــلأم ياجبان ياقليل الادب ،،
القصة دي حصلت لي انا ! يعني توارد خواطر بعدين ماكانت مشوطنة ،بتنفش شعرهامع الموضة
انت بتعرف أصحابي ناس موسى الامير ومصطفى احمد الخليفةهم الكلموك ؟مش ؟
اي قصة ظريفة وكتبتها بي طريقة زي العسل،،لكن اساسا القصةتحمل بذرة نجاحها((واحد حاقد))
وانا كنت مشروع مثقف حتى ولد الناظر كان بقول علي انت مشروع مثقف،شوف التناص ده كيف..
وبعدين كان فعلا بتخليني امسك صدرها وبتقولي اضرب البوري وانا العوير بضرب البوري وأهبل!!
اهي مانفس الحكاية؟؟وانا من السنة االثالثة وبجري من المدرسة الى مكتبة عيسى عشان اشتري مجلة ميكي ، عندك مجلة ميكي ؟؟اها مش نفس الحكاية؟؟لكن بشفع انك كتبتهابي حس عالي وشاعرية هامسة ده البشفع ليك، بسامحك بس على شرط واحد ، تكتب لينا 4 قصص حلوة زي دي !!!!! عندك مجلة ميكي ...
|
Post: #19
Title: Re: عندك مجلات ميكى ؟؟
Author: فيصل محمد خليل
Date: 04-21-2006, 04:10 AM
Parent: #18
مسكاقنا
الفيلم دى خشيناة.......بالالوان
اااااه يا عيني اااااه
انا انت يا محمود
فيصل محمد خليل
|
Post: #20
Title: Re: عندك مجلات ميكى ؟؟
Author: shaheen shaheen
Date: 04-21-2006, 08:37 AM
Parent: #1
محمدين محمد
شكرا على الموقعين
ماشاء الله متابع جيد
شكرا حبيب
|
Post: #21
Title: Re: عندك مجلات ميكى ؟؟
Author: shaheen shaheen
Date: 04-21-2006, 08:41 AM
Parent: #1
دكتور والى الدين
يا ميكى أأأأه دى زى الفيروس من منا لم يصيبه هذا الفيروس .
|
Post: #22
Title: Re: عندك مجلات ميكى ؟؟
Author: shaheen shaheen
Date: 04-21-2006, 08:56 AM
Parent: #1
محمد السنى سلامات
بالله كنتا بتضرب البورى زمان الله لا مرقك
وحسع بعد ضرب البورى الكتير ده انشاء الله بقيت تعرف تسوق كويس ؟؟
تحية حبيب وشكرا على الكلام اللطيف .
اتمنى عن تكتب عن ذكريتك دى واكيد حيكون بوست لذيذ باسلوبك الساخر الظريف
التحية والتقدير .
|
Post: #23
Title: Re: عندك مجلات ميكى ؟؟
Author: Walid Safwat
Date: 04-21-2006, 09:07 AM
Parent: #1
Quote: وحسع بعد ضرب البورى الكتير ده انشاء الله بقيت تعرف تسوق كويس ؟؟
|
ماقلنا الفلم ده دخلوهو ناس كتييييير...
اسكوب
|
Post: #24
Title: Re: عندك مجلات ميكى ؟؟
Author: shaheen shaheen
Date: 04-21-2006, 09:10 AM
Parent: #1
معليش يا شباب شوية عنصرية كده بتاعت حلفاويين
فيصل يا فردة
اوعا تقولى انتا كمان كنتا بتضرب البورى فى وادى حلفا
الله لا مرقك .
فى واحد فى بكاء محتج
- يا اخى الحلفاويين ديل شابكننا نحن احسن , نحن احسن ناس , ده شنو الكلام الفارغ ده ؟
صحبى حلفاوى قال ليهو فى كل هدواء
- وانتا زعلان ليه لما بنقول الحقيقة .
لك الود يا بلدياتى .
|
Post: #25
Title: Re: عندك مجلات ميكى ؟؟
Author: shaheen shaheen
Date: 04-21-2006, 09:53 AM
Parent: #1
يجازى محنك يا وليد
انت ليه مصر على جملة ناس كتيييييييييير
لا يا وليد
فى ناس غيرنا فى المنبر ده مؤدبين خالص .
انتا قايل الناس كلها زيك وزى محمد السنى ( انا طبعا بره ) .
|
Post: #26
Title: Re: عندك مجلات ميكى ؟؟
Author: محمد سنى دفع الله
Date: 04-21-2006, 03:54 PM
Parent: #25
شاهين شاهين
طلعنا انا وولبيد القليلين الادب
كتر خيرك وبارك الله فيك
لكن مالو قلة أدب ما بطالة
حلوة اتعلمت السواقة
بقيت حريف لي درجة اني بسوق ومابضرب اليبوري ايه رايك؟؟؟؟
|
Post: #27
Title: Re: عندك مجلات ميكى ؟؟
Author: Walid Safwat
Date: 04-21-2006, 04:02 PM
Parent: #1
| Quote: بقيت حريف لي درجة اني بسوق ومابضرب اليبوري ايه رايك؟؟؟؟ |
دي بقى ما بخليك لامن توريني ليها كيف...
قال في اوروبا قال...
|
Post: #28
Title: Re: عندك مجلات ميكى ؟؟
Author: shaheen shaheen
Date: 04-22-2006, 07:51 AM
Parent: #1
تعرف يا وليد ود السنى ده ما يعقدك ساكت ما فى سواقة بدون استعمال الة التنبيه , حتى فى اوروبا والدول المتقدمة ممكن يسحبوا منك الرخصة .
|
Post: #29
Title: Re: عندك مجلات ميكى ؟؟
Author: shaheen shaheen
Date: 05-04-2006, 03:58 AM
Parent: #28
يا وليد ما قلتا ما بتخلى محمد السنى الحصل شنو ؟
|
|