Post: #1
Title: محجوب شريف .. الصحة كيف ؟
Author: shaheen shaheen
Date: 10-14-2006, 12:09 PM
Parent: #0
(استاذى وكبيرنا الذى علمنا السحر)
.................................
(محجوب شريف) الصحة كيف ؟
الحالة والاحوال ؟
واخبار العيال ؟
مالو البلد حالو انقلب ؟
هذا بلد .. هذا ولد
كسروا القلم
وتمكنوا
على انكسارنا تسلطنوا
وتسلطوا
هم فى الاذاعات اعلنوا
(ان لا ولاء لغير سلطان البنوك)
ومن الجماجم والكروش
صنعوا العروش
فتدبروا
وتصبروا
لو ما عجبكم .. فنجطوا
(بوت) عسكرى .. مسمار جحا
بنخلخلوا
بيثبتوا
ومهرج السيرك اشتهر
اصبح خطر
وطنى الكبير ح يقسموا
بس نيلنا يا (محجوبنا) اوعا يخصخصوا
والصحة كيف ؟
(محجوب شريف)
اهو انقلاب
وراء انقلاب
وراء انقلاب
اسأل سؤال
- سودانا كان الفيو شنو معدول عديل , شان الشباب ديل يقلبوا ؟ .
ما كلهم (محجوبنا) كانوا بخرمجوا
احزاب جلاليب العمم
ندفع تمن دم قلبنا
والسلطة تاتى مقشرة
واذا بهم سبحان ربى وما وهب
يتغيروا
ويطنشوا
حبة املنا الفينا هما يطفشو
وليذهب الشعب الحقير نحو الجحيم
اصلو الجحيم ما فيو مزايا
عشان عليو يتصارعوا
الله عليك (محجوب شريف)
لو كنتا فى حزبك اقول ليك يا (زميل)
انشاء الله بس الصحة عال ؟
انشاء الله شلال الشعر عندك بخير
كيف المدام ؟
كيف الظروف ؟ .. نبض الحروف ؟
عندك قروش ؟
انا حالتى ما بتسر حبيب
ندمان على الدرب المشيت فيو يا رفيق ؟
عارفك حديد
انسان سوى
صنديد .. هصور
يا ماركة صالحة لكل عصور
(نيم) ما بتهزو الريح
ولا حتى السجن
لا بتنحنى .. لا بتنثنى
سيخك صعب زول يقلعوا
راسك قوى
انسان سوى
شيوعى وخلاص
طيب خلاص
اسأل سؤال
- عندك امل فى يوم ح نسمع صوت خلاص ؟ .
(محجوب شريف) انسان بسيط
عاشق اصيل
درب العشق يا زول طويل
لا فذلكة
لا طنقعة
ولا يحزنون
ما نخبوى
يا شعبى حتى نخاع جذور
يا ماركة صالحة لكل عصور
اوعك تموت
لسه ابتلاءات الزمان
ح تدق على الراس زى طبول
اوعك تموت
محجوب من الاذى يا شريف
(محجوب شريف)
الصحة كيف ؟ .
......
شاهين.
|
Post: #2
Title: Re: محجوب شريف .. الصحة كيف ؟
Author: shaheen shaheen
Date: 10-16-2006, 03:31 AM
محجوب من الاذى يا شريف .
|
Post: #3
Title: Re: محجوب شريف .. الصحة كيف ؟
Author: Salwa Seyam
Date: 10-16-2006, 04:08 AM
|
Post: #4
Title: Re: محجوب شريف .. الصحة كيف ؟
Author: عصام عبد الحفيظ
Date: 10-16-2006, 09:32 AM
Parent: #3
والله مشتاقين جد جد
|
Post: #5
Title: Re: محجوب شريف .. الصحة كيف ؟
Author: abubakr
Date: 10-16-2006, 09:47 AM
| Quote: محجوب من الاذى يا شريف . |
| Quote: محجوب من الاذى يا شريف . |
| Quote: محجوب من الاذى يا شريف . |
| Quote: محجوب من الاذى يا شريف . |
|
Post: #6
Title: Re: محجوب شريف .. الصحة كيف ؟
Author: Tragie Mustafa
Date: 10-16-2006, 10:15 PM
Parent: #5
تسلم يا شاهين
ونردد معك
| Quote: محجوب من الاذى يا شريف . |
تراجي.
|
Post: #7
Title: Re: محجوب شريف .. الصحة كيف ؟
Author: ساورا
Date: 10-17-2006, 03:27 AM
Parent: #6
تسلم يا شاهين
ونردد معك
Quote: محجوب من الاذى يا شريف .
ساورا
|
Post: #8
Title: Re: محجوب شريف .. الصحة كيف ؟
Author: Mohamed Abdelgaleel
Date: 10-17-2006, 04:31 AM
Parent: #7
Quote: اوعك تموت
لسه ابتلاءات الزمان
ح تدق على الراس زى طبول
اوعك تموت
|
الأخ/ شاهين .. تحياتي ورمضان كريم ..
وقال د. مبارك بشير: عن محجوب شريف:
محجوب شريف
راجل نضيف
جانا من عرب المدينة وبالنهار
عنوانو مدرسة الأساس
....
....
حكمة قصايدك بعرفه
كل الحبيبات الجميلات مستحيلات
|
Post: #10
Title: Re: محجوب شريف .. الصحة كيف ؟
Author: طلال عفيفي
Date: 10-17-2006, 05:32 AM
Parent: #8
يا ريت يا عم محجوب تكون كويس بسرعه ، وترجع لينا
عشان إحنا بالجد مشتاقين ليك كتير ، وعايزين نقعد
معاك في ضل بشاشتك وخفة دمك ..
وجودك بيناتنا بيخلينا نتذكر إنو الحياة ممكنه ،
وإنو إحترام الذات شي ما صعب ولا مستحيل .
بتمنى تقضي وكت سعيد مع أحبابك في لندن وكل مكان ،
وإنك تتأكد وتطمئن من سلامة قلبك وصحتك .. لكن ،
زي ما قلت ليك : تعال ، إحنا مشتاقين ليك شديد !
...
طلال
__________________
الأستاذ محجوب ورفيقة دربه
الأستاذه أميره الجزولي في
معرض للفنون التشكيلية بالخرطوم
اوائل 2006
|
Post: #9
Title: Re: محجوب شريف .. الصحة كيف ؟
Author: خالدة البدوي
Date: 10-17-2006, 05:19 AM
يسلم محجوب شريف ،،،
امنياتنا الصادقة أن يكون الشاعر الرائع محجوب شريف
بلغ الصحة التامة ،،
شكرا شاهين ،،،
دمت ،،،
|
Post: #11
Title: Re: محجوب شريف .. الصحة كيف ؟
Author: انعام حيمورة
Date: 10-17-2006, 05:47 AM
محجوب شريف ..
سائلين عنك يوماتي ...ونتمنى لك الصحة والعافية ...
شكرا شاهين ..
|
Post: #12
Title: Re: محجوب شريف .. الصحة كيف ؟
Author: يوسف السماني يوسف
Date: 10-17-2006, 06:30 AM
الاخ / شاهين
تحياتي
Quote: بس نيلنا يا (محجوبنا) اوعا يخصخصوا
والصحة كيف ؟
(محجوب شريف) |
| Quote: الله عليك (محجوب شريف |
اخبارك يالرجل النضبق . نتمي لة عاجل الشفاء
|
Post: #13
Title: Re: محجوب شريف .. الصحة كيف ؟
Author: عبد اللطيف عبد الحفيظ حمد
Date: 10-17-2006, 07:12 AM
وأخت اسمك على باب الزمان إكليل
وردة صبية تلمع فوق صدير النيل
وأحبك لا قدر مكتوب ولا دمعاً سقى المنديل
وباسمك أغني لي عالم بسيط وجميل!!!
لهذه الأنشودة (وردة صبية) مكانة خاصة في داخلي، وإن كان كل أشعاره الثورية تعجب وتشرف، ولا يكاد يفارقني (الأطفال والعساكر).
سلامات يا زول يا رايع
|
Post: #14
Title: Re: محجوب شريف .. الصحة كيف ؟
Author: shaheen shaheen
Date: 10-19-2006, 04:56 PM
محجوب شريف انسان بسيط
عاشق اصيل
درب العشق يا زول طويل .
|
Post: #15
Title: Re: محجوب شريف .. الصحة كيف ؟
Author: نهال كرار
Date: 10-19-2006, 05:02 PM
في هذه الأيام المباركة نسأل الله ان يمن عليه بالصحة والعافية
| Quote: محجوب من الاذى يا شريف |
|
Post: #16
Title: Re: محجوب شريف .. الصحة كيف ؟
Author: shaheen shaheen
Date: 10-20-2006, 04:29 PM
شكرا يا استاذة على صورة الاستاذ
شكرا سلوى تسلمى .
|
Post: #17
Title: Re: محجوب شريف .. الصحة كيف ؟
Author: shaheen shaheen
Date: 10-21-2006, 00:33 AM
ومن منا لا يشتاق الى (محجوبنا) يا استاذ/ عصام ؟ .
|
Post: #18
Title: Re: محجوب شريف .. الصحة كيف ؟
Author: عصام عبد الحفيظ
Date: 10-21-2006, 08:08 AM
Parent: #17
من قائمة المشتاقين جدا
وحانواصل الشوق يا شاهين
|
Post: #19
Title: Re: محجوب شريف .. الصحة كيف ؟
Author: فيصل محمد خليل
Date: 10-21-2006, 08:38 AM
Parent: #18
لحظة من وسني/محمد الفيتوري
لو لحظة من وسني
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة على ضفاف المقرن الجميل
أجمل من نوّارة مفتحة ترقد تحت ذهب الأصيل
أجمل من رائحة النضال لم أشم رائحة في صبحك الجليل
يا فخر هذا الجيل
يا وطني ..
|
Post: #20
Title: Re: محجوب شريف .. الصحة كيف ؟
Author: shaheen shaheen
Date: 10-21-2006, 11:44 AM
استاذ/ ابوبكر
(محجوبنا) هذا ثروة قومية يجب المحافظة عليه .. تحياتى .
|
Post: #21
Title: Re: محجوب شريف .. الصحة كيف ؟
Author: shaheen shaheen
Date: 10-21-2006, 01:51 PM
تحياتى استاذة/ تراجى
وشكرا على المشاركة فى حب (محجوبنا) الرائع .
|
Post: #22
Title: Re: محجوب شريف .. الصحة كيف ؟
Author: النذير حجازي
Date: 10-21-2006, 02:31 PM
Parent: #21
عما قريب...
الهمبريب
يفتح شبابيك الحبيب
والحال يطيب
يا محجوب شريف تستجِمْ *
والبيت يتمْ
تتلم لمْ
تفرح فرح
تحلم حِلِم
كم تطمئن
-----
الأبيات لمحجوب شريف
*الأصل فى القصيدة: يا محمد أحمد تستجِمْ، عُدلت لغرض المناسبة
|
Post: #23
Title: Re: محجوب شريف .. الصحة كيف ؟
Author: Ibrahim Algrefwi
Date: 10-21-2006, 02:43 PM
محجوب شريف ...
اشرف الاسماء في الدنيا
واكثرها دعماً للدنيا يا شاهين ، من حقه -الاقل- علينا الحُب ...
، ، ،
لكن بس الشاعر ده عنده مُشكلة واحدة : جنو " طحنية" ...
وهو عندو سُكري ،حكي في الاحتفال الفي الاحفاد انو كان بدس الطحنية
تحت الجرجير شان ناس مريم ومي ما يشوفه وقولو ليه السُكر لا ...
شكراً ياشاهين :
ومحجوب من الاذى يا شريف .
|
Post: #24
Title: Re: محجوب شريف .. الصحة كيف ؟
Author: shaheen shaheen
Date: 10-21-2006, 03:32 PM
كلنا فى الحب شرق .. تحياتى استاذ/ ساورا .
|
Post: #25
Title: Re: محجوب شريف .. الصحة كيف ؟
Author: Mustafa Mahmoud
Date: 10-21-2006, 04:08 PM
Parent: #24
أهلا أهلا بالأعياد
محجوب شريف
أهلا أهلا بالأعياد
مرحب مرحب يا أجداد
أفتح أفتح يا تاريخ
أبعاد أبعاد
وأملا عيون كل الأحفاد
بالأمجاد
أفتح محضر باسم الشعب
بخط الشعب
لوجه الشعب
ومجد الشعب
سجل
أنحن الغضب الواعى
ضمير الثورة على استعداد
وبالمرصاد
لكل عميل وكل دخيل
|
Post: #26
Title: Re: محجوب شريف .. الصحة كيف ؟
Author: shaheen shaheen
Date: 10-22-2006, 04:12 AM
لك الود استاذ/ محمد عبدالجليل
وللاستاذ (محجوب) الحب .
|
Post: #27
Title: Re: محجوب شريف .. الصحة كيف ؟
Author: بكري الصايغ
Date: 10-22-2006, 05:14 PM
09-05-2006, 10:57 ص
وجدي الكردي
.
تاريخ التسجيل: 28-07-2005
مجموع المشاركات: 230
«محجوب شريف ..فيك الوطن.. ومنك الأغنيات
غداً حملة من أحبوه
«محجوب شريف لك العمر».. وفيك الوطن.. ومنك الأغنيات
الرأي العام: أنور عوض
«لك العمر يا محجوب شريف».. عبارة جرت على قلم ابو ساندرا العاشق في موقع «سودانيز أون لاين».. وأردفها آخر بـ «محجوب رئة الوطن.. والوطن رئة محجوب».. وثالث نسج بحب «يكابد النفس العليل ويلتمس لحظة شهيق».. ثلاث عبارات لثلاث سودانيين «بالجد» هي ذاتها العبارات المحفورة في قلوب جماهير الشعب الطيب.. يحملونها مثل وردة يانعة يضعونها بحب أمام محجوب شريف.. كأنهم «الثلاثة وكلنا» نلوذ بضعف حبنا لشاعر سكب فينا الحياة والأغنيات ولم نبادله إلا أغنية واحدة ولحن شفيف مستلهم من ذات الحبيب.. محجوب الذى غنى «يا شعبنا.. يا والداً احبنا..
يا من منحت قلبنا ثابتك الاصيل..
ولذلك احبه الناس.. وشدا بـ:
«يا شعباً تسامى يا هذا الهمام»..
تضج الدنيا ياما..
تطلع من زحامها
زي بدر التمام..
طول النخل الذي غنيت له نراه الآن في عودتك معافى ترسم لنا الأمنيات ووفرة السنبلات.. وحرية ان نكون كالعصافير.. بلا أسوار..
آلاف القلوب المترعة بالحب والنداوة.. آلاف الأيادى .. ونفوس يملأ قلبها وعقلها يقين الوفاء, ستخطو بهمة عصر الاربعاء المقبل لتنضم في تناغم آخرين.. أطفال.. نساء.. مبدعون.. ليرسموا جميعهم خارطة وطن ظل يتنفس برئة محجوب شريف.. الذي لم يتنفس سوى الوطن.. وشعب هذا الوطن الأبى الذي احب محجوب تنسرب خطاه في شوق نحو استاد الهلال وجامعة الاحفاد غداً الاربعاء مشاركاً في «حملة المحبين لمحجوب» دعماً لعلاجه.. ففي شفائه شفاء للحلم الجميل والصمود النبيل..
في مساء الاربعاء.. تغنى «عقد الجلاد».. ويشدو حميد.. والقدال.. وسيف الجامعة.. والهيلاهوب.. ومى.. ووردى الصغير.. وتحتشد الساحة بأندى لوحة وفاء وغداً يغنى سيف الجامعة «مريم ومي بنياتي» ليهتف المحبين والمحبات لا.. «كلنا بناتك.. كلنا اولادك».. ستهفو قلوبهم.. وتدندن ألسنتهم بأغنية ساحرة.. حرفها من نسيج صمودك في الزنازين.. ونافذة الحياة.. لحنها موسيقى «تبتبات» الصغار الذين لهم شدوت.. المغنون هم «الغبش».. ناس الحوارى والمتعبين والانقياء.. سيغنون لك لانك كنت معهم العمر كله.. مع أطفال الهكر.. مع الأغنيات.. وأحلام الوطن.. والغد الآتى بدعاشه المنتظر وذات الهمبريب الذي وعدتهم به في
عما قريب.. الهمبريب
يفتح شبابيك الحبيب
والحال يطيب..
محجوب شريف لك العمر كما قالوا.. ورصيدك بلد بحاله.. خطواتك عديلة.. وانت في عيونا.. كما كتبوا..
|
Post: #28
Title: Re: محجوب شريف .. الصحة كيف ؟
Author: بكري الصايغ
Date: 10-23-2006, 08:13 AM
محجوب من الاذى يا شريف .
ي نورنا
بى فانوسنا
بى شمعتنا
بنسوى السمح
بين الشعوب احنا الخيول التنجمح
وبين الخضار احنا القمح
تبت يدا حاكم سرق
تبت يدا دجال مرق
واستاسنا بى احلام ورق
يادمنا اليوم اتحرق
واستهلك اعراضنا الارق
براقنا فى الاكوان برق
واشرف مقاصدنا العرق
تبت يدا حاكم ظلم
شعبا اذا مسك القلم
مابنسج الشقا فى العلم
ولا بعرف الخوف والندم
لابيسرق احلامو العدم
ولابقبل يسجد للصنم
ولابشتهى القراصة فى ايد الامم
|
Post: #29
Title: Re: محجوب شريف .. الصحة كيف ؟
Author: الملك
Date: 10-23-2006, 10:22 AM
محجوب من الأذى شريف
...
...
وكل سنة وانت طيب
...
...
صورة أخذت ذات مساء فى المنزل
|
Post: #30
Title: Re: محجوب شريف .. الصحة كيف ؟
Author: shaheen shaheen
Date: 10-26-2006, 04:57 AM
يا حبيبى .. يا حبيبنا .. يا (محجوبنا) .. يتواصل مسلسل الحب .
|
Post: #31
Title: Re: محجوب شريف .. الصحة كيف ؟
Author: shaheen shaheen
Date: 10-27-2006, 12:17 PM
شكرا لكل المحبين .
|
|