المرشح الرئاسي قال: ....

06:59 PM Feb, 14 2015
سودانيز أون لاين
Munir - a222
مكتبتي في سودانيزاونلاين





في أثناء مشاهدتي القصيرة لتلفزيون السودان كان لقاء قصير مع أحد المرشحين المستقلين في انتخابات الرئاسة ليطرح مقتطفات لرؤاه في الحكم ..ومن ضمن قوله ذكر كيف أن الدولة لا تملِّك الشعب المعلومة وتنعدم الشفافية ووو .. قال البلد تنضرب بالطيارات والحكومة لا تبلِّغ الشعب وتدس المعلومة منه ..
طبعاً إتكيفنا من روحه الشفافة .. لكين قلنا ليهو غايتو تفوز بالرئاسة إلاّ إنت لي رقبتك دي تفتش اليدسك من الشعب .. ههه ..

المرشح الرئاسي ده ظاهر إنو ماخد الأمور ببساطة -
نقول ليهو الإيد الواحدة ما بتصفق .. ولكي تستطيع أن تحقق رؤياك عن الدولة الشفافة لازم تضمن أن الطاقم بتاعك زاته شفاف وما بيدس منك المعلومة - زي جماعة فرعون الأقنعوه إنه لابس وهو ماشي قدامهم عريان - داسين منه المعلومة طبعاً ..
وبعدين الطاقم زاتو ممكن لي رقبتو دي يكون قايل نفسو لابس وهو يكون عريان وناسهم التحتهم شغالين ليهم صفقة وتطبيل ومقنعنهم أنهم لابسين .. والناس التحتهم زاتهم يكونوا عرايا ويكونوا شايفين نفسهم قاشرين وآخر أناقة.. ووو هكذا دواليك .. لغاية ما تتضح الصورة الكاملة أن الأغلبية ماشة أمفكو ..