Post: #2 Title: Re: ده ياهو بوليس أمريكا الراجنو ؟؟ .. Author: Afraa Sanad Date: 10-13-2015, 11:59 PM Parent: #1
Are you for real!!!!!!!!!!!!!!!!!!!!!!!!!!!!!!!!!!!!!!!!!!!
Post: #3 Title: Re: ده ياهو بوليس أمريكا الراجنو ؟؟ .. Author: ABDALLAH ABDALLAH Date: 10-14-2015, 00:33 AM Parent: #2
Quote: ده ياهو بوليس أمريكا الراجنو ؟؟ ..
الأخ العزيز منير This is just a Movie
Post: #4 Title: Re: ده ياهو بوليس أمريكا الراجنو ؟؟ .. Author: Deng Date: 10-14-2015, 01:54 PM
هههههههههههههه
Post: #5 Title: Re: ده ياهو بوليس أمريكا الراجنو ؟؟ .. Author: Hafiz Bashir Date: 10-14-2015, 02:34 PM Parent: #4
في إنتظار منير عشان نفهم الرابط بين عنوان البوست و الفيديو الجابو دا
أنا غايتو ثقتي في ثقافة منير و إنو زول تفتيحة بتخليني ما أظن إنو منير فايت عليهو إنو دا فيديو كليب
غايتو يا منير لو طلعت قايل ناثان برنات دا بوليس امريكي جد جد تكون خزلتني و تاني لا بيني لا بينك ياخي
Post: #6 Title: Re: ده ياهو بوليس أمريكا الراجنو ؟؟ .. Author: Munir Date: 10-14-2015, 08:19 PM Parent: #5
الأفاضل عفراء سند وعبدالله عبدالله .. سلامات .. يعني أفهم من كلامكم ده الأغنية ما عجبتكم .. هههه ..والله أحبطتوني ..
Post: #7 Title: Re: ده ياهو بوليس أمريكا الراجنو ؟؟ .. Author: Munir Date: 10-14-2015, 08:22 PM Parent: #5
صاحبي حافظ بشير .. معقولة بس؟؟ .. الكليب في عنوانه official music video ياخي .. هههه العنوان مبتكر لجذب الملكيين أكتر من الملك الحيجوا يدافعوا عن البوليس ههه .. ما كنت قايل الحكاية بايظة للدرجة دي .. الحصل أني أمبارح في طريقي للشغل من أول الصباح سمعت الأغنية في راديو العربية فعجبتني- فأول ما وصلت بحث عنها وقعدت استمع .. جيت البيت سمعتها تاني يمكن ٥٠ مرة وأخيراً قلت أشارك بيها للملكيين أكتر من الملك الأذكياء .. فجاءني الأبرياء وبعض الأغبياء .. حكمته بالغة ..:)
Post: #8 Title: Re: ده ياهو بوليس أمريكا الراجنو ؟؟ .. Author: Abureesh Date: 10-14-2015, 08:29 PM Parent: #7
يا اخى العزيز منير
العنوان يقول ان محتوى الفيديو يمثل البوليس الأمريكي ، لذلك نحن مغشوشين في البوليس الأمريكي. وهذا غير صحيح لأن الفيديو لا يمثل البوليس الأمريكى، فهو من أكثر بوليس العالم إنضباطاً ومهنيـة. ممكن تكون اغنية شبابية جميلة، لكن دا موضوع اخر
Post: #9 Title: Re: ده ياهو بوليس أمريكا الراجنو ؟؟ .. Author: Munir Date: 10-14-2015, 08:37 PM Parent: #7
جذبتني الأغنية في الراديو بسبب موسيقي الجيتار الخلفية - ريذم ونغمة مكرورة تجعلك تغوص في الموسيقي لتستمع لموسيقي الباكقراوند .. وهذا اللحن الجيتاري الدائري يشبه لي برضو ساوندتراك في أحد ألعاب البلي استيششنن اسمها ssx tricky - عن ال snow bording - كان ولدي مبدع فيها منذ كان عمره ٧سنوات .. ثم الإبداع التاني في الفيديو هو البوليس الذي يبدأ جاداً، ثم يبدأ يتسلطن، ثم يتجنن .. !!!..
Post: #10 Title: Re: ده ياهو بوليس أمريكا الراجنو ؟؟ .. Author: Munir Date: 10-14-2015, 08:45 PM Parent: #9
أخي العزيز أبوريش .. أرجو تكون قريت ردودي .. معقول يا أخواننا أنا أقعد أشرح المشروح ؟؟ .. !!:)
Post: #11 Title: Re: ده ياهو بوليس أمريكا الراجنو ؟؟ .. Author: سيف النصر محي الدين Date: 10-14-2015, 09:20 PM Parent: #10
الهيت لست يا منير فيها اغاني اكثر من رائعة ارشح لك اغنية ون دايركشن Nobody can drag me down اما بالنسبة للبوليس الامريكي فحقيقة تنطبق عليه مقولة تطير عيشتو.. هم مادة مفضلة للكوميديين..يتم تصويرهم في مسلسلات الكرتون الرائجة هذه الايام على انهم كسالى و اغبياء لا هم لهم سوى اكل الدونات..هوليوود اشتغلت على ثيمة الشرطي الفاسد لامن تعبت..في اطار الفري سبييتش ما سمعنا زول جا قال هيبة القوات النظامية و للا احترام الكاكي و للا الحجج الميتة بتاعتنا ديك.
Post: #12 Title: Re: ده ياهو بوليس أمريكا الراجنو ؟؟ .. Author: هاشم احمد ادم Date: 10-15-2015, 07:15 AM Parent: #11
سلام منير إداناة فيديو (أرجو تحميلة ) يعطى اضافة للبوست وقد خطر فى بالى من اول البوست لكن انتظرت شان نشوف الهواء ماشى فى اى اتجاة Dover Police Officer singing Taylor Swift "Shake it Off" ويبدو ان فكرة الفيديو كليب جات من هنا .
Post: #13 Title: Re: ده ياهو بوليس أمريكا الراجنو ؟؟ .. Author: Deng Date: 10-15-2015, 08:34 AM Parent: #12
معقولة زول يفتح له بوست وبعنوان واضح، وعندما يرد عليه الناس بكل أحترام يقوم يجي يوصفهم بأنهم "أغبيا" "وملكيين أكثر من الملك" !!
ما هذا المستوى ؟؟
Post: #14 Title: Re: ده ياهو بوليس أمريكا الراجنو ؟؟ .. Author: محمد نور عودو Date: 10-15-2015, 10:31 AM Parent: #12
Quote: Dover Police Officer singing Taylor Swift "Shake it Off" ويبدو ان فكرة الفيديو كليب جات من هنا .
i think so
Post: #15 Title: Re: ده ياهو بوليس أمريكا الراجنو ؟؟ .. Author: Munir Date: 10-15-2015, 11:43 AM Parent: #14
Sayed Abd Albagi .. مشيت شفت صفحتك بتاعة الفيس دي لقيت تعليقاتك علي بوستات تانية .. إكتشفت إنك مش زول عدواني وشرير بس، بل إكتشفت إنك دلاهة عديل أخير منك الأهبل المدعو Umer Mh ده .. أوع يكون قاصد بMh دي Mohamed .. أسه دي مش الدلاهة زاتها؟.. مستخسر يكتب Mohamed .؟ أعوذ بالله ..
هسه الواحد لو سألكم حارقين رزكم فوق كم لولا إنكم ناس مرض وفاقد تربوي ؟!!
Post: #16 Title: Re: ده ياهو بوليس أمريكا الراجنو ؟؟ .. Author: Munir Date: 10-15-2015, 01:16 PM Parent: #15
يا دكتور سيف كتر خيرك ياخي خشيت في الموضوع علي طول :) .. وشكراً علي الون دايريكشن - ديل ناس الأجيال الشابة ياخ .. لكنهم برضو علي نمط موسيقي الباك ستريت بويز، والاسبايس قيرلز بتاعين التسعينات .. هسه طبعاً يكونوا جلكنوا ..
نحن طبعاً وجداننا مشحون بحاجات كتيرة منذ الطفولة وإنت طالع .. حيث بدينا بريحة الزبالة وأصوات الحمير في البلد، ثم ناس الجداد والحمام ، ثم أغاني زمان بتاعتنا ، منذ ناس وردي زمان ومحمدالأمين- بعدين ناس زيدان - الله يرحمه- وعبدالعزيز المبارك، وخوجلي عثمان، وفي تلك الأزمان كان في المحاذاة الغربية ناس بوني إم وأببا وغيرهم .. لغاية من خشينا الزون في عقر دار الغرب - مع إنو غربنا السوداني ما شفنا بعيننا - .. أها في الغرب ده الواحد لقي نفسه قاعد في حتة مقطوعة .. لا راديو أمدرمان لا تلفزيون لا أغاني .. وفي وحشة الجليد ما كان عندنا غير ردستيوارت وفيلل كولن وروكسيت وإيس أف بيس وو ولم تكن الميديا وصلت مرحلة ال إم بي ثري فكان أوائل التسعينات أطول مدة فايل صوتي لا تتعدي بضع ثواني .. وأنا كذلك في مرحلة التسعينات هجرت كمبيوترات المايكروسفت وويندوز تمامًا وبقيت معلق في كمبيوتر الSUN ونظام يونكس .. بعد هجرتي من الSUN كان خلاس اليوتيوب فتحت والعالم إتطوَّر .. وأهو قمنا تاني نجترَّ أنغام السودان ونفتش الفاتنا زمان .. وبرضو زي ما شايف النغمة الغربية الدخلتنا من التسعينات ما مرقت وبقينا برضو نستمتع بالموسيقي الغربية ومعاها الصينية كمان .. وزي ما قلت لحافظ إنو جاتني الأغنية وأنا خالي الذهن ماشي علي الشغل .. عجبتني نغمة الجيتار الكهربائي ده واللحن عمل لي إستمخاخ في المخيخ زاتو .. قلت أشارك بعنوان مبتكر نظام كاميرا خفية وكده .. لكن أولاَ فاجأني الأخ عبدالله عبدالله وتاني عفراء سند بأنهم ما نقشوني كويس، ربما بناءً علي فكرة إستباقية عني بسبب بوستات عن الإقتصاد والسياسة الأمريكية التي تغضب البعض .. ووهكذا :) .. الجيتار الكهربائي يعطي الأغنية باقراوند قوي له قدرة علي الغلغلة في الوجدان لأن دوره في كل الأغنية هو ميلودية واحدة متكررة مهمتها تلصق في ذاكرة المستمع ..
وأظن أن جزء كبير من شعبية المرحوم زيدان إبراهيم ترجع ل أنه أول من أدخل البيزجيتار -أعتقد- والذي جعل أغانيه تختلف عن أقرانه ..
Post: #17 Title: Re: ده ياهو بوليس أمريكا الراجنو ؟؟ .. Author: Munir Date: 10-15-2015, 11:21 PM Parent: #14
الأخوين الكرام هاشم احمد ادم و محمد نور عودو تحياتي وأشكركم علي المشاركة .. آسفين علي تأخير الرد - قلت لغاية ما الواحد يرجع البيت يشوف الفيديو بتاعكم .. إنتو متأكدين إنو فيديوي فكرته من فيديوكم واللاّ العكس؟ .. في الفيديو بتاعي أنا أصلاً أعجبت بالأغنية بالسماع أولاً - راديو - ثم شاهدت كوميديا الفيديو ثانياً والذي قلنا نشاغل بيهو الأصحاب الملكيين أكتر من الملك .. والبوست أساساً دعوة للسماع .. لكين زي ما شايفين القصة جابت آثار جانبية ..
Post: #18 Title: Re: ده ياهو بوليس أمريكا الراجنو ؟؟ .. Author: Munir Date: 10-15-2015, 11:27 PM Parent: #17
الأخ Hafiz Elemam Mohieldin سلام يازول .. أصحابي الفوق ديل أنا بتعامل معاهم - إنت شوف لي البجم بتاعين الفيسبوك ديل أديهم قروشهم خليهم ينزلوا هنا ..