Post: #1
Title: عرقي الموز المركَّز في أوغندا .. سكر بإهمال .. مجتمعات منتهية ..
Author: Munir
Date: 09-28-2014, 02:30 PM
|
Post: #2
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: عبدالعزيز الفاضلابى
Date: 09-28-2014, 05:16 PM
Parent: #1
سلام يامنير ـ مشتاغووون ياخ
الحمد لله علي نعمة الاسلام
غايتو الواحد عرف كان مشي يوغندا
ماياكل كمونية.
الغريبة يامنير الخواجات ديل
هم اللي استعمروا افريقيا(بمعني استعبدوها) ومازالوا
والآن يذرفون دموع التماسيح علي حالها
هم من يثيرون الفتن بين قبائلها ومكوناتها ويفككونها
ويلقون باللوم علي ابنائها وهم في هذه مُحِقون الي درجة ما
لأن بعض ابناء القارة جعلوا انفسهم في خدمتهم يبتغون عندهم العزة
هم من يرسل اسلحته لهذا الطرف ليقتل ذاك وذاك ليقتل هذا ثم تراهم
هم الوسطاء ليظهروا بمظهر الانسان المتحضر الذي تهمه حقوق الانسان
والغريبة حقوق الانسان دي مايجيبوا سيرتها الا حين يتعلق الامر بالدول
المسلمة اما دول مثل يوغندا والكنغو فحقوق مثل اولئك النسوة مُصانة
طالما أُفقِرن لدرجة ان يضطرَّن للعيش المزري هذا وكأن الحق في البيئة النظيفة والصحة ليس من حقوقهن
|
Post: #3
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: Osman Musa
Date: 09-28-2014, 08:17 PM
Parent: #2
عزيزنا الأخ منير
سلامات
لاحظ وضوح الهبتايتيز الضارب عيون أخونا المصنقع بي قزازة عرقي الموز .
القصص دي موجودة برضو في دول سنترال أميركا وفي الكاريبي مع شوية أختلاف في عرض البضاعة ..
بس يا منير في يوغندا الخوأجة قوة العرقي عجبتو لا حدي ما نستو موضوع الفيلم المفروض يكون عن الضرر .
ونستو ( و س خ ) البراميل والقدور .
|
Post: #5
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: Munir
Date: 09-28-2014, 10:32 PM
Parent: #3
أخونا العزيز عثمان موسي مرحب حبابك ..
ياخي ناس أمريكا الجنوبية والكاريبي ديل زي الأفارقة واحد - أفريقيا أسوأ طبعا -
الناس هناك برضو شغالين بيرة بإهمال - ومعاها مخدرات شديدة .. وعدوانيين كمان ..
الخواجة ده قلبه قوي .. زول يمشي ينحشر وسط السكاري ديل ويخمّس معاهم بالكيزان الوسْخانة دي إلاّ يكون ما نصيح ..
|
Post: #4
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: Munir
Date: 09-28-2014, 10:19 PM
Parent: #2
مرحبتين أخي عبدالعزيز الفاضلابي ..
الحالة صعبة شديد .. الصغار علي الكبار طاشمين للطيش .. في الآخر رقدوا كُريق .. أحسن ما نلوم الخواجة الذي إتخارج قبل 50 سنة ..
يخيل لي أن نمط التجمعات البشرية يظهر في سلوكهم - أو نقول الموديل للمجموعات قد يكون جيد فيتقدم المجتمع وقد يكون الموديل سيئ فينتج مجتمعات متخلفة .. ياخي قبل فترة جبت ليكم فيديو عن أمراء الحرب في ليبيريا سحاحير بيأكلوا الناس عديل .. اليوغنديين ديل كاتلهم الفقر فيقوموا يفرغوه بالسكر .. أفريقيا مشكلتها كبيرة ..
يا تري هل عندنا في أي بقعة في السودان مثل هذه المناطق السكرانة ؟؟
|
Post: #6
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: خالد المبارك
Date: 09-29-2014, 06:46 AM
Parent: #4
لك التحية منير
| Quote: يا تري هل عندنا في أي بقعة في السودان مثل هذه المناطق السكرانة ؟؟ |
منطقة بي حالها سكرانة
عادي موجودة في السودان كتير من القرى بالصورة دي
افارقة و السودان افريقي لكن مركب مكنة شرق اوسطية يعني ما فرقت كتير
قسم بالله لو ما الحكومة كنت ببتشوف مدن بالصورة دي خليك من بقعة
انا شخصيا شاهدت في مناطق نائية حالات تكاد تكون مشابهة
شواهد امكانية وجود بقاع هكذا في السودان تبرهنها فرفرة المثقفاتية العلمانيين الذين يستعدون الحكومة التى تقف امام رغباتهم
|
Post: #7
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: محمد الشيخ أرباب
Date: 09-29-2014, 07:01 AM
Parent: #6
Quote:
شواهد امكانية وجود بقاع هكذا في السودان تبرهنها فرفرة المثقفاتية العلمانيين الذين يستعدون الحكومة التى تقف امام رغباتهم |
تعرف كلامك ده دكرني رد د. منصور خالد على محمد الامين خليفة لمن محمد الامين خليفة قال ليه علمانية يعني عايزين تفتحوا البارات
فرد عليه د. منصور قائلآ " لو فهمك للعلمانية انها فتح البارات يؤسفني اقول ليك ده بؤس فكري "
|
Post: #8
Title: Re: عرقي الموز المركَّز في أوغندا .. سكر بإهمال .. مجتمعات منتهية ..
Author: kamal omer
Date: 09-29-2014, 07:05 AM
Parent: #6
| Quote: قسم بالله لو ما الحكومة كنت ببتشوف مدن بالصورة دي خليك من بقعة |
غايتو زمان قبل الحكومة دي و حكومة نميري قبل 1983 ، العاوز يسكر بيمشى لي محلات معروفة و بعيدة عن الأحياء و لو عاوز يجيبو في بيتو بيكون داسي شرابو في كم الجلابية و بيشربو بالدس و بعد ما يصلي العشا ، و العاوز يزني برضو محلاتو معروفة
و البيسكر الصباح بدري يصلي صبحو و يمشي شغلو ، و خالي بالو من أسرتو و عيالو و متماسكين و ناجحين
باقي الأحياء نضيفة و الناس بتخاف على بعض و بيتواددو و يتراحمو فيما بيناتم
و بعد 1983 و في ظل الحكومة دي الخمور و بيوت الدعارة انتقلت لوسط الأحياء و الناس إلا من رحمو ربو بقت حالا تاني
|
|