Post: #1 Title: أين مداخلتك التي دعيت فيها بالهزبمة للجيش يا فائز ؟؟!! Author: Munir Date: 04-15-2012, 01:51 PM Parent: #0
أذكر أنك كتبت مداخلة تدعو فيها علي الجيش السوداني بالهزيمة في معركة هجليج .. فبحثت عنها ولم أجدها .. ممكن تدلني علي الرابط بتاعها؟؟ !! ..
Post: #2 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Munir Date: 04-15-2012, 11:22 PM Parent: #1
up
Post: #3 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-15-2012, 11:56 PM Parent: #2
منير ....سلامات ..
فائز انا ؟!!
Post: #4 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-15-2012, 11:57 PM Parent: #2
منير ....سلامات ..
فائز انا ؟!!
Post: #5 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Munir Date: 04-16-2012, 00:06 AM Parent: #4
أيوة إنت
Post: #6 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 00:33 AM Parent: #5
صراحة مابتذكر في ياتو بوست فانا مابحفظ البوستات الشاركت فيها ولا بتذكر كتاباتي...لكن اذا دعيت بالهزيمة على الجيش في هجليج فصراحة اكون بالغت لانه اكيد اكون قاصد ادعو عليه بالهزيمة في كل المعارك مابس في هجليج .. بدعو عليه بالهزيمة في جنوب كردفان وفي النيل الازرق وفي دارفور ومستقبلا في الشرق بإذن الله تعالى ..اى مكان يامنير ...
في مشكلة في كوني ادعو ربي ؟!!
تحياتي ..
Post: #7 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 00:34 AM Parent: #5
معذرة في التكرار ..عندي مشكلة في النت ..
Post: #8 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Munir Date: 04-16-2012, 00:43 AM Parent: #7
الغريب أني فتشت تلك المداخلة في هذا الربع وما لقيتها .. بس حبيت أتأمَّل مستوي الإنحطاط وصل وين ..
Post: #9 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: أحمد ابن عوف Date: 04-16-2012, 00:47 AM Parent: #8
Quote: فصراحة اكون بالغت لانه اكيد اكون قاصد ادعو عليه بالهزيمة في كل المعارك مابس في هجليج ..
هههههههههههههههه
Post: #10 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 01:06 AM Parent: #8
Quote: الغريب أني فتشت تلك المداخلة في هذا الربع وما لقيتها .. بس حبيت أتأمَّل مستوي الإنحطاط وصل وين ..
انحطاط دي لمنو ؟!!!!!!
Post: #11 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: هاشم نوريت Date: 04-16-2012, 01:32 AM Parent: #10
مداخلة احتياطى كدا
Post: #12 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Mohamed Suleiman Date: 04-16-2012, 02:07 AM Parent: #11
Quote:
لكن اذا دعيت بالهزيمة على الجيش في هجليج فصراحة اكون بالغت لانه اكيد اكون قاصد ادعو عليه بالهزيمة في كل المعارك مابس في هجليج .. بدعو عليه بالهزيمة في جنوب كردفان وفي النيل الازرق وفي دارفور ومستقبلا في الشرق بإذن الله تعالى ..اى مكان يامنير ...
في مشكلة في كوني ادعو ربي ؟!!
يا منير ... أهو فايز جا و ختاها ليك بالواضح و زيادة .... ما تعمل فيها رايح و تقعد تقول لا أنا بفتش في المداخلة ديك ...
هو الجيش السوداني الغنت قاصدو ده ما ياهو جيشكم إنتو البيقتل أطفالنا و بيحرق قرانا .. نحن لا ندعو ربنا فحسب ... بل نحاربه و نطرده من اماكن كثيرة اليوم ... جيشك ده يا هو العدو بعينه ... يجب دحره و هزيمته شر هزيمة .....
نحن لا ندعو الله بهزيمة هذا الجيش نحن نعمل علي هزيمته شر هزيمة ...... ده جيشكم ... كلّو ضبّاط خريجي الكلية الحربية
الىنوم لا مهمشين جنود يحاربون لكي تنعموا انتم بنهب البلاد .....
Post: #13 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 07:29 AM Parent: #12
.
Post: #14 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: بدر الدين اسحاق احمد Date: 04-16-2012, 11:15 AM Parent: #13
Quote: .لكن اذا دعيت بالهزيمة على الجيش في هجليج فصراحة اكون بالغت لانه اكيد اكون قاصد ادعو عليه بالهزيمة في كل المعارك مابس في هجليج .. بدعو عليه بالهزيمة في جنوب كردفان وفي النيل الازرق وفي دارفور ومستقبلا في الشرق بإذن الله تعالى ..ا
إن شاء الله ربنــا يحفظ اولادنا واخوانا وعساكرنا وضباطنا لحماية بلادنــا واعراضنا وثرواتنا ..
إنت عارف إنو الهزيمة بتعنى فيما تعنى .. موت عساكرنا تدمير ثرواتنا نهب مواردنا إنتهاك اعراضنا تنفيذ مخططات اعداء السودان الحمد لله إن الله عالم بما نحن عليه بئس الدعوة وبئس الانتماء _____
الاخو منير .. لقد ودعت إخوة كرام إلتقينا على دروب التقى وعشق هذا الوطن تركو أهلهم وأسرهم ولبو داعى الجهاد فى هجليج ويمكن أن لا أقابلهم فى هذه الدنيا ويختارهم الله شهداء لكنى قطعاً سأمون عدواً لعدوهم وعوناً لهم بالدعاء فى كل تحركهم وسيرهم لهم الله
ولهم العار والخزى من عملاء ..
Post: #15 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 11:49 AM Parent: #14
ودالعمة ..سلام ..
Quote: إن شاء الله ربنــا يحفظ اولادنا واخوانا وعساكرنا وضباطنا لحماية بلادنــا واعراضنا وثرواتنا ..
اللهم احفظ ابناءنا واخواننا وعساكرنا وضباطنا واعراضنا الشرفاء المخلصين الذين لم تتلوث اياديهم باى من الجرائم واحفظ ثرواتنا واراضينا .قول معاى امييييييييين
Quote: إنت عارف إنو الهزيمة بتعنى فيما تعنى .. موت عساكرنا تدمير ثرواتنا نهب مواردنا إنتهاك اعراضنا
الموت حاصل مما جات الانقاذ والهزيمة حاصلة في السكوت على جرائمها حتى الآن . اعدام خيرة ضباط بلادي في 28 رمضان اعدام تجار العملة مجزرة في بورسودان قتل في كسلا قتل في كجبار قتل القضارف قتل وحرق وتدمير في دارفور قتل وحرق وتدمير جنوب كردفان قتل في النيل الازرق اغتصاب نساء ورجال اعتقالات وتعذيب لا تحصى ولا تعد احتلال اجنبي لحلايب احتلال اجنبي للفشقة و و و و
لن تكون ارواح الكيزان باشرف من هؤلاء ياقريبي الكيزان دون العالمين لايتحدثون عن الوطنية البته ..
Quote: تنفيذ مخططات اعداء السودان الحمد لله إن الله عالم بما نحن عليه
عليك الله الاعداء يخططوا لشنو مادام الكيزان مامقصرين في البلد ؟!! وعلى قولك الله عالم بما الكيزان عليه .
Quote: بئس الدعوة وبئس الانتماء
مزعلاكم دعوتي لربي ولا شنو ؟ معقولة الواحد ماياخد راحته مع ربه ولا شنو ؟ واما الانتماء فلم يكن صكاً من احد ياقريبي ..
تحياتي ،،
Post: #16 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: نور الدين عثمان Date: 04-16-2012, 03:57 PM Parent: #15
ود القاضى (إدم منو )( حتو كمثل ادك حتيى يمر يله )
والله صحى الاختشو ماتو
Post: #17 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: سيف النصر محي الدين Date: 04-16-2012, 04:44 PM Parent: #16
يا فائز البركة فيكم في وفاة المغفور له باذن الله عمك و تعازينا للأسرة جميعا.
Post: #24 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 09:51 PM Parent: #17
Quote: يا فائز البركة فيكم في وفاة المغفور له باذن الله عمك و تعازينا للأسرة جميعا.
حبيبنا سيف ..سلامات ..والبركة في الجميع ولا اراك الله مكروه في عزيز ...شكرا ياغالي ..
Post: #22 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 09:45 PM Parent: #16
Post: #35 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-17-2012, 07:42 AM Parent: #11
ابن عمي نوريت ...دبايوا ..
Quote: مداخلة احتياطى كدا
خلاص دخل سيفك في غمده فمنير زول اخوناوطلع مسالم ويمكن اقناعه بالكلمة لو طلع النضارة ..
تحياتي ياقريبي ،،
Post: #18 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Munir Date: 04-16-2012, 06:05 PM Parent: #10
Quote: انحطاط دي لمنو ؟!!!!!!
ليك إنت طبعاً ..
Post: #19 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Amani Al Ajab Date: 04-16-2012, 06:19 PM Parent: #18
تباً للإنقاذ.. اللهم ارنا فيهم عظمة قدرتك قادر ياكريم ..
Post: #20 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Alshafea Ibrahim Date: 04-16-2012, 06:45 PM Parent: #19
إنت عارف إنو الهزيمة بتعنى فيما تعنى .. موت عساكرنا تدمير ثرواتنا نهب مواردنا إنتهاك اعراضنا تنفيذ مخططات اعداء السودان الحمد لله إن الله عالم بما نحن عليه بئس الدعوة ============================ بئس الضلال والكذب هو باقى من ذلك شيء ؟ الشفيع
Post: #26 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 10:08 PM Parent: #20
Quote: إنت عارف إنو الهزيمة بتعنى فيما تعنى .. موت عساكرنا تدمير ثرواتنا نهب مواردنا إنتهاك اعراضنا تنفيذ مخططات اعداء السودان الحمد لله إن الله عالم بما نحن عليه بئس الدعوة ============================ بئس الضلال والكذب هو باقى من ذلك شيء ؟ الشفيع
قريبي ده اعماه الانتماء الحزبي عن افاعيل حزبه على مدار تاريخه الدموى ..
Post: #21 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: أمجد الزين Date: 04-16-2012, 06:56 PM Parent: #19
فايز يا حبيب الديش ما عندو ذنب فى البحصل دة يعنى يمكن تقول كدة زى خادم الفكى وكان بكون افضل لو نشنت على المصدر ورشيتو بدعوتك دى
Post: #23 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: بدر الدين اسحاق احمد Date: 04-16-2012, 09:46 PM Parent: #21
Post: #29 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 10:40 PM Parent: #21
حبيبنا امجد ..سلامات ..
Quote: فايز يا حبيب الديش ما عندو ذنب فى البحصل دة يعنى يمكن تقول كدة زى خادم الفكى وكان بكون افضل لو نشنت على المصدر ورشيتو بدعوتك دى
بل ليهو ذنب لانه زي خادم الفكي .. والجيش ليس بمعزل عن المؤتمر الوطني خلي يضوق العذاب الاذاقه للشعب السوداني فده درس رباني.. ياامجد ربنا يمهل ولايهمل وعذابه شديد ..
Post: #27 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 10:14 PM Parent: #19
تباً لهم واخذهم الله اخذة عزيز مقتدر وجعلهم عبرة لمن يعتبر ومن لايعتبر..
Post: #25 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 09:59 PM Parent: #18
Quote:
Quote: انحطاط دي لمنو ؟!!!!!!
ليك إنت طبعاً
طمنتني ..انا قايلا لزول تاني ...
ــــــــــــــــــــــ انت عارف يامنير لمن الواحد بقدر ويحترم زول بيعمل رايح من اساءاته عشان يحفظ الحاجات الحلوة بينهم ومايندم على اى رد فعل..
Post: #28 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Munir Date: 04-16-2012, 10:32 PM
Quote: انت عارف يامنير لمن الواحد بقدر ويحترم زول بيعمل رايح من اساءاته عشان يحفظ الحاجات الحلوة بينهم ومايندم على اى رد فعل..
يافائز .. تعرف من شدة إحباطي فيك ماقدرت أعمل رايح كلو كلو ، رغم إني حاولت .. فقررت أخسرك .. لكن يبدو أني فشلت ..
Post: #30 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-16-2012, 11:49 PM Parent: #28
Quote: يافائز .. تعرف من شدة إحباطي فيك ماقدرت أعمل رايح كلو كلو ، رغم إني حاولت .. فقررت أخسرك .. لكن يبدو أني فشلت ..
يامنير انا السودان ده وطني ومافي زول بقدر يزايد على فيهو مهما كانت درجة انتماءه الحزبي والديني وحتى العرقي ولا ازايد على احد فيه.واى سنتمتر فيهو هي ارضي ومستعد افديها باى تمن ..ولو كان الحال مختلف عماهو عليه الان لوجدتني في الصفوف الامامية .. القصة ماقصة هجليج احتلتها دولة اجنبيه فالوضع بين الجنوب والشمال لم ياخذ شكله النهائي المنفصل بعد حتى يمكن الحكم عليه بدولة ذات سيادة واخرى اجنبية رغم الواقع السياسي المنفصل..فالصراع مازال صراع شريكين لهما مصالح خاصة وتصفيات لايمكن باى حال ان يتحملها الشعبيين ..وانا كسودانى عانى من النظام وعاني شعبي من القتل والتشريد والتعذيب لاينكره الا من شارك فيه لايمكن ان تنطلي على دراما الوطنية والسيادة ...اين كانت هذه السياة عندما قتل هذه الجيش خيرة ابناء وطني في كل بقعة منه ؟!! ..هجليج ان كانت سودانية فستعود ولكن هل سيعود من قتلتهم الانقاذ ظلما وجوراً طيلة فترة حكمهم البائس ؟!!! ده منظوري للسيادة والوطنية يامنير ...ولن احبط فيك فكلي عشم ان تفصل بين الوطن وبين هؤلاء مهما كانت مرارات الحرب والواقع بين الجنوب والشمال...
لايوجد جيش سوداني ياعزيزي ..
تحياتي ،،
Post: #31 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: هيثم طه Date: 04-17-2012, 00:52 AM Parent: #30
Quote: يامنير انا السودان ده وطني ومافي زول بقدر يزايد على فيهو مهما كانت درجة انتماءه الحزبي والديني وحتى العرقي ولا ازايد على احد فيه.واى سنتمتر فيهو هي ارضي ومستعد افديها باى تمن ..ولو كان الحال مختلف عماهو عليه الان لوجدتني في الصفوف الامامية .. القصة ماقصة هجليج احتلتها دولة اجنبيه فالوضع بين الجنوب والشمال لم ياخذ شكله النهائي المنفصل بعد حتى يمكن الحكم عليه بدولة ذات سيادة واخرى اجنبية رغم الواقع السياسي المنفصل..فالصراع مازال صراع شريكين لهما مصالح خاصة وتصفيات لايمكن باى حال ان يتحملها الشعبيين ..وانا كسودانى عانى من النظام وعاني شعبي من القتل والتشريد والتعذيب لاينكره الا من شارك فيه لايمكن ان تنطلي على دراما الوطنية والسيادة ...اين كانت هذه السياة عندما قتل هذه الجيش خيرة ابناء وطني في كل بقعة منه ؟!! ..هجليج ان كانت سودانية فستعود ولكن هل سيعود من قتلتهم الانقاذ ظلما وجوراً طيلة فترة حكمهم البائس ؟!!! ده منظوري للسيادة والوطنية يامنير ...ولن احبط فيك فكلي عشم ان تفصل بين الوطن وبين هؤلاء مهما كانت مرارات الحرب والواقع بين الجنوب والشمال...
ياخي احبك زاتو يا ود القاضي ياخ !! كلام زي الورد زي بروفايلك !! تعرف الزول لامن يكون عارف ازمة النظام وازمة خطابو ما بتدردق ولا بتخت في موقف دفاع عشان يتحسس وطنيتو !
منير ازيك
Post: #32 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Yassir Tayfour Date: 04-17-2012, 02:06 AM Parent: #31
فكي بدر الدين يا دجال ؛) انت البتودِع في المجاهدين ديل حيودعوك متين؟ عالم بتحب السلطة والترطيبة بشكل ؛) __ يا منير وفايِّز وهيثم سلامات..
Post: #33 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: تيسير عووضة Date: 04-17-2012, 06:24 AM Parent: #32
Quote: لكن اذا دعيت بالهزيمة على الجيش في هجليج فصراحة اكون بالغت لانه اكيد اكون قاصد ادعو عليه بالهزيمة في كل المعارك مابس في هجليج .. بدعو عليه بالهزيمة في جنوب كردفان وفي النيل الازرق وفي دارفور ومستقبلا في الشرق بإذن الله تعالى ..اى مكان يامنير ...
Quote: يامنير انا السودان ده وطني ومافي زول بقدر يزايد على فيهو مهما كانت درجة انتماءه الحزبي والديني وحتى العرقي ولا ازايد على احد فيه.واى سنتمتر فيهو هي ارضي ومستعد افديها باى تمن ..ولو كان الحال مختلف عماهو عليه الان لوجدتني في الصفوف الامامية .. القصة ماقصة هجليج احتلتها دولة اجنبيه فالوضع بين الجنوب والشمال لم ياخذ شكله النهائي المنفصل بعد حتى يمكن الحكم عليه بدولة ذات سيادة واخرى اجنبية رغم الواقع السياسي المنفصل..فالصراع مازال صراع شريكين لهما مصالح خاصة وتصفيات لايمكن باى حال ان يتحملها الشعبيين ..وانا كسودانى عانى من النظام وعاني شعبي من القتل والتشريد والتعذيب لاينكره الا من شارك فيه لايمكن ان تنطلي على دراما الوطنية والسيادة ...اين كانت هذه السياة عندما قتل هذه الجيش خيرة ابناء وطني في كل بقعة منه ؟!! ..هجليج ان كانت سودانية فستعود ولكن هل سيعود من قتلتهم الانقاذ ظلما وجوراً طيلة فترة حكمهم البائس ؟!!! ده منظوري للسيادة والوطنية يامنير ...ولن احبط فيك فكلي عشم ان تفصل بين الوطن وبين هؤلاء مهما كانت مرارات الحرب والواقع بين الجنوب والشمال...
لايوجد جيش سوداني ياعزيزي ..
في هذا البوست إزددت إحتراماً لك من بعد إحترام يا فايز ..
ــــ معاً حتى ياخد ود القاضي راحتو مع ربو
Post: #41 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-17-2012, 10:03 AM Parent: #33
تيسير ...سلامات ..كنت عايز اقول ليك توته لكن قلت مافي داعي فسحبتها عشان ماتبقى على مع منير وتفتحي بوست باسمي وابقى صاحب مداخلتين في المنبر .. ولك من الاحترام مايليق بمقامك ياست الناس ..
Quote: معاً حتى ياخد ود القاضي راحتو مع ربو
الله يديك العافية وساذكرك بالخير عند ربي ..
تحياتي واحترامي ..
Post: #34 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Mohamed Yassin Khalifa Date: 04-17-2012, 06:28 AM Parent: #32
يعلم الله يا فايز إنتا مدرسة في الأخلاق السمحة! الله يخلي ليك سودانيتك دي ولأولادك.. ربي يحفظهم.
Quote: منير ده ما تزعل منو.. آآي كلامو ممكن يزعل.. لكن هو ما تقدر تزعل منو! الزول ده فيهو عرق ختمية وحارسنه الملايكة... (كلامي ده مشوهو يا أخوانا)
Quote: وأخي الكبر منير أحبه حبي لبحري
مرتع الصبا وهو غيور على بلده
منير بعرفه من خلال كتاباته وابداً لااشك في وطنيته ولا في غيرته على بلده.. واشهد له بالخير فجواه انسان نضيف .. واجده مرات كثيرة يعبر عني وفي اخرى نختلف واحترم ذلك .. ويظل الود بيننا مهما اختلفنا ..
وشكراً على الاطراء وليتني اكون على قدر ظنكم بي ..
تحياتي واحترامي ،،
Post: #40 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: احمد التجانى احمد Date: 04-17-2012, 10:02 AM Parent: #37
Quote: القصة ماقصة هجليج احتلتها دولة اجنبيه فالوضع بين الجنوب والشمال لم ياخذ شكله النهائي المنفصل بعد حتى يمكن الحكم عليه بدولة ذات سيادة واخرى اجنبية رغم الواقع السياسي المنفصل..فالصراع مازال صراع شريكين لهما مصالح خاصة وتصفيات لايمكن باى حال ان يتحملها الشعبيين ..وانا كسودانى عانى من النظام وعاني شعبي من القتل والتشريد والتعذيب لاينكره الا من شارك فيه لايمكن ان تنطلي على دراما الوطنية والسيادة ...اين كانت هذه السياة عندما قتل هذه الجيش خيرة ابناء وطني في كل بقعة منه ؟!! ..هجليج ان كانت سودانية فستعود ولكن هل سيعود من قتلتهم الانقاذ ظلما وجوراً طيلة فترة حكمهم البائس ؟!!! ده منظوري للسيادة والوطنية يامنير ...ولن احبط فيك فكلي عشم ان تفصل بين الوطن وبين هؤلاء مهما كانت مرارات الحرب والواقع بين الجنوب والشمال...
لايوجد جيش سوداني ياعزيزي ..
ود القاضى , دقيقة بالله قبل ما راسك يكبر ساى مع ناس Sudanese got talent اول حاجة صح النوم , الجنوب بقى دولة مستقلة ذات سيادة ولن ترجع للسودان القديم ابدا , اصحوا من الوهم دة ناس بقاتلوا من 1955 , تجى تقول لى صراع شريكين والوضع ما اخد شكله وهكذا ترهات ثانيا اى عمل بتقوم بيه دولة الجنوب سلمى او حربى بدء من تاريخ الانفصال الغرض منه مصلحة الجنوب وشعب الجنوب فقط , يعنى حكاية تضعف ليكم الانقاذ دى وتسقطها اصبحت خارج اجنداتهم ولو سالتنى راى الشخصى , على المعارضة السودانية فك الارتباط نهائيا مع دولة جنوب السودان والكف عن التودد لها , فلهم تاريخ من الخزلان والبيع للمعارضة منذ التجمع مرورا بالانتخابات وقانون الصحافة والامن على المعارضة ان تخطط لاسقاط النظام ومقاومته دون وضع دعم الجنوب فى الاعتبار
_______________________________
احسن الله عزاكم فى المغفور له عمك
Post: #45 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-17-2012, 11:15 AM Parent: #40
باشمهندس احمد ..سلامات ...
Quote: اول حاجة صح النوم , الجنوب بقى دولة مستقلة ذات سيادة ولن ترجع للسودان القديم ابدا , اصحوا من الوهم دة ناس بقاتلوا من 1955 , تجى تقول لى صراع شريكين والوضع ما اخد شكله وهكذا ترهات
نعم الجنوب اصبح دولة مستقلة.. لكن لمن اقول أن الوضع مااخد شكله النهائي فدي حقيقة واقعية فأبيي مثلا مازالت قضيتها عالقة ده غير أن الجنوبيين يتحدثون عن هجليج الجنوبية يعني هناك نزاع حدودي وعدم حسم قضية الحدود بينهما يجعل من الامر قيد الإشكال ولايمكن هنا بناء موقف والحكم عليه بمعيار الوطنية.. ..وحتى لو كانت شمالية فانا كفايز وكموقف شخصي غير ملزم بدعم الحكومة في حربها مع الجنوب ..بل من دعاة استغلال الموقف وضرب الحكومة في مقتل ..اكذب يعني ... واما عن ان الجنوب لن يرجع للسودان القديم فانا مقتنع بذلك بل واتمنى من كل قلبي ان يظل الوضع في شكل دولتين وذلك من اجلهم ..
Quote: ثانيا اى عمل بتقوم بيه دولة الجنوب سلمى او حربى بدء من تاريخ الانفصال الغرض منه مصلحة الجنوب وشعب الجنوب فقط , يعنى حكاية تضعف ليكم الانقاذ دى وتسقطها اصبحت خارج اجنداتهم
يااحمد الدول ما منظمات خيرية بل منظومة تحكمها مصالح هذه المصالح هي التى تشكل علاقاتها مع الدول الاخري ..وخير الجنوب والشمال في ذهاب الانقاذ .. واى صراع بين الشمال والجنوب يضعف الحكومتين ..ونحن يهمنا اضعاف حكومتنا الموقرة
Quote: ولو سالتنى راى الشخصى , على المعارضة السودانية فك الارتباط نهائيا مع دولة جنوب السودان والكف عن التودد لها , فلهم تاريخ من الخزلان والبيع للمعارضة منذ التجمع مرورا بالانتخابات وقانون الصحافة والامن على المعارضة ان تخطط لاسقاط النظام ومقاومته دون وضع دعم الجنوب فى الاعتبار
يااحمد انا اتفق معاك ان الحركة الشعبية استغلت الاحزاب بذكاء وعملت على تعطيل معارضتهم بشل حركتها احتواءاً حتى تضمن استقلالاً سلساً وربما يكون ذلك بتنسيق مع المؤتمر الوطني الضامن الرئيسي للانفصال ، وحتى عندما سحبت الحركة مرشحها ياسر عرمان كان ذلك خوفاً من فوز ياسر المحتمل والذى قد يعيق الانفصال ويعيد دعاوى الوحدة والسودان الجديد وهو مالاتسعى اليه الحركة ..يعني معاك الحركة تبحث عن مصالحها وكمان المعارضة مصلحتها في ان يكون الحال بين الحركة والمؤتمر الوطني كما هو الآن .. وبالمناسبة وجود الجنوب في غير وفاق مع المؤتمر الوطني يهم المعارضة السودانية ويشكل دعم مهم خاصة الحركات المسلحة التى تحتاج الى قواعد تتحرك منها ويأتها الدعم اللوجستي عبرها ..وهنا المعارضة تستفيد من الجنوب اكثر مما يستفيد الجنوب منها ..
تحياتي ،،
Post: #47 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: تيسير عووضة Date: 04-17-2012, 12:41 PM Parent: #40
يا أحمد التجاني سلامات ..
Quote: اول حاجة صح النوم , الجنوب بقى دولة مستقلة ذات سيادة ولن ترجع للسودان القديم ابدا , اصحوا من الوهم دة ناس بقاتلوا من 1955 , تجى تقول لى صراع شريكين والوضع ما اخد شكله وهكذا ترهات
ما أعتقد لا ود القاضي ولا زول من المؤمّنين على كلامو وأنا منهم قصدنا إنو إنو الحاصل دا ساحبة صيف وحاتعدي ويرجع الجنوب للشمال ويعيشو في تبات ونبات كلام فايز زي ما فهمتو إنو الحاصل دا كلو ناتج عن الإنفصال العامل زي دفن الليل أب كراعاً برة وشغل الكلفتة من الجانبين الخلاهم وفي خضم تحقيق الهدف الأكبر إنهم ينسوا ترتيب وتسوية تفاصيل لا تقل أهمية عن الإنفصال نفسو وقاصدة تحديداً "ترسيم الحدود" والإتفاق كشريكين محترمين ومسؤولين حول البترول (نحن مننا المواسير وإنتو منكم الجواها)، لكن في النهاية طلعوا الإتنين هم زاتم مواسير وبتنقط كمان! شغل الكلفتة دا هو الخلا عمر القشير وسلفا (دونت) كير بعد أقل من سنة يدخلوا الشعبين في زقاقات من شاكلة سيادة ووطنية وباقي طقم الإستجداء الرخيص الحايم دا .. الحاصل حالياً صنيعة أيديهم وأهو دا العذاب إتحملو(ا) عن نفسي لن أتضامن مع أحد .. هسي يا أحمد دا شكل إنفصال قاتلوا ليهو من سنة 55 ؟ سقى الله أيامك يا دكتور جون قرنق !
Quote: ثانيا اى عمل بتقوم بيه دولة الجنوب سلمى او حربى بدء من تاريخ الانفصال الغرض منه مصلحة الجنوب وشعب الجنوب فقط , يعنى حكاية تضعف ليكم الانقاذ دى وتسقطها اصبحت خارج اجنداتهم ولو سالتنى راى الشخصى , على المعارضة السودانية فك الارتباط نهائيا مع دولة جنوب السودان والكف عن التودد لها , فلهم تاريخ من الخزلان والبيع للمعارضة منذ التجمع مرورا بالانتخابات وقانون الصحافة والامن على المعارضة ان تخطط لاسقاط النظام ومقاومته دون وضع دعم الجنوب فى الاعتبار
من حقهم تماماً وأي زول كان مأمل على الحركة الشعبية في إنها تجيب ليهو حقو دا ما يستاهل إنو يكون عندو حق من أساسو! الجنوبيين بقوا رجال وقاتلوا عشرات السنين قتال خلاهم يبقوا ند عسكري وتنظيمي لرأس الدولة السودانية وقدروا عن جدارة وإستحقاق إنهم يقعدوا معاها راس بي راس بل ويلزموها بالرضوخ لمطالبهم "المشروعة"، أي زول متكل على رجالة/ديبلوماسية الآخرين في إنهم يجيبوا ليهو حقو معاهم "بالمرّة" ومضاري ورا ضهورهم مش يستاهل الخذلان يستاهل الإستحقار كمان .. أستثني طبعاً ناس جبال النوبة الذين قاتلوا مع الحركة قتال الأبطال ومع ذلك لم تنصفهم حين أخذت نصيبها وإن حاول سلفاكير إصلاح ذلك بقوله يوم إستقلال الجنوب أن (لن ننساكم يا أهل جنوب كردفان والنيل الأزرق) أما معارضة الترطيبة وحشاش بي دقنو والتي تعودت في كل مرة أن تأتيها الغنائم في أطباق من ذهب فطلعوا عاقلين المرة دي وأخدوها من قصيرها وخلوا حكاية إسقاط النظام وقالوا تلتو ولا كتلتو ..
أنا شخصياً مغيوظة من الحكومتين حالياً وبعتبر البعملو فيهو دا لعب عيال ومع ذلك صوت شكر عميق لدولة الجنوب إنها ورتنا عياناً بياناً القدرة العسكرية الفعلية للجيش السوداني بعيداً عن الهتافات و"لحس الأكواع" .. وقديماً قيل في الأثر: رحم الله امرئ أهدى إلي عيوبي
Post: #42 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-17-2012, 10:13 AM Parent: #36
Quote: يا فيوزي بالله عليك أدعُ لي معك ربك
مغرود فيه صراحة
مابقدر اجيب سيرتك ...تخرب على علاقتي مع ربي .. شوف طارق جبريل ..
Post: #43 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: حافظ انقابو Date: 04-17-2012, 10:47 AM Parent: #42
كبير يا فايز وعاقل يا منير وكفي
Post: #39 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-17-2012, 09:54 AM Parent: #31
هيثم ...سلامات ..
Quote: تعرف الزول لامن يكون عارف ازمة النظام وازمة خطابو ما بتدردق ولا بتخت في موقف دفاع عشان يتحسس وطنيتو !
ياهيثم لو اخدنا المشكلة من اساسها سنجد ان المؤتمر الوطني هو سببها الاساسي .. النظام تجاوز كل القوى السياسية والمدنية في قضية مصيرية كتقرير المصير.. وتعامل مع الملف كسلطة وثروة فقط .. واقام اتفاقية دون الرجوع الى الشعب ثم وقعها قبل حلحلة القضايا الامنية والحدود وغيرها .. ويأتي الان داعياً الشعب ان يتحمل معه نتائج اخفاقاته وغباءه .. وياتو شعب ؟!! الشعب العذبه عذاب الارصفة ..دي تجي كيف ؟!!!
تحياتي ،،
Post: #44 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: Kamal Karrar Date: 04-17-2012, 10:54 AM Parent: #39
الأخ/ فايز.. سلامات
كلامك سمح سماحة صورة البروفايل...
وبرضو منير كلامو سمح...
وأسمح حاجة إنكم الأثنين أحتويتو شرارة النزق بكلمات سمحة في حق بعضكم البعض...
يا أخي تحياتي لكما.. الإثنان عبرتما عما يعتمل بداخلي IN A WAY
اللهم أحفظ البلد وأهلها وما عداهم غير مهم
Post: #46 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: عمر عشاري Date: 04-17-2012, 12:39 PM Parent: #44
إن كان من فائدة وراء هذا النقاش فهي النأي عن المفاهيم المُطلقة التي تحتاج في حال إعتناقها لوطن غير معوق ، سليم ، وحر ، وديمقراطي
يحترم إنسانه أينما كان
وفي النقاش الدائر كثير من الملاحظات ووجهات النظر ففائز اعاد دعوة بدر الدين على إختلافهما بعد أن ضبطها وأحكمها
ومنير علم أن فك الإرتباط مع الجيش بشكله الحالي لايمثل حرجاً للكثيرين ، إذ تحدث فائز عن مرارات ربما لم يتعرض لها منير
الوعي بالأشياء تبنيه المواقف والأحداث والذكريات ، والسودان بلد تطارده لعنة الإثنيات والقبائل والدينات ، والذي مثل للعديد من الدول مصدر فخر وقوة مثل لدينا سبباً للإحتراب والإقتتال والإنفصال
موضوع الأرض السودانية وأزمة الحكم أمر شديد التعقيد ، ولا تصلح معه الأحكام الجاهزة والإنتماءات المطلقة وعلى أن أقول أن هذا أمر محزن
الوضع كله مُحزن جدا ، والحرب الدائرة الآن بغيضة جدا
بعض الجرائم التي املتها الإرادة السياسية على الجيش ، هزت من صورته أمام اعداد كبيرة من المواطنين
عندما أذكر الثورة المصرية وأرى كيف توحد المصريون على جيشهم وامنوا له ، وبعد مراقبتي لما آلت إليه الإمور الآن في مصر أستطيع أن أستنتج بسهولة ان الجيش هناك لم يعد مصدر ثقة المواطنين كلهم ، هذا حدث والجيش لم يلوث يده بعد بدماء المصريين وإن تلوث بتعطيل إرادتهم السياسية وإجهاض ثورتهم المجيدة على نحو ما
لا أستطيع أن اقنع شخصاً من دارفور مثلاً بقومية الجيش وأنه مصدر عزنا ، جثث أقربائه تهزم منطقي قبل ان أنطق به ، ولا أنظر لهذا إلا كحقيقة مؤلمة
ماوددت قوله أننا في دولة كل الأجهزة النظامية فيها من جيش وشرطة وأمن مصدر خلاف الناس
أمن بعضهم وخوف بعضهم
لاإجماع يامنير ، لا إجماع
قبل أيام قليلة كنت في الذكرى الأربعينية لرحيل عوضية عجبنا
وسمعت عميد أسرتها / إبراهيم نايل إيدام عضو مجلس الثورة يقول بالحرف
ان القتيلة لو لم تكن من النوبة لحلت مشكلتها ورفعت الحصانة عن قاتلها في سبعة أيام فقط وأشار بكفة يده للجمهور الحاضر
أي مرارات وأي أحزان وأي تهريج في هذا السودان
بلادنا يا أصدقاء تيني صورتها هذه القصص
وسمعة أجهزتها القومية تغتالها الإرادة السياسية لنفر قليل من السودانيين
لن نستطيع تسميع حصص الوطنية ورائحة الدم تملأ ذكريات الناس وقلوبهم موجوعة من فقد أقرباء
من يقنع النوبة الذين كانوا حضوراً بأعداد كبيرة أن الشرطة قومية من بعد هذا اليوم ؟
لم تكن الكارثة ان ضابطاً في الشرطة قتل مواطنة فحسب بل أن الدولة تمنعت عن رفع الحصانة عن قاتلها قصة قصيرة بنت سمعة الشرطة وسط إثنية من إثنيات السودان
فتوقعوا ماهو آت
Post: #49 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: هويدا شرف الدين Date: 04-17-2012, 01:02 PM Parent: #46
يا فائز البلد في حالة حرب بالله شيل صورة البروفايل دا خت حاجه تناسب المرحله
Post: #48 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: محمد أبوالعزائم أبوالريش Date: 04-17-2012, 12:54 PM Parent: #44
لالالالالالالا .... كده ما بينفع ..
شوف يا هامش .. عايزين ضرب في النخرة .. زول قال ليك طالعني الخلا ... تقوم تقول ليهو إنت زول كويس وانا ما قنعت منك وشنو وشنو؟
وين مداخلتك سبب البوست ده ..... ما تخمونا ساكت.
ويا منير .... فايز كتب مداخلة تمنى فيها الهزيمة للجيش .... وقام بعدها (إفتراضاً) راجع نفسو وغير رأيو وسحبها ..... وين المشكلة؟
بلاش كلام فاضي .... دوروا لينا الموضوع ده من الأوّل.
Post: #50 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: عمر عشاري Date: 04-17-2012, 01:20 PM Parent: #48
علي أن أقول أن هذا البوست يمكن أن يكون مفيداً لو تحول من بوست زرزرة لفائز لشئ أفيد
وعلي في هذا السياق أن أقول
أنه بعيداً عن إحساسنا بالجيش وتوجهاته وتوجهات الدولة ككل
يظل الجيش في هذه الحالة يقوم بمهمته المشروعة خلافاً لما ظل يقوم به في فترات سابقة ، ولا حلول ، عليه أن يدافع عن هذه الرقعة الجغرافية بكل تناقضاتها الغريبة وهذا عين مايتوجب على جيش الجنوب فعله حال حدوث إعتداء مماثل
هذه أشياء بدهية جداً
Post: #51 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: عمر التاج Date: 04-17-2012, 01:47 PM Parent: #48
سلامات لي منير وفايز ..
Quote: وانا كسودانى عانى من النظام وعاني شعبي من القتل والتشريد والتعذيب لاينكره الا من شارك فيه لايمكن ان تنطلي على دراما الوطنية والسيادة
أسع انت يا فايز مشكلتك مع النظام ولا مع الجيش ... عشان نفرز... موضوع النظام وتخبطاته وفساده نبصم معاك عليهو... ومع النظام أدي الأمن والشرطة والخدمة المدنية حقها ، لأنها دي مؤسسات ممكن تتغير أوتتطور بسهولة .. لكن الجيش ده ما ياهو الجيش البداوس ويقاتل في التمرد منذ الاستقلال مرة تحت إمرة الشيوعيين ومرة مع الختمية ومرة مع الأنصار ومرة مع الكيزان عشان يحمي البلد.. وبعدين الديمقراطية العايزين تطبقوها في البلد دي متوقعين تحرسها ليكم قوات الشرطة والأمن ولا حركات التمرد. ياخ مصر القريبة دي لو ما احتمت بالجيش أكانت فاتت الصومال بغادي ...
Post: #52 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-23-2012, 10:08 AM Parent: #51
عمر التاج ...سلامات ..
Quote: أسع انت يا فايز مشكلتك مع النظام ولا مع الجيش ... عشان نفرز...
ياعمر انا الجيش عندي هو جزء من النظام وجرائمه هي امتداد لجرائم النظام ..يعني الفرز مابكون هنا ..
Quote: موضوع النظام وتخبطاته وفساده نبصم معاك عليهو... ومع النظام أدي الأمن والشرطة والخدمة المدنية حقها ، لأنها دي مؤسسات ممكن تتغير أوتتطور بسهولة .. لكن الجيش ده ما ياهو الجيش البداوس ويقاتل في التمرد منذ الاستقلال مرة تحت إمرة الشيوعيين ومرة مع الختمية ومرة مع الأنصار ومرة مع الكيزان عشان يحمي البلد...
ياعمر انا حرب الدواس الكانت ضد الشعب السوداني دي ماكنت شايفها حرب عادلة ولم ادعمها من قبل ولن ادعمها من بعد ..ولابعرف يوم الجيش السوداني ده قاتل عشان يحمي البلد ودونك حلايب والفشقة ...جيش عمره كله يكاتل شعبه ويحمي حكومات الظلم والاقصاء والتهميش ... وجيش ماقبل الانقاذ مقاتلنه كانوا من الهامش وضباطه من المركز..يعني الهامش كان اداة القاتل وفي نفس الوكت المقتول وكمان الرهينة..
Quote: وبعدين الديمقراطية العايزين تطبقوها في البلد دي متوقعين تحرسها ليكم قوات الشرطة والأمن ولا حركات التمرد. ياخ مصر القريبة دي لو ما احتمت بالجيش أكانت فاتت الصومال بغادي
الديمقراطية تحرس نفسها بالدستور والجيش المفروض هو البحمي الدستور ده ويحمي الوطن مش يخرق الدستور ويعرض عن حماية الوطن .. جيشنا منذ تاريخه لم يحمي الا الانظمة الحاكمة وكل دكتاتوريات الحكم في السودان أتت نتاج لانقلابات عسكره المتكررة.. لذلك لااستطيع ان اسميه جيش السودان ..
تحياتي ..
Post: #53 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: محمد حيدر المشرف Date: 04-23-2012, 10:37 AM Parent: #52
اين صورة البروفايل السابقة .. كانت أسمح !..
Post: #54 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: حواء سليمان ابراهيم Date: 04-23-2012, 02:30 PM Parent: #53
Quote: اين صورة البروفايل السابقة .. كانت أسمح !..
Post: #55 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: بدر الدين اسحاق احمد Date: 04-26-2012, 10:20 PM Parent: #54
أها يا اوشيك ود القاضى ربك إستجاب لدعواتك ولا لســه ...
Post: #56 Title: Re: أين مداخلتك التي دعيت فيها بالهزبمة للجيش يا فائز ؟؟!! Author: فايزودالقاضي Date: 04-27-2012, 03:29 AM Parent: #55
Quote: أها يا اوشيك ود القاضى ربك إستجاب لدعواتك ولا لســه ...
نعم استجاب يابدرالدين .. فدخول الحركة لهجليج هو انهزام وضربة قوية لجيش المؤتمر الوطني .. ويعتبر كشف للقوة العسكرية للجيش .. وتحرير هجليج هو عودة لماقبل الهزيمة .. عاملين زي مباراة رد الاعتبار بتاعة الهلال من مازمبي الهلال فرحان بالاتنين رغم انه مرشوش خمسة في الخرطوم ..
