علي كل حال قافية الكاف برضو متسقة مع المعني .. من صدرك أبلغ من منصدرة .. ومافي سيل حدرك أصوب من حدرا .. لأنها لافقة مع لغة المخاطَب (ياجبل الضرا إنت) .. ما ممكن تكون ياجبل الضرا المافي سيل حدرا - إذا قلت حدره تخرب القافية .. في الآخر 'جمرك' دي يظهر لصقوا ليها الكاف عشان تتماشي مع القافية المكتوبة ..
لكين غايتو البركة في الفيديوهات ..
Post: #9 Title: Re: من عصراً كبير حس النحاس قحّ .. الفارس برز والخايف اتنحي .. Author: تبارك شيخ الدين جبريل Date: 04-20-2012, 01:41 AM Parent: #8
البنّا ولاّ الفيديو ...
أو السؤال الأزلي ... الفن ولاّ البزنس ...
البزنس يكسب كل مرة ... وما مهم البنا قال شنو أو قصد شنو ...
... المهم هجليج ....
Post: #10 Title: Re: من عصراً كبير حس النحاس قحّ .. الفارس برز والخايف اتنحي .. Author: Osama Mohammed Date: 04-20-2012, 02:37 AM Parent: #9
تبارك انت قاصد ولا ما عارف؟ غنية عبد المجيد ( الله ما اكبر غلاك) الله ما أكبر غلاك ينبض بحبك فؤادي من يشبهك يا ملاك من يشبهك يا ودادي إنت بشر غير عادي ..رهيب والله رهيب. المهم
Quote: الفن ولاّ البزنس
في السودان اصبح الفن يرزح تحت عبئ Illuminati كبير جدا ومسيطر على كل السودان واصبح هذا السؤال قريب من ( البيضة من الدجاجة ولا الدجاجة من البيضة)
معذرة لاستعارتي ( المهم ) حقتك يا تبارك...
Post: #11 Title: Re: من عصراً كبير حس النحاس قحّ .. الفارس برز والخايف اتنحي .. Author: تبارك شيخ الدين جبريل Date: 04-20-2012, 02:58 AM Parent: #10
Quote: تبارك انت قاصد ولا ما عارف؟
الله .... ما اكبر غلااااط ..
Illuminati دي عجبتني خالس خالس ... لأنها بتختصر تلاتة صفحات شرح ... ممكن استلفها واختها جنب "فقهاء الظلام"؟
ياخي والله انهكتنا المعاول البتهد في حيل هويتنا السودانية بشكل يومي ... هسي الهوية الزايفة انمحقت بالتسليع ...
تشوف دعاية الكسرة عند شركة "دال" ... تتمنى نيل الجنسية الإريترية ...
... المهم ....
Post: #12 Title: Re: من عصراً كبير حس النحاس قحّ .. الفارس برز والخايف اتنحي .. Author: فايزودالقاضي Date: 04-20-2012, 03:05 AM Parent: #10
ارجو من الاخ بكرى حذف البوست لانه فيهو كلمات مامفهومه قد تسيئ للموقع ..
Post: #13 Title: Re: من عصراً كبير حس النحاس قحّ .. الفارس برز والخايف اتنحي .. Author: Osama Mohammed Date: 04-20-2012, 03:28 AM Parent: #12
Quote: Illuminati دي عجبتني خالس خالس ... لأنها بتختصر تلاتة صفحات شرح ... ممكن استلفها واختها جنب "فقهاء الظلام"؟
حلال عليك بس احفظ لي حقوقي.... ثمح؟
الفرق بين المتنورين وفقهاء الظلام حقينك ديل انو الاولانين شغال كجر بالدسوسية وفقهاء الظلام ديل طالقينها في السهلة وما ساءلين في اجعص جعيص لكن لو جيت للحق المنبع واحد... (تكتل + نفوذ+وتنظيم دقيق+ سيطرة) وخلي بالك من الاخيرة دي...
يا فايز ازييك وما تخاف مافي مشكلة لحدي الآن زي سلالاب وسلبونا كدة.
مودتي للجميع اسامة
Post: #14 Title: Re: من عصراً كبير حس النحاس قحّ .. الفارس برز والخايف اتنحي .. Author: Balla Musa Date: 04-20-2012, 04:48 AM Parent: #13
يامنير
بالمناسبة العاطلة هى الصحيحة
وقافية الكاف التى انتقدها تبارك هى الصحيحة..
Post: #15 Title: Re: من عصراً كبير حس النحاس قحّ .. الفارس برز والخايف اتنحي .. Author: Munir Date: 04-21-2012, 11:57 AM Parent: #14
Quote: يامنير
بالمناسبة العاطلة هى الصحيحة
وقافية الكاف التى انتقدها تبارك هى الصحيحة..
شكراً د. بلة .. أصلو الكلام النجيض بيجي من أسياد الشئ زاتا .. تبارك لقاني درويش وأكلني حنك .. أصلاَ أنا كنت أريد نشر فيديو الجيش وقلت أتمه بالنص ولصقته من النت .. لكن فعلاَ 'طلقاتو منصدرة' عبارة ما عندها معني - و'مافي سيل حدرك' هي الأصح - منطقياً ولغوياً - فالمخاطَب ضمير مذكَّر ، فما ممكن تخاطب 'ضمير الحاضر' وتجيب وتصف 'ضمير الغائب' إلاّ تكون أشتر .. بس 'العاطنة' و'العاطلة' ديل الإتنين ما عرفت معناهم شنو في القصيدة .. دراجة - غير بسكليتة أو عجلة - ممكن تكون زي مقولة العافية درجات .. وتبقي العبارة 'العافية دراجة' :).. فأرجو لو عندك شرح للعبارة أسعفنا بيهو ..
Post: #16 Title: Re: من عصراً كبير حس النحاس قحّ .. الفارس برز والخايف اتنحي .. Author: تبارك شيخ الدين جبريل Date: 04-21-2012, 03:42 PM Parent: #15
Quote: الفرق بين المتنورين وفقهاء الظلام حقينك ديل انو الاولانين شغال كجر بالدسوسية وفقهاء الظلام ديل طالقينها في السهلة وما ساءلين في اجعص جعيص لكن لو جيت للحق المنبع واحد... (تكتل + نفوذ+وتنظيم دقيق+ سيطرة) وخلي بالك من الاخيرة دي...
الفقه .... اسم قديم لى "التنوير" ... وبدل يكون هو رد الفعل الطبيعي للعقل البشري تجاه المعرفة ... فيصير كل من يفقه يختلف عمّن لا يفقه ... اصبح هنالك "فقيه" اصطلاحي ... لا علاقة له بالتنوير بتاتاً ... بل هو سحابة من العسف الفكري "السلفي" الذي يحجب النور ....
شوف ...
مناهج علمية نختبر بيها أدبنا الشعبي زاتو مافي .... الله يرحم عون الشريف قاسم ...
بقت القصة غلات ... يا بلة موسى طالعني ...
... المهم ....
Post: #17 Title: Re: من عصراً كبير حس النحاس قحّ .. الفارس برز والخايف اتنحي .. Author: تبارك شيخ الدين جبريل Date: 04-21-2012, 03:45 PM Parent: #15
والله المنبر دا جنّ وجنّنّا ...
يكون في تايماوت ما مشكلة ...
لاكين يطلع التايماوت ما تايماوت والمداخلات تتدبّل ...
دي العوجة ظاطا ... عفواً للتكرار ... لحين يستطيع الباشمهندس بكري أن يرسى على تايماوت ولاّ ما تايماوت ...
.... المهم ....
Post: #18 Title: Re: من عصراً كبير حس النحاس قحّ .. الفارس برز والخايف اتنحي .. Author: Balla Musa Date: 04-21-2012, 08:00 PM Parent: #17
Quote: بس 'العاطنة' و'العاطلة' ديل الإتنين ما عرفت معناهم شنو في القصيدة .. دراجة - غير بسكليتة أو عجلة - ممكن تكون زي مقولة العافية درجات .. وتبقي العبارة 'العافية دراجة' :).. فأرجو لو عندك شرح للعبارة أسعفنا بيهو ..
سلام يامنير
العاطلة= المعطلة يعنى الماقادره تمشى لعطل ما فيها.. دراجا تكتب هكذا وتعنى دراجها بمعنى الذى يساعدها على المشى..
وهى مقولة تقال للإنسان الشجاع الكريم الذى ينذر نفسه لمساعدة الضعفاء ( مدرج العاطلة)
Post: #19 Title: Re: من عصراً كبير حس النحاس قحّ .. الفارس برز والخايف اتنحي .. Author: تبارك شيخ الدين جبريل Date: 04-22-2012, 05:06 AM Parent: #18
العاطنة هي المستقرة والمتوطنة ... ويتم تدريجها بتوفير الأمان لها وحمايتها في الحل والترحال ...
وتقال أصلاً للناقة ... ويذكر لسان العرب أن العطن للإبل كالوطن للإنسان ...
والعاطنة ليست معيبة الحركة ... بعكس العاطلة ... فالعطل هو الخلل والعطب ... والعاطلة هي العاطبة والمريضة ...
والتدريج ليس كالتمريض ... فالعافية درجات والمرض هو زوال العافية ... فالطفل المعافى يتم تدريجه ...
... المهم ....
Post: #20 Title: Re: من عصراً كبير حس النحاس قحّ .. الفارس برز والخايف اتنحي .. Author: عبد الملك يوسف الملك Date: 04-22-2012, 09:37 AM Parent: #19
منير يسلم لسانك مودتي
Post: #22 Title: Re: من عصراً كبير حس النحاس قحّ .. الفارس برز والخايف اتنحي .. Author: Munir Date: 04-22-2012, 11:16 AM Parent: #20
سلامات عبدالملك .. البوست أصلاً كان إحتفاءً بالجيش وأولئك البواسل في الفيديو وهم يبذلون الجهد و العرق و الدم والأرواح في حماية الوطن - نحن ننعم بالأمان وهؤلاء الأشاوس يجوبون الأحراش والفيافي بلا نوم ولا راحة مقدمين أرواحهم بكل شجاعة في سبيل حماية الأرض والعرض ..
وبعد ده كله يأتيك ممن يحسبون بعض إخوانهم من يهاجمهم ويتمني لهم الهزيمة والموت !!!..
Post: #21 Title: Re: من عصراً كبير حس النحاس قحّ .. الفارس برز والخايف اتنحي .. Author: Munir Date: 04-22-2012, 10:31 AM Parent: #19
ياجماعة حيرتونا .. الظاهر إنو العاطنة والعاطلة الاتنين صاح أو الإتنين غلط .. والله يا تبارك إنت كمان زول خطير ياخ .. كمان ملم بكلام أهل البطانة ديل ؟.لا خليت دارجي لا فصيح .. ونساهم معاكم شوية في عبارة ´التدريج´ دي .. فنحن نقول ندرِّج الضيف إي نندرَّج معاهو ونقدِّمه حتي موقف المحطة لو ماشي بالمواصلات ..
وعلي كل حال العبارة كلها ´العاطنة/العاطلة دراجا` ليست لها دلالة قوية متسقة مع حرارة النص وخاصة أنها جاءت في مقطع `لزَّام التقيلة` و`وروني العدو وأقعدوا فرَّاجة` .. كان الأنسب عبارة بمعني `سنَّاد الضعيف` في مقطع غير هذا المقطع ..
المهم أنا أتمني أسمع هذه الأغنية الحماسية بأداء مختلف الفنانين السودانيين ، وحتي الفنانات .. تخيلوها بصوت البديع محمدالأمين مثلاً ..
فتشت النسخة بتاعة الجياشة في اليوتيوب مالقيتها ..
Post: #23 Title: Re: من عصراً كبير حس النحاس قحّ .. الفارس برز والخايف اتنحي .. Author: عزالدين عباس الفحل Date: 04-22-2012, 11:36 AM Parent: #21
