للأنا شايفو ده حيحصل إنقلاب في الجنوب وباقان نهايته مُرَّة !!..

دولة تراهن علي المساعدات وتراهن علي حنان الدول الغربية مصيرها الفناء ..

دولة عبارة عن مليشيات مسلحة خرجت للتو من الغابة ومنتظرة ثمار الإنفصال ، فجأة تلقي نفسها في حروب قبلية ومجاعات ؟؟!!
ده وضع شديد الإلتهاب ..

جيوش تأهيلها تأهيل غابة وأحراش ولا يملكون غير البندقية ونتظرون المعايش والمرتبات - وفجأة يلقوا أن مصدر الدخل الوحيد يتم قفله لأجل غير مسمي؟؟ ده الكلام البجيب الكلام زاتو ..

والمشكلة إنو هذا الجيش الذي لا يملك سوي البندقية والذخيرة يشوف نفسه بدون مرتبات بينما القيادات السياسية تنعم في القصور والبيوت الآمنة !! .. ده الشغل البجيب الشغل ..

ما رايك يا منير فى دولة فصلت مواطنيها من العمل بما سمته زورا الصالح العام
و ما رايك فى التمكين الذى استمر 22 عاما و اخيرا يراه الرئيس خطأ
و ما رأيك فى من تم اغتيالهم و في من تم تعذيبهم فى بيوت الاشباح
بدون ان توجه لهم تهم و كل ذلك حدث لانهم يختلفون فى آرائهم مع اصحاب التوجه الحضارى

الاجدى ان تناقش هذه المواضيع التى تخص السودان
لماذا الاهتمام بجنوب السودان فهى دولة اجنبية و لها الحق فى ان تفعل ما تراه مناسبا لها

و اذا حدث انقلاب كما توقعت فهل هذا الانقلاب الجنوبى سوف يحل مشاكل السودان التى صنعتها هذه الحكومة

عادل

Quote: للأنا شايفو ده حيحصل إنقلاب في الجنوب وباقان نهايته مُرَّة !!..

هذا الكوز العنصري الذي يقراء ما يكتبه يعتقد بأنه مهموم بالمواطن في جنوب السودان وهو "خبير في السياسة الجنوبية . المنطلق الذي تنطلق منه عنصري. وتفكيرك عنصري ولا يمكن لشخص بمثل هذه الصفات أن يحلل أو يتحدث عن أي وضع من الأوضاع الراهنة في الجنوب أو خلاف الجنوب.

واحد مسكين باكي على نفط غيره...ظننتوا يا الحرامية واللصوص ان سرقاتكم ستدوم طويلا؟!!!!.
لن تحصل انقلاب في جمهورية جنوب السودان لان كل الشعب الجنوبي فرحا بايقاف اللصوص والحرامية من سرقة ونهب
ثروات بلدهم...القائد البطل باقان اموم هو زعيم لولا وجود امثاله لما كنا في الجنوب احرار بعدما انهزم الارهابيين
على كافة نواحي...
جمهورية جنوب السودان دولة حرة لها ان تبحث عن منفذ اخر لتصدير ثروته النفطية كما تشاء ..
قال 63 دولار قال !!!!...2 دولار زاتو كتير على الحرامية والقراصنة بتاع المؤتمر الحرامي الحاكم في الخرطوم.
عاش جمهورية جنوب السودان...الله يبارك البطل باقان اموم ورفاقه على الدرب...

يا منير .....
الفاقع مرارتكم إنكم لسة منتظرين الجنوبيين يغيروا رأيهم و يبدأوا ضخ البترول عبر أنبوبكم الفاضي .....
لسة ما متخيلين إنو الجنوبيين قفّلوا آبار بترولهم و هسي هم مشغولين بعقودات إنشاء أنابيب جديدة .... و إنتو مصاقرين أنبوبكم الفاضي ...
قال 36 دولار للبرميل قال
الواجعكم إنو الجنوبيين ما شغالين بمواعيد التفاوض بكرة - 10 فبراير - و إنتو فاتحين خشومكم منتظرين معجزة ....

الغريق لسة قدام ....

الاخ دكتور منير

لك التحيه والتقدير

الحكم على دولة جنوب السودان فى هذا الوقت لن يكون حكما صادقا باى حال

دولة لم تكمل عامها الاول يستحيل الحكم عليها مدحا او قدحا

ولكن وعلى حسب تقديرى , كل المؤشرات فى صالح دولة الجنوب الوليده

اذا اعتمدت على مواردها ام على دعم صندوق النقد الدولى او غيره من المؤسسات

اذا اتيحت لك الظروف معرفه حجم الديون المتراكمه على شمال السودان

فستتأكد من حجم الكارثه التى تنتظرنا بعد ذهاب هذا النظام


فكون الجنوب يعتمد على الدعم الدولى فهو بلاشك الاحق

Quote: فكون الجنوب يعتمد على الدعم الدولى فهو بلاشك الاحق

خضر الطيب وينو الدعم الدولي ده؟؟ .. أقول اليونان قالت الروب وأثرياء العالم ما قادرين ينجدوها وفكروا في إخراجها من الإتحاد الأوروبي واليونان هي لحمهم ودمهم ودولة مؤسسات وديمقراطية .. تجي تقول يساعدوا الجنوب؟؟ ياخي ديل عينهم للنوير يبيدوا في المورلي وكتلوا تلاتلاف في ظرف أسبوع وغاية ما فعلته الأمم المتحدة هو أن نصحت قبيلة المورلي بالهروب .. تجي تقول لي يفكوا ليهم المليارات كمساعدات، وهم عينهم لمليارات البترول التي استلمها الجنوب منذ نيفاشا وقد تبخرت؟؟ سيبك من قروش البترول التي تبخَّرت في الجنوب، الغرب ده زاتو كان وعد الشمال والجنوب بالمساعدات والخير إذا تم إنجاز الإتفاقية ، فإذا به بعد التوقيع فك الجميع عكس الهوا .. تقول لي شنو؟

Quote: ولكن وعلى حسب تقديرى , كل المؤشرات فى صالح دولة الجنوب الوليده اذا اعتمدت على مواردها ام على دعم صندوق النقد الدولى او غيره من المؤسسات اذا اتيحت لك الظروف معرفه حجم الديون المتراكمه على شمال السودان فستتأكد من حجم الكارثه التى تنتظرنا بعد ذهاب هذا النظام

ياخوي الديون دي مش أكترها صٌرِف علي إستخراج البترول ده والبني التحتية بتاعته؟؟ ألا يجب علي الجنوب تحمل جزء من العبء ..؟؟!! ..
الحكومة يجب أن تصر علي السعر المناسب لعبور النفط لسداد تلك الديون - والجنوب عليه أن يخت في باله إنو البترول ده ما جاء ملح.. وعليه تحمل حزء من المسئولية مش يتهرب بخلاصة المجهود ويخلي الديون علينا، وتجونا إنتو نصايص الليل تدعموا عدو أهاليكم نكاية في الحكومة !! ..
معقولة دي ..؟؟!!!!..

Quote: والمشكلة إنو هذا الجيش الذي لا يملك سوي البندقية والذخيرة يشوف نفسه بدون مرتبات بينما القيادات السياسية تنعم في القصور والبيوت الآمنة !! .. ده الشغل البجيب الشغل ..

بل ان شعب السودان كله يرى هذه المناظر ، حكومة وقيادات الجيش وكل منسوبيها متخمون منعمون بالسلطة والمال والجاه ، فهل نتوقع ثورة عظيمة (مش انقلاب ) من لدن هؤلاء المغبونين؟ كما توقعتها في لجنوب من مغبوني الجيش؟

مشكلة الحركة الشعبية أنها فشلت في تطبيق مشروعها الوهمي - السودان الجديد - .. وبعد ده كله كمان عاوزة تصدره للشمال !!! .. مشهد كوميدي مش؟..

Quote: ما رايك يا منير فى دولة فصلت مواطنيها من العمل بما سمته زورا الصالح العام و ما رايك فى التمكين الذى استمر 22 عاما و اخيرا يراه الرئيس خطأ و ما رأيك فى من تم اغتيالهم و في من تم تعذيبهم فى بيوت الاشباح بدون ان توجه لهم تهم و كل ذلك حدث لانهم يختلفون فى آرائهم مع اصحاب التوجه الحضارى الاجدى ان تناقش هذه المواضيع التى تخص السودان لماذا الاهتمام بجنوب السودان فهى دولة اجنبية و لها الحق فى ان تفعل ما تراه مناسبا لها

يا عادل حمزة .. كل الموبقات الذكرتها دي مستنكرة ومدانة - ويجب تصحيح الأمور بأسرع ما يمكن وإعادة الحقوق والمظالم لأصحابها بأقصر الطرق وبأقلّ الخسائر ..

في ما يخص تناول الشأن الجنوبي ، فأنا أتناوله لأنه يؤثر في شعبي ويجلب له الحرب ويزعزع أمنه ..

بس ياريتك برضو زي ماعاوز تحجر علي الكلام عن الجنوب، تكون منصف وتكلم النجس الأجنبي العفَّن البوست ده إنو يكف عن الكلام عن السودان وشتيمة أهل السودان ..


أها راجينك في كلمة حق ..

Quote: بس ياريتك برضو زي ماعاوز تحجر علي الكلام عن الجنوب، تكون منصف وتكلم النجس الأجنبي العفَّن البوست ده إنو يكف عن الكلام عن السودان وشتيمة أهل السودان ..

و إنت المقعّدك في بلاد النجوس شنو؟؟!!
و رئيسك جاري يوسّط النجوس لشنو؟؟
و إنتو جارين ورا بترول النجوس لشنو؟؟

أهو ده إستعلاءكم الفارغ الحيوديكم في ستين داهية .. و ما في زول حيذرف دمعة عليكم ...
أهو بقيتو شحادين (مرّة تانية) .. متشعبطين في قطر و في ليبيا .... بلا كرامة ....

باقان غايتو إتسدّي
إلّا تبوسو جزمتو عشان يديكم حبة من بترولو ...

Quote: باقان غايتو إتسدّي

حالتك صعيبة والله .. إنت من زمن إتسدَّي وإتفتح ؟؟..

للكيزان هـوس مرضي بحال ومآل السودان الجنوبي !!
أنت بهـذا تشاركهـم نفس العقلية ... ما جـئت به لا يخـرج
عن كونه أمنيات سـئية لشعبٍ كان بعضـاً منا حتي قـريب
شنو مشكلتك يا مـنير لو عاش الجنوب علي الهبات والإعانات?

Quote: شنو مشكلتك يا مـنير لو عاش الجنوب علي الهبات والإعانات?

وإنت مشكلتك شنو يا الحبيب لو أنا كتبت لي سطرين تلاتة عن الجنوب ؟؟ مش برضك قلت إنه كان جزء مننا؟؟ ..

Quote: أها راجينك في كلمة حق

سلام يا منير
انا لا اقراء كل ما يكتبه دينق حتى احكم عليه
لكن ان كنت تقصد مهاجمته للكيزان فهو على حق
انت اتفقت معى اعلاه بان الكيزان ارتكبو كل هذه الموبقات
من قتل و تشريد .. اذاً انت تتفق مع دينق فى ان الكيزان
هم سبب بلاوى السودان و لا يمكن ان يتقدم السودان تحت ادارتهم

اعلم انك تقصد طالما دينق يهاجم حكومة الشمال فانه من حقك ان تهاجم حكومة الجنوب
يا منير حكومة الجنوب لها اصدقاء كثر و لهم امكانياتهم الكبيرة
و كلمتهم القوية عشان كده العوجة ما بتجيهم
لكن الكلام ناسنا ديل عداوتهم للشعب السودانى و للمجتمع الدولى وضعت السودان فى ذيل الدول تطوراً و فى مقدمتها فسادً

إنتو يا جماعة الناس دي : بصحها؟؟ !!!!!! ..

أحتار من ناس بتفكِّر إنو الجنوب بيضغط في الشمال، في حين إنو الجنوب بينتحر بحقد وعنصرية باقان الحتوديهم التوج ..

أركزوا يا جماعة أركزوا .. ما تتشنجوا ساي ..

:
:
:

ياعادل حمزة .. سلامات ..
وينو ياخوي هجومي علي دولة الجنوب هسة؟؟ أنا أكتب في شأن عام يؤثِّر في حياة شعب السودان الذي يهمني أمره .. وكتابتي عن الأوضاع في الجنوب ليس إلاّ إنعكاس لأخبار عامة أكتب فيها زي ماعاوز والعاوز يتغاظ خليهو يطرشق .. هناك مئات البوستات التي تأتي بأخبار الجنوب وعن عقود الجنوب مع كينيا و الشركات الأمريكية و..و .. وكل خبر يظن الناس أنه يؤذي أو يغيظ السودان يجوا طايرين بيهو علي المنبر .. هسه الواحد يكتب ليهو سطرين تحليليين إستراتيجيين فقط عن الجنوب تقوموا تجقلبوا؟؟ ..

Quote: أحتار من ناس بتفكِّر إنو الجنوب بيضغط في الشمال، في حين إنو الجنوب بينتحر بحقد وعنصرية باقان الحتوديهم التوج ..

الأخ منير

العكس هو الذي يحدث الآن، فحكومة الشمال تحاول أن تضغط الجنوب بطلب مبلغ عالي جداً لإستعمال انبوب النفط، حكومة الجنوب تقول أنها لن ترضخ لهذا الطلب، بالطبع ستخسر حكومة الجنوب الكثير على المدى القصير، لكن حكومة الشمال ستخسر الكثير على المدى الطويل.

السؤال الأساسي هو لماذا طلبت حكومة السودان هذا المبلغ المبالغ فيه كثمن لمرور البترول على أراضيها، أعتقد أن المصلحة تقتضي التنازل عن هذا السعر العالي وقياس السعر على حالة مماثلة مثل تشاد والكميرون او جورجيا وروسيا، أو غيرها من التجارب المماثلة.

أما احتمالات الإنقلاب والفشل والنجاح، فكلها نبؤاءات يمكن ان تحدث ويمكن أن يحدث العكس، فهي أشياء لا يستطيع أحد الجزم فيها.

Quote: أما احتمالات الإنقلاب والفشل والنجاح، فكلها نبؤاءات يمكن ان تحدث ويمكن أن يحدث العكس، فهي أشياء لا يستطيع أحد الجزم فيها

عليك نور .. هو نحن قلنا حاجة غير شوية تحليل استراتيجي مكون من سطرين :)؟ سطرين بس والجماعة جونا مارقين زي العقارب الكابين لها الموية ..أٌمَّال لو الواحد قعد ليهم وجاب كالكيوليتر وحسبها بمزاج كان حيسووا شنو؟؟!!

يا الصادق ياخ أنا أولاً لا أستطيع أن أحكم علي إرتفاع سعر عبور النفط الذي طرحته الحكومة لأن هذه مسألة فنية بحتة لا أعلم حيثياتها وخباياها ولماذا قدَّرت الحكومة سعر معين .. لكني أميل إلي الإعتقاد بأنه ليس سعراً إعتباطياً .. فالشغلانة ليست فقط تفتح الماسورة والبترول يكب .. دي ربما فيها تكاليف معالجات وتكرير وضخ وعمالة وشحن وتفريغ وتخزين .. زائداً المجهود الجبار الذي بذله السودان حين كان دولة واحدة لإستخراج هذا البترول والذي أرادت شيفرون أن يظل في باطن الأرض إلي ماشاء الله دون إعتبار للحالة الإقتصادية والفقر والمجاعات التي ظل يعانيها السودان لعشرات السنين .. وطبعاً في الآخر بين البائع والمشتري يفتح الله ..

بس ده كله كوم وموضوع البوست كوم تاني .. أنا أتحدث عن أن إيقاف إنتاج النفط في دولة تعتمد عليه كمصدر دخل بنسبة تقارب المية في المية ، سيؤدي لإحتقان داخلي وإنفجار .. المنطق بيحتم كدة .. وخاصة إنو هذا الدخل يٌصرف معظمه كمرتبات للجيش الشعبي الذي تعتمد عليه الدولة في الحماية وحراسة الدولة .. وإنت عارف إنو العساكر جنهم وجن تأخِّر ليهم قروشهم .. ديل ما زي المواطنين المدنيين البيقطعوها في قلبهم ، فهم سرعان ما يفكروا ببنادقهم .. ولذلك فأنا أتوقع أن يحصل إنقلاب .. كنتيجة منطقية لوضع علي حافة الإنهيار ..

طبعاً يمكن يجي واحد يقول لي الغرب حيساعدهم !! .. ياخي الغرب ماقادر يساعد اليونان عضو الإتحاد الأوروبي .. يجو يدلقوا قروشهم في مستنقعات الجنوب المليانة تماسيح ..؟؟ !! ..

Quote: الواحد يكتب ليهو سطرين تحليليين إستراتيجيين فقط عن الجنوب تقوموا تجقلبوا؟؟

يا رااااجــــل !!

خليك صادق وشجاع
دا الانت شايفو ولا الانت متمنيهو!
يازول المريكان اشتروا منهو بترولهم فى الارض وحياخدوا ابيي وستنفصل دارفور وجبال النوبة والنيل الازرق
ودا الشايفوا انا للاسف وليس المتمنيهو
جني

Quote: خليك صادق وشجاع دا الانت شايفو ولا الانت متمنيهو! يازول المريكان اشتروا منهو بترولهم فى الارض وحياخدوا ابيي وستنفصل دارفور وجبال النوبة والنيل الازرق ودا الشايفوا انا للاسف وليس المتمنيهو جني

البيخليك إنت تشوف ساي وأنا أتمني شنو ؟؟!! يعني شنو البيخلي كلامك شوف ساي وكلامي أمنيات؟؟!! يعني كيف إنت رؤيتك لإنفصال دارفور وجنوب كردفان طلعت شوف ساكت وأنا تحليلي الاستراتيجي ده يطلع أمنيات ؟؟!! ..

عاين لعوجة رقبتك وتفكيرك الملتوي !! ..

جل المداخلات عاطفية وخارجة عن الموضوع المطروح من قبل الاخ منير

وهو مستقبل دولة الجنوب في ظل الظروف التي تمر بها الان؟

وهو موضوع سياسي عام تناولته اقلام كثيرة وبمختلف اللغات

ومن حق الكل الخوض فيه طالما ان الجنوب جزء من القرية الكونية التي نعيش فيها.

وحقيقة ان الكل يعلم ان الجنوب الان هو عبارة عن رقعة ارض تسكنها قبائل متناحرة

وان دولته مازالت في مرحلة الطفولة القاصرة

ولو انها ولدت قبل خمسين عاما لما وافقت عليها الامم المتحدة

او لربما وضعتها تحت انتداب احدى الدول الكبرى

الجهاز الاداري للدولة والبنيات الاساسية و الاقتصادية شبه معدومة

والبترول وحده لن يصنع دولة

اما طبقتهم السياسية فهي كالطبقة السياسية الشمالية ان لم تكن اسوا

وبعيدا عن العصبية الوطنية والانتمائية السياسية فان المؤشرات الواقعية لا تبشر بخير

وان كنا نتمنى لهم الخير والتقدم

كــــلب حــــقـــير تـــــافـــه مثلك.

لن يقف إلا مع القتلة ومع العنصرين أصلكم تشبهون بعض تماما.

النجاسة هي ساسك وتاج راسك ولن تستطيع أن تغتسل منها ابدا لأنها لأنك تحتاج الى علاج حقيقي وليس مجرد ماء فقط.

يامــــــنافق أنت قاعد في أوربا وبتنافق في هذا البورد.

البقرا كلامك بفتكرك في تور بورا. لعنة الله عليك وكل أي عنصري وضــــــيع مثلك.

يا منير، شوف سعر الجنيه كام في الجنوب وسعره كام في الشمال؟!
تعرف يا منير بعد الإنفصال كان سعر الجنيه في الجنوب يعادل
سعر الجنيه في الشمال، هسا سعر الدولار في الشمال يساوي 5.2 جنيه
وسعره في الجنوب أقل من 3.5 جنيه، يعني جنوب السودان أحسن
من دول الخليج في سعر الصرف، ولو كانت دولة جنوب السودان
منبرشة للدعم الخارجي كانت إنبرشت زي دول الخليج التى
تنبرش للأمريكان و تثبت سعر الدولار 3.75 ريال/درهم لا ينقص ولا يزيد،
الله دا شافوهو بالعين وللأ عرفوهو بالعقل يا منير؟!

وبالمناسبة سعر الدولار زائد في الشمال وبخلال نهاية هذا العام
سيصل 8 جنيهات، وبعدها سيثور الشعب وتحدث إنتفاضة شعبية في السودان
بسبب غلاء المعيشة، وكلامي دا ح أذكرك ليهو، وعلى الأقل المواطن
الجنوبي مبسوط من حكومتة ويضع ثقته التامة فيها، عكسنا في الشمال
فالمواطن يحتقر هذه حكومته.

Quote: بس ده كله كوم وموضوع البوست كوم تاني .. أنا أتحدث عن أن إيقاف إنتاج النفط في دولة تعتمد عليه كمصدر دخل بنسبة تقارب المية في المية ، سيؤدي لإحتقان داخلي وإنفجار .. المنطق بيحتم كدة .. وخاصة إنو هذا الدخل يٌصرف معظمه كمرتبات للجيش الشعبي الذي تعتمد عليه الدولة في الحماية وحراسة الدولة .. وإنت عارف إنو العساكر جنهم وجن تأخِّر ليهم قروشهم .. ديل ما زي المواطنين المدنيين البيقطعوها في قلبهم ، فهم سرعان ما يفكروا ببنادقهم .. ولذلك فأنا أتوقع أن يحصل إنقلاب .. كنتيجة منطقية لوضع علي حافة الإنهيار ..

الأخ منير

واحدة من المشاكل الاساسية جداً هي الحديث عن الجيش الشعبي والذي هو النواة لجيش جنوب السودان كجيش نظامي، هذا الجيش في طور البناء، وهو في حالة الحرب لنيسأل عن مرتباته بل سيحارب من غير مرتبات، ليس لانه جيش مثالي، لا بل لأن الاصل في هذا الجيش هو عدم وجود مرتبات.

طبعاً أتمنى من كل قلبي ألا يصل الأمر للحرب، لأنها ستكون وبالاً على الشمال أكثر من الجنوب، وأيضاً المسالة ليست لأن الجنوب احسن من الشمال أو العكس، بل لسبب بسيط جداً، أن الحرب في الجنوب هي الأساس، والاستقرار هو الاساس في الشمال وبالتالي الأكثر استقراراً هو الذي سيتضرر، ودونك الحرب بين اثيوبيا وارتريا وهي تشبه كثيراً هذا الوضع.

إذا قامت حرب بين الشمال والجنوب سينحاز العالم للجنوب بسبب الاشكالات الكثيرة لحكومة الشمال مع العالم، ومهما كان المنتصر في هذه الحرب في جولاتها الاولى فسينتهي الأمر بقرار دولي يطلب م الجانبين الانسحاب لحدود ما قبل الحرب والقبول بقوات حفظ سلام وترسيم حدود وغيره، وهذا السيناريو سيكون وبالاً على حكومة شمال السودان ومواطنبه.

السيناريو الأمثل هو التعامل بواقعية مع دولة جنوب السودان والاعتراف الكامل بأنها دولة كاملة السيادة ويجب ان يكون التعامل معها مثلما ما نتعامل مع مصر، والحقيقة أن الروابط بين البلدين كثيرة جداً والتعاون مهم لبقاء الدولتين ولانتعاش اقتصاديهمابحيث ينعكس بشكل ايجابي على حياة المواطنين.

أما إذا استمر التعاطي مع دولة الجنوب على اساس أنها حكومة الجنوب الإنتقالية خلال الفترة الانتقالية فسيخسر الشمال الكثير واوله الضغط الاقتصادي الذي سيحدث والذي بدأت آثاره فيما تواتر من انباء عن الإنهيار الاقتصادي الذي تعيشه جموع الشعب الآن.

ما رأيكم؟ وهذا يؤكد كلام منبر
حسب ما ورد في الراكوبه
من جانب اخر يرى محللون أن جنوب السودان يجازف باستقراره وبقائه بصراعه مع السودان حول تقاسم الموارد النفطية. وأقدمت جوبا التي تتهم الخرطوم بسرقة جزء من نفطها، الشهر الماضي على وقف انتاجها رغم أن النفط يؤمن 98 بالمئة من موارد البلاد التي استقلت عن السودان في يوليو. وأموال النفط ضرورية خصوصا لدفع تكاليف قوات الامن في الجنوب، وهم متمردون سابقون يقدر عددهم بنحو مئتي الف رجل.
الاحوة المتداخلون
الوطن ليس الحكومه
يجب الا نخلط بين الوطن والجكومة
ستذهب الانقاذ ولكن يبقى اتفاق النفط مع الجنوب

Quote: ما رأيكم؟ وهذا يؤكد كلام منبر حسب ما ورد في الراكوبه من جانب اخر يرى محللون أن جنوب السودان يجازف باستقراره وبقائه بصراعه مع السودان حول تقاسم الموارد النفطية. وأقدمت جوبا التي تتهم الخرطوم بسرقة جزء من نفطها، الشهر الماضي على وقف انتاجها رغم أن النفط يؤمن 98 بالمئة من موارد البلاد التي استقلت عن السودان في يوليو. وأموال النفط ضرورية خصوصا لدفع تكاليف قوات الامن في الجنوب، وهم متمردون سابقون يقدر عددهم بنحو مئتي الف رجل. الاحوة المتداخلون الوطن ليس الحكومه يجب الا نخلط بين الوطن والجكومة ستذهب الانقاذ ولكن يبقى اتفاق النفط مع الجنوب

يا ترى من هم هولاء "المحللون" الذين يريدون لجنوب السودان أن يسمح بنهب بتروله بثل هذه الطريقة؟

Quote: يا ترى من هم هولاء "المحللون" الذين يريدون لجنوب السودان أن يسمح بنهب بتروله بثل هذه الطريقة؟

كما للجنوب الحق في عدم سرقة بتروله ايضا للشمال الحق في عدم سرقة انابيبه

Quote: كما للجنوب الحق في عدم سرقة بتروله ايضا للشمال الحق في عدم سرقة انابيبه

العزيز صلاح عثمان ..
كل الكلام الحاصل هنا لا يستند علي منطق ..
أتحدي أي معارض يجي يصرح بأن أبيي جنوبية، وأنه سيسمح بنقل البترول بسعر عدة سنتات ويتحمل ديون السودان ويعفي الجنوب من المشاركة في تحمل الديون .. ويسمح بوجود جيوش في جنوب كردفان والنيل الأزرق ودعم الجنوب لها .. وأنه تاني يوم طوالي سيعلن التعبئة العسكرية ويدخل حرب مع أثيوبيا ومصر لتحرير الفشقة وحلايب !! ..

ماسكين لينا في فرمالة 'إسقاط النظام' وهم ذاتهم سيسيروا في نفس خط سير النظام !! .. هناك قوة سياسية قدرية اللعب فيها مثل لعبة الشطرنج .. تحرِّك الطابية خصمك يخش ليك بالحصان .. تزوغ بالرخ تلقي وزير الخصم طايح ليك بالملك ..
النغمة المعارضة بتاعة 'إسقاط النظام' أصبحت وسيلة للمتاجرة السياسية ليكون المرء في status بتاعة مناضل - إلي حين ..

أنا شخصياَ لا أتأثر بكل الهراء السياسي الحكومي أو المعارض - إذ أعرف أنهم كلهم أضعف من أن يصارعوا أمواج السياسة العاتية التي تجرف المرء في خانة قاتل أو مقتول ..
ياخوي أهواء النفوس التي زُيِّن إليها حب الشهوات هذه لا ينجو منها إلاّ أولياء الله الصالحين .. يجو ديل عاوزين يعملوا لينا فيها معارضة ملائكة ؟ .. فكما الحكام سافين البلد وجارين لمصالحهم وتأمين حياتهم الخاصة، فكذلك نري دعاة الفضيلة والنضال شغالين كضب وتزوير وسف لأموال المنظمات ومنافسة علي هِبات المانحين ..

ياخوي القصة بايظة ..

Quote: هذا الجيش في طور البناء، وهو في حالة الحرب لنيسأل عن مرتباته بل سيحارب من غير مرتبات، ليس لانه جيش مثالي، لا بل لأن الاصل في هذا الجيش هو عدم وجود مرتبات.

عليك الله يا الصادق ده كلام ده !!!! .. قلت لي جيش يعيش بدون مرتبات؟؟!!!!! .. يعني يعيش همبتة !! .. ههه - شر البلية ما يضحك -
وكمان طارحين نفسكم بديل مناضل بمثل هذه الذهنية ؟؟ أها في رأيك الجيش السوداني لو ما صرفوا ليهو مرتبات حيتصرف كيف ؟؟ !!

يا شباب إنتو كمان لمن تكونوا عامياكم كراهية الحكومة وكاتلكم حب الحركة الشعبية للدرجة المختلة دي نحن بي جاي بطنَّا بتطم !!.. تطم شنو؟ بتطم عديييل !!!

Quote: وعلى الأقل المواطن الجنوبي مبسوط من حكومتة ويضع ثقته التامة فيها،

النذير حجازي .. في ذمتك ، إنت أسع مقتنع بكلامك ده ؟؟..

Quote: كــــلب حــــقـــير تـــــافـــه مثلك

يا أخواننا واحد يملأ لينا برميل بي بول بقر خلي النجس ده يستحم بيهو ياعالم !..

والله بكري أبوبكر زاتو لو ما جابانيز كان يجرك من أضانك ويرميك بره المنبر ويلحقك بعشرة كرابيج فوق ضهرك يا نجس !! ..

Quote: جل المداخلات عاطفية وخارجة عن الموضوع المطروح من قبل الاخ منير وهو مستقبل دولة الجنوب في ظل الظروف التي تمر بها الان؟ وهو موضوع سياسي عام تناولته اقلام كثيرة وبمختلف اللغات

الأخ غالب شريف ..
الشايفو ده ما عاطفية ساي .. ده هوس !! ..
شوف الناس ديل العميان شايل المكسر جارين يدافعوا عن الجنوب ، بالرغم من إنو أنا لم أهاجم الجنوب زاتو !!..
يعاينوا في الموت الجماعي والمجاعات والحروب القبلية ويعاينوا في المصير المحتوم لدولة عشوائية ، وبعد ده كله يجوا يبرئوا الحركة ويوجهوا سهامهم نحو بلدهم .. !!! ..

في هوس حاصل هنا زيهم وزي الحكام !! .. عاين مثلاَ جني البيحاكم النوايا ويخش في قلبك ويتهمك تهمة حسب ما يروق لذهنيته الضعيفة ..
قبل كده هو زاتو جاب ليهو نكتة تنطبق علي حاله :
قال ليك عسكري قبض ليهو زول شايل كيس تمر .. وقام قدام القاضي قال إنو الزول ده شايل التمر ده ماشي يسويهو عرقي يشربه .. فالقاضي قال ليهو ده كلام شنو ياعسكري كيف تحكم علي زول شايل تمر وماشي يأكله، بإنو ماشي يسويهو عرقي ؟؟ !! فقام العسكري أصرَّ علي تهمته للراجل وقال للقاضي: يا مولانا الزول ده لو كان داير تمر الأكل كان إشتري البركاوي، لكنه شايل تمر جاو ساي !..

أسع جني ده فرقو شنو من العسكري بتاعه ده ..؟؟ ..
لكين النصيحة نقول إنو فنان جداَ في مجال النكات :)..

يا منير غايتو ألله يكون في عونك

المناقشة الواقعية في هذا المنبر صارت من الندرة بمكان

فقط تنمنّى أن يكون من يقرأ أفضل ممن يكتب بعاطفية (أنا والجنوب على السودان لأن حاكمه هو البشير- بمعنى لو وقوفنا مع الجنوب يغيظ البشير فلتذهب مصالح السودان لأقرب مزبلة فقط نكون قد شفينا غليلنا من الكيزان)\

نشوف الخبراء ماذا قالوا ونشوف الود باقان أموم في الخبر نفسه ماذا قال رداً على كلام الخبراء

Quote: جنوب السودان يجازف باستقراره وبقائه بصراعه مع الشمال 9 فبراير 2012 | صحيفة السودان أ. ف. ب. جوبا: يرى محللون ان جنوب السودان يجازف باستقراره وبقائه بصراعه مع السودان حول تقاسم الموارد النفطية. واقدمت جوبا التي تتهم الخرطوم بسرقة جزء من نفطها، الشهر الماضي على وقف انتاجها رغم ان النفط يؤمن 98 بالمئة من موارد البلاد التي استقلت عن السودان في تموز/يوليو. واموال النفط ضرورية خصوصا لدفع تكاليف قوات الامن في الجنوب، وهم متمردون سابقون يقدر عددهم بنحو مئتي الف رجل. ويرى اغبرت ويسنلينك مدير الائتلاف الاوروبي للنفط في السودان وهي مجموعة منظمات تنشط من اجل السلام ان “القضية الاساسية هي السيطرة على الجيش الشعبي لتحرير السودان” جيش جنوب السودان. وفضلا عن النزاع النفطي مع الشمال يواجه جنوب السودان عدة ازمات وخصوصا اندلاع اعمال عنف اتنية وحركات تمرد، يتهم الخرطوم بدعمها. لكن ويسنلينك يرى ان “تدني موارد جوبا المالية سيحول دون قدرتها على احتواء التمرد سواء كانت الخرطوم تموله ام لا”. ومع استقلاله ورث جنوب السودان ثلاثة ارباع الانتاج النفطي في السودان سابقا اي حوالى 350 الف برميل يوميا لكن البلد الحديث العهد مضطر الى استعمال البنى التحتية للشمال لتصدير هذا النفط. وتعثرت المفاوضات حول تقاسم الموارد النفطية وازدادت تعقيدا بسبب خلاف حدودي حول ولاية ابيي التي تضاهي مساحتها مساحة لبنان، بسبب الرسوم على عبور النفط المصدر من السودان. وبما انه لم يتم التوصل الى اتفاق عمدت الخرطوم في الوقت الراهن الى اقتطاع قسم من النفط مقابل عبوره واقرت بانها حولت ما لا يقل عن 1,7 مليون برميل الامر الذي اثار غضب جوبا. وتصاعد التوتر خلال الايام الاخيرة الى حد ان الطرفين اللذين تناحرا لعقود في الحرب الاهلية باتا يحذران من اندلاع نزاع جديد. وقد اعتبر الامين العام للامم المتحدة بان كي مون ان الوضع اصبح يشكل خطرا على امن المنطقة برمتها. ويرى بعضهم ان قرار جوبا وقف انتاج النفط “انتحاري” لكن بغان اموم كبير المفاوضين في جنوب السودان يضرب تلك الانتقادات عرض الحائط. ويقول “سنفاجئهم (…) سيشهد لنا التاريخ بذلك”. ويبحث جنوب السودان عن منفذ جديد لنفطه. فقد وقع الشهر الماضي على اتفاق مع نيروبي يهدف الى بناء انبوب نفط يسمح بتصدير ذلك النفط الى ميناء لامو الكيني. لكن العملية قد تدوم ثلاث سنوات وتقدر بنحو ثلاثة مليار دولار (2,25 مليار يورو) ويرى البعض مثل لوك باتي من المعهد الدنماركي للدراسات الدولية انه “جنون مالي”. وقال باتي ان “افضل سيناريو على الصعيد الاقتصادي بلا شك هو ان يكف جنوب السودان عن مشاريعه غير الواقعية ويتوصل الى اتفاق مع السودان يسمح بمواصلة بيع نفطه عبر الشمال”. واعلن الرئيس سلفا كير الاسبوع الماضي عن “اجراءات تقشف لضمان ديمومة” جنوب السودان ودعا شعبه وهو من افقر شعوب العالم، الى “تضحيات موقتة في مصلحة” الامة. لكن مسؤولة العمل الانساني في الامم المتحدة فاليري اموس ترى ان المشهد قاتم بما فيه الكفاية والوضع “خطير جدا”. وحذرت الاسبوع الماضي بمناسبة زيارة المناطق الاكثر تضررا من اعمال العنف الاتنية من انه “اذا توقف انتاج النفط فسيؤثر ذلك على العديد” الناس. وقالت ان “الحاجات الانسانية ستزداد لا محالة والجهود المشتركة للحكومة والمجتمع الدولي والجهات المانحة لن تكون كافية”. http://www.assudan.net/2012/02/09/6453.html/

Quote: البيخليك إنت تشوف ساي وأنا أتمني شنو ؟؟!! يعني شنو البيخلي كلامك شوف ساي وكلامي أمنيات؟؟!! يعني كيف إنت رؤيتك لإنفصال دارفور وجنوب كردفان طلعت شوف ساكت وأنا تحليلي الاستراتيجي ده يطلع أمنيات ؟؟!! .. عاين لعوجة رقبتك وتفكيرك الملتوي !! ..

يا منير دارفور جبهة وجبال النوبة جبهة والنيل الزرق جبهة والجنوب اوقف تدفق النفط وانت حكومتك لصوص ورئسك كضاب والعالم متعاطف مع الجنوب وانت العالم كرهانك وملاحق رئيسك والحركة الاسلمية منشقة ومذكراتها ما تديك الدرب والجيش ايضا عنده مذكرة والجنيه منهار وتضخم وعطالة واحباط!
المابخلي البلد تتمزق شنو!
جني

Quote: للأنا شايفو ده حيحصل إنقلاب في الجنوب وباقان نهايته مُرَّة !!..

عندما يحلم مريض الحالات النفسية
هكذا يصبح العنوان
و اذا اردت معرفة مدى قرب او بعد احد اصدقائك من الحق ما عليك الا تقييم موقف نظام الفصل العنصري و اتباعه الاغبياء من ذلك الشخص

التحية لك اخي و صديقي الفريق باقان اموم و انت تحرق احشاء لصوص النفط و تجعلهم يموتون غيظا
الشعب الجنوبي الحر سيذكر لك انت و الاخ سلفا كير ضمن الاخرين من الشهداء و الاحياء من المناضلين دوركم في تحرير الانسان الجنوبي للابد
سيكتبه التاريخ بمداد من ذهب


اي انقلاب يحدث في جنوب السودان سيكون الاخوين باقان اموم و سلفا كير ميارديت ضمن مجلس قيادة الثورة

بلغة اخرى ان الحركة الشعبية و الجيش الشعبي بقيادة باقان اموم و سلفا كير وجميع قادة التحرير الحاليين سيحدثون ثورة في حياة الانسان الجنوبي من التبعية و فقدان الموارد الي دولة طموحة و عظيمة

:

Quote: يا منير دارفور جبهة وجبال النوبة جبهة والنيل الزرق جبهة والجنوب اوقف تدفق النفط وانت حكومتك لصوص ورئسك كضاب والعالم متعاطف مع الجنوب وانت العالم كرهانك وملاحق رئيسك والحركة الاسلمية منشقة ومذكراتها ما تديك الدرب والجيش ايضا عنده مذكرة والجنيه منهار وتضخم وعطالة واحباط! المابخلي البلد تتمزق شنو!

ياجني الحرب دي مدوِّرة من سنة ٨٣ من زمن نميري - ثم سوارالدهب ، ثم عهد الصادق المهدي ثم عهد الكيزان .. وفي كل هذه العهود كان العالم الغربي يدعم التمرد ويمتنع عن بيع السودان حتي الذخيرة لغاية ما الجيش وصل مرحلة الحفي والعري وبقي يصطاد الطير ليقتات به وسط الأحراش والشوك والدبايب والدوابي .. الغرب كان دائماً كارهاً للشمال وداعماً للجنوب في كل العهود - ولا أحتاج أن أعيد وأكرر السبب الأزلي الإنت عارفو - عشان ما أجيب ليك كثافة عالية ..

الخطيئة الرئيسية التي أرتكبتها الجبهة الاسلامية هي وأدها لإتفاقية الميرغني قرنق بإجتهادات لم يحسبوا عواقبها .. ولكن المهم الحصل حصل ..
ثم بعد داك هؤلاء الكيزان الأشاوس -أصلب العناصر لأصلب المواقف - خاضوا الحرب بشراسة وطوَّروا الجيش ودفعوا بشبابهم وقياداتهم لميادين القتال فأزداد الضغط الخارجي والحصار من كل دول الجوار : الجنوب كان جبهة، وأوغندا جبهة، وإثيوبيا جبهة، وإريتريا جبهة ومصر كمان جبهة - وبدعم أمريكي علني ومباشر .. فلم تلن لهم قناة لغاية ما استخرجوا البترول بالرجالة كده وقلبوا الموازين وجابوا الصين جوة الجك ، فأسقط في يد أمريكا وجن جنونها ..
وفي الآخر كانت لهم الشجاعة بإعطاء حق تقرير المصير للجنوب وأنفذوا الإتفاقية للآخر .. ومازالوا صامدين بينما المعارضين بيَّضوا وفرَّخوا في الخارج وما وجدوا فرصة للكيد إلاّ وأغتنموها .. دخلوا الحكومة ومرقوا ودخلوا ومرقوا حسب إغراءات الإمتيازات وموزانات الفوائد بين الداخل والخارج .. وطبعاً لا ننكر برضو فساد السلطة والحكام وبرضو الجماعة باضوا وفرَّخوا في الكراسي .. لكين بنظرة زوووم للأوضاع تلقاها شربكة مصالح شخصية وصراع دنيا الكسبان فيها خسران ..

علي كل حال طبعاً الخبر الكعب معاك ويفقع ليك المرارة إنو الثورات العربية جابت أخوانهم للسلطة .. وأنا أعتقد أنهم من الذكاء بحيث أنهم سيتعاونون مابين السودان ومصر وليبيا وتونس .. وشخصياً أنا أعتقد تحالفهم شئ حتمي وبرضو إيجابي .. فإنهم الأقدر علي المواجهة في هذا العالم الذي تحكمه شريعة الغاب .. لأن تنظيمهم قوي وشبكتهم متماسكة وقوية ..

طبعاً إنت وأمثالك حتقول لي يا كوز .. وأقول ليك who cares .. هههه ..
وكدي إنت زاتك قول كلمة الحق لو ما طلعوك عنصري وكوز :) ..

Quote: علي كل حال طبعاً الخبر الكعب معاك ويفقع ليك المرارة إنو الثورات العربية جابت أخوانهم للسلطة .. وأنا أعتقد أنهم من الذكاء بحيث أنهم سيتعاونون مابين السودان ومصر وليبيا وتونس .. وشخصياً أنا أعتقد تحالفهم شئ حتمي وبرضو إيجابي .. فإنهم الأقدر علي المواجهة في هذا العالم الذي تحكمه شريعة الغاب .. لأن تنظيمهم قوي وشبكتهم متماسكة وقوية ..

الثورات العربية ام القيامة العربية!
يا اخي ديل عايشين القيامة
يوم يفر المراة من امه وابيه وصاحبته وبنيه لكل امرء يومئذ شان يغنيه
تحلف تحالف بتاع فنلتك!
يا اخي هؤلاء سيشتتوا شمل بلادهم مثلما فعلوا اصحابك!
ناسك الباذنوا في البرلمان
ديل ليهم سنة محلك سر في ميدان التحرير وناس تونس بيات شتوى وليبيا حالها يغني سؤالها وسورييا ستتمزق الي ثلاث دويلات
الغرب واسرائيل وصلوا الي قناعة ان افضل معاول الهدم هم الاسلميين وهم الاكثر اضرارا بوطنهم والبيان بالعمل مافعله الاسلاميين بالسودان
فلماذا لا يعطون الفرصة لهم وكفى الله اليهود والنصارى شر القتال
جني

كلامك يا منير كله تخرصات واماني ودفن للرؤس في الرمال...

الجنوب هو من سيحدد مصير السودان الشمالي في قادمات الايام برغم ما يمر به من ظروف وليس العكس
وكلامك عن انقلاب وانهيار حكومة الجنوب يبفي مجرد امنية كما اشار
جني، وهو تعبير حقيقي عن هلعك لما يمثله الجنوب القوي المستقل بقراره السياسي
والاقتصادي من تهديد لدولتك العنصرية في الشمال..الجنوب يمثل اليوم
قدوة في النضال وامل للملايين في ربوع السودان، في جبال النوبة ودارفور
والشرق والنيل الازرق واقاصي الشمال في التحرر والحرية والكرامة..في حين لم يتبقي لحكومة الشمال المنبوذة
من الشعب والمطارد اركانه بواسطة القضاء الدولي الا مقاعد السلطة المهترئة الزائلة
باذن الله.


مضحك حد البكاء ان تقول ان الاسلاميين (جماعة البشير) وقعوا وطبقوا
نيفاشا لشجاعتهم وليس لجبنهم وخوفا من مصيرهم، فهولاء انبطحوا لامريكان حد تسليم اخوانهم في الله
لسي اي اي وشحنوهم كطرود البضائع في طائرات خاصة خوفا علي كراسيهم وبقية القصة معروفة.. البشير وصحبه هم اجبن
من مروا علي السودان من قادته فكف عن هذه الهذيان وارفق بنفسك.. فممارسة العنصرية
في ادارة شؤون البلاد وتقسيمه الي اشلاء وزرع الاحن والضغائن بين مكوناته
وازهاق ارواح مواطنيه هو اجرام وجبن وخساسه وليس شجاعة .

علي الحركة الشعبية والجنوبيين ان يقتخروا بان مشروع السودان
الجديد ان الذي اطلقه الشهيد قرنف ما زال باقيا وشامخا كجبال الاماتوج
في الشمال، وان الملايين ما زالوا يقاتلون ويناضلون من اجل الحرية والمساواة..

تاج الدين عبدالله آدم .. سيب الأوهام ياخ .. سودان جديد وييييينو؟؟ أتيحت للحركة الشعبية أن تبين للعالم بيان بالعمل فكرة السودان الجديد .. فكانت النتيجة بيق زيرو .. حروب قبلية وفساد ومجاعات و..و ..
أي فكرة ممكن تكون جميلة كنظرية .. ولكن النظرية شئ والواقع شئ .. وزمان قلنا إنو النظريات زاتها محتاجة لنظريات تطبيق .. يعني محتاجين نظريات لتطبيق النظريات ..


بعدين ياخي أنا شايف قطر سلام دارفور صفَّر بقيادة السيسي فحقو تكون إيجابي وتنط فيهو قبل ما يفوتكم القطار ..

Quote: الثورات العربية ام القيامة العربية!

قلت لي قيامة عربية؟؟ آآي صاح .. قيامتكم قامت يا الليبراليين وما بينفعكم السكليب .. والله يا العاملين فيها ليبراليين أذناب أمريكا إلاّ الدقَّانة (أصحاب الدقون) ديل يقطِّعوا ليكم ليبراليتكم دي فوق راسكم !! .. وبأثر رجعي كمان .. أهو شايف عادل إمام نكتوا ليهو القديم عشان تاني يعمل فيها أبوعرَّام ود اللزين !! .. - تاني إلاّ تشتغلوا كفار في المسلسلات الدينية (دينا خالد ref:o).. ههه ..
الجماعة ديل في مصر أصبر ليهم شوية وشوف لو ما مشٌّوا ليك المصريين فوق العجين بدون ما يلخبطوه .. والعنب يتأكل حبة حبة (مثل جني :)) .. نحن والزينا مافارقة معانا حاجة أصلو من المغيرب نشرب لبننا ونتغطي ننوم - لكين العاوزين يعملوا فيها بتاعين أستيلا آرتوا حيفهموا حاجة !! ..

قلت لي كفي الله اليهود القتال؟؟ .. إنت آ جني بصحك؟؟ هو الجاب الدقانة ديل للسلطة شنو غير تعطش الجمهور لمجاهدة اليهود ؟!!.. ما شفت حماس صاحبة التوجه الجهادي في فلسطين هي الكانت اكتسحت إنتخابات فلسطين؟ ما شفت الربيع العربي إنطلق من المساجد؟؟ ماشفت ميدان التحرير والشوارع المجاورة تحولت لمساجد أيام الثورة ؟.. يمين سمع أضاني سمعت ليك المتظاهرين السوريين في التلفزيون يهتفوا هي لله هي لله .. كيزان نسخة شامية ..
ده الوجدان الواحد من المحيط للخليج إستطاع الكيزان استقطابه بذكاء واستغلوا الإنبطاح الليبرالي للغرب منذ عشرات السنين ولعبوا علي الوتر الحساس فاكتسحوا صناديق الاقتراع .. معناتها بعد كده يقولوا لليبراليين يا ولاد الذين جيناكم بالشرعية الإنتخابية .. تاني بِغِم مافي ..

وإنت زاتك شيل شيلتك الدقَّانة جوووك .. و خلي عبدالرحمن الراشد ينفعك ..

Quote: الغرب واسرائيل وصلوا الي قناعة ان افضل معاول الهدم هم الاسلميين وهم الاكثر اضرارا بوطنهم والبيان بالعمل مافعله الاسلاميين بالسودان

الغرب وإسرائيل يظنون أن الفوضي في صالحهم، وغايب عن بالهم إنو وسط الفوضي تعشعش المليشيات الجهادية التي تتقرب لله بقتلهم .. الجيوش العربية ظلت تحمي إسرائيل من هذه المليشيات .. فلو حصلت فوضي يبقي جماعتك الله قال بي قولهم ..

Quote: يا منير غايتو ألله يكون في عونك المناقشة الواقعية في هذا المنبر صارت من الندرة بمكان

يا فرانكلي .. العبدلله بقت عنده مناعة ضد عدم المنطق .. الواحد بقي يقزقز بعدم المنطق متي ما أتيحت فرصة ..
إختلاف الآراء في السودان أصبح حاد بصورة شاذة .. وذلك يفسر هذه الحروب وسفك الدماء والقلق المزمن للبلاد ..

Quote: ولو انها ولدت قبل خمسين عاما لما وافقت عليها الامم المتحدة او لربما وضعتها تحت انتداب احدى الدول الكبرى

اخي غالب شكرا لتحليلك الضافي .. ولكن ما اقتبس اعلاه موبالغه شديد ...
ياخي ديل ما ممكن يرضي بيهم اي كيان نسبة لفقرهم وجهلهم وامراضهم المستوطنة..
ياخي موسيفني ما حايقبل يحكمهم
ولولا ثرواتهم وموقعهم الجغرافي المميز بحيث انهم في منابع النيل وامكانية تسخيرهم
لخنق الدول العربية من الجنوب لما التفت اليهم اليهود وخلفهم ماما امريكا تحت الغطاء البائس
باسم الانسانية و هو ما جلب اليهم تعاطف الدول الكبري الذين يرون فيهم اسواء مثال لضحايا
الامبريالية العالمية ويحسنون اليهم في محاولة للتكفير عن سيائتهم .. ولكن لن تكون
هذه المكرمات بالمجان وسف يدفون كل ثمن هذه الخدمات التي يقدمونها لهم وايضا التي
تقدمها لهم الحركة الشعبية (في الحالتين من يدفع الثمن الجنوبين) بالواضح كده
سوف يكونون رهن العزاء والكساء والامن الزي توفره امريكا
وهاك اول بنود الابتزاز الامريكي

Quote: حذرت وكالتان تابعتان للأمم المتحدة من أن خطر الجوع يهدد الملايين من سكان جنوب السودان بسبب الصراعات ونزوح السكان وارتفاع أسعار الغذاء. وذكر تقرير مشترك لمنظمة الأغذية والزراعة الدولية (فاو) وبرنامج الغذاء العالمي صدر الأربعاء أن عدد من لا تتوافر لهم إمدادات غذاء آمنة ارتفع من 3.3 ملايين شخص عام 2011 إلى 4.7 ملايين العام الحالي. وقال التقرير إن من بين هؤلاء نحو مليون شخص عرضة لنقص شديد في الأمن الغذائي، وإن هذا العدد قد يتضاعف إذا استمر القتال واستمر ارتفاع الأسعار. واعتبر مدير برنامج الأغذية العالمي في جنوب السودان كريس نيكوي الأمر " أزمة وشيكة ولا يمكن للعالم أن يستخف بها والوضع مأساوي، ونحن نبذل كل جهدنا للاستعداد لمواجهته، لكن الوقت يضيق". من جهته قال رئيس مكتب الفاو في جنوب السودان جورج أوكيه " ينبغي كسر الحلقة المفرغة للجوع والفقر. وهذا ممكن عبر مساعدة الناس على استئناف الزراعة وتربية الماشية ونشاطات أخرى تساعدهم على البقاء". ووجد التقرير أن نسبة الإنتاج القومي للحبوب تراجعت في 2011 بنسبة 25% عن المعدل في السنوات الخمس الأخيرة، وقدر عجز الحبوب في 2012 تقريبا بنصف الاستهلاك الإجمالي الذي تحتاجه الدولة هذا العام. وقالت الوكالتان اللتان أعدتا التقرير عقب زيارة ميدانية للمنطقة إن هناك أيضا زيادة كبيرة في الطلب على الغذاء من أبناء جنوب السودان العائدين من الشمال والنازحين جراء الصراع. وعطل إغلاق المعابر الحدودية التي تربط جنوب السودان والسودان إمداد السلع، كما تسبب ارتفاع أسعار الوقود وانخفاض قيمة الجنيه السوداني الجنوبي في ارتفاع أسعار المواد الغذائية. وتطلب الفاو لمواجهة هذه الحالة 23 مليون دولار من الدول المانحة. كما أشارت الفاو في تقرير لها إلى قلقها حيال منطقتين في السودان هما جنوب كردفان والنيل الأزرق اللتان تشهدان نزاعات حدودية بين السودان وجنوب السودان. ونبهت إلى تزايد حالة انعدام الأمن الغذائي هناك. وقالت إنه "ينبغي إجراء تقييم عاجل للحاجات وتقديم مساعدات عاجلة للذين يطولهم نقص الغذاء". وأشار التقرير إلى "ضرورة زيادة الواردات من الحبوب فيما تقل موارد الاقتصاد السوداني التي يولدها التبادل التجاري بسبب العجز"، داعية إلى التعاون بين الحكومة والمانحين والوكالات الإنسانية. وأفادت الفاو أن "إنتاج السودان من الحبوب الغذائية بلغ 2.77 مليون طن"، وطلبت مساعدة عاجلة بقيمة 31.4 مليون يورو. المصدر: وكالات http://www.aljazeera.net/NR/exeres/5AFE1D19-3...4BA-2ACB2D884B8D.htm

الاخ منير والمشاركون متابعين ودولة جنوب السودان
دولة الي زوال وحروب طاحنة

غايتو الكوز ما بشوف عوجة رقبتوا


عموما تنبا منير ونحنا ورانا حاجة ونشوف البحصل شنوا

----------
شايف الناس دى لمن تقول السودان الشمالى تعنى 3 قبائل و6 مناطق سكنية

يا أخواننا واحد يملأ لينا برميل بي بول بقر خلي النجس ده يستحم بيهو ياعالم !..

والله بكري أبوبكر زاتو لو ما جابانيز كان يجرك من أضانك ويرميك بره المنبر ويلحقط بعشرة كرابيج فوق جعابك يا نجس !! ..

الكوز الحــــقــــير منير.

أنت ستظل حــــقــير زليل الى أخر يوم في حياتك. أنظر الى نفسك الأن كيف بتبكي وكابي الثكلي بسبب توقف ضخ البترول لحكومتك المجرمة. البول والنجاسة هما ما يخرجان من فمك ومن أماكن أخرى أنت تعرفها جيدا يا قـــــذر.

Quote: ياخي ديل ما ممكن يرضي بيهم اي كيان نسبة لفقرهم وجهلهم وامراضهم المستوطنة..

ما كنت قايل انو واحد في هيئة انسان ممكن يكتب بمؤخرته هكذا

Quote: عليك الله يا الصادق ده كلام ده !!!! .. قلت لي جيش يعيش بدون مرتبات؟؟!!!!! .. يعني يعيش همبتة !! .. ههه - شر البلية ما يضحك - وكمان طارحين نفسكم بديل مناضل بمثل هذه الذهنية ؟؟ أها في رأيك الجيش السوداني لو ما صرفوا ليهو مرتبات حيتصرف كيف ؟؟ !! يا شباب إنتو كمان لمن تكونوا عامياكم كراهية الحكومة وكاتلكم حب الحركة الشعبية للدرجة المختلة دي نحن بي جاي بطنَّا بتطم !!.. تطم شنو؟ بتطم عديييل !!!

الأخ منير

طبعاً وصلت إلى نتيجة "الهمبتة" حتى دون مقدمات منطقية لأنك تتناول شان دولتي السودان تناول "هلالمريخي"، وحكومة البشير تتناول هذا الشان بعقلية أمنية إستعلائية، وحكومة الجنوب تتناول الأمر "ببراغاماتية".

ولكن!!!!!!!!!!!!

الواقع يتجاوز مثل هذه البساطة التى يتم تناول أمر دولتي السودان بهما، فالجميع هنا ينسى شعوب السودان، صدقني يا منير هذه الحكومة التى في الشمال انتهت صلاحية مشروعها إلى الأبدن فالمشروع "الاسلامي" اصبح في خبر كانن والآن هي في المشروع "البقائي" حيث لا بقاء إلا لوجهه.

طيب خلينا النحدثك عن الواقع شوية ونطلع بيك من (حروب الاسافير) الما سمعنابا كتلت ليها زول دي.

الواقع أن الشمال يحتاج للجنوب والجنوب يحتاج للشمال، الحرب بين البلدين لن تقوم بسهولة، وإذا بدات ستنتهي في خلال ستة شهور (المدة الكافية لقرارات الهيئات الاممية)، فإذا قامت الحرب أم لم تقم، هناك ملايين من الشماليين يقيمون في الجنوب معظم العام (القبائل الرعوية على طول الحدود)، هناك آلاف الجنوبيين على طول الحدود يحتاجون للشمال من أجل الاحتياجات الأساسية.

دولة الجنوب ستكون في طور البناء خلال العشرين سنة القادمة، المواطن الشمالي يثق في الجنوبي والجنوبي يثق في الشمالي مقارنةً مع ثقتهم في الشعوب الأخرى حولهم (شرق افريقيا بالنسبة للجنوب ومصر وليبيا بالنسبة للشمال)، الشاهد الآن أن التجار من شمال السودان يبلون بلاءاً حسناً في الجنوب، الجنوبيين ياتون للشمال يومياً للتسوق للعلاج للتعليم.

حكومة الجنوب تعتمد الشهادة السودانية لمدة على الأقل الخمسة اعوام القادمة، الأطباء والمعلمين والمهندسين مُرًحّب بهم في الجنوب ليعملوا.

خلاصة الموضوع، حكومة المؤتمر الوطني اصبحت ( dysfunctional) لأسباب كثيرة منها الداخلي ومنها الخارجين لذلك هي تريد أن تفرد عضلاتها على دولة الجنوب الوليدة لتحقيق نوع من التماسك الداخلي ولإرضاء أجنحتها القوية، وفي المقابل حكومة الجنوب تريد أن تؤكد سيادتها وتحمى استقلالها الوليد لذلك اتخذت موقف رافض لاطروحات حكومة الوطني. الشعبين يمارسان حياتهما بعيداً عن هذا الصراع، البضائع تذهب بالتهريب للجنوب، الشماليون (الرعاة) يدخلون الجنوب بدون تأشيرات، ويأتون للخرطوم للعلاج والتسوق.

تبقى المشكلة في المثقفين من الشمال والجنوب ونوعية الخطاب الذي رأيناه في هذا البوست، وهو الخطاب الذي سيدفع للحرب التى ستأخر مشروع التكامل بين الشعبين، وهو سياتي (غصباً عن الجميع):

1- حرية الحركة بدون تأشيرات بين البلدين
2- تعاون اقتصادي في جميع المجالات
3- تعاون ثقافي
4- سياحة.

الوجدان المشتر للشعبين لن تزيله كتابات الاسافير ولا تستطيع محوه محاولات السياسين من الطرفينن هو القدر لهذا الشعب المسمي بالسوداني والذي لا تستطيع حدود الدنيا كلها أن تفرقه عن بعض، ربما سيعيش في دولتين، ولكنه كشعب سيظل دوماً جزء من بعضه البعض بحكم ما هو مشترك، وهو كثير لو كنتم تعلمون.


ملاحظة:

موضع المرتبات يا منير هو التحدث عن طبيعة الجيش نفسهن هذان جيشان مختلفان، نعم الجيش الشعبي يمكن أن يعيش فقط بالتعيينات دون المرتبات، كما عاش خلال سنوات الحرب، والجيش الحكومي إذا لم يجد مرتباته سيقود إنقلاب، وخلاصة الأمر أن كلا الجيشين لا يستطيع الإنتصار وتدمير الجيش الثاني، قراءة بسيطة للواقع الدولي ستعطيك النتيجة النهائية لمثل تلك الحرب، سيخسر فيها الشمال كثيراً، لأن علاقات الجنوب الدولية من القوة بحيث يصبح من المستحيل تجاهلها، وسيكسبها الجنوب دبلوماسياً قبل أن تبدأ من الأساس، وسيشهد الشمال احتلال من أصحاب (القبعات الزرق) وحينها لن ينفع (الطلاق)

انا قلت الحقيقة وانت من تقراء بمؤخرتك يا معفن