Post: #1
Title: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 10-31-2011, 08:44 PM
Parent: #0
.
.
زعط شديد ..
.
.
غُمُتِّي
.
.
بواسطة القوات المسلحة ..
|
Post: #2
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Frankly
Date: 10-31-2011, 09:00 PM
Parent: #1
بالجد يا منير حاجة تحييّر
القوات المسلحة تسك فيهم سكة كلــــب في طاحونة وهم هنا يقولوا لينا حررنا كادقلي وماشين على الخرطوم
قول ال1% من السودانيين البيدخلو الإنترنت ديل صدقوا حكاية نصر الحركة الإنترنتية دا
So what؟؟؟
|
Post: #3
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 10-31-2011, 09:15 PM
Parent: #2
يافرانكلي .. الجماعة ماعندهم مصداقية .. لدرجة إنو الناس اقتنعت أن أي خبر يهتف به هؤلاء الكضابين معناه العكس هو الصحيح ..
|
Post: #4
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: علاء الدين يوسف علي محمد
Date: 10-31-2011, 09:22 PM
Parent: #3
Quote: زعط شديد ..
.
.
غُمُتِّي
.
.
بواسطة القوات المسلحة .. |
سلامات يا مُنير
|
Post: #5
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: عصام دقداق
Date: 10-31-2011, 09:43 PM
بدل ماينتظروا الزعط هم يجروا للزعط بنفسهم اها زعطوهم في تلودي
انتحار بطئ للحركة والحلو قتل جل قواتة المدربين والان يدخل نار جهنم القوات المسلحة بالجدد بعد ان هلكهم الجوع افتكروا ناس تلودي حيقابلوهم بالموز وهاك ياالحلو وبعد اتحملوا الزعط في مكانكم
|
Post: #6
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 11-01-2011, 02:19 AM
Parent: #5
علاء وعصام سلامات ياشباب ..
أها ننتظر العناوين الجاية عشان نشوف الزعطة الجاية متين ..
|
Post: #7
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: عوض محمد احمد
Date: 11-01-2011, 07:11 AM
Parent: #6
و لا واحد منكم جاى او حتى مشى يوم واحد لميدان القتال عشان نصدقكم
ايه البخلى روايتكم (رجل) و رواياتهم (كراع)
كان الاكرم لو سالتم الله ان يحقن دماء الجميع
فحتى و لو هزم الطرف الاخر فليس فى الامر ما يفرح
فهذه حكومة تقاتل شعبها (الاترون الفضيحة هنا)
|
Post: #9
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Mohamed Suleiman
Date: 11-01-2011, 07:22 AM
Parent: #7
يا عزيزي عوض محمد أحمد ..... الجماعة ديل راس السوط لحقهم .....
الخبر الأكيد عند الذي يكتب من مكاتب مخابرات الجيش و جهاز الامن الوطني ....
كل مدن جنوب كردفان محاصرة و علي وشك الإجتياح ...
كادقلي و تلودي .... و الآن الدلنج ...
هذا ما كتبه إسحق فضل الله إعترافا بالهزائم الساحقة لجيش البشير:
Quote:
والشعبية تدس جنوداً بعد جنود وسط القوات المسلحة.. جواسيس.
والتجسس يصنع الهزائم.. والهزائم تذبح معنويات الجيش.
والحركة الشعبية.. بعد أن أيقنت أنها السيد تقيم الأسبوع الماضي احتفالاً ضخماً في كجورية.. تفتح المدارس ثم احتفال في كامكو.. واحتفال أمس الأحد في فندا
|
هنا المصدر ... مقال إسحق فضل الله ... حيث يتهم الكل بالخيانة ... و يحرض علي قطع معاشات المحاربين القدامي فقط لأنهم من النوبة بحجة دعمهم للتمرد:
http://alintibaha.net/portal/index.php?option...-04-22-03&Itemid=503
المصدر من مقال
|
Post: #10
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: فايزودالقاضي
Date: 11-01-2011, 07:25 AM
Parent: #7
| Quote: فهذه حكومة تقاتل شعبها (الاترون الفضيحة هنا) |
ونفس الحكومة دي اخدوا منها حلايب وانضربوا بالبوت وطردوهم شر طرده وتفوا على وشهم كمان - اى والله-..
لكن على شعبها تستأسد وتنتر ..(ماعارف تنتر دي شنو المهم من الاسد النتر )..
لايوجد نصر في حروبنا فالمواطن هو الميت ..
عنترية الحكومة اوصلت البلاد ماوصلت اليه ..
واهلنا في جنوب كردفان والنيل الازرق ليس لهم مايخسرونه فالموت حقهم من زمان وهم كانوا وقود الجيش..
يعني الشغلة عندهم تغيير مواقع وسبب وفاة ..
اقلاها بموتوا من اجل قضية مقتنعين بيها بدل اونطة ..
تحياتي منير والمتداخلين ..
|
Post: #12
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 11-03-2011, 01:46 PM
Parent: #10
Quote: ..
واهلنا في جنوب كردفان والنيل الازرق ليس لهم مايخسرونه فالموت حقهم من زمان وهم كانوا وقود الجيش..
يعني الشغلة عندهم تغيير مواقع وسبب وفاة ..
اقلاها بموتوا من اجل قضية مقتنعين بيها بدل اونطة .. |
الأخ فايز .. هل أنت مع قوات الحلو المهاجمة هناك أم مع القوات المسلحة المدافعة ؟؟ الموقف مفروض يكون واحد .. يا أبيض يا أسود ..
أنا مع الجيش فهل أنت مع الحلو؟؟
ولك التحايا ..
|
Post: #17
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Al-Shaygi
Date: 11-04-2011, 00:17 AM
Parent: #12
Quote:
كلما يجوك ناس الحركة بأخبار انتصاراتهم تعرفهم مزعوطين ..
|
ملعون أبو المؤتمر على أبو الحركة
أي إنتصار لأي منهما يعني شيء واحد أن هناك سودانيون يقتلون بصرف النظر عن في أي صف بقاتلون وأن هناك بيوت تهدم وقرى تحرق وأبار تدفن وبنية تحتية على ندرتها تنهار.....
بلد ينقسم ومرشح بل مؤكد سيزداد الإنشطار، أخشى أن نصبح شظايا وكل حلة تبقى دولة...
وطالما أن المسألة أبيض وأسود
فهل تؤيد قتل السودانيين؟؟؟؟
Quote:
أنا مع الجيش فهل أنت مع الحلو؟؟
|
إت الحلو ده من إسرائيل؟؟؟
ومع أي حيش؟
الجيش الوطني وجيش البلد البيحمي حماها وماطنيها، وهذه واجبات أي جيش وطني...
والجيش الحالي هو جيش الحزب الحاكم....
قادته وضباطه مؤتمرجية ومسيسين عديل وبيخدموا الحزب لا الوطن، وإن لم يكونوا كذلك فبيضاروا على رزق ولادم، عشان ما يمشوا الشارع ويبيعوا تمر في سوق ليبيا (وشوف نشأة الرواسي لحاتم الدابي)...
وكان ماك عارف تبقى مشكلة كبيرة خلاص...
منير يا أخوي مافي جيش وطني...
وكل الفقد واحد كان أمن ولا جيش ولا حركة ولا حتى ود حرام...
الوطن يحتضر ونحن نتشاجر في إنت مع منو؟؟؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #21
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 11-04-2011, 09:02 AM
Parent: #17
Quote: ملعون أبو المؤتمر على أبو الحركة
أي إنتصار لأي منهما يعني شيء واحد أن هناك سودانيون يقتلون بصرف النظر عن في أي صف بقاتلون وأن هناك بيوت تهدم وقرى تحرق وأبار تدفن وبنية تحتية على ندرتها تنهار.....
بلد ينقسم ومرشح بل مؤكد سيزداد الإنشطار، أخشى أن نصبح شظايا وكل حلة تبقى دولة...
وطالما أن المسألة أبيض وأسود
فهل تؤيد قتل السودانيين؟؟؟؟
Quote:
أنا مع الجيش فهل أنت مع الحلو؟؟
إت الحلو ده من إسرائيل؟؟؟
ومع أي حيش؟
الجيش الوطني وجيش البلد البيحمي حماها وماطنيها، وهذه واجبات أي جيش وطني...
والجيش الحالي هو جيش الحزب الحاكم....
قادته وضباطه مؤتمرجية ومسيسين عديل وبيخدموا الحزب لا الوطن، وإن لم يكونوا كذلك فبيضاروا على رزق ولادم، عشان ما يمشوا الشارع ويبيعوا تمر في سوق ليبيا (وشوف نشأة الرواسي لحاتم الدابي)...
وكان ماك عارف تبقى مشكلة كبيرة خلاص...
منير يا أخوي مافي جيش وطني...
وكل الفقد واحد كان أمن ولا جيش ولا حركة ولا حتى ود حرام...
الوطن يحتضر ونحن نتشاجر في إنت مع منو؟؟؟؟؟ |
والله يا الشايقي كلامك ده مستفز لأبعد حد.. وكنت داير اتجاوزه لكين غلبني .. معقول ده منطقك ؟؟ ياخ كرَّهنا الشايقية زاتم .. ما ممكن ياخ إنحيازك يكون أعمي للدرجة دي .. ماممكن ياخ أنصار الحركة مالين المنبر يومياً عناوين عن إنتشار جثث القوات المسلحة في الشوارع ويبشرون بالحرب والموت والدمار والغزو والزحف ووو.. وإنت مبسوط وكاتم صوت وما بتقول بِغم .. وعندما يسيطر جيشك القومي علي الأمن ويهدئ روع المواطنين تقوم تجوط وتسب وتلعن ..!!!
الحرب قدر الإنسانية .. والله زاتو قال وإن طائفتين من المؤمنين اقتتلوا فقاتلوا التي تبغي .. يعني إنت علي الأقل بقلبك مفروض تكون تميل لإحدي الطائفتين ديل .. وذلك بمقياس الحق حسب إجتهادك .. نحن مع الجيش القومي في كل الأحوال .. يبقي كيزان يبقي شيوعيين يبقي جن أحمر نحن معاه .. والسبب ما داير ليهو درس عصر !!.. معقول تسب وتعادي الجيش الذي يحوي كل قبائل وجهات السودان والذي يجاهد ويجتهد لإطفاء الحرائق التي تشب هنا وهناك بواسطة مليشيا قبلية وجهوية ، وفي نفس الوقت تغض النظر/أو ربما تناصر هذه المليشيا التي تبادر بالعدوان وتهدد الأمن القومي؟؟ إذا كان إنت ضد الكيان الذي يجمع كل السودانيين وماراضي بيهو، فكيف تؤيد كيانات جهوية منبوذة من أهلها زاتهم؟؟ .. نحن نؤيد الكل الذي يمثِّل الكل وأنتم تؤيدون الجزء الذي لا يمثل الجزء حتي !!! .. واحد سقط في انتخابات - قامت حرقته قلبها حرب !!!.. التاني جاء بإنتخابات وتركوه بجيش داخل دولة ظن نفسه أسد وقلبها حرب برضو!!! .. ساعة الضرب اصبح شديد قلبوها ياامي المتحدة ألحقيني ..!! الشئ شنو ؟؟!!!!
كل مرة عاملين فيها تتباكون علي المدنيين .. حاجة غريبة !!! .. مفروض كلامكم ده توجهوه للمليشيا التي تروِّع المدنيين مش للجيش الذي يهب لإستعادة الاستقرار وحماية المدنيين !! .. كلامنا ده زاتو من أجل المدنيين العاوزين يعيشوا في سلام ، مش كل مرة مغلغلين بالنزوح جوة وبره واصبحت حياتهم جحيم بواسطة قوات تعتبر إمتداد للجنوب .. الجنوبيين المساكين إنخدعوا ومشوا بلدهم لقوها عبارة عن قطعة جحيم وعرفوا الموت المجاني بواسطة جيش الحركة ومليشيات أخري جعلت خشم البندقية هو الذي يأكل ويعلي صوته ..
أحتار أنا كيف تجي تشكك في قومية الجيش وعاوزه ينهزم عشان المليشيات القبلية والجهوية تبرطع في كل جهات السودان !! .. التشكيك في قومية الجيش يعتبر دعوة للفتنة والفوضي وهو كلام غير مسئول وإن كنت حقاً مؤمن به يجب عليك فوراً تمشي تحاربه وتغيره وتدافع عن إعتقادك أو تهلك دونه .. مش تقعد في آخر الدنيا وتقعد تسب وتسخط وتوزع سبابك علي الجميع ...
.. والله الواحد ماكان عارف إنو الحال وصل للمرحلة دي الفيها نجي نشرح البديهيات ..
.. ماممكن ياخ ..!!! ..
|
Post: #11
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 11-03-2011, 01:40 PM
Parent: #7
Quote: كان الاكرم لو سالتم الله ان يحقن دماء الجميع
فحتى و لو هزم الطرف الاخر فليس فى الامر ما يفرح
فهذه حكومة تقاتل شعبها (الاترون الفضيحة هنا) |
الأخ عوض محمدأحمد .. كيف ما تفرح حين تري جيشك القومي يزعط الجيوش القبلية والجهوية التي تبادر بالهجوم لزعزعة إستقرار المواطنين .. نريد للسلاح أن يكون في يد القوات القومية المسلحة فقط وذلك هو حقن الدماء الأساسي .. كان الأولي لك أن تدعو الجيوش الجهوية لإلقاء سلاحها بدلاً عن إلقاء اللوم علي الجيش الذي يحمي لك عرضك ..
|
Post: #8
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: علاء الدين يوسف علي محمد
Date: 11-01-2011, 07:13 AM
Parent: #6
في جنوب كردفان انزعطوا
وفي النيل الأزرق اتمعطوا
|
Post: #13
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: محمد جلال عبدالله
Date: 11-03-2011, 03:54 PM
Parent: #8
الغريبة يا منير يقول ليك هاجمتا وكتلنا وحررنا
ولمن يبان الكضب بتاعهم والدجل
يقعدوا يتباكوا على المدنيين
ويدوروا في القصة بتاعت المجتمع الدولي
ومواثسق الامم المتحدة والذي منو
|
Post: #14
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: بشير أحمد
Date: 11-03-2011, 05:08 PM
Parent: #13
في الكرمك زعط ومعط شديد
قال منظمات دولية قال.
________
تحياتي يامنير.
|
Post: #15
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: منتصرمحمد زكى
Date: 11-03-2011, 07:40 PM
Parent: #14
التحية لبواسل القوات المسلحة
النصر الكبير في الكرمك ...
|
Post: #16
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 11-03-2011, 08:03 PM
Parent: #15
الأخوان محمدجلال، بشيرأحمد ، ومنتصر .. تعرفوا من ماشفت ناس زعيط ومعيط هايجين و جايطين : خاشين الدمازين - و خاشين علي كادقلي - عرفت ليك إنو الزعطة الجاية ما هينة ..
ياخي الجيش الظاهر عليه بقي شغال بإستراتيجية استعينوا علي قضاء حوائجكم بالكتمان .. الجماعة يفنجطوا ويفنجطوا يتلفتوا قدام يلقوه وراهم .. لأنه عرف ليك إنو القوم معتمدين علي سياسة الفرقاعة ذات الصوت العالي .. وسياسة ضربني وبكي سبقني اشتكي .. لذلك المعط بقي كتَّامي .. وبقوا يعلنوا النجيضة بس ..
أها ننتظر مناظر الفلم الجاي .. قريباً علي الشاشة ..عنف إثارة مغامرات زعط معط .. سكوب وألوان والترجمة علي الشريط ..
اشتروا القزاقز وجهزوا حالكم إذا بتريدوا ..
|
Post: #18
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Frankly
Date: 11-04-2011, 00:29 AM
Parent: #16
ههههههههههههه الفيلم بقى هندي وقصته معروفة
الحركة تجقلب وتهضرب والجيش شغّال غمتّي
|
Post: #19
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: عماد حسين
Date: 11-04-2011, 01:00 AM
Parent: #18
شكراً يا منير
أسال الله العظيم... بعد ينزعطوا، كمان يمرق جلدهم غاشي الاضنين
|
Post: #20
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: تبارك شيخ الدين جبريل
Date: 11-04-2011, 01:32 AM
Parent: #19
| Quote: فهذه حكومة تقاتل شعبها (الاترون الفضيحة هنا) |
... المهم ....
|
Post: #23
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Munir
Date: 12-25-2011, 07:42 PM
Parent: #22
مقتل خليل كان في حرب شمال كردفان .. تري علي من سيكون الدور في النيل الأبيض ؟؟..
.
.
إستراتيجية القوات المسلحة في الشغل الكتَّامي استراتيجية ناجحة مية في المية .. التحية للجيش والرحمة للشهداء ..
.
.
سنظل نترقب عناوين الفنجاطين في المنبر لنستنتج زمان ومكان إنتصار القوات المسلحة القادم بإذن الله ..
الجماعة قاعدين يجيبوا الأخبار مملَّحة in advance قبل ما تحصل زاتو ..!
|
Post: #24
Title: Re: كلما يجوك ناس الحركة بأخبار انتصاراتهم تعرفهم مزعوطين ..
Author: Frankly
Date: 12-25-2011, 08:22 PM
Parent: #23
الحركات وارجواتها تجقلب وتهضرب ح نقتل وح ندخل وح نسقط وح نقتلع النظام والجيش شغّال غمتّي ... طاخ .. طيخ
هُسسسسسسسسسسسسسسسسسس
والجماعة في هروب الأعمى شايل المكسّر لا يجد أحدهم فرصة ليلتفت خلفه إن كان الجيش مازال يتعقبه أم لا
ورؤوس اينعت وحان قطافها
والكلام ليك يا المنطط عينيك
في النيل الأزرق وجنوب كردفان
أخوك لو حلقو ليه بل راسك
|
|