الدوران في حلقة مفرغة !! ..

وهو أن تسير في متاهة فارغة دائرية لا تدري أين بدايتها أو نهايتها ..

فساد السلطة لا تستطيع أي حكومة أو معارضة مقاومته مهما كانت طبيعتهما ..

فما هو الحل ؟؟ !! ..
.
.

نتابع ..

Quote: فساد السلطة لا تستطيع أي حكومة أو معارضة مقاومته مهما كانت طبيعتهما ..

الاخ منير
من باب اولى حتى تعرض رايك اولا ان تعرف الحكومة وثانيا تعرف الفساد وحتى نعرف المعيار الذي قست به ما تحته خط ( ارجو ان لا تاخذ كلامي هذا بشكل سلبي ).

الفساد يصيب البعض ولا يمكن ان يصيب الكل . وللاسف الموجودين بحكومة الكيزان تحوم حولهم جميعا شبهة الفساد.

الحكومات المنتخبة ديمقراطيا لا يمكن ان يحوم الفساد في جميع منتسبيها ودونك الدول الغربية اما حكومات ( القلع ) فلا احد يعرف اذا طانت البطيخة حمراء ام لا..
احيلك الى لورد اكتون (1884-1902) الذي قال ان «كل سلطة مفسدة والسلطة المطلقة مفسدة مطلقة» واصبح الامر في السودان بدل تناوب خدمة الشعب عند الوصول للحكم بالطرق الملتوية عادة : اعادة صناعة القهر والاستبداد بابشع صوروها والتنكيل بالخصوم ويقيني ان من يقسُ قلبه لا يابه لفساد او لغيره ودونك من على الحكم في السودان .

لك الشكر

الأخ أسامة ..
جاييك ..

قلنا ندخل في الموضوع شوية شوية ..

علي كل حال نهاية كلامي ليست بعيدة من كلامك ده ، لكين ربما من منظور مغاير ..
.
.
شكراً لك

Quote: وهو أن تسير في متاهة فارغة دائرية لا تدري أين بدايتها أو نهايتها ..

حسب علمى ان الاول هو الله
حسب علمى ان الاخر هو الله
وحسب علمى ان الى الله المنتهى اى النهايـة

الكلام دا مع مفهوم الدائرة التى لا اول لها ولا اخــر فى ما يسمى علم الحساب


_______________________

مشتاقين يا هندســة ياخ تغتس وتجى طالع خبرك وخبر ناسك وعيالك

فى الحقيقة تطوطح بقصور ذاتى فى مجرى على شكل هلالى
يعنى على الطريقة الاسلامية!
جنى

Quote: فى الحقيقة تطوطح بقصور ذاتى فى مجرى على شكل هلالى يعنى على الطريقة الاسلامية! جنى

جني .. حقو تعمل فحص وتشوف هل أنت متقمصك جني بالفعل ومخليك عندك كاروشة من الاسلام ؟؟ !! ..
لماذا تكن هذا النفور منه؟؟ ..
ألحق نفسك يازول فلربما أوحي لك المتقمصك أن تكتب بإسمه (جني) ..

Quote: مشتاقين يا هندســة ياخ تغتس وتجى طالع خبرك وخبر ناسك وعيالك

بدرالدين يا ود حلتنا .. كان مشتاق حقيقة ما بتغيب دقيقة - أو كما قال - ههه ..

والله ياخي كنت عيان شديد وراقد مستشفي .. لكني الآن الحمدلله أتماثل للشفاء .. فقلت مادام جاتني شوية لياقة أكتب لي سطر سطرين ..

Quote: والله ياخي كنت عيان شديد وراقد مستشفي .. لكني الآن الحمدلله أتماثل للشفاء .. فقلت مادام جاتني شوية لياقة أكتب لي سطر سطرين ..

حمداً لله على السلامة وربنا يكتب لك كامل الشفاء


كلامى الفوق بشيلو بوست حلتنــا بيه هناك ...

سلام يا منير و ألف حمداً لله على السلامة و كفارة و أجر و عافية إن شاء الله و ما تشوف شر ..

ـ
و حقيقة الأمر أن أجد قرائك المتابعين لك في جدة أستوقفني قبل يومين و سألني إن كنت أعلم أسباب توقفك في الفترة الماضية .. و لعدم توافري على وسيلة تواصل فقد هممت أن أسال عنك جهراً لكنك أتيت قبل أن أفعل .. فحمداً لله على سلامتكم مجدداً و إن شاء الله دايما حاضر بكامل عافيتك ..

الأخوين بدرالدين وعصام دهب شكراً لكما وتقبل الله دعاءكما ..
وتحياتي ياعصام للأخ السأل عني ..
في الحقيقة كنت مريض ولكني الآن أهو زي ما شايفين كويس واتفاصح ساي .. غايتو سنة ٢٠١١ دي لغاية الآن توعكنا فيها كتير .. ربنا يلهمنا الحمد والشكر ..
يقول العارفون أن الحمد والشكر أرفع درجة من الصبر .. لأن حالك الذي تصبر عليه بمعاناة لربما يراه آخر حالاً يسيراً بالنسبة لحاله وسيحمد الله عليه إن كان هو فيه ..

زي الجماعة يقولوا ليك والله أكل الفول ده كرَّهنا وصبرنا عليه كتير ياخ .. وطبعاً في المقابل هناك ناس الفول بالنسبة ليهم ترف لو لقوا ليهم ملاح موية يحمدوا ويشكروا ..

Quote: فساد السلطة لا تستطيع أي حكومة أو معارضة مقاومته مهما كانت طبيعتهما .. فما هو الحل ؟؟ !! .. .

Quote: جني .. حقو تعمل فحص وتشوف هل أنت متقمصك جني بالفعل ومخليك عندك كاروشة من الاسلام ؟؟ !! .. لماذا تكن هذا النفور منه؟؟ .. ألحق نفسك يازول فلربما أوحي لك المتقمصك أن تكتب بإسمه (جني) ..

يا سيد انا عاوز اجيبك فى مربط الفرس انت بتتكلم عن فساد السلطة بصفة عامة كامر حتمى لا مندوحة له او كشر لا بد منه وهو محاولة تبريرية مضحكة ومكيافيلية يندى لها الجبين ولا تنطلى الا على ذوى القنابير والطيرة المبارية السيرة!
يا منير فى اليبان وكوريا ودول اخرى الوزراء لم يتفضحوا الواحد يا دخل اطلق المسدس فى حلقه او راسه او تردى من جبل يا هانتحر هيراكيرى!
شوف ناس ابو عصاية وكرتى والمتعافن البستغلوا مناصبهم التنفيذية فى الثراء هل هذا يمكن ان يحدث فى الغرب الكافر ويسمح له الماساة ان الفساد مبرر عندنا كذبح على الطريقة الاسلامية مئذنة وهلال!
بعد ين دى سياسة شنو الحق نفسك والابتزاز حق الاسلامية ومبدا الوصاية هسة انت لو بتناقش فى خواجة كان بتقول ليه الحق نفسك!
يا اخى دا فساد حكم يرفع شعاره راية الاسلام!
جنى

يازول فكنا .. الله لا كسَّب كرتي ولا البشير ولا كل الحكومة الأدو أمثالك فرصة يتقشو في الإسلام ..

إنت خليتني أتم كلامي عشان تشوفو ماشي علي وين ؟؟ ..

هو الفساد ده إلاّ يكون سرقة ومحسوبية وإختلاس ؟؟ .. ألا تدري كم من مليارات الدولارات التي أنفقتها الدول الديمقراطية وبإسم الديمقراطية في حروبها ضد الشعوب الفقيرة لقهرها ولنهب ثرواتها ؟؟ .. ألا تري الطائرات تسفك دماء المدنيين بصواريخ بالجملة ثمن أي واحد منها ملايين الدولارات بينما هناك مواطنين أمريكان يأكلون من القمامة ويسكنون الخيام في العراء ؟؟ .. ألا تراهم يفسدون فيها ويسفكون الدماء وأنتم تسبحون بحمدهم ؟؟ !! ..

قلنا ليكم أيوة الفساد أمر واقع يتجلَّي في عدة صور في الدول الاستبدادية كما في الدول الديمقراطية .. وفي ناس بيسرقوا ملاية وناس بيسرقوا شنو كده ماعارف ..إلخ ..

أنا عاوز أفكِّر بصوت عالي وأشوف المعضلة دي تتحل كيف بصورة generalized ليست محصورة في بلد معين .. بل كأمر واقع تعاني منه الإنسانية .... شنو شابكنا اسلاميين وسجم .. ابن علي وحسني مبارك ديل كانوا سرَّتية ؟؟ .. مش كانوا طارحين نفسهم ليبراليين زيك كده ومحاربين الاسلاميين وفي الآخر طلعوا كلهم حرامية أولاد لذين ؟؟ ..

شنو شابكنا كرتي وما ادراك ما كرتي .. ناس كرتي وغيره ليسوا إلاّ كقطرات في محيط .. نحن عاوزين ننظر للكليات والصورة الكبري مش نقعد ننغلق في جزئيات لا تفرز أولاها من أخراها ....

Quote: يازول فكنا .. الله لا كسَّب كرتي ولا البشير ولا كل الحكومة الأدو أمثالك فرصة يتقشو في الإسلام .. إنت خليتني أتم كلامي عشان تشوفو ماشي علي وين ؟؟ .. هو الفساد ده إلاّ يكون سرقة ومحسوبية وإختلاس ؟؟ .. ألا تدري كم من مليارات الدولارات التي أنفقتها الدول الديمقراطية وبإسم الديمقراطية في حروبها ضد الشعوب الفقيرة لقهرها ولنهب ثرواتها ؟؟ .. ألا تري الطائرات تسفك دماء المدنيين بصواريخ بالجملة ثمن أي واحد منها ملايين الدولارات بينما هناك مواطنين أمريكان يأكلون من القمامة ويسكنون الخيام في العراء ؟؟ .. ألا تراهم يفسدون فيها ويسفكون الدماء وأنتم تسبحون بحمدهم ؟؟ !! .. قلنا ليكم أيوة الفساد أمر واقع يتجلَّي في عدة صور في الدول الاستبدادية كما في الدول الديمقراطية .. وفي ناس بيسرقوا ملاية وناس بيسرقوا شنو كده ماعارف ..إلخ .. أنا عاوز أفكِّر بصوت عالي وأشوف المعضلة دي تتحل كيف بصورة generalized ليست محصورة في بلد معين .. بل كأمر واقع تعاني منه الإنسانية .... شنو شابكنا اسلاميين وسجم .. ابن علي وحسني مبارك ديل كانوا سرَّتية ؟؟ .. مش كانوا طارحين نفسهم ليبراليين زيك كده ومحاربين الاسلاميين وفي الآخر طلعوا كلهم حرامية أولاد لذين ؟؟ .. شنو شابكنا كرتي وما ادراك ما كرتي .. ناس كرتي وغيره ليسوا إلاّ كقطرات في محيط .. نحن عاوزين ننظر للكليات والصورة الكبري مش نقعد ننغلق في جزئيات لا تفرز أولاها من أخراها ....

امثالى مالهم!
الاسلام حقك براك!
انت قلت نحن ما بنستاهل وطن مليون ميل مربع يعنى على قدر قدرتنا يعنى ود احد او لحد وهسة انت ماشاء الله عاوز تنظر فى فساد العالم ككل موش السودان الهين ولين يعنى نحن السودان اكبر من يكون مجال لنا وانت الدومين حقك العالم كله بمافيه السودان!!!

نحن عاوزين ننظر للكليات والصورة الكبري مش نقعد ننغلق في جزئيات لا تفرز أولاها من أخراها .
يا منير انت تريد اقناعنا بان الفساد امر وبائى وبالتالى مبرر عند جماعتك!
امر يعرفه القاصى والدانى ان الانظمة الشمولية والديكتاتورية هى الاكثر فسادا لانعدام الشفافية والية استخدام القرار والدوائر المتراكزة الذى يصنعها الحاكم وبطانته لحمايتهم!
غايتو غلفاء وشايلة موسا تتطهر الورقة دى قدمها لى ناسك! نحن ما حسانية لا صوت يعلوا صوت المعركة!

اتمنى ان يظل الاحترام بيننا ولا يقسد الاختلاف ما بيننا من ود والا اضطر الى مجاراتك بلغة حشنة ليست من طبعى!
جنى

غايتو ياجني آي رست ماي كيس معاك لأني لاحظت أني بنفخ في قربة مقدودة ودائر في الحلقة المفرغة الخايف منها .. إنت في وادي وأنا في وادي ، ولا حياة لمن تنادي ..

أنا عندما فتحت البوست لم يكن في بالي حكومة السودان ولا بلد بعينه، بل نظرة شاملة لحال عام .. جيتوا إنتو شايلين بقج غبائنكم وخصصتوا الحالة وماصدقتوا عاوزين تعملوني تختة تفكوا فوقي شخبطاتكم .. قطعتوا الخيط وحرفتوا الموضوع عن مساره ..

Quote: اتمنى ان يظل الاحترام بيننا ولا يقسد الاختلاف ما بيننا من ود والا اضطر الى مجاراتك بلغة حشنة ليست من طبعى!

علي كل حال الإحترام والخوة في محلهم .. وآسف لو شعرت بأني احتديت معاك في الخطاب ..
أنا برضو يا زول استحملت سخريتك وتنميطك وهترك ..دعنا مع بعض نتحسس عوجات رقابنا ..
..

Quote: علي كل حال الإحترام والخوة في محلهم .. وآسف لو شعرت بأني احتديت معاك في الخطاب .. أنا برضو يا زول استحملت سخريتك وتنميطك وهترك ..دعنا مع بعض نتحسس عوجات رقابنا .. ..

يا منير انا فتحت بوست بعنوان اللهم آجرنى فى مصيبتى وانت قلت خلينا نعزى جنى دا
وطبعا قلت جنى دا مستهبل ساكت خلينا نضرب ليهو بوستيهودا بى ست مداخلات لم تحترم حقى فى ان احزن لانه المصيبة عندك ضربنى فى قطعة ارض سكنية ولطشا منى!
مداخلاتك استفزتنى جدا!
يا منير يمكن ان تتهمنى باى شئ ما عدا الغباء لم اسمعها فى حياتى الا من نفسى عندما اسخر منها!
انا اعرف مقصدك تماما بعيده وقريبه
على العموم اختلاف الراى لا يفسد للود قضية يا جنينة!
تعرف انا بوستاتى ما بتزيد من ستة مداخلات لكن الجناين امثالك برفعوا العداد!
على العموم شرفت كتير
انا عارفك بتكون مرابط وسادى خدمة ونفسك قايم تقول المسخوت دا ازوق شوية يمسح بى الارض!
دحين اطلب اجازتك السنوية وعسكر وخيم بى جاى!
جنى

Quote: وطبعا قلت جنى دا مستهبل ساكت خلينا نضرب ليهو بوستيهودا بى ست مداخلات لم تحترم حقى فى ان احزن لانه المصيبة عندك ضربنى فى قطعة ارض سكنية ولطشا منى! مداخلاتك استفزتنى جدا! يا منير يمكن ان تتهمنى باى شئ ما عدا الغباء لم اسمعها فى حياتى الا من نفسى عندما اسخر منها! انا اعرف مقصدك تماما بعيده وقريبه

لا حول ياجني !! .. أقسم بالله (وأنا لا أقسم إلاّ نادراً وللشديد القوي) أنا ما عندي أي خلفية أو معلومة عنك ولم يكن في بالي أي استفزاز غير النقاش القديم المعهود بيننا .. و جيت داخل بوستيك في لحظات فراغ - أصلو أخوك اليومين ديل في حالة استشفاء ..إجازة إجبارية يعني - ومداخلاتي لم تكن إلاّ استرسال ساي في فكرة تتتابع بعد كل إضافة رد !!.... وما كان عندي أي قصد بقطعة الأرض (ده إذا أنا فهمت ردك ده صاح)غير ضرب مثل عن عجز البني آدم عن إنجاز القليل التحت إيده بينما يتطلع لمكاوشة الكثير الما تحت إيده ..!! .. بدون أي معلومة عن إنو عندك قطعة أرض أو ماعندك .!. والمثال ضربته لأن المعروف أن معظم الناس عندهم قطعة أرض ما قادرين يبنوها.. وبالمناسبة أنا ذاتي عندي قطعة أرض ما لاقي أبنيها ..

وبأمانة أنا فعلاً كنت مستغرب فيك فاير ومندلق فوقي كده مالك ؟؟ .. معقول إختلافنا في الوحدة والإنفصال يخليك زعلان كده ؟؟ ..

آسف .. أعتقد أني فهمتك غلط - وذلك لأنك لا تهتم بتفصيل الجُمَل حتي نميز بداية الجملة من نهايتها -
أوكي .. أظن أنك تريد أن تقول أن مصيبتك إنفصال وطن بينما أنا - منير - شايف إنفصال الوطن مثل فقدان قطعة أرض سكنية..
صاح؟؟

Quote: وبأمانة أنا فعلاً كنت مستغرب فيك فاير ومندلق فوقي كده مالك ؟؟ .. معقول إختلافنا في الوحدة والإنفصال يخليك زعلان كده ؟؟

شكرا لمشاعرك الطيبة
انا قطعة الارض الانضربت فيها ربع مساحة بلادى باهلها وهل هناك مصيبة اكبر من ذلك انظر الى تعزية العو ض افى البوست المعنى!
تحياتى لك يا جنينة وانشاء الله الباقى مايضيع!
جنى