مواطنو دول أجنبية يشنون الحرب علي الدولة السودانية ..!!!

لا أدري ما هو الموقف القانوني لأولئك المتجنسين السودانيين الذي ارتضوا التجنس بجنسيات دول أجنبية وأقاموا بتلك الدول كمواطنين فيها لهم ما لمواطنيها من الحقوق وعليهم ما عليهم من الواجبات ؟؟ .. فكيف تسمح تلك الدول الأجنبية لهؤلاء المواطنين 'الأجانب' بشن الحرب علي دول أخري - كالسودان - وتتركهم يخططون ويتآمرون علي السودان ويجعلون من أراضيها قواعد للعدوان والتخطيط للعمل المسلح والتخريب والإرهاب؟؟ ..

ولماذا تسكت حكومة السودان علي هذا الوضع العدائي ضدها من مواطني دول أجنبية يجاهرون بالتخطيط وشن الحرب عينك عينك من عواصم أجنبية ، .. ويحتفون يومياُ بقتل الجيش القومي وسفك دماء المواطنين السودانيين .. وذلك لأنهم تحت حماية الجنسية الأجنبية.. ؟؟ !!! ..

لماذا تسكت الحكومة عن هذا التهديد المتواصل من هؤلاء الأجانب من خارج الحدود - بينما تلك الدول التي تأويهم تجيش الجيوش العابرة للقارات للقضاء علي أفراد خارج أراضيها بتهمة تهديد أمنها القومي؟؟ !! ..

الأخ الكريم منير

التحايا والاحترام

Quote: لماذا

غالب ظني ان السبب ضمن اسباب اخري كثيرة ان كثيرا من هؤلاء الذين تفترض فيهم ان يقوموا بالرد هم ذاتهم عندهم جوازات وجنسيات اجنبية !

سلامات أخي الكريم الوليد

Quote: غالب ظني ان السبب ضمن اسباب اخري كثيرة ان كثيرا من هؤلاء الذين تفترض فيهم ان يقوموا بالرد هم ذاتهم عندهم جوازات وجنسيات اجنبية !

تقصد المسئولين الحكوميين داخل السودان؟؟ .. البوست ليس معني بهؤلاء فإنهم داخل سودانهم .. ولكن المعني بالكلام هو من يكون مواطناُ في بلد أجنبي ومقيم في ذلك البلد الأجنبي كمواطن لذلك البلد ثم يقوم بأعمال عدائية وإرهابية ضد السودان تحت حماية جنسيته الأجنبية ..
السوداني المقيم بالخارج يفترض أن يكون علي أحد حالين: إما أن يكون مقيماً بجوازه السوداني ويمارس نشاطه المعادي للسودان بصفته السودانية بإذن من الدولة المضيفة له .. أو أن يكون مقيماً كمواطن كامل بتلك البلد ويمارس نشاطه المعادي للسودان بصفته الأجنبية بدون تفويض من وطنه الجديد - وفي هذه الحالة يكون خارج علي القانون في موطنه الجديد ويكون قد إستغل وضعه الجديد وأدخل بلده الجديد في عداء مع السودان ..

Quote: ولماذا تسكت حكومة السودان علي هذا الوضع العدائي ضدها من مواطني دول أجنبية يجاهرون بالتخطيط وشن الحرب عينك عينك من عواصم أجنبية ، .. ويحتفون يومياُ بقتل الجيش القومي وسفك دماء المواطنين السودانيين .. وذلك لأنهم تحت حماية الجنسية الأجنبية.. ؟؟ !!! ..

هو حكومة السودان دى اصلها سيدى الحسن!
تسوى تخلى شنو!
فى نكتة قديمة
واحد شايقى مرة بامراة تداهمها الام الولادةوهى تنده يا سيدى الحسن وفى طريقه مر بامراة وهى فى تصرخ فى داخل الدبلوسي يا سيدى الحسن!
فرد عليها اخونا الرباطابى:سيدى الحسن ما هو فاضيلك قاعد ينفس فى اختا ليكى!

يا منير بطل لف ودوران الراجل قال ليك ناس المؤتمر الوطنى ناس قطبى المهدى ذاتهم عندهم جنسيات اجنبية وديل ياهم المطلعين ديش السودان!
جنى

يا جني عليك الله قبل ما تجي تسب الديش ساكت كدي أقرأ كلامي وأفهمه وبعد داك تعال ..
وزي ما قلنا ليك أمشي كدي أول حاجة ركِّز في كلامك ونكتتك المسيخي الكاتبها دي .. شنو بديتها لينا شايقي وفي نهاية الحكوة طلع رباطابي؟؟ الشئ عنده جنسية مزدوجة واللاّ شنو؟؟ ..

سلامات منير
طالما هناك قانون يسمح بإزدواجية الجنسية في بلدنا
يحق لهم إبداء رأيهم في كل مايهمهم من امر البلد
ليت الرأي يكون بمحبة حقيقية ويصب في مصلحة البلد لا في خرابه

الأخ حيدر حسن ميرغني سلامات ..
إبداء الرأي لا غضاضة فيه .. ولكن الحاصل هو إعلان حرب وإنضمام لجيوش تحارب الدولة بالمال والعتاد والدعاية من قواعد أجنبية .. هل تعتقد أن أمريكا ستسمح لمواطن أمريكي أبيض حائز علي المواطنة والجنسية السودانية أن يمارس أنشطة عسكرية ضد أمريكا؟؟ .. دعك من أمريكا. هل سيسمح السودان لذلك الأمريكي الأبيض بممارسة أي دعم أو إعلان إنضمام لمليشيات عسكرية معارضة تعمل داخل أمريكا ؟؟ ..

Quote: فكيف تسمح تلك الدول الأجنبية لهؤلاء المواطنين 'الأجانب' بشن الحرب علي دول أخري - كالسودان -

بل بالاحرى كيف سمحت حكومة السودان لمواطنين اجانب او مزدوجي الجنسية بتقلد مناصب دستورية؟
بل والاعجب ان مواطني هذه الدول الاجنبية والتي يحتفظون بجوازاتهم الغربية يشنون الحرب على دولهم الاجنبية ذاتها ويهددونها صباح مساء
اذا الحال من بعضو
ـــــــــــــ
نسبة كبيرة من وزراء الانقاذ يحملون جوازات دول غربية(بريطانية وايرلندية وكندية وامريكية وووووو الخ)
لا اعني الان بل ايام امريكا روسيا قد دنا عذابها

Quote: بل بالاحرى كيف سمحت حكومة السودان لمواطنين اجانب او مزدوجي الجنسية بتقلد مناصب دستورية؟

الأخ محمد ابراهيم ..
أحيلك لردي علي جني .. لأن كلامك في وادي وكلامي في وادي ..

Quote: ويحتفون يومياُ بقتل الجيش القومي

وهل هو قومي ......................؟؟؟؟؟؟


سؤال بريء والله.........





الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: سؤال بريء والله.........

بي حليفتها كمان؟؟!!!

يا جني عليك الله قبل ما تجي تسب الديش ساكت كدي أقرأ كلامي وأفهمه وبعد داك تعال ..
وزي ما قلنا ليك أمشي كدي أول حاجة ركِّز في كلامك ونكتتك المسيخي الكاتبها دي .. شنو بديتها لينا شايقي وفي نهاية الحكوة طلع رباطابي؟؟ الشئ عنده جنسية مزدوجة واللاّ شنو؟؟ ..

مساخة النكة ما بتحددة انت المهم المغزى الانقاذ حتشتغل فى ياتو جبهة دا الفلم يعنى حتصاب بالشلل!
تانيا انت لم تفهم مقصدى ان قطبى المهدى السودانى يحمل جواز كندى وهو يعمل ضد بلده ومن الداخل وهو متنفذ واكثر خطورة برعونته وهو يجب ان يعطى الاولوية!
فهمت ولا لا!
تانيا شيل كلمة رباطابى او شايقى البتعجبك فيهم لانى مستعجل فى الرد عليك لان كتابتك مستفذة لا تحترم عقول الاخرين!
جنى

Quote: مساخة النكة ما بتحددة انت المهم المغزى الانقاذ حتشتغل فى ياتو جبهة دا الفلم يعنى حتصاب بالشلل! تانيا انت لم تفهم مقصدى ان قطبى المهدى السودانى يحمل جواز كندى وهو يعمل ضد بلده ومن الداخل وهو متنفذ واكثر خطورة برعونته وهو يجب ان يعطى الاولوية! فهمت ولا لا! تانيا شيل كلمة رباطابى او شايقى البتعجبك فيهم لانى مستعجل فى الرد عليك لان كتابتك مستفذة لا تحترم عقول الاخرين!

أعصابك يازول اعصابك .. صحتك تهمنا ..
ما تستعجل وتحرق رزك في الفاضي .. مافي زول جابرك ومزازيك علي الرد ..

من حيث النكتة مسيخة .. مسيخة مسخت الترمس زاتو ..

إنت بتتكلم كلام عاطفي سبهللي ..
جوهر البوست قانوني ، وهو : مواطن سعودي مثلاً - نقول من أصول سودانية عشان نقرِّب ليك المعني - هل ستسمح له السعودية بقيادة فصيل مسلح يعمل داخل السودان ؟؟ .. يعني بعبارة أخري ، هل ستسمح السعودية لمواطن سعودي بشن الحرب علي دولة أخري؟؟ ..
ياخي ديل سحبوا جنسية اسامة بن لادن عديل كده لأنه يشن الحرب علي دول أخري ..

بعدين حدد موقفك ياخ .. الزول بتاع النكتة ده شايقي واللاّ رباطابي ؟؟ .. ما تخمونا ساكت .. إنتو قايلننا جايين من وين أصلو ؟؟

Quote: إنت بتتكلم كلام عاطفي سبهللي .. جوهر البوست قانوني ، وهو : مواطن سعودي مثلاً - نقول من أصول سودانية عشان نقرِّب ليك المعني - هل ستسمح له السعودية بقيادة فصيل مسلح يعمل داخل السودان ؟؟ .. يعني بعبارة أخري ، هل ستسمح السعودية لمواطن سعودي بشن الحرب علي دولة أخري؟؟ .. ياخي ديل سحبوا جنسية اسامة بن لادن عديل كده لأنه يشن الحرب علي دول أخري .. بعدين حدد موقفك ياخ .. الزول بتاع النكتة ده شايقي واللاّ رباطابي ؟؟ .. ما تخمونا ساكت .. إنتو قايلننا جايين من وين أصلو ؟؟

صاحب النكتة جلابى!
العدو بعتمد على المرجعية!
الوطن مختطف يا باشا!
قطبى المهدى مواطن كندى وطابور خامس بتفهم ولا اجيب ليك فهامة يا الما سبهلل!
جنى

Quote: صاحب النكتة جلابى!

منير سلامات ياكلس
شفت ليك جنى بتقبض
جنى ده عشان تقبضو امسك ليهو آية الكرسى والمعوذتين.

Quote: شفت ليك جنى بتقبض جنى ده عشان تقبضو امسك ليهو آية الكرسى والمعوذتين

هههه .. مرحبتين عزيزنا الفاضلابي ..
زولك من الزعل جاء مدروخ واعصابه بايظة .. جاط الشوايقة مع الرباطاب .. ختينا ليهو شنكل، زاغ منه زي الزئبق ..

جنه مصلِّب مع قطبي المهدي .. عشان كده خليناه يفهم الداير يفهمه ..
وما ضرني إن لم يفهم؟؟

Quote: بي حليفتها كمان؟؟!!!

طيب بدون،،،
ممكن تجاوب يا منير؟؟؟
ولا سكو............





الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: طيب بدون،،، ممكن تجاوب يا منير؟؟؟ ولا سكو............

سكو.... دي شنو يا الشايقي؟؟ ..

بالنسبة لسؤالك ..أيوة جيش قومي .. قوات مسلحة سودانية .. إثنياً يتكون من جميع إثنيات السودان . وذلك عندي أهم من إتهامكم له بأنه جيش الكيزان .. لماذا أصبحتم تشككون في الجيش السوداني الذي يحمي دياركم وعروضكم التي هربتم وتركتوها ؟؟- ثم بعد ذلك تؤيدون مليشيات قبلية تعيث في الأرض فساداً ؟؟ ألا ترون هذا الموقف المعيب الذي تقفونه ؟؟ ما أن يحمل أحد السلاح ضد الجيش إلاّ وصفقتم له ووصفتوه بالثائر .. أنتم تؤيدون أي حامل للسلاح حتي لو تحول السودان كله لمليشيات مسلحة ؟؟!!!! .. ومن عجب، لا نسمع لكم عن حملكم للسلاح مع الثائرين .. فقط تصفيق لهم وتخذيل وشماتة في قواتنا المسلحة بدعاوي غبية .. جيش نظام وما جيش نظام وما ادراك من الكلام الميت .. !!! ..

Quote: بالنسبة لسؤالك ..أيوة جيش قومي .. قوات مسلحة سودانية .. إثنياً يتكون من جميع إثنيات السودان . وذلك عندي أهم من إتهامكم له بأنه جيش الكيزان .. لماذا أصبحتم تشككون في الجيش السوداني الذي يحمي دياركم وعروضكم التي هربتم وتركتوها ؟؟- ثم بعد ذلك تؤيدون مليشيات قبلية تعيث في الأرض فساداً ؟؟ ألا ترون هذا الموقف المعيب الذي تقفونه ؟؟ ما أن يحمل أحد السلاح ضد الجيش إلاّ وصفقتم له ووصفتوه بالثائر .. أنتم تؤيدون أي حامل للسلاح حتي لو تحول السودان كله لمليشيات مسلحة ؟؟!!!! .. ومن عجب، لا نسمع لكم عن حملكم للسلاح مع الثائرين .. فقط تصفيق لهم وتخذيل وشماتة في قواتنا المسلحة بدعاوي غبية .. جيش نظام وما جيش نظام وما ادراك من الكلام الميت .. !!! ..

الكلام ده كوووووووولوووووووو فوقي
وا حلالي
ياخ أنا واحد لي بتخاطبني بالجمع؟؟؟
وتقول لي كلكم وأتهامكم ووووو لامن قربيت تقول ....مكم...

حبه حبه علينا يا منير....

أنا (وأعوذ بالله من أنــــا) واحد كما أسلفت...
ولا أحمل أي سلاح غير الكلمة ولا أناصر أي حامل سلاح كان أبيض ولا ناري ولا حتى أسود....
فهمت.....

نصيحتي ليك يا قريبي ما تقوم نفسك الزمن ده في أمراض قلب خفية ممكن توديك التوج...



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: الكلام ده كوووووووولوووووووو فوقي

أيوة يا قريبي الكلام ده كله فوقك .. بخاطبك بضمير الجمع والكلام ليس لشخصك أنت تحديداً .. بل للفكرة التي تحملها .. وهي من منظوري فكرة هدَّامة .. والسبب هو : إن التهكم علي الجيش وعدم الاعتراف بالجيش ونصرة الأعداء ضد الجيش والتشكيك في الجيش يعني عدم الاعتراف بهيكل الدولة .. ويعني فتح الباب علي مصراعيه لكل مدََّعي ثورة وكل مليشيا للتنامي وتحويل البلاد لصومال لا يعرف فيها أحد صليحه من عدوه .. فمن الأفضل لنا وجود جيش واحد متماسك - حتي لو كان مؤدلج ، كيزاني أو شيوعي - من أن تتقسم البلاد لمليشيات جهوية وعنصرية تحول البلاد لجحيم ..

Quote: نصيحتي ليك يا قريبي ما تقوم نفسك الزمن ده في أمراض قلب خفية ممكن توديك التوج...

والله يا خوي أخير الواحد يبيِّن وجهة نظره حتي لو قوَّمت ليهو نفَسه ، من أن يكون قلبه ميت يعاين للشر ويقبِّل منه غادي ..

Quote: بهيكل الدولة ..

حلوه


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

بوستك الظريف ده ممكن اهدي لي اغنية
بمناسبة العيد

ترى لماذا تسمح حكومة الدمار الحالية
لمتجنسين بجنسيات دول اخرى تقلد مناصب دستورية وقيادية تمس سيادة الدولة؟؟

محتاج لي امثلة ونماذج ؟!!!

Quote: ممكن اهدي لي اغنية بمناسبة العيد

جنة الأطفال هني ياربي؟؟

منير
سلامات

الجيش الحالي هو جيش ليس قومي، وأول شئ الجيش ولاءه ليس للوطن بل ولاءه للنظام الحاكم، وبالتالي فهو لا يمثل السودان، وتنتفي قوميته، بالطبع لا تحتاج لدليل، وإذا إحتجت لذلك عليك بقوائم المفصولين من الجيش بسبب أنهم لا يؤيدون (تحزيب الجيش)، فتمّ فصلهم وإستبدالهم بآخرين يكنون بالولاء للحزب الحاكم.


إجابة أيضاً لسؤالك الأساسي:

لا يحق لمواطنو دول أجنبية أن يشنو الحرب على الدولة السودانية.

هذا على المستوى النظري.

أما على الواقع الآن:

يحق للسودانيين الذين يحملون جنسيات أخرى بجانب الجنسية السودانية أن يستعملوا كل الوسائل المتاحة للدفاع عن حقوقهم التي يرون أنها أُخذت أو أُغتصبت من الأنظمة التى تحكم بلادهم خصوصاً إذا جاءت تلك الأنظمة إلى سدة الحكم بالقوة، والوسائل التى نتكلم عنها تشمل حمل السلاح أيضاً.

الذين تقصدنهم يشنون الحرب على عصابة الجبهة الاسلامية اللاقومية وجيشها التى خصخصت على الولاء الحزبى .. والتى سرقت الديمقراطية والحرية بليل وعاثت فى البلاد فسادا من ظلم واحتقار ونهب لاموال ومقدرات الشعب لصالح حزبهم ومنتسبيهم باسم التمكين والمشروع الحضارى .. ووصل حد الفقر فى البلاد الى ارقام ونسب لا يمكن ان تتخيلها ....
وبعدين الناس دى استجابت لدعوة رئيسكم المفدى ... والتى تقول ( العندو حق عندنا عليه برفع السلاح .. ولا نفاوض الا من يحمل السلاح ) انتهى كلام الرئيس .. رفعت الاقلام وحفت الصحف!

سلام يا منير وكل سنة وإنت طيب
يا منير أوصافك دي بتنطبق على
زول واحد في البورد دا، وهو
سيف مساعد، وأرى من الجور أن
تجمع ذوي الجنسيات المزدوجة معه
على الرغم من إنك ذاتك ماخد
الجنسية الهولنيدية.

تحياتي

النذير سلامات - وكل سنة وانت طيب ..
القول لا يشمل الكضاب سيف مساعد وحده .. وانظر لردي للصادق ..
الفكرة الرئيسية للبوست هي :- أنك كمواطن لبلد معينة إذا شنيت الحرب علي دولة أخري فستكون تعديت علي حرمة المواطنة الجديدة وخرجت علي قانون بلدك الجديد ..

هل تستطيع مثلاً - وأنت مواطن امريكي - أن ترسل معونات لحركة إنفصالية في البرازيل ؟؟ ..

هو أصلو قانون الإرهاب ده إتجاه واحد؟؟

الصادق اسماعيل سلامات ..
الإدعاء بأن القوات المسلحة ليست قومية يعتبر إدعاء تحريضي يدعو لشن الحرب عليها .. وهو نوع من الدعاوي التدميرية التي تشجِّع علي التمرد الجهوي والقبلي العنصري الذي سيذهب بالبلاد في مهب الريح .. فلا تلعبوا بالنار .. أعتقد أنك قلت أنك حاربت ضد القوات المسلحة ولربما قتلت عدد من جنودها في سبيل تغيير السلطة .. فهل أنت راضٍ عن ذلك؟؟ ..

Quote: لا يحق لمواطنو دول أجنبية أن يشنو الحرب على الدولة السودانية. هذا على المستوى النظري.

كمواطن دولة جديدة مفروض تخضع لقانون دولتك الجديدة ولا تمارس نشاطات حربية ضد دولة أخري حتي لو كانت مسقط رأسك .. لأنك بجنسيتك الجديدة تخوض حرباً لم تفوِّضك بلدك الجديدة للقيام بها .. ولو انتبهت دولتك الجديدة لخروجك عن نظامها لربما كانت العواقب وخيمة .. خاصة إذا تحسنت العلاقات بين السودان ودولتك الجديدة وحصلت تفاهمات بينهما ..

Quote: زولك من الزعل جاء مدروخ واعصابه بايظة .. جاط الشوايقة مع الرباطاب .. ختينا ليهو شنكل، زاغ منه زي الزئبق .. جنه مصلِّب مع قطبي المهدي .. عشان كده خليناه يفهم الداير يفهمه .. وما ضرني إن لم يفهم؟؟

مدروخ انا منير ولا انت الكاتب بوست بلدك مليان خواجات يحملون جنسيتهم فقط دون اردواج ويدخلون بلدك من الجنوب والغرب والشمال والشرق ولا يقبلون ان يسلموا على رئيسها كالاجرب وتريد منها طعن الضل وفيل الخواجات اب زلومة يجوب البلاد طولا وعرضا!!
بالله انت ماخجلان من نفسك تناشد حكومة منبطحة!
جنى

Quote: بالله انت ماخجلان من نفسك تناشد حكومة منبطحة!

منبطحة ؟؟ .. هو لو كانت منبطحة كانت البلد مخنوقة كده؟؟

غايتو حسب افكارك البتدلقها هنا دي، لو كنت ماسك البلد دي مش كنت انبطحت بس، كنت رقدت سلطة عديل ..

بس الله ستر ..

Quote: .. هو لو كانت منبطحة كانت البلد مخنوقة كده؟؟

من 30 يونيو 89 نهاية كل خنقة بطحة وبل بلع ناشف وهكذا دواليك....

Quote: Al-Shaygi وهل هو قومي ......................؟؟؟؟؟؟ سؤال بريء والله.........

اذا لم تستحي فافعل ما تشاء

بئس الناضل

Quote: الصادق اسماعيل سلامات .. الإدعاء بأن القوات المسلحة ليست قومية يعتبر إدعاء تحريضي يدعو لشن الحرب عليها .. وهو نوع من الدعاوي التدميرية التي تشجِّع علي التمرد الجهوي والقبلي العنصري الذي سيذهب بالبلاد في مهب الريح .. فلا تلعبوا بالنار .. أعتقد أنك قلت أنك حاربت ضد القوات المسلحة ولربما قتلت عدد من جنودها في سبيل تغيير السلطة .. فهل أنت راضٍ عن ذلك؟؟ ..

منير
كل سنة وإنت طيب

ي ريت يا منير لو كانت مقولة أن القوات المسلحة ليس قومية محض إدعاء، الحقيقة التى لا تريد أن تصدقها أن القوات المسلحة الحالية هي غير قومية، بل أن القائد العام للقوات المسلحة يعتبر حسب قانون القوات المسلحة السودانية نفسها متمرد وحانث للقسم الذي بذله بحماية الدستور. هذه هي الحقيقة التى تتهرب منها انت يا منير.

أي شخص يقوم بإنقلاب عسكري على سلطة منتخبة فهو متمرد حتى لو دانت له السلطة، وبالتالي الإدعاء التحريضي الذي تقوله هو بالضبط ما فعله عمر البشير وحزب الجبهة الإسلامية بإستعماله للجيش لمصلحتهم الحزبية وتطبيق أفكارهم وبذلك إنتفت عنه صفة القومية.
والتمرد الجهوي والقبلي والعنصري هو نتاج طبيعي لغياب الجيش القومي والذي تمّ تدميره وتحويله لجيش ايديلوجي يخدم حزب الجبهة، بل وكما ذكرت لك قبل ذلك فكثير من الضباط والجنود القوميين تمّ فصلهم لسبب بسيط جداً ÷, أن الجيش لم يعد قومياً وبالتالي إذا لم تكن موالي للحكومة أو تخدم خطها فأنت مفصول لا محالة.

أما سؤالك عن هل أنا راضٍ عن محاربتى لجيش حكومة الإنقاذ، فأقول لك أنى راضٍ كل الرضا عن ذلك، لأن هذا الجيش الذي كان يحاربني هو جيش حزبي لا يمثل السودان، بل أن الأشخاص الذين كانوا يقودونني ويدربوني ويحاربون معى كانوا كلهم جنود في هذا الجيش عندما كان قومياً ويحمى الدستور، وهم عندما حملوا السلاح فعلوا ذلك لحماية وإستعادة قومية الجيش والذي من أولى مهامه والتى ندفع لهم في سبيلها الرتبات هي حماية الدستور وليس قل نظام الحكومة لمصلحة مجموعة حزبية.

في النهاية يا منير الجيش الموجود حالياً ليس جيش قومي، بل أزيدك من الشعر بيتاً في واحدة من المعارك رايت زميلاً لي من الجامعة الإسلامية وهو يرتدي زي العقيد وهو يحرض في الجنود ومليشيات الدفاع الشعبي ليقتلوا (الكفار)، هذا الزميل لم يدخل الكلية الحربية ولا ينتمى للجيش بل هو (كوز) والآن يعمل في وزارة الخارجية.

قس على ذلك أن القائد الفعلي والذي يفصل من يشاء ويرقي من يشاء في تلك الأيام كان هو المقدم ابراهيم شمس الدين، وهو لم يحترم قومية الجيش والتى تقول أن هذا الجيش يخضع في تعليماته وقيادته لقانون القوات المسلحة السودانية، وهذا القانون هو بتفويض من الشعب السوداني للقوات المسلحة لحماية الدستور وحماية الحدود وعدم التدخل في الحياة المدنية إلا في حالة فشل البوليس في حفظ الأمن، وفي تلك الحالة تُعلن حالة الطوارئ ويعلق العمل بالدستور وتعلن الأحكام العُرفية، حينها فقط يُسمح للقوات المسلحة بالنزول إلى الشارع ريثما يتم حفظ النظام والعودة للدستور مرة ثانية.

إن محاولة تصوير الجيش الحالي بانه جيش قومي محاولة لن يقتنع بها الجيش نفس ناهيك عن الآخرين، فالكل يعرف أن الجيش الموجود حالياً جيش تمّ صنعه في إطار سياسة التمكين، وهذا ما اعترف به بعض قادة ومنظري إنقلاب الثلاثين من يونيو.

عندما نمتلك جيش قومي حقيقي يحافظ على قسمه الذي يؤديه لحماية الدستور والأرضن ويكون ولاء هذا الجيش للوطن وليس لتنفيذ اجندة حزبية غير متفق عليها، حينها فقط تكون محاربة مثل هذا الجيش تمرد وخروج عن القانون، أما الآن فلذين حنثوا بالقسم (عمر البشير وقادة الإنقلاب) هم الذين لعبوا بالنار وتسببوا في هذا الكم من إراقة الدماءن كل ذلك لانهم يظنون أنهم هم هدية السماء لنا ونسوا قوله تعالى:(قل هل انبئكم بالخسرين اعمالا. الذين ضل سعيهم في الحياة الدنيا وهم يحسبون انهم يحسنون صنعا). ونسوا أيضاً أن الله (أذن للذين يقاتلون بأنهم ظلموا). لذلك محاربة الظالمين ستظل هي شريعة السماء والمنطق السليم.

منير كل سنة وانت طيب الحمد لله ما اظن نحن






غايتو ......






عثمان نواي

منير..حبابك يا صديقي
كل سنة و انت طيب..
شنو يا اخوي كورتك فكت ولا شنو؟..

اها من غير حليفة اخونا الشايقي الأبيتها فوق دي.. جاوب لينا على الأسئلة دي..و هي بالطبع غير بريئة.. لأنو معاك ، يا صديقي ،البراءة ما بتغطي حتى لو كانت في عملية مقايضة فاشلة..!!
المهم..

انت قلت:

Quote: لماذا أصبحتم تشككون في الجيش السوداني الذي يحمي دياركم وعروضكم التي هربتم وتركتوها ؟؟

التشكيك في مؤسسية الجيش و قوميتو السودانية كلام شين يا منير.. لكن..!

احتمال يا صديقي حلتكم ما انضربت..و الحلة المجاورة ليكم..عشان كده بيكون غايب عليك انو الجيش السوداني.. انتهك ديار بعض الشعوب السودانية و مارس معاها سياسة الأرض المحروقة..و الجيش السوداني انتهك عروض بعض شعوب السودان..و لو الكلام ده ما سمعت بيهو.. تعال اسأل و بنوريك بيان بالعمل..
فالجيش البتشوفوا بحمي الديار و العروض..و من حقك كسوداني تشوفو كده..و برضي من حقي كسوداني اقول ليك النصيحة.. نفس الجيش ده يا منير في شعوب هتك عروضها و ترك فيها ظاهرة انسانية اسمها ظاهرة الأطفال اليتامي..!..ولا عروضكم عروض يا منير..و عروض الشعوب السودانية الأخرى هي من طائفة ما مملكت ايمانكم و يجوز لجيش السودان يسرح و يمرح فيها؟..ولا دياركم يا منير هي الديار المقدسة الواجبة الحماية..و ديار شعوب السودان الأخرى فضاءات خلفية لممارسة الإبادة العرقية و الجرائم ضد الإنسانية و جرائم الحرب فيها..لأنها نجسة ومعمل تجريب كبير يحل فيه المحرم من باب الضرورة (و هي ضرورة الحفاظ على امنك و عرضك و ترابك عشان تجي تردح مثل الردحي المجاني البتسوي فيهو هنا ده)؟..
جيشك السوداني يا منير..كلما جاهو مجرم صغير و قال ليهو داير اتعلم ارتكب جرائم الإبادة العرقية..طوالي بيقولوا ليهو اهو داك الشعوب السودانية قدامك اعزل الداير تفك فيهو حيرة الإبادة العرقية..و برضك يا صديقي ده جيش بتغير عليهو؟..

انت قلت:

Quote: ما أن يحمل أحد السلاح ضد الجيش إلاّ وصفقتم له ووصفتوه بالثائر

سؤال برئ يا منير..لمن زمان في يوم الجمعة 30 يونيو/حزيران 1989 قام اخونا عمر البشير حمل السلاح ضد الشعب السوداني و انتهك عرضو في الديموقراطية.. كان عمر البشير شايل غصن زيتون ولا شايل جبخانة؟
و اشمعنا عمر البشير يكون صاحب ثورة و الأخرين مجرد متمردين..مش الإتنين شايلين سلاح؟..


انت قلت:

Quote: ويعني فتح الباب علي مصراعيه لكل مدََّعي ثورة

و هذه سلفية و عقلية دوغما ما انزل الله بها من سلطان..!!
حينما قرأت هذه الفقرة تذكرت استبهال فقهاء المؤسسة الإسلامية من بطانة اهل السياسة.. الذين توصلوا لحيلة غبية يقمعون بها الإبداع و اعمال الفكر الحر..و صنعوا السقطة المعروفة بـ (قفل باب الإجتهاد)..و كأني بك يا صديقي تقول.. حقة ناس عمر البشير ديك ثورة..و لمن التانين دايرين يثوروا وفق نهج عمر البشير تبقى الحنبكة..و تقول لينا نقفل باب الثورة..!!..يا رأأأأأأأأجل..!!

اما كلامك عن مؤامرات الأجانب على السودان..فعلا اب سنينة بيضحك على اب سنيتين..!!
المعارضة السودانية ردحت في جيش السودان سنين و سنين يا منير.. لكن يوم واحد قوة عينها ما حصلت قوة عين (هيكل الدولة) الجاب ليهو جيوش اجنبية عدييل..مرة افغان عرب ..مرة مجاهدي القاعدة.. مرة ناس امم متحدة..و مرة ناس اتحاد افريقي.. ياخي الإستعمار البريطاني ، كسقطة اخلاقية في تأريخ البشرية، ما فتح البلد لجيوش الأجانب اشكال و الوان مثلما فعل المدعو هيكل الدولة السوداني البتغير عليهو ده..!!

لو زعلان حقيقي في نصرة الجيش السوداني.. امشي ليهو عدييل و قول ليه كيف يا جيشنا يا جيش الهنا الحارس مالنا و دمنا.. تسمح بوجود خلق زي دي من الجيوش الأجنبية تستبيح اراضيك و اجوائك و مياهك؟..

محزن يا صديقي ، جيش عمرو اكتر من تمانين سنة..و يوم واحد ما خسر ليهو طلقة في عدو اجنبي..و كل الطلقات التي اطلقها و يطلقها دوما هي موجهة ضد صدور ابناء و بنات السودان و المفترض فيه حمايتهم و حماية ترابهم و عروضهم..!!!!
و برضك زعلان عشان اكتشفت انو الأجانب بتآمروا على السودان؟.. السودان اتآمر عليه اولاد المؤسسة العسكرية الخسر فيهم الشعب دم قلبو..و ما خلوا ليهو صفحة ينوم عليها..و مثل هاتيك مؤسسة لن يحترمها الإ معتوه أو صاحب غرض و مصلحة فيها..!!!

كبر

Quote: غايتو حسب افكارك البتدلقها هنا دي، لو كنت ماسك البلد دي مش كنت انبطحت بس، كنت رقدت سلطة عديل .. بس الله ستر ..

ليه أنا البشير!
انا لا أؤمن الا بالديمقراطية يعنى انتخابات حرة نزيهة تمثل الشعب تماما واذا فشل فى الصمود يومها فهو ليس جدير بالحياة!
الوصاية ليس لها مكان فى قناعاتى فى الحكم
جنى

.. أبببب ..

لحين ميسرة ..

Quote: حلوه الشايقي

غلطان أنا السويت لك راس وقعر ..