Post: #1
Title: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: Munir
Date: 02-13-2011, 01:30 PM
Parent: #0
مالك ومال الناس البتحلِّلي بعد الوجبات؟؟ ما تسيب الناس في حالها .. يعني عاوز تقنع الجمهور إنك ما قاعد تأكل حلو بعد وجباتك ؟؟ قاعد تأكل ويكة وتشرب فوقها الموية وتحمد ربك وتقوم أم تتمها تحلية وفواكه ؟؟ ..
وزراؤك ال٧٧ ومستشارينك ديل إنت قايلهم المستوزرين ليها شنو غير الحلو والكاسترد والجلي !!! ..
أبدأ بنفسك وأحرم أهلك وحاشيتك من التحلية وطبِّقها بيان بالعمل - ثم بعد داك تعال بشِّر الفقراء بالدعم بدون ما تعادي الأغنياء .. !! ..
ألعب غيرها ياخ .. كرَّهتنا الرعونة زاتها .. !!! ..
.
.
من كثر لغطه كثر غلطه ..
|
Post: #2
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: أمير فتحي
Date: 02-13-2011, 01:37 PM
Parent: #1
منير ياخ الله يديك العافيه في جسمك دا
أغرب شي إنو أي زول عارف إنو أجهزة الاعلام المرئيه والمسموعه والمكتوبه والقالبه الهوبه كلها بتنتظر خطابات الرؤساء للتحليل والتنفنيظ والتجريم وقراءة واقع الحال ...وريسنا الله يطول عمرو تقول بتونس مع جيرانو في ركن قصي على التراتير وبمنتهى البراءه بتكلم....
أين المكتب الصحفي من كل هذا واين المستشارين الإعلاميين ؟؟؟؟
|
Post: #3
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: doma
Date: 02-13-2011, 01:53 PM
Parent: #2
| Quote: أين المكتب الصحفي من كل هذا واين المستشارين الإعلاميين ؟؟؟؟ |
لول وانت قايلهم هم احسن منو بشنو يا امير ؟؟؟مش كمال عبيد قال اذا صوت الجنوبيون للانفصال حقنه ما بنديها ليهم
يا زول الله يخليهم يطبزوا كدي عشان الناس تعرف انهم حكام غفله . فينفضوا من حولهم .
|
Post: #4
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: Munir
Date: 02-13-2011, 06:10 PM
Parent: #2
مرحباً يا أخي أمير ..
ياخي الرعونة والحماسة الفارغة مافي ليها داعي .. الواحد شبه متأكد بأنه هو زاته ووزراؤه بيلهطوا الحلويات لهط الفيلة ..
هل يستطيع هذا الأرعن أن يقسم بأنه لا هو ولا حاشيته ما بيأكلوا تحلية بعد الأكل؟؟ ده غير العزومات الرسمية وغير الرسمية الفاخرة ؟؟ ..
ياخي أهم شئ المصداقية .. ما يقعد يتلاعب يمشاعر الجماهير بهذه الطريقة الساذجة .. بعدين ياخي الناس البيحلو بعد الغداء أو بيزيدوا الشاي ملعقة سكر ذنبهم شنو عشان يجي يشيل حالهم ..
يجي يتكلم عن ناس الحِلو وتلقاهو هو قبل اللقاء الجماهيري ضارب ليهو ٤ قوالب جلي وقافلها بالبيبسي !! ..
مالوا لو قال للناس حندعم أي زول عشان يأكل التحلية بدلاً عن التهكم علي الآخرين ..
الزول ده عاوز يثبت للجمهور إنه شرَّامي ومقدِّدها ومن كوبر يعني . ؟؟.
ما هكذا تورد الإبل ياخ ..
|
Post: #5
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: saif massad ali
Date: 02-13-2011, 06:15 PM
Parent: #4
الرجل اهطل
كنت اظن هبنقة خرافة من خرافات العرب حتي رايتها بام عيني
رحم الله البروف عبدالله الطيب
|
Post: #6
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: Marouf Sanad
Date: 02-13-2011, 06:24 PM
Parent: #5
كنت داير أقول انو البشير قاعد ياكل فواكه, ولكنه نسف كل الأدلة التي قد تدينه!
|
Post: #7
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: abubakr salih
Date: 02-13-2011, 06:30 PM
Parent: #5
مستشارو الرئيس حالياً يبلغ عددهم 17
السيد/ د.أحمد بلال عثمان مستشار رئيس الجمهورية
السيد/ البروفيسور أحمد على الإمام مستشار رئيس الجمهورية للتأصيل
السيد/ د. الصادق الهادي عبد الرحمن المهدي
السيد/ ابراهيم احمد عمر
السيد/ أقنس لوكودو
السيد/ د. بونا ملوال
السيد/ د. رياك قاي قوك
السيد/ عبد الله على مسار
السيدة/ رجاء حسن خليفة
السيد/ د.غازي صلاح الدين العتباني
السيدة/ فريدة إبراهيم أحمد حسين
السيد/ د.مصطفى عثمان إسماعيل
الفريق اول مهندس/ صلاح عبدالله محمد صالح
السيد/ الشيخ بيش
السيد/ منصور خالد
السيد د. هارون لوال روون
السيد/ أندرو ماكوار تاو
|
Post: #8
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: محمد علي شقدي
Date: 02-13-2011, 08:33 PM
Parent: #7
| Quote: بعدين ياخي الناس البيحلو بعد الغداء أو بيزيدوا الشاي ملعقة سكر ذنبهم شنو عشان يجي يشيل حالهم .. |
دي عجبتني بالحيل
رئيس يقيف ويزعج الناس بالنبيح العندو حمار حيركب بوكس يومين يقيف تاني ويقول نكاية في ناس التحلية وشراب البيبسي
رئيس بحب الملطشه بشكل
تحياتي
|
Post: #9
Title: Re: يعني يا بشير ما بتقدر تخطب في الناس إلاَّ بإستعداء الآخرين؟؟ ما هذه الرعونة ؟؟ !!
Author: HAYDER GASIM
Date: 02-13-2011, 08:47 PM
Parent: #8
| Quote: كرَّهتنا الرعونة زاتها .. !!! |
منير ... تسلم,
لكن ما ضحكتني ... بعد طول صمت وإضلهام.
ياخ البشير كده, وسوف يظل كذلك, إن لم يحدف
نحو الأسوأ ... وغير خطل مشروعه السياسي, فأنا
أرمي بالائمة على إنخفاض مستوى تعليمه, والذي
لا يمكنه من تفهم أعمق لأحوال الناس وقضاياهم.
غايتو جنس ديك عده ... دحين باقي ليك البشير
ده أسع طبظ أصبعو { الغليد ده } في كي بورد كمبيوتر؟
فرئيسنا جاهل أحمق عدواني ... وربنا يسترنا من شروره.
ويا ريت لو أكون حي لأشهد مصيره, وهو يبتع في الركاب,
بن على ومبارك ... ياخ ده مش كرهنا الرعونة, ده كرهنا
الحياة زاتا.
واللهم طولك يا روح
|
|