باقام يتكلم من سجون النظام ..!!!!!!!!!!

الصباح سمعت باقان أموم يتحدث لقناة الجزيرة للمذيع جمال ريان ، وقال إنه يتكلم من سجون النظام !!! ..

إذا الكلام ده ما كان فن في التصوير يكونوا الكيزان ديل دقسوا الراجل وطلعوه أهبل بمعني الكلمة !! .. ويكونوا قالوا ليهو هاك المايك معاك قول للجزيرة إنك بتتكلم من سجون النظام !!! .. عشان يضحك فيهو العالم العربي والعوالم المجاورة .. وسيادتو العبقري بلع الطعم بشراهة ..


زول في السجن والسجان يديهو المايك عشان يتكلم مع الجزيرة ويعلنها داوية ؟ في السجن وتتكلم مع أكبر فضائية في الشرق ؟؟ دي دعاية مجانية للحكومة ..

طبعاً جمال ريان عاين للمشاهد كدآآآ ، ثم تمتم في سره بكلمات .. ثم انتقل لأخبار العراق بدون تعليق ..

مافي حمار غيرك صدقني يا منير.

ربنا يشفيك.

Quote: الصباح سمعت باقان أموم يتحدث لقناة الجزيرة للمذيع جمال ريان ، وقال إنه يتكلم من سجون النظام !!! ..

الاخ منير
تحياتي


ولا تستغرب




وياسر عرمان بيتصل من الزنزانة مع وسائل الاعلام


ووزير الدولة بالداخلية(حركة شعبية) يعتقله ايضا افراد الشرطة التي يرأسها


ودقي يا مزيكة

الأخ عمر صديق الجماعة عملوا دعاية مجانية للحكومة بغباء لا يحسدون عليه ..

نحن دايرين نسقط النظام وديل شغالين يثبتوا في النظام ..
الشئ شنو هو؟؟

قال ليك عدو عاقل خير من صديق جاهل ..

تراجي يا أختي إنتي تغيبي وتجي وعدوانيتك دي ما دايرة تخليها؟؟..

مرحبآ بعودتك وكل سنة وإنتي طيبة .. وروقي المنقة شوية يا بت الناس ..

معليش يا منير يا اخوي

لكن ما بالغته لذا اسبغت عليك نعمة الحمرنه وهي افضل من العماله....



طيب عارف ليه يا غالي؟؟؟؟


مراسل الجزيره بالسودان كوز معروف لدي كل القوى السياسيه بالسودان

صدقني لو ماكانوا في السجن لما قال عنهم في السجن....


تسجيل لحديث باقان اموم مع قناة الجزيرة قبل قليل من معتقله

غايتو يا تراجي ، أنا ماعارف ليه مازعلت منك ؟ حكمته بالغة بقيت ما بزعل منك - وإنتي كمان بالغتي وجيتي وقلتي لي معليش.. والله الواحد كده قلبه الرهيف ده يخرب مرة واحدة .. شكراً ليك ..

ويا غالية أم الرجال أنا ما شككت في أنهم ممسوكين .. لكين كونوا يطلعوا في الفضائيات ويقولوا إنهم الآن بيتكلموا من السجن معناه بيعطوا الحكومة شهادة حرية التعبير علي الملأ ..
يعني شهادة علي الهواء وفي أكبر قناة في الشرق بأن الحكومة مخلياهم علي راحتهم يقولوا الدايرينه .. وهو ما ينسف دعاوي المتظاهرين ..

.
.
.

قلتي لي اسبغت عليك نعمة الحمرنه ؟؟ هههه .. شرانية لكين مرات مرات لطيفة ..

يا خرطوم
ثورى .. ثورى
ضدّ الحكم الديكتاتورى
وعلّمى ناس ( الجبهه ) الخانو
كلّ مبادى العمل الثورى

***
وافتحى بابك للحريّه
وألبسي توب .. ديمقراطيه
واهتفى ،
تحيا بلادى وفيّه
لكل الشهدا الصدقو النيّه

***
ياخرطوم .. ثورى .. ثورى
واكشفى كلّ دقون الزيف
واهدمى كلّ جدار عملوه
عشان ما يمنعوا لون الطيف
واكسرى سيف الذّل المشهر
وامسحى عنّا غمامة الصيف

***
ياخرطوم الصحو الباكر
ويا خرطوم الزهو النادر
لمّى الحزن الفيكى تبادر
وانفضى ليل الغدر الماكر
وارفعى رأسك وبصوت هادر
رددى لحن الأمل الثائر

***
وثورى ثورى يا لخرطوم
ضدّ الحكم الديكتاتورى
وعلّمى ناس ( الجبهه ) الخانو
كلّ مبادى العمل الثورى

Quote: وثورى ثورى يا لخرطوم ضدّ الحكم الديكتاتورى وعلّمى ناس ( الجبهه ) الخانو كلّ مبادى العمل الثورى

سلامات يادكتور



الترابي زعيم الجبهة مع المعارضة