مُنادي الشوق

السلام عليكم
...
منير ازيك
....
لميت فيها وين آ شقي بصوت النعام ؟؟
...

بلدي طيبة وما بتعادي وفي الكرم غنالها شادي
دوزن الألحان وأبدع راح يطوف كل البوادي
حبي ليها وريدها زادي شايلو في عيوني وفؤادي
ليها برسل كل حروفي ودمعة الأشواق مدادي

...

حنان النيل ابدعت فيها برضو ... عندك؟؟؟

.

عليكم السلام والرحمة والبركة عزيزنا الزوول ..

Quote: لميت فيها وين آ شقي بصوت النعام ؟؟

باقيلك لو فتشت لبن الطير في الانترنت دي مابلقاهو؟؟.. غايتو ما بتذكر لقطت الغنية من وين لكن أظني لقيتها في أحد منتديات أهلنا ..

تخيل إنو الزول ده بيتكلم عن شوق بين البلد والخرتوم .. تعال شوف الشوق العابر للقارات !!..
أتذكر زمان دخلت تكل حبوبتنا في البلد قمت لقيت لي قفة كبيرة مليانة جوابات من خالي من فترة دراسته في مدرسة وادي سيدنا .. جوابات ردوم ردوم وقفة كبيرة يشيلوها نفرين مليانة شوق ..


وما الناس إلاْ هالك وابن هالك وذو نسب في الهالكين عريض ..

Quote: وما الناس إلاْ هالك وابن هالك وذو نسب في الهالكين عريض

هههههههههههههههه
يازول كويس نفسياتك اتصلحت بعد كلام ود حطب الله
اخخخخخخخ يامنير
الشوق مافي شيتن بيطفي نارو ويبرد حرو

Quote: هههههههههههههههه يازول كويس نفسياتك اتصلحت بعد كلام ود حطب الله اخخخخخخخ يامنير الشوق مافي شيتن بيطفي نارو ويبرد حرو

هههه يا وليد والله ضحكتني ، فعلاً العبارة لصيقة بغزوة ودحطب الله وتصب في ذاك الاتجاه مكمِّلة له..
لكين دي جات صدفة حلوة .. لأني كنت قاصد أخونا الزوول ، فهو كان مشغِّل العبارة كديباجة في كل مشاركاته في المنبر .. أها قلت أذكره بالهلاك ده لو نسي .. هههه ..

وليد الحنين أهلنا زمان تتصبب دموعهم فوق شبابيك قطر كريمة رايح جاي .. والسفر كله بين الخرتوم والشمالية .. أسه إنتو بس قطعة بحر في ساعتين وويك إند بس تبلّوا الشوق .. البكاء زمان كان حار والسفر صعيب والرجعة قاسي (قاسي دي بلهجتنا وبتخفيف القاف)..
زمان شوف العين لا يعادله شوف .. والليلة الناس بتتسالم صورة وصوت من بقاع الدنيا سلام مسيخ مافيهو لبيع ضهر لب لب إزي الحال سلامات إزي الحال سلامات ..
كل ما نطرا بلدنا ديمة تنهمر دمعات هميمة .. نحن إخلاصنا ووفاءنا لبلدنا بقالنا شيمة ..-
نحن إخلاصنا ووفاءنا لبلدنا بقالنا شيمة ..- نحن إخلاصنا ووفاءنا لبلدنا بقالنا شيمة ..-
وعاد منادي الشوق ينادي ..

منيـــر
ود أهلـــــي ( واشريري )
حبابكــــك وانت لسع في مــدن بعيده تنــوم وتصحي
أشواقنـــا تناديـــك منـذ سنــوات طويلـــــة
بطـــل الجرســـة وتعال لاهلــك الحلويــــن
دار الغربــة مابترحـــم 0
قبل يومين اتصل علي الاخ العزيز (احمودي ) احمد عبد الرحيم
وســوف ينضــم لمنظومـــة رابطة أبناء الزومـــة بالرياض
تعال لينا هنــاك بحوش منتدي الزومــة وبــل أشواقـــك
سياســـة ما معانــا فقط عين الشمس تنزل خجيلاني وتكوع فوق شجيرات البلح والغيم
ينقط مــن دموعه يكسي التبيسات بالطرح 0
بريدي الالكتروني
[email protected]
center>

أخوي حُمّد الحسن - مشتاقين يازول
وبالله طالما إنت مواصل السفر ما تبخل علينا بالصور .. البراسيم وجدول الباجور وخج البحر راس الساب وعومة المرقة .. واللِّعب والصفاح والصفقة والطمبور..

أحمد ده بالله يديهو العافية ياخ - زول دوغري تب ..

تحياتي للجميع .. أمش قول السلام يا أهلنا سني .. وقول لهم آب ينوم إن نشدو مني ..


وهاك هدية