Post: #1
Title: نكتة جديدة لنج ..
Author: Munir
Date: 12-21-2008, 09:52 PM
Parent: #0
يحكي أن غرابآ كان علي غصن شجرة عالية وفي فمه قطعة جبن .. فرآه الثعلب وسار إليه وسلم عليه طامعآ في قطعة الجبن التي في فمه . وحيث أنه لا يستطيع صعود الشجرة أراد أن يحتال علي الغراب فناداه: ياغراب ياصديقي إن لك صوتآ جميلآ في الغناء وأنا صوتي قبيح، فياريت لو غنيت لي أغنية حمام الوادي ياراحل بتاعة حمدالريح .. ففرح الغراب بهذا الإطراء وفتح فمه وبدأ الغناء .. فسقطت قطعة الجبن من فمه .. فهرع الثعلب ليلتقطها ........ ولكن..
.
.
كان الغراب رابطآ قطعة الجبن بلستك مطاط .. فارتدت قطعة الجبن لأعلي بعد أن كادت تصل لفم الثعلب ..
وضحك الغراب وقال للثعلب : شنو يا ابوالثعالب ياخ ؟ انت قايلني الغراب الزمان بتاع كتاب المطالعة داك واللا شنو؟؟ قديمة ياخي ألعب غيرها ..
ههههه
_________________________________
النكتة التانية أخطر من دي في أسفل البوست 
|
Post: #2
Title: Re: نكتة جديدة لنج ..
Author: عبدالوهاب علي الحاج
Date: 12-21-2008, 09:57 PM
Parent: #1
اضحك الله سنك
_______________________
كل سنة وانت طيب
|
Post: #3
Title: Re: نكتة جديدة لنج ..
Author: Munir
Date: 12-21-2008, 10:06 PM
Parent: #2
عبدالوهاب ياعزيز .. سلامات يا زول .. أنا لسة ياوهبة ما جيتك برواقة في البورد ده .. وشايفك ماشاء الله مكتسح الساحة .. داير اجيكم بهناك كمان مع الحاج حمد في بوست الشعبية ..
وكل سنة انت والأسرة بألف خير ..
|
Post: #4
Title: Re: نكتة جديدة لنج ..
Author: haroon diyab
Date: 12-22-2008, 05:29 AM
Parent: #1
الحبيب / منير
صباح الخير
وعودا حميدا مستطاب
طولت الغيبة عن البورد
لعل المانع خير
التحايا
هارون دياب
|
Post: #10
Title: Re: نكتة جديدة لنج ..
Author: Munir
Date: 12-25-2008, 10:18 AM
Parent: #4
عزيزنا الحبوب هارون دياب .. طابت ايامك وكل سنة وانت طيب ..
Quote: طولت الغيبة عن البورد
لعل المانع خير |
قاعدين في الدنيا الضيقة دي .. لكين الدخول للمنبر في زحمة المشاغل بقي زي دخول الجمل في سم الخياط..
|
Post: #5
Title: Re: نكتة جديدة لنج ..
Author: شمس الدين ساتى
Date: 12-22-2008, 06:04 AM
Parent: #1
ود حلتنا منير
زي ماقال وهبة
أضحك الله سنك
كيفك مع البرد
عادل عثمان قال لي دواهو في
|
Post: #6
Title: Re: نكتة جديدة لنج ..
Author: Zomrawi Alweli
Date: 12-22-2008, 06:19 AM
Parent: #5
بالله دا كلام
تجرجرنا مع اول الصباح وتقول نكتة
اضحك الله سنك
|
Post: #7
Title: Re: نكتة جديدة لنج ..
Author: معاوية محمد الحسن
Date: 12-22-2008, 12:11 PM
Parent: #6
الاخ منير
كيف الاحوال
باللة الغراب الزمن ده ذاتو بقى تفتيحة ،يعني ممكن يديك شيك طائر بكل سهولة .وبالمناسبة الشيكات الطائرة فى السودان واحد باع عربيتو لناس الكرين بشيك ولما ذهب البنك لم يجد رصيد للمشتري واتصل به بالتلفون ليخبره بعدم وجود رصيد وقال ليه المشتري ياخي انت الشيك مشيت بيهو وين فقال له المسكين مشيت بيهو البنك طبعاً،فرد عليه المشتري بكل هدوء ياخي بتبالغ انا شيكي مابمشوا بيهو البنك بمشوا بيهو الشرطة طوالى .
اها الغراب ماليهو حق مع ديل يبقي تفتيحة
|
Post: #14
Title: Re: نكتة جديدة لنج ..
Author: Munir
Date: 12-25-2008, 10:42 AM
Parent: #7
الصديق الدفعة العزيز معاوية .. يسأل منك الخير .. وين إنت يازول؟ قربت تتم حول في المنبر ده ومشاركاتك ما وصلت الـ 200 ؟ انت ما بتبقر من عبدالوهاب واللا شنو؟ ..
والله حكاية الاحتيال والشيكات الطائرة دي حكاية .. وحسن النية كمان مرات بيضيع الزول ـ صاحبنا طوالي عندما استلم الشيك من الراجل كان طوالي يقول ليهو: "خلاص نتقابل بكرة في القسم" ..
|
Post: #13
Title: Re: نكتة جديدة لنج ..
Author: Munir
Date: 12-25-2008, 10:32 AM
Parent: #6
العزيز زمراوي الولي .. تحياتي ..
ياخي آسف إذا خيبت ظنك .. لكن عاد اسوي شنو؟ كل زول قدر قدرته .. ياخي النكتة دي مرات اصحي نص الليل اضحك فيها .. تقول لي شنو؟؟ ..
سلاماتي ليك وشكرآ علي المرور وحسن الظن .. والمجاملة كمان .. واضحك الله سنك إنت ذاتك ..
|
Post: #12
Title: Re: نكتة جديدة لنج ..
Author: Munir
Date: 12-25-2008, 10:25 AM
Parent: #5
العزيز شمس الدين ساتي .. سلامات يا رجل .. ونبارك لأنفسنا دخولك المنبر من الباب عديل بدل شغل واسطة الحاج حمد بتاع الايميلات داك .. أخيرآ جيتنا وجهآ لوجه ..
بالنسبة للبرد ياخي قول لي كيفك مع الحر .. ياخوي نحن العرق العرقناه في ميادين الشعبية ديك برد الدنيا كله ما بينشفه .. تقول لي شنو؟؟ .. صقيع اوروبا ده ياخي بقينا ناكله ولعة ساكت..
|
Post: #8
Title: Re: نكتة جديدة لنج ..
Author: ALZOLZATOO
Date: 12-22-2008, 12:27 PM
Parent: #1
الاخ منير ،،
جديدة شنو ياخي دي انا كتبتها في المنبر ده عام الفيل ( 2002م)
بعدين انا المؤلف بتاعها شخصيا ومااشرت لينا في حاجة ولا كتبت حقوق الطبع محفوظة
بكره كمان ماتجي تقول في غنماية سالوها عن يومها المفضل في الاسبوع قالت تيوس دي TUESDAY
وتقول جديدة برضو لوووووووول يكه .
تحياتي ،،،
زاتوووو
|
Post: #9
Title: Re: نكتة جديدة لنج ..
Author: جعفر محي الدين
Date: 12-22-2008, 12:43 PM
Parent: #8
يعني أنت تقصد إنه كتاب المطالعة داك القريناه ونحن صغار
عفى عليه الزمن ونقوم نمسح القريناه فيها كله من دماغنا
ولا عندك رأي في التربية والتعليم ذاتهـــــــــــــــــا؟
|
Post: #16
Title: Re: نكتة جديدة لنج ..
Author: Munir
Date: 12-25-2008, 11:29 AM
Parent: #9
الأخ جعفر محي الدين ..
Quote: يعني أنت تقصد إنه كتاب المطالعة داك القريناه ونحن صغار
عفى عليه الزمن ونقوم نمسح القريناه فيها كله من دماغنا
ولا عندك رأي في التربية والتعليم ذاتهـــــــــــــــــا؟ |
والله ياخي سؤالك وجيه .. حيث أنه يبحث مقارنة بين البراءة القديمة والتفتيحة الجديدة .. لكين نحن احسن لينا القصة القديمة .. بس المشكلة إنو السذاجة والبساطة والعفوية الشديدة كمان ما بتنفع في الزمن ده .. يعني الغراب ده لو ما كان قرأ كتاب المطالعة القديم كان حقه راح ..
|
Post: #15
Title: Re: نكتة جديدة لنج ..
Author: Munir
Date: 12-25-2008, 11:18 AM
Parent: #8
الزول زاتو سلامات ياخي ..
Quote: جديدة شنو ياخي دي انا كتبتها في المنبر ده عام الفيل ( 2002م)
بعدين انا المؤلف بتاعها شخصيا ومااشرت لينا في حاجة ولا كتبت حقوق الطبع محفوظة |
ياأبو الثعالب السلبطة العليك شنو؟؟.. جيب الرابط بتاعك ، وأنا برجع ليك قروشك علي داير مليم ..(أكثر حاجة مكيفاني أبوالثعالب دي)
ياخي أنا النكتة دي سمعتها قريب .. إنت الظاهر عليك بتكون كتبت عن الغراب بتاع كتاب المطالعة .. وحكاية إنو الجبنة مربوطة في اللستك دي الفيرشن الجديد ..
لكين أقول ليك حاجة؟ إحتمال إنت فعلآ تكون اخترعتها .. وعلي كل حال حقوق النسخة دي ـ لحدي هسة ـ محفوظة لصديقي هشام ..
المهم .. بعد شوية حأنزل ليكم واحدة تانية جديدة لمن غلط .. خليك متابع واوعك تتسلبط فيها ..
ليك بحر مودة ..
|
Post: #11
Title: Re: نكتة جديدة لنج ..
Author: salee
Date: 12-25-2008, 10:21 AM
Parent: #1
(*_*)
|
Post: #17
Title: Re: نكتة جديدة لنج ..
Author: Munir
Date: 12-25-2008, 11:33 AM
Parent: #11
سالي ..
دي اعتبرناها ابتسامة عريضة ..
ابسم الله سنك
|
Post: #18
Title: Re: نكتة جديدة لنج ..
Author: Munir
Date: 12-25-2008, 11:52 AM
النكتة التانية:
يحكي أنه كان هناك رجل له عشرة أبناء .. فأراد أن يوصيهم بالتعاضد والتآذر والوحدة وعدم الفرقة والشتات .. فناداهم وأحضر عشرة رماح ، وأعطي كل واحد منهم رمحآ وطلب من كل منهم كسر الرمح ..فقام ابناؤه بكسر رماحهم واحدآ بعد الآخر .. كش .. كش .. كش ..!!!!
فقال لهم : طيب ..
ثم أحضر عشرة رماح أخري .. وربطها كلها كحزمة واحدة !! .. ثم طلب منهم فرادي أن يجربوا كسر حزمة الرماح مجتمعة .. فأعطي حزمة الرماح لولده الأكبر ليبدأ به التجربة ..
.
.
.
.
.
.
.
.
.
فأخذ ابنه حزمة الرماح و.... كششششششششششششششش .... كسرها !!!!!!!!!!!!!!!!!
فاندهش الرجل وسكت .. ثم تبسم وربت علي كتف إبنه وقال لهم : طالما معاكم ابو فقرة ده، عوجة تب ما بتجيكم ..
هههههه ..
والله لكين يا عمك ربيت ليك رجال ..
قال تأبي الرماح إذا اجتمعن تكسرآ قال ..
___________________________________
الحقوق محفوظة لهشام ياالزول زاتو
|
Post: #30
Title: Re: نكتة جديدة لنج ..
Author: salee
Date: 12-25-2008, 09:09 PM
استاذ منير
شكرا علي النكات الجميلة
زكرتنا بقصص ايام زمان بس بطريقة عصرية ههههههههه
تابع بالسرد
تحياتي
سالي
|
Post: #34
Title: Re: نكتة جديدة لنج ..
Author: Munir
Date: 12-26-2008, 02:15 AM
Parent: #30
Quote: زكرتنا بقصص ايام زمان بس بطريقة عصرية ههههههههه
تابع بالسرد |
ياسالي السرد تاني إلا انتظر صاحبي الحكي لي الاتنين ديل .. زول مبدع قاعد في الشرق الاقصي وأنا في الغرب .. عندما بدأ في حكي نكتة الرماح دي علي المسنجر أنا قلت يوووه .. ده داير يجيب قصة من سنة دو !! .. وقمت سرحت بذهني في حاجات تانية .. وهو شغال حكي .. وأنا منتظره ينهي الحكاية عشان اقول ليهو القصة دي مناسبتها شنو القديمة دي ؟؟ !! .. فإذا بي فجأة انتبه أن القصة ما ياها والنهاية ليست هي النهاية !!!.. وحين سكت قلت ليهو : آآآآ؟؟ قلت شنو؟؟..
|
Post: #19
Title: Re: نكتة جديدة لنج ..
Author: شمس الدين ساتى
Date: 12-25-2008, 01:42 PM
Parent: #1
والله يا منير دي ما سبقك عليها زول
طلعت المثل أوف
والله أنا ضحكت لمن إنكفيت
قلت كسر الحزمة ... والله أبو فقرة دي بضحك فيها لي هسع
صحي شايقي
علي الخليفة ومحمد الخليفة زارونا في قطر قبل مدة
لأنو الرشيد أخوي كان معانا هنا وطبعا أحمد معانا بقطر
تحياتي
|
Post: #20
Title: Re: نكتة جديدة لنج ..
Author: Munir
Date: 12-25-2008, 02:02 PM
Parent: #19
والله ياشمس الدين أنا مرات باصحي نصايص الليل واضحك علي النكتتين ديل .. ياخ دي ممكن تكون طفرة جديدة من الكوميديا تقبل علي البديهيات وتقلبها رأسآ علي عقب ..
بلغ تحياتي للأخ الرشيد وللأخوان أولاد الخليفة ـ وبرضو لحق السلام لصاحبك ابوفقرة عبدالواحد الخليفة ..
..
|
Post: #21
Title: Re: نكتة جديدة لنج ..
Author: Munir
Date: 12-25-2008, 02:47 PM
Parent: #1
|
Post: #23
Title: Re: نكتة جديدة لنج ..
Author: Salah Musa
Date: 12-25-2008, 03:07 PM
Parent: #21
ألأخ منير إنت لسة من زمن الرماح الموضوع لو عملته كلاشنكوف بتكون أكثر عصرنه ومواكبه
|
Post: #24
Title: Re: نكتة جديدة لنج ..
Author: Munir
Date: 12-25-2008, 03:15 PM
Parent: #23
| Quote: ألأخ منير إنت لسة من زمن الرماح الموضوع لو عملته كلاشنكوف بتكون أكثر عصرنه ومواكبه |
ياصلاح ياخوي ابوفقرة ده لو رماح لو كلاشات حيكسرها حيكسرها ..
|
Post: #22
Title: Re: نكتة جديدة لنج ..
Author: شمس الدين ساتى
Date: 12-25-2008, 03:06 PM
Parent: #1
يبلغ
بختكم مكرمسين وإجازة طويلة ونحنا مصنقرين
في الشغل إلا مرة مرة الواحد بقلب علي الموقع
ويتاوق يشوف الجديد شنو
|
Post: #25
Title: Re: نكتة جديدة لنج ..
Author: Munir
Date: 12-25-2008, 03:21 PM
Parent: #22
| Quote: بختكم مكرمسين وإجازة طويلة ونحنا مصنقرين |
مكرمسين شنو يا شمس الدين؟ قول مكرفسين هنا وما عندنا موضوع و البلد خلا .. والواحد الظاهر إنو حيقضيها سودانيزاون لاين ساي ..
|
Post: #26
Title: Re: نكتة جديدة لنج ..
Author: الحاج حمد الحاج
Date: 12-25-2008, 04:53 PM
Parent: #25
يا منير حمد لله على السلامة الا يجيبوكم بكريسماس...ما تقول لي برضو مزنوق في دائرة الكترونية ؟ أنا زمان قلت ليك شبك ليك دائرتين مع بعض خليها تقتل واحد من الخواجات ديل عشان ترجع السودان مرفوع الرأس و تنتهي من البرد دا..زي ما ذكرت في بوست الشعبية زمان قدمت للدراسة في كندا واحد صاحبي قال لي : يا زول أنت مجنون كندا دي قالوا الصباح الا تكسر التلج من وكرة الباب حتى تقدر تطلع و من الصباح لو ما ضربت ليك كأسين وسكي ما بتقدر تقول صباح الخير قمت قطعت ليك الطلب و قلت : الجابرنا على التلج و الويسكي شنو؟
| Quote: حكي أنه كان هناك رجل له عشرة أبناء .. فأراد أن يوصيهم بالتعاضد والتآذر والوحدة وعدم الفرقة والشتات |
عليك الله يا منير دي وصية والي و الله والد
| Quote: فاندهش الرجل وسكت .. ثم تبسم وربت علي كتف إبنه وقال لهم : طالما معاكم ابو فقرة ده، عوجة تب ما بتجيكم |
ذكرتني واحد قالوا اغترب عشرة سنوات و جاء سمين و بي فقرة ، يوم وصول ابوهو عندو 150 الف بس مشى اشترى خروف و عزم الجيران و بالليل انفرد بي ولدو و سأله: ان شاء الله يا ولدي جبت ليك حاجة فيها فائدة رد علي أبوهو و شادي عضلات اليد (عامل عضلات تبش) : كان راجل ألوي دي
غايتو حكاية كسير الرماح دي ضحكت فيها ضحك ياخي دا خيب ظننا قبل يخيب ظن أبوهو..
|
Post: #27
Title: Re: نكتة جديدة لنج ..
Author: الحاج حمد الحاج
Date: 12-25-2008, 05:05 PM
Parent: #26
لكن يا منير النكتة الشديدة بتاعتي و حكيت قبل كده هنا و هي حقيقية:
أول ما جيت السعودية معاي شباب سودانيين ساكنين في سكن الشركة واحد من نمرة (3) و التاني من اولاد كوستي ، زولك بتاع نمرة (3) بريد ليهو واحدة قنبلة بس و كل يوم يساهر مع صورتهاو خطاباتها للساعة 4 و يجي الشغل نعسان و عيونو محمرة صاحبك ود كوستي قال لي الزول دا كل يوم مساهر مع الصورة دي للصباح و كل يوم أقول ليهو يا زول أرحم نفسك لكن أمبارح وراني الصورة أنا زاتي نمت الساعة 5
|
Post: #28
Title: Re: نكتة جديدة لنج ..
Author: Munir
Date: 12-25-2008, 07:56 PM
Parent: #27
سلامات يا الحاج وكل سنة وانت طيب .. تصدق والله فعلآ زنقة في دائرة ضيقة شديد .. كلما أقول انتهيت ألقي نفسي يا دوب ابتديت .. وعندما تخلص بإذن الله حأكلمك عنها .. بس دعواتكم ..
والله يا الحاج حكاية البرد والسخانة ديل بقوا ما فارقين .. كلهم زي بعض .. وأهو الواحد عاش عمره كلو في درجة +45 سوت لي شنو؟؟ .. وأسع قريب ده عشنا في درجة -30 ، سوت لي شنو؟؟ .. إلا بس جهنم ديك اللواحد ما بيقدر عليها..وزي ما قال واحد زميلنا زمان : نحنا يازول نار جهنم دي ما بندخلها وما بنقدر عليها، ولا يكلف الله نفسآ إلا وسعها ..
قلت لي الود قال لأبوه كان راجل ألوي دي؟؟ هههه .. والله مبالغة .. الغربة طلعت سي سي ساي ..
وخلي بالك ناسك بتاعين الصور ديل الظاهر حيرجعوا لا مال لا سي سي .. هههه
|
Post: #29
Title: Re: نكتة جديدة لنج ..
Author: محمد الامين احمد
Date: 12-25-2008, 08:40 PM
Parent: #1
تحية طيبة،
اسمح لى اشارك معاك برضو بالمشاركة المنقولة دى
Quote:
نظرا للتطور الحضاري و الاجتماعي فقد ارتأت اللجنة العليا للقصص أن تقوم بتعديل بعض القصص لتتلاءم مع الأحوال الاجتماعية في
الوقت الراهن ونعرض هنا التعديلات على بعض القصص
=================================================================================
قصة الأميرة و الشرير
بعد أن خطف الشرير الأميرة و أخذها إلى قصره في أعلى الجبل , ذهب البطل لإنقاذها و وصل الى الشرير و بدأ بقتاله و فجأة قالت
الأميرة : توقفوا قليلاَ , و سألت البطل: هل لديك قصر لأسكن فيه؟؟ قال البطل: لا. قالت هل لديك أموال لتصرف علي؟ قال: لا. قالت : إذاَ
لماذا أتيت ؟؟ قال:لأنقذك و أصبح أميرا. قالت: إذا أنت داخل على طمع . ثم هجمت الأميرة على البطل و أنقذت الشرير من بين يديه
وعاشت هي و الشرير في سعادة و هناء
=================================================================================
قصة ليلى و الذئب
عندما شاهدت ليلى الذئب في الغابة دلته على بيت جدتها و اتفقت معه على قتل جدتها كي ترثها .و تعطيه نسبته من العملية.
=================================================================================
قصة علي بابا و الأربعين حرامي
بعد نقاش طويل و اجتماعات و مباحثات بين علي بابا و الأربعين حرامي اقتنع علي بابا بهم وصارت قصة الواحد و الأربعين حرامي
=================================================================================
علاء الدين و المصباح السحري
بعد أن رأى علاء الدين الأميرة, طلب من جني المصباح أن يبني له قصراَ أكبر من قصر الملك فبناه له. و لكن في اليوم التالي جاءت
الضرائب و أغلقت القصر بالشمع الأحمر و فرضت على علاء الدين ضرائب مالية كبيرة لأنه بنى القصر بدون ترخيص
فرك علاء المصباح بيديه و خرج الجني من المصباح فقال له علاء الدين: أريد مبلغاَ يكفي لدفع الضرائب. فقال الجني: يا سيدي المبلغ كبير
جداَ وحتى أنا لا أستطيع دفعه. فقال علاءالدين : إذاَ احمل القصر و اهرب به إلى بلاد بعيدة. ولكن علاء الدين لم يستطع التخلص من دفع
الضرائب رغم إخفاء القصر لأن الضريبة تم تسجيلها و عليه أن يدفعها ثم يعترض بعد ذلك .
و أضيفت إلى علاء الدين تهمة جديدة
و هي تخريب الاقتصاد الوطني بتهريب القصور إلى خارج البلاد ورجع المارد إلى المصباح و حبسو علاء الدين
=================================================================================
قصة سندريلا
انتظرت سندريلا طويلاَ و لم تظهر الساحرة فصعدت إلى غرفة أختيها و ملأت وجهها بالمكياج وذهبت إلى الحفلة .
و عندما وصلت إلى الحفلة وهي تظن بأنها ستأسر قلب الأمير فوجئت بأن كل الفتيات أجمل منها . و عندما رآها الأميرقال: ده شنو سحلية !
و عادت سندريلا بخيبة الأمل و لكن سواق الأمير الخاص 'بابو' أعجب بهاوعرض عليها الزواج فوافقت على الفور على مبدأ (حمار في اليد و لا عصفور في الشجر)
=================================================================================
الأميرة و الأقزام السبعة
سألت زوجة الأب الشريرة المرآة: من أجمل إمرأة في البلاد ؟؟
قالت المرآة: سنووايت ! فذهبت إلى أخصائي تجميل في بيروت.. بعد عدة عمليات تجميل ونفخ عادت زوجة أبيها إلى المرآة
و سألتها: من أجمل إمرأة في البلاد؟؟فقالت المرآة: أنت يا سيدتي. ففرحت و طنشت سنووايت التي عاشت مع الأقزام السبعة الي طلعوا عينها و خلوها تنظف البيت و تطبخ كل يوم
|
|
Post: #31
Title: Re: نكتة جديدة لنج ..
Author: Munir
Date: 12-25-2008, 10:28 PM
Parent: #29
الأخ محمد الأمين تحياتي ..
شكرآ علي المشاركة .. ويبدو أن هناك من المبدعين من يودون ان يقلبوا الفسيخ شربات ..
فيبدأون القصص المعروفة القديمة ثم يفاجئونك بنهاية كوميدية مقلوبة غير متوقعة..
|
Post: #32
Title: Re: نكتة جديدة لنج ..
Author: عماد شمت
Date: 12-26-2008, 01:07 AM
Parent: #31
الاخ منير تحيه وردية
والله ضحكتنا.. يعني بعد كده نسمية الغراب ابولستك ؟؟ ما الغراب النبيه؟؟
تلبس توب العافيه
|
Post: #33
Title: Re: نكتة جديدة لنج ..
Author: Munir
Date: 12-26-2008, 01:15 AM
Parent: #32
الأخ عماد شمت ..
إن شاء الله دائمآ مبسوط ..
ليك بحر المودة وكت يفيض ..
|
Post: #35
Title: Re: نكتة جديدة لنج ..
Author: Mahjob Abdalla
Date: 12-26-2008, 03:31 PM
Parent: #1
| Quote: شنو يا ابوالشباب ياخ ؟ انت قايلني الغرابي الزمان بتاع اهل التكابة و القران داك واللا شنو؟؟ قديمة ياخي ألعب غيرها .. |
بالغت فيها يا منير...
|
Post: #36
Title: Re: نكتة جديدة لنج ..
Author: Munir
Date: 12-26-2008, 05:00 PM
Parent: #35
| Quote: شنو يا ابوالشباب ياخ ؟ انت قايلني الغرابي الزمان بتاع اهل التكابة و القران داك واللا شنو؟؟ قديمة ياخي ألعب غيرها .. |
!!!!!!!!!!!!!!!!!!!!!!!!!!!!!!!!!!!!!!!!!!
الهبيب محجوب ..
بالغت لكين !!!!!!!!!..
اللهم لا اعتراض علي حكمك !!!!!!!!!
علي كل حال بركة بالشوفة وكل سنة وانت طيب ..
________________________________
قال ليهو أنا مقتنع بأني بني آدم لكين البقنع الديك منو ؟!!!
|
Post: #37
Title: Re: نكتة جديدة لنج ..
Author: Mohamed E. Seliaman
Date: 12-26-2008, 05:48 PM
Parent: #36
النكتة التانية أخطر من دي في أسفل البوست
|
Post: #38
Title: Re: نكتة جديدة لنج ..
Author: Munir
Date: 12-27-2008, 06:46 PM
Parent: #37
محمدEسليمان .. شكرآ لمرورك .. شفت نكتة محجوب عبدالله في أسفل البوست جات كيف؟؟ .
|
Post: #39
Title: Re: نكتة جديدة لنج ..
Author: Mahjob Abdalla
Date: 12-28-2008, 02:48 AM
Parent: #1
Quote: يحكي ان لدارفور كانت حركه واحده .. فأراد صلاح قوش أن يوصيهم بالتعاضد والتآذر وعدم الوحدة و الفرقة والشتات .. فناداهم الي ليبيا وأحضر عشرة رماح..
.. وربطها كلها كحزمة واحدة !! .. ثم طلب منهم فرادي أن يجربوا كسر حزمة الرماح مجتمعة ..و لم يتمكن اي منهم كسر الرماح...
فقال لهم هكذا يجب ان تكونو حركات كثيره بدلا من حركه واحده حتي يكون نصيبكم اكبر في الكعكه التفاوضيه...
و منذ ذلك اليوم اصبحت الحركات تتفرخ كما لو كان... |
الهبيب منير...
شكرا لسؤالك عن غيابي و الذي امتد لشهرين او اكثر...
الحاله السودانيه كلها تحتاج الي اعادة انتاج بدلا من دفن الرمال في الرؤؤس ... او العكس
حالة الفشل عندنا دائما نعود بها الي نظريه المؤامره الخارجيه و ننام مطمئنين بهكذا تفاسير...
و مثلها حالة الامثال هذه
|
Post: #40
Title: Re: نكتة جديدة لنج ..
Author: ALZOLZATOO
Date: 12-28-2008, 07:40 AM
Parent: #1
اها يامنير ده الرابط بتاع الشريط الماستر
لكن بتاعة تأبى الرماح دي تؤجر عليها هههههههههه يكه
الغراب التفتيحه والثعلب
اسع الواحد مايمشي يفتح فيك بلاغ عند ناس المصنفات الادبية بعدين تجي تقول والله انا مامنير لووول
اضحك الله سنك
زاتووووو
|
|