Post: #1
Title: يا حليلكم يا اهلي المناصير يا من لا وجيع لكم !! ..
Author: Munir
Date: 05-05-2006, 04:54 PM
لا مناضلين لا راليهات ولا فليبسات .. !!
.
.
التحية للصامد عسكوري .. !!
_____________________
|
Post: #2
Title: Re: يا حليلكم يا اهلي المناصير يا من لا وجيع لكم !! ..
Author: الأمين عثمان صديق محمد
Date: 05-05-2006, 05:51 PM
Parent: #1
المحترم منير
تعرف يا منير مشكلة المناصير هي ان منطقتهم تقع في الشمال
والذي لا اله الا هو لو الكلام البحصل للمناصير دا حصل لي أي قبيلة تانية في أي منطقة تانية غير الشمال
كان تشوف العجب
الفي المناصير والمافي المناصير يجيوا ليك والما من المناصير يعمل فيها من المناصير
مكائن اعلامية ضخمة ولقت سوق
شي تهميش وشي اغتصاب ونسيج اجتماعي ومناضلين ومناضلات وثورات تنقسم منها ثورات وتصريحات وقنوات ومؤتمرات وتبرعات واشاعات وحفلات واتفاقيات بي احرف وبدون احرف
مشكلتهم انهم من الشمال مترفين
وبقية السودان هم المهمشين !!!!!!!!!!!!
لك الله يا ارض المناصير حتى من المهمشين لم تكونين ؟؟؟؟؟؟؟؟؟؟؟؟
|
Post: #3
Title: Re: يا حليلكم يا اهلي المناصير يا من لا وجيع لكم !! ..
Author: Asskouri
Date: 05-05-2006, 06:37 PM
Parent: #2
الاخ منير
شكرا علي التحيه وده واجبنا وما مشحودين عليه...
تعرف يا منير والله نحن الدوله السودانيه ديه... قاعدين فيها ضيوف... لا مطالبنهم بسلطه لاثروه ... ولا اي حاجه ممكن تتخيلها... وبنشوفهم بس وكت يجوا يشيلوا الضرائب من اهلنا... ما بقدموا اي خدمات من أي نوع... بعد ديه بقوا يشتموا فينا..ويسجنوا في أولادنا.. ويعذبوا ويكتلوا فيهم بدون اي ذنب... صبرنا... اخرتا جو ساكننا في الحجر القاعدين فوقه... قالوا والله الحجر زاتو ما تقعدوا فوقه.... يعني حقره لا تتصورها...
لكن لمان لحقوا نازعونا في ارضنا ... بعد ده الله أكبر عليهم...
ديه ناس لا عندها ضمائر ولا بختشوا...
اشكرك
|
Post: #5
Title: Re: يا حليلكم يا اهلي المناصير يا من لا وجيع لكم !! ..
Author: Munir
Date: 05-06-2006, 12:40 PM
Parent: #3
أخي عسكوري تحية خالصة ..
| Quote: تعرف يا منير والله نحن الدوله السودانيه ديه... قاعدين فيها ضيوف... لا مطالبنهم بسلطه لاثروه ... ولا اي حاجه ممكن تتخيلها... |
ابدآ والله !! .. انتو اسياد بلد جوة عين أي زول !! ..
الخير ما بيقوم فوق الظلم !! ..
كل شئ ولا ابعاد الشمالي عن طينه وجروفه وعلي الاقل عن رؤية النيل قدام عينه !!! .. غير النيل دا شنو المصبرنا علي بلاوي البلد دي ??!!..
|
Post: #4
Title: Re: يا حليلكم يا اهلي المناصير يا من لا وجيع لكم !! ..
Author: Munir
Date: 05-06-2006, 12:18 PM
Parent: #2
أخي الامين عثمان سلامات ..
ما عارف اقول شنو .. هل هو تخاذل أهل الشمال الذين يتملقون ويتدهنسون لمتمردي باقي الاقاليم بينما لا يأبهون لأهلهم المرميين في العراء ??!! .. و في حين نري أن مناضلي باقي الاقاليم لا يوردون كلمة مناصرة واحدة للمناصير حتي ولو سهوآ .. بل يشملونهم بالحقد والعداء الصريح ضمن هذا الشمال المغضوب عليه ..
انا مع قيام السد ولكني ضد ابعاد اهلنا المناصير من النيل .. كل شئ ولا الابعاد من النيل .. فالنيل هو مصدر الطمأنينة والامان النفسي الوحيد للشمال ..
حليل المناصير الما عندهم نصير !! .. لا شعب امريكي ولا يهود ولا حتي مناضلي كيبورد !!! ..
|
|