ترويض الجمهور بقوانين المرور

هذا الموضوع من السنة الفاتت ـ قلت اكرره هنا للنقاش
هنا


(2) ترويض الجمهور بقوانين المرور

هناك معضلة كبيرة في حياتنا بالسودان ـ وطبعآ معظم دول العالم الثالث ــ الا وهي العشوائية في كل شئ وعدم النظام واحترام القانون فضلآ عن الجهل به ــ ولا يتسع المجال لذكر سلبياتنا هنا ـ لذا سأعلق علي احداها ـ واعني عشوائية حركة المركبات والجهل بقوانين المرور عند عامة الناس ــ ونتيجة لذلك علي سبيل المثال أختناق العاصمة بالسيارات والمارة معظم الاوقات ــ وأعتقد أن اللوم الاساسي يقع علي ادارات شرطة المرور ، والتي تسعي لتنظيم الفوضي بزيادة عدد افراد الشرطة في الشوارع ـ وهو جهد كبير لكنه محدود الفعالية لأن المشكلة الاساسية هي البنية الاساسية لنظام الحركة التي تتمثل في نظام الشوارع ووعي المواطن زائدآ تطبيق القانون الصارم علي الذين يتجاوزونه ــ و نحن نري نتائج هذا الخلل الواضح في تعاملنا مع المرور في السودان بكثرة سماعنا عن وفيات السودانيين نتيجة لحوادث حركة خارج السودان ــ والسبب واضح وهو أن السائقين السودانيين تعودوا علي القيادة علي السليقة دون علم بعلامات الحركة العالمية الصارمة (عدا الاشارات الضوئية) في انواع الشوارع المختلفة والمصممة علي مواصفات معلومة و..و..ألخ ـ
ولنا أن نقدر كيف سيكون الحال اذا انفرج الوضع في السودان وازدهر وصرنا من الدول النامية بكل تبعات "نامية" هذه ــ اعني ازدياد عدد السيارات و الناس في الشوارع ــ كيف يمكننا حل معضلة المرور المستقبلية ، وكيف يمكن أن تصبح عاصمتنا،مثلآ، مدينة حضارية يستطيع الاجانب قيادة سياراتهم فيها بدون أن يشعروا بالفرق بينها و بين مدنهم ــ؟؟؟! ــ
أري أنه يجب ان تبدأ منذ الآن عملية ترويض الجمهور بقوانين المرور ــ كيف؟؟!!! ــ طبعآ الحلول بديهية، ولكن كيف يمكن تطبيق البديهيات في حياتنا العشوائية تلك؟؟ ـ أنا أقترح أن يتم ذلك تدريجيآ !!! ــ أي أن تبدأ ادارة الشرطة بتخطيط الشوارع و تنظيم الحركة في مناطق محدودة في العاصمة ، ولنقل منطقة وسط الخرطوم بين شوارع المك نمر،ـ علي عبداللطيف، شارع النيل ـ المحطة ــ وحيث يجب وضع العلامات والاشارات العالمية في كل الشوارع في هذه المنطقة ـ ثم يجب تطبيق القانون الدولي الصارم علي كل سائق داخل هذه المساحة، حتي ربط حزام الامان!! ـ وبذا لن يدخل هذه المنطقة الا السائق الملم بالقانون أو الذي سيتعلمه غصبآ عنه بكثرة الغرامات وباقي العقوبات ــ وبمرور الزمن يتعود السائقون علي السير بأدب واحترام للطريق ــ حتي أذا وصل حال السير الي مستوي مقبول تم توسيع المنطقة المحترمة، أو المحرمة، شوية شوية حتي تغطي العاصمة كلها ـ ثم يتم تعميمها علي باقي الاقاليم ــ وبذا نكون قد انتقلنا الي مستوي المدن الحضارية حتي وأن كان ذلك شكلآ فقط ــ
خاطر أخر اري ان تطبيقه سينتج أجيالآ مستقبلية أكثر وعيآ وأكثر استعدادآ لخوض صعوبات الحياة العصرية التي تزداد تعقيدآ يومآ بعد يوم ، وهي أن تدخل قوانين المرور ككورس دراسي في احدي المراحل حتي يصبح نظام الحركة ثقافة بديهية لأجيال المستقبل ـ تري ماذا سيكون أثر هذه الخواطر الخيالية علي مزاجنا العام وحياتنا في بضع سنين !!! ــ

والله ينور عليك
يا منير
والله دا الموضوع كنت اود الكتابه فيه
،،،،،
يكفي انو رجل المرور يكون واقف في نص الطريق
او يكون واضع لستك او كرسي والطريق سريع
عشان يقول ليك جيب رخصه القياده،،،
لو حصل معاك اي نوع من المخالفات يوقفك ويمشي يشتغل !!! بس كيف هو يهينك عشان تجري وراهو ويحصل علي ما يريد،،،،
أزكر انا في طريقي من بورتسودان للخرطوم
اسوقفني رجل المرور بعد ان دخل راسو داخل الكبينه
قال لي حمدلله علي السلامه
ما كان امامي
إلا ان دعوت له بالسلامه
أكيد هو رجل مرور حنين ،،،

شكرآ ودشندي علي المشاركة ـ نحن عشان ما دايرين زول يتفرعن لينا أو يحن علينا دايرين كل شئ يكون بالنظام ـ

a little bit up

الأخ الكريم : Munir
بالمصري كدة بيصعبوا علي رجال المرور دول
لييه؟
لأنو الدولة ما مساعداهم بالقانون الرادع
و الغياب التام لسجل السائق’ يعني السواق الرمى العربية في النيل عشان كان بيسابق صاحبو كان تاني يوم سايق واحدة تانية!!!!
و القطع إشارة المرور الحمرا و البوليس سكاهو قال ليو ياخ غرامتك كلها كم؟{ما تشغلنا}!!
واحد قريبي قطع شارة المرور في الإمارات في شارع فاااضي و الدنيا بي في الليل و حياتك يا غالي صلى الصبح في طابت حاااضر’ لعب مافي’ و لازم الدولة تتدخل أنا أقترح الغرامة للتخطي في الكوبري إتنين مليون جنيه و بالعدم تلاتة سنة سجن عشان العربات اللي اتقلبت في كوبري شمبات بسبب التخطي أربعة بس لحدي هسي!!
و صاحب الحافلة لما يجي يعين سواق يكون في {ورقة} من المرور بشأن سجله و سلامة تاريخه لأنو كمبيوتر المرور عمرو حوالي عشرين سنة دلوقت و يمكن أكتر.
لو القانون بقى زي دة الواحد بيخاااف قبل ما يتهور و يستهتر
شارع مدني أمو و أبوهو مسارين تلقى واحد متخطي و ما عارف الجاية من هناك كريسيدا و لا داف هو و حظو!
الناس لازم تشيل هم للمخالفة
لأنو مافي تأمين بيرتفع بالحوادث و لا نظام متكامل للمتابعة ف بس الحل في زيادة الغرامة.

اخي الفاضل الطيب ـ سلامات ـ
انا يبدو لي ان حكاية غرامات براها كده بقت محدودة التأثير ـ لأن العساكر زاتهم بياخدوها كثغرة للارتزاق ـ لذلك لا بد من اسلوب يجعل المواطن، سواء كان سائقآ أو راجلآ ، واعيآ بالقانون ومحترمآ له ـ بدلآ عن الاجتهاد في التحايل عليه كنوع من الشطارة والفهلوة ـ ـ لذلك اري ان سياسة الترويض بالتدريج يمكن تكون حل ـ اي ان ينغرس احترام القانون ليصبح عادة ـ يعني مثلآ عندما يصبح حديث المدينة و القعدات عن تلك المنطقة المحرمة النظيفة الراقية المنظمة المخططة المنورة اللغرامة فيها مليون ـ الناس تلقائيآ ستبدأ تناقش سلبياتها و ايجابياتها في مجالسها ، ولا شعوريآ سيتثقفوا مروريآ ـ ثم بعد ذلك تتحول الحبة لقبة ـ الشئ التاني ان السلطات ذاتها ستشعر بأنها عملت حاجة ملموسة، وان كانت محدودة، ولكنه سيكون عمل مجود ونموذجي يتم توسيعه في مراحل الي ان يعم كل المدينة ومن ثم كل البلد ـــ لأن المشكلة مش بس القانون وانما مواصفات الطريق زاتو ــ فاذا تمت مرحلة هذا المشروع ستكون النتيجة شوارع نموذجية بمواصفات دولية ـ والاهم من كل شئ انه سيكون تعليمي لكل من الجمهور و ادارات المرور ـ

brb