Post: #1 Title: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 08:18 AM
ما ممكن نكون في انتظارك ونبطل ليك كل واجباتنا آخروية ودنيوية ومشتركة !!!! وتطلع لينا كلك دعايات مرقة دجاج وبوهية المهندس و و و إلخ ..
يا أخوانا ممكن تحددوا لينا سلفا Beforehand كم يستغرق زمن الدعاية حتى لا نحجز قسرا لمشاهدة الدعايات الفارغة التي لم يتبق لها الا الاعلان عن العنكوليب والحطب ...؟
بالله عليكم شوفوا إحصائية الزميل عضو البورد مامون محمد والتي تفضل بالمساهمة بها في بوست الزميل ود العباسية ( اغاني وأغاني)
يقول الاخ مامون :-
(قبل مانبدأ في عرض ما قُدم اليوم ، وحكاية أفراح وصباح !
مايهمني الآن هو زمن البرنامج ومهزلة الإعلانات المبالغ فيها ! حأخت الحسبة زي ماهي من غير زيادة أونقصان ، وعلى المشاهد أن يحكم !
طبعاً ما حأحسب كمية الإعلانات التي تبث قبل بداية العرض ! على زعم أنها خارج نطاق الزمن المتاح ! مع إنها من الناحية الفنية بالتأكيد بتعتبر من ضمن دائرة البرنامج .... وهى مساحة مهمة جداً للإعلان طبعاً ! لأنها تدور في نفس الفلك ! بدأ البرنامج في تمام الساعة : 11:15 بالتمام - وقطع لفترة الإعلانات الأولى بعد دقيقة بالضبط : 11:16 - وإستمرت حتى الساعة : 11:24 . أى لمدة 8 دقائق بالتمام والكمال ! عُرض فيها حوالي 15 إعلان ! بدأت فترة الإعلان الثانية في تمام الساعة : 11:41 ، وإنتهت في : 11:50 ، يعني لمدة : 9 دقائق ! عُرض فيها : 15 إعلان ! الفترة الثالثة للإعلان بدأت في : 12:02 ، وإنتهت في : 12:11 بالتمام يعني إستغرقت برضو : 9 دقائق . عُرض فيها حوالي : 18 إعلان !
ولكم أن تتصوروا كمية الإعلانات التي عُرضت داخل نطاق مساحة هذا البرنامج ؟!!
هى بالضبط حوالي ( 48 ) إعلان !!!!!!!!!!!
مع ملاحظة أن البرنامج إنتهى اليوم ، وعلى غير العادة ، في الساعة : 12:30 !! يعني مُدد زمنو ربع ساعة زيادة : (15) دقيقة .
نخلص من ده كلو إلى أنو زمن البرنامج ، إستغرق حوالي : 75 دقيقة ، يعني ساعة وربع ------ أخدت منو الإعلانات حوالي : 26 دقيقة !!
يعني صفا على ( 50 ) دقيقة فقط !
يعني لو ما الربع ساعة الزيادة دي كان صفا على : 35 دقيقة !
والله حرام)
Post: #2 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 08:32 AM Parent: #1
يعني اسهر عشان آخرتا تطلع لي اغنية واحدة وما محفوظا كمان ويتموها لي
ليل ليل ليل وووووووووووووووب انا من جور زماااااااااانيييييييييي
كدا يعنى وبس ؟
انتو فاكرين المشاهد عندو قنبور ؟
ياخ برنامج اغاني واغاني في مادتو ناهيك من اعلاناتو صار أي كلام
يعني صار لينا زي شملة كنيزة هي تلاتية وقدها رباعي
Post: #3 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 08:42 AM Parent: #2
معقول برنامج وقتو ساعة وربع تخصص منها 45 دقيقة دعاية لمرقة دجاج ياجي وشنو كدا سورية للدعاية عن معجون اسنان ولبوهية المهندس وبلاط ماربل ولا ايش ما عارف .
Post: #6 Title: Re: برنامج أغاني وأغاني عبقرية الاحتيال والحجز غير المشروع Author: Ahmed Yousif Abu Harira Date: 08-10-2011, 09:29 AM Parent: #3
انت قايل العرضة دي كلها فوق شنو آآآ المسنوح؟ ما فوق الدعايات دي زاتها.
Post: #4 Title: Re: برنامج أغاني وأغاني عبقرية الاحتيال والحجز غير المشروع Author: عاطف عمر Date: 08-10-2011, 08:49 AM Parent: #1
الشتارة يا مولانا الشتارة ناسنا ديل الله يطول عمرهم أيييييييي حاجة يقوموا فيها بـ شتارة لا يمكن تكرار نفس الدعاية في نفس البرنامج عشرمية مرة في الخلفية أن أجور المغنيين ومقدم البرنامج وأجر القناة تأتي من ثمن هذه الدعايات لكن الذكاء والخيال المبدع الخلاق هو ما يمكن أن يعطي الوصفة السحرية للموازنة بين تكسب القنوات من برامجها وعدم إصابة المشاهد بالضجر والملل وثاني هام بلاوينا أننا لا نستفيد إيجابياً من المعطيات المتاحة حولنا بل نعتبر أن كل ما نقوم به أنه إنجاز لم يسبقنا عليه أحد ثورة الإتصالات التي إجتاحت العالم قد أتاحت ( لمن يريد التعلم والفهم ) أتاحت دروساً مجانية عبر آلاف القنوات الفضائية الموجود في الأقمار الصناعية ليرى أهلنا كيف تتعامل القنوات الفضائية مع الإعلانات التجارية ويقلدوه - إن كان لابد لهم أن يقلدوا -
___________
رمضان كريم يامولانا
Post: #5 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 09:06 AM Parent: #4
الاخ عاطف
Quote: لكن الذكاء والخيال المبدع الخلاق هو ما يمكن أن يعطي الوصفة السحرية للموازنة بين تكسب القنوات من برامجها وعدم إصابة المشاهد بالضجر والملل
أكرمت يا عاطف كلام في الصميم
ياخ ماممكن يكون المنتظر نهاية الداعايات زى الواحد البفتش للمحشي جوة البسكويت او المشاش جوة العضم
صحيح نحن محتاجون للعقلية التي تستطيع To strike a balance between two interests داعياتها في كفة ورغبة مشاهديها في الاخري والعائد الذى يمكن تحقيقه من أي منهما .
Post: #7 Title: Re: برنامج أغاني وأغاني عبقرية الاحتيال والحجز غير المشروع Author: عبدالكريم أحمد الامين Date: 08-10-2011, 09:44 AM Parent: #5
** ود شيقوق .. ** سلام , ورمضان كريم.. ## إقــتـــراح :- لتغيير إسم البرنامج والذى إستنفذ أغراضه,, بأن يكون :-
## دعــايــات مـتـنـوعـــه تـتـخـلـلـها لـقـطـات مـن أغـانـى و أغـانـى ##
** وفوق البيعه ضحكه أو صرخه من السر قدور ** (ودام الود بيننا) (ابو محمد فؤاد)
Post: #8 Title: Re: برنامج أغاني وأغاني عبقرية الاحتيال والحجز غير المشروع Author: البشير دفع الله Date: 08-10-2011, 10:01 AM Parent: #7
تحياتي ود شيقوق
المشكلة لما تبدأ الدعايات تتخارج منها وتمشي تقلب بالروموت في القنوات التانية وتجي راجع تلقى البرنامج بدأ واتقدمت فيهو سبعه دقائق ورجعوا تاني للدعايات .
المشكلة انو القائمين على البرنامج ما مصدقين انو المشاهد ممكن يصاب بالملل ويزهد في البرنامج , ويشوف ليهو شغلة تانية ولا قناة تانية .
حقيقة دعايات البرنامج دا تحديدا فاقت كل حدود المعقول وللا معقول كمان .
Post: #9 Title: Re: برنامج أغاني وأغاني عبقرية الاحتيال والحجز غير المشروع Author: ود الباوقة Date: 08-10-2011, 10:10 AM Parent: #8
Quote: حقيقة دعايات البرنامج دا تحديدا فاقت كل حدود المعقول وللا معقول كمان .
يعني بي طريقتكم دي دايرين تحرمونا من سماع ومشاهدة
دعاية ( اطيب عدس )
غايتو يا شيقوق اصلك ما بتتسلطلك على خير
رمضان كريم
Post: #73 Title: Re: برنامج أغاني وأغاني عبقرية الاحتيال والحجز غير المشروع Author: محمد الكامل عبد الحليم Date: 08-12-2011, 08:23 AM Parent: #9
التحايل الذي يتم ليس في الاعلانات فحسب انما في حقوق الملكية الفكرية المهدرة بمحاولات الالتفاف والمرواغةوالخلط بين الحقوق الاصلية والحقوق المجاورة....
اضف الي ذلك طريقةالاخراج الباهتة مقرونة بالايماءات الساذجة من بعض الفنانين(مجازا) وكأن ظهورهم علي الشاشة يمنحهم الحق في التصرفات الاعتباطية وكاننا نجلس معهم داخل غرفهم المنزلية او وسط شللهم المتوهمة في فنهم(الفطير)...بينما هم وكما قال عنهم استاذنا ود الريح يسكنون عشوائيا في اغاني غيرهم....
استاذنا قدور يعتمد علي الذاكرة لا علي التحضير اللازم للتوثيق...(هذا علي افتراض انه يتعامل مع فنانون حقيقيون)...
والحال كذلك فالعبد لله ينتظر بعض الاعلانات(.) لزوم الخروج عن السياق الممل لبرنامج اكثر مللا اذا صح التعبير... ولك الاحترام
Post: #10 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:11 AM Parent: #8
ابو محمد فؤاد
كيفك يازعيم ورمضان كريم
فعلا حقو يقولوا برنامج دعايات تتخلله بعض الاغنيات والضحكات
تحياتي للدكتور مولانا واستاذنا على ابراهيم الامام
Post: #11 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:18 AM Parent: #10
البشير ود خالي دفع الله
Quote: المشكلة لما تبدأ الدعايات تتخارج منها وتمشي تقلب بالروموت في القنوات التانية وتجي راجع تلقى البرنامج بدأ واتقدمت فيهو سبعه دقائق ورجعوا تاني للدعايات .
ههههههههههههههههههههههها
Quote: المشكلة انو القائمين على البرنامج ما مصدقين انو المشاهد ممكن يصاب بالملل ويزهد في البرنامج , ويشوف ليهو شغلة تانية ولا قناة تانية .
يا بشير اخوى الناس ماعادت تحتمل الدعايات والاستهبال - ياخ كونك تحبسني ساعة وتديني منها عشرة دقائق فقط دا بيعتبر غش واحتيال ولعب على الدقون .
Quote: حقيقة دعايات البرنامج دا تحديدا فاقت كل حدود المعقول وللا معقول كمان .
اها السنة الجاية وحياتك دعاية غضيم ما يلقاها طالما الناس فهمت اللعبة .
Post: #12 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:23 AM Parent: #11
احمد ابو حريرة
كيفك
Quote: انت قايل العرضة دي كلها فوق شنو آآآ المسنوح؟ ما فوق الدعايات دي زاتها.
عييييييييك تاني دى شوفتهم لينا
انا تاني بتكامل سلمى سيد بس و يا اعز الناس - اصلا ما شايف غيرو في برامج فضائياتنا الفارغة دي .
Post: #13 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:26 AM Parent: #12
ود الباوقة اللذيذ تفاحا
Quote: يعني بي طريقتكم دي دايرين تحرمونا من سماع ومشاهدة
دعاية ( اطيب عدس )
هههههههههها أتاريك في الدعايات عزّال
ممكن اعزل واحدة كمان ؟
Post: #14 Title: Re: برنامج أغاني وأغاني عبقرية الاحتيال والحجز غير المشروع Author: Nader Abu Kadouk Date: 08-10-2011, 11:01 AM Parent: #13
البركه في رمضان الخلاك تتكلم بالإنجليزي....
رمضان كريم يا حلو الطله....
Post: #15 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 11:08 AM Parent: #14
صديقي عضو المنبر العارف بخبايا البرنامج من خلال أحد اصدقائه أعمدة البرنامج قال لي إنه توقف عن المشاهدة منذ منتصف رمضان المنصرم سيما أن البرنامج أصبح مكرورا في مادته وضحكات مقدمه وأزياء سعد قشرة والدعايات لما تكدس في مخازن المفروشات التي تفتقر لأدنى معايير الذوق والتي تعتبر سببا رئيسا في الإصابة بالعشى الليلي وجفاف العين والجليجل* Stye، ثم كانت الإثفية الثالثة المتمثلة في تقديم عناصر جديدة لاتصلح للإنشاد حتى في برامج الأطفال ويافعات مخلوطات بالبودرة والكريمات بينهن وبين الغناء ما بين درب التبانة وأندروميدا.
_________ * عشان أبكدوك
Post: #17 Title: Re: برنامج أغاني وأغاني عبقرية الاحتيال والحجز غير المشروع Author: طارق ميرغني Date: 08-10-2011, 11:15 AM Parent: #15
يا شيخ العرب ود شيقوق
احقو نقترح لي عمنا السر قدور ان يعمل برنامجين واحد اعاني للاعلانات والتاني اغاني للاعلانات
اصلو القصه كلها بقت جايطه ما معروف منو البيعاني ومنو البيغني
بعض المطربين غناهم زاتو معاناه
لكن المعاني الاكبر هو الشعب السوداني
اما المغني الاكبر فهو معروف ....
يللا غني لينا يا افراح .... بالله من جور زماني
Post: #16 Title: Re: برنامج أغاني وأغاني عبقرية الاحتيال والحجز غير المشروع Author: سيف بخيت موسي Date: 08-10-2011, 11:09 AM Parent: #13
أستاذي شيقوق
كل عام وأنت وجميع أحبابك بألف خير ورمضان كريم عليك
برنامج اغاني واغاني اصبح مقلب كبير
للاسف الإعلانات فيه متحكم فيها القسم التجاري فقط دون النظر لحالة المشاهد
بالصورة دي بيفقد كثير من مشاهديه ، ولا كمان الواحد ينشن ليه على كم دعاية يتعايش معاه يقطع بيها الوقت
تصدق حضرت فيه حلقتين بس ، والان متناغم مع اعز الناس برنامج زي الورد دعاية محترفة غير مملة
سلام كثير ليك والجميع
--------------------------- بدخل النت باليل بوست اغاني واغاني في واحد بجيب النجيضة "الاغاني والكلام بس" يعني بالمختصر "لحم خالي عضم "
Post: #18 Title: Re: برنامج أغاني وأغاني عبقرية الاحتيال والحجز غير المشروع Author: وليد عبد اللطيف Date: 08-10-2011, 11:19 AM Parent: #13
الجميل شيقا ياخي الناس ديل ادونا فرصة جميلة خلاص وهي وكت دعايات كبير اها الوقت دا انا بقلب الصفحة مع الاطفال وبشاهد توم اند جيري واتذكر ليك ايام سينما الصافيه زمان ومره اتعاطف مع الكديس وحقارة الفار ليهو اها ياشيقا النصيحة برنامج اعاني واعاني دا اخسرك منو على قول السعوديين وشوف ليك حاجة تانية في قنوات اخرى
Post: #19 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 11:38 AM Parent: #18
كدوك
سلام ورمضان كريم
Quote: البركه في رمضان الخلاك تتكلم بالإنجليزي....
ياخ رمضان البركة فيهو الطلعك انت من أجحارك
كنت وين ؟ ولا بقيت تتحرك بتعليمات؟
Post: #20 Title: Re: برنامج أغاني وأغاني عبقرية الاحتيال والحجز غير المشروع Author: Nader Abu Kadouk Date: 08-10-2011, 11:47 AM Parent: #19
Quote: كنت وين ؟ ولا بقيت تتحرك بتعليمات؟
ههههه
شيخ العرب ود شيقوق....
والله عدم إستقرار و بس يا مسنوح......
Post: #21 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 12:01 PM Parent: #19
طارق
Quote: احقو نقترح لي عمنا السر قدور ان يعمل برنامجين واحد اعاني للاعلانات والتاني اغاني للاعلانات
اصلو القصه كلها بقت جايطه ما معروف منو البيعاني ومنو البيغني
بعض المطربين غناهم زاتو معاناه
لكن المعاني الاكبر هو الشعب السوداني
اما المغني الاكبر فهو معروف ....
يللا غني لينا يا افراح .... بالله من جور زماني
والله حاسي من كلامك انك مغبون ومضيوم ياخ الجابرك شنو تحرق دمك مع الدعايات؟
ياخ امش للحلوين والاعز الناس بهناك تجد متعة الكلمة ومتعة الحوار .
Post: #22 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 12:19 PM Parent: #21
صديقي سيف بخيت
تحياتي واشواقي الحارة لك ولجميع افراد الاسرة الميامين
Quote: برنامج اغاني واغاني اصبح مقلب كبير
للاسف الإعلانات فيه متحكم فيها القسم التجاري فقط دون النظر لحالة المشاهد
بالصورة دي بيفقد كثير من مشاهديه ، ولا كمان الواحد ينشن ليه على كم دعاية يتعايش معاه يقطع بيها الوقت
تصدق حضرت فيه حلقتين بس ، والان متناغم مع اعز الناس برنامج زي الورد دعاية محترفة غير مملة
ليك حق ترحل وانا ذاتي يا العشاء رحلت لبرنامج الدكتورة سلمى سيد (يا اعز الناس) ومن خلاله الواحد تعرف على تفاصيل كثيرة عن وردي وعلاقته بالاستاذ اسحاق الحلنقي .
اطيب امنياتي
Post: #24 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 12:48 PM Parent: #22
الوليد
Quote: ياخي الناس ديل ادونا فرصة جميلة خلاص وهي وكت دعايات كبير اها الوقت دا انا بقلب الصفحة مع الاطفال وبشاهد توم اند جيري واتذكر ليك ايام سينما الصافيه زمان ومره اتعاطف مع الكديس وحقارة الفار ليهو اها ياشيقا النصيحة برنامج اعاني واعاني دا اخسرك منو على قول السعوديين وشوف ليك حاجة تانية في قنوات اخرى
والله يا الوليد حاولت ارحل لكن كمان برضي بعود اتشمشم بقول بيني وبين نفسي يمكن اقع لي في غنوة بس حلة .
اقوم اهبش ليك الرموت وانقر على قناة ال BNT وتاح اقع ليك في دعاية مرقة دجاج ياجي والله ازعل جنس زعل .
Post: #23 Title: Re: برنامج أغاني وأغاني عبقرية الاحتيال والحجز غير المشروع Author: حسن طه محمد Date: 08-10-2011, 12:22 PM Parent: #21
ود شيقوق
والله في الصميم
بالاضافة .؟..
أن معظم الاعلانات بايخة بايخة ثم بايخة
لا شكل لا مضمون! !
أنظر ... مرقة .. كابلات .. حديد ..سودا .. ايوب المهندس او المهندس ايوب
صديقي شيق
أخبار البترول
سمعنا انو الحكاية بعد دا ماشة قاطة خالص
وبيحاولو يقبلوا علي المغتربين
هيهات
Post: #25 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 01:16 PM Parent: #23
Quote: بالاضافة .؟..
أن معظم الاعلانات بايخة بايخة ثم بايخة
لا شكل لا مضمون! !
والله يا الخال ما قلت إلا الحق ، قسما زي مفروشاتم وكيبلاتم دي في مول البردانه ما بنجيبا، دعايات من أفشل ما مر بي ، تصميما ونصا ومؤدين كأنهم لم يطَّلِعوا على الإعلانات في تلفزيونات العالم المجاور دعك عن العالم المتقدم ، ديل عايزين يودونا العالم الآخر يا مولانا.
Quote: أخبار البترول
سمعنا انو الحكاية بعد دا ماشة قاطة خالص
وبيحاولو يقبلوا علي المغتربين
البت رول؟
تعيش إنت،
بالله بعدما جهَّزت العقالات والدشاديش وأم العيال بقت تقول لي يا طال عمرك وأنا اقول ليها حبابك يا مولانا مزيج البردانه.....
استغفر الله يا مولانا..
Post: #26 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 01:50 PM Parent: #25
اليوم العاشر من رمضان
بالله عليك احسب كم اغنية وكم دعاية خلال العشرة ايام المنصرمة دي؟
تقولوا ناس الضهاري همباتة كمان ؟
ياخ الهمبتة خشم بيوت .
Post: #27 Title: Re: برنامج أغاني وأغاني عبقرية الاحتيال والحجز غير المشروع Author: Mohamed Foto7li Date: 08-10-2011, 01:54 PM Parent: #26
سلام
مداخله للزميل مامون احمد في بوست اغاني
Quote: قبل مانبدأ في عرض ما قُدم اليوم ، وحكاية أفراح وصباح !
مايهمني الآن هو زمن البرنامج ومهزلة الإعلانات المبالغ فيها ! حأخت الحسبة زي ماهي من غير زيادة أونقصان ، وعلى المشاهد أن يحكم !
طبعاً ما حأحسب كمية الإعلانات التي تبث قبل بداية العرض ! على زعم أنها خارج نطاق الزمن المتاح ! مع إنها من الناحية الفنية بالتأكيد بتعتبر من ضمن دائرة البرنامج .... وهى مساحة مهمة جداً للإعلان طبعاً ! لأنها تدور في نفس الفلك ! بدأ البرنامج في تمام الساعة : 11:15 بالتمام - وقطع لفترة الإعلانات الأولى بعد دقيقة بالضبط : 11:16 - وإستمرت حتى الساعة : 11:24 . أى لمدة 8 دقائق بالتمام والكمال ! عُرض فيها حوالي 15 إعلان ! بدأت فترة الإعلان الثانية في تمام الساعة : 11:41 ، وإنتهت في : 11:50 ، يعني لمدة : 9 دقائق ! عُرض فيها : 15 إعلان ! الفترة الثالثة للإعلان بدأت في : 12:02 ، وإنتهت في : 12:11 بالتمام يعني إستغرقت برضو : 9 دقائق . عُرض فيها حوالي : 18 إعلان !
ولكم أن تتصوروا كمية الإعلانات التي عُرضت داخل نطاق مساحة هذا البرنامج ؟!!
هى بالضبط حوالي ( 48 ) إعلان !!!!!!!!!!!
مع ملاحظة أن البرنامج إنتهى اليوم ، وعلى غير العادة ، في الساعة : 12:30 !! يعني مُدد زمنو ربع ساعة زيادة : (15) دقيقة .
نخلص من ده كلو إلى أنو زمن البرنامج ، إستغرق حوالي : 75 دقيقة ، يعني ساعة وربع ------ أخدت منو الإعلانات حوالي : 26 دقيقة !!
يعني صفا على ( 50 ) دقيقة فقط !
يعني لو ما الربع ساعة الزيادة دي كان صفا على : 35 دقيقة !
والله حرام
Post: #28 Title: Re: برنامج أغاني وأغاني عبقرية الاحتيال والحجز غير المشروع Author: صبري طه Date: 08-10-2011, 01:59 PM Parent: #27
حل تقني وهو: ركّب ليك فلتر إعلانات ...
ويوجد منه نوعين:- فلتر يركب على الطبق بجوار الـ LNB فلتر USB يركب في الرسيفر
ـــــــ ولو ما نفع معاك استعمل زيت صباح نقى وما فيهو شوائب وما بيعمل رغوة
Post: #29 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 02:07 PM Parent: #27
الاخ محمد فوتو
رمضان كريم
لك منى خالص الشكر وعميق الامتنان لنقل الاحصائية الدقيقة للاخ مامون احمد في بوست اغاني واغاني
وربما تكون هنالك مزيد من طلبات الدعاية لكن ناسك بيكون خجلوا وما عايزين البرنامج يمشي على عجل الحديد
اطيب امنياتي
Post: #30 Title: Re: برنامج أغاني وأغاني عبقرية الاحتيال والحجز غير المشروع Author: مامون أحمد إبراهيم Date: 08-10-2011, 02:41 PM Parent: #29
Quote: بالله عليكم شوفوا إحصائية الزميل عضو البورد مامون محمد والتي تفضل بالمساهمة بها في بوست الزميل ود العباسية ( اغاني وأغاني)
المستشار العزيز ، ودشيقوق
ودقست في حلقة أمبارح الما حسبتها ! لأنو إكتشفت أنو زمن الحلقة نقص بشكل عجيب !
حلقة أمبارح بدأت الساعة : 11:15 وإنتهت الساعة : 12:10 ! - يعي بالضبط 55 دقيقة ! أها يله نقصو منها زمن الإعلانات ،، اللهو (26) دقيقة ، حسب إحصائية أول أمبارح !
55-26 = يعني الهيلمانة دي كلها كانت : 29 دقيقة !!! تصور !
Post: #31 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 02:42 PM Parent: #29
صبري
Quote: ويوجد منه نوعين:- فلتر يركب على الطبق بجوار الـ LNB فلتر USB يركب في الرسيفر
ـــــــ ولو ما نفع معاك استعمل زيت صباح نقى وما فيهو شوائب وما بيعمل رغوة
ياخ انت مبااااااااااااااالغة
اروع لقطة باجمل المعاني و احلى الدلالات
Post: #32 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 05:16 PM Parent: #31
شامبيون شامبيون شامبيوووووووووون
Post: #33 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 06:00 PM Parent: #1
يا حباب زمن البريد
دا خبر سعيييييييييد
Post: #34 Title: Re: برنامج أغاني وأغاني عبقرية الاحتيال والحجز غير المشروع Author: Alshafea Ibrahim Date: 08-10-2011, 08:02 PM Parent: #33
ها زول أنت ما عندك شغلة ساكت أقعد أنتظر كل هليمانة الإعلانات دي من بوهيات ومرقات وزيوت طعام وعربات وقطع غيار وشامبو وشامبيو وستائر وكنب وأسبيرات عربات وصيانة وبنوك وشنو ماعارف عشان أشوف لي مقطع دقيقة ونصف أغنية من أفراح عصام كمان ؟؟؟ غايتو عودي فيهو ما هو عود مره لأن عود المرة رقم لا يستهان به ... بالضبط شهرا ما عندك فيهو نفقة أنساه ... الأغاني دي كلها مسجلة وموجودة في ألوف المواقع والروابط وبأي صوت ترغب فيه... أخبار الخريف عندكم شنو ؟ عساه السعية (دنقرت) وشبعت و (عقلت) ... والباقي ساهل ... تحياتي ورمضان كريم الشفيع ابراهيم
Post: #35 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-10-2011, 09:17 PM Parent: #34
Quote: برنامج اعاني واعاني
الطيب
طوّل بالك شويه .. وانت الوداك تهبش في الجحّار في الدرت ده شنو ؟
ياخي نحن نحن مما ظهرت الفضائيات (المسودنه) دي والريموت شغال في يدنا زي السبحة .. والغنا الاسمو غنا مسخ لينا بعد ما بقي لبانه في خشم الذين كانوا في الزمن الجميل يطردون من بوابة الاذاعه .. مش كل واحد فيهم يعمل ليك فيها بتهوفن او التون جون .. ويجيبو معاه السر قدور يضحكوا بيه علي الناس ..
كنا مره نحضر تسجيل برنامج في البيبي سي .. شاهدنا المذيع يرفض اعلان معين في برنامجه لانه ت ا ف ه وسيعكر مزاج المتابع ..
هؤلاء لا يحترمون المشاهد ولا اخالهم يعرفون انه موجود .. كل ما يهمهم ملء وقت البرنامج
بالمناسبه .. نحن في عصر الانحطاط .. وهو لا يفرق بين ثقافة ولا فن ولا كورة ولا حتي قيم جماليه .. ولا ذوق عام .. بالله شفت الزيت الملفوف في كيس البلاستيك .. بس البنيه الجنبه فيها مسحة غير
عمر علي حسن
Post: #36 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:39 PM Parent: #35
الاخ الاستاذ مامون
مساؤك خير
Quote: ودقست في حلقة أمبارح الما حسبتها ! لأنو إكتشفت أنو زمن الحلقة نقص بشكل عجيب !
حلقة أمبارح بدأت الساعة : 11:15 وإنتهت الساعة : 12:10 ! - يعي بالضبط 55 دقيقة ! أها يله نقصو منها زمن الإعلانات ،، اللهو (26) دقيقة ، حسب إحصائية أول أمبارح !
55-26 = يعني الهيلمانة دي كلها كانت : 29 دقيقة !!! تصور !
ياخ كتر خيرك على تلك الاحصائية التي وجدت الرضا من الكثيرين الذين التقيتهم وهم يعلقون حول هذا البوست
Post: #37 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:42 PM Parent: #36
الشفيع
كيفك انت؟
Quote: أقعد أنتظر كل هليمانة الإعلانات دي من بوهيات ومرقات وزيوت طعام وعربات وقطع غيار وشامبو وشامبيو وستائر وكنب وأسبيرات عربات وصيانة وبنوك وشنو ماعارف عشان أشوف لي مقطع دقيقة ونصف أغنية من أفراح عصام كمان ؟؟؟ غايتو عودي فيهو ما هو عود مره لأن عود المرة رقم لا يستهان به ... بالضبط شهرا ما عندك فيهو نفقة أنساه ... الأغاني دي كلها مسجلة وموجودة في ألوف المواقع والروابط وبأي صوت ترغب فيه...
يازول تاني كان جاء باريني ما بتلفت ليهو
اها كدا كيف؟
Quote: أخبار الخريف عندكم شنو ؟ عساه السعية (دنقرت) وشبعت و (عقلت) ... والباقي ساهل ...
يا زول الحمد لله البلد كلو اتراحم والبقر بقى دفرة وعقلة والحمد لله يعني ما لحس ولا كدان جغم جغم بس
Post: #40 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 10:54 PM Parent: #37
خالي عمر
مساؤك خير
Quote: طوّل بالك شويه .. وانت الوداك تهبش في الجحّار في الدرت ده شنو ؟
نان يا خال الجحار بان لي فيها شيتا يتلاصف - رفعت كفي في حاجبي وقلت اعاين ساى - الشيئ المعاينة دي منعتوها؟
Quote: ياخي نحن نحن مما ظهرت الفضائيات (المسودنه) دي والريموت شغال في يدنا زي السبحة ..
الوليدات مسوي ليهم حديدة براهم ولا البجيك بتلكزو بي كوعك ؟
Quote: والغنا الاسمو غنا مسخ لينا بعد ما بقي لبانه في خشم الذين كانوا في الزمن الجميل يطردون من بوابة الاذاعه .. مش كل واحد فيهم يعمل ليك فيها بتهوفن او التون جون .. ويجيبو معاه السر قدور يضحكوا بيه علي الناس ..
يا سيدى كنا اليوم في نادي الجالية السودانية لحضور ندوة عن شعر الحقيبة ابدع وابدع وابدع فيها الاخ الدكتور احمد القرشي والله فاقداك انت وبس . الراجل بدأ بينا تاريخ الغناء السوداني الخالي من اى شوائب اعلامية من زمن كرومة وسرور والخليل لامن اتدلى بينا لمحطة السقوط في راجل المرة حلو حلاة .
Quote: كنا مره نحضر تسجيل برنامج في البيبي سي .. شاهدنا المذيع يرفض اعلان معين في برنامجه لانه ت ا ف ه وسيعكر مزاج المتابع ..
هلا هلا دا مذيع تلب بالحيل ماهو زول حاريها من لحاسات الاعلانات .
Quote: بس البنيه الجنبه فيها مسحة غير
لا يا خال دى بتكون طيبة بالحيل - يعني فيها الدرّة بدون كرّة
فاهمنى يا خال ولا سارح حتك؟
ما تباريني يا خال في رمضان دا بخاف اعوق صيامك ساى .
Post: #38 Title: Re: برنامج أغاني وأغاني عبقرية الاحتيال والحجز غير المشروع Author: منتصرمحمد زكى Date: 08-10-2011, 10:46 PM Parent: #35
شيقوق وضيوفو .. سلامات
نحنا غايتو ما فارقة معانا لأننا برمجنا عشانا مع الدعايات الدعايات تبدأ بي جاي نجري علي العشا بي جاي .. مرات بنشرب الشاي ونجي صادين نلقى آخر دعاية شغالة .. دعايات شنو كمان البحضرا ليهم .. ده زمن دعايات .. والله الخسران الوحيد في الحكاية دي المعلن الدفع ملايين في دعاية لا من تبدأ حتى الشفع بقو يقولو : ها دعايات أرح نلعب ...
Post: #39 Title: Re: برنامج أغاني وأغاني عبقرية الاحتيال والحجز غير المشروع Author: awadalla agabna Date: 08-10-2011, 10:54 PM Parent: #38
سلام يا شيخ العرب رمضان كريم حقيقة لأول مرة الواحد يمل من برنامج ( أزاني و أزاني ). رغم أني أرغمت نفسي مضطراً لمتابعته هذه السنة و ذلك لعدم وجود برنامج في الفترة السابقة و الكسل و لكن ( بالرغم..... ذاع الخبر و عم ..... و ها أنت تفتح لنا هذا البوست ال.......... ). لتكن هنالك دعايات و لكن بقدر
عموما ربنا يعظم أجر من يتابع إلى حين اشعار آخر...
لك كل الود و التقدير
Post: #41 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 11:02 PM Parent: #39
المنتصر
ازيك
Quote: نحنا غايتو ما فارقة معانا لأننا برمجنا عشانا مع الدعايات الدعايات تبدأ بي جاي نجري علي العشا بي جاي .. مرات بنشرب الشاي ونجي صادين نلقى آخر دعاية شغالة .. دعايات شنو كمان البحضرا ليهم .. ده زمن دعايات .. والله الخسران الوحيد في الحكاية دي المعلن الدفع ملايين في دعاية لا من تبدأ حتى الشفع بقو يقولو : ها دعايات أرح نلعب ...
ههههههههههههههها ما خايف تقع ليك علبة مرقة دجاج في شاهيك:
Post: #42 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-10-2011, 11:05 PM Parent: #41
عووضة ود عجبنا
سلام ورمضان كريم
حقيقة لأول مرة الواحد يمل من برنامج ( أزاني و أزاني ).
Quote: رغم أني أرغمت نفسي مضطراً لمتابعته هذه السنة و ذلك لعدم وجود برنامج في الفترة السابقة و الكسل و لكن ( بالرغم..... ذاع الخبر و عم ..... و ها أنت تفتح لنا هذا البوست ال.......... ). لتكن هنالك دعايات و لكن بقدر
وصيتي ليك يا العشاء احسن تشوف ليك ورد تنزلوا لحظة البرنامج دا ومحل رهيفة تنقد
Post: #43 Title: Re: برنامج أغاني وأغاني عبقرية الاحتيال والحجز غير المشروع Author: ود الباوقة Date: 08-10-2011, 11:11 PM Parent: #42
Quote: شامبيون شامبيون شامبيوووووووووون
هذه الدعاية تصلح لتشييع جنائز العسكر
في الدول الغربية .. لانها ( حزاينية )
مسالة مزعجة جدا
Post: #44 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-11-2011, 00:55 AM Parent: #43
Quote: الشيئ المعاينة دي منعتوها؟
لا .. مادام بعد الفطور .. كمان انت ما تعاين من طرف كده .. يقوم يطلع ليك بسم الله الرحمن الرحيم شايل ليه فانوس وشامبيون وجنبه السر قدور والجماعة
اما من ناحيتنا فاطمئنك .. الجماعه كل زول بي حديدتو براه .. وخالك مكنكش في الريموت ميت فيه
رمضان كريم .. وتصوم وتفطر علي خير .. ويكفيك شر المشروبات الدافسه التلفزيون
عمر علي حسن
Post: #45 Title: Re: برنامج أغاني وأغاني عبقرية الاحتيال والحجز غير المشروع Author: هويدا شرف الدين Date: 08-11-2011, 06:28 AM Parent: #44
أولاً رمضان كريم وتصوموا وتفطروا علي خير
ثانيا انت يا المسنوح حسادتك القطعت البترول من البردانه وخلت الخواجات يطفشوا أصلك ما بتخليها الناس عاوزين يكسبو عشان كدا لازم يخلو الناس تتعلق بالبرنامج والدعايات دي دخلها كبير يعني يعملوا شنو
ثالثا انت وقت الحال ما عاجباك ما تحضر المساهر ليها شنو امشي شوف ليك نومه تريحك
أخيرا وليس اخيرا ما تقعد تتجدع لينا بالإنجليزي بتاع بيرقر كمنجه سنقل 2
Post: #46 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 06:58 AM Parent: #45
ود الباوقة
Quote: هذه الدعاية تصلح لتشييع جنائز العسكر
في الدول الغربية .. لانها ( حزاينية )
ياخ كل دعاياتهم حزائنية الا تلك التي اشرت اليها سابقا
Post: #47 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 07:01 AM Parent: #46
Quote: لا .. مادام بعد الفطور .. كمان انت ما تعاين من طرف كده .. يقوم يطلع ليك بسم الله الرحمن الرحيم شايل ليه فانوس وشامبيون وجنبه السر قدور والجماعة
اما من ناحيتنا فاطمئنك .. الجماعه كل زول بي حديدتو براه .. وخالك مكنكش في الريموت ميت فيه
رمضان كريم .. وتصوم وتفطر علي خير .. ويكفيك شر المشروبات الدافسه التلفزيون
هيييييع خالي الاسد النتر فوق النحاس اب رزه وشافنو البنات سونلو عوم الوزه ...
Post: #48 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 07:10 AM Parent: #47
Quote: أولاً رمضان كريم وتصوموا وتفطروا علي خير
آميييييين والبركة الربنا انعم عليك بالعقل وخلاك تباشري الناس بالسلام - بعدين رمضان كيف معاك؟ اوع تكوني عاضة لسانك وراجعة لا وراء بعيييييييييييد عشان تلحقي امات طه هذا الذى نسأل الله ان يجعلنا من عتقائه .
ثانيا
Quote: انت يا المسنوح حسادتك القطعت البترول من البردانه وخلت الخواجات يطفشوا أصلك ما بتخليها الناس عاوزين يكسبو عشان كدا لازم يخلو الناس تتعلق بالبرنامج والدعايات دي دخلها كبير يعني يعملوا شنو
انت الدعايات ما فارقة معاك وقت تبدأ بتلحقي بصلتك ما تحرق يا مسنووحةثالثا
Quote: انت وقت الحال ما عاجباك ما تحضر المساهر ليها شنو امشي شوف ليك نومه تريحك
بتبادلي ؟
أخيرا
Quote: وليس اخيرا ما تقعد تتجدع لينا بالإنجليزي بتاع بيرقر كمنجه سنقل 2
دا لاولاد البندر وحمام البندر يا سجم الرماد
Post: #50 Title: Re: برنامج أغاني وأغاني عبقرية الاحتيال والحجز غير المشروع Author: Abdlaziz Eisa Date: 08-11-2011, 07:28 AM Parent: #48
اخوي المسنوح
سلامات ورمضان كريم
ايام ليبيا وفي الشتاء نستقبل قنوات عبر البحر المتوسط بالهبل.. الاعلانات في القنوات الايطالية أحلي كتير من البرنامج نفسه كنا نهتم بفترة الاعلانات اكثر من البرنامج الهوست ليها.. ابتكارات وتجديدات في كل لحظة لنفس الاعلان مافي اعلان بيتكرر بنفس شكله وطريقة عرضه والناس الفيه..
المشكلة في الاعلان ياخوي شئ متخلف وفطير..
تحياتي
Post: #49 Title: Re: برنامج أغاني وأغاني عبقرية الاحتيال والحجز غير المشروع Author: عبدالكريم الامين احمد Date: 08-11-2011, 07:17 AM Parent: #47
هلا يا شيقوق ورمضان كريم ياااخ وبيني وبينك لو الدعايات دي كلها بقت (عدس عدس) ماعندنا ماااانع للصنقرة لكن ياااخ حتي (عدس عدس) دي بيجيبوها ليك طيفو طايف كده وقبل ما تشوف العدس كويس تلقاهم رشوك ببوهية المهندس
Post: #51 Title: Re: برنامج أغاني وأغاني عبقرية الاحتيال والحجز غير المشروع Author: حسن طه محمد Date: 08-11-2011, 08:34 AM Parent: #49
استاذنا الكبير شيقا
ياخي سيبك شوية من العمدة اللي عايز يبني بيتو عمارة من حديد الاسعدوني
عمد آخر زمن
( هو شنو الما تغير يا شيقا .... ؟؟ ) _______________
فطور بورداب الدوحة يوم الجمعة 12 رمضان
اللجنة العليا شغالة تش
قالو مصرين ياخدو التصنيف AAA+ من استاندارد اند بورز .
ياخي ما تعملا مفاجاة وتجيني ناطي وتفطر معانا
Post: #52 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 08:38 AM Parent: #49
عزو
Quote: ايام ليبيا وفي الشتاء نستقبل قنوات عبر البحر المتوسط بالهبل.. الاعلانات في القنوات الايطالية أحلي كتير من البرنامج نفسه كنا نهتم بفترة الاعلانات اكثر من البرنامج الهوست ليها.. ابتكارات وتجديدات في كل لحظة لنفس الاعلان مافي اعلان بيتكرر بنفس شكله وطريقة عرضه والناس الفيه..
هنا العكس يا عزو برنامج اغاني واغاني هو الذى يروج للاعلانات نفسها والاعلانات تروج للعدس ومرقة الدجاج عشان يشتريها المسكين المساهر منتظر اغاني واغاني .
Post: #53 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 08:50 AM Parent: #52
عبد الكريم كيكي
Quote: هلا يا شيقوق ورمضان كريم ياااخ وبيني وبينك لو الدعايات دي كلها بقت (عدس عدس) ماعندنا ماااانع للصنقرة لكن ياااخ حتي (عدس عدس) دي بيجيبوها ليك طيفو طايف كده وقبل ما تشوف العدس كويس تلقاهم رشوك ببوهية المهندس
هههههههههههههههههههههههههههها مسنووووووووووووووح يا كيكي
Post: #54 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 08:57 AM Parent: #53
مولانا ود البوب
Quote: ياخي سيبك شوية من العمدة اللي عايز يبني بيتو عمارة من حديد الاسعدوني
عمد آخر زمن
( هو شنو الما تغير يا شيقا .... ؟؟ )
_______________
هو يا خال اخروهو للساعة 12 وقالوا ساعة وربع - طلع الربع نغم وضحك والباقي رقة دجاج وكدا
Quote: فطور بورداب الدوحة يوم الجمعة 12 رمضان
اللجنة العليا شغالة تش
قالو مصرين ياخدو التصنيف AAA+ من استاندارد اند بورز .
ياخي ما تعملا مفاجاة وتجيني ناطي وتفطر معانا
يا زول انتم اصلكم ما ساهلين تستاهلو AAAAAAAAAAAAAAAAAAAAAA +++
ياخ اجيكم بوين مع زحمة الشغل يا خال لكن عيد رمضان مفكر والله .
Post: #55 Title: Re: برنامج أغاني وأغاني عبقرية الاحتيال والحجز غير المشروع Author: هويدا شرف الدين Date: 08-11-2011, 09:29 AM Parent: #54
والله بوستيك زاتو مسنوح ذيك ما بفتح كلو كلو ، عاين هشام هباني كاتب بوست فيهو هديه ليك الموقع عندنا محجوب شوف فيهو شنو وتعال وريني
Post: #56 Title: Re: برنامج أغاني وأغاني عبقرية الاحتيال والحجز غير المشروع Author: Abdlaziz Eisa Date: 08-11-2011, 09:33 AM Parent: #55
Quote: هنا العكس يا عزو برنامج اغاني واغاني هو الذى يروج للاعلانات نفسها والاعلانات تروج للعدس ومرقة الدجاج عشان يشتريها المسكين المساهر منتظر اغاني واغاني .
ياخوي سلامات
نحمد الله نحن بعيدين من البلاوي.. بنلاقى الخلاصة في اليوتيوب..
وانتو قوموا بالواجب وتحملوا السهر واذى الاعلان..
كل بثوابه..!!!
Post: #57 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 11:19 AM Parent: #56
هدهد
Quote: والله بوستيك زاتو مسنوح ذيك ما بفتح كلو كلو ، عاين هشام هباني كاتب بوست فيهو هديه ليك الموقع عندنا محجوب شوف فيهو شنو وتعال وريني
حااااااااضر يا اميرة
Post: #58 Title: Re: برنامج أغاني وأغاني عبقرية الاحتيال والحجز غير المشروع Author: الرفاعي عبدالعاطي حجر Date: 08-11-2011, 12:04 PM Parent: #57
الاخ الطيب شيقوق
تحياتي يارايق
تعرف لاول مرة ال احضر ولا حلقة للبرنامج
لان الزمن يتضارب واكل العيش ثم لان البرنامج
استسلم بسرعة للبرمجة من قبل النيل الازرق .
............................................حجر.
Post: #59 Title: Re: برنامج أغاني وأغاني عبقرية الاحتيال والحجز غير المشروع Author: عبدالأله زمراوي Date: 08-11-2011, 12:36 PM Parent: #58
أستاذ شيقوف رمضان كريم....
الأسوأ على الإطلاق تلك الفتاة التي تتهادي ما بين جنبات المتجر يمنة ويسرة تأخذ عدسا وأشياء اخرى ثم تتغنى لها.
هذه الدعايات القميئة في نظري، رغما عن سوئها البالغ، أفضل ألف مرة من الإستماع لقهقات قدور والنظر لملابس المؤدين (الغريبة-العجيبة). وأكثر ما جعلني أنفر منذ الحلقة الثالثة عدم تمام تلك الأغنيات التي شكلت وجداننا في زمن جميل. فقرة فقرتين ثم تنتهي الأغنية...
غايتو اقول ليك إحتسبها لله وحسبنا الله ونعم الوكيل...
Post: #60 Title: Re: برنامج أغاني وأغاني عبقرية الاحتيال والحجز غير المشروع Author: عبدالرحمن الحلاوي Date: 08-11-2011, 01:00 PM Parent: #59
الطيب رمضان كريم عليكم يا أخي ..مالك حارق زمنك ؟؟؟ تابع الحلقات في الييوتيوب ..
Post: #61 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 01:36 PM Parent: #60
الرفاعي يا مرتاح
Quote: تعرف لاول مرة ال احضر ولا حلقة للبرنامج
لان الزمن يتضارب واكل العيش ثم لان البرنامج
استسلم بسرعة للبرمجة من قبل النيل الازرق .
ياخ كدا كويس معاك - ابعد من الشر والتغنيلو
Post: #62 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 01:48 PM Parent: #61
مولانا زمراوي
كيفك ورمضان كريم
Quote: الأسوأ على الإطلاق تلك الفتاة التي تتهادي ما بين جنبات المتجر يمنة ويسرة تأخذ عدسا وأشياء اخرى ثم تتغنى لها.
صحيح اخي زمراوي بس اكان سمعك عبد الكريم الامين ( كيكي) ما اظن تاني يسلم عليك - والنبي امشي شوف تعليقه عنها فوق
Quote: هذه الدعايات القميئة في نظري، رغما عن سوئها البالغ، أفضل ألف مرة من الإستماع لقهقات قدور والنظر لملابس المؤدين (الغريبة-العجيبة). وأكثر ما جعلني أنفر منذ الحلقة الثالثة عدم تمام تلك الأغنيات التي شكلت وجداننا في زمن جميل. فقرة فقرتين ثم تنتهي الأغنية...
نعم ، يا عبدو ، فهم يختارون اروع الاغاني التي اسهمت في تشكيل وجداننا ولا يحفظون منها - في اغلب الاحوال - غير فقرة او فقرتين تتبعها كلمة ( أبدعتي ) من السر احمد قدور .
Post: #63 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 01:51 PM Parent: #62
الحلاوي
Quote: يا أخي ..مالك حارق زمنك ؟؟؟ تابع الحلقات في الييوتيوب ..
ياخ الزخم القبل رمضان عنو يخليك تتمنى يجيك قبل رمضان
Post: #64 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-11-2011, 02:08 PM Parent: #60
ابو الطيب
نعود بك الي الوراء حبه
قبل التلفزيون كانت السينما هي المتعة والثقافة وملتقي المجتمع بدرجاته واختلافاته .. وكنا في ايام جهالتنا (الاولي) نطلع من الدور الاول في برمبل لندخل الدور التاني في الوطنيه .. ونشاهد قبل الفيلم نشرة الاخبار المصورة واظنها كانت تسمي (المناظر) .. لا تخلّي الملكة ولا تشيرشل ولا الكوره .. وفي الاستراحة نشاهد (الاستعراض) وفيه تعرض افلام الايام القادمة .. بعدين بقت تجي شوية دعايات سودانيه منها صابون صافي الحيّر اوصافي (لاحمد عبد الرازق) والببسي مشروب الصداقه والاكرام (لعثمان جميده - تور الجر) والبيره ام جمل واظنها لتور الجر ايضا
وكان رواد الشعب يحفظون الحان هذه الدعايات الخفيفة ويرددونها مع المغني ويصفقون له .. واحيانا تدخل دعايات سريعة بالصورة فقط ودون صوت فتمر مرور الكرام ..
ثم جاء التلفزيون ببرامج دسمة وحفلات حية وافلام عالمية وبدأ يسرق الرواد من السينما قليلا رغم انها بقيت الاقرب الي القلوب لما فيها من الراحة والمتعة .. وبجانب السينما والتلفزيون اذاعة امدرمان التي حفرت وجودها في وجدان الشعب السوداني ببرامجها الهادفة الراقية ومذيعيها الفطاحل الافذاذ ..
كانت القاعدة الاساسية في التلفزيون والاذاعة ان الدعاية (رجس من عمل الشيطان) ولم يجرؤ احمد عبد الرازق ولا تور الجر ان يجيب سيرة الببسي ولا صابون صافي في اي منهما اما البيره ام جمل فلم يكن لها مجال في وجود شيخ عوض الله صالح علي قيد الحياة ...
ولم يكن يسمح للمذيعين ومقدمي البرامج والمشاركين في حفلات التلفزيون بالظهور الا بالمظهر الكامل .. وكان الفنان محمد احمد عوض يغني وراسه حافي فامر طلعت فريد بتغطية راسه او منعه من الغناء ..
شفت ازاي ..
يعني كده باختصار تقعد في التلفزيون من العصر لغاية الساعة تسعة مايعتر ليك مهندس ولا بامية ولا عدس .. وتطلع الساعة تسعة تمشي السينما مايلاقيك الا صافي والببسي لمدة دقيقتين .. وتسمع الرادي من الساعة سته صباحا لغاية ما تنوم وتخليه فاتح لا يلاقيك صوت مشاتر ولا يتموه ليك دعايات .. اما الان فالدعاية هي الاساس ..
هل شاهدت سقاية الغنماية .. يرموا ليها حبة عيش في الموية تقوم تشرب الموية كلها عشان تصل للعيش. ده حالنا الان
عمر علي حسن
Post: #65 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 02:59 PM Parent: #64
الخال ابو امير
Quote: قبل التلفزيون كانت السينما هي المتعة والثقافة وملتقي المجتمع بدرجاته واختلافاته .. وكنا في ايام جهالتنا (الاولي) نطلع من الدور الاول في برمبل لندخل الدور التاني في الوطنيه .. ونشاهد قبل الفيلم نشرة الاخبار المصورة واظنها كانت تسمي (المناظر) .. لا تخلّي الملكة ولا تشيرشل ولا الكوره .. وفي الاستراحة نشاهد (الاستعراض) وفيه تعرض افلام الايام القادمة .. بعدين بقت تجي شوية دعايات سودانيه منها صابون صافي الحيّر اوصافي (لاحمد عبد الرازق) والببسي مشروب الصداقه والاكرام (لعثمان جميده - تور الجر) والبيره ام جمل واظنها لتور الجر ايضا
دعني - يا خال - انقلك لهذا المقال للاستاذة سارة عيسى فلا تزرني بوزرها ولا تؤاخذني بجريرتها-إن وجدت :
Quote: في ذلك الزمن ، كان عندما تفتح أوراق الصحيفة اليومية ، تجد إعلاناً تحت اسم أين تسهر اليوم ؟؟ سينما الوطنية أمدرمان ، الوطنية بحري ، كلوزيوم ، العرضة ، بانت ، الحلفايا ، وسينما النخبة النيل الأزرق والتي أرتبط إسمها بطلاب جامعة الخرطوم ، كانت دور السينما تروّج لأفلامها بصورة جاذبة ، فالفلم الهندي يُوصف بالتحفة الهندية الرائعة ..غناء ..رقص ..ضرب من البداية حتى النهاية ، أما أفلام (Action) فيُطلق عليها إسم أفلام الجاسوسية ، ومن أفلام (wild West) عرفنا جاك بلانس وجون أوين وكيرك دوغلاس ، ومن أفلام المطاردة عرفنا شارلز برونسون وروجر مور ، كانت السينمات تنشر مادتها في الورقة الأخيرة من الصحف اليومية ، هذا قبل أن يطل علينا شبح المشروع الحضاري الذي جعل السودانيون يغلقون أبوابهم من السابعة مساءً ، ولم تعد التحفة الهندية الرائعة إلي مكانها الصحيح ، فبدلاً منها أصبحنا نجد في الصحف صور الساسة الذين يبشروننا بثقافة الموت والدمار ، وقد أمتلأت الوريقات العجاف بكلمات الرثاء والنعي والحزن لمن فقدناهم في هذه الحروب اللعينة ، والصفحة الأخيرة قد أمتلأت بإعلانات بنك السودان وهو يعلن آخر موعد لتقديم عطاء شراء الورق أو الأثاث المنزلي . كانت السينما تشعرنا بوجود نقلة نوعية في حياتنا عند آخر الأسبوع والذي ننتظره بفارغ الصبر ، فليس صحيحاً أن الشعب السوداني متطرف دينياً ويكره أن يعيش الحياة كما هي عليه وليس كما هو مطلوب منه كما يقول صُناع الإنسان الجديد ، كنا نتفاعل مع الأفلام الهندية ، فيها كنا نجد قصص الحب والوفاء والشجاعة ، يتعاطف الناس مع البطل بالتصفيق ، ويمقتون " الخائن " Villain ويهتفون في وجهه بالصفير الداوي ، ويكره الجمهور الخاتمة التي تنتهي بموت البطل ، فالسينما الهندية كانت تدعو إلي القيم الجميلة ، الحب والتفاني وإحترام الأسرة والقانون ونبذ الأشرار والفاسدين ، شاهدت أكثر من مرة فلم " الشعلة " الذي أنتجته بوليود عام 1975 والذي أستغرق إنتاجه أكثر من عامين ، حياة النجوم الذين لعبوا الأدوار في هذا الفلم أصبحت أسطورة يتناولها ناس من زمن إلي زمن ، تزوج دهرامندر من هيمامليني ، وتزوج أميتاب باتشان من جيا بهادوري ، أما المكان الذي دارت فيه أحداث الفلم (SET) بالقرب من بلدة بنقلور فقد تحول إلي مزار سياحي يؤمه الناس ، لازالت الشعلة حية في أذهان الذين شاهدوها ، قبل عدة سنوات رشحت قناة البي بي سي فلم الشعلة إلي جائزة الألفية الثالثة ، فقد عُرض هذا الفلم لمدة 286 أسبوعاً متوالية في دور العرض الهندية . الشعلة يتحدث عن قصة (Rampage) في المجتمعات الريفية النائية ، فقدم قام الشقي جبار سنج بفرض الأتاوة على الفقراء ، كما أنه نكّل بالمفتش ثاكور بقطع ذراعيه وقتل كافة أفراد أسرته ، عقد المفتش ثاكور صفقة مع شقيين من الصنف الذي نطلق عليه "Soft criminal" ، بموجبها يقومان بمواجهة الشقي جبار سنج ، يعيش الشقيين في البلدة الصغيرة ، حياة بسيطة ، برئية ، لم يألفاها من قبل ، يدخلان في صدام مع الشقي جبار ، وقد نجح الراحل أمجد خان في تمثيل هذا الدور ، كنت أغالب البكاء عندما أراه يأمر هيماليني بأن ترقص كي لا يقتل حبيبها ، ترقص وهي تغالب الإجهاد ، فيطلب جبار القاسي من مساعده "أروساما " بأن يلقي قناني الخمر تحت أقدامها ليعجزها عن الرقص ، فترقص بعد كل ذلك والدم يسيل من قدميها . قمة الوفاء تتجلى عندما يقترع الصديقان على الموت ..أيهما يذهب لطلب النجدة أو البقاء في خندق المقاومة لمواجهة جبار وعصابته ، يستخدم (Jiadev ) وهو إسم أميتاب باتشان في الفلم ، يستخدم قطعة نقود مغشوشة حتى يفدي صديقه (Veeru) دهرامندر . و الذي عندما يعود يجده في النزع الأخير . ما أريد أن أكتب عنه ليس فصول فلم الشعلة كاملةً ، بل أخص بالتعليق النهايتين لهذا الفلم ، ففي النهاية الأولى ظهر المفتش ثاكور وهو يقوم بالإنتقام من جبار سنج عن طريق الدوس على ذراعيه عن طريق حذاء مملوء بالمسامير خصصه لمثل هذا اليوم ، هذا المشهد أحدث ضجة في الأوساط الحكومية ، لأنه أظهر رجل الشرطة هو يأخذ القانون بيديه ، وهذا شيء مرفوض حتى ولو من باب الخيال ، فعمدت بوليود إلي تغيير الخاتمة ، فظهر المفتش ثاكور وهو يقوم بالقبض على المجرم جبار ويسلمه للدولة . هكذا يحافظ الهنود على هيبة الدولة والقانون ، ليس كما يحدث في السودان ، فنحن هنا لا نجنح إلي خيال بوليوود الواسع في رصد الوقائع ،لأننا نعيش الواقع كما في الأفلام ، في أيام الإنقاذ الأولى شاهدت مسرحية عن الدبابين ، ظهر فيها الدباب المجاهد وهو يقتل بشراسة أعدائه من " الطرف الآخر " ، وعندما فرغت ذخيرته أستل سيفه وبدأ يصيح الله أكبر في وجه خصومه من " الطرف الآخر " ، وقد عمل فيهم قتلاً وذبحاً وسط تهليل الحاضرين ، لذلك قلت لكم بأننا نعيش واقعاً أغرب من الخيال ، فقد قضت ثقافة الموت على ثقافة الحياة .
Quote: ثم جاء التلفزيون ببرامج دسمة وحفلات حية وافلام عالمية وبدأ يسرق الرواد من السينما قليلا رغم انها بقيت الاقرب الي القلوب لما فيها من الراحة والمتعة .. وبجانب السينما والتلفزيون اذاعة امدرمان التي حفرت وجودها في وجدان الشعب السوداني ببرامجها الهادفة الراقية ومذيعيها الفطاحل الافذاذ ..
المشاهد والمتلقى كان يا سعادتك ناضجا ومثقفا بل مستنيرا في اغلب الاحيان
Quote: ولم يكن يسمح للمذيعين ومقدمي البرامج والمشاركين في حفلات التلفزيون بالظهور الا بالمظهر الكامل .. وكان الفنان محمد احمد عوض يغني وراسه حافي فامر طلعت فريد بتغطية راسه او منعه من الغناء ..
شفت ازاي ..
نعم يا خال فلم يكن الامر وقفا على المؤسسات الاعلامية وانما انتظام وانضباط في شتى ضروب الحياة
عملت محاميا لاكثر من 15 عام ، في السودان ، لم ار خلالها عسكريا يدخن سجارة في الشارع العام وهو مرتديا بزته العسكرية و و و
اما عن اخلاقيات المهنة عندنا فارجو ان تسمح لي بالافطار ثم اعود لاروي لك عن جمال ايام زمان .
كدا كيف معاك؟
Post: #66 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-11-2011, 04:05 PM Parent: #65
Quote: انقلك لهذا المقال للاستاذة سارة عيسى
ياشيخنا هذه السيدة الرائعة لم تترك جمالا الا لامسته بقلمها البديع .. ومدت ظل نقد وارف وواعي علي السلوك الذي روجت له مسرحية الدبابين وهي تقليد رديء لفيلم روبرت ميتشوم To Hell and Back وهو تمجيد رخيص لبطولة اليانكي في الحرب القييتنامية
ولا اشك اننا نعيش اثرا من اثار الهجمة الشرسة علي الثقافة الانسانية وتوجيه الارث البشري الي عبادة المال وبسط سيطرته بافساد الذوق العام وتلويث العقول بكل ماهو غث وارغام الانسان علي العيش حسبما وجد وكيفما اتفق ..
تري هل يفكر المسئولون عن الثقافة الان في عقل الانسان وفكره
ساعود يوما لاحدثك عن الرقابة علي السينما والمصنفات وعن اجتماعات التنوير التي تحصر اهتمام اعضاء الرقابة بالقيم والفكر الخ
تحياتي ولك الشكر علي هذا المقتطف الزاهي
عمر علي حسن
Post: #67 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 06:38 PM Parent: #66
خالي
Quote: وهي تقليد رديء لفيلم روبرت ميتشوم To Hell and Back وهو تمجيد رخيص لبطولة اليانكي في الحرب القييتنامية
باقي لي بقيت بتسرح - انا بدودر فيك عشان نلعب في الحدب مالك ملهمني لجج ( بضم اللام وفتح الجيمين) ناس البندر البلوكوا ليها اللسنات لواكة .
الكلام دا علا انادي ليهو ود المرتضى باقي لي زولا Multicultural بالحيل بكون عارف روبرت ميتشوم To Hell and Back - والله لمن اسمعه بيحكي عن الحاجات دي بقعد اعاين واتفرج بس ولا املك الا ان اقول ليهو مسنوووووووووووووح واشتت بحثا عن بوستات ناس الضهاري البتلهموا الكلمة بدون لواكة .
لقيتني كيف كدا؟
Post: #68 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 08:03 PM Parent: #1
حراااااااام
Post: #69 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-11-2011, 08:39 PM Parent: #68
Quote: باقي لي بقيت بتسرح - انا بدودر فيك عشان نلعب في الحدب مالك ملهمني لجج ( بضم اللام وفتح الجيمين) ناس البندر البلوكوا ليها اللسنات لواكة .
ايون !!!!!!!
انت قايلني بعيد من ناس البندر .. انا كمان بعرف ليك بوب مارلي والفيس بريسلي .. وكمان جيري لويس .. اما روبرت متشوم فكنا بندخل افلامه من المغرب .. وما بنقرا الترجمة ........... شنو ليك ؟
بعدين شغل ناس (اعاني واعاني) ده شغل ناس بندر ساكت .. والليله عرفت انه مرتضي كان متزعم فرقه في المنبر بتوثق للبرنامج لما كانت فيه ثمره .. يظهر انهم قنعوا منه دلوقتي ظاهر باطن
علي أي حال انا الجابني للرطانه ولواكة اللسان كلام الاستاذة ساره عن مسرحية الدبابين .. وانت عارف خالك عاضي لسانه وعامل اطرش ..
ايه رايك في (ايون) دي ؟
عمر علي حسن
Post: #70 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-11-2011, 08:59 PM Parent: #69
خالي الما خمج
Quote: انت قايلني بعيد من ناس البندر .. انا كمان بعرف ليك بوب مارلي والفيس بريسلي .. وكمان جيري لويس .. اما روبرت متشوم فكنا بندخل افلامه من المغرب .. وما بنقرا الترجمة ........... شنو ليك ؟
هلا هلا خالي البندو- ضهاري امانة ما غطست جناك لاضنيهو - وحاة الكعبة المشرفة انا من قمت ما مسكت لي شباك سينما الا يكون حلفوا علي الوليدات طلاق ساى وبمشي بجامل علا ما بركز الا في المقاطع البتشهق الناس غير كدا بكون مع التسالي ساااااااى نامن ينتهي الفلم .
Quote: بعدين شغل ناس (اعاني واعاني) ده شغل ناس بندر ساكت .. والليله عرفت انه مرتضي كان متزعم فرقه في المنبر بتوثق للبرنامج لما كانت فيه ثمره .. يظهر انهم قنعوا منه دلوقتي ظاهر باطن
يا خال المرتضى واحمد القرشي لقيتهم ليك جالسين وحابسين البرنامج في اول حلقات هذا العام وماسكين الورقة والقلم يسجلوا ليك سااااااااى في عدد الاعلانات والوقت المخصص لكل اعلان وقت جردوا ليك حصالة البرنامج لقوهو ليك شملة كنيزة هي تلاتية وقدها رباعي ومن ديك وعيييييييييك
Quote: ايه رايك في (ايون) دي ؟
اخخخخخخخخ خطير انت - يا خال - نامن غلط دى خمشتها من خشيمات شباب التواصل عبر الاثير الاسفيري ؟
عليك النبي تختا دربهم ما يتلهموا بيك ريبا..
Post: #71 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-11-2011, 11:05 PM Parent: #70
Quote: عليك النبي تختا دربهم ما يتلهموا بيك ريبا..
باقي لك كان خالك فيه عضم فائدة كانوا بقيفو علي ريبا ؟ للاسف الفينا معروفة
عمر علي حسن
Post: #72 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-12-2011, 07:02 AM Parent: #71
Quote: باقي لك كان خالك فيه عضم فائدة كانوا بقيفو علي ريبا ؟ للاسف الفينا معروفة
ياخ ما تقول كدا انت امبارح ما شفت الحديد الياباني الاصلي ( البعيو) كيف زاد من نبض اعاني واعاني الذى كان في غرفة الانعاش
والله يا خال امبارح البعيو خلى ليك الوليدات يتضايرو بجنبات الاستديو
ويمكن هجمة البعيو للناس ديل زى هجمة صقر الكواهلة اب نية ساهلة (الحدية) خمش ليهو سوسيوة وقلع فات .
Post: #74 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-12-2011, 11:32 AM Parent: #72
محمد الكامل
سلام يا اخي ورمضان كريم ربنا يجعلنا جميعا من عتقائه
Quote: التحايل الذي يتم ليس في الاعلانات فحسب انما في حقوق الملكية الفكرية المهدرة بمحاولات الالتفاف والمرواغةوالخلط بين الحقوق الاصلية والحقوق المجاورة....
يا عزيزي أين القائمون على امر الملكية الفكرية؟ ربما يكونوا انفسهم غاطسين لاضنيهم في انتهاك حقوق الغير
Quote: اضف الي ذلك طريقةالاخراج الباهتة مقرونة بالايماءات الساذجة من بعض الفنانين(مجازا) وكأن ظهورهم علي الشاشة يمنحهم الحق في التصرفات الاعتباطية وكاننا نجلس معهم داخل غرفهم المنزلية او وسط شللهم المتوهمة في فنهم(الفطير)...بينما هم وكما قال عنهم استاذنا ود الريح يسكنون عشوائيا في اغاني غيرهم....
صحيح - اخي الكامل - الكثيرون من الاخوة كانوا معي حضورا ومشاهدة لهذا البرنامج وجميعهم يشاركونك نفس الملاحظات
تعبير استاذنا ود الريح في الصميم عندما قال عنهم : هولاء يسكنون عشوائيا في اغاني غيرهم
Quote: استاذنا قدور يعتمد علي الذاكرة لا علي التحضير اللازم للتوثيق...(هذا علي افتراض انه يتعامل مع فنانون حقيقيون)...
غايتو يا الكامل الناس الذين تداخلوا في هذا البوست كلهم غضبانين من الاعلانات وعمك السر ، لكن انت تخطيتهم كوووولهم
ياخ اصبر للاعلانات او اترك البرنامج خالص وشوف ليك مساحة في فضائيات الدنيا دي وارتاح عندها
Post: #75 Title: Re: برنامج أغاني وأغاني عبقرية الاحتيال والحجز غير المشروع Author: احمد محمد بشير Date: 08-12-2011, 11:37 AM Parent: #74
و الله يا ود شيقوق الجماعة ديل ضربونا وغشونا ساكت بالاعلانات قبل رمضان تابعت البرنامج كم يوم كدة ولقيتو ما نافع و مضيعة للزمن.
طلع كلام فارغ ساكت
انصح الجميع بمتابعة برنامج (أعز الناس) مع العملاق وردي بقناة الشروق.
Post: #76 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-12-2011, 11:45 AM Parent: #75
استاذ احمد ود البشير
Quote: انصح الجميع بمتابعة برنامج (أعز الناس) مع العملاق وردي بقناة الشروق.
في الصميم يا احمد اخوي
والله انا زيك صار ملاذي هو برنامج ( أعزّ الناس) برنامج جميل ورائع استضافت فيه الدكتور سلمى الاستاذ وردى والاستاذ الحلنقي ولعل اسلوب وفن الاخت سلمى في الحوار ، الذى يميل في كثير من الاحيان الى مدرسة حسين خوجلي ، قد اضفى طعما مميزا لحلقاتها .
التصليح لخطأ ورد سهوا في كلمة ملاذي فقد كانت قبل التصحيح (ملازي) - فشكري وعميق امتناني لك اخي المرتضى
Post: #77 Title: Re: برنامج أغاني وأغاني عبقرية الاحتيال والحجز غير المشروع Author: محمد الكامل عبد الحليم Date: 08-12-2011, 03:48 PM Parent: #74
تحية.... يا ود شيقوق انا لا اتابع لكن صديقي اعتاد ان يوقظني عند لحظة تذوق العدس...قبل الرش بالبوهية كما قال عبد الكريم...ورمضان كريم...
Post: #78 Title: Re: برنامج أغاني وأغاني عبقرية الاحتيال والحجز غير المشروع Author: اماني محمد صالح Date: 08-12-2011, 04:17 PM Parent: #77
بصراحة حتي الآن لم اشاهد ولا حلقة كلما افتح القناة القي اعلانات امشي واجي القي عدس وبوهيات بس دعاية العدس حلوة
لكم ودي اماني الروح
Post: #79 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-12-2011, 05:51 PM Parent: #78
لا اتهم الاستاذة اماني بالانحياز للعدس .. ولعلها لا تعلم ان شاعر النيل حافظ ابراهيم قد أثر عنه انه كان يعتبر العدس قاتلا بطيئا .. وذات يوم جاء ليفطر بالمطعم فسأل الجرسون فقال له عندنا عدس زي المهلبيه .. فضحك الشاهر وقال له : من لم يمت بالسيف مات بغيره .. يللا يابني هات (غيره) وريحنا ...............
يبدو ان الاستاذة اماني قد وجدت (غيره) احلي من (اعاني واعاني) ذاتو ..
للعلم الاستاذه لها بوست عن برنامج (اعز الناس) الذي يدار بمهارة شبايية وفيه اصالة يبثها الرائعين المخضرمين وردي والحلنقي ..
عمر علي حسن
Post: #80 Title: Re: برنامج أغاني وأغاني عبقرية الاحتيال والحجز غير المشروع Author: Fawzi Babiker Date: 08-12-2011, 06:47 PM Parent: #79
الاخ ود شيقوق وضيوفه الكرام
تقبل الله صيامكم و قيامكم
Quote: عييييييييك تاني دى شوفتهم لينا
انا تاني بتكامل سلمى سيد بس و يا اعز الناس - اصلا ما شايف غيرو في برامج فضائياتنا الفارغة دي .
Post: #81 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-12-2011, 07:04 PM Parent: #80
ود الكامل المسنوووووووح
Quote: يا ود شيقوق انا لا اتابع لكن صديقي اعتاد ان يوقظني عند لحظة تذوق العدس...قبل الرش بالبوهية كما قال عبد الكريم.
ههههههههههههههها بالغت فيها وكدا تكون تخطيت كيكي بهنااااااااااك
Post: #82 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-12-2011, 07:10 PM Parent: #81
اماني الروح
Quote: بصراحة حتي الآن لم اشاهد ولا حلقة كلما افتح القناة القي اعلانات امشي واجي القي عدس وبوهيات بس دعاية العدس حلوة
هههههههههههها بيكون توقيتك ما صاح
اقول ليك حاجة - وقت البرنامج دا يجي ختى هدومك في الغسالة عين مع الغسالة وعين مع التلفاز وقت يجن الدعايات خليك مع ايقاع الغسالة ولما يبدأ الهجيج وقفي الغسالة وجيبي بنبرك واتحكري لامن الغناء يكمل وهكذا .
العدس دا عاجب الناس كووووووووولهم ما عارف فيهو شنو؟
الناس ديل عاجباهم القدلة بالترولي ولا شنو؟
Post: #83 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-12-2011, 07:15 PM Parent: #82
هههههههههها ات كت سارح وين ؟ انا من بداية البرنامج كنت جالس جنبك في بنبري - الشيئ اعماك واطرشك يا مسنووووووووح
Post: #84 Title: Re: برنامج أغاني وأغاني عبقرية الاحتيال والحجز غير المشروع Author: اماني محمد صالح Date: 08-13-2011, 06:37 AM Parent: #82
الأستاذ الطيب
غسالة شنو والله الغسيل يخلص والعدة تخلص تلقي العدس والبوهيات والحديد شاغلين السنة دي المفروض يتكلموا عن الدعايات في البرنامج العدس وغيره ممكن الجماهة يعلموا اغنية لعدس برضو ويغنوهااحسن برضو ما دام الحكاية عدس في عدس
و المستفيد الوحيد السنة دي صاحب السلعة بتاع العدس ماقصروا معهم خالص ناس السر قدور
يمكن الناس كل يوم يفطروا بالعدس اقتصاد برضو لكم ودي أماني الروح
Post: #85 Title: Re: برنامج أغاني وأغاني عبقرية الاحتيال والحجز غير المشروع Author: Abd-Elrhman sorkati Date: 08-13-2011, 08:51 AM Parent: #68
الاخ الطيب شيقوق
لك من الود الكثير الكثير
أتفق معك علي ما جاء في البوست من عدو ملائمة الفتر الاعلانية الطويلة جدا مع محتوي البرنامج ،،،،
لدي ملاحظات أرجو ان تسمح لي بأبدائها عبر بوستك الجميل .
كبوة هذا البرناج هو مقدمه ( السر قدور ) ،،،،،،، ليه ؟
ماذا يفعل الاستاذ المحترم في هذا البرنامج غير محاولة إمتاع نفسه ؟
اين ما يفيدنا نحن كمشاهدين من عمليات نقد وتحليل وخلافه حول الاغاني المختارة ؟
الاصوات المختارة في البرنامج ،،، أصوات معظمها ضعيف ،، مثال أفراح ونادر خضر !!
لا يبدو أن هناك إعداد مسبق بمعني اعداد العلمي ،،، فكل ما هنالك أغنيات تم الاتفاق عليها مسبق وتم التمرن عليها وقم الشباب بالاداء.
الاستديو ،، غير ناسب لمثل هذا النوع من البامج ،،، فإذا كان تمت مشاورة المخرج حول الديكور ووافق علي ذلك فهذه مصيبة وأما إذا لم
يشاوروه فهذه مصيبتان .
سأواصل معكم ،، مع مودتي Download: eType1.com/f.php
Post: #86 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-13-2011, 11:19 AM Parent: #85
اماني
Quote: غسالة شنو والله الغسيل يخلص والعدة تخلص تلقي العدس والبوهيات والحديد شاغلين السنة دي المفروض يتكلموا عن الدعايات في البرنامج العدس وغيره ممكن الجماهة يعلموا اغنية لعدس برضو ويغنوهااحسن برضو ما دام الحكاية عدس في عدس
و المستفيد الوحيد السنة دي صاحب السلعة بتاع العدس ماقصروا معهم خالص ناس السر قدور
يمكن الناس كل يوم يفطروا بالعدس اقتصاد برضو
زمان ، يا أماني ، الواحد بقول ليك ( الما عارف يقول عدس) بكلامك الفوق دا تاني العارف والماعارف يبكي ويقول عدس
ولا كيف؟
Post: #87 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-13-2011, 11:43 AM Parent: #86
اخي الاستاذ سوركتى
تحية ورمضان كريم
ربنا يجعلنا جميعا من عتقاء هذا الشهر المبارك
Quote: أتفق معك علي ما جاء في البوست من عدو ملائمة الفتر الاعلانية الطويلة جدا مع محتوي البرنامج ،،،،
نعم الله يخليك يا استاذ عبد الرحمن
Quote: كبوة هذا البرناج هو مقدمه ( السر قدور ) ،،،،،،، ليه ؟
ماذا يفعل الاستاذ المحترم في هذا البرنامج غير محاولة إمتاع نفسه ؟
يا سوركتي اخوى ان شاء الله لينا بعمرو وأحاسيسو المولعة لهسه دي
Quote: اين ما يفيدنا نحن كمشاهدين من عمليات نقد وتحليل وخلافه حول الاغاني المختارة ؟
هههههههههها نقد وتحليل ! نقد وتحليل ! ياخ انت طيب طيبة نامن غلط يا سوركتي انت عارف لحظة نقدك وتحليلك ات عارف بيدخل فيها كم اقصد cash wise ?
Quote: الاصوات المختارة في البرنامج ،،، أصوات معظمها ضعيف ،، مثال أفراح ونادر خضر !!
كمان يا عبدو ما تنسى المسألة مش صوت بس - الشغلانية فيها معايير تانية - و لعلمك في واحدين بيحضروا البرنامج دا مش للاستماع نووووووووووووو ديل ناس شوف بس .
Quote: لا يبدو أن هناك إعداد مسبق بمعني اعداد العلمي ،،، فكل ما هنالك أغنيات تم الاتفاق عليها مسبق وتم التمرن عليها وقم الشباب بالاداء.
ياخ في السودان التاجر لما يسوى سمعة تاني الناس بقعوهو ساى دون الاهتمام بنوعية بضاعتو - السر قدور درس وتخصص في سايكلوجية الانسان السوداني كويس . عشان كدا تلقى واحدين خاتين بنابرهم من الساعة 10 منتظرين اغاني واغاني
Quote: سأواصل معكم
الف مرحب بيك ولنا عظيم الشرف يا ود العز
Post: #88 Title: Re: برنامج أغاني وأغاني عبقرية الاحتيال والحجز غير المشروع Author: محمود بكر Date: 08-13-2011, 12:24 PM Parent: #87
ود شيقوق تقبل الله الصيام والقيام عساك والاولاد بخير وجميع الاهل في الصعيد نسال الله ان يجعله لهم خريف طيبا
اما اذا جاز سؤالك عن برنامج (اعلانات) اغاني واغاني فواضح حاله من مداخلات الاخوة هنا عليه نتوقع ان تكون هذه اخر دورة له خاصة انه سيفقد جل اعلاناته وهي السبب تغير موعد البرنامج من اعلى ساعات المشاهدة فترة الذروة الى فترة تعتبر ميتة بمقاييس الاعلانات كل هذه الاعلانات كوم واعلان الحربوية كوم براه المهم تابعوا وردي والحلنقي في اعز الناس
Post: #89 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-13-2011, 12:56 PM Parent: #88
محمود بكر
سلام ورمضان كريم
Quote: اما اذا جاز سؤالك عن برنامج (اعلانات) اغاني واغاني فواضح حاله من مداخلات الاخوة هنا عليه نتوقع ان تكون هذه اخر دورة له خاصة انه سيفقد جل اعلاناته وهي السبب تغير موعد البرنامج من اعلى ساعات المشاهدة فترة الذروة الى فترة تعتبر ميتة بمقاييس الاعلانات
ان شاء الله ما مرقت منها كرهتنا يا محمود اخوى ياخ ديل فضلت ليهو الموليتة بس للاعلان
Quote: كل هذه الاعلانات كوم واعلان الحربوية كوم براه
اها كمان اعلان الحربوية دا لما يجي عندى بتي بتصرخ الا نقفل التلفزيون عشان ترتاح
Quote: المهم تابعوا وردي والحلنقي في اعز الناس
ههههههها دى بوصونا عليها يا محمود ؟
Post: #91 Title: Re: برنامج أغاني وأغاني عبقرية الاحتيال والحجز غير المشروع Author: Abd-Elrhman sorkati Date: 08-13-2011, 03:16 PM Parent: #87
Quote: هههههههههها نقد وتحليل ! نقد وتحليل ! ياخ انت طيب طيبة نامن غلط يا سوركتي انت عارف لحظة نقدك وتحليلك ات عارف بيدخل فيها كم اقصد cash wise ?
ههههههههههههههههههههههههههههههههههههههه شيقوق العزيز ،،،
طيب خليهم يقعدو يدخلوا كدة لمن الناس تفرتق
Post: #90 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-13-2011, 02:52 PM Parent: #1
سنعود لكم بعد الافطار ان شاء الله
Post: #92 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-13-2011, 06:13 PM Parent: #90
Quote: طيب خليهم يقعدو يدخلوا كدة لمن الناس تفرتق
ياخ ناس الاعلانات ديل بقوا زى السمبر برحلوا محلات الخريف السمح ، شوف بعد لحّقوا (اغاني واغاني) امات طه وسمعوا بحاجة اسمها ( يا اعز الناس) جذبت الناس ، شالوا مخاليهم وإتلهموا ليك سلمى سيد عايزين برضو يجيبوا ليك خبرها .
Post: #93 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-13-2011, 09:10 PM Parent: #1
لا للدعايات لا للاعلانات
Post: #94 Title: Re: برنامج أغاني وأغاني عبقرية الاحتيال والحجز غير المشروع Author: صلاح أبودية Date: 08-13-2011, 09:44 PM Parent: #93
بدأت الإعلانات 00:33 ...... إنتهت 00:44 ...... حداشر دقيقه.....
اغنيتين.......
بدأت الإعلانات 00:52 ..... إنتهت 01:00 ..... تمانيه دقائق....
اغنيه واحده.....
إنتهى لبرنامج 01:08 .....
ده طبعا بتوقيت دبي.....
يا شيخ العرب نخلي ليك الحساب......
Post: #102 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-14-2011, 10:28 PM Parent: #101
كدوك
Quote: ده طبعا بتوقيت دبي.....
ههههههها الليلة قطت الشك طاااااااب انك ما شغالة بالكورة ابدا
صاح ؟
Post: #103 Title: Re: برنامج أغاني وأغاني عبقرية الاحتيال والحجز غير المشروع Author: هويدا شرف الدين Date: 08-15-2011, 06:24 AM Parent: #102
عاين يا المسنوح أولا بوستيك دا كرهنا ما بفتح نهائي
بعدين الناس ديل ساحر ليهو ولا شنو البوست ما شاء الله في الردود
تاني اخدها نصيحه مني بعد الفطور افتح قناة قوون فيها برنامج حلو اسمو زاويه مشاتره اول ما تحضر البرنامج دا طوالي تقوم تجري علي الــmbc4 تلقي برنامج America's got talent تستمع خلاص هم الآن في نصف النهائيات بعديها طوالي تحضر مسلسل Friends حلو ولذيذ بعديها بجي مسلسل كدا بايخ ما عارفه اسمو شنو في الةقت دا وبما انك ما بتصلي التراويح تقوم تشرب ليك عصير ولا اي حاجه وتصلي العشاء في زمن المسلسل البائخ دا بعديها ببدا مسلسل How I met your mother تحضروا نص نص مرات حلو ومرات بكون بايخ بعديها تحضر المسلسل الحلو جدا جدا two and a half men بعديها تقوم تشوف ليك عشاء وتمشي تنوم انت تاني يوم ما عندك شغل؟
Post: #104 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-15-2011, 06:33 AM Parent: #103
Quote: تاني اخدها نصيحه مني بعد الفطور افتح قناة قوون فيها برنامج حلو اسمو زاويه مشاتره اول ما تحضر البرنامج دا طوالي تقوم تجري علي الــmbc4 تلقي برنامج America's got talent تستمع خلاص هم الآن في نصف النهائيات بعديها طوالي تحضر مسلسل Friends حلو ولذيذ بعديها بجي مسلسل كدا بايخ ما عارفه اسمو شنو في الةقت دا وبما انك ما بتصلي التراويح تقوم تشرب ليك عصير ولا اي حاجه وتصلي العشاء في زمن المسلسل البائخ دا بعديها ببدا مسلسل How I met your mother تحضروا نص نص مرات حلو ومرات بكون بايخ بعديها تحضر المسلسل الحلو جدا جدا two and a half men بعديها تقوم تشوف ليك عشاء وتمشي تنوم انت تاني يوم ما عندك شغل؟
زوجك بختو غايتو . يعني يقوم من النوم يلقاك مجهزة ليهو قائمة ببرامج اليوم التلفزيونية كوووولها حتى ناس توم آند جيري ذاتهم
ويمكن كمان قائمة بمواقيت الصلاة معلقاها ليهو في كراع عنقريبو . طيب ما عندو دوام يعني ؟ يقابل ليك الرموت كنتورل تتك تتك تتك تتك زى الماسك الباقيات الصالحات
Post: #105 Title: Re: برنامج أغاني وأغاني عبقرية الاحتيال والحجز غير المشروع Author: هويدا شرف الدين Date: 08-15-2011, 07:16 AM Parent: #104
عاين البرنامج دا خاص بي أنا ما بي زوجي لانو زوجي زول صلاه ساي ما زيك البتباري لي في ناس اغاني واغاني بعدين دا كتر خيري أنا فعلا الحسنه في الملعون سدو وإستريح بعدين انا عاوزه اثقفك عشان ما يجيك هارت بالدعايات الكتيره
Post: #106 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-15-2011, 07:55 AM Parent: #105
Quote: لانو زوجي زول صلاه ساي
كويس بس ما ينسى نصيبه من الحياة الدنيا يا هويدا اختي
Post: #107 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-15-2011, 10:17 PM Parent: #106
Quote:
بتك ولا بت بتك يا الطيب
انت بتغش في منو
يا خالو
طال انتظاري لأري الدكتور والمستشار (صورة وصوت) هنا .. ولكن احدهما لبس طاقية الاخفاء وجاء الاخر مدافعا عن (الحربوية) .. وظاهر ان كليهما لديه (طمام) من البرنامج الذي تمدد يابسا في مساحته بعد ان ذبلت اوراقه وتكررت فيه الضحكات الباهته بلا معني ..
ولو لم يجد دكتورنا القرشي شيئا في البرنامج والبوست غيرالحربوية فإن مستشارنا لن يطيل الحيرة اذا منح نفسه فرصة لتأمل بقية الاعلانات فهي بلا شك تؤثر سلبا علي كل ذي عقل .. خاصة عمارة العمدة التي ما سبقه عليها احد من ابائنا الاولين ..
ياخي قول لهم رمضان كريم .. وإنا نأتي الارض ننقصها من اطرافها .. لعلهم يفهموا !
عمر علي حسن
Post: #108 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-15-2011, 10:22 PM Parent: #107
خالي
خمشت البوست من القاع ؟
عافي منك دنيا وآخرة
ليلنا أليل ولا مناص من الذهاب للعنقريب لزوم النوم لنعود للكتابة غدا بمشيئة الله
دعواتك يا ابوى ولدك باقي رامي عينو بعييييييييييد
Post: #109 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-15-2011, 11:30 PM Parent: #108
Quote: دعواتك يا ابوى ولدك باقي رامي عينو بعييييييييييد
اللهم يا مجيب دعوة الصائم .. تلحقنا .. ولا تسلط علي هذا البوست (حديد أسعد) فيحتل به (حتلوبا) .. و(ثبته) يا ربي فوووووووووووق لامن يجي الطيب راجع
عمر علي حسن
Post: #110 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-16-2011, 10:29 AM Parent: #109
سعادتك
Quote: اللهم يا مجيب دعوة الصائم .. تلحقنا .. ولا تسلط علي هذا البوست (حديد أسعد) فيحتل به (حتلوبا) .. و(ثبته) يا ربي فوووووووووووق لامن يجي الطيب راجع
يطول عمرك ويديك العافية
قول آميييييييين
Post: #111 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-16-2011, 08:29 PM Parent: #1
عدنا والحمد لله
Post: #112 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-18-2011, 11:48 PM Parent: #111
Quote: عدنا والحمد لله
العود احمد .. خاصة من برنامج (اعاني وأعاني)
امس شهدت اكثر الاعلانات وجزءا من الحلقة ..ولولا الحياء والاحترام لتاريخ الاستاذ قدور اصرخت في وجهه (شرطت عيننا) . هذا الرجل فنان ومثقف ومعاصر ومعايش لجيل لا يتكرر .. لو اكتفي بالحيث عنهم لكسب الاعجاب وفاز بالتقدير .. اما مايقدمه مع شوية الهتافة المصاحبين له فلا يليق بمثقف مثله
عمر علي حسن
Post: #113 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-19-2011, 08:57 AM Parent: #112
Quote: هذا الرجل فنان ومثقف ومعاصر ومعايش لجيل لا يتكرر
يا خال الراجل دا بقبل أى همسة من صديق عقلاني؟
خليهو يا خال اصلا ما بين العبقرية والجنون شعرة .
Post: #114 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-19-2011, 08:23 PM Parent: #113
Quote: خليهو يا خال اصلا ما بين العبقرية والجنون شعرة .
وهذا مايبقي علي حفنة مشاهدين للبرنامج
عمر علي حسن
Post: #115 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-19-2011, 08:49 PM Parent: #114
Quote: وهذا مايبقي علي حفنة مشاهدين للبرنامج
نعم يا خال شايفك بالحيل ممكون منو
Post: #116 Title: Re: برنامج أغاني وأغاني عبقرية الاحتيال والحجز غير المشروع Author: mohmmed said ahmed Date: 08-20-2011, 07:44 AM Parent: #115
الاعلانات كثيرة وطويلة ومملة
فى نوع اعلانات كدا ما بتتشاف الا فى تلفزيونات السودان
يعنى انا ما شفتا كمية اعلانات قدر دا عن البوهيات
بعدين عليكم الله العدس وجبة الفقراء دا داير ليهو اعلان
البرنامج فقد بريقه ةسقط فى التكرار والسر قدور زول مستهبل
Post: #117 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-20-2011, 08:01 AM Parent: #116
محمد سيد احمد
كيفك يا مولانا ورمضان كريم
Quote: بعدين عليكم الله العدس وجبة الفقراء دا داير ليهو اعلان
لا لا لا يا محمد اخوى كلووووو ولا اعلان العدس دا - كان الجماعة سمعوا كلامك دا بلحقوك امات طه .
Quote: البرنامج فقد بريقه ةسقط فى التكرار والسر قدور زول مستهبل
صحيح واصبحت دي قناعة الجميع
لك شكري يا محمد بس ليك غيبة
Post: #119 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-20-2011, 07:21 PM Parent: #117
Quote: شايفك بالحيل ممكون منو
لا والله .. هذا الرجل علم ولا بد ان يفهم ان هذا البرنامج يقلل من قدره ومكانته شوف
Quote: البرنامج فقد بريقه ةسقط فى التكرار والسر قدور زول مستهبل
عمر علي حسن
Post: #118 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-20-2011, 06:48 PM Parent: #1
نواصل
Post: #120 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-21-2011, 06:42 AM Parent: #118
Quote: لا والله .. هذا الرجل علم ولا بد ان يفهم ان هذا البرنامج يقلل من قدره ومكانته
بالتأكيد يا ابا امير
الكثيرون يحاولون النيل من أمجاده تلك بسبب هذا البرنامج
Post: #121 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-21-2011, 09:17 PM Parent: #120
شيل يامان .. انت مالك ميتان كده
عمر علي حسن
Post: #122 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-21-2011, 09:39 PM Parent: #121
Quote: شيل يامان .. انت مالك ميتان كده
كنت في اجازة يا خالو
انتو مالكم ما بتعرفوا؟
Post: #123 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-21-2011, 09:54 PM Parent: #122
Quote: كنت في اجازة يا خالو
مشيت ليبيا ؟
عمر علي حسن
Post: #124 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-22-2011, 06:36 AM Parent: #123
Quote: مشيت ليبيا ؟
غمرتني الفرحة وكأني امرح افرحا معهم في ساحة الشهداء ( الخضراء سابقا)
Post: #125 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-22-2011, 08:50 PM Parent: #124
Quote: غمرتني الفرحة
يزيدك فرح .. لكن صاحبك لي حسع يصفهم بانهم جرذان ويسب ديانتهم باعتبارهم كفارا !! اها السر قدور وحديد الاسعد كيف ؟
عمر علي حسن
Post: #126 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-22-2011, 09:40 PM Parent: #125
Quote: اها السر قدور وحديد الاسعد كيف ؟
معليش يا خالو اليوم جاني المرتضى اشيل واردم ليهو في البليلة المسبكة شفت كيف - لا عايز يكتب في سودانيز ولا عايز يخليني اكتب شفت كيف؟
نحن يا خالو اولاد بلد ما بنستورد الحديد شفت كيف ؟
لكن بيت خالو صاح
Post: #127 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-22-2011, 09:44 PM Parent: #122
يا خال الحق البوستات التانية ما بتفتح - اوع سودانيز لفخوها تاني؟
Post: #128 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-23-2011, 12:58 PM Parent: #127
Quote: لا عايز يكتب في سودانيز ولا عايز يخليني اكتب شفت كيف؟
وانا ايضا في مفترق طرق مع كتيرين اعرفهم ,, ناقشته طويلا في مرارات نتفق عليها تماما .. وتجعل المنبر موردا للمزالق .. هل العالم يتغير من حولنا ونحن عالقون في سارية الفضيلة والمثل ؟
الاحظ تناقصا في المشاركات وغيابا لاعضاء نشطين ومؤثرين !
Quote: يا خال الحق البوستات التانية ما بتفتح - اوع سودانيز لفخوها تاني؟
ظننت ان ذلك من كمبيوتري وتشاجرت معه . كذلك لاحظت ان مشاركاتي تحسب باليوم وليس بالواحدة .. بعني لو كتبت في يوم واحد عشر مداخلات فانها تحمل جميعها نفس الرقم وهكذا ..
هل نطوّل بالنا .. ام ماذا ؟
عمر علي حسن
Post: #129 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-23-2011, 02:49 PM Parent: #128
جاييكم يا خالو
انا الان مع باب العزيزية
Post: #130 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-23-2011, 07:26 PM Parent: #121
يا خال
انا اليوم ماسك الرموت زى سبحتك طق باب العزيزية وطق يا اعز الناس ووقت الثوار سخنو ودخلوا باب العزيزية قلت سيبك من الطمبور وعييييييييييك مع الثوار
Post: #131 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-23-2011, 08:01 PM Parent: #130
Quote: طق باب العزيزية وطق يا اعز الناس
منذ ستة اشهر نردد اذا ذهب الحمار بام عمرو فلا عادت ولا رجع الحمار .. ونردد بمرارة (طيار نمر) ..
زولك رووووووووووووّح من 17 فبراير والباقي حراق روح .. لكن اعز الناس يعيد للحياة من مضوا علي درب الخلود وتركوا اثرا نستبقيه ونفخر به .
سبّح يا خالو سّبح وتعال راجع
عمر علي حسن
Post: #132 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 08-23-2011, 09:18 PM Parent: #131
Quote: لكن اعز الناس يعيد للحياة من مضوا علي درب الخلود وتركوا اثرا نستبقيه ونفخر به .
لا يمكن التعويل على ماضينا فحسب يا خالو .............
Post: #133 Title: Re: برنامج أغاني وأغاني عبقرية الاحتيال والحجز غير المشروع Author: عمر علي حسن Date: 08-25-2011, 11:37 PM Parent: #132
Quote: لا يمكن التعويل على ماضينا فحسب يا خالو .....
المشكله ياشيخي اننا لانملك ما نعول عليه غير الماضي .. وعشان مانعمل لينا حبة حاضر عايزين زمن .. يديك طولة العمر
عمر علي حسن
Post: #134 Title: Re: برنامج أغاني وأغاني عبقرية الاحتيال والحجز غير المشروع Author: الطيب شيقوق Date: 09-17-2011, 06:25 AM Parent: #1
