إنجمامة طيبة بِحب الناس ... وللكلمة الطيبة فيها دور وأساس

إنجمامة طيبة بِحب الناس ... وللكلمة الطيبة فيها دور وأساس


06-27-2008, 03:00 PM


  » http://sudaneseonline.com/cgi-bin/sdb/2bb.cgi?seq=msg&board=211&msg=1241487127&rn=179

Post: #1
Title: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 03:00 PM
Parent: #0

باسم الواحد الأحد الحي الصمد نبدأ مشوارنا الرابع وتحت شديراتنا منجمين ( علي هبابي منتكين )
عزمنا ومسكنا دربنا أن نفشيها كلمة طيبة بيننا تطل مسدارنا.. تظل مغنانا
والدنيا قيدَّ قصير ورهيف بصفاءنا ومودتنا نعيشها نتذوق طعمها أغشونا يا الحبان
وفي إنجمامتنا كلمة طيبة قبل الندامة

نعم تظل تجمعنا فأجمعوا وإنجموا

تحياتي لكل أركانها وأعمدتها الصلبة .. وحلفنا يمين نظل واقفين نحملها كلمة طيبة ليوم الوقف والدين نفوز بها يوم لا ينفع مال ولابنون ألا من أتى الرحمن بقلب سليم .

الأعزاء وزي ماقال ودأبوالقاسم هنَّ أولاً
سمية الحسن طلحة ( ريحانة البطانة
سماح ( قمر سبعتين )
سلمى صبحي ( حمامة السلام )
الغائبات من زمن
ممكونة وصابرة والله يصبرك
سلمى سلامة زيارة العيدين
تيسير المبارك ( القاطعت البورد )
الأخت الفاضلة وضاحة

الأخوان
العم كمال حادي الركب
الحبيب الرطاني أبوبكر سيدأحمد ( إشارة حمراء للدبيب )
العزيز ود شيقوق درة الإنجمامة
الحكيم الراسي ودأبوالقاسم
فنانا وعريسنا الغائب أبي بكر سيدأحمد
جوهرة مغنانا السمح محي الدين جبريل
أياك أعني الظريف ايمنوف
وعاد لاوين غبابك الجميل القمر بوبا
نفسي تخلي الركلسة ودالبطانة العبيد
عسل البوست الصافي أبارو
الحبان وبجونا متردفين في العجلة الدبل ( ودالمرتضى وأحمد القرشي )
تيمان برقو المابتفرقوا ( ودالبشرى وودالصايم )
مازن الجمال
ودالخليفة الكتيابي ( أبوبكر )
لؤي الجميل الهارب
ولكل من فاتني ذكر اسمه أنتم في القلب مكانكم محفور فينا بكل حرف وكلمة كتبتموها أو سطرتموها في إنجمامتنا
لكم جمعياً أخلص مودتي التي أحملها لكم جميعاً أخوات وأخوة عرفناهم عبر الفضاء الأسفيري تعمقت بهم أواصر علاقتي ونسأل الله أن يديم بيننا المحبة إلى يوم نلقاها .. واتمنى لكم من كل قلبي حياة سعيدة بين أسركم وأن يمتعكم الكريم العالي بالصحة والعافية وأرقدوا عافية يا الحبان.

تحياتي ومودتي
Post: #2
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 03:10 PM
Parent: #1

لكل القراء الحلوين وزينين من غير الأعضاء
لكل الزوار الكرام الجدد
لكل أعمدة الإنجمامة الطيبين
أهديكم عازة
والفراق بينا طال والحال جد أضحى محال فهل للعودة سبيل




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #4
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 03:19 PM
Parent: #2

ريحانة البطانة حلفنا نبدأ بيك
وكما وعدتي لو الله هون الأمر أن تكوني أول زائر لإنجماتنا وشديراتنا في تجددها المفروض علينا ولا يد لنا فيه...

طريت برق الفويطر الشال
وسال دمعي البكب وشال
كمل صبري ومنامي إنشال
لبس من ناري عمة وشال

فهلا جاد قلمك مجارة لهذا الحديث أو من مما قيل قبل
تحياتنا لك يا ريحانة
Post: #3
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد البشرى الخضر
Date: 06-27-2008, 03:14 PM
Parent: #1


ود المنسي الهميم سلامي يـوت يغشـاكم
مبروك الجديد على الزين و السمح يلقاكم
حبيت اكون من بدري في الإنجمامة معاكم
سـائل الكريم يحفـظها بـرعايتو يتولاكم
Post: #5
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: حاتم هاشم
Date: 06-27-2008, 03:31 PM
Parent: #3


بسم الله الرحمن الرحيم

اب احمد وزواره الافاضل .. حياكم الله .

جينا نبارك الحوش الجديد
ونعتزر علي الغيبه
ونبلغك سلام هاشم وامه

انا رحلت عشان كده التلفون اتغير

كتير السلام لاحمد وامه
والباش مهندس صديقك اللدود(الرطاني)
وانشاء الله بتصل في اليومين ديل

تحياتي يا غالي


ــ
ابوهاشم .
Post: #6
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد عبد الماجد الصايم
Date: 06-27-2008, 03:31 PM
Parent: #1

يا عمكـ

مبروك ليكم الفريجن 4


ربنا يجمعكم دائما على الكلمة الطيبة وسماحة الأخلاق


تحياتي لكل المنجمين واللي حينجموا معاكم في النسخة الجديدة
Post: #7
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 03:38 PM
Parent: #6

Quote: ود المنسي الهميم سلامي يـوت يغشـاكم
مبروك الجديد على الزين و السمح يلقاكم
حبيت اكون من بدري في الإنجمامة معاكم
سـائل الكريم يحفـظها بـرعايتو يتولاكم

الجميل ودالبشرى حبابك ونحن بنرش في شديراتنا مرحبابك أبقى داخل يا الزين والسمح فالك
الشكر الجميل ديدن العاجز فلك الشكر على هذه الزيارة المبكرة يا طيب
الله يحفظ لك الحلوين

تحياتي ومودتي
Post: #8
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد البشرى الخضر
Date: 06-27-2008, 03:40 PM
Parent: #1

ود المنسي رغم ان الكلام لبت طلحة لكن جن براهن
Quote:
طريت برق الفويطر الشال
وسال دمعي البكب وشال
كمل صبري ومنامي إنشال
لبس من ناري عمة وشال

طريت البعيد و شاغل البال
قلب السجم الما بتستر الحال
العَبْرَة تخنق و الدمع هطال
ياني صريع الفراق كان طال


بعذري يا ود المنسي .... بعذري
Post: #9
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 04:04 PM
Parent: #8

بسم الله الرحمن الرحيم

شكرا الاخ العظيم وحادي ربكنا المقتدر الاستاذ خالد محجوب المنسي

العم كمال والاعضاءالاعزاء ( اينما وردت عبارة عضو تشمل الجنسين) الاخوة الضيوف الكرام .

http://www.shathaaya.com/vb/showthread.php?t=60148


لكم جميعا عميق محبتي
Post: #10
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: Osman Musa
Date: 06-27-2008, 04:28 PM
Parent: #9


ودعمى ودالمنسى
اها بدور اتكل عصاتى
واملص مركوبى وهاك يا انجمامة
أول نحنا ساعين ليها بقر ؟
Post: #11
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-27-2008, 04:35 PM
Parent: #1

Quote: باسم الواحد الأحد الحي الصمد نبدأ مشوارنا الرابع وتحت شديراتنا منجمين ( علي هبابي منتكين )
عزمنا ومسكنا دربنا أن نفشيها كلمة طيبة بيننا تطل مسدارنا.. تظل مغنانا
والدنيا قيدَّ قصير ورهيف بصفاءنا ومودتنا نعيشها نتذوق طعمها أغشونا يا الحبان
وفي إنجمامتنا كلمة طيبة قبل الندامة

نعم تظل تجمعنا فأجمعوا وإنجموا

تحياتي لكل أركانها وأعمدتها الصلبة .. وحلفنا يمين نظل واقفين نحملها كلمة طيبة ليوم الوقف والدين نفوز بها يوم لا ينفع مال ولابنون ألا من أتى الرحمن بقلب سليم .


مبروك للجميع النيو لوووك
Post: #12
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-27-2008, 05:05 PM
Parent: #11

Quote: Quote: باسم الواحد الأحد الحي الصمد نبدأ مشوارنا الرابع وتحت شديراتنا منجمين ( علي هبابي منتكين )
عزمنا ومسكنا دربنا أن نفشيها كلمة طيبة بيننا تطل مسدارنا.. تظل مغنانا
والدنيا قيدَّ قصير ورهيف بصفاءنا ومودتنا نعيشها نتذوق طعمها أغشونا يا الحبان
وفي إنجمامتنا كلمة طيبة قبل الندامة



ياها ملازنا في الدنيا أم هجيراَ حي
يوت ماأفوتا يجيبني عليها حالي البي
جامعة حديث بنادر حت ثقافة الخلا والصي
سلامنا قلاد نضمنا نجيض وما بنعرف نسوي الني
الدايرنا والله حبابو والفايتنا يفوتو الــــري
******************

وحاتكم يالاحباب كان شفتو حالتي قبيل الصباح تحنن
فتحت المنبر وقدر ما فتشت للانجمامة في السهم ما لقيتا؟
عملت بحث .......ولا الحبه دي
رجعت قوقلت حتين لقيتا في مكتبة الريس ودالنسي
Post: #13
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 06:16 PM
Parent: #12

وصلت المداخلات للحادي عشر ولم أرى من اخواتنا الكريمات
وينك يا بت طلحة وحمامة السلام سماح معذورة بتظهر يوم السبت

وانا أتصفح المداخلات قلت الشي شنو صيوان بكى ولا توب مافي

تحياتي اخوتي وبرجع لكم واحد واحد
Post: #14
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 06:24 PM
Parent: #13

Quote: جينا نبارك الحوش الجديد
ونعتزر علي الغيبه
ونبلغك سلام هاشم وامه

أخي ورفيقي حاتم هاشم
لك تحياتنا سلام يا طيب
والله مشتاقين يا أبوهاشم
حاتم أشتهينا كلام ودعكير وكلام الحارلو ولينا مدة
عليك الله ما تغيب مننا
ومبروك البيت الجديد وخالص تحياتنا لهاشم ووالدته

يا شيقوق بتقول شنو فوق حاتم هاشم دا
الأب شايقي
الأم جعلية من شندي
والزوجة حلفاوية
وهاشم الأبن ( شاجعلفاوي )
Post: #15
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-27-2008, 06:24 PM
Parent: #13

Quote: وانا أتصفح المداخلات قلت الشي شنو صيوان بكى ولا توب مافي



قر قر قر قر

علي قول سماحنا

عارف المسلط داك بكون كجرن عشان ما يجن....
باقي ليه يومين بضرب تلفونات مايرنو
Post: #16
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 06:29 PM
Parent: #15

Quote: مبروك ليكم الفريجن 4


ربنا يجمعكم دائما على الكلمة الطيبة وسماحة الأخلاق


تحياتي لكل المنجمين واللي حينجموا معاكم في النسخة الجديدة


الفاضل الكريم ودالصايم وليك منا مدة صايم
ونرجو أن تفطر علينا في إنجمامتنا في الربع الثالث لعام 2008

ومرحب حبابك ويا هلا

وعنقريب موجود بس نزلو من الشديرة الغادي ديك
Post: #17
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 06:35 PM
Parent: #16

Quote: طريت البعيد و شاغل البال
قلب السجم الما بتستر الحال
العَبْرَة تخنق و الدمع هطال
ياني صريع الفراق كان طال


بعذري يا ود المنسي .... بعذري


ندعو الله أن يسرع بعودة الشاغلين البال يا ودالبشرى

قالوا الواحد لما تغيب منه الزوجة وتسافر وكما تربينا دوما نخفي مشاعرنا وبالذات أمام الناس نقول والله مشتهي الوليدات شديد والواحد الشوق بكون كاتلو لام الوليدات

تحياتي ودالبشرى
Post: #18
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 06:48 PM
Parent: #17

Quote: بسم الله الرحمن الرحيم

شكرا الاخ العظيم وحادي ربكنا المقتدر الاستاذ خالد محجوب المنسي

العم كمال والاعضاءالاعزاء ( اينما وردت عبارة عضو تشمل الجنسين) الاخوة الضيوف الكرام .

ولع قلبي جمراً حي
ومابتطيفهو آه وأحي
ويازينة ربوع الحي
ولي دياركم يعود الحي

الرائع الحبيب للقلب ودشيقوق بقدر جمال قلبك لك مني كل الأماني الطيبة بعلاقة طيبة بعيدة عن كل صفحية طحنية وتيمس ونهر جاف ...مع الباشمهندس الرطاني

أمتعنا بحلو حكاويك وقصصك الجميلة
نود أن يكون هذا العدد أن صحَّ التعبير مميز بكل جميل ومنتقى ...

لك المودة
Post: #19
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 06:52 PM
Parent: #18

Quote: مبروك للجميع النيو لوووك


قالوا الحكمة يمنية ونحن بنقول الحكمة نصبت خيمتها بين رفاعة والحصاحيصا..

مبروك علينا كلنا يا ودابوالقاسم
أنهر ونزل لينا الصور والبرياني راجينا

تحياتي
Post: #25
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 07:23 PM
Parent: #18

رغم حسن النوايا التي كتبت بها في هذه المساحة ولكن يبدو ان بعض الاخوة /ت لم يتسع صدرهم/ن بما جاء فيها . عليه اعتذر لمن لم يحتمل منهم ومنى لهم العتبى حتى يرضوا .
Post: #20
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 06-27-2008, 06:53 PM
Parent: #17

الأخ الفاضل خالد المنسي
وأهل الإنجمامة كاااافة
مبروك البوست الجديد وان شاء الله عامر بالكلمة الطيبة وبحب الناس



دعواتنا أن يرفرف السلام والتقدير والإحترام في كل مكان.

تقديري للجميع
Post: #21
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 07:02 PM
Parent: #20

Quote: ياها ملازنا في الدنيا أم هجيراَ حي
يوت ماأفوتا يجيبني عليها حالي البي
جامعة حديث بنادر حت ثقافة الخلا والصي
سلامنا قلاد نضمنا نجيض وما بنعرف نسوي الني
الدايرنا والله حبابو والفايتنا يفوتو الــــري
******************

وحاتكم يالاحباب كان شفتو حالتي قبيل الصباح تحنن
فتحت المنبر وقدر ما فتشت للانجمامة في السهم ما لقيتا؟
عملت بحث .......ولا الحبه دي
رجعت قوقلت حتين لقيتا في مكتبة الريس ودالنسي

الظريف أبارو
يا سلام على هذا الكلام الجميل
تعرف يوميا أنا بقوم بعد ما أتجهز للخروج بجلس أشوف الميل بوكس وبدخل لي دخلة خفيفة أفتش الإنجمامة اليوم الصباح والصباح لجمعة مباركة قلتا سلام يا الماسنجر كرّو دخل علي ودشيقوق قال لي :
والله رأسي مقطوع بكري ودا الإنجمامة دي وين
فعلاً الإنجمامة أصبحت لنا ملاذ أفكارنا وأرواحنا للتلاقي والفضفضة
لذا سوف نعض عليها بالنواجز ونحفظها علاقات طيبة بيننا تحفها كلمات طيبات نقولها
وحتى حامض حديثنا فحواه طيبة ورقة قلب

تحياتي ابارو
Post: #22
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 07:11 PM
Parent: #21

Quote: ودعمى ودالمنسى
اها بدور اتكل عصاتى
واملص مركوبى وهاك يا انجمامة
أول نحنا ساعين ليها بقر ؟

سلام طيب جاك يا ودموسى عثمان
تكل العصا يحتم المكوث والاستقرار وها انت قلتها ونحن يوم سعادتنا يا ودموسى أن تتكل عصاك علي احد شديرات الإنجمامة نتجاذبها كلام حلو طيب.

مكتول غرام الشاعر ودعكير عارفك وبجيب ليك ودهاشم حاتم موسوعة في الشعر ومن اربابه

تحياتي ومودتي
Post: #24
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 07:17 PM
Parent: #22

Quote: الأخ الفاضل خالد المنسي
وأهل الإنجمامة كاااافة
مبروك البوست الجديد وان شاء الله عامر بالكلمة الطيبة وبحب الناس

السجع طبع الحمائم
وزيدي من هديلك وأطربينا يا حمامة السلام
ولك السلام كيمان كيمان وتحت شديراتنا وفي إنجمامتنا الربع الثالث

الحب والوئام والمودة جعلناه شعارنا وقامه كلمة طيبة

غصن الزيتون معلق في صدرونا ننادي بأعلى أصواتنا يا شباب السودان اتحدوا.

ربنا يديمها بيننا مودة وحب ووئام

تحياتي
Post: #23
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-27-2008, 07:14 PM
Parent: #21

Quote: دعواتنا أن يرفرف السلام والتقدير والإحترام في كل مكان.

تقديري للجميع

حمامة سلامنا بركه الجيه وبركه الشوفه

ظلي فينا
ورفرفي رفرفي يا طيور السلام


الريس منسي
Quote: فعلاً الإنجمامة أصبحت لنا ملاذ أفكارنا وأرواحنا للتلاقي والفضفضة
لذا سوف نعض عليها بالنواجز ونحفظها علاقات طيبة بيننا تحفها كلمات طيبات نقولها
وحتى حامض حديثنا فحواه طيبة ورقة قلب

تحياتي ابارو


صدقاَ لي كلامك لمن شفت صورة شيقا جاني إحساس إني بعرفو شديييييد
ياخي زول يبعث الراحه في النفس
بالجد والله






ما يقوم يصدق ويفتكرها هدنه دي بس عشان خاطر حمامة السلام بيناتنا
Post: #26
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 07:33 PM
Parent: #23

Quote: العم كمال / تاجر بالسوق العربي محلات بيع العطور والكبريتات المجيهة
الرطاني / منادى للركاب بالميناء البرى ( الخرطوم شندى - عطبرة - دنقلا وبالعكس )
ابو بكر السنجك / سائق حافلة الخرطوم السجانة وبالعكس
ابو بكر ابو القاسم / مصدر ابل لجمهورية مصر العربية بيكون لابس سديري طبعا
المنسي / جرسون وينادى يلا علينا يلا علينا - بكرة الاكل مجان
ايمنوف / يكون من النوع العاطل الاهلو مروقين لابس سمح وصندوق البينسون في جيبو وشغال معاكسات في الجكس.
ابارو / ماسك تذاكر سينما مدنى

بوبا / عازف اورقان كارب يعزف في الحفلة وعيونو بجاى وبجاى محلات المطايب البشرية .

سماح / ...................................

صبوحة / بتشتغل في منديل حرير - ما بتمها لانو في تكميم للحريات العامة وحظر لسماع الراى والراى الاخر .


بت طلحة / مع البهمان تفك ده وتربط ده - هييييييييييييييييييع

الله يجازي محنك يا مقطوع المسنوح ومسلط
نسيت ديل
ودالمرتضى محاسب في المجلس البلدي
ودالقرشي مزارع سمسم وعيش في القضارف
ودالعبيد سواق لوري تراب
عثمان موسى بتاع كنتين
محي الدين بتاع فول عندو طربيزة بالليل في الشارع مابدين أصلو
سماح مدرسة روضة
ودالبشرى جزار وحب المطايب
ودالصايم سمكري عربات
Post: #28
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 07:39 PM
Parent: #26

Quote: سماح مدرسة روضة


ود المنسي اوعاك تتدخل هنا . انت قول قصيدك فيها وقول نميمك فيها وقول غناءك فيها لكن لكن لكن ما تغير ال ..........................( قد تكون خير او شر ولكن يرجح الاخير )
Post: #27
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-27-2008, 07:35 PM
Parent: #23

Quote: تصوري لاعضاء/ت الاجمامة ان لم يجدوا حظهم من التعليم فماذا يكونون :



والله شكلو كده البرياني قام بيك صحي صحي

ياخي ضحكت لمن كشحت كباية المويه الجمبي


Quote: ابارو / ماسك تذاكر سينما مدنى


عارف كمان أخوك لئيم كلبه والده شالو جناها سكة عمي

اها الباقين شيل شيلتك معاهم
Post: #29
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-27-2008, 07:44 PM
Parent: #1

ود المنسى .............سلام

أصلو أخونا ممدوح قام عمل بدل فاقد للإنجمامة وإبتدرها :

Quote: أصلو بكري قرش الانجمامة في مكتبة ود المنسي
ويا شيقا إلا تطير


والصور بتاعت البريانى كثيرة ، لكن والله أشهد ود شيقوق عينو نجيضة ووصاااااف كدى راجع الصور دى مع كلامه دا :


Quote:

بدينا بالشوربة الما خمج اتقول مصنوعة في بيت عمك حسن عباس صبحي .
والخضار التقول قائم في ارض قريرة طرف البحر اخضاااار ومفرهد
وبعد شوية مشينا ليك على البوفيه المفتوح واقفين في الصف الف احمر - الشى طبعا بهلة ساى تخم على كيفك ما لذ وطاب اتقول الجنة بس . اخوك مسك ليك الصحن الوهيط وعامل فيها تقييييييييل زى اولاد البندر انوّع في الاكل البعرفو والما بعرفو .

مشيت ليك على التربيزة المعالق والشوك ملفلفة زى جنازة الطفل الولدوهو الليلة . كرررررررر جريت ليك اللفاف بتاع المعالق وانبهلن قدامي ويلا شوف الاكل براااااااااااااااحة زى اولاد البندر . اتاري المسنوح خاتي الكاميرا في جيبو . طلع الكاميرا وبصور وانا غافل مع المطايب . اها بعد شبعنا طااااااااب مشينا التحلية الماخمج على اليمين اخم واشحن وما عارفو شنو ذاتو .

هيييييييييييييييع







ثم : الخضار:








ثم وصفو للبوفية بكل ما فيهو :






ثم التحلية :






هذه النظرة رأيك فيها شنو؟








وأخيراً صورة جماعية ومعنا أستاذنا مدنى العرضى الحسين أول من تدربت على يديه فى الحصاحيصا وأعاننا على الدرب أيما إعانة:
Post: #30
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: تماضر الخنساء حمزه
Date: 06-27-2008, 07:47 PM
Parent: #1

طريت سمح الكلام ناسا عزازبالحيل
من دونكم صباح لابس عباية الليل
لاجاتنا الشمس لاعرفنا دربو شليل
ياربي الكريم وين ألقى زي ناس ديل؟؟


سلامات وكده
Post: #31
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: هند محمد
Date: 06-27-2008, 07:54 PM
Parent: #1

التحايا العطرة لكل أهل الانجمامة ..
ويبقى أجمل
لما من نور المجرة
نبنى كل الدنيا منزل
لافى صيدة ولافى صايد
ويبقى أجمل ..
لو ندا البشرية درا
شفنا فايض خيرو بشمل
كل بائس غير فوائد
يبقى أجمل ..
لو سنى المولى استقرا
فى القلوب أخر وأول
والسلام الغاب وطول
موجو يجتاح الجلامد
ويبقى أجمل ..
لما نعرف فى سطور
قدر المنزل
أنو كل الكون دا بايد ..
السلام وأعذب التحايا وشكرا للمساحة الجميلة
Post: #32
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-27-2008, 08:04 PM
Parent: #31

رقيقتان كالنسمه عطرتا إنجمامتنا
ولكأني بأحداهما سحابه أظلت رحال في عتمور الاسفير
والاخري كنهري كان يعتقده سراباَ حتي إذا وصله إرتوي حد الغرق

تماضر وهند
طله بهيه وخليكم قراب
Post: #34
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 08:19 PM
Parent: #32

Quote: التحايا العطرة لكل أهل الانجمامة ..
ويبقى أجمل
لما من نور المجرة
نبنى كل الدنيا منزل
لافى صيدة ولافى صايد
ويبقى أجمل ..
لو ندا البشرية درا
شفنا فايض خيرو بشمل
كل بائس غير فوائد
يبقى أجمل ..
لو سنى المولى استقرا
فى القلوب أخر وأول
والسلام الغاب وطول
موجو يجتاح الجلامد
ويبقى أجمل ..
لما نعرف فى سطور
قدر المنزل
أنو كل الكون دا بايد ..
السلام وأعذب التحايا وشكرا للمساحة الجميلة


يا سلام يا هند يا جميلة كلك ذوق وزدنا روعة وجمالا بطلتك الزاهية والجميلة كونى معنا يا جميلة على الدوام ها هنا
Post: #33
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد البشرى الخضر
Date: 06-27-2008, 08:15 PM
Parent: #1

Quote: ودالبشرى جزار وحب المطايب

لاحولا لا قوة
ميكانيكي جاز مالا عيبها لي
Post: #35
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 08:25 PM
Parent: #33

تماضر السمحة تماضر التحفة تماضر المتجلية دوما على المنبر العام

Quote: طريت سمح الكلام ناسا عزازبالحيل
من دونكم صباح لابس عباية الليل
لاجاتنا الشمس لاعرفنا دربو شليل
ياربي الكريم وين ألقى زي ناس ديل؟؟


العز والجمال بيك بوجودك يا العزيزة


Quote: سلامات وكده


وكده شنو نحن اناس جبلنا على الشفايفة ورينا عديييييييييييييييييل كده ما تستحي الكل هنا يحبوك يا التماضر ومنتظرين من زمااااااااااااااااان وجودك بيننا .



عميق احترامي
Post: #36
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 08:32 PM
Parent: #33

Quote: ود المنسي اوعاك تتدخل هنا . انت قول قصيدك فيها
وقول نميمك فيها وقول غناءك فيها لكن لكن لكن
ما تغير ال .........................
( قد تكون خير او شر ولكن يرجح الاخير )


سمح وسمعاً وطاعة يا الحبيب
Post: #37
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ALazhary2
Date: 06-27-2008, 08:38 PM
Parent: #1

الأخ الزميل العزيز خالد

تعرف فكرة موضوعك الفات حق الإنجمامة سمح جداً جداً والمداخلات زادته روعة بس كان فيه مشكلة واحدة:

العنوان حقه كان عجيب .

ياخي عنوان طويل جداً وزحمة وتحس لما شامي ومغربي غاية حاجة كدا زي ساندويتش فيه مربى وعسل وطحنية وكستر وجلي ومديدة حلبة لكن هسع عنوانك الجديد سمح بالحيل وخفيف وظريف .

عليك الله ياخالد قارن بين عنوان الموضوع دا وعنوان الموضوع المشى المكتبة.

تحياتي وتقديري
Post: #38
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 08:46 PM
Parent: #37

Quote: طريت سمح الكلام ناسا عزازبالحيل
من دونكم صباح لابس عباية الليل
لاجاتنا الشمس لاعرفنا دربو شليل
ياربي الكريم وين ألقى زي ناس ديل؟؟


سلامات وكده


زارتنا البركة تحت الشديرات إخيتي
البتواسي الكليم والضعيف بتراشي
طاعمة الحديث والقول وبيهو مابتفاشي
الخنساء عشاية الضيوف بي الفي والمافي

خالد
تحية طيبة سلاام الأخت الفاضلة تماضر الخنساء والله ويعلم الله سعدنا بالزيارة وقدم الخير علي شديراتنا تذدان بيك حضورك يا تماضر ..
وأبقي قريبة وجري ليك عنقريب هباب وانتكي ومن بعدو فنجان كيف الليل قهوة ونمي قولي قولي من طيب الكلام واشدي لنا
لك التحايا
Post: #39
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 08:53 PM
Parent: #38

Quote: والصور بتاعت البريانى كثيرة ، لكن والله أشهد
ود شيقوق عينو نجيضة ووصاااااف كدى راجع الصور دى مع كلامه دا

تعرف ياودابوالقاسم اصلو ناس الضواحي ديل وصافين

كان في واحد في شندي أسمو حاج عبدالله معزوم في سماية ( والغداء كان فتة )
فقالوا له يا حاج عبدالله اصف لنا الفتة فقال

الأرزُ دبلانكَ
العظمُ قصيركَ
والدهنُ يسلَ
إلى كوعكَ

ودشيقوق مسلط وممسوخ وكمان بقى قاري وكاتب يحمد سيدو ماخد علي جنيات الدندر الشرافة

ومن كدَّ وجد أقدل يا ودشيقوق ومصمص خشيمك من عقاب طعم البربور والويكاب
Post: #41
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 09:13 PM
Parent: #39

[
Quote: B]التحايا العطرة لكل أهل الانجمامة ..
ويبقى أجمل
لما من نور المجرة
نبنى كل الدنيا منزل
لافى صيدة ولافى صايد
ويبقى أجمل ..
لو ندا البشرية درا
شفنا فايض خيرو بشمل
كل بائس غير فوائد
يبقى أجمل ..
لو سنى المولى استقرا
فى القلوب أخر وأول
والسلام الغاب وطول
موجو يجتاح الجلامد
ويبقى أجمل ..
لما نعرف فى سطور
قدر المنزل
أنو كل الكون دا بايد ..
السلام وأعذب التحايا وشكرا للمساحة الجميلة


الشاعرة الجميلة هند
لك التحايا مردفات تتزاحم سلااام
ما أجمل قولك وأنداه روعة تتدفق علينا في صوت خرير جداولنا تصافح تربة ندية بكرية
المساحة يزداد جمالها بوجودك يا هند تسكبي علينا أحاسيس ما أجملها وأروعها

لك منا التحايا
Post: #40
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 06-27-2008, 08:55 PM
Parent: #38

الحب موجود في الدنيا من ماضي دهور
لليل تشتاق الأنجم والظلمة تحب النور
في الروض كم ساجعة جميلة تغرد للعصفور
وكل أغرودة لطيفة لبنات الأيك كلام
وكل أنشودة خفيفة فرحة وشفاء للآلام


تماضر الخنساء....
نرسم الليل .. في البعاد جنة لقا
نبني تعريشة حنان .. طول بدا
ونعانقو في أعماقنا .. باقات من مرح
تجعل لقانا الغالي .. زغرودة فرح


هند....
لقيتك فى الصفا نسمة
لقيتك فى السماء نجمة



في النفوس أعماق خفية تجمع أرواح الحبايب
تجمعهم مرات في بسمة ومرة في ليل نجمو غايب

وتقديري للجميع
Post: #42
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 09:18 PM
Parent: #40

Quote: ومرة في ليل نجمو غايب


نعم
Post: #44
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 06-27-2008, 09:25 PM
Parent: #42

Quote:
Quote: ومرة في ليل نجمو غايب


نعم

يعني تاني نطلب إستدعاء أخونا محمد عثمان ولا كيف !!!!
تحياتنا لكل الأهل
Post: #43
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 09:20 PM
Parent: #40

Quote: لاحولا لا قوة
ميكانيكي جاز مالا عيبها لي


ما أحسن ليك يا ودالبشرى تأكل كلاوي وقلوب وذند وسنكيت من ريحة الجاز
والصواميل

قفتك تحت الطربيزة كل البعجبك تجدع بس تحت
Post: #45
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 09:30 PM
Parent: #43

Quote: ياخي عنوان طويل جداً وزحمة وتحس لما شامي ومغربي غاية حاجة كدا زي ساندويتش فيه مربى وعسل وطحنية وكستر وجلي ومديدة حلبة لكن هسع عنوانك الجديد سمح بالحيل وخفيف وظريف .

الأخ الحبيب الأزهري 2 لو اصبت قراءة الأسم
حروف اللاتيني بتجنني ولا اجيد قراءتها الله يقطع محو الأمية وبرنامجها.. ما قرونا التنقليزي وحروفه اللاتنية بس إحتهاد
أولاً الشكر موصول لك يا أخي على الأشادة وهي جهود أعمدة الإنجمامة جزاهم الله عنا كل خير.
وأما طول العنوان ومنكم نستفيد والمرة الجاية لو الله مدَّ في ايامنا ويسر لنا سوف نجعله كلمة واحدة حتى تكون بيننا ( إنجمامة )
سعدنا بزيارتك ولك مودتنا سلامنا طيب
Post: #48
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 09:41 PM
Parent: #45

Quote: في النفوس أعماق خفية تجمع أرواح الحبايب
تجمعهم مرات في بسمة ومرة في ليل نجمو غايب

تسلمي يا حمامة السلام على هذا الكلام الطيب الذي يقدح في القلوب الشوق الشوق مسافات وأشواقنا لكم أهل الإنجمامة سابحة في فضاءنا الأسفيري تلتقيكم ردحاً وبهيام التمني للقاكم نحن نذوب في أشواقنا أهل الإنجمامة وأعمدتها الصلبة


_______________________
يا أخوانا فاقد الرطاني
والغياب الطال
للحبايب
عارفين منو طبعاً
Post: #47
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 09:40 PM
Parent: #43

Quote: ودشيقوق مسلط وممسوخ وكمان بقى قاري وكاتب يحمد سيدو ماخد علي جنيات الدندر الشرافة

ومن كدَّ وجد أقدل يا ودشيقوق ومصمص خشيمك من عقاب طعم البربور والويكاب


ونحمدك يا الله الجمعتنا هنا مع ناس ................................

Post: #49
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سمية الحسن طلحة
Date: 06-27-2008, 09:57 PM
Parent: #40

Quote: طريت برق الفويطر الشال
وسال دمعي البكب وشال
كمل صبري ومنامي إنشال
لبس من ناري عمة وشال


إن شاء الله الدار مرحبة بيكم ياجماعة جمعة مباركة
في ناس طالبني مواجبات في البوست الفات وهم :
خالد ، سماح ، ممدوح ، سلمى صبحي ، أبوبكر سيد أحمد
قلتوا عني كلام يليق بقاماتكم وحقكم على راسي من فوق
أما ونحن في الدار الجديدة سعدت بإطلالة ناس عزاز
الأخ حاتم هاشم والشاعرتين تماضر وهند وأجمل حاجة
ياخالد البوست دا حق الكل كل واحد يرد على الكل
ونسبة لإنشغالي اليوم الجمعة لكم العتبى حتى ترضوا
برد على طلبك الوارد في أول الصفحة ياخالد
بمدحة كتبتها من زمان مجاراة للأغنية وتكون فاتحة خير
وبرضو برد على المربوع بإذن الله


متــى يـــاحي ويامتعـــــال * أزور ســـوح الرّســول والآل

يــارحمــن ويــامتعــــال * ضـاع عُـمـــري مع الإهمـال
بــالـتـفـصـيــل والأجمـال * بــَـدور أمــلأ بــدون مِـكيـــال

غاطس كلـّي في الأوحـال * راجـــي الـنـجــــده يـالـكمّـــال
على جناحكم سريع ننشال * وبي جاهـكم نـفوز في الحــال

ذنـــوبـا غـلبـت الـشيـّـــال * بمــاحـي الضـــلالة تــُــــزال
ليـــه يــاقـلـبــي عاد شغال * بشـــــراك بشـــافـع الأهـــوال

همومي الدايمة مافي زوال * علي من كل صــوب تنهــال
قلبي التاه وضاع في ضلال * أصــلحو وحسِّــــن الأحــــوال

بَدور أروَى نميـر وزلال * ربـِّـي لـمـا يــريـــــد فعـّـــال
أجــاب لـعـبـدو كـل سؤال * فـي لـيــــلٍ قصيــر مـــاطـال

جعـل الإسراء ليه تـسَــال * فـي عـــام الحـزن والأشغال
كــل الأنـبـيـــاء الـقـُبـّـــال * أمّـــاهــــم جـمـيـــع لا محـال

لي مقامو مافي نبيّا طال * كلـّــم ربـّـو حــق لا خيـــــال
ثواب خمسـين في الخمسة أنال * وأطلـــب مافي حاجة محــــال

لخاتم المرسلين إجــمــــال * صـلاة وتســليــم مع الأجلال
بيها أول شـــهيـدة تنــــــال * أمــــان فـي الحـــلِّ والترحال


سمية الحسن محمد طلحة

مسقط / سلطنة عمان
2003 م
Post: #46
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-27-2008, 09:38 PM
Parent: #1

Quote: لكن هسع عنوانك الجديد سمح بالحيل وخفيف وظريف .


شهادة من الأزهرى صادفت أهلها.



من باب حب الوطن :


من علامة الرشد أن تكون النفس إلى مولدها مشتاقة ، وإلى مسقط رأسها توّاقة .


وقال الحكيم : فطرة الرجل معجونة بحب الوطن ، ولذلك قال أبقراط: يُداوى كل عليل بعقاقير أرضه ، فإن الطبيعة تقطع بهواها ، وتفزع

إلى غذاها .


وقال إبن عباس رضى الله عنهما : لو قنع الناس بأرزاقهم قنوعهم بأوطانهم لما اشتكى عبدٌ الرزّاق .


وقال القائف : إذا أحسّت النفس بمولدها تفتحّت مسامها ، فعرفت النسيم ، وأكثرت الشميم .


قال بعض الشعراء فى الوطن :


ألا ليت شعرى والحوادث جمةٌ **** متى تجمع الأيام ما فرّق الشملا


وكل غريبٍ سوف يُمسى بذلّةٍ **** إذا بان عن أوطانه وجفا الأهلا
Post: #50
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-27-2008, 10:07 PM
Parent: #46

Quote: ذنـــوبـا غـلبـت الـشيـّـــال * بمــاحـي الضـــلالة تــُــــزال
ليـــه يــاقـلـبــي عاد شغال * بشـــــراك بشـــافـع الأهـــوال


ريحانة وزهرة البطانة
سلاام يا الملكة سلام
المتلك أصلو ما بتلام
حرفك نافذ وما بنضام
بمدح الحبيب نظمتي كلام
Post: #51
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-27-2008, 10:44 PM
Parent: #50

الانجمامة... بين (اشكال والوان) و (سمك ..لبن..تمرهندى).. تقدددددل

ــــــــــــــــــــــــــــــــــــــــــــــــــــــــــــــــ

عندما قدم الاذاعى القديرالراحل احمد الزبير برنامج (اشكال والوان) وجد رواجا لا مثيل وذلك للشكل

البرامجى الجديد من التنوع فى الفقرات من فن وادب وشعر وطرفة وفتح ذلك الباب واسعا لذلك النوع

من البرامج وبرع فى ذلك ملك المنوعات عضو البورد ذو النون بشرى واخوتة الاعداء علم الدين حامد وعبد

الرحمن احمد...ولم يقتصر الامر على الاذاعة بل تعداة للصحافة فصار هناك من يكتب تحت عنوان

للصفحة يقول(من كل بستان زهرة) وآخر تحت عنوان (سمك ..لبن..تمرهندى)وتعددت المسميات وظل

الهدف واحد وهو تقديم(بانورما) فيها كل ضروب الحياة الانسانية من جد وهزل و ضحكة ودمعة الى ذكريات

ونوادر ممزوجة بالطرفة والقفشة الحلوة...والكلمة الجادة.......كل هذة الخواطر جالت بخاطرى وانا ارى الانجمامة تدخل

طبعتها الرابعة وهى تزداد توهجا والقا..ولم لا وهى تحمل روح ذلك التنوع الذى يشبة قوز قزح عزف فية

كل عضوات واعضاء الفرقة(المنـسـية) اروع الالحان واشجاها فلهم التحايا فقد جعلـو الانجمامـــــــة

وبحق (بورد داخل بورد) واذا استمر هذا الحال على ماهو علية فلا استبعد ان يفتتح ود المنسى وفى هذا الفضاء

الاسفيرى موقـعا ويسميهو (انجمامة اون لاين) ويا بكرى ابو بكر جاك بلا.....لكم جميعا التحايا القلبية

عمكم كمال
تخريمة:ـ انتو نسيتو ود شيقوق ودةحيكون ببيع (نطوعات) وطلح فى السوق الشعبى
Post: #52
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-27-2008, 10:51 PM
Parent: #51

عمو كمال بواسطة الظريف فيصولي


ـ انتو نسيتو ود شيقوق ودةحيكون ببيع (نطوعات) وطلح فى السوق الشعبى

وحاجات تانية كمان عايزين نقولا لكن الحجر على الحريات العامة انا وووووووووووووب منو
Post: #53
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 08:17 AM
Parent: #52

Quote: كل هذة الخواطر جالت بخاطرى وانا ارى الانجمامة تدخل

طبعتها الرابعة وهى تزداد توهجا والقا..ولم لا وهى تحمل روح ذلك التنوع الذى يشبة قوز قزح عزف فية

كل عضوات واعضاء الفرقة(المنـسـية) اروع الالحان واشجاها فلهم التحايا فقد جعلـو الانجمامـــــــة

وبحق (بورد داخل بورد) واذا استمر هذا الحال على ماهو علية فلا استبعد ان يفتتح ود المنسى وفى هذا الفضاء

الاسفيرى موقـعا ويسميهو (انجمامة اون لاين)

الحبيب العم كمال عطا
حادي الركب بالرموت كنترول ( فيسل هليل )
يا عم كمال حقيقة الإنجمامة أصبحت مزروعة فينا نتنفسها ( هي ملتقى أرواحنا التي تحابت وربنا يديم حبها ).
ذاك الحدث الغريب أن تمت ارشفة الإنجمامة السابقة قبل الموعد .. صحونا وكأن أمر جلل حدث عندما غابت الإنجمامة من المنبر العام أصبحنا كاليتامى شيقوق يتلفت شرب الشاي والقهوة ثم قهوة شاي دون وعي أبارو يطلع ويدخل في البيت زي أم العروس ( الإنجمامة هي أرواحنا التي تلاقت يا عم كمال ولم تصبح مجرد بوست )
وكما قال الأستاذ الحكيم ودأبوالقاسم وقد حسيت بهذا الشئ قبل مداخلته والله العظيم وأسعدني سعادة مابعدها فرح
عند دخول هند وتماضر الخنساء هب كل فرد يحي بطريقته وهي طريقة غير معهودة في كل البوستات وكان شعور فطري هي ( إنجماتنا ) وفعلاً هي إنجماتنا

لك التحية العم كمال والتحية لكل اعمدة الإنجمامة الحضور منهم والغائبين
Post: #54
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد عثمان
Date: 06-28-2008, 08:28 AM
Parent: #53

الاخ خالد...

سلااااام
و مبروك الدور الرايع

معااكم ز مع كل الناس الحلوين الهنا
خلاص يانا متحكرين بجااى...

ردى القليب جيبى ما سوى ليك وساادة
فى دياركى قلبى هلك بدور ديار اهلى...


و تحيااات...
Post: #57
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 06-28-2008, 09:18 AM
Parent: #54

صباحكم خير
والله يجمع كل أهل الإنجمامة الغايبين.....

ولكل العيون الجميلة...

ولقينا في دنيا العيون يا أصفى من النور غنا
كون من رشاقة وأمنيات باقات أنيقة ملونة
ألحان طروبة ووشوشات أنهر موسيقى ودندنة
ذابت قلوبنا عليك حنان وإنت بعيون ذوبتنا

غار المساء والكون صبح عشاق جمال يتأملوا
وكل الحروف الفي الخيال بلهفة جادوا وما غلوا
حتى القمر حولو النجوم اتلفوا فيك يتغزلوا
وقالوا الجمال يا غالي بيك كانت نهايتو وأولو
ونحن في هواك يا غالي لا بنطيق بعاد لا بنحملو
أصلو المحبين الحنان لا بنسوا لا بتحولوا

يا أغلى من نور العيون شايلاك قلوبنا هوى وحنان
اتوسد الاعماق وأغني الكون في وجودك جنان
دغدغ خيالنا وشيلنا حلّق بينا فوق عمر الزمان
خلينا من خمرة هواك السامي نرشف ونحتسي

ننساك إنت إنت بتتنسي ما إنت روحنا وحبنا
سافرنا في عينيك ولسه قلوبنا بيك متجننة

وتسلم كل العيون
Quote: صبوحة / بتشتغل في منديل حرير - ما بتمها لانو في تكميم للحريات العامة وحظر لسماع الراى والراى الاخر

آي لوائح المنبر العام...


أبارو تسلم
والله يديم السلام..


استاذنا أبوبكر أبو القاسم
Quote: صادفت أهلها.

سلمت
تقديري دوماً


Quote: فتحت المنبر وقدر ما فتشت للانجمامة في السهم ما لقيتا؟

خلاص سماح كمان تكون راحت.......

Quote: معااكم ز مع كل الناس الحلوين الهنا
خلاص يانا متحكرين بجااى...

يعني حتجيب أغانيك الجميلة هنا يا أخ محمد
خلاص يا هو الناس الساهرو
غايتوا استعد لبرنامج....( ما يطلبه المستمعون )


تقديري للجميع
Post: #59
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد عثمان
Date: 06-28-2008, 09:49 AM
Parent: #57

Quote: يعني حتجيب أغانيك الجميلة هنا يا أخ محمد
خلاص يا هو الناس الساهرو
غايتوا استعد لبرنامج....( ما يطلبه المستمعون )


الجميلة سلمى...

كالعادة دايما متواجدة فى ساحات الجمال
و الطرب الجميل...

و جااهزين تماما..و اكيد بجيك راجع برائعة عثمان خالد
ننساك و انت..انت بتتنسى..

و يا سلاااام على الغناء الجميل

اخ خالد:

تانى تحيااات...
Post: #55
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-28-2008, 08:55 AM
Parent: #53

الاحباب أبنائي وبناتي

السلام عليكم ورحمة الله

وصيتي ليكم في لآخر العصي ونحنا متجهين علي الخريف وضراعو

إنكم تجهزو واطاتكم من حسي التروس والكواجريب وأقعو درب السيل صايدو بغني

في شان إنجمامتكم تدوم
وانتو بينكم بت طلحة ناس أبو دليق والشيخ الطيب والشيخ عبد المحمود (الفعج)
وبطاحين العوايده (ود البلول) وحيرانم ناس ود رحوم (موسي ود أحمد)

وقالو الجواب يكفيك عنوانو
وسليل الصحابة ود أبو القاسم المكي والله نعم العنوان ليكم

أقعدو عافيه وأدعو لينا معاكم

العينين بقن غراق
واليدين بقن رقاق
والراس خاتي الزراق
وزولكم بقي زول فراق

عمكم مقبول أبارو
Post: #56
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 09:10 AM
Parent: #55

العم مقبول ابارو

تحياتي وعميق امتناني وانت تطل علينا مشرقا هذا الصباح - حضورك بيننا فيه الكثير من المعاني الجميلة .



الاخ الاستاذ المرهف محمد عثمان


Quote: معااكم ز مع كل الناس الحلوين الهنا
خلاص يانا متحكرين بجااى...


جميل ان نرى ومضاتك وان تشع شموعك لتضي هذا المكان . كن معنا يا ايها الزهو المباح
Post: #58
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: حيدر حسن ميرغني
Date: 06-28-2008, 09:31 AM
Parent: #56

مضارب الطيبين والطيبات

يسعدنا إناخة بعيرنا بمرابعكم
Post: #60
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-28-2008, 09:59 AM
Parent: #58

حيدر الاسد


Quote: مضارب الطيبين والطيبات

يسعدنا إناخة بعيرنا بمرابعكم


ونزلو راس قصب من الراكوبه الحداك ديك
وجر بنبرك نكبلك البن





محمد عثمان موسوعة الاغاني السودانية
زارتنا البركه وعم علينا الخير بمقدمك
Post: #61
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-28-2008, 10:00 AM
Parent: #56

ان اهلي في الانجمامة طيبين وزنيين و نايريين

و حلاليين عقد و اخوان بنات


يكيلون حبهم لود المنسيبا بالملوة والاردب


جينا من حلفا وابوحمد و الدامر

مرورآ بكبوشيه وعندها شربن الشاي مع العم كمال

وعلى مرمى حجر زرنا محي الدين جبريل الذي بدوره

اصطحبنا لحوش علي محجوب القابع على مرمى حجر من

بستانه على ضفاف النيل

و من هناك قمنا لدندر ذات الهشاب الناضر الجميل

وفي طريقنا اليهم مررنا بسوبا و المسيد و الشغله

و النوبه والحصاحصة و ود الترابي و قنب ومدني ودلفنا

للمدينة عرب و لمـننسى نزور طيبة الشيخ عبد الباقي

حيث انجمينا على نوبات الذكر وبعد ضيافة حاتمية


اتجهنا صوب الحاج عبدالله و قرى كتيرة حبيبة في انفسنا.




جبة وصديري سيف وسكين

اصطحبنا في هذه الرحلة مانقو زمبيري

وصديق عبد الرحيم و ادروب و ابكر

ونواصل
Post: #62
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 11:24 AM
Parent: #61

Quote: اصطحبنا في هذه الرحلة مانقو زمبيري

وصديق عبد الرحيم و ادروب و ابكر


هلا هلا دى الليلة بتجدع فيها براااااااى الوليدات ديل ما سمعوا بيها هسع بيكون قايلين زمبيزى دى حاجة تانية فريق قدم او اكلة او كدا !!!!!!

وصديق عبد الرحيم قايلنوا لاعب كورة .

ناس ايمنوف وسمحنوف وصبحنوف وابو روف ( لابارو) وطلحنوف - ما سمعوا بالحكي ده -

الرطاني - الزول ده مالو في حد غلط معاهو

تعال احكي لينا عن الحاجات دى
Post: #63
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-28-2008, 12:23 PM
Parent: #1

Quote: الاحباب أبنائي وبناتي

السلام عليكم ورحمة الله

وصيتي ليكم في لآخر العصي ونحنا متجهين علي الخريف وضراعو

إنكم تجهزو واطاتكم من حسي التروس والكواجريب وأقعو درب السيل صايدو بغني

في شان
إنجمامتكم تدوم
وانتو بينكم بت طلحة ناس أبو دليق والشيخ الطيب والشيخ عبد
المحمود (الفعج)
وبطاحين العوايده (ود البلول)

وحيرانم ناس ود رحوم (موسي ود أحمد )


وقالو الجواب يكفيك عنوانو
والله نعم العنوان ليكم
أقعدو عافيه وأدعو لينا معاكم

العينين بقن
غراق
واليدين بقن رقاق
والراس خاتي الزراق
وزولكم بقي زول
فراق

عمكم مقبول أبارو



إنها شهادة يعتز بها كل من فى الإنجمامة ، وربنا يعطيك طولة العمر ويمتعك بالصحة والعافية ، فكلنا ناس فراق .


الرسول صلى الله عليه وسلم قال ما أنا وهذه الدنيا إلا كصاحب بعير استظل بظل شجرة ثم واصل مسيره ، فكانت الدنيا بقضها وقضيضها هذه


الإستراحة القصيرة فى مسيرة الإنسان القاصدة إلى الله تعالى .
Post: #64
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-28-2008, 12:39 PM
Parent: #1

شيقا عشان ما تتجدع براك هاك المقال دا من سودانايل كتبه الفاضل حسن عوض الله :


Quote: فى القولد التقيت بالصديق !

بخت الرضا وانشودة الزمن الجميل

الفاضل حسن عوض الله
fadilview @ yahoo .Com

كتب عبد الرحمن على طه مع آخرين فى بخت الرضا كتاباً عن الجغرافيا ليدرس فى السنة الثالثة سمي ( سبل كسب العيش فى

السودان ) وموضوعه زيارات حقيقية قام بها نفر من أساتذة بخت الرضا الى مناطق شملت شمال وجنوب وشرق وغرب البلاد . وقد قام بهذه

الرحلات الاستاتذة : مكى عباس والنور ابراهيم والشيخ مصطفى وعبد العزيز عمر الأمين وعبد الحليم جميل واحمد ابراهيم فزع وعبد الرحمن

على طه وعثمان محجوب ومستر و مسز سمث وسر الختم الخليفة . وكان اسهام عبد الرحمن على طه الإضافى الى الكتاب أنشودة حلوه لخصت

الرحلات التى تمت وظل التلاميذ فى المدارس يرددونها لعقود من الزمان . يعلق الأستاذ المرحوم الفكى عبد الرحمن على هذه الأنشودة

بقوله ( إن عبد الرحمن على طه ممثل وكاتب مسرحي أدخل الجغرافيا باب الأدب) .

وقد كنت وما زلت مولعاً بالأنشودة مما جعلنى فى حالة بحث دائم عن نصها الأصلى الى أن قيض الله لي الصديق الباحث النشط

الاستاذ/ محمد الفاتح العالم فأمدنى بنص القصيدة من كتاب ( سبل كسب العيش فى السودان) . ومن بعده اعارنى المعلم الدوؤب الأستاذ

خيري بمدارس الميرغنية كتاب ( استاذ الإجيال عبد الرحمن على طه ) للدكتورة فدوى عبد الرحمن على طه والمتضمن نص القصيدة ، وكل

المعلومات الواردة فى صدر هذا المقال منقولة حرفياً من هذا الكتاب القيم . لعل سبب ولعي بهذه القصيدة هو أفتتان بها شأن كل قديم

نفيس ، ونحن السودانيون مولعون بالافتتان بالماضى ولسنا وحدنا فكل شعوب العالم تحن الى ماضيها ، حتى الامريكان الذين أتخمتهم

نشوة التفرد الحالية مازالت فى مفرداتهم جملة (THE GOOD OLD DAYS) وتعنى ( كم هى جميلة تلك الايام التى مضت ) .



مضيت أقرا الأنشودة وأعيد قرآتها المرة تلو المرة بل ظللت أنشدها مع اطفالى بلحنها المميز بعد ان رويتها لهم فى شكل زيارات ،

وتوطدت أواصر المودة بينهم وبين صديق عبد الرحيم فى القولد ، محمد القرشى فى ريره وسليمان فى الجفيل ، محمد الفضل فى بابنوسة ،

ومنقو زمبيرى فى يامبيو ، وحاج طاهر فى محمد قول ، احمد فى ود سلفاب ، إدريس فى ام درمان ، وعبد الحميد فى عطبره .



ووجدتني اسرح أحياناً بعيداً عن اسطر القصيدة لتتقافز التساؤلات ... أما زال أحفاد صديق عبد الرحيم يعملون وينتجون فى الحقول أم

تخطفتهم شطئان النفط البعيدة تاركين إقليمهم يتشهي ضربة معول حاذقة تخرج الثمر الطيب ؟ أمازال ابناء ريره يسقون جموع الأبل أم

باعو الأبل ومعها اليفع من الأطفال لتجرى فى سباقات الهجن ؟ أمازال الهشاب النضر الجميل يكسو بوادي الجفيل ام سحقه التصحر وهُرب

الى الدول المجاورة ليصدر الى دول العالم المختلفة ؟ و أهل ابن الفضل أما زالوا يتنقلون بين كيلك وبابنوسة أم أنهم فى منتصف

الطريق يحاجون قوات الاتحاد الافريقى بأنهم ليسو جنجويداً او زرقة ؟ وأحفاد صديقنا منقو ، أتراهم أحياء يرزقون ويأكلون البفره .. أم

افترستهم حرب ضروس ؟ وحاج طاهر وأهله فى محمد قول امازالو يمارسون حرفة صيد السمك ام تراهم فى شوارع اسمرا يتحدثون عن جبهة

الشرق و مؤتمر البجا والأسود الحرة والمناطق المهمشة ؟ وأهالى ود سلفاب أما زال قطنهم فى الحقل نضر أم ساقتهم إدارة مشروع الجزيرة

الى السجون ؟ وعمنا إدريس فى ام درمان اتراه ما زال يشكو أن أم درمان لم تعد أم درمان التى عرفها ؟ وأحفاد عمنا عبد الحميد فى

عطبره أتراهم بين ضجيج الورش والقاطرات أم هم مشردون بدعوى الصالح العام والتمكين ؟


لعل الإجابة الواقعية الوحيدة لبعض هذه التساؤلات هى بعض اسطر كتبها الاستاذ / محمد سعيد مكي يقول فيها ( علمت بحزن عميق وأسف

بالغ وفاة العم صديق عبد الرحيم صديقنا فى القولد الذى اكلنا معه الكابيده وأسمعنا كلمات طيبه من رطانه اهله والذى توفى

بالولايات المتحدة عام 1998 بعد ان هجر السودان وأستقر هناك ) .


فى خاتمة هذا المقال لا أجد ما أقدم به أنشودة الزمن الجميل سوى كلمات الاستاذ مكي أبو قرجه التى يقول فيها :- ظلت

حناجر الأطفال الغضة لأكثر من خمسين عاماً تردد نشيداً شجياً فى كل المدن والقرى والبوادى السودانية بحماس وغبطة وحبور فى آخر كل حصة

للجغرافيا فى السنة الثالثة الابتدائية ... كان هذا النشيد الذى شد نياط القلوب بأوتار لا ترتخي بكل بقاع الوطن من القولد حتى

يامبيو ومن محمد قول حتى بابنوسة وفعل فى النفوس فعل السحر . ولا يزال يتوهج فينا نحن الكبار بعد مرور عشرات السنين ويبعث حنيناً

وروحاً وطنية متأججة فى كل الأجيال .


فى القولد التقيت بالصديـق

أنعم به من فاضل ، صديقى

خرجت أمشى معه للساقية

ويا لها من ذكريات باقيــة

فكم أكلت معــه الكابيدا

وكــم سمعت اورو والودا

***

ودعته والأهل والعشيرة

ثم قصدت من هناك ريره

نزلتها والقرشى مضيفى

وكان ذاك فى أوان الصيف

وجدته يسقى جموع الإبل

من ماء بئر جره بالعجـل

***

ومن هناك قمت للجفيـل

ذات الهشاب النضر الجميل

وكان سفري وقت الحصاد

فســرت مع رفيقى للبــلاد

ومر بي فيها سليمان على

مختلف المحصول بالحب إمتلا

ومرةً بارحت دار اهـلى

لكي أزور صاحبى ابن الفضل

ألفيته وأهله قد رحلـوا

من كيلك وفى الفضـاء نزلوا

فى بقعة تسمى بابنوسـة

حيث اتقوا ذبابة تعيســــة

***

ما زلت فى رحلاتى السعيدة

حتى وصلت يا مبيو البعيدة

منطقة غزيرة الاشجــار

لما بها من كثرة الأمطــار

قدم لى منقو طعــم البفره

وهو لذيذ كطعام الكســـره

***

وبعدها استمــر بى رحيلى

حتى نزلت فى محمد قـــول

وجدت فيها صاحبي حاج طاهر

وهو فتى بفن الصيد ماهـــر

ذهبت معه مرةً للبحـــــر

وذقت ماء لا كماء النهــــر

****

رحلــت من قول لودْ سلفاب

لألتقى بسابع الأصحــــاب

وصلته والقطن فى الحقل نضر

يروى من الخزان لا من المطر

أعجبنى من أحمد التفكيـــر

فى كــــل ما يقوله الخبيرُ

***

ولست أنسى بلدة أم درمــان

وما بها من كثرة السكـــان

إذا مرّ بي إدريس فى المدينة

ويا لها من فرصـــة ثمينة

شاهدت أكداساً من البضائــع

وزمراً من مشتر وبــــائعْ

***

وآخر الرحلات كانت أتبره

حيث ركبت من هناك القاطره

سرت بها فى سفر سعيد

وكان سائقى عبد الحميـــد

أُعجبت من تنفيذه الأوامر

بدقة ليسلم المســـــافر

***

كل له فى عيشه طريقـة

ما كنت عنها أعرف الحقيقـة

ولا أشك أن فى بــلادى

ما يستحق الدرس باجتهـــاد

فإبشر إذن يا وطني المفدي

بالسعي مني كــي تنال المجدا



--------------------------------------------------------------------------------



قلت لىّ عاوز تتجدع براااااك
Post: #65
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 02:24 PM
Parent: #64

Quote: معااكم ز مع كل الناس الحلوين الهنا
خلاص يانا متحكرين بجااى...

الأخ الفاضل محمد عثمان
تحية طيبة سلاام
سعدنا بطلتك ويسعدنا وجود كل من عشق كلمة طيبة في إنجمامتنا

لك التحية والمودة
Post: #66
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 02:44 PM
Parent: #65

Quote: الاحباب أبنائي وبناتي

السلام عليكم ورحمة الله

وصيتي ليكم في لآخر العصي ونحنا متجهين علي الخريف وضراعو

إنكم تجهزو واطاتكم من حسي التروس والكواجريب وأقعو درب السيل صايدو بغني

في شان إنجمامتكم تدوم
وانتو بينكم بت طلحة ناس أبو دليق والشيخ الطيب والشيخ عبد المحمود (الفعج)
وبطاحين العوايده (ود البلول) وحيرانم ناس ود رحوم (موسي ود أحمد)

وقالو الجواب يكفيك عنوانو
وسليل الصحابة ود أبو القاسم المكي والله نعم العنوان ليكم

أقعدو عافيه وأدعو لينا معاكم

العينين بقن غراق
واليدين بقن رقاق
والراس خاتي الزراق
وزولكم بقي زول فراق

عمكم مقبول أبارو

العين تدمع لكلمات رقيقة قلتها العم الفاضل وزاد الله فضلك وخصك برعايته
العم الكريم
المقبول أبارو
والله السعادة ولا توصف وأنا أرى حروفك وكأنها منقوشة بماء ذهب خاص سوف تكون
كلماتك هي وشاح قلدتنا إياه يا عم ولك.

والله والله والله تسدنا في كل صفحة أن توشح صدرها بكلمات منك ولنا يكون شرف كبير

Quote: العينين بقن غراق
واليدين بقن رقاق
والراس خاتي الزراق
وزولكم بقي زول فراق


العم المقبول أبارو إياك الخير والعتاد
وإياكم كبارنا رُكازة القربوا والبعاد
ماسكين في دربكم طب كان بقينا شداد
والما عندو كبير كال خشمو السجم والرماد

كثير سلامنا ياممدوح للعم الفاضل
Post: #67
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محي الدين جبريل
Date: 06-28-2008, 03:00 PM
Parent: #66


أحبائى

جميع رواد وسكان الإنجمامة

أتمنى أن تدوم المحبة فى ظل الثوب الجديد للدار

مع حبى وتقديرى للجميع


محي الدين
Post: #68
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 03:11 PM
Parent: #66

Quote: مضارب الطيبين والطيبات

يسعدنا إناخة بعيرنا بمرابعكم

الحبيب العزيز حيدر حسن ميرغني
سلااام وتحية طيبة
إنيخ بعيرك وقج خيمتك تب يا ودالرجال والبلاك خربانة
وينك يا رجل ولينا زمن نفتش ليك

والله سعدت بزيارتك ونزلّك عنقريب هبابي من الشديرات ديك
وكان حبالو مرخيات كورك لي ودشيقوق يدرج حبالو باقي بصير
في الشغلانة دي

وما تفوتنا وأبقى دابنا يا الكريم ودالكرام

لك تحياتي ومودتي
Post: #69
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 03:24 PM
Parent: #68

Quote: جينا من حلفا وابوحمد و الدامر

مرورآ بكبوشيه وعندها شربن الشاي مع العم كمال

وعلى مرمى حجر زرنا محي الدين جبريل الذي بدوره

اصطحبنا لحوش علي محجوب القابع على مرمى حجر من

بستانه على ضفاف النيل

فيسل هليل
هيييييع والله كلام وفي عبوة جديدة نعم العبوة
عجبتني كلمة القابع هذه

كدي كلمني في اضاني الكلام دا من رأسك ولا ملتك لي
فاطمة

لولا بعض الألفاظ التي عهدتها منك في مقالك الجميل لكنت نسبته للعم كمال وقلت فيسل نسى يكت ان له فقط حق المناولة

جيب من زي دا تاني

تحياتي
Post: #70
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 03:34 PM
Parent: #69

أحبائى

جميع رواد وسكان الإنجمامة

أتمنى أن تدوم المحبة فى ظل الثوب الجديد للدار

مع حبى وتقديرى للجميع


محي الدين
تزداد الفرحة ولا تسع الدنا وما رحبت بعودة جميل من أعمدة إنجماتنا
الحبيب الفاضل محي الدين جبريل
قتلنا الشوق ردحاً وكابدنا ألم الأنتظار زمنا بعد جرعات طبية من ودأبوالقاسم
وكانت الفرحة طلتك البهية في ثوب حوشنا وإنجمامتنا الجديد بلون الفرح الذي
عمنا بزيارة
العم المقبول أبارو
الشاعرتان هند وتماضر الخنساء
وأخوان أخر
فسكبت فوق الفرح بهجة الفرح يا محي الدين

كيفك يا العريس ( قال انا بي ولدي مالك دايرا تخربي بيتي )
تحياتي ومودتي
Post: #71
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محي الدين جبريل
Date: 06-28-2008, 03:43 PM
Parent: #70


شكرا ( كتيرن ) سيد الحوش على الكلام الجميل ، والتواصل الذى لم ينقطع

ومرحبا مجددا بالرواد الجدد لبوادينا

ومن قبل كنت اردد : اللهم أعز الإنجمامة بإحدى الشاعرتين ، وكنت اقصد سمية بت الحسن وتماضر الخنساء ، فجئن وجاءت هند معهن

فإزداد العبير والجمال ....


قبلاتى للجميع
Post: #73
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 03:49 PM
Parent: #71

Quote: ومرحبا مجددا بالرواد الجدد لبوادينا

ومن قبل كنت اردد : اللهم أعز الإنجمامة بإحدى الشاعرتين ، وكنت اقصد سمية بت الحسن وتماضر الخنساء ، فجئن وجاءت هند معهن

فإزداد العبير والجمال ....


قبلاتى للجميع

وإستجاب الله دعاءك وأكرمنا بهنّ شاعرات ثلاث وليت وهند وتماضر يطيب لهنَّ المقام معنا

اليوم بنشوفك في النشرة ؟؟؟

سعدنا شديد والله بعودتك
Post: #72
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 03:47 PM
Parent: #69

ابو القاسم


متعك الله بالصحة والعافية فقد ابدعت يا اخي

Quote: قلت لىّ عاوز تتجدع براااااك


تلك ايام - اخي ابو بكر - لم تتبقى منها إلا بعض الصور
اتأملها بصمت....
واقول في نفسي
ألاليت الزمان يعود يوماً.....


لك اطيب الاماني
Post: #74
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 03:52 PM
Parent: #72

وسال سيل الدمع هطال
يا ايمن وبوبا الفراق
بي طال
Post: #75
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محي الدين جبريل
Date: 06-28-2008, 04:02 PM
Parent: #72

المنسى أنا من الساعة 2 ظهرا شيلت زاملتى واتراوحت على تايتنا

بعد شوية شاهينا بدور ومعاه كلاما كُُتر، اصلوا معاى ضيوف من البلد

لغاية نتلاقا تانى أبقى عشرة الراعى واعى



ودجبريل
Post: #76
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: لؤى
Date: 06-28-2008, 06:17 PM
Parent: #1

عزيزي أستاذ خالد
مساء الخير



Quote:
لؤي الجميل الهارب
ما أهرب كيف ؟
إذا كان جِدّنا شيقوق في كُلّ مكان يهرِش في سوما
وأنا الرّاجل دا في مقام الأخ "الأصغر"
وسوما برضو في مقام الأخت "الصُّغرَى"
لذلك قُلت أنسحب عشان ما أرتكب جريمة

لهما أجمل تحيّة ولك مثلها





خالص الوُد


أنـا في البـعـيـد مُـشـتـاق لهـمـسـة من الوطن يا نـسـمـة

Post: #77
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-28-2008, 07:02 PM
Parent: #76

حليل الناسى والناس
طريت امدر
حليل ناسا
يا ود المنسى
مالك علينا
اتنين يعنى؟
صوت نانسى والاغنية دى ؟
الله على الشجن الفى الصوت
الله على الكلام السمح البرد الروح
رد الله غربتنا جميعا
وحلات امدر حلات ناسا
حاكتب ليك عن امدرمان من وجهتى لانها مدينة عرفت من خلالها الدنيا
وحاكتب عن حبوباتى وننجم جميع من رهق الحياة
يارب تنجم زين ود امى
Post: #78
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 07:09 PM
Parent: #77

بت الشيخ سلامة ذااااااااااتها

امان ما حررت البكاء في الانجمامة
وحياتك يا سلمى كونى معانا فنحن في حاجة لنجوم من على البعد لتنور خطانا



وينك يا لؤلؤ


Quote: إذا كان جِدّنا شيقوق في كُلّ مكان يهرِش في سوما
وأنا الرّاجل دا في مقام الأخ "الأصغر"
وسوما برضو في مقام الأخت "الصُّغرَى"
لذلك قُلت أنسحب عشان ما أرتكب جريمة


لا وحياتك غيرك مافي حد بفك الاشتباك مع سوما راقب وخليك هجين
Post: #79
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-28-2008, 07:48 PM
Parent: #78

شيقا صديق الشقا واللقا تسلم وتحياتك وصلت
Quote: العم مقبول ابارو

تحياتي وعميق امتناني وانت تطل علينا مشرقا هذا الصباح - حضورك بيننا فيه الكثير من المعاني الجميلة .


سليل الصحابة أوكما ناداك أول مرة

Quote: إنها شهادة يعتز بها كل من فى الإنجمامة ، وربنا يعطيك طولة العمر ويمتعك بالصحة والعافية ، فكلنا ناس فراق .


الرسول صلى الله عليه وسلم قال ما أنا وهذه الدنيا إلا كصاحب بعير استظل بظل شجرة ثم واصل مسيره ، فكانت الدنيا بقضها وقضيضها هذه


الإستراحة القصيرة فى مسيرة الإنسان القاصدة إلى الله تعالى .

والله قال لي زولك الضحاك ما جاي قريب ؟

الريس منسي
Quote: العم المقبول أبارو إياك الخير والعتاد
وإياكم كبارنا رُكازة القربوا والبعاد
ماسكين في دبكم طب كان بقينا شداد
وما عندو كبير كال خشمو السجم والرماد

كثير سلامنا ياممدوح للعم الفاضل


عاد كلامك ده إلا بعد أقراه ليه وهو بيقدر يرد عليك

تشكر علي الكلامات







Post: #80
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-28-2008, 08:04 PM
Parent: #79

الحبان سلام عليكم
جيتكم بكلاما اريتو يعجبكن

مقاطع ليست للصمت


وادى الملوك ، كافتيريا تقع على مقربة من مدرسة المؤتمر الثانوية للبنين فى شارع الموردة فى مدينة امدرمان ، تدخل اليها "الكافتيريا "من "الفسحة "الموجودة امام المدرسة ، طريقها ترابى غير معبد تماما ، تغدينا فيها ذات يوم
لحظة خروجك من الكافتيريا فانت امام مبنى قديم على مرمى خطوات لعله مبنى خاص بادارة الكهرباء ، لحظة ان خرجنا من ذاك المكان ، كانت عربة محمد مصطفى صديقنا الذى اقلنا الى مكان الغداء تحتاج ان يستدير بها الى الجهة المعاكسة حين فعل وجدت عيناى تلتقطان عبارة كتبت على جدار ذلك المبنى الذى كما ذكرت بامكانية تابعيته لادارة الكهرباء كتبت عبارة شاب لونها الصفار "رشحوا مرشحكم عبدالخالق محجوب"ربما كانت العبارة قد كتبت ابان الانتخابات للعام 1965 آخر انتخابات يشهدها الشهيد عبد الخالق محجوب ، تلفت حولى لارى مشهدا آخر ينضاف الى ذلك المشهد "الزى " كان ديمقراطيا ، لا شئ ، لم اجد شيئا يشى بديمقراطية ما ، كل شئ بدا مغطيا تحت غطاء ما ،تساءلت بينى وبينى اين كنت فى ذلك الزمان1965اين كانت البلاد؟ اين صارت الآن ؟ لم اجد اجابة واحدة "تفش " غلى ومضيت ، مضيت ابحث فى الشوارع تركت عينى تجوس بحثا عن موقع قديم لمحال اعرفها وعرفتها ، واناس خبرتهم ، لكن ، لا شئ لا احد ...
2)0
كنا فى زمان مضى نخرج من البيت (شارع القبة ، كما يحلو لى تسميته او شارع قبة الشيخ البدوى ) نتمشى بين الدكاكين فى مواقع بدت الان غير ما كانته ، كنا فى مسيرنا نغشى سوق الشهداء حيث الاكشاك التى طالما اشترينا منها ملابسنا وذلك الفتى الذى كان يجعل الامر سهلا لنا اذ "نشترى منه بالجرورة فى تساهل غير مسبوق يمنحنا كل مانشتهيه فى مقابل اقل من اسعار الاسواق " كل ذلك حين عدت بعد غياب ممتد لاكثر من عقد لم يعد موجودا ، بل حالت الساحة "الشهداء "الى موقف للحافلات القادمة من بحرى ومن مناطق اخرى من العاصمة ، تساءلت بينى وبينى :
ــ اين ذهبت كل تلك المحال التجارية الصغيرة الانيقة
قلت لى ربما طواها الزمن كما طوى الكثير غيرها ، لم ار اثرا ايضا لعمارة الحرية قلت ربما فى زمن تختفى فيه الحريات تختفى كل مسمياتها سواء كانت اسواق او محال تجارية ، او ربما افلس اصحابها وباعوها لمن يشترى الحريات" بدكاكينها "وتجارها من ثم !
حتى السوق الشعبى فى امدرمان تغيرت ملامحه لم يعد ذاك الذى عرفناه باتت المحال التجارية على الهواء فى الارض(حيث يضعون الخضروات والتربيزات حيث توضع الاحذية ) او الرواكيب لكنك تلاحظ ان الاسعار هى الاسعار لاصحاب الرواكيب واصحاب الدكاكين كيف لا اعرف وازعم ان لا احد يعرف
Post: #81
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: لؤى
Date: 06-28-2008, 08:08 PM
Parent: #78

أستاذنا شيقوق
مساء الخير



Quote:
لا وحياتك غيرك مافي حد بفك الاشتباك مع سوما راقب وخليك هجين
خلّيك هجين
وإنت القائد وإنت العجين
وواصل كفاحك





عُذراً أستاذ خالد


أنـا في البـعـيـد مُـشـتـاق لهـمـسـة من الوطن يا نـسـمـة

Post: #82
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 08:25 PM
Parent: #81

لؤلؤ

Quote: خليك هجين وانت القائد وانت العجين


عليك الرسول اصلح بيني وسوما عندى نية مسافر وغيرها مافيش مخرج من مطار مسقط


سلمى بت الشيخ الجميلة
Quote: كنا فى زمان مضى نخرج من البيت (شارع القبة ، كما يحلو لى تسميته او شارع قبة الشيخ البدوى ) نتمشى بين الدكاكين فى مواقع بدت الان غير ما كانته ، كنا فى مسيرنا نغشى سوق الشهداء حيث الاكشاك التى طالما اشترينا منها ملابسنا وذلك الفتى الذى كان يجعل الامر سهلا لنا اذ "نشترى منه بالجرورة فى تساهل غير مسبوق يمنحنا كل مانشتهيه فى مقابل اقل من اسعار الاسواق " كل ذلك حين عدت بعد غياب ممتد لاكثر من عقد لم يعد موجودا ، بل حالت الساحة "الشهداء "الى موقف للحافلات القادمة من بحرى ومن مناطق اخرى من العاصمة ، تساءلت بينى وبينى :
ــ اين ذهبت كل تلك المحال التجارية الصغيرة الانيقة
قلت لى ربما طواها الزمن كما طوى الكثير غيرها ، لم ار اثرا ايضا لعمارة الحرية قلت ربما فى زمن تختفى فيه الحريات تختفى كل مسمياتها سواء كانت اسواق او محال تجارية ، او ربما افلس اصحابها وباعوها لمن يشترى الحريات" بدكاكينها "وتجارها من ثم !
حتى السوق الشعبى فى امدرمان تغيرت ملامحه لم يعد ذاك الذى عرفناه باتت المحال التجارية على الهواء فى الارض(حيث يضعون الخضروات والتربيزات حيث توضع الاحذية ) او الرواكيب لكنك تلاحظ ان الاسعار هى الاسعار لاصحاب الرواكيب واصحاب الدكاكين كيف لا اعرف وازعم ان لا احد يعرف


وسوق الناقة يا المسنوحة مالو ؟
Post: #83
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: لؤى
Date: 06-28-2008, 08:29 PM
Parent: #82

شيقوق



Quote:
عليك الرسول اصلح بيني وسوما عندى نية مسافر وغيرها مافيش مخرج من مطار مسقط
هي سوما ضابطة جوازات ولاّ شنو ؟؟







سوما أنا عاوز لي جواز


أنـا في البـعـيـد مُـشـتـاق لهـمـسـة من الوطن يا نـسـمـة

Post: #84
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 08:44 PM
Parent: #83

Quote: هي سوما ضابطة جوازات ولاّ شنو ؟؟


لا ابدا يا ريت تكون هكذا . سوما مديرة وكالات السفر اكان جيبك مليان جوازات ما بتعتّب لصالة المغادرة الا سوما تجيه ليك التذكرة .

اها تاني عندك كلام ؟
Post: #85
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: لؤى
Date: 06-28-2008, 08:50 PM
Parent: #84

Quote:
اها تاني عندك كلام ؟
لا أنا ما عندي
إنتَ عندك ؟
عشان أنادي ليك سوما





تاني تجي ؟


أنـا في البـعـيـد مُـشـتـاق لهـمـسـة من الوطن يا نـسـمـة

Post: #86
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 09:05 PM
Parent: #85

Quote: عشان أنادي ليك سوما


لا ابدا ممكن بعد اجي راجع من الاجازة تناديها ما بفرق معاى . وخلال الربع الاول والربع الثاني وكمان الربع الثالث من العام ناديها سااااااااااى ما عندى فيها مصلحة . لكن في الربع الاخير ببدأ افكر اشتري شنو واهدى لمنو واحجز في اي خطوط هنا سوما بالحيل في البال ما تناديها بتملأ خشمى طين .
Post: #87
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-28-2008, 09:09 PM
Parent: #86
Post: #88
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-28-2008, 09:23 PM
Parent: #87

دحين ات هسع يا فيصولي متعشم؟
Post: #89
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 09:36 PM
Parent: #88

Quote: ما أهرب كيف ؟
إذا كان جِدّنا شيقوق في كُلّ مكان يهرِش في سوما
وأنا الرّاجل دا في مقام الأخ "الأصغر"
وسوما برضو في مقام الأخت "الصُّغرَى"
لذلك قُلت أنسحب عشان ما أرتكب جريمة

لهما أجمل تحيّة ولك مثلها

الجمال وفي ثوب هروبه مدثر تشع من الطيبة والجمال معاً
الفرح والفرح والأفراح اجتمعت
عودة محي الدين
طلة كوكبين ( الشاعرة هند والشاعرة تماضر )
عودة الهارب الجميل ( لؤي )
حضور ومكثف من زهرة عروس الرمال ( سلمى سلامة )
منانا الليلة يشع برق عبادي ويجيب المطر والمطر بتجيب أيمن والقمر بوبا
وتكتمل الفرجة والبهجة وننجم إجمامة مابعدها إنجمامة

لؤي الجميل لو كان دا السبب في الهروب أنت وسوما عزيزين كنتَ بجنتو ليك بي سكين

انت بس أبدا لي الشكلة معا وزح منها غادي بتولى أمرو ( ودشيقوق ) والله بعدها ألا تلمو في قفة

سعدنا بعودتك وعنقريبك الجبتو داك هداك قاعد
تحياتي
Post: #91
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 09:46 PM
Parent: #89

Quote: المنسى أنا من الساعة 2 ظهرا شيلت زاملتى واتراوحت على تايتنا

بعد شوية شاهينا بدور ومعاه كلاما كُُتر، اصلوا معاى ضيوف من البلد

لغاية نتلاقا تانى أبقى عشرة الراعى واعى

محي الدين
تعود لينا بالسلامة كملت ونستك
ات ماوليد الجهتين على ضفاف النيل حجر الطير والبسابير
أها اهلك ياتم
ما تقول لي ديل ناس
الكجانا قوية قوية
البدور سجم أمو
الإجينا عشية

( ناس البسابير )
Post: #115
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: لؤى
Date: 06-29-2008, 02:56 PM
Parent: #89

أستاذ خالد
سلامات


Quote:
لؤي الجميل لو كان دا السبب في الهروب أنت وسوما عزيزين كنتَ بجنتو ليك بي سكين

انت بس أبدا لي الشكلة معا وزح منها غادي بتولى أمرو ( ودشيقوق ) والله بعدها ألا تلمو في قفة
دا كلام شنو يا سيد الحوش ؟
إنتَ قوانين الإرهاب دي ما سائل فيها ولاّ شنو ؟؟
ود شيقوق دا سيد قوانين وبيجيب أجلك بالكلام دا





والمديدة حرقتني


أنـا في البـعـيـد مُـشـتـاق لهـمـسـة من الوطن يا نـسـمـة

Post: #90
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-28-2008, 09:39 PM
Parent: #88

الى الاستاذة سلمى .....سلام مربع ومرحب بك فى الانجمامة وصدقينى

انت من الرموز الاساسية لهذا البورد تنثرين فية الدرر والآلى فنهرع جميعا

لننهل من ذلك النبع الصافى والعذب خاصة واننا قد شهدنا ذلك العصر الذهبى

لامدرمان السياسى والاجتماعى والاقتصادى....واتابع ذكرياتك عنها والتى تعكس

مايميز تلك المدينة من ملامح واعراف تعكس الترابط الاجتماعى والتى جسدها
الشاعر حين قال:ـ

انا السودان سكنتو قلبى

على ابن الجنوب ضميت ضلوعى

عمك كمال
Post: #92
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 10:04 PM
Parent: #90

Quote: إنجمامتنا فيها كل ضروب الحياة الانسانية من جد وهزل و ضحكة ودمعة الى ذكريات

ونوادر ممزوجة بالطرفة والقفشة الحلوة...والكلمة الجادة.......كل هذة الخواطر جالت بخاطرى وانا ارى الانجمامة تدخل

طبعتها الرابعة وهى تزداد توهجا والقا..ولم لا وهى تحمل روح ذلك التنوع الذى يشبة قوز قزح

كما قال العم الجميل كمال عطا

Quote: وحاكتب عن حبوباتى وننجم جميع من رهق الحياة
يارب تنجم زين ود امى


Quote: العم المقبول أبارو إياك الخير والعتاد
وإياكم كبارنا رُكازة القربوا والبعاد
ماسكين في دبكم طب كان بقينا شداد
وما عندو كبير كال خشمو السجم والرماد

أحكي لينا أنا ياني ودالحبوبات ( عليها رحمة الله بت الأمين كلياني )

حليل الناسى والناس
طريت امدر
حليل ناسا
يا ود المنسى
مالك علينا
اتنين يعنى؟
صوت نانسى والاغنية دى ؟
الله على الشجن الفى الصوت
الله على الكلام السمح البرد الروح
رد الله غربتنا جميعا
وحلات امدر حلات ناسا
حاكتب ليك عن امدرمان من وجهتى لانها مدينة عرفت من خلالها الدنيا
وحاكتب عن حبوباتى وننجم جميع من رهق الحياة
يارب تنجم زين ود امى
______________________________________

معليش الإقتباس جلَّ وضرب في العارضة
وبعدها كتبت ( الإقتابس ) كان شيقوق سبويه نطَّ لي في رقبتي

زهرة عروس الرمال سلمى سلامة والسلام يغشاك يا الزينة
تحيتنا سلااام
ما كنت ظاني أن المسيسيبي بعيدة قدر دا. وتغيبك عننا

حرام يا زين تعمل كِدا
توحش إنجمامتنا وشديراتنا
بالشكل دا
إنجمامتنا يازهرة من كل بستان وردة ومهما تقولي تأكدي ما بتخرجي من النص



Post: #93
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 10:27 PM
Parent: #92

Quote: لا ابدا يا ريت تكون هكذا . سوما مديرة وكالات السفر اكان جيبك مليان جوازات ما بتعتّب لصالة المغادرة الا سوما تجيه ليك التذكرة .

اها تاني عندك كلام ؟

مجاناً ياودشيقوق
يا أخوي من كوسوفا ممكن ما تشوفا لينا
طريت البلد والجيب مكتول كمد
Post: #94
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 10:32 PM
Parent: #93

Quote: وادى الملوك ، كافتيريا تقع على مقربة من مدرسة المؤتمر الثانوية للبنين فى شارع الموردة فى مدينة امدرمان ، تدخل اليها "الكافتيريا "من "الفسحة "الموجودة امام المدرسة ، طريقها ترابى غير معبد تماما ، تغدينا فيها ذات يوم

زهرة العروس
ما أحلى سردك أكثري من القصص
ولك مودتنا
Post: #95
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 10:48 PM
Parent: #94

Quote: تلك ايام - اخي ابو بكر - لم تتبقى منها إلا بعض الصور
اتأملها بصمت....
واقول في نفسي
ألاليت الزمان يعود يوماً

أها يا ودشيقوق هاك

ضرغام :
سيد الحي
عبلة اختارها القلب
فهل لي في الزواج سبيلا

مالك :
والمهر يا ضرغام
مهر عبلة هائل
فأقترح أن تحذرَ

ضرغام :
سَل تاج كسرى
أو فطلب عمامة المنازرة
سَل سبحة القيصر
أو فطلب صليب القيصرَ

مالك :
المهر فوق ذاك

ضرغام :
قله لاتخف أن تذكره

مالك :
المهر رأس عنتر

ضرغام :
له الويل ماذا قال ؟
Post: #96
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-28-2008, 10:58 PM
Parent: #95

نتابع

مالك :
جَبنت ؟

ضرغام :
معاذ الجبن في دمي
أأمشي للفلحاء وأخطف رأسه
فداه الذي تمشي إليه القبائل
كريم والكِرام قد إنقضوا
شجاع وشجعان الرجال قلائلُ

مالك :
وعبلة يا ضرغام

ضرغام :
وماشأن عبلة

مالك :
أليس فداه
في الحِجاز العقائلُ

ضرغام :
أجل
وفداها الشمس
ما إلتفت عليها الأصائلُ

مالك :
أأنت تخاف العبد

ضرغام :
ولما لا أخافه
تخاف وترجى فيه الرجال الفضائلُ
Post: #100
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سمية الحسن طلحة
Date: 06-29-2008, 00:52 AM
Parent: #96

تكاثرت علي الظباء فأضجيت كحراش فليسامحني من لم تسعفني بذكره الذاكرة
جهرني نور داركم البقبق ياخالد وأعشى البصر والشوف بالقلب الله يتممنا بعقولنا
( لعمرك لا تنفع الأبصار أهلها إذا لم يكن للمبصرين بصائر )
إنجمامة حقوا الناس يجوها يشيلوا منها الفال

العم مقبول أبارو كلامك ينقش بماء الذهب ويعلق وسام على الصدور العامرة بحبكم وحب الوطن
متعك الله بالصحة والعافية ومتعنا بوجودكم مراجع تاريخ تمشي بينناتضيئنا وتضيئ لنا
لاصفى ذهني لابالي راق
مما نويت للدار فراق
أسعفني ياحمام العراق
سلفني جنحين كالبراق

شكراً أخي ممدوح وتقبل والأسرة الكريمة أطيب التحايا .

سلام خاص للأخ محي الدين جبريل صاحب الدعوة المستجابة

الأستاذ أبوبكر أبو القاسم مليت الخانة لمن كملت الأصفار
وفرت علينا كلام كتير وأبطلت مفعول التجدع البرا مشهاد

الأستاذ الطيب شيقوق نربط ونحل البهم ونربط ونحل بالفهم
الرعي مهنة الأنبياء ولو عمل به رؤساء العالم لقادوا خير قيادة
حبوباتنا وأماتنا كانن بلوولننا بـ
الدانية...
أم خداما تمانية
واحدين عند السندالة حامية
واحدين للفي البطانة رامية
Post: #98
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 00:10 AM
Parent: #90

حذف للتكرار
معذرة
Post: #99
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 00:10 AM
Parent: #90

يا (عمك )كيمو يااخوى الكتوف متلاحقات
ما تشوف الصورة دى
اختك كبرت وليها خمسين سنه فى امقدود
وكتر خيرك على كل كلمة جميلة فى حقى
الصورة طبعا جديدة لنج حقت السنه دى
لكن برضو ما نى صغيرة
الحمد لله انك واحد من الذين يقراون لى
واحمدالله كثيرا انى تعرفت عليك اواليك ايهما شئت
لك مودتى
ونتلاقى فى الدنيا دى كان الله طلق
يا قول ناس اهلنا فى كردفان
اقعد عافية وقنب طولا
Post: #114
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: لؤى
Date: 06-29-2008, 02:49 PM
Parent: #86

شيقوق
مساء الخير



Quote:
لكن في الربع الاخير ببدأ افكر اشتري شنو واهدى لمنو واحجز في اي خطوط هنا سوما بالحيل في البال
بسّ دي تِبأَى رشوة





يا جماعة وين سوما ؟


أنـا في البـعـيـد مُـشـتـاق لهـمـسـة من الوطن يا نـسـمـة

Post: #97
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-28-2008, 11:49 PM
Parent: #82

Quote: وسوق الناقة يا المسنوحة مالو ؟

يا الطيب الجميل
اولن شى سوق الناقة دا الا كان سمعت بيهو قريب دا
ويعمينى عمى الترب ما شفتو لهذى اللحظة
مشيت امدرمان وما ورونى ليهو
حدى سوق ليبيا
وبعدين النحكى ليك
بقيت ما بعرف امدرمان الا القديمة
انشرت
حدها كردفان
وحدها النيل الابيض (زمان )
وحدها دنقلا
يعنى بالعربى بقيت (ابو جهل ) ولااقول ليك
ام جهل
(ام جهيلا ما رضع جنا )او كما قال الفنان
اوعه تقول لى ما قال كدى
دم للركب
لانه القالو (برى )ما بقدر اقولو
الله منك يا مسخوت يا مدعى
ويديك الفى مراضك (وتخرف وسط اولادك)
نعمنوخرفك الله لاحضرنا ليهو
عارف زمان كنا والعميرى عليه رحمةالله وخطاب حسن احمد
يوم طقت فى راسنا اننا حنتلاقى بعد زمن طويييييييييل
السنون مكسرات واللسان خلاس انعوج
اها قمنا قلنا يوم نتلاقى داك
عميرى قال
ـ تعرف ياخطاب ويا (شلمى ) زمان (المشرح)اكان ل(شيش) خلا (ش)
وكنا بنم(شل ) (التمشليات)
وجرت الحكاية والكلام يا الطيب ياخوى دنيا فرندقس
هسى عميرى من مشى ليهوتسعتاشر سنه ولسه كلامومالينا
يا حليل منها ام بنايا قش
الله يدى العافية ود امى
ويديكم يا ناس الانجمامة العافية واللقمة الدافية
هسى ابكى ليكم ؟
Post: #101
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 06:36 AM
Parent: #97

النجمة الجميلة سلمى

Quote: اولن شى سوق الناقة دا الا كان سمعت بيهو قريب دا
ويعمينى عمى الترب ما شفتو لهذى اللحظة


والله يا يا فردة نص حياتك ضائع . سوق الناقة ده او سوق قندهار يا سلمى عالم تاني . صحيح سوق يتميز بالبساطة في منشأته فهي رواكيب معروشة بالحصير او النال وباعمدة من حطب السنط او الطلح !!! . كثافة سكانية عالية ساعات الذروة وذروته ساعات الوجبات النهارية فقط لانو بالليل بيتحول لمنطقة عسكرية ممنوع الاقتراب والتصوير ولكن رغم ذلك بتجد المتفلتين عن هذه القاعدة !! . . متوسط دخل المرأة العاملة في الطعام في هذا السوق لا يقل عن 500 الف جنيه في اليوم وراسمالها فقط صاج ولحمة وخضراوات واحيانا يشتري العملاء لحومهم وخضارهم لوحدهم لياتون بها لتطبخ بمهارة عالية في هذا السوق . ارتفاع الدخل هذا ليس من القيمة الحقيقية للوجبات المقدمة وانما بسبب فنجرة الذين يؤمونه لتناول الوجبات هناك . اغلب رواد هذا السوق من هوامير السوق الذين غالبا ياتون اليه من الرياض او الطائف او المعمورة او اركويت وفي اغلب الاحيان باسرهم فهولاء ملوا ترف المدنية وهدير المكيفات فياتون هنا هروبا من الاختناق البندري .

عندما تجلس منتظرا تجهيز العام يمر عليك الاطفال تجار اشرطة الكاسيت الذى تخصصوا في معرفة امزجة العملاء من خلال جهوياتهم . فلو كنت زى ود شيقوق ياتون بالقرب منك ويشغلوا شريط الدوبيت لتسمع النمة الحلوة ولو كنت محمد المرتضى حامد بسمعوك ال temptations ولو كنت احمد القرشي بشغلوا ليك بادى محمد الطيب وغناء الحقيبة ولو كنت سلمى بت الشيخ بشغلوا ليها الربّة ولو كنت الرطاني بشغلوا ليك غناء الرطانة وهكذا وانت المستمع في غمرة النشوة بتتزحزح لا وراء وتدخل ايدك في جيبك وتدفع بس .



مشيت امدرمان وما ورونى ليهو

Quote: (ام جهيلا ما رضع جنا )او كما قال الفنان
اوعه تقول لى ما قال كدى
دم للركب


شن قدري اقول غير كدا لكن القالو عارفو واكان كترتي هسع بفتو هنا .


Quote: عميرى قال
ـ تعرف ياخطاب ويا (شلمى ) زمان (المشرح)اكان ل(شيش) خلا (ش)
وكنا بنم(شل ) (التمشليات)


النوع ده لذيذ خلال خاصة لما يكون قاعد في هباب وحقتو حقت التمباك مفنترة في الجيب ويقوم عايز يتكلم يمد كراع بعيد ويدخل يدو في الجيب عشان يطلع الحقة ويفتحها ويبدأ الكلام ويروح خاتي ليك السفة وهو يتحدث ومعاها بزغة صيييييييييييط زى سم ابو درقة .

لقيتيني كيف يا فردة ؟؟

وج
Quote: رت الحكاية والكلام يا الطيب ياخوى دنيا فرندقس
هسى عميرى من مشى ليهوتسعتاشر سنه ولسه كلامومالينا
يا حليل منها ام بنايا قش


ربنا يوسدوا الباردة ويصبرك انت

Quote: واللقمة الدافية


No comment
Post: #124
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 06:28 PM
Parent: #101

Quote: النوع ده لذيذ خلال خاصة لما يكون قاعد في هباب وحقتو حقت التمباك مفنترة في الجيب ويقوم عايز يتكلم يمد كراع بعيد ويدخل يدو في الجيب عشان يطلع الحقة ويفتحها ويبدأ الكلام ويروح خاتي ليك السفة وهو يتحدث ومعاها بزغة صيييييييييييط زى سم ابو درقة .

لقيتيني كيف يا فردة ؟؟


عزالطلب وحاتك يا الغالى
عارف زمان زمن الزمن زين والشعر مغتى الاضنين
عاد يا الله بجيك وتسالنى
دى بمناسبة الشعر مغتى الاضنين
شعرى دا مضرب مثل من طولو
لكن البشتنة تقول عليها شنوود امى
ساكت قمت عليهو البت فنجرية يعنى ومع الموضة
حلقتو (جت )
بقى متل الركبة
وامى عليها الرحمة تارينها زعلانة لكن مادايرة تبين لى زعلها
كلمت اخواتى بالزعلة من (حلقة الراس السويتا)
اها النحكى بحلقة تانية
يوم فى القاهرة ناس عقد الجلادكانوامعانا
وقالو كدى قعدوا يحلقو لبعض ما فنانين كما لزوم الاناقة
قمت قعدت للوليد اسمه عركى عازف الايقاع
وخسمتوكان ماحلق لى
اها بقى يحلق ويجى زولتانى يقول ليهو
ـ لا ياخ الحتة دى ما موزونة
(شيتك شيتك يقص )
لمن بقى ركبة جدجد
ولمن خلاس فتر قال لى
ـ يا بت الشيخ دا اخر كلام بعد دا ببقى صلعة
قلت ليهو
ـ الله (يصلع) حالك ود امى
غايتو يا ودالمنسى والطيب الله يجازيكم بالخير خليتونا نفك اخرنا
لكن بينى بينكم هسى بقيت كل ما يدى تنتشنى
اتذكر انى باكر حابقى حبوبة تانى مافى حلاقة
لكن فكرة الحبوبة دى احلى فكرة
اصحابى كلهم يقولو لى
ـ ما خايلة فيك
لكن الجاتك فى (حبوبتك سامحتك )
اقعدواعافية
Post: #102
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 06:44 AM
Parent: #97

بت طلحة صباحك

Quote: الأستاذ الطيب شيقوق نربط ونحل البهم ونربط ونحل بالفهم


الايام دى الجماعة منتظرين البهلة صاح ؟
Post: #105
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 07:47 AM
Parent: #97

منسي

Quote: يا أخوي من كوسوفا ممكن ما تشوفا لينا


بعد تصوت في انتخابات كوسوفو يا المسنوح .
Post: #103
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-29-2008, 07:03 AM
Parent: #1

الأخت/ سلمى الشيخ سلامة تحية وإحتراماً

Quote:
اختك كبرت وليها خمسين سنه فى امقدود
وكتر خيرك على كل كلمة جميلة فى حقى
الصورة طبعا جديدة لنج حقت السنه دى
لكن برضو ما نى صغيرة



الليلة حا أعمل ليك زى قصة أنا وأخوى الكاشف ...

أسمعى عاد النقول ليك ... أنا حسابياً الدفعة القُبال الطيب شيقوق فى الجامعة ، لكن هو لمن جانا برلوم كان عندو عبدالله وإثنين تانييين،

والكلام دا كان 1978 ، يعنى ليهو (30) سنة ، لو حسبنا إنوالطيب كان عمرو (19) سنة وقتها ، وما دخل كبير زى ما بسووا أولاد العرب ،

نكون كلنا فى عمر الزهور. الكلام دا لأنو الرطانى الأيام دى مصهين من شيقوق وقاعدين نحاحى ليهو فيهو كان نقدر نقرعو.

حقيقة نحن كلنا آذان صاغية فالحديث عن الفنان ( عبدالعزيز العميرى ) له طعم خاص ، فيحلو لنا الإستماع لكل سيرته وجوانب إبداعه

المتعددة: المسرحى / الفنان / القاص و صاحب البديهة الحاضرة والنكتة التى لا تفارقه....

عقِبِّى لينا عن سيرته فى هذه الإنجمامة العامرة بكم.
Post: #126
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 06:45 PM
Parent: #103

Quote: حقيقة نحن كلنا آذان صاغية فالحديث عن الفنان ( عبدالعزيز العميرى ) له طعم خاص ، فيحلو لنا الإستماع لكل سيرته وجوانب إبداعه

المتعددة: المسرحى / الفنان / القاص و صاحب البديهة الحاضرة والنكتة التى لا تفارقه


ابوبكر اخوى كيفنو حالك ؟
عميرى
كان زول براهو
شيتن لا حكى ولابقى
زول سمح رحمة الله عليه
يوم جا الاذاعة
وكنت جاية من البيت مكربنه مواصلات وغبار وحر
وعندى استديو فى الساعة ديك
الاستديو لقيتو ما جاهز الفنى ما جا
وحاجات سودانية (لذيذة )
المهم بحالتى ديك لاقانى
ـ بت الشيخ سلامة هوى ، مالك زعلانة ؟
قمت حكيت ليهو الحكاية
قال لى احكى ليك نكتة الزول المسطول الداير يكتل مرتو وختا ليها المسدس فى الشاى
وفااااااااااااات
دا كان عميرى
يوم برضو جانى فى البيت وكان مطول منى ما شفتو
ـ وين يا عب عزيز مالك مطول مننا
ـ كنت شغال والله
ـ مبروك شغال شنو ود امى ؟
ـ مسلسل
ـ دى جديدة دى ، اها والمسلسل اسموشنو؟
ـ العيون مورمات ماشيفة عيونى ديل ؟
وكان مسلسل (العيون والرماد )
رحم الله عميرى رحمةتتسع والهمنا الصبر فى غيابه
Post: #104
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-29-2008, 07:04 AM
Parent: #1

عدلنا للتكرار رغم إنو طلبنا يستحق التكرار
Post: #106
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 09:10 AM
Parent: #104

اختك كبرت وليها خمسين سنه فى امقدود
وكتر خيرك على كل كلمة جميلة فى حقى
الصورة طبعا جديدة لنج حقت السنه دى
لكن برضو ما نى صغيرة
سلمى سلامة
__________________________________

إلى زهرة عروس الرمال
سلمى سلامة
ليه بنهرب من مصيرنا
أعلم يقين أنك صامدة ولم تهربي بل كانت بدايتك معنا من بداية ضربة البداية ويادوب البروق شلعت والناس توسمت خيراً
لك الإهداء الكلمة والصوت الدافئ الذي يدغدغ كل شعرة من الإحساس والشعور ( بتخيل المشاعر الأحساس زي بيت العنكبوت لما تهزه الريح ) وهو تماماً كما حال ما يفعله صوت نانسي عجاج لمستمعيها .. نانسي لا تغني بإحساسها بل تغني متغمصة كل الأحاسيس المشاعر كافة.

كل المودة يا زهرة



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #107
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 09:31 AM
Parent: #106

Quote: العم مقبول أبارو كلامك ينقش بماء الذهب ويعلق وسام على الصدور العامرة بحبكم وحب الوطن
متعك الله بالصحة والعافية ومتعنا بوجودكم مراجع تاريخ تمشي بينناتضيئنا وتضيئ لنا
لاصفى ذهني لابالي راق
مما نويت للدار فراق
أسعفني ياحمام العراق
سلفني جنحين كالبراق

ريحانة البطانة
تسلمي على هذه الحروف الندية وانت ماعونها يا زهرة الحسن ودطلحة
وزي ماقالو أهلنا الشدر الكُبار فيه الصمغ
والكبر يوهن كل شئ ويوقد الحكمة
تحياتنا للعم المقبول ابارو وندعو الله أن يمتعه بالصحة والعافية.
Quote: نربط ونحل البهم ونربط ونحل بي فهم

اي والله الربط والحل انتو اهلو اهل البطانة اهل القريحة الصافية
أسياد السارحة الصاهلة والبارك
أرتعي فوق عديلك يا ملكة
Post: #108
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 09:39 AM
Parent: #107

Quote: حقيقة نحن كلنا آذان صاغية فالحديث عن الفنان ( عبدالعزيز العميرى ) له طعم خاص ، فيحلو لنا الإستماع لكل سيرته وجوانب إبداعه

المتعددة: المسرحى / الفنان / القاص و صاحب البديهة الحاضرة والنكتة التى لا تفارقه....

عقِبِّى لينا عن سيرته فى هذه الإنجمامة العامرة بكم.

ودأبوالقاسم وسلمى الشيخ سلامة

أنعم الله عليكما
الطالب والمطلوب
ونحن الفائزون بسيرة رجل بلد بحاله يمشي على قدمين ( عليه رحمة الله ويتغمده بها )
Post: #109
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 10:29 AM
Parent: #108

ابو القاسم

شنو الدراب ده خلاص اصابتكم العدوى ولا شنو.


Quote: أسمعى عاد النقول ليك ... أنا حسابياً الدفعة القُبال الطيب شيقوق فى الجامعة ، لكن هو لمن جانا برلوم كان عندو عبدالله وإثنين تانييين،

والكلام دا كان 1978 ، يعنى ليهو (30) سنة ، لو حسبنا إنوالطيب كان عمرو (19) سنة وقتها


شوفي يا سلمى انا تزوجت من تانية ثانوي عام يعني (سابعة اساس) بمفهوم اليوم وكان عمري وانا عريس جديد لنج 14 سنة وعبد الله مولود بعد 4 سنوات من زواجي !!!!!!!! ( تفهميها طايرة ) يعني عبد الله مولود وانا في ثانية ثانوي ومرتضى ولدى مولود وانا في ثالثة ثانوي ودخلت الجامعة 1979 وكنت اصغر طالب وتخرجت 83 شن جابني لود ابو القاسم كمان .

الرطاني الايام ده عندو انجمامة من نوع غير اوع تشاغلهو .
Post: #110
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 10:43 AM
Parent: #109

Quote: الايام دى الجماعة منتظرين البهلة صاح ؟


أول ما يتزرد يا ياهو حالو
بزوغ زي ود الموية وما بتمسك
Post: #111
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 11:08 AM
Parent: #110

Quote: أول ما يتزرد يا ياهو حالو
بزوغ زي ود الموية وما بتمسك


المسنوووووووووووووووووووووووووووح عرفتني كيف؟ الليلة اظن معاك عوض السيد
Post: #112
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 11:18 AM
Parent: #111

Quote: المسنوووووووووووووووووووووووووووح عرفتني كيف؟ الليلة اظن معاك عوض السيد

قالو الزول سمح يرعى بي قيدو
هبش هنا وهناك
لكن الملكة والله كان ماجاك في نفسك واتكسرت إتبكمت وبقيت تسوي هم هم هم

فياأخوي اسمع كلامي الكريم وأصيل أمدحو
Post: #113
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 11:28 AM
Parent: #112

Quote: لكن الملكة والله كان ماجاك في نفسك واتكسرت إتبكمت وبقيت تسوي هم هم هم


الايام دى بت طلحة بحرها محمر سااااااى الله يكفينا غضبها والله اكان زعلت بتسوّد خطوتي طااااااب اقرعها منى .

انت يا سجم الرماد بتنكت في الفتن مالك ّّّ؟
Post: #116
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-29-2008, 03:45 PM
Parent: #113

اهل الشديرات سلام
ومرحب بي الاعلاميه اللامعة سلمي الشيخ سلامة بيننا



Quote: Quote: العم مقبول أبارو كلامك ينقش بماء الذهب ويعلق وسام على الصدور العامرة بحبكم وحب الوطن
متعك الله بالصحة والعافية ومتعنا بوجودكم مراجع تاريخ تمشي بينناتضيئنا وتضيئ لنا
لاصفى ذهني لابالي راق
مما نويت للدار فراق
أسعفني ياحمام العراق
سلفني جنحين كالبراق

بت طلحة الوالد يقريك السلام
وبسأل من الشيخ الحسين ود طلحة
القائل في مدح عربتة اللوري :

قاس الزيت لقاه تمام
نقر سلفي بي نمرة واحد قام
أم ضبان سلام بلدالعزاز وكرام
الساعة سته وسط المداين حام
Post: #117
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-29-2008, 04:03 PM
Parent: #116

فاتني أن أرحب بعوده العزيز محيو وخليك ملازمنا

الجميل لوئ حبابك في ضل جنينتنا أسرح وأمرح
بس أعمل حساب الدبيب شيقا لا يلدغك
Post: #118
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-29-2008, 04:41 PM
Parent: #117

كنا قد عزمنا وسعادة المستشار ود أبو القاسم أن نخصص كل صفحة لموضوع معين

وسأبدأ لكم بموضوع كنت قد أعدتة كبوست منفصل

منع تداول الاكياس بولاية الجزيرة


صدر قرار من المجلس التشريعي لولاية الجزيرة بمنع تداول أكياس البلاستك
داخل الولاية وكل من يخالف زلك يخضع لغرامة
ماليه قدرها 500 جنية سوداني (بالجديد للناس الطولو)

الغرض من القرار حماية البيئه والثروة الحيوانية

والآن أصبحت مدينة ودمدني خالية من الاكياس نهائياً
فماذا فعل المواطن والتاجر؟
سنعرف ذلك من خلال الصور والاستطلاع الذي قمت به
Post: #119
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-29-2008, 04:51 PM
Parent: #118

هل رجع الناس للحقه من جديد؟

أولاد بوش من أكبر تجار العماري بودمدني وأول من تتضرر من القرار

سألت أحد العاملين وأحد الزبائن
قال العامل: في البداية هي صعبة حكاية الحقة دي خاصة للشباب
بس مع مرور الوقت بتعودو



وقال الزبون منزر وهو يعمل بشركة الهدف للخدمات :
عارف بس شكل الحقة الزي علبة الاسكريم دي ما واقعة لينا
Post: #120
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-29-2008, 05:14 PM
Parent: #119

نترك الآيس تمباك ونشوف ناس الخضار

طبعاَبعد منع أكياس البلاستك ظهرت أكياس الورق كبديل عند بائعي الخضار

مشيت أشتري سلطة وشوية خضار للبيت
أدوني ليك كيس ورق بقيت أسك في الطماطم الشارع كلو

لكن في سبيل إصحاح البيئة نستحمل !!!







كلو كوم والبيض كوم ؟
بتاعين الدواجن كمان إتفننو بقو يدبسو الجرايد في شكل أكياس ؟
و أنا أقول سعر الصحف إرتفع ليه!!؟؟
Post: #121
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 06:03 PM
Parent: #120

أبارو واصل الموضوع شيق جداً بالذات التوثيق بالصور
ما أجملك يا ابارو دمت وعشت
Post: #122
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 06:16 PM
Parent: #118

Quote: والآن أصبحت مدينة ودمدني خالية من الاكياس نهائياً
فماذا فعل المواطن والتاجر؟

ودابارو
سلام وتحية
ليك هدية كتبتها قبل كمسنه لمن كنت فى السودان
اتمنى انها تعجبك



وكتين الزول يجى ماشى ويعتر ليهو كبس نايلون يقرب يقع ، الكيس الانت ولا الانتى فضيتهو من الكان فيهو يا تلمو يا ترميهو فى ماعون الزبالة ، العالم دا كلو بستهلك اكياس نايلون لكين ما بتشوفو فى الشارع ، وناس الحكومة زمان كان فى مقالب زبالة البلد نضيفة وحكمة الله قالو كانوا بغسلوها فى الليل ، يعنى العاصمة ، هسى العاصمة بقت زى الاقاليم والاقاليم زى روحا ، مبشتنه ومعولقة لا تقدر تمشى فى الشارع من اكياس النايلون المعلقة فى الشجر زى الثمار ، ووكت تجى بالدرب من الابيض لغاية الخرطوم ، منظر الاكياس معلق فى الشجر يخليك تقرب تنزل وتنضف الشارع ، لكين كان سويت كدى بقولو عليك مجنون ، نعمنى سويتا قبل دا الخلق دى كلها تعاين لى ، وحاتا ابو ادريس ما قصدى غير النضافة ، ووكتين الزول يشوف الحاجة السمحة نفسو بتنفتح ، وما الابيض براها من الدمازين وتمر بالروصيرص لغاية ما تجى فى كسلا ، وتمشى القضارف ، ومدنى نفس المنظر التعيس اكياس النايلون يعنى حاجة تجيب العصبى للزول ، ومالو ما نستعمل اكياس النايلون ، ما دا عصر البلاستيك لكين المغصة انو الغنم بتاكل الاكياس ، ولمن تاكلا بتمرض وبتموت ، دا واحد ، التانى صحة البيئة ، التالت مشهد ما بليق بالانسان انو يشوفو ، سمح الحل شنو ؟
اولك يا بادى الغرامة للزول البرمى الكيس ، وكتين يدفع مرة واتنين بتعود بعد داك ما يدفع ، سمح نجيب من وين ناس يراقبو الكلام دا ؟ وليه الرقابة بس نسوى اعلان والناس تقراهو ، وتحذير بالرادى والتلفزين انو لو انت يا مواطن رميت كيس فى الشارع فى ناس حيقومو يغرموك وتدفع ولا تنسجن ، اها الناس بتقوم ما ترمى الوساخة حقتا فى الشارع ، بعدين نسوى براميل كبيرة للوساخة فى الشوارع كان فى العاصمة ولا الاقاليم المعنى يعنى نحرض الناس على النضافة ، والكلام حق العلم بيناتنا وحق الدين (ازلة الاذى عن الطريق صدقة ) يعنى بدل اليافطات المعلقة (للحرب والشهادة) دى نسوى حاجة حقت البنى الادم العايش ونحرضو على الحياة باسلوب انسانى لا فيهو قهر ولا خمة نفس ، بدل ما نتكلم عن حاجات غير اليومية احسن نتكلم عن الانسانية ، والانسان بطبعو ميال للحرية والحاجة البتريحو مش الحاجة البتشدو ضدها ، ولان النضافة من الايمان والكائن السودانى دا زول مؤمن كان المسيحى وكان المسلم ، مؤمن بالانسانية ليه ما نحاول نعيد صياغتو بالتى هى احسن ، مش بالضرب ، زى ماحصل مع ناس المعاشات ، ادوهن حقهن ، وما فى زول محتاج ينضرب ,لا بقوا الفلسطينيين اهم ؟ ليه نبقى متل شجر الدليب ضلنا لى بره ؟ ما كان اولى ندى ناس البيت وبعدين نفتش البره ، واهلنا قالو الزاد ان ما كفى ناس البيت يحرم على الجيران ، دحين يعنى الحاجات كلها الحكمة مربوطة ، وبدل ناس يقولو ما لنا بيها انشاء الله تحرق نخليهن يقولوا دى احسن حته فى الدنيا ، والعدل هو الموجه الحقيقى للحياة الانسانية ما القمع ، واكان اصلو القمع بجيب ، ما كان الدنيا فضل فيها زول حايم ، لكين لانو البنى آدم بعرف يصد القمع كيف ، اتدرب من اقدم العصور ، وعارف انو الحياة ما حقت زول ، وما فى زول بدى الحياة ، الزول بعرف ولمن يعرف الكلام ببقى تانى ، دحين يعنى اهلنا قالو الجاهل طبعوه وشبعوه ، ادوهو حقو وبعمل الواجب ، يعنى زمان ما كان فى اكياس نايلو ؟ قاعدة لكين كان فى حاويات زبالة فى الشارع الزول متعلم يرمى الوساخة محلها ، هسى ديل ناس جداد ، ناس صغار دايرين تربية وباساس جديد ما بالضرب لانهم ما بخافوا بقو ، ولا بالمطاردة ، بل العكس باللين بالكلمة الطيبة بالفعل الانسانى ببقى عندنا ناس عارفين معنى الانتماء للسودان وللوطن خليك من السودان انتماء حتى للبيت الصغير ، ودى زمان كانوا بدرسونا ليها فى الجغرافيا ، وفى التاريخ وفى العربى ، اتعلمنا معنى الانتماء من خريطة القلة لغاية خريطة العالم هسى بقت الحاجات مجوبكة ومربكة بقى ما عارف يسمع كلام التلفزيون ولا المنهج الماقادر يقول ليهو معلومتين صاح ، وزى ما قلنا الحاجات زى الخيط مربوطة التربية والسلوك من المنهج لغاية كرسى الرئاسة وكان ما عرفتو كلامى دا بوقعو ليكن المرة الجاية ، ابقوا عشرة يا جنون على نضافة البلد لانو النضافة عنوان الشعوب الراقية ، لانو النضافة معناها الزول نضيف من جوه ودا المهم اقعدوا عافية ونضاف وظراف
Post: #123
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 06:23 PM
Parent: #122

Quote: منع تداول الاكياس بولاية الجزيرة

الطفرة الزراعية
منع تداول الأكياس بولاية الجزيرة
مليون نخلة

والشرخ الكبير كلما مرَّ عليه يوم يزداد الجرح غورا

الأخلاق .. الروح الطيبة .. الكلمة الطيبة .. الأمانة .. الصدق .. الشهامة .. الكرم .. المروءة
واخواتهن

يا حسرة عليك شعب بلدي




Post: #125
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 06:36 PM
Parent: #123

أبارو وأكياس النايلون

في عام 2000 كنت أول مرة أزور السودان مع زوجتي أم أحمد ( المجرية ) قدمنا عن طريق تركيا القاهرة الخرطوم حطت الطائرة في تمام الساعة السادسة صباحاً ... وعندما إستدارت الطائرة لتستقر في المكان المخصص لها في المدرّجات الجانبية ( الباركنق ) كانت زوجتي تتطلع من النافذة لترى المصير الذاهبة إليه. وكانت صيحة منها ماهذا ما هذا؟؟ .. ( أنا قلت في حريق في الطائرة ولا مصيبة زمان .. شنو يا فقيرة ) إلتفت وأنا اردد أين؟ شنو ؟ ( طبعاً بالمجري .. وهي تشير ناحية النافذة لحائط المطار ذو السلك الشائك ( أكياس النايلون معلقة وبغزارة كأنها شربات بوليس يوم الجمعة في حبل نشر الهدوم ) أجبتها هذه عملوها ناس المطار حتى تكون منظر يلفت الزائرين للبلد..( سكتت فد سكتة عاد إتحلا منها كيف .. والكويس أني كنت مفهمها أنا ساكنين تحت شدرة لذا إنبسطتت شديد من السودان ولي هسي مبسوطة من شندي ومزارعها ...
فعلاً الأكياس كانت كثيرة وكثيرة جداً أكيد قد مرة علي هذا المنظر مرات عدد حين قدومي في عطلة لكن كان أول مرة ألحظه بعيون المجرية

يا أبارو لمو الأكياس والفريد
Post: #127
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 06:51 PM
Parent: #125

ابارو

Quote: بس أعمل حساب الدبيب شيقا لا يلدغك




نرحب بعودة الاخ محيو لحظيرة الانجمامة - وما يخاف اللدغة منى ما بلقاها بس انت حاسب يا مسنوح والله طالما عمنا ابارو وسطنانسكت بس و عين تكرم الف عين .
Post: #128
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 07:01 PM
Parent: #127

Quote: غايتو يا ودالمنسى والطيب الله يجازيكم بالخير خليتونا نفك اخرنا
لكن بينى بينكم هسى بقيت كل ما يدى تنتشنى
اتذكر انى باكر حابقى حبوبة تانى مافى حلاقة
لكن فكرة الحبوبة دى احلى فكرة
اصحابى كلهم يقولو لى
ـ ما خايلة فيك
لكن الجاتك فى (حبوبتك سامحتك )
اقعدواعافية

زهرة عروس الرمال ( سلمى سلامة )
أها يا بت الناس أديك الوصفة وانت قلتي في مطلع الخمسينات ( دي سن بداية زوال الشعر "نساء " )
أقعي بعر البقر.. أخلطي ليك حبيبة كدي من بعر البقر مع الكركار .. ( ماتقولي لي بتدهني بي خمج اليومين دي ياردلي وسوفي اويل وشنو مابعرفو ) ... كركار وبعر بقر لزوم البروتين ولا الرأس برقد كدوّية وكيس نايلون تلفي بي ما تلقي .
Post: #129
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-29-2008, 07:22 PM
Parent: #128

الى الاستاذة سلمى الشيخ

الى الاستاذ ود ابو القاسم

ســـلامات

اسمحو لى ان اهديكم هذة اللقطة

للراحــل المقيم العميـــرى

عمكم كيمـــو
Post: #130
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 07:22 PM
Parent: #106

ود المنسى ياخ احبك ياخ
وما تكلم زول
الزولة الفنانة نانسى شيتا كتر
وغنايا يرد الروح
تسلم ود امى من كل شر
وهديتك دى ادينا لنك الحفض
دى حبوبة طبعا
وكانت ما بتعرف تقول لخالى عبد الحفيظ الا حفيض
وتقول يا حافض ياحفيض
دحين ادينا لنك الحفض
والحفض يكلم الماحفض
اقعد عافية ولقمتك دافية
ونيتك الاكتر من صافية
Post: #132
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سمية الحسن طلحة
Date: 06-29-2008, 08:09 PM
Parent: #130

Quote: قاس الزيت لقاه تمام
نقر سلفي بي نمرة واحد قام
أم ضبان سلام بلدالعزاز وكرام
الساعة سته وسط المداين حام


ياسلام ياعم مقبول ما قلت ليكم ياخالد الناس ديل مراجع ودخري للتاريخ
فعلاً عمي الحسين عليه رحمة الله كان يمتلك العربات وله مصنع للأجبان في أبودليق
ومزارع أبقار بجانب الزراعة والحواشات وهو كما قال عنه جدي الشيخ طلحة:
( شاباط ولا باط وعصاتو في الأباط ) كان رجل مهاب الجانب يتحدث بفوهة البندقية

سلمى بت الشيخ ست البنيات سلام ياسكر نبات
( كملتي سكرنا )

ولكم السلام والإحترام بدون فرز .
Post: #131
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-29-2008, 07:54 PM
Parent: #1

أهل الشديرات ..... سلام

الفنانة سلمى الشيخ سلامة سلامات

Quote:
عميرى
كان زول براهو
شيتن لا حكى ولابقى
زول سمح رحمة الله عليه
يوم جا الاذاعة
وكنت جاية من البيت مكربنه مواصلات وغبار وحر
وعندى استديو فى الساعة ديك
الاستديو لقيتو ما جاهز الفنى ما جا
وحاجات سودانية (لذيذة )
المهم بحالتى ديك لاقانى
ـ بت الشيخ سلامة هوى ، مالك زعلانة ؟
قمت حكيت ليهو الحكاية


شكراً فقد فتحتى شهيتنا لسماع المزيد عنه تقبله الله بقبول حسن بكل كلمة حلوة / بكل قصيدة / بكل إبتسامة/ بكل قفشة وبكل عمل

درامى وموسيقى فقد أدخل البهجة والحبور على الكثيرين منّأ ، وبعض العارفين يقولون أن هذه الدنيا إنما هى تمحيص ليعرف الله سبحانه

وتعالى معادن البشر ، فعميرى نجح سريعاً فلماذا يستمر معنا فى هذه الدنيا فمر سريعاً .



ممدوح أبّارو :

شكراً جزيلاً فقد أمتعتنا بموضوعك اللطيف :

Quote: أن نخصص كل صفحة لموضوع معين

وسأبدأ لكم بموضوع كنت قد أعدتة كبوست منفصل

منع تداول الاكياس بولاية الجزيرة


صدر قرار من المجلس التشريعي لولاية الجزيرة بمنع تداول أكياس البلاستك
داخل الولاية وكل من يخالف زلك يخضع لغرامة
ماليه قدرها 500 جنية سوداني (بالجديد للناس الطولو)

الغرض من القرار حماية البيئه والثروة الحيوانية

والآن أصبحت مدينة ودمدني خالية من الاكياس نهائياً
فماذا فعل المواطن والتاجر؟




الأستاذة سلمى شكراً لمشاركتكم الوافية فى موضوع منع الأكياس ، فقد شملتى كل الجوانب المهمة:

-إزالة الأذى عن الطريق.

- التحريض على الحياة بأسلوب إنسانى.

- الكلام عن الإنسانية .

- صياغة الإنسان بالتى هى أحسن .

- شجر الدليب .

-كون العدل هو الموجه الحقيقى للإنسانية .

-شرح الطريقة المثلى لتربية الأطفال .


Quote: اها الناس بتقوم ما ترمى الوساخة حقتا فى الشارع ، بعدين نسوى براميل كبيرة للوساخة فى الشوارع كان فى العاصمة ولا الاقاليم المعنى يعنى نحرض الناس على النضافة ، والكلام حق العلم بيناتنا وحق الدين (ازلة الاذى عن الطريق صدقة ) يعنى بدل اليافطات المعلقة (للحرب والشهادة) دى نسوى حاجة حقت البنى الادم العايش ونحرضو على الحياة باسلوب انسانى لا فيهو قهر ولا خمة نفس ، بدل ما نتكلم عن حاجات غير اليومية احسن نتكلم عن الانسانية ، والانسان بطبعو ميال للحرية والحاجة البتريحو مش الحاجة البتشدو ضدها ، ولان النضافة من الايمان والكائن السودانى دا زول مؤمن كان المسيحى وكان المسلم ، مؤمن بالانسانية ليه ما نحاول نعيد صياغتو بالتى هى احسن ، مش بالضرب ، زى ماحصل مع ناس المعاشات ، ادوهن حقهن ، وما فى زول محتاج ينضرب ,لا بقوا الفلسطينيين اهم ؟ ليه نبقى متل شجر الدليب ضلنا لى بره ؟ ما كان اولى ندى ناس البيت وبعدين نفتش البره ، واهلنا قالو الزاد ان ما كفى ناس البيت يحرم على الجيران ، دحين يعنى الحاجات كلها الحكمة مربوطة ، وبدل ناس يقولو ما لنا بيها انشاء الله تحرق نخليهن يقولوا دى احسن حته فى الدنيا ، والعدل هو الموجه الحقيقى للحياة الانسانية ما القمع ، واكان اصلو القمع بجيب ، ما كان الدنيا فضل فيها زول حايم ، لكين لانو البنى آدم بعرف يصد القمع كيف ، اتدرب من اقدم العصور ، وعارف انو الحياة ما حقت زول ، وما فى زول بدى الحياة ، الزول بعرف ولمن يعرف الكلام ببقى تانى ، دحين يعنى اهلنا قالو الجاهل طبعوه وشبعوه ، ادوهو حقو وبعمل الواجب




هذه الأغنية ( هل تدرى يا نعسان ) سمعتها بتمعن من المرحوم عميرى ، فتشت وما وجدت أى تسجيل سوى من جمال فرفور .





pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #133
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 08:18 PM
Parent: #131

Quote: ود المنسى ياخ احبك ياخ
وما تكلم زول


الليلة الدم حدو الركب
Post: #137
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-29-2008, 10:21 PM
Parent: #133

Quote: الليلة الدم حدو الركب


يا ود شيقوق
مالك ومال الدم ؟
ياخ زول يقولو ليهو (احبك)
تجى شايل لينا مناحة ؟
الله يهديك
الزول لمن يقول كلمة زى دى
بدوهو ورود وزهور
ورياحين
انت قايل الحب ساهل كدى ؟
الحب صعب فى الزمن دا
وحات الله وبدون حليفة (حليفة خوجلى )
بتعرفو دا ؟
ولا بت الشيخ زول ساكت بس
اها من يومك تسوى لينا دواس ؟
الدواس ماهوالاساس الحرب ماهى الاساس
زى ماقال صحبى خطاب
وازيدكمان
قال خطاب
بالجد بدورك
فجاة يشلع فينى نورك
والقاك نبتى من التراب السكة
سديتى الافق
اشلخ فروعك
صمغ همك ينهمر قدام عيونى
ولحدى ما يقول
يا صاحبة فى الزمن الصعب
لما يومك بلقى يومى
وفصيل همومك من همومى
نضحك من الواقع سوا
نحنا القدرنا على التعب
حرقتنا السنة اللهب
ولسه ماسكين الدرب
ياصاحبة فى الزمن الصعب
شفت كيف ؟
مش تقول لى دم وركب ؟
تركب يا يمة فى العربية الماخمج
وتتنزه وينشال همك
وتسعد دنيا واخرة شاحدة ربى عليك
Post: #134
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 08:21 PM
Parent: #131

Quote: : قاس الزيت لقاه تمام
نقر سلفي بي نمرة واحد قام
أم ضبان سلام بلدالعزاز وكرام
الساعة سته وسط المداين حام



ياسلام ياعم مقبول ما قلت ليكم ياخالد الناس ديل مراجع ودخري للتاريخ
فعلاً عمي الحسين عليه رحمة الله كان يمتلك العربات وله مصنع للأجبان في أبودليق
ومزارع أبقار بجانب الزراعة والحواشات وهو كما قال عنه جدي الشيخ طلحة:
( شاباط ولا باط وعصاتو في الأباط ) كان رجل مهاب الجانب يتحدث بفوهة البندقية


سمية لازم تنفحينا بشئ ولو قليل عن سيرة هولاء الرجال هم ضينا ويضيئوا لنا السبيل كما قلتي. نتلمس السيرة وتقفي أثرهم ولو قليل....

يا ريحانة أرجو ذلك من كل قلبي أن أسمع حديث عن أهل أبودليق

وما بنضايق أكياسك يا أبارو
Post: #135
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 08:55 PM
Parent: #134

الشرف البازخ
الفنان الرائع عبدالعزيز العميري ( عليه رحمة الله )



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #136
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 09:02 PM
Parent: #135
Post: #138
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-29-2008, 10:45 PM
Parent: #136

Quote: انت قايل الحب ساهل كدى ؟


اكان ما ساهل برموهو لود المنسي كده سااااااااااااى
ود المنسي ما بستاهل حتى البسمة كمان تبهلي ليهو الحب كلوووووووو يا مسنوحة
Post: #140
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-30-2008, 00:05 AM
Parent: #138

ودشيقوق
انت بتعاين للنص الفاضى من الكباية مش؟
اها كان كنت قلت ليك انت جنس الكلام دا
كان تجى شايل اسلحة نووية ما كدى؟
السودان بقيت كان قلت للزول شكرا ساكت
يحمر ليك
اها هنا دا فى (امريكا)
الابتسامة دى زى الفرض
(وابتسم لينا ونحنا جنينا)
وكلمة احبك دى تعال شوف فى المدرسة البشتغل فيها
ماتديك الدرب
الام تجيب طفلها واخر كلمة بتكون (احبك بيبى )
والابوبرضو
والحبوبة
اها الحبوبة دى الحب (كله )
تجى شغل بلا شغل
وتقعدتحكى للطفل وتلعب معاهو ولمن تجى ماشة اول كلمة( حبيبى )
وجنس حب لمن مرات ابكى معاهن
طبعا فاقدة(حنان)
وتلقانى الدميعات ترف وترف لمن تحن على الحبوبة
وتدينى ليك عدد واحد حضنة وتقول لى
ـ انا بحبك انتى كمان لانك بتحبى حفيدتى
عشان كدى اتعودت
وقبل داكلوامى عليها الرحمة
كانت الكلمة دى صارفاها لجنس زول
ومستحيل تجيها وما تقول ليك حبيبى
او يا صباح خيرى
دحين القصة تربية واتربيت اقول للناس كلها حبيبى وحبيبتى
كان عندى (جكس ) جنوو وجن اقول لى زول حبيبى
هو فاكرنى بخونه الغبيان
لكن وحات ابوى الله يرحمه
كلمة حبيب دى على طرف لسانى
هسى انت كمان زاتك وحات ابوى حبيبى
كل الدنيا دى حبايبى
والحمد لله ما عندى الا الحبان والحب اديهوللناس
وما اجمل ان نحب ونحب
ولا عندك راى ؟والله اكلم ليك صحبى الجميل
Post: #139
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-29-2008, 10:47 PM
Parent: #136

Quote: وهديتك دى ادينا لنك الحفض
دى حبوبة طبعا

زهرة عروس الرمال
أخوك إطيرش ساكت في الشئ دا يادوب بفك الخت
كدي كلمي ودشيقوق دا يوريني كيف وبعملو ليك ( انت صدقتي أقصد لؤي ) شيقوق بلا كوبي من اليوتيوب ولصق ما بعرف شئ ودي علمها لي فيسل هليل كان كان معذبني عليك الله نزل لي وعليك الله داير الليمونة

تحياتي سلمى
Post: #141
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: حنين للبلد
Date: 06-30-2008, 00:11 AM
Parent: #1

سلوم

وانا

وانا

وانا
Post: #142
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 05:36 AM
Parent: #141

بت الشيخ

حنين بلد

Quote: سلوم

وانا

وانا

وانا



شفت يا بت الشيخ كيف ارتفعت حناجر الجماهير مطالبة بالتوزيع العادل للحب .
يلا خليك معانا في الانجمامة عشان تجيبي لينا الزبائن !!!!!!!!!!!!!!!


يجازى محنك يا اسيا ربيع كلو منك .
Post: #143
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-30-2008, 06:31 AM
Parent: #142

كتب شيقا

Quote: شفت يا بت الشيخ كيف ارتفعت حناجر الجماهير مطالبة بالتوزيع العادل للحب .

فلنعمل من اجل ان يكون خيار الحب جاذبآ



وااااااااااي انجمامة جديدة
Post: #144
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 07:22 AM
Parent: #143

Quote: فلنعمل من اجل ان يكون خيار الحب جاذبآ


الاداء قبل الولاء
Post: #145
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-30-2008, 07:33 AM
Parent: #144

نحن ونحن الشرف الباذخ

دابي الكر شباب النيل

قوم وم كفاك يا نايم

شوف شوف حداك يا لايم

مجدك ولي وشرفك ضل

إمتي تزيد زيادة النيل

نحن نطارد العنزة الفاردة

نحن نزود مشارع النيل

نحن برانا نحمي حمانا

نحن نموت ويحيا النيل

ما بنندس ما بنتوصي

نحن نكيل برانا نشيل

نحن الطينة ومطر العينة

نحن الوادي برقه يشيل

نحن الصولة سيوف الدولة

نحن كنانة اسماعيل

بابه العالي وشرفه الغالي

كان لجدودنا ظله ظليل

يا حكامنا جيبوا البينه

ولا انقرعوا كفوا الشينه

ده ود**عمي وده ضريب دمي

انت شنو طفيلي دخيل

يا نزلانا أمرقوا الذمة

كيف ينطاق هوان الأمة

شالوا حقوقنا وزردوا حلقونا

ديل عاوزين دمانا تسيل

من تبينا قمنا ربينا

ما اتفاسلنا قط في قليل

ما فيش تاني مصري سوداني

نحن الكل ولاد النيل
Post: #146
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-30-2008, 08:22 AM
Parent: #145

الطيبين الزينين سلام
الريس
Quote: أبارو واصل الموضوع شيق جداً بالذات التوثيق بالصور
ما أجملك يا ابارو دمت وعشت

حنواصل والغريق لي قدام
ودمت أنت ريس إنجمامتنا

بت الشيخ سلامة
Quote: ودابارو
سلام وتحية
ليك هدية كتبتها قبل كمسنه لمن كنت فى السودان
اتمنى انها تعجبك

تسلمي يا أستاذة

Quote: ابقوا عشرة يا جنون على نضافة البلد لانو النضافة عنوان الشعوب الراقية ، لانو النضافة معناها الزول نضيف من جوه ودا المهم اقعدوا عافية ونضاف وظراف


والله نعم الوصية

Quote: ( أكياس النايلون معلقة وبغزارة كأنها شربات بوليس يوم الجمعة في حبل نشر الهدوم )

والله حقيقة منظر محبط ومحزن

الريحانة
Quote: ياسلام ياعم مقبول ما قلت ليكم ياخالد الناس ديل مراجع ودخري للتاريخ
فعلاً عمي الحسين عليه رحمة الله كان يمتلك العربات وله مصنع للأجبان في أبودليق
ومزارع أبقار بجانب الزراعة والحواشات وهو كما قال عنه جدي الشيخ طلحة:
( شاباط ولا باط وعصاتو في الأباط ) كان رجل مهاب الجانب يتحدث بفوهة البندقية


وهاك دي كمان لي عمك مع إنو ما صرحو لي أنزلها

الهبايب من وتيش إنقدن
إيديك يالوري في الفيافي بسدن
علينا ديون غير مانرازي ما بنسدن
وكان فزينا يا الجعلي* القماري بفزن


*الجعلي سواق اللوري

ود أبو القاسم
Quote: ممدوح أبّارو :

شكراً جزيلاً فقد أمتعتنا بموضوعك اللطيف

راجيك الموضوع القادم

شيقا
Quote: انت حاسب يا مسنوح والله طالما عمنا ابارو وسطنانسكت بس و عين تكرم الف عين .


بركة البقا في تعويزه تقينا شر سمك






Post: #147
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 06-30-2008, 08:45 AM
Parent: #146

كتبت أنا :-
Quote: الجميل لوئ حبابك في ضل جنينتنا أسرح وأمرح
بس أعمل حساب الدبيب شيقا لا يلدغك



وكتب الدبيب شيقا :-
Quote: نرحب بعودة الاخ محيو لحظيرة الانجمامة - وما يخاف اللدغة منى ما بلقاها


حسي الجاب لوئ لي محيو شنو؟
عليك الله يا أستاذة سلمي الشيخ رضي عليه ولي بي ( بستلطفك )

الراجل بقي يتكلم كتر
Post: #148
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 09:42 AM
Parent: #147

ولو بي ( بستلطفك )

والله اجدعها ليها فننننننننننننننننننن قايلني انا رخيّص يا مسنوح
Post: #159
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-30-2008, 07:22 PM
Parent: #143

فيصل
يا سلام ع الحب
مش ام كلثوم قالت كدى ؟
اجمل حاجةانك تحب
وتنحب
والفنان الخالدى قال
ـ عشان الناس تحب الناس
ونحنا ناس بنعيش حياتنا الغالية بالنية السليمة
وكل زول دايرين سعادتوتشهد الايام عليمة
اوكما شدا على اللحو
الحب دا اجمل حاجة
عارف فى المدرسة البشتغل فيها
فى جملة بترجما ليك
(لومنحت الطفل الحب ، فلن يكبر الا وهو محب لكل من حوله وماحوله )
شفت الفكرة دى بسيطة وعميقة كيف ؟
فالحب هو اس اساسى فى التربية
والحنية اس برضو
ما تلفيق
حنية جد جد
ترضعها الام لطفلها
وبمناسبة الرضاعة ثبت انها احدعوامل الحب لدن الاطفال
والان عادت الامهات فى امريكا الى ذلك الثدى لارضاع اطفالهن
ففى المدرسة هنا
تجئ المهات مصحوبات فى الصباح
بلبن الثدى محفوظا لنقوم بتقديمه فى وجبات اطفالهن
اوبارضاع الطفل حين يحتاج ذلك وتكون هى موجودة
المهم يا صديقى ما اجمل ان نحب وان يحبنا الاخرون او الاخرين
لك الحب يبقى
Post: #149
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 06-30-2008, 10:17 AM
Parent: #141

Quote: سلوم

وانا

وانا

وانا


انتى يا حنين الصافية القلب والنية
امانة ما محلتك كبيرة عندى
وحات سيدى وسيدك
مااتلاقينا الا هنا
فى بيت بكرى اخونا دا
لكن
تكنى بعرفك لى سنين
يا العديلة البتسالى منى كان طولت منك
يا السمحة ام عجن
الله يديك الفى مرادك
تتهنى وتتمنى
اريدك بت امى
Post: #150
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 02:28 PM
Parent: #149

Quote: دحين القصة تربية واتربيت اقول للناس كلها حبيبى وحبيبتى
كان عندى (جكس ) جنوو وجن اقول لى زول حبيبى
هو فاكرنى بخونه الغبيان
لكن وحات ابوى الله يرحمه
كلمة حبيب دى على طرف لسانى
هسى انت كمان زاتك وحات ابوى حبيبى
كل الدنيا دى حبايبى
والحمد لله ما عندى الا الحبان والحب اديهوللناس
وما اجمل ان نحب ونحب
ولا عندك راى ؟والله اكلم ليك صحبى الجميل

زهرة عروس الرمال سلمى سلامة
والسلامة تغشاك والعافية تبراك وتبقى غُطاك يا الزينة في مغناك

سلمى بت امها وحبوبتا وكل من ربته الحبوبة حنين وكلمة بحبك يا عشاي ودقرتا عيني يا المبروك تطرق باب أضانه من المهد ويادوب في اللفة
نحن حسينا بها ووعينها واي نوع من الحب تعنين لكن البقنع العنقالة شنو ؟
يا سلمى ناس ودشيقوق دا إتربو في بيئة .. الأب والعم والخال والأم والعمة والخالة منهم ما تسمع غير يا المسنوح المسخوت يامقطوع الطاري يامال الحرام يامال التش ياأب رويس ياأب دقنوس يا الرمة يا السهيت ويا اب دومة وماعصروا علي صدراً حنين يتاتي لي المشي يا دوب وفي الرمضاء مافي البرفعوا ويأخد بكيتو ويحبى يدخل برا.
تراجي بتقول المهمشين.. لكن نحن بنقول مفروض يعلقوا لافتة قبل قرية البردانة بعشرة كليومتر ويكتب عليها ( هنا تنتهي الحياة )
سوي في البتسوي في يا سلمى وقولي في البتقولي في يا سلمى
وارتعي في البوست بقيتي من أعمدته الصلبة في دورته الرابعة وهذه شهادة الجميل أبوبكر أبوالقاسم

تحياتي ومودتي
Post: #151
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 02:38 PM
Parent: #150

Quote: سلوم

وانا

وانا

وانا


الفاضلة / حنين إلى البلد وحنين كلنا فاض بينا والله يجمعنا بين أهلنا
يا حنين في ناس هناك قولة سلااام تبقالهم روح
سلامنا ليك تحية طيبة وكلها محنة بقدر حنينك للبلد أو تزيد..
شرفتينا في إنجمامتنا ومرحب بيك بينا إنجمي وارتاحي وبتلقي ترياق ومراهم تشفي لو جزء من الحنين الذي لا يطفيه ألا اللقاء بالأهل والأحبة

تحياتنا ومودتنا سلاام
Post: #152
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 02:50 PM
Parent: #151

Quote: يا سلمى ناس ودشيقوق دا إتربو في بيئة من الأب ومن العم والخال والأم والعمة والخالة ما تسمع غير يا المسنوح المشخوت مقطوع الطاري مال الحرام مال التش أب رويس أب دقنوس يا الرمة يا السهيت ويا اب دومة ماعصروا علي صدراً حنين يتاتي لي المشي في الرمضاء مافي البرفعوا يأخد بكيتو ويحبى يدخل برا
تراجي بقول المهمشين لكن نحن بنقول مفروض يعلقوا لافتة قبل قرية البردانة بعشرة كليومتر ويكتب عليها ( هنا تنتهي الحياة )


يجازى محنك ندّمت سلمى على انها ما عرفت زولا درامي ومسرحي زيك . فالتعلمي يا عروسة الرمال - كمال يحلو لهذا المسنوح - كم في بلادنا خامات درامية ظلت منسية الى ان اختطفنها زهرات المجر .

Quote: ( هنا تنتهي الحياة )


الرمة سجم الرماد ضحكتني
Post: #153
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 04:47 PM
Parent: #152

Quote: نحن ونحن الشرف الباذخ

دابي الكر شباب النيل

الله الأيام دي فوقك الرايات البيض
دا شنو دا يا أخوي الحاصل شنو العشر قام لي شوك وألبل قرونن قامن
سمحة المقدرة وسمحا الروبة العندها جيد

تحياتي فيسل هليل
Post: #154
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 04:55 PM
Parent: #153

Quote: الهبايب من وتيش إنقدن
إيديك يالوري في الفيافي بسدن
علينا ديون غير مانرازي ما بنسدن
وكان فزينا يا الجعلي* القماري بفزن


*الجعلي سواق اللوري


نرد علي بيبت للعبادي فوق البطاحين أهل النيأ الشكرّة


ولاد بطحان تعيشوا وإزيد مراحكم نائر
وناركم في شداة الوادي تهدي الحائر
بتحلو الضيق وتصدوا غارة الغائر
مو هيلكم تزحّو إن كان يزح الداير
Post: #155
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 05:04 PM
Parent: #154

Quote: الرمة سجم الرماد ضحكتني

عليك الله ياودشيقوق في جهلك ما قالوا الجمل دي ماشقت أضانك وأنت سغير
تب فوق وجهك دا يا المبدل
يا سجم أدخل علي البيوت من الهجيرة. تدخل فيك الدخلت في أم جمعة كل كيّة بي قنتّا
الرماد دا وينو ؟ يردو ليهم : تلقي مهكور في البيوت البي قدام زي كلب الحر
Post: #156
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-30-2008, 05:55 PM
Parent: #155

عزيزى ابارو ...سلامات وآسف للتأخر فى التداخل فى موضوع الاكياس

والقضية ياسيدى يمكن تلخيصها فى الغياب التام لثقافة النظافة والنظام. هل

تصدق انة وعلى ايامنا كان يتم غرس هذة الثقافة منذ الصغر بداية بطابور الصباح

حيث التأكد من النظافة الشخصية وخاصة الاظافر وياويلك اذا لم تلتزم بالنظافة..وايضا

كانت توجد بالمدارس زهور اشكال والوان والكل يحافظ عليها لانها زرعت للجميع

وكان الكل يتناوب فى نظافة الفصول ...هذا عن المدارس اما فى المنازل فقد كانت

البلديات تقوم برشها بالمبيدلت الحشرية ولم نكن نعرف وقتها امراض كالملاريا

او نرى اسراب الذباب فقد كانت البلدية تقوم بكنس الشوارع بصورة يومية ويتم جمع الاوساخ

وحرقها فى مكان بعيد ...كل ذلك تبخر واصبح فى باب ..حضارات سادت ثم بادت واصبحت

الامور تسير بالقرارات كمنع الاكياس وترك جذور المشكلة ..والغريبة انك عندما تشاهد المقابلات

فى التلفزيون تجدهم يجلسون على احدث طقوم الجلوس ويحيط بهم اروع الديكور ولكن

هناك دائما ضيف يتنقل بينهم بحرية وجرأة وهو (ذبابة التلفزيون)...وقديما قالوا:ـ

اذا كان رب الدار بالدف ضاربا

فشيمة اهل البيت الـر قـــــــص

اذا القضية هى غيا ب ثقافة النظافة واضمحلال دور الدولة فى واجباتها الصحية

والخدمية ..وهنا مربط الفرس........تحياتى القلبية

عمك كمــال
Post: #157
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-30-2008, 06:12 PM
Parent: #1

الأخ/ كمال ... تحية طيبة

Quote: ..هذا عن المدارس اما فى المنازل فقد كانت

البلديات تقوم برشها بالمبيدلت الحشرية ولم نكن نعرف وقتها امراض كالملاريا

او نرى اسراب الذباب فقد كانت البلدية تقوم بكنس الشوارع بصورة يومية ويتم جمع الاوساخ

وحرقها فى مكان بعيد ...كل ذلك تبخر واصبح فى باب ..حضارات سادت ثم بادت


لا أنسى أيضاً دور ( الزائرة الصحية ) التى كانت تقوم بالمرور على البيوت وتفتيشها للتأكد من نظافتها ، خاصة أن أغلب البيوت

وقتها كان بها بهائم سواء أبقار أو أغنام أو ضأن وتكاثر الروث ، حيث كانت تُعلن حالة الطوارئ فى البيوت وإلا سيتم تطبيق

الأوامر المحلية بالغرامة .

أين نحن الآن من هذا النظام ؟
Post: #158
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 07:00 PM
Parent: #157

عمو كمال

ما تنسوا القراحين زمان ورّموا يدينا كلهن الله لا رجعهم لينا
Post: #160
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 07:45 PM
Parent: #158

Quote: فيصل
يا سلام ع الحب

زهرة عروس الرمال
اول في التبادي هسي مابفهمك انك تقصديه هو لانو بسمع اسمو فقط ( فيسل هليل )

الحب كلمة طيبة يا سلمى
والقلوب ما أتلف منها تحاب

اللهم حبب قلوب خلقك فينا .. ومن احبه الله حبب قلوب الخلق فيه

وتسلمي يا سلمى وتحياتي
Post: #161
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-30-2008, 08:26 PM
Parent: #1


سُؤل شاعرين ما الهوى ؟

قال أولهما :

تقولُ اُناسٌ لو نعتّ لنا الهوى **** ووالله ما أدرى لهم كيف أنعتُ

فليس لشئٍ منه جزء أعدّه ***** وليس لشئٍ منه وقتٌ موقتُ

بلى غير أنى لا أزالُ كأننى **** علىَّ من الأحزان بيتٌ مبيتُ

وأنضحُ وجه الأرض طوراً بعبرتى **** وأقرعُها طوراً بظفرى وأنكتُ

وقد زعموا بى أننى لا أحبُّه **** فما لى أراه من بعيدٍ فأبهتُ

إذا إشتدّ ما بى كان آخر حيلتى *** له وضع كفى تحت خدِّى وأصمتُ


وقال الآخر :


الحبُّ فيه حلاوةٌ ومرارةٌ *** والحبُّ فيه شقاوةٌ ونعيمُ

الحب أهونه شديدٌ قادح *** والحب أصغر ما يكون عظيمُ

الحب صاحبه ببيت مسهّداً *** ويطيرُ من فؤاده ويهيمُ

الحب لا يخفى وإن أخفيته *** إن البكاء على المحب نميمُ

الحب يشهد صادقاً فى وجهه *** عند التنفس أنه مهمومُ

الحب داءٌ قد تضمَّنه الحشا *** بين الجوانح والضلوع مقيمُ
Post: #162
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 08:35 PM
Parent: #161

قاسم

Quote: الحبُّ فيه حلاوةٌ ومرارةٌ *** والحبُّ فيه شقاوةٌ ونعيمُ

الحب أهونه شديدٌ قادح *** والحب أصغر ما يكون عظيمُ

الحب صاحبه ببيت مسهّداً *** ويطيرُ من فؤاده ويهيمُ

الحب لا يخفى وإن أخفيته *** إن البكاء على المحب نميمُ

الحب يشهد صادقاً فى وجهه *** عند التنفس أنه مهمومُ

الحب داءٌ قد تضمَّنه الحشا *** بين الجوانح والضلوع مقيمُ


والله والله شايفك مسكين ما ظنيتك بتعرف الحب ظاتو
Post: #163
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 06-30-2008, 08:55 PM
Parent: #1

ودشيقوق

توقعتك تعلِّق على المحنة الدرامية دى:



إذا إشتدّ ما بى كان آخر حيلتى *** له وضع كفى تحت خدِّى وأصمتُ
Post: #164
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 06-30-2008, 09:11 PM
Parent: #163

القاسم

Quote: اذا إشتدّ ما بى كان آخر حيلتى *** له وضع كفى تحت خدِّى وأصمتُ


والله يا ابا بكر ذكرتني عربي امي التقيته في راكوبة عزاء وقال لي اشرح يا الطيب :

نحن قوم لا نحك نواصينا بلا جرب ولا نقول عرب الحمى ها هنا نزلوا


بيني وبينك العربي شطب راسي وعرف انا بقيت عاجز عن الشرح وقام شرح لي وقال لي :

قال لي دى يا الطيب بتحصل لبعض الناس الجبانين لما تجيهم في حارة وتقول ليهم فلان مات واولادو محتاجون بدل ينهض يقوم يديك الساهلة يقوم يحك ليك رقبتو ويقول ليك واللــــــــــــــه زى ود الضؤ صاحبي .

ولا نقول عرب الحمى ها هنا نزلوا - قال لى عندما يقوم واحد من قبيلة معينة بقتل اخر ويحتمى بقبيلته فاننا لا ندل على القبيلة او مكان تواجدها .

هيييييع
Post: #166
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 06-30-2008, 09:19 PM
Parent: #164

عزيزى ود ابو القاسم ...سلامات

مرة اخرى تسبح بنا فى بحور الحب وبالجد ينطبق عليك القول:ـ

لايعرف الشوق الا من يكابدة...فانتة ياخوى مش كابتو بس

دة انتة جننتو جن...على اى حال هاك الاقوال دى عن الحب:ـ

الرجال يموتون من الحب ، والنساء يحيين به
(دوبرييه)
الحب يدخل الرجل عبر العينين ، ويدخل المرأة عبر الأذنين
(مثل بولوني)
الرجال يموتون من الحب ، والنساء يحيين به
(دوبرييه)

خير لنا أن نحب فنخفق ، من أن لا نحب أبداً
(تشيسون)


الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ،
وهذه هي مصيبتنا
(برنارد شو)
وتصبح على الف خير...واوعى شيقا يساهر بيك..اخوك كمـال
Post: #165
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 06-30-2008, 09:16 PM
Parent: #163

Quote: الحبُّ فيه حلاوةٌ ومرارةٌ *** والحبُّ فيه شقاوةٌ ونعيمُ

الحب أهونه شديدٌ قادح *** والحب أصغر ما يكون عظيمُ

الحب صاحبه ببيت مسهّداً *** ويطيرُ من فؤاده ويهيمُ

الحب لا يخفى وإن أخفيته *** إن البكاء على المحب نميمُ

الحب يشهد صادقاً فى وجهه *** عند التنفس أنه مهمومُ

الحب داءٌ قد تضمَّنه الحشا *** بين الجوانح والضلوع مقيمُ

جزاك الله عنا كل خير يا ابوقدحاً معلّى
ودأبوالقاسم

أتاني هواها قبل أن أعرف لهوى .. فاصادف قلباً خاليَ فتمكنَ

الأبيات للشاعر الأول جميلة شديد

مودتي يا ابوالقاسم
Post: #167
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-01-2008, 02:17 AM
Parent: #165

وما اجمل ان نحب
او هكذا راى الكاشف الحب
أنت عارف انا بحبك
وبحلف بك
ولا ماك عارف بالمرة
آه انا ناري

أنت صارف عني مدة
وأنا خايف اتحدى
طمئني تعال نبدأ
التعارف والتألف والمودة
ياحبيبي من فضلك طاوعني جاملني
لا تخالف مرة واحدة
آه أنا ناري

أنا شايف المحاسن الطرايف
في صمتك في كلامك
في عيونك في ابتسامك
في خدودك في قوامك
أنت جالس انت ماشي أنت واقف
أنت نايم صغير قرير
الطرف حالم
ماك عارف طرفي في جهل المنام( دي ما متاكدة منها)
آلف الحب والهيام
مع الجمال بالعواطف
في غرامنا استمر
آه أنا ناري

متين اسابق رضاك علي
وعلي تعاند
هواي مناي
حياتي حبك بالمحبة
بلاك أشوف النور ظلام
وأذوق طعم كل حاجة مرة
زورني مرة

لما رأيتك بالقرب مني
هل تدري أني بسعداظني
أحس بعظمة وشان كبير
أفرح كتير فرح كبير
واكاد اطير من الفرح
والأمل احي واحالف في المسرة
زورني مرة
Post: #168
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 07-01-2008, 06:13 AM
Parent: #167

سلام للجميع يحمل المودة والتقدير

أدام الله الحب في الأرض
ومعنى الجمال مشروح



يا أنّة المجروح
يا الروح حياتي تروح
الحب فيك يا جميل
معنى الجمال مشروح
الحب ده نار فى الجوف زى الزناد مقدوح
منه الجبابرة تلين لصوت بلابل الدوح
وتصاحب النسمات تفضل معاها تدوح
بين نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
وانا أهدى ليك الحب حب من فؤاد مجروح
حب الشحيح للمال حب الجبان للروح
مصرية فى السودان بحبى ليكى أبوح
يا عنب جناين النيل أتمنى منه صبوح
وانشد فؤادى الضال بين الرياض مذبوح
وأرى الهلال فى ظلال تلك الخميلة يلوح
أنا لو ضمنت رضاك اكون سعيد ممنوح
يا من تسر رؤياك تفرح وتنسى النوح
تكسى النهار بجمال خديك جمال ووضوح
منه الغزالة تقيف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح
كل ما النسيم يغشاك زى الحديقة تفوح
رايق كحيل نعسان انسان رقيق وجموح
ساحر العيون بجمال لسواك ما ممنوح
ان كان تميس بتميس ان كان تموح بتموح
عدل الطبيعة جعل جور الحبيب مسموح

سيد عبد العزيز
Post: #169
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 06:53 AM
Parent: #168

Quote: رايق كحيل نعسان انسان رقيق وجموح
ساحر العيون بجمال لسواك ما ممنوح
ان كان تميس بتميس ان كان تموح بتموح
عدل الطبيعة جعل جور الحبيب مسموح

ما أجملها من أبيات
ناير كحيل نعسان
ثم الجمع بين الرقة والجموح والجموح طبع الخيل
والنرفرة والميسان من طباع الريل


فطرة الطبيعة جعلت ظلم وجور الحبيب مسموح تجلي في الحب
أغلطو أنتو يا حلوين نجيكم محم بالأعذار

تسلمي حمامة السلام
Post: #170
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 07-01-2008, 07:29 AM
Parent: #1

أهل الشديرات ...سلالام

من أمس حاولت أنزِّل هذه المشاركة وكل مرة الكمبيوتر يقول:


Wellcome Guest, Permission Denied


الأخ/ كمال تأمل فى هذه القصيدة التى لولم يُذكر إسم شاعرها وتمّ إرسالها إلى إمراءة ما لدار رأسها ممّا إحتوته من معانٍ.


قال إبن الفارض سلطان العاشقين عن الحب :


قَلبِى يُحَدثُنى بأنك مُتْلفى *** رُوحى فِداكَ عَرَفْت أمْ لَمْ تَعرفِ


لَمْ أقْضِ حَقَّ هَوَاك إن كُنتُ الَّذى *** لَمْ أقْضِ فيه أسىً ومثلى مَنْ يَفِى


مَالِى سِوى رُوحى وباذلُ نَفْسه *** فى حُبِّ مَنْ يَهْواهُ لَيْسَ بِمُسْرِفِ


فَلَئِنْ رَضيِتَ بِهَا فَقَدْ أسعَفْتنى *** يا خَيبَةَ المسْعَى إذا لم تُسْعِفِ


يا مَانِعِى طِيبَ المَنَامِ ومَانِحِى *** ثَوْبَ السِّقامِ بِهِ وَوَجْدِى الْمُتْلِفِ


عَطْفَاً عَلَىّ رَمَقِى وما أبْقَيْتَ لِى *** مِنْ جِسمِى المُضْنَى وقَلْبِى المُدْنَفِ


فالوَجْدُ باقٍ والوصِالُ مُمَاطِلِى *** والصَّبْرُ فانٍ والّلقاءُ مُسَوِّفِى


لَم أخْلُ مِنْ حَسدٍ عَلَيْكَ فلا تُضِعْ *** سَهَرِى بِتَشْنِيعِ الخَيَالِ المُرْجفِ


وأسأل نُجُوم الليلِ هَلْ زَارَ الكَرَى *** جَفْنِى وكَيْفَ يَزُورُ مَنْ لَمْ يَعْرِفِ


لا غَرْوَ إنْ شَحَّتْ بِغُمْضٍ جُفُونِهَا *** عَيْنِى وسَحَّتْ بِالدُّمُوعِ الذُّرَّفِ


وبِمَا جَرَى فى مَوْقِفِ التَّوْدِيعِ مِنْ *** ألَمِ النَّوَى شاهَدْتُ هَوْلِ المَوْقِفِ


إنْ لَمْ يَكُنْ وَصْلٌ لَدْيَكَ فعِدْ بِهِ *** أمَلِى ومَاطِلْ إنْ وَعَدْتَ ولا تَفِ


فالمَطْلُ مِنْكَ لّدّىَّ إن عَزَّ الوَفَا *** يَحْلُو كَوَصْلٍ مِنْ حَبيبٍ مُسْعِفِ


أهْفُو لأَنْفَاسِ النَّسيمِ تَعِلَّةً *** ولِوَجْهِ مَنْ نَقَلَتْ شَذَاهُ تَشَوُّفِى


فَلَعَلَّ نَارَ جَوَانِحِى بِهُبُوبِهَا *** أنْ تَنْطَفِى وأوَدُّ أنْ لا تَنْطَفِى


يا أهْلَ وُدِّى أنْتُمُ أمَلِى وَمَنْ *** نادَاكُمُ يا أهْلَ وُدِّى قَدْ كُفِى


عُودُوا لِمَا كُنْتُمْ عَلَيْهِ مِنْ الوَفَا *** كَرَماً فإنِّى ذَلِكَ الخِلُّ الوَفِى


وحَياَتِكُمْ وحَياَتِكُمْ قَسماً وَ فِى ** عُمْرِى بِغَيْرِ حَيَاتِكُمْ لَمْ أحْلِفِ


لَو أن رُوحِى فى يَدِى وَوَهَبْتُهَا *** لِمُبَشِّرِى بِقُدُومِكُمْ لَمْ أُنْصِفِ


لا تَحْسِبُونِى فى الهّوّى مُتَصنِّعَاً *** كَلَفِى بِكُمْ خُلُقٌ بِغَيْرِ تَكلُّفِ


أخْفَيْتُ حُبَّكُمُ أسىً *** حّتَّى لَعَمْرِى كِدْتُ عَنِّى أخْتَفِى


وكَتَمْتُهُ عَنِّى فَلْو أبْدَيْتُهُ *** لَوَجَدْتُهُ أخْفَى مِنَ اللُّطْفِ الخَفِى


وَلَقَدْ أقُولُ لِمَنْ تَحَرَّشَ بالهَوَى *** عّرَّضْتَ نَفْسَكَ لِلبَلاَ فاسْتَهْدِفِ


أنْتَ القَتيلُ بأَىِّ مَنْ أحْبَبْتَهُ *** فاخْتَرْ لِنَفْسِكَ فِى الهَوَى مَنْ تَصْطَفِى


قُلُ لِلْعَذُولِ أطَلْتَ لَوْمِى طامِعاً *** أنَّ الْمَلاَمَ عَنْ الهَوَى مُسْتَوْقِفِى


دَع عَنْكَ تَعْنِيفِى وذُقْ طّعْمَ الهَوَى ***فإذا عِشقْتَ فَبَعْدَ ذَلِكَ عَنِّفِ


بَرِحَ الخَفَاءُ بِحُبّ مَنْ لَوْ فى الدُّجَى *** سَفَرَ الِلّثَامَ لَقُلْتُ يا بَدْرُ اخْتَفِ


وإنْ اكْتَفَى غَيْرِى بِطَيْفِ خَيَالِهِ *** فأنا الَّذى بِوصَالِهِ لا أكْتَفِى


وَقْفَاً عَلَيْهِ مَحَبَّتِى وَلِمِحْنَتِى *** بأقَلَّ مِنْ تَلَفِى بِهِ لا أشْتَفِى


وَهَوَاهُ وَهُو ألِيَّتِى وَكَفَى بِهِ *** قَسَماً أكادُ أُجِلُّهُ كالمُصْحَفِ


لَوْ قَال تِيهاً قِفْ عَلَى جَمْرِ الْغَضَا *** لَوَقَفْتُ مُمْتَثِلاً وَلَمْ أتَوَقَّفِ


أو كَانَ مَنْ يَرْضَى بِخَدِّى مَوْطِئاً *** لَوَضَعْتُهُ أرْضَاً وَلَمْ أسْتَنْكِفِ


لاَ تَنْكِرُوا شَغَفِى بِمَا يَرْضَى و إنْ *** هُوَ بِالوِصالِ عَلَىَّ لَمْ يَتَعَطَّفِ


غَلَبَ الهَوَى فأَطَعْتُ أمْرَ صَبَابَتِى *** مِنْ حَيْثُ فِيهِ عَصَيْتُ نَهْىَ مُعَنِّفِى


حقاً كان إبن الفرض شاعراً رقيق الحس ، رقيق النفس ، مرهف الشعور فى صوفيته ، فقد كان مُحباً إمتلاْ قلبه بأعمق معانى الحب ، وتعلقت

جوانحه بأروع آيات الجمال ، أخذ عليه الحب كل سبيل ، وملك عليه الجمال كل جارحة من جوارحه ، وتمثل له جمال محبوبته فى كل جانحة من

جوانحه ، حتى ليبدو وكأنه خُلق مُحبّاً للطبيعة ، منجذباً إلى كل جميل بفطرته ، ولم يكن الجمال المنجذب إليه جمال إمراءة حقيقى ، أو خصّ

به إمراءة بعينها ، وإنما هو جمال حب المعرفة ، جمال أصحاب الطريق إلى الله تعالى .
Post: #171
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-01-2008, 08:45 AM
Parent: #170

القاسم - معاك ونتابع الابداع

حمامة : ورينا هديلك تاني زى ما بقول المسنوح
Post: #172
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 07-01-2008, 09:29 AM
Parent: #171

اهل الجنينة صباحكم زين
وكل أرشفة وربع جديد إنتو طيبين وتامين

Quote: اذا القضية هى غيا ب ثقافة النظافة واضمحلال دور الدولة فى واجباتها الصحية

والخدمية ..وهنا مربط الفرس........تحياتى القلبية

عمك كمــال

عم كمال يا واعي أصبت والله واوفيت وكفيت


الموضوع ما خلص بس أنا إنشغلت شوية وحـأكمل بإذن الله
Post: #173
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 12:42 PM
Parent: #172

Quote: فالوَجْدُ باقٍ والوصِالُ مُمَاطِلِى *** والصَّبْرُ فانٍ والّلقاءُ مُسَوِّفِى

ودأبوالقاسم أنعم الله عليك وين ماقبلت

كب الجاز خلي الدندراوي يبحلق

Post: #176
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 01:16 PM
Parent: #173

Quote: إذا إشتدّ ما بى كان آخر حيلتى *** له وضع كفى تحت خدِّى وأصمتُ


دايراني اجيب أبريقي
وإتوضأ وأصنقر ليكي لي الدعوات
يا بركة البغدادي والجابري
وكيتن فيكي يا فلانة
أبوك لا يرضى لا يخاتر
ولآمن تجيبي سيرة الخطبة في خشمك
يعاين ليك ويحمر فيك
وإشيل كرباجو وإتحزم
وأجرك من طريف التوب
طِريفو خرابة
النازل حِدا العرقوب
وأمك تعرض
تقول حي وووب
ابوك يقوليها
يا فلانة
كان عارضتيني طلقانة
وتقعد تـــــج
تقول لي خليك براك زعلان
وإجرك كررررر علي الديوان
ونسمع جااااااك بلا خجلة
التقول شيطان
وناس الحلّه يسمعوا صريخك
وينطو الحيطة
أبوك إطنش تقول طرشان
ويكسرو الباب
ويدخلوا عليه
أبوك يقول ليهم
حلفته يمين
البصلني ترا دي السكين
وأزحو بعيييييييد
وإختــــو الخمسة في الأتنين
ونسمع جيك ونسمع جاك
حي حي حي ويابا كفاي
ونسمع جيك ونسمع جاك
وحي حي حي ويابا كفاي
ولآمن بنقطع صوتو ويفتر تب
بنط لا فوق
وإخنقك خنقة بت الكلب

التعديل الرأس صابه الهرم والمحفوظ بدأ يتفلت عذراً
Post: #174
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: sama7
Date: 07-01-2008, 01:06 PM
Parent: #1

سلامات انجميباب

والله شوق كميات كدا بس ما لاقية طريقة أعبر كنت

بس ما قايلة الهجيج حاصل كدا مهججين يا ناس

ومرحب بكا المقيمين والزائرين




بجيكم لحين ميسرة على قول خالد
Post: #175
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 07-01-2008, 01:10 PM
Parent: #1

ممدوح أبّارو سلامات

توقّع مفاجأة من جانبى قريباً بمشيئة المولى.
Post: #177
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 01:22 PM
Parent: #175

سماح قمر سبعتين وإدوّر
تحية طيبة سلااام
ما كانت سفرة دي الخلتك تستحلي الغياب الدائم كدي

سمعتي ولا جابوا ليك ...

مودتي وتحياتي
Post: #178
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 01:46 PM
Parent: #177

كعب الظلم وسمحة المحبة والوئام

وفوق عديلنا منجمين




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #179
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد عثمان محمد طه
Date: 07-01-2008, 01:49 PM
Parent: #1

سلام ود المنسي
قلنانسجل حضور وشايف اللبخات القدام بيتكم
اتملن بالضيوف عرب وعجم

التحية ليك ولي ضيوفك الكرام

والتحايا للدكتور والحاج محجوب
Post: #180
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 04:57 PM

Quote: سلام ود المنسي
قلنانسجل حضور وشايف اللبخات القدام بيتكم
اتملن بالضيوف عرب وعجم

التحية ليك ولي ضيوفك الكرام

والتحايا للدكتور والحاج محجوب



الحبيب الرطاني
محمد عثمان ود طه
كيفك وطال بينا الفراق يا رجل وين انت
شكراً كتير على الزيارة عليك الله كلم الناس ديل عن فكرة الإنجمامة أصلها نشأت كما ذكرت من وجود تلك اللبخات

لك التحية أبن شندي الرطاني

اراضيك ... ماليزيا ولا رجعت البلد

مودتي
Post: #181
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-01-2008, 05:08 PM
Parent: #180

Quote: سمعتي ولا جابوا ليك ...


عارفك بتتمطق عايز تلهمني الشينة يا المسنوح - قال قمر سبعتين وكمان مدوّر - دى والله خسوف وكسوف خليني اطفرها ليك مرة واحدة .
Post: #182
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 05:08 PM
Parent: #180

هلا ذكرت زماناً ؟

يامَن ينوح فؤادي خلف موكبه
ومَن ترفرف روحي حول مغناه

ماذا تركت بقلبي بعد ما نسجت
كف الخريف له حُرى بلاياه

هلا ذكرت زماناً ظل يسعدنا
نقضي حياة المنى في ظل دنياه

تسعى إلينا الأماني في ظلائله
وتستخف بنا أحلام دنياه

مازلت أذكره في كل آونة
رغم الصدود وأنت اليوم تنساه


تسلم يا أبو القاسم

ما تفتق الجروح الفوقنا كبير
Post: #183
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 05:27 PM
Parent: #182

قال سعد بن أبي وقاص لأبنه يابني
( إذا طلبت الغنى فأطلبه بالقناعة فإنها مال لا ينفد، وإياك والطمع فإنه فقر حاضر، وعليكَ باليأس، فإنك لا تيأس من شئ قط إلا أغناك الله عنه )

وتبقى محاسن الخُلق مرادنا
Post: #184
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 06:03 PM
Parent: #183

دعوة للحبايب الرطانة للعودة لإنجمامتنا ومن ثم العودة الكبرى وفيها قلوبنا تبتهل بالدعاء وأيدينا تشد من أزركم وكلنا في ظل الكريم فوق سمواته سائرين ولن تفتر عزيمتنا

Post: #185
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 08:20 PM
Parent: #184

حزناً حزين عشعش فوق قليبي من ثلاث أيام خلت ........
أتاني لا إحم لا دستور ودون إستئذان تربع ينهك من القليب الذي تبعبأ بالأحزان وماأرتوى
ومن يومها أنا أردد في مقاطع أبيات كانت لي فيها البصيص من المراهم دواء .. وليت يجدي


ليل الغريب والريح تجيب
من فرعو داك حبة عِطر
النار تبق جوه الضلوع
أمَّ الدموع سيل منهمر
ليل الغريب

الذكرى جمرة تحرقو
والوحشة تأكل من حشاهو تأرقو
يطرى البلد وناس البلد
ويفضل يعد يعد وينسى العدد
يهدي السلام بعد الحبيب
كل البلد
ليل الغريب

لو تدري كيف
السهدي كيف
والحزن كيف
والصبري كيف
قلبو الرهيف
وكتين يدوب
يقطر ألم
ليل الغريب

الليل غريب
مازي ليالينا الزمان
والقمرة في ليل الغريب
مازي قميراتنا الحِسان
والدنيا في ليل الغريب
نشفانا عدمانة الحنان
ياحليل زمان وسط الحبايب والأهل
يا حليل زمان
Post: #186
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-01-2008, 08:31 PM
Parent: #185

الاخ ابو القاسم ...ياموسوعة الشعر والشجن الدفين.....سلامات

لهذا الشاعرالصوفى ابن الفارض قصيدة اخرى(جوركم على عدل) يقول فى نهايته:ـ



وقـد عـلموا أنـي قـتيل لـحاظها

فـإن لـها ، فـي كل جارحةٍ نصل

ومـالي مـثل في غرامي بها ،كما

غـدت فـتنةً في حُسنها ، مالها مثلُ

حَـرام شِفا سُقمي لديها ، رضيتُ ما

به قسمت لي في الهوَى ، ودمي حلُّ

فـحالي وإن سـاءت فقد حسنت به

ومـاحظ قـدري في هواها به أعلو

ولـي هـمّة تـعلو ، إذا مـاذكرتُها

وروحٌ بـذكراها إذا رخصت ، تغُلو

جرىحُبها مجرى دمي في مفاصلي

فأصبح لي ، عن كل شغل ، بها شغل

وفرغت قلبي عن وجودي مخلصاً

لـعلي فـي شغلي بها ، معها أخلوا

ومـن أجـلها أسعى لمن بيني وبينها

لـتعلم مـا ألـقى ، وما عندها جهل

وأصـبوا إلـى الـعذال حباً لذكرها

كـأنهم، مـابيننا فـي الـهوى رسل

فـإن حـدثوا عـنها،فكلي مـسامع

وكـلـي،إن حـدثـتهم،ألسن تـتلو






حقا فان للتصوف اثرة الكبير فى نقاء الروح واستكشافها لعوالم اخرى تسمو بالاحاسيس

دمت لنا ياشيخ الطريقة(الابو القاسمية)....اخوك كمال
Post: #187
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 08:40 PM
Parent: #185

ليل الغريب



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #188
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-01-2008, 08:54 PM
Parent: #187

Quote: جرىحُبها مجرى دمي في مفاصلي

فأصبح لي ، عن كل شغل ، بها شغل

وفرغت قلبي عن وجودي مخلصاً

لـعلي فـي شغلي بها ، معها أخلوا

ومـن أجـلها أسعى لمن بيني وبينها

لـتعلم مـا ألـقى ، وما عندها جهل

وأصـبوا إلـى الـعذال حباً لذكرها

كـأنهم، مـابيننا فـي الـهوى رسل


كأني قائلها
تسلم يا عم كمال
Post: #189
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-01-2008, 10:04 PM
Parent: #188

استاذتنا سلمى الشيخ سلامة

تحية طيبة

اسفين على الرد المتاخر


مكان الفرد تتقدم قيادتنا الجماعية


























خارج النص
,,,,,,,,,,,,,,,,,,,,,,
يا سلمي ادي ود المنسي قرشو خلي ينزل
Post: #190
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: emad altaib
Date: 07-01-2008, 11:01 PM
Parent: #189

ـــــــــــ
سلام ومحبة للجميع..



ونعم الإنجمامة ... والترف في المحبة




والزهد في الكلمة الشينة....

:

:

متابعين تلك الدورة الجديدة

تقديري ومحبتي
Post: #191
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سمية الحسن طلحة
Date: 07-01-2008, 11:18 PM
Parent: #189

السلام عليكم بعد الأرشفة
(البيك بي إخييك)
حاولت أكتب لكم أمس وحصل لي ما حصل لود أبو القاسم لكنه نجح حيث لم أوفق
والمزاج في سيره صرف وأغيار نمسي بحال ونصبح بحال غير
طلبك على العين والراس ياخالد الله يدي غفلتا
Quote: وهاك دي كمان لي عمك مع إنو ما صرحو لي أنزلها

شكرا أخي ممدوح ( هدوا فيك الهمباتة ولا شنو)
سلمى وسلمى
ما أروعكن

لكم أطيب التحايا
Post: #192
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 07-02-2008, 00:32 AM
Parent: #1

الطيب شيقوق صباح الخير


يعجبنى فيك حرصك على حقوق الملكية الفردية ومساككتك للناس فى إستعمال الماركة المسجلة (هيييييع ) حتى لو كان البوست


سخانته ضاربة فى السماء.


بعدين لما يقولوا ( قمر دورين أو سبعتين ) ما ليهو علاقة بالكسوف.


الأخ/ كمال تسلم على الكلمات المحبة فهى من قصيدة ابتدرها:


هو الحُبُ فاسلم بالحَشا ما الهوى سَهْلُ ***** فَمَا اخْتارَهُ مُضْنىً بهِ ولَهُ عَقْلُ


وعِش خالياً فالحُبُ راحَتُهُ عَنَاء ***** وأوَّلُهُ سُقْمٌ وآخِرُهُ قَتْلُ



شعر إبن الفارض فيه معانى عجيبة للغاية وهاك بعض المعانى الشفيفة التى تعرض لها :


وحَيَاةِ أشْواقى إليْكَ *** وتُربةِ الصَّبْرِ الجميلِ

ما استحسنت عينى سِواكَ *** ولا صَبَوْتُ إلى خليلِ


وأيضاً :


يا راحلاً وجميلُ الصبرِ يَتْبَعُهُ **** هَلْ مِنْ سَبيلٍ إلى لُقْيَاك يَتَّفِقُ

ما أنصَفَتْكَ جُفُونى وهى دامِيةٌ **** ولاَ وَفَى لَكَ قَلْبى وهو يَحْتَرِقُ


ثم هذه لشيقا :

حَديثُهُ أوْ حَديثٌ عِنْهُ يُطرِبُنى **** هذا إذَا غَابَ أوْ هَذَا إذا حَضَراَ

كِلاهُمَا حَسَنٌ عِنْدى أُسَرُّ بِهِ **** لَكِنَّ أحْلاهُما ما وَافَقَ النَّظَراَ



ويقول أيضاً :



لَمْ أخْشَ وأنْتَ ساكِنٌ أحْشائى **** إنْ أصْبَحَ عنى كُلُّ خِلٍ نائى


فالنَّاسُ إثْنَانِ واحِدٌ أعْشَقُهُ **** والآخَرُ لَمْ أحْسَبْهُ فى الأجْياءِ



وندخل فى الغريق :


عَيْنِى جَرَحَتْ وجْنَتَهُ بالنَّظَرِ **** مِنْ رِقَّتِها فَاعْجبْ لِحُسْنِ الأَثَرِ


لَمْ أجْنِ وقَد جَنَيْتُ وَرْدَا لخَفَرِ **** إلاَّ لِتَرَى كَيْفَ انْشِقَاقُ القَمَرِ



وقال أيضاً :


يا مُحْيَى مُهْجَتِى وَيَا مُتْلِفَهَا **** شَكْوَى كَلفِى عَسَاكَ أن تَكْشِفهَا


عَيْنٌ نَظَرَتْ إلَيْك مَا أشْرَفَهَا ***** رُوحُ عَرَفَت هَوَاكَ مَا ألْطَفَهَا


وقال فى معنى لم أرَ مثله :


أهْوَى رَشَاً رُشَيِّقَ القَدِّ حُلَىْ **** قّدْ حَكَّمَهُ الغَرَامُ والوَجْدُ عَلَىْ


إنْ قُلْتُ خُذِ الرُّوحَ يَقُلْ لِى عَجَباً **** الرُّوح لَنَا فَهَاتِ مِنْ عِنْدِكَ شَئْ


أخى كمال النبى صلى الله عليه وسلم يقول رُبَّ حامل فقه ليس بفقيه ) وإنما هى أمانة عنده يؤديها إلى غيره فقد يتحَّلى بها آخرون.


والله سبحانه وتعالى يقول : " أفمن يمشى مكباً على وجهه أهدى أم من يمشى سوياً على صراط مستقيم " سورة الملك.


ود المنسى أتحفتنا بالشعر الحلمنتيشى الظريف وذكَرتنا بالأيام الخوالى.

لتصحيح أخطاء إملائية
Post: #193
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-02-2008, 01:19 AM
Parent: #192

وبما اننا فى صدد الاستماع للفنان عبد العزيز المبارك
اهديكم بعضا مما كتبته عنه فى زمان مضى
لكنه ما زال احسه طازجا
اتمنى ان يعجبكم
فنان استطاع ان يربينا على التسامح فى الحب والنبل حين نحب اوردنا حيثما شاء له ان يوردنا وكنا له طائعين تعلمنا ان نردد الحانه ونشتهى طلة صوته سواء عبر المذياع او التلفاز ، خلق الموضة التى تنسب اليه عبر القمصان التى كان يظهر بها ، خاصة حين تغنى باغنيته الباذخة ( بتحرمنى منك)
وتصادف ان كان يلبس ذلكم القميص (المخطط) وتصادف ان اسمينا ذلك القميص باسم الاغنية
تحرمنى منك ومن عيونك
وتحرم الليل الصباح
وحين نذكر الحرمان نذكر ان جيلا كاملا تم حرمانه من فنان بقامة عبد العزيز المبارك بدأ غناءه فى الاذاعة والتلفزيون ، يقول
( كانت هناك برامج اشارك فيها فى الاذاعة والتلفزيون
اقدم اغان جديدة غالبا ما تجد رواجا يحفزنى ان اطبعها فى كاسيت بعد ذلك ،
الان الوضع اختلف ،
الغناء صار ينتشر عبر الكاسيت
ولم اتردد فى ذلك الان اطبع اغنياتى ايضا فى كاسيت )
سافر خارج السودان ليقيم بضعة اعوام فى المملكة العربية السعودية وهذا السفر كان مرتبطا بتاريخ يكاد ان يكون واحدا ، تاريخ الخروج والعودة (سافرت من السودان يوم 25 مايو عام 1990 وعدت يوم 25 مايو 2000 )
عشرة اعوام حسوما من المؤكد انها حسمت من رصيده داخل السودان الكثير من المعجبين لكنها كانت سنوات عمل دؤوب فى تلك الغربة ، لكنه قبل تلك الغربة كان من اكثر الفنانين ارتباطا بالجمهور
( غير السودانى ) توفر ذلك عبر عدة عوامل منها
( كنت محظوظا ، ذلك اننى سافرت خارج السودان عام 1982 وذلك عام اعتز به ايما اعتزاز فلقد كنت فى انجلترا بصدد طباعة اسطوانة جديدة ، الاسطوانة العادية (الزمان) لكن الشركة المنتجة للاسطوانة رات ان تنتج لى اسطوانة (سي دى ) وكانت اول اسطوانة سي دي لمطرب عربى وانتشرت الاسطوانة فى كل انحاء العالم
الفنان عبد العزيز المبارك لك التجلة والمحبة
Post: #194
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 07-02-2008, 01:57 AM
Parent: #1

الفنانة سلمى الشيخ سلامة سلامااااات

Quote: خلق الموضة التى تنسب اليه عبر القمصان التى كان يظهر بها ، خاصة حين تغنى باغنيته الباذخة ( بتحرمنى منك)
وتصادف ان كان يلبس ذلكم القميص (المخطط) وتصادف ان اسمينا ذلك القميص باسم الاغنية


لن ننسى أياماً مضت لن ننسى ذكراها....

القميص المخطط خطوط عرضية فعلاً كان يُسمّى ( تحرمنى منك ).


القميص المخطط خطوط طولية كان يُسمّى لو هجرك طال.


لن أنسى فى عام 1977 وبعد إعلان نتيجة الدخول للجامعة مررت بأجمل فترة يعرفها البرالمة وهى مرحلة ( كسوة الجامعة ) فنادونى من الحصاحيصا للخرطوم وقامت بنت خالى بشراء قميص أخضر اللون من نوع تحرمنى منك ومعاه قماش بنطلون ( كرمبلين ) تمت خياطته شارلستون ، وجزمة ( دبابة ) ، المكان كان مشهوراً فى أمدرمان قُصاد السينما الوطنية وأصحابه من ودراوة.

الليلة سايقين سواقة الليل.
Post: #195
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-02-2008, 02:16 AM
Parent: #194

عبد العزيزالمبارك يا ابو بكر اخوى
كان فنان وما زال شكل وعينا خاصة نحنا (اعنى جيلنا )
وطالمااننا متجايلين
مافى تباعد فى المفاهيم
المهم يا اخوى عبد العزيز المبارك دا على صعيد شخصى
اكن له مودة واحترام
كان فى مرة كسر يده
وما كنت قابلته غير مرة واحدة فى عزاء خاله الفنان الموسيقار احمد المبارك
صديقه وصديقى المشترك الفنان عمر الشاعر
كنا فى مناسبة ما
وكان مودينى البيت
قبل ما نصل البيت
كنا قريبين من بيت عبد العزيز المبارك
اقترح على انه نمشى نقول ليهو سلامتك
فوافقت على طول
مشينا يا سيد اللمنتى ليك
واكرمنا غاية الكرم
بعد فترة كانت والدتى عليها الرحمة قد اختارها الله الى جواره
فما كان منه الان جاء مواسيا
ومامواسيا فقط حتى بمساهمته

رغم اننا ما اتلاقينا غير مرتين
Post: #196
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 07-02-2008, 04:40 AM
Parent: #1

الأخت / سلمى الشيخ سلامة تحياتى وهذه بمناسبة :

Quote: خاصة نحنا (اعنى جيلنا )
وطالمااننا متجايلين
مافى تباعد فى المفاهيم


وأنا ما عندى مشكلة فى العمر ما زى أخونا " شيقا" ، وكدى شوفى معاى حساب النواتّة بتاعو دا :

Quote: شوفي يا سلمى انا تزوجت من تانية ثانوي عام يعني (سابعة اساس) بمفهوم اليوم وكان عمري وانا عريس جديد لنج 14 سنة وعبد الله مولود بعد 4 سنوات من زواجي !!!!!!!! ( تفهميها طايرة ) يعني عبد الله مولود وانا في ثانية ثانوي ومرتضى ولدى مولود وانا في ثالثة ثانوي ودخلت الجامعة 1979 وكنت اصغر طالب وتخرجت 83 شن جابني لود ابو القاسم كمان .



أنا بتذكر نحن كنا آخر جيل فى السلم التعليمى ، دخلنا المدرسة وعمرنا (7) سنوات - ناس المدن طبعاً - وكانت الإبتدائية (4) سنوات

، ولما مشينا الوسطى وقرينا أولى وثانية وسطى قلبوا لينا السلم التعليمى وجسبوا لينا أولى وثانية تتمة للإبتدائى وبدينا دراسة

الثانوى العام ( 3) سنوات. إذا أخونا الطيب عرّس فى ثانية ثانوى يعنى عمره (15) سنة وعلى الأقل نددا ، طيب ناكر العمر مالك؟



شيقوق غايتو العربى بتاعك بالغ فى كلامه :

Quote:


نحن قوم لا نحك نواصينا بلا جرب ولا نقول عرب الحمى ها هنا نزلوا



هذا فعلاً يؤكد أن الله سبحانه وتعالى لما إختار للرسول صلى الله عليه وسلم أن تكون معجزته هى القرآن كانت فى مكانها لأنهم فعلاً أهل

فصاحة وبيان.
Post: #197
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 01:47 PM
Parent: #196

Quote: سلام ومحبة للجميع..
ونعم الإنجمامة ... والترف في المحبة
والزهد في الكلمة الشينة....
متابعين تلك الدورة الجديدة

تقديري ومحبتي

الأخ الفاضل
عماد الطيب
والتحية طيبة سلاااام لك يا ودالطيب
الفرح يغمرنا بزيارة كل حبيب محب للكلمة الطيبة وهي وشاحنا وغطئانا نلتحفه في صيفنا وشتائنا وتداخل الفصول ....

مشكور شديد على الزيارة

ومودتي وتحياتي
وخليك قريب
Post: #198
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 01:58 PM
Parent: #197

Quote: يا سلمي ادي ود المنسي قرشو خلي ينزل

أنت من زمن قرش يا فيسل
قلبتها عليك براك أخد قرشك وأنزل
Quote: طلبك على العين والراس ياخالد الله يدي غفلتا

الله يخليك يا ملكة .. أخوك مولع بهذا الضرب من الحديث
Quote: بعدين لما يقولوا ( قمر دورين أو سبعتين ) ما ليهو علاقة بالكسوف

والغريبة كان أدبي يا ودأبوالقاسم
سؤال ؟؟ ماهي المفردة من ( الجواري )
تبقى مصيبة عربي وجفرافيا ( دي زي لا خلقة ولا أخلاق )
Post: #199
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 05:37 PM
Parent: #198

Quote: Quote: خلق الموضة التى تنسب اليه عبر القمصان التى كان يظهر بها ، خاصة حين تغنى باغنيته الباذخة ( بتحرمنى منك)
وتصادف ان كان يلبس ذلكم القميص (المخطط) وتصادف ان اسمينا ذلك القميص باسم الاغنية



لن ننسى أياماً مضت لن ننسى ذكراها....



العزيزين ( زهرة عروس الرمال ) و ( وودأبوالقاسم الجميل )
تاني ما بنسى بعد ما سويتا مسحتها وقدمت وأخرت

والله ياسلمى أنت مكسب كبير للإنجمامتنا حفظك الله من كل شر يا زهرة

ودأبوالقاسم سلمى ولعت فيك نار الذكرى وطلعت المخبأ
دبابة وتحرمني منك وبنطلون شارلي ستون كرنبلين

انت يا ودأبوالقاسم ليه كنا وهم كدي نحن لبسنا كلو مجوبق ومعولق في حين وقته النساء كنَّ لبسات
تذكر بنطلون التريفيرا ( والله جنس وهم ) والقميص بي الأزبلايط ( جنس دا يقولوا في شنو ) والقميص المحزق ( لا حولة ولاقوة إلا بالله ) وبالذات لو كان من يرتديه منح صحة من الله ( والله تقعد قدامو تكون بتدرق زي المصيود وخايف إنو زرارة تعمل تيك أوف وتقد عينك ) ودا كلو كوم وجلابية السلك كوم ( تجي نص الليل لما تملصها شطشطشططط تيار كهريائي بس ) والتفة والخلال ( الواحد يخجل لو شاف صورة قديمة )
والطامة الكبرى تلقى الواحد قاشر ولابس سفنجة وكمان مسمكرة ( أنا غايتو الخواجية لما شافت صوري القديمة ضحكت ضحك ) قالت لي كنت عامل الشفرقو ( الشفرقو دا بالمجري الرجل العايش في الشارع لا مأوى له ) ودا كلو كوم وناس كدي ديك ( أعني ناس شيقوق ) تقول نحن فوقنا الرايات البيض
Post: #200
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 05:51 PM
Parent: #199

Quote: أنا بتذكر نحن كنا آخر جيل فى السلم التعليمى ، دخلنا المدرسة وعمرنا (7) سنوات - ناس المدن طبعاً - وكانت الإبتدائية (4) سنوات

، ولما مشينا الوسطى وقرينا أولى وثانية وسطى قلبوا لينا السلم التعليمى وجسبوا لينا أولى وثانية تتمة للإبتدائى وبدينا دراسة

الثانوى العام ( 3) سنوات. إذا أخونا الطيب عرّس فى ثانية ثانوى يعنى عمره (15) سنة وعلى الأقل نددا ، طيب ناكر العمر مالك؟


دا لو دخل المدارس في سبعة سنوات
لعلمي أنه في القرى نسبة لضيق الفرص في التعليم يدخلو كبار
في تانية إبتدائي لو زوجوه أنجب

شيقوق قطع شك بكون دخل عمره عشرة المدرسة ومتابع البلولة عندما يتلو القرآن.. ويتكي رقبتو عندما يمر البلولة بآية ( فَأما الإنسان إذا ماأبتلاه ربُه فأكرمه ونعمهُ فيقول ربي أكرمن ) زولك تاكي رقيبتو ورويسو زي سواق اللوري في منعطف حاد ودايس البنزين لي الصاجة .. وطبعاً قاعد في الكنبة الأخيرة جنب الشباك الشاردة والواردة ما تعدي منو والواردة والجابت خدارا فوق عينو ويبحلق
بي مباراة البلولة والشباك دي بكون ضيع لي سنتين إعادة في الإبتدائية.

جا الجامعة رب أسرة وأب لطفلين يأجز ويرجع يقضي سنة في الجامعة ويرجع البردانة في الإجازة البعدها الوالد يسمي لي المولود الجديد
Post: #201
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 06:09 PM
Parent: #200

رحمة من الله عليك يا الشاعر إدريس جماع




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #202
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: عمر صديق
Date: 07-02-2008, 06:30 PM
Parent: #201

خالد علي محجوب المنسي
وكل اهل الانجمامة الطيبيييييييييييييييييييييييييييييييييييييييييييييين
تحياتي
وما احلي انجمامتكم
Post: #203
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 06:59 PM
Parent: #202

الأخ الفاضل عمر صديق
تحياتنا سلااام وكلها طيبة لك
سعدنا بمرورك على إنجمامتنا ونحن منجمين

تسلم ولك المودة
Post: #204
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: محمد المرتضى حامد
Date: 07-02-2008, 07:48 PM
Parent: #203

يا خالد ده ودشيقوق زمان لكن سألتك بالله ما تكلمو
Post: #205
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 08:15 PM
Parent: #204

Quote: يا خالد ده ودشيقوق زمان لكن سألتك بالله ما تكلمو

المرهف الشفيف ودالمرتضى
والله يا محمد لو تدري كيف تكون فرحتي لما أراك في إنجمامتنا ما فارقت عنقريبك الهبابي فيها
وينو فردتك الليلة جيت براك بي العجلة

تحياتي محمد والله الصورة وحالها ضحكتني شديد لكن شيقوق دا عدة حلاقتو علبة حلاوة ابوينت

قر قر قر قر قر حقت سماح
Post: #207
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-02-2008, 08:34 PM
Parent: #205

المرتضى

Quote: يا خالد ده ودشيقوق زمان لكن سألتك بالله ما تكلمو


انا كان كنت في نعيم زى ده اكان هسع في ناسا

مسكين انت يا ود حامد وحياة الرسول يا اللخو !!! انا في العمر ده عريان جلللللللللل والقنيبير فوق في الهامة وحجاب ناسنا البعبوا فرخاتو القرآنية في علبة الحديد - المرات بسووها ناسنا حقة تمباك - متدلدل في صدري يتلولح زى ميزان الدهب حق عبد الحميد في روي .
Post: #206
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: تماضر الخنساء حمزه
Date: 07-02-2008, 08:31 PM
Parent: #1

النسي
ود شيقوق
أبارو
شكرا كتير على الكلمات الطيبات

ولسّه قاعدين نحب في الناس معاكم


سلمى الشيخ سلامة
فيكي كمية بتاعة حنية كده تكفي بلد!
Post: #208
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-02-2008, 08:41 PM
Parent: #206

تماضر الجميلة

Quote: ولسّه قاعدين نحب في الناس معاكم


انا زعلان منك لانو حبك موسمى ونظل منتظرنو لحدى يحول عليه الحول - ووقت يجي ذاتو لا مركزي

اوصيك يا الاخت

اولا : الحب تواصل دائم
ثانيا : الحب centeralized
ثالثا : عبارة (في الناس) دى اسحبيها لانها تمثل استفزاز شديد ومفاجئي لاي واحد عشمان في كونك تحبيهو فدراليا
Post: #209
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 08:41 PM
Parent: #206

Quote: النسي
ود شيقوق
أبارو
شكرا كتير على الكلمات الطيبات

ولسّه قاعدين نحب في الناس معاكم

الشاعرة المغردة تماضر الخنساء

طلاتك تسعدنا والسعد أنت يا وجه السعد
حرفك يطربنا

هلا فينا ان نخبر الأخ شيقوق ينجد ليك عنقريب هبابي وتبقي بيناتنا في إنجمامتنا
دعواتنا لك أختي الكريمة دمتي في حفظ كريم لا تغيب عنه غائبة

ولك التحية
Post: #210
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-02-2008, 08:50 PM
Parent: #209

الخنساء
منسي

Quote: نخبر الأخ شيقوق ينجد ليك عنقريب هبابي وتبقي بيناتنا في إنجمامتنا


لا تكرم الخنساء الا بعد ابلاغنا بالتراجع عن تعميم الحب للناس كلهم
Post: #214
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سمية الحسن طلحة
Date: 07-02-2008, 11:10 PM
Parent: #210

ريحانة البطانة حلفنا نبدأ بيك
وكما وعدتي لو الله هون الأمر أن تكوني أول زائر لإنجماتنا وشديراتنا في تجددها المفروض علينا ولا يد لنا فيه...

طريت برق الفويطر الشال
وسال دمعي البكب وشال
كمل صبري ومنامي إنشال
لبس من ناري عمة وشال

فهلا جاد قلمك مجارة لهذا الحديث أو من مما قيل قبل
تحياتنا لك يا ريحانة

طريت ... هو أنا نسيت عشان أطرا ياخالد ديونك أتردمت علينابرجع لك لناس أبودليق
طريت ظبي العسين والنال
ورنة عاجو والخلخال
ياقلبي البقيت رحال
دورن قام مع الشهلال
Post: #215
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: عمر صديق
Date: 07-03-2008, 00:15 AM
Parent: #214

سمية بت طلحة
تحياتي
ايتها الريحانة وارجو ان تكون هذه المشاركة تعبرعن تقديري لكي ولاهل الانجمامة وان قصرت عن قدركم وفنكم


طريت اللحظو زي هرع البروق الشال
طريت الحسنو زائد ولي قباح ماشال
الذوق والعفاف لابساهو عمـة وشال
ولو قلناالجناب زي هيبة المارشال
Post: #211
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 07-02-2008, 09:13 PM
Parent: #209

سلام جميل....

جينا نخت ايدينا الخضرا
فوقك يا ارض الطيبين
يا بنوت الحلة العامرة
ابشرن بينا عديلة وزين
افتحن البيبان والطاقة
وامسحن الدمعة الحراقة
انحنا البنحقق امانينا
نزح الوجع المتحدينا
نشق الواطة نبل اشواقه
وجينا نخت ايدينا الخضرا
فوقك يا ارض الطيبين

الشاعر عماد الدين ابراهيم

...
Post: #212
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-02-2008, 09:16 PM
Parent: #211
Post: #213
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-02-2008, 09:33 PM
Parent: #212

Quote: جينا نخت ايدينا الخضرا
فوقك يا ارض الطيبين
يا بنوت الحلة العامرة
ابشرن بينا عديلة وزين
افتحن البيبان والطاقة
وامسحن الدمعة الحراقة
انحنا البنحقق امانينا
نزح الوجع المتحدينا
نشق الواطة نبل اشواقه
وجينا نخت ايدينا الخضرا
فوقك يا ارض الطيبين


تحوم فوقنا الحمامة من فرع إلى فرعِ وتنزل في البسيطة تسجع بجميل الألحان تطرب

زيدي في هديلك يا حمامة
Post: #216
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 07:12 AM
Parent: #213

Quote: طريت ... هو أنا نسيت عشان أطرا ياخالد ديونك أتردمت علينابرجع لك لناس أبودليق
طريت ظبي العسين والنال
ورنة عاجو والخلخال
ياقلبي البقيت رحال
دورن قام مع الشهلال

يا سلام وهيييييع ومحل رهيفة التنقد
مع فجان قهوة الصباح تبيت لي تبَّ نثرت فيها كل الأشواق لتلك المراتع
تسلمي من كل شر يا زهرة الحسن ودطلحة
يا مسكونة بجمال الحرف وجمال الخُلق والروح

طريت الفوق مراتعو مقيّل
ساهي ولاهي ولي قلوبنا مميّل
الخلاني فوق نار الجمر متكيّل
وقلات عينو الفي الحشا بتنيّل

خالد

تحياتي ومودتي سمية
Post: #217
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 07:19 AM
Parent: #216

Quote: طريت اللحظو زي هرع البروق الشال
طريت الحسنو زائد ولي قباح ماشال
الذوق والعفاف لابساهو عمـة وشال
ولو قلناالجناب زي هيبة المارشال


عمر صديق يا سلام وألف شكر للريحانة
بي سببها سمعنا هذا الكلام الطيب ومرق من مخباتو
يا زول يا جميل وين تاني ماشي نحن ما بنفكك

ودشيقوق .. عوك يا ودشيقوق امسك الراجل وجيهلّو العنقريب الهبابي

هييييع ومحل الرهيفة التنقد

تسلم سلام يا عمر

تحياتي
Post: #218
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-03-2008, 07:38 AM
Parent: #217

الشيخ عمر صديق
منسي

Quote: هييييع ومحل الرهيفة التنقد


بقت شملة كنيزة
Post: #219
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 07-03-2008, 08:55 AM
Parent: #218

اهل الشديرات سلاااااام أو كما يقول ود أبو القاسم

طلة مسكول كده نسبة للمشاغل وسك الدنيا والمنعطف إياه

لحين ميسره علي قول الريس
Post: #220
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-03-2008, 09:12 AM
Parent: #219

ابارو

Quote: طلة مسكول كده


ما تشحتف روح الناس اما طل طلة مجيهة ولا بطل مسكولاتك
Post: #221
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 07-03-2008, 11:24 AM
Parent: #220

Quote: ما تشحتف روح الناس اما طل طلة مجيهة ولا بطل مسكولاتك

أقول ليك ؟
بقيت أكتب المداخلة قبل أرسلها يجيني شغل أقوم ألغيها !!!!!!

الله يكون في العون









أخبار ناس القاهره شنو؟
Post: #222
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-03-2008, 11:27 AM
Parent: #221

اعزائي

تعالوا شوفوا القراية على ظهر الجمال :

حنتوب الجميلة بقلم الشاعر كامل عبدالماجد

في عام 1963 هطلت أمطار غزيرة بالمناقل وما حولها من قرى، ولم يكن من سبيل وأنا بقريتنا (ود الزين) في شمال المناقل، للعودة إلى حنتوب وقد انتهت الإجازة وذلك من جراء تلك الأمطار الغزيرة.. فرتب والدي عليه الرحمة أمر سفري على ظهر جمل خلف أحد أبناء عمومتي.. وبعد رحلة يومين في وحل ومياه، برك الجمل قرب البنطون بود مدني وقفزت متأبطاً شنطتي أنظر لزملائي في البنطون بزهوٍ عجيب.. فتأمل بالله عليك أبناءنا اليوم وما يعيشون فيه من دعة وترف عيش. تعهدتنا بالمشرب والمأكل والمأوى حكومة جمهورية السودان القديمة جزاها الله عنا كل الجزاء.. 12 عاماً في الداخليات وغيرنا 16 عاماً (أي كل المراحل) غير أني ولجت الداخلية من الوسطى ثم الثانوي والجامعة.. ورحلة طلب العلم كانت في ما مضى هي التي تشكل ذات الإنسان في بلادنا وحياة الداخليات هي التي عجمت عودنا وصقلت أنفسنا وعلمتنا الاعتماد على النفس وأتاحت لنا معرفة أبناء كافة فجاج السودان.. أما حنتوب فقد كانت الذروة في فترتنا الدراسية وكانت المحطة الأكثر ألقاً في سكة قطار رحلتنا التعليمية.. أذكر وأنا أحدق اليوم عبر ضباب الذكرى أذكر العشب المبلل بالندى في المساحة بين داخلية النجومي وقرية حنتوب وجلوسنا فوقه وأنسنا ومراحنا..
(قال لي فوق ندى العشب الخريفي
والثعابين لها نحو الصديقين التفات
يا صلاح..
ما حياتي إن أنا قضيتها دون أن ابني بناءً للغد".
نعم جلس على ذات العشب الناعم الشاعر الفذ صلاح احمد إبراهيم وصديقه شيبون وغيرهم.. وأصبحت جلساتنا البريئة وأنسنا الغرير ذكرى لا تبارحنا.. أذكر للآن تلك الزهرة البرية البيضاء التي تطبق على معظم مساحة العشب وأذكر أسراب الفراشات التي توسع المكان جيئة وذهاباً.. وكان أستاذنا الطود الراسخ هاشم ضيف الله يمنع السير داخل ميادين النجيلة.. ولكن حنتوب كانت كلها عشباً ندياً.. وعشب الطبيعة البري الأخضر الناعم كان الأغلب.
تنهال صوبي المهاتفات والرسائل الإلكترونية والنصية (الصوفت والهارد) كما يقولون بلغة اليوم.. ووصلتني رسالة من زميلي بحنتوب وجامعة برمنجهام د. عبدالرحمن محمد عبدالرحمن يقول فيها: "كنت أود لو ذكرت شيئاً عن فترة الشهر والنصف التي قضيناها في التدريب العسكري أثناء الإجازة (من ثالثة إلى رابعة) وذلك الطاقم العسكري والرجال الأشداء وكان يقودهم العميد (م) الكاتب والأديب عبد الرحمن حسن عبدالحفيظ).. ويتحدث صديقنا د. عبد الرحمن عن القيم والأخلاق التي غرسها فينا (الكديت) ويذكرنا زميلنا المهندس عدلان وحماسه الدافق للتدريب العسكري حتى ظننا جميعاً أنه سيتجه صوب المؤسسة العسكرية وليس كلية الهندسة.. كما يذكر الزبال وسرداب وعبد الرحمن عابدين ومنصور يوسف العجب.. وكنت ألتقى منصور كثيراً في تسفاري للندن ولكنه انقطع الآن.. للصديق عبدالرحمن تحياتي وسلامي وعرفاني وسنتواصل بإذن الله.
زارني صديقنا وزميل الدراسة المتوسطة مصطفى الماحي الخبير الاقتصادي والمصرفي ولكنني لم أحظ بمقابلته لعدم وجودي بالمنزل ساعة زيارته، له مني الشكر والعرفان وأعد بوصل حبل الوصل فقد تذكرني في ما تذكر وجاءني بمكرمة وفيض مشاعر.
اتساءل.. هل مستر براون البريطاني هو أول ناظر لحنتوب هو الذي أطلق الأسماء على داخليات حنتوب.. وهل يشارك براون إن كانت الإجابة بنعم في تخليد وتمجيد رموز أهل السودان مثل المك نمر وأبو عنجة والنجومي وغيرهم.. وسؤال آخر.. لماذا أطلقت أسماء الفصول على رموز الأوروبيين: شكسبير، أبوقراط وغيرهم والداخليات على الرموز الوطنية.
يتصل بي منذ بدأت هذه الذكريات الحنتوبية أستاذنا السلاوي من أمريكا وقد زعم وهو يحادثني مؤخراً أن الرواية الغالبة لمعنى اسم حنتوب.. أن شخصاً يدعى حنا.. كان ينصحه الآخرون بأن يتوب وقد سكن بتلك الناحية وأسسها.. ورواية أخرى ان الاسم هو اسم عشب بري كثير النمو بتلك الناحية.. والأستاذ الشلاوي الذي درس ثم درس بتشديد الدال بحنتوب ثم تولى منصب وكيل وزارة التربية والتعليم أكثر من اتصل بي حنيناً لحنتوب وقد أرسل لي رثاءً مؤثراً للريس عبده سائق عبارة المدرسة الذي رحل إلى ربه في الأشهر القليلة الماضية وبرحيله يغيب الثرى ركناً من أركان تلك المدرسة العتيدة وهاتفني شقيقه الإداري الراحل عابدين بدر ملتمساً أن أضيف في ذكرياتي عن حنتوب أن أربعة من نابهي طلاب حنتوب جلسوا للشهادة وتفوقوا من السنة الثالثة وهم حسن الترابي وإبراهيم منعم منصور وشقيقه عابدين بدر ورابع نسيت اسمه.. وعابدين بدر ارتاد سلك الحكومات المحلية وتذكره أجيالنا التي التحقت بالسلك الإداري بعد أن تقاعد جيل بدر بسنين عددا.
في أوائل الستينيات احتفل خريجو حنتوب من كل صوب وحدب بالعيد الفضي لحنتوب ولبى الدعوة مستر براون وامتلأت ردهات المدرسة بطلابها القدامى يتقدمهم الرئيس نميري في عهد زعامته على السودان وجاء محمد إبراهيم نقد من مخبئه الاختياري مشاركاً في الاحتفال وفاض الحنين القديم بالناس في ذلك اليوم الخالد.. ووقف الشاعر العبقري صلاح احمد إبراهيم يلقي قصيدة عصماء قال فيها:
"هدهد حط على كتفك يا حنتوب كالحلم نبيلاً
أنبت الشعر له تاجاً من العزة كالحلم جميلاً
ساحباً ذيلاً من الريش على مرج قوافيه طويلاً
وانطوى
ساهماً في النجمة القصوى يناجيها ويدني المستحيلا
بترانيم الجوى
ثم أصغى لمنادٍ في الدجى: حي على خير فلاح
فسرت فيه انتفاضة وطوى
ذلك الماضي حيال الطور من وادي طوى
إذ تجلى الشعب في نور الكفاح
نافخاً في خافق الشاعر ناراً ورياح وقوى".
ويتحدث في القصيدة عن صديقه شيبون وعن ثوريته ونضاله الوطني
"خالص في مذريات لم يدنس
جمرة من غضب الحق المقدس
فارساً منا ولكن كان في الميدان أفرس"
ثم يخاطب الرئيس نميري:
"يا رئيس الشعب أوليناك والشعب الثقة
قمت للثورة والثورة نار محرقة
إنما الثورة تدبير وفكر وإرادة
وهي إلهام وحشد وقيادة
تخلق الأمة لا الحكم وشورى لا سيادة
ومبادئ
شعبك الجائع يرجوك ومن حولك في الخرطوم يرجون استفادة
عقموا جهلاً وعادة
طردونا.. فصبرنا النيل للمجهول أبناء سبيل
ترقب البرج على بعد وموج النيل والشط الجميل
كشموس وجمت عند أصيل
نتعزى بأمانينا وبالشعر فنشدو ونطيل"
غريب ونبيل أمر وفاء صلاح لصديقه شيبون.. أهدى له ديوانه (نحن والردى) بكلمات باذخة:
"عرفته أول ما عرفته في ساحة العمل الثوري.. كنا آنذاك دون العشرين يحلم هو مثلما كنت احلم بيوم خلاص الشعب من المستعبد الأجنبي.. إليك أيها الذي قدم إلينا من كردفان ذات يوم بالحب الثوري العظيم والموهبة الواعدة ليتمدد مسجى بعرض الوطن وطوله".. وقبل صلاح لم نكن لنعرف شيئاً عن صديقه شيبون ولم يتح لأحد منا حتى اليوم الوقوف على شعره وإبداعه، هذا عن أمر صلاح الشاعر العبقري الذي تناوشته سهام رفاقه وسهام السياسة فهجر بلاده اضطراراً ورحل وحيداً غريباً.
استطالت مقالتي عن حنتوب.. وكان المؤمل أن اكتفى بمقال وأحد أعرف فيه أبناءنا وأجيالهم اللاحقة المدارس الثانوية في ذلك الزمان.. غير أن المقال الأول حرك أشجان خريجي حنتوب فأردفته بمقال ثان وثالث.. وكلما أزمعت التوقف والفكاك هاتفني أو صادفني صديق يضيف ويعلق ويستحسن.. وعبر الهاتف اتصل الأستاذ الصديق أبو عصاية يخبرني أنه يحتفظ بديباجة المدرسة ودبوس الهدهد وبصورة لمستر براون يقرع الجرس ثم صورة أخرى يتحدث في الاجتماع المدرسي الدوري.. ويتصل بي من يخبرني أنني لم اشمل خاله محمد موسى بالذكر وهو من رموز المدرسة والمدرسة التي بدأت مسيرتها عام 1946 ومضت في المسيرة حتى زمان التسعينيات خرجت جحافل من الطلاب.. ومن العسير أن تحيط بذكرهم وأخبارهم مثل هذه المقالات الصحفية.. غير أني أفرغت في مقالاتي كل ما توفر لي من معلومات ولا أقول ذكريات عن حنتوب.. واختم بهذا المقال بعد أمسية حنتوب الجميلة (أمسية للحنين والذكرى) التي نزمع إقامتها بمسرح كلية قاردن سيتي أمسية الثلاثاء القادم بإذن الله، والدعوة موجهة لخريجي حنتوب من كافة الأجيال للمشاركة.
إلى كافة أحبابي وزملائي في رحلة التعليم أزجي شكري وعرفاني.. الى كل من هاتفني وأرسل لي وقابلني شخصياً شكري وامتناني، لقد ضمخ روحي وعطرها بعبير الإخاء والوداد ما وجدت خلال مقالاتي هذه من قبول وارتياح وأخص بالذكر الذين كتبوا معي مؤازرين، اللواء الشيخ مصطفى والدكتور كامل إبراهيم حسن والعميد عيسى الحاج إبراهيم وأزجى تحياتي لمجموعات أبناء حنتوب مجموعة اللواء باب الله ومجموعة ناس اللواء شرف الدين علي مالك ومجموعة بلة احمد العبد وقبلهم جميعاً مجموعة أستاذنا أبو كشوة.
Post: #223
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 02:19 PM
Parent: #222

Quote: بقت شملة كنيزة

ودشيقوق خسمتك باللع الواحد الأحد لو ما حكيت قصة شملة كنيزة


هي زي شملة كنيزة الماهلة
هي تلاتية لكن قدها رباعي
Post: #224
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 02:30 PM
Parent: #223

الجميل ودأبوالقاسم
في القصيدة الحلمنتيشية أنا كان جيتك من الأخر
هاك مقدمتها

يا سمحة بنات القبة
ويا زينة الكليات
ويا طفلي الرضيع المات
زمان شفتك عجبتيني
وقلتا أقول أنا البِرليم بدور أخطب؟
دا مامعقول
بقيت ساكت فرحان بيك
أحدث زول وأدس من زول
لآمن حصل المحصول
وإتقدمت وإتاخرتا ماخليت
ودمع العين نزل وكت قلتي
Oh Too Late
خطبوك لي زولاً كبير وعظيم
وحافظ الكيميا في رسو
طوالي رضيتي وما قلتي

Oh Too Late
عاد ما حالتو كويسة
وباني البيت
وعربيتو تسوي حي ياليل
وعامل شنبو نص رباط
وبعد الخطبة تجي تقولي
مولانا أدعو لينا معاك
إجازيك الله يافلانة
زماني وفات
دايراني أجيب إبريقي
وأصنقر ليكي لي الدعةات
زمان ما كنتَ بدعو ليك
زمان ماكنتَ عشمان فيك
لكن الليلة بدعو عليك

ولي حين ميسرة بنشوف ليك واحدة تاني
Post: #225
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 05:59 PM
Parent: #224

نهيم شوية مع الشاعر محمدالحسن حميد

رسالة من ست الدار لزوجها الزين ودحامد
( 1 )
ليك يا الزين ودحامد شوقنا
أمابعد ...
المبعوت المنك وصلت
ورحتَ فكيت الطلب الفوقنا
وباقي الدين ياالزين خلصّتو
قدر الفاضل ...
مصروف راشد والتومات
والجايات من جاي لي جاي
وزي ماقتّلك قُبال دا
شهر اتنين حا نطهر راشد
والله يبعد العارض تجينا
وراشد حالف مايطهّر
إلا أبوه وعمتو تحضر
وإلأ إجيبو الغناين
شان الشول بت سرنا ترقص
قلنا نجيب المداحين
طنطن ..
أنا جاي من الحج
وإت عارف راشد لما يطنطن
كل الدنيا الجنبو تطنطن
غايتو بشر
بس ربك يهوّن

ما كلمتك بي التومات
أول أمبارح جني يرطنّن
قالن نحن الخواجات
بسم الله مرّق ...
لقيّتلّك جعفر زارد البيت بي الخواجات
إبقى حِداشر وخواجية
ناس البلد كسروا عليهم
فضوا يقلبّو في إيديهم
عدمانين من إسم حكيم
ولا خبير لي المشرع

علماء أثار !!!!!
فِضلت هي ... أثار !!!
ماخموها الجونا قبلكم
شن خللولنا بلا حُجار
الله يصرف الخواجات
الله يصرف الخواجات
Post: #226
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-03-2008, 06:20 PM
Parent: #225

Quote: هي تلاتية لكن قدها رباعي


تاني يشرحوها ليك كيف آآآآآآآ عيسي ؟ انا شغال برااااااااااى وانت معاك ........ليك بجيب ليك الاجابات من جبال واسو .
Post: #227
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: تماضر الخنساء حمزه
Date: 07-03-2008, 07:43 PM
Parent: #226

شيقوق كبرنا على المركزي
بعدينك أصلا اتمركزنا من بدري واسي بنعلم أولادنا يتمركزوا كيف وكده
بس عموم المحبة ماعندها تاريخ انتهاء صلاحية مواصلين فيها
ولك فيها قدر تتعب وتقول كفاي.
ولا كيف


سلمى صبحي احلى مساء ليك ياجميلة الروح

المنسي شكرا تاني على البوست واللمّة




Quote: طريت ظبي العسين والنال
ورنة عاجو والخلخال
ياقلبي البقيت رحال
دورن قام مع الشهلال



Quote: طريت اللحظو زي هرع البروق الشال
طريت الحسنو زائد ولي قباح ماشال
الذوق والعفاف لابساهو عمـة وشال
ولو قلناالجناب زي هيبة المارشال


طريت عمي الهناك والخال
الزول في وشو شامة وخال
صوتك ياحبيبي رنّة الخلخال
سامعك أم غُناك جابو ليّ خيال
ولايكون خيالي برضو ليّ أخال
تطرب ذي معاي انت برضو تخال
Post: #228
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 08:51 PM
Parent: #227

القبلو ووراهّو
بين أجيالو حايز
حسن الكون براهو
بدر الحُسن لاح

آمن في ضراهّو
تعبانين وقاصرين
جارين وراهّو
القاصد وصالّو
العايز يراهّو
ما طايلين خيالّو
ومانايلين ثراهّو

هييييع يا عم كمال وودأبوالقاسم ( شوفو جنس النضمي دا )
ومحل رهيفة التنقد




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #229
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-03-2008, 09:56 PM
Parent: #228

العملاقة ادبا وعلما وثقافة وحضارة تماضر

شيقوق كبرنا على المركزي
بعدينك أصلا اتمركزنا من بدري واسي بنعلم أولادنا يتمركزوا كيف وكده
بس عموم المحبة ماعندها تاريخ انتهاء صلاحية مواصلين فيها
ولك فيها قدر تتعب وتقول كفاي.
ولا كيف


وما عساى ان اقول - تسلمي يا اميرة
Post: #230
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-03-2008, 10:32 PM
Parent: #229

Quote: المنسي شكرا تاني على البوست واللمّة

الاخت الفاضلة تماضر الخنساء والأسم مفصل والله ..العمار بيك يحلا والشدو معك يسمو بنا.
الكلم ونواصيه ملك لكنَّ شاعرات بلادي. ونحن ناس ساكنّا شيطان جنو شعر.. وخلي العقد يكتمل
ريحانة البطانة .. العبيد .. أبارو ووالده العم الكريم المقبول والشاعرة هند ومحبي الشعر وتذوقه أنا وودابوالقاسم والعم كمال وبقية الاخوة والأخوات فتحلو إنجمامتنا قول طيب شعر طيب مكاجرة طيبة
والبنقولوا كلو طيب
وتبقى هي كلمة طيبة بيننا تجمعنا

ولك التحية والمودة تماضر
Post: #231
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-04-2008, 07:27 AM
Parent: #230

عامرين أهل السرير والخيرة تحت شديراتكم مستأنسين

بنرجع لكم حين ميسرة


تحياتي
Post: #232
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-04-2008, 08:52 AM
Parent: #231


اهل الانجمامة اسمعو اوشيك و تراث البجا
Post: #233
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 07-04-2008, 09:18 AM
Parent: #232

الطيبين الزينين
كيفنكم
فيصل محمد خليل شكراِ


الغناء الشرقي غني بالموروثات الثقافية







Post: #234
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-04-2008, 10:23 AM
Parent: #233


ابارو دودر لي المولانات بجاي
Post: #235
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 07-04-2008, 10:45 AM
Parent: #234

Quote: ابارو دودر لي المولانات بجاي


شيقوقيات يمتنعون











شكلو كده ده بترول الدندر
Post: #236
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-04-2008, 11:27 AM
Parent: #235

Quote: شيقوقيات يمتنعون


مع تقارير منظمة الزراعة العالمية ونقص الغذاء العالمي نفتح المطامير ونبيع ليكم الفترتية بالفنجان .

قال يمتنعون قال .


وناوى اعمل بوست بعنوان ( ود شيقوق مشنق طاقيتو في الهامة ومصنقر في طرف المطمورة ببيع في الفتريتة بالفنجان لاولاد البندر )

هيييييييييييع
Post: #237
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: العبيد الطيب عبدالقادر
Date: 07-04-2008, 07:00 PM
Parent: #236




اخوتي الكرام

اول ابارك لكم الدار الجديدة

وتاني بلومكم لوم كتير

خوتكم خوة عجول ساي

الواحد اكان اتلكك في طين

الباقيات بفوتن يخلنو في طينو

هسي انا لوري التراب حقي ملكك في الطين ليهو

كم يوم مافي زول جا ساعدني ومرقو معاي

الزول اكان اتلكك في طين ساي مافي زول بجيب خبرو


غايتو انجمامتكم ما بناباها لكن خوتكم دايرة اعادة نظر

والليلة جينا وشايلنا شوق كتير ليكم

والتحايا ليكم كلكم
Post: #238
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-04-2008, 07:27 PM
Parent: #237

باقي من رسالة ست الدار لزوجها الزين ودحامد

(2 )

بينات جعفر والمحجوب
والمحجوب والخواجات
قامت شكلة
العمدة طفاها
باقي الناس الجات لي الفرجّه
قنبو قيلّو شبعوا لحُوم
والخواجة يصــــور ساكت

ستة خرفّن وكيف ماكفن
ستة خرفّن في فد يوم
المعدوم أشكال وألوان
اي خدار في اليوم داك في
وكل مركن في الدكان

أول كفو الخواجات
وبعدو العمدة وصمد الساقي
وناس المجلس والمشروع
وبعد الطلبة وباقي الناس
حتى الشفع والحرّوم

جات بت صالح وبت كلتوم
تقعد تخبز طول اليوم
لآمن حرقت الدولاب
قنبت المسكينة تداعي
الله يصرف الخواجات

وفي ديك الليلة جاك ودطه
مافي غنوتن ماغناها
مافي مدحتن ماسواها
حمارو صبح لاحق امات طه
سبَّ الدين والامريكان

زولك دا بحير (( جعفر ))
عند الجد كان أدا ينقنق
وكت الفارغة يشيل ويبعزّق

إذكرتا كلامك لي يا الزين
في ناس لاعبين بالدين
في ناس لاعبابا الخواجات

الله يصرف الخواجات
ما خلونا نسأل منك
كيفن حالك والخرتوم
وكيف المصنع والعمال
حالهم لسع نفس الحال
ما رقوك سوووك باشكاتب
يورينا الله زيادة الراتب
كيف الناس والحلة عموم
والعذابة الكحيانين
سيد البيت عل ما ساكيكم
لسه تقعدوا تقوموا براكم
قلبي معاكم
ربي يخدر لي ضرعاتكم
بالي معاك ياالزين ودحامد
بالي هناك
الشوق الشوق
خللا صدير الجوف محروق
راجي مطيرة الزين ودحامد
Post: #239
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-04-2008, 08:16 PM
Parent: #238

العبيد



Quote: الواحد اكان اتلكك في طين

الباقيات بفوتن يخلنو في طينو


الناس كلها طاريك بس ما عندهم مروة للعض في العكو
Post: #240
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-04-2008, 09:17 PM
Parent: #239

Quote: اهل الانجمامة اسمعو اوشيك و تراث البجا

فيسل هليل
تسلم يا جميل ورائع ويسلمن فاطمة وسلمى

Quote: الطيبين الزينين
كيفنكم
فيصل محمد خليل شكراِ


الغناء الشرقي غني بالموروثات الثقافية

أبارو الظريف
ليه يا أبارو تعمل كِدا
تحرمنا من كلام الوالد
بالشكل دا
حنسو وخلي يجود لنا بشئ ولو قليل الشدر الكُبار فوقو الصمغ

Quote: وناوى اعمل بوست بعنوان ( ود شيقوق مشنق طاقيتو في الهامة ومصنقر في طرف المطمورة ببيع في الفتريتة بالفنجان لاولاد البندر )

هيييييييييييع

ودشيقوق الحبيب اللدود القاسي

بي الفنجان ليه دا عبار كبير سوي ليك حقنة وادي بالسيسي
والله أنت لو مسكت أمر العباد نموت بي الفاق وما تدينا موية
Quote: غايتو انجمامتكم ما بناباها لكن خوتكم دايرة اعادة نظر

والليلة جينا وشايلنا شوق كتير ليكم

والتحايا ليكم كلكم

العبيد الضو وما بقولو سووو
الظاهر عليك جبتا من الاخر وقريت من الأخر
شوف وارجع نحن سألنا منك كم وكم يا راقي وجميل
شايلن بطارياتنا ونفتش في بكان إنغرز لوريك علا ضهبنا وفتشنا حت خمش البقرة عاد ما أسياد رايحا سعلنا الطير والماشي والجاي عن خبرك وما لقينا دليل
تسلم وحمدالله السلام

يا اخوانا غياب بي طعم الكسل
الحبيب الجميل ودأبوالقاسم
الرطاني
بوبا
أيمنوف
العم كمال

البقت جافية ومجافية سماح قمر وإدوّر
Post: #241
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: عماد شمت
Date: 07-04-2008, 10:43 PM
Parent: #240

ود المنسي اخوي حبابك ,,,خلي الترطيبه بتاعتك دي وامشي شوف ودنور في بوست الامتداد

افو يالجعلي اب مويس ...

فتك بعافيه
Post: #242
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: ممدوح أبارو
Date: 07-05-2008, 08:05 AM
Parent: #241

المرطبين علي قول شمت صباحكم زين

Quote: ود المنسي اخوي حبابك ,,,خلي الترطيبه بتاعتك دي وامشي شوف ودنور في بوست الامتداد

افو يالجعلي اب مويس ...

فتك بعافيه

كدي يا شمت جرب ترطيبتنا دي
ودنور زاتو حرم كان جا تاني مابرجع

الريس

Quote: ليه يا أبارو تعمل كِدا
تحرمنا من كلام الوالد
بالشكل دا
حنسو وخلي يجود لنا بشئ ولو قليل الشدر الكُبار فوقو الصمغ

حاشا وماشا أو كما قال
بس الايام دي كلنا محرومين منو
باقي مشي علي أولاد ولدو في الحديبة وعندو معاهم ذي إسبوع كده وبجي راجع



انا الليلة ماشي الخرتوم ولو بوبا قاعد بجيب خبرو
واخلس منو العوزومة الضيعها لي المره الفاتت


ابقو تامين وسالمين لحين عوده
Post: #243
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 08:13 AM
Parent: #241

الأخ العزيز عماد شمت الفنان الرائع
كلما طفحت الذاكرة بخيالك تذكر
ما خلاص حب وأنتهى
وجاي تسأل عاوز ايه

يا سلام يا عمدة على الأيام الجميلة التي قضيناها بينكم
تحفها حنية وروعة ناس الأمتداد الممهولين عشرة وحبا

لك عماد تحية كبيرة على الزيارة ومشيت شفت الصورة
التي تجمع بينك وبين القردابي أبن عمي الحلو عمر محمد الحسن
وعضو البورد ( القردابي )

وأعتقد هذه الصورة كانت في رحلتنا لشندي لحضور زواج محجوب
محمد الحسن في مويس ( الحفلة كانت بعصام الجاك بادي ) عم نجمة الغد
رماز ميريغي الجاك وفيها غنى وكرر أغنية
الهجروك حبي
وعملوا السبب حبي
وكيف ينزعوا الصورة
المرسومة في قلبي

تسلم عماد عويس شمت وتحياتي مكررة
مودة
Post: #244
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-05-2008, 01:17 PM
Parent: #206

Quote: سلمى الشيخ سلامة
فيكي كمية بتاعة حنية كده تكفي بلد!

يا تمضورة
ما اجمل ان تقول شاعرة بقامتك عنى
ما احلى ان نكون متحابين فى هذا العالم
(الزى ) خطواته مسرعة
وهى موروثة
وعامل الوراثة فيها كبير جدا
امى عليها الرحمة هى معيننا جميعا
كاخوة
علمتنا ان نظل امينين على هذى الحنية
من تصبح لامن تمسى
مابتسمعى صوتها
ولا بطلع الا عشان يقول ليك
يا حبيبى
او يا حبيبتى
تبكى من (عضة النملة )
وتضحك مع الاطفال
مش مدرسة حلوة عليك الله
اتعملت منها
كلنا اتعلمنا منها
وبنحب الناس
عشان الناس بتحبو
والدنيا حلوة يا صديقتى

خلى روحك زى غمامة
اسقى كل وديان حبايبك
تلقى عندك الف جنة
الف غصن للمحنة
محبتى
Post: #245
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 06:15 PM
Parent: #244

Quote: حاشا وماشا أو كما قال
بس الايام دي كلنا محرومين منو
باقي مشي علي أولاد ولدو في الحديبة وعندو معاهم ذي إسبوع كده وبجي راجع



انا الليلة ماشي الخرتوم ولو بوبا قاعد بجيب خبرو
واخلس منو العوزومة الضيعها لي المره الفاتت


ابقو تامين وسالمين لحين عوده

الظريف / أبارو

يحفظه الله لكم سليم معافى ولا يحرمكم منه أبداً
ويرجع لكم من زيارته بالسلامة يا رب

يا سلام الختوم وكمان مع بوبا القمر والله رحلة سعيدة وجميلة بإذن الواحد الأحد وما تنسانا من صالح الدعاء وبلاغ كثير أشواقنا وسلامنا لحبيب الكل بوبا القمر ...

الفرصة لا تكرر مرتين وأعمل حسابك من ضياعها هذه المرة وخلي الدبيب يموت في جحرو ولا يهمك سوق سااااكت وبوبا معاك ولا هماك ..

تحياتنا للعم عند عودته وقول لي بندر النضم السمح يا عم النضم البدفي وكلو حنين ومودة
Post: #246
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-05-2008, 06:49 PM
Parent: #245

المنسى والحبان
كنت قد وعدت ان اكتب عن حبوباتى
وها انى اصحب معى حبوبة عشة بت عبدالله خالة والدى عليهما الرحمة

حبوبة عائشة بت عبد الله


غالبا ما تسير حافية القدمين رغم حرارة الطقس في بربر، ثيابها نظيفة ومعتني بها وجهها برئ ترتجف اوصاله حين تحدثك يعوج فمها باسنانه المهترئة ويتناثر رزاز البصاق عليك ، شفتاها رقيقتان تتناسبان وبقية الوجه الحلو الملامح ، حواجب كثيفة ، شعر ينسدل ملتصقا بفروة الراس ، هي شقيقة جدتي لابي ، طفلة في الستين من العمر ، ثرثارة وتحب الحكي ، تحكي لك بتفاصيل مملة ، مع ذلك لا احد يعيرها انتباها كنت اشفق عليها واظل اتابعها اينما ذهبت ، فهي رسول البيت الي الحوانيت ، تمضي فامضي في اثرها ، حين تمشي تحسها تجري لفرط السرعة ، اخب في اثرها ، فيتناثر الغبار تحت اقدامنا ، ولألحق بها كنت امسك طرف الثوب حتي لا تنفلت خطاها دوني
حبوبة عائشة بت عبدالله ، روائي ضل طريقه في الحياة ، تعشق التفاصيل كنت اتابع حديثها المفصّل حتي لا تتوه عني كلمة ، انظر الي وجهها ، الي عينيها المتغامزتين ، لاقرأ ما خفي عني ، او استعصي عليها توصيله ، وربما لانها كانت ( تقلب الاحرف ) فالراء تتحول الي لام ، والتاء دالا.
الاجازات الصيفية كانت المناسبة الوحيدة التي تجمعنا ، حيث نهل مهاجرين من الابيض الي امدرمان ، الي بربر ، كعصافير تروم اللحاق بما تبقي من مطر ، بربر، مدينة تبدو لك مهجورة بمبانيها العتيقة العريقة التي تحمل عبق التركية ، بانحناءات المداخل والطوب الكبير (الدبش ) المعتمد في بناء البيوت والاسواق ، بيوت تختنق فيها ليلا انفاسنا من فرط الغبار الذي يكتسحنا ، فنصحو بملامح غير التي نعرفها ، كل منا يغدو شبحا يستنكف الاستحمام ، لان امي تشير علينا به ، ولان ذلك معناه ان نتعطل عن اللعب الصباحي في الشارع رغم انها تنهينا عنه لان الشمس تشرق شروقا حارا منذ البداية ، ترسل صهدها من الصباح حتي المغيب مع ذلك كنا نجترح الاكاذيب للخروج .
كنت امتلئ بسعادة خفية كلما حدثونا ان وجهتنا ستكون بربر ، رغم انها تهبني التهاب اللوزتين ، والحمي المصاحبة ، لكن حافزي اننا موعودين بتامل مشهد الغروب وانعكاس اللون الاحمر القانى علي صفحة النيل وصرير الساقية بصبيانها الجالسين الي ظهور ثيرانهم بلا ملل .
نتراكض علي الشاطئ لالتقاط ثمار ( تمر ابونا والالوب ) التي نعود محملين بها لنجد حبوبة عائشة علي اهبة الاستعداد لتحذيرنا من اكلها فهي علي حد قولها ( بتجيب المرض التعب ) تلعب معنا حبوبة عائشة كطفل ، استعذب لعبها ، تمتلئ غبطة حين تفعل ، وتغتبط اكثر حين نستجديها لتحكي لنا القصص فهي تجيد ذلك القص ، من ناحيتنا لا يعنينا ان كان الوقت عصرا او صباحا ، همنا ان تحكي لنا وكفي ، في الصباح كانت تتابي علينا
ـ الحدا في الصباح ما سمح
لكننا ننهال عليها بحرير القول حتي ترضي ويرق قلبها ، فهي تلفزيوننا وبرنامج اطفاله نحن ، ولتفعل ذلك كان لدينا الحلول ، فالمدينة مليئة بالبيوت المهجورة التي تصلح زمانا ومكانا لذلك الغرض فهي خالية مفتوحة الابواب دهاليز كبيرة مسقوفة بسيقان الدوم الضخمة الطويلة ، تنتهي الاعمدة المصلوبة الي قلب الغرفة بالشكل( 7 )جدرانها مطلية برمال ناعمة تشربت بالسواد وكذا تراب الارضية ، ناعما وباردا كبساط مشدود ، تجلس اليه مطمئنا ، لا اضاءة سوي تلك التي تتخلل النوافذ العالية الصغيرة التي تتقاطع علي الجدران وارضية المكان تذكرك بالمعابد النوبية القديمة ، تثيرالاشعة خيالاتنا لدرجة انك ترسم ما لا يخطر ببال بشر ، وتخاف ان مر نسيم ، او خشخش ورق متطاير ، في ركن ما ، فانت مفزوع لا ريب ندخل اذن صحبة حبوبة عائشة الي احد تلك البيوت المهجورة ، نبقي هناك ما شاء الله لنا البقاء ، تجدنا ممددتين الي الارضية الباردة ، متكئتين الي احد الاعمدة ، او الجدران ، اوعز لها ان المساء حل الآن لتبدأ القص غالبا ما نكون وحدنا ، فلم تكن الحكايات تدخل الي كيمياء اخوتي فيتركوننا وحيدتين ، نظل هناك لامد طويل ، لا نفيق الا علي اصوات من يبحثون عنا ، يجدوننا في ثبات ماكثتين ، هي مسندة ظهرها الي الجدران ، وعلي حجرها اغفو .
منحتني حكاياتها هبة السرد والحكي ، ( ربما لان معظم اهل بربر يمتازون بهذه الخاصية ) كنت اجد بت عبد الله ماثلة لدي في ( كليلة ودمنه ) و( الف ليلة وليلة ) والاحاجي السودانية ، كنت احار في امرها فهي لم تدخل مدرسة قط ،امية من الطراز الاول ، من المهد الي اللحد ، فمن اين لها بكل تلك الذخيرة من القصص ؟ سؤال ما زال يربكني ،
ذات مرة سالتها :
ــ حبوبة ، انت عمرك كم سنه ؟
فاجابتني :
ــ يا تلاتة يا خمسة
قلت لها :
يعني انت اصغر مننا ؟
ــ لا لا ما اصغر ، اول انا شن عرفتني ؟
هي هكذا دائما ، طفلة كبيرة ، احببتها علي نحو خاص بي ، ربما نسيها الجميع من اهلها ، لكنها كانت احد مكونات الذاكرة لدي ، وعلامة من علامات طفولتي .
Post: #247
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 07:12 PM
Parent: #246

القايـــمة بمبـــونة
الواشــي ماجاب لي
ذكرى في فنـــــونة



حليلو الني والله شال نومــــــي
دناب دناب دناب
يا الله فوق زينب
سرج القبات منجور
فوق سيدو بشلع نور
فوق سيدو بشلع نور
يا رنة الطمبور



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #248
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 07:30 PM
Parent: #247

Quote: فالمدينة مليئة بالبيوت المهجورة التي تصلح زمانا ومكانا لذلك الغرض فهي خالية مفتوحة الابواب دهاليز كبيرة مسقوفة بسيقان الدوم الضخمة الطويلة ، تنتهي الاعمدة المصلوبة الي قلب الغرفة بالشكل( 7 )جدرانها مطلية برمال ناعمة تشربت بالسواد وكذا تراب الارضية ، ناعما وباردا كبساط مشدود ،

نعم السرد يأخذك في رجلة هياج الذكرى متلفح توبك الجرجراي وعلي الدلوكا سايق سوق
زهرة عروس الرمال
ما أجمل الحبوبات ومن حرم منهنَّ في صغره قد حُرم خيراً كثيرا
الحبوية المحنّة ( ويا حليل المحنة الراحت مع القمل .. زي مابتقول حبوتي بت الأمين كلياني ) .. كان حبيبها القريب .. أعني الجنبها هو الحبيب والغائب تصيبه سهام نضمها السمح تشكر القريب وتذم البعيد وكنا لا نعلم ذلك ورغم صغر سننا ..

سلمى قلت ليك وزي ماقال الدبيب ودشيقوق والله لو تحدثتي عن الموت تمناه المستمع لك حفظك الله وما شاء الله عليك وعينا باردة مازي ناس الدندر .....

تحياتي ومودتي
Post: #249
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 07:58 PM
Parent: #248

باقي من رسالة ست الدار لزوجها الزين ودحامد
الجزء الأخير

نحن نصاحن زي واطاتنا
إلا القراص والباعوض والتجار
والحاصل البتحصل كلو صباح
شتلاتك قبضن ...
الحملات كبرن بالحيل
العقلين الروك إنزرعّن
أوعك تشفق من تالانا
ولا نبقالك مشغولية
نحمد الله مستورين
وما ناسين المسئولية
هيا الزين زغرد
ما قُتلّك ..
بت أم زين جابتلها بت
ستة أولاد حتين البت
المحجوب بنشد من خبرك
شافعو محسّب من يومين
التومات طيبات ونُصاح
إلا غُبش بالحيل آالزين
راشد قرر شهر اتنين
كان ما جيت ما بطهّر
الله يبعد العارض تعال
كان فد يوم يدوك لي تعال
كان بي الخصم إن شاءالله تعال
وما تتوصى وداعة الله


أم أولادك ست الدار بت أحمد جابر
Post: #250
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 08:14 PM
Parent: #249

رد الزوج ( الزين ودحامـــد )
الجزء الأول

ست الدار بت أحمد كيفكك
جاني جوابك مفتوح شارع
جاني جوابك وأنا بتصور
في ناس راشد والتومات
في الشتلات والحالة عموم
ناس حلتنا التحت الفوق
الليهم الله وعيشة السوق
جاني جوابك وأنا بتذكر
في المشروع وعمايل جعفر
ولما بكيت ياست الدار
وحات الله بكيت ياست الدار
لما قريت علماء أثار!!!
هو ايه ماعندك راس
ست الدار تتوهدبي ليه
ديلا جماعة الــ cia
تعرفي ايه السي آي a
أمريكان في كُلي مكان
ديل مالين الدنيا ملي
ديل قالين الخلق قلي
بأسم الدين والأمريكان
اي عوج مبدي ومختوم
صوتنا هناك وهنا مكتوم
ومافي فرق في الوقت الراهن
بين واشنطن والخرتوم
أنا مهزوم أنا مهزوم
ست الدار سامعاني يا خيتي
مرتي وأمي وأم الكل
أنا بنده لِك من شارع الله
فوقي هجير وتحتي بُقل
سبي معاي السلبو راجلك
سبي معاي الحرموني شوية الضل
Post: #251
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-05-2008, 08:27 PM
Parent: #250

النبق النبق النبق








فاكهاني و بحب الفاكهة
Post: #252
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-05-2008, 08:34 PM
Parent: #251

ياود المنسى ...سلامات

اية رايك الليلة تاخد صاحبك الما منجيب اسمو للدكتور دة

عشان يشيل ضرسو......عمك كمـــال
Post: #253
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 09:02 PM
Parent: #252

Quote: ياود المنسى ...سلامات

اية رايك الليلة تاخد صاحبك الما منجيب اسمو للدكتور دة

عشان يشيل ضرسو......عمك كمـــال

العم الجميل كمال عطا
صاحبي خلي ..... قلعن ضروس العقل جت .. وما عقلن كراعو ( الدماغ حايداني داهية ومكحل بي شطة ما تغبا علي خافية.. وشديد ولضيد ماشاء الله )

بس الضرس متاور أخوك وينتح حامني النوم.....

وحليلو الني والله شال نومي

تحياتي عم كمال
Post: #254
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-05-2008, 09:26 PM
Parent: #253

ياوليد المنسى ...وكت الضرس قايم عـليك هاك حبة
الفاليــوم دى..اركز..هيييييييييع الماخمج
عمك كمــال
Post: #256
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سمية الحسن طلحة
Date: 07-05-2008, 10:44 PM
Parent: #254

سمية بت طلحة
تحياتي
ايتها الريحانة وارجو ان تكون هذه المشاركة تعبرعن تقديري لكي ولاهل الانجمامة وان قصرت عن قدركم وفنكم


طريت اللحظو زي هرع البروق الشال
طريت الحسنو زائد ولي قباح ماشال
الذوق والعفاف لابساهو عمـة وشال
ولو قلناالجناب زي هيبة المارشال

عمر ود الصديق
لك التحية والتقدير
(رجعتنا من ال*لشال)
الفطنة دي بتتعبني بالحيييل
وبتكمل المعاي خلااااس

طريت الريدو في جوف المعالق شال
طريت سمح الخبر البى قبيح ما انشال
موفور العرض لابسو عمة وشال
ولو قلنا الجناب جمع َالمحاسن شال
Post: #255
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: sami Alzubair
Date: 07-05-2008, 09:44 PM
Parent: #1


المنسي
هليل
ود شيقوق
ابارو
اميرة
سلمي
وبقية العقد الفريد
تحية لكم ايها الرائعون
دوما ما انجم هنا في صمت
ولكن..
رميت هذه المرة بمداخلتي علها (تدوش)
فيصيبني من القبول جانب اليسر
حتي اختط بكيبوردي المسنن
ما تجود به حروف لغاتي
...
مدخل ثاني:
الونسة من اجل الونسة
بدون..
او
..
او
حتي
هي كل ما نبتغي انا وكيبوردي المسنن(بفتح النونين يا عمك)
المهم
باكر بجيك
قاطع مسافات العشم
شايل معاي كلام كتير

..
ارقدوا عافية
Post: #257
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-05-2008, 10:47 PM
Parent: #255

Quote: المهم
باكر بجيك
قاطع مسافات العشم
شايل معاي كلام كتير


ود الزبير وليد أهلي والدم بحن
حبابك عشرة بلا كشرة في إنجمامتنا وهي كلمة طيبة نقولها وتبقى بيننا

ابقى لي جوه وانجم ومرحب حباب يا العشى

في أنتظار كلامك الكتير وإن شاءالله ما يكمل وتظل معانا يا جميل

تحياتي ومودتي
Post: #258
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-06-2008, 05:37 AM
Parent: #257

ود الهليل

Quote: النبق النبق النبق


بتعرف المحجان ؟

وما هي علاقته بالنبق؟

بتعرف فوائد ورتاب شجرة السدر؟ّ؟؟؟ المنسي المسلط ما توريهو

بتعرف الفلكاب ؟ وماهي علاقته بالسدر والنبق؟
Post: #259
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: هند محمد
Date: 07-06-2008, 05:53 AM
Parent: #1

Quote:





صباح مفعم بالامل والتفاؤل لكل مار من هنا ولاهل الانجمامة الطيبين

أجمل الصباحات برفقكتم وكل الامنيات الطيبة

التحايا والتقدير
Post: #260
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-06-2008, 06:06 AM
Parent: #259

كتب مقصوف الرقبة ودشيقوق

بتعرف الفلكاب ؟


دا موش البطلعوا منو ورق الفلوسكاب


انا بعرف الفلنكات

و الفلنكات في الزمخشري

تعني القعويا


عريض المنكعين شلولخ
Post: #261
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-06-2008, 06:19 AM
Parent: #260

Quote: دا موش البطلعوا منو ورق الفلوسكاب


لا ده البقول بااااااااااع وبضبحوهو في الضحية !!!!!!!
Post: #262
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-06-2008, 07:29 AM
Parent: #261

من روائع محمد سعيد العباسي

حيّاكِ «ملّيطُ» صوبُ العارضِ الغادي وجاد واديكِ ذا الجنّاتِ من وادِ
فكم جلوتِ لنا من منظرٍ عَجَبٍ يُشجي الخليَّ ويروي غُلّةَ الصادي
أنسَيْتِني بَرْحَ آلامي وما أخذتْ منا المطايا بإيجافٍ وإيخاد
كثبانُكِ العفرُ ما أبهى مناظرَها أُنسٌ لذي وحشةٍ، رِزقٌ لمرتاد
فباسقُ النخلِ ملءُ الطرفِ يلثم من ذيلِ السحابِ بلا كدٍّ وإجهاد
كأنه ورمالاً حوله ارتفعتْ أعلامُ جيشٍ بناها فوق أطواد
وأعينُ الماءِ تجري من جداولها صوارماً عرضوها غيرَ أغماد
والوُرْقُ تهتف والأظلالُ وارفةٌ والريحٌ تدفع ميّاداً لميّاد
لو استطعتُ لأهديتُ الخلودَ لها لو كان شيءٌ على الدنيا لإخلاد
****

أنتِ «المطيرةُ»(1) في ظلّ وفي شجرٍ فقدتِ أصواتَ رهبانٍ وعُبّاد
أُعيذ حسنَكِ بالرحمن مُبدعِهِ يا قُرّةَ العينِ من عَينٍ وحُسّاد
وضعتُ رحليَ منها بالكرامة في دارِ ابنِ بَجْدتِها «نصرِ بنِ شدّاد»(2)
فاقتادتِ اللبَّ مني قَوْدَ ذي رسنٍ ورقاءَ أهدتْ لنا لحناً بتَرداد
هاتي الحديثَ رعاكِ اللهُ مسعفةً وأَسْعدي فكلانا ذو هوًى بادي
فحرّكتْ لهوى الأوطانِ أفئدةً وأحرقتْ نِضوَ أحشاءٍ وأكباد
هوًى إلى النيل يُصبيني، وساكنُهُ أُجلّه اليومَ عن حصرٍ وتَعداد
وحاجةٌ ما يُعنّيني تطلُّبُها لولا زماني ولولا ضيقُ أصفادي
****

يا سعدُ «سعدُ بني وهبٍ»(3) أرى ثمراً فجُدْ فديتُكَ للعافي بعِنْقاد
وإنّ في بعض ما قد عافَ شاربُكم إعتابَ ذي الفضلِ «يحيى» و«ابنِ عبّاد»(4)
ورقاءُ إنّكِ قد أسْمعتِني حَسَناً هيّا اسمعي فَضْلَ إنشائي وإنشادي
إنا نديمانِ في شَرْع النوى فخُذي يا بنتَ ذي الطوقِ لحناً من بني الضاد
فربّما تجمع الآلامُ إنْ نزلتْ ضدّين في الشكل والأخلاق والعاد
لا تُنكريني فحالي كلُّها كرمٌ ولا يُريبكِ إتْهامي وإنجادي
وأنتَ يا عيدُ ليت اللهَ أبدلني منكَ الغداةَ بعوّاد وأعواد
ما لي وللعيد والدنيا وبهجتِها وقد مضى أمسِ أترابي وأندادي
****

أولئك الغرُّ إخواني ومن ذهبتْ بهم مواسمُ أفراحي وأعيادي
مضَوْا، فهل علموا أني شقيتُ بمن ألبستُه ثوبَ إعزازٍ وإسعاد؟
لم يُجْزِني، لاجزاه اللهُ، صالحةً بِرّاً ببِرٍّ وإرفاداً بإرفاد
لقيتُه أمسِ في طِمْرين مقتحماً دَوّاً بلا مركبٍ فيه ولا زاد
فظِلْتُ أُوسعه بِرّاً وتكرمةً حتى غدا وَهْو ذو وشيٍ وأَبْراد
وحينما قلتُ إني قد ملأتُ يدي إذ غرّني صوتُ إبراقٍ وإرعاد
تحوّل الحالُ عمّا كنتُ أسمع من وعدِ المثوبةِ والزُّلفى لإيعاد
أبحتَ مني حِمىً قد كان ممتنعاً حِمى البهاليلِ: آبائي وأجدادي
صيّرتَه بعد ذاك الأمنِ مَسْبعةً تحمي مَرشّةَ أطيارٍ وآساد
إن ترضَ بالحكم فالقرآنُ ذو حَكَمٌ وها أولو العلمِ والتاريخِ أَشْهادي
هادٍ يضلّ وحيرانٌ يُدلّ وما طولُ البليّةِ إلا حيرةُ الهادي
****

أغرقتَها فانجُ إنْ كنتَ اللبيبَ ولا أراكَ تسلم من بحرٍ وإزباد
واصبرْ تذقْ مُرَّ ما ذاق الذين بغَوْا من قبلُ، واللهُ للباغي بمرصاد
لا تخدعَنَّكَ نُعْمْى قد حبَوْكَ بها ولا الزعانفُ من رهطٍ وأجناد
فلستُ أيأسُ من عدل المليكِ بأنْ يُخني عليهم كما أخنى على «عاد»
لثمتُ كفّاً ولا أدري الذي اشتملتْ أصابعُ الصِّيدِ أم أشراكُ صَيّاد؟!
وليتَ شعريَ هل عَرْفَ السماحةِ ما أشمُّ أم عَرْفَ «دارينا» و«بغداد»؟
مهامهٌ غرّني لمعُ السراب بها ومذهبٌ لم أكن فيه بنَقّاد!
****

أستودع اللهَ ساداتٍ فقدتُهمُ حدا بهم، حيث لا ألقاهُمُ الحادي
تحيّةُ اللهِ يا أيامَ ذي سَلَمٍ أيامَ لم نخشَ بأسَ القاهرِ العادي
أيامَ كنا وكان الشملُ مجتمعاً وحيُّنا حيُّ طُلاّب وقُصّاد
فإن جرى ذكرُ أربابِ السماحةِ أو نادى الكرامُ فإنا بهجةُ النادي
لنا الكؤوسُ ونحن المنتشون بها منّا السقاةُ ومنّا الصادحُ الشادي
واليومَ أبدتْ لنا الدنيا عجائبَها بما نُقاسيه من حربٍ وأحقاد
وما رمى الدهرُ وادينا بداهيةٍ مثل الأليمين: تفريقٍ وإبعاد
لم نجنِ ذنباً، ففيمَ الحيفُ مُقترَفاً؟ وما لنا اليومَ في سدٍّ وإيصاد
ما نحن «يأجوجَ» بل قومٌ ذوو أَرَبٍ في الصالحات ولسنا قومَ إفساد
بني أبي أنتُمُ زيدٌ على مائةٍ وما عدمتم أخا هديٍ وإرشاد
عزّ النصيرُ وقلَّ المستعانُ بهِ ومَن يَهبّ إذا يُدعى لإنجاد
سِيروا كراماً على اسم اللهِ لا تهنوا فدهرُكم دهرُ إصدارٍ وإيراد
فما الفلاحُ وما سعيُ الشعوبِ لهُ لدى الحقيقةِ إلا سعيُ أفراد
إن يُرسلِ اللهُ من عليائه فَرَجاً نُدرَكْ وإلا فكلٌّ رهنُ مِيعاد
Post: #263
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 08:02 AM
Parent: #262

Quote: هاتي الحديثَ رعاكِ اللهُ مسعفةً وأَسْعدي فكلانا ذو هوًى بادي
فحرّكتْ لهوى الأوطانِ أفئدةً وأحرقتْ نِضوَ أحشاءٍ وأكباد
هوًى إلى النيل يُصبيني، وساكنُهُ أُجلّه اليومَ عن حصرٍ وتَعداد
وحاجةٌ ما يُعنّيني تطلُّبُها لولا زماني ولولا ضيقُ أصفادي

العم كمال حييت
والله ما أجمل أن تجد من يشاركك الهوى أنت تمتعنا دوماً بالروائع التي قيلت من كلم طيب شعراً ونثرا ..الشاعر محمد سعيد العباسي من قامات الشعر في بلادنا ...

واصل يا عم وتجدنا أذن صاغية لسمح القول وما قيلَ ..
جزاك الله عنّا كل خير وخيل يا ودكبوشية مرتع ودار الجمال والكلم الطيب ..
Post: #264
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-06-2008, 08:20 AM
Parent: #263

دا ما كيمو


دا انا يا داقس
Post: #265
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 08:29 AM
Parent: #264

Quote: دا ما كيمو


دا انا يا داقس

معليش فيسل هليل
واللوم بجي بي الغفلات

وخليك كدي وجيب من عينة دا وخلي الدبيب يغير منك يا جميل
Post: #266
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 09:50 AM
Parent: #265

Quote: صباح مفعم بالامل والتفاؤل لكل مار من هنا ولاهل الانجمامة الطيبين

أجمل الصباحات برفقكتم وكل الامنيات الطيبة

التحايا والتقدير

الشاعرة المرهفة الوردة المتفتحة نضرة بشاعريتها واحاسيس جميلة مدسوسة بين بين حروفها وكلمها
شكرا كتير على الورود المقدمة لزوار الإنجمامة واركانها
هذا طبعك فيما قدمتي وأنت تحبين الجمال أين ما كان وحيثما وجد.

لك منا كل المشاعر الطيبة أخوية لوجودك بيننا والله
وقد نتطاول لنرى بعض من قصائدك التي نشرت من قبل في هذا المنبر من قبل تنير لنا شديرتنا وإنجماتنا وارجو ذلك في كل زيارة لك ان تدعم بكلم مما نشرتيه من قبل لا نتطاول ونطلب الجديد الذي لم ينشر بعد فهل لنا من ذلك نصيب ..

وتحياتي ومودتي
Post: #267
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 03:32 PM
Parent: #266

Quote: كنت امتلئ بسعادة خفية كلما حدثونا ان وجهتنا ستكون بربر ، رغم انها تهبني التهاب اللوزتين ، والحمي المصاحبة ، لكن حافزي اننا موعودين بتامل مشهد الغروب وانعكاس اللون الاحمر القانى علي صفحة النيل وصرير الساقية بصبيانها الجالسين الي ظهور ثيرانهم بلا ملل .

يا سلمى يا زهرة عروس الرمال
كان في بربر فارس ومشهور أسمه موسى ودجلي
نظمت له أخته مناحة ( مرثية ) عند وفاته
وهذا نص كلماتها ......

مرثية موسى ودجلي

حليل موسى يا حليل موسى
حليل موسى اللي رُجال خوسا

يوم جانا المُهر مجلوب
فوق ضهرو السرج مقلوب
أبكنو يابنات حي ووب
حليل موسى وسدّوهو الطوب

ودأمي يافرير يا برير
ودأمي يا صباح الخير
عزايتّو مابتنوم الليل
خربانة الدنيا دار الميل

مابيأكل الملاح أخدر
ولا بشرب الخمر يسكر
عجب عيني يجيك مسفَر
طلع صيتو شال بنات بربر
Post: #268
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 03:44 PM
Parent: #267

مــــرثية ( مناحــــة )
موسى ودجلي



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">

Post: #269
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 07-06-2008, 04:39 PM
Parent: #268

مساء الخير على الجميع

وليكن مساءكم دافئاً كدفء صوت ملائكي حنون....

وأي صوت زار بالأمس خيالي.....
طاف بالقلب و غنى للكمال ......
وأذاع الطهر في دنيا الجمال ....
وأشاع النور في صوب اليالي .....

انه صوت الرائعة الراحلة المقيمة في قلوبنا....ليلى المغربي



دمتم بألف خير
Post: #271
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-06-2008, 06:16 PM
Parent: #269

الاخوة اعضاء الانجمامة سلام

الاخت سلمى صبحي

حكى احد زملاء ليلي المغربي عنها ما يلي :

كانت ليلى المغربي - يرحمها الله - فريدة في شخصيتها الإذاعية .. فكم من المذيعات حاولن تقليدها والوصول إلى مكانتها ، لكنهن فشلن في ذلك وظلت هي في المقدمة ، ذلك أن شخصيتها كانت مختلفة عن الأخريات في طريقة التعامل مع الزملاء ، لأن العمل في الإذاعة يحتاج إلى المرونة والهدوء والصبر .. قدمنا معا للمستمعين برنامج (إشراقة الصباح) كأشهى ما يمكن أن يبدأ به الإنسان يومه بعد فترة القرآن الكريم والحديث الشريف ، وصار البرنامج اسما يتردد على كل لسان .

قال لي الأخ بكري المك ، إن هذا البرنامج كان مكملا لكوب الشاي والقهوة صباحا ، فلم نكن نغادر بيوتنا إلى المدرسة أو العمل إنْ لم نستمع إليه .

في شخصيتها وتكوينها كانت ليلى المغربي مثالا للإنسان العاقل .. تميزت بروح المحبة الصادقة لكل الناس ، فلم أسمع يوما أن أحدا إختلف معها أو كرهها أو أسمعها ما لاتحب ..فقد كان الناس يعاملونها بمثل رقتها وحبها وسعادتها بهم .. كانت الابتسامة لا تفارقها وهي في أشد المواقف صعوبة .

أحبها زملاؤها وأخلصوا لها الود .. كان المقابل المادي الذي تأخذه من البرامج تعطيه لبعض العاملين في الإذاعة .. فلم تكن تأخذ منه شيئا .

تطور أداء ليلى المغربي لتصبح مذيعة عالمية بعد أن تخرجت من الجامعة وظهرت في التلفزيون أكثر بهاء وقدرة على العمل .. فعشق الناس طريقتها في تقديم البرامج .

وعندما كانت ليلى تسافر في زيارات لبعض الدول ، كانت تظهر من خلال أجهزتهم الإعلامية كمذيعة مقتدرة .. استمعنا إليها في لندن وفي مونت كارلو .. ورأيناها مذيعة سودانية مشرفة في تلفزيون قطر وفي أبوظبي بالامارات العربية المتحدة .. ولكم عُرضت عليها الدولارات والدراهم والريالات لتعمل خارج السودان ، لكنها كانت دائما تقول .. لا أستطيع أن أقاوم متعة الوطن والأصل .

آثرت ليلى أن تكون أما ، ولم يشغلها العمل عن بيتها وتربية أولادها حتى أواخر أيامها.

ألا رحم الله الفقيدة وتقبلها قبولا حسنا وأسكنها فسيح جناته (إنا لله وإنا إليه راجعون) .
Post: #270
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-06-2008, 06:12 PM
Parent: #267

Quote: مابيأكل الملاح أخدر
ولا بشرب الخمر يسكر
عجب عيني يجيك مسفَر
طلع صيتو شال بنات بربر

بنات بربر ديل انحنا ود امى
لكن اسم ساكت
لى منها عشرات السنين
لكن بكتب من الذاكرة
اطرف ما فى هذى الابيات انه عندنا زولة قريبتنا من بربر
قالت
ـ وهو كان ما بياكل الملاح الاخدر
ولا بشرب خمر يسكرشن فايدة رجالته ؟
عجبى
Post: #272
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 08:27 PM
Parent: #270

Quote: وليكن مساءكم دافئاً كدفء صوت ملائكي حنون....

وفعلاً كان مساءنا دافئ بطلتك يا حمامة السلام
ويكفينا الطلة تنثرين الفرح والنغم مغردة والسلام بين شديراتنا

تعرفي يا سلمى ما يحملنا أن نغفر لك غيابك المتكرر هو بعد الغياب تأتي بالجميل والمميز

ولك منا التشكرات مردفات تتزاحم
Post: #273
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 08:48 PM
Parent: #272

Quote: كانت ليلى المغربي - يرحمها الله - فريدة في شخصيتها الإذاعية .. فكم من المذيعات حاولن تقليدها والوصول إلى مكانتها ، لكنهن فشلن في ذلك وظلت هي في المقدمة ، ذلك أن شخصيتها كانت مختلفة عن الأخريات في طريقة التعامل مع الزملاء ، لأن العمل في الإذاعة يحتاج إلى المرونة والهدوء والصبر .. قدمنا معا للمستمعين برنامج (إشراقة الصباح) كأشهى ما يمكن أن يبدأ به الإنسان يومه بعد فترة القرآن الكريم والحديث الشريف ، وصار البرنامج اسما يتردد على كل لسان .

ودشيقوق
وما أحلاك عندما تنبري وتنغم حرفك بعيد عن المشاكسة ( والله حلو وممتع )
فعلاً هبا الله تلك الأسرة بشئ من المواهب وخص ليلى عليها الرحمة من الله ..هينين زيادة .. ليلى المغربي كانت مميزة حتى في أسرتها في موهبتها الصوتية وتقعيد الكلام وتجعله ينزل عليك هونا ... كنت أحب أسمع لها في برنامجها المميز نفحات الصباح وفعلاً كان مكمل لفنجان شاي الصباح ولا يكتمل الكيف ألا بإذدواجيتهما ... وكذلك من صوت ليلى المغربي حفظت كل أشعار الشاعر المرهف الشفيف محمد طه القدال وكنت أستمع لها دوماً وخاصة في قصيدة ( خمسين سنة ) والله يا ودشيقوق كنت أغيب عن الواقع وأسرح وكأن المطر نازل وصوت الرعد يتفرطق تقول رصاص وبالذات في هذا المقطع ...
إذا ماالبيت لبخ جالوص
ومزبّل لي الخريف عمة
وكان جواهو محبوبين
وهبابين وخمسة عيال وسحارة
وكان في البيت عقاب مِعزاية للشفع
وكان الدنيا يا الضلمة
وكانت غيمة هدّارة ودرارّه
سبلوقاتنا ما صبّن
سباليق جارنا سوّن جووو
ويادميع السِحاب نوّح
ويامعز اللبن دغّن
وياالبقر الطلق بوّح
جفل في الزيفة ديك ورّح
ويا الكللاب يوّن هووو
وقام حتى الجِداد كَيّك
ويامرق الصنت سيّك
وتسمع وردلوب حيطة
ويا أبو مروة يا أبو مروة
بيت حاجة أم خريف دركان
وتقرأ أم أحمد البسم الله في الأولاد
وتقرأ أم أحمد البسم الله في الأولاد

كنت والله أحس كل كلمة وكأن المطر يصب حين سماعي لهذه القصيدة
طلب من الأخوة بالله من يجد تسجيل لهذه القصيدة بصوت ليلى المغربي أن يمدني به وأكون شاكر ومقدر
Post: #274
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: salma subhi
Date: 07-06-2008, 08:57 PM
Parent: #272

Quote: في شخصيتها وتكوينها كانت ليلى المغربي مثالا للإنسان العاقل .. تميزت بروح المحبة الصادقة لكل الناس ، فلم أسمع يوما أن أحدا إختلف معها أو كرهها أو أسمعها ما لاتحب ..فقد كان الناس يعاملونها بمثل رقتها وحبها وسعادتها بهم .. كانت الابتسامة لا تفارقها وهي في أشد المواقف صعوبة .

نعم يا استاذ الطيب....
الأستاذة ليلى المغربي......لم ولن تتكرر......رحمها الله.


أخ خالد
شكراً لكلماتك الطيبة...
والأجمل هو البصمة التي يضعها كل شخص هنا فتزيد الإنجمامة روعة وبهجة وأناقة......

تقديري للجميع
ولنا عودة
Post: #276
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-06-2008, 09:08 PM
Parent: #274

شكرا ليك يا سلمى

بالتاكيد نصيبك من ليلي لم يكن بمقدار نصيبنا منها ولا احسب انك قد سمعت نفحات الصباح التي حكى عنها ذلك المسنوح .


المنسي

Quote: إذا ماالبيت لبخ جالوص
ومزبّل لي الخريف عمة
وكان جواهو محبوبين
وهبابين وخمسة عيال وسحارة
وكان في البيت عقاب مِعزاية للشفع
وكان الدنيا يا الضلمة
وكانت غيمة هدّارة ودرارّه
سبلوقاتنا ما صبّن
سباليق جارنا سوّن جووو
ويادميع السِحاب نوّح
ويامعز اللبن دغّن
وياالبقر الطلق بوّح
جفل في الزيفة ديك ورّح
ويا الكللاب يوّن هووو
وقام حتى الجِداد كَيّك
ويامرق الصنت سيّك
وتسمع وردلوب حيطة
ويا أبو مروة يا أبو مروة
بيت حاجة أم خريف دركان
وتقرأ أم أحمد البسم الله في الأولاد
وتقرأ أم أحمد البسم الله في الأولاد


يا سلام على هذا الابداع والله يا خالد اخوى انا اول مرة اسمع هذه القصيدة المعبرة .
Post: #275
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: عمر صديق
Date: 07-06-2008, 09:06 PM
Parent: #270

ود المنسي
عارف انجمامتك دي ذكرتني ايام الصبا عندما كنا نقيل فوق هبابي تحت شجرة ليمونة مجاورة للبابور في ساقية جدي والليمونة يمر من تحتها الجدول والهبابي فوق الجدول وتحت ضل الليمونة
تكييف طبيعي
وفي المكان تجتمع الماء والخضرة
اما الوجه الحسن

فوصفه نهديه لبنت الحسن سمية:
Quote: عمر ود الصديق
لك التحية والتقدير
(رجعتنا من ال*لشال)
الفطنة دي بتتعبني بالحيييل
وبتكمل المعاي خلااااس

طريت الريدو في جوف المعالق شال
طريت سمح الخبر البى قبيح ما انشال
موفور العرض لابسو عمة وشال
ولو قلنا الجناب جمع َالمحاسن شال


وانا كذلك كملت المعاي وسانتقل للاخ البلولة حينما قال يصف الوجه الحسن ضمن مسدار الجبنة:-


المشوارو داير ليه كمين سندا
انافي ليما يا سيد دوير وبلندا
الزول الجلدو من منقة جرانيس اندا
بت عربا اصال ما شربت الميرندا
Post: #277
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 09:26 PM
Parent: #275

زهرة عروس الرمال ست الإبداع الفطري

Quote: بنات بربر ديل انحنا ود امى
لكن اسم ساكت
لى منها عشرات السنين
لكن بكتب من الذاكرة

والله يا زهرة في حرفك نشم رائحة بنت البلد الأصيلة التي لم تغيرها بهارج العمار والتقدم وتحمل في جواها جواهر الموروث العظيم ياقوتا .. وأنت الخير والبركة ومعك في إنجمامتنا جالسين ..

Quote: وهو كان ما بياكل الملاح الاخدر
ولا بشرب خمر يسكرشن فايدة رجالته ؟

تعرفي يا سلمى في هذا البيت من البلاغة الضمنية بديعها.. وما أجملها عندما تأتي من إنسان أمية لم تجر حرف .. كان حال أهلنا من الفقر زمان حال لا يمكنهم من أكل اللحم ماكان هناك جزر ومن يأكل اللحم غير أصحاب السعية الأغنياء .. وكان يطبخون الخضار بدون لحم يعني بي بصل بس ( والملاح بدون لحم له أسم ظريف لكن المنبر عام ويمنعني من ذكره لكن المسلط ودشيقوق قطع شك بعرفو ) والناس التريانة هم من يأكلون اللحم واللحم كان يطبخ لوحد يعني ما يطبخ مع الملاح .. فموسى تصفه أخته انه كان رجل تريان وغائص في النعيم لأذنيه ... شوفتي بلاغة هذه المرأة...
Post: #278
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 09:41 PM
Parent: #277

Quote: والأجمل هو البصمة التي يضعها كل شخص هنا فتزيد الإنجمامة روعة وبهجة وأناقة......

تقديري للجميع
ولنا عودة

نعم وهذا مايجعلنا نميل طربا لجمال الابداع من الزوار الكرام يزينون صدر الإنجمامة ببديع الكلم شعراً ونثرا وكثير ما أحمد الله على هذا الجمع صافي السريرة يلتفون حول كلمة طيبة تجمعهم ...

العود الحميد لك يفرحنا بس ما يكون حجة وزوغة

وزيدي في هديلك
Post: #279
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 09:52 PM
Parent: #278

Quote: يا سلام على هذا الابداع والله يا خالد اخوى انا اول مرة اسمع هذه القصيدة المعبرة .

كانت تلك مقاطع من قصيدة طويلة لللشاعر محمد طه القدال نظمها أبان سيول وأمطار غزيرة ضربت الجزيرة. وهو طبعاً من قرية ( حليوة ) من قرى الجزيرة ...
يقول في مطلعها

خمسين سنة وإيدينا في طول مدّهن
لا فترنا من مد اليدين
لا صدمة جاتك يا رحم
يا يما عرسك كان دلاليك الهنا
ويايما عرسك كان قبل كمين سنة
وأمس القريب قلتيلي جايني الوحم
أسبيتي كم ؟ ربيتي كم ؟ عمرتي في ها الارض كم
رحطك قطيع من مجدت جناك
في الأرض في الزمن الزمان
الليلة يادوبك بِكر
شلخة نصيبك يا أم عَرض
مكتوب تصيبك في الأرض
مادمع برميه شانك
ومترجيك
علي ميعادنا مترجيك
Post: #280
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 10:26 PM
Parent: #279

Quote: ود المنسي
عارف انجمامتك دي ذكرتني ايام الصبا عندما كنا نقيل فوق هبابي تحت شجرة ليمونة مجاورة للبابور في ساقية جدي والليمونة يمر من تحتها الجدول والهبابي فوق الجدول وتحت ضل الليمونة
تكييف طبيعي
وفي المكان تجتمع الماء والخضرة

الحبيب عمر ودصديق
سلااامنا بنزيدو فوق السلام سلام

قدر ما تكبر الأفكار تقيف دون فِكرك
أمشي مع الشمش في الدنيا مرفوع فكرك
في رأس الكرم جالس وخالف حِكرك
ربنا يحفظك مانشوفو عاد شِكرك

العبادي
_____________________
والله اسعدتنا كتير بوجودك تحت شديراتنا في إنجمامتنا يا ودصديق وقول ونم جنس كلامك دا بيطلق في الجلد شعرانية .. والله لا جاب يوم شكرك.
وخليك قريب ولا تغيب علينا نضمك سمح بالحيل
Post: #281
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: هاشم أحمد خلف الله
Date: 07-06-2008, 10:38 PM
Parent: #280

ود عمي الحبيب خالد محجوب والله متلؤم معاكم لؤم شديد لكن في النهاية
جيناكم زائرين ارجو تقبل زيارتنا ونحن في حِمي إنجمامتكم العامرة بالناس الطيبة
Post: #282
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-06-2008, 10:38 PM
Parent: #280

المنسي حليل موسى دى مباااااااااااااااااااااااالغة والله بتذكرني ايام الطفولة لما كنا اطفال و نتبع اخواتنا الكبار للعب فكن دوما يتغنين بها في ضو القمر مع حركة متناغمة من قبل جميع بنات حينا.
Post: #283
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 10:59 PM
Parent: #282

Quote: ود عمي الحبيب خالد محجوب والله متلؤم معاكم لؤم شديد لكن في النهاية
جيناكم زائرين ارجو تقبل زيارتنا ونحن في حِمي إنجمامتكم العامرة بالناس الطيبة

هاشم ودخلفة الله
لك منا تحية طيبة سلااام
يا هاشم والله لك في الفؤاد مكانة وفي الذاكرة نحتت نبرات صوتك يوم جاني عذب صوتك متفقد لأخ لك عرفته من عبر حروفه فقط في هذه المساحة الفضائية والتي مافتئنا في كل يوم نقول جزى الله عنا صاحب الحوش الكبير بكر أبوبكر كل خير ..
والله يا أخوي لومك فينا شدر التبلدي خازن ألمي ما يحملو لكن بنقول ماقاله كبارنا مافي عوجة واللوم بجي بالغفلات .. نمني النفس دوماً أن تبقى بيننا متكي فوق عنقريب هبابي لا زائر بين حين وأخر وتأخد من البعاد فجوة...
لك يا ظريف هذه الأبيات الشعرية رباعية لشاعر مجهول يصف رحلته بالقطار من بربر للخرطوم

من المحمية قلنا يا البادراب
ويشبح في القضيب مليان وشيهو تراب
علامات البلد في البال بقنلي قُراب
وخشينا الجبل وبنية العمراب

لك عميق حبنا ومودتنا

تحياتي
Post: #284
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-06-2008, 11:16 PM
Parent: #283

Quote: المنسي حليل موسى دى مباااااااااااااااااااااااالغة والله بتذكرني ايام الطفولة لما كنا اطفال و نتبع اخواتنا الكبار للعب فكن دوما يتغنين بها في ضو القمر مع حركة متناغمة من قبل جميع بنات حينا.

ودشيقوق أخوي
يظهر أنو خيطنا في الدساتير واحد
وعلى مايبدو هو ( الهدندوي )
أحمد البشير الهدندوي
توبو توب حرير الهدندوي
قايد الجمال الهدندوي
وغازي لي الخلال الهدندوي

وأرقد عافية يا عشا البايتات قوا
Post: #285
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: أبوبكر أبوالقاسم
Date: 07-07-2008, 00:37 AM
Parent: #1

سلاللك الالالالالام أهل الشديرات العامرات

هنالك الكثير الذى يستحق التعليق فى هذه الصفحة الدسمة .

سنحاول إختلاس وقت للتعليق مع " المساسقة " وحتى الآن الأمور بخير.
Post: #286
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: فيصل محمد خليل
Date: 07-07-2008, 07:12 AM
Parent: #285

يا ودشيقوق

بعد ما تشرب شاي الصباح باللقيمات المطموسة

بالسكر و تقش خشمك من زيت اللقيمات تمشي

تتشطف من الجردل الفي نص الحوش و تلبس لابس نضيف

وجلابية نضيفة لانو الليله في تفتيش في الطابور وما

تنسى تقلم اضافرك و بعد داك ادرع الخرطاية بتاعتك

في رقبتك اصلو ياها شنطة الدمورية الشبهك

وما تنسى تخشى دكان اليماني تاخد منو ورقة فلوسكاب

و تملى قلم الحبر بتاعك و تشتري كمان مسطرة و براية

وطبعا مافي داعي تشتري سندوتش طحنية لانو امك عمالة ليك

سندوتش من الملاح البايت و لافاها ليك في ورق الجريدة و معالم

الزيت واضحة في الخرطاية اقصد شنطة الدمورية

ومن دكان اليمني جري للمدرسة لانو النبطشية عليكم و بعدها تساعد

القفير في ملي الدويات بالحبر

المدونة ماتنسى تملاها موش تشف من جارك قبل الحصة

و ما تنسى تجيب السبورة من المكتب الفيها امتحان الطبيعة

و كراس الاملاء بتاعك المليان كلو اعد جلدو لانو جلاده مبقع بزيت

فطورك المهبب

فيسل
Post: #287
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-07-2008, 02:00 PM
Parent: #286

Quote: سلاللك الالالالالام أهل الشديرات العامرات

هنالك الكثير الذى يستحق التعليق فى هذه الصفحة الدسمة .

سنحاول إختلاس وقت للتعليق مع " المساسقة " وحتى الآن الأمور بخير.

الأخ الفاضل الغائب ومشتهنو
أبوبكرأبوالقاسم
لو بتدري .... ماكان الغياب ... نقدر المشغوليات لكن خمسة دقائق يا الحبيب قولة سلاام وتبقالنا روح في بعادك إنشغلنا.. للوصال مع حرفك الجميل الشوق قتلنا

ونتمنى أن تكون الأمور دوام بخير ...

لك التحايا والمودة
Post: #289
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: سلمى الشيخ سلامة
Date: 07-07-2008, 02:46 PM
Parent: #286

يا فيصل ود امى الحبيب
عاين الصورة دى ما بتشبه الانت رسمتها لحدكبير؟
في مدينة الابيض كان علينا ان نصحو باكرا نقوم بترتيب البيت واعادته الي هيئته الاولي
، ما امكن ،
ثم نتسابق باتجاه الحمام ، لابد من ذلك (فالتفتيش ) ينتظرنا ،
نظافة ان اهملت فيها يقودك ذلك الي الضرب الذي لا رحمة فيه من جانب مدرسة لاتعرف الرحمة الي قلبها سبيلا ،فسوف تضربك امام الجميع ،
لا فرق بين بنت الوزير والغفير،
لابد ان يكون الفستان مغسولا ومكويا ( نظيفا ) علي اي حال ، الطرحة لابد ان تكون كذلك ، الشراب والجزمة البلاستيك لابد من نصاعتها ايضا ،
كنت اشرب الشاي علي عجل ،
لان الباص سيكون في المحطة عند السادسة تماما ، لا مجال لان يفوتك ، لانه ان حدث ذلك فلك الويل والثبور وعظائم ان تقطع مسافةلا تقل عن الثمانية اميال حسوما ، والويل كل الويل ان كان الفصل شتاءا ، لذلك كنت اصحو باكرا ، وما زلت افعل حتي الان تلك العادة التي سرت مسري الدم ، رغم مرور الاعوام
Post: #288
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: sama7
Date: 07-07-2008, 02:07 PM
Parent: #1

سلامات كتيرااااااااااااات
Post: #290
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-07-2008, 04:51 PM
Parent: #288

Quote: سلامات كتيرااااااااااااات

سماح قمر سبعتين وإدوّر
صرنا نراى القمر هلال يهل علينا وندعو الله الكريم أن يهله الله علينا بالخير والبركة.. ويغيب عنا لنراه بدراً مكتمل نسمر معه ونناجي أحلامنا ونسترق من شعاع ضوءه فرحتنا بعودة الحبيب المنتظر

تحياتي سماح ومودتي
Post: #291
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-07-2008, 04:51 PM
Parent: #288

سلمى بت الشيخ الجميلة - كيييييييييفك

والله عيني عليك باردة الكلام الكتير ده بتكتبي براك ولا عزة ماسكة معاك دورية ؟


سماح

ايقاعك وايقاع صبوحة صار تعبان في الانجمامة يبدو بسبب ترتيبات الزواج ليك وانشغال صبوحة بمؤسساتها الاسفيرية الاخري


ابو القاسم

وجودك معانا ليهو طعم خاص جدا كما تفضل المسنوح ود المنسي


الرطاني

ابعد مننا لكن خليك حكم لاعلان النتائج النهائية

عمو كمال ْ- فيصولي - يبدو بداية العد التنازلي في كميات الامداد


ابارو : نقدر ظرفك لانك بتسقي في الورود


هاشم خلف الله : تشجيعك يزيد من حمى الوطيس


الملكة : تعالي ادينها نمة بطلي الماما والبابابا


العبيد ود الطيب - صاح اتلومنا فيك لكن امسحها في وش سماح انشاء بي طينها .

بوبا : ظاهر على المسنغر ورينا الزعلك منو ؟


المنسي قيادتك بقت تعبانة وردودك صارت تتاخر هذا انذار ان لم تلتزم بالقيادة السوية سنرحل جميعنا لاجواء الربيع الصبوحية والمرة دى نلخبط الاحمر والاصفر والاخضر .
Post: #292
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-07-2008, 04:59 PM
Parent: #291

Quote: المنسي قيادتك بقت تعبانة وردودك صارت تتاخر هذا انذار ان لم تلتزم بالقيادة السوية سنرحل جميعنا لاجواء الربيع الصبوحية والمرة دى نلخبط الاحمر والاصفر والاخضر .

الأخ الحبيب شيقوق
صارت الإنجمامة بالتحنيس

لا ترفع لنا سلاح تهديدك بالرحول ... يا سيدي الرحول عز العرب
هي كلمة طيبة تجمعنا وإن كانت سوف تكون لفراق سوف أظل واقف حامل رايتها كلمة طيبة وحباب صاحب الكلمة الطيبة ولي قدام

تحياتي ومودتي
Post: #293
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: الطيب شيقوق
Date: 07-07-2008, 05:04 PM
Parent: #292

Quote: هي كلمة طيبة تجمعنا


ادمنا عاجل البر يا مسنوح
Post: #294
Title: Re: إنجمامة طيبة بِحب الناس ... وللكلمة الطيبة فيها دور وأساس
Author: خالد علي محجوب المنسي
Date: 07-07-2008, 05:46 PM
Parent: #293

Quote: ادمنا عاجل البر يا مسنوح


الحبيب ودشيقوق

البــر ديدنّا وبيهو ما بنتباها
وكسرتنا ممدوة للضيوف بي ملاحا
السُتر مقنعنا مابندبّا وسط الساحا
ما بنحيد وثابتين لو كل الخُلوق كتاحا

مودتي