مهنة النجارة أهدت المبدعين للفن

في ذات ربيع بديع وفى يوم غائم وعقد الستينات يهم بالرحيل ركبنا القطار البخاري من الدندر متوجهين صوب حنتوب الجميلة كان الصديق محمد حمد الجراى يدندن متيما بحنتوب وكأنها حسناء انتخبت ملكة لجمال الكون وكان يردد..
شممت تربك لا زلفى ولا ملقا وسرت قصدك لا خبا ولا مذقا
وكان قلبى إلى لقياك با صرتي حتى اتهمت عليك العين والحدقا
وسرت قصدك لا كالمشتهى بلدا ولمن كمن يشتهى وجه من عشقا.
دلفنا إلى حنتوب واثار عمر محمود خالد طرية وندية نداوة المشاعر وشذية شذي ألا زاهر تبتلنا في معلقته المريخية..نحن في المريخ اخوة..نعشق النجم ونهوى ..نحن بين الناس صفوة ..نحن في الإحساس قدوة..واختلاف الرأي فينا يجعل المريخ أقوى..أما قصيدته يا سيدة لا ..فقد ملئت الآفاق والفضاءات وسار بركبها الحداة في كل سهول ووديان السودان..
تحت ظلال أشجار اللبخ الباسقة وجدته يحمل منشارا أحسست أنني أمام سبح أو ظلا يكاد يغيب ..كان ضعيفا هزيلا نصف شعر رأسه ضائع ونصف حجم عينيه غائر ليس له صوت واحد إذا تكلم وليس له وجود ملحوظ إذا سكت ..يضحك كأنه يبكى يحزن وكأنه يغنى ..شدني إليه شدة قلقه وخفة ظله ودعابة روحه ..كان فنانا في صورة إنسان فقد سمعته وهو يطرى جمال النساء ويتعبد في محراب الفن ويثنى على جمال التمثيل وسحر الأداء وعذوبة اللفظ وفتنة النظرات ..انه حميدة أبو عشر من أبناء الجزيرة المروية عاش فترة من شبابه في مدينة ود مدني قلب الجزيرة وارض المحنة..التحق لفترة طويلة كعامل حرفي بحنتوب الثانوية ولعله استفاد من وجوده في هذا الصرح التعليمي الكبير لصقل تجربته الشعرية خاصة وهو الذي لم ينل من التعليم إلا النذر اليسير..
لا أظن أن أحدا من جيل الخمسينات من القرن الماضي ومن الذين يعشقون فن الغناء لم يحلق بأجنحة الطرب مع الحاج عبد الحميد يوسف وهو يشدو ..غضبك جميل زي بسمتك التي أبدع في تلحينها وسجلها على اسطوانة فنالت شهرة لدرجة أن هذه الاسطوانة اصبح لها مكان ثابت في فترات الاستراحة في جميع دور السينما السودانية في العاصمة والأقاليم ..حكم الزمان بتزللى..حكم الغرام بتدللك ..الوجد لي ..والحسن لك ..يا غاية الأدب الرفيع ..شكلك بديع ..غضبك جميل زي بسمتك..بهذه الأغنية اصبح حميدة أبو عشر واحدا من شعراء القمة في مجال الأغنية الحديثة واثبت حميدة أن الإبداع والخلود ليس بكثرة الإنتاج بل بإتقان الإنتاج وتجويده رغم قلته..
تم افتتاح مدرسة ثانوية جديدة بمدينة الحصاحيصا وهناك حاجة ماسة إلى حرفيين لتجهيز الكراسي والأدراج للتلاميذ الجدد فنقل حميدة من حنتوب إلى مدرسة الحصاحيصا الثانوية وذهب وهو طاوي الماضي الجميل في حنتوب في صدره وعائشا على صدى الذكرى متحسرا على ايلمه الزاهيات وذكرياته العطرات فنفس زفراته شعرا فودع حنتوب بتلك القصيدة الخالدة..وداعا روضتي الغنى..نسيتى الماضي يا ليلى ماضي الحب والطهر..ليلى نقطع الليل بحلو النجوى والشعر ..ليالي حبنا الأولى ..نسيتى ليلى إذ كنا نفدى النفس بالنفس ..وداعا روضتي الغناء وداعا معبدي القدس..
وفى الختام فالتحية لمهنة النجارة والتجلة لهذه الحرفة الشريفة حرفة سيدنا نوح..الحرفة التي أهدت للفن الفنان الكبير إبراهيم احمد أبو جبل أي إبراهيم الكاشف والفنان كمال إبراهيم أي كمال ترباس والفنان صالح الضى والشاعر حميدة وأبو عشر والفنان العربي الكبير كاظم الساهر....

احمد حماد إدريس—الدمام

هلا

خالص التحايا
الاستاذ العزيز
الطيب شيقوق
تعرف اقول ليك حاجة انا كانت من ضمن أُمنياتى انو اكون نجار ..
احب شغل الخشب جدا رغم انى لافقه فيه شيئا لكن حاس عندى الرغبة بانى ابقى نجار..
قايتو الواحد ربنا مابقاهو نجار لو لقى فرقه بعد العمر يتعلم مالو..
الموضوع جميل جداً ؛ وتحياتى للذكرياتك الثرة..
والتحية عبرك للاستاذ (احمد حماد إدريس)..
التحايا النواضر سيدى..

الاخ الكريم معتز

تحياتي الخالصة لكم ولكم من عميق شكرنا للمداخلة وبدري عليك فلطالما لو تعلق قلبنا بالثريا لنالها فلم لا نجارة او غيرها .

تبلغ تحاياك للعزيز احمد حماد ادريس - ويبدو ثمة تعارف بينكما . حاولت تصفح بروفايلك ولكنى لم اجد فيه شيئا .



لك ودى

الطيب

خالص التحايا
استاذ
الطيب شيقوق

كل من يقدم جميل مكانه القلب والذكرى الحلوه والمعرفه المسبقه..
يكفى انه يكتب بهذه الرشاقة..مدنى - مهنة والنجارة..
من الموضوع قد تطلع بالكثير احيانا بعض الناس..
قرات الموضوع ثم اخرا قرات من كاتبة...
كلها اشياء تخلينا نعمق تحيتنا ليها كا استاذ واكثر
وايضا تحياتنا اليه مرة اخرى..
واليك..

برفايلى .. به التلفون والايميل لااكثر..

التحايا النواضر..

أستاذ الطّيب
لك التحيّة


معتز إزّيّك

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

أستاذ الطّيب
لك التحيّة
من جديد..


لؤى
ازيك عزيزى ...
بس الصور ماواضحة عندى ؛ لانوالموقع ده عندى مابظهر الصور..
انت رافع صور عناقريب ولا شنو..؟
ولا كانت عندك رغبة تبق نجار..؟
كان اسى نكون زملاء دكاكينا جنب بعض..

الاخ معتز شكرا جزيلا لرقم التلفون انشاء الله نتواصل

الاخ الاستاذ لؤي لله درك يا شفيف انت دوما تاج وقار يتلألأ في جبين هذا البورد بس تبقى عندى مشكلة فنية حالت دون سماع مختاراتك الجميلة .

Windows Media Player cannot play the file. The file is either corrupt or the Player does not support the format you are trying to play.


اليكما ودى

أستاذ الطّيب
معتز
لكما التحيّة

أستاذ الطّيب أنا لم أقم بوضع أغنية وإنّما قُمت بوضع صور .. وعلى ما يبدو أنّك قمت بالضغط على توقيعي ، ولم تعمل لديك مقطوعة التّوقيع نسبة لإفتقاد جهازك لبرنامج RealPlayer ، ولتنزيله يمكنك الضّغط على هذا الرّابط ومتابعة خطوات التّنزيل .. وهذا هو الرّابط (( http://software-dl.real.com/28f6bcae164e13361e16/window...alPlayer10-5GOLD.exe ))

وهذه هي الصّور بعد تحميلها لموقع آخر ..

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

اخي الاستاذ لؤى

شكرا ليك للتوضيح بس نحن تعودناعلى بوستاتك الفنية الجميلة ولهذا كان هو ظني ان يكون اللنك لنكا غنائيا.




لك شكري


اخوك

الطيب

هلا

فوق

up

Up

شكرا لك يالطيب وشكرا للؤي على هذا الجمال

الاستاذ الموصلي

شكرا ليك انت يا استاذنا يا مبدع

ولك التّقدير أستاذ يوسف ..





عُذراً أستاذ الطّيّب

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

شكرا الاستاذ لؤى

عاطر التحايا

شيقوق

up

عزيزي الطيب شيقوق

نعم مهنة النجارة اهدتنا المبدعين

فبعد حميدة الذي اذا لم يكتب غير روضتي الغناء لكفاهو

واهدتنا ايضا اعظم شعراء السودان والذي كتب نصف الغناء السوداني

صالح عبد السيد ابوصلاح

والذي كان يكتب قصائده علي ظهر الخشبة

والبقية تاتي

الاخ خليل

مرحب بيك وفي انتظار مساهماتك

لك منى التجلة والاحترام

شيقوق

up

up

up

up

شيقوق الجميل سلام
سألتك بالله تمديد هذا البوست ليشمل تفصيلا عن أناس حفروا في وجداننا ما أخال أنه سيشجينا حتى ونحن في عتمة اللحود.
اتمنى أن يحدثنا بعضكم عن الصوت النقي الصاعق صالح الضي ابن بورتسودان الجميلة وابن الحرفة التي نحت فيها نوح ما أرسته على الجودي وقيل أيضا أن سيدي المسيح عليه السلام كان من أهلها. ياجميل ياحلو ، عش معاي الحب ، أوعك تخلف الميعاد ... مش كفايه على زول يتكلم عن حبيبتو ويقول (بغير عليها من روحي ) ؟ ياخ زي ماقال بادي محمد الطيب : ده جن عديل كده.
شكرا يا الطيب الأديب

Quote: حكم الزمان بتزللى..حكم الغرام بتدللك ..الوجد لي ..والحسن لك ..يا غاية الأدب الرفيع ..شكلك بديع ..غضبك جميل زي بسمتك

الأخ الطيب .. تحية لحميدة والنجارة
ولكل من نجر مركباً تخارج أهلنا من
وعثاء الفيضان.. وليتواصل هذا البوست
الجميل.

اخي اللذيذ المرتضى

رفقا بنا فقد انكأت الجراح . لا انسي اخي المرتضى لدى استشهاد الاخت التاية ابو عاقلة الطريفي في جامعة الخرطوم كنت وقتئذ محاميا بمنطقة الدندر وده موضوع اخر خليني بس لحظة احكى ليك .

المحاماة هناك مش زى اولاد الخرطوم تمشوا الخرطوم وسط و الخرطوم جنوب وبحري وأم درمان ومرات لما تجونا هناك في بلدنا عربنا يخافوا يقولوا جاب المحامي فلان من الخرطوم ويجونا نحن المتقاضين ( ما تحاسبونى بقواعد اللغة )بقولوا لينا محامي الخرطوم بتقدروا عليهو ولا نشد حيلنا نبيع لينا ناقة ناقتين حتنا نشوف لينا محامي من الخرطوم ونحن بنقول ليهم ما تخافوا يا اهلي نحن بنباصر معاهم لحدى نقلعها منهم .

المحاماة اخى المرتضى وعليك تحكى لمحمد الطيب السعيد الاصلا مافي شى ضيعوا الا جيبتكم ليهو هنا في البلد ده الزول زولنا نحن لحمة ودم ومحاماتو بمروتو وشطرته وكرمه ده كلوا حقنا اكان جانا في البوادي مافي محامي بياكل معاهو لقمة ضيعتوهو وكملتوا مروته وبقت الانتكاية على الكرسي تكسر فيهو عضم .

المحامي عندنا مو زي اولاد الخرطوم كان مشى للفاتحة يعزى الناس كلها بتقيف ليهو وبعد يدى الفاتحة راجع الناس كلها بتقيف جنب عربيته لحدى يدور وكان عربيته عايزة دفترة الحلة كلها تجيهو مارقة . وكان ابوهو جاء العزاء مابسد فرقته لانو ناس الفراش عايزين يتنبروا يقولوا الليلة المحامي فلان جانا .

المحامي عندنا يا المرتضى ما بمسك قضية طلاق لا لا لا ابدا محامينا بيمشى لابو المطلقة وما بشاوره برد المطلقة ويزغردوا ليهو وبعد الطلقة كان الراجل فيهو عمار ولد بسموا الوليد على المحامي ذاتوا .

خليني المرتضى شوية انا طلعت من الموضوع وده كلو منك الوديتنا على صالح الضي وبعود ليهو .

المحامي عندنا المرتضى ما بسوى كروت تعريف بطلعها للعميل من جيب البدلة لا لا لا ابدا ولا بعلق ليهو لافته امام مكتبه لانو اصلا مكتبه ديوان بلم الناس للصلح وما بجوهو مع الصباحية الا الوجهاء ووجهانا ما زى وجهاكم في البندر وجهانا ليسوا اطباء ولا غيرهم وجهانا مشايخ الحلال اداريا ومشايخ الحلال دينيا وديل في اى قضية بمرقوا الحد في الطنضبة زى ما قال ليك واحد من اخوانا في بوستك الاقام الدنيا واقعدها .

وقضايانا ذاتها مش زى قضايا ناس الخرطوم لا فيها بنوك ولا فيها تفليسة ولا فيها شركات ولا شيكات . قضايانا يا حبيبي المرتضى كلها اما النهب المسلح او السرقة او نزاعات حول الحدود . عشان كده لما يجوا محامين( الخرطوم ما بعرفوا يقولوا شنو فيها ونحن نقصد في الاستجواب Cross examination نركز - ان كانت قضية بقر - نركز على الوسم ان كان طباعة او شخلوب او محارة وعلى الدروب ان بقت دواديب او مشارع او خيران وعلى المداخل بتاعة الحرامية المتهمين ان كانت سروب او لعوت او سدر او طلح او خراشة او هشاب وعلى اثر البهيمة ان كان على ارض بادوبة او باشندية او عزازة او حجر النعام . وعلى محل المكمنة ان كانت محل غباش او سوريب او رزة او انيس .

اها دحين يا اخوى المرتضى انت الجلت السودان ده كلو وعرفت الكلام ده دحين محامي البندر بيعرف الكلام ده. أسال اولاد الخرطوم الجونا هناك وباصرناهم ومن جلسه واحدة برجع مقدم الاتعاب لسيده.

انا تعبت شوية برجع ليك لصالح الضى بعدين


نواصل لانو الكلام الفوق ده كله ما تقول ساى مربوط بموضوعك وبرجع خليك بس معايا معايا بالدرب الطويل يا المرتضى .


ود شيقوق

خلاس خليناهو صالح الضي الجاب لينا الكلام ده كلو
بس داير أقول ليك ياشيقوق أخوي ، كلامك ده كنت باسمعو أيام كنت في مكتب أدهم وأبوالريش حتى من المحامين في قلب العاصمة علي أننا ( محامين المصارين البيض) وهم لايعلمون أننا كنا أكثر المحامين في السودان سفرا داخل السودان بسبب قضايا اكبر شركة تأمين وقتها . من عطبره لجوبا بورتسودان نيالا كوستي الكاملين مدني الحصاحيصا سنار سنجة السوكي القضارف ..اخ . كلما يقع حادث في مدينه تجدنا هناك (لكن ودمدني دي كان عندي فيها"حتله" براها) ، المهم ياسيدي ده موضوع يحتاج ل "بوست" خاص وربنا يقدّرنا عليهو. الله يطرا بالخير الأستاذه الشاطره اسماء محمدعبدالحليم ومأمون بخاري ومجدي أحمد مهدي وحنان البلك وقبلهم المرحوم الأستاذ أبوبكر أبوالريش رحمه الله وأستاذنا الجليل أنور أدهم ، ياخ دي ايام روعة . الداير أقولو اننا ماكنا مرتاحين زي ماكنتو شايفين بس المهم انك فتحت موضوع طويل بكلام جميل وهذا لاينسيني طلبي أن تمد الأمر وتشوف قراءك يزودوني بكل شى عن صالح الضى.. ياجميل ياحلو.

المرتضى يا اخوى كتر خيرك بالحيل على كلامك الجميل وكل مرة نتفكفك منك بهنا تجينا بهنا شيئ يجنن كما يحلو لعمنا بادي محمد الطيب .

شركات التامين ختينا ليها يا اخوى وذكرياتنا مع مامون البخاري كتيييييييييييرة

محامو شركات التامين بيجوا شايلين حقائبهم احلى حاجة عندهم كانوا ما بيرجعوا في نفس اليوم لازم ابيتوا وعادة بينزلوا مع زملائهم لتفتح ملفات ذكرياتهم عند المساء ...

هولاء المحامون ياتون الينا وبلقوا مواضيعهم منحلة وقضاياهم تمت تسويتها بعد ما اهل مالك العربية موضوع الحادث يشيلوا ليهم مخالي سكر وشاى وحبات بن لاهل ضحايا الحادث والموضوع انتهى خلاص تبقى بعد داك كشولات حقات حق عام وفلسفات قانونية لا تهم اهل الضحايا من قريب او بعيد.

ويا بخت شركات التامين من الشعب المو حاسد ومو حاقد( ده عطر منشم )يا اخوى

فوق

الشفيف الطيب رايك شنو نسمع



http://switchboard.real.com/player/email.html?PV=6.0.12...%2F3safiralkharif.rm

Note: This content may require the latest RealPlayer, which is not available

up

up