أشكو إليكم الطيب شيقوق ...

[









كنا قايلين انه هظار متفق عليه

يالطيب مكارمكم لا تحتاج الي بينة واكيد الاخ محمد اراد منها مزحة ولم اري فيها غير ذلك وبدء لي كما قال عم فارووق بانها مزحة متفق عليها ... ولا كشف حال ولا حاجة ... تعال اعزمني عشاء في دبي وفي برج العرب ...

المهم واصل في رحلة العمر

مافي اي حاجـة عـدلتها بس حركات من باب Gendre equality



ياللا أضحكوا..

كتلتنا ضحكة يا منى كتر خيرك زهرية جميلة

يالطيب .. غيرت راي وانا المشتكيك لخلق الله .. ياخي ليك اسبوع واخر دعايات عن رحله العمر ومشوار السنيين وبعد دة كلو كام سطر عن رحلة من القرية للدندر وكلها اقل من عشرة كيلو وفطور في الصفرة وقعدة تحت شجرة سنط وخلاس ... وزواج هندي ل "بججا" ...
الواحد من الدغش يشوف الرحلة وصلت وين ويلقاك في الصفرة ويرجع اخر الليل يلاقك مسطح تحت السنط ... دي رحلة شنو ؟ ده ومشوار سنيين وكلها يوميين..
اونطة في اونطة ولا رحله ولا حاجة ...ولا بتاع بادية ولا حاجة .. دعاية ساي

مودتي
ابوبكر

Quote: اونطة في اونطة ولا رحله ولا حاجة ...ولا بتاع بادية ولا حاجة .. دعاية ساي

كتلتني بالضحك انا يا اخوانا مربوط بشغل مكثف عايز انجم حبه بكتب ليكم في خميس جمعة سبت خلوكم معانا بس .

انت عايز ليك سبب تحيي البوست ده بعد سيده نفض ايدو منه مالك . طيب خليهو وحيكون احلى بوست في الدنيا . وعندى اقتراح نعمل البوست ده لمداخلاتكم في بوست رحلة عمر لانكم هناك ما بتخلونى اكتب ليكم.

اتفقنا ؟ تانى الواحد يتابع بهناك لكن يعلق بهنا بس.

مودتى

Quote: كتلتني بالضحك انا يا اخوانا مربوط بشغل مكثف عايز انجم حبه بكتب ليكم في خميس جمعة سبت خلوكم معانا بس .

ياخي دي بورصة عمان ما بورصة نيويورك ؟؟ والبورصات في المنطقة كلها نضمي وقهوة وشاشات كمبيوتر ..شغل شنو ..ياخي انا بناء واهو موجود ومستعد اكتب لك معلقة ...القصة ما ربطة شغل لكن ورطة دخلت فيها روحك باسم رحلة العمر و مشوار السنيين ومن الطمع ما اكتفبت بواحدة قلت رحلة ومشوار يعني انت في الرحلة كنت راكب قطر وفي المشوار كعابي ؟؟


مودتي
ابوبكر

القصة ما ربطة شغل لكن ورطة دخلت فيها روحك باسم رحلة العمر و مشوار السنيين ومن الطمع ما اكتفبت بواحدة قلت رحلة ومشوار يعني انت في الرحلة كنت راكب قطر وفي المشوار كعابي؟؟


ضـحكتني كتير ياأبو بكر ...

سـيد البوست وين?
لازم يجي علشان يضحك

تصدق يا الطيب وقعت في أصغر مقلب حفره ليك قرض.

وتفتكر لو هو ولا أناولا الباشمهندس لو كنا مصدقين بنسبة

واحد من مليون بجدية الموضوع تفتكر كان في واحد دخل

علق على موضوع زي ده ... كان يمكنك أن تفجر منها

ملايين الطرف والنكت ... لأنه الموضوع لو جد ما كان

في أي زول بقدر يفتحه ... يا شيح العرب لو ما عارقنك

شيخ عرب وراضع الكرم مع الحليب ما كنا مزحنا مزحات زي دي

لوكان الزول معروف بأي حاجة وجاء واحد هظر حوالينا

ساي ... الناس كلها بتجري عديل كده... ونحن يا شيخ العرب

خاتينك للكبيرة .... كدي حسع خلينا نتابعك في بوستاتك

البنطط فيها دي وما قادرين نحصلها..

Quote: سـيد البوست وين? لازم يجي علشان يضحك

يامني .. زولنا زي البتشوبرو في برنامج "اربح المليون " حافظ ليهو شوية نضمي وقت راحن استعان باصدقاء وما نفعت الحين جاب ابن عمو من الدمام ؟؟اهو يخسر الالفيين الكان لاقاهم في الاسئلة العامة الساهلة ودحين يخسرهم ويرجع كعابي من لندن الي مسقط وياهاتبقي رحلة عمر ومشوار سنيين "صدج"

Quote: يامني .. زولنا زي البتشوبرو في برنامج "اربح المليون " حافظ ليهو شوية نضمي وقت راحن استعان باصدقاء وما نفعت الحين جاب ابن عمو من الدمام ؟؟اهو يخسر الالفيين الكان لاقاهم في الاسئلة العامة الساهلة ودحين يخسرهم ويرجع كعابي من لندن الي مسقط وياهاتبقي رحلة عمر ومشوار سنيين "صدج"

ارد على منى ولا الفاروق ولا ابي بكر

ليدس فرست منى كتر خيرك على الطلة الجميلة وكان عايزة الفرحة والسعادة والضحكة بس يتلحوك ناس ميرغنى المامون واحمد حسن جمعة ديل .

الفاروق على الطلاق اكان ما طليت راكب جاييك في ابو ظبي عديل والبوست بقى سائب ما عنده سيد امرحوا فيهو ساى انشاء الله تغنوا فيهو قام يتعزز اليمون عشان بالغنا في ريدو.

الباش كلامك في بورصات الخليج تقول قاريهو فعلا تصفح الواد يملس ليهو في جواب من سطرين اسبوع كامل . اكتب كلمتين واطل المنبر اشوف الباش كتب شنو والفاروق طل ولا ما طل .

خليكم لي هنا بس ما تجوا على مشواري خلونى امشى فيهو القيد حرن كية على المابينا.


ودى

هو الطيب ده في زول بقدر على جزاه ؟؟؟؟؟؟؟؟؟

Quote: هو الطيب ده في زول بقدر على جزاه ؟؟؟؟؟؟؟؟؟

علوية كتر خيرك انا حاسي انك عايز تقول الانتماء لمدرسة عثمان حسين بمثابة الباتريوت ضد اى صواريخ فاروقية او ابو بكرية .

يالطيب

Quote: علوية كتر خيرك انا حاسي انك عايز تقول الانتماء لمدرسة عثمان حسين بمثابة الباتريوت ضد اى صواريخ فاروقية او ابو بكرية .

نطيط الكانغرو دة ما تخليهو يالطيب ..؟؟ الرحلة والمشوار شن لماهم بغنا عثمان حسين ..؟؟ رحلة من قريتكم لصفرة المدرسة في البندر وسطيح تحت شجرة السنط مالها ومال عثمان حسين و"الشجن" ؟؟ ماتبطل السلبطة دي وورينا شن سويت بعد نومة الضحي تحت شجرة السنط مبنج بفطور الحيكومة ؟؟؟
قال عثمان حسين قال ؟؟ راديو ما كان عندك عشان تسمعو تحت الشدرة !!

مودتي
ابوبكر

[

Quote: B]الفاروق على الطلاق اكان ما طليت راكب جاييك في ابو ظبي عديل والبوست بقى سائب ما عنده سيد امرحوا فيهو ساى انشاء الله تغنوا فيهو قام يتعزز اليمون عشان بالغنا في ريدو.

منى وابوبكر وعلاء


الزول ده عايز يعملني سبوبة

Quote: منى وابوبكر وعلاء الزول ده عايز يعملني سبوبة

والله ما سبوبه حاشاك وتاني سبوبة في شنو انا وقرض بقينا صافيين . عطرتكم ده شوفوا محل تدقوهوا فيها.

نادوا قرض قولوا ليهو تعال ساى الداير يقولو يقولو ( دى منى خوجلي قالت كده وما بسمع غيرها ام آيه) لانها توسطت واصلحت ذات البين مش زيكم انتو يا ميرغنى المامون واحمد حسن جمعه شايلين عطر منشمكم وحايمين بيهو .

يالطيب ...

Quote: نادوا قرض قولوا ليهو تعال ساى الداير يقولو يقولو ( دى منى خوجلي قالت كده وما بسمع غيرها ام آيه) لانها توسطت واصلحت ذات البين مش زيكم انتو يا ميرغنى المامون واحمد حسن جمعه شايلين عطر منشمكم وحايمين بيهو

.

كان ما الثنائي انت كنت دحين مورط ما تعرف شن تسوي لو جاتك نزلة او انفلونزة لانو كل الدكاترة كانو مجتمعيين امس ولولا وساطتنا كان قرارتم خلتك في خانة اليك ؟ انت بكترة نطيطك اكيد تشقلب وتقع مرة تانية بعدين نشوف ام اية تسوي ليك شنو ؟؟

Quote: B]الفاروق على الطلاق

ياخي يا مولانا نحن بنتكلم على الحليفة!!!!!!!!!!!!!!!!!


قرض عارفينه بهظر وعارفين انك حنين وكلك حسن نية


الطيب أخوي في بورصتكم دي ما بتلقى لي أسهم كيوبيد ما غالية ؟؟؟

Quote: ياخي يا مولانا نحن بنتكلم على الحليفة!!!!!!!!!!!!!!!!!

ده فات زولنا في الحليفة !!!!

Quote: انا وقرض بقينا صافيين ..

نحن متين يا الطيب كنا معكرين ...
نحن في بلد واحدة و ما أظن نختلف ..
بس انت أديني أسرار هواك ..
بحفظ حروفها حرف حرف ....

Quote: نادوا قرض قولوا ليهو تعال ساى الداير يقولو يقولو ( دى منى خوجلي قالت كده وما بسمع غيرها ام آيه) لانها توسطت واصلحت ذات البين مش زيكم انتو يا ميرغنى المامون واحمد حسن جمعه شايلين عطر منشمكم وحايمين بيهو

بصراحة يا الطيب .. أنا في (محنتي) دي طلعت
بأصدقاء كاربين .. منى خوجلي ، و فاروق و أبو بكر ..
يا زول ديل مراكز قوى عديييييل ...

وحاتك ات .. تاني ألخبط سااااااااكت يمين و شمال ..
و مافي زول يقدر يقول حاجة .. شن قدروا ؟؟!!!!

لمن يهمه/يهمهما/ يهمهم/ يهمهن الأمر
في شنو؟

Quote: وحاتك ات .. تاني ألخبط سااااااااكت يمين و شمال .. و مافي زول يقدر يقول حاجة .. شن قدروا ؟؟!!!!

الحقونى يا اخوانا الزول كتلني بضحكة مرة واحدة .

هم ديل فزعك انت ولا انا؟ ديل شغالين جواكر بس وانا فرمالتي واحدة بقت منى خوجلي اكان فقدتها ماني عايش في الدنيا ام بنايا قش دى .

وانت يا قرض ما بتوب اصلك شنو هسه الجاب محل هواى دى تاااااااااااااااااااااااانى

Quote: نطيط الكانغرو دة ما تخليهو يالطيب ..؟؟ الرحلة والمشوار شن لماهم بغنا عثمان حسين ..؟؟ رحلة من قريتكم لصفرة المدرسة في البندر وسطيح تحت شجرة السنط مالها ومال عثمان حسين و"الشجن" ؟؟ ماتبطل السلبطة دي وورينا شن سويت بعد نومة الضحي تحت شجرة السنط مبنج بفطور الحيكومة ؟؟؟ قال عثمان حسين قال ؟؟ راديو ما كان عندك عشان تسمعو تحت الشدرة !!

لا لا زمان ابوى العنده التيمس ده هو الوحيد الكان عنده الراديوا البعلقوا اريله فووووووووووق بالقناية . ابو بكر انا بتذكر زمان بطلعونى بالعنقريب الهباب فوق المربعة بتاعة الطين عشان اوجه الاريال كويس واثبتو من الهواء .

الراديو كان جنبه بطارية تشبه بطارية العربية لكن صغيره وزرقاء اللون . كان في برنامج ما يطلبه المستمعون وكنت حابس كنتين ابوى ووقت الزبائن ينقطعوا بعمل فيها ود جلابه بنوم في ظل الشجرة وبعاين لكنتيني والراديوا شغال . كان احلى حاجة بحب اسمعها برنامج ما يطلبه المستمعون وكانت اغتية شجن اكثر رواجا ومعاها بتاعة ابو داؤود بيقول فيها مع النسم العليل زاد ويل نوم عيني اصبح .....
كانت اغنية قصة حب طويلة لوردى وكمان بعد ايه جيت تصالحنى بحبهن شدييييييييد معاهن كانت مدحة السراى الجافو النوم وعقدوا الراى وكمان يا ليلة ليلك جن .

انت حاقر بى ساى وكمان كنت البنات السمحات بديهن الطحنية بالمعلقة من القروانه ( القروانه الصفيحة )

مودتى

Quote: الطيب أخوي في بورصتكم دي ما بتلقى لي أسهم كيوبيد ما غالية ؟؟؟

هنا مافي غسيل اموال يا الفاروق !!

Quote: انت حاقر بى ساى وكمان كنت البنات السمحات بديهن الطحنية بالمعلقة من القروانه ( القروانه الصفيحة )

قروانة دي رطانة .. هولكم "صفيحة " ما تسلبط في رطانتنا
ووكت كت كدي م مالك منطط عيوناتك ؟؟

Quote: ما تسلبط في رطانتنا

عليك الله القروانه نوبية يا ابوبكر؟

Quote: عليك الله القروانه نوبية يا ابوبكر؟

بسيطة مشت انت في بلد عربي وفي الجزيرة العربية بكرة وفي سوق الاوراق المالية الانت شغال فيها خت ليك في الصالة يافطة ياسم "اسهم شركة القروانة " وشوف كام واحد حيسالك فيك ؟؟

Quote: "اسهم شركة القروانة "

Algarawana LLC

انت عارف يا باشمهندس الاسماء هنا كملت والقروانه ده ممكن تبيعه عديل لانه ما في اسم بيشبهه. وعندما يدخل الكمبيوتر طوالى بتجيك :
Approved

اصلو البوست سيدو طالقه ساى اى حاجة عندنا سمحة ننزلها فيهو .
انتو مرهقين وتعبانين اخدو ليكم راحة هنا مع اللنك ده .

http://www.youtube.com/watch?v=qvvyEzg81DA&mode=related&search=

يالطيب .. مشكلتك مشكلة عويصة لا بتحلها اغاني ولا بورصات و لا قراونة ...انت ورطت نفسك في رحلة وكمان مشوار و وعايز تبقي زي صاحبنا بتاع حول العالم في ثمانيين يوم وتدخل التاريخ من باب صفرة مدرسة الدندر الماقدرت تطلع منها للساعة دي ....
ارجع لرحلتك وشوف لك طريقة اهو الاستعانة بالاصدقاء والمعارف خلصت فلازم تجاوب براك ...

Quote: لمن يهمه/يهمهما/ يهمهم/ يهمهن الأمر في شنو؟

أبوبكر
ياخ أنا سألت السؤال ده الصباح ومافي زول قال لي عينك ورا نضارتك .. في شنو؟
البوست كلو تعديلات .. مجلس وزرا بس.

Quote: البوست كلو تعديلات .. مجلس وزرا بس.

مرتضى البوست اصبح سائب كان عندك اى حاجة ما لاقي ليك بوست ليها ارميها هنا وسافر.

Quote: لا لا زمان ابوى العنده التيمس ده هو الوحيد الكان عنده الراديوا البعلقوا اريله فووووووووووق بالقناية . ابو بكر انا بتذكر زمان بطلعونى بالعنقريب الهباب فوق المربعة بتاعة الطين عشان اوجه الاريال كويس واثبتو من الهواء .

(عدل بواسطة بدرالدين شنا on 02-11-2006, 02:23 ص)

[

Quote: B]: لمن يهمه/يهمهما/ يهمهم/ يهمهن الأمر في شنو؟ أبوبكر ياخ أنا سألت السؤال ده الصباح ومافي زول قال لي عينك ورا نضارتك .. في شنو؟ البوست كلو تعديلات .. مجلس وزرا بس.

كان في قروانة مليانة يا مرتضي وفضاها الطيب بالمعلقة للبنوت

Quote: أبوبكر ياخ أنا سألت السؤال ده الصباح ومافي زول قال لي عينك ورا نضارتك .. في شنو؟ البوست كلو تعديلات .. مجلس وزرا بس.

هي زي مجلس وزراء بس عندنا يقوم يعمل اجتماع ومؤتمر للماكنيين المانحيين يوكلهم ويفسحهم باليخت الرئاسي ويسكنهم في الفلل الرئاسية وبعدين يزوغ ويدفعهم الفاتورة .. اها شغل بادية في اهل البندر ...

Quote: ويسكنهم في الفلل الرئاسية وبعدين يزوغ ويدفعهم الفاتورة

يعني زي ماعملت ملكة ترينداد؟

يا ابو بكر شنو الحكاية البوست ده ماشى كتير كمان جاب ناس رافت شوفو فوق ده هسه كلامنا ده بيقع ليهو والمرتضى بطل من القطارا واللواري جانا بهنا كمان

يا ابو بكر شنو الحكاية البوست ده ماشى كتير كمان جاب ناس رافت شوفو فوق ده هسه كلامنا ده بيقع ليهو والمرتضى بطل من القطارا واللواري جانا بهنا كمان


يعني يا الطيب عشان اسمه رأفت قايلو زول بندر ساي وعايز تحقر بيه والله

لو قريت ليه تحلف تقول ده قسم السيد ود عوض الكريم عوض الجيد

من المتمة عدييييييييييييييييل كده يدخلك في القيروانة ويطلعك بقدها ويباطنك

لمن تقول الروب عدييييييييييييييييييل كده ..... يا خي ده شقيق البطل الشهيد

سليمان ميلاد اللي فدانا في الشرق وكانت له بطولات فاقت بطولات عثمان دقنة ذاااااته

وبعدين رأفت يعمل ليك ملاح أم تكشو يحيرك لامن تؤمن .... أنا ذاتي ما بعرف أم

تكشو دي معناها شنو .... ديل أولاد بلد أصليين ... مش زي جماعة الأوزون

Quote: يعني يا الطيب عشان اسمه رأفت قايلو زول بندر ساي وعايز تحقر بيه والله لو قريت ليه تحلف تقول ده قسم السيد ود عوض الكريم عوض الجيد من المتمة عدييييييييييييييييل كده يدخلك في القيروانة ويطلعك بقدها ويباطنك لمن تقول الروب عدييييييييييييييييييل كده ..... يا خي ده شقيق البطل الشهيد سليمان ميلاد اللي فدانا في الشرق وكانت له بطولات فاقت بطولات عثمان دقنة ذاااااته وبعدين رأفت يعمل ليك ملاح أم تكشو يحيرك لامن تؤمن .... أنا ذاتي ما بعرف أم تكشو دي معناها شنو .... ديل أولاد بلد أصليين ... مش زي جماعة الأوزون

الكلام ده كلو يحير فيك انت ذاتك مش رافت . الله يمسخك يا فاروق انا حرم وقعت من الكرسي ضحكة بس من قسم السيد ويباطنك وام تكشو ولا من تؤمن .

انا حرم قايله من ناس البازار دمتري وناس بطرس وجرجس كمان .

عليك الله كلام صاح فعلا هو ود البطل سليمان ميلاد؟

انت الفاروق ذاتك من وين؟

Quote: يعني زي ماعملت ملكة ترينداد؟

باحث نوبي: لا يوجد أحفاد لملوك النوبة!

http://www.alarabiya.net/Articlep.aspx?P=28542

Quote: باحث نوبي: لا يوجد أحفاد لملوك النوبة!

ابو بكر سيد أحمد أيها الفارس النوبي النبيل ....


علي النعمة أنت أحد أحديهما ...........

Quote: انا حرم قايله من ناس البازار دمتري وناس بطرس وجرجس كمان . عليك الله كلام صاح فعلا هو ود البطل سليمان ميلاد؟

الطيب
لايهم أي دين يتّبع الأخ رأفت ميلاد سيما في زمن الأتجار بالدين وأهو انت شايف حاخامات وأساقفه و (محافظون جدد) و( جبهة قومية اسلامية) ولا للسلطه ولاللجاه..الخ. المهم انو رأفت ( الذي لاأعرفه الا من كتاباته ) سوداني يحب بلده ويعمل له (مش مجرد حب عذري).

أما بالنسبة لمن أشرت لهم ناس المرحوم ديمتري البازار ، فهذا الرجل خدم السودان في عدة مجالات أبرزها الجانب الفني وهو الباب الذي منه اشتهر ويقول عنه من أرّخ له أنه سوداني أصيل يبز كثيرا ممن ينعق بوطنية كرتونيةأما ناس (بطرس وجرجس) يا شيقوق جمعتني بهم جيرة الحي في المسالمه وحي العرب وأيضا في مدن أخري كالنهود ونيالا والأبيض بعلائق دامت سنينا فلمست فيهم أصالة معدن وتهذيب وأمانة واحترام وتمسك بالشرف لايترك لك خيارا غير أن تشيلهم في عيونك. كنا نداخلهم ونجالسهم ونخالطهم ونؤاكلهم وهم يشاركوننا الأفراح والأتراح ومنهم من أسلم ومنهم من بقي على مسيحيته وكما قال الحبيب المصطفى ( الدين المعاملة) وكانت معاملة هؤلاء الجيران قمة في السمو. ديل سودانيين أصيلين ياشيقوق وأنا أدرك انك ملم ومؤمن بما قلته وتتفق فيه معي لكنها مجرد شهادة موجزة ماوددت كتمانها حتى لايعد قلبي آثما.

Quote: يا ابو بكر شنو الحكاية البوست ده ماشى كتير كمان جاب ناس رافت شوفو فوق ده هسه كلامنا ده بيقع ليهو والمرتضى بطل من القطارا واللواري جانا بهنا كمان

ولسه كتار جايين .. " دى نفرة الشكاوي " يعني مرحلة ما قبل مجلس الامن .. شيل شيلتك ات قت قايل نطيطك الكتير دة جان برونك ما شايفو ....

Quote: ولسه كتار جايين .. " دى نفرة الشكاوي " يعني مرحلة ما قبل مجلس الامن .. شيل شيلتك ات قت قايل نطيطك الكتير دة جان برونك ما شايفو ....

شكيتكم على الله اولا البندر الهايفين الحاجة الهايفة تسوا ليها راس وقعر . انا مشكلتي ما عندى فزع في المنبر ده القبيلة كلها ما فيها زولا بيعرف النت الا احمد حماد ود عمى من الدمام وحارمنو من العضوية بقى مجبور يجدعكم من بره ساى . والمنبر ده فيهو عنصرية عديل من بيت ناس حيمورة براهو في عشرة هنا يكتبوا ليل ونهار .

اها نحن بعد بنطالب بكري بالتوزيع العادل للعضوية

الطيب اشتاق اليك
كثيرا جدا

Quote: عليك الله كلام صاح فعلا هو ود البطل سليمان ميلاد؟

أخوي الطيب ..
ده رأفت ميلاد ، شقيق الشهيد
سليمان مش إبنه .. و رأفت ده زول ختري
شديد .. ده راجل روعة و دهشة
و محنة و رحمة و مودة ...
و حاجات كتيييييرة حامياني ...

Quote: أخوي الطيب .. ده رأفت ميلاد ، شقيق الشهيد سليمان مش إبنه .. و رأفت ده زول ختري شديد .. ده راجل روعة و دهشة و محنة و رحمة و مودة ... و حاجات كتيييييرة حامياني ...

الطيب أخوي

ديل سودانيين أقباط جو مع جدودنا من أيام عبدالله بن أبي السرح

وقعدوا معانا وقعدنا معاهم وتحملوا معانا أيام الدولة الدينية بتاعة ودتورشين

وحسع قاعدين معانا بتحملوا معانا كل مصائب الدلة الدينية الترابية

البشيرية العليطهوية الحاج نورية الصافيجعفرية الحسين خوجلية القوشية

ولو أديتهم كنوز الدنيا كلها ما ببدلوا وطنهم حتى لو عوضتهم بجنان عدن

تجري من تحنها الأنهار .... هدي الأصالة ولا بلاش ...........

Quote: انت الفاروق ذاتك من وين؟

أما أنا فمن أهلك الجموعية البياكلوا النار ذاااااااااااااااااااااتها

وقبلها أنا سوداني من جوبا والجنينة وشندي وحلفا وكريمة ومدني وعطبرة

وجبال النوبة وهم أصهاري القادمون باذن الله .... ومن كريمة وكورتي والقضارف

وسنكات ثم من أهل "ظبية الثغر الأديبة" وكسلا التي لا زال يشرق بها شمس وجدي.

وجدي هو المك سليمان (النار) من جهة أبي.... أما من جهة أمي فجدي ودمدني السني

ابن دشين قاضي العدالة الما برضى الميالة.... "أحت ليك تاني ولا كفاية"


عمر الفاروق بن حامد بن محمد بن ادريس بن أحمد بن دياب بن المك سليمان النار


الملقب بالفاروق والمكنى بأبي ناصر

اها يالطيب جاك الجدو بياكل النار والاخوه سليمان ميلاد ؟؟ اها لا "حتك" يتفعك ولا نطيطك بيخرجك من هنا ..
بالمناسبه رافت ده كان قبل عليك ومعاهو عم فارق يعني كدة تكون شهيد صفرة مدرسة الدندر ؟؟
اهو سويتا في نفسك .. الشلاقه العليك شنو .. ذكريات شنو وحتيت مع زيدان لزومها شنو .. القي الراجييك ....

Quote: "أحت ليك تاني ولا كفاية"

لالالالالا كفاية خوفتنى . انت عارف في البورد الواحد ما يحقر بالناس سااااااااااى . لكن كتر خير اهلناالقرونا وما قصروا ابدا . انت هسه قايل يا الفاروق انا ده اكان ما اهلى قرونى اكان هسه بولد ليكم في النياق والضان ده اكان ما بقيت همباتي .

انا مرات يا باش بمشى بقيف مع الطوابة بلقى زملاى بتاعين الاولية الزمان بجو الاوائل وبفوتونى في المدرسة شغالين دباشة وطيانة وبتالم شدييييييييييد طوالى بتذكر شطارتهم وبقول جلسة النت الهسه مع ابو بكر وفاروق دى سرقتها منهم بس وما حقتى هم الاولى بيها . وكمان الفحامة البجتروا الكتل وبعتلوا الكتل وبيسهروا مع الكمينة للصباح عشان ما تنقد ديل بقول اكان قروا كان هسه وقفوا معاى ضد رافت الغريب والفاروق الجدو بياكل النار .

Quote: انا مرات يا باش بمشى بقيف مع الطوابة بلقى زملاى بتاعين الاولية الزمان بجو الاوائل وبفوتونى في المدرسة شغالين دباشة وطيانة وبتالم شدييييييييييد طوالى بتذكر شطارتهم وبقول جلسة النت الهسه مع ابو بكر وفاروق دى سرقتها منهم بس وما حقتى هم الاولى بيها . وكمان الفحامة البجتروا الكتل وبعتلوا الكتل وبيسهروا مع الكمينة للصباح عشان ما تنقد ديل بقول اكان قروا كان هسه وقفوا معاى ضد رافت الغريب والفاروق الجدو بياكل النار .

وكت سيارة عمك التمس ودكان ابوك وقروانة الطحنية دييل كانو ين ؟؟ عشان نعرف هم الخلوك والا انت (واولاد الذوات الزييك) الخلوهم؟؟ .. يا اقطاعي ...

اخوي الطيب /
اريتك طيب


باقي زمنا ما الزمن ده كان اولاد حيمورة عملوا ليهم بورت برااااااااهم ..
انت شفت شيء ... قال عنصرية قال ..

كدي احكي ليك الكلام الدار بيني وبين الوالدة الله يطول في عمرها ..
باقي الحاجة حنانة بت حيموره بوبااااارة وبتحب الشيء المجيه اصلها هي بت بندر (( وما هايفة ))

اها قلت ليها يا حاجة ما شايف ليك اي مشاركة في البورت قالت لي يا ولدي والله انا بقيت مشغولة مع خالاتك يوم في بري ويوم في الصحافة يعني ما انا النشيطة في اخواتي والكلام على النت بدور ليه لاب توب نسبة للظروف دي ...
وقتها كان بجواري اخونا ياسر فضل المولي ووريتو كلام الحاجة ___ ضحك ضحكة كبيرة وقال لي نحن نسوانا همهم في التوب انت امك همها في اللاب توب .. والله كلام احييك واحيي امك .


اها امي دي كان لحق ووصلها اللاب توب تاني بتلقى ليك فرقة معانا يا ود شيقوق ؟؟؟؟




اها وحا ادور في بوست جمعية شباب حيمورة من تاني ..


بس خليك معاي ..



وبهديك


بعد الصبر

ليه تقول أيامنا راحت وأنتهينا
يا حبيبي ولا كانت ديك سحابة
لو حصل في العمر مرة وأفترقنا
هي غلطة ونحن نتحمل عذابها

كنت عايش .. كل أيامك.. محنة
وأنا بحرق كل عمري ..في الصبابة
يا حبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا.. والمظنة
نمشي في درب الاماني المستطابة

لست أدري هل عذابي أم عذابك كان اكبر
حين شق الدهر بينا والفراق المر ....
فلماذا كنت تخشى أنت ماضي الميسر

كل واحد ليه في تاريخو ماضي
أي ماضي وليه ذكرى حب قديمة
وانت عارف لما لما أخترتك حبيبي
كان في قلبي جرح ينزف بالهزيمة
لكن انت صرت اغلى حب عذري

كنت راضي معايا بظروفي الاليمة
وكنت راضي بالشقى البتبع خطاي
والمآسي المرة في طفولتي الاليمة
فليه ما نصبر ونتحمل يا حبيبي
بكره نلقى الدنيا بخيرا ونعيمها


وتسلم يا الطيب يا طيب ..

Quote: اها قلت ليها يا حاجة ما شايف ليك اي مشاركة في البورت قالت لي يا ولدي والله انا بقيت مشغولة مع خالاتك يوم في بري ويوم في الصحافة يعني ما انا النشيطة في اخواتي والكلام على النت بدور ليه لاب توب نسبة للظروف دي ... وقتها كان بجواري اخونا ياسر فضل المولي ووريتو كلام الحاجة ___ ضحك ضحكة كبيرة وقال لي نحن نسوانا همهم في التوب انت امك همها في اللاب توب .. والله كلام احييك واحيي امك .

اخي علّوية السكر كيفك

سبحان الله علوية امك الفنجرية دى ذكرتنى والدة اخونا محمد صديق الجمري معانا في مسقط هنا عمرها 70 سنة وزوجها عمنا الصديف 70 سنة انا بحبهم وبحبونى جدا لانى ما بفوت ليهم حاجة وبضحكمهم شديد .

مرة انا قاعد معاهم لقيتهم الاتنين بتونسوا وبسمع ساى وبعاين لمحمد ولدهم الظريف وخيف الروح وهو برضو بعاين كان الحاجة تتكلم مع حاج صديق بفنجرة زى حقت بت حيمورة دى قالت ليهو انت يا حاج محمد نحن لما كنا ماشين امريكا مش عملنا كنكشن في مدريد وترانسيت في لندن؟ وكان في الكرو crew ياحاج ود سيملار Similar للطيب ده .

محمد الجمرى عاين لى قال لى مالك منطط عينيك مالك ؟ قلت ليهو إن عشنا يا ماحنشوف .


تحيا علوية وتحيا بت حيمورة الفنجرية

ناس اماتهم يتغنن بالدوبيت وناس اماتهم يتغنن بنانسي عجرم
وناس اماتهم طالبات مرحاكة وناس اماتهم عايزات لاب توب
ناس اماتهم يردن للموية بالقربة وناس اماتهم يشربن مسافي

سبحان الله علوية اخوى :

ناس بتمشى سنين طويلة وناس بدون ما تمشي توصل

Quote: أما بالنسبة لمن أشرت لهم ناس المرحوم ديمتري البازار ، فهذا الرجل خدم السودان في عدة مجالات أبرزها الجانب الفني وهو الباب الذي منه اشتهر ويقول عنه من أرّخ له أنه سوداني أصيل يبز كثيرا ممن ينعق بوطنية كرتونيةأما ناس (بطرس وجرجس) يا شيقوق جمعتني بهم جيرة الحي في المسالمه وحي العرب وأيضا في مدن أخري كالنهود ونيالا والأبيض بعلائق دامت سنينا فلمست فيهم أصالة معدن وتهذيب وأمانة واحترام وتمسك بالشرف لايترك لك خيارا غير أن تشيلهم في عيونك. كنا نداخلهم ونجالسهم ونخالطهم ونؤاكلهم وهم يشاركوننا الأفراح والأتراح ومنهم من أسلم ومنهم من بقي على مسيحيته وكما قال الحبيب المصطفى ( الدين المعاملة) وكانت معاملة هؤلاء الجيران قمة في السمو. ديل سودانيين أصيلين ياشيقوق وأنا أدرك انك ملم ومؤمن بما قلته وتتفق فيه معي لكنها مجرد شهادة موجزة ماوددت كتمانها حتى لايعد قلبي آثما.

كلامك حلو يا المرتضى

لكن مرتضى اخوى انا مداخلة اخينا رأفت اسعدتنى شديد وذكرتنى اخ هندى معانا في مسقط يمكن تعرفه ولد في السودان ودرس في السودان ومازالت اسرته بالسودان ومحل تواجده في مسقط برضه في الدكان السوداني . انا مرة لقيتو بيوزنوا ليهو في طلح ......... وشايل علبة التبغ الجميل الانفورا لكن مش معباة انفورا شفته شايلها في يده لكن ما عرفت شنو جواها..... ونستو وضحكتو وقلت ليهو مع السلامة انا ماشى قال لى على الطلاق تشرب القهوة معاى وتمشى .

ده سودان زمان الجميل يا المرتضى اخوى

يالطيب انت رافت بس عشان اسم ناس بندر افتكرتو زي الهندي صاحبك دة جدو بعانخي .. انت خليك في رحلتك ومشاويرك والحتيت

Quote: يالطيب انت رافت بس عشان اسم ناس بندر افتكرتو زي الهندي صاحبك دة جدو بعانخي .. انت خليك في رحلتك ومشاويرك والحتيت

طالما انت والمرتضى شكرتوهو ما فيهو طق بس دودروهو بجاى خلي يحكى لينا .

يا جماعة فرصة شوية
تعالوا هنا 5 دقايق وأرحعوا تموها
قضية الإبن / الأخ محمد هشـام مدنى وشـكر Me Henri Philippe (مرة أخري)
قال أقباط قال وعندنا فى البلد ....
ياخ سيد البلد قال ليك ملوكم قرضوا
لامن إنت الجيت أمبارح مع عبد الله بن السرح

قال شنو (العنده التيمس ده هو الوحيد الكان عنده الراديو)
هسة عليك الله ده كلام شنو ده . الجاب سيرة التيمس شنو
والله تلقاك من زمن الكندا
سفنجة جديدة شايلا قنا سواقا أنا أحبك أنا .......

عليكم تعالوا وجيبوا عصابة حيمورة معاكم

رأفت

[

Quote: U] قال أقباط قال وعندنا فى البلد .... ياخ سيد البلد قال ليك ملوكم قرضوا لامن إنت الجيت أمبارح مع عبد الله بن السرح

والله كلامك صاح جدا يا رأفت .... راجعت نفسي والتاريخ

ولقيت فعلا انتو الأقدم ... معليش يا روفو الكبر حصل ...

اخوي الطيب
حبابك
والله بعد ما عايز اكتب كلام جميل في الزول النقادي ده جاب ليه كلام عصابات وما ادراك ما عصابات ... هو طبعا طبيعة الريف دي ما بكون شافا لانو الرقشات ما بتصلها ...



خليه لي وللاولاد حيموره هو لو كان عاشرهم كان كمل شعروا ده فيهم ..



من الليلة حا نبقى شعراء ونرد ليه... بس هو يشد حيلو

Quote: والله بعد ما عايز اكتب كلام جميل في الزول النقادي ده جاب ليه كلام عصابات وما ادراك ما عصابات ... هو طبعا طبيعة الريف دي ما بكون شافا لانو الرقشات ما بتصلها ...

يا خوى كان كدة إنت داقس

كدى فتش البوست ده كويس وتعرف العصوبية جاتك من وين

ناس حيمورة ديل الما بعرفم منو

سـياد بلد

ما جايين فوق ضهر تيمس

أفو






ما بخاف

Quote: ما جايين فوق ضهر تيمس

انت يا رافت قايل التيمس ده زمان في الخرطوم غيركم انتو النقادة وابو العلاء عند منو تاني ؟

يديك العافية ابقى معانا بهنا وبنتكلم معاك بكلام ناس البندر عشان تتابع معانا بمزاج

اطيب المنى

يالطيب

Quote: غيركم انتو النقادة وابو العلاء عند منو تاني ؟

بقوليك جدو بعانخي تقول نقادة... لو ما الزمن كان حسع كفيلك بس زمن ابي السرح خليناكم تدخلو البلد من غير تاشيرة واها عملتو فيها اسيادها ..

Quote: لو ما الزمن كان حسع كفيلك بس زمن ابي السرح خليناكم تدخلو البلد من غير تاشيرة

ما تخاف الله يا الباش هو ابو سرح من وين ما اصلا مننا نحن ورشاكم خلا عرقيكم يطاقش بالقروانات .
رافت ده ختيني ليهو هو ضيفنا ما بنتلوم معاهو .

الظريف جدا رأفت ميلاد
والله احببناك من جوه القلب وكلامنا ده هظار ساي .. لكن كمان الطيب ده سيد الناس وما بنرضى فوقو اي كلام ...



كدي ارشيني يا رأفت باربع بيوت فوق هبة الله البت الما قدرت اقول فيها اي بيت ..
وهي تستاهل كل ما قيل من شعر جميل ..


الطيب اخوي عارفك بعد ده بتعذرني ...

Quote: كدي ارشيني يا رأفت باربع بيوت فوق هبة الله البت الما قدرت اقول فيها اي بيت .. وهي تستاهل كل ما قيل من شعر جميل ..

الجميل رأفت وحياتك تجبر خاطرنا وتقول لينا النضم في هبه السمحة دى .

تسلم علوية