رساله الى الطيب بن شيقيوق

الاخ الطيب ابن شيقوق
اخوك حديث عهد بهذا الموقع الجميل وهذا سناء على القايمين عليه ولهم الشكر والتقدير منى انتهى0
ومن مطالعتى له لفت انتباهى الطيب ابن شيقوق الششخص الواثق من نفسه وجدت فيه نفسى 00000 واخرج من الرسميه بعد ذلك 0 ات عارف يالطيب كلامك مفهوم عندى وعند اخرين كثر
اخوك خالد المحرب ابوحريره (من عيال شلاعه)

سلام استاذ خالد

والله مولانا شيخ الطيب يستحق الاعجاب وكلنا معجبون

به وأهله ذاتهم كانوا متعوجبين بيه ...............


والله بختك يا شيخ الطيب بقى عندك معجبين ,,, وكمان عرب

أقحاح !!!!!!!!!!!!!!

تلا قينا لك منى كل الود والاحترام وشكرا

يا مراحب بالمعجب بودشيقوق .. ات برضوا كان عندكم عربية تيمس ودكانكم فيهو قروانة طحينية ومشوار سنينك ورحلة عمرك ابتدا من مدرسة الدندر وعبرت النهر الجاف الي الحلة بشان تزوج بت عمك وات تلميذ...وكما كت بتحت مع زيدان وتغلت في اللغة العربية وتقوم بت طلحة ملكة الدوبيت تصلحلك غلتاتك...
يا مراحب ...واي واحد معجب بالطيب الف مليون مرحب ..بس ساعدو يخلص قصة رحلة عمرو ومشوار سنينو لانو روحنا قربت تمرق ونحن راجيين القصة بس يادوبك التيمس طلع م الحلة وغرز واها نحن مغرزيين معاها ..ساعدونا يا شباب

مودتي
ابوبكر (انا الملك بحكم اني جني رطان وهو من رعيتي بحكم انو عرريب )

ابوبكر (انا الملك بحكم اني جني رطان وهو من رعيتي بحكم انو عرريب )
يازول هيييى أسحب كلامك ده...انت عارف الزول المعجب بالطيب بن شيقوق ده منو؟
قال من( عيال شلاعة) يعنى البطاحين( عز العراريب ).ماسمعت يوسف ود البنا قال فينا شنو؟
عيال شلاعة جودن من قديم مفهوم
أسياد مملكة ودايمابخافو اللوم
يعنى المملكة الملوكا رطانة دى نحنا أسيادا.
( بس انا شفت اسمى مكتوب )
مودتى

يا ملكة الدوبيت

Quote: يعنى المملكة الملوكا رطانة دى نحنا أسيادا.

دة خرق واضح وصريح لمعاهدة "البقط" ...
والحاضر يعلم الغائب

الملك جني الرطان

ناس ود المحرب ديل يا الطيب اولاد ناسا عزاز اباهتم ايدن طايل وللرجال تحجى وتعدل المايل ..جيران فى السريفة فى الدندر يا الطيب ناس احمد المحرب واهلم ناس شرف ود المحرب وهو فى منطقة دوبا هميم وكريم وكان للقبائل دخرى..وانا ارى فى دوبيته ملامح من نم سمية بنت الحسن والمرا ابن بيئته والجماعة ديل كلهم اولاد بيئة واحدة واظن ان ناس شرف ود المحرب ديل من عولك الكواهلة اللبابيس او الحميدانية وشرف يقول ..

مانى التمبل العوقة البدقو نديدو ايدى ندية يا ام شلاخ محل ما تصيدو
الرزق المحدد للعبد من سيدو لاتنقصو البشاشة ولا البخالة تزيدو
وفى نمة اخرى

ليك ولزمانك قمة الابداع انو الزول يكون لى زولو عين وضراع

المركب وكت ما يبقى فيها شراع تبقى بلا حبل مربوطة بالسلعلاع

يا ربى ابوبكر سمع بالسلعلاع ..صباح الخير يا مهمد صالح عفوا صباح الخير يا ابوبكر..ا

اولاد بطحان سلام اهل النبا واالشكرة ..مرحب ود المحرب ومرحبتين سمية..

حباب خالد ود المحرب حرم ما ختيت الدرب وكتر خيرك ديل انتم وديل نحن يا ود المحرب ما بنعرف نزور مسيرة حياتنا نزيد كبرياءا ونحن نحكي عنها ونزيد اعتزازا وهم يضحكون عليها . اعجابك ود المحرب هو اعجاب بذاتك وباصالتك .

نحن نشقنا ونحن حلبنا ونحن جلبنا ونحن فزعنا وسعيدين وفرحانين وقت بهلتنا( البهلة زمن ولادة الضان وبنعود ليها نحكيها ) .

ركبنا الاصهب والبشاري وشدينا فيها الحوية والمخلوفة وحكلنا كراع في كراع نتدوده مع الخبة وننقز مع الكربيته ورسنا طويل بباقيهو ننش بو دابتنا .

قطعنا بحور من الدندر ولى ود الابيض ولى جبال الفاو والى الحريرة والسوكي واكلنا في قدح (ابو خرز) بركة الصادقاب واتاكينا على ريرة والصفية .

ونحمد يا الله يبيعوا الناقة في سوق ود الركين ويرسلوا ليك مصاريفك في البندر عشان نقرا وعشان نحكى وعشان الرطانة تستغرب وعشان في المنبر ده نقول لاهلنا نحن هنا.

لك معزتى يا شقيقي ود المحرب

Quote: ابوبكر (انا الملك بحكم اني جني رطان وهو من رعيتي بحكم انو عرريب )

نحن البنمشي القيد حرن كيتا على المابينا يا رطاني وكمان الزارعنا غير الله اليجي يقلعنا

ترجم ليهو يا عشاء البايتات ود المحرب الزول ده المحلات الفيها الهرف وفيها الكركاجة اللغوية ما بنقشها بجي فيها دايس ابنصيهو ساااااااااى .

Quote: ناس ود المحرب ديل يا الطيب اولاد ناسا عزاز اباهتم ايدن طايل وللرجال تحجى وتعدل المايل ..جيران فى السريفة فى الدندر يا الطيب ناس احمد المحرب واهلم ناس شرف ود المحرب وهو فى منطقة دوبا هميم وكريم وكان للقبائل دخرى..وانا ارى فى دوبيته ملامح من نم سمية بنت الحسن والمرا ابن بيئته والجماعة ديل كلهم اولاد بيئة واحدة واظن ان ناس شرف ود المحرب ديل من عولك الكواهلة اللبابيس او الحميدانية وشرف يقول ..

يا سلام ود حماد اخوي الناس ديل ناس نحاس ونظارة ود عجبنا وناس دوبا ديل اهلنا لزم ناس القلع ويوسف وبله وناس امحمد ود حمد النيل الباشهمندس الورع يا حليهم ويا حليل حفيرة وود الركين وود العطايا نسابتنا والحريز والخياري وكمان دقيس يا احمد اخوى .

كتر خيرك مداخلتك الحلوة جبرت خاطرنا كلنا

حبابكم يا ناس

Quote: نحن نشقنا ونحن حلبنا ونحن جلبنا ونحن فزعنا وسعيدين وفرحانين وقت بهلتنا( البهلة زمن ولادة الضان وبنعود ليها نحكيها ) . ركبنا الاصهب والبشاري وشدينا فيها الحوية والمخلوفة وحكلنا كراع في كراع نتدوده مع الخبة وننقز مع الكربيته ورسنا طويل بباقيهو ننش بو دابتنا . قطعنا بحور من الدندر ولى ود الابيض ولى جبال الفاو والى الحريرة والسوكي واكلنا في قدح (ابو خرز) بركة الصادقاب واتاكينا على ريرة والصفية . ونحمد يا الله يبيعوا الناقة في سوق ود الركين ويرسلوا ليك مصاريفك في البندر عشان نقرا وعشان نحكى وعشان الرطانة تستغرب وعشان في المنبر ده نقول لاهلنا نحن هنا.

ود العم شيقوق:
يا خوي بكلامك الفوق دا ما وسمتني وختيت فوقي المحور تب ،والله معافي منك باطن وظاهر
ــــــــــــــــــــــــــــــــــ
انحنا في العرب باينين شوية وعاصمين الراي
يا شوك الكداد الفي القليب شواي

سلام نتلاقى في المقايل

اشكر كل من ساهم معنا فى هذا البوست وتشرفنا والله 0
لكن كلام الطيب وردت فيه كثير من المفردات لدى عليها تعليق بعد اذن شيخ الطيب0
نشقنا0النشوق هو عند اهلنا التوجه الى المكان الذى يوجد فيه الماء والقش
حلبنا0 الحليب معروف للجميع
جلبنا0 الجلب هو اخذ ماعندك من الماشيه الى السوق للبيع
فزعنا0 ولها تفسيران الاول هو جلب الحطب ودا مااظن القاصدو الطيب التانى هو نجدة المستغيث ونصرة المظلوم
البهله0 اهلنا لهم وقت معين بتركو فحل الغنم بدون قيود فك الكنان والكنان منع الكبش انو مايعشر حتى تلد الغنم كلها فى وقت واحد والوقت ايضا مدروس وهو الدرت
الدرت نهاية الخريف
الاصهب0 هوالجمل
البشارى0 فصيله من الابل الحره وزيد عليها مثلا العنافى
الحويه 0اكبر من المخلوفه وتستخدم عند حمل الاشياء على البعير
المخلوفه0 تستخدم للركوب فقط
الدوداى الخبه الكربته 0 بين المشى والجرى
الرسن الطويل 0 حبل من نوع معين ينقاد به الجمل
القدح ابوخرس 0قدح العود وهذا من سيم كرب العرب وفيه خرس من نحاس فى طرفه0 ودالمحرب

اشكر كل من ساهم معنا فى هذا البوست وتشرفنا والله 0
لكن كلام الطيب وردت فيه كثير من المفردات لدى عليها تعليق بعد اذن شيخ الطيب0
نشقنا0النشوق هو عند اهلنا التوجه الى المكان الذى يوجد فيه الماء والقش
حلبنا0 الحليب معروف للجميع
جلبنا0 الجلب هو اخذ ماعندك من الماشيه الى السوق للبيع
فزعنا0 ولها تفسيران الاول هو جلب الحطب ودا مااظن القاصدو الطيب التانى هو نجدة المستغيث ونصرة المظلوم
البهله0 اهلنا لهم وقت معين بتركو فحل الغنم بدون قيود فك الكنان والكنان منع الكبش انو مايعشر حتى تلد الغنم كلها فى وقت واحد والوقت ايضا مدروس وهو الدرت
الدرت نهاية الخريف
الاصهب0 هوالجمل
البشارى0 فصيله من الابل الحره وزيد عليها مثلا العنافى
الحويه 0اكبر من المخلوفه وتستخدم عند حمل الاشياء على البعير
المخلوفه0 تستخدم للركوب فقط
الدوداى الخبه الكربته 0 بين المشى والجرى
الرسن الطويل 0 حبل من نوع معين ينقاد به الجمل
القدح ابوخرس 0قدح العود وهذا من سيم كرب العرب وفيه خرس من نحاس فى طرفه0 ودالمحرب

Quote: البهله0 اهلنا لهم وقت معين بتركو فحل الغنم بدون قيود فك الكنان والكنان منع الكبش انو مايعشر حتى تلد الغنم كلها فى وقت واحد والوقت ايضا مدروس وهو الدرت

اخي اللذيذ ود المحرب والله لو لم تقل غير هذه لكفاك .

بس البهلة وقتان او موسمان الرشاشية وقت الضان يكون متلهم الخريف - والدرتية كما تفضلت لانها خيرها وافر . انا يا ود المحرب اخوى كنت محامي وكان عندى ضان كتييييييير وفي الدرتية بنسرق من ام اولادي بسرب بيهو بالليل عشان يرعى العسين ( اشرح ليهم العسين يا ود المحرب) وووووووووووووب انا من العسين ابكى عليهو لهسه . وكان شربت لبن العسين اليوم التاني ما بتقدر تسرب ............

Quote: يا خوي بكلامك الفوق دا ما وسمتني وختيت فوقي المحور تب ،والله معافي منك باطن وظاهر

حباب ود جاد الله وكتر خيرك انت ياكا زولنا وقتين عرفت المحور قطعا بتعرف المحارة والطباعة والشخلوب

Quote: اخي اللذيذ ود المحرب والله لو لم تقل غير هذه لكفاك . بس البهلة وقتان او موسمان الرشاشية وقت الضان يكون متلهم الخريف - والدرتية كما تفضلت لانها خيرها وافر . انا يا ود المحرب اخوى كنت محامي وكان عندى ضان كتييييييير وفي الدرتية بنسرق من ام اولادي بسرب بيهو بالليل عشان يرعى العسين ( اشرح ليهم العسين يا ود المحرب) وووووووووووووب انا من العسين ابكى عليهو لهسه . وكان شربت لبن العسين اليوم التاني ما بتقدر تسرب

أبوبكر

تعرف الكواهلة والبطاحين ديل ناس حقارين شدييييييييييييييييييييييييد

صديق عمري د.كمال العمدة الكاهلي وهو مثال للكرم والنبل ليحسع

دي بقول لي جعليين شنو ... الجعليين شن جابهم مع الكواهلة!!!!!!!!

حسع شوف العيرييب ده مشتاق يرجع لي بهمه ... ويهرب من مرته يمشي

يقعد مع البهم ... أنا أقترح على جلالتكم ترجعوهم الربع الخالي محل

ما جو وأنسى اتفاقية البقط دي الخلتهم بقوا أسياد على الملوك !!!!!!!!!

حسع شوف جنس الرطانة الفوق دي !!!!!!!!!!!!!!!!!

Quote: أنا أقترح على جلالتكم ترجعوهم الربع الخالي

يا حليلك يا الفاروق ويا النائم على حيلك نحن بقينا للنوبة شوكة حوت وخازوق ام كنة الودر زمنا تاني لا فك ارتباط ولا خارطة طريق ، في بطانة ابي على حسان دى ، بتفكنا منكم .

حرم يجوا يجربونا نلعب معاهم فيها بالسيف والدرقة نحن لا عايزين تقسيم سلطة ولا ثروة بس ام همج نرعى فيها وندوبي فيها.

والله ونستكم حلوة ... وقد تسلسل حديثكما حتى خيل لي أن احدكم يحتقب عكازا وسفروق ويمتطي دابةالراعي المرن "الدمُك" ..وفي مخلايته ملح وشطه وتمباك وزمباره..لا شك لدي أن الطيب يعيش كما عمنا خالد المحرب.. في حياة هي أبعد ما تكون اليوم عن هذه الصورة.. لكنهما يحنان إليها كما لو انها النعيم المقيم.. وهذه عجائب النفس البشرية.. والمرء بن بيئته كما يقولون.. واسمحوا لي أن أكمل لكم هذه الصورة في قول الشاعر :

عرب الهدا لا عند المتاني.... شتاتهم
يرعى حويل بقرهم.. وشبو نار عشواتهم
فرشولهم شُمال ......ومطوطوات بياتهم
تاقو العده من زيفة الصعيد إن جاتهم

Quote: وقد تسلسل حديثكما حتى خيل لي أن احدكم يحتقب عكازا وسفروق ويمتطي دابةالراعي المرن "الدمُك

حباب احمد ود ابو حريرة كتر خيرك وكتر خير ود المحرب

وكمان سارب يا احمد اخوى باللييييييييل ومولع نارو للسبارس وفي اضنيهو صوت جرس الفحل يرغى بااااااااااااااااع بااااااااااااااااع .

حبابكم يا جماعة
اخونا ود المحرب سلامات أعزرنا يازول قبيل لقيت البوست وادرعتا لا سلام لا كلام يا زول الواحد قلبه رهيف وقتن يلقى النضمي المتل دا تمسكه ام هلا هلا وينسى رقبتو على العموم سامحنا.

Quote: وكمان سارب يا احمد اخوى باللييييييييل ومولع نارو للسبارس وفي اضنيهو صوت جرس الفحل يرغى بااااااااااااااااع بااااااااااااااااع .

الدنيا خريف وجرت صبنة وقمر السبعتين في سما بلالي وانت في حلات سربتك ساعة وجهن يجيك منكفي جافلات وكليبك يهوهو هوهوهو وتتحضر وتقوم جاري عليهن وفي بالك ياربي يكون باعش يكون دبيب ... والا تشوف سقدة ولا جدادة خلا جارية تحت الشديرات وهج يا كليب وفرررررررر تطير.
وبوجهن يفوتن العقاد ويلقالهن هباجة ملاينة حنتوت ولا بغيلة وتعقر وجهن من قدام وتتحكر وتمسك زنبارتك ،ويتناغم حس الزنبارة وصوت قضمهن للقش في تناسق تكاد ان تكون سيمفونية فريدة العزف، وبعد شوية يرقدن شباع تب وتقوم تننشهن تاني ويرقدن ... وتننشن بوجهك على التاية .. يا حليل الزمن الجميل منعول ابوكي يا غربة ياشتات

ات عارف يالطيب انا اخذت لى مرقه وجيت ولقيت ونستكم السمحه روحت وا ظنك يامليله سارح بى خيالك مع السربه 0 فعلا الناس البشربو فى المياه الغازيه دى وويتحججو بى حجج واهيه
وبنسرقو زى انسراقتك القبيل دى كان لقولن اسبوع فى ام هبج عارف وشربو لبن البل حميض وفطير ولبن الضان وكلهن ماكلات العسين الحنتوت والصفارى واللبلب وجو راجعين النتيجه بتكون شنو فى رايك 00000000000000000 ؟؟

Quote: وبنسرقو زى انسراقتك القبيل دى كان لقولن اسبوع فى ام هبج عارف وشربو لبن البل حميض وفطير ولبن الضان وكلهن ماكلات العسين الحنتوت والصفارى واللبلب وجو راجعين النتيجه بتكون شنو فى رايك 00000000000000000 ؟؟

وا خالد وا خالد قبل جاى واسمع جاى النتيجة بتكون خرت دومات ورش زى الجمل لل.... بضنبو

وبالميّت لبلبة معاها ترسات مصعة

Quote: الدنيا خريف وجرت صبنة وقمر السبعتين في سما بلالي وانت في حلات سربتك ساعة وجهن يجيك منكفي جافلات وكليبك يهوهو هوهوهو وتتحضر وتقوم جاري عليهن وفي بالك ياربي يكون باعش يكون دبيب ... والا تشوف سقدة ولا جدادة خلا جارية تحت الشديرات وهج يا كليب وفرررررررر تطير. وبوجهن يفوتن العقاد ويلقالهن هباجة ملاينة حنتوت ولا بغيلة وتعقر وجهن من قدام وتتحكر وتمسك زنبارتك ،ويتناغم حس الزنبارة وصوت قضمهن للقش في تناسق تكاد ان تكون سيمفونية فريدة العزف، وبعد شوية يرقدن شباع تب وتقوم تننشهن تاني ويرقدن ... وتننشن بوجهك على التاية .. يا حليل الزمن الجميل منعول ابوكي يا غربة ياشتات

ود جاد الله اخوى دى الدفرة والعقلة ونحن نتمنى غربتنا في بلاد المهجرة تكون دفرة وعقلة ما تغتية راس من الاهل الواحد اكان ابوهو مات يحول ( بفتح الياء وتسكين الحاء وكسر وتشديد الواو) السفرة لتلقي العزاء .

Quote: الدنيا خريف وجرت صبنة وقمر السبعتين في سما بلالي وانت في حلات سربتك ساعة وجهن يجيك منكفي جافلات وكليبك يهوهو هوهوهو وتتحضر وتقوم جاري عليهن وفي بالك ياربي يكون باعش يكون دبيب ... والا تشوف سقدة ولا جدادة خلا جارية تحت الشديرات وهج يا كليب وفرررررررر تطير. وبوجهن يفوتن العقاد ويلقالهن هباجة ملاينة حنتوت ولا بغيلة وتعقر وجهن من قدام وتتحكر وتمسك زنبارتك ،ويتناغم حس الزنبارة وصوت قضمهن للقش في تناسق تكاد ان تكون سيمفونية فريدة العزف، وبعد شوية يرقدن شباع تب وتقوم تننشهن تاني ويرقدن ... وتننشن بوجهك على التاية .. يا حليل الزمن الجميل منعول ابوكي يا غربة ياشتات

ود جاد الله اخوى دى الدفرة والعقلة ونحن نتمنى غربتنا في بلاد المهج تكون دفرة وعقلة ما تغتيّة راس من الاهل الواحد اكان ابوهو مات يحول ( بفتح الياء وتسكين الحاء وكسر وتشديد الواو) السفرة لتلقي العزاء .

Quote: حرم يجوا يجربونا نلعب معاهم فيها بالسيف والدرقة نحن لا عايزين تقسيم سلطة ولا ثروة بس ام همج نرعى فيها وندوبي فيها.

ياود شيقوق.. سيف شنو ودرقة شنو ؟؟ دي حاجات دونكشوت ذاتو نساها ؟؟؟ نحن في زمن الاسلحة الذكية ؟؟ يعني وانا جالس اينما انا الان ابعث اليك رسالة نصية وبس عيونك ما تشوف الا النور ؟؟؟ اسلحة المنطقة الصناعية دي بنوريها اولادنا -بتاعيين البندر- في المتحف ..؟؟؟ هسع الواحد لو ما نعسان وداير ينوم كان رسل كام رسالة نصية لزوم اقتسام الثروة ...

Quote: ياود شيقوق.. سيف شنو ودرقة شنو ؟؟ دي حاجات دونكشوت ذاتو نساها ؟؟؟ نحن في زمن الاسلحة الذكية ؟؟[/ QUOTE] صحيح لكن دحين يا ابا بكر العملتها الدرقة والسيف في مارونا راس وبنت جبيل وقزائف الحراب المشت الى ما بعد بعد حيفا دى دحين ما بشتنت الاسلحة الذكية بتاعتكم دى ؟.

---

Post: #27 Title: Re: رساله الى الطيب بن شيقيوق Author: سمية الحسن طلحة Date: 12-07-2006, 02:43 AM Parent: #26 ياناس أسلحة شـنو وّذكية ولاغبية وملوك شـنو مع العـرب الخمجانين ديل كدى شوف الشاعر شـن قال فيهم:ـ نحن والله عرب واولاد عرب لينا الشرف والعز بنسرح بالرزق نحلب نصـُــر ونجــــز ويوم الحارّة والعركـة السلاحا بـرز ثابتيــن كالجبال الشـــامخة مابنفـز المخســوفة والمرقوعـة إياها لباسـنا المجلوبـة والمقنيّـة من ميراثــــنـا الجار والعشيـر من الكتف لى راسـنا وفي المال والعروض تخشى الملوك من باسنا

---

Post: #28 Title: Re: رساله الى الطيب بن شيقيوق Author: الطيب شيقوق Date: 12-07-2006, 03:22 AM Parent: #27 Quote: نحن والله عرب واولاد عرب لينا الشرف والعز بنسرح بالرزق نحلب نصـُــر ونجــــز ويوم الحارّة والعركـة السلاحا بـرز ثابتيــن كالجبال الشـــامخة مابنفـز تنجبري يا بت طلحة

---

Post: #29 Title: Re: رساله الى الطيب بن شيقيوق Author: سمية الحسن طلحة Date: 12-12-2006, 04:24 AM Parent: #28 Quote: ات عارف يالطيب انا اخذت لى مرقه وجيت ولقيت ونستكم السمحه روحت وا ظنك يامليله سارح بى خيالك مع السربه 0 فعلا الناس البشربو فى المياه الغازيه دى وويتحججو بى حجج واهيه وبنسرقو زى انسراقتك القبيل دى كان لقولن اسبوع فى ام هبج عارف وشربو لبن البل حميض وفطير ولبن الضان وكلهن ماكلات العسين الحنتوت والصفارى واللبلب وجو راجعين النتيجه بتكون شنو فى رايك 00000000000000000 ؟؟ الأخ خالد...اليك اللوحة التى يعجز عن رسمها أمهر فنان تشكيلى وقد صاغها الفنجرى شعراً فى معنى قولك هذا:ـ فيك لون الصفاري زي كِم البَرَص مجليّة واللبلب حمرتـو تقول عيون قمرية إنفرش التـبر عرقـو إنفرط شمسيـة يضرب في شعاع شمش الصباح النيّة ولكم التحية

---

Post: #30 Title: Re: رساله الى الطيب بن شيقيوق Author: Ahmed Yousif Abu Harira Date: 12-12-2006, 05:27 AM Parent: #29 Quote: [فيك لون الصفاري زي كِم البَرَص مجليّة واللبلب حمرتـو تقول عيون قمرية إنفرش التـبر عرقـو إنفرط شمسيـة يضرب في شعاع شمش الصباح النيّة ولكم التحية شوفوا البيان ده كيفنو...شوفوا التبر ده كيف انفرش وكيف تحول في خيال الشاعر إلى شيء آخر..هي فعلا لوحة فنية رائعة.. والعجيب في هذا الضرب من الشعر -اي الدوبيت - أنو الشاعر ما عندو مساحة كبيرة للتعبير... يعني فكرتوا مهما كبرت لازم تتحدد في أربع بيوت بس من الشعر!!! على عكس الشعر الآخر حيث يمكن ان تصل القصيدة إلى 100 بيت او يزيد...ودا سر عبقرية الدوبيت ...فكرة متكاملة...لوحة فنية كاملة مضغوطة في أربعة بيوت شعر فقط دون أن يمس ذلك من روعة التعبير أو نقاء الصورة..

---

Post: #31 Title: Re: رساله الى الطيب بن شيقيوق Author: Ahmed Yousif Abu Harira Date: 12-12-2006, 05:29 AM Parent: #29 مكرر

---

Post: #32 Title: Re: رساله الى الطيب بن شيقيوق Author: الطيب شيقوق Date: 12-12-2006, 05:53 AM Parent: #31 Quote: واللبلب حمرتـو تقول عيون قمرية إنفرش التـبر عرقـو إنفرط شمسيـة يضرب في شعاع شمش الصباح النيّة يا الله والله الكلام ده للناس البيعرفوهو ابو فراس الحمداني ما ينظمه بهذا العمق البلاغي يا ود ابو حريرة وبت طلحة . وين ود المحرب الحلو يا اخونا

---

Post: #33 Title: Re: رساله الى الطيب بن شيقيوق Author: khalid almohrib Date: 12-12-2006, 07:04 PM Parent: #32 ودشيقوق جزاك الله خير الفقتنى وسالت منى وده مو غريب على المتلك انا اخت لى مرقه ظروف معايش ات عارف عندى وليدات فى الجامعات ناس حكومتنا ديل القرايه عندهم بى القروش لكن بعد ماجيت قريت البوست القديم لقيتك سالت منى 0 الحاجه التانيه السيره0 سيرة الكتاب والجماعه المشاركين معاك كلهم ابقاء عليهن 10 وانا اسامين مانى مستحضره ولكن لهم منى التحيه ولكن اختنا سميه لى بيها علاقة خاصه جدا كان سالتها بتقول ليك وانا عارفه مى بعيده منك 0 السوال الداير اساله ما جبو سيرتو طال ما انكم اطرقتو لى التفاصيل الدقيقه وليس الممله ات ياالطيب طهروك منبطح والله واقف على حيلك يعنى بى بنج والله بدون بنج 0 اخوك00000 ود المحرب

---

Post: #34 Title: Re: رساله الى الطيب بن شيقيوق Author: khalid almohrib Date: 12-12-2006, 08:35 PM Parent: #33 انا داير الزوار البزونا ياخوى الطيب وبت الشيخ الحسن واحمد ولدى الابيات الجايه دى من ودالبناءواكيد نتعجبن طا لما زارونا بشوف لى برق هناك متل الزناد بق بقه000 وفلخ قلبى بى سلاحا ولابتلقا عاين فيه عقبن راح وطبق البقه 000 فسر عقلى زكرنى ام ضميرنا رقه قنب يرف ويخلت فى السحابه يسوق 000 عاودنى الحنين وفوادى تاعبو الشوق بعد مو برق بقن لامات 3 بروق 00000 اتوزن جميع سندن سحابن فوق 00(لغة شكارى) من قدام عديل جر السحاب عانينا00 والبرق فيه فج لمعاتو حاده سنينه ماشه علينا جرت دايره كان تروينا00 فوقنا اتحكرت حامياها تمشى الحينا بسم الله صبت فوقنا ليل جات ماسيه00 لاكشاحه لابراق مطرتا راسيه ياربى الكريم هون العلينا القاسيه 00تتملى الحفاير والارض متواسيه

---

Post: #35 Title: Re: رساله الى الطيب بن شيقيوق Author: khalid almohrib Date: 12-12-2006, 08:50 PM Parent: #34 وهاكم دى التحليه اهلى العندهم يوم المعارك عيد 0 واهلى يوم لقاهم حار ومر شديد اخوى الطيب والمشاركين معانا لكم من التحيه وتصبحو على خير وحرم حبابكم الى يوم يبعثون000000000000000000000000 اخوكم خالد المحرب

---

Post: #36 Title: Re: رساله الى الطيب بن شيقيوق Author: الطيب شيقوق Date: 12-13-2006, 00:34 AM Parent: #35 Quote: ياالطيب طهروك منبطح والله واقف على حيلك يعنى بى بنج والله بدون بنج 0 واقف على طولي ود المحرب ولابس ليك الحرير والجبيرة والحجبات اتدلدلن في صدري حلالالالالالالالالاتن والله غشونى الجماعة وقتين جابو الفلاتي لا بنج ولا اى حاجة بس الموس امسك لى واقطع ليك وكان العمات والخلات يزغردن والشرامة يصيحوا لى الطيب عاين فوق فوق فوق فووووووووق شوف الطيارة حرم مع رفعت راسي الفلاتي تقول لحسه لحسة وترتر الدقيق فيها والله ابشر ابشر ابشر . ودونى بيتناوضبحوا الكرامة وبعد شوية الوليدات صحباني طلعوا كلهم يسرقوا حاجات الناس وما خلوا ابريق كمان وما يرجعوها الا بالسالف . انت عارف ود المحرب اخوى السالف ده من زماااااااااااان موجود .