Post: #1
Title: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-19-2007, 08:13 PM
Parent: #0
يا اخوانا اولا حمد الله بالسلامة لكن بيني وبينكم بكرى ضرانا وبقينا ما بنقدر نعيش بدون ديارو دى
واليوم الواحد .......... اهلنا كلهم بسلامتهم ربنا يحفظ اهلنا .
ود المحرب متابع انت ؟
|
Post: #2
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: خالد المحرب
Date: 03-19-2007, 08:35 PM
Parent: #1
زى ما قال ودخير التقول بنشيع لينا فى جنازه .
|
Post: #3
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: jini
Date: 03-19-2007, 08:40 PM
Parent: #2
| Quote: بكري ابو بكر ضريتنا وخربت طبعنا حرم بقينا الضيف ما بنعاين ليهو |
تقول لاعبين كنكان!
انا غايتو كان بكرى وقفنى !
الا كان تسمعوا بى بوردابى يفجر تفسه فى منبر!
تحياتى
جنى المتقريف
|
Post: #4
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: حليمة محمد عبد الرحمن
Date: 03-19-2007, 08:50 PM
Parent: #3
| Quote: بكري ابو بكر ضريتنا وخربت طبعنا حرم بقينا الضيف ما بنعاين ليهو |
يا جماعة سلام عليكم..
والله انا قايلة روحي براي..
بقيت انا والراجل بعدما "بردبتو" وسويتها في روحي ، نتسابق على الكومبيوتر.. والعشا داك ، الكان بنق من صينيتو المليان، اختفي وحل محله عبارة "اعمل ريجيم" لما يوم يعملها فيني..  والسبب : بكري سيد الحوش..!
غايتو يا بكري دي ما (خرمة) نصاح دي التخلي ود شيقوق يفتح بوست "يحرم" فيهو عديييييل..!!
يا ود شيقوق ..
مصدقنك من غير سيرة مقطوع الطاري دا..!!
|
Post: #5
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: خالد المحرب
Date: 03-19-2007, 08:50 PM
Parent: #2
ودخير ده يالطيب عندو جمل اسمو القربين انكسر عليه فى صلب القليعه البويضا
من صقر طار ليه والجمل انغرف زى الطياره فى اللاندنق عندما تنحرف من المسار
الجمل انكسر المهم زى انكسارة موقعنا ده حبيت افهمك القصه.
|
Post: #6
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: معتز القريش
Date: 03-19-2007, 09:15 PM
Parent: #5
Quote: يا اخوانا اولا حمد الله بالسلامة لكن بيني وبينكم بكرى ضرانا وبقينا ما بنقدر نعيش بدون ديارو دى
واليوم الواحد .......... اهلنا كلهم بسلامتهم ربنا يحفظ اهلنا .
|
أتاري المجانين كتااااار
بس شقي الحال البقع في القيد
|
Post: #7
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-19-2007, 09:18 PM
Parent: #5
Quote: غايتو يا بكري دي ما (خرمة) نصاح دي التخلي ود شيقوق يفتح بوست "يحرم" فيهو عديييييل..!!
يا ود شيقوق .. |
انا كمان مشيت الاجازة وزوجتى شافتني ما بالحيل عليها . قالت لى انت مالك جيت متغير قلت ليها كلوووووووو من بكري الله ................
|
Post: #8
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-19-2007, 09:28 PM
Parent: #7
Quote: ودخير ده يالطيب عندو جمل اسمو القربين انكسر عليه فى صلب القليعه البويضا
من صقر طار ليه والجمل انغرف زى الطياره فى اللاندنق عندما تنحرف من المسار
الجمل انكسر المهم زى انكسارة موقعنا ده حبيت افهمك القصه. |
يكسر رقبتك ود المحرب .
انا اكان مت من القريفة بموت برايييييييييي لكن انت وام احمد تموتان كالحيتين .
جني / حقوا نعمل بروفات لتحمل صدمات زى دى .
|
Post: #10
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-19-2007, 09:32 PM
Parent: #8
Quote: أتاري المجانين كتااااار
بس شقي الحال البقع في القيد |
معتز انا زمان كنت بصرف على بطاقات الاتصال عشان اكلم اولادى هسع بقيت اشتري البطاقات عشان اكلم البورداب اصحابي .
فعلا ويبتلي الله بعض القوم بالنعم يا المعتز
|
Post: #9
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: jini
Date: 03-19-2007, 09:29 PM
Parent: #7
| Quote: بكري ابو بكر ضريتنا وخربت طبعنا حرم بقينا الضيف ما بنعاين ليهو |
مرضة الله يشفيكم!
ود هبانى فى البورد اربعة وعشرين ساعة الجنى التقول راكب لاب توب مو تكسى!
جنى
|
Post: #11
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 05:08 AM
Parent: #9
| Quote: ود هبانى فى البورد اربعة وعشرين ساعة الجنى التقول راكب لاب توب مو تكسى! |
ومنى خوجلي شغالة دوامين في المنبر العام
وابو بكر سيد احمد منشار قائم ياكل ونازل ياكل .
وود المحرب شاركو في معايشو
واولاد واولاد وبنات البطاحين سوهو بطانة عدييييييييييييل بقوا ينشقوا في المنبر العام
|
Post: #12
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: حيدر حسن ميرغني
Date: 03-20-2007, 05:18 AM
Parent: #11
شيقوق
مرة في زول هنا قال في الموضوع ده
(أهو فرصة الواحد يقعد يحب مرتو)
ان شاء الله الناس كلها تكون استغلت المناسبة دي وقعدت تحب
|
Post: #13
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 05:32 AM
Parent: #12
| Quote: ان شاء الله الناس كلها تكون استغلت المناسبة دي وقعدت تحب |
حيدر يااخوى وين حب مرتو يا اخوى . هو البيغرق في المنبر ده بعاين للمرة تاني؟ . والله عطرها ذاتو ما فاضى يشمو
هو يا حيدر المرأة كان تكيت اضانك مع البي بي سي تسمع نشرة 12 بالليل تحمر ليك
واكان عاينت في خديجة بن قنة تحمر ليك
وكان قلت تسمع كاتيا ناصر تحمر ليك ( ودوها وين دى؟ ) بقت زى محمد الكبير الكتبي تسمع صوت بدون صورة - عييييييييين دى .
اها عايزها كمان تتحمل ليك المنبر العام البقت فيهو المرة كرعيييييييييييييين؟؟؟؟؟؟؟؟؟
|
Post: #14
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: ASAAD IBRAHIM
Date: 03-20-2007, 05:55 AM
Parent: #13
هيع
اتاريها دي حالة عامة انا كنت قايل روحي براي
زمان كنت مدمن جدا جدا وفي انصاص الليالي تلاقني مصاقر الكمبيوتر
والمصيبة تقوم تفقع ضحكة والناس نايمة
ها زول ها
والله جنس مشاكل
وكل يوم اجي القي الكمبيوتر محولينو من ركن لركن
بيقولوا لزوم ديكور البيت بس انا عارف شغل تطفيش وكدة
ما فضل ليهم الا فت يجدعوهوا في القمامة
تحياتي شيقوق
|
Post: #15
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 07:19 AM
Parent: #14
حبابك اسعد ود ابراهيم اخوى
| Quote: وكل يوم اجي القي الكمبيوتر محولينو من ركن لركن |
صااااااااااااااااااااااااااادو صاح؟
|
Post: #16
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: محمد عمر الفكي
Date: 03-20-2007, 07:44 AM
Parent: #15
والله امس انا لو لاقيت بكري كنت خنقته
|
Post: #17
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: سمية الحسن طلحة
Date: 03-20-2007, 07:49 AM
Parent: #15
فى الحديث الشريف
أفعل ماشئت فإنك محاسب عليه
وأحبب ما شئت فإنك مفارقه.
وهذا هو فحوى العبارة العلمية القائلة
لا تدمن أحد
ندعوكم لدرس ( قطع الحبل اللاواعى ) .
ودمتم بلا منغصات
|
Post: #18
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: فيصل محمد خليل
Date: 03-20-2007, 08:21 AM
Parent: #17
قلت للمرة تعالي نعمل الحاجة ديك
قالت لي امشي اعملة مع سودانيزون لاين
|
Post: #19
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: مجدي عبدالرحيم فضل
Date: 03-20-2007, 08:44 AM
Parent: #18
والله دي ذاته حسنه أنو الواحد يدمن سودانيزأونلاين ما يدمن حاااااااجه تانية؟
في ميزان حسناااااااااااااتك يابكــــــــري!
|
Post: #20
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 09:00 AM
Parent: #19
لكن كيييييييييييييف مع انعدام الارادة بت طلحة
|
Post: #21
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: محمد المرتضى حامد
Date: 03-20-2007, 10:27 AM
Parent: #20
هذا ماحدث مساء الأمس 19/3/2007
دعينا لأجتماع بمنزل الأستاذ/ محمدالطيب محمدالسعيد المحامي لأمر عاجل مع عدد من المحامين
المستشارين كان بينهم المدعو الطيب شيقوق الذي دخل وهو يهذي بصوت خفيض (يا غايب عن عيني مع انك في قلبي ..تَن تَن ..تَن تَن) ، وأثناء الإجتماع ظل سالف الذكر يطالع ساعته كل ثانيتين مع
هرش متوال باليدين على الأرجل في تبادل مع السواعد وتحوُل في انساني العينين وحالة توتر ظاهر. انتهز الطيب الإستراحة للتشاور بين المجتمعين وبثّني لواعجه ، لحظتها عرفت أن السبب هو كلمة PLESK التي ظلت تقفز في وجهه طوال نهار الأمس كلما حاول الدخول لموقع سودانيز أونلاين وسالفة السيرفا بتاعت بكري ديك وبالفعل ذكرني ذلك الحال ما حكاه لي أخي د. أحمد
طراوه كيف تكون الأعراض الإنسحابية عند مدمني المخدرات، فجأة رن هاتف سالف الذكر شيقوق فأخرج الهاتف من جيبه بسرعة كاد يشق معها جيب الجلابيه البيضا مكويه وهتف شيقوق : ده ودالمحرب .. ده ودالمحرب خالد يامحمد المرتضى...أرخميدس... واندهش الحضور من تلك الإفادة والصيحة التي لاتمت للإجتماع بصلة ، ولكن ودالمحرب لم يأته بخبر كان ينتظره بل بشكوى من نوع (حجبوه من عيني الا من قلبي لا لا) وتشرفت بالتحدث الى ودالمحرب لأول مره وأغريك سلامي مرة أخرى يا خالد، وعدنا للإجتماع وفجأة رن هاتف الطيب وفجأة صاح .. جات ..جات يامحمد المرتضى . عدت الى المنزل متأخرا ولم أجد ا ل( جات) ولا ال (WTO) وعرفت أن الطيب سيكون في قسم الطوارئ بالمستشفى. والله والله هذا ماحدث دون زيادة من عندي.
يا أخوانا ، شيقوق ده شوفو ليهو دوا لأنو PLESK دي لوظهرت تاني حا يدمن حاجات تانيهّ.
|
Post: #22
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: abuguta
Date: 03-20-2007, 11:26 AM
Parent: #21
المتقريفين ازيكم
طبعا اغلبكم دى اول قريفة ليكم
لكن انا وجنى واسعد دا ضايقين كم قريفة قبل كدا وانا بحكم عملى بعرف الحكتاية من اولها
بالتالى بقوم اشد حمارى واحوم على مواقع القرى والحلال ..عشان اشوف مين فيهم
المقيم ومين فيهم المشوقر..منهم من قفل من قلة الاعضاء..ومنهم من تكاليف السرفرات
ومنهم من المواقع الضرار...يعنى يكون للمنطقة اكثر من موقع..مما يضعف الجهود
عموما ..قرافات المنديات..بتخلى الزول يفكر...فى مخارج تانية
امس اتصل على اكثر من 10 اعضاء متفريفين....فقلت ليهم نفس القريفة..
واطمئنو قريفات
لكن اشرحو لينا كلام ود المحرب دا
سطح بينا
ودمتم
|
Post: #25
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: Muna Khugali
Date: 03-20-2007, 11:57 AM
Parent: #22
Quote: ومنى خوجلي شغالة دوامين في المنبر العام
وابو بكر سيد احمد منشار قائم ياكل ونازل ياكل |
.
أبدا... ثلاثة وإنت الصادق!
وتحضير الورشات والتقارير مابيحتاج نطلع ليه..الشغل اصله لما يكون في.. بنعمله
من نفس الكومبيوتر..
تعمل ميني مايز للصفة وتشتغل في التانيه..بعد شويه تعمل نفس الحركه لصفحة الشغل
وترجع للمنبر...
أما القرايه الأكاديميه..بقت دايره ليها عصايه علشان نواصلها!
اديكشن ولا ما اديكشن??
|
Post: #23
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 11:43 AM
Parent: #21
| Quote: يا أخوانا ، شيقوق ده شوفو ليهو دوا لأنو PLESK دي لوظهرت تاني حا يدمن حاجات تانيهّ. |
والله حكايتك يا ود حامد اخوى
ات في حاجة اخطر من كده ما حاسي بيها. امبارح اثناء وجودك معانا انا مش كنت بعاين ليك كعضو مشارك نشط في موضوعنا ، العكس انا كنت بتنسم فيك عطر المنبر العام ومخفّف لالم الفراق يا عيني .
ونداء ود المحرب اضفى عليها طعم آآآآآآآآآآآآآآخر .
|
Post: #24
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: حبيب نورة
Date: 03-20-2007, 11:48 AM
Parent: #23
خرابللللل
!!
الشي مقابلين الشاشات ديل الليل والنهار
عفيت منكم
شيقوق
وين قريبك خالد المحرب
طبعن الخوة بقت فوق محلها
وبقيتوا متفقين جدن جدن
شكرن جزيلن
|
Post: #26
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: فاروق حامد محمد
Date: 03-20-2007, 12:00 PM
Parent: #24
(| Quote: أهو فرص الواحد يقعد يحب مرتو) |
]
حبك برص وسبعة خرص ياحيدر
|
Post: #27
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: د.محمد حسن
Date: 03-20-2007, 12:08 PM
Parent: #1
طبعا امبارح البيتقالوا بيصلحوا فيه
عليكم الله ما جاتكم الكاروشة؟
|
Post: #28
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: abubakr
Date: 03-20-2007, 01:17 PM
Parent: #1
| Quote: وابو بكر سيد احمد منشار قائم ياكل ونازل ياكل |
يا عرريب ... الاسفير دة لعبتي ...موجود اسفيريا منذ ان كنت انت تعبر النهر الجاف ...اعرفه ويعرفني ..اصل اليه بوسائل مختلفة بالاي اس دي ان والجي بي ارس والواي فاي البخلي الناس الما بتعرفو تقول واي في المكتب وفي السيارة والطيارة والمطاعم وفي كل مكان لنا وسائل نتصل بها من قادقت وقيزموز ولاب توب وبي دي اي وسمارتفون والبلاكبيري البخليك تقول بيري بيري ...
انت مستجد وبدري عليك ...
|
Post: #29
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: حيدر حسن ميرغني
Date: 03-20-2007, 01:28 PM
Parent: #28
| Quote: حبك برص وسبعة خرص ياحيدر |
فاروق السمح
مالك علي
انا ما جبتا حاجة من راسي
ويلالالالالالالالا نحب تاني
يابكري شد السلك لامن ينقطع
|
Post: #30
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: عادل جبارة
Date: 03-20-2007, 02:00 PM
Parent: #29
| Quote: انا كمان مشيت الاجازة وزوجتى شافتني ما بالحيل عليها . قالت لى انت مالك جيت متغير قلت ليها كلوووووووو من بكري الله ................ |
وأنا مرتي جاية في أبريل .. وبرضو كلووووووووو من بكري من هسه !!
|
Post: #31
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: عفاف أبو حريرة
Date: 03-20-2007, 02:52 PM
Parent: #30
عارف ياالطيب المصيبه دي لما حصلت علينا كان الوقت
عصر وصاحبك بدا يجقلب الليل كله شاله قيام في المنبر
كل شويه يرجع ليه واسمع ليك يارب يارب
وبعديها انت عارفو بقول شنو00
المهم اخر اليوم البنات بضحكو جا عصام اصغر واحد عندنا قال ليهم
اسكتو عشان بابا لسه سودانيز معلقه
معاهو مافي زول يعمل اي صوت ضحك
لانه بابا زعلان انت ما تفرحو
يارب ترجع عشان بابا
|
Post: #32
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: احمد العمار
Date: 03-20-2007, 03:21 PM
Parent: #31
والله يا الطيب دى حقيقة الموضوع بقى ادمان عديل
الواحد طيلة الفترة المقطوع فيها المنبر ذى الرايحة ليهو حاجة
حتى المواقع التانية ابيناها، ودورنا فى الاتصالات ماخلينا زول مااتصلنا
عليهو .
المهم كربة وعدت والله لا عادها، قول آآآآآآآآآآآآميييييييين
أحمد العمار
|
Post: #33
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 03:55 PM
Parent: #32
Quote: يا عرريب ... الاسفير دة لعبتي ...موجود اسفيريا منذ ان كنت انت تعبر النهر الجاف ...اعرفه ويعرفني ..اصل اليه بوسائل مختلفة بالاي اس دي ان والجي بي ارس والواي فاي البخلي الناس الما بتعرفو تقول واي في المكتب وفي السيارة والطيارة والمطاعم وفي كل مكان لنا وسائل نتصل بها من قادقت وقيزموز ولاب توب وبي دي اي وسمارتفون والبلاكبيري البخليك تقول بيري بيري ...
انت مستجد وبدري عليك ... |
يا اخي انت مالك حالتك لا يقاس عليها
زمان كنت مع
مسز فلانة ومستر فلان وعلان ولا كان في اعتراب غيرك انت يا المتهمل عمرك كلو
زمان يا ابوى المنبر فيهو - الفاروق اها فيهو ود المحرب - فيهو منى خوجلي - فيهو ود جبارة - فيهو ود حماد - فيهو ام احمد - فيهو بت طلحة - فيهو عواطف - فيهو - ماجدة - فيهو ناذر - فيهو المرتضى البنجيبو ليهو تدفر - فيهو - ملاسي - فيهو عقيد - فيهو حليمة - فيهو ممكونة - فيهو ود القرشى - فيهو هباني - فيهو الجندرية فيهو معاوية فيهو ابو كدوك ؟؟؟؟؟؟؟؟؟؟؟؟؟؟.
ياخي ده السودان كلو ديل بقوا الام والاب لو انت ما عارف المنبر بقى حاجة غير يا رطاني .
|
Post: #34
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 03:59 PM
Parent: #33
Quote: عارف ياالطيب المصيبه دي لما حصلت علينا كان الوقت
عصر وصاحبك بدا يجقلب الليل كله شاله قيام في المنبر
كل شويه يرجع ليه واسمع ليك يارب يارب
وبعديها انت عارفو بقول شنو00
المهم اخر اليوم البنات بضحكو جا عصام اصغر واحد عندنا قال ليهم
اسكتو عشان بابا لسه سودانيز معلقه
معاهو مافي زول يعمل اي صوت ضحك
لانه بابا زعلان انت ما تفرحو
يارب ترجع عشان بابا |
وحياة اسم الله غياب المنبر وشوقنا ليهو بذكرنى المزارع الزراعتو عطشاااااااااااااانة وفقد لو مطرة عشان ترويهو ما يحرق .
وبذكر ود المحرب الهندى العويطل وبتسكع وقت يتاخر في مرسالو للفلاني
|
Post: #35
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: معتصم عبدالرحيم
Date: 03-20-2007, 05:28 PM
Parent: #1
| Quote: يا أخوانا ، شيقوق ده شوفو ليهو دوا لأنو PLESK دي لوظهرت تاني حا يدمن حاجات تانيهّ. |
ياشيقوق ...اهلنا زمان قالوا الجن بتداوا ..لكن كعب الاندراوه
دحين باخوي ..ديير بالك
تحية لكل اهل مسقط الخير...
معتصم العربي
|
Post: #36
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-20-2007, 06:37 PM
Parent: #35
Quote: ياشيقوق ...اهلنا زمان قالوا الجن بتداوا ..لكن كعب الاندراوه
دحين باخوي ..ديير بالك |
الاخ المعتصم دى مش اندرواة يا سيدى دى هايبوقليسيميا المنبر العام
منى خوجلي :
والله جبت كلام انا قائل لوحدى البعمل منى مايزنج وصفحة شغل ماقسيمايزم واهو شغال زى برق الصعيد حق بن طلحة
|
Post: #37
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: ناذر محمد الخليفة
Date: 03-21-2007, 11:56 AM
Parent: #1
يا أبو بكر ...
الليلة لاحظت حاجة غريبة ما كنت منتبه ليها ..
تتصور ود شيقوق أنا وهو طلعنا دفعة ؟!!
ما متصور مش ؟!!
طيب كدي لاحظ لي تواريخ التسجسل بتاعنا في المنبر :
دا الطيب شيقوق
Quote:
.
تاريخ التسجيل: 31-01-2005
مجموع المشاركات: 2581 |
ودا شخصي الضعيف ومضبلن :
Quote:
.
تاريخ التسجيل: 28-01-2005
مجموع المشاركات: 9595 |
سبقتو بي تلاتة أيام بس على التسجيل .. يعني دفعة حيطة بالحيطة
بس زي ما شايف في فرق في عدد الأهداف
|
Post: #38
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-21-2007, 03:58 PM
Parent: #37
| Quote: بس زي ما شايف في فرق في عدد الأهداف |
لاني انا مع اولادي وانت مطلوق بعنقرتك ساااااااااااااااااااى شايل عودك وحايم يا نذوري .
|
Post: #39
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: ناذر محمد الخليفة
Date: 03-21-2007, 05:07 PM
Parent: #1
ود شيقوق ..
| Quote: لاني انا مع اولادي وانت مطلوق بعنقرتك ساااااااااااااااااااى شايل عودك وحايم يا نذوري . |
عشان كدة قررت أعمل أولاد وأفارق البورد فراق الطريفي لمدة سنة سنتين كدة ودي فرصتك في الوكت دا يا تفوتني يا كمان تجيب الدرون
|
Post: #40
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-21-2007, 06:15 PM
Parent: #39
| Quote: عشان كدة قررت أعمل أولاد وأفارق البورد فراق الطريفي لمدة سنة سنتين كدة ودي فرصتك في الوكت دا يا تفوتني يا كمان تجيب الدرون |
ووووووووووووووب حرم نحن العندنا هسع مدنهن ضهرنا بسبب البورد. والله يا نذورى ده خازوق ام كنة الودر زمنا .
حدى يشعر بالسعادة ويمشى يختار النقة .
احسن ليك تتفرغ لينا وتغني لينا ونحن نشق طواقينا ونحت سااااااااااااى ونقول الزارعنا غير الله اليجي يقلعنا .
|
Post: #42
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: عبده عبدا لحميد جاد الله
Date: 03-21-2007, 06:41 PM
Parent: #40
ود شيقوق
تحية طيبة
والله يا زول الشغلانة دي
قريافها رمانا تب ربنا يستر سيرفر بكري في الايام الجاية
Quote: ودخير ده يالطيب عندو جمل اسمو القربين انكسر عليه فى صلب القليعه البويضا
من صقر طار ليه والجمل انغرف زى الطياره فى اللاندنق عندما تنحرف من المسار
الجمل انكسر المهم زى انكسارة موقعنا ده حبيت افهمك القصه. |
ود المحرب
تحية طيبة
يا خوي جمل ود الخير لا يبقى انكسر من القصير ها تاني ما بجبر تب.
مودتي واحترامي
|
Post: #41
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: abubakr
Date: 03-21-2007, 06:41 PM
Parent: #1
| Quote: تتصور ود شيقوق أنا وهو طلعنا دفعة ؟!! |
يا ناذر .. زمانك كان في واحد بتاع مصارعة اسمو الاول Special Delivery يعني توصيل خصوصي .. والعرريب دة براهو طلب خصوصي وما عندو دفعة .. دة كان بيعبر انهار جافة ومصاحب القرود تقولي دفعتك ؟؟؟
|
Post: #43
Title: Re: بكري ابو بكر ضريتنا وخربت طبعنا حرم بقينا الضيف ما بنعاين ليهو
Author: الطيب شيقوق
Date: 03-21-2007, 07:43 PM
Parent: #41
اخي بكري ابو بكر
عاطر التحايا
وردتنى عدة شكاوى من بعض الازواج الذين ابتليت زوجاتهم بنعمة هذا المنبر فما عدن يأبهن لترتيب شؤونهن المنزلية وتربية ابنائهن ولا حتى التناغم مع طبائع الاشياء ؟؟ فهذا احدهم يطرق بابي صباحا ويطالبني بان انقل اليكم شكواه التي يقول فيها .
كانت زوجتى تتابع بشقف شديد المواضيع التي يتم ادراجها في منبركم . كانت كلما وجدت مادة ممتعة تناديني لمشاركتها فرحتها . كانت وقتئذ مغلوبة على امرها لا تستطيع المداخلة لافتقارها العضوية . كنت منزعجا جدا عندما ارها هائمة على نفسها وعاجزة من ان تشارك المتداخلين موضوعاتهم .
اتصلنا باحد اعضاء المنبر العام ليتعاون معنا في سبيل الحصول على الادوات التي تؤهلها للمشاركة بمواضيعها الخاصة والمداخلة مع الاخرين في موضوعاتهم وقد وفقنا في الحصول على العضوية وقد كان يوما تاريخيا احتفلت به كل الاسرة .
ظلت الامور عادية في ايامنا الاولى . بعد ايام شعرت بتراجع في طبيعة ادارتها لشئون المنزل . فما عادت تصحو مبكرا لترتيب الاولاد ليذهبوا مع زملائهم في البص المخصص لهم للمدرسة مما اضطرني ان اصحو مبكرا لترحيلهم الى المدرسة ولم يكونوا مرتبين في ملابسهم كما كانت حالهم قبل ادمانها المنبر العام .
تواصل التردى في ادارة شئون المنزل وصرت في اغلب الاوقات متابع البوتوجاز الذى توقده وتضع عليه الاكل وتنسى ان النار شغااااااااااااااااااااااااااااااااالة وصرت اتابع الحلة ريثما يستوى الطبيخ واطفي نار البوتوجاز .
كانت احلى لحظاتنا هي لحظة تناول وجبة العشاء على مائدة مشتركة . كانت تهتم بوضع مطايب الطعام امامي وربما هاك اللقمة دى ؟؟؟؟؟؟؟؟؟ ابو فلان وهاك الحليب ده وهاك وهاك وهاك ثم نشبع لتعود هى لترتيبات اخرى ؟؟؟؟؟؟؟؟
كانت تحرص على اغلاق الباب الخارجي لمزيد من الامان ولكن بعد الابتلاءات تلك صرت اصحو واجد الباب مفتوحا على مصراعية .
كانت حريصة للغاية في ان اخرج من المنزل بكامل هندمتى يفوح منها عطرها الاخاذ ولكنها صارت ترمي اقرب قطعة عشان البس من طرف واديها عرض اكتافي وصارت لم لا تهتم بملابسي ان كانت مكرمشة او فيها بقعة او تعطرت ام لا .
بعدت المسافات بيننا وتداخلت المشغوليات فما عدت ادرك اين تبدا مسئولياتي واين تنتهي مع هواجس المنبرالعام .
هذه اخي بكري واحدة من الشكاوى التي وردت وطلب منى الراي حولها .
ولكن الى من يشكو هذا الرجل الطيب يا بكري ، فانا مثل زوجته ليست لدى ليلى اغني عليها سوى هذه الليلي التي لم ندرك فيها الى اى لحظة نتفضل في الانتظار يا منى خوجلي .
المخرج والحيد هو ان تحدد ساعات الخدمة في المنبر العام . مثلا ممكن تكون خدمة المنبر خلال ساعات خروج الرجل للدوام فقط .
هنالك حالات كتيييييييييييرة اخطر من هذه يا بكري في اطفال اباؤهم انفصلوا عن امهاتهم وفي مطامير تم دفنها تماما ؟؟؟؟؟؟؟؟؟ طالما انعدم الزمن الذي يمكن ان ترتب فيه لوازم تلك المطامير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ .
نحمدك يا الله اهلنا ما بيعرفوا المنبر العام حرم اكان ابتلوا بيهو يا بكري اكان البهائم يوت مرضعة والبهائم يووووووووت مسروقة والعلوق يوووووت ماكول .
فها هم اهلي بالجهالة منعمون .
|
|