Post: #1
Title: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 09:10 AM
Parent: #0
يا اخونا ورونى كيف اقنع نسيبتي تجيب اسمى وتاكل معاى .
اها يا ود المحرب كيف مع ام عفاف ؟
اها يا الرطاني اوعى تخجلوا وريني انتو كييييييييييف
|
Post: #2
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 09:12 AM
Parent: #1
اى حد شقي زي يوقع هنا
|
Post: #3
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 09:26 AM
Parent: #2
يا جماعة الرطانة برضهم كده ولا نسيبتهم بتقالع نسيبها في الصينية وبتناديهو باسم الدلع .
بكوريييييييييييييييييييييييييييييييييييي
|
Post: #4
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-22-2007, 09:56 AM
Parent: #3
يا ود شيقوق كما يقول صديقناالرائع المترع
بروح الفكاهة (الجنرال) مصطفى أحمد بشير عبادي :
" يـــــــا حـــــلــــيـــــل
رجــــال زمـــــان " أو "ظــبــاط
زمــــــان" ـ أو كما قال !!!!!!!!
وجاييلك ,,,,,,,,
|
Post: #5
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 10:02 AM
Parent: #4
ما تستحي وريني انا بوريك كيف ام السمحة ما بتعاين لى حتى .
|
Post: #6
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: Yassir Tayfour
Date: 04-22-2007, 10:03 AM
Parent: #3
ّ
|
Post: #7
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: Alshafea Ibrahim
Date: 04-22-2007, 10:04 AM
Parent: #1
ابن عمي ـ سلامات لك ولناس هناك
انا احسن منك درجة نسيبتي بتناديني باسمي عديل كده
ولما كانت معانا هنا الغربة بناكل سوى في صحن واحد ،
اها شفت اللعب كيف ، عقبالك - بس يا اخوي بعد ده اقولك نصيحة اصبر واحتسب ولا تعشم في هذا الشرف
مودتي وتقديري
الشفيع
|
Post: #8
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 10:17 AM
Parent: #7
| Quote: اها شفت اللعب كيف ، عقبالك - بس يا اخوي بعد ده اقولك نصيحة اصبر واحتسب ولا تعشم في هذا الشرف |
الشفيع اخوى قبل ايام وصلتنا نسيبة استاذنا مدنى العرضي المحامي ولا تنسى هى زوجة النقابي الفذ يوسف احمد المصطفي بالحصاحيصا الذي سجل له التاريخ الكثير من المواقف الوطنية ومنها قضية عنبر جودة الشهيرة .
يحدثني الاخ مدنى عن مشكلة مع نسيبته هذه يقول لى بعد ان كنا ناكل مع بعض في مائدة واحدة وصلتنا النسيبة في مسقط واصرت على عدم مشاركتي في الاكل حتى لا اراها تاكل .
سبحان الله
|
Post: #9
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: خالد المحرب
Date: 04-22-2007, 11:27 AM
Parent: #8
[]يا اخونا ورونى كيف اقنع نسيبتي تجيب اسمى وتاكل معاى .
لان الطيور على اشكالها تقع ياسجم الرماد
ات كان داير الدلع ويوكلوك فى خشمك كان مشيت ناس
كلو من وايل وايل قفل الموبايل.
ديل يالطيب بعرفن قيمة الرجال الهم رجال .
عشان كده مابياكلن قدامن .
هذا الواقع لايتغير ابدا بالنسبه لهم .
وتجدهم متمسكين بيه من دون باقى افراد الاسره.
مع العلم بان النسيبه من المحارم الابديه للزوج
يحل لها الاكل وكل مايحل للمحرم .
|
Post: #10
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 11:48 AM
Parent: #9
Quote: لان الطيور على اشكالها تقع ياسجم الرماد
ات كان داير الدلع ويوكلوك فى خشمك كان مشيت ناس
كلو من وايل وايل قفل الموبايل.
ديل يالطيب بعرفن قيمة الرجال الهم رجال .
عشان كده مابياكلن قدامن .
هذا الواقع لايتغير ابدا بالنسبه لهم .
وتجدهم متمسكين بيه من دون باقى افراد الاسره.
مع العلم بان النسيبه من المحارم الابديه للزوج
يحل لها الاكل وكل مايحل للمحرم . |
الله يديك العافية يا عشاء البايتات ومقنع الكاشفات انا معاك بالحيل في كلامك السمح ده لكن نشيل شيلتنا جايانا صواقع ربنا يصرفها مننا .
انا نسيبتي اكان شافتنى يا خالد اخوى ماشى تغطى وشها وتتضاير منى واكان صادفتنى في شارع تقطع الشارع لحدى اغيب منها _ وحرم متمنى ساى اشوفها تتجغم ليها في حاجة قدامي .
هيييييييييييع ام السمحة ام ولدى .
|
Post: #11
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: عفاف أبو حريرة
Date: 04-22-2007, 01:11 PM
Parent: #10
الطيب سلام بجيك راجعه بي رواقه
|
Post: #12
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-22-2007, 02:21 PM
Parent: #11
ألا لعنة الله على الشقق والسرير الدبل !!!
فالذي اخترع السرير الدبل هو واحد من أثقل
خلق الله طرا !!!
زمان يا الطيب كان الرجل يحترم نفسه ولا يختلط
بالنساء أبدا ... كانت حياة أبائنا وجدودنا كلها
في الديوان ولا يختلطون بنسائهم إلا فيما ندر .. أو
حينما تكون الليلة ليلتها فتأتي باللييييييييييل حاملة
كورية اللبن بالتمر وكورية الدلكة وكورية أخرى أظن فيها
أشياء لا يجوز أن تعرفوهااسمها (الكدايات) ... وخلال هذه الفترة
القصيرة تكون قد سألته ما تريده لبيتها وأولادها .. ثم ينوم
بعد ذلك قرير العين هانئا ولا يراها مرة أخرى إلا بعد ثلاثة أو أربعة أيام
ولهذا كانت أعمار أبائنا وجدودنا طويلة حيث كان يعمرون حتى بعد
المائة ,, فحياتهم كانت tension free و nagging free وكلام فارغ
free وشكل free ... وكذلك الملوك فإن كلا منهم ينام في جناحه الخاص
ولهذا يعمرون ... ويعيشون حياة سعيدة !!
ألا لحا الله الفقر وحياة الشقق والبيوت الصغيرة !!!!!
|
Post: #13
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-22-2007, 02:42 PM
Parent: #12
وبعدين يا الطيب .... !!!!!!
الله يطوّل عمر نسيبتك ...
أنا نسيبتي تعيش إنت .... رحمها الله ...
( وكانت هذه واحدة من شروط من يقع عليها اختياري )
|
Post: #14
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: عفاف أبو حريرة
Date: 04-22-2007, 02:44 PM
Parent: #12
الطيب انا كنت راجيه اجيك بي رواقه
لكن كلام فاروق ده طيرني طيره ابريش
من الدريش000
اصلك انت يا الطيب قاعد لي وليع النيران
اسي يافاروق باكر يخرجو لينا نهائي!!!!!!!!
الطيب
انت نسيبتك داير بي اكله معاك شنو؟؟؟؟؟
|
Post: #15
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-22-2007, 02:59 PM
Parent: #14
Quote: الطيب
انت نسيبتك داير بي اكله معاك شنو؟؟؟؟؟ |
أنا عارف !!!!!!!!! مالك ومالها؟؟
|
Post: #16
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-22-2007, 03:05 PM
Parent: #15
| Quote: اسي يافاروق باكر يخرجو لينا نهائي!!!!!!!! |
أم أحمد ...
لا أظن فأنت إمرأة صالحة وقليل مثلك بين قبائل النساء
|
Post: #17
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: abubakr
Date: 04-22-2007, 04:19 PM
Parent: #1
| Quote: يا اخونا ورونى كيف اقنع نسيبتي تجيب اسمى وتاكل معاى . |
دة شنو دة ؟ تجيب اسمك من وين ؟ حتي اسمك مغرز مع التيمس بتاع عمك ؟
وتاكل معاك ؟ شنو ؟ما تعزما يشان تاكل استعمل معاها لغة الاشارة ؟
ليه التخلف دة ؟ نسيبة يعني شنو ؟
|
Post: #18
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: abubakr
Date: 04-22-2007, 04:29 PM
Parent: #1
Quote: زمان يا الطيب كان الرجل يحترم نفسه ولا يختلط
بالنساء أبدا |
بطلو الحركات .. انتو رجليكم حفيت واتورمت بشان خلطة ؟ انتو قايليني بعيد ؟؟؟
كتر خيرن القابلات يختلطن بيكم ياعجائز الزفة ؟
|
Post: #19
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 09:30 PM
Parent: #18
Quote: ألا لعنة الله على الشقق والسرير الدبل !!!
فالذي اخترع السرير الدبل هو واحد من أثقل
خلق الله طرا !!!
زمان يا الطيب كان الرجل يحترم نفسه ولا يختلط
بالنساء أبدا ... كانت حياة أبائنا وجدودنا كلها
في الديوان ولا يختلطون بنسائهم إلا فيما ندر .. أو
حينما تكون الليلة ليلتها فتأتي باللييييييييييل حاملة
كورية اللبن بالتمر وكورية الدلكة وكورية أخرى أظن فيها
أشياء لا يجوز أن تعرفوهااسمها (الكدايات) ... وخلال هذه الفترة
القصيرة تكون قد سألته ما تريده لبيتها وأولادها .. ثم ينوم
بعد ذلك قرير العين هانئا ولا يراها مرة أخرى إلا بعد ثلاثة أو أربعة أيام
ولهذا كانت أعمار أبائنا وجدودنا طويلة حيث كان يعمرون حتى بعد
المائة ,, فحياتهم كانت tenssion free و nagging free وكلام فارغ
free وشكل free ... وكذلك الملوك فإن كلا منهم ينام في جناحه الخاص
ولهذا يعمرون ... ويعيشون حياة سعيدة !!
ألا لحا الله الفقر وحياة الشقق والبيوت الصغيرة !!!!! |
هييييييع حرم ده اخوك القدامك ده تقول قريتني قراية يا طويل العمر
|
Post: #20
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 09:42 PM
Parent: #19
Quote: الطيب انا كنت راجيه اجيك بي رواقه
لكن كلام فاروق ده طيرني طيره ابريش
من الدريش000
اصلك انت يا الطيب قاعد لي وليع النيران
اسي يافاروق باكر يخرجو لينا نهائي!!!!!!!! |
هوى يا ام احمد ما ترواغي بهنا وبجاى ورينا النسيبة النجيضة والنسيبة البتستحق يناسبوها شرطها تكون شنو؟ . عفاف اختى النسيب عين شمس كيف يعنى ؟ ورينا كمان واجب نسيبة الحلال وواجب نسيبة المدينة .
في انتظارك
|
Post: #21
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-22-2007, 09:54 PM
Parent: #20
Quote: دة شنو دة ؟ تجيب اسمك من وين ؟ حتي اسمك مغرز مع التيمس بتاع عمك ؟
وتاكل معاك ؟ شنو ؟ما تعزما يشان تاكل استعمل معاها لغة الاشارة ؟
ليه التخلف دة ؟ نسيبة يعني شنو ؟ |
وووووووووووووب ياكا وياها البتاكل معاك عدييييييييل - انت يمكن من النوع البيلعب معاها كورة عدييييييل او النوع البيعمل مقص بعييييييييييد عشان يرمي الدامة ؟؟؟؟؟؟؟ او النوع البيقول لنسيبتو نمشى السباحة ووووووووووب منك انت او قد تكون نسيبتك النوع البيلبس البنطلون الجنز والتي شيرت وووووووووووووووووب خربتها يا حبيبي مرة واحدة .
ام احمد عليك الرسول تتفرجي في محن الدنيا زى ده نحن نديهو طلقة في راسو .
|
Post: #22
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: عفاف أبو حريرة
Date: 04-22-2007, 11:02 PM
Parent: #21
Quote: .هوى يا ام احمد ما ترواغي بهنا وبجاى ورينا النسيبة النجيضة والنسيبة البتستحق يناسبوها شرطها تكون شنو؟ . عفاف اختى النسيب عين شمس كيف يعنى ؟ ورينا كمان واجب نسيبة الحلال وواجب نسيبة المدينة .
في انتظارك |
الطيب الكلام ده انا مابعرف ليه
خلي ود النار يحكيه ليكم شكله ود عجوز
وود عرب نجيض مع انه زول مدينه
يعني انزل من ضهره طلع يسدها
ويقدها
|
Post: #23
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: عفاف أبو حريرة
Date: 04-22-2007, 11:56 PM
Parent: #22
Quote: ]وووووووووووووب ياكا وياها البتاكل معاك عدييييييييل - انت يمكن من النوع البيلعب معاها كورة عدييييييل او النوع البيعمل مقص بعييييييييييد عشان يرمي الدامة ؟؟؟؟؟؟؟ او النوع البيقول لنسيبتو نمشى السباحة ووووووووووب منك انت او قد تكون نسيبتك النوع البيلبس البنطلون الجنز والتي شيرت وووووووووووووووووب خربتها يا حبيبي مرة واحدة .
ام احمد عليك الرسول تتفرجي في محن الدنيا زى ده نحن نديهو طلقة في راسو |
الطيب دي صعبتها كتييييييييييييييييييييييير
ابوبكر الكلام دخل الحوش
|
Post: #24
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: abubakr
Date: 04-23-2007, 03:42 AM
Parent: #1
| Quote: وووووووووووووب ياكا وياها البتاكل معاك عدييييييييل - انت يمكن من النوع البيلعب معاها كورة عدييييييل او النوع البيعمل مقص بعييييييييييد عشان يرمي الدامة ؟؟؟؟؟؟؟ او النوع البيقول لنسيبتو نمشى السباحة ووووووووووب منك انت او قد تكون نسيبتك النوع البيلبس البنطلون الجنز والتي شيرت وووووووووووووووووب خربتها يا حبيبي مرة واحدة . |
اكييييييد......اجيب ليك صور ....؟؟
|
Post: #25
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 05:21 AM
Parent: #24
| Quote: اكييييييد......اجيب ليك صور ....؟؟ |
يا حليك ما تضقت النسيبة البتجى بالليل تخت ليك اللبن بطرف تبروقتك حقت الصلاة . وما ضقت النسيبة البتفرش ليك البرش الدقة ( البرش الدقة ده يا الرطاني اجمل انواع البروش الملونة بضفيرة دقاااااااقة) ولا شفت النسيبة البتجيب ليك التبروقة السمحة محزمة وملزمة ترفعها ليك في تاتيبة البيت ( تاتيبة البيت هى الدقاقة التي توضع عليها القطية ) ويا حليلك الماضقت النسيبة المن المغرب تفتش ليك في لوازم السفر لدبى ؟؟؟؟؟؟؟؟؟ الفاروق معاى هنا!!!!!!
ولا عندك النسيبة البتجيب ليك القهوة في جبنة الفخار الحمراء بوقايتها ام سكسك الجميلة .
عز النسيبة يا باشمهندس تعرفو من طشتها الجديد والجردل الجنبو مليان موية تختو ليك في طرف سريرك وكمان الابريق المو خمج . يا حليل ايام زمان
|
Post: #26
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 05:23 AM
Parent: #25
Quote: الطيب الكلام ده انا مابعرف ليه
خلي ود النار يحكيه ليكم شكله ود عجوز
وود عرب نجيض مع انه زول مدينه
يعني انزل من ضهره طلع يسدها
ويقدها |
طيب وين ود النار اكان غلبو يا ام احمد شوفي لينا حليمة يمكن بتعرف حاجة .
|
Post: #27
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: abubakr
Date: 04-23-2007, 05:52 AM
Parent: #1
| Quote: عز النسيبة يا باشمهندس تعرفو من طشتها الجديد والجردل الجنبو مليان موية تختو ليك في طرف سريرك وكمان الابريق المو خمج . يا حليل ايام زمان |
مبدء خطا... ليه النسيبة تخدم راجل بتها بالصورة دي ؟ من قلة الرجال ؟؟ ليه نسيبة الزوجة ما تسوي ليها كدة ؟ مفهوم تزغيط الرجل زي البط ومعاملته كانه من الفخار بتكسر وانه الملك الهمام ممنوع الكلام امامه جعله يظن انه متفضل متميز علي المراة وثبت اركان مجتمع ذكوري اضر ببلادنا ...
كان داير ايام زمان لم معاك الفارووق وانا اعمل ليكم متحف تعيشو فيهو ما فيهو انترنت ولا تلفون ولا راديو ولا تلفزيون ولا ماكدونالد ولا كنتكي ولا بتزا هت ولا حت ...
|
Post: #28
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-23-2007, 06:34 AM
Parent: #1
بوست لذيذ ومضحك جدا
عندي جارتي من بنات القرى لما يكون عندها مناسبة بتدي الرجال الأكل أول وبعد ما ينتهوا تماما ويشربوا الشاي حتى ناكل نحنا ولما نقول ليها ليه هم احسن مننا في شنو تقول لينا انتن يا بنات البندر ما بتخجلن دايرات تاكلن قبل الرجال !!!
انا شخصيا امي بتاكل وتتونس وتتهازر مع زوجي زيه زي أخواني بالظبط
|
Post: #29
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 07:15 AM
Parent: #28
Quote: بوست لذيذ ومضحك جدا
عندي جارتي من بنات القرى لما يكون عندها مناسبة بتدي الرجال الأكل أول وبعد ما ينتهوا تماما ويشربوا الشاي حتى ناكل نحنا ولما نقول ليها ليه هم احسن مننا في شنو تقول لينا انتن يا بنات البندر ما بتخجلن دايرات تاكلن قبل الرجال !!!
انا شخصيا امي بتاكل وتتونس وتتهازر مع زوجي زيه زي أخواني بالظبط |
الباشمهندس شادية الله يجازي محنك ضحكتينا
وتفتكري زولا فنانو المفضل (محمد منير) هل يعقل يطلع رحلة بدون مرافقة نسيبتو؟ وكمان يمكن وقت عروسو ما تتجاوب مع النغم في الرحلة تقوم نسيبتو تعاين ليهو بحناااااااان وتقول ليهو معليش يا حمادة : قام يتعزز الليمون عشان بالغت في ريدو يا الحمادة .
حيييييي انا من الكلام ده شادية اختى شوفو لى عروس من العينة دى سرييييييييييييع .
|
Post: #30
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 07:41 AM
Parent: #29
| Quote: كان داير ايام زمان لم معاك الفارووق وانا اعمل ليكم متحف تعيشو فيهو ما فيهو انترنت ولا تلفون ولا راديو ولا تلفزيون ولا ماكدونالد ولا كنتكي ولا بتزا هت ولا حت ... |
انت قايل ديل غير يقصرن اجلك بالضغط والسكري واللوكميا والعمى فيهن شنو.
على الطلاق يا بكوري قعدة وتحكرة في ضل الضحى الهابي وماخد تكية هبابي وعصيدة حااااااااااااااااااارة معها شطة خضراء على صحن وصينية نسيبة رااااااااااااااقية مغطاة بطبق مزخرف بالالوان الجميلة حرم رفعة الطبق ده افضل لى من قطع الشريط لتدشين برج مكة او ابراج اعمار كلها.
|
Post: #31
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: abubakr
Date: 04-23-2007, 08:21 AM
Parent: #1
| Quote: انت قايل ديل غير يقصرن اجلك بالضغط والسكري واللوكميا والعمى فيهن شنو. |
يا عرريب السكري والضغط من سواية الرجال ومشاكلم .. اها طالع البوستات بتاعة يوم واحد في المنبر وشوف الرجال بيسوو شنو من البيجيب الضغط والسكري وبيقصف العمر ؟ الله يخليهن لينا الحلوات اللطيفات لولاهن الواحد علي العليهو كان اكيد شايلو كشكوش وحايم في الشوارع ؟؟..
|
Post: #32
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-23-2007, 08:22 AM
Parent: #1
الطيب شيقوق انت سمعت نكتة الاتجاه المعاكس ؟ يعني داير تدبل بي واحدة عاصمية عشان يحصل الحصل في النكتة ؟ تجي حاجة بتول وتضرب مدام رنا وتجرها من شعرها الملون بخصل شقراء ؟
بعدين النسيبات الاتنين لما يتقابلوا في مناسبة في بيتك ح يحصل شنو تفتكر ؟؟ وكيف ح يكون التواصل بينهم ؟؟
|
Post: #33
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 09:22 AM
Parent: #32
| Quote: تجي حاجة بتول وتضرب مدام رنا وتجرها من شعرها الملون بخصل شقراء ؟ |
لالالالالالا مدام رنا يا باش قطعا تكون من اللائي يجدن حديث المخدات وبالتالي من اللائي يجدن فن استقطاب النسيبات بس في حالتنا تلك مدام رنا حتما تفتقر للادوات البيئية التي يمكن من خلالها مخابطة الحاجة بتول .
الحاجة بتول محتاجة لمسوحة بزيت سمسم ومحتاجة لمشاط ومحتاجة لقهوة الساعة 4 صباحا ومحتاجة يمسكوا ليها البقرة وقت تحلب فهل مدام رنا قادرة على مواجهة كل تلك التحديات البيئية ؟
|
Post: #34
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-23-2007, 10:24 AM
Parent: #1
مستحيل طبعا !!!!!!!!! مدام رنا دي يا دوب تقدر تشيل كباية اللبن زاتها مش تحلب بقرة !!
بس بيني وبينك تفتكر زي مدام رنا دي بتقدر تدير بيت واسرة وعائلة كاملة ؟؟ ولو حصل هل ح يكون بنفس مقدرة حاجة بتول ؟؟
ولا اقول ليك رايك شنو في واحدة تجمع الاثنين ؟ 2 في 1 يعني
|
Post: #35
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 10:37 AM
Parent: #34
| Quote: ولا اقول ليك رايك شنو في واحدة تجمع الاثنين ؟ |
هل تصدقي اسعد انسان في الدنيا تكون عروسه تجمع الاتنين حضارة وبداوة عندما تمشى لناس رنا تتحدث وهن يستمعن اليها بهدوء وارتياح واستمتاع وقدامها GPS وعندما تمشى لناس بتول تغير لمدرسة ناس كر على مع ختة يد في الشدق .
شوفوا لي زى دى سريييييييع وتكون اصلية مش تقليد
|
Post: #36
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: معتز القريش
Date: 04-23-2007, 10:40 AM
Parent: #34
ود شيقوق
يا زول حرّم أنا عندي تلاتة نسيبات
واحدة فيهم بتاكل ولا تشرب معاي
ولا قدامي مافي
واحدة منهن اتوفت الله يرحما
لمن ماتت ما أكلت ولا شربت قدامي
ولا كشفت شعرا
يازول خلي نسيباتي
حرّم أخوات نسيباتي ما بياكلن قدامي
هييييييييييييييييع
لقيتني كيف ؟؟؟
|
Post: #38
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 10:46 AM
Parent: #36
معتز
هييييييييييع حقيت اسمك حرم انت بعد تموت تستحق يبنوا فيك قبة يزوروها الناس ويبحتوا قبرك ياكلوا ترابو نووووووووور وبركة .
|
Post: #39
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: معتز القريش
Date: 04-23-2007, 10:54 AM
Parent: #38
Quote: معتز
هييييييييييع حقيت اسمك حرم انت بعد تموت تستحق يبنوا فيك قبة يزوروها الناس ويبحتوا قبرك ياكلوا ترابو نووووووووور وبركة . |
أنا برضو قلت كدي
أها وناس نسيبتي عصرية ومغربية وخرتومية وبندرية ديل كيف ؟؟؟؟؟؟
|
Post: #37
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-23-2007, 10:45 AM
Parent: #34
| Quote: ومحتاجة لقهوة الساعة 4 صباحا ومحتاجة يمسكوا ليها البقرة وقت تحلب |
قهوة 4 صباحا وتحلب البقرة ؟؟؟؟!!
دي نسيبة ولا كاوبوي !!!!!؟
|
Post: #40
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 11:07 AM
Parent: #37
| Quote: أها وناس نسيبتي عصرية ومغربية وخرتومية وبندرية ديل كيف ؟؟؟؟؟؟ |
ديل ما تفتكر غمضت ليهم عين يا معتز اخوى ؟. وديل نسوا اماتهم ونسوا اخواتهم وصاروا يدورون في فلك النسيبة الاستحواذية .
فهل لك من الثلاث استحوازية؟
|
Post: #41
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-23-2007, 11:08 AM
Parent: #37
| Quote: مستحيل طبعا !!!!!!!!! مدام رنا دي يا دوب تقدر تشيل كباية اللبن زاتها مش تحلب بقرة !! |
كباية اللبن ذاتها ما بتقدر عليها !!
رنا دي عايزة قطعة الخبز ال slice المحمصة والمارمليت
وكباية اللبن المقشوط skimmed تجيبها إنت ليها على التراي
tray وهي راقدة في سريرها ومعاها وردة حمراء!!!
يا بتاع التبروقة والعصيدة!!!!
هاك الوردة دي ...!
|
Post: #42
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 11:17 AM
Parent: #41
| Quote: هاك الوردة دي ...! |
يا اخي لكل مقام مقال انا بقولوا لى هاك الهجليجة دى .
ولكن مدام رنا دى ما عندها حتى الحراك سياسي يا الفاروووووووووووووووووووق ؟؟؟؟؟؟؟؟؟؟؟؟؟؟
معاى انت؟
|
Post: #43
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-23-2007, 12:59 PM
Parent: #42
Quote: يا اخي لكل مقام مقال انا بقولوا لى هاك الهجليجة دى .
ولكن مدام رنا دى ما عندها حتى الحراك سياسي يا الفاروووووووووووووووووووق ؟؟؟؟؟؟؟؟؟؟؟؟؟؟
معاى انت؟
|
أنا معاك على طووووووووووووووول
لكن إنت عايز حراك سياسي ولا عرس ؟؟
ولا حراك سادة !!!!!!!!
|
Post: #44
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: محمد المرتضى حامد
Date: 04-23-2007, 01:28 PM
Parent: #43
| Quote: (يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك الطيب شيقوق) |
إزيّك ياالطيب ، الخاله دي عندها اسباب وجيهة للبتسوي فيهو ده؟.
|
Post: #47
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 04:39 PM
Parent: #43
Quote: نا معاك على طووووووووووووووول
لكن إنت عايز حراك سياسي ولا عرس ؟؟ |
انا مش عايز فك الارتباط . وبحب ازداوجية المعايير .
وانت بدك ايش يا صاحب يا فخامتك
|
Post: #45
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: abubakr
Date: 04-23-2007, 01:41 PM
Parent: #1
| Quote: إزيّك ياالطيب ، الخاله دي عندها اسباب وجيهة للبتسوي فيهو ده؟. |
ينصر دينك ... هو دة ياكلو معاهو ويناضموه القرود الكان مصاحبم ايام رحلة عمرو ومشوار سنينو في الغابة عند النهر الجاف ....؟
|
Post: #46
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: KalamSakit
Date: 04-23-2007, 02:19 PM
Parent: #45
ياالطيب شيقوق - كيف حالك
أناوالحمد لله نسيبتي بتأكل معاي وبجيب إسمي
لكن يا شيقوق إنت ما ملاحظ بعض النسيبات بترتاح لواحد من رجال بنات واحد ما بترتاح ليهو لــــــمـــــــــاذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع التحية
|
Post: #48
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 04:49 PM
|
Post: #49
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 04:52 PM
| Quote: إزيّك ياالطيب ، الخاله دي عندها اسباب وجيهة للبتسوي فيهو ده؟. |
حبابك عشرة يا استاذ محمد المرتضى حامد
فيها الموضوعي وفيها الشخصى واخليك كده عشان تعود تاني تاني يا حبيب
|
Post: #50
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 04:58 PM
Parent: #49
كلام ساااااااااكت
Quote: أناوالحمد لله نسيبتي بتأكل معاي وبجيب إسمي
لكن يا شيقوق إنت ما ملاحظ بعض النسيبات بترتاح لواحد من رجال بنات واحد ما بترتاح ليهو لــــــمـــــــــاذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
عندنا نحن لانو البترتاح ليهو هو البمشى معاها الخلاء بكسر ليها الحطب بالفاس والبيحلب ليها البقرة والبينسى امو وابوهو بس يصنقر مقابل النسيبة وبتها .
الما برتاحوا ليهو ده الاضينة البجى بلقى الاكل وبياكل وبساهر في الكتشينة للصباح يخلي بتها متوحدة؟؟؟؟؟؟؟؟؟؟؟؟؟؟؟؟
كفاك ولا ازيدك
|
Post: #51
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-23-2007, 05:04 PM
Parent: #50
| Quote: هو دة ياكلو معاهو ويناضموه القرود الكان مصاحبم ايام رحلة عمرو ومشوار سنينو في الغابة عند النهر الجاف ....؟ |
يا حليلك والنائم على حيلك - هو انت قايل انا بتشالق لاي واحدة برضى بشوف واحدة عندها مشوار سنين ورحلة عمر - وطوالي اغنى ليها (يا الرحتوا طولتو وعنى ما سالتوا) وايام ورها ايام واتكاملت اعوام.
هييييييييييييع شايل معاك ال GPS?
|
Post: #52
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-24-2007, 00:04 AM
Parent: #51
| Quote: والبينسى امو وابوهو بس يصنقر مقابل النسيبة وبتها . |
تنسى أمك وأبوك !!!!!!!!
سحبنا الوردة .....
هاك الترابة دي !!
|
Post: #53
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-24-2007, 04:53 AM
Parent: #52
Quote: تنسى أمك وأبوك !!!!!!!!
سحبنا الوردة ..... |
ده مش انا لكن يا الفاروق اخوى - انت والله ما معانا سارح وييييييييييييييين
|
Post: #63
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-25-2007, 09:49 AM
Parent: #53
| Quote: ده مش انا لكن يا الفاروق اخوى - انت والله ما معانا سارح وييييييييييييييين |
والله يا الطيب سارح مع أغنية بناتية
بتقول : حنّانة النسى أهله ما نسانا
أعاذك الله !!!!!!!!
|
Post: #54
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-24-2007, 05:09 AM
Parent: #1
يا الطيب ارسى ليك على بر - من بداية البوست وانت اتخذت ليك مليون موقف ورينا انت ياتو واحد منهم
انت الحمش الهراش سي السيد على قول المصريين ؟ ولا انت البخلي ابوك وامك وتقابل النسيبة ؟
والنسيبة عندك مرة تشكرها ومرة تنبذها مرة في نظرك ست الكل والبتستاهل الخير كله ومرة المرة الشريرة العايزة تخرب بيت بتها !!
عارف يا الطيب في نسيبة تلقاها عاصمية ومتحضرة جدا ومثقفة جدا وبرضو ست بيت وبيتها مفتوح للضيوف وضيف الهجعة عندها ما بينوم بدون الضبيحة الما خمج وتساوي عشرة رجال في مواقفها ( وطبعا اكفي القدرة على فمها تطلع البت لأمها ) .
أها رايك شنو في نسيبة من النوع ده ؟؟
|
Post: #55
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-24-2007, 05:27 AM
Parent: #54
| Quote: عارف يا الطيب في نسيبة تلقاها عاصمية ومتحضرة جدا ومثقفة جدا وبرضو ست بيت وبيتها مفتوح للضيوف وضيف الهجعة عندها ما بينوم بدون الضبيحة الما خمج وتساوي عشرة رجال في مواقفها ( وطبعا اكفي القدرة على فمها تطلع البت لأمها ) . |
يا باش صباحك نور
انا بتحدث عن ظواهر مؤلمة ماثلة امامي الان . هذا النموذج الذى تتحدثين عنه نادر جدا ولكنه نفسه يتعامل احيانا باذدواجية معايير - في بيتها الخاص هكذا وتدخلها في شئون بنتها ونسيبها شيى غير ( كما يقول الخليجيون) .
والنوع ده عادة بتكون شخصيتها قوية جدا تلقاها- يا شادية اختى - شايله مسطرتها لتسم خارطة طريق نسيبها كل صباح والنسيب المسكين بيقول حااااااااضر يا عمتو على العين والراس .
|
Post: #56
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: خالد المحرب
Date: 04-24-2007, 05:56 AM
Parent: #55
Quote: ولهذا كانت أعمار أبائنا وجدودنا طويلة حيث كان يعمرون حتى بعد
المائة
والله يافاروق انت مصيبه فعلا اسد وقع فى الشرك
طريقه لى الهروب مافى صاحبك الشيقوق كان بزوغ
يقول ماشى يسرب الغنم.
يااخى انت مصيبه فعلا .
|
Post: #57
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-24-2007, 06:59 AM
Parent: #1
ابدا بالعكس يا الطيب ابوي (حسب اسمي طبعا) اغلب النسيبات اللي من النوع ده هم اللي بينصحوا بناتهم بأنه مشاكلهم تتحل في البيت وكمان في البيت في غرفة النوم وبعيد عن الاولاد والظواهر المؤلمة اللي حكيت عنها تنتج دايما من الجهل والجهل للأسف بقى مرتبط بالمرأة القروية بسبب الظروف وليس بسببها هي
يعني الواحدة لما تكون متعلمة ومثقفة يا الطيب معقولة تكون ما عارفة انه تدخلها في مشاكل وحياة بتها بتضر اكتر مما بتنفع !!
|
Post: #58
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-25-2007, 08:34 AM
Parent: #57
Quote: ولهذا كانت أعمار أبائنا وجدودنا طويلة حيث كان يعمرون حتى بعد
المائة ,, فحياتهم كانت tension free و nagging free وكلام فارغ
free وشكل free ... وكذلك الملوك فإن كلا منهم ينام في جناحه الخاص
ولهذا يعمرون ... ويعيشون حياة سعيدة !!
ألا لحا الله الفقر وحياة الشقق والبيوت الصغيرة !!!!! |
ياالفاروق ود حامد سلام عليك
عشان الكلام القتو دا صاحبك عمرو طويل ومتشبب
أنصحو ما يكافىء الحسنة بالسيئة
.. وهل جزاء الإحسان إلا الإحسان ..
وكمان أتهم نسيبتك وهى ميتة ( ترفع عليهو دعوى ).
Quote: مبدء خطا... ليه النسيبة تخدم راجل بتها بالصورة دي ؟ من قلة الرجال ؟؟ ليه نسيبة الزوجة ما تسوي ليها كدة ؟
|
كلاااام يا عوض دكام ... صح لسانك يا أبوبكر
والله أنا أكتشفت إننا نعيش حياة فى قمة الرقى
والإحترام المتبادل فى التعامل ( بدون مبالغة )
رغم زعم البعض بأن عدم التعليم عامل مؤثر
أنا كنت أعتقد فىهذا الكلام لكن بعد الشفتو وسمعتو
من بعض المتعلمين أرجع وأعتذر لحبوبتى وأقول
لها عند قبرها :ـ
بعد حصاد كل هذه السنين من الغربة أرجع وأنا
كلى إيمان ويقين بقولك ( القلم ... مابزيل بلم )
وصدق الشيخ عبد الله محمد عمر البنا حينما قال :ـ
فإن يكن بين أهل البدو منزلهم فإنهم ملأوا الأخلاق تمدينا
وباالطيب ياخوى الإحترام الذى ينبع من المحبة دى نعمة
تحمد ربك عليها ( ما ترفس النعمة ) حتى لايحل بك غضب
وتتزوج واحدة توريك ( شدر القضارف )
تحت السرير زى ماقال
عبد العزيز ولدى .. دلالة على الإمعان فى المستحيل
شدر قضارف وكمان قريب تحت السرير !!!!!
|
Post: #59
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-25-2007, 08:57 AM
Parent: #58
Quote: وباالطيب ياخوى الإحترام الذى ينبع من المحبة دى نعمة
تحمد ربك عليها ( ما ترفس النعمة ) حتى لايحل بك غضب
وتتزوج واحدة توريك ( شدر القضارف )
تحت السرير زى ماقال |
الله بيني وبينا يا بت طلحة طالما جابت ليها شدر قضارف - نحمدك يا الله نحن في نعمة مع السمحة ام ولدى وام السمحة ام ولدى .
|
Post: #60
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-25-2007, 09:05 AM
Parent: #59
| Quote: نحمدك يا الله نحن في نعمة مع السمحة ام ولدى وام السمحة ام ولدى . |
( وإن شكرتم لأزيدنكم ) ... صدق الله العظيم .
أيوه خليك كده سواء كانت رغبة أم رهبة ( الله عالم بالسراير والناس ليها بالظاهر )
|
Post: #61
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-25-2007, 09:07 AM
Parent: #59
| Quote: يعني الواحدة لما تكون متعلمة ومثقفة يا الطيب معقولة تكون ما عارفة انه تدخلها في مشاكل وحياة بتها بتضر اكتر مما بتنفع |
شادية اختى امان يا القلم مرات ما بتزيل بلم . الحكمة في ادارة الامور نعمة من ربنا يا شادية . بعض منا جبلوا وفطروا على ادارة امورهم وهم لا يكتبون اسماءهم . وآخرون منا حصلوا على اعلى الدرجات العلمية وتتمنى ما يفتح فمه في اى مجلس حتى لا يجرح احساس ومشاعر الاخرين . صحيح يا باش لو تكامل العنصران آآآآآآآآآآه دى النعمة.
ويقيني الشواهد امامك لا تحصى .
معزتي
|
Post: #62
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-25-2007, 09:38 AM
Parent: #1
كلامك صح يا الطيب
وفي النهاية والخلاصة : الزوجة هي الاساس يعني لا نسيبة ولا حماة بتقدر تخرب بيت أو تهز فيه عمود لو ما لقت الباب مفتوح من بنتها صح ؟؟ يعني الرك على المدام اولا واخيرا وياما نسيبات حاولن وحاولن المستحيل مع ازواج بناتهن لكن لقن الصد من البنت نفسها وياما زوجات الواحدة تقطعه في حشاها براها وما تقول كلمة غلط عن زوجها قدام اهلها وبالعكس تديهم صورة عنه انه ملاك نازل من السما وخاتي القول وانه بيقدرهم وبيحترمهم كل التقدير والاحترام ونفس الكلام تعكسه لزوجها وبالتالي يعيش الكل في تبات ونبات بفضل حكمة ورجاحة عقل الزوجة
ولا ما كدة !!!
|
Post: #64
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-25-2007, 09:52 AM
Parent: #62
| Quote: الزوجة هي الاساس يعني لا نسيبة ولا حماة بتقدر تخرب بيت أو تهز فيه عمود لو ما لقت الباب مفتوح من بنتها صح ؟؟ |
دعيني اختي شادية الا اقر بكلامك على اطلاقه . فاغلب النسيبات هن حجر الرحى لتلك العلاقة فإن رضين عنك تنسمت عبير متعة الزوجية مع زوجتك وان لم ينظرن اليك بعين الرضا فهذا بالطبع له تداعياته على تلك العلاقة .
امبارح بيتكلم معاى اخ صديق خفيف الظل وقال لى اسعد انسان البيكون عائش مع زوجته اليتيمة او الذي يكون معها في مكان قصيا ويغنى ليها انا ما بسيبو غرامك رضيان معاك بى شقاياااااااااااااا مع ليالي الغربة والشوق حنينو معايااااااااااا.
|
Post: #65
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-25-2007, 10:23 AM
Parent: #1
اعترض
وبشدة
يا الطيب صدقني لو ما الزوجة ادت مجال لأمها تحشر نفسها في كل امورها ما ممكن النسيبة من نفسها تحشر نفسها !! يعني لو البنت قفلت على نفسها ومشاكلها الباب مافي حد بيقدر يقتحم خصوصياتها حتى لو امها زاتها صح؟
اما البنت اللي كل ما حصل شيء راحت حكت لأمها فأكيد الام ح تتدخل وتعمل من الحبة قبة سواء رضت البنت أو ما رضت وما اعتقد انه كل النسيبات هن نساء حديديات أو حشريات ماعندهن شغلة غير التدخل في حياة النسابة بالعكس الظواهر دي بدت تقل مش تزيد ده لو ما حصل العكس ولقيت نسيبة بتدافع عن زوج بنتها قصاد بنتها نفسها وانا شخصيا شفت حالات زي دي بعيني
|
Post: #66
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-25-2007, 10:50 AM
Parent: #65
| Quote: الظواهر دي بدت تقل مش تزيد ده لو ما حصل العكس ولقيت نسيبة بتدافع عن زوج بنتها قصاد بنتها نفسها وانا شخصيا شفت حالات زي دي بعيني |
ليش ما تقل يا شادية اسمحى لى ان اخد من وقتك ليتسنى لك الاطلاع على هذا المقال الذى كتبته الاستاذة رباح الصادق عن الظواهر التي تفشت بسبب العنوسة المتزايدة . كتبت رباح تقول :-
حينما رحل إلى رحمة مولاه فقيدنا الطيب محمد الطيب كتب يرثيه في مقال مشحون بالمعاني الدكتور عبد الله علي إبراهيم تحت عنوان: عبادة في الهرج! مشبها رحيله الأليم بحدث يجري أثناء أحداث كبرى تصرف عما يستحقه ذلك الحدث من وقفة، وهو ما تشبهه المقولة السودانية: فلان مات يوم القيامة!. هذا هو الهرج المفروض فرضا، ولكننا نتحدث اليوم عن هرج من نوع آخر، مصنوع صنعا ومع سبق الإصرار والترصد.. هرج يصحب الألم!. وذلك في بحثنا حول أغنية سنتر الخرطوم أو "كلااام يا عوض دكام" التي شبت في مجتمعنا كالنار في الهشيم، ما مغزاها، وما هو مغزى الضجيج و"الهجيج" المصاحب لها؟!.
كنا تحدثنا من قبل حول أغاني البنات وأنها نابعة من المجتمع الذي ألفت فيه، ومن قيمه، وذكرنا مقولة فقيدنا الطيب حينما قال: إذا وقعت حبة من خردل تجد صداها في غناء البنات. وفي الآونة الأخيرة شاعت أغنيتان استمطرتا كثيرا من التعليقات، وسمعنا كثيرا من المتحدثين يذكرونهما كدليل على هبوط الذائقة السودانية والانحلال والابتذال في المجتمع، وهما أغنيتي: "راجل المرة"، وأغنية "كلام يا عوض دكام".
أغنية "راجل المرة" بلغ ابتذالها قمة كبيرة في تصنيف الرجال حسب زيجاتهم السابقة وهذا النفي لإنسانية الإنسان وربطه بصفاته الاجتماعية كزوج لواحدة أو أكثر في شكل تحبيذي، هي مقابل مبتذل لابتذال آخر يربط المرأة أيضا بتجربتها الاجتماعية فينفر من العزباء التي سبق تزوجها ويحبذ البكر، وكلاهما ابتذال للإنسانية، ولكن الابتذال الأخير مطروق ومقبول أما الابتذال الأول فهو منفر مرتين لأنه منكر بالحس الإنساني السليم ومنكر كذلك بالفهم الذكوري الدارج، ولذلك بلغت الأغنية درجة يصعب على أي ذي ذوق سليم أن يكرر أبياتها ومعانيها أو حتى يستشهد بها وبرغم أن راوي الكفر ليس بكافر!. الشيء الذي جعل تداولها مثلا في إحدى حلقات برنامج "كلام نسوان" بقناة النيل الأزرق وكانت حول الزوجة الثانية قبل عدة شهور، جعل ذلك التداول مبتذلا ومنكرا لدينا بشكل لا يطاق!. مع تأكيدنا أن التعامل مع هذه الظواهر لا يكون بالأوامر العلية أو قوانين الآداب، لأن في ذلك تعامل مع الأعراض والطبيب الحق يتعامل مع الأمراض، وأمراض مجتمعنا بالانهيار الأخلاقي وانتشار مختلف أنواع الفساد وذيوع الذهنية الحسية وتراجع القيم المعنوية، وأسبابها مرتبطة بسياسات وأحداث بعضها داخلي وبعضها عالمي، مستمدة من ازدواج المعايير بين أهل التمكين وغيرهم داخليا وفي العالم، ومن اللعب بالشعارات الدينية والأكاذيب الرسمية وغير ذلك من هادمات المثل للمجتمعات.
أما أغنية سنتر الخرطوم فقد سمعنا كثيرا عن ابتذالها و"هبوطها" ولكن لم ندرك مغزى الابتذال ولم نشأ البحث في الأمر ومراجعة نصها بل تعاملنا معها بنفور، حتى اطلعنا على مقال الأستاذ حسن أحمد الحسن المنشور في منتديات الجالية السودانية بأمريكا بعنوان "حول النقد الاجتماعي والحس الشعبي: أغنية سنتر الخرطوم أو المقال الراقص"، وفي ذلك المقال أورد الحسن بعض مقاطع الأغنية مؤكدا أن قيمتها (الأساسية تنطلق من كونها راصدا اجتماعيا لظواهر سودانية بدأت تعبر عن نفسها في مساحة الوطن بسبب التطورات الاقتصادية والاجتماعية وغيرها) وأنها جزء من أعمال فنية لها دورها (الوعظي غير المرئي في بنية المجتمع علها ترشد في قالب فني إبداعي)..وأنها (لامست أشياء في وجدان من انفعلوا بها نصا وروحا بل أنها أدخلت تعريفا جديدا لما يمكن أن نسميه بالمقال الراقص).
مع هذه الكلمات كان لا بد من البحث عن الأغنية والاستماع لها ومراجعة نصها، واتضح لنا أن الأغنية ليست بالابتذال الشائع عنها، ولا هي بالوعظية المرشدة التي رآها الحسن. تبدأ الأغنية بتحية الدكتور عوض دكام وأننا لن ننسى (كلامك الراقي وجيهك البسام)، ثم تنتقد الأداء السوداني الآن في نواحي الطب حيث هبط من ماضيه المشرق (يا حليل زمان الطبيب إنسان، تعال وشوف الآن العلاج قاسي والكشف أرقام)، والتعليم الجامعي حيث (العلم بالشيك- جامعة بالدولار والفهم أقسام)، والتقدم التكنلوجي والفضائيات التي لم نستطع مجاراتها، والرياضة التي أدمنا فيها الهزيمة بينما نجوم الكرة العالميين في تألق(خمسة ماركتنا- شوفوا ناس كاكا وشوفوا ناس بيكهام)، والاستلاب الذي أصابنا في مقتل وحول أعز مناسباتنا لعروض دولية (الزفة مصرية- واللبسة هندية والرقصة غربية – يا حليل الهوية!) والسينما التي عزت علينا في مقابل تجارب ناجحة في البلدان الشقيقة (شوفوا ناس كايرو وشوفوا ناس الشام)، ثم تختتم بالإشارة لذيوع ثقافة (البوبار- والفشخرة والأوهام)!.
هذه الاقتباسات أخذناها بعد الاستماع للأغنية بأداء الأستاذ طه سليمان في فيديو كليب وهو موجود في مواقع عديدة بالإنترنت، ووجدنا النص الكامل مكتوبا أيضا في أحد منتديات النقاش بالإنترنت. ولكن تتبع الآراء حول الأغنية لم يسفر سوى عن آراء متضاربة في موقع الفضائية السودانية حول هل هي أغنية نقد هادف أم أغنية هابطة وانتهى النقاش بصرف النظر عن الموضوع والاهتمام بكون المتداخلين اكتشفوا أن أصلهم مشترك من بحري أو شمبات: أي في هموم التعارف السودانية الدارجة وهي هموم تُثَمَّن في السودان وتُنْصَر على ما عداها! وبذلك ضاع الرأي حول أغنية سنتر الخرطوم!.
وأيضا وجدنا نقاشا للمسألة من قبل الأستاذ يوسف فضل (لم يورد اسمه الثلاثي ولكننا ننوه حتى لا يحدث اللبس بينه وبين البروفسر يوسف فضل حسن عالم التاريخ الشهير). قام الكاتب في موقع (الركن الأخضر) على الإنترنت وتحت عنوان (سلام يا عوض دكام)، بتعريف القارئ غير السوداني بالأغنية قائلا: (هذه أغنية سواد نية شعبية مشهورة مثل أغنية " بابا فين" لكنها غير موثقة أي ليس لها شاعر أو فنان تنسب له. والقصيدة نوع من الإيقاعات السودانية ذات الطابع الدرامي المألوف. أول ما ظهرت هذه القصيدة كأغنية قبل عامين لكنها مشهورة حاليا في الحفلات السودانية داخل وخارج السودان ويترنم بها كثير من الشباب والأسر السودانية حتى الأطفال). وانطلق فضل من الدارج حول الأغنية أنها مبتذلة وأكد أن أسرة المرحوم دكام تقاضي المغني طه سليمان حولها، وبذلك فسر مقدمة الأغنية (سنتر الخرطوم- السهر بالكوم- اشتهينا النوم- حلوه دنيتنا وكل حاجه تمام) تفسيرات أن السنتر المقصود هو مركز تجمع الطلاب الجامعيين، والسهر بالكوم بالإشارة لطالب مشغول بالبنات بدلا عن الهموم الثقافية والعلمية والاجتماعية. وفي هذا إشارات رأيناها متناقضة مع ما تذهب له الأغنية- المقال- بحسب تعبير الحسن. وفي موقع الفضائية السودانية ينفي البعض أن أسرة المرحوم الدكتور عوض دكام ممتعضة من الأغنية أو رفعت قضية ضد مغنيها.
والحقيقة أن هذه المعلومات والآراء المتضاربة تقف أمام نص الأغنية وتحاوره بل وتحاورنا جميعا وتطرح أسئلة بلا إجابات قاطعة.
ما هي دلالة مخاطبة المرحوم الدكتور دكام؟ وهو شخصية محبوبة ومعروفة في مجتمع الخرطوم، وأكثر ما اشتهر به هو سخريته من المجتمع سخرية طالت معتقدات كثيرة ودكتها، وهو مثله مثل شخصيات شبه أسطورية كثيرة صار مضربا للأمثال أو مصدرا للفكاهة مثل موسى ود نفاش والفنان عبد العزيز داؤد وإن كانت سخرية د. دكام حادة ومرة أحيانا من قيم بالية وظالمة في المجتمع كان ينتقدها ساخرا بكلام في الصميم.. بل إن جملة (كلام يا عوض دكام) صارت مقولة شائعة تقال لكل من يقول كلاما مفحما. والأغنية كأنما بدأت بتلك المقدمة التي تصف دنيانا بأنها (حلوة وكل حاجة تمام) معلقة عليها بـ (كلام يا عوض دكام) ولكن كأنما تنفيها بنفس النفس بالجملة كلام في كلام يا عوض دكام : أي هذا مجرد كلام. ثم تعقب بالحديث عن تردي أدائنا في مختلف المجالات.
ولكن المقدمة نفسها جاءت بقيم أمكن للبعض تفسيرها بالمجون، وربما هذا هو مصدر النظر لها باعتبارها أغنية مبتذلة، ولكن لماذا إذن اختتمت الأغنية بانتقاد "البوبار" والفشخرة والأوهام و"الشمار"، وهذه في رأينا تأتي كمتلازمة مع الحياة المستهدفة في مطلع الأغنية!.
ولماذا يشاع أن هذه أغنية شبيهة بالأغنية حول الرجل المتزوج بينما الأخيرة تحتفي بظاهرة انتعشت مؤخرا بمحدودية الفرص أمام البنات إلا وسط الرجال المتزوجين، وأغنية السنتر تناقش قضايا تهم المجتمع وتؤرق أبناؤه، ولكنها تقف منتقدة للسائد من تصرفات ولا تبشر بها؟.
أهم من هذه الأسئلة لماذا شاعت هذه الأغنية بهذا الشكل الكبير وسط الشباب بل حتى الأطفال، وصارت تختتم غالبية الحفلات، ولماذا يصاحبها كل هذا الابتهاج والهجيج والرقص الشبيه بما يجري في نوبات الزار؟!. والحقيقة فإن عقدي الإنقاذ إلا قليلا حولت مناسبات الاحتفال إلى مناسبات للميوعة والودار الفني والذوقي والهستريا الجمعية.
صحيح أنه شاع في قبائل مختلفة في مجتمعنا السوداني مصاحبة الرقص والغناء لكل المناسبات المفرحة والمبكية.. ولكن لماذا يختار بعض السودانيين الآن أن يبعثوا أسباب آلامهم المحكية في أغنية سنتر الخرطوم في الأعراس ومناسبات البهجة ثم ينخرطوا في هذا الرقص المحموم؟!.
إن مقال: أغنية (سنتر الخرطوم) يرد على "فشخرة" وأوهام كثيرين ظنوا أنهم أتوا بالمشروع الحضاري فقال لهم في جملة: يا حليل الهوية!، وهو مقال مؤدى ليس فقط بالرقص يكرر في مناسبات عديدة ويؤكد أن برامج تلفزيونية مثل (في ساحات الفداء) في الماضي ومثل (نجمة إنجاز) في الحاضر، هي مجرد كلام في كلام من كلامات "الإنقاذ"! ويبقى السؤال معلقا: لماذا اختيرت هذه اللغة حمالة الأوجه للنقد، ولماذا الطرب والرقص على ذكر هذا الحال المتردي: هل هي هستريا الألم؟ أم هو تألم في الهرج؟!
|
Post: #67
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-25-2007, 11:29 AM
Parent: #66
| Quote: Quote: ده مش انا لكن يا الفاروق اخوى - انت والله ما معانا سارح وييييييييييييييين |
والله يا الطيب سارح مع أغنية بناتية
بتقول : حنّانة النسى أهله ما نسانا
أعاذك الله !!!!!!!!
|
Post: #68
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-25-2007, 11:39 AM
Parent: #67
Quote: والله يا الطيب سارح مع أغنية بناتية
بتقول : حنّانة النسى أهله ما نسانا
أعاذك الله !!!!!!!! |
الفاروق حجيت ولا ناوي تزور ام قلة ؟
|
Post: #69
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-25-2007, 06:16 PM
Parent: #68
Quote: الفاروق حجيت ولا ناوي تزور ام قلة ؟
|
ود شيقوق ...
الحمدلله حجيت ومدّنت واسمي الحاج فاروق ود حاج حامد !!
أم قلة دي مش الجنب أم تيبار الجنب ناس (.........) !!!
|
Post: #70
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-25-2007, 10:41 PM
Parent: #69
| Quote: أم قلة دي مش الجنب أم تيبار الجنب ناس (.........) !!! |
جنب ناس منو؟ حرااااااااااااااام عليك يا رااااااااااجل . كضبا كاضب
|
Post: #71
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-26-2007, 06:43 AM
Parent: #70
Quote: ليش ما تقل يا شادية اسمحى لى ان اخد من وقتك ليتسنى لك الاطلاع على هذا المقال الذى كتبته الاستاذة رباح الصادق عن الظواهر التي تفشت بسبب العنوسة المتزايدة . كتب رباح تقول :-
|
ممكن أعرف رباح كاتب ولا كاتبة ، راجل ولامرة ؟
مرة قلت كتبته .. وتانى قلت كتب رباح .
أكثر ما أعجبنى فى المقال أن سنتر الخرطوم
تمثل نصا راقصا .. لو كتبو غير كده كنت جضمتهم ليك
لأنو طه سليمان دا من جماعتنا ومابعرف الهابط ولا عندو هبوط
كلام ولا ما كلام ياعوض دكام ؟
سلم لى على أم أم عبدالله يطول عمرا .
|
Post: #72
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-26-2007, 07:03 AM
Parent: #71
| Quote: مرة قلت كتبته .. وتانى قلت كتب رباح . |
شكرا يا بت الصالحين على الملاحظة كانت بسبب خطأمطبعي المقصود كتبت وليس كتب .
اليوم ده كلو زعل انا خايف اموت عديييييييييل ؟؟؟؟؟؟؟؟؟
|
Post: #73
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-26-2007, 07:08 AM
Parent: #1
سمية انتي من وين ؟؟ اظننا اهل
|
Post: #74
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-27-2007, 06:28 PM
Parent: #73
| Quote: سمية انتي من وين ؟؟ اظننا اهل |
أها ياهندسة... إنتى كان يتعرفى الدوبيت يانا أهل ..
وإلا نشوف طريقة فرابة تانية..
أنا ياست البنات :
مـــننن قرية ودساقرتة شرق رفاعة لغاااااية أبودليق شرق النيل
البطاين والعساين والإيدين والودين والهويد سافل وصعيد ديل كلللهم أهلى
أها إنتى من وين يابت الأهل ؟؟؟
ومن علوان لى شايق
برمى خبيبو الفايق
الفى كجرو بوايق
ريدو بقالنا شقايق
وكل الود
|
Post: #75
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-27-2007, 11:48 PM
Parent: #74
الملكة سمية
تصدقي زماااااااااااااان أنا اشتغلت مدرس ,,,
مدرس ابتدائي لمدة تلاتة شهور قبل الثانوي في منطقتكم
دي ... أظن كان اسمها أم شانق ...
أتذكر مرة جاني ولد قال لي في تلميذ بسن في سكينه
عايز يضبح زميله ! ناديتهم الاتنين وسألت الولد صاحب
السكين : صحي عايز تضبحه ؟ قال لي آي !!
طيب ليه يا الحسن ..؟ قال لي عشان شتم ليّ ناقتي !!!!!
قضحكت وقلت ليه : طيب ما يشتمها !! هل ده سبب عشان تشاكله
خليك من تضبحه ... وطلبت السوط من مكتب الناظر أتذكر إنه كان من
منطقة كسلا إسمه الطيب فضل السيد عمل في منطقة البطانة طويلا
وهنا أسرع الناظر وأخذني بعيدا .. وقال ليّ الحمدلله اني حصلتك
قبل ما تشتم ليه انت ذاتك الناقة.... حرّم كان ضبحكم الاتنين .. وأوضح لي
إن الناقة هنا زي العرض واحد ... أسوأ شئ انه تشتم لواحد ناقته أو جمله
وأخذ يحنس في صاحب الناقة المشتومة ... ولم يقبل إلا بعد أن اعتذر الشاتم
اعتذارا يليق بمقام الناقة المشتومة !!!!!!!
وفي أول خميس هربت من البطانة كلها !!
ده شنو ياخي واحد يشتم ليه بعير يقوموا يضبحوه ... !!!
|
Post: #76
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-28-2007, 08:59 AM
Parent: #75
| Quote: أسوأ شئ انه تشتم لواحد ناقته أو جمله |
الله يمسخ يا الفاروق كتلتنا بالضحك
وانت كمان اكان راجل امشى قول ليهو نياقكم عددها كم عشان يحرق المدرسة كلها .
|
Post: #77
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: عواطف ادريس اسماعيل
Date: 04-28-2007, 10:14 AM
Parent: #76
ود شيقوق !!!
مودتي ,,,
ليك وحشة ,,,
لو عايز نسيبتك تاكل معاك أعزمها في بيرجركنج ولو عايزها تجيب اسمك غيرو لأحمد و لا محمد ولا مصطفى
أها رايك شنو في الحلول دي ؟؟ ربنا يسعدك ,,,
|
Post: #78
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-28-2007, 10:18 AM
Parent: #76
| Quote: ده شنو ياخي واحد يشتم ليه بعير يقوموا يضبحوه ... !!! |
فاروق النار
كيفنك
عليك الله أنت وصلت لى عند أم شانق ؟
( بتعرف بت قرض ؟ ) الله يرحمها
أم شانق السوق وأم شانق حاج أبراهيم ( ناس ود حسوب )
وود الفادنى والتمارى ومرزوق ( مسقط رأس الفنان الجابرى )
والحمدلاب الحلال ديل كلهن حوالينا.. وعندنا بلدات فى التمارى
بنجيهن الخريف للزراعة.. لوبتعرف ديل كلهن أكيد بتعرف حلتنا
ما جيتنا مالك زرت جدنا الشيخ عبد الباقى أبشام
سيد البنية ( القبة ) فى قريتنا ودساقرتة
بنية أبشام دى كان طلعت ليك فوق عالى
ساكت عن طرف البيوت كنت شفتها من أم شانق..
والله حجا حجا ( حفا حفا ) كنت شفت العجب العجاب
ناسنا ديل الضبح عندهم زى شراب الموية ساهل..
التلميذ دا زى عبد العزيز ولدى بقعد المدرسة وبقوما
لو غلطوا فى حقو ...
محبوب جدا ومهاب جدا
كان حاليتو زى السكر المدرون
وكان كازيتو بتعفرت بجنو جنون
لك معزتى .
|
Post: #79
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-28-2007, 10:32 AM
Parent: #78
بطلتك يا عواطف
كتر خيرك على المرور يبدو انك مشغولة مع بنات العشرين لحساب ناس الخمسين ومع الخرطوم سنتر كمان
انا نسيبتي احمد يا الله اكان ودوها للمحلات البتقوليها دى اكان تنفر زيادة . انا نسيبتي وقت حجت شالت معاها بصلها المقلي وكسرتها الناشفة وويكتها وقالت لى انا الاكل الافرنجي ده ما باكلو يا ابو عبد الله .
معزتي
|
Post: #80
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-29-2007, 11:20 AM
Parent: #79
فاروق النار
كيفنك
عليك الله أنت وصلت لى عند أم شانق ؟
( بتعرف بت قرض ؟ ) الله يرحمها
أم شانق السوق وأم شانق حاج أبراهيم ( ناس ود حسوب )
وود الفادنى والتمارى ومرزوق ( مسقط رأس الفنان الجابرى )
والحمدلاب الحلال ديل كلهن حوالينا.. وعندنا بلدات فى التمارى
بنجيهن الخريف للزراعة.. لوبتعرف ديل كلهن أكيد بتعرف حلتنا
ما جيتنا مالك زرت جدنا الشيخ عبد الباقى أبشام
سيد البنية ( القبة ) فى قريتنا ودساقرتة
بنية أبشام دى كان طلعت ليك فوق عالى
ساكت عن طرف البيوت كنت شفتها من أم شانق..
والله حجا حجا ( حفا حفا ) كنت شفت العجب العجاب
ناسنا ديل الضبح عندهم زى شراب الموية ساهل..
التلميذ دا زى عبد العزيز ولدى بقعد المدرسة وبقوما
لو غلطوا فى حقو ...
محبوب جدا ومهاب جدا
كان حاليتو زى السكر المدرون
وكان كازيتو بتعفرت بجنو جنون
الملكة سميية
تصدقي جدي ود مدني حلمني أزور جدكم أبشام وفعلا زرته
حرم كان ما زرته كان تلاقوني بطقع بالحجار لي هسع..
الزمن داك كان عمري 15 سنة وكنت مدرس .. تصوري طفل يكون
مدرس ,!!!!
لكن يا الملكة يتخيل لي اني شفتك الزمن داك وانت بتلعبي حجلة !!!!!!
|
Post: #81
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-29-2007, 11:36 AM
Parent: #80
| Quote: حرم كان ما زرته كان تلاقوني بطقع بالحجار لي هسع.. |
حالتك خليت تطقع الحجار يا الفاروووووووووووووق؟
|
Post: #82
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: Muna Khugali
Date: 04-29-2007, 11:46 AM
Parent: #81
| Quote: ما تستحي وريني انا بوريك كيف ام السمحة ما بتعاين لى حتى |
احتمال ضميرها مؤنبها..وخايفه يظهر في عيونها!
|
Post: #83
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-29-2007, 03:39 PM
Parent: #82
| Quote: احتمال ضميرها مؤنبها..وخايفه يظهر في عيونها! |
من شنو لكن يا منى
انت هسع مش بتعملي الاكل لآية وزوجها ؟ اها بتاكلي معاهم وبناديهو باسمه ولا بتقولى ليهو Hi execuse me?
|
Post: #84
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: فاروق حامد محمد
Date: 04-29-2007, 07:21 PM
Parent: #83
حلوة
|
Post: #85
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-29-2007, 07:42 PM
Parent: #84
هيييييييييييييييييع كسار قلم مكميك - هلا هلا بقيت تشاور ام ناصر عشان تكتب - ويبدو بقيت ما بتنزل المادة لو ما راجعتها وقالت ليك carry on ya abu Nasir
الفاروق شوف لى واحدة زى ام ناصر خليها ............ اهلي كلهم
|
Post: #86
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: شادية الطيب
Date: 04-30-2007, 09:49 AM
Parent: #1
العزيزة سمية
عندي أهل في منطقة شرق النيل - ابوقرون ومنطقة ود اب صالح -
|
Post: #87
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-30-2007, 10:22 AM
Parent: #86
Quote: الملكة سميية
تصدقي جدي ود مدني حلمني أزور جدكم أبشام وفعلا زرته
حرم كان ما زرته كان تلاقوني بطقع بالحجار لي هسع..
الزمن داك كان عمري 15 سنة وكنت مدرس .. تصوري طفل يكون
مدرس ,!!!!
لكن يا الملكة يتخيل لي اني شفتك الزمن داك وانت بتلعبي حجلة !!!!!! |
فاروق عليك النبى فى ذمتك بالصح ؟؟؟
طيب ما أديتنى زيارة جدى مالك ؟
|
Post: #88
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: الطيب شيقوق
Date: 04-30-2007, 10:30 AM
Parent: #87
| Quote: طيب ما أديتنى زيارة جدى مالك ؟ |
وكمان شال ليهو نور من قبر جدك ربطو في صرة واتكامل بيهو ميز المدرسين وقسموا ليهم بالمعلقة .
|
Post: #89
Title: Re: يا الفاروق ود حامد / انت محظوظ نسيبتك بتاكل معاك وبتجيب اسمك / انا الشقي لا هذا ولا ذاك
Author: سمية الحسن طلحة
Date: 04-30-2007, 11:06 AM
Parent: #88
شدوية أكيد بتعرفى صلاح بن البادية وبالتالى محمد صديق طلحة
وحكوا ليك عن الإنتخابات ... النزلوا فيها ضد بعض ثم أصبحت
صداقة إلى الآن مع العائلة ...
لوعرفتى دى وصلتى خلااااس إتى بتنا تب .
|
|
|