Post: #1
Title: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 01:30 PM
Parent: #0
في محادثة تلفونية قبل دقائق أقسم البطل الجسور
والغضنفر الهصور أبو عبدالله الطيب بن شيقوق القاسمي الرفاعي
على الخروج لتفقد رعيته من بورداب مسقط !!! رغم الأمطاروالإعصار
الذي تبلغ سرعته مايزيد عن 180 كيلومترا !! .. ورغم إلحاحي
عليه بأن لا يلزم مسكنه إلا إن الفارس المأمون على بنوت فريقه
أقسم بالحرام على تفقد رعيته .. وهو الآن يتجول في شوارع مسقط
متفقدا كل البورداب والأهل والأصدقاء ... أرجوكم الدعاء له بالسلامة
|
Post: #2
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 02:01 PM
Parent: #1
وفي رسالة sms قال إن الكهرباء مقطوعة
وبالتالي ليس هناك تلفزيون ولا نت والظلام
يعم كل الأمكنة .. وهو يكتب الآن على ضوء
بطارية صغيرة ....
|
Post: #3
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: محمد عمر الفكي
Date: 06-06-2007, 02:21 PM
Parent: #2
يا عم فاروق
فراشكم وين؟
|
Post: #4
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 03:02 PM
Parent: #2
وفي رسالة أخرى قال بن شيقوق :
ROP "شرطة عمان السلطانية" is urging all who are staying
and live in the coastal areas ,lower levels and close to
.wadis" to immediately move to safer places "
يا حليلك يا ود شيقوق !!!!!
يا ترى حنشوفك تاني في مسقط ولا السيل حيجيبك لأبي بكر
في دبي !!! ...
|
Post: #5
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: Elmosley
Date: 06-06-2007, 03:07 PM
Parent: #1
جدع ود جدعان وعافين منو لله والرسول
|
Post: #6
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 03:28 PM
Parent: #5
| Quote: جدع ود جدعان وعافين منو لله والرسول |
والله يا يوسف أخوي الطيب ده جدع جنس جدعنة !!!
بس الباشمهندس أبوبكر ما فاهم الحتة دي !!!
والناس برضه ما فاهمين .. قايلنو ود بندر ساااااي !!!!
يا حليلك يا الطيب !!!!!!!
تاني البونسنا منو ؟؟؟؟؟؟؟؟؟
|
Post: #7
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: ولياب
Date: 06-06-2007, 03:33 PM
Parent: #6
الطيب قدها وبيعملها
وخوفي أن يركب رأسو ويمتطي صهوة جواده وينطلق نحو دبي ليتفقد قريبي (الباشمهندس)
|
Post: #8
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 03:39 PM
Parent: #7
Quote:
يا عم فاروق
فراشكم وين؟ |
مافي فراش يا محمد عمر ...
الشهداء ما بفرشوا عليهم .....
|
Post: #10
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: خالد علي محجوب المنسي
Date: 06-06-2007, 03:43 PM
Parent: #7
أجداده كانوا يدخلّو الجلة ام باروداً
عفارم علي ودالشقوق وهو يتفقد أخوانه وإخياته من بورداب سلطنة عُمان
ولك التحية والشكر الأخ فاروق
خالد
|
Post: #13
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 04:14 PM
Parent: #10
Quote: أجداده كانوا يدخلّو الجلة ام باروداً
عفارم علي ودالشقوق وهو يتفقد أخوانه وإخياته من بورداب سلطنة عُمان
ولك التحية والشكر الأخ فاروق
خالد |
حرم يا ود المنسي الطيب فارسا فات جدوده هناااااااااك
أنا في رأيي إنه لا يقل فراسة عن عنترة !!!!
|
Post: #9
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: Elmosley
Date: 06-06-2007, 03:42 PM
Parent: #6
هسع السلطان برجع الكهرباء
ويرجع كل شيئ ياخي عمان دي
السودانيين الفيها مفخره لينا والله
ويجينا شيخ الطيب ونستمتع بي شغبو اللذيذ
|
Post: #11
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 03:58 PM
Parent: #9
Quote: الطيب قدها وبيعملها
وخوفي أن يركب رأسو ويمتطي صهوة جواده وينطلق نحو دبي ليتفقد قريبي (الباشمهندس) |
لا ولياب الطيب ده فارس وود قبايل ما بعملها ...
وزول كلمته واحدة .. لو قال لواحدة حأعرسك
بعرسها بجد .. مابتلفت !!! علا بدسها من أم عبدالله !!
ـــــــــــــــــــــــــــــــــــــــــــــــــ
"خارج النص" :
ياخي أنا ما عارف بحب النوبيين ليه ديل ليه ؟؟؟
|
Post: #16
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 04:40 PM
Parent: #9
Quote: هسع السلطان برجع الكهرباء
ويرجع كل شيئ ياخي عمان دي
السودانيين الفيها مفخره لينا والله
ويجينا شيخ الطيب ونستمتع بي شغبو اللذيذ |
تعرف يا شيخ يوسف الجميل الخلقة والأخلاق
شعب عمان ده شعب مهذب بشكل .. ناس جميلين
حد الجمال .. وطيبين وكريمين وأوفياء وحلوين
لدرجة لم أرها في كل الدنيا ... إلا في السودان
زمااااااااان ..
أنا لفيت معظم عمان قبل سنتين مع صديقي الجميل
حاضر المهيري حين كان مديرا لجوازات الامارات...
بلد جميلة الى درجة إنه العرب لو عرفوها ما حيصيّفوا
في أي حتة غيرها ...
أما السلطان فربنا يديه الصحة ويطوّل عمره .. مهتم بتنمية
بلده اهتمام غير عادي ...
|
Post: #24
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: Elmosley
Date: 06-06-2007, 05:47 PM
Parent: #16
الله يجيب لينا سلطان
يكرم الموسيقى زي ماعمل السلطان وأسس في السلطنة واحدة من أكبر الاوركسترات السيمفونية
وفعلا شعب في غاية التهذيب وهاك الحكاية
السيد مدير الاذاعة والتلفزيون هناك كنت على موعد معه
وأخوك منضبط ماشاء الله زي الساعه (أمسك الخشب)
وصلت المكتب قبل الموعد بخمسة دقائق
كان هو في مكتبه
تأخر في خروجه خمس دقائق لان أنباء هامة وصلته وكان لابد من أن ينظر اليها قبل اذاعتها
ثم خرج اليّ ليعتذر
لمدة خمس دقائق حتى اعتراني الخجل
يالهم من بشر مختلف
|
Post: #12
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: Alshafea Ibrahim
Date: 06-06-2007, 04:02 PM
Parent: #1
ودشيقوق
اسم وعلم وخلق ومرءوة - نسب وقبيلة
فيهو محرية ود الشيوخ
الله يحفظكم ويحفظ عموم أهل السلطنة العمانية
الشفيع
|
Post: #15
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: Hussein Mallasi
Date: 06-06-2007, 04:29 PM
Parent: #12
يروى عن الشيخ الطيب السراج انه كان ينتظر تحرك المعدية ثم يقفز
عليها بحصانه؛ و عندما سئل عن لماذا لا يقفز و المعدية راسية أجاب:
- حتى اعلمه القفز على الأساطيل!
|
Post: #20
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 05:37 PM
Parent: #15
يروى عن الشيخ الطيب السراج انه كان ينتظر تحرك المعدية ثم يقفز
عليها بحصانه؛ و عندما سئل عن لماذا لا يقفز و المعدية راسية أجاب:
- حتى اعلمه القفز على الأساطيل!
ـــــــــــــــــــــــــــــــــــــــــــــــ
تصدق يا ملس إنه الطيب ده لا يقل فروسية عن أبي الطيب السراج
و(أحسب) إنه "أفرس" من عنترة ذاته وأكرم من حاتم طي وأبلغ من
قس بن ساعدة ... , و(أحسب) أيضا انه جمع من الفضائل ما لم يؤت
إلا لخاصة خلق الله , وهو كما قال ابن الرومي :
هيهات لا يأتي الزمان بمثله ..........
ــــــــــــــــــــــــــ إن الزمان بمثله لبخيل
و هو أيضا مثل ما قال الطائي :
لولا عجائب صنع الله ما نبتت ...
ــــــــــــــــــ تلك الفضائل في لحم ولا عصب
أها قصرت معاك يا صديقي ابن الأكارم الطيب بن شيقوق (العبسي)
|
Post: #18
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 04:55 PM
Parent: #12
ودشيقوق
اسم وعلم وخلق ومرءوة - نسب وقبيلة
فيهو محرية ود الشيوخ
الله يحفظكم ويحفظ عموم أهل السلطنة العمانية
الشفيع
ـــــــــــــــــــــــــــــــــــــــــــــ
تعرف ياالشفيع أخوي الطيب ده كان حضر المتنبي
كان عمل فيه شعر أجمل من العملو لأبي فراس الحمداني
وأجمل من القصائد التي مدح بها كافور الإخشيدي
بس الناس ما بتذكر قصائد مدحه لكافور .. بيذكروا بس
قصائد هجائه !!!!!!!
|
Post: #14
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: abubakr
Date: 06-06-2007, 04:25 PM
Parent: #1
عجيبة العجايب
فارس مغوار وهو من تحت البطانية رد علي تلفوني
والمكالمة كانت بعد مكالمة فارووق زي ما قال
بورداب شنو اليتفقدم من تحت البطانية
ياخي اعصار جوني دة بيجنن
جنس هطربة
|
Post: #19
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 05:14 PM
Parent: #14
عجيبة العجايب
فارس مغوار وهو من تحت البطانية رد علي تلفوني
والمكالمة كانت بعد مكالمة فارووق زي ما قال
بورداب شنو اليتفقدم من تحت البطانية
ياخي اعصار جوني دة بيجنن
جنس هطربة
ــــــــــــــــــــــــــــــــــــــ
يا باشمهندس الزول كلمني من عربيته الكورولا
وسامع أصوات العربات والبوري .. يعني يكون بقى مخرج
ومسجل أصوات العربات وعاملها خلفية BACKGROUND
للمحادثة !!!!!!!!
ياباشمهندس حسن الظن في الطيب ده أنا شايف إنك
ظالمه شديد .. الزول ده فارس بقود تسعين!!! ( بس تسعين شنو ماعارف)
|
Post: #17
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: abubakr
Date: 06-06-2007, 04:44 PM
Parent: #1
| Quote: - حتى اعلمه القفز على الأساطيل! |
خايف العرريب في هطربتو يقوم قافز من البكونة يكسر رقبتو
|
Post: #21
Title: Re: الفارس الجسور يتحدى إعصارجوني لتفقد بورداب مسقط على منتماهم !!
Author: عبد المنعم ابراهيم الحاج
Date: 06-06-2007, 05:40 PM
Parent: #17
يامحمد المرتضي و الطيب شيقوق
ده وضع خطير وين التحوطات التي قالت عليها..السلطنة
ربنا يستر عليكم..ويحفظكم
|
Post: #35
Title: Re: الفارس الجسور يتحدى إعصارجوني لتفقد بورداب مسقط على منتماهم !!
Author: فاروق حامد محمد
Date: 06-06-2007, 07:40 PM
Parent: #21
Quote: يامحمد المرتضي و الطيب شيقوق
ده وضع خطير وين التحوطات التي قالت عليها..السلطنة
ربنا يستر عليكم..ويحفظكم |
ياشيخ عبدالمنعم .....
سلاما يغشاك ويتعداك لكل من تحبهم ...
مما يبدو إن السلطنة اتخذت تحوطات غاية في الصرامة
والدقة والنظام ... والدليل إنه ليس هناك أية ضحايا,,
إن شاء الله تسلم السلطنة وأهل السلطنة جميعا... يارب ,,
|
Post: #22
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: ismeil abbas
Date: 06-06-2007, 05:40 PM
Parent: #1
ألأخ/فاروق حامد
لك منى التحية ولى ود شيقوق تفقد الرعية
بوستك خفيف الظل وجميل/////وحلوبعد العشاء
عجبنى ردك لى ود عمر الشهيد ما بفرشو عليه .....
ويسلم الفارس الجسور الطيب شيقوق ويسلم جميع بورداب مسقط وما حولها
إسماعيل محمد أحمد عباس..................
|
Post: #23
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عبد المنعم ابراهيم الحاج
Date: 06-06-2007, 05:44 PM
Parent: #22
يا خوانا انتو بي جدكم ..محكد المرتضي الوضع خطير في منزله
الموية مستفة الطابق الأول..
الطف يارب
|
Post: #25
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 06:02 PM
Parent: #23
يا خوانا انتو بي جدكم ..محكد المرتضي الوضع خطير في منزله
الموية مستفة الطابق الأول..
الطف يارب
ـــــــــــــــــــــــــــــــــ
أها يا عبدالمنعم أقول ليك كلام : شفت ود المرتضى ده
كمان فارس أشد من عمرو بن معدي كرب وأشد من شيقوق
وشيبوب ذاته ...
سلام ود حامد المرتضى سلاما يصل اللحم والعصب والعظم
ونسأل الله أن يسلمك إنت وأولادك وأهلك على منتماهم .......
لك المحبة وخالص الود
|
Post: #28
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 07:01 PM
Parent: #22
Quote: ألأخ/فاروق حامد
لك منى التحية ولى ود شيقوق تفقد الرعية
بوستك خفيف الظل وجميل/////وحلوبعد العشاء
عجبنى ردك لى ود عمر الشهيد ما بفرشو عليه .....
ويسلم الفارس الجسور الطيب شيقوق ويسلم جميع بورداب مسقط وما حولها
إسماعيل محمد أحمد عباس.................. |
تسلم يا شيخ اسماعيل وشكرا على التقريظ
ربنا يجمل أيامك ويحليها لمن تنقط سكر ........
|
Post: #26
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: abubakr
Date: 06-06-2007, 06:17 PM
Parent: #1
مناسيب المياه عالية ولكنها لم تصل الي الطوابق الاولي من المباني كما اكدت شرطة عمان السلطانية ...الامطار تقل شرقا(القرم) والاعصار يتحه شمالا غرب الي الباطنة والبريمي..تصريف المياه مشكلة لان البحر كذلك يلفظ مياها الي البر ... اكدت الشرطة تعاملها مع كل البلاغات عن ارتفاع مناسيب المياه في البيوت وتاكد لها انه لا خوف من ارتفاع المناسيب الي الطوابق العليا .. اسوء ثلاث ساعات قد مرت ..
|
Post: #27
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-06-2007, 06:49 PM
Parent: #26
هييييييييييييييييييييع
ها ناس
كتر خيركم كلكم بالحيل ودى المحرية فيكم - اعفوا لى تاخرت لزوم اعمل الاتي :
اتصلوا فيني ناس بقرهم متوحل في الميعة مشيت لحقتهم نشلناهو بالسلب
اتصلوا فيني ناس عندهم واحدة حامل اتوجعت ومشيت اتلافيتها . رجعت البيت اتصلوا فيني ناس قالوا محاصرين بالموية مشيت لقيت طابقهم الارضى متمسح طاااااااااب وطالعين في الطابق التاني ما لقيت طريقة اخارجهم بلغت نا س الدفاع المدنى جوهم لقطوهم واحد واحد . اتصل فيني واحد عندو سكري قال ما عندو انسولين احتياطي دورت اتناولت ليهو الانسولين .
هنالك انباء عن محاصرة الامطار لمنازل مجموعة من السودانيين فيهم قضاة ومحامون . حاولنا الاتصال بهم ولكن تعذر الاتصال بكل منطقة اقامتهم .
ربنا يستر
الفاروق اول مرة اشوف ليك حسين ملاسي معانا بهنا هيييييييييييييييييييع نضبح العشار ليك يا ملس زناوى .
جاييكم واحد واحد خلونى انجم شوية
السمحة ام ولدى عاملة غرفة عمليات للمتابعة
ابو بكر جونو ماشى عليكم الله يكضب الشينة
|
Post: #29
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عبد المنعم ابراهيم الحاج
Date: 06-06-2007, 07:07 PM
Parent: #27
العزيز ود شيقوق لك التحية وربنا يستر
بي عاوزين نعرف شغلك البتسوي فيهو ده بي مركب ولا عوم ساكت??
والبقر اللات ناس ام بقر الله ساكت.?
سلامنا لكل الناس
|
Post: #30
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-06-2007, 07:18 PM
Parent: #29
الاخ عبد المنعكم ابراهيم الحاج
| Quote: بي عاوزين نعرف شغلك البتسوي فيهو ده بي مركب ولا عوم ساكت?? |
ات ما قريت لصديقنا ولم وهانس بهولندا ولا انتم جيل الانقاذ؟
|
Post: #31
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عبد المنعم ابراهيم الحاج
Date: 06-06-2007, 07:25 PM
Parent: #30
العزيز فاروق لك التحية
باقيلك زول في عز المعمعة ويدافر
عشان يلحق ناس ابو مروة..
وراسي أكتر مننا نحنا البعاد
ديل تاني فيهو كلام?
التحية لود المرتضى باقي الوضع عندهم
اصعب.
|
Post: #33
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عبد المنعم ابراهيم الحاج
Date: 06-06-2007, 07:32 PM
Parent: #31
غايتو يا شيقوق التاني ما بعرفو
لكن الانقاذ دي جات لقت شلوخنا قايمات
|
Post: #34
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-06-2007, 07:35 PM
Parent: #31
Quote: التحية لود المرتضى باقي الوضع عندهم
اصعب. |
عبد المنعم يا اخوى المرتضى ده في مسقط كلام تاني بالجد والله هو سفارة السودان في الخليج كله
هو بتم اى ناقصة بجيبو وانا بتم الناقصة مقالعة ساااااااااااااااى يا الحبيب
ات عبد المنعم ابراهيم الحاج من تريرة ريفي السوكي ولا اسم على اسم ؟
|
Post: #32
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: abubakr
Date: 06-06-2007, 07:29 PM
Parent: #1
| Quote: ابو بكر جونو ماشى عليكم الله يكضب الشينة |
مرحب بيهو ...النشوف ..نحن ناس بندر وعندنا استعدادات وتكنلوجيا وبيوتنا عالية فوق السحاب ...
|
Post: #36
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عبد المنعم ابراهيم الحاج
Date: 06-06-2007, 07:50 PM
Parent: #32
ات عبد المنعم ابراهيم الحاج من تريرة ريفي السوكي ولا اسم على اسم ؟
--------------------------------------------
والله مابعيد من "السوكي" بس لخبط الحروف بعد ما تسحب الواو والياء
ولو قدرت تعرف انا من وين حرم اعرف جونو ده مر من فوقكم
زي مطرة في البطانه ولا هماكم.
ولا اقولك بعد ماتسحب الحرفين جيب مراية واقرأ الباقي بواسطتها.
|
Post: #37
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-06-2007, 07:58 PM
Parent: #36
| Quote: الفاروق اول مرة اشوف ليك حسين ملاسي معانا بهنا هيييييييييييييييييييع نضبح العشار ليك يا ملس زناوى . |
والله فعلا أول مرة ملاسي يجينا بهنا وزي
ما قلت فعلا ملاسي بستاهل الضبح آالطيب
|
Post: #38
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-06-2007, 08:11 PM
Parent: #32
| Quote: مرحب بيهو ...النشوف ..نحن ناس بندر وعندنا استعدادات وتكنلوجيا وبيوتنا عالية فوق السحاب ... |
ما اصلك مرحبيهو انت طالع ليهو بره لكن ؟ حرم ياني الشايفك مع ام رشا جوة تاكلو في الشعيرية والمكرونة .
عندك ليهو المضبب البقلعوا بيهو الانسولين رجاله ساى يا با عندك ليهو السروال الطويل للتشمرة يا با عندك ليهو السلب البطلعوا بيهو البقر من الوحل يا با .
اكيد جونو عندك مرحب بيهو وانت جوووووة في بيتك مع ام رشا
|
Post: #39
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-06-2007, 08:11 PM
Parent: #32
| Quote: مرحب بيهو ...النشوف ..نحن ناس بندر وعندنا استعدادات وتكنلوجيا وبيوتنا عالية فوق السحاب ... |
ما اصلك مرحبيهو انت طالع ليهو بره لكن ؟ حرم ياني الشايفك مع ام رشا جوة تاكلو في الشعيرية والمكرونة .
عندك ليهو المضبب البقلعوا بيهو الانسولين رجاله ساى يا با عندك ليهو السروال الطويل للتشمرة يا با عندك ليهو السلب البطلعوا بيهو البقر من الوحل يا با .
اكيد جونو عندك مرحب بيهو وانت جوووووة في بيتك مع ام رشا
|
Post: #40
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: Moneim Elhoweris
Date: 06-06-2007, 10:53 PM
Parent: #39
والله دى المحريه فى ود أهلى "أبو النعمان",
لو ما ود شيقوق منو البفقد الناس ويشوف حالهم يا "أبو ناصر"؟؟؟
الطيب ياخوى انشاء الله الآيام الصعبة دى ما تعود تانى عليكم وعلى أهل السلطنة الطيبين.
التحيات لكل الناس المعاكم, شدة وتزول.
|
Post: #41
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-07-2007, 05:26 AM
Parent: #40
الفاروق
الثقافة المعاصرة للاعلام ان تروج لنفسك اذا ما قصر الاعلام في الترويج اليك كما قال احد علماء المنبر العام.
برجع ليكم كلكم بس فازع وجاى
|
Post: #42
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عواطف ادريس اسماعيل
Date: 06-07-2007, 05:41 AM
Parent: #41
ود شيقوق !!!
إنشاء الله طيبين وما عندكم عوجة ؟ ماتشوفو شر ,,
|
Post: #43
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-07-2007, 05:43 AM
Parent: #41
الطيب أخوي
العالم الحقيقي هو من تتحدث عنه أعماله
تماما كالشمس ترسل وهجها ونورها في غير
تكلف ... وكالزهرة المعطار ترسل أريجها
وعبقها دون تصنع أو تعمد !!!
المفلسون وموهومو المعرفة هم من يحتاجون
لترويج !!!!
|
Post: #44
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الفاتح ميرغني
Date: 06-07-2007, 06:32 AM
Parent: #43
Quote: الطيب ده لا يقل فروسية عن أبي الطيب السراج
و(أحسب) إنه "أفرس" من عنترة ذاته وأكرم من حاتم طي وأبلغ من
قس بن ساعدة ... , و(أحسب) أيضا انه جمع من الفضائل ما لم يؤت
إلا لخاصة خلق الله , وهو كما قال ابن الرومي :
هيهات لا يأتي الزمان بمثله ..........
ــــــــــــــــــــــــــ إن الزمان بمثله لبخيل
و هو أيضا مثل ما قال الطائي :
لولا عجائب صنع الله ما نبتت ...
ــــــــــــــــــ تلك الفضائل في لحم ولا عصب
أها قصرت معاك يا صديقي ابن الأكارم الطيب بن شيقوق (العبسي) |
والله ما قصرت تب وده بالفعل الطيب شيقوق البنعرفوا ولو كره ابوبكر الذي يسعى للنيل من فروسية الطيب.
|
Post: #45
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-07-2007, 07:08 AM
Parent: #44
Quote:
يا خوانا انتو بي جدكم ..محمد المرتضي الوضع خطير في منزله
الموية مستفة الطابق الأول..
الطف يارب |
أها يا عبدالمنعم أقول ليك كلام : شفت ود المرتضى ده
كمان فارس أشد من عمرو بن معدي كرب وأشد من شيقوق
وشيبوب ذاته ...
سلام ود حامد المرتضى سلاما يصل اللحم والعصب والعظم
ونسأل الله أن يسلمك إنت وأولادك وأهلك على منتماهم .......
لك المحبة وخالص الود
|
Post: #46
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-08-2007, 12:48 PM
Parent: #45
يا جماعة ود شيقوق خرج في نفرة للبحث
عن مفقودين في الأودية ولم يعد حتى اللحظة
نسأل الله أن يعودوا ومعهم المقودين أحياء
سالمين .
|
Post: #47
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: abubakr
Date: 06-08-2007, 01:02 PM
Parent: #1
ياجماعة العرريب شغل بالي
يوم ما الاعصار قاطع كل التلفونات تلفونو شغال
يوم ما التلفونات اشتغلت اهو من امس الصباح يالجرس يضرب وما يرد يا يجي واحد يقولا "لايمكن الوصول اليه " هو مشي وين ؟؟
اما المرتضي فاسمع صوتو في اللفون "الو" وبس ينقطع ؟
ياعم فالروق انت بيتكم فريب من اتصالات واللا شنو ؟؟
اها بالنيابة عن العرريب وكل الاحباء هناك:
في محنتها التحية لسلطنة عمان والقائميين عليها
|
Post: #48
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: سمية الحسن طلحة
Date: 06-08-2007, 10:29 PM
Parent: #47
الأخ فاروق لك التحية كل ماقلته فى صديقك حق وكمان فى حاجات هى عين الحق .
وإليكم النذر اليسير من همته :
سيتوجه وفد يضم من ضمن أفراده الفارس الهمام الطيب بن شيقوق للإذاعة والتلفزيون العماني
لتقديم العزاء والمواساة للشعب العمانى الشقيق بإسم نادى الجاليةالسودانية بمسقط .
|
Post: #49
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: خالد المحرب
Date: 06-09-2007, 01:10 AM
Parent: #48
اتصلوا فيني ناس بقرهم متوحل في الميعة مشيت لحقتهم نشلناهو بالسلب
اتصلوا فيني ]
ده اليوم البنعرف فيه الرجال والله الطيب اهل لذلك مافى شك تب
واتمنى من اخوى الطيب ان يغير كلمة فينى من يوم الليله لانهامابتشبهو
بى اتصلوا على ونحن عندنا راى فى كلمة فينى
طبعا يالفاروق انا حظى كعب انو الطيب ما اتلحس فى اعصار
جونو ده . ده اليوم البنعرفو فيه الرجال واكيد الطيب منهم.
|
Post: #50
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: أحمد الشايقي
Date: 06-09-2007, 01:14 AM
Parent: #1
عزيزنا فاروق
شيخ العرب ود شيقوق دا زول شعفوفـة وزيفـة من زمنا قديـم
بس والله بندور عافيتهـم هو وناس السلطنة جميـع,
ابقو عافية يا اخوانا
أحمـد الشايقي
|
Post: #51
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: سمية الحسن طلحة
Date: 06-10-2007, 09:54 AM
Parent: #50
الأخ الفاروق
قطعت الكهرباء عن منطقة صاحبك الغضنفر الغيدوق
الطيب بن شيقوق وربما يكون موبايله مغلوق ..
( طبعا بمشي المكتب ليس حبا فى العمل بل لشحن بطاريةالموبايل )
|
Post: #52
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-10-2007, 11:26 AM
Parent: #51
احمد الشايقي
ها زول كيفنك حرم ده غضب الله عدييييييييييل والله ما زالنا نفتقد زميلا عزيزا علينا وما زال بحثنا جار عليه يا احمد اخوى .
الاخت بت طلحة
امبارح انا مساهر مع عمال الكهرباء لحدى الرابعة ص صارن علينا اثنان ( الفاروق كرهنا اللغة العربية ما بخلينا نسهكها ساااااى ) انعدام موية وكهرباء .
ود المحرب ود المحرب ود المحرب
Quote: اتصلوا فيني ناس بقرهم متوحل في الميعة مشيت لحقتهم نشلناهو بالسلب
اتصلوا فيني ]
ده اليوم البنعرف فيه الرجال والله الطيب اهل لذلك مافى شك تب
واتمنى من اخوى الطيب ان يغير كلمة فينى من يوم الليله لانهامابتشبهو
بى اتصلوا على ونحن عندنا راى فى كلمة فينى
طبعا يالفاروق انا حظى كعب انو الطيب ما اتلحس فى اعصار
جونو ده . ده اليوم البنعرفو فيه الرجال واكيد الطيب منهم. |
حرم دى ما الحاريها فيك لكن اصبر لي بجيهك طااااااااااااب
ات عارف يا خالد (فيني) دى انا اصلا ما بعرفها لكن قلت اكسّر الحروف واحكحك اطراف الكليمات واطلع بالحروف وانزل بيها زى المركب البتترنح في الموج لكن الشئ مو خايل فيني ساى .
هييييييييييع ود المحرب - ياها ده البتعجبك مش؟؟؟؟؟؟؟؟
|
Post: #53
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: سمية الحسن طلحة
Date: 06-11-2007, 05:49 AM
Parent: #52
Quote: والله ما زالنا نفتقد زميلا عزيزا علينا وما زال بحثنا جار عليه يا احمد اخوى .
|
ياجامع يارقيب ياجامع الناس ليوم لاريب فبه أجمع بالأخ نابت .. آمين ..
|
Post: #54
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-11-2007, 06:28 AM
Parent: #53
| Quote: ( طبعا بمشي المكتب ليس حبا فى العمل بل لشحن بطاريةالموبايل ) |
بت طلحة عايزها تبقى ميتة وخراب ديار ؟
|
Post: #55
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: سمية الحسن طلحة
Date: 06-11-2007, 07:05 AM
Parent: #54
Quote: بت طلحة عايزها تبقى ميتة وخراب ديار ؟
|
لا .. بس أنا مستغربة فى القوائم العملتها دى :
قائمة الذين أتصلوا فورا
الذين تأخروا قليلا
المحرية فيهم أن يتصلوا
والذين لم يتصلوا ..!؟
غايتو أنا مابقدر أعمل قوائم لأنهم لاحصر لهم ولاعد ومن كل أنحاء العالم
نسأل الله أن يحفظ الجميع ونردها لهم فى الأفراح .
|
Post: #56
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-11-2007, 07:12 AM
Parent: #55
Quote: غايتو أنا مابقدر أعمل قوائم لأنهم لاحصر لهم ولاعد ومن كل أنحاء العالم
نسأل الله أن يحفظ الجميع ونردها لهم فى الأفراح . |
انا فائق يا اختى والله الجاء تاوق ساى مسجلو عندى عشان اى حد ما جاملنا في الشينة دى اوريهو شارع القلابات ضحى !!!!!!!!!!
|
Post: #57
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-11-2007, 07:23 AM
Parent: #56
الاخ ود الفكي
تحياتي
اليكم لقطات من الكارثة
عمان0000 ملحمة الاعصار وصمود الرجال
|
Post: #58
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: حليمة محمد عبد الرحمن
Date: 06-11-2007, 07:33 AM
Parent: #57
ود شيقوق ياها المحرية فيهو..
كان عمل خلاف ذلك يكون ما ود شيقوق
البنعرفه..
| Quote: ارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !! |
التحية لود شيقوق اينما كان..
ونسأل الله اللطف في اقداره..
والحمد لله على سلامة جميع بورداب مسقط..
وشكرا لك يا ابو ناصر على هذه اللفتات
الكريمة..
حليمة
|
Post: #59
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-11-2007, 07:48 AM
Parent: #58
حليمة اختى
Quote: ود شيقوق ياها المحرية فيهو..
كان عمل خلاف ذلك يكون ما ود شيقوق
البنعرفه.. |
كتر خيرك الله يديك العافية يا بت القبائل
والله اروع مافي المنبر ده ابتسامتك البريئة التي تبعث السعادة فى نفوس كل الاخوة الاعضاء
انتى يا حليمة اختى البينك وبين اسرة ود المحرب دى شنو البيت كلو من عفاف ابي حريرة وخالد والاولاد كلما يتصلوا فيني الا يجيبوا سيرتك بالخير بالذات الاخت عفاف .
لك معزتى
|
Post: #60
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: حليمة محمد عبد الرحمن
Date: 06-11-2007, 08:35 AM
Parent: #59
انتى يا حليمة اختى البينك وبين اسرة ود المحرب دى شنو البيت كلو من عفاف ابي حريرة وخالد والاولاد كلما يتصلوا فيني الا يجيبوا سيرتك بالخير بالذات الاخت عفاف .
"الريد قسم يا عينيا"
|
Post: #61
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: شهاب الفاتح عثمان
Date: 06-11-2007, 08:40 AM
Parent: #56
كفاره يا ال السلطنه وعافي منو اب شقوق الكلس عشا البايتات ..
|
Post: #62
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-11-2007, 09:46 AM
Parent: #61
اختى حليمة
| Quote: "الريد قسم يا عينيا" |
صح كلامك
الاخ شهاب
مرحب بيك يا مقنع الكاشفات
|
Post: #63
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: عبدالله
Date: 06-11-2007, 10:01 AM
Parent: #62
؟؟؟؟؟؟؟؟؟
|
Post: #64
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-11-2007, 10:10 AM
Parent: #63
اخى العبد الله
كتيرة منو الجود بالموجود
|
Post: #65
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-14-2007, 01:29 AM
Parent: #64
والله يا الطيب جيت في زمان غير الزمان ...
لو كنت جيت زمان .. والله لضربت اليك آباط
الابل للتبرك في فروسيتك دي سااااااااااااااااي !!!!
|
Post: #66
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: abubakr
Date: 06-14-2007, 03:50 AM
Parent: #1
ياصحبي والعرريب
اهلي تحصد ارواحهم رصاصات الغد ر الانقاذية في شمالنا الذي لا يعرفه كثير من اهل السودان .. هل نستلف جونو حتي ترفعو اكفكم بالدعاء الم تدينو الفاعل
|
Post: #67
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-14-2007, 05:51 AM
Parent: #66
Quote: ياصحبي والعرريب
اهلي تحصد ارواحهم رصاصات الغد ر الانقاذية في شمالنا الذي لا يعرفه كثير من اهل السودان .. هل نستلف جونو حتي ترفعو اكفكم بالدعاء الم تدينو الفاعل |
يااخي انت ذاتك امبارح وين حرم غيابك عن المنبر جونو ذاتووووووووو
حمد الله على السلامة
|
Post: #68
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: فاروق حامد محمد
Date: 06-14-2007, 09:39 AM
Parent: #67
TOM and Jerry
|
Post: #69
Title: Re: الفارس الجسور الطيب شيقوق يتحدى إعصارجوني ويخرج لتفقد بورداب مسقط على منتماهم !!
Author: الطيب شيقوق
Date: 06-14-2007, 11:31 AM
هيييييييييييييع متابع اسبيستون ولا شنو ؟
|
|