في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العصيا

في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العصيا


05-04-2007, 08:20 AM


  » http://sudaneseonline.com/cgi-bin/sdb/2bb.cgi?seq=msg&board=211&msg=1189245021&rn=0


Post: #1
Title: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العصيا
Author: الطيب شيقوق
Date: 05-04-2007, 08:20 AM

بالامس الخميس وفي اول فعاليات نادي الجالية السودانية بمسقط في دورته الجديدة تغنت الفنانة الواعدة والراقصة جيهان وسط حضور مكثف من ابناء الجالية بمسقط في مقدمتهم حادي ركب الجالية العم بابكر النور وفي دفتهم الوجيه جمال عمر.

تفضلت الاستاذة الهام عبد الخالق بعمل مقدمه رائعة صفق لها الجمهور بحرارة - وكان للاستاذة عائشة المبارك ( عشة بت فاطنة) دورا فاعلا ونشطا في تصوير الفعالية من بدايتها حتى نهايتها . كما تفضل الاستاذ عصام نوح بعمل فلم وثائقي لهذه المناسبة .

كما نتقدم بشكرنا الخاص لابننا الموسيقار المبدع عصام شوقي ورفاقه في انجاح ذلك الحفل .

فهنيئا لكم اخواني واخواتي بمدينة مسقط ولمن فاتهم هذا الابداع فجيهان ستعود الينا ثانية بعد عودتها من مدينة صلالة بمحافظة ظفار .

لكم اطيب المنى

ابو بكر الرطاني (كان في حت شديييييييييييد فيهو الحبشى وفيهو النوبي وفيهو الجنوبي وفيهو كمان عوض دكام الحديث سي دي والكلام بالجات )

Post: #2
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 08:37 AM
Parent: #1

Quote: ابو بكر الرطاني (كان في حت شديييييييييييد فيهو الحبشى وفيهو النوبي وفيهو الجنوبي وفيهو كمان عوض دكام الحديث سي دي والكلام بالجات )


اها يا خلق الله عرفتو ليه جالية السودانيين في مسقط اختارت الحتات الاعظم مسئولا عن شئونها الاجتماعية ؟ اها اول بروفة ل"الحت الجماهيري" كانت ليلة امبارح واها زي الاكروبات السودانية حيكون عندنا فرقة " الحت السوداني " من هناك والتي ستتخرج من اكاديمية " ودشيقوق للحت "!!!

Post: #3
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 08:54 AM
Parent: #2

Quote: اها يا خلق الله عرفتو ليه جالية السودانيين في مسقط اختارت الحتات الاعظم مسئولا عن شئونها الاجتماعية ؟


انت عارف يا رطاني الفنانة صغيرة وشجاعة وبتحت ساااااااااى زى القاعدة في حفلة دكاكينية والناس الكبار كلهم جالسين بقدام انا اتوقعت ينسحبوا وهمس في اضاني واحد منهم قال لي عليك الله واصلوا في هذا الابداع نحن فاقدين حنان سااااااااااى .

اجمل لوحة كانت تفاعل اخواتنا الجنوبيات مع الحفل كان تفاعلا اضفى على الحفل لونية متميزة ذكرتنا بايام زمااااااان .

Post: #4
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: سمية الحسن طلحة
Date: 05-04-2007, 09:13 AM
Parent: #3

نهنىء مكتب الشئون الإجتماعية بقيادة الربان الماهر.. الطيب شيقوق
بهذا الإفتتاح البهى الذى ينبىء عن موسم يانع الثمار دانى القطوق
ونهنىء أنفسنا بهذه الكوكبة الرائعة من الشباب وعلى رأسهم وقائدهم
الشاب المتفانى بكرى الطيب وأشرف الصادق سلمان ورفاقهم الميامين
الذين كان ديدنهم نكران الذات ، فلا يضيرهم إن أحصيتهم هنا أو لا ..
شكرا لمسقط الجميلة وهى تحتضن هذا الجمال
وشكرا لكل من ساهم فى ضربة البداية كبار وصغار
شكرا لكم جميعا.

Post: #5
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 09:18 AM
Parent: #1

Quote: انت عارف يا رطاني الفنانة صغيرة وشجاعة وبتحت ساااااااااى زى القاعدة في حفلة دكاكينية


ات متاكدهي ما خريجة من اكاديمتك؟

Post: #6
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 09:20 AM
Parent: #1

Quote: نهنىء مكتب الشئون الإجتماعية بقيادة الربان الماهر.. الطيب شيقوق


ليه ما ربان وماهر مدام خلي الشفع يحتو ؟؟

Post: #7
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: فضيلي جماع
Date: 05-04-2007, 10:06 AM
Parent: #6

إخوتي الأفاضل / ود شيقوق والملكة سمية طلحة والمهندس ابوبكر

جميل أن يفتتح الإنسان يومه بكم. هذا خبر مفرح ، خاصة وأنه بشارة خير أن النادي السوداني هناك ما زال منبرا شديد الحيوية لنشاطات الجالية. وجميل أن تبدأ اللجنة الجديدة موسمهاالثقافي بهذه السرعة وبهذه الحيوية. يكون جميلا من قيادة النادي الجديدة لو شمل برنامجها يوماً حافلا في كل شهر أوعقب كل شهر ونصف الشهر، حيث يتم الإعداد والترتيب له ترتيبا جيدا. يتخلل الفترة بين كل حفل والآخر محاضرة أو ندوة ثقافية يقدمها واحد من عضوية الجالية في أي مجال ..ويمكن أيضا دعوة فرق عمانية محلية لتقديم عروض ، ذلك لأن من رسالة هذا النادي تقديم الوجه الثقافي السوداني للبلد الصديق الذي استضاف جاليتنا هناك ومحاولة معرفة ثقافتهم..أعرف أن تلك إحدى أهم موجهات قيام هذا النادي العظيم فكاتب هذه السطور يشرفه أنه كان عضوا مؤسسا شارك في كل الإجتماعات الرسمية والجانبية الكثيرة التي قادت إلى قيام هذا النادي.

أسعدني كثيرا خبر مشاركة عضوات أعرف أن لهن قصب السبق في العمل الثقافي مثل الأخت عشة بت فاطنة..كذلك سعدت باتاحة الفرصة للجيل الجديد للمشاركة في الأمسية..وهكذا يتم ربطهم بوطنهم. كما إن وجود أساتذة وآباء روحيين في مثل هذه المناسبات من أمثال العم المناضل بابكر النور والأستاذ عبدالمنعم خليفة وغيرهما من الحقوقيين والأساتذة المشاركين دائما في المناشط والمناسبات من أمثال الأستاذ سيد عيسى والأستاذ محمد المرتضى حامد والبروف على عوض يوسف وغيرهم يمنح مثل هذه المناسبات بعدا عائليا حميما.


..ويا صديقي ود شيقوق، يا من أشعلت زناد النشاط الثقافي الإجتماعي من قولة تيت وجئت بهذا النجاح الكبير ، نثق في أنك وزملاءك ستسيرون بهذه المؤسسة الجامعة من راق إلى أرقى إن شاء الله. ويا جالية مسقط ألجميلة أحسنتم الإختيار.

همسة أخيرة للرطان المهندس أبوبكر: ياخي إنت لا ترحم لا تخلي رحمة ربنا تنزل على العباد؟ صاحبك شيخ العرب عمل خبطة صاح ..قول ليه مبروك !

Post: #11
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 11:09 AM
Parent: #6

ناس مسقط سلام من مسقط
ومبروك افتتاح انشطتكم وفعالياتكم يا ناس اللجنة الجديدة
وانشالله احاول ان انزل ليكم بعض الصور من سهرة الامس والله ما عارفة منو الكان متألق الفنانة ولا الجمهور .


Post: #8
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 10:13 AM
Parent: #1

Quote: همسة أخيرة للرطان المهندس أبوبكر: ياخي إنت لا ترحم لا تخلي رحمة ربنا تنزل على العباد؟ صاحبك شيخ العرب عمل خبطة صاح ..قول ليه مبروك !


اها جيت بكرت الفيتو طوالي يا فضيلي ..انا اصلا كنت متوقع جيتك وكان اتاخرت كنت صحيتك من نومتك ليك كام يوم في استراحة....
خبطة حت تمام .. انا خايف نادي الجالية دة يبقي زي كراسي المساج البختوها في المطارات اليوميين دييل ترمي كام سنت او درهم وهاك حت لحدما يفتحو الباب للبوردنق ؟

Post: #9
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: فضيلي جماع
Date: 05-04-2007, 10:32 AM
Parent: #8


Quote: اها جيت بكرت الفيتو طوالي يا فضيلي ..انا اصلا كنت متوقع جيتك وكان اتاخرت كنت صحيتك من نومتك ليك كام يوم في استراحة....


ياهندسة بالأول نبارك لود شيقوق إنو عمل خبطة كبيرة وكمان رمى بعيد..الحق حق ياخي . حفل شهدوا بنجاحو الأعداء قبل الأصدقاء..إنت بس قول مبروك ولو بطرف لسانك. شيخ العرب شيقوق في دي فات الكبار والقدرو..ومالو لو استفاد من ثقافة الأمهرا وبدا الموسم بحفل غنائي وراقص؟ مش الناس انبسطوا؟

Post: #10
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 10:40 AM
Parent: #1

Quote: ..إنت بس قول مبروك ولو بطرف لسانك. شيخ العرب شيقوق في دي فات الكبار والقدرو..ومالو لو استفاد من ثقافة الأمهرا وبدا الموسم بحفل غنائي وراقص؟ مش الناس انبسطوا؟


ياخي من غير "مبروك" بتاعتي رقص مسقط كلها عايزني اقول ليهو "مبروك" يقوم في بحر العرب تسونامي يودينا في ستيين داهية ؟ خلي كدة ...انتو باركو ليهو وامشو حتو معاهو ..برايكم

Post: #12
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 11:33 AM
Parent: #10


Post: #13
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 11:40 AM
Parent: #12






Post: #14
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 11:50 AM
Parent: #13

وين الفارووووووووووووووق

Post: #15
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 12:05 PM
Parent: #13

Quote: إخوتي الأفاضل / ود شيقوق والملكة سمية طلحة والمهندس ابوبكر

جميل أن يفتتح الإنسان يومه بكم. هذا خبر مفرح ، خاصة وأنه بشارة خير أن النادي السوداني هناك ما زال منبرا شديد الحيوية لنشاطات الجالية. وجميل أن تبدأ اللجنة الجديدة موسمهاالثقافي بهذه السرعة وبهذه الحيوية. يكون جميلا من قيادة النادي الجديدة لو شمل برنامجها يوماً حافلا في كل شهر أوعقب كل شهر ونصف الشهر، حيث يتم الإعداد والترتيب له ترتيبا جيدا. يتخلل الفترة بين كل حفل والآخر محاضرة أو ندوة ثقافية يقدمها واحد من عضوية الجالية في أي مجال ..ويمكن أيضا دعوة فرق عمانية محلية لتقديم عروض ، ذلك لأن من رسالة هذا النادي تقديم الوجه الثقافي السوداني للبلد الصديق الذي استضاف جاليتنا هناك ومحاولة معرفة ثقافتهم..أعرف أن تلك إحدى أهم موجهات قيام هذا النادي العظيم فكاتب هذه السطور يشرفه أنه كان عضوا مؤسسا شارك في كل الإجتماعات الرسمية والجانبية الكثيرة التي قادت إلى قيام هذا النادي.

أسعدني كثيرا خبر مشاركة عضوات أعرف أن لهن قصب السبق في العمل الثقافي مثل الأخت عشة بت فاطنة..كذلك سعدت باتاحة الفرصة للجيل الجديد للمشاركة في الأمسية..وهكذا يتم ربطهم بوطنهم. كما إن وجود أساتذة وآباء روحيين في مثل هذه المناسبات من أمثال العم المناضل بابكر النور والأستاذ عبدالمنعم خليفة وغيرهما من الحقوقيين والأساتذة المشاركين دائما في المناشط والمناسبات من أمثال الأستاذ سيد عيسى والأستاذ محمد المرتضى حامد والبروف على عوض يوسف وغيرهم يمنح مثل هذه المناسبات بعدا عائليا حميما.


..ويا صديقي ود شيقوق، يا من أشعلت زناد النشاط الثقافي الإجتماعي من قولة تيت وجئت بهذا النجاح الكبير ، نثق في أنك وزملاءك ستسيرون بهذه المؤسسة الجامعة من راق إلى أرقى إن شاء الله. ويا جالية مسقط ألجميلة أحسنتم الإختيار.

همسة أخيرة للرطان المهندس أبوبكر: ياخي إنت لا ترحم لا تخلي رحمة ربنا تنزل على العباد؟ صاحبك شيخ العرب عمل خبطة صاح ..قول ليه مبروك !



يا شيخ العرب نحييك من البعد ونحيي فيك هذه الوفاء الذي ظل باقيا في رحم وجدانك تجاه اهلك واسرتك السودانية في مسقط وقطعا سيكون محفزا لنا جميعا لاستقبالك في صالة الاستقبال ان انعم الله علينا بك ليكتمل عقدنا بك ولنهنأ بثنائي ممسك بنواصي بنت عدنان ( الفضيلي والزاكي)

نعاهدك اخي الفضيلي ان تكون توجيهاتك نبراسا نهتدى به في برامجنا .

اما هذا الرطاني فما استطعنا اطفاء عين السخط التي ظل يبخس بها اشياءنا


الاخت بت طلحة لك جزيل شكري وامتناني على كلماتك الجميلة فهي ومضات تحفز لمزيد من الانجاز .

الاخت عائشة بت فاطنة هيييييييييييييييييع ابهلي صور الحت كلها كية للرطاني ده


لكم اخوتى جميعا اطيب المنى

Post: #16
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 12:05 PM
Parent: #13

Quote: إخوتي الأفاضل / ود شيقوق والملكة سمية طلحة والمهندس ابوبكر

جميل أن يفتتح الإنسان يومه بكم. هذا خبر مفرح ، خاصة وأنه بشارة خير أن النادي السوداني هناك ما زال منبرا شديد الحيوية لنشاطات الجالية. وجميل أن تبدأ اللجنة الجديدة موسمهاالثقافي بهذه السرعة وبهذه الحيوية. يكون جميلا من قيادة النادي الجديدة لو شمل برنامجها يوماً حافلا في كل شهر أوعقب كل شهر ونصف الشهر، حيث يتم الإعداد والترتيب له ترتيبا جيدا. يتخلل الفترة بين كل حفل والآخر محاضرة أو ندوة ثقافية يقدمها واحد من عضوية الجالية في أي مجال ..ويمكن أيضا دعوة فرق عمانية محلية لتقديم عروض ، ذلك لأن من رسالة هذا النادي تقديم الوجه الثقافي السوداني للبلد الصديق الذي استضاف جاليتنا هناك ومحاولة معرفة ثقافتهم..أعرف أن تلك إحدى أهم موجهات قيام هذا النادي العظيم فكاتب هذه السطور يشرفه أنه كان عضوا مؤسسا شارك في كل الإجتماعات الرسمية والجانبية الكثيرة التي قادت إلى قيام هذا النادي.

أسعدني كثيرا خبر مشاركة عضوات أعرف أن لهن قصب السبق في العمل الثقافي مثل الأخت عشة بت فاطنة..كذلك سعدت باتاحة الفرصة للجيل الجديد للمشاركة في الأمسية..وهكذا يتم ربطهم بوطنهم. كما إن وجود أساتذة وآباء روحيين في مثل هذه المناسبات من أمثال العم المناضل بابكر النور والأستاذ عبدالمنعم خليفة وغيرهما من الحقوقيين والأساتذة المشاركين دائما في المناشط والمناسبات من أمثال الأستاذ سيد عيسى والأستاذ محمد المرتضى حامد والبروف على عوض يوسف وغيرهم يمنح مثل هذه المناسبات بعدا عائليا حميما.


..ويا صديقي ود شيقوق، يا من أشعلت زناد النشاط الثقافي الإجتماعي من قولة تيت وجئت بهذا النجاح الكبير ، نثق في أنك وزملاءك ستسيرون بهذه المؤسسة الجامعة من راق إلى أرقى إن شاء الله. ويا جالية مسقط ألجميلة أحسنتم الإختيار.

همسة أخيرة للرطان المهندس أبوبكر: ياخي إنت لا ترحم لا تخلي رحمة ربنا تنزل على العباد؟ صاحبك شيخ العرب عمل خبطة صاح ..قول ليه مبروك !



يا شيخ العرب نحييك من البعد ونحيي فيك هذه الوفاء الذي ظل باقيا في رحم وجدانك تجاه اهلك واسرتك السودانية في مسقط وقطعا سيكون محفزا لنا جميعا لاستقبالك في صالة الاستقبال ان انعم الله علينا بك ليكتمل عقدنا بك ولنهنأ بثنائي ممسك بنواصي بنت عدنان ( الفضيلي والزاكي)

نعاهدك اخي الفضيلي ان تكون توجيهاتك نبراسا نهتدى به في برامجنا .

اما هذا الرطاني فما استطعنا اطفاء عين السخط التي ظل يبخس بها اشياءنا


الاخت بت طلحة لك جزيل شكري وامتناني على كلماتك الجميلة فهي ومضات تحفز لمزيد من الانجاز .

الاخت عائشة بت فاطنة هيييييييييييييييييع ابهلي صور الحت كلها كية للرطاني ده


لكم اخوتى جميعا اطيب المنى

Post: #17
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: غادة عبدالعزيز خالد
Date: 05-04-2007, 12:07 PM
Parent: #16

ما شاء الله
جميلة مثل هذة الأمسيات
.
.
الأمنيات بدوام الفرح و المحية


تخريمة
بركة الشفناك طيبة يا عشة
غادة

Post: #20
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 12:18 PM
Parent: #17

Quote: ما شاء الله
جميلة مثل هذة الأمسيات
.
.
الأمنيات بدوام الفرح و المحية


ما اعظمك اختى الغادة وانت تطلي علينا بكل همومك التي نعيشها معك فهي محن واحن تصغر في عين الكبار .


لك معزتي

Post: #23
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Ahmed al Qurashi
Date: 05-04-2007, 12:30 PM
Parent: #17

الاخ العزيز / الطيب شيقوق

سعدت كثيرا ببداية النشاط الثقافى بالنادى السودانى بمسقط وان شاء الله ستكون دورة حافلة بوجودك وبقية اللجنة الجديدة .. قريبا سنكون معكم لمواصلة النشاط بالنادى والذى افتقدته لمدة تزيد عن خمس سنوات.. لك الود

Post: #19
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 12:15 PM
Parent: #16


Post: #24
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 12:32 PM
Parent: #19











تحية لشباب وشابات النادي ولاهلنا المحس وواقول ليهن دايما منورين تسلموا

Post: #25
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 12:37 PM
Parent: #24



وتحية خاصة لرودا الدينكاوية الاصيلة وكانت رقصتك مع المطربة ابداع يا رودا
وهكذا هم اهلنا في الجنوب اهل فن وابداع والايقاع حقهم .

Post: #26
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 12:43 PM
Parent: #25




شكرا لاياديكم
وعزرا فعدستي احيانا
تعشق
الاطراف والتفاصيل

Post: #28
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 01:04 PM
Parent: #26



ورقصت
فطارت حمامات
البورد اولا
ثم
تطايرت العصي
وهي تلهث لمحاصرة
الاعناق
فكانت حكاية
كون الجيد اضحى محاصرا
من كل هذه
الاسلحة
ومحملا
بكل الاسئلة
التي تنهش
نونات الجسد
وتعري الخواطر !!

Post: #29
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 01:08 PM
Parent: #28


وما زالت السيرة
( بكسر السين )
مستمرة

Post: #30
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 01:14 PM
Parent: #29



والاطفال يستاهلو ان نفرد له ركنا
فقد رقصوا وامتلؤ بالفرح

ورقصت ميعاد بت ابراهيم وكدكدت ليها سناء
كدي كدي سمحة وسمحة

Post: #31
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 01:18 PM
Parent: #30


ورقص الشمال
مع
الجنوب
والله يدحر الافات
واخسف البشير
عشان نرقص كلنا
سوا

Post: #32
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-04-2007, 01:32 PM
Parent: #31







منوعات

Post: #21
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: إسحاق بله الأمين
Date: 05-04-2007, 12:19 PM
Parent: #16

أهلي الكرام في سلطنة الخير عمان
سلام
ما دام مركبكم ريسها الماهر " ود شيقوق" وعلى دفتها القديرة " بت طلحة"، فاركبوا ساكت وما تخافوا ولو كان بحركم دميرة.

Post: #18
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Elmosley
Date: 05-04-2007, 12:13 PM
Parent: #1

سلام كتير عزيزي الطيب
آها سمعونا حاجه

Post: #22
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: نهال الطيب
Date: 05-04-2007, 12:28 PM
Parent: #18

حفلة شكلها شرط
بس لو ممكن نسمع جيهان
بعد ما شفنا مقدرات الحت الافتخارية عندها

تحياتي

Post: #27
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 12:43 PM
Parent: #22

الاعزاء

استاذي الموصلي - ماركوني الموسيقي والنغم الجميل
اخي ود القرشى - امين سر فن شعر الحقيبة - نحن في انتظارك لمزيد من التفعيل لانشطتنا بالنادي وحتما ستكون قيمة مضافة لنادي الجالية بمسقط
الاخ اسحاق بلة
والجميلة نهال بنتي

احييكم وانتم هنا متابعون معنا هذا المشهد الجميل

Post: #33
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: salma subhi
Date: 05-04-2007, 02:04 PM
Parent: #27

الطيب شيقوق

الله يجعل أيامك طرب× طرب

ظهرت فعلاً أصوات شابة في الآونة الأخيرة تستحق الاهتمام....

لكن ياريت نسمع أغنية بصوت الفنانة الواعدة جيهان



منتظرين

Post: #34
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Ahmed Yousif Abu Harira
Date: 05-04-2007, 02:39 PM
Parent: #33

وي سلوووووووووم

آآآآ شيخ الطيب كيفنك؟

أولا بالتبادي نحسدكم على هذه البهجة...

وتاني هام ، نهنئكم على نجاحكم في تنظيم الحفل الترفيهي وهكذا هي دائما الجالية السودانية في مسقط الجميلة ، سكنى العماليق من زمرة أهلنا الطيبين...

تعرف آآآ الطيب ، أنا بتذكر في واحدة من "العوازيم" في منزلنا في مسقط (زمان) أحصيت عدد سبعة وزراء ووكلاء وزارات سابقين من حضور تلك (العزومة) فقط ، ذلك عدا عن حملة الدكتوراة والأدباء والمستشارين والعلماء...

ومعروف أنو الجالية السودانية في مسقط من أميز تجمعات السودانين بالخارج وكذلك النادي السوداني بمسقط..

مبروك عليكم ، وشكرا لعدسة عائشة بت فاطنة التي عكست لحدي هسه بعض جوانب الحفل ونطمح في المزيد






-------
شكسبير منور الحفلة...ولا شنو؟؟؟

Post: #35
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 03:13 PM
Parent: #1

Quote: اما هذا الرطاني فما استطعنا اطفاء عين السخط التي ظل يبخس بها اشياءنا


انت عرريب طماع ... يعني كل خلق الله دييل فوق البشكرو فيك ويصفقو ليك وكمان اهو حلوات رطانة حاضرات حفلتك واجمل صور من فنانة بارعة وعكاكيز تتطاقش وفضيلي جماع وشيوخ العرب والملكة وجماعات جماعات بس ما بقت الا في الرطاني ؟ دة بعدك ...

Post: #36
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 03:46 PM
Parent: #35

لاخت سلمى

نورت البوست بطلتك البهية ومرحب بيك مليون وطلباتك اوامر يا اختي


Quote: انت عرريب طماع ... يعني كل خلق الله دييل فوق البشكرو فيك ويصفقو ليك وكمان اهو حلوات رطانة حاضرات حفلتك واجمل صور من فنانة بارعة وعكاكيز تتطاقش وفضيلي جماع وشيوخ العرب والملكة وجماعات جماعات بس ما بقت الا في الرطاني ؟ دة بعدك ...


اها بعد ده اكان جيتكم بترجعوني ؟؟؟؟؟؟؟؟

Post: #37
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 03:55 PM
Parent: #1

Quote: اها بعد ده اكان جيتكم بترجعوني ؟؟؟؟؟؟؟؟


اعمل ليهم حفلة الشهر الجاي وجيب فيها زيدان بشان تحت زي زمااااااااان؟؟

Post: #38
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 04:20 PM
Parent: #37

Quote: اعمل ليهم حفلة الشهر الجاي وجيب فيها زيدان بشان تحت زي زمااااااااان؟؟


انت من عهد التوامس . نحن تاني ما بنجيب الا مسكولات بس

بالمناسبة حمد الريح سيكون معنا يوم الخميس القادم ( ويا مرية)

Post: #39
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: شهاب الفاتح عثمان
Date: 05-04-2007, 04:37 PM
Parent: #38

Quote: [شكرا لاياديكم
وعذرا فعدستي احيانا
تعشق
الاطراف والتفاصيل


عدسه مبدعه دمتم و دامت الافراحـ

Post: #40
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 04:42 PM
Parent: #1

Quote: بالمناسبة حمد الريح سيكون معنا يوم الخميس القادم ( ويا مرية)


اها ما قت ليكم ياناس مسقط .. العرريب ودشيقوق حيهريكم بهجة وحت ..اها بختكم لا صرف في سفر في موسم الاجازات حتو ساااااي وببلاش

Post: #41
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Sahar Abdelrahman
Date: 05-04-2007, 04:56 PM
Parent: #40



الكريم أستاذ الطيب...أعذب التحايا

أسعدني فرحكم.....

أصدق الأمنيات بدوام المحبة والتواصل والود بينكم....

تحياتي للمبدعة عشة وصديقتي الحبيبة نهال الطيب....

مع معزتي

سحر

Post: #42
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عفاف أبو حريرة
Date: 05-04-2007, 04:59 PM
Parent: #40

الطيب اللمه ماعندكم ربنا يجعل
ايامكم كلها افراح وبسط
وانا اقول منقطع مننا مالك !!!!!!!
فاتن والبنيات اسلمو عليك

Post: #43
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 07:45 PM
Parent: #42

Quote: الطيب اللمه ماعندكم ربنا يجعل
ايامكم كلها افراح وبسط
وانا اقول منقطع مننا مالك !!!!!!!
فاتن والبنيات اسلمو عليك


ام احمد يا اميرة المنبر العام نورتي ربنا يخليك ويحفظك - دائما مرسلة الوليدات بالصينية السمحة الوهيطة شايلنها اتنين وفيها الطبق الاحمر الجميل من فوووووووووووووق ليها عشان يودوها محل الافراح والاتراح وما يوهطوها الا قدام العين المليانة ويرفعوا الطبق و البوخ عاكل من فوق للطعام . والضيوف ياكلوا زيييييييييييين ويغسلوا ليهم وديك يا نقة .

اها دى جيتك لينا ام احمد سلمي لي على الوليدات الدكتور وفاتن وابوهم .

ربنا يجعل ايامكم كلها فرح وحت ساااااااااااااى

Post: #44
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-04-2007, 07:56 PM
Parent: #1

Quote: اها دى جيتك لينا ام احمد سلمي لي على الوليدات الدكتور وفاتن وابوهم .


ليه ما عزمتهم لحفلتك الاولي ؟

Post: #45
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 08:12 PM
Parent: #44

يا استاذة سحر يا رائعة

كتر خيرك على طلتك الجميلة وربنا يزيد في افراحكم وقطعا ستبلغ رسالتك

Quote: ليه ما عزمتهم لحفلتك الاولي ؟


ام احمد ناصحي الزول ده بقى كل مرة ناطي لي في حلقي - انا والله عزمتهم لكن ناسك ذاتهم عندهم هيصة في يومى حفلتنا ما اهو بقينا مشتتين من بلدنا وما عندنا شى يبدد همومنا غير الحت عدييييييييييل كده - كان عايز تحت مرحب بيك وكان عاجباك المشاريع الحضارية امشى مننا يجزيك الله خير ؟؟؟؟؟؟؟

Post: #46
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: خالد المحرب
Date: 05-04-2007, 11:05 PM
Parent: #45

الطيب بعد مابقيت زعيم فى الجاليه ونست الناس وعكست البر نامج الانتخابى
انتخبو الطيب الشيقوق الفرح والمرح فى الغربه والترويح عن النفس
الله يديك العافيه والى الامام وعقبال الحفله الجايه بى نانسى عجاج .

Post: #47
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-04-2007, 11:28 PM
Parent: #46

Quote:
وعقبال الحفله الجايه بى نانسى عجاج .


ود المحرب حبابك مليون لكن ذكرتني صاقعة الله يصقعك في دومتك مالك على يا عيسي

Post: #48
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: أحمد طراوه
Date: 05-05-2007, 01:05 AM
Parent: #1

قوزك اخضر يا ود شيقوق .. و القوز الاخضر قول في وصف البُشارات و ا شراقات الخير و الجمال اتى به الشهيد الراحل محمود محمد طه .. واضح ان جيهان سجلت سعر اغلاق عالي عند مستوى خام برنت الانجليزى .. و فضلا عن كونها سمهرية سودانية جميلة , فهى ايضا ممتلئة جراءة و ثقة بالنفس .. اتخيل انها رقصت بانطلاق و حرية فقهرت الخوف و التوجس المعلق فوق راس شعبنا منذ عدة سنين فتحركت مواكب الطرب الكامن في نفوس النساء و الاطفال و الرجال .. و انا ليت لي بساط الريح !! هكذا قال الراحل علي المك يوم ان كان مجدوعا ذات مساء في رمال شاطى سانتا مونيكا فهبت عليه نسائم تحمل رائحة زريبة المواشى بحى العرب الامدرماني .. و صورة مختار عباس وهو يمزق جلبابه الابيض امام ابو داؤد ، و ضجيج مشدودى الاعصاب في ساحات الكونكان و هي بعض من اشرس ساحات الوغى ! التهانى مستمرة لابراهيم السيد البشيل فوق الدبر ما بميل ، لحادى ركب الثقافة الزاكي ابو لينا .. لبكرى الطيب العلي الحركة بقوم متسرع ، لحاملى هموم النادى في هدوء و صمت عبد المنعم خليفة و ود حامد المرتضى ، لجماعة العشق البرىء بقيادة جمال عمر (جو) .. التهانى مستمرة لإلهام عبد الخالق و سمية بت طلحة و لسناء و هي تعلم طفلتها الكوشية بت ابراهيم جبير مداخل التاريخ و عِزة حفيدات الكنداكا و قولة محجوب شريف سيد نفسك مين اسيادك .. و خمسة سنين كتيرة و الله يا قرشى .. خلت زيدان يقول : ازرع في المحبة و حصادى العشم الممزوج بالالم و ذلك في بلاد كان قد انعدم فيها ايضا الجاز و الفحم .. و انا اعلم انو احشاك فعلا اتقطعن بسبب فراق مسقط النشابا ليك طعن .. حسبنا قول الامى : إن اتانى الهم جيشو دافر .. يلقى يا خلاى صبرى وافر ! صدق اهل البادية اذ قالوا الصابرات روابح ..

Post: #49
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 04:25 AM
Parent: #1

Quote: وكان عاجباك المشاريع الحضارية امشى مننا يجزيك الله خير ؟؟؟؟؟؟؟


قصدك الحت ما مشروع حضاري ؟؟؟يا ما بكرة تندم

Post: #50
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 06:13 AM
Parent: #49

اخي الدكتور طراوة

شكرا لك ايها الوفي على هذه المداخلة الجامعة الشاملة ولكم تمنينا ان تكون بيننا في روعة المشهد لتسمع لاغنية نحن ماناسين للعهود فاكرين للوداد طارين حديثك الراقي ووجيهك البسمام.

لما الطبيب انسان
تعال وشوف الآن
ياعوض دكام
العلاج قاسي
والكشف أرقام

كلام ياعوض دكام
جينا نحكي ليك
ياعوض دكام
جينا نشكي ليك
جامعة بالدولار
والفهم أقسام
ياعوض دكام
يوروب ونايل سات
كتروا القنوات
كلو دي في دي
وخلو بال سيكام
ياعوض دكام
شوف درامتنا
ياعوض دكام
شينة شاشتنا
السينما غلبتنا
ياعوض دكام
شوف ناس كايرو
وشوفو ناس الشام
كلام ياعوض دكام
شوف لعيبتنا
ياعوض دكام
شينة كورتنا
ياعوض دكام
شوفو ناس ----
وشوفو ناس بيكهام

مودتي

Post: #51
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 06:56 AM
Parent: #1

Quote: ياعوض دكام


الله يرحم عوض دكام "عنوان البهجة السودانية"

Post: #52
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Manar Mahsoub
Date: 05-05-2007, 07:10 AM
Parent: #1

شكلها كانت حفلة رابه خسارة فاتتناو طلعت الناس من اطار الحفلات التقليدية.... لكن البركة في عشه الدائما بتخلينا مع الحدث بالصور المعبرة ... ربنا يديكم العافية

Post: #97
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-06-2007, 08:52 PM
Parent: #52

تسلمي يا منار الحفلة كانت فاقدة طلتكم البهية .

Post: #53
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 07:26 AM
Parent: #1

العرريب ودشيقوق

استمتع ياعم!! ايامك ؟ وانا مالي والهندسة والطوب والعمارات ما ابقي متعهد حفلات زي العرريب واحت ويصفقو لي الناس واخر اس ام اس وايميلات ؟ البتغيظ انو الرطان العندكم حضروها وما سوي لي سالفة ولم يساندوني في المعارضة (بقت زي معارضة البرلمان داااك )؟
اها بغران وحاسد ...
الرطان


Post: #54
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: معتصم دفع الله
Date: 05-05-2007, 07:54 AM
Parent: #1

التحية لأبناء مسقط على هذا اليوم ..

شكراً أخي الطيب أن نقلت لنا هذا الحفل ..

وتحية لقريبتي عشة بنت مبارك ..

Post: #55
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 09:12 AM
Parent: #54

Quote: وانا مالي والهندسة والطوب والعمارات ما ابقي متعهد حفلات زي العرريب


انتو لسع مع الحياة التقليدية مهندس ومحامي ودكتور وهلم جرا - والله ليلة واحدة من ندى القلعة تاكلوا فيها سنة ما تكملوها . نعم عندكم راى في الحاجات دى لكن عندما تكون عندكم اعراس في بيوتكم بتقولوا العز بندى القلعة وجيهان سبحان الله من تناقضاتنا .

لابد من تهزم هذه المفاهيم ونخلي الناس تعيش في حالها ما لله لله وما لقيصر لقيصر يا الرطاني

Post: #57
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: احمد حماد ادريس
Date: 05-05-2007, 09:15 AM
Parent: #54

السودانى يا ابن امى ويا ود عمى عاشق كبير يغادر الوطن يهاجر يسافر ويظل السودان فى البال يولد فى المهجر او يطول فى المهجر كحال عمنا الرطانى لكن لايغيب عنه الانتماء تذكره به عينا عشة بت فاطنة او واعدة مليحة مثل جيهان -الله يحييها ويحفظها -هزتكم ناقصة السيف والدرقة ومالك يا سايب مغطى وشك بايدك فى الصورة يا ضو القبيلة..نزل صور زيادة عشان تكون للرطانة اغاظة..

ان شاء اتغربوا نوارنا واسترو حالنا..سلام وتحية يا ابن امى..

Post: #56
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 09:15 AM
Parent: #1

Quote: لابد من تهزم هذه المفاهيم ونخلي الناس تعيش في حالها ما لله لله وما لقيصر لقيصر يا الرطاني


في فنان جديد اسمو قيصر ؟ قيصر منو واحد حتات ؟ اول مرة اسمع بافوكاتو حتات متعهد حفلات

Post: #58
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 09:29 AM
Parent: #56

ود حماد اخوى هييييييييييييييع امانة ما انت فزع ابرنا بالطوالة عشان تشوف الابداع

Quote: ان شاء اتغربوا نوارنا واسترو حالنا..سلام وتحية يا ابن امى..


الرطاني احسن اسبقو عليها قبال يخومها ويعلق وانا بريحو زولك انا قاريهو كويس حتما يشيل الكليمة دى ويكتب تحتها ( اكان ده نوارك وساتر حالك خم وصر يا ود حماد ) مش حتقول كده يا الرطاني ؟

اها تاني عندو بضاعة يسوقها اكتر من دى ؟

Post: #59
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 09:35 AM
Parent: #58

Quote: شكراً أخي الطيب أن نقلت لنا هذا الحفل ..

وتحية لقريبتي عشة بنت مبارك ..


اخي المعتصم دفع الله شكرا لطلتك البهية

مودتي

Post: #60
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 09:57 AM
Parent: #1

Quote: ومالك يا سايب مغطى وشك بايدك فى الصورة يا ضو القبيلة..


ماهو دة التعلمو من الحت والزار ؟؟ ضو قبيلة شنو دة دة لمبة سهارة ما لاحق ؟ بس بشان عمل ليهو حفيلة بفي ضو قبيلة الحتات دة

Post: #61
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 11:15 AM
Parent: #60

Quote: ضو قبيلة شنو دة دة لمبة سهارة ما لاحق ؟


ابو بكر ذكرتني انت بتعمر للهمل في بلدهم وتخلى حلتكم مولعة بالسهارة لهسع . وكمان اخرتها بقت في تولا الله يفككم .

Post: #62
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-05-2007, 11:22 AM
Parent: #61



هدية لناس شيقوق
وناس قدام

Post: #64
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-05-2007, 11:30 AM
Parent: #62

ما شاء الله البوست عامر
و واريد فجة يا ود شيقوق
لااسلم على كل من سأل
عني واقول ليهم /هن
اطراكم بالخير
غادة الشوق بحر وين دروبك
ناس ماليزيا سلام تحية يا
دكتور شهاب وشكرا لاعجابك بالصور
ولايقدر الفن الا أهله
سحر سلام الفين واسأل منك الخير
معتصم الجميل تسلم وتعيش
وسلام موصول للجميع لمن سلم
او لم يسلم ...

Post: #66
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-05-2007, 12:02 PM
Parent: #64




Post: #67
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-05-2007, 12:17 PM
Parent: #66



هذه الفراشة اهديها ل شيقوق وابوبكر
فراشة محبة
رمز للمحبة الهم ما مكتشفنها ..
والثنائي الطيب وابوبكر ازكروني
اعماما لينا
دايما اتناقروا واعملوا في
بعض المقالب ، بس ما بطيقوا ابعدوا من
بعض ابدا واذا غاب واحد تلقى اخوه يجن مرة
يا قول العمانين
ادمان نقة من النوع الحميم

Post: #68
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-05-2007, 12:22 PM
Parent: #67


فراشة حبنا
الفراشة الفوق طارت من النقة
واها قبضتها ليكم
ما تطيروها تاني

Post: #63
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Ahmed Yousif Abu Harira
Date: 05-05-2007, 11:23 AM
Parent: #61

!!!!!!!!

.
.
.
...؟؟

Post: #65
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 11:46 AM
Parent: #63

Quote: هدية لناس شيقوق
وناس قدام


يا عشة كتر خيرك ما تبعدي من البوست السؤال عنك كتر بالحيل
فين باقي صورك يبدو تعبانه في الحصول على موافقة اصحابها - ده كلام سليم الحصول على الموافقة اولا ثم الاجراء.

اطيب المنى

Post: #69
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: ماجدة عوض خوجلى
Date: 05-05-2007, 12:41 PM
Parent: #1

الطيب
بخير انشالله
بختكم والله ربنا يديم عليكم الافراح و استنطاق الصخر وتانى مايكون عصى
حاول سمعنا حاجه
وسلام للفراشه ( عشة بت فاطنة) على الاقل شوفتنا طالماانت ماسمعنا

Post: #70
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 01:22 PM
Parent: #1

ياعشة بت فاطنة اختي ( والله اختي من امي وابوي اسمها عشة بت فاطنة بس رطاني اها بقن تومات)... ما شايفة لابس سديري ازرق فاتح متل بتاعيين متعهدي الحفلات في الوكندات ؟ اها في اوتيل شانغريللا بلبسو كدة واكيد هم العملو الحفلة وهو خماكم وقالو سوي الحفلة في زمن رياستو للشئون الاجتماعية؟
دة بيطير الفراشات كلهن جيبي ليهو صرصور...؟

Post: #71
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 01:56 PM
Parent: #70

Quote: بختكم والله ربنا يديم عليكم الافراح و استنطاق الصخر وتانى مايكون عصى
حاول سمعنا حاجه


شكرا ليك يا الماجدة كتييييييير

بس ليك على الحفلة الجاية تكون نوبة وطار عشان عارفين في ناس عايزين يكونوا ما بين الثرى والثريا

Post: #73
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 02:05 PM
Parent: #71

Quote: هذه الفراشة اهديها ل شيقوق وابوبكر
فراشة محبة
رمز للمحبة الهم ما مكتشفنها ..
والثنائي الطيب وابوبكر ازكروني
اعماما لينا


عشة كتر خيرك على الفراشات والدعوة الى المحبة لكن بيني وبينك انا والرطاني ده ما بنتلاقى اصلا -
دحين هسع لو حاضر الحفلة دى مش اكان شال عمتو رماها بعييييييييييد زى عمك السرين ده ؟

Post: #72
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 02:03 PM
Parent: #1

Quote: بس ليك على الحفلة الجاية


يبدو انو ناس مسقط اتخمو في شئونك الاجتماعية السويتا بس حفلات ؟ مافي رحلات بالطائرة الي المالديف اوموريشوص حتي ولو كيرلا يعني بس بشان بتحب الحت سويتا كلها حفلات ؟ حقو يعملو اجتماع غير عادي ويسقطوك وانا بدفع تكاليف اللمة وعشا خسوسي بس يسقطوك

Post: #74
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 02:16 PM
Parent: #72

Quote: حقو يعملو اجتماع غير عادي ويسقطوك وانا بدفع تكاليف اللمة وعشا خسوسي بس يسقطوك


يا ريت اكان سقطونى وبقيت على منبري ده - انت عارف يا الرطاني الحفلة شغالة وانا بالي معاكم في المنبر - فكرت ازوغ عشان اشوف العمائل البتعملوها في غيابي لكن بيني وبينك بعد الفنانة سخنت وغنت يا عديلة يا بيضاء نسيتكم ونزلت اهز مع شيخ الزبير ابو عمر وبكري الطيب . كايس العرضة لكن افرنجيكم ما خايلة فيهو العرضة .

Post: #75
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-05-2007, 02:36 PM
Parent: #1

Quote: الفنانة سخنت وغنت يا عديلة يا بيضاء نسيتكم ونزلت اهز مع شيخ الزبير ابو عمر وبكري الطيب . كايس العرضة لكن افرنجيكم ما خايلة فيهو العرضة .


المنبر اليطير تسوي بينا شنو مع الحت الزي دة؟ الحفلة التانية تمشي مطقم ابيض في ابيض ومشنق طاقيتك وياواطة جاكي بلا


Post: #76
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-05-2007, 05:08 PM
Parent: #75

Quote: المنبر اليطير تسوي بينا شنو مع الحت الزي دة؟ الحفلة التانية تمشي مطقم ابيض في ابيض ومشنق طاقيتك وياواطة جاكي بلا


كيف ياخال ده الفاروق ابو ناصر لاقاني في ابو ظبي حلف طلاق يشترى لى اجمل جلابيتين وشالين على مستوى بس منتظر اليوم البتجي فيهو العرضة الصحي صحي عشان تشوف خالك كيف بيقدل وكيف بقيس ا وكيف بعاين للرطانة صغااااااااااااااااار زى الوليدات قدامو .

هيييييييييييع تقول لي منو تقولى شنو كمان .

ياخي الناس عذبوني اى واحد يلاقيني يقول يا العريريب واصل لينا في مشوار سنينك وقلت ليهم كرهني فيهو الرطانى ده الله يصرفوا منى هو اصلا ما بقت في عمره حاجات لبدايات جديدة .

Post: #77
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: سمية الحسن طلحة
Date: 05-05-2007, 10:43 PM
Parent: #76

Quote: يا ريت اكان سقطونى وبقيت على منبري ده

مالك ياكافى البلا الناس ديل قصروا معاك فى شنو
!!!!!!!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سنناقس الأمر فى أول إجتماع
إحترام رغبات الأعضاء شعار لايسقط

أركز على كلامك دا بس .


أبوبكر صاحبك بقى يتكلم بلغة صلاح أحمد إبراهيم ...
Quote: ياخي الناس عذبوني اى واحد يلاقيني يقول يا العريريب واصل لينا في مشوار سنينك وقلت ليهم كرهني فيهو الرطانى ده الله يصرفوا منى هو اصلا ما بقت في عمره حاجات لبدايات جديدة .


أحمد حماد إدريس
أول مرة أتغرب كانت وصية خالى الشيخ الهابر لى :ـ
يابتى قالوا يتغرب خيارنا ويستر حالنا .

ودمتم بخير

Post: #78
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: خالد المحرب
Date: 05-05-2007, 11:53 PM
Parent: #77

Quote: مالك ياكافى البلا الناس ديل قصروا معاك فى شنو
!!!!!!!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سنناقس الأمر فى أول إجتماع
إحترام رغبات الأعضاء شعار لايسقط


الاخت سميه والله انا كلامك وقع لى بلحيل الزول ده اذا كان يتاثر بكلام تانى يجب عليه ان لايكون زعيما ونحن نعرف الزعماء عباره عن سله للمهملات . ورب العباد لم يسلم من من خلقهم فكيف بك ان تتجاوز رغبات الاعضاء الذين اتو ا بك الى هذا المنصب . وتتاثر بمن لاعلاقة لهم بالامر الا عبر هذا المنبر. يجب عليك ان تكون زعيما بما تحمل الكلمه من معنى
فهل عرفت معنى الزعيم؟؟؟؟؟؟
خالد المحرب

Post: #79
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الزاكى عبد الحميد
Date: 05-06-2007, 04:02 AM
Parent: #78

أخي الطيب:

والله ما حال دون تعليقي على ليلتكم تلك إلا شيء (يسميه العارفون فيروس)
ألمّ بحاسوبي فأقعده عن الحركة وعن العمل وفق ما أريد..

النادي بوجودك - يا صديقي- يكتسب لوناً خاصاً هو لون الفرح الغيداق..
فما أن تطأ قدماك أرض هذه الدار –التي نفرُّ إليها من الصهد والهجير والتصحر-إلا واستفنا
عبقاً كما الدعاش..
دعاش نرى فيه ما نرى من سودان نحن مسكونون بعشقه ويسكننا هو لأنك أحد بنيه..

النادي يا صديقي كيان نعتز ونفتخر بالإنتماء إليه..

كيف لا وهو الذي بادر بتكريم أعلام من بلادي نعتز بهم:

من أهل الفن: عثمان حسين وعبد الكريم الكابلي ومحمد وردي
من أهل العلم: البروفيسور أحمد عبد الرحمن العاقب وضرار صالح ضرار
من أهل الرياضة: أمين زكي ونجم الدين حسن و الهادي صيام (رحمه الله)
من الروائيين: ليلى أبو العلا
من الشعراء: عبد القادر الكتيابي

كما شرف النادي وشرُفنا نخن باستضافة الصيدح المايسترو الموصلي وآخرين كثر

يا صديقي النادي بك وبمن معك يجعلنا نرى في بلاد المهجر: سبحة هجليج ألفية تنادي بالتهجد وقت الناس نيام
ونرى فيه من صهيل السكسفون ما يجعلنا نغني مع عصفورتي أمير الشعراء:

.....يا ريح ، أنت ابن السبيل
ما عرفت ما الوطن..
هب جنة الخلد اليمن
لا شيء يعدل الوطن..

تحياتي ومن الود الرحيق

الزاكي

Post: #80
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: هاشم أحمد خلف الله
Date: 05-06-2007, 04:21 AM
Parent: #79

أخي الحبيب الطيب تحياتي لك ولاهلنا جميعاً في مسقط وربنا يزيد الأفراح والتحية عبرك موصولة للاخت الفاضلة سمية الطلحة وإنشاء الله دائماً

متجمعين في ساعة خير وتحت مظلة أخونا بكري ابوبكر صاحب الحوش الكبير .

Post: #81
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 04:49 AM
Parent: #80

Quote: سنناقس الأمر فى أول إجتماع
إحترام رغبات الأعضاء شعار لايسقط


يعني يا بت طلحة اكان الزول كضب ساى تنطوا ليهو في حلقه اها انا حابقى ليكم زى اولمرت الاسرائيلي الا تعملوا مظاهرات عشان اخلي ليكم النادي .

اها هسع غيركم انتو الاستفاد منو من حفلتنا دى اهو شيخ الزبير الكاميرات كلها موجهة عليهو وبقى جاهز وملمع لرآسة الدورة القادمة .

اعجبتني اشارتك الى الاستاذ صلاح احمد ابراهيم في عبارة ( لم تكن في العمر بقية لبدايات جديدة) فهذا لعمري عمق ثقافي تحسدين عليه .

لك معزتي

Post: #82
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 04:59 AM
Parent: #81

Quote: الاخت سميه والله انا كلامك وقع لى بلحيل الزول ده اذا كان يتاثر بكلام تانى يجب عليه ان لايكون زعيما ونحن نعرف الزعماء عباره عن سله للمهملات . ورب العباد لم يسلم من من خلقهم فكيف بك ان تتجاوز رغبات الاعضاء الذين اتو ا بك الى هذا المنصب . وتتاثر بمن لاعلاقة لهم بالامر الا عبر هذا المنبر. يجب عليك ان تكون زعيما بما تحمل الكلمه من معنى
فهل عرفت معنى الزعيم؟؟؟؟؟؟
خالد المحرب


ود المحرب مالك يازول على جاى جاري عكازك للعوة . عليك الرسول ابعد لى شوية من الرطانة ديل وتعال احكي ليك في اضانك .

انت عارف اخوك ما بقدر بفارق المنبر العام ولا ساعة والناس ديل عايزين ليهم واحد فاضى للفارقات المات تجهز كفنو والعرس تجهز فنانو والضيف الجاى تشوف لو محل مبيتو والمطلقة تشوف اوراق سفرها وحتى البتلد تحضر سمايتها اها دحين اكان ده كلو بقى على تاني فضل شنو من الزمن لبطانة بكرى دى . يعنى اخليها لناس عفاف وبت طلحة يضرعن فيها براهن .

شوف آ خالد اخوى من الليلة دى انا اما النادى اما هنا بس اكتب وادوبي واغنى واتصل بيك ليل ونهار .

Post: #83
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 05:11 AM
Parent: #82

اخي الجميل الانيق الزاكي عبد الحميد

تجدني عاجزا في التعقيب على حديثك العسل ده بس خلي الرطانيييييييييييي يجى يقراهو وحتما حيقول شهادتكم مجروحة وعليكم عبء اثبات العكس ليطمئن هو وغيره لسلامتها من الناحية الموضوعية .

Quote: أخي الطيب:

والله ما حال دون تعليقي على ليلتكم تلك إلا شيء (يسميه العارفون فيروس)
ألمّ بحاسوبي فأقعده عن الحركة وعن العمل وفق ما أريد..

النادي بوجودك - يا صديقي- يكتسب لوناً خاصاً هو لون الفرح الغيداق..
فما أن تطأ قدماك أرض هذه الدار –التي نفرُّ إليها من الصهد والهجير والتصحر-إلا واستفنا
عبقاً كما الدعاش..
دعاش نرى فيه ما نرى من سودان نحن مسكونون بعشقه ويسكننا هو لأنك أحد بنيه..

النادي يا صديقي كيان نعتز ونفتخر بالإنتماء إليه..

كيف لا وهو الذي بادر بتكريم أعلام من بلادي نعتز بهم:

من أهل الفن: عثمان حسين وعبد الكريم الكابلي ومحمد وردي
من أهل العلم: البروفيسور أحمد عبد الرحمن العاقب وضرار صالح ضرار
من أهل الرياضة: أمين زكي ونجم الدين حسن و الهادي صيام (رحمه الله)
من الروائيين: ليلى أبو العلا
من الشعراء: عبد القادر الكتيابي

كما شرف النادي وشرُفنا نخن باستضافة الصيدح المايسترو الموصلي وآخرين كثر

يا صديقي النادي بك وبمن معك يجعلنا نرى في بلاد المهجر: سبحة هجليج ألفية تنادي بالتهجد وقت الناس نيام
ونرى فيه من صهيل السكسفون ما يجعلنا نغني مع عصفورتي أمير الشعراء:

.....يا ريح ، أنت ابن السبيل
ما عرفت ما الوطن..
هب جنة الخلد اليمن
لا شيء يعدل الوطن..

تحياتي ومن الود الرحيق

الزاكي

Post: #84
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 05:14 AM
Parent: #83

اخي الدبلوماسي الوجيه هاشم خلف الله

Quote: أخي الحبيب الطيب تحياتي لك ولاهلنا جميعاً في مسقط وربنا يزيد الأفراح والتحية عبرك موصولة للاخت الفاضلة سمية الطلحة وإنشاء الله دائماً

متجمعين في ساعة خير وتحت مظلة أخونا بكري ابوبكر صاحب الحوش الكبير .



سعدنا بطلتك البهية فكن معنا لمزيد من التواصل الانساني وخربانة ام بنايا قش .

Post: #85
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-06-2007, 07:17 AM
Parent: #1

Quote: ياخي الناس عذبوني اى واحد يلاقيني يقول يا العريريب واصل لينا في مشوار سنينك وقلت ليهم كرهني فيهو الرطانى ده الله يصرفوا منى هو اصلا ما بقت في عمره حاجات لبدايات جديدة .

الطيب شيقوق يلتزم بتكملة "رحلة عمر ومشوار سنين " من اليوم ومن هنا

اها شن دخل الرطاني يا يويو ياودالموية ياحتات...اها ما تواصل رحلتك ومشوارك .. انا بس اعرف المشوار بيختلف عن الرحلة شنو ؟ المشوار كعابي والرحلة باسبيس شتل ؟

Post: #86
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 07:45 AM
Parent: #85

Quote: اها شن دخل الرطاني يا يويو ياودالموية ياحتات...اها ما تواصل رحلتك ومشوارك .. انا بس اعرف المشوار بيختلف عن الرحلة شنو ؟ المشوار كعابي والرحلة باسبيس شتل ؟


بالله شوف زولك كان داسيها وين انا ببحث عنها من زمااااااااااااان ما لقيتها - والله انتو يا ناس التكنولوجيا ربنا يكفينا شركم - اوعى تسحبها خليني اعرف انا واقف وين عشان اواصل الجزء التاني .

بعد اواصل اوعى تجيني تلخبط افكاري الجميلة فراح القلوب .

Post: #87
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-06-2007, 07:55 AM
Parent: #1

Quote: بالله شوف زولك كان داسيها وين انا ببحث عنها من زمااااااااااااان ما لقيتها


بالله علي هامنك يا فرعون ؟؟؟ اها انا افسحت لك بوست وكمان الجزء الاول من رحلتك ومش حاتدخل هناك ابدا الا في حالة انك ما تكتب فسوف تري شيئا عجبا

Post: #88
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 08:48 AM
Parent: #87

Quote: ابدا الا في حالة انك ما تكتب فسوف تري شيئا عجبا


ذكرتني ولد سارة زوجة الخليفة هارون الرشيد كان بليد وما بيعرف ينظم الشعر وامه سارة قالت ليهو لازم تعمل لينا شعر شويه يعرفوك بيهو الناس .

زولك لت وعجن وطلع ليهو حاجة مشوهة كده - اها امه شالت الحاجة دى ونادت ابا نواس لمراجعتها وابو نواس قال ليها ده كلام فارغ . زولتك طوالي قالت لناس امنها خمو ابا نواس ده ودوهو السجن طوالى .

زولك اخد ليهو كم يوم في السجن وطلع .

الام قالت للولد تاني حاول ابدع اعمل حاجة جميلة .

الولد نظم بيت شعر بيقول

( نحن بنو العباس نجلس على الكراسي)

الام نادت ابا نواس تاني قالت ليهو اها شوف البيت ده . ابو نواس قراهو قلبو بهنا وبهنا وشال برشو وملايتو ومخدتو وفات السجن طوالى .

اها انت عايز تعمل فيني كده .

Post: #89
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: فضيلي جماع
Date: 05-06-2007, 10:23 AM
Parent: #88

Quote: يعني يا بت طلحة اكان الزول كضب ساى تنطوا ليهو في حلقه اها انا حابقى ليكم زى اولمرت الاسرائيلي الا تعملوا مظاهرات عشان اخلي ليكم النادي .


ضحكتني يا ود شيقوق. أول ما الملكة بت طلحة طلعت ليك الكرت الأصفر بقيت في اللجلجة وبلعت كلامك مع فكة الريق. عرفت كيف الحكم عندو سحر عجيب ؟؟ وعرفت دلوكت ليه الجماعة المابتشكروا ديل مكنكشين في الشغلانة كدة حتى لو البلد كلها هاجرت ولا نصها انقرض؟

نصيحتي ليك سيب التصريحات الجاي جاي ..وخليك في حفلاتك ..هسى بدل فيتو الرطان صاحبك طلع ليك إنذار من قريبتك بت طلحة !!! وربك يستر منو باكر من الحساد والشمات يقوم يطرح فيك صوت ثقة..الله يكضب الشينة !

Post: #90
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 11:37 AM
Parent: #89

Quote: الله يكضب الشينة !


على الطلاق كما حب السلطة سااااااااااى الواحد ما يقعد معاهم عصرية لكن وكت تكون قاعد في كرسيك وتنادى ده ويناديك ده وتخلف كراع في كراع وتتلولح بكرسيك يمين وشمال ولسان حالك يقول يا دنيا مافيك الا انا اكان ما المقبلات دى ما بقعد ليهم - انت عارف شيخ العرب انا حاسي بالسلطة دى بتمشى في جسمك نمل نمل وكت تتمكنك طاب تاني تانى بتعمى عدييييييييييل تنسى امك واباك .

قول لبت طلحة ده تاني ببقى ليكم تاني خازوق ام كنّة الودر زمنا ان شالو ما بنشال وكان خلو بملاكم طرب سااااااااااااى .

Post: #91
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 04:23 PM
Parent: #90

Quote: ياهندسة بالأول نبارك لود شيقوق إنو عمل خبطة كبيرة وكمان رمى بعيد..الحق حق ياخي . حفل شهدوا بنجاحو الأعداء قبل الأصدقاء..إنت بس قول مبروك ولو بطرف لسانك. شيخ العرب شيقوق في دي فات الكبار والقدرو..ومالو لو استفاد من ثقافة الأمهرا وبدا الموسم بحفل غنائي وراقص؟ مش الناس انبسطوا؟


اقرا الكلام ده تاني يا رطاني بعين الرضا

Post: #92
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 04:29 PM
Parent: #91

احمد يوسف ابو حريرة

Quote: وي سلوووووووووم

آآآآ شيخ الطيب كيفنك؟

أولا بالتبادي نحسدكم على هذه البهجة...

وتاني هام ، نهنئكم على نجاحكم في تنظيم الحفل الترفيهي وهكذا هي دائما الجالية السودانية في مسقط الجميلة ، سكنى العماليق من زمرة أهلنا الطيبين...

تعرف آآآ الطيب ، أنا بتذكر في واحدة من "العوازيم" في منزلنا في مسقط (زمان) أحصيت عدد سبعة وزراء ووكلاء وزارات سابقين من حضور تلك (العزومة) فقط ، ذلك عدا عن حملة الدكتوراة والأدباء والمستشارين والعلماء...

ومعروف أنو الجالية السودانية في مسقط من أميز تجمعات السودانين بالخارج وكذلك النادي السوداني بمسقط..

مبروك عليكم ، وشكرا لعدسة عائشة بت فاطنة التي عكست لحدي هسه بعض جوانب الحفل ونطمح في المزيد


انت عارف يا ود القبائل حرم اللوم بيجي بالغفلات سااااااى بالصدفة لقيت نضميك السمح ده وانا ما عقبت عليهو - كتر خيار مليون وسلم على ود النعيم قولو فاقدنك .

Post: #93
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-06-2007, 04:59 PM
Parent: #1

Quote: اقرا الكلام ده تاني يا رطاني بعين الرضا


عين الرضا شنو يعني ؟لغة جديدة ؟ ما كفانا لغنكم ياعرريب ,, ياخي روح تم رحلة عمرك ومشوار سنينك هناااك وبطل الحركات ..شابك الناس انو الرطان ما نعك تتم الرحلة ..قالو ليك انا شايل مفتاح عربيتكم التيمس ؟.

Post: #94
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: فاروق حامد محمد
Date: 05-06-2007, 08:25 PM
Parent: #93

Quote: وين الفارووووووووووووووق



لاااااااااااااااااااااابد لسببين :

أولا بشسوف في محنك دي!!

وتانياخايف من الرطاني ده يفكك ويندرع فيني !!!!

Post: #95
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: فاروق حامد محمد
Date: 05-06-2007, 08:44 PM
Parent: #94

Quote: النادي بوجودك - يا صديقي- يكتسب لوناً خاصاً هو لون الفرح الغيداق..
فما أن تطأ قدماك أرض هذه الدار –التي نفرُّ إليها من الصهد والهجير والتصحر-إلا واستفنا
عبقاً كما الدعاش..




والله مشتاقين أيها الزاكي الأديب الأريب

أها يا أبابكر عندك كلام فوق كلام الزاكي ؟؟؟؟

أقترح تغيير الاسم من الطيب شيقوق الى الطيب غيدوق

وفقا لتوصيف الأستاذ الزاكي !!!!!

Post: #96
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عشة بت فاطنة
Date: 05-06-2007, 08:48 PM
Parent: #94



ادارة النادي تكرم اشبال النادي
وارجو التفصيل ياناس مسقط

Post: #98
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 08:58 PM
Parent: #94

Quote: أولا بشسوف في محنك دي!!

وتانياخايف من الرطاني ده يفكك ويندرع فيني !!!!


طلتك دى كبيرة كبيرة يا ابا ناصر ( طلعت صليبنا بقواعد اللغة) وحرم نبكي عليك بالدموع والرطاني ده خليهو لاخيك لانو محتاج لسياسة النفس الطويل وانا بقطع ليك نفسو .

المهم الجماعة الحنينين كيف يا الفاروووووووووووووووووق ؟


Post: #99
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: فاروق حامد محمد
Date: 05-06-2007, 09:09 PM
Parent: #98


تاني يا الطيب تجيب سيرة البحر؟؟؟؟

Post: #100
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-06-2007, 09:18 PM
Parent: #99

Quote: تاني يا الطيب تجيب سيرة البحر؟؟؟؟


تعال ساااااااااااى يا الفارووووووووق حرم تاني ما نجيب سيرة وادى رسالتك وصلت يا الحبوووووووب

Post: #101
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: abubakr
Date: 05-06-2007, 10:46 PM
Parent: #1

Quote: لانو محتاج لسياسة النفس الطويل وانا بقطع ليك نفسو .


شابكنا سياسة النفس الطويل اضلك بتنفخ في نار الشيشة ؟ انت نفسك حيتحتت زي الحت بتاعك كان باريت الرطاني ؟

Post: #102
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: Mamoun Ahmed
Date: 05-06-2007, 11:19 PM
Parent: #1

ناس مسقط


حزب البهجه والمسرة


هيع
عافي منكم!!

Post: #103
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-07-2007, 06:53 AM
Parent: #102

Quote: حزب البهجه والمسرة



نعمل شنو يا مامون اخوى اصلا اخرها كوم تراب

Post: #104
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-09-2007, 03:11 PM
Parent: #103

Quote: والله مشتاقين أيها الزاكي الأديب الأريب

أها يا أبابكر عندك كلام فوق كلام الزاكي ؟؟؟؟

أقترح تغيير الاسم من الطيب شيقوق الى الطيب غيدوق

وفقا لتوصيف الأستاذ الزاكي !!!!!


نواااااااااااااااااااافق

Post: #105
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: عواطف الطيب حسن
Date: 05-09-2007, 04:01 PM
Parent: #1


ربنا يكتر الافراح

مازلنا نطالب بسماع الفنانه... جيهان

شايفاكم طنشتوا

Post: #106
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-09-2007, 08:35 PM
Parent: #105

Quote: مازلنا نطالب بسماع الفنانه... جيهان

شايفاكم طنشتوا


اصبري يا العواطف بتي عندنا ترتيبات فنية

Post: #107
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: maia
Date: 05-09-2007, 08:48 PM
Parent: #1

يا ناس مسقط يا هجاجين يا ناس البهجة

حليلكم وحليل مسقط الجميلة

التحية لكل ركن فيها

والتحية ليك يا عشوشة يا فنانة ، وللعزيزة الهام
ووين اسماء الجنيد ؟

Post: #108
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-09-2007, 09:13 PM
Parent: #107

Quote: والتحية ليك يا عشوشة يا فنانة ، وللعزيزة الهام
ووين اسماء الجنيد ؟


شكرا يا ميا الجماعة جاينك يسلموا عليك

Post: #109
Title: Re: في ليلة غنائية ، بنادي الجالية السودانية بمسقط ، الفنانة الواعدة (جيهان ) تستنطق الصخر العص
Author: الطيب شيقوق
Date: 05-10-2007, 03:34 PM
Parent: #108

Quote: يابتى قالوا يتغرب خيارنا ويستر حالنا .


صحيح والله يا بت طلحة