السمحة ام ولدي

هلا هلا يا اخونا والله جيتكم راجع من الاجازة وجاتني هفة للعودة تاني لام عبد الله طويلة البال والبيتها بقى وكالة عديييييييييييل للغاشي والماشى وتدى اللقمة ضاااااااااااااااااااااحكة ومبتسمة وبقت دليل لعربها في البندر تودى مريضنا للدكتور وكلام كتيييييييييييير بعود ليكم .

Quote: هفة للعودة تاني لام عبد الله

اها جينا لكلام النصاح .. بس ات لازم توصل كلامك دة الحين لام عبدالله .. الكلام دة كان ما قتو ليها هناك تكون غلتان ودحين وات قلتو لازم يوصلا ...
هي "الجنة تحت اقدامهن " فاكرو ساااي ...
بس ات ناكر لو تاني استعملت كلمة " علي بالطلاق " تحت اي ظرف ... شايفك قتها في بكان اخر في المنبر دة !!
انا ما عارف الرجال العراريب بتحلي ليهم كلمة "الطلاق" دية من قاموس العربي الماهل ليه ؟؟؟
انا بوصي نساء العراريب يستعملن " علي بالخلع" مقابل اي راجل عرريبي يقو "علي بالطلاق "
دة كلام ...

عفواً..مُكرر!

Quote: اها جينا لكلام النصاح .. بس ات لازم توصل كلامك دة الحين لام عبدالله .. الكلام دة كان ما قتو ليها هناك تكون غلتان ودحين وات قلتو لازم يوصلا ... هي "الجنة تحت اقدامهن " فاكرو ساااي ... بس ات ناكر لو تاني استعملت كلمة " علي بالطلاق " تحت اي ظرف ... شايفك قتها في بكان اخر في المنبر دة !! انا ما عارف الرجال العراريب بتحلي ليهم كلمة "الطلاق" دية من قاموس العربي الماهل ليه ؟؟؟ انا بوصي نساء العراريب يستعملن " علي بالخلع" مقابل اي راجل عرريبي يقو "علي بالطلاق "

ات فاكر يا باش انا ما قلتو قلتو يوووووووووم وصلتها كتيييييييييييييير بس عند العودة شوية لكن لما ركبت الطيارة قلت يا ريت لو تركت ليها اردب منو تعلق منو صباح ومساء ( العلوق يعنى ............) ارجع لود المحرب قطّاع النصييييييييييييييييييب وضيف الهجعة.

السمحة أم ولدى... بتشيل قفاى سندى
بتعيش معاي راضية ... كان عندى ما عندى.
---------
الحسيسة العشورة... السامية فى شعورا
ما جابت ملامة... وما قطعت الشورى.
---------------------
الرايقة الخدومة ..ما صارٌة قدوما
ست بيت فنجرية... ماها مزمومة
--------------------------------
راضية بالعِيشة ...كان كِسرة كان عيشَة
إن مافي ما قال....ياناس دي ما عيشة
----------------------------------
ما مرقت من جوٌه ...ما سوٌت العوٌه
ما ليها دى فلانة ...وفلان عمل سوٌى
-------------------------
حكٌامة كان فُتٌ ...ربايٌة كان مُتَ
بتعيش وليداتا ...ماتجيهم الحِتٌة
------------------------------------
كريمة يا بنية... كان جو الضيوف مـــــية
تجود بموجودا...لو مافى بالــنية
----------
ملسا ما غبشا ...ماها الخبوب روشا
في راسي مانقرت..و ماسوٌت الدوشة.
-------------------------
بتصلى صلواتا... الخمسة فى اوقــــاتا
ما نامت بى عِشاها... لا يوم صُبح فاتا.
--------------------

___________

مجرد سؤال ياأبو عبد الله:
أم عبد الله أخدت ليها غشوة ل ((كاكوم)) و لا شنو؟؟!!!

لكَ و لها...السمحة ..أم عبد الله

لما يكون من النساء البتستاهل انو تتقال فيها زى الكلمات
الزى دى العميقه فى معناها وكبيره فى محتواها بكون علينا
ان نقف احتراما واجلالا لقائلها قبل من قيلت فيهالانو نحن
السودانيات مازلنا بخير وكلمات الاغنيه تصف كل ست بيت
سودانيه0 اتمنى من كل الاخوه كل واحد يرى فى شريكته0
السمحه ام ولدى 000

Quote: لو

اها "لو" دي البتجنن .. بدل قعدة البلكونات في الطابق الثاني ما كان تقول ليها طن ..؟؟

اها ممكونة جابت ليك القصيدة اتصل بام عبدالله واقراها ليها .. تسمعا منك مش من الراديو ...

Quote: مجرد سؤال ياأبو عبد الله: أم عبد الله أخدت ليها غشوة ل ((كاكوم)) و لا شنو؟؟!!!

وووووووووووووووب منك ممكونة نمسك الخشب عدييييييييييييييييييييييل كده انتى لسع متذكرة كاكوم وووووووووووووووب منك تاااااااااااانى تانى نعمل الف حساااااااااااب .

ام عبد الله عندها حلاة قدلة انا خايف يدوها لي عين سااااااااااااااااااى .

كتر خيرك شدييييييييييييد على اللنك الجميل يا ممكونة وسلمى لى على الممكون المسكين انتى اكيد ما بتنسي اى ذلة لسان منو من زمااااااااااااااان . لكن سامحيهو يا ام ريد كان بقت فد مرة .

Quote: لما يكون من النساء البتستاهل انو تتقال فيها زى الكلمات الزى دى العميقه فى معناها وكبيره فى محتواها بكون علينا ان نقف احتراما واجلالا لقائلها قبل من قيلت فيهالانو نحن السودانيات مازلنا بخير وكلمات الاغنيه تصف كل ست بيت سودانيه0 اتمنى من كل الاخوه كل واحد يرى فى شريكته0 السمحه ام ولدى

000

هلا هلا ام احمد الدخلت القش ما قالت كش تسلمى وكلامك يحنن ويجنن . دحين يا ام احمد هسع البتسوى فيهو ام عبد الله دى في غير سودانية تتحمله؟

مني عليك الرسول البتولع الدخان من الباعوضة لبقراتها
ومنى يا ام احمد البتفزع للقشقش مع بنياتها
ومنى يا ام احمد البتصلح التوب لحماتها
ومنى يا احمد البترد الموية من الجمام لضيفاتها
ومنى يا احمد البتلم تيراب العنكوليب السقداوي لبلداتها
نواصل

الأخ العزيز الطيب

تحياتي

في حديث لرسول الله صلي الله عليه وسلم قال ( في النساء ) مااهانهم الإ لئيم

ومااكرمهم الإ كريم 0

الحمد لله والشكر لله في زوجاتنا فهم يقومون بواجباتهم علي اكمل وجه بداء

بطلباتنا التي لا تنتهي ومرورا بالأطفال وإستذكار الدروس والطبخ والكنس

ونظافة الملابس ونظافة البيت , الموضوع ذو شجون وفضلهم علينا كبير لذا

وجب علينا المحافظة عليهم وإحترامهم وتقديم العون لهم دائما وسيبك من

يقول الزوجة لازم تنهرها او توريها العين الحمره 0

الله يخلي أم عبد الله وعبد الله واخوانو واخواتو وانت كمان تكون (تمامة جرتق)
زي دي تستحق أكثر من الشكر ،،وانت كتر خيرك بتحفظ الجميل

Quote: وكالة عديييييييييييل للغاشي والماشى وتدى اللقمة ضاااااااااااااااااااااحكة ومبتسمة وبقت دليل لعربها في البندر تودى مريضنا للدكتور وكلام كتيييييييييييير بعود ليكم .

وإنت حاسد ولا (بغران) ....

Quote: وإنت حاسد ولا (بغران) ....

متهمل بس بقيت ضمن الضيوف وماني في بالها كتييييييييييييير

الاخ ابو بكر

الرطانة بيعرفوا القدلة ؟

الاخ هشام خلف الله

الله يديك العافية على المرور كلامك عسل عديييييييييييل دحين فرح ود تكتوك مو قال كلام حلووووو في زوجته ؟؟؟؟؟؟؟؟؟

الاخ الطيب لك التحيه والاحترام شكرا على الثناء
على ام عبدالله وكتر خيرك 0 فعلا المراءه تستاهل
كل خير واحترام تقدير من الرجل بالقول والفعل
امامها وامام اولادها وامام اهلهاوامام الناس
وان تكون هى اهلا لذلك وهذا شى لابد منه فنحن من
دونهم لانسوى شى فهن متعة الحياه وهذا يكفى
تحياتى ايها الشيقوق

Quote: ام عبد الله عندها حلاة قدلة انا خايف يدوها لي عين سااااااااااااااااااى

انشالله مايسحروها ليك هى فعلا سمحه البتعمل الكلام الانت قلتو ده لازم تكون سمحه خلقه واخلاق وان كنت انا شايفه غير الناطقين
بها(الرطانى ) قاعد يحرش كمان لكن انا عندى سؤال صغيرونى انت البلوم القالو كنت حايم معاهم فى معرض الخرطوم الدولى كانو منو

Quote: القلب البريد ران عليهو غباوة والريد الكتير بهديل وعقبو شقاوة ما بتنفع معاهو شجاعة ولا ضراوة القوى والضعيف مفروض عليهو أتاوة القوي والضعيف في الريد مقامُن سوّا الريد مو سِحِر, ماااااااا بدورلو درقة وقوّة الزول البريد لي زولو يبقى مُرُوّة يبقى نجِم سراهو ويبقالو قمراً ضوّا

لك التحيه اخى مدثر كلام ذو شجون
الاخت ماجده شنو ياجماعه الفتن دى
الرطانى ماقصر كمان جايه تتميها انت
ده شمار جديد لازم نلحق حدو

كنت عايز أشارك ...لكن وقت جابت ليها بلوم...
خلوني أمسك الدرب.. لأنو دي رقيصا ما عندنا ليهو شعر
بلوم وفي معرض الخرطوم.. يا حافظ يا حفيظ

Quote: الرطانة بيعرفوا القدلة ؟

بالرموت كونترول ...
بعديين ناس هايدبارك شافوك في معرض الخرتوم مع منو ؟؟؟

Quote: لك التحيه اخى مدثر كلام ذو شجون الاخت ماجده شنو ياجماعه الفتن دى الرطانى ماقصر كمان جايه تتميها انت ده شمار جديد لازم نلحق حدو

سلامات اخ خالد

والله انا ماعندى اى نيه للفته كل مافى الموضوع وببراءه شديد جات السيرة دى قبل كده بتاعه البلوم
وانا سالت (الرطانى )البلوم يعنى البلون ابر يجاوبنى جاوب على حاجه انا ماسلت عليها اها انا لغايه الوقت ده
كنت قايله الرطانى بيعرف عربى كويس هسه لمن قريت الكلام الجميل عن السمحه ام ولدى ببراءه برضو قلت اسال
لكن شايفه انو الحكايه جابت ليها شمار والشمشارين زادوانت علشان تعرف حقيقه الكلام ده جه من وين امشى فتش بسوتات
الرطانى سلام للجميع وللسمحة بالتاكيد فى الاول وسمسمه انتى وين حبيبه الحقينى

الاخت ماجده ات ماتاخذى الموضوع بجديه
نحن كل ما فى الامر الرطانى قال شفت
الشيقوق ماشى مع البلوم فى حد مابعرف
البلوم انت دايره تزوقى وبس 000
ودشيقوق متورط نحن نبحث عن ادله0 وشهود وهم
انت والرطانى شفتو الشيقوق معاهو جكسس
فى المعرض 00

Quote: انشالله مايسحروها ليك هى فعلا سمحه البتعمل الكلام الانت قلتو ده لازم تكون سمحه خلقه واخلاق وان كنت انا شايفه غير الناطقين بها(الرطانى ) قاعد يحرش كمان لكن انا عندى سؤال صغيرونى انت البلوم القالو كنت حايم معاهم فى معرض الخرطوم الدولى كانو منو

الاخت ماجدة مالك عايزة كمان تخربي ديارنا . ابو بكر ده شهادته لا يعتد بها في المسائل الجكسية البلوم دى بنتى جوجو الحلوة انا بحبها وبمكسك يدها طوالى محل ماشى بخاف عليها كنت في اليوم داك جاى من الغربة مبسوط وقلت البدوية بنتى افسحها محل بيتفسحوا اولاد وبنات البندر وكانت بتضحك شديد عندما احكي ليها عن وليدات البندر اللابسين الملابس المجبصة . قالت لى ابوى انت الاولاد ديل ما بحبوا الجلاليب قلت ليها ديل كاسرين قيدهم سااااااااااى من اهلهم زى هيفاء البتنطط في الفضائيات زى ارنب اللعوت .

اما ام ولدى ما عندها شغلة بالتفسيحات دى لانها مشغولة مع ضيوفها واكيد يكونوا ناس الشمارات شافونا وقالوا ود شيقوق مجكس افو افو يا ود المحرب دحين كلام ماجدة ده مش كلاما ني .

Quote: كنت قايله الرطانى بيعرف عربى كويس

الرطان بيعرف العربي البيتكب وينقري اما نضم جن العرب دة ما بعرفو ؟ وانتي كان ما بتعرفي البلوم بتمشي الهايدبارك ليه في الشتا ؟

وما زالت التحريات جاريه بعد ان اتحصلنا
على شاهده جديده وهى ماجده عوض خوجلى
والمتهم قلب الموضوع بان الجكس
واحده من بناته
رايك شنو يا ابوبكر قال بتو قال

Quote: زى هيفاء البتنطط في الفضائيات زى ارنب اللعوت

اها الشايقي النجيضة خلتك تعترف يابتاع هيفاء ؟؟
انا ما قت ليك الشايقي ابعد منهم بعيد ..
ات ما قريت المطارحة الشعرية بين الدنقلاوي والشايقي فبي كتاب الاستاذ احمد شاهي Themes from Northern Sudan.. اهلنا الدناقلة قالو كلام عجب والشايقي كمان ردو عجب وانا بتفرج..
الشايقي قال:
يامسيكة الحجر الارسي
موجة من البحر يكبس
شوفتة للصياد يكرس
للخصيم يقبض يفترس
نحن شايقية وعبابيس
نحن للقران ندرس
وفي الحرب وقتا نداوس
ما بنصد نرجع علي الميس
نجري في البيرق نتكبس
...وكلاما كتير

ورد الدنقلاوي:
من قبيل كان فكري مشغول
اتعدل ودابي انا داير اقول
داير انضم العقد اب فصول
داير اساهر بك للسحور
انتا مهما سهر ما بتقدر تقول
الكلام الصح المعقول
ياخي هجصك خلي مقفول
ولا خليك في ناس بلول
غير دناقلة علينا اش تقول
... وكلاما كتير


واهو ياودشيقوق الشايقية خلتك تفتح هجصك !!!
____________________________________________

يشان ما تقولو قاطع الكلام دة من راسو في الكتاب اياه خمس قصائد للشايقي وخمس للدنقلاوي قريبي ..

Quote: رايك شنو يا ابوبكر قال بتو قال

ياود المحرب

اها ما طلعت هيفاء بتاعة الفضائيات ...
شايف الراجل وعمايلو ....

Quote: ات عارف يا ابا بكر ماجدة عوض خوجلي فكت قنبلة بهناك خلتنى اترصد يمين وشمال دى جات من وين انا كنت في الاجازة لقيتها حابسة المنبر ساى تراقب وتجيب الشمارات من معرض الخرطوم الدولى وووووووب منها تكشف حالنا وتخرب ديارنا . وين الفاروق ما متابع الدانات دى ولا شنو ؟

شوف صاحبك مشا بى هناك فى بوست بت طلحه
يستنجد بالفاروق خلى فاروق يحلو عندنا
شاهدة واثقين من شهادته ات بتخليك الشلاقه
بعد ماجده نست الموضوع قعدت تسوى فى السمحه
ام ولدى 00000
ابوبكر شد حيلك الزول محامى يجيد المراوقه

Quote: اها الشايقي النجيضة خلتك تعترف يابتاع هيفاء ؟؟ انا ما قت ليك الشايقي ابعد منهم بعيد .. ات ما قريت المطارحة الشعرية بين الدنقلاوي والشايقي فبي كتاب الاستاذ احمد شاهي Themes from Northern Sudan.. اهلنا الدناقلة قالو كلام عجب والشايقي كمان ردو عجب وانا بتفرج.. الشايقي قال: يامسيكة الحجر الارسي موجة من البحر يكبس شوفتة للصياد يكرس للخصيم يقبض يفترس نحن شايقية وعبابيس نحن للقران ندرس وفي الحرب وقتا نداوس ما بنصد نرجع علي الميس نجري في البيرق نتكبس ...وكلاما كتير ورد الدنقلاوي: من قبيل كان فكري مشغول اتعدل ودابي انا داير اقول داير انضم العقد اب فصول داير اساهر بك للسحور انتا مهما سهر ما بتقدر تقول الكلام الصح المعقول ياخي هجصك خلي مقفول ولا خليك في ناس بلول غير دناقلة علينا اش تقول ... وكلاما كتير واهو ياودشيقوق الشايقية خلتك تفتح هجصك !!! ____________________________________________ يشان ما تقولو قاطع الكلام دة من راسو في الكتاب اياه خمس قصائد للشايقي وخمس للدنقلاوي قريبي ..

يا زول ات الكلام ده مقلعه من وين الكلام ده فيهو عنصرة بتاعة اولاد الشمال على اولاد الوسط ويا ود المحرب ما تنغش الشى جاب ليهو محسوبيات وحرم اقرب منى ما عندك ياني الوارثك ووارثني ات براك ما سمعت دحين عولك شن قالوا؟ قالو

العرس نوبية لا عرس لا ناسب
والعرس شايقية عرس وما ناسب
والعرس جعلية ناسب وما عرس
والعرس رفاعية عرس وناسب عديييييييييييل كده.

Quote: لما يكون من النساء البتستاهل انو تتقال فيها زى الكلمات الزى دى العميقه فى معناها وكبيره فى محتواها بكون علينا ان نقف احتراما واجلالا لقائلها قبل من قيلت فيهالانو نحن السودانيات مازلنا بخير وكلمات الاغنيه تصف كل ست بيت سودانيه0 اتمنى من كل الاخوه كل واحد يرى فى شريكته0 السمحه ام ولدى 000

ام احمد ما شاء الله خصمتكم بى الله تلموا جناكم الحلوين ديل من الشوايقة والنوبيين العيونهم حارة .

Quote: انا عندى سؤال صغيرونى انت البلوم القالو كنت حايم معاهم فى معرض الخرطوم الدولى كانو منو

ثبت الكلام ياابوبكر فى المحضر
ده كلام يخدمنا فى القضيه

ده مابحلك كشكره لى ام احمد مافى خليهن يسحروهن

Quote: يا زول ات الكلام ده مقلعه من وين الكلام ده فيهو عنصرة بتاعة اولاد الشمال على اولاد الوسط ويا ود المحرب ما تنغش الشى جاب ليهو محسوبيات وحرم اقرب منى ما عندك ياني الوارثك ووارثني ات براك ما سمعت دحين عولك شن قالوا؟ قالو العرس نوبية لا عرس لا ناسب والعرس شايقية عرس وما ناسب والعرس جعلية ناسب وما عرس والعرس رفاعية عرس وناسب عديييييييييييل كده.

اها منو المتعنصر !! ؟؟ منو جاب سيرة العرس والنسب ,,, القضية هي قصتك مع هيفاء بتاعة الفضائيات الكنت مكيس معاها في معرض الخرتوم وجندرمة الشايقية شافوك وارسلو تقرير مصور السي الشايقية النجيضة في لندن .. اها الموضوع صار عابر للقارات وقوات دولية محتمل تتدخل ....ات يادوبك عرفت انو ودالمحرب قريبك وات بتبشتف فيهو عيانا باينا لانو اتصل بيك في الخرتوم بشان يطمئن عليك وانت كت مشغول في معرض الخرتوم ...

ابوبكر المتهم شافوه الان متجه ناحية صلاله
وكان دخل اليمن صعب الحصول عليه حرك يارجل
الحق حس بى الخطر

Quote: ابوبكر المتهم شافوه الان متجه ناحية صلاله

ودشيقوق اصلو عندو لقاء مع هيفاء في جبال صلالة ومن هناك بيسافرو سوي بحرا في نفس المسار الذي ابحر فيه احمد بن ماجد الي امريكا ...اها عرريبكم راح ...

يا اخوانا الليلة الترابي متجنن شديد معاهو الصادق وعلى محمود حسنين انتو متابعين الاخبار ولا سااااااااااااااااى مولعين ؟

الترابي قال بعد يومين في اخبار سارة .

تابعوه كويس .

Quote: الترابي قال بعد يومين في اخبار سارة .

يا ودشيقوق .. ما تصرفنا عن الامور الرئيسية بامور جانبية .. ات مشيت وين مع هيفاء ؟

ود شيقوق من اى واد عبقر انت نثرا وتراثا -ام عبد الله ودعتا لله بنت ناس عزاز جمعوا المكارم كوم اسلك بالله اخى الطيب اى ايمان واى تواضع واى انسانية واى حضارة تتدثر اخوها ابراهيم الشهم الجدع ود القبائل طبعا وسلوكا وكان داير تشوف فاطمة شوف امحمد فى السوق درهم لله عيال احمد البشير شيقوق ويا عينى عليك يا شامة ويا مثال للحرمة السودانية خصال ثابتة لاتتغير اصيلة وندية نداوة المشاعر وشذية شذى الازاهر حفظك الله --


من روائع ما قيل فى الحب العذرى العفيف الذى نغشته كلمات العاشقين برعشات قلوبهم على جدران قصائدهم حب جميل لبثينة --سئل جميل من انت قال انا من قوم اذا احبوا ماتوا قالت جارية سمعته هذا عذرى ورب الكعبة قيل ما بال الرجل منكم يموت فى هوى امراة اجاب جميل لان فينا جمالا وعفة -وجميل العاشق هو القائل --

ارحمينى فقد بليت فحسبى بعض ذا الداء يا بثينة حسبى
لا منى فيك يا بثينة صحبى لا تلوموا قد اقرح الحب قلبى
وقد جاراه ابو عفان ابن حسين عثمان
وخلانى لامونى وعابوا على هواى ورجعوا هنونى

يروى ان بثينة معشوقة جميل معمر دخلت على الخليفة عبد الملك بن مروان فقال لها والله يا بثينة ما ارى فيك شيئا مما كان يقوله جميل --ردت بثينة يا امير المؤمنين انه كان يرانى بعينين ليستا فى راسك -قال الامير وكيف صادفته فى عفته قالت كما وصف نفسه -

لا والذى تسجد الجباه له مالى بما دون ثوبها خبر

ولا بفيها ولا هممت بها ما كان الا الحديث والنظر

ويا ابوبكر ان شاء الله تكون تعافيت وملكت الصحة خاصة وان الشتاء بدا فى الانسحاب التدريجى المنتظم -

ود شيقوق طول الله عمرك

صح للسانك يااحمد حماد ادريس
يا سمي احمد واحمد ده هويتي في الكون لما القاء الوهبني ليه
قلت فابلقت واوجزت
الطيب ده وسيرته لمحه
في زمن السرور بسر البال في كل شي ده
البقنع الكشفات اخو البنات المامون
علي الجارات ده ابو عبدالله البضربو
شوتال الفقر هو لي رفيق وعرضو فايت ابوعشاري وزيق
الطيب اكان البيت كتبته قلط معليش خالد نايم
بس ده شعوري
وكتر خيرك تاني احمد علي تفقدك لي عافية ابوبكر ده بركه سودانيز
كلها

ماجده خالد وود شيقوق ديل نصابين
عاوزين يحيروك ديل بحيرو بلد كامل
ويوقفو يتفرجو عليه ما عليك منهم
هم زي العسل الابيض لونه ابيض و
طعمه حلو وبعدين طال مافي ابوبكر
يعني ميزان العداله منصوب يعني
ماتخافي منهم الاتنين مرجعيتهم الي ابو بكر

اختك عفاف ابوحريره

ابوبكر ياجبل انتا ما بتهزو الرياح
لانك جبل اخلاص ووفا ومحبه للحياه كلها
في زمن الحياه هي اكبر عب لمن ينتسبواليها
يامن منك واليك الحياه لك كل الا حترام


والتقدير ياابو الانسانيه
وابوكل المشاعر الحلوة
ام احمد

Quote: لا والذى تسجد الجباه له مالى بما دون ثوبها خبر ولا بفيها ولا هممت بها ما كان الا الحديث والنظر

الاخ ود حماد

جميل انك تكون معنا وحتما جاى فازع ود عمك بصدق وحلاوة وعمق الكلمة فلا غرو فانت الذى ينظر النوبي الى ادبك وتسمع كلماتك من به صمم ( اقصد ود المحرب )

فيا النوبي ويا ماجدة عوض خوجلي ويا ام احمد ( ما كان الا الحديث والنظر - يعني عشاء البايتات ومقنع الكاشفات)

يا اخونا وين بت طلحة فاقدين فزعها برضو . وين الفاروق هل في ؟maternity leave

يا ود حماد : انا بخير بوجودكم .. وانا كت حاسي انو ودشيقوق في ورطة ومحتاج لسندك واهو جيتو محمل ..ما شايفو بعد وصولك بلعلع كيف

ياودالمحرب : كان ما غنيت وسويت بوست لام احمد : السمحة ام احمد بعلقك من شنباتك ...

يا ام احمد : عرفتكم خلت ايامي خضرة .. الله يخليكم

Quote: السمحة ام احمد بعلقك من شنباتك ...

انا عايز اعمل بوست باسم (السمحة ماجدة خوجلي) عشان ربنا يصرفها من السمحة ام ولدي عديييييييييييييييييل كده .

هلا هلا بي ضي القبايل
ان شاء الله الجيت منهم طيبين وتامين ولامين..
ومرحبتين حبابك واليوم السعيد الليلي جابك..

أخوك الزاكي

Quote: انا عايز اعمل بوست باسم (السمحة ماجدة خوجلي) عشان ربنا يصرفها من السمحة ام ولدي عديييييييييييييييييل كده .

يالعرريب ابعد من الشايقية النجيضة ...
ات ما بتعرف شن تسوي بعدين...
الرطان مجاورنهن وبيناتن ارحام وبيعرفو كيفن يتعاملو مع الشايقية اما انتو العرريب ما بتعرفو ليهم ... دييل زمان خلو العرريب لما جوهم يفزو شرق وغرب صوب الصحرا .....اتو ما قدر نضمن ان اتماسخن ... سكر مدغشقر وكنانة ما بحلي كلامن في وقتها ...

اها انا اديتك النصيخة والباقي عليك

Quote: دييل زمان خلو العرريب لما جوهم يفزو شرق وغرب صوب الصحرا

لكن هم براهم بيقولوا الشايقي ان نجح للعسكرية وان فشل للطورية وكلكم يا ناس الشمال كده اما نحن كان فشلنا وكان نجحنا برضو ناس بطانة ساااااااااااااى .

لكن نحن عمرنا ما فزينا ولا تعاونا مع الانجليز ؟؟؟؟؟؟؟؟؟؟؟؟ يا ارباب

Quote: لكن هم براهم بيقولوا الشايقي ان نجح للعسكرية وان فشل للطورية وكلكم يا ناش الشمال كده اما نحن كان فشلنا وكان نجحنا برضو ناس بطانة ساااااااااااااى .

نحن نايلوتك يعني نيليين ما عندنا غير الطورية ولما الجروق ضاقت يا بقينا بنايين و طباخيين يا عساكر .. ولما لقينا مدارس قرينا وبرضو بقينابنايين و طباخيين وعساكر

Quote: لكن نحن عمرنا ما فزينا ولا تعونا مع الانجليز ؟؟؟؟؟؟؟؟؟؟؟؟ يا ارباب

ات الفز الا في الحرابة ؟؟... اتو ما قدرتو علي لسان الشايقية وكت يتماسخ
لكنكم قدرتو علي الانجليز والمدافع ... شفت ليه انا بنصحك تبعد من الشايقية النضاج .. اها يدوك نضمي مسيخ تعتر تقع وراسك يلف ....

Quote: اها يدوك نضمي مسيخ تعتر تقع وراسك يلف ....

اها يا زول انا قررت ابعد من الشر واغنيلو

Quote: اخى ابوبكر نهارك سعيد - ليلة البارحة شوهد ود شيقوق فى معرض الخرطوم الدولى وهو جالس خلف كمبيوتر فى المعرض حيث ان شركة كنار قدمت عرض استعمال انترنت مجانا طوال ايام المعرض -شوهد طالع معاهو بلوم ونازل معاهو بلوم -وانتى وينك يا ام عبد الله - ابو بكر اخوى شايف شكيتك كترت يا اخى بعد الشر عليك -لك جليل مودتى

التاريخ 27/1/2007 الساعه 3 مساءالكلام فى بوست ياودشيقوق ماترجع الحاله دى الرطانى كان مورود


عفاف ازيك حيبيه اناشعرت بالاطمئنان بعد كلامك لكن شوفتى براك جابت ليها نضم تانى علشان كدةانا بقيت مصرة
على رأى خاصه مابعد الشاهد الرئيسى شفتوكتب وبراءه الاطفال فى عينيه وكمان قاعد شنو يساند احنا حبيبتى علمنتا الايام
والمهنه اننا مانفوت حرف ومانسيب برضو حرف للظروف خاصه بعد ماعرفت احتمال دخول ناس محددين ممكن يؤدى اى بوست نهر عطبرة
علشان كده بقيت اوثق وبالتاريخ قبل مااسال سؤال صغيرونى ذى سؤالى ولسه عندى كتير من الادلها

Quote: ها يا زول انا قررت ابعد من الشر واغنيلو

ده كلام مابيحلك لاننا قررنا نكون واقفين فى صف السمحة

Quote: ده كلام مابيحلك لاننا قررنا نكون واقفين فى صف السمحة

يا ام احمد شنو الشنينة الفكيتوها فيني الله يصرفها منى عدييييييييييل كده ندمتنى في سماحة ام ولدى .

انتى يا منى خوجلي اختك ماجدة دى ما عندها بوست زى لحظة من فضلك يشغلها منى .

انا يا ماجدة بعد ده بقوم بحلف عليك طلاق تنصرفي منى اها بتعزي السمحة ام ولدى ولا بتخربي بيتي عدييييل؟ . انا كمان ناوى ليك بحليفة اوعى تكلمى منى خوجلي لانها عندها راى من زماااااااااان في الناس البيحلفوا طلاق .

ابو بكر يا اخوى ات غيرك مافي فزع الحقتنى البنية دى بتبشتن بحالي .

Quote: يا ام احمد شنو الشنينة الفكيتوها فيني الله يصرفها منى عدييييييييييل كده ندمتنى في سماحة ام ولدى .

ماهو علشان احنا شينينه قلنا احسن نغطى الشينينه حقتنا ونقيف مع ام ولدك السمحينه ومنى خوجلى الله يصرفاعديل
ولاماعديل ده مابيحلك من السؤال انت هسه عرفت الكلام الجابو منو

Quote: ده مابيحلك

ات يا ود شيقوق ما تهدي لوري عمك التيمس للشايقية بشان تحلك ..اصلها دايرة تسافر صوب الزومة ...

Quote: ولاماعديل ده مابيحلك من السؤال انت هسه عرفت الكلام الجابو منو

والله ما عرفت الكلام الجابو منو لكن شكيت ام احمد لله الدودرتنى للبوست ده وخلت الرطاني يضحك ويتفرج ساااااااااااى في البقت في ود القبائل الربنا سلط عليهو بت العوض لكشف حالو ساااااااااااااى .

الحكمة ود المحرب طعن تراب اها يا اخوى بل راسك دى كان عكلتت فيك يفكك منها الجليل الرحيم وكمان قدرك انت سمحتك مو زى سمحتى سمحتك انت عضوة ومتابعة لكن المسكينة ديك هسع تكون تعوس في صاجها سااااااااااى بالقرقريبة ( ابو بكر القرقريبة دى بتقوم مقام البلاستيكة) ماجدة انسيني واشرحي لقريبك ده كلامى ده .

شيخ العرب .. ود شيقوق

آزول الله يزيدك بسط كمان وكمان

تعرف يا شيخ الطيب ، أم أحمد حقو تجيبا لينا في رمضان في مسقط هنا ، عشان نضمن
الفطور وما نتجهجه هههههههه

حمدلله بالسلامة

عبدالرحمن

Quote: تعرف يا شيخ الطيب ، أم أحمد حقو تجيبا لينا في رمضان في مسقط هنا ، عشان نضمن الفطور وما نتجهجه هههههههه حمدلله بالسلامة

الاخ الرحمابي ابو ضحى

شكرا ليك على مرورك الجميل بمحياك الانيق

بس يا الرحمابي ام عبد الله دى ماها دابا وداب ناس ود الضو دى بتعوس لقبائل كاااااااااااملة والله نجيب ليها شغالة ما بتم معاها ضحوة نلقاها لملمت عفشها وهربت .

Quote: والله ما عرفت الكلام الجابو منو لكن شكيت ام احمد لله الدودرتنى للبوست ده وخلت الرطاني يضحك ويتفرج ساااااااااااى في البقت في ود القبائل الربنا سلط عليهو بت العوض لكشف حالو ساااااااااااااى . والله ما عرفت الكلام الجابو منو لكن شكيت ام احمد لله الدودرتنى للبوست ده وخلت الرطاني يضحك ويتفرج ساااااااااااى في البقت في ود القبائل الربنا سلط عليهو بت العوض لكشف حالو سااااااااوالله ما عرفت الكلام الجابو منو لكن شكيت ام احمد لله الدودرتنى للبوست ده وخلت الرطاني يضحك ويتفرج ساااااااااااى في البقت في ود القبائل الربنا سلط عليهو بت العوض لكشف حالو ساااااااااااااى اااااى

تانى اسمع كلام ام احمد
اها الحكايه موثقه بالتواريخ
وبعدين امس وكيل النيابه كان غائب ياماجده لابد من حضورك اليوم
وخلى الفى ايدك كلو نحن عاوزين الليله النطق بالحكم

Quote: والله جيتكم راجع من الاجازة وجاتني هفة للعودة تاني لام عبد الله طويلة البال

Quote: وووووووووووووووب منك ممكونة نمسك الخشب عدييييييييييييييييييييييل كده انتى لسع متذكرة كاكوم وووووووووووووووب منك تاااااااااااانى تانى نعمل الف حساااااااااااب .

Quote: وووووووووووووووب منك ممكونة نمسك الخشب عدييييييييييييييييييييييل كده انتى لسع متذكرة كاكوم وووووووووووووووب منك تاااااااااااانى تانى نعمل الف حساااااااااااب

Quote: انا عندى سؤال صغيرونى انت البلوم القالو كنت حايم معاهم فى معرض الخرطوم الدولى كانو منو

Quote: والله ما عرفت الكلام الجابو منو لكن شكيت ام احمد لله الدودرتنى للبوست ده وخلت الرطاني يضحك ويتفرج ساااااااااااى في البقت في ود القبائل الربنا سلط عليهو بت العوض لكشف حالو ساااااااااااااى . الحكمة ود المحرب طعن تراب اها يا اخوى بل راسك دى كان عكلتت فيك يفكك منها الجليل الرحيم وكمان قدرك انت سمحتك مو زى سمحتى سمحتك انت عضوة ومتابعة لكن المسكينة ديك هسع تكون تعوس في صاجها سااااااااااى بالقرقريبة ( ابو بكر القرقريبة دى بتقوم مقام البلاستيكة) ماجدة انسيني واشرحي لقريبك ده كلامى ده .

.


والله يا ود شيقوق زعلانه منك ممكونه والشايقيه مكننّّّّك بالكلام
شاكيني على الله مالك

Quote: والله يا ود شيقوق زعلانه منك ممكونه والشايقيه مكننّّّّك بالكلام شاكيني على الله مالك

ام احمد هسع البوست ده متلاحو تاااااااااااااااااااااااانى مالك . انا فرحت قلت خلاص غاااااااااااااااب من الناس تانى حد بيشوفو مافي .

انت وود المحرب ما عارفين حاجة والله البتلحنى انا تجيهو فاتورة تلفون صلاح ادريس ما يخلصها وربنا يسلط عليهو وجع رقبة زى وجعك انتى وابو بكر .

انسوا البوست ده خلهو يتضارى في الصفحات البعااااااااااااد عشان ارضى عنكم .

هسع انتى نقلتي الكلام كلووووووووووو شغالة زى الترزي ترقع ساااااااااااااى في شمارات ماجدة وممكونة .

السؤال الصغيرونى عفاف حبيبتى بتصدقى ماعايز يجاوب عليهوكمان جابت ليهادعوات

ماجدة اختى وحياتك انسي البوست ده وامشى على بوست خيالك وانا ذاتي برحل معاكم لبوست الخيال السارح فيهو ابو بكر الناطق بغيرها