مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟

Post: #1
Title: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 08:27 AM
Parent: #0

يلا يا اهلنا افيدونا وادونا الرواية كلها لو عندكم .

Post: #2
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: حيدر حسن ميرغني
Date: 09-11-2006, 08:51 AM
Parent: #1

الأخ الطيب

ما أجمل مرية

حقيقة وقصيدة

وما أروع صلاح أخو فاطمة

..........

ليس لدي إفادة بشأن سؤالك أعلاه

لكن عندي في المقابل سؤال ايضا

الا تعتقد أن الفنان حمد الريح قد طمس كلمات القصيدة بأدائه الفاتر مثلما

فعل الفنان النور الجيلاني بأغنية مادلينا للشاعر محمد سعد دياب?

علما بأنني محب لاداء الفنانين المذكورين في أغانيهما الأخرى

Post: #4
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 09:04 AM
Parent: #2

اخي الاستاذ حيدر

شكرا لمداخلتكم ولكن ظنى انه لا يوجد فنان يبدع في التغني بمريا مثلما ابدع حمد الريح ولا اجد مغني انسب من الجيلاني لمدلينا وحب الناس مذاهب يا عزيزي .

لك كل الود

Post: #3
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-11-2006, 09:04 AM
Parent: #1

تعرف يا الطيب انت ما بتريّح أبدا
والله أنا الغنية دي باسمع فيها منذ طفولتي وبعشق فادح وطوال تلك السنوات لم أع البيت المسكون فيها أو معناه الا هنا في مسقط :
يامريا ما لعشرينين باتن في جحيم تتقلب ... ترتدي ثوب عزوف وهي في الخفية ترغب
تصدق يا الطيب الغنيه دي شدة ما بريدا كنت اتمنى ، وأنا بعد يافعا ،أجيب لي بت اسميها مريا . والله مريالوحدها تكفي صلاحا أن يكون أميرا في مدرسة الغابة والصحراء. في رايي أن حمد الريح من أجمل الفنانين من حيث انتقاء القصائد التي يؤديها يعني أغنية (تائه الخصل) لما أسمعها ممكن أي مستجد ينشلني بسهولة وأما (الى مسافره) فهي نفسها تنشلني من قاع كآبتي الى سحب ومزن ما فيها غير ندى الياسمين ، كدي شوف (شال هم فرقتك قلبي) دي يا الطيب. أما مسألة الصدفة هذه فلست ممن يؤمن بها فهذا الكون منظم بدقة متناهية
شكرا ياجميل .. شلناك شمعه.

Post: #5
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-11-2006, 09:23 AM
Parent: #3

Quote: الا تعتقد أن الفنان حمد الريح قد طمس كلمات القصيدة بأدائه الفاتر مثلما

فعل الفنان النور الجيلاني بأغنية مادلينا للشاعر محمد سعد دياب?

أخوي
كده بتكون ضربتني ضربة مزدوجه لأنه (مريا) ماكان ممكن تلحن أو تُغنى بغير ماهي عليه واما مادلينا ، مع حبي للنور الجيلاني وحبي للأغنية ، الا أنها لم تكن بالمستوى اللحني المناسب وزي مابيقولو ناس الموسيقى الأيقاع فيها سريع ، يعني قبال ماتعيش معاها تلقاها انتهت ، زي الديمقراطية في السودان . لكن سحر الأغنيتين أنهما كتبتا في اغريقيتين قاتلتين والمحرضين هنا سودانيين رائعين وهذا ليس بغريب في عالم الجمال حيث (الشرق أتى والغرب أتى) وألغيت الجغرافيا وتماهت الوجدانيات فتلاقت قمم (يا مرحى).
شكرا ياود مرغني

Post: #6
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 09:29 AM
Parent: #3

اخي المرتضى

لله درك يا جميل . كلماتك الرصينه تريح البال وتفتح النفس ويستلهم منها التقارب الوجدانى بيني وبينكم. انت يا عزيزي تفيض لغة وفصاحة للتعبير عنها غير اني بكاى وبس .
اقسم بالله يا المرتضى حتى انا كنت متمنى بنت اسميها مريا لكثرة شقفي بتلك الاغنية.

ولبعدين في المغيرب يا حبيبي تتلاقى امنياتنا ونقول اغنياتنا في اجمل عيون .

لك مودتي

Post: #7
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 10:16 AM
Parent: #6

Quote: يعني قبال ماتعيش معاها تلقاها انتهت ، زي الديمقراطية في السودان

انت يا المرتضى الكلام ده بتجيبو من وين ما ممكن اكون 8 سنوات في مسقط بعيد منك كده . كتر خير الباشمهندس بكري الرجل العظيم الذى جعل التلاقي ميسورا بين الغرباء والقرباء .

انا سمعت يا المرتضى اخوى انو صلاح احمد ابراهيم كان في مؤتمر بباندونج ولمح هذه المريا وبعدت منه نافرة واقترب منها واوشك ان يكون بينه وبينها ما بين جميل وبثينه عندما قال هذا الجميل

واول ما قاد المودة بيننا بواد بقيض يا بثينة ( او يا بثين) سباب

يقال يا المرتضى ان جميل كان بيرعى بابله في وادى اسمه وادى بقيض - ما متاكد بالقاف او الغين - وشاهد في اطراف ذلك الوادى قطيع اخر من الابل وصار يهرج ويصيح ( يا راجل يا راجل يا اخوى ابعد من هذا الوادي ) وتقاربت المسافات وبدأت تظهر له ملامح بثينة حبه حبه بعد شوية غير لهجته ( حبابك حبابك شن عندك وشن جابك) حلب ليها قرعه من لبن ابله ناولها إياها وشربت وبدأ الحديث و الى ان وصلا الى الحال التى تروى عنهما .

تضاربت الروايات حول طهر تلك العلاقة وتناقضت ابياته لتناى بنا عن علم اليقين حولها ولكن لدى قراءتك للبيت الذى يقول فيه:

بثين قالت يا جميل اربتني فقلت كلانا يا بثين مريب

واخر يقول فيه

فوالله الذى تسجد الجباه له ما لي دون ثوبها خبر

احسب ثمة تناقض بين ذينك البيتين ويا ريت لو اتانا الاخ الزاكي لمزيد من البيان .

لك اطيب الاماني

Post: #8
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-11-2006, 10:26 AM
Parent: #6

Quote: غير اني بكاى وبس

أحد المطربين المعروفين كان في زياره لمسقط وفي ونسه جمعتنا شكا أن نظره بدأ يخبو وأنو النظارات ما (سياحيه) مع الفنانين فنصحه د. محمد عبدالغني قائلا: أعمل عدسات لاصقه ، فكان رده لمحمد: هسّه يادكتور عليك الله العدسات دي تقعد كيفن مع بكاي الكتير ده؟.
شوف ياشيقوق (البكا) ده نعمه الهيه عليك أن تشكر الله عليها لأنها ، في نظري ، ترتبط بصفات حميدة عدة ، على سبيل المثال دائما ما تجد البكاي شهم وراجل (راجل) وكريم وطروب وشفاف ، هل سبق شفت ليك زول دلمه أو غبي بيبكي؟ انت عارف وزير الخارجية الموريتاني الأسبق ،على ما أذكر، اسمو محمد ولد بكاي وانا زعلت عديل كده لمن شالوهو. ياخ ود الرضي قال في قصيدتو (هوى الخلخال )التي تقتلني وتحييني ( لامنِي فيك الوالي واللي ما يسوى لست أعبأ بزخرف الأقوال برضِي في التبريح والبكا المتوالي ... يانسيم الليل).
بعدين ياشيقوق لو خليت البكا انت ماك زولي.

Post: #10
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 11:23 AM
Parent: #8

صحيح اخي المرتضى البكاء دلالة على القلب المرهف والنقي وتستصحب هذه العناصر جوانب اخرى لتكون مكونا حقيقيا للشاعر المبدع ليصنع لنا بتلقائية متناهية مثلما قاله الشاعر ادريس جماع في قصيدته التي صادفت المرحوم سيد خليفة ليبكي ويبكينا معه عندما يشدو بها مترنما أعلى الجمال.

أعلى الجمال تغار منا
ماذا عليك إذا نـظرنا
هى نظرةً تنسى الوقارَ
وتسعدُ الروحَ المعنىّ
دنـياى أنت وفـرحتى
ومنى الفؤادِ إذا تَمَنىّ
أنتَ السماءُ بدتْ لـنا
واستعصمتْ بالبعدِ عنا
هلاَّ رحـمتَ مـتيمـا
عصفت به الأشواق وهنا
وهفت به الذكرى فطاف
مع الدجى مغنى فمغنى
هـزته مـنك مـحاسن
غنى بها لـمّـَا تـغنَّى
يا شعلةً طافتْ
خواطرنا حَوَالَيْها وطــفنــا
أنـسـت فيكَ قداسةً
ولــمستُ إشراقاً وفناً
ونظـُرتُ فـى عينيكِ
آفاقاً وأسـراراً ومعـنى
كلّمْ عهـوداً فى الصـبا
أسألْ عهـوداً كيف كـُنا
كـمْ باللقا سمـحتْ لنا
كـمْ بالطهارةِ ظللـتنا
ذهـبَ الصـبا بعُهودِهِ
ليتَ الطِـفُوْلةَ عـاودتنا

لك اجمل الاماني

Post: #9
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: abubakr
Date: 09-11-2006, 11:10 AM
Parent: #1

الاعزاء
اعدكم بقراءة -فقط- ماتجودون به هنا - تصوفا- وحتي لا ادان بانني قاطع رحم الابداع الفني في المساجلات ..

حاشية :
في صيف 67 وعندما عدنا الي الخرطوم فاتحيين بالشهادة السودانية لاقامة طويلة في جامعة الخرطوم كان كل الخرطوم يبكي وجدا وهو يردد مع حمد الريح "الي مسافرة " فتهيأ لي حينئذ ان نشيدنا الوطني تنازل بعض الوقت ل "ياحليلو قال سايب البلد "

تحياتي

ابوبكر

Post: #11
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 11:34 AM
Parent: #9

العزيز استاذنا ابو بكر

كتر خيرك ونحن بنجيهك طب ابقى معانا وانا عارف بعد شويه بيجوا المبدعون ناس الزاكي والشايقي وملاسي( ده كرهنا البوستات ما بخليك تخرج من قواعد اللغة) يطول عمره برضه حريص على صناعة ابداع متكامل . وفي خضم الابداع المرتجى انت يا ابو بكر انا عارف You could not afford keeping away

يلاك يا صنديد

Post: #12
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: abubakr
Date: 09-11-2006, 11:40 AM
Parent: #11

جزيل شكري وامتناني وفي الانتظار ..
Quote: وملاسي( ده كرهنا البوستات ما بخليك تخرج من قواعد اللغة)

دة ود استاذي ومعلمي المرحوم ابراهيم حسين ملاسي ... وكويس انو انا ماني بكاتب او شاعر والا كنت في ورطة فقواعد اللغة دية والتشكييل مشكلة لا اقدر عليها

Post: #13
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: abdelgadir mustafa
Date: 09-11-2006, 12:21 PM
Parent: #1

الاستاذ شيقوق والاخ مرتضى حامد خليتونا زى الاولاد الصغار وكتين يحضروا المداح مع الناس الكبار اندهاش وعدم فهم بس السعاده تغمر العيون عليكم الله كتروا من الذى دا بس بالراحه بالراحه عشان نفهم والله جد سعيد وانا اتلمس طريق معرفتى بكم عساى فى كل ذلك ان اكون حوارا ياخذ من شيوخه كونوا دايما كما انتم الان
اخوكم وبرلومكم عبدالقادر

Post: #14
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 02:13 PM
Parent: #13

Quote: الاستاذ شيقوق والاخ مرتضى حامد

عزيزي سعادة المستشار القانوني قدوره

عفوا يا حبيبي عبد القادر / الاخ المرتضى والاخ شيقوق
انا لا ارضى ان تسمو بي الى ما بعد بعد الحاجب .

الاخ المرتضى ده حاجة تانية أنا معه في مسقط 8 سنوات لم اعرفه عن قرب الا بداخل هذه الخيمة التي دق اوتادها الاخ بكري ليجمع اهله رجالا ونساءا تحت ظلها الوارف ليسمعوا هو لبلب وليتناسوا آلامهم وشجونهم وحرمانهم وعذابهم. والكل يحدوه الامل ليعود مستقرا وامنا ومطمئنا عزيزا ومكرما في بلد حدادي مدادي .

لك اطيب المنى

Post: #15
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-11-2006, 02:40 PM
Parent: #14

استاذنا ابو بكر

انا عارفك بتجيبك الهوشة عندما تسمع دق الدلوكة والسوط ( الكرباج) عشان كده انا قلت ليك You could not afford keeping away

انا ما بقول ليك كن معنا لاني عارف الحكاية ما ارادية .

زمان كنا في جامعة الخرطوم 1982 وجاء يا بكري اخوى الطيب محمد الطيب لكلية الطب لتقديم برنامج عن التراث السوداني وإصطحب معه حميراء لتغني مقاطع من اغاني الحماس والله لا انسى هذا المشهد ابدا.

الاستاذ الطيب عمل مقدمة رائعة عن التراث والفن السوداني . وذكر ان السوداني اينما كان اجتماعيا او ثقافيا او اكاديميا له وجدان يتميز به عن غيره من البشرية لا يتغير هذا الوجدان بالبعد الفكري والثقافي عن محيطه البيئي .

اها ابو بكر يا اخوى قام الطيب قال لناس حميراء دقن لينا الدلوكة وكان هذا الكلام بداخل قاعة البغدادي بكلية الطب .

والله مجرد ما الدلوكة قالت تم تم تم تاني الاموراتلخبطت كلها . نزل اخونا الشاعر والاديب محمد بادى اعمى واطرش يضرب في جسمه بالسوط لحدى ما الدم بدأ ينزف في البلاط . وبعد شوية نزلوا فيهو اخوان فاطنة كلهم طلاب جامعيين قلعوا ملابسهم للجلد والسوط دور فيما بينهم كل القاعة امتلأت بدمائهم.

اها انت ده اصلا ما بنقول ادخل علينا لاننا عارفين وقتها ما جاء . وعندما وقتها يجي ما بتعاين للفيهو ناس ملاسي الدايره بتسويهو.

ثم ثانيا الملاسي ده ذكرني الصينيين الذين كانوا يدرسون اللغة العربية في الجامعة.
أذكر اثنين منهم كانا يسكنان بجوار غرفة الاخ بدوى تاجو - ربنا يطراهو بالخير هو الان بكندا - واخونا بدوى تعود وقتذاك يمشى يبتهج ويعود لغرفته المجاورة للصينيين في الساعات المتاخرة من الليل ويطرب ويغنى . الصينيان عيل صبرهما من هذا الازاعاج فذهبا للاخ بدوى وقالا له ( انتم تذهبون و ..... وتاتون اخر الليل وتزعجوننا سوف نذهب غدا للمدير وننهي له ما حصل )

اخونا بدوى عاين ليهم بطرف عينه ومبسوط قال ليهم ( انت والمدير تركبون ها هنا)

الصينيان غضبا جدا والصباح ذهبا للمدير العام وابلغاه بالاتي - طبعا لا يعرفان لغة دارجية - ( السيد المدير الاخ بدوى ومجموعته اعتادوا على ازعاجنا يوميا وذهبنا لهم وابلغناهم ان لم يكفوا عن الازعاج سوف ناتي لك سيدى المدير وننهي لك ما بدر عنهم وللاسف الشديد الاخ بدوى قال لينا انتم والمدير تركبون ها هنا؟؟؟؟

اولا سيدى المدير - الكلام للصيني - قبل موضوع ازاعاجنا نحن اثنان ( مثنى يعنى ) كيف يقول تركبون ها هنا ثم كيف يستقيم عقلا ان نركب نحن والمدير هاهانا .

اها بس الملاسي ده ما يبقى لينا زى الصينيين ديل

Post: #16
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-11-2006, 04:09 PM
Parent: #15

Quote: صلاح احمد ابراهيم كان في مؤتمر بباندونج ولمح هذه المريا وبعدت منه نافرة واقترب منها واوشك ان يكون بينه وبينها ما بين جميل وبثينه عندما قال هذا الجميل

ياالطيب أخوي انا سبب ( نزول) الأغنية ما متأكد منو لكن يروى ، والعهدة على ( الغاوي ) ان الشاعر كان في أحد مهرجانات الشباب العالمية للشيوعيين قبل مصيبة الغلاسنوست والبيروسترويكا ، وكانت الغزال المعنية بالقصيدة ضمن الوفد اليوناني (الله على الحضاره الهيلينية) وهي كما جاء في وصف صلاح لها ، فتية غضة بضة ينسدل شعرها الذهبي على كتفيها (يتبعثر) كسنابل قمح تُركت بغير حصاد ، كما يقول نزار ، في العمر تديها زي عشرين سنه كده وانا تديني تأبيده انشاالله . أها ياالطيب صلاح كان يحلم في صحوه أن لوكان بيده ازميل فدياس اله الفن والنحت وفقا للمثيولوجيا الأغريقية وقال قطع شك لنحتُ الفتنة الهوجاء ، شوف الفتنة أشد من القتل كده براها ، أها لما تكون هوجاء دي معناها قتل جماعي ، ويذهب صلاحا في حلمه وينشد لو أنه في قمة جبل الأولمب جالس وحواليه العرائس ، العرائس ديل ياشيقوق نحن بنسميهم ( كتيبة الاعدام ال death squad) لأن كل من دنا منهن فهو قتيل وكل قتيل بينهن شهيد. بعدين مشى صلاح في حلمه يحتسي سلاف باخوس اله الخمر عند أسلاف البنية ، ( انت عارف انو Yanni برضو من عنديهم؟ أقصد ينّي بتاع السكره مش الرائع الموسيقار ود كالاماتا ) المهم برضو الراجل غرق وقال (أتداعى وأناجي يابنات نقروا القيثار في رفق وهاتوا الأغنيات للكاتلني ريدو هلك النفوس والناس تريدو) شوف البكا واستمراريته وتدفقه ، وياسبحان الله رغم أن الفتنة الهوجاء مصدر قتل عندهن الا أنها تبقى معين لاينضب للبكا والنحيب مابقي في القلب وجيب.
أها هسه أنا ذاتي يا شيقوق ماخليت لي نصيب غير البكا والنحيب ياالحبيب. لعن الله غورباتشوف والغلاسنوست ورائيسا والبروسترويكا . هسه شعر زي ده تاني وين ينكتب؟ وهسّه البيوقف التور الأمريكي العاير ده منو؟ أحيييييا.
الطيب .. أبوبكر صاحبنا ده مازول عرضه وصقريه وجلد سيطان ده استشاري هندسيات وتكنولوجيا لكن لو سخا معاك بس أركز حايوريك البدع لكن ناس الهندسة ما أظن عندهم بكا كثير لأنهم بيحسبوها بالمسطره ما زي ناس القانون والطب ، شوف عيني أحمد القرشي يقلع الضرس للسمحه ويبكي هو

Post: #17
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-11-2006, 09:47 PM
Parent: #16

اها يا شباب
قال صلاح بعضمة لسانو انه لاقاها في سفينة
معها شلة من الشباب
واحد فرنسي كدي طاير بالريش الدقاق عامل ليه حماية شديدة
وصلاح كان شايل كتاب عن الاساطير الاغريقية وطلعت هي بتاعة انثربولجي
وقالت حتشرح لي الرموز
لكن الشاب الفرنسي ما اداها فرقة.. وهو بعداك تزوجها..كما عرف صلاح عندما قابلها
في فرنسا فيما بعد...
يعني علاقة لا تتعدى الابتسامة والنظرة..مافيش وعود
تذكرو قصيدتو الاسمها قصة حب من ام درمان
شاف الحنان بس في البص وكتب فيها اجمل قصائده...
الزول دا النظرة واحدة عنده خير من الف سنة.. الله يرحمو كان رجل حساس ولطيف..

Post: #18
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 00:00 AM
Parent: #17

Quote: تذكروا قصيدتو الاسمها قصة حب من ام درمان

شكرا الاخت الدكتورة بيان واقسمتك بالله تشوفي لينا هذه القصيدة وتنزليها لينا هنا إن وجدت في خزائنك .

لك اطيب المنى

شيقوق

Post: #19
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: مجاهد عبد الرحمن
Date: 09-12-2006, 00:57 AM
Parent: #18

الأعزاء
الطيب
محمد
د . نجاة
تحيات وتقدير
أولاً عندما وجدت عنوان البوست توقعت أن يكون فيه بعض الألق ولكن أن تجد فيه كل هذا التجلي والتدفق الجميل فهذا لعمري قمة الأولمب . وقبل وصولي إلى آخر المداخلات شعرت بأن أكثر من يجيد الحديث عن هذا الشاعر الرائع هو بيان لأنها وكما أعلم لها دراسة نتمنى أن تتحفنا ببعض منها إن لم يكن كلها فكلنا شغوف بفن هذا الرجل الفنان، ولكن وجدت بيان في مداخلة مختضبة لا تفي القضية حقها نكرر الرجاء أن لا تكتفي الأخت د . بيان بهذه المداخلة نريد توضيحاً كاملاً لمرية من المنبع إلى المصب ونكون لها من الشاكرين لأنها قد افاضت في الألق في بوست حنجرة الشعب فلها ولكم التحية ومني لكم حضور ومتابعة إلى مرافئ السحر في شواطئ صلاح أحمد إبراهيم .
مودتي لكم .

Post: #20
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-12-2006, 01:36 AM
Parent: #19

اها يا شباب من جحور كآبتي.. انظر لكم بكل محبة

يا مجاهد القصة من المنبع للمصب ياها لاقها في سفينة وكتب القصيدة وخلاص..
اسع شوف القصيدة دي لحظة واحدة بس كتب فيها الكلام دا..

شوفو الشعراء ديل زمان كيف نظرة تختصر العمر..
فقصة ابو صلاح ليس بعيدة عندما ولع ببنت جميلة راها يوما "تكشح" في موية قرب البيت
مشى لما اطفال الحلة قاليهم اصرخو قولو الحريقة قامت البت مدت راسها قالت ليهم سجمي وين؟.
طوالي ضم يده على قلبه وقاليها في قلبي دا..
وشاعر الحلمنتيش الذي قال لمحبوبته شفافيفك لما تتمطي ا انط نطة لجدة واجيب شنطة
الزول دا دائما بيذكرني دكين ما عارفة ليه..
ما علينا
نخليكم مع قصة حب من امدرمان..
لشاعرنا الجميل اللطيف صلاح احمد ابراهيم عليه الرحمة

قصة من أم درمان

***************
و رميت رأسي في يدي
ما تنفع الشكوى ، وشعرك
جف بالشعر الخيال
و كأن راسي في يدي
روحي مشقشقة بها عطش
شديد للجمال
وعلى الشفاه الملح واللعنات
و الألم المحنط بالهزال
وكان رأسي في يدي
ساقاي ترتجفان من جوع
ومن عطش ومن فرط الكلال
وأنا أفتش عن ينابيع الجمال
... وحدي بصحراء المحال
...بسراب صحراء المحال
...بسموم صحراء المحال
أنا والتعاسة والملال
وكان رأسي في يدي
والمركبات تهزني ذات
اليمين أو الشمال
والمركبات تغص بالنسوان
واللغط الشديد وبالرجال
وكان رأسي في يدي
مازال يقذفني اللعين كأنه
الغربال من أقصى
اليمين إلى الشمال
وبقلبي الأمل المهشم والحنين
إلى الجمال
والوحشة الغرَّاء والنور
المكفن بالطلال
وخلو أيامي ورأسي في يدي

* * *
ورفعت رأسي من جحور كآبتي
وأدرت عيني في المكان
وكنت أنت قبالتي
عيناك نحوي تنظران
عيناك ... وأخضر المكان
وتسمرت عيناي في عينيك
ماعاد المكان أو الزمان
!! عيناك بسْ
ومسكت قوس كمانتي
عيناك إذ تتألقان
عيناك من عسل المفاتن جرتان
عيناك من سور المحاسن
آيتان
عيناك مثل صبيتين
عيناك أروع ماستين
( هذا قليل )
عيناك أصدق كلمتين
عيناك أسعد لحظتين
( هذا أقل )
عيناك أنضر روضتين
عيناك أجمل واحتين
( ما قلت شئ )
عيناك أطهر بركتين من
، البراءه
نزل الضياء ليستحم بها
فألقى عند ضفتها رداءه
الفتنة العسلية السمراء
والعسل المصفى والهناء
وهناك أغرق نفسه
( عجز الخيال )
عيناك فوق تخيلي
فوق إنطلاق يراعتي
فوق إنفعال براعتي
عيناك فوق تأملي

ومضيت مأخوذاً وكنت قد
اختفيت
من أنت ؟ ما اسمك يا جميل ؟
وكنت من أي الكواكب قد أتيت
وقد اختفيت

* * *
مازلت تملأ خاطري مثل
الأريج
كصدى أهازيج الرعاة تلمه
خضر المروج
كبقية الحلم الذي ينداح عن
صبح بهيج
ومضيت مأخوذاً وكنت قد
اختفيت
ومضت ليال كالشهور فما
ظهرت ولا أتيت
وأنا أسائل عنك في الليل
القمر
وأنا أفتش في ابتسامات
الرضا ... لك عن أثر
في كل ركن سعادة لك عن أثر
في كل نجم خافق
في كل عطر عابق
في كل نور دافق
لك عن أثر

حتى لقيتك أنت تذكر في
ضحى من غير ميعاد وغير تعمد
ولمحت وجهك فجأة وظللت
مشدوهاً بهول المشهد
وتزلزلت روحي ونطَّ القلب
يهتف صائحاً
هو نفسه ... هو نفسه
وتفتَّح
وكأن ليلاً أصبح
ووقفت في أدب وفي فرط
إحتشام
ومددت كفي بالسلام
لكن كفك في الطريق ترددت
وتعثرت
وامتد في عينيك ظل توجس
وكأنما كفي حرام
وكأنما قتلت حسيناً ، أو رمت
بالمنجنيق قداسة
البيت الحرام
لكنني لم أنبس
وخنقت في صدري كلام
وحبست في حلقي ملام
ومضيت مغتاظاً أضمد
مهجتي
ألم من فوق التراب كرامتي
وأسب يوماً كنت تجلس
أنت فيه قبالتي

* * *

ولكم دعوتك .. كم دعوتك
بيد أنك لم تلبي
مازلت تخشى أن ترى
نوري وتغرق نورك الوضاح في
أرجاء قلبي
وتخاف لمس أناملي
وتخاف قلبك أن يجيب ،
تخاف من خطوات حبي
لك ماتشاء !! .. فلسوف
أغلق جنتي
ولسوف أطفئ نورك الخابي
وأوقد شمعتي
ولسوف أطرد طيفك المغرور
أنفيه لأقصى بقعة
ولسوف أتركه لتنهشه
مخالب غضبتي
والمُّ من فوق التراب
كرامتي
وأسب يوماً كنت تجلس
أنت فيه قبالتي

* * *

حتى لقيتك أنت تذكر من
جديد
في ذلك الركن القصي بذلك
البلد البعيد
إذ جئت تخطر نحونا وكان
وجهك يوماً عيد
ماذا يريد ؟
وهفا الفؤاد ... هفا ؟ فقمت
نهرته
...وهتفت ماشأني به
وزجرته
وذكرت أنك طالما عذبته
وأهنته
ولويت رأسك يا عنيد
وأتيت مبتسماً وفي عينيك
ألوان الحنان
مذا هناك ؟
ومددت كفك بالسلام
لا لم تعد تلقي يداه الإتهام
وتقول كفاه بأن يدي حرام
لا لم يعد
ودفنت في أرجاء كفك
راحتي
وضممتها ... وضممتها
ورميت قلبي في ذراعي بهجة
وحمدتُ يوماً كنت تجلس
أنت فيه قبالتي
_____________

أمدرمان 1964م

Post: #21
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 02:12 AM
Parent: #20

بعدين يا الطيب حا أشرح ليك تصوري ، الممعن في الشخصية والمغرق في الذاتية ، سالفة ( الأسد الجوعان زمجر ) دي.

هسّه عليك الله جايب سيرة مريا دي ليه؟ ياخ كنا نعتلف ونمشي في الأسواق وننام كخيول سباق بيعت للحوذي ونتابع أخبار حسن نصرالله وغونزاليزا والسُكّر والمحروقات وأركو مناوي ومابعد الليطاني ، ونقرأ الفاتحه في عقد النكاح و ذهاب الأرواح ، يعني مواطنين عاديين ، تقوم تجيب مريا بالذات عشان حتى الشغل ، وهو الملاذ الوحيد ، نوقّفو؟

قال (كالأسد الجوعان زمجر)
جاييك

Post: #22
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: زهير حيدر صديق
Date: 09-12-2006, 02:13 AM
Parent: #20

ألق ما بعده ألق وإبداع ما بعده إبداع.
مودتي وعميق احترامي لكل من خط هنا حرفا.

Post: #23
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 03:04 AM
Parent: #22

كيفك يازهير
معليش خلينا بعيد لثوان من المدمِّره ماريا مش سانتاماريا (القديسه) كما يحلو للهسبانك ومجموع أهل لاتين أميريكا مناداتها والتقرب اليها ويقولوا ليها: عاد يا الشيخه ماريا ألحقينا وافزعينا . بس بعض الهسبانك ربما يقصدون العذراء أما شيقوق ، ومن لف لفه ، ربما يقصد الهيفاء.
انت يازهير اسمك ده (زي) بذكرني أزهري صديق شقيق حيدر صديق وأزهري زميل الفصل الدراسي في الأهليه العامه جنب بيت الزعيم الأزهري. من (كيان) السواراب .
لك مودتي في كل الأحوال

Post: #24
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 03:15 AM
Parent: #22

كيفك يازهير
معليش خلينا بعيد لثوان من المدمِّره ماريا مش سانتاماريا (القديسه) كما يحلو للهسبانك ومجموع أهل لاتين أميريكا مناداتها والتقرب اليها ويقولوا ليها: عاد يا الشيخه ماريا ألحقينا وافزعينا . بس بعض الهسبانك ربما يقصدون العذراء أما شيقوق ، ومن لف لفه ، ربما يقصد الهيفاء.
انت يازهير اسمك ده (زي) بذكرني أزهري صديق شقيق حيدر صديق وأزهري زميل الفصل الدراسي في الأهليه العامه جنب بيت الزعيم الأزهري. من (كيان) السواراب .
لك مودتي في كل الأحوال

Post: #25
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 03:28 AM
Parent: #24

والله اخي المرتضى انا حالف اكان اقطع نفسك وارتاح منك مرة واحده واخليك مشتت ما تعرف ليك قبله تقبل عليها وهاك اخت مرية دي ان جاز لك الجمع بين الاختين .

مرحبا يا شوق ... شعر الجيلى عبد المنعم.. غناها محمد وردى

لم يكن إلا لقاء
وأفترقنا
كالفراشات على نارالهوى
جئنا اليها
وأحترقنا
كان طيفا وخيالا ورؤى
ثم ودعنا الأمانى وأفقنا

*******

بالذى أودع فى عينيك
إلهاما وسحرا
والذى أبدع فيك الحسن
إشراقا وطهرا
لا تدعنى للأسى
يدفعنى مدا وجزرا
أثقلت كفىّ الضراعات
وما تقبل عذرا

******
يا حبيبا بت أشكو
حرقة الوجد اليه
وتوسلت
نذرت العمر قربانا لديه
ما له لو عاد
فالقلب رهين بيديه
وعيونى ظامئات
والهوى من مقلتيه
يا لقلبى عاد من بعد النوى
يطوى شراعا
بالهوى يبعث فى الروح
حنينا وإندفاعا
مرحبا ياشوق
أغمرنى شجونا وإلتياعا
فوداعا
للذى شيدته بين ضلوعى فتداعى..

وهذه مريتك يا المرتضى

يا مريه
ليت لى إزميل(فدياس) وروحا عبقرية
وأمامى تل مرمر
لنحت الفتنة الهوجاء فى نفس مقاييسك
تمثالا مكبر
وجعلت الشعر كالشلال
بعض يلزم الكتف وبعض يتبعثر
وعلى الأهداب ليل يتعثر
وعلى الأجفان لغزا لا يفسر
وعلى الخدين نورا يتكسر
وعلى الأسنان سكر
وفما كالأسد الجوعان زمجر
يرسل الهمس به لحنا معطر
وينادى ..شفة عطشى وأخرى تتحسر
وعلى الصدر نوافير جحيم تتفجر
وحزاما كل ماقلت صغيرا هو..
كان الخصر أصغر
يا مريه ..ليت لى إزميل(فدياس)
وروحا عبقرية
كنت أبدعتك ربة حسن بيديا
يا مرية ليتنى فى قمة الأولمب جالس
وحوالىّ العرائس .. أحتسى خمرة باخوس النقيّة
فإذا ما سرت النشوة فىّ أتداعى
وأنادى يا بنات
نقروا القيثار فى رفق وهاتو الأغنيات
لمريّة..

لك الود

Post: #26
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 03:53 AM
Parent: #25

Quote: وهذه مريتك يا المرتضى

تلك مرثيتي يا الطيب

Post: #27
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 04:39 AM
Parent: #26

Quote: تلك مرثيتي يا الطيب

بكيتني معاك اخي المرتضى وندمت على هذا البوست والله . ما كنت عارف حيكون في consequential damage بهذا الحجم

Post: #28
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 05:32 AM
Parent: #27

Quote: شوفو الشعراء ديل زمان كيف نظرة تختصر العمر..
فقصة ابو صلاح ليس بعيدة عندما ولع ببنت جميلة راها يوما "تكشح" في موية قرب البيت
مشى لما اطفال الحلة قاليهم اصرخو قولو الحريقة قامت البت مدت راسها قالت ليهم سجمي وين؟.
طوالي ضم يده على قلبه وقاليها في قلبي دا..

الاخت الدكتورة بيان

حرام عليك انا طلبي منك كان فقط قصيدة الاستاذ صلاح وكتر خيرك ووالله قمة الروعة . بس انتى قطعتى قلبي ده بضحكة من رواية حريقة ابو صلاح .

اطيب المنى

Post: #29
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 05:50 AM
Parent: #28

الاخ مجاهد

شكرا على مداخلتك الرائعة

الكثيرون ، اخي المجاهد ، يستطيعون أن يتمرنوا على نسج القوافي ودراسة علم العروض والبحور والتفعيلات وأن ينظموا ما طاب لهم ماشاءوا، ولكن يبقى السؤال: هل كتبوا فعلاً شعراً؟ الشعر مشتق في المقام الأول من الشعور، فإن فقدَ أولى مقوماته، فقدَ كافة صفاته وديمومته.

اطيب المنى

شيقوق

Post: #30
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 05:54 AM
Parent: #27

Quote: وعلى الأجفان لغزا لا يفسر
وعلى الخدين نورا يتكسر

الطيب ، صلّحا براك قبال يجونا ناس العربي
ومعاها (فما).
تعرف ياشيقوق القصيده دي كل بيت فيها بحق مسكون (haunted ) ولم أستبن معنى مقولة أن الشيطان يسكن في التفاصيل اللي هلكونا بيها ناس نيفاشا وأبوجاوالقرار 1701 و1706 بشأن لبنان والسودان وحنان الا في هذه القصيدة ، يعني قصة (على الأهداب ليل لايفسّر) ده يعني انو في لون يماثل حالة اللاحرب واللاسلم ، ممكن تقول هدنه ، لكن السواد حاصل حاصل ، والله ياخ الرجل وصل الى مستوى التمعن في لون الأهداب التي عادة ما نصل الى تفاصيلها بعد أن نقضي العمر في الحاجب ولما نصل الأهداب نكون شخنا، وفي هذا قرينه أو (بيّنه ظرفيه) على أنو الراجل أخد وقتو أو كان مزوّد ب سي تي سكان أو MRI . المهم انو لون الأهداب الذي لايفسر يعني لي أسود وما أسود زي أكل سودانير وجبه وما وجبه، مع الفارق . أنا جاييك بمناسبة الوجبة دي للأسد الجوعان زمجر. بس بعدين بالليل لأن الليل يثير شياطين الربع الخالي وأبتغي استشارتهم في الأمر.

Post: #31
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 06:10 AM
Parent: #30

المرتضى اخوى خصمتك بالرسول تاني بوستى ما تكتب فيهو أى حرف كتلتني بالضحك والله انا بقرا في كلامك المرقع ده بلقاهو حلو زى الككتيل او حلاوة عيد المولد والله انا فقعتها ضحكة بالدموع الناس كلهم جوا جاريين على بيقولوا لى الحاصل شنو .

Post: #32
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 09-12-2006, 08:15 AM
Parent: #31

شكرا الطيب شيقوق دائما تهبنا سعادة...أحسست بالفخر والنشوة وأنا استمع للدكتور عمر الخطيب في برنامجه بنك المعلومات وهو يذكر صلاح احمد إبراهيم وقصيدته يامريا والذي قابله في منتصف الستينات في باريس ولم يخف الدكتور إعجابه بهذه القصيدة. وأظن أن اى نحات صاحب خيال واسع يستطيع أن ينحت تمثالا طبق الأصل لمريا إذا قرأ هذه القصيدة واستعان بأزميل صلاح احمد إبراهيم . واسمح لي آخى الطيب أن انشر القصيدة كاملة
يا مرية ........ ليت لي أزميل فيدياس
وروحا عبقرية...... وأمامي تل مرمر
لنحت الفتنة الهوجاء في نفس مقاييسك تمثالا مكبرا
وجعلت الشعر كالشلال ...بعض يلزم الكتف وبعض يتبعثر
وعلى الأهداب ليل يتعثر.... وعلى الأجفان لغز لا يفسر
وعلى الخدين نور يتكسر..... وعلى الأسنان سكر
وفم كالأسد جوعان زمجر.... يرسل الهمس به لحنا معطر
وينادى شفة عطشى وأخرى تتحسر
وعلى الصدر نوافير جحيم تتفجر
وحزام في مضيق كلما قلت قصير كان الخصر اصغر
يا مرية ليت لي أزميل فدياس وروحا عبقرية
كنت أبدعتك يا ربة حسنى بيدي يا مرية
ليتنى في قمة( الاولمب) جالس وحوالي العرائس
وأنا في ذروة الإلهام بين الملهمات
أحتسى خمرة باخوس النقية
فإذا ما سرت النشوة في أتداعى وأنادى يا بنات
نقروا القيثارة في رفق وهاتوا الأغنيات لمرية
يا مرية ما لعشرينيين باتت في سعير تتقلب
ترتدي ثوب عزوف وهى في الخفية ترغب
وبصدرينا برميثيوس في الصخرة مشدودا يتعذب
فبجسم إلف نار وبجسم ألف عقرب
أنت يا هيلين يا من عبرت تلقاء ها بحر عروقي ألف مركب
يا عيونا كالينابيع صفاء... ونداوة
وشفاها كالعناقيد امتلاء... وحلاوة
وخدود مثل احلامى ضياء... وجمالا
وقواما يتثنى كبرياء واختيالا
ودما ضجت به كل الشرايين اشتهاء.. يا صبية
تصطلي منه صباحا ومساء غجرية
يا مرية أنا من إفريقيا...
صحرائها الكبرى وخط الاستواء شحنتني بالحرارات الشموس
وشوتنى كالقرابين على نار المجوس
لفحتني..... فانا منها كعود الأبنوس
وأنا منجم كبريت سريع الاشتعال
يتلظى كلما اشتم على بعد تعال
يا مرية أنا من إفريقيا جوعان كالطفل الصغير
وأنا أهفو إلى تفاحة حمراء من يقربها يصبح مذنب
فهلمى ودعي الآلهة الحمقاء تغضب
و أنبئيها أنها لم تحترم رغبة نفس بشرية
أي فردوس بغير الحب كالصحراء مجدب
يا مرية وغدا تنفخ في اشرعتى أنفاس فرقة
و أنا ازداد نايا مثل يوليوس وفى الأعماق حرقة
ربما لا نتلقى ثانية يا مرية فتعالى ووقعىاسمك بأحرف من نار هنا في شفتي
ووداعا يا مرية

Post: #33
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 09:35 AM
Parent: #32

يا مراحب يا مستر كيفك وكيف احوالك

الغريبة اى واحد يا دكتور احمد الاغنية دى كاسره فيهو ضلعة . قطعا لاى منا خارطة طريقه في هذه الحياة وقطعا المسار العاطفي لاي منا لم يلق حظا من الاشفافية والافصاح .

اخى القرشي كتر خيرك ذكرتنا الاستاذ عمر الخطيب وعلاقته بتلك الاغنية . اذكر اننى كنت مشاركا في منافسة ثقافية خصصت لمؤسسات القطاع العام في مسقط لتكون طيلة ايام شهر رمضان في مسرح المدينة ومنقولة مباشرة بالفضائية العمانية وكان عمر الخطيب هو الذى يعد الاسئلة ويعمل التصفيات .

في اول حلقة سالني قال لى انت سوداني قلت ليهو نعم قال لي بتعرف الشاعر صلاح احمد ابراهيم قلت ليهو نعم وقال لى تذكر اى حاجة من شعر صلاح قلت له ان لم يقل غير يا مريا لكفاه.

اتخيل صمت والناس كلها متعجبة في صمته وقال ليهم صفقوا كلكم . هذا مشهد لا يمكن ان ينمحي من ذاكرتي يا القرشى اخوى . ففعلا صلاح تمدد في مساحات تجاوزت قلوب السودانيين لغيرنا من الامم كما تعمق حب الناس إليك .

للمرتضى منا خالص الشكر واطيب المنى فلولاه لما كان القرشي بيننا ولما كان عبد المنعم خليفه هاهنا.

مرحب بيك يا عزيزى ونامل ان نلتقي ولك عاطر الثناء على ما اتحفتنا به في هذه المساحة .

Post: #34
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-12-2006, 10:10 AM
Parent: #33

شوفو يا شباب

استمرو كدا اي حاجة بتعرفوها عن صلاح تكتبوها
الايام دي انا بكتب في الجزء العن حياتو..

بعدبن عندي سيدي حق التابين في باريس
لو لقيت زول حريف ننقلو هنا..

اها يا شيقوق شكرا لتوفيرك هذه الواحة
البتشرح الصدر...
ما لقيتكم حبيبن خلاصص..وجرس..
يلا استمرو..

Post: #35
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 11:13 AM
Parent: #34

Quote: ما لقيتكم حبيبن خلاصص..وجرس..

اختي البيان

هذه تهمة لا نكرها وشرف لا ندعيه
ولك عزيزتي اقول ( كلانا يا بثينة مريب)
فلولا الجرسة والبكائية والحريق الجابوا ليهو الوليدات يطفوهو - زى ما حكيتي يا عظيمة - لما كان كل هذا الابداع .

والاختشوا ماتوا.

لك ودى

Post: #36
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 12:49 PM
Parent: #35

أخي المرتضى

الناس كلها منتظراك تشرح لينا عبارة (وفم كالأسد جوعان زمجر.... يرسل الهمس به لحنا معطر
وينادى شفة عطشى وأخرى تتحسر)

في انتظارك يا جميل

Post: #38
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 01:49 PM
Parent: #36

اختى الدكتورة بيان

كتب هذا الاخ الانسان الشفيف عن صلاح وقال :

Quote: مدخل:
يا مريا
أنا من أفريقيا
صحراؤها الكبرى وخط الاستواء
شحنتني بالحرارات الشموس
وشوتني كالقرابين على نار المجوس
لفحتني فأنا منها كعود الأبنوس
وأنا منجم كبريت سريع الاشتعال
يتلظى كلما اشتم على بعد تعال!!!!!!!!!!!!
صلاح أحمد إبراهيم

لك التحية وأنت تحيي تلك الجذور الميتة بداخلناكلنا، بدفقة من وهج وبريق.
لك التحية وللرجل الوفاء والتقدير والحب والإعجاب لما قدم للوطن، فهو أمة قد رحل الجسد منها وتركت الروح بصماتها ترفرف بأجنحتها فوق دياجير الوطن وكما كان يراه صديقه علي المك (وكنت تراني الشجاع الذي هزم الأغلبية)، ذلك هو صلاح ذلك الهادئ هدوء مياه الأبيض، العاصف الثائر كما الهبباي.

Post: #39
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 01:55 PM
Parent: #38

يا اختي البيان

كتب ابن عمي الولد الحلو / احمد حماد ادريس وهو خبير اقتصادي مميز وحادي ركبانا اكاديميا يقول في صلاح ، وظني انك قراتيه ولكنك لا تمانعي في ان تردديه مثنى فثلاث ورباع ما يلي .

Quote: بمناسبة الذكرى الثانية عشرة لرحيله حاولت أن اعتمد على الذاكرة لاستعيد صورته وما إن تراه حتى تحس انه ملك نوبي عاد إلى الحياة والأغرب انك إذا لم تر هذا رأيت فارسا من الذين اندفعوا من اليمن إلى الحجاز والى اشبيلية وغر ناطة أي انه وجها زنجيا عربيا معا..له شخصية تحمل كل مقومات الشخصية السودانية بكل مناقضاتها وثرائها صوته حزين لدرجة الانكسار وفتى لدرجة العنفوان قوى إلى درجة الاستبداد ورقيق إلى حد الشجن متعلق بالحياة إلى درجة الشبق والاندفاع غارق في الرومانسية إلى حد التأمل والتصوف عذب إلى درجة النعومة وحاد إلى درجة الحراشة منفلت إلى درجة الجنون وخجول إلي حد الانطواء جرئ إلى درجة المغامرة وحالم إلى حد الخجل متسلط إلى درجة الطغيان ورقيق إلى حد التذلل..هذا نوع من الأصوات لا يموت وهذا نوع من الشعر غير قابل للفناء فالشعر مرآة الشعوب وهو باق ما بقيت والشعر هو التجسيد الصوتي لهذه الشعوب وهو التعبير الحي عن ثقافتها وتاريخها ومعالم هويتها00.شاهدت صلاح وأنا صغير في مدرجات الدرس في حنتوب الجميلة وتارة في حواري امدر وأحيانا أخرى شاهدته في المنتديات الثقافية والأدبية والليالي السياسية والندوات العامة وعندما يصافحني ويمضى يخيل إلى أنني صافحت ظلا لرجل لاوجود له وهذه عادة سودانية شائعة أن يغلب التهذيب على الوجود والطيف على الحقيقة ..تتبعت سيرة صلاح واعماله الشعرية والأدبية لقد عاش صلاح حياة صعبة هي الأخرى جزء من شاعر يته أو على الأرجح سببا لها ..وهاهو صلاح بدوره يكتب عن الطفولة الحالمة والرخصة في نفاجات وحواري أم در ومن كتاباته تبدو الستينات والسبعينات في سيرته وكأنها من عصر آخر لا من عقد آخر ويختلط هنا الشاعر بالناثر ويستكملان..
نرى فقرا في سيرة صلاح ..بساطة نص جميل ويسير فيه شئ من الورع وعندما سئل لماذا لا يكتب سيرته الذاتية أجاب لم أتهيب شيئا من تأليف مثلما تهيبت كتابة سيرتي الذاتية لان كل ما أخرجته كان غيري المعروض وأنا العارض أو غيري الموصوف وأنا الواصف والعين لا ترى نفسها إلا بمرآة والشيء إذا زاد قربه تصعب رؤيته والنفس لاترى شخصها إلا من قول عدو أو ثناء صديق أو بمحاولة للتجرد ثم توزيعها على شخصيتين ناظرة ومنظورة حاكمة ومحكومة وما اشق ذلك واضناه ..مع هذا كيف يكون الأنصاف ..إن النفس أما أن تغلو في تقدير ذاتها فتنسب لها ما ليس لها أو تبالغ في تقدير ما صدر عنها أو تبرز ما شاء من تصرفها واما أن تغمطها حقها ويحملها حب العدالة على تهوين شانها فتسلبها ما لها أو تقلل من قيمة أعمالها أو تنظر بمنظار اسود لكل ما يأتي منها..أما أن تقف من نفسها موقف القاضي العادل والحكم النزيه فمطلب عز حتى على الفلاسفة والحكماء..ثم إن للنفس البشرية أعماق كأعماق البحر وغموضا كغموض الليل ..فالوعى واللاوعي .العقل الباطن والعقل الظاهر .الشعور البسيط والمركب .الباحث السطحي والعميق .الغرض البعيد و القريب كل هذا وامثاله يجعل تحليلها صعب المنال وفهمها اقرب للمحال..
كان يقول عن فاطمة الحبيبة إنها تعتبر في طليعة مناضلات السودان بدأت حياتها السياسية بصوت رومانسي ولكنه متمرد رفضت للفتاة السودانية أن تكون مجرد وجه أو جسد جميل رفضت مواضعات فرضتها عليها التقاليد الصارمة التي سلبتها إنسانيتها وحولتها إلى مجرد فرد من الدرجة الثانية في جماع يحكمها الذكور تلتزم بما تقوله الجماعة وتفعل كما تؤمر واكتشفت من خلال روحها الثائرة ضرورة تفردها فتفردت وأصبحت صوتا قويا أصيلا فريدا يعبر عن العصر بكل مفرداته..
كان صلاح وسوف يظل يلاحقه الانقسام حول شعره وادبه لقد رأى كثيرون أن صلاح مجرد حكواتى ثائر بائس يردد سرد حياة المشردين وقساة القلوب وإلا بماذا تفسر قوله وهو يشدو يوم رأى جسمان الشهيد محمود محمد طه على حبل المشنقة وهو يخاطب قوى النظام..

جلابيته من كفن الشهيد مقطوعة
سبحته من حبال المشنقة المرفوعة
صحة عضلوا من لبن الأهالي وجوعا
أب فاتورة من لبن الرضيع مدفوعة

ورأى آخرون فيه موهوبا تأخر في النزول إلى سهول الورق فتعثر في الصخور والاوديه وبقى صلفا كالوعر..واتفق فريق آخر مع الكتاب والأدباء والنقاد الذين اعتبروه أحد ثقاة الواقعية الأدبية والرواية الشعرية لعذاب الكادحين ومناصرة المسحوقين..

احمد حماد إدريس –الدمام

Post: #37
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: abubakr
Date: 09-12-2006, 01:48 PM
Parent: #1

عجيب امر بلادي ... حلو مر ...حلو ما تاتون به ومر الذي في غير مكان يذبح البعض البعض ويصر انه "ذبح حلال "

يالطيب جيت اتاوق بس .......

Post: #40
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 02:17 PM
Parent: #37

Quote: فتهيأ لي حينئذ ان نشيدنا الوطني تنازل بعض الوقت ل "ياحليلو قال سايب البلد "

شوف با الطيب كلام الزول القال (بيتاوق ) بس.

Post: #41
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-12-2006, 02:18 PM
Parent: #37

العزيز ابو بكر كتر خيرك والكبار بتاوقوا وبس لابسين توب الساكوبيس يشوفوا الحال مستورة مع الضيوف ولا لا . لكن وقت يحسوا بالتقصير بتهيجوا و بتموا الناقصة يا بكري اخوى وما بقولوا يانا نحن التمينا الناقصة حاشاهم .

انا خايف تكون المتاوقه دى عشان تشوف الدار فيها وليدات ولا ربعاك البعرفو قرينك .

ابشر يا اخوي

Post: #43
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-12-2006, 03:41 PM
Parent: #41

Quote: الناس كلها منتظراك تشرح لينا عبارة (وفم كالأسد جوعان زمجر.... يرسل الهمس به لحنا معطر
وينادى شفة عطشى وأخرى تتحسر)

الطيب الباشق
أولا : كالأسد جوعان زمجر دي هسه خليها لأنو الستره مابشتروها بالمال.
ثانيا: يرسل الهمس به لحنا معطر دي عايزه ليها بوست براها ، لأنو الهمس المعطر هذا يذكرني بالعباسي حين قال (تشق القلوب قبل الجلود) والمعني هنا الذبذبات وانت عارف انو في ناس ممكن يهمسوا في قلبك دون ان يحركوا شفاههم ودون أن يمر همسهم بأذنك الخارجية أو الوسطى وقصص الأناتومي و ال ENT السطحية المعروفة ، يعني في ناس ممكن تتونس معاهم أيام دون ان تكلمهم بل تصل معهم الى مستوى التلبثة أحيانا وأحيان أخرى لمستوى الطرح الروحي وفي رواية خضر بشير (أتلاشى فيك وانسى الألم ) والتماهي دعك عن الهمس ، قال قناة استاخيوس قال .
ثالثا: شفة عطشى وأخرى تتحسر دي ما عندها علاقة بمقولة (ما أضيق العيش لولا فسحة الأمل) لأنو الحسرة والفجيعه حدثتا سلفا رغم مايخالج الأخرى من أمل بالأرتواء (طبعا الحسرة من نصيب السفلى دايما) مش واحد قال (وعضّت على العناب بالبرد)؟، تعرف ياالطيب لما تكون قدامك حاجه دايرا وماقادر تصلا و(جنبك ومشتهيك يا .. عيون) وزي لما تكون في العتمور شهر خمسة نص النهار عطشان ويدني أحدهم كوب ماء بارد ولا يسقيك يعني حاجه tantalizing يعني (تشحتف) بدرجه ربما ترقى أحيانا للتعذيب ، لاحظ انو واحده عطشى والثانية تتحسر، ورغم انو الشفتين لفم واحد الا أن هذا الشاعر صوّرهما لدرجة أن جعل كل منهما شخصا قائما بذاته له حالته النفسيه والمزاجية وبكامل قواه العقليه وحالته المعتبره شجنا.
انا راجع ..لكن يا الطيب البوست بتاعك ده بهدلني وقلل منامي بس عزاي كلام محمد بشير عتيق القال:
العقول تتوافد في اشتياق على بابك
اعتزالي منامي
والتزامي غرامي
وازدواج آلامي ، كله من أسبابك
أما روحي هديه مني ليك أهي دِيّه
ان قبلتها أهلا وان رفضت حبابك

Post: #42
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: abubakr
Date: 09-12-2006, 02:30 PM
Parent: #1

Quote: احمد حماد إدريس –الدمام

يالمرتضي والطيب .. مالكم ورطان يداري عجمة لسانه" بمتاوقته" وهذا "بين سهميين" منكم وبينكم .. من اين ياتي بكلام تركض انفاسي لتلتقطه ..عجيب ..!

Post: #44
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-13-2006, 02:26 AM
Parent: #42

Quote: الطيب الباشق
أولا : كالأسد جوعان زمجر دي هسه خليها لأنو الستره مابشتروها بالمال.
ثانيا: يرسل الهمس به لحنا معطر دي عايزه ليها بوست براها ، لأنو الهمس المعطر هذا يذكرني بالعباسي حين قال (تشق القلوب قبل الجلود) والمعني هنا الذبذبات وانت عارف انو في ناس ممكن يهمسوا في قلبك دون ان يحركوا شفاههم ودون أن يمر همسهم بأذنك الخارجية أو الوسطى وقصص الأناتومي و ال ENT السطحية المعروفة ، يعني في ناس ممكن تتونس معاهم أيام دون ان تكلمهم بل تصل معهم الى مستوى التلبثة أحيانا وأحيان أخرى لمستوى الطرح الروحي وفي رواية خضر بشير (أتلاشى فيك وانسى الألم ) والتماهي دعك عن الهمس ، قال قناة استاخيوس قال .
ثالثا: شفة عطشى وأخرى تتحسر دي ما عندها علاقة بمقولة (ما أضيق العيش لولا فسحة الأمل) لأنو الحسرة والفجيعه حدثتا سلفا رغم مايخالج الأخرى من أمل بالأرتواء (طبعا الحسرة من نصيب السفلى دايما) مش واحد قال (وعضّت على العناب بالبرد)؟، تعرف ياالطيب لما تكون قدامك حاجه دايرا وماقادر تصلا و(جنبك ومشتهيك يا .. عيون) وزي لما تكون في العتمور شهر خمسة نص النهار عطشان ويدني أحدهم كوب ماء بارد ولا يسقيك يعني حاجه tantalizing يعني (تشحتف) بدرجه ربما ترقى أحيانا للتعذيب ، لاحظ انو واحده عطشى والثانية تتحسر، ورغم انو الشفتين لفم واحد الا أن هذا الشاعر صوّرهما لدرجة أن جعل كل منهما شخصا قائما بذاته له حالته النفسيه والمزاجية وبكامل قواه العقليه وحالته المعتبره شجنا.
انا راجع ..لكن يا الطيب البوست بتاعك ده بهدلني وقلل منامي بس عزاي كلام محمد بشير عتيق القال:
العقول تتوافد في اشتياق على بابك
اعتزالي منامي
والتزامي غرامي
وازدواج آلامي ، كله من أسبابك
أما روحي هديه مني ليك أهي دِيّه
ان قبلتها أهلا وان رفضت حبابك

والله يا المرتضى حيرتنا بكلامك ده لا بتتمسك بكلامك ولا بتتفك

كلامك يا المرتضى خلانى احس بانك زى ود الموية لو بتعرفة تقبضه بهنا ويتملص منك بهنا وبتذكرني قضية صورية في القانون الجنائي كانت دائما بيختبروا بيها مستوى فهم الطالب للقصد والفعل الجنائي ونظرية السببية

يقال ان هنالك شخصين لاى منهما هدف واحد وهو إغتيال زيد من الناس . لاى منهما غرضه وهدفه في هذا الفعل ولا يدرك اي منهما هدف وغرض الاخر ( اى إغتيال زيد)

زيد عادة يحمل زاده في مخلايته وبيمشى زراعته ودائما تكون معاهو قروانه ( صفيحة ) ماء تكفيه ليوم او يومين .

قصد اخينا الاول ان ينفذ القتل عن طريق صب كمية من السم في تلك القروانه متى ما غابت عينا زيد منها وتكفي اى جرعه منها لاحداث موت زيد .

قصد اخينا الثاني - وهو حتما لا يدرك اى شيى عن قصد والية تنفيذ الاول لخطته - ان يهتبل اى سانحة تغيب فيها عنا زيد عن القروانه ويقدم بسرعة على دلق الماء في الارض ليفقد اخونا زيد ماءه ويموت عطشا( الافتراض هنا لا توجد اى فرصة لزيد لايجاد ماء من مصدر اخر وان الموت سيكون النتيجة الحتمية) .

وقد كان حبيبي المرتضى

اتى اخونا الاول صب السم على الماء ( الافتراض هنا تفضى للموت) لم يشاهده زيد ولا حتى الشخص الاخر ومن ثم ادى القروانه عرض اكتافة واختفي دون ان يشاهده حد.

اتي اخونا التاني واغتنم فرصة غفلة زيد ودلق الماء في البادوبة وغادر دون ان يشاهده احد ( هو في الحقيقة دلق ماء مسموم)

زيد يا المرتضى عطش شدييييييد وجاء ليشرب من قروانته ولكنه لم يجد فيها اى قطرة . وكانت النتيجة موت زيد.

ارجع ليك لكلامك الكوتيد فوق داك الاصلك ما بتتمسك فيهو .

قادت التحقيقات الى وجود بعض الادله التي تبرر توجيه تهمة القتل تحت المادة 251 ( يا حليها المرتضى )

تمسك دفاع الاول بان المجنى عليه لم يمت بسبب السم لان السم اصلا ما شرب منه المجنى عليه ليقتله وتمسك الثاني بانه لم يدلق ماء وانما سم ولو قدر للمجنى عليه ان شرب منه جرعه لكانت النتيجة الحتمية الموت .

هكذا انت هنا يا المرضى على الطلاق تجنن عدييييييييييل

ومنتظرنك واصل لينا بحالتك العقلية المعتبرة شجنا

لك محبتي

Post: #45
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-13-2006, 03:07 AM
Parent: #44

المرتضى يا اخوى اللوم بيجي بالغفلات

البعض منا نسى او تناسى الاستاذة ليلي المغربي طيب الله ثراها .

دعونى اترككم تقرأون ما كتبه عنها زميلها لقمان

Quote: من الناس من لا تحس بفقده إذا ارتحل .. ذلك أنه كان ذا عطاء محدود قد لا يتعدى نطاق أسرته وأصدقائه .. منهم من يتأثر بفقده قطاع كبير يعد بالالاف والمئات .. ومنهم من يحس بفقده الملايين .. كل حسب ما قدم لأهله وشعبه - سياسيا كان أم أدبيا أم معلما أم عالما .. ومن هؤلاء الراحلة ليلى المغربي التي نصنفها مع الأدباء الذين إنْ لم يكن لهم رصيد أدبي خاص بهم ، فإنهم قد أوصلوا آداب الأمم قديمها وحاضرها إلى الناس .. وساهموا في استيعاب المجتمع لهذه الآداب والفنون .

كانت ليلى المغربي - يرحمها الله - فريدة في شخصيتها الإذاعية .. فكم من المذيعات حاولن تقليدها والوصول إلى مكانتها ، لكنهن فشلن في ذلك وظلت هي في المقدمة ، ذلك أن شخصيتها كانت مختلفة عن الأخريات في طريقة التعامل مع الزملاء ، لأن العمل في الإذاعة يحتاج إلى المرونة والهدوء والصبر .. قدمنا معا للمستمعين برنامج (إشراقة الصباح) كأشهى ما يمكن أن يبدأ به الإنسان يومه بعد فترة القرآن الكريم والحديث الشريف ، وصار البرنامج اسما يتردد على كل لسان .

قال لي الأخ بكري المك ، إن هذا البرنامج كان مكملا لكوب الشاي والقهوة صباحا ، فلم نكن نغادر بيوتنا إلى المدرسة أو العمل إنْ لم نستمع إليه .

في شخصيتها وتكوينها كانت ليلى المغربي مثالا للإنسان العاقل .. تميزت بروح المحبة الصادقة لكل الناس ، فلم أسمع يوما أن أحدا إختلف معها أو كرهها أو أسمعها ما لاتحب ..فقد كان الناس يعاملونها بمثل رقتها وحبها وسعادتها بهم .. كانت الابتسامة لا تفارقها وهي في أشد المواقف صعوبة .

أحبها زملاؤها وأخلصوا لها الود .. كان المقابل المادي الذي تأخذه من البرامج تعطيه لبعض العاملين في الإذاعة .. فلم تكن تأخذ منه شيئا .

تطور أداء ليلى المغربي لتصبح مذيعة عالمية بعد أن تخرجت من الجامعة وظهرت في التلفزيون أكثر بهاء وقدرة على العمل .. فعشق الناس طريقتها في تقديم البرامج .

وعندما كانت ليلى تسافر في زيارات لبعض الدول ، كانت تظهر من خلال أجهزتهم الإعلامية كمذيعة مقتدرة .. استمعنا إليها في لندن وفي مونت كارلو .. ورأيناها مذيعة سودانية مشرفة في تلفزيون قطر وفي أبوظبي بالامارات العربية المتحدة .. ولكم عُرضت عليها الدولارات والدراهم والريالات لتعمل خارج السودان ، لكنها كانت دائما تقول .. لا أستطيع أن أقاوم متعة الوطن والأصل .

آثرت ليلى أن تكون أما ، ولم يشغلها العمل عن بيتها وتربية أولادها حتى أواخر أيامها.

ألا رحم الله الفقيدة وتقبلها قبولا حسنا وأسكنها فسيح جناته (إنا لله وإنا إليه راجعون) .

* هذه هي اللوحة التي رسمتها ريشة أستاذنا حمدي بولاد ... وهذا هو المنظار الذي كنا نراها من خلاله .

Post: #46
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-13-2006, 08:27 AM
Parent: #45

ألطيب العزيز..
ما نسينا ليلى ومابننساها ، رحمها المولى ، بس قلنا ننتهي من القصيده ورابطة صلاح وحمد ثم نعرج الى ماقالته ليلي لنرى مدى صحة مقولتها بعد عرض المعطيات الموضوعيه وتحليلها في ضوء (الوقائع) حتى تتسق النتائج مع الأسباب بعيدا عن النطيط ، المسألة مسألة تسلسل وترتيب زمني وكل بأوانه ، يعني مافي لوم ومافي غفله. ياخ ليلى ، عطّر ربي ثراها الطاهر ، مفروض نختم بيها كمسك الكلام بعد أن نستغفر الغفور على اسرافنا في قولنا.
لك مودتي

Post: #47
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الزاكى عبد الحميد
Date: 09-13-2006, 08:39 AM
Parent: #46

عزيزي الأستاذ الطيب

ما أروع صاحب مريا القائل:

فكِّر معي مُلوال أيُّ مجدٍ سوف ننشيه معاً على ضفاف النيل
أيُّ مجدٍ لو صفتْ نياتُنا الاثنين
يتيهُ في مروجنا الخضراء مثل آبيس الإله يملأ العين
يسرُّ القلب يهمزُ السماء بالقرنين

سوف أتناول قصة مريا هذه من زاوية أخرى إن تمكنت..
لعلي -عزيزي-الطيب أجد علاقة ما تربط بين آبيس وقصة مريا..ليتني
أجد بين أوراقي ما كان الراحل المقيم بروفيسور علي المك قد ذكره لنا ايام الجامعة..

سأعود لهذا الموضوع الشيق الذي أشكرك عليه كثيراً يا ضي القبايل..

لك ودي الزاكي

Post: #48
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-13-2006, 10:01 AM
Parent: #47

Quote: مفروض نختم بيها كمسك الكلام بعد أن نستغفر الغفور على اسرافنا في قولنا.

أها يا جماعة كلكم ابقوا عالمين الكلام ده الشغلانية ماشة متسلسلة ما تلومونا. لكن ظنى يا المرتضى اخوى اكان ما ذكرتك ما خاتيها في البال . كلما ندودرك من مريا دى شوية بتغفلنا وبتجي لاجي فيها تاني بقينا ليك زى الاحطياطي المركزي مع مظاهرات الطلبة كلما ابعدناك عدت لنا ولسان حالك يقول :

ومن عجب اني احن إليهــــــــــم ... وأسأل عنهم من لقيت وهم معي
وتطلبهم عيني وهم في سوادها ...ويشتاقهم قلبي وهم بين أضلعي

خلي بالك من نفسك

واطيب المنى

Post: #49
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-13-2006, 10:38 AM
Parent: #48

مراحب اخي الزاكي

الضيف الزمن ده اكان ما جاء شايلو حاجة لمنزلته ما اظن بجيهوهو ووقت النوم يحين بنوموهو على القد ساى .

لكنك اخي الزاكي جيتنا باكياسك فيها ما لذ وطاب من حلو الكلم .

اكل كرامتنا واشرب شاهينا بقرفته وجنزبيله وتتقهى ونقول ليك ربي يعدل ليك طريقك وكل مناى في الكون عديلك .

في انتظارك للمعاودة وما اظن المرتضى اكان عارفك دخلت يخليك تطلع مننا .

اطيب المنى

Post: #50
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-13-2006, 02:37 PM
Parent: #49

Quote: تلك مرثيتي يا الطيب

تلك مرثيتي يا الطيب

تلك مرثيتي يا الطيب

تلك مرثيتي يا الطيب

تلك مرثيتي يا الطيب

المرتضى وحياتك العبارة الفوق دي صارت مناخ ( بفتح الميم) لنا للتامل في جراحاتك .

Post: #51
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-13-2006, 05:14 PM
Parent: #50

(ترتدي ثوب عزوف وهي في الخفية ...... ترغب)

Post: #52
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-13-2006, 05:23 PM
Parent: #51

ود الرضي يا الطيب قال:
عني مانجيت ويا جرح غوِّر انشالله ما بريت
لما الشاب الفنان Tmbis يحكي ليك (هوى الخلخال) حايختصر ليك الحكاية أو الحياه.
أرقد عافيه

Post: #53
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-13-2006, 10:13 PM
Parent: #52

Quote: (ترتدي ثوب عزوف وهي في الخفية ...... ترغب)

آه يا المرتضى اخوى - أنت عارف البيت ده ومعاهو خمرة باخوس النقية السبب في حرمانك من سماع الاغنية دى من سنة 1989 وكانهم ما سمعوا بكعب ابن زهير عندما تغنى بسعاد امام الرسول (ص)

ولا حتى قرأوا لأبي نواس عندما قال :-

صفراء لا تنزل الأحزان ساحتها

لو مسها حجر مسته سراء
قامت بإبريقها والليل معتكر

فلاح من وجهها في البيت لألاء
فأرسلت من فم الإبريق صافية

كأنما أخذها بالعين إغفاء
رقت عن الماء حتى ما يلائمها

لطافة وجفا عن شكلها الماء
فلو مزجت بها نوراً لمازجها

حتى تولد أنواراً وأضواء
دارت على فتية دان الزمن لهم

فما يصيبهم إلا بما شاؤوا
لتلك أبكي ولا أبكي لمنزلة

كانت تحل بها هند وأسماء
حاشا لدرة أن تبنى الخيام لها

وأن تروح عليها الإبل والشاء
فقل لمن يدعي في العلم فلسفة:

حفظت شيئاً وغابت عنك أشياء
لا تحظر العفو إن كنت امرءً حرجاً

فإن حظركه بالدين إزراء

خلينا المرتضى لا تنكئ جراحنا الكثير حبيس الخلايا

بنعاين منتظرين تمبس الجميل يا المرتضى يدينا طله هنا وبس

اطيب المنى

Post: #54
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 09-14-2006, 04:27 AM
Parent: #53

وجعلت الشعر كالشلال....بعض يلزم الكتف.... وبعض يتبعثر
عندما تتناثر المياه من الشلال فإنها ترتطم بالصخور فتتبعثر المياه وتتناثر قطراتها ويتطاير رذاذها فترسل لوحة جميلة خاصة إذا سقطت عليها أشعة الشمس.... ووصف الشعر بالشلال تشبيه لم يتطرق له احد من قبل خاصة في الأدب السوداني...والصورة التي رسمتها لملهمة صلاح احمد إبراهيم شقراء ذات شعر كستنائى مموج وأظن أن الشاعر قابل هذه الملهمة في حديقة غناء والرياح تتلاعب بخصلات الشعر ذات اليمين وذات اليسار تسبح تارة في الهواء لترتاح على الأكتاف مرة أخرى ويا مرتضى إذا أردت رؤية هذا المنظر عليك ببرنامج دانات ومقدمته نجاح المسا عيد وهى تحاور التجانى حاج موسى.
أما الشعر عند شعراء الحقيبة فهو اسود دائما يشبه بالليل والغيم والحظ العاثر....... قال ابوصلاح...
جدي الخدور ...بخلاف شوفتك أنا شن بدور
وسطك رق وقلع الصدر...شعرك ظلمة ومحياك بدر
وقال أيضا...
تشوف في قوامها المال مفقول .....الظلمة شعور والقمرة محي
وقال ود الرضي ...
شعرك اسود زى حظ حسودك.....نور تضاحك بدرك فصودك
كم غضنفر فاتكابو سودك...... والمها تهواك ياخشيف
وسمى شعراء الحقيبة الشعربالديس..فبر محمد نور فى اغنيته المشهورة آنت كلك زينة..
ديسك ليكى وسادة خائلة ساكت سادة و النفوس حاباك
ماكفاكى زيادة وهجري صار ليك عادة وروحي ميتة وراك
وانشد ابوصلاح أيضا...
محيك قمر......وميل فرعك شال الثمر
طايل ديسك ينضح خمر ...ومن العلقم هجرك امر
وفى الكواكب احتفلوا بالقمر قال أيضا...
ديسك للقدم وصل الخبر...والصدير قلع برز انتبر
والنهيد رخص لسه ماجبر.....قلبي هج طارعنه ما صبر
ووصف الشعر أيضا بالهضليم وهو ذكر النعام ويمتاز بغزارة الريش ..قال عمر البنا ...
يانعيم الدنيا كيف الحياة غير ليمك .....ومن بعدك أصبح حظي زى لون هضليمك
وقال ود الرضي..
جر ثوب الهيبة الرفل ..........زان لجمع الجيل الحفل
شعره ريش هضليما جفل.....فكرى عن تصويره انقفل
وأيضا سمى الشعر بالاسيس...قال ابوصلاح...
هل صباح بالمحى تبدل...وده الاسيس ولاليل مسدل
والكتيف لضميره تاكى ........في أرائك الدروع مهدل
وسمى الشعر بالوضيب....الرائع ابوصلاح يقول ..
الصدير أعطافك فترا.....والنهيد باع فينا واشترا
الوضيب أقدامك سترا .....لقطيبوا قلوبنا البعثرا
وأيضا...
درعك البتقمز بالوضيب عكران.........والضمير الميل صاحي أم سكران
وأبدع ودالرضى في نسائم الليل...
الوضيب طولو نص متر......والوريد ماهو منبتر
فاقله ضامره والضهير فتر....والنغيم سكرا كتر

وايضا وصف بالحرتى وأظنه ثوب اسود من فصيلة الزراق...قال ابوصلاح..
العجب تيها...... وفى دروعها كابي حرتيها
وقال ود الرضي ..
كابي حرتيها........مايحة تتحلحل
دايخه من تيها
رخصة تتتهبع....ردفها عتيها
دمت يالعيبة.......شيشك ارتيها
وأيضا وصف الشعر بالغيم..قال ابوصلاح..
شعره حاكى الغيم حاجبه هلالو.....فر بسمو نغيم والبر وق لالو
مافى مانع لو قتلى حلالو......أفدى جوز تفاح صدرو لولالو
وقال أيضا...
رقيق خصره سادل عليه الغمام......يجاذبه النسيم في المرور كالزمام
يميل بالشمال والجنوب والأمام.......يكاد أن يرك فوق غصنه الحمام
يعنى بالطيب شيقوق ابوصلاح لو صبر شويه على الغيم ده كان نزل مطر وبقى شلال...وهذه قطرة من بحر الحقيبة في وصف الشعر.

Post: #55
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-14-2006, 05:08 AM
Parent: #54

يا الله يا دكتور احمد

نحن تاني نسمعك وبس

والله واقسم بالله انا بقرأ في كلامك ده شعري قام سبيبة سبيبة .

يا ربي المرتضى يجي والزاكي كمان يشوفوا ود القرشي بقول في شنو .

انت بس كده استحقيت نشد رحالنا ونجيك في مصيرة .

اطيب المنى

شيقوق

Post: #56
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-14-2006, 09:48 AM
Parent: #55

Quote: عني مانجيت ويا جرح غوِّر انشالله ما بريت

ده هسه كلام نصاح يا المرتضى . ده عندنا في بلدنا بركبوهو كلباش فوق وتحت وبودوهو الراكوبة حقت الشيخ الفقير وبركبهو بسوط العنج لحدى يفتح او روحه تمرق.

Post: #57
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 09-14-2006, 04:30 PM
Parent: #56

تتبع صلاح احمدابراهيم خطى شعراء الحقيبة في الوصف ، لكنه تخير مفرداته والتي تحتمل تفسيرات عديدة وتحمل
بين طياتها معان كثيرة ويمكن لاى قارئ أن يفسرها حسب فهمه لها وصلاح تلاقحت أفكاره بالمجتمع الفرنسي مما
جعله يتحرر من قيود النظام الاجتماعي التي كانت تؤثر في الإبداع سلبا...فكانت على صدر محبوبته نوافيرجحيم تتفجر ونوافير الجحيم التى تتفجر هي البراكين....ولايخالجنى شك أن الشاعر قد زار مدينة النهود ورأى شكل جبالها التي سميت عليها..ولكن جبال النهود التزمت بالتقاليد فلم تتفجر براكين..إذا وصف ثدي المرأة بالجبال الساكنة ليس بجديد ولكن ملهمة صلاح فجرتها براكين بينما الثوب السوداني اخمد تلك النيران....وشعراء الحقيبة وصفوا النهود بالقنابل الغير متفجرة..قال عمر البنا في قصيدته هجد الانام...
بالبان والأس مال قوامك ظافر
على صدرك قنبل كم اسلم كافر
العيون والضمره والوريد الوافر
من محاسنك عارن الغزال النافر
وابوصلاح في أغنية القمري المظلل...
يالظبى المروقل جافل بوداك .........يسكر سمعي صوتك من راحة نداك
يالكاتل عشوقك بهدل بعداك..........عندك جوز قنابل في صديرك هداك
وشبهت أيضا بحق العاج..انشد ابوصلاح...
يطربني الحسيس الناعم اللحون .......يالضامر مصفصف متني كالعرجون
يا أم صدرا مبنى وبالمسك معجون..... ......في حقين نهدك لي قليب مسجون
وأيضا...
خليك خفيف رايق بني .......لاتتنى قامة الدابو ني
املد خصر خاتى التنى .......وحق صدره يلعب به التنى
يا البلسمك ديسك روى .....حازم الضمير المو قوى
كيف ترضى بى شوقي وهوى......أنا حق نهيدك دوى
وود الرضي استعمل المسافة للوصف..
كفى قفاك .......بعاد حلماتك من كتفاك
در ومدام
الراح في فاك.........شعرك عتمة وبدري صفاك
وحسنك تام
وقال أيضا بعد أن حرك الساكن....
تتلاصف خديداتو...المسوي قلوبنا صيداتو
البموح بى نهيداتو ...البنسى الزول وليداتو
وخليل فرح جعلها شهود عدل...
العقود عهود.....والنهود شهود
والحكم لحاظك.....جودى اليهود
وأيضا قال ...
القوام اللادن.....والحشا المبروم
والصدير الطامح ....زى خليج الروم
وبعض شعراءالحقيبة وصفوا النهود بالتفاح والرمان..وأظن من وصفها بالرمان أجاد...
تغنى ابوصلاح...
لينه هيافا....العيون ناعسه صاحي سيافه
صدرها قيافه.....نهيداته برتكان يافا
وقال أيضا ...
نورت يا الخد الجلي ....تخفى الجواهر والحلي
خبرني يا الصدر العلى ....البرتكان ليك ولا لي
قال لي ده لا إتباع لا شري .....احسبله فوق نجم الثرى
لسه رخص ناعم طرى....خمر الدلال باقيلو ري
ووصفها أيضا بالرمان..
عالي صدرك لخصرك برا .......فيه جوز رمان جل البرا
الخطيبه وردفك منبرا.....الشعور البسطل عنبرا
وله أيضا ...
تعبت الاصفاح......وطرفي جافى النوم من طيب عبيرو الفاح
بين عيونه صفاح.......في مبيسمه عقد الدر في صدره جوز تفاح

ولود الرضي...
ديسو في درعو...... من حجابو يميل
خيزران فرعو
جيده جيد غزلان.....في العسين برعه
والنهيد رمان..... ما أنهشم ضرعو
واكتفى بعبد الرحمن الريح عندما قال..
النسيم إن فاح....يمتزج بزلال دمعنا ..السفاح
كم عشوق مهجور مضنى بالاصفاح.....
عينه فى الورد وروحه في التفاح.

Post: #58
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-14-2006, 04:42 PM
Parent: #57

Quote: ولكن شعراء الجيل الثاني من الحقيبة وصفوا التهود بالتفاح والرمان..وأظن من وصفها بالرمان أجاد...

انا متابعك بالثانية يابوص ياعظيم الفوق دى مالك معدلها ما كانت لقطة لو ابقيتها كما كانت عليه .

نلتقي غدا بمشيئة الله

اطيب المنى

Post: #59
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-14-2006, 05:40 PM
Parent: #58

ود القرشي
أول مره أشوف زول يبدا بال finishing
يازول مالك؟
حسنا، مدينة النهود عشت فيها ثلاث سنوات رائعه مع أهلها ناس دار حَمَر (ناس أبراهيم الشيخ صاحبك) والمدينه بالفعل تبدأ في الظهور بعد أن تمر العربه من جبل (حيدوب) هذا ان كنت آتيا من الأبيض عن الطريق الوحيد الذي يمر ب (الخُوَي) و (مركب) و (أم صميمه) ، وحقيقة الجبل ( وفيه مصدر مياه المدينة) وأنت آت اليه من بعد يشبه ماوصفته أنت ومن ثم سميت المدينة علي المشبه به ، كما يُروى.
Quote: يالكاتل عشوقك بهدل بعداك..........عندك جوز قنابل في صديرك هداك

طبعا يا أحمد كثير من شعر الحقيبة كتب أيام الحرب العالميه الثانيه لذلك تجد استخدام الأسلحه في الوصف أمر طبيعي وفي هذا الأتجاه وردت ( جوز عيونو مدافع السواحل) ، تعرف با أحمد مدافع السواحل مداها 40 كلم (مش كيلوجرام) وهي من عيار 155 ملم لذا رأى خبراء القانون الدولي ( برضو مش قانون هواك) رأوا ان تكون حدود المياه الأقليمية للدوله الساحلية 40 كلم داخل المياه الدولية أي مع مدى المدفعية مع استثناءات كثيره ، بالطبع لو بقي أولئك الشعراء الي اليوم لشبهوا تلك العيون ببطاريات الباتريوت ولما توانوا في سحب صفة الكاتيوشا على الرموش . وعوده للنهود لاتنسى من قال : في حُق نهدو قلوبنا قافل.
أحمد معليش تجرأت على تخصصك لكن موضوع النهود (البلد) مابخليهو يمشى ساكت لأني بريدا ... البلد.
فاصل؟ ونواصل.

Post: #60
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 01:00 AM
Parent: #59

Quote: أحمد معليش تجرأت على تخصصك لكن موضوع النهود (البلد) مابخليهو يمشى ساكت لأني بريدا ... البلد.

المرتضى اخوى ود القرشى ده نحن عايزنو لطويله والبوست ده بيتناقلوهو بالجيل الثالث .
انت يا المرتضى ما سمعت فاروق همس لينا في اضنينا وقال لينا شنو؟

هو هسه متابع انا متاكد لكن دى ما اظن يقراها لانى شغلته ليك بهناك مع اجياله.

ود القرشى كلامنا كتير معاك حول الحقيبة وما تنسى وحياتك قصة يا السائق الفيات قم بى اخد سنده بالدرب التحت ....

نواصل

Post: #61
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-15-2006, 03:14 AM
Parent: #60

Quote: بالمناسبة يا مولانا المدرسة دي كلها رجال فهل هناك بكاءات من النساء في

تاريخنا العربي الأدبي ؟..... وأرجو أن أسمع من الأستاذة الأديبة د.بيان التي

دخلت على الخط أيضا ومن ألأخوة ألذين دخلوا والذين سيدخلون.

شوفو يا شباب..
انطلاقا من حديث اخونا الاستاذ حامد

عن الكسير والبكاءات في اللادب العربي,,,

لاحظت وانا مغرمة جدا بالادب الامريكي وشعر النساء خاصة..
رغم ان امريكا دولة متحررة الى انه في الشعر القديم لديهم دائما هناك تحفظ
في الحديث عن البكاءات والكسير..
وفي الشعر العربي احب جدا شعر النساء واجد نفسي فيه
شاعرتي المضلة فدوى طوقان..
اكتشفت ان الاديبات العربيات عموما ما بيظهرو اي تكسر او بكاء..
الا انني وجدت قصائد نشرت بعد موت فدوى فيها كثير من البكاء الرومانسي..

ودي بتقودنا ماذا تريد المرأة من الرجل.
وماذا يريد الرجل من المرأة
لاحظ الشعر الرجالي الحسية فيه عالية والشعر النسائي الرومانسية فيه عالية..
اذكر كنت دائما اسال صديقاتي.. ماذا تريدين في الرجل
دائما بتكون الاجابات يكون طيب يكون محب يكون لطيف
دائما مواصفات اخلاقية.. تسأل اي راجل
يقوليك يكون عيونها غلاد شعرها طويل.. سمينة.عندها ... كبار
يعني مواصفات حسية..
عشان كدا بيجي شعر الرجل حسي وشعر المرأة رومانسي..

الان اترككم مع قصيدة لفادية غيبور اهديها لكم جميعا..علها
تعينكم على فهم ماذا تريد المرأة.ز قصيدة بكامل الدسم الشعري والضجيج
اسمها انا لا اريدك عاشقا كالاخرين

وتعودُ.. تغمرُك الظّلالُ بسحرها‏
لاشيء يستلبُ انعتاقك من حدودِ الحزنِ‏
الدّنيا بخير...‏
وتروحُ تحلمُ هائماً برفيفِ أجنحةِ العصافيرِ‏
الصغيرةِ وهي ترقصُ في يديكْ‏
وتدقُّ بابَ العيدِ‏
تفتحُهُ أحاديثُ الأصابعِ‏
حين تركضُ نحو ضحكتها وتهمسُ:‏

"كلّ عامٍ والدروبُ نديّةٌ بالعاشقين"‏
عندَمتَ أغنيةً...‏
ورحتَ ترشها فوقَ الغيومِ‏
فأرسلتْ مطراً... وكانَ الصّحو ينذرُ‏
بانتشارِ القبلةِ الأولى‏
على ثغرِ ابتسامتكِ الوضيئةِ‏
وانتشى قمرُ الطفولة
فوق أكتافِ المزارعِ
فابتدّتْ رقصاتها ولهى‏
بأغنيةٍ يردّدها صباحَ العيدِ‏
آلافُ الأحبةِ‏

كلّ عامٍ والحياةُ جميلةٌ‏
لم تذبل الأشعار فوقَ بطاقةٍ‏
أرسلتها لحبيبةٍ‏
كانت تزورك طفلةً‏
وتنازَعتكَ الذكرياتُ‏
وأنت ترسمُ غابةً‏
شجراً مديداً... يستطيلُ إلى السّماءِ‏
يرودُ غيمَ الأمنياتِ‏
فيرتمي مطراً‏
وينهمرُ البهاءُ على الحدائقِ‏
والقصيدةُ..‏
تفتحُ اللحظاتِ للمطرِ الجميلْ‏
فانهضْ إلى فرحِ الفصولْ‏

واضحك‏
أحبّكَ ضاحكاً‏
أنا لاأريدُك عاشقاً‏
كالآخرين‏
هذا المدى رحبٌ‏
ويتّسعُ الفضاءُ لضحكتينِ صغيرتين‏
ولحزمةٍ من دفءِ صوتك‏
إذ يسافرُ في دمي‏
كيف ارتحلتَ إلى التناسي‏
بعدما أدمنت فيك توحدي‏
وتشردي.. وجعلتُ حبّك‏
بوحَ نايٍ.. في فمي‏
أنا لا أريدك عاشقاً كالآخرين‏
هذا المدى رحبٌ‏
وتتسع السماءُ لهامةٍ مرفوعةٍ‏
ولقبضةٍ من عنفوان الأرضِ‏
بعض شموخِها‏
لقصيدةٍ ترتادُ آفاقَ التألقِ‏
حينَ ترسِلُها شفاهكَ‏
عبرَ إيراقِ البنفسجِ‏
واقترافِ الصبوة الأولى‏
ليومٍ... فيه يبتكرُ التذكرُ‏
أغنياتِ الوقتِ والفرحِ القديمِ‏
فأنثني نحو ارتيابي‏
واعتناقي كذبةَ الصّمتِ المعبأ بالهوى‏
متناثراً في أضلعي‏
مطراً... نجوماً.. ياسمينْ‏
أنا لاأريدُك عاشقاً‏
كالآخرين‏
فاضحكْ.. أحبّكَ ضاحكاً‏
كالأقحوان على سرير النّهرِ‏
يغزلُ حلمَهُ‏
في لحظةٍ مغسولةٍ بالضّوءِ‏
يحملُ دفأها‏
ويمدُّها‏
كي تستحيلَ إلى سنين‏
لو... يبتدي زمني لأجلك أبتديهِ‏
بوردةٍ... وبضحكةٍ جذلى‏
تزغردُ فوقَ ثغرِ قصيدتي‏
لو... ترجعُ النبضاتُ نحو ربيعها الأحلى‏
رسمتُّكَ فوقَ أوراق اليفاعةِ‏
حلمَها المجنونَ‏
رّياها المعبأ بالعطورْ‏
وعدوتُ نحوكَ مهرةً عربيةً‏
لاالريحُ تجرحُ وجهها‏
لاالعابراتُ من الهمومِ تلفّها‏
لاغربةُ الكلماتِ تسرقُ صوتَها‏
لكنني...‏
لم أستطعْ غير احتواءِ الحلمِ‏
في زمنِ المواجعِ‏
فابتكرْ لمواجعي أثوابها‏
أنت احتمالُ النبضةِ الأغلى‏
تمادَت في دمي...‏
فاكتبْ دمي‏
ورداً خضيلا واختصرْ آهاتهِ‏
وابدأْ صعودك في أغانيَّ الجديدةِ‏
وانبعثْ...‏
زمناً جديداً للصفاءْ‏
واضحكْ.. أحبّكَ ضاحكاً‏
أنا لاأريدك عاشقاً‏
كالآخرين‏

فاديا غيبور

أنا لاأريدك عاشقاً كالآخرين

Post: #62
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 03:33 AM
Parent: #61

لله درك يا عظيمة

نحن من زمان يا البيان بندق ليك في الكشكوشة عشان تنزلى الدستور ( اقصد الزار)

ده كلام حلو وجميل بس اصلي الجمعة واجيهو متغدي ومبسوط عشان اقراهو بمزاج .

شوفي لينا تاني كتييييييييير عشان الجماعة المكسرين والمكسرات الاحياء منهم والاموات يجونا .

تسلمي يا عزيزتي

Post: #63
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: sultan
Date: 09-15-2006, 07:35 AM
Parent: #62

الأخ الطيب

مبلغ علمي "المتواضع" أن ماريا شابة إيطالية تعرف عليها المرحوم في زيارة أدبية إلى روما جمعته مع القصصي المرحوم خوجلي شكرالله

مع تقديري

السودان لكل السودانيين
المجد لشعب السودان ... المجد لأمة السودان

Post: #64
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 08:01 AM
Parent: #63

Dearest Sultan

شكرا لك على هذه المعلومة

بس نامل لو عندك اى حاجة عن صلاح في كلياته ان توافينا بها .

لك اطيب المنى اخي سلطان

الطيب

Post: #65
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 08:23 AM
Parent: #64

Quote: شوفو الشعراء ديل زمان كيف نظرة تختصر العمر..
فقصة ابو صلاح ليس بعيدة عندما ولع ببنت جميلة راها يوما "تكشح" في موية قرب البيت
مشى لما اطفال الحلة قاليهم اصرخو قولو الحريقة قامت البت مدت راسها قالت ليهم سجمي وين؟.
طوالي ضم يده على قلبه وقاليها في قلبي دا..

مرتضى يا اخوى الدكتورة بيان ودكتور قرشى ديل بجيبوا كلام ما عارف من وين ذاتو وعلى ذكر الاخت الدكتورة بيان لابي صلاح طيب الله ثراه قرات عنه يقول الاتي :

شوف العين قالت ده لا لا

صدت من تيها ودلالا

ريدتك ساكنة الجوف خِلا لا

والأعضاء امتزجت خِلالا

وبراق سنك شقَّ لالا

ولحظك صاب أحشاي قلالا..

.. وتنساب هذه الكلمات إلى المسامع.. تغوص في أعماق القلب، تبحث عن شغافه، فتستوطن السويداء.. تقتات الحنان ترتوي الوداد، لتروي الشوق..

وإن كانت المعلقات السبع لا تعدو أن تكون قافيتها حرفاً أو حرفين على الأكثر، وربما حرفاً وحركة من حركات الإعراب، ولكننا نرى هنا طباقاً زاهياً يكاد يجعل القافية تصل إلى ستة أحرف..

.. وحينما نتأمل بعضاً من المحسنات البديعية من استعارات وتشبيهات في مثل:

ظهرت شكلك بان

كوكب منير أشرق من فوق غصن البان

كالظبية في اللفتان

أما الخديد ناعم زي زهرة البستان..

أو مثل هذه المقابلة بين صدري البيتين:

ليك جوز عين نعسان وكاحل

وخصراً يميل وصدر راحل

ولي وجدي اللي جسمي ناحل

بحر الشوق ما ليهو ساحل..

أو فلنتأمل روعة هذا الطباق الذي تحفل بها هذه الأبيات:

طرفه ليه نعسان وأنا طرفي ليه يصحا لو

ويتلو آية الحب الفي الخديد لايحا لو

جمالو كل ما يزيد جسمي يزيد إنحالو

أما قلبي الضاع خلي اليروح في حالو

إننا نراها تنساب في سهولة من غير تكلف، وفي رقة آسرة ذات جرس محبب، وكل ذلك ينبئ بمقدرات هائلة على النظم والتأمل والتصوير والتشخيص، لدى شاعرنا الفذ صالح عبد السيد، «أبو صلاح».

وأبو صلاح المولود في حي الموردة في العام 1890م، يعد من أشهر شعراء الحقيبة، ويعد أول من تُغني له بأغنية حقيبة وسجلت بمصاحبة الطمبور في اسطوانة، وهي الأغنية التي تقول:

لو تجاوزي لو تسمحي

مني ريدك ما بتمحي..

وإن كانت تلك الآلة ومنذ العام 1928م لم تظهر بالصورة المؤثرة نسبة لتطور أساليب الغناء، وما صاحب التسجيلات التي أتت بعد ذلك ..

وأبو صلاح الذي تأثر بالشعراء العرب وسطر لإبن الفارض وابن أبي ربيعة، يعد من الرعيل الأول الذي أثرى الساحة بقصائد الدوبيت وأغنيات الطمبور.

وكتب أبو صلاح للحب وفي الحب أشعاراً يكاد يسمع صداها في القلب، فهي همسات آسرة سريعة الاختراق، بطيئة الرحيل، تحل ولا ترتحل، وهي وجد رقيق وسيل دافق من العاطفة:

أعلم لولا ما طرفك للبيض الرقاق شاهر

إنسان عيني كاد يغرق في ماء خدك الزاهر

نورك يتوقد لعيون الخلوق جاهر

كل شيء ظاهر..

وإشراق الفجر يشهد على طرفي العليل ساهر..

وتبقى هناك حقيقة واضحة -كما يقول الأستاذ محمد حسن الجقر في كتابه روائع أغنيات الحقيبة- هي أن أبو صلاح هو أول شاعر غنائي لعدة أسباب منها أنه كان يسبك الشعر سبكاً جيداً وله تعبيرات متفردة غاية الروعة، ووصف دقيق متفوق بالغ الإجادة، ومع كل هذا التفوق كان غزير الإنتاج، ويمكننا القول إن معظم أغنيات الحقيبة كانت من نظمه..

وهو صاحب مدرسة متفردة في النظم، قال عنه الشاعر المعتق محمد بشير عتيق: «أغنيات أبو صلاح تمتاز بالأوصاف الجمالية والمعاني الحسية والغزل الرقيق، والعاطفة المشبوبة، وتمتاز أيضاً بالبديع ولزوم ما يلزم والجناس».

إذن فشاعرية أبو صلاح ذاع صيتها وأصبحت مثالاً يحتذى، وذلك لتميزها بروحها العذبة وعاطفتها الصادقة، وروعة معانيها، وجمال تصويرها ودقة ألفاظها، فأصبح بحق مدرسة للشعراء ومثالاً يُجارى ويُسار على نهجه، فظهرت قصائد عدة في شعر الحقيبة أمتعت -ولازالت- أفئدة الملايين من عشاق هذا الفن الخالد، ولكنها كانت دائماً تشهد بريادة أبو صلاح وأستاذيته في هذا الفن.

ونظم أبو صلاح الشعر في حداثة سنه، فقد نظم الشعر وهوهو في الرابعة عشرة من عمره، وقد كان للبيئة أثرها في شعره، حيث للنيل وملتقاه، والضفاف والخضرة وللطبيعة الخلابة الأثر البالغ في رقة أشعاره، وافتتانه بجمالها.

وأغنيات «أبو صلاح» لا يزال صداها يتردد حتى هذا اليوم وتناقلتها الأجيال جيلاً بعد جيل، ومنها على المثال لا الحصر: «ضامر قوامك لان، يا رشا يا كحيل، قسم بي محيك البدري، بدور القلعة، لحظك الجراح، يا ليل أبقالي شاهد، خلي العيش حرام، يا ربيع في روض الزهور، وصف الخنتيلة، والأغنية الأكثر شهرة (جوهر صدر المحافل)، وأغنية كم نظرنا هلال».

وحينما ننظر لهذا الكم من المغنين ابتداءاً من كرومة وابراهيم عبد الجيل، أولاد الموردة، أولاد شمبات، عبد الله الماحي، أولاد المأمون، مروراً بالكاشف وأبو داؤود، وردي، أحمد المصطفى، حمد الريح، علي اللحو، ترباس، وصولاً إلى فرفور، محمود عبد العزيز، عابدة الشيخ، وخلافهم.. حينما ننظر لذلك ندرك بأن هناك كلمات تولد للفناء، وثمة أخرى تولد للخلود، وهنالك كلمات تؤدي الغرض منها ثم تأخذ طريقها إلى زاوية النسيان، وثمة أخرى تغوص في أعماق النفس وتستقر في الوجدان لتحجز لها مكاناً راسخاً في الذاكرة.

طوبى لأبي صلاح إرثه اللامتناهي، ونسأل الله أن يغفر له بقدر ما أعطى ووهب من أشعار وألحان لا يزال صداها يتردد بيننا، ونحن نستعد للإحتفاء بذكرى رحيله التي حدثت في العام 1963م، نأمل أن يكون الاحتفاء بقدر المحتفى به، وأن يتم جمع وتدوين كل ما جادت به تلكم القريحة المتفردة.

لكم اطيب المنى

Post: #66
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-15-2006, 08:56 AM
Parent: #65

يا سلام

تعرف يا شيقوق
زمان لما كنت بكتب في بحث التخرج كان عن ابي الروس
فكان بلاقيه في المركز القومي للفنون
اها بلقى ليك الشعراء العجائز ديل قاعدين هناك كانواناس طاعمين وظراف شديد
ودمهم خفيف..جزء منهم ما بيشوفو يجو معها حفدتهم وجزء يصولوهم اولادهم
اها بتكون جلسة ما معقولة. الزلو بتمنى لو سجل كلامتهم ديك. الله يرحمهم ويغفر ليهم
بقدر ما امتعوا الناس..

قال لي واحد زمنكم دا الشعراء ما بيقدرو يكتبو عن المرة زينا شعر سمح..
لانكن يا بناتي مبهلات في الشوارع وتمشن كاشفات
اها قالو زمانهم البنات ما بيشوفهن الا لمحة
في بيوت اللعب(الاعراس) او ذي كشحة الوسخ والموية ديك حقت ابو صلاح..
اها عشان كدا قالو هم بيستخدموا خيالهم والخيال جامح طبعا
عشان كدا اغاني الحقيبة اغاني الحسية فيها عالية جدا..
لاحظ يبدا وصف المرأة بتفاصيل من شعرها.ز
لما يجي
الحشا الضامر طوالي يخش
الله هوووليلاك ليلة ويضرب الرق يعمل تكثيف لما سياتي وطبعا بيقيف الوصف هنا ودا
جزء فيه تعمية عالية جدا..

ويتبع

Post: #67
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 09:10 AM
Parent: #66

Quote: الله هوووليلاك ليلة ويضرب الرق يعمل تكثيف لما سياتي وطبعا بيقيف الوصف هنا ودا
جزء فيه تعمية عالية جدا..

يا الله يا دكتورة وكاني متخيل النمة الطوييييييييييلة دى وهي بتذكرني يا دكتورة استاذنا الكحلاوى الذي كانت مسيرته الغنائية متاخرة وربما لحكمة ولكن ربنا اراد لينا ان نستلهم من شخصة الوقور ورنقة الجميل فنون ذلك الجيل من المخضرمين .

انا حاسي انتى زى العايزة تكتبي النمة دى لكن غلبتك في الكتابة تكونى قلقتى منها لكن خلينى اجربها ليك انا

يا الليلة هوووووووووووووووى يا ليلة هوى هوى وريني كيف إحسانك
طبعا ناس الجيل الثالث قلبوها وريني عرض اكتافك يا البيان

اطيب المنى

Post: #68
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الأمين عثمان صديق محمد
Date: 09-15-2006, 09:24 AM
Parent: #1

Quote: الله هوووليلاك ليلة ويضرب الرق يعمل تكثيف لما سياتي وطبعا بيقيف الوصف هنا ودا
جزء فيه تعمية عالية جدا..
بيان
امبارح دي والله كنت بقول لي تمبس الحتة دي بالضبط تعليقا على بوسته بين عاصم البنـــا .. ومحمد المرتضى حـــامد
وانفقعنا في الضحك على قولك من الاضان للاضان

التحية لك ولي الطيب

Post: #69
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 09:56 AM
Parent: #68

الاخ الامين صديق

يسلم ذوقك

لينا يومين كايسين للمرتضى ما ظهر قلنا هلك

لكن انتوا كده شركتوا ليهو بالجوز والفرض اها بيمرق بوين تاني احبسوهو . وقولوا ليهو حصل استحواذ او اندماج ما بين المسارين الروحيين.

الاخت بيان اها شوفي شباب الجيل الثالث كيف بيبدعوا في العمليات الجراحية .

وربنا يحفظ لينا بكرى . اكان الواحد عايز لبن الطير يجيبوهو ليك ناس البورد ديل .

لكم اطيب المنى

Post: #70
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 09-15-2006, 11:21 AM
Parent: #69

Quote: وحقيقة الجبل ( وفيه مصدر مياه المدينة) وأنت آت إليه من بعد يشبه ماوصفته أنت ومن ثم سميت المدينة علي المشبه به ، كما يُروى
ماوصفته انت.......دى يامرتضى على وزن مانهى عنه أمير المؤمنين...والقصة ان العباسة أخت هارون الرشيد كانت تعشق غلام يسمى طل..فحذرها هارون الرشيد من مقابلته أو ذكر اسمه...وفى يوم كانت تقرا آيات من القران فقرات(فان لم يصبها وابل فالذي نهى عنه أمير المؤمنين) خوفا من ذكر اسم طل.....أما الخلاصة في بداية الحديث فكانت مقصودة فكيف يفهم البعض قولي بعد المدافع والقنابل والبراكين التي تلفظ حممها في كل الاتجاهات

Post: #71
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 12:36 PM
Parent: #70

اخوتى المرتضى / د. قرشي

نرتاح شوية معاكم في مدينة النهود الجميلة دى

دى الرسائل المرسولة لىّّ وبلطافة واسرع تعال
امشى بارا ومر بام روابة
بارا بارا وديك ام روابة
والنهود العاشق شبابها
درة فائحة وفايتة الكمال

اليكما هذا اللنك لسماع هذه الاغنية بمزاج واكيد عندكم ولكن للتذكير فقط

http://www.alnahoodregion.com/prime.html

لكما مودتى

Post: #72
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-15-2006, 12:41 PM
Parent: #70

الطيب الجميل (( طبعا شدهت ليك مرتضى بهناك))

(QUOTE) وأيضا قال ...
القوام اللادن.....والحشا المبروم
والصدير الطامح ....زى خليج الروم

يا خي النوبي الجميل ده تعلم العربية وعمره 11 سنة شوف بقول

كلام حلو كيف ....... تقول كان خاتي الأطلس قدامه وهو يكتب هذه

الأبيات ...أول مرة أشوف جغرافيا في الشعر الوصفي للجسد..هناك

شعر في الجغرافيا... لكن تشبيه جغرافيا الجسد بجغرافيا العالم

يطرشني ويعميني الا عند هذا العبقري النوبي الرهيب وأعتقد جازما

أنه متفرد في هذا ولم يسبقه على هذا أحد لا من المتقدمين ولا المتأخرين

.... ألستم معي الطيب ومرتضى وبيان والقرشي وابوبكر.

ده حالته اتعلم العربي وعمره احدى عشر سنة أمال لو كان تعلمه مما

طلع.. من ..... حلفا كان عمل شنو؟

بيان قصيدتك حلوة حلا ... زي راجل المرا!!! لكن لسع لم تشف لنا غليلا

في حكاية النسوان البكايات ... كدي أفحتي شوية في مكتبتك ...

أما أنت يا قرشي ... علي النعمة انت أفن زول ... بتجيب الكلام ده من وين ؟

يا خي يا الكلام حافظه ودي عبقرية نغبطك عليها...ما شاء الله (عشان ما تقول

سحروني)..... يا عندك مكتبة رهيبة جدا..... برضه ما شاء الله.

الطيب أخوي تصدق أنا مرات ببكي بأثر رجعي !!!!!!!!!!

فاروق حامد

Post: #73
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-15-2006, 01:03 PM
Parent: #72

Quote: ده حالته اتعلم العربي وعمره احدى عشر سنة أمال لو كان تعلمه مما

طلع.. من ..... حلفا كان عمل شنو؟

بيان قصيدتك حلوة حلا ... زي راجل المرا!!! لكن لسع لم تشف لنا غليلا

في حكاية النسوان البكايات ... كدي أفحتي شوية في مكتبتك ...

أما أنت يا قرشي ... علي النعمة انت أفن زول ... بتجيب الكلام ده من وين ؟

يا خي يا الكلام حافظه ودي عبقرية نغبطك عليها...ما شاء الله (عشان ما تقول

سحروني)..... يا عندك مكتبة رهيبة جدا..... برضه ما شاء الله.

يا باشمهندس ناس حلفا ديل شيئ تاني زى ما بقول اخي المرتضى

دحين يا ابوى حلفا الفرخت ناس خليل فرح ديل عقاب لبن مافيها

خليل القال يا فاروق

يا الطبيعة الواديك ساكن
مافي متلك قط في الاماكن
يا جمال النال في ثراكن
يا حلات البرعن اراكن
في قفاهن تور قرنو ماكن
لا غشن لاشافن مساكن
في الخزام والشيح والبراح

الكلام ده فاروق اخوى كلام ناس البطانه سيادها ما قالوهو قالوا الخليل الفي حلفا من غير ماهو عارف قدمو المفارق وعزة وغيره .

اغنية راجل المرة الحلو دى الايام دى رافعة معنوياتنا شدييييييييييد
ويا دكتورة بيان الفاروق ده حوض رمله ما بيشبع كفاهو.

نواصل

Post: #74
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-15-2006, 03:32 PM
Parent: #73

الأعزاء الطيب وضيوفه الكرام
سلام
ماتركت المشاركه وماابتعدت لكنني قاريء لكل جميل ومتابع لما يرفدنا به اهل الأدب والتخصص لأنني لا أتحدث في الغناء والشعر في حضور أناس هم من هم في هذا الجانب ، وحاشا أن يكون هذا تواضعا سيئ الأخراج ، أحمد القرشي عندما يكون هنا في مسقط (في البيت أو النادي) نكتفي بالأستماع وحسب. رد الله غربة أخي د. أحمدعبدالفتاح محجوب (طراوه) فكم أفرحانا وثقّفانا عن تراث كون فينا الوجدان للدرجة التي لايخلو فيها حديثنا من تلك التعبيرات الجميلة .
أخي أبوبكر ، والله كلما أدنو من الشعر والغناء والموسيقي تتسع مساحات التسامح في داخلي ويكبر الأنسان في داخلي والآنسان في خارجي ، لذا فان توسيع هوامش الشعر والغناء والأدب والفن في حياتنا مطلوب في زمن نمنى النفس ألا يفضي بنا الى المزيد من الليالي الكوالح المسهدات . زي ماقلت ليك ياباشمهندس ، دوركم هنا يحول دون الانهيارات النفسية وأنكم تقومون بدور الretention wall كما قلت قبلا وأما ناس أحمد القرشي ديل لاأجد ماأشكرهم به سوى مناداتهم باسم أحبه (عمال النظافه).

Post: #75
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-15-2006, 03:34 PM
Parent: #73

الأعزاء الطيب وضيوفه الكرام
سلام
ماتركت المشاركه وماابتعدت لكنني قاريء لكل جميل ومتابع لما يرفدنا به اهل الأدب والتخصص لأنني لا أتحدث في الغناء والشعر في حضور أناس هم من هم في هذا الجانب ، وحاشا أن يكون هذا تواضعا سيئ الأخراج ، أحمد القرشي عندما يكون هنا في مسقط (في البيت أو النادي) نكتفي بالأستماع وحسب. رد الله غربة أخي د. أحمدعبدالفتاح محجوب (طراوه) فكم أفرحانا وثقّفانا عن تراث كون فينا الوجدان للدرجة التي لايخلو فيها حديثنا من تلك التعبيرات الجميلة .
أخي أبوبكر ، والله كلما أدنو من الشعر والغناء والموسيقي تتسع مساحات التسامح في داخلي ويكبر الأنسان في داخلي والآنسان في خارجي ، لذا فان توسيع هوامش الشعر والغناء والأدب والفن في حياتنا مطلوب في زمن نمنى النفس ألا يفضي بنا الى المزيد من الليالي الكوالح المسهدات . زي ماقلت ليك ياباشمهندس ، دوركم هنا يحول دون الانهيارات النفسية وأنكم تقومون بدور الretention wall كما قلت قبلا وأما ناس أحمد القرشي ديل لاأجد ماأشكرهم به سوى مناداتهم باسم أحبه (عمال النظافه).

Post: #76
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-15-2006, 09:28 PM
Parent: #75

يا شباب
حسيت بعد دخولي التدفق قل وانتهى..بقيت ذي القطر فيهو مفتش

عشان كدا نقوم نتغيب ونعاين من الشباك..
واستمروا وكل زول فيكم اروع من الآخر..

الاخ حامد ساجلب لك بوست كنت جمعت فيه قصائد فدوي طوقان..

ولكم جميعا كل محبة ومودة

Post: #77
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: bayan
Date: 09-15-2006, 09:45 PM
Parent: #76

الاستاذ الاخ حامد راجع هذه الوصلة..
ولكم جميعا هذه القصيدة

فدوي طوقان

العودة

عارية القلب رجعت إليكْ

عارية القلب أتيتك يا

متعالي, يا نائي الدارْ

يا غائب, يا أبديّ الصمتْ

عتبي لو تسمعني عتب -

المنكسر المنسحق القلبْ

لم تفصلني دومًا عنكْ

وتردّ يدي الممدودة نحوك في -

ضعفي, في قلة حولي

لِمَ ترفع من دوني الأسوارْ

وتقيم من الظلمات جدارًا فوق جدارْ

فوق جدارْ

وتظلّ بعيدًا أنتْ

تتعالى, تتحصَّن بالصمتْ

***

أيروعك صوتي الواهي أمْ

يخجلك ندائي لكْ

وأنا أرفع بين يديَّ

جراحي وضراعاتي لكْ

أيروعك صوتي بعد صمودي

تحت توالي ضرباتِك

وهُوِيِّ سياطك فوق جراحي

جرحًا جرحْ

فتصمُّ السمع, وتنأى تنأى

ترفع من دوني الأسوارْ

وتقيم من الظلمات جدارًا فوق جدارٍ

فوق جدارْ تتماهى فيهِ (أنا) مع (أنتْ)

Post: #78
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-16-2006, 00:18 AM
Parent: #77

الاخت الدكتور بيان

لك كل الود فقد ابدعتي وامتعي

سنبقى في انتظارك

Post: #79
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-16-2006, 09:04 AM
Parent: #78

Quote: رد الله غربة أخي د. أحمدعبدالفتاح محجوب (طراوه) فكم أفرحانا وثقّفانا عن تراث كون فينا الوجدان للدرجة التي لايخلو فيها حديثنا من تلك التعبيرات الجميلة .

الاخ احمد يا المرتضى اخوى ترك فراغ كبييييييييييير وكان لطراوة حضور دائم في كل المحافل الثقافية في مسقط . يعجبني في الاخ طرواة ابتسامته النقية.

اطيب المنى

Post: #80
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-16-2006, 02:49 PM
Parent: #79

أخي الطيب
هي أمريكا ، لم تترك لنا حتى ال (طراوه)

Post: #81
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-16-2006, 03:15 PM
Parent: #80

QUOTE]أخي الطيب
هي أمريكا ، لم تترك لنا حتى ال (طراوه)

الطيب و مرتضى

الحمدلله الفضلتو لينا انتو ولم تبتلعكم أمنا الغولة (أرميكا)

مع أمنياتي الخالصة بعودة صديقكم الطراوة.

وأمنياتي لكما بطول العمر والصحة والعافية

وسلام مربع

Post: #82
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-16-2006, 03:44 PM
Parent: #81

كيف يا الفاروق أتقصد طراوة الرجل الظريف اللطيف
ام طرواة مناخكم

في حديثك شيئ من الابداع البلاغي يا باشمهندس عجزت عن تدارك مقاصدكم .

اتلافاني سريع

اطيب المنى

Post: #86
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-16-2006, 05:20 PM
Parent: #82

شيقوق
ودالقرشي ده عيان بالله اتصل بيهو وقول ليهو يا (بريه)

Post: #83
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Alsa7afa_30
Date: 09-16-2006, 04:30 PM
Parent: #1

مــريا

Post: #84
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-16-2006, 05:06 PM
Parent: #83

يا صحافه30
ينصر دينك واقرا الفاتحه على ..روحي
(لم يعد لي بقاء فوق هذي البقاع)

Post: #85
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-16-2006, 05:20 PM
Parent: #84

واااااااااااى المرتضى اخوى ده شنو الجابوهو لينا انا خلاص هنا بركت على ركبي انتى كيف اكان فيك باقي روح حصلني لكن ده فات القدامه والوراهو . اسكت حبه انا بسمع الحين .

انا اخوى هوى كنت بكضب عليكم ساااااااااى انا مع الجيل الثالث انشاء الله ...............................................................................................................................................................

Post: #87
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-16-2006, 05:29 PM
Parent: #85

هلا هلا يا الصحافة لحقتنا يطول عمرك . ناس البندر دييييييييييييل لحاقييييييييييييين كمان في البندر الصحافة قلب الحضارة النابض . تقول لى يا المرتضى برضه ام درمان .

Post: #88
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 09-16-2006, 05:29 PM
Parent: #85

تجلّد يا ابن شيقوق تجلّد ياهذا
كنت أدرك أنك لامحالة هالك لدى مريا في مضارب بني هيلين
ثكلك الMSM وناح عليك ال CMA

Post: #89
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-16-2006, 06:09 PM
Parent: #88

Quote: الطيب و مرتضى

أخي الطيب

هي أمريكا ، لم تترك لنا حتى ال (الطراوة)

الطيب و مرتضى

الحمدلله الفضلتو لينا انتو ولم تبتلعكم أمنا الغولة (أرميكا)

مع أمنياتي الخالصة بعودة صديقكم الطراوة.

وأمنياتي لكما بطول العمر والصحة والعافية

وسلام مربع لل (طراوه)

Post: #90
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-17-2006, 00:39 AM
Parent: #89

Quote: تجلّد يا ابن شيقوق تجلّد ياهذا
كنت أدرك أنك لامحالة هالك لدى مريا في مضارب بني هيلين
ثكلك الMSM وناح عليك ال CMA

ثكلتك يا حبيبي قاعات المحاكم بعد ان إغتالتك المرية
وليشفع لها أن ما كان ابوها امرأ سوء وما كانت امها بغيا

اطيب المنى

Post: #92
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-17-2006, 03:26 AM
Parent: #90

كتاب........

من ابن حامد الفاروق

الى ابن حامد المرتضى

اشارة لخطابكم رقم 1/9/2006

المؤرخ 16/9/2006 عبر المسنجر

نقول وعلى الله التكلان ..:

واللات والعزى... وبحق من برأ مريا وجعل

نهديها محض مرمر...... وصور شفتيها أسدا

جوعانا يزمجر لئن صبأت يا ابن حامد ولم ترعو

و(تبرطع)مثل بعير هاجه شوق غير مسيطر.. لأدقن

عنقك بحور( بفتح الحاء وتشديد الواو وفتحها )

عيون كل نساء الصابئة ونصارى بني الأحمر

أو لأسجننك بسجن نساء بني عذرة وربيعة الشديد

(التحصين).

ثب الي رشدك يا هذا وتب وتعلق بأستار "كعب"

آلهة الجمال..ثم ولول ثم (ثكلب) ثم ترمد وتسجم

وتسخم وتجرس وأبك بكاء يقطع نياط القلوب كما

الخنساء حتى (تتمخت) واطلب العفو والغفران من

كل الآلهة حتى لا (تسختك) ديك عدة ثم أسألهم الشدة

للعدة حتى لا تتكسر فتقعد ملوما تتحسر وتنفر منك

حتى نساء بني الأصفر و(الليموني الأخدر) وكل من

لها عدة أو كانت في "العدة" تخشى عليها من كل

(مسخوت) ديك عدة ..... ألا هل بلغت اللهم فاشهد.

يللا بلا "عيساب" بلا مر...... بلا لمة..........

كن يهوذا الأسخريوطي يا بني عديييييييييييل كده

واكفر ثم اكفر ثم اكفر بكل ضيق التوحد ثم تعال

يا بني فاركب معنا و(تفسح) في رحاب التعدد....

والتجدد.

قال تعالى : بسم الله الرحمن الرحيم "ان للمتقين

مفازا ، حدائق وأعنابا ، وكواعب أترابا"

أخي المؤمن وعدنا تعالى بكواعب ولم يعدنا بكاعبة

واحدة ... اذن في هذا المقام فلتؤمن... ثم تؤمن

ثم تؤمن حتى تنالها باذن الله.

اسمع الكلام من عمك يا مرتضى ولا تجادل ولا تناقش

فانك باذن الله من الفائزين.

والسلام على من اتبع الهدى وعدد واقتدى ولتطمئن فسرك

في بير لأن عمك معكم في سياسة الدودير(أررح أا الطيب)

(سبحان ربك رب العزة عما يصفون وسلام على المرسلين

والحمدلله رب العالمين)

قوموا الى صلاتكم يرحمني ويرحمكم الله

عمكم المرحوم (ان كشف أمره)

فاروق حامد (أبوناصر)

Post: #112
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: عمر ادريس محمد
Date: 09-21-2006, 08:37 PM
Parent: #83

وعلى الأهداب ليل يتعثر.... وعلى الأجفان لغز لا يفسر
وعلى الخدين نور يتكسر..... وعلى الأسنان سكر

عاليا

Post: #91
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Alsa7afa_30
Date: 09-17-2006, 01:58 AM
Parent: #1

Post: #93
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-17-2006, 03:55 AM
Parent: #91

Quote: في بير لأن عمك معكم في سياسة الدودير(أررح أا الطيب)

هوى يا الفاروق انت قايل سياسة الدودير دى ساهله والله ليها مدارسها وجامعاتها وكتبها انت هسه غافل ساى لحدى ما دودروك بشهقة اثيوبية ( راجع كتاب محمد المرتضى حامد في فقه الشهقات الاثيوبية).

انا قايل يا الفاروق الدودير دى هو مصدر ال Plitical science

بالعافية

Post: #96
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-18-2006, 07:10 AM
Parent: #93

Quote: هوى يا الفاروق انت قايل سياسة الدودير دى ساهله والله ليها مدارسها وجامعاتها وكتبها انت هسه غافل ساى لحدى ما دودروك بشهقة اثيوبية ( راجع كتاب محمد المرتضى حامد في فقه الشهقات الاثيوبية).

انا قايل يا الفاروق الدودير دى هو مصدر ال Plitical science

الطيب اخوي

انا قايل دي ضعيفة شديييييييييد

أها النقول ليك : أنا متأكد وجازم انه ال Political science وال Commerce

وال Economy وال Marketing وكل ما تفرع عن هذه العلوم وما سيتفرع عنها كلها

خرجت من عباءة (الدودير) ولولا هذا الثالوث : الدودير ، المدودر(مفعول) والمدودر

(فاعل) لما وصل العالم الى هذا المستوى المتقدم في هذه العلوم. ها زول انت قايل

الدودير ده هملة ساااااااااااي .

روى أبو ناصر : قال: حدثنا حمدت الله ودأم الحسن قال:روى لنا الحسن ودالعوض ان جبارة

ود منفلة جلس يوما الى أستاذه آدم ود سميث مؤسس علم الاقتصاد الحديث في منتجعه الصيفي

بحلة العضيض الجعليين شرق ادنبره قال فوضعت ركبتي الى ركبتيه وأنا أعالج (سفة) جنحت

يمينا فقلت : بحق اليصابات وفكتوريا أن تقول لي ما الاقتصاد؟ قال:فحدجني بنظرة طويلة

تلتها آهة عظيمة ثم قال بعد أن نظر ثم عبس وبسر: الاقتصاد هو الدودير...وسكت.

فقلت :وما التجارة فرد وهو يبصق سفته المدنكلة : الدودير ثم صمت برهة خلتها دهرا.

ثم قربت ركبتي من ركبتيه أكثر وسألت:هلا حدثتني يا شيخنا عن الماركتنق فرد وهو يمصمص

خشمه من ماء ابريق كان بقربه ليزيل أثار سفته التي كانت مدنكلة فقذف بالماء من بين

ثنايا أسنانه وسمعت (سيييييييييت) وهو صوت الماء الذي يخرج من ثنايا الأسنان فقال دون

أن يلتفت ناحيتي : هو أيضا الدودير... ثم لفح ابريقه ونهض متجها صوب ناحية قطع

الجمار فوقفت بينه وبين وجهته وصحت هو سؤال أخير بحق ال Inflation وال market economy

أن تحدثني عن ال Commerce فقال وهو يبعدني عن طريقه انها يا بني الدوديييييييييييييير

......قال ولم يزل يردد الدودير .. الدودير..الدودير.. حتى أغمي عليه.

Post: #94
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-17-2006, 12:20 PM
Parent: #1

هذه واحة ظليلة و رائعة رائعة ..
رائعة بمحتواها و مضمونها ..
و رائعة أكثر بروادها ...

و لعلني-بخلاف دكتورتنا بيان-أجد نفسي
في منزلي تماما ، بل أفرش العنقريب همريبا
تهتز بعليله البورصات العالمية ، و تتعطل
له الحركة في صينية جكسا ..

كيف لا و أن كل من مالك هذه الواحة الوريفة و مهندسها
هم من سوامق القوم في سلطنة عمان حيث يغترب أيضا
محسوبكم قرض ود ابراهيم قرض ..

المالك ، و هو الطيب شيقوق ، لا أدعي شرف معرفة به ..
و لكني لا أخاله يرفضني ... فقرض ليس به ما يعيبه
من شق أو طق ... كما أنني مسدد لكافة التزاماتي
الضريبية ، بما فيها الزكاة و رسوم الخدمات ...

أما المهندس ، محمد المرتضى ، فقد عرفته أفوكاتيا مقتدرا
ترتعد له فرائص الجنحة و الجريمة و تحترمه ساحات
التقاضي و المقاضاة ... و فوق ذلك ، فقد أضاف لي المرتضى
في كل ثانية قابلته فيها ، و تحملني و لا زال ...

ثم أن الدكتور أحمد القرشي أيضا من عندينا و يتبوأ
جزيرة كاملة في سلطنة عمان ، يجمع العوائد و القبانة
من ساكنيها ، و يجعل ابتسامتهم أكثر بياضا و لمعانا ...

كفانا ثرثرة ، و لنعود إلى مريا ، تلكم التليانوأمهرنجية
التي أجزم لو أنها علمت بما قاله صلاح فيها ، لارتبطت به
من المهد إلى اللحد ... فمن غيره يسعدها و يستتها ،
و يغلبها بالمال و العيال معا ...

أما فدياس .. فقد رأيته في المنام و هو يدافس معنا
في ميدان أبو جنزير ، محاولا تسلق الحافلة المتجهة
إلى الحاج يوسف ... فما كان مني إلا أن عملت له ساترا
عضليا حجب عنه زحمة القوم ، لنصعد سويا و نجلس متجاورين
في كراسي النص ... شكرني فدياس على صنيعي و حمد لي
عرض منكعي و متانة بنياني ، ثم طلب مني أن أرتب له
ميعادا مع صلاح أحمد ابراهيم !!!

أ لم أقل لكم أن هذه الواحة رائعة رائعة ...

Post: #95
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-17-2006, 01:22 PM
Parent: #94

Quote: المالك ، و هو الطيب شيقوق ، لا أدعي شرف معرفة به ..
و لكني لا أخاله يرفضني ... فقرض ليس به ما يعيبه
من شق أو طق ... كما أنني مسدد لكافة التزاماتي
الضريبية ، بما فيها الزكاة و رسوم الخدمات ...

اسعدنى ياقرض يا زعيم مرورك على هذا البوست
طلتك اخي القرض ومداخلك الرائعة دفعة حقيقة للكل للاسهام بمزيد من الابداع
شو الطق الفيك وشو الشق الفيك حاشاك يا القرض
انت تاشيرة دخولك يسلموك ليها بانحناءة في طاولتك يا قريبي

لك اطيب المنى

Post: #97
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-18-2006, 11:50 AM
Parent: #95

اخي الفاروق
اخي ابو بكر

في البال شدييييييد ومتابع المدودرة بس مضيوف جاييكم اكتبوا لى ساى .

Post: #98
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-18-2006, 11:52 AM
Parent: #1

Quote: شو الطق الفيك وشو الشق الفيك حاشاك يا القرض

كلام حلو كتير و مهضووووووم يا الطيب ..
بس أنا خايف ناس (جومانة) و (جولنار) و (جوموكنياتا)
يطلعن برواز ساااكت ...
(صبايانا) هم الأصل يا شيقوق ..
دحين سمعت بي لبناني صرخ بي طول حسوا و قال:

ها الليلة هووووووووووووووون يا زلمة ..
و هاي ليلة هووووووووووووون يا زلمة ..
شو ها الحكي يا زلمااااااااااااااات ..

Post: #99
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-18-2006, 01:21 PM
Parent: #98

كلام حلو كتير و مهضووووووم يا الطيب ..
بس أنا خايف ناس (جومانة) و (جولنار) و (جوموكنياتا)
يطلعن برواز ساااكت ...
(صبايانا) هم الأصل يا شيقوق ..
دحين سمعت بي لبناني صرخ بي طول حسوا و قال:

ها الليلة هووووووووووووووون يا زلمة ..
و هاي ليلة هووووووووووووون يا زلمة ..
شو ها الحكي يا زلمااااااااااااااات ..

ع

عس

عسل

علي النعمة انت عسل

ولا قرض ولا بتشبهه

انت متخبي ورا قرض دي .... ولا شنو ؟؟؟؟؟؟؟؟؟؟

Post: #100
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: احمد الامين احمد
Date: 09-18-2006, 02:08 PM
Parent: #99

الاستاذ\ الطيب شقوق تحيه اللقاء بين صلاح وحمدفى "مريا" فعلا صدفه اذ عثر حمد الريح على القصيده فى ديوان لصلاح اثناء زيارته لاحد ابناء توتى يسكن بالملازمين كان قارئاجيدا للشعر فاعجب حمد بالقصيده ولحنها فى ذات الزياره ثم تعرف على صلاح لاحقاكذلك اللقاء بين صلاح ووردى فى الطير المهاجر كان صدفه ايضا اذ عثر وردى على نص القصيده فى مجله " هنا ام درمان" عند بائع جوال بمشرع الدويم وقتها كان وردى عائدا من كوستى ببابور البحر ثم لحن القصيده واتضح ان على المك وبشير عباس لم يكونا راضيين ان يغنيها وردى وسعيا الى اعطائها لعثمان حسن لكن لحن وردى الراقى جعلهما يعدلان عن ذلك المسعى... وقتها كان صلاح بغانا فكتب تلك الاغنيه عن غربته الخاصه كما قال وردى وليس عن تهجير اهالى حلفا كما يزعم الكثيرون" مصادرى حوار شخصى مع حمد الريح اجراه مدثر حسن يس بجده لصالح شقيقه معاويه وحوار مع وردى على كاسيت اجراه معه معاويه بلندن 1994 اثناء اعداده لسفره الطويل عن الفن السودانى وسوف تظهر هذه المعلومات فى الجزء الثانى الذى غالبا ما يطبع فى الرياض قريبا وارجو ان ينال مجهود معاويه نقاشا مجديا وجادا لانه يحفل بالكثيرمن تاريخنا الجمالى والفكرى والاجتماعى والسياسى كذلك.

Post: #102
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-18-2006, 11:43 PM
Parent: #100

الاخ احمد الامين

شكرا ليك على هذه الاضاءة الجميلة عليك الله خليك معانا ومحتاجين لاى معلومة عندك عن صلاح احمد ابراهيم راجع لينا مكتبتك كلها يا جميل .

الاخ فاروق كلامك قل بالحيل . تحت محتاجون لمدودراتك الجميلة بس والشغلانية ما فيها Supply & demand و لا concept of the very bad monopoly

لك التحيايا النواضر

اخي القرض لا لا اتلوم الفاروق هو ما عارف قيمة القرض شنو انا حبوبتي لو ما ضمنت كيسها حق قرضها تحت راسها ما بتنوم اصلا . ودى يا القرض موضوع محتاج لبوست لوحده والحكي فيهو كتيييييييير .

لك كل الود

Post: #128
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-02-2006, 00:42 AM
Parent: #99

رمضان كريم

Post: #101
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-18-2006, 11:39 PM
Parent: #1

Quote: علي النعمة انت عسل
ولا قرض ولا بتشبهه
انت متخبي ورا قرض دي .... ولا شنو ؟؟؟؟؟؟؟؟؟؟

إنت الأعسل يا فاروق ..

و على ذكر العسل و نقيضه القرض ..
فكأن خيالكم (الجامح) يا الفاروق وقد ذهب بكم بعيدا
و أنا أرى محاولاتكم (اليائسة) و المستميتة لإيجاد
نسب ما ، بين عائلتنا القرضية-حفظها الله من الإنقراض-و بين
القرض ، ذلكم النبات المر الذي يزعم أنه يعالج نزلة البرد
و الانفلونزا و يسلك المواسير (و بالخليجي البيبات) و الخياشيم
المحتقنة ..

لا تثريب عليكم أخي الفاروق ..
فقد ذهب مذهبكم هذا العديد من الناس
و لم يعودوا حتى الآن ..

و أودك أن تطمئن ، فإن عائلتنا القرضية لا تمت
بأيتها صلة لذلكم النبات العلقم مستعرض النواة و الفصوص ..
بل أن عائلتنا الكريمة هذه ينتهي نسبها
إلى (القرض الحسن) !!!

ثم ما علاقة كل هذا بمريا ..
الله يجازي محنك يا الفاروق !!!!

Post: #103
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-18-2006, 11:55 PM
Parent: #101

Quote: و أودك أن تطمئن ، فإن عائلتنا القرضية لا تمت
بأيتها صلة لذلكم النبات العلقم مستعرض النواة و الفصوص ..
بل أن عائلتنا الكريمة هذه ينتهي نسبها
إلى (القرض الحسن) !!!

ثم ما علاقة كل هذا بمريا ..
الله يجازي محنك يا الفاروق !!!!

أعدم كفيلي .... كما يقول مغتربو السعودية!!!!!!!!!

انت أعسل وأمنقة زول في العالم !!!!!!!!!!!!

أكتر حاجة بحبها في الدنيا دي ((القرض الحسن))!!!!!!!!

والعجب لو كان الحسين!!!!!!!!!!!!!!

والأعجب لو كان (حسنييييييييييين)

يعني قرض..... وقرض !!!!!!!!!!!!!!!

Post: #104
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-19-2006, 02:40 AM
Parent: #103

الفاروق اخوى

انا قايل انت دقيت خيمتك عديل وسكنت في البوست حق مرية ده وحتى الفواتح خليتها .

ابقى عشرة عليهو انا في دوداري .

Post: #105
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-19-2006, 11:57 AM
Parent: #1

Quote: أكتر حاجة بحبها في الدنيا دي ((القرض الحسن))!!!!!!!!

فاروق ..
لتنال القرض الحسن ، يجب أن تقدم طلب
و به دمغة الجريح ، و يتم توقيعه من قبل
(شيخنا) بأثر (تقدمي) ، بشرط أن يكون تاريخ
التوقيع مطابق لميلادنا الشعبي و ليس الوطني ..

Quote: والعجب لو كان الحسين!!!!!!!!!!!!!!

في هذه نحيلكم لرائعة الراحل المقيم الحسين الحسن:

حبيبة عمري تفشي الخبر ...
وذاع وعمّ القري والحضر..
وكنتً أقمت عليه الحصونَ ..
وخبأته من فضول البشر ..
ولكن برغمي .. تفشي الخبر

Quote: والأعجب لو كان (حسنييييييييييين)

الحبيب الفاروق ..
بمراجعة قاعدة بياناتنا (Data base)، إتضح لنا و بما لا
يدع مجالا للريبة و الشك ، أنكم غير مؤهلون لمنحكم فرصة
نيل أي من الحسنيين ... قدم طلبك مرة أخرى في ظروف أحسن ..

Post: #106
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-20-2006, 08:48 AM
Parent: #105

Quote: أنكم غير مؤهلون لمنحكم فرصة
نيل أي من الحسنيين ... قدم طلبك مرة أخرى في ظروف أحسن

حرام عليك يا قرض يا اخي الفاروق ده شوف ليهو طريقه في القبول الخاص لو امكن .

Post: #107
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-20-2006, 12:55 PM
Parent: #1

Quote: حرام عليك يا قرض يا اخي الفاروق ده شوف ليهو طريقه في القبول الخاص لو امكن .

مهضومي و ملعوبي كتيييير يا شيقوق !!!

Post: #108
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-20-2006, 02:44 PM
Parent: #107

Quote: مهضومي و ملعوبي كتيييير يا شيقوق !!!

مع ذلك يا قرض انت كبير كبير

Post: #109
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-20-2006, 04:16 PM
Parent: #108

Quote: الحبيب الفاروق ..
بمراجعة قاعدة بياناتنا (Data base)، إتضح لنا و بما لا
يدع مجالا للريبة و الشك ، أنكم غير مؤهلين لمنحكم فرصة
نيل أي من الحسنيين ... قدم طلبك مرة أخرى في ظروف أحسن ..

حرام عليك يا قرض يا حسن يا حلو .....

ياخي أنا بحبك....... حارمني ليه ؟؟؟؟؟؟والله بحبك...

Post: #110
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-21-2006, 09:54 AM
Parent: #109

هاى

Post: #111
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-21-2006, 11:06 AM
Parent: #1

Quote: ياخي أنا بحبك....... حارمني ليه ؟؟؟؟؟؟والله بحبك

فاروق ..
كان ما الخجل و الحياء الشديد
الذي تتميز به العائلة القرضية
كان قلت ليك الشعور متبادل !!!

Post: #113
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-22-2006, 02:46 AM
Parent: #111

Quote: كان ما الخجل و الحياء الشديد
الذي تتميز به العائلة القرضية
كان قلت ليك الشعور متبادل !!!

الاستاذ قرض عليك الله ما تكسر خاطر الفاروق قولها ولو بهمسة .

اجمل المنى

شيقوق

Post: #114
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-23-2006, 03:56 AM
Parent: #113

الفاروق فينك

Post: #115
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-24-2006, 05:05 AM
Parent: #114

فوق

Post: #116
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-24-2006, 11:52 AM
Parent: #1

Quote: الاستاذ قرض عليك الله ما تكسر خاطر الفاروق قولها ولو بهمسة .

و الله خطير يا شيقوق

Post: #117
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-24-2006, 12:18 PM
Parent: #116

Quote: و الله خطير يا شيقوق

لعييب مش يا قرض؟

Post: #118
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-24-2006, 03:28 PM
Parent: #117

الطيب أخوي

هذا هو الشاب الأنيق (لا أريد اضافة المعطر)

محمدابراهيم قرض الذي قرر حرماننا من القرض

الحسن وقد جاءنا بصورته البهية وهي بحق بهية

ولا يزال على رفضه رغم توسلاتك المشكورة التي

اصطدمت بحياء أسرته (المعروف).

ويبدو ان اسقاطات توسلاتك المسقطية هي التي

جعلته يقف موقف المتأبي ... رغم ان الموقف

في جملته لا يزيد عن موقف من يبيع التمر في

البصرة !!!!

وبسبب من التفسيرات الافلاطونية السقراطية الاسكندرانية

القرنينية للتاريخ (الحبي) التي وردت ازداد الأستاذ

قرض تأبيا وهو يرفض رفضا كاثوليكيا متعسفا كل الخيارات

التي أتحتها له أخي الطيب.

وعليه وتأسيسا على الحيثيات التي أوردتها عاليه فاني أسحب

كل طلباتي ومطاليبي .

وبدون تفسيرات سقراطية افلاطونية قرنينية أعلن عليكما الحب

Post: #119
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-25-2006, 02:22 AM
Parent: #118

Quote: في جملته لا يزيد عن موقف من يبيع التمر في

البصرة !!!!

ده هسه نصيح يا اخونا دى هسه لقطها من فين شوفوها فوق . سمعنا بسالفة بيع المية في حارة السقايين لكن بيع التمر في البصرة الا اكان زولا بتاع شربوت عديل !!!!!!!!!!!!

اطيب المنى

Post: #120
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Alsa7afa_30
Date: 09-25-2006, 02:24 AM
Parent: #1

مــريا

Post: #121
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-25-2006, 12:25 PM
Parent: #120

Quote: ما بين صلاح احمد ابراهيم وابن توتى حمد الريح

يخطىء كثر حين ينسبون عظمة صلاح الى البعد السياسى من شخصيته نعم كان مناضلا كبيرا وعنيدا من دون شك ولكن ما كان ذلك ليمنحه ذلك الاستمرار فى الزمن وفى الذاكرة لو لم يكن فى الاصل مبدعا كبيرا..بل ان اعادة الفضل فى شهرته الى خطه السياسى كانت جزءا من مؤامرة مركز قوى سدنية يسارية مايوية لانهم يعرفون جيدا ان العقيدة السياسية الى زوال وموت حتما فيما الخلق والابداع خالدان-
يقول صلاح عن شعره –اركب الموقف من لا شىء اولج المعقول فى المجهول اجمل الحياة بالرمز اخيف بوم الليل بالاصداء مملكتى الساحة صولجانى الكلمة مقعدى الحكمة جيشى الاصغاء غابى الاقلام طبلى الطروس ..اقنعتى الافعال والحروف والاسماء الشعر شغلى فكرة والم وعمل منظم لا حلم وخطة لا صرعة لا هاتف يهتف فى اغماء..
الاسطورة صورة من صور الادب الشعبى الخالدة ..وقد جاء الاقتباس من الاساطير فى غضبة الهبباى منسجما معتمدا على تداعى الخواطر ..وحقيقة فى هذه الايام التى ازدحم فيها الشعر باستخدام اسماء ابطال الاساطير ولا سيما بين ناشئة الادباء ولعل صلاح نفسه مسئول عن هذا او ذلك اذ انه اوغل فى استعمال الاسطورة الاغريقية فى قصيدته يا مريا مما اغرى المتشاعرين والناشئة على خوض بحر لا يعرفون شطئانه فطفوا وطفت معهم اساطيرهم على السطح ..الاستخدام الحقيقى للاسطورة ليس فى سردها وانما تلخيصها فى ايجاز واخراج المضمون من بين ثناياها ..
لقاء حمد وصلاح لم يكن صدفة—صلاح الطالب بكلية الاداب جامعة الخرطوم فى الخمسينات كان حمد الريح موظفا محترما بمكتبة الجامعة الرئيسية وكان صلاح كثير التردد على المكتبة –وكان اللقاء الاول فنيا بين العملاقين فى رائعة يا مريا وقد سبق شعراء الحقيبة صلاح فى هذا المجال – حى زهرة روما وابك يا محروم ..ومن فرط حب السودانيين بمريا الاوربية فان صلاح سودنها فاصبحت مريا سودانية سمراء المقاطع..
كانت هذه البداية لانطلاقة حمد حيث كان اللقاء الثانى مع الشاعر سليمان عبد الجليل فى اغنية الرحيل .حليل الراحو وخلوا الريح تنوح فوق النخل ..حليل الفاتو لدار الاهل بدون اهل ..والتقى حمد مع كامل عبد الماجد فى تائه الخصل وهى القصيدة التى قيلت فى سميرة امين درة بنات الجامعة يومئذ ..امانة عليك يا تائه الخصل ..يا خير عم فى دروب عمرنا الضايع هدر ..والتقى الدوش وحمد والملحن السودانى الجنسية اليمانى الاصل ناجى القدسى فى الساقية التى مازالت مدورة ويقال ان المرحوم عمر الحاج موسى كان قد حلل قصيدة الساقية ومضامينها بانها تحكى كفاح وخيبة امل حركة اليسار السودانى اثر فشل محاولتهم الانقلابية فى يوليو 1971م ولكن الدوش صرح اكثر من مرة بان الساقية تجربته الشخصية وسط استغراب كل محبى ومعجبى الدوش وترك تفسيره وترك الساقية لسع مدورة..واخيرا التقى حمد بالشاعر الكبير عثمان خالد فى رائعته –الى مسافرة- ياقلبى يا مكتول كمد ..اعصر دموع ..هات غنوة لسيد البلد حليلو كيفن يبتعد ..كيفن نسيبو يروح بعيد فى رحلة مجهولة الامد ..يا حليلو نسيبو والشوق يتقد..
حمد وصلاح التقيا فى ساحة وميادين جامعة الخرطوم الجميلة ومستحيلة ولم يكن اللقاء صدفة.

احمد حماد ادريس—الدمام

Post: #122
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد ابراهيم قرض
Date: 09-25-2006, 12:56 PM
Parent: #1

Quote: هذا هو الشاب الأنيق (لا أريد اضافة المعطر)

فاروق ...
شميت الون مان شو ؟؟
يا لها من خياشيم تدرك النائي القصيا

Quote: محمدابراهيم قرض الذي قرر حرماننا من القرض
الحسن وقد جاءنا بصورته البهية وهي بحق بهية

و يا بهية .. آ أيا ..
القرض ده ... آ أيا ...
السجم ده ... آ أيا ...
أغاني بنات و كده ..

Quote: ويبدو ان اسقاطات توسلاتك المسقطية هي التي
جعلته يقف موقف المتأبي ...

بل وقفت موقف المتنبي بالمحطة الوسطى
حين قال:

أنا الذي نظر المعوز إلى قرضي ..
و فاضت حسناتي على من به فلس ...

Quote: من يبيع التمر في البصرة !!!!

ده قبل الغزو و لا بعده يا فاروق ؟؟؟!!

Quote: وبسبب من التفسيرات الافلاطونية السقراطية الاسكندرانية
القرنينية للتاريخ (الحبي) التي وردت ازداد الأستاذ
قرض تأبيا وهو يرفض رفضا كاثوليكيا متعسفا كل الخيارات
التي أتحتها له أخي الطيب.

لا حول ولا قوة إلا بالله ..
ده من شنو ده يا ربي ؟؟؟
كمان فيها البابا فندك السابع ؟؟؟

Quote: وبدون تفسيرات سقراطية افلاطونية قرنينية أعلن عليكما الحب

شيقوق ألحقنا ..
الحالة رجعت تاني :D

Post: #123
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-25-2006, 01:06 PM
Parent: #122

متابع انااخي القرض و يا الفاروق

بس انتو ديل بتدخلوا عاجباكم اغنية المرية دى وبتكتبوا مغمضين عديل كده .

Post: #124
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 09-25-2006, 01:33 PM
Parent: #123

طيب يا قرض كمان بقى فيها يابهية

وون مان شو مش كنت بروت ؟؟؟؟؟

راجع ........... معاي ضيوف

Post: #125
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-26-2006, 03:00 AM
Parent: #124

Quote: ما بين صلاح احمد ابراهيم وابن توتى حمد الريح

يخطىء كثر حين ينسبون عظمة صلاح الى البعد السياسى من شخصيته نعم كان مناضلا كبيرا وعنيدا من دون شك ولكن ما كان ذلك ليمنحه ذلك الاستمرار فى الزمن وفى الذاكرة لو لم يكن فى الاصل مبدعا كبيرا..بل ان اعادة الفضل فى شهرته الى خطه السياسى كانت جزءا من مؤامرة مركز قوى سدنية يسارية مايوية لانهم يعرفون جيدا ان العقيدة السياسية الى زوال وموت حتما فيما الخلق والابداع خالدان-
يقول صلاح عن شعره –اركب الموقف من لا شىء اولج المعقول فى المجهول اجمل الحياة بالرمز اخيف بوم الليل بالاصداء مملكتى الساحة صولجانى الكلمة مقعدى الحكمة جيشى الاصغاء غابى الاقلام طبلى الطروس ..اقنعتى الافعال والحروف والاسماء الشعر شغلى فكرة والم وعمل منظم لا حلم وخطة لا صرعة لا هاتف يهتف فى اغماء..
الاسطورة صورة من صور الادب الشعبى الخالدة ..وقد جاء الاقتباس من الاساطير فى غضبة الهبباى منسجما معتمدا على تداعى الخواطر ..وحقيقة فى هذه الايام التى ازدحم فيها الشعر باستخدام اسماء ابطال الاساطير ولا سيما بين ناشئة الادباء ولعل صلاح نفسه مسئول عن هذا او ذلك اذ انه اوغل فى استعمال الاسطورة الاغريقية فى قصيدته يا مريا مما اغرى المتشاعرين والناشئة على خوض بحر لا يعرفون شطئانه فطفوا وطفت معهم اساطيرهم على السطح ..الاستخدام الحقيقى للاسطورة ليس فى سردها وانما تلخيصها فى ايجاز واخراج المضمون من بين ثناياها ..
لقاء حمد وصلاح لم يكن صدفة—صلاح الطالب بكلية الاداب جامعة الخرطوم فى الخمسينات كان حمد الريح موظفا محترما بمكتبة الجامعة الرئيسية وكان صلاح كثير التردد على المكتبة –وكان اللقاء الاول فنيا بين العملاقين فى رائعة يا مريا وقد سبق شعراء الحقيبة صلاح فى هذا المجال – حى زهرة روما وابك يا محروم ..ومن فرط حب السودانيين بمريا الاوربية فان صلاح سودنها فاصبحت مريا سودانية سمراء المقاطع..
كانت هذه البداية لانطلاقة حمد حيث كان اللقاء الثانى مع الشاعر سليمان عبد الجليل فى اغنية الرحيل .حليل الراحو وخلوا الريح تنوح فوق النخل ..حليل الفاتو لدار الاهل بدون اهل ..والتقى حمد مع كامل عبد الماجد فى تائه الخصل وهى القصيدة التى قيلت فى سميرة امين درة بنات الجامعة يومئذ ..امانة عليك يا تائه الخصل ..يا خير عم فى دروب عمرنا الضايع هدر ..والتقى الدوش وحمد والملحن السودانى الجنسية اليمانى الاصل ناجى القدسى فى الساقية التى مازالت مدورة ويقال ان المرحوم عمر الحاج موسى كان قد حلل قصيدة الساقية ومضامينها بانها تحكى كفاح وخيبة امل حركة اليسار السودانى اثر فشل محاولتهم الانقلابية فى يوليو 1971م ولكن الدوش صرح اكثر من مرة بان الساقية تجربته الشخصية وسط استغراب كل محبى ومعجبى الدوش وترك تفسيره وترك الساقية لسع مدورة..واخيرا التقى حمد بالشاعر الكبير عثمان خالد فى رائعته –الى مسافرة- ياقلبى يا مكتول كمد ..اعصر دموع ..هات غنوة لسيد البلد حليلو كيفن يبتعد ..كيفن نسيبو يروح بعيد فى رحلة مجهولة الامد ..يا حليلو نسيبو والشوق يتقد..
حمد وصلاح التقيا فى ساحة وميادين جامعة الخرطوم الجميلة ومستحيلة ولم يكن اللقاء صدفة.

احمد حماد ادريس—الدمام

Post: #126
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-27-2006, 10:15 AM
Parent: #125

salam

Post: #127
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 09-29-2006, 07:51 AM
Parent: #126

كيفكم يا ناس رمضان سخن ولا ايش

Post: #129
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-02-2006, 03:42 PM
Parent: #127

فوق

Post: #130
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-05-2006, 05:38 AM
Parent: #129

هاى

Post: #131
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-05-2006, 07:32 AM
Parent: #130

Quote: هاى

هاي جدا

لقد شققت قلبنا يا شيقوق وشق علينا بعدك عنا

هل نأمل بعودة حميمة ؟؟؟؟؟؟؟؟

Post: #132
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-05-2006, 08:11 AM
Parent: #131

Quote: هل نأمل بعودة حميمة ؟؟؟؟؟؟؟؟

يا مراحب يا الفاروق كنت بتدودر في شنو؟

Post: #133
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-05-2006, 08:28 AM
Parent: #132

Quote: يا مراحب يا الفاروق كنت بتدودر في شنو؟

كنت بدودر في القوات الأممية وخافيير سولانا والبرلمان الأوروبي على منتماه..... وحلف الأطلنطي ... و..

Post: #134
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-05-2006, 11:08 AM
Parent: #133

Quote: كنت بدودر في القوات الأممية وخافيير سولانا والبرلمان الأوروبي على منتماه..... وحلف الأطلنطي ... و..

شكيت على الله اها ورايس؟

Post: #135
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-05-2006, 11:48 AM
Parent: #134

Quote: شكيت على الله اها ورايس؟

الطيب أخوي

دودير رايس ... بيدورلو مرايس

أنا جايب من اول أمبارح فكي أببكر بسبحته الألفية

قافلو في أوضة .... وجايب ليه تلاتة قزايز وسكي...

قال بتقلع في اليوم التالت ......

تقول جنازة بحر

Post: #136
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-06-2006, 02:23 AM
Parent: #135

اخي الفاروق

سلام

رمضان كريم .

Post: #137
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 04:04 AM
Parent: #136

Quote: اخي الفاروق

سلام

رمضان كريم .

أخي الطيب

تركبونا ذنوب وتزوغوا !!!!!!!!!!!

ونحن ناس بنعاني من Alzheimer

وبننسى انه....................

رمضان كريم

رمضان كريم .... والله أكرم

وبس

Post: #138
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-06-2006, 05:34 AM
Parent: #137

Quote: تركبونا ذنوب وتزوغوا !!!!!!!!!!!

الله يمسخك يا الفاروق نقشتها وكتلتني بالضحك .

انت لكن يا ابضراع ناسي رمضان مرة واحدة ولا بتمشوا فيهو القيد حرن كيّة على المابينا

اطيب الاماني

Post: #139
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 07:37 AM
Parent: #138

Quote: انت لكن يا ابضراع ناسي رمضان مرة واحدة ولا بتمشوا فيهو القيد حرن كيّة على المابينا

ماقلنا ليكم Alzheimer

Post: #140
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-06-2006, 08:25 AM
Parent: #139

الأحباء الطيب و الفاروق ..
سلامي ورمضان كريم..
تعرف يا الفاروق بالأمس التقيت بالطيب في افطار ضم قبيلة القانونيين بمسقط وكانت فرصة طيبة أن نستجلي ( سالفة مريا) دون الخروج عن ماينبغي أن يكون عليه السلوك في رمضان والحمدلله الطيب كان ملتزما بما اتفقنا عليه رغم سؤال ظل يلوب في عينيه والخاطر عن بيت صلاح ( ترتدي ثوب عزوف ..) وتحدثنا بايجاز في الأمر لثقتي في أن الشعر لاعلاقة له بالأشهر الحرم ، مافي تناقض في كلامي .
رمضان كريم.

Post: #141
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-06-2006, 08:50 AM
Parent: #140

Quote: رغم سؤال ظل يلوب في عينيه والخاطر عن بيت صلاح ( ترتدي ثوب عزوف ..) وتحدثنا بايجاز في الأمر لثقتي في أن الشعر لاعلاقة له بالأشهر الحرم ، مافي تناقض في كلامي .

لا حول ولاقوة يا المرتضى انا ذاتي ما تذكرت قدسية الجلسة الا هسه من حديثك لفاروق . والله تاني اها اسكت بس ( لو بقدر )

هسع يا الفاروق بالجد الكلام ده فيهو خروج عن السلوك الرمضاني السليم ولا من باب بانت سعاد ومقبول شكلا وموضوعا ؟؟؟؟

بعدين يا المرتضى اخوى انت فتحت للفاروق باب يا ريت تنتظر تفسيره للبيت ده .

Post: #142
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-06-2006, 12:45 PM
Parent: #141

الطيب
ايه رايك في الحلومر وملاح التقلية بتاع امبارح مع محمدالطيب رغم أني أحس انو بهاراتهم شوية زايده لأنو صبحت بس ناقص اللديتر.
قصدت من المداخلة أعلاه اعادة مريا الى البوست والعكس صحيح ولا اخفي عليك أحساسي بهروبك عن أبيات وصفية قمة في الروعة، على سبيل المثال كيف يتسنى لك ولأمثالك تخطي (على الأجفان لغز لايفسر) ؟ وكيف لك أن تغض البصر عن النور المتكسر على الخدين (اتخيل ..النور ذاتو مكسّر) ثم على (الأسنان سكر). وهنا أعتذر لأحمد القرشي الدنتست الحريف ولمشروع كنانه معا.
جاييك

Post: #143
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-06-2006, 01:13 PM
Parent: #142

Quote: ايه رايك في الحلومر وملاح التقلية بتاع امبارح مع محمدالطيب رغم أني أحس انو بهاراتهم شوية زايده لأنو صبحت بس ناقص اللديتر.

غير حسبو سليمان ما عارف ليك جيهة يا المرتضى لحقت الفاروق . وين ابو بكر يا ريت اكان جاء سمعك بتقول في شنو . عليك الله المرتضى اقرأ ابو بكر كتب شنو في بوست بيان وتراجى يجبرك تحترمه وتعرف انو كبير عكس الفاروق الذى لا يعمل الا لدق عطر منشم بين الا ختين.

منتظرك تكتب اى حاجة عن اليتكسر ويتبعثر ويتدلى ويتبختر وامامك مجموعة خيارات منها الاتصال بود القرشى عاجلا .

لك اطيب المنى يا حلو

Post: #144
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 10-06-2006, 01:13 PM
Parent: #142

ناس الحقيبة يامرتضى وصفوا الاسنان بالبرق والتبر وهو نبات له زهرة بيضاء اما الريق فيشبه بالعسل قال المساح...فى اغنية ظبى الخدر الما شاف قفار (ريقه خلاصة الفى خليتو دار) لكن هل كان يقصد صلاح بهذا الوصف الاسنان ام الريق ؟ .....انتو ماعارفين السكر على الاسنان بيعمل تسوس !! طبعا ده فهم للالفاظ كما هى دون ان اتعب تفكيرى..وللمهنة دور كبير.

Post: #145
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 04:17 PM
Parent: #144

Quote: غير حسبو سليمان ما عارف ليك جيهة يا المرتضى لحقت الفاروق . وين ابو بكر يا ريت اكان جاء سمعك بتقول في شنو . عليك الله المرتضى اقرأ ابو بكر كتب شنو في بوست بيان وتراجى يجبرك تحترمه وتعرف انو كبير عكس الفاروق الذى لا يعمل الا لدق عطر منشم بين الا ختين.

الطيب أخوي

يا خي مالك ... بقيت من جماعة عبدالحي يوسف ولا شيخ الهدية؟؟؟؟!!!!!!

أحس بأسى بالغ وأنا أتذكر الصديق الشفيف الآديب الأريب د. حسبو سليمان

رحمه الله رحمة واسعة الذي ضوأ ليالينا وأضاء ليالي أبوظبي قبل ثماني

سنوات وكنا نلتقي بانتظام بعدالدوام المسائي في عيادة الدكتور أحمد

البله حمزة رحمه الله رحمة واسعة بمعية صديقي الدكتور مامون حسن عبدالغني

أطال عمره وكان حسبو وأبوالبله فاكهتي المجلس .. ولو كان حسبو موجودا

لأضاء هذا البوست بحسه الفكاهي الشفاف وشاعريته المرهفة وسرعة بديهته المدهشة

المتوقدة .... سألته يوما لماذا هاجرت الى أبوظبي وعيادتك أكثر العيادات

دخلا في السودان وأمورك المادية ما شاء الله ؟؟؟ فأجاب أن المسألة ليست مسألة

مادية ولكني أحسست كاني أعيش في سودان عبدالله بن أبي السرح ..أو أيام الخوارج

وطلحة بن الزبير ... لا يمر يوم الا وأجد نفسي محشورا في ندوة لا أستشار فيها

فأضطر للذهاب كخادم الفكي .. وحين أتحدث أجد نفسي مدور بآية وأعشق بحديث نبوي

وأفرمل بحديث قدسي وأتوقف بمدحة... زهجوني الكيزان !!!!!!!!رحمك الله يا حسبو

سليمان أنت وأحمد البله حمزة ..وسقى قبريكما الطل وظللهما الغمام.

أما عطر منشم الذي رميتني به فما أظنك قاصده..لأن منشم هذه امرأة عطارة

كانت تبيع العطر بمكة في الجاهلية وكانت قبيلتا جرهم وخزاعة في حرب دائمة

وكانوا اذا ذهبوا الى القتال تطيبوا من عطرها فاذا فعلوا ذلك كثر بينهم

القتلى ..فاستشأموها......

... فكان يقال :أشأم من عطر منشم وهو مثل يضرب في الشر العظيم..وأخالك قاصدا

المديدة التي تحرق يدي المحرض (فيكشحها) أحدهما في وجه خصمه...

وبعدين يا الطيب الشعر ده مافيه رمضان ولا ذي الحجة ... فقد كان ابن

أبي ربيعة يتصيدأيام رمضان فيذهب الى الحرم ويتغزل في ظباء مكة وينثر

درره شعرا لا يزال يبهر الناس حتى اليوم..

وبعدين يا دكتور القرشي ما الريق ذااااااااته هو السكر

ولم يزل يردد السكر ..السكر .. السكر حتى دخل في Hyperglycemia

ودمتم مسكرين وآخر حلاوة

فاروق حامد

عدل بسبب ال hyperglycemia

Post: #146
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-06-2006, 05:05 PM
Parent: #145

Quote: لا يمر يوم الا وأجد نفسي محشورا في ندوة لا أستشار فيها

فأضطر للذهاب كخادم الفكي .. وحين أتحدث أجد نفسي مدور بآية وأعشق بحديث نبوي

وأفرمل بحديث قدسي وأتوقف بمدحة... زهجوني الكيزان !!!!!!!!

أها يا شيقوق جاك صاحب حسبو ذاتو و ورّاك العينه .

Post: #147
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 05:17 PM
Parent: #146

Quote: Quote: لا يمر يوم الا وأجد نفسي محشورا في ندوة لا أستشار فيها

فأضطر للذهاب كخادم الفكي .. وحين أتحدث أجد نفسي مدور بآية وأعشق بحديث نبوي

وأفرمل بحديث قدسي وأتوقف بمدحة... زهجوني الكيزان !!!!!!!!

Quote: أها يا شيقوق جاك صاحب حسبو ذاتو و ورّاك العينه .

والعجب لو قلت ليك نكته التانية مع المجانين...

Post: #148
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-06-2006, 05:24 PM
Parent: #146

Quote: الطيب أخوي

يا خي مالك ... بقيت من جماعة عبدالحي يوسف ولا شيخ الهدية؟؟؟؟!!!!!!

أحس بأسى بالغ وأنا أتذكر الصديق الشفيف الآديب الأريب د. حسبو سليمان

رحمه الله رحمة واسعة الذي ضوأ ليالينا وأضاء ليالي أبوظبي قبل ثماني

سنوات وكنا نلتقي بانتظام بعدالدوام المسائي في عيادة الدكتور أحمد

البله حمزة رحمه الله رحمة واسعة بمعية صديقي الدكتور مامون حسن عبدالغني

أطال عمره وكان حسبو وأبوالبله فاكهتي المجلس .. ولو كان حسبو موجودا

لأضاء هذا البوست بحسه الفكاهي الشفاف وشاعريته المرهفة وسرعة بديهته المدهشة

المتوقدة .... سألته يوما لماذا هاجرت الى أبوظبي وعيادتك أكثر العيادات

دخلا في السودان وأمورك المادية ما شاء الله ؟؟؟ فأجاب أن المسألة ليست مسألة

مادية ولكني أحسست كاني أعيش في سودان عبدالله بن أبي السرح ..أو أيام الخوارج

وطلحة بن الزبير ... لا يمر يوم الا وأجد نفسي محشورا في ندوة لا أستشار فيها

فأضطر للذهاب كخادم الفكي .. وحين أتحدث أجد نفسي مدور بآية وأعشق بحديث نبوي

وأفرمل بحديث قدسي وأتوقف بمدحة... زهجوني الكيزان !!!!!!!!رحمك الله يا حسبو

سليمان أنت وأحمد البله حمزة ..وسقى قبريكما الطل وظللهما الغمام.

أما عطر منشم الذي رميتني به فما أظنك قاصده..لأن منشم هذه امرأة عطارة

كانت تبيع العطر بمكة في الجاهلية وكانت قبيلتا جرهم وخزاعة في حرب دائمة

وكانوا اذا ذهبوا الى القتال تطيبوا من عطرها فاذا فعلوا ذلك كثر بينهم

القتلى ..فاستشأموها......

... فكان يقال :أشأم من عطر منشم وهو مثل يضرب في الشر العظيم..وأخالك قاصدا

المديدة التي تحرق يدي المحرض (فيكشحها) أحدهما في وجه خصمه...

وبعدين يا الطيب الشعر ده مافيه رمضان ولا ذي الحجة ... فقد كان ابن

أبي ربيعة يتصيدأيام رمضان فيذهب الى الحرم ويتغزل في ظباء مكة وينثر

درره شعرا لا يزال يبهر الناس حتى اليوم..

وبعدين يا دكتور القرشي ما الريق ذااااااااته هو السكر

ولم يزل يردد السكر ..السكر .. السكر حتى دخل في Hyperglycemia

ودمتم مسكرين وآخر حلاوة

فاروق حامد

لووووووووووووووول يا المرتضى تم استنطاق الفاروق .
عليك الله اتفرج في الزول البيعرف اى حاجة في الدنيا حتى المديدة حرقتنى في قاموسه موجوده .
اصبر لى انا بدودرو ليك و بجيب ليك زيت الولد منه . الزول الفاروق عرفت ليك ربعاهو ناس في قامة حسبو سليمان الله يرحمه قطعا مليان بالسمح لكن بجلبق بالفارقه ساى .

نادوا ابوبكر خلهو يشوف ويبص فاروق بيعمل كيف .

Post: #149
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 05:31 PM
Parent: #148

Quote: اصبر لى انا بدودرو ليك و بجيب ليك زيت الولد منه

والله يا الطيب الواحد بقى يخاف عدييييييييييييييل كده

أها بوستك ده تاني أصله ما داخله !!!!!!!!!!!!!!!!!!!

ده طرفي منه !!!!!!!!!!!!!!!!!!!!!!!!!!!!

Post: #150
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 05:58 PM
Parent: #149

Quote: والله يا الطيب الواحد بقى يخاف عدييييييييييييييل كده

أها بوستك ده تاني أصله ما داخله !!!!!!!!!!!!!!!!!!!

ده طرفي منه !!!!!!!!!!!!!!!!!!!!!!!!!!!!

تدونا عين تلحقونا أمات طه !!!!!!!!!!!!!!!!!!!!!!!!!!!

Post: #151
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-06-2006, 06:07 PM
Parent: #150

شعرت بيها...... كانت لعبة خشنة نتج عنها Foul جوة الخط

Hard luck

Post: #152
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-07-2006, 03:34 AM
Parent: #151

الفاروق اكان اديتنا طرفك شن فضل لينا تاني

العين تختاك يا ارباب وما تخاف البربارة موجودة .

بالعافية

Post: #153
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-07-2006, 06:27 AM
Parent: #152

Quote: الفاروق اكان اديتنا طرفك شن فضل لينا تاني

العين تختاك يا ارباب وما تخاف البربارة موجودة .

بالعافية

تفضل لك العافية والدودير (ياالطيب أخوي) ببركة هذا الشهر القضيل

Post: #154
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-07-2006, 03:16 PM
Parent: #153

Quote: تفضل لك العافية والدودير (ياالطيب أخوي) ببركة هذا الشهر القضيل

وانت كمان يا الفاروق بس فاقدين ابا بكر دودرو لينا بالتلفون عليك الله وديهو على عثمان حسين بهناك .

Post: #155
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-07-2006, 05:59 PM
Parent: #154

الطيب
لو تركت مريا قول لي شان أمشي اشوف لي شغله تانيه

Post: #156
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-08-2006, 07:14 AM
Parent: #155

لو تركت مريا قول لي شان أمشي اشوف لي شغله تانيه

Post: #157
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-08-2006, 07:16 AM
Parent: #155

Quote: لو تركت مريا قول لي شان أمشي اشوف لي شغله تانيه

المرتضى لا بس الفاروق ما طبعه يغيب كده وانشاء الله يكون لاسمع ولا جابو ليهو .

Post: #158
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-08-2006, 07:27 AM
Parent: #157

Quote: Quote: لو تركت مريا قول لي شان أمشي اشوف لي شغله تانيه

Quote: المرتضى لا بس الفاروق ما طبعه يغيب كده وانشاء الله يكون لاسمع ولا جابو ليهو .

والله الطيب لا سمعت و لا جابوه لي ...... شفت بعيني !!!!!!!!!!!!

Post: #159
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-08-2006, 08:40 AM
Parent: #158

يافاروق
سيد البوست ده ، وأنا حايم في حلّة بكري دي ، لقيتو فتح ليهو بوست ناصيه عن عثمان حسين. أها تاني تقول لي ايامنا ما راحت وانتهينا وحاجات من نوع (والله كانت ديك سحابه)؟

Post: #160
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-08-2006, 01:01 PM
Parent: #159

يافارو
Quote: ق
سيد البوست ده ، وأنا حايم في حلّة بكري دي ، لقيتو فتح ليهو بوست ناصيه عن عثمان حسين. أها تاني تقول لي ايامنا ما راحت وانتهينا وحاجات من نوع (والله كانت ديك سحابه)؟

الفاروق ما تسمع كلام المرتضى هو انسان طيب ووليف وزى المطر جدى محل ينزل تاني ما برحل .
وريه قول ليهو الطيب بيفتح في بوستات روافد لتغذية بوست مريا ولم يكن البوست الجديد هدف في حد ذاته وانما مصيده ادودر بيها المبدعين من عثمان الى مريا ليكون البوستان في النهاية ، رغم البين ، روح واحدة في جسدين .

انت يا المرتضى الولد النزل حسين شندى في بوست ود القرشى دحين عرفته منو؟

Post: #161
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-08-2006, 06:04 PM
Parent: #160

Quote: انت يا المرتضى الولد النزل حسين شندى في بوست ود القرشى دحين عرفته منو؟

حسين شندي ده كان في الرف عشان ينزّلوهو؟ بعدين يا الطيب أنا في ناس مابسمعهم وما داير أكتب اللسته لكن معظم من ظهر من التمانينات وجاي مابسمعو الا بعض (المقلدين) وعقد الجلاد في بعض الأغاني والذين أعدهم نقله نوعيه عندنا زي المبدع مصطفى سيدأحمد والصوت الآستثنائي عاصم البنا.
الغريبه يا الطيب الحاله دي لاحظتها في انحسار اهتمامي بكرة القدم عندنا منذ التمانينات ايضا ولا أدري مايجمع بينهما (الكفر والوتر) صعودا وهبوطا ، ربما الألقاب ، هناي شندي وبتاع الحصاحيصا وحق سنار وهيل بورتسودان .. أطلس مايحلّك. الغريبه ماظهر واحد ينسب للنهود.
تصبح على خير.

Post: #162
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-08-2006, 08:37 PM
Parent: #161

ما ممكن .....

معقول تكونوا وصلتوا لحدي .... شندي وابراهيم ود عشانا وكلتوم قنب

وعوض الله الجعليون ..... كده حأغير رايي في مستوى الرهافة والحس الفني

Post: #163
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-08-2006, 11:02 PM
Parent: #162

Quote: أطلس مايحلّك. الغريبه ماظهر واحد ينسب للنهود

عبارة المذكر -المرتضى يا اخوى - الوردت هنا تشمل المؤنث؟ والواحد تنسحب على الثنائيات ؟

Post: #164
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-08-2006, 11:12 PM
Parent: #163

Quote: ما ممكن .....

معقول تكونوا وصلتوا لحدي .... شندي وابراهيم ود عشانا وكلتوم قنب

وعوض الله الجعليون ..... كده حأغير رايي في مستوى الرهافة والحس الفني

يا اخوانا ماهو لازم تكون في ديموقراطية وماتخافوا المرتضى وفاروق نحن جيل شندى نديهو 14 % للشباب الذكور و28% للبنات وفي كل الحالات انتو بتمرروا قراركم السياسي انى شئتم في عين اى واحد باغلبية ميكانيكية مضمونة .

اطيب المنى

Post: #165
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-09-2006, 06:39 AM
Parent: #164

Quote: يا اخوانا ماهو لازم تكون في ديموقراطية وماتخافوا المرتضى وفاروق نحن جيل شندى نديهو 14 % للشباب الذكور و28% للبنات وفي كل الحالات انتو بتمرروا قراركم السياسي انى شئتم في عين اى واحد باغلبية ميكانيكية مضمونة .

الطيب انت زعلت؟
الطيب انت رمضان دخل عضمك؟

فاروق .. بالفعل النهود كان فيها واحد فنان جدا اسمو جلال بس ماجا العاصمه كان أكيد لقبوه جلال ... وجلال ملكا منصور .

Post: #166
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-09-2006, 06:49 AM
Parent: #165

في بلد كده في نفس جهة النهود اسمها أم شنو كده ما عارف

لو ظهر فيها فنان أو فنانة برضو حيسموه/ها بنفس "حتته"/ها!!!!!!!!!!

يعني زي سامي المغرب وكده

Post: #167
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-09-2006, 08:22 AM
Parent: #166

Quote: الطيب انت رمضان دخل عضمك؟

زعلنى طمعكم لانها 14 +28 + المجموعة غير المتوالية معاكم كلهم مجموعهم 49 % والباقي حقكم لو عندكم كلام تانى والله الا مواجهه اممية عديييييييييييل وربما نطلع ليكم الرقم 51 .

Post: #168
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-09-2006, 06:05 PM
Parent: #167

تعرف يا الطيب
بفتحك لبوست عثمان حسين مصير بوست مريا ده حايكون زي مصير واحد ماشي في سيراميك ورميت تحت رجلينو قشرة موزه.

Post: #169
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-09-2006, 08:38 PM
Parent: #168

............الطيب أخوي

................... انت زعلت

...........................ولا شنو؟؟؟

Post: #170
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-10-2006, 00:18 AM
Parent: #169

Quote: تعرف يا الطيب
بفتحك لبوست عثمان حسين مصير بوست مريا ده حايكون زي مصير واحد ماشي في سيراميك ورميت تحت رجلينو قشرة موزه.

طيب المرضى رايك شنو لو عملنا للبوستين ادغام بقنة .

Post: #171
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-10-2006, 04:52 AM
Parent: #170

Quote: وحزام في مضيق كلما قلت قصير كان الخصر اصغر

يا أحمد القرشى
الرجاء التكرم بالشرح سيما وأنكم درستم anatomy ولكم خبرة في الغناء والمعاني وخبره في (التفصيل) ودع لي مايخص (الجغرافيا).

Post: #172
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-10-2006, 07:36 AM
Parent: #171

Quote: يا أحمد القرشى
الرجاء التكرم بالشرح سيما وأنكم درستم anatomy ولكم خبرة في الغناء والمعاني وخبره في (التفصيل) ودع لي مايخص (الجغرافيا

المرتضى انا والله حاسي انت ماك مخلينا طالعين من هنا ولعت فينا النار تاني .
عليك الله خودك اللنك ده http://www.instantanatomy.net/ وخلى لينا ود القرشى يمرح ونمرح معاهو في فن الحقيبة . وكمان الليلة نكت ليك الفريع البان البتسل روحي طوالى.

Post: #173
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-10-2006, 07:50 AM
Parent: #172

Quote: المرتضى انا والله حاسي انت ماك مخلينا طالعين من هنا ولعت فينا النار تاني .

لووووووووووووووووووووووووووووووووووووووووول

النار ولعت

منو الب ......

أقرب مطافئ يا شيخ مرتضى

Post: #174
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-10-2006, 07:54 AM
Parent: #172

ياالله ياخ.. الطيب أنا مستعد أدفع ليك خلو (كيبورد) وتطلع لي من البوست ده.

Post: #175
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-10-2006, 01:08 PM
Parent: #174

Quote: ياالله ياخ.. الطيب أنا مستعد أدفع ليك خلو (كيبورد) وتطلع لي من البوست ده.

يا سلام والله دى ما سبقك عليها خالد فرح ذاتو اكان سمعت بسالفتو .
والبوست ده زارعنو في البورة ووطاطة ممطورة بريد زولى ال (بيرتدي ثوب عزوف وهو في الخفية يرغب يا حلو )

Post: #177
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-10-2006, 03:50 PM
Parent: #175

Quote: ............الطيب أخوي

................... انت زعلت

...........................ولا شنو؟؟؟

Post: #178
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-10-2006, 03:52 PM
Parent: #175

Quote: ............الطيب أخوي

................... انت زعلت

...........................ولا شنو؟؟؟

افو يا الفاروق انت بيزعلوا منك حاشاك الزعل يا خال فطنة . اجبر خاطرنا جيب ابا بكر المهندس طول واشتقنا ليهو يبدو حاول يخفي نفسه وهل ............؟

Post: #179
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-10-2006, 06:11 PM
Parent: #175

Quote: يا سلام والله دى ما سبقك عليها خالد فرح ذاتو اكان سمعت بسالفتو

مش قلتو البوست ده ما فيه كلام في (السياسة)

Post: #176
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 10-10-2006, 03:48 PM
Parent: #172

Quote: وحزام فى مضيق كلما قلت قصيرا وكان الخصر اصغر

الاخوة / مرتضى والطيب
ابيات أبو صلاح هذه يمكنها أن تشرح لكم هذا البيت ففي أغنية الدلال والغرام عيوني يقول....

الضمير قالي خبروني....الصدر والردف بروني
بالتقل كادوا يبتروني.....وديسها حاجبنى ما بترونى

و قال أيضا في قصيدة أخرى.....
وسطا ضمر وتهادى.....وشايل الثمار نهادا
وأيضا قال...
اعطف علىّ ياريم ....ويا نافر الغزلان
خصرك رقيق وعلىّ....قلبك حجر ما لان

وانشد هذا الشاعر العظيم في أغنية ليلى طال.......
والصدير البى النهد برز قلع...........تقله رجح بالضمير الانتحل
والكفل في المشيه يقلع ويتنتل....زى مشية المهره في الطين الوحل

وقال في أغنية فرع البانه البيرنع يقود.....
جدى الخدور..........بخلاف شوفتك أنا شن بدور
وسطك رق وقلع الصدر....شعرك ظلمه ومحيك بدر
وفى قصيدة أضيع في هواك قال...
رقيق خصره سادل عليه الغمام....يجاذبه النسيم في المرور كالذمام
يميل بالشمال والجنوب والامام......يكاد أن يرك فوق غصنه الحمام

وقال في أغنية فريع البانه المن نسمه.....
رق وسطك خاتم ما بزنده....وصديرك قايد والديس جنده
كفيلك قلع من عنده.......وأكتافك فيه ياروحى بستنده
و أظن اخوتى الأعزاء الطيب ومرتضى إن المعنى واضح.........

Post: #180
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-11-2006, 00:31 AM
Parent: #176

Quote: رقيق خصره سادل عليه الغمام....يجاذبه النسيم في المرور كالذمام
يميل بالشمال والجنوب والامام......يكاد أن يرك فوق غصنه الحمام

خصمناك بربك ود القرشى تشرح الكلام الفوق ده بي روقة . المرتضى عليك الله خليهو يشرحه لينا بس ياالمرتضى ممكن ترمي لينا كليمة كليمتين تحت شرح ود القرشى زى كلام ابو شنقرة او مداخلات عمر اومو في اركان الجمهوريين .

Post: #181
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-11-2006, 01:08 PM
Parent: #180

الفاروق فينك

Post: #182
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-11-2006, 03:16 PM
Parent: #181

Quote: الفاروق فينك

الطيب أخوي انت بقيت زي ود الموية وراجل المرتين وواحدة تالتة

غير معلنة يعني (مسيار) نجيك في بوست مريا نلقاك مشيت عثمان حسين

نمشي لبك بوست عثمان .. نلقاك مشيت للمسيار بتاع ملاسي...ما عارفين

نشرك ليك بشنو.... أنا غايته حادودرك ببوست لعائشة الفلاتية .. امكن

السنارة تطلع فيها نقرة....

بالمناسبة في أغنية مصرية بغنوها في (الحتات) الليلية ديك - ما عارف

اسمها شنو - بتقول : نروحلو هنا يؤلولنا هناك ونروحلو هناك يؤلولنا هنا

وعجبي

Post: #183
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-11-2006, 04:23 PM
Parent: #182

Quote: الطيب أخوي انت بقيت زي ود الموية وراجل المرتين وواحدة تالتة

غير معلنة يعني (مسيار) نجيك في بوست مريا نلقاك مشيت عثمان حسين

نمشي لبك بوست عثمان .. نلقاك مشيت للمسيار بتاع ملاسي...ما عارفين

نشرك ليك بشنو.... أنا غايته حادودرك ببوست لعائشة الفلاتية .. امكن

السنارة تطلع فيها نقرة....

بالمناسبة في أغنية مصرية بغنوها في (الحتات) الليلية ديك - ما عارف

اسمها شنو - بتقول : نروحلو هنا يؤلولنا هناك ونروحلو هناك يؤلولنا هنا

وووووووووووب المرتضى ما جاء سمع قولك يا الفاروق والله لو قراهو هسه بيتصل فيني يصحيني من النوم
انت الفاروق انا حسي انك من بلدنا في السودان الكلام ده كلامنا ود الموية والسنارة .
بعدين هو انا البشرك ليكم انتو وقت اجى القى البوست مافيهو مداخلة منكم احنف وشى واطلع من النت غايتو ادمان وابتلاء.

Post: #184
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-12-2006, 00:42 AM
Parent: #183

ما بين صلاح احمد ابراهيم وابن توتى حمد الريح

يخطىء كثر حين ينسبون عظمة صلاح الى البعد السياسى من شخصيته نعم كان مناضلا كبيرا وعنيدا من دون شك ولكن ما كان ذلك ليمنحه ذلك الاستمرار فى الزمن وفى الذاكرة لو لم يكن فى الاصل مبدعا كبيرا..بل ان اعادة الفضل فى شهرته الى خطه السياسى كانت جزءا من مؤامرة مركز قوى سدنية يسارية مايوية لانهم يعرفون جيدا ان العقيدة السياسية الى زوال وموت حتما فيما الخلق والابداع خالدان-
يقول صلاح عن شعره –اركب الموقف من لا شىء اولج المعقول فى المجهول اجمل الحياة بالرمز اخيف بوم الليل بالاصداء مملكتى الساحة صولجانى الكلمة مقعدى الحكمة جيشى الاصغاء غابى الاقلام طبلى الطروس ..اقنعتى الافعال والحروف والاسماء الشعر شغلى فكرة والم وعمل منظم لا حلم وخطة لا صرعة لا هاتف يهتف فى اغماء..
الاسطورة صورة من صور الادب الشعبى الخالدة ..وقد جاء الاقتباس من الاساطير فى غضبة الهبباى منسجما معتمدا على تداعى الخواطر ..وحقيقة فى هذه الايام التى ازدحم فيها الشعر باستخدام اسماء ابطال الاساطير ولا سيما بين ناشئة الادباء ولعل صلاح نفسه مسئول عن هذا او ذلك اذ انه اوغل فى استعمال الاسطورة الاغريقية فى قصيدته يا مريا مما اغرى المتشاعرين والناشئة على خوض بحر لا يعرفون شطئانه فطفوا وطفت معهم اساطيرهم على السطح ..الاستخدام الحقيقى للاسطورة ليس فى سردها وانما تلخيصها فى ايجاز واخراج المضمون من بين ثناياها ..
لقاء حمد وصلاح لم يكن صدفة—صلاح الطالب بكلية الاداب جامعة الخرطوم فى الخمسينات كان حمد الريح موظفا محترما بمكتبة الجامعة الرئيسية وكان صلاح كثير التردد على المكتبة –وكان اللقاء الاول فنيا بين العملاقين فى رائعة يا مريا وقد سبق شعراء الحقيبة صلاح فى هذا المجال – حى زهرة روما وابك يا محروم ..ومن فرط حب السودانيين بمريا الاوربية فان صلاح سودنها فاصبحت مريا سودانية سمراء المقاطع..
كانت هذه البداية لانطلاقة حمد حيث كان اللقاء الثانى مع الشاعر سليمان عبد الجليل فى اغنية الرحيل .حليل الراحو وخلوا الريح تنوح فوق النخل ..حليل الفاتو لدار الاهل بدون اهل ..والتقى حمد مع كامل عبد الماجد فى تائه الخصل وهى القصيدة التى قيلت فى سميرة امين درة بنات الجامعة يومئذ ..امانة عليك يا تائه الخصل ..يا خير عم فى دروب عمرنا الضايع هدر ..والتقى الدوش وحمد والملحن السودانى الجنسية اليمانى الاصل ناجى القدسى فى الساقية التى مازالت مدورة ويقال ان المرحوم عمر الحاج موسى كان قد حلل قصيدة الساقية ومضامينها بانها تحكى كفاح وخيبة امل حركة اليسار السودانى اثر فشل محاولتهم الانقلابية فى يوليو 1971م ولكن الدوش صرح اكثر من مرة بان الساقية تجربته الشخصية وسط استغراب كل محبى ومعجبى الدوش وترك تفسيره وترك الساقية لسع مدورة..واخيرا التقى حمد بالشاعر الكبير عثمان خالد فى رائعته –الى مسافرة- ياقلبى يا مكتول كمد ..اعصر دموع ..هات غنوة لسيد البلد حليلو كيفن يبتعد ..كيفن نسيبو يروح بعيد فى رحلة مجهولة الامد ..يا حليلو نسيبو والشوق يتقد..
حمد وصلاح التقيا فى ساحة وميادين جامعة الخرطوم الجميلة ومستحيلة ولم يكن اللقاء صدفة.

احمد حماد ادريس—الدمام

Post: #185
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-12-2006, 05:20 AM
Parent: #184

Quote: ..الاستخدام الحقيقى للاسطورة ليس فى سردها وانما تلخيصها فى ايجاز واخراج المضمون من بين ثناياها ..

أعد سرده فان القلوب تحبه
والله ياودحماد جميل

Post: #186
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 10-12-2006, 07:19 AM
Parent: #185

Quote: رقيق خصره سادل عليه الغمام....يجاذبه النسيم في المرور كالذمام
يميل بالشمال والجنوب والامام......يكاد أن يرك فوق غصنه الحمام

الاخ /الطيب شيقوق
وصف ابوصلاح الشعر بالغمام بجامع السواد والكثافة في كل منهما وان الشعر طويل حتى يغطى الخصر الرقيق وعندما يمر النسيم تتمايل هذه الفاتنة في كل الاتجاهات نسبة لنحول الوسط ... وكما شرحها أبو صلاح في أغنية أجسامنا ليه جسمين ( وبى قامتك اليايات البى الصدير لاعبين ) حتى تحسبها الطيور شجرة بان لطول قوامها وتمايلها وتحاول هذه الطيور النزول عليها.

Post: #187
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-12-2006, 07:37 AM
Parent: #186

جميل يا دكتور. متابعون الابداع في كل الاتجاهات .

Quote: تتمايل هذه الفاتنة

احمد اخوى عبارة هذه الفاتنة بحس باننا رميناها بتهمة الفجور ربما تكون المرية بريئة منها . ام تعنى كلمة فاتنة هنا المثيرة وبس ؟

لك ودي

Post: #188
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: Ahmed al Qurashi
Date: 10-12-2006, 11:16 AM
Parent: #187

الاخ / الطيب
الفاتنة اقصد بها الفاتنة الجمال وحتى هنالك اسم فاتن لبعض النساء ولا تنسى فاتن حمامه التى تغنى لها عبدالرحمن الريح بعد ان شاهدها فى احد الافلام السينمائية باغنية ياحمامه مع السلامه ....ظللت جوك الغمامه.....والتى يقول فيها .....الجمال يا حمامه فاتن.....فيه الوان من المفاتن...كل من يعشق المحاسن ....قّلّ ان يوجد السلامه....ولاتنسى شاعرنا ايضا صلاح احمد ابراهيم قال فى نفس القصيدة ( لنحت الفتنة الهوجاء فى نفسى مقايييسك تمثالا مكبر ) ومن تسبب هذه الفتنة فى النفس فهى فاتنة....وايضا احمد المصطفى تغنى ....فتنتى ان فى عينيك آيات الغرام ...وبكفيك آيات من حلال وحرام...ولا اظن كل هولاء اخى الطيب يقصدون بالفتنة الفجور.

Post: #189
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-12-2006, 11:56 AM
Parent: #188

لله درك ياود القرشي كلامك لذيذ وممتع
خلينا نمشى النادي نودع لينا ارباب ونفتح ليك نوافذ جديدة لنسمع مزيد من الدرر.

Post: #190
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-12-2006, 12:37 PM
Parent: #189

Quote: وووووووووووب المرتضى ما جاء سمع قولك يا الفاروق والله لو قراهو هسه بيتصل فيني يصحيني من النوم
انت الفاروق انا حسي انك من بلدنا في السودان الكلام ده كلامنا ود الموية والسنارة .
بعدين هو انا البشرك ليكم انتو وقت اجى القى البوست مافيهو مداخلة منكم احنف وشى واطلع من النت غايتو ادمان وابتلاء.

عارفك فناااااااااااااااان

بتحب الفلاتية .. عائشة ... وغناها الحلو

ويجو عايدين ... ان شاءالله عايدين ... يا الله

يجو عايدين الفتحو كرن .. ان شاء الله منصورييييين

يجو عايدين بالمدرع والمكسيم

Post: #191
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-12-2006, 03:26 PM
Parent: #190

فينك الفاروق

كلامك بقى زى كشوال المغورات حقت العشريف وقت الدرت يعنى بعد يطلقوا المغورة للوليدات يعشكبوها . الكلام ده ما بتعرفه.

المغورة لغة هي المزرعة الصغيرة البتكون جوار البيت في الحلة وانجح انواع المغورات البتكون في زريبة البقر . بعد تنتج ويحصدوها ببقى الباقي كشوال بيطلقوهو للشفع يتسلوا بيهو.

ود القرشى

كيف امسيت شايف الموصلي قصدك بمداخلة في عثمان حسين .

المرتضى اوعى يكون متوعك فاقدين مداخلاتو اللذيذة .

Post: #192
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-13-2006, 12:18 PM
Parent: #191

Quote: الأحباء الطيب و الفاروق ..
سلامي ورمضان كريم..
تعرف يا الفاروق بالأمس التقيت بالطيب في افطار ضم قبيلة القانونيين بمسقط وكانت فرصة طيبة أن نستجلي ( سالفة مريا) دون الخروج عن ماينبغي أن يكون عليه السلوك في رمضان والحمدلله الطيب كان ملتزما بما اتفقنا عليه رغم سؤال ظل يلوب في عينيه والخاطر عن بيت صلاح ( ترتدي ثوب عزوف ..) وتحدثنا بايجاز في الأمر لثقتي في أن الشعر لاعلاقة له بالأشهر الحرم ، مافي تناقض في كلامي .
رمضان كريم.

وتكرر المشهد مرة اخرى في افطار اليوم بالخوير

Post: #193
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-13-2006, 12:38 PM
Parent: #192

دقر ... دقر ... يا عين ... دقر

انت يا الطيب آسف يا مولانا شيخ الطيب باين كده ما قاعد تدينا أي

فواتح للهداية ....

المرتضى وابوبكر حصلوا بركات مولانا ... لو ختيتوا العشرة الأواخر

ديل .... حقكم راح .....

Post: #194
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-13-2006, 03:38 PM
Parent: #193

Quote: الطيب
ايه رايك في الحلومر وملاح التقلية بتاع امبارح مع محمدالطيب رغم أني أحس انو بهاراتهم شوية زايده لأنو صبحت بس ناقص اللديتر.
قصدت من المداخلة أعلاه اعادة مريا الى البوست والعكس صحيح ولا اخفي عليك أحساسي بهروبك عن أبيات وصفية قمة في الروعة، على سبيل المثال كيف يتسنى لك ولأمثالك تخطي (على الأجفان لغز لايفسر) ؟ وكيف لك أن تغض البصر عن النور المتكسر على الخدين (اتخيل ..النور ذاتو مكسّر) ثم على (الأسنان سكر). وهنا أعتذر لأحمد القرشي الدنتست الحريف ولمشروع كنانه معا.
جاييك

للفاروق بس

Post: #195
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: abubakr
Date: 10-14-2006, 02:51 AM
Parent: #1

الطيب - الفاروق-القرشي- المرتضي

وانا قايلكم بتنضموا عن الشعر والخلاسيات لقيتكم واقعيين غزل في الحلو مر .. معليش ما الحلو مر خلاسي(مش كدة يالمرتضي - حلو و مر )....
بعديين انتو مالكم داقيين طناش عن بوست "القديم من الغناء "
مشكلتي اني ما قدرت اجاريكم في الشعر الغنائي وانا بس سميع حسب الظروف ويادوبك طرف الكلام والباقي طرب فقلت اهرب الي الجديد وامقلبكم

مودتي
ابوبكر

Post: #196
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-14-2006, 07:59 AM
Parent: #195

Quote: دقر ... دقر ... يا عين ... دقر

مربى حبوبات سااااااااااااااااااى والله وكدي واجي وهلم جرا

Post: #197
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-15-2006, 03:58 PM
Parent: #196

المرتضى افتقدانك حتى في مسقط قابلك الاستاذ على البله ؟ ابقى عليهو الف

Post: #198
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-16-2006, 06:18 AM
Parent: #197

Quote: ما بين صلاح احمد ابراهيم وابن توتى حمد الريح

يخطىء كثر حين ينسبون عظمة صلاح الى البعد السياسى من شخصيته نعم كان مناضلا كبيرا وعنيدا من دون شك ولكن ما كان ذلك ليمنحه ذلك الاستمرار فى الزمن وفى الذاكرة لو لم يكن فى الاصل مبدعا كبيرا..بل ان اعادة الفضل فى شهرته الى خطه السياسى كانت جزءا من مؤامرة مركز قوى سدنية يسارية مايوية لانهم يعرفون جيدا ان العقيدة السياسية الى زوال وموت حتما فيما الخلق والابداع خالدان-
يقول صلاح عن شعره –اركب الموقف من لا شىء اولج المعقول فى المجهول اجمل الحياة بالرمز اخيف بوم الليل بالاصداء مملكتى الساحة صولجانى الكلمة مقعدى الحكمة جيشى الاصغاء غابى الاقلام طبلى الطروس ..اقنعتى الافعال والحروف والاسماء الشعر شغلى فكرة والم وعمل منظم لا حلم وخطة لا صرعة لا هاتف يهتف فى اغماء..
الاسطورة صورة من صور الادب الشعبى الخالدة ..وقد جاء الاقتباس من الاساطير فى غضبة الهبباى منسجما معتمدا على تداعى الخواطر ..وحقيقة فى هذه الايام التى ازدحم فيها الشعر باستخدام اسماء ابطال الاساطير ولا سيما بين ناشئة الادباء ولعل صلاح نفسه مسئول عن هذا او ذلك اذ انه اوغل فى استعمال الاسطورة الاغريقية فى قصيدته يا مريا مما اغرى المتشاعرين والناشئة على خوض بحر لا يعرفون شطئانه فطفوا وطفت معهم اساطيرهم على السطح ..الاستخدام الحقيقى للاسطورة ليس فى سردها وانما تلخيصها فى ايجاز واخراج المضمون من بين ثناياها ..
لقاء حمد وصلاح لم يكن صدفة—صلاح الطالب بكلية الاداب جامعة الخرطوم فى الخمسينات كان حمد الريح موظفا محترما بمكتبة الجامعة الرئيسية وكان صلاح كثير التردد على المكتبة –وكان اللقاء الاول فنيا بين العملاقين فى رائعة يا مريا وقد سبق شعراء الحقيبة صلاح فى هذا المجال – حى زهرة روما وابك يا محروم ..ومن فرط حب السودانيين بمريا الاوربية فان صلاح سودنها فاصبحت مريا سودانية سمراء المقاطع..
كانت هذه البداية لانطلاقة حمد حيث كان اللقاء الثانى مع الشاعر سليمان عبد الجليل فى اغنية الرحيل .حليل الراحو وخلوا الريح تنوح فوق النخل ..حليل الفاتو لدار الاهل بدون اهل ..والتقى حمد مع كامل عبد الماجد فى تائه الخصل وهى القصيدة التى قيلت فى سميرة امين درة بنات الجامعة يومئذ ..امانة عليك يا تائه الخصل ..يا خير عم فى دروب عمرنا الضايع هدر ..والتقى الدوش وحمد والملحن السودانى الجنسية اليمانى الاصل ناجى القدسى فى الساقية التى مازالت مدورة ويقال ان المرحوم عمر الحاج موسى كان قد حلل قصيدة الساقية ومضامينها بانها تحكى كفاح وخيبة امل حركة اليسار السودانى اثر فشل محاولتهم الانقلابية فى يوليو 1971م ولكن الدوش صرح اكثر من مرة بان الساقية تجربته الشخصية وسط استغراب كل محبى ومعجبى الدوش وترك تفسيره وترك الساقية لسع مدورة..واخيرا التقى حمد بالشاعر الكبير عثمان خالد فى رائعته –الى مسافرة- ياقلبى يا مكتول كمد ..اعصر دموع ..هات غنوة لسيد البلد حليلو كيفن يبتعد ..كيفن نسيبو يروح بعيد فى رحلة مجهولة الامد ..يا حليلو نسيبو والشوق يتقد..
حمد وصلاح التقيا فى ساحة وميادين جامعة الخرطوم الجميلة ومستحيلة ولم يكن اللقاء صدفة.

احمد حماد ادريس—الدمام

Post: #199
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-16-2006, 10:12 AM
Parent: #198

الطيب - الفاروق-القرشي- المرتضي

وانا قايلكم بتنضموا عن الشعر والخلاسيات لقيتكم واقعيين غزل في الحلو مر .. معليش ما الحلو مر خلاسي(مش كدة يالمرتضي - حلو و مر )....
بعديين انتو مالكم داقيين طناش عن بوست "القديم من الغناء "
مشكلتي اني ما قدرت اجاريكم في الشعر الغنائي وانا بس سميع حسب الظروف ويادوبك طرف الكلام والباقي طرب فقلت اهرب الي الجديد وامقلبكم

مودتي
ابوبكر

أبوبكر

الحلومر فعلا خلاسي أيها الفنان النبيل الجميل

كنا نريد التحدث في الغنا وحكايات ترتدي ثوب عزوف

وفم كالأسد الجوعان زمجر (مش زي بتاع مترو قولدن ماير)

التاني دااااااااك!!!!!!!!!!!! ولكن شيخ الطيب شيقوق

انقلب بقدرة قادر الى شيخ الطيب أبوقناية!!!!!!! فزجرنا

أما أخونا المرتضى فيبدو انه مضيوف شدييييييييد

أو بتهجد في العشر الأواخر !!!!!!

Post: #200
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-16-2006, 12:36 PM
Parent: #199

الفاروق - ابو بكر

عليكم الله الليله تابعوا البوست بتاع ود القرشى بتاع الحقيبة اناعملت ليهو مداخله طالب منه يشرح ليكم حاجات كده وحالف لو استحى وما شرحها لينا نتهمه بعدم الشفافية ونقاطعه لجنى الجنى .

Post: #201
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد عبد الله شريف
Date: 10-17-2006, 04:03 AM
Parent: #200

يا لهذا الجمـال

شـكرآ لكم جميعآ

(وبالله خـلوكم في مريه وبطـلوا الونسات الجانبيه..)

محمد المرتضي عليك الله ما تغيب

Post: #202
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-17-2006, 07:55 AM
Parent: #201

Quote: (وبالله خـلوكم في مريه وبطـلوا الونسات الجانبيه..)

الا خ محمد عبد الله شكرا على مرورك

صحيح ما كان لنا ان ننصرف عن هذا الموضوع لاي مواضيع اجنبية .

لك مودتى

Post: #203
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-18-2006, 03:55 AM
Parent: #202

Quote: محمد المرتضي عليك الله ما تغيب

Post: #204
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-19-2006, 05:06 AM
Parent: #203

كل عام وانتم بخير

Post: #205
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-19-2006, 04:08 PM
Parent: #204

Quote: ناس الحقيبة يامرتضى وصفوا الاسنان بالبرق والتبر وهو نبات له زهرة بيضاء اما الريق فيشبه بالعسل قال المساح...فى اغنية ظبى الخدر الما شاف قفار (ريقه خلاصة الفى خليتو دار) لكن هل كان يقصد صلاح بهذا الوصف الاسنان ام الريق ؟ .....انتو ماعارفين السكر على الاسنان بيعمل تسوس !! طبعا ده فهم للالفاظ كما هى دون ان اتعب تفكيرى..وللمهنة دور كبير.

Post: #206
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-20-2006, 12:29 PM
Parent: #205

الفاروق فاقدنك

Post: #207
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-20-2006, 03:47 PM
Parent: #206

Quote: الفاروق فاقدنك

الليلة ذكر وتهجد وقرآن وصلاة شكر حتى الصباح باذن الله يا شيخ الطيب

Post: #208
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-20-2006, 04:02 PM
Parent: #207

استقطبوك يا ضونا؟

Post: #209
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-21-2006, 05:54 AM
Parent: #208

up

Post: #210
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-21-2006, 07:44 AM
Parent: #209

لكل من تابع هذا البوست
لكل من كتب هنا
لكل (أصحاب) البوست
كل سنه وانتو طيبين أعاد الله علينا جميعا العيد وبلادنا في أطيب حال.

Post: #211
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-21-2006, 07:58 AM
Parent: #210

Quote: استقطبوك يا ضونا؟

برد ليك بعد العيد ...

اللهم اني صايم

Post: #212
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-21-2006, 12:05 PM
Parent: #211

Quote: لكل من تابع هذا البوست
لكل من كتب هنا
لكل (أصحاب) البوست
كل سنه وانتو طيبين أعاد الله علينا جميعا العيد وبلادنا في أطيب حال.

دى الفنجرة الفايتننا بيها اولاد البندر يا اخوانا وانا معاك يا المرتضى في تبريكتك دى
للجميع العفو والعافية

Post: #213
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-21-2006, 12:12 PM
Parent: #212

Quote: برد ليك بعد العيد ...

اللهم اني صايم

حرم صبرا للعيد ما عندنا اكان شين اكان سمح تقولو هسه افو يا الفاروق اخوى دى ما المحرية فيك

Post: #214
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-22-2006, 11:07 AM
Parent: #213

Quote:
Quote: برد ليك بعد العيد ...

اللهم اني صايم

الفاروق يا اخوى مش فطرت خلاص تعال خلاص كتلتنا بالقريفة انت ما عارف نحن ولوفين وما بنقدر على الهبباى في عز الصيف .

كل عام وانت والاسرة بالف خير

Post: #215
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 10-22-2006, 04:46 PM
Parent: #214

Quote: صحيح ما كان لنا ان ننصرف عن هذا الموضوع لاي مواضيع اجنبية .

الطيب
كل سنه وانت طيب

Post: #216
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-22-2006, 04:53 PM
Parent: #215

الطيب
كل سنه وانت طيب

He who comes to equity must come with clean hands

ومن سعى اخي المرتضى لنقد ما تم على يديه فنقده مردود عليه - فتحت لينا يا اخوى نوافذ ستظل تتمدد في هذا البوست الى ما لا نهاية .

كل عام وانت بالف خير

Post: #217
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-22-2006, 05:14 PM
Parent: #215

Quote: دى الفنجرة الفايتننا بيها اولاد البندر يا اخوانا وانا معاك يا المرتضى في تبريكتك دى
للجميع العفو والعافية

في البندر كنا بنركب (السياكل) وأولاد الأقاليم حمير ساااااااااااااي !!!

وبناكل الدندرمة وانتو نبق ولالوب وحنبك ولبن العشر ساااااااااااي !!!!!

عليك الله يا الطيب أحكي لينا عن أول مرة أكلت فيها الدندرمة والبقلاوة!!!!

كل عام وأنتم بألف ألف خير يا الطيب ومرتضى وربنا يحفظكما ويقر عينكم

بأولادكما ويحفظهم من كل سوء وشر ويطول أعماركم حتى ترون أبناءهم وبناتهم

وحفدتهم ... وصادق تحياتي لأسرتيكما الكريمتين وعساكم من عواده

فاروق حامد

Post: #218
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-22-2006, 06:02 PM
Parent: #217

وووووووووب الفاروق فتحت ليك باب ما بنسد تاني كمان جابت ليها نبق وحنبك وداندرمة والله اوريك كل حاجة بس زعلت شدييييييد جات منك رسالة حلوة في الموبايل وبقلب فيها كده هى والرقم اتمسحوا عليك الله رقمك كم تاني .

كل عام والاسرة بخير

Post: #219
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-24-2006, 04:39 AM
Parent: #218

اخي الصحفي المخضرم فاروق

كل عام وانت والاسرة وكل الاهل بالف خير

Post: #220
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-24-2006, 09:05 AM
Parent: #219

Quote: اخي الصحفي المخضرم فاروق

كل عام وانت والاسرة وكل الاهل بالف خير

الجميل النبيل القانوني المتضلع الطيب بن شيقوق

أحلى الأماني وأطيب التهاني لك وللأسرة الكريمة

بمناسبة عيد الفطر المبارك وكل عام وأنتم بخير

وعساكم من عواده.

Post: #221
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-24-2006, 12:42 PM
Parent: #220

اخى الفاروق

سنظل منتظرين ابداعاتك وخفشاتك اللذيذة التي تصلح لأن تؤسس (بوستا!!) لذاتها.

فرس شوقك دوام سابق

ودي

Post: #222
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-25-2006, 09:04 AM
Parent: #221

كل عام وانتم بخير

Post: #223
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-26-2006, 04:14 AM
Parent: #222

فوق

Post: #224
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-27-2006, 05:20 PM
Parent: #223

الفاروق زورنا في بوست قهوة منى خوجلي في انتظارك

Post: #225
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: ابوبكر يوسف إبراهيم
Date: 10-29-2006, 00:16 AM
Parent: #224

Post: #226
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: ابوبكر يوسف إبراهيم
Date: 10-29-2006, 00:18 AM
Parent: #224

Post: #227
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: ابوبكر يوسف إبراهيم
Date: 10-29-2006, 00:21 AM
Parent: #224

العزيز الطيب ؟ الطيب شيقوق
كل عام وأنت بخير
من يتحدث أو ينبش أو يقتفي أثار الراحل صلاح إن لم يكن هو حالة مثل صلاح فهو إذن يتمتع بأعلى مراتب الشفافية وأرقى درجات الذوق الشاعري والتصويري

علاقتي بالرائع الراحل المقيم صلاح أحمد إبراهيم تمتد لثلاث عقود ونصف حتى تاريخ رحيله .. كنت في الآونة الأخيرة أزوره سنوياً في باريس وأحياً أكثر من مرة في العام... لي معه رسالات نادرة وعلاقة خاصة .. ما ذكرته نقلاً عن الراحلة ليلى المغربي صحيح.. على فكرة كنت في أثينا وتواعدنا أن ألتقيه تلك الليلة في مهرجان هايداري وهو مهرجان للنبيذ حيث كانت مريا التي خلبت لب وجنان شاعرنا ترقص مع مجموعة من الفتيات والفتيان وقد لعب المعتق برؤوسهن ورؤوس الشباب المصطحبين لهن.. لقد كانت آية في الجمال المتفرد النادر وقد لفت نظري صلاح لها وكان أشبه بالمغيب أو المصاب بذهول وهذيان .. ولا أعتقد أنه كان بإمكان أي شاعر في الدنيا أن يصور ذاك الجمال مستعيناً بالتاريخ والميثولوجياوأدوات النحاتين وعادات الشعوب وإستنباط مفردات للتصوير والتعبير مثل صلاح.. صلاح حالة!!
أخوك
ابوبكر

Post: #228
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-29-2006, 00:58 AM
Parent: #227

Quote: لقد كانت آية في الجمال المتفرد النادر وقد لفت نظري صلاح لها وكان أشبه بالمغيب أو المصاب بذهول وهذيان .. ولا أعتقد أنه كان بإمكان أي شاعر في الدنيا أن يصور ذاك الجمال مستعيناً بالتاريخ والميثولوجياوأدوات النحاتين وعادات الشعوب وإستنباط مفردات للتصوير والتعبير مثل صلاح.. صلاح حالة!!

اخي الكريم ابو بكر يوسف ابراهيم

ما اسعدنا ان يطل علينا انسان وقف شاهد عيان على ذلك المشهد بجمال مريا ومعطيات المناسبة واحاسيس ومشاعر الاستاذ صلاح . لكم اضنانا البحث عن الحقيقة ولكن قطعت جهيزة قول كل خطيب فلله درك يا عظيم وانت تقطع الشك باليقين .

تغمرنا الفرحة وتزدان هذه المساحة الاسفيرية بمزيد من مداخلاتكم.

لك منى يا استاذي اطيب المنى

شيقوق

Post: #229
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-29-2006, 04:48 AM
Parent: #228

كل عام وانتم بخير

Post: #230
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 10-31-2006, 04:05 AM
Parent: #229

لمزيد من التواصل

Post: #231
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 10-31-2006, 07:33 AM
Parent: #230

الطيب الحلو

متابعك في بوستك المشوق رحلة العمر ومشوار السنين

وقلنا نديك فرصة لا من تدخل في الغريق وبعدين ندخل

عليك بالجميل الحلو ... لكن يا الطيب انت ود متين عشان

تكتب مشوار السنين ... هو انت لسه شفت حاجة ... و(الللاي)

لمن كنا قدرك طهور ما طهرونا ... انتظر لما تكبر وبعدين

اكتب مشوار السنين.... لسع بدري عليك .... انت يا الطيب

دحين بقيت للعرس ... أرجوك ما ترد وخلي التساؤلات دي مغطية

كده.... ما تبوظها بالرد ... انا عارف .... وبس

Post: #232
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-02-2006, 00:52 AM
Parent: #231

Quote: متابعك في بوستك المشوق رحلة العمر ومشوار السنين

وقلنا نديك فرصة لا من تدخل في الغريق وبعدين ندخل

عليك بالجميل الحلو ... لكن يا الطيب انت ود متين عشان

تكتب مشوار السنين ... هو انت لسه شفت حاجة ... و(الللاي)

لمن كنا قدرك طهور ما طهرونا ... انتظر لما تكبر وبعدين

والله يا الفاروق اخوى لبدتك ( ما تفهمها بالتقراى بطالة ) دى محتاجة لبوست براها . بقيتوا تجوا وتختفوا خايفين التحريات الجارية في السودان تطالكم ولا شنو؟

الغريق قرب ما تبعد .

انت الفاروق دحين عيدت لى ؟

Post: #233
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-02-2006, 05:35 PM
Parent: #232

المرتضى مالك ياخي حدى يشعر بالسعادة ويمشى يختار البعاد

Post: #234
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 11-03-2006, 12:54 PM
Parent: #233

Quote: المرتضى مالك ياخي حدى يشعر بالسعادة ويمشى يختار البعاد

ياشيقوق الكانغرو
عبارتك الفوق دي من نوع ( الفيك بدّربو)
يعني يا الطيب شتت أفكاري اللي أصلا تايهه من ( أوصاف عديده ظهرت بقوافي وفنون جديده)
أنا ما حا أكتب هنا تاني لأنو ودالقرشي عمل لي أقامه في بوست الحزن والحاله المدنيه الجديده هناك لفقت معاي وخلّتني يادوب عرفت انو ليه من زمان بحب ( في الأسى ضاعت سنيني فاذا مت اذكريني) لدرجة عايز أقول (الحزن ) شعار المرحله ويابوست ودالقرشي أحبك وانسى فيك ذاتي.

Post: #235
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 11-03-2006, 01:44 PM
Parent: #234

Quote: أنا ما حا أكتب هنا تاني لأنو ودالقرشي عمل لي أقامه في بوست الحزن والحاله

المدنيه الجديده هناك لفقت معاي وخلّتني يادوب عرفت انو ليه من زمان بحب ( في الأسى

ضاعت سنيني فاذا مت اذكريني) لدرجة عايز أقول (الحزن ) شعار المرحله ويابوست

ودالقرشي أحبك وانسى فيك ذاتي.

يا جماعة حرام عليكم ... نحن في الحالة دي منذ المرحلة قبل السابقة

التي كان الحزن شعارها ... ثم جاءت المرحلة السابقة وكان أيضا هذا

السجم شعارها.... وهاهي المرحلة الحالية وقد أعلنتم ان الزفت شعارها

والمرحلة القادمة شكلها كده ان الهباب سيكون شعارها ايضا !!!!!!!!!!!!!

يا جماعة هو احنا حنعيش كم مرحلة ؟؟؟؟؟؟؟؟؟؟؟؟؟؟؟؟؟؟؟؟؟؟

Post: #236
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: محمد المرتضى حامد
Date: 11-03-2006, 06:11 PM
Parent: #235

Quote: يا جماعة هو احنا حنعيش كم مرحلة ؟؟؟؟؟؟؟؟؟؟؟؟؟؟؟؟؟؟؟؟؟؟

أنا حأعيش مرحلة السمحه قالوا مرحّله

Post: #237
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 11-03-2006, 06:43 PM
Parent: #236

Quote: أنا حأعيش مرحلة السمحه قالوا مرحّله

والله يا مرتضى ضحكتني جنس ضحك

أولا حكاية مرحلة وتانيا تذكرت واحد صاحبي من النوع البباري

فوق فوق ولما واحدة يرحلوها بسيب الحتة الساكن فيها وبرحل

معاها عديييييييييييييل كده ... ومرات ببالغ ..يعني

بعمل حاجات لا يمكن تصديقها ... من حاجاته العجيبة مرة

عرف انه واحدة عرسوها ومرحلة نفسها لعريسها في ألمانيا

تصدق لقته معاها في الطيارة ... أما البمشو لندن والسعودية

ومصر فدي عادي تلقاهو حاجز وبركب قبلهن ويحجز الكرسي الجنبه

ومرة سألته قلت ليه هل سافرت مع واحدة مرحلة أمريكا ؟ قال لي

مرتين بس ... مرة واشنطن دي سي ومرة حتة كده في كاليفورنيا!!!!

ومن يومها مسمينه سندباد الحب الطاير مع الجمال حتى نهاية العالم

قبل تلاتة أربعة سنين تزوج وأنجب لكن مشاويره بقت قريبة يعني مصر

والسعودية بس.... أضحك الله سنك يا مرتضى !!!!

Post: #238
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-04-2006, 03:55 AM
Parent: #237

Quote: ومن يومها مسمينه سندباد الحب الطاير مع الجمال حتى نهاية العالم

الفاروق انت والمرتضى اكان ما عملتوا بوست سميتوهو سندباد الحب الطائر انا ياني سابقكم عليهو عدييييييييييل كده

Post: #239
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-04-2006, 02:38 PM
Parent: #238

Quote: في البندر كنا بنركب (السياكل) وأولاد الأقاليم حمير ساااااااااااااي !!!

وبناكل الدندرمة وانتو نبق ولالوب وحنبك ولبن العشر ساااااااااااي !!!!!

عليك الله يا الطيب أحكي لينا عن أول مرة أكلت فيها الدندرمة والبقلاوة!!!!

كل عام وأنتم بألف ألف خير يا الطيب ومرتضى وربنا يحفظكما ويقر عينكم

بأولادكما ويحفظهم من كل سوء وشر ويطول أعماركم حتى ترون أبناءهم وبناتهم

وحفدتهم ... وصادق تحياتي لأسرتيكما الكريمتين وعساكم من عواده

فاروق حامد

والله البقلاوة لحدى هسه ما بعرفها. انا الفاروق لحدى هسة عندما امشى محلات التسوق في حاجات كده ما عارفها ذاتها شنو . اكتر حاجة عجبتني لقيت ابو زومو بسموهو عندنا
(The Ground penis) وقالوا الكيلو بتاعو بارعين درهم يعنى اغلى من اى حاجة هناك عندنا بيقوم بروس حد بياكلو مافي . كمان لقيت السويد حق العيش وقت يكون شراية وكنت باكلو لكن ما ظنيت قيمته الغذائية زى دى .

Post: #240
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: فاروق حامد محمد
Date: 11-04-2006, 03:43 PM
Parent: #239

[
Quote: B] وقالوا الكيلو بتاعو باربعين درهم يعنى اغلى من اى حاجة هناك عندنا بيقوم بروس حد بياكلو مافي . كمان لقيت السويد حق العيش وقت يكون شراية وكنت باكلو لكن ما ظنيت قيمته الغذائية زى دى .

والله يا الطيب بدور أسعلك لكن معليش "الله في"

والله السعال واقف لي في حلقي !!! لكن الله ستر

Post: #241
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-04-2006, 04:20 PM
Parent: #240

Quote: والله السعال واقف لي في حلقي !!! لكن الله ستر

فاروق العسل قول الله يطول عمرك . كتلتني بالضحك الله يطلع ........

Post: #242
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-08-2006, 02:27 PM
Parent: #241

Quote:
والله يا مرتضى ضحكتني جنس ضحك

أولا حكاية مرحلة وتانيا تذكرت واحد صاحبي من النوع البباري

فوق فوق ولما واحدة يرحلوها بسيب الحتة الساكن فيها وبرحل

معاها عديييييييييييييل كده ... ومرات ببالغ ..يعني

بعمل حاجات لا يمكن تصديقها ... من حاجاته العجيبة مرة

عرف انه واحدة عرسوها ومرحلة نفسها لعريسها في ألمانيا

تصدق لقته معاها في الطيارة ... أما البمشو لندن والسعودية

ومصر فدي عادي تلقاهو حاجز وبركب قبلهن ويحجز الكرسي الجنبه

ومرة سألته قلت ليه هل سافرت مع واحدة مرحلة أمريكا ؟ قال لي

مرتين بس ... مرة واشنطن دي سي ومرة حتة كده في كاليفورنيا!!!!

ومن يومها مسمينه سندباد الحب الطاير مع الجمال حتى نهاية العالم

قبل تلاتة أربعة سنين تزوج وأنجب لكن مشاويره بقت قريبة يعني مصر

والسعودية بس.... أضحك الله سنك يا مرتضى !!!!

المرتضى يا اخوى انت ما علقت على سندباد الحب الطاير ليش؟

Post: #243
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-12-2006, 03:56 AM
Parent: #242

Quote: عليك الله يا الطيب أحكي لينا عن أول مرة أكلت فيها الدندرمة والبقلاوة!!!!

والله ما بتذكر يا الفاروق متى لكن اذكر زمان في شباب بيجوا ببيعوها لينا في حفاظات وكانت المنتوج المحلى الثاني المنافس للفول مدمس الذى كن تبيعو لينا ام حسن بصوت جميل وما كنت ادرك ان ذلك الصوت يمثل واحدة من الادوات الاعلامية للمدمس .

Post: #244
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-23-2006, 04:43 AM
Parent: #243

كل عام وانتم بخير

Post: #245
Title: Re: مريا ، صلاح احمد ابراهيم وحمد الريح - هل كان اللقاء مجرد صدفه كما قالت ليلي المغربي؟
Author: الطيب شيقوق
Date: 11-24-2006, 11:08 AM
Parent: #244

فوق