زولة واحد إتنين تلاتة (zola123).. ليك وحشة آآآآآآآآآد كده

الحضور الان بالمنتدى العام لسودانيز أون لاين دوت كوم 963 شخص » (47 )عضو و (916) زائرا

»Abd Alla Elhabib
»Abdlaziz Eisa
»Abureesh
»Ahmed musa
»amir jabir
»AMNA BAGRAB
»ateif abdoon
»Awein Majak
»Biraima M Adam
»Deng
»Hisham Osman
»Ibrahim Algrefwi
»Imad Khalifa
»jini
»kamalabas
»KOSTA
»Manal Mohamed Ali
»Mustafa Mahmoud
»Mutwali Malik
»Najm
»Nasr
»Nesta
»othman mohmmadien
»Raja
»Shams eldin Alsanosi
»showgi idriss
»zola123
»أحمد
»ابو جهينة
»اسماعيل عبد الله محمد
»الزوول
»السمندل
»جمال ادريس
»خالد الطيب أحمد
»رأفت ميلاد
»سجيمان
»شهاب الفاتح عثمان
»عبد الحميد حسين
»عمر ادريس محمد
»فضيلي جماع
»محمد البشرى الخضر
»محمد حيدر المشرف
»محمد غلامابي
»مزاحم الضوي
»مهيرة
»نصار
»هجو الأقرع

الحبيبة نوسة، وفي رواية أخرى (د. إيناس )

سلامات وشوق من هنا لغاية عندك..

بجد ليك وحشة ما تتخيليها.. إفتقدك المنبر، وإفتقدتك أوضتنا بتاعت البنات، وإفتقدك بورداب الأمارات (وأنا منهم )

كل عام وإنت بخير لرمضان والعيد ديل، ولرمضان الفات والعيدين الفاتو، ولرمضان القبل الفات والعيدين القبل الفاتو ..

يعني في طن بتاع أخبار ومتابعات منتظرك..

ودي الأكيد

فعلا رجاء زولة 123 زولة من زمن الحب ، كم احس بالاعجاب تجاها

انسانه كتبت في المنبر من اجل الآخرين ، انسانه ، دائما هي وانسانه يتشابهان داخلي

كانهم شخص واحد

زوله مشتاقين ووين انت ؟

معتصم يا عزيز..

كل عام وأنت واسرتك بخير..

أيام زولة كانت أيام زي المزيكا.. حتى الإختلاف والشكل كان غير..
ما حنتحسًر على عهد مضى.. لكن أتمنى ان يعود كل الأحباب الذين خلقوا هذا السحر الإسمو سودانيز أون لاين..

ودي

Quote: ما حنتحسًر على عهد مضى.. لكن أتمنى ان يعود كل الأحباب الذين خلقوا هذا السحر الإسمو سودانيز أون لاين..

ارفه يا رجاء ، في بداية رمضان كنت قررت ان اكتب سلسلة من البوستات ن بعنوان وسام سودانييز اون لاين ، قررت ان اكتب فيه عن الذين ساهموا في هذا الموقع بداية من ود عازة وبناديها ، لكن لا ادري اين ذهبت تلك المقدرة علي الكتابة ....


الغريبة زولة لغايت اسع قاااااعدة ومتحكرة سلام يازوله

العزيزة رجاء

وهل حقا سأعود؟؟؟؟؟؟



عارفة,لمن فتحت صفحة للرد وجاتني الشاشة جاهزة للكتابة حسيت بالفترة الطويلة المرت على آخر بوست كتبته هناتقريبا سنتين. بالرغم من مروري من فترة لأخرى لقراءة المواضيع يا رجاء, الا أنني لم استفز بعد للكتابة مجددا لا أدري لماذا.

عزيزي, ابدا لم اختفي في ظروف غامضة. ولطالما تعودت على التخطيط الدقيق لكل أمور حياتي. أصدقائي المقربون هنا كانوا يعرفون أين انا وماذا أفعل طوال السنتين الماضيتين.

أما عن أمر ابتعادي عن هذا المكان فيؤسفني أن أخبرك أن ليس فقط لظروف سفري. فقد أصبت بحالة من ( الق..) وعدم القدرة على التواجد في وسط كم من النفاق وسوء النوايا من أناس كنت أتعامل معهم بكل عفوية وحب. من كمية من القوالات والخوض في الخصوصيات دون وجه حق.
من تسيد فئات لهذا البورد لا تقدم له اي مواضيع مفيدة بل تراها تقفز من بوست لآخر تعلق هنا, تبذر بذور الشر هناك وتستغل المسنجرات والايميل لتناقل أخبار الأعضاء.والتفنن في نسج الحكايات عن هذا العضو وهذه العضوة.هذه هي شوارع البورد الخفية!
من تساقط أسماء كثيرة أمامي عندما تعاملت معها عن قرب.
لمن أكن احلم يوما بأن أنعت بالتابعية أو انعدام الشخصية لأنني أكتب في بوستات فلان, فيكرهني أعدائه, أو يحبني أصدقائه
وهي دوامة أخشى أن الكثيرين انزلقوا فيها. دون ان يخطر ببالهم أن هناك من يحب كل البشر على وجه سواء الا ان يثبت العكس. أو أننا هنا نكتب لأرضاء رغبات مختلفة قد تختلف عن تلك التي يكتبون عبرها.




لقد تغيرت كثيرا يا رجاء, ودمي بقى تقيل خالص, وغيرت طريقتي في التعامل مع الناس
ووضعت الكثير من الحواجز حولي
وبقى ما عندي وقت فراغ كتير في البلد دي للتواصل عبر الانترنت أو غيرها.
ما فاضية أحضر ولا أنظم لقاءات زي ما اتعودتوا علي, بل كرهت هذا النشاط أصلا لما جلبه لي من حزن ومشاكل.
تفتكري حتفضلي تحبيني وأنا كدة؟
حتقبلي أكتب بوست في الشهر مرة, ولأ اقدر أن أعود لأرد على المتداخلين فيه؟

مش أحسن أفضل بعيد يا رجاء؟

على فكرة, قاعدة باسمع في أغنية كل القصائد لمروان خوري, أفتكر انك بتحبي النوع ده من الأغاني
اقبلي كلماتها هديه مني ليكي......

تحياتي وحبي
ايناس

حمد لله علي سلامتك دكتورة ايناس
وقفت هنا كتير....

Quote: أما عن أمر ابتعادي عن هذا المكان فيؤسفني أن أخبرك أن ليس فقط لظروف سفري. فقد أصبت بحالة من ( الق..) وعدم القدرة على التواجد في وسط كم من النفاق وسوء النوايا من أناس كنت أتعامل معهم بكل عفوية وحب. من كمية من القوالات والخوض في الخصوصيات دون وجه حق. من تسيد فئات لهذا البورد لا تقدم له اي مواضيع مفيدة بل تراها تقفز من بوست لآخر تعلق هنا, تبذر بذور الشر هناك وتستغل المسنجرات والايميل لتناقل أخبار الأعضاء.والتفنن في نسج الحكايات عن هذا العضو وهذه العضوة.هذه هي شوارع البورد الخفية! من تساقط أسماء كثيرة أمامي عندما تعاملت معها عن قرب. لمن أكن احلم يوما بأن أنعت بالتابعية أو انعدام الشخصية لأنني أكتب في بوستات فلان, فيكرهني أعدائه, أو يحبني أصدقائه وهي دوامة أخشى أن الكثيرين انزلقوا فيها. دون ان يخطر ببالهم أن هناك من يحب كل البشر على وجه سواء الا ان يثبت العكس. أو أننا هنا نكتب لأرضاء رغبات مختلفة قد تختلف عن تلك التي يكتبون عبرها.

قد أعود و يمكن لا ...و لكنني سأظل متابعاً فهو إدمان ..
كلمات بتستحق الوقوف عنده وقفة طويــــــــــــــــلة ..

__
تشكرات للعزيزة رجاء
و قد عُدت أيضاً باول مداخلة في داركـ ..

كل عام و انتم بخير

نوبي العزيز..

سلامات وألف حمد لله على السلامة..
ما تمر به هذه الفترة، وما يعتري إيناس من كفر بالناس والمكان.. أعتبره حدثا عارضا يعتري اي منًا في وقت ما.

أتمنى ألا نجعل الشر ينتصر حينما نستسلم ونيأس من المواصلة..

وزي ما بيقولو: أجمل البوستات لم تكتب بعد ..

عيدك سعيد..

الأعزاء رجاء ورقم صفر

أنا زاتي مشتاقة ليكم
وانشاء الله تكونوا بخير وسعادة
عاجزة عن الشكر للسؤال عني وربنا يديم المحبة
حقيقة الجهاز كان فاتح لفترة في المكتبة دون أن اكون بقربه
لذالك عذرا على عدم الانتباه للبوست

سأعود حتما برد أطول حينما يسمح الوقت

تحياتي وحبي مجددا
ايناس

نوسة يا عسل..

ألف مرحب بيك مرة تانية وتالتة ورابعة كمان..
وفي إنتظار قلمك الحلو، وروحك الأحلى


معتصم يا عزيز..

كتير من الأحباب الآثروا الغياب. ربما هم رقم الآن من بين القراء
أتمنى أن يغلبهم الحنين ويأتوا الينا ليعيدوا بعضا من نسيم الماضي

ودي

حمدلله علي السلامه يازوله..طلتك سمحه..
وبعدين يا رجاء زي ماجبتيها يالله جيبي الماضي الجميل بدول ما تقعددي تعددي عليه

منًوية يا حبيبة..

مرحبتين بيك..

تعرفي حتى الناس الحلوين الموجودين هسع. بيفكروا مية مرة قبل ما يكتبوا كلمة. يجوهم ناطين ناس محاكم التفتيش وإثبات الإنتماء ومقاس الجلابية ..
الواحد بقى يجي داخل على المنبر زي الماشي حرب. ولازم في الأول تتبسملي وتقري المعوذتين وتقولي: إستعنا على الشقاء بالله. وتتمتمي كم دعاء كده من الحقظتهم ليك أمك ومعاهم يا حافظ يا حفيظ 30 مرة. عسى أن تكون الإصابات طفيفة ..

* عايزنا نرجع زي زمان..؟ قول للزمان أرجع يا زمان

ومع كده.. أي وقت وليه حلاوته.. خوفي بكرة نجي نبكي على الوقت ده ونقول يا حليل النعيم الكنا فيهو ..

ودي

منى خوجلي
أتابعك يا ظريفة وأقرأ ما تكتبين من وقت لآخر
وحاسه انك من الشموع المضيئة في هذا المكان
ابقي كما أنت
وربنا يحفظ ليك بنتك ويحفظك ليها
مع حبي

رقم صفر

سلامات,
شكرا على حسن ظنك بي,وكل يرى الناس بعين طبعه.

ناس ود عزة وبناديها وغيرهم الكثير شكلوا مرحلة مهمة من عمر البورد
كانت سماتها البراءة والحب المطلق بين كل الأعضاء
ويمكن عشان الفترة ديك ما كانت السياسة داخلة كتير في الموضوعات
كان البورد اشبه بمجلة حائط وفي احيان أخرى شات كبير
في ناس ممكن تقول انه الآن أكثر نضجا وأوسع انتشارا, لاكن في رأيي ان مراحله الأولى هي الأجمل
تخريمة:
تصدق انه اشتراكنا من 2002؟؟؟؟
ونحن على مشارف 2008؟

فيصل نوبي

تحياتي
وشكلك انت كمان في مرحلة تأمل في حال البورد
أما الادمان فالحمد لله تخلصت منه
يعني اقدر اجي وأمشي وقت ما عايزة
أديك الوصفة؟
كل شنة وانت طيب

شكرا رجاء
و بركة العودة يا زولة
معقولة الحالة هناك صعبة للدرجة دي
و لا التأقلوم بحتاج وقت قدر دا كله

نصًار يا غالي..

سلامات ومحبات..

زولة دي إختفت في ظروف غامضة. يعني لما مشيت الأمارات في 2005 قابلتها وإحتفلت بي كعادتها المضيافة المحبة.
وبعد ما رجعتا تاني كلو كلو ما لاقيتها أون لاين. عرفت انها في السودان. قمتا مشيت السودان، وطول فترتي هناك كنت بتنشًق على خبر منها. وزي الفيلم الهندي. أكون مع مجموعة يقولو لي أمبارح نوسة كانت معانا. أها أتفق مع نفس المجموعة يدبًروا لينا لقاء تاني تلاقي مليون حاجة دخلوا في الخط ..
امبارح لما لمحتا إسمها.. قلت أكيد ده هكر.. أصلو بيني وبينك الهكر كان متواجد قبل لحظات من تواجدها .. شفتا أرسين لوبين الخطير ده ..

خلينا نرجى رجعتها.. أنا متخيلة حالها دلوقتي. بيني وبينك أنا لما غبتا ورجعتا. غلبتني الكتابة ونسيتها.. وبراحة رجعت.. إتذكرتا ركوب العجلة ..

ودي

نصار

Quote: و لا التأقلوم

دي جيبتها كيف؟ الحالة قاعد في ألمانيا
ناقصاها الغين بدل القاف بس

الحمد لله, ما عندي مشكلة في (التأغلوم)
بس النفس مسدودة زي ما شرحت لرجاء

Quote: زولة واحد إتنين تلاتة (zola123)..

يا رجاء انا قايلك بتجربى فى ميكروفون...
رمضان كريم

العزيز محمد مكي..

سلام وتحية وكل عام وانت بخير..

بيني وبينك الناوي يكتب ليهو بوست اليومين دي. لازم ينفخ في الميكرفون عشان الكترابة القايمة بي برة دي.
فما بين جلابي وعراقية، وعضلاتي وعضلاتك تضيع أهم القضايا..

غايتو بس نرفع إيدينا للخالق يعدل مايلة المنبر..

دمت

Quote: يا رجاء انا قايلك بتجربى فى ميكروفون... رمضان كريم

شغلك نضيف!
لكين البنيات ديل رجاء وزولة كان جاهن وجع راس سكت!
شوف ليك بلد
جنى

to you and to your family

الاخت العزيزة زولة والاستاذة الفاضلة رجاء


زمن طويل يا زولة....ان شاء الله خير

لكما ودي

وكل عام وانتم بخير

والله يا جماعة الزولة دي مشتاقين ليها عديل كده
على فكرة يا دكتورة العيد على الأبواب
وأوضة البنات لسة ما نضفناها وما سعفنا
والخبيز لسه،،
تعالي بسرعة


سلامات يا رجوية

غادة

غادة خالد

عارفة يا غادة باتخيلك لو كنا عايشين في نفس البلد
كنا حنكون أصحاب (بجد) ما عارفة لي

الأوضة عليك الله راجياني ده كله عشان أنضفها؟ أبييييت
خبيز ممكن

تحياتي

ياسر عبد القادر
خير اللهم اجعله خير

كل عام وانت بخير

مصطفى محمود
عيدك مبارك وكل الأعياد القادمة

شكرا على الكارت الظريف

جني يا غالي..

سلام ومحبة..

عايزين ميكرفون نسمع فيهو: ألو ألو ألو.. واحد اتنين تلاتة.. أوووف أووووف. تيست تيست تيست ...
وبعد داك يجينا جنرال ينزل البيان الأول للإنقلاب ويقول:
لقد تم وضع قوانين ولوائح جديدة في هذا المكان..
أولا: المسئولية هي التي تميز الأعضاء وليس الدين او العرق أو لون الجلابية..
ثانيا: يمنع منعا باتا بوستات (الطرشان). أي البوستات التي لا يقرا فيها المتحاورين ما يكتبه الآخرون ويظلوا يرددون في كلام لا لون له او طعم او رائحة.
ثالثا: اي بوست يجب أن يكون له هدف، بداية، نقاط نقاش، ونهاية هي النتيجة المتوصل إليها بعد النقاش.
رابعا: كل من يعتبر البوستات الخفيفة بوستات هايفة. عليه ان يكتب آرائه في مدونة من مدونات النت الكتييرة. لأنه لولا هذه البوستات لما احتملنا هذا المكان.
خامسا: أي عضو يعتبر نفسه أرسطو زمانه أو سياسي عصره، عليه بالتوقف من الكتابة لمدة أسبوع ليقرا ما يكتب في المنبر حتى يعرف أن حواء والدة والنعم واجدة. فكلنا أرسطو. وكلنا بسمارك.
سادسا:....
كفاية لغاية كده الليلة..

ودي

جني

كل سنة وانت طيب

الحبيبة نوسة..

أولا وقبل السلام والكلام.. أعلن إني سأحبك كما كنت ومثلما ستصبحين..

Quote: العزيزة رجاء وهل حقا سأعود؟؟؟؟؟؟ عارفة,لمن فتحت صفحة للرد وجاتني الشاشة جاهزة للكتابة حسيت بالفترة الطويلة المرت على آخر بوست كتبته هناتقريبا سنتين. بالرغم من مروري من فترة لأخرى لقراءة المواضيع يا رجاء, الا أنني لم استفز بعد للكتابة مجددا لا أدري لماذا. عزيزي, ابدا لم اختفي في ظروف غامضة. ولطالما تعودت على التخطيط الدقيق لكل أمور حياتي. أصدقائي المقربون هنا كانوا يعرفون أين انا وماذا أفعل طوال السنتين الماضيتين. أما عن أمر ابتعادي عن هذا المكان فيؤسفني أن أخبرك أن ليس فقط لظروف سفري. فقد أصبت بحالة من ( الق..) وعدم القدرة على التواجد في وسط كم من النفاق وسوء النوايا من أناس كنت أتعامل معهم بكل عفوية وحب. من كمية من القوالات والخوض في الخصوصيات دون وجه حق. من تسيد فئات لهذا البورد لا تقدم له اي مواضيع مفيدة بل تراها تقفز من بوست لآخر تعلق هنا, تبذر بذور الشر هناك وتستغل المسنجرات والايميل لتناقل أخبار الأعضاء.والتفنن في نسج الحكايات عن هذا العضو وهذه العضوة.هذه هي شوارع البورد الخفية! من تساقط أسماء كثيرة أمامي عندما تعاملت معها عن قرب. لمن أكن احلم يوما بأن أنعت بالتابعية أو انعدام الشخصية لأنني أكتب في بوستات فلان, فيكرهني أعدائه, أو يحبني أصدقائه وهي دوامة أخشى أن الكثيرين انزلقوا فيها. دون ان يخطر ببالهم أن هناك من يحب كل البشر على وجه سواء الا ان يثبت العكس. أو أننا هنا نكتب لأرضاء رغبات مختلفة قد تختلف عن تلك التي يكتبون عبرها. لقد تغيرت كثيرا يا رجاء, ودمي بقى تقيل خالص, وغيرت طريقتي في التعامل مع الناس ووضعت الكثير من الحواجز حولي وبقى ما عندي وقت فراغ كتير في البلد دي للتواصل عبر الانترنت أو غيرها. ما فاضية أحضر ولا أنظم لقاءات زي ما اتعودتوا علي, بل كرهت هذا النشاط أصلا لما جلبه لي من حزن ومشاكل. تفتكري حتفضلي تحبيني وأنا كدة؟ حتقبلي أكتب بوست في الشهر مرة, ولأ اقدر أن أعود لأرد على المتداخلين فيه؟ مش أحسن أفضل بعيد يا رجاء؟ على فكرة, قاعدة باسمع في أغنية كل القصائد لمروان خوري, أفتكر انك بتحبي النوع ده من الأغاني اقبلي كلماتها هديه مني ليكي...... تحياتي وحبي ايناس

أحزنتني نبرة الأسى في أحرفك الصادقة. ولأني كنت هناك وخبرت هذا الطعم، فأنا أتفهم أي كلمة كتبتها.
سأهديك طريقتي في التعامل مع الأشياء:
أولا لا تهتمي بما يفعله الآخرون حتى ولو كان مؤذيا لك. لأن اي شخص يتصرف ويتعامل بأخلاقه وأصله. ولا يمكننا أن نتنازل عن أخلاقنا فقط لنجاري دناءة الذين اساءوا لنا.
أعلمي يا حبيبة أنك طالما تستطيعين آخر اليوم النوم في سلام. فهذا هو المهم. طالما لم تؤذي او تكوني طرفا في مؤامرة ضد بشر. هذا مهم أيضا. أما من تكون سيرة البشر هي شغلهم الشاغل. فأنا أرثى لحالهم ولا ياخذون من وقتي وتفكيري سوى لحظات الصدمة الأولى لأذيتهم لي.
لن أطلب منك إلا أن تكوني أنت. (مش زولة المعدًلة). وأن تسقطي من حساباتك كل (ما) (من) يعكًر صفو نفسك السمحة.
الدنيا جميلة وبها بشر أجمل. أنظري حولك لتعرفي كم من الأصدقاء هنا يسبًح الواحد مننا حمدا وشكرا أنه بينهم. ناس لا تربطك بيهم لا علاقة دم أو نسب أو زمالة عمل أو حتى رأيتم بعضكم البعض. وبالرغم من ذلك تجدين منهم مسك الكلام وطيب التعامل وأصالة الموقف.
هؤلاء جديرون أن نعيد ثقتنا في أنفسنا كبشر من أجلهم. وأعترف لك. أنه لولا النفر الكريم في هذا المكان لفقدت الثقة في نفسي منذ عام 2003 حينما تعرضت لأكبر حملة تشويه إسم وسمعة في تاريخ المنابر.
هؤلاء الزملاء والأهل. وقفوا معي ولم يكونوا يعرفونني شخصيا. كنت أتلقى يوميا العشرات من الإتصالات الداعمة والمطمًنة للسؤال عن حالي وتشجيعي وتأكيد أنهم معي. وقد كانوا
..
لا اقول أن المنبر مدينة فاضلة.. لأ
ولكن النذر اليسير من القبح قادر على ان ينكمش حالما يتمدد الجمال.. فلماذا لا نترك أرواحنا الجميلة تتمدد..؟؟

سؤالك: مش أحسن أفضل بعيد يا رجاء؟
لا.. ما تفضلي بعيد. تعالي لنتشارك فرحنا، حزننا، شقاواتنا، مغامراتنا، وحتى هيافاتنا من وجهة نظر البعض..


* بالمناسبة مروان خوري فنان بدرجة (جنرال).. و(كل القصايد) أعتبرها تمرين عالي للتأمل (Meditation)،،،
حبي الوافر

يجرحنا ويؤلمنا ان نضع قلوبنا بيضاء وفيه في ايديهم...فيخذلوننا..
ويشقينا أن نعطي الغير الثقه فيخونونا..
وهذه الأنواع من البشر موجوده في كل مكان..في الأسره الممتده..في المكاتب ..
وفي مقاعد الدراسه..فنجد البعض يسرق المعلومات من دفاترنا والتي كتبناها لينجحوا هو..

وأنواع البشر الغريبه كثيره..
بعضهم ان فتحتي لهم قلبك وحرصتي علي التفاني في العلاقه معهم يعاملونك باهمال...
وفي ظنهم انكي ستستمرين في حبهم والتفاني في علاقتك معهم حتي ان كثر تقصيرهم..

ولكن..

هناك ايضا من هم صادقين في علاقتهم معك..
من يطمئن عليك لأنه يشعر بواجب الأطمئنان عليك..
يمدون العون بفرح وود..يحبون الخير للغير كما يحبونه لأنفسهم..
لا يأتون بسيرة الغير الا بالخير ولا يعرفون طريق تدبير المكايد..
ومن اجل هؤلاء ومن اجل مجتمع افضل..لا نستسلم..
لا نسمح للشر بالأنتصار..
وعندما يضايقونا..نقول حسبنا الله ونعم الوكيل..ونبعد عنهم هم فقط
والحق لا يجب أن ينسحب..ولا أن يتعب للأبد..
والا..كيف يكون حقا؟؟

عندما انضممت انا لسودانيزاون لاين كنت انت قد بداتي رحلة الأنسحاب..
لم نتعارف جيدا..
ولكن..آمل فعلا أن تاتي وتقيمي كما فعلتي في الماضي..
وان تتوقعي للشر ان يستمر وكذلك للخير..
فقط لتسعي لأن يبقي الأخير..
الانسحاب ليس حلا للأصلاح ..ومن واجبنا الأصلاح في اي مكان نذهب اليه..

تحياتي ومودتي..

العزيزه إيناس
رمضان كريم وكل سنه وانت طيبه
كدى أسعى كلام أختك العاقله رجاء وقول ىبسم الله وبعدين ما زول ماخدمنها حاجه والناس مختلفين والاخلاق خشم بيوت.... عودى والعود أحمد وتاكدى أنو كلنا أخوانك واخواتك ...
وافر الود والا حترام
========================
بمناسبه الجنرال .... يارجاء ملاسى عندو مارشال عديل... وقبل كم يوم بكرى برضه جايب جنرال ...الحكايه شنو???

محمد مكي

أسعاه كيف ما فهمت؟؟؟

كل شنة وانت طيب
ولك من الود والأحترام أوفره برضو

Quote: محمد مكي أسعاه كيف ما فهمت؟؟؟ كل شنة وانت طيب ولك من الود والأحترام أوفره برضو

ده خطأ مطبعى
المفروض انها (أسمعى كلام اختك العاقله رجاء وما فى زول ماخد منها حاجه..الخ)
وآسف للبس
تحياتى

اخيراً قدرتو ان تقتلعوا الحروف منهاوتخلوها تظهر افتراضياً

زمان قبل سنه كدا كتبت بوست متسائلاً عنها ولم اجد مجيباً

الحمد لله خير

في انتظار مساهماتك في وضع علاج للأمراض التي تحدثتي عنها

محمد الواثق

تحياتي
لأول وهله حسبت انك تتكلم عن أمراض البدن, وكنت حاقول ليك أنا مين عشان أضع لها علاجا
و لو كنت بتتكلم عن الأمراض الاخلاقية التي ذكرتها فدي برضو ما عندي ليها حل غير اني ابعد عنها

شكرا على السؤال عني

B back after Fatoor

Greetings 2 All

لا حولا .. الحى بلاقى .. اقصد (الزول) ه .. بلاقى !!

تاج السر

سلامات
انت لسة ؟

الاخت العزيز زولة 123
مسكاقمي
كل سنة وانت طيبة
وعيد سعيد
ناس الزمن السمح ظهروا تاني
يا دكتورة انت مشيتي وين
انت بتذكر أنك اخر مرة مشيتي الخرطوم ورجعتي وعملت بوست رائع وحكيت عن الرحلة وعن الاهل والسودان ومن داك فجأة اختفيتي .
حمد لله على العودة
وجيدن جيت

حمزاوي
كل سنة وانت طيب
في سنة وكم شهر سقطوا في الحساب

تحياتي

كل عام وجميع من مر هنا بخير

سلام ياكرام
وعيد سعيد
رجاء وضيوفها
..........
زولة فعلاً إنسانة رائعة وبيضاء الصفحات وهي فعلاُ زولة أخت أخوات وأخت أخوان
.........
برضو معليش.. أكل عيش صرفنا عنكم طويلاً
........
لكن نحن باقون في جميع الحالات
القبيح نجمله هنا أو نصبر عليه أو نعده ضريبة الترقي
والجميل يسرنا ويفرحنا ويزيدنا هنا
نحن معكم ولكن ظروف الشغل القاهرة
صديق منصوري

الأحباب جميعا..

كل عام وأنتم وأهل بيتكم بألف خير..

زولة ياحبيبة
سلام وتحايا وشوق
واماني برؤياك الغالية..... قريبا