Post: #1
Title: دفـتـر يـومـيـاتـي..
Author: Raja
Date: 02-28-2007, 09:29 PM
Parent: #0
الأحباب الزملاء والقراء..
سلام الله عليكم..
في هذا البوست، سأضع رابط أي بوست جميل لم يجد حظه في التواجد في الصفحة الأولى التي تمتلئ عن آخرها بمواضيع فيها المفيد وفيها ما يدفع بمثل هذه البوستات للصفحات الجوانية..
الدعوة مفتوحة لكل من يجد بوستا شهيدا يريد أن يشارك به القراء..
تخريمة: عنوان البوست لسببين:
الأول إن الفضول حيدفع بالبعض للدخول لقراءة يومياتي.. عادي
الثاني سيكون هذا البوست هو أول بوست أفتتح به قراءتي للمنبر وآخر بوست برضو
ودي الكتير
|
Post: #2
Title: Re: دفـتـر يـومـيـاتـي..
Author: Raja
Date: 02-28-2007, 09:30 PM
Parent: #1
البداية مع أحلى هدية من الفاتح ياسين مزيكا ترد الروح
رمال لأطفال دارفور
..
يتبع
|
Post: #4
Title: Re: دفـتـر يـومـيـاتـي..
Author: عاطف عمر
Date: 02-28-2007, 09:38 PM
Parent: #3
سلامات يا رجاءنا
باكر كان الله حيانا نبدأ من الصفحة العاشرة ، ونفتش ( الضحايا ) ونجيبهم ليك
دمتي بألف خير
|
Post: #5
Title: Re: دفـتـر يـومـيـاتـي..
Author: Raja
Date: 02-28-2007, 09:40 PM
Parent: #4
عاطف يا غالي..
سلامات ومحبات..
هسسع أنا غاطسة في صفحة 10، وجبت منها موضوع حالي وعلامة إستفهام ودعوة من خالد عويس:
سامي الحاج
في إنتظارك باكر
|
Post: #6
Title: Re: دفـتـر يـومـيـاتـي..
Author: Raja
Date: 02-28-2007, 09:46 PM
Parent: #1
أوووبس.. نسيت أكتب في العنوان "يوجد صور" ..
بالمناسبة حاكتب يومياتي. يعني لازم نستفيد من عنوان البوست..
وحيكون في صور كمان
وده وعد..
|
Post: #7
Title: Re: دفـتـر يـومـيـاتـي..
Author: تاج الدين عبدالله آدم
Date: 02-28-2007, 09:52 PM
Parent: #1
الاخت العزيزة رجاء, لك التحية, وسعيد بالتعرف بك عبر هذا المكان.
واصلي, فنحن متابعين.....
|
Post: #9
Title: Re: دفـتـر يـومـيـاتـي..
Author: Raja
Date: 02-28-2007, 10:04 PM
Parent: #7
تاج الدين العزيز..
وأنا أسعد بالتعرف على شباب يدونا أمل في بكرة.. زيك..
دمت
|
Post: #8
Title: Re: دفـتـر يـومـيـاتـي..
Author: ماجدة عوض خوجلى
Date: 02-28-2007, 09:55 PM
Parent: #1
رجاء ازيك
Quote: الثاني سيكون هذا البوست هو أول بوست أفتتح به قراءتي للمنبر وآخر بوست برضو
ودي الكتير |
طبعا انا بحب الشمارات علشان دخلت كده انتى صح فىالجزء البيتعلق بالعنوان والسبب التانى لانو اول بوست ليكى بعد الاجازة
التالت علشان اقول ماشيه وين وانتى جيتى هسه
كيف الحاجه انشالله كويسه
تحياتى
|
Post: #10
Title: Re: دفـتـر يـومـيـاتـي..
Author: Raja
Date: 02-28-2007, 10:04 PM
Parent: #8
ههههههههه يا ماجدة..
الشرك نفع يعني يا حبيبة..
لا قصدي إني كل يوم حأبدأ بالبوست ده، وقبل ما انوم برضو بعدًي عليهو..
الحجة بخير.. طبعا كانت كاسرة يديها اليمين.. موال صعب شديد..
تعرفي برااحة ممكن نتونس في البوست ده.. مش هو يوميات؟
تحياتي لماما جارة وسمير وكل الحبايب..
|
Post: #11
Title: Re: دفـتـر يـومـيـاتـي..
Author: رأفت ميلاد
Date: 02-28-2007, 10:07 PM
Parent: #8
كيفك يا رجاء
الفكرة جميلة جدآ
مرات الواحد يكون متابع بوستات دسمة جدآ
تقوم شكلة وتفور البوستات ما تلقيهم فى سلقط ملقـط
حأستغل بوستك وأدس فيه بوستاتى المتابعا
المصيبة يضيع هو زاتو 
تحياتى
|
Post: #13
Title: Re: دفـتـر يـومـيـاتـي..
Author: Raja
Date: 02-28-2007, 10:23 PM
Parent: #11
ياااا مراحب بالغالي من ريحة الغالين رأفت..
جيب كل بوستاتك العايز تدكنها هنا، وأوعدك إنو في الفترة الجاية البوست ده ما يمشي الصفحة التانية..
إن شا الله أرفعه بشكلة ..
في إنتظارك
|
Post: #12
Title: Re: دفـتـر يـومـيـاتـي..
Author: ماجدة عوض خوجلى
Date: 02-28-2007, 10:09 PM
Parent: #1
لكن الشرك ماعندك بس اعملى حسابك مايقبض ليك دبيب
مشتاقين الحاجه فى السودان وسمير هايص
|
Post: #14
Title: Re: دفـتـر يـومـيـاتـي..
Author: Raja
Date: 02-28-2007, 10:26 PM
Parent: #12
يا ماجدة الدبايب ما بتجي بي هنا، عارفين ده ما الإستايل بتاعهم
ما عندك جية قريبة للقاهرة..؟
|
Post: #15
Title: Re: دفـتـر يـومـيـاتـي..
Author: معاوية كرفس
Date: 02-28-2007, 11:23 PM
Parent: #1
.
أقول ليك حاجة يا رجاء
إنتي بت جميلة
و البتسوي فوقو هسع دا جمالو أصلاً ما لاقاني .
لكن في جملة انتي كتبتيها
انا خفت منها شديد
وكدي عايني لي التحتو سطر في الكوت دا :
| Quote: الثاني سيكون هذا البوست هو أول بوست أفتتح به قراءتي للمنبر وآخر بوست برضو |
بالجد أنا خفت شديد
من قطعة تاني طويلة
يا بت الناس أفهمي إنو
وجودك هنا ضرورة.
ودي
م.كرفس
|
Post: #16
Title: Re: دفـتـر يـومـيـاتـي..
Author: Raja
Date: 02-28-2007, 11:58 PM
Parent: #15
معاوية يا هميم..
سلامات ومحبات..
زي ما قلت لماجدة فوق.. أنا عنيت آخر بوست أقراهو بالليل..
قاااعدة ما تخاف.. ما أظني حأمشي..
دمت
|
Post: #17
Title: Re: دفـتـر يـومـيـاتـي..
Author: نصار
Date: 03-01-2007, 00:45 AM
Parent: #1
العزيز رجاء
يعني نخت في بطنه بطيخة صيفي و نعاود كتابة مواضيع جديدة؟؟؟؟؟؟
يا سلام علي مواصلة افكارك المبدعة
|
Post: #18
Title: Re: دفـتـر يـومـيـاتـي..
Author: Raja
Date: 03-01-2007, 01:00 AM
Parent: #17
نصار يا حبيب..
سلام وشوق كتير كتير..
خت في بطنك بطيخة صيفي وأكتب لينا..
تعرف مرات في كتابة بتحفزك وبتعمل "brain storming" نحن في حاجة ليها.. كبرنا على المناهدة ..
135 و حكاوي و احاجي و كدا
ودي
|
Post: #19
Title: Re: دفـتـر يـومـيـاتـي..
Author: Raja
Date: 03-01-2007, 01:05 AM
Parent: #1
ده بوست فنااان من الخواض الفنان
..... فلسكاب
..
|
Post: #21
Title: Re: دفـتـر يـومـيـاتـي..
Author: الفاتح يسن
Date: 03-01-2007, 01:30 AM
Parent: #20
شكرا لزرك رمالي على افتتاحية يومياتك ولي قدام مع الاحترام
|
Post: #27
Title: Re: دفـتـر يـومـيـاتـي..
Author: Raja
Date: 03-01-2007, 03:40 PM
Parent: #21
الفاتح العزيز..
سلامات..
شكرا ليك للهدية الرايعة..
ودي حاجة جميلة من شرنوبي الحبيب:
وحم كاذب (كاتابات هابطة فى زمن جاد)
..
|
Post: #23
Title: Re: دفـتـر يـومـيـاتـي..
Author: رأفت ميلاد
Date: 03-01-2007, 09:50 AM
Parent: #22
بسم الله
نرفع البوست وندس لينا حاجة
والتلصص على يوميات البنات برضو لزيز
ود الشلهمة
|
Post: #30
Title: Re: دفـتـر يـومـيـاتـي..
Author: Raja
Date: 03-01-2007, 06:13 PM
Parent: #23
رأفت يا عزيز..
تعرف حكاية قراية مذكرات البنات دي هي الشرك زاااتو..
البوست ده من أجمل البوستات القريتها وشاركت فيها، بدأ بفيلم حلو وإنتهى بمتابعتنا الحية للأوسكار..
السينما من أجمل الفنون الفي العالم.. وبالمناسبة دي في سنة من سنوات "الشباب" سجلت في معهد السينما في القاهرة لدراسة الإخراج.. وبديت بالفعل، لكن الحاجة قالت لي لو ما خلًصت الكلية الاتقبلت فيها "بمجموع وليس رغبة" ما ابدأ شئ تاني..
تركت الإخراج وكل يوم تزداد الرغبة للعودة.. وسأفعلها حتى ولو كان عمري 90 سنة..
البوست بتاع "سمارت هي 2001":
مريم بنت الحسين :واحد من الافلام اللى (ح) تحبيها نزل اليوم فى السينما
..
|
Post: #45
Title: Re: دفـتـر يـومـيـاتـي..
Author: Raja
Date: 03-02-2007, 11:04 PM
Parent: #22
+
|
Post: #24
Title: Re: دفـتـر يـومـيـاتـي..
Author: معروف حمدين
Date: 03-01-2007, 11:15 AM
Parent: #1
أستاذتنا/ رجاء
اضافة الجمال لموقع الجمال ..
ودا الرائع تمبس
..نجمــات .. نجــوم الغــد
|
Post: #25
Title: Re: دفـتـر يـومـيـاتـي..
Author: حبيب نورة
Date: 03-01-2007, 03:19 PM
Parent: #24
نوقع ونبايع
ونقول ونردد
أنتي الرجــا والمرتجــا العمرو ما خيّب رجــا
|
Post: #36
Title: Re: دفـتـر يـومـيـاتـي..
Author: Raja
Date: 03-02-2007, 01:02 AM
Parent: #25
حبيب نورة العزيز..
سلامات ومحبات..
مليون مراحب..
|
Post: #34
Title: Re: دفـتـر يـومـيـاتـي..
Author: Raja
Date: 03-01-2007, 11:17 PM
Parent: #24
العزيز معروف..
سلامات ومراحب..
البوست الجبتو ده من أجمل البوستات في العقد المنصرم..
وده بوست للصحفية العصامية عواطف أحمد إسحق:
جريدة الرحيل قريبا علي الموقع
وفي إنتظار بوستات جميلة تانية
|
Post: #28
Title: Re: دفـتـر يـومـيـاتـي..
Author: essam&amal
Date: 03-01-2007, 04:01 PM
Parent: #1
رجوية العسل
بارك الله فيك
حسيت براحة بال شديدة وانا اتصفح واعيد
ذكريات من سنة 2004 .
صراحة البورد خليه كده بدون تعليق ,
بقينا نزور عشان نبارك او نقدم واجب العزاء فقط
رجعينا وخلينا نكتب بوستاتنا الحلوة
انا لابدة مع يومياتك لى ساعتين ما طلعت للمنبر
ولا ناوية .
شكل اليوميات دى حتكون شجرتى بتاعت الونسة الظريفة
حازورك كل يوم ولا اقول ليك فى اليوم كم مرة كدة
تحياتى لبنات العباسى والوالدة الحنينة والف حمدا لله
على سلامتها .
ارسل عبرك للحبيبة لنا مهدى بزيارتنا فى موقعنا الجديد
هنا { منتدى العباسى للثقافة والفنون }
تحياتى يا راقية ,,,,,,,,,
ام وضاح
|
Post: #38
Title: Re: دفـتـر يـومـيـاتـي..
Author: Raja
Date: 03-02-2007, 03:55 PM
Parent: #28
الحبيبة أم وضاح وشيماء..
سلام ومحبة يصلوك محل ما إنتي قاعدة..
تعرفي هو مافي غير الأيام الجميلة وذكراها المخلينا مواصلين لغاية هسع..
مفتقدة سوركتي وعلي عثمان.. يا ربي الحاصل عليهم شنو؟
إتفقنا خلاص إنو اليوميات دي حتبقى شجرتنا.. البيزور كله، نكرمه ببوست يهدئ الاعصاب وونسة حلوة تنسيه الكتاحة الجا منها..
لنا زاتها وينها؟ ليها ايام مختفية..
..
أنا قاعدة في القاهرة لغاية الأسبوع الأخير من مارس ده. لأنه المفروض أول أبريل أمشي لي لمكان تاني لسة ما عارفاه، لكن المرة دي حتى وأنا بعيدة لازم نتواصل..
سلامك وسؤالك وصلو للحجة.. وكل بنات العباسي، وحملوني السؤال والتحايا ليك ولوليداتك..
أديك البوست بتاع حامد برقو.. من أحلى البوستات
الي الصحافيين: كيف تصبح ملحقا ثقافيا بسفاراتنا في زمن قياسي
وي ليك، وفي إنتظارك
|
Post: #31
Title: Re: دفـتـر يـومـيـاتـي..
Author: فيصل عباس
Date: 03-01-2007, 08:01 PM
Parent: #1
بيومياتك دي ,,
تعرفي انك احبطيني جدا لاني هيأت نفسي اليها ،ودعوت اليها صديقي (كوب القهوه)قبل ان ناتي اليك,,
واتخدعنا انا وصديقي كوب القهوه الذي (تنرفز من فعل الاحباط البقى ملازم )واندفق في قميصي من الزعل
لكن الجميل في الامر انو جاء ناطي لي كلام امي الزمان عشان يرضيني (جاياك قروش)
وفرحت واتجاوزت زعلي منو وابينا نسبك ,,
وتعرفي لي الليله المرتب ما بيكون جاء وكوب القهوه غادر رفقتي,,
واليوميات طلعت وهم جميل بربط بجمال آخر في آخر بدايتو
وده العزاء الوحيد..
لكن كويس انك جيتي
عشان تملي المنبر بحراك مختلف ,,
لكن بقول ليك وصيه قبل ما امشي
اقعدي جنب يومياتك ديل عشان تحرسيها ما يمشن الصفحه رقم 40
في 10 دقايق..
|
Post: #89
Title: Re: دفـتـر يـومـيـاتـي..
Author: Raja
Date: 03-13-2007, 00:00 AM
Parent: #31
فيصل عباس يا حبيب..
طبعا الكبر حصل.. وكنت فاكرة إني رديت عليك، لأني كنت بتكلم وأنا بقرأ في مداخلتك..
ضحكت شديد على المقلب الحصل عليك.. يتخيل لي لو قررت في يوم أنشر يومياتي حتلاقي الناس زي يوم الحشر.. لأنهم بيتخيلو إنها مليانة بالمثير العجيب.. خليهم على كده.. لأنه الما عارف يقول....
وأتمنى إنه "دلق القهوة" جاب خير.. وبالمناسبة أنا بحب القهوة وقراية فنجانها.. لما أغلب وما الاقي شغل حافتح لي محل لقراية الفنجان والكف..
تحياتي ليك يا عزيز.. وسؤالي عن حال الدنيا معاك..
ودي لناس البيت
|
Post: #33
Title: Re: دفـتـر يـومـيـاتـي..
Author: Raja
Date: 03-01-2007, 09:40 PM
Parent: #1
be back soon
|
Post: #35
Title: Re: دفـتـر يـومـيـاتـي..
Author: ماجدة عوض خوجلى
Date: 03-02-2007, 00:26 AM
Parent: #1
انا جيت
|
Post: #37
Title: Re: دفـتـر يـومـيـاتـي..
Author: Raja
Date: 03-02-2007, 03:28 PM
Parent: #1
لحقنا قبل ما يصل الصفحة التانية..
صباح الخيرات عليكم/ن
|
Post: #39
Title: Re: دفـتـر يـومـيـاتـي..
Author: عبدالكريم الامين احمد
Date: 03-02-2007, 04:08 PM
Parent: #37
نسلم علي الاخت رجاء والجميع هنا
وانا يا جماعة (مجرم حرب) سابق
خلاص وقفت كل حروبي الاسفيرية الما بتجيب قصة تام زين دي..
وجاي (البد) البوست بتاعي معاكم بجاي لحدي ما يرجع لينا(المود) بتاع الكتابة
زي كلامكم السمح ده..ونواصل معاكم...
وتحياتي لكم جميعا..
حكايات (قوي) الذي مات بالكوليرا في ابيي ..واخريين..!!
|
Post: #59
Title: Re: دفـتـر يـومـيـاتـي..
Author: Raja
Date: 03-04-2007, 10:03 PM
Parent: #39
العزيز عبدالكريم..
سلام ومراحب بيك وبأي من البوستات البتجيبها.. بس خلي بالك من بوستات المجانين ..
دمت..
|
Post: #73
Title: Re: دفـتـر يـومـيـاتـي..
Author: Raja
Date: 03-07-2007, 11:38 PM
Parent: #59
_
|
Post: #67
Title: Re: دفـتـر يـومـيـاتـي..
Author: Raja
Date: 03-06-2007, 04:09 PM
Parent: #37
|
Post: #40
Title: Re: دفـتـر يـومـيـاتـي..
Author: Raja
Date: 03-02-2007, 04:28 PM
Parent: #1
وده بوست جميل بشكل ما عادي لتاج السر الملك:
الأسماء الحلال
..
|
Post: #41
Title: Re: دفـتـر يـومـيـاتـي..
Author: عاطف عمر
Date: 03-02-2007, 04:59 PM
Parent: #1
رجاءنا
صباحاتك ندية
كيف كان الفيلم ؟؟
أهديك هذه القصة ( في بوست الثقافة الشفاهية )
كما أهديها للأخت سارة حمزةQuote: تعالوا نسمع قصة السيد المرحوم ميرغني حمزة مع ( المهدية ) يرويها الدكتور منصور خالد .
" نستذكر قصة مع ميرغني حمزة رحمه الله . كان ميرغني بين أبناء جيله رجلاً شامخاً . لا يلحق شأوه في النظرة العقلانية للأمور العامة ، إلا أن تلك العقلانية لم تسعفه في حالة واحدة : نظرته للمهدية . سألته : لماذا- مع عقلانيته- يبغض المهدية بغضاً غريزياً ؟؟ لم يرق له السؤال ، بل تجهم وجهه وأخذ يحملق فىً وكأنه يقول : ما أغباك !!! ثم أخذ الكلام يتلكأ في لسانه ( وتلك حالة كانت تعتريه دوماً عند الغضب ) قبل أن ينطلق : إنت... إنت ... إنت ما عارف أنا إتولدت وين ؟؟؟ ولدتني أمي في الصحراء ، تحت ظل شجرة تنضب أثناء هروبها من المتمة حماية لشرفها مما لحق بغيرها من بنات الجعليين . " |
|
Post: #42
Title: Re: دفـتـر يـومـيـاتـي..
Author: adil amin
Date: 03-02-2007, 05:10 PM
Parent: #41
العزيزة رجاء
تحية طيبة
عايزين موسيقى تصويرية للبوست ده
ارجو ان يكون لفت نظرك ابداعات صابرين الدباغ الاخت المصرية في البورد
|
Post: #44
Title: Re: دفـتـر يـومـيـاتـي..
Author: essam&amal
Date: 03-02-2007, 08:01 PM
Parent: #1
يا سلااااااااااااااااام
الله يفرج همك
ويزيح غمك
يا بت العباسى
ام وضاح
|
Post: #46
Title: Re: دفـتـر يـومـيـاتـي..
Author: Raja
Date: 03-03-2007, 00:09 AM
Parent: #1
|
Post: #48
Title: Re: دفـتـر يـومـيـاتـي..
Author: عاطف عمر
Date: 03-03-2007, 01:22 PM
Parent: #47
ينقل من الصفحة الثانية إلى الصفخة الأولى مترقياً
|
Post: #51
Title: Re: دفـتـر يـومـيـاتـي..
Author: nourelhadi awad
Date: 03-03-2007, 04:29 PM
Parent: #1
قريناك قبل كمين يوم ولاثمة رد
وقد أجبرنا شخصك أن نرد بذات الإجبار يومها إكبارا
لفرح العودة
وذاك البوست أغلق دون اشعار آخر
وأسقط بفعل التقادم
وردد أستقبالنا الصدي
ونأمل بأب ديت حتي لاتنالنا سلة...
مهمش
لي العتبى إن تباقص دخولي هاهنا
|
Post: #52
Title: Re: دفـتـر يـومـيـاتـي..
Author: Raja
Date: 03-03-2007, 04:50 PM
Parent: #51
النور الهادي النبيل..
سلامات ومحبات جمة..
شفت مداخلتك في بوست الواجب، وقريت كلامك ولو ما الخوف من زعل الحبايب الفوق البوست كنت نطيت وسلمت عليك وقلت ليك ترحيبك بي خلاني طايرة من الفرح طير..
والبوست داك كل يوم بمشي ارد على كمين حبايب، حتى إني خاتاهو هنا عشان الاقيهو طوالي، وعمري ما تجاهلت حرف لي زول فما بالك حرف جميل وأخضراني؟
دخولك ليومياتي أسعدني وعدل يومي "بخاف من يوم السبت.. ما عارفة ليه..؟"
وبالمناسبة "بحسدك" على تطويع اللغة بالشكل السمح ده..
ودي الوافر
|
Post: #53
Title: Re: دفـتـر يـومـيـاتـي..
Author: nourelhadi awad
Date: 03-03-2007, 05:38 PM
Parent: #1
خلاص يازولة صافية لبن
وذي لون أبتسامتك
وشكرا على الكلام الرسم
نورالهادي
|
Post: #54
Title: Re: دفـتـر يـومـيـاتـي..
Author: Raja
Date: 03-04-2007, 04:05 PM
Parent: #1
مشيت لقيتو في قعر الصفحة التانية متوجها للصفحة التالتة..
غيبتي كانت غصبا عني.. بالمسا حصلت مشكلة في توصيلات النت..
سلام
|
Post: #55
Title: Re: دفـتـر يـومـيـاتـي..
Author: essam&amal
Date: 03-04-2007, 04:18 PM
Parent: #1
بت العباسى الحبيبة
سلام ,,,,,,,,,,,,,,
انكتى لينا لسه من الآخر الروائع الفاتتناكلها
عشان انت عارفاها كلها .
انا كنت بشيل شختك بختك لكن بعد دفترك ده ارتحت
راحة الله يريحك دنيا وآخرة .
وتانى ما بتلقيه الا فى الصفحة دى بس ,,
ام وضاح
|
Post: #57
Title: Re: دفـتـر يـومـيـاتـي..
Author: عبد المنعم سليمان
Date: 03-04-2007, 04:56 PM
Parent: #1
| Quote: سيكون هذا البوست هو أول بوست أفتتح به قراءتي للمنبر وآخر بوست برضو |
قلنا ليكم ياااخ بوس(ط) ما بوست ما تجهجهونا
____
فكرتك عجيبة وعينك نجيضة تسلم عيونك يا رجاء
|
Post: #58
Title: Re: دفـتـر يـومـيـاتـي..
Author: Raja
Date: 03-04-2007, 08:55 PM
Parent: #57
العزيز عبدالمنعم سليمان..
سلام.. ومرحب بيك في اليوميات..
شوف البوست ده الكتبو د. خالد أصيل حتلاقي فيهو حاجات أجمل بكتييير من بوستات المجانين ..
وجوه وزكريــات مــن مـديــنة نــيالا
..
|
Post: #62
Title: Re: دفـتـر يـومـيـاتـي..
Author: Raja
Date: 03-05-2007, 06:10 PM
Parent: #1
ده بوست مهم عشان نعرف إحنا بنكتب ليه؟
الكاتب: العوض الطيب: لماذا نكتب؟؟؟
..
|
Post: #63
Title: Re: دفـتـر يـومـيـاتـي..
Author: Raja
Date: 03-05-2007, 08:34 PM
Parent: #62
البوست الجميل الكتبه فيصل محمد خليل عن حلفا القديمة
تعالو شوفو معي حلفا القديمة قبل الهجرة
..
أحيي كل البوستات البتحكي عن البلدان.. لأنها ما أماكن بس.. وإنما حياة وتاريخ..
|
Post: #64
Title: Re: دفـتـر يـومـيـاتـي..
Author: essam&amal
Date: 03-05-2007, 08:38 PM
Parent: #1
الروعة دى ما قلنا
فوووووووووووووووق
دايما ,,,,,,,,,,,
ام وضاح
|
Post: #65
Title: Re: دفـتـر يـومـيـاتـي..
Author: essam&amal
Date: 03-06-2007, 06:45 AM
Parent: #1
تانى لقيتوا جنب اللفة
ورجعتوا .
فوووووووووووووووووووق
ام وضاح
|
Post: #72
Title: Re: دفـتـر يـومـيـاتـي..
Author: Raja
Date: 03-07-2007, 06:26 PM
Parent: #66
أيمن صديقي الزين..
مراحب كتيرة..
وده بوست جميل برضو كتبه عبدالباقي مختار.. هي قصة لكنها بتفتح الباب للكلام عن النص الحلو الأجنبي..
فركة قصة.........تاني
..
|
Post: #68
Title: Re: دفـتـر يـومـيـاتـي..
Author: Raja
Date: 03-06-2007, 11:52 PM
Parent: #1
يا جماعة والله المنبر عايز فهرس..
أول شئ الزول عايز 45 دقيقة عشان يفهم شئ في الصفحة الأولى..
وتاني زيهم للصفحتين التانية والتالتة لأنه مواضيعهم بتكون برضو طازة..
وما بين البوستات الحالية للعزاء والتهنئة.. الزول بيلقى زي ساعتين كده ما عمل فيهم اي شئ.. ومن هنا جاتني فكرة في ان يكون هناك أيام معينة للقراية، مثلا السبت والأحد والإتنين.. ويوم راحة.. والتلاتة الفاضلين الزول يكتب فيهم، كان بوست جديد أو يشارك بردود في بوستات تانية.. لكن حيدخل في نفس الدوامة.. لأن معدل إنتاج البوستات زاد بنسبة 900%..
غايتو يوم حأتجرأ واسأل زول من القاعدين ينتجوا 5 بوستات صحيحة في اليوم بيلاقوا وقت كيف ووين.. والأهم: بيلاقوا الفكرة للبوست كيف؟
ودي
|
Post: #69
Title: Re: دفـتـر يـومـيـاتـي..
Author: Rabab Elkarib
Date: 03-07-2007, 11:37 AM
Parent: #1
رجوية ازيك ومشتاقين
رباب
|
Post: #70
Title: Re: دفـتـر يـومـيـاتـي..
Author: Raja
Date: 03-07-2007, 03:19 PM
Parent: #69
الحبيبة رباب..
سلامات ومحبات..
يحزنني وكل أحباء "صلحة" الحبيبة أن نمر هنا كل يوم ولا نجدها..
ربنا يرحمها.. وقد كتبنا عن فقدها في منتدى "عكس الريح" كثيرا..
..
يا جماعة رباب وصلحة ديل أخواتنا عديييل.. ونحن كلنا بنات "حنتوب الجميلة"..
رباب زميليتي ورفيقتي في كل من المتوسطة والثانوي العالي والجامعة..
وكل واحد في اخوانها زامل واحد في أخواني..
وابوي الله يرحمه درًس أخواتها الكبار..
يعني عشرة عمر.. ما تسألوني كم..؟
رباب سعيدة شدييد بزيارتك الليلة ليومياتي..
سؤالي عن محمد طه والأبناء..
حبي
|
Post: #71
Title: Re: دفـتـر يـومـيـاتـي..
Author: Rabab Elkarib
Date: 03-07-2007, 04:18 PM
Parent: #1
رجاء
انا الاسعد جدا جدا بوجودك فى هذا الفناء الفسيح ..
وانت اعلم منى بان الكل يحتاج قلمك الهادف وصريح وما كضاب
وكمان خفيف ظل ولماح
صلحة وفقد صلحة دا موال تانى يا رجاء
لو قلت ليك حارقانى وقاطعة قلبى قدر شنو ما ح تصدقي
عزاؤنا الوحيد انتم يا اصدقاء صلحة وحبايبها ومعارفها
هل تعلمى يا رجاء ان مدرستنا الابتدائية للبنات تحتضن مسرحا تعليميا اهدته صلحة لتلميذات المدرسة بعد عام من رحيلها.....
وللحديث بقية
لك التحايا مجددا
ولى قدام
رباب
|
Post: #74
Title: Re: دفـتـر يـومـيـاتـي..
Author: فيصل عباس
Date: 03-09-2007, 02:02 AM
Parent: #1
رجاء
كيفنك
امسكي عليك وليدك ده
لاني لقيتو مساسق بين الدروب
وخوفته عليهو من الطشاش
ومن تعبك في العثور عليه..
|
Post: #77
Title: Re: دفـتـر يـومـيـاتـي..
Author: Abdulbagi Mohammed
Date: 03-09-2007, 04:27 PM
Parent: #75
جيت اتاوق في الصورة لقيت نفسي غرقان في البوست، فقلت احسن اتلصص بدون ما زول يحس بي ، لكن الكلام عن الأخت الراحلة صلحة جرجرني ، لأني عشت معاها فترة بنيروبي و الفترة دي كانت فيها صلحة شعلة من النشاط بين السودانيين بنيروبي ، ولم إنتقلت من نيروبي لكندا كلنا أعلنا أنه البلد بقت فاضية خلاء يعني ، و عرفنا قيمة الفراغ الذي كانت تشغله صلحة الكارب ، و الأن بعد أن إنضممت لهذا البورد أحسست بأنها فعلاً كانت هنا و بكثافة،
ربنا يرحمها ويسكنها فسيح جناته
أمين
|
Post: #78
Title: Re: دفـتـر يـومـيـاتـي..
Author: Rabab Elkarib
Date: 03-09-2007, 08:42 PM
Parent: #1
Quote: جيت اتاوق في الصورة لقيت نفسي غرقان في البوست، فقلت احسن اتلصص بدون ما زول يحس بي ، لكن الكلام عن الأخت الراحلة صلحة جرجرني ، لأني عشت معاها فترة بنيروبي و الفترة دي كانت فيها صلحة شعلة من النشاط بين السودانيين بنيروبي ، ولم إنتقلت من نيروبي لكندا كلنا أعلنا أنه البلد بقت فاضية خلاء يعني ، و عرفنا قيمة الفراغ الذي كانت تشغله صلحة الكارب ، و الأن بعد أن إنضممت لهذا البورد أحسست بأنها فعلاً كانت هنا و بكثافة،
ربنا يرحمها ويسكنها فسيح جناته
أمين
|
الاخ العزيز عبد الباقى
شدنى حديثك عن صلحة بشدة, فهى كما ذكرت تترك عظيم الاثر اينما حلت...
عزاؤنا هو سيرتها العطرة وارثها العامر...
وربنا وحده العليم بحجم الفرااااغ الذى تركته فى دنيانا!!!
دعنى اردد معك امين ولصلحة اسمى ايات الدعاء....
رباب الكارب
ويا رجاء عذرا اذا كان ذلك خارج اطار البوست
|
Post: #79
Title: Re: دفـتـر يـومـيـاتـي..
Author: Raja
Date: 03-10-2007, 00:42 AM
Parent: #78
الأحباب رباب وعبدالباقي..
سلام ومحبة..
يا رباب كيف يكون الكلام عن صلحة الحبيبة خارج إطار البوست..؟
لأيام وسنوات كتيرة من حياتنا كانت صلحة موجودة.. وحتظل موجودة
ربنا يرحمها بقدر ما أعطت من سيرة زاكية وعلم من بعدها..
عبدالباقي يا صديق من زمن وأماكن حلوة للروح..
مرحب بيك هنا وفي المنبر.. متاوقا ومشاركا بقصصه الجميلة..
ودي
|
Post: #80
Title: Re: دفـتـر يـومـيـاتـي..
Author: Raja
Date: 03-10-2007, 09:09 AM
Parent: #79
الليلة الجمعة 9 مارس..
المنبر كان ملياان ناس لامن مدفق.. ومواضيع يوم المرأة إتدحرجت للصفحة التانية.. غايتو نعتبره ويك إند للشباب العايز يهيًص وما بيهضم نوع الكلام ده..
الشئ العجبني إنو في زول قال لي بقى يفتح البوست ده عشان يعرف يمشي يقرأ شنو.. عشان في مواضيع بتتدحرج بفعل التوسانامي البوردي..
ودي
|
Post: #81
Title: Re: دفـتـر يـومـيـاتـي..
Author: ASAAD IBRAHIM
Date: 03-10-2007, 09:15 AM
Parent: #80
انا عاوز سطر بس في الدفتر دة
|
Post: #82
Title: Re: دفـتـر يـومـيـاتـي..
Author: Raja
Date: 03-10-2007, 09:40 AM
Parent: #81
يا تلتمية ألف مرحبا..
اسعد في دارنا.. ده أجمل حدث في الجمعة دي.. منبريا وشخصيا
وحندون الحدث ده في الصفحات البرتقالية في الدفتر (البرتقالي لون برج الأسد)..
سطر بس..؟ يا راجل بطل بخل..
ودي
|
Post: #83
Title: Re: دفـتـر يـومـيـاتـي..
Author: Raja
Date: 03-11-2007, 01:30 AM
Parent: #1
سلام للكل..
الليلة السبت 10 مارس..
المنبر هادئ نسبيا بعد زيارة رواد الدول العربية.. الليلة اول الاسبوع.. وناس اوروبا وأمريكا وأستراليا الليلة أوف.. يعني بتفرجوا في الأول وبعد شوية حيبدو..
حأغطس شوية وأطلع ببوستات تايهة..
ودي
|
Post: #85
Title: Re: دفـتـر يـومـيـاتـي..
Author: nile1
Date: 03-12-2007, 06:56 PM
Parent: #84
البوست لازم يبقي قووووق...عاااالي زي مقام صاحبته
|
Post: #87
Title: Re: دفـتـر يـومـيـاتـي..
Author: Raja
Date: 03-13-2007, 04:58 AM
Parent: #85
الزاكي يا غالي..
ربي يعلي مقامك كمان وكمان..
تحياتي وسؤالاتي عن حال الدنيا معاك..
ودي
|
Post: #88
Title: Re: دفـتـر يـومـيـاتـي..
Author: Raja
Date: 03-12-2007, 11:51 PM
Parent: #1
عبدالباقي يا غالي..
سلامات ومراحب كتير كل ما تجي..
في بوست مشاركة المرأة في العمل السياسي.. جاء تعليق للعزيز عادل عبدالعاطي عن إنه القراء للبوست كانوا 386 شخص.. وقال ده عيب في حق البورد أن يكون العدد كده في حين قراء بوستات الشكلات بيوصل للآلاف..
هسع البوست ده عدد القراء فيهو 973.. ما عدا المشاركين والقراء الإعتبروهو فهرست يلاقوا بيه البوستات البتضيع.. الغالبية جوا يقروا اليوميات بتاعتي لزوم الفضول.. أعتذر ليهم لخيبة الرجا
تحياتي..
|
Post: #90
Title: Re: دفـتـر يـومـيـاتـي..
Author: nile1
Date: 03-14-2007, 12:15 PM
Parent: #88
UP
|
Post: #91
Title: Re: دفـتـر يـومـيـاتـي..
Author: Raja
Date: 03-14-2007, 05:11 PM
Parent: #90
الزاكي يا غالي..
تتعلى ما تتدلى..
تكرم
|
Post: #93
Title: Re: دفـتـر يـومـيـاتـي..
Author: Raja
Date: 03-15-2007, 04:37 PM
Parent: #92
عبدالباقي سلامات كتيرات..
تعرف إنو في الليل شديد كده.. المنبر ده بيبقى حاجة تانية خالص، وبتثبت فيه للأسف وصفك في بوست القعدة..
الناس كأنه في جن ركبهم.. نبذ طاير تخاف بس تقتح الصفحة تلاقي ود او بت حلال يخبطك بكلمة..
لا لا لا لا شئ ما بيتوصف..
ربنا بس يخارجنا بالسلامة..
..
|
Post: #94
Title: Re: دفـتـر يـومـيـاتـي..
Author: معاذ حسن
Date: 03-15-2007, 05:19 PM
Parent: #93
مأساة حب ( غير معلن)
أحب تماضر شيخ الدين وهشام شيخ الدين
ورجاء العباسي (دا حب قديييم)
وناذر الخليفة
وسيف الدين جبريل
وصلاح واسبة
وكتيرين
وش اسوي؟
ترى المحبة من الله !!
مرحبا بعودتك استاذة رجاء.
|
Post: #96
Title: Re: دفـتـر يـومـيـاتـي..
Author: Raja
Date: 03-15-2007, 06:21 PM
Parent: #94
معاذ حسن يا عزيز..
ولأن المحبة من الله.. أنا برضو بريدك ومتابعة أي حرف بتكتبو ومبارياك من بوست لبوست..
هنيئا للمنبر بقلم وادب ونبل متلك.. وهنيئا لي بصديق وحبيب..
وشكرا كتير على الترحيب يا ذوق..
الود الوافر
|
Post: #95
Title: Re: دفـتـر يـومـيـاتـي..
Author: Mahmoud Mustafa Mahmoud
Date: 03-15-2007, 05:31 PM
Parent: #1
العزيزة رجاء...
الإدهاش طوااااااااالي كدا..ما كويس...بقوموا يطقوك علينا عين ساكت .. الولية تبعنا جات لقتني ليك متنح في البوست بتاعك والصورة والإبتسامة الما خمج..طوالي قامت ركبت لينا وش بتاع بوليس سافي ليهو سفة شينة كدا.. المهم..قلت ليها دي رجاء العباسي حبيبة الناس كلهم .. أكان عندك موضوع تاني شوفيهو أحسن ليك...تاني قلت كدي النقوم أغيظ ليك المدام دي...قلت ليها والله أنا عندي موضوع مع رجاء العباسي دي..داير أستأذن منها وأجيب موضوع معرض الفنان التشكيلي الطيب الحضيري دا هنا...
ماشي أحضر ليكم إفتتاح معرض الفنان التشكيلي الطيب الحضيري
عاد بعد كدا ما باقي لينا إلا الواحد تراااااح يضرب تعظيم سلام وإنصراف...
وعيني ديب فريزر
|
Post: #97
Title: Re: دفـتـر يـومـيـاتـي..
Author: Raja
Date: 03-15-2007, 09:30 PM
Parent: #95
العزيز محمود..
سلام وتحية ومرحبتين حبابك..
البوست وصاحبته وضيوفه يرحبوا بما جلبته لنا..
وتحياتي لنصك الحلو.. وقول ليها رجاء دي ما محظوظة قدر ده.. خليها تطمئن..
ودي
|
Post: #98
Title: Re: دفـتـر يـومـيـاتـي..
Author: تماضر الخنساء حمزه
Date: 03-15-2007, 10:09 PM
Parent: #97
حلوة إنتي يارجاء
أكتبي كتير ..عشان بحب أقرا ليك كتير..
|
Post: #99
Title: Re: دفـتـر يـومـيـاتـي..
Author: Raja
Date: 03-16-2007, 11:48 PM
Parent: #98
الجميلة المحيا والحرف والنفس تماضر الخنساء..
ما تتخيلي أسعدني حضورك قدر شنو..
وإنتي زاتك أكتبي واكتبي عشان كل ما تكتبي بتتفتح ورود في المنبر وبتتغير صورته.. زي فاطمة السمحة لما تتكلم.. (تتذكري الحجوة..؟)
دمتي يا حبيبة ودام ودنا
|
Post: #100
Title: Re: دفـتـر يـومـيـاتـي..
Author: nile1
Date: 03-18-2007, 12:05 PM
Parent: #99
Up>>UP>>UP
|
Post: #101
Title: Re: دفـتـر يـومـيـاتـي..
Author: Raja
Date: 03-20-2007, 04:29 PM
Parent: #100
الزاكي يا غالي..
تتعلى ما تتدلى..
مشيت لقيتو في الصفحة الرابعة..
بعدين حأجي ومعاي بعض البوستات الكانت معاه في الصفحة..
دمت
|
Post: #103
Title: Re: دفـتـر يـومـيـاتـي..
Author: Raja
Date: 03-20-2007, 11:43 PM
Parent: #102
الفاضل هشام..
سلام وتقدير..
سعدت للغاية لحضورك الملئ بالجميل..
كل بوست من البوستات التي أحضرتها يستحق بوستا للمتابعة..
تكرم..
|
Post: #104
Title: Re: دفـتـر يـومـيـاتـي..
Author: Raja
Date: 03-21-2007, 07:17 PM
Parent: #1
الليلة عيد الأم..
كل يوم وكل أمهاتنا بصحة وعافية..
وربنا يرحم الغايبات عننا.. آمين
|
Post: #105
Title: Re: دفـتـر يـومـيـاتـي..
Author: مامون أحمد إبراهيم
Date: 03-21-2007, 11:26 PM
Parent: #104
سلامات يا رجاء ,
فقط للمرور
والتحيه ..
كونى بألف خير.
|
Post: #107
Title: Re: دفـتـر يـومـيـاتـي..
Author: Raja
Date: 03-24-2007, 05:50 PM
Parent: #105
مامون العزيز..
ألف مرحب بمقدمك..
وكل ربيع وأنت بخير
|
Post: #108
Title: Re: دفـتـر يـومـيـاتـي..
Author: حافظ العشا
Date: 03-24-2007, 09:45 PM
Parent: #1
الرائعة جدا / رجاء
انا جيت داخل بي جاي لانك اول واحدة لاقيتيني ورحبت بي لما قلت بسم الله وفتحت باب الحوش وجيت داخل برجلي اليمين عشان كدة انت في البال وقبال ما ادخل كنت متابعك بي فوق الحيطة اها الناس الحلوين زيك لي هسي واقفين ويسلموا علي ويرحبوا بي وهسي اخدت لي زوغة صغيرة وجيتك داخل كدي خليني اكمل سلام عليهم وارتاح لي شوية لانوا الترحيب انا ماكنت قايلوا حار كدي وبجيك راجع
ودالعشا
|
Post: #109
Title: Re: دفـتـر يـومـيـاتـي..
Author: سمندلاوى
Date: 03-24-2007, 10:15 PM
Parent: #1
لاحولااااااا , رجاء
والله العتب على النظر
يااخى سلامة العودة
اتارى انا اقول البورد دا مالو
منوّر كدا
ليك وحشة والله, وويييين راوية
غايتو امسحيها لينا فى وشينا
بكرى
|
Post: #110
Title: Re: دفـتـر يـومـيـاتـي..
Author: nile1
Date: 03-28-2007, 07:34 AM
Parent: #109
فــــــــــــــــــــوق
|
Post: #135
Title: Re: دفـتـر يـومـيـاتـي..
Author: Raja
Date: 04-20-2007, 10:47 PM
Parent: #109
بكري السمندلاوي العزيز..
مشتاقيين كتير.. وراوية بخير..
والمنبر منوًر بناسه الحلوة..
تسلم كتيير
|
Post: #111
Title: Re: دفـتـر يـومـيـاتـي..
Author: Raja
Date: 04-01-2007, 09:18 PM
Parent: #1
أحبابي الكرام..
سلام ومودة وافرة..
من يوم الأحد الفات وانا غايبة إجباريا من عالم النت نسبة لعطل في الكيبل البيوصل للبيت.. وطبعا بقيت راجية الشركة الكل يوم تقول لي خلاص بكرة.. ويجي ويفوت بكرة ولا جديد.. المهم قمت بتغيير الشركة الأولانية اليوم الصباح. والخط وصل بعدالمغرب..
..
دخلت المنبر.. برجلي اليمين طبعا. والحمد لله الزول لسة عنده حبة تفاؤل، ساعد في كده البدر المكتمل..
آخد نفسي وأمشي اقرأ الحاجات الفاتتني.. مع إنه العناوين بتقول ما فات كتير..
لغاية بعدين..
|
Post: #114
Title: Re: دفـتـر يـومـيـاتـي..
Author: ragaa makkawi
Date: 04-03-2007, 11:40 PM
Parent: #1
uppppppppppppp
|
Post: #116
Title: Re: دفـتـر يـومـيـاتـي..
Author: Mahmoud Mustafa Mahmoud
Date: 04-04-2007, 05:18 PM
Parent: #1
حمدا لله على السلامة يا أستاذة...
البيت محروس وستو تكوس...
والله عشان غيابك الحااااار دا...الليلة أكان أتكل ليك المعرض دا هنا:
بوست بدل فاقد عن تجربة الفنان التشكيلي أبوشريعة أحمد
عشان تاني تغيبي...
مودتي الشديدة..
|
Post: #117
Title: Re: دفـتـر يـومـيـاتـي..
Author: Raja
Date: 04-06-2007, 04:01 PM
Parent: #116
العزيز مصطفى..
سلام وتحية..
شكرا ليك كتير لمراعاة البوست.. فما بين بوستات التهاني والعزاء.. تلاقي مواضيعك اختفت من قدامك..
مشيت للبوست المعرض.. وهو جميل بجد..
دمت
|
Post: #118
Title: Re: دفـتـر يـومـيـاتـي..
Author: Raja
Date: 04-08-2007, 07:37 PM
Parent: #117
الأحباب جميعا..
سلام ومحبة..
بحمد الله سيستمر البوست في الربع الثاني للمنبر.. لمتابعة البوستات الشهيدة..
ودي
|
Post: #119
Title: Re: دفـتـر يـومـيـاتـي..
Author: Raja
Date: 04-10-2007, 09:57 PM
Parent: #118
البوست ده من أجمل ما قريت في الفترة الأخيرة للزميل الطاهر ساتي:
غطرسة
..
|
Post: #120
Title: Re: دفـتـر يـومـيـاتـي..
Author: Elawad Eltayeb
Date: 04-11-2007, 08:59 AM
Parent: #119
Quote: ده بوست مهم عشان نعرف إحنا بنكتب ليه؟
الكاتب: العوض الطيب: لماذا نكتب؟؟؟
|
شكراً أختي العزيزة رجاء
تشرفت أن يكون موضوعي بهذه الأهمية وفي دفتر يومياتك.
الكتابة فعلاً مسئولية أرجو أن نتحملها بجدارة، فالإنسان عندما تتاح له فرصة الحصول على القليل من المعرفة يكون توصيلها للآخرين واجباً عليه. ثم بالمشاركة مع الآخرين في الآراء والحوار يعرف الإنسان موقفه ويوفق في معارفه متوازناً في فكره وسلوكه ومنهجيته، محققاً لرسالته في الحياة.
فقد قال الإمام الشافعي وهو قد وصل في العلم إلى مراتب سامقة:
كلما أدبني الدهر أراني نقص عقلي وكلما إزددت علماً زادني علماً بجهلي
ونحن كسودانيين تجمعنا هنا نطمح أن تكون بلادنا في مقدمة العالم في كل مجال. لكننا قبل ذلك نحرص على تحقيق إنسانية المواطن السوداني ورفع الظلم عنه. فعندما يرى الواحد منا الظلم يقع على أهله ووطنه من كل صوب عليه أن يكافح بكل ما أوتي من قوة لرفع الظلم.
من هنا يأتي ترتيب الأولويات في طرح المواضيع للنقاش وفي المشاركة، بهدف تحقيق رأي عام موحد. ومن هنا يكون القاريء العزيز رأيه عن كل مشارك وعضو في المنبر.
في الختام أهديك أجمل ما قرأت صباح اليوم:
Quote: "To get others to come into our ways of thinking, we must go over to theirs; and it is necessary to follow, in order to lead."
-William Hazlitt
|
أخوك،
عوض الله أحمد الطيب
|
Post: #122
Title: Re: دفـتـر يـومـيـاتـي..
Author: Raja
Date: 04-13-2007, 06:27 PM
Parent: #121
في هذا البوست المهيب: وكان الجليد يتساقط!!!! فيديو وصور
صديقي المكلوم ياسر الشريف يشاركنا وداعه لواسطة عقد أبنائه "شريف"..
له الرحمة.. ولياسر وإلهام وشقيقيه الحزن النبيل
كل الحزن..
|
Post: #123
Title: Re: دفـتـر يـومـيـاتـي..
Author: حاتم السر
Date: 04-13-2007, 08:11 PM
Parent: #122
الاستاذة رجاء
ليك وحشة
اين انتى الان
شاطرة ...فعلا عنوان البوست يثير الفضول ويشد للدخول
وهكذا دائما بت العباسى
تقبلى تحياتى
|
Post: #124
Title: Re: دفـتـر يـومـيـاتـي..
Author: حاتم السر
Date: 04-13-2007, 08:19 PM
Parent: #123
الصديقة العزيزة رجاء
كويس اننا عرفنا نلاقيك اخيرا
الحكاية شنو ما تحركك الا العواصف الرعدية؟؟؟ يبدو انك اخذتى مناعة من العواصف الترابية..أليس كذلك؟؟؟؟ كتر الف خير مناطق الشدة التى تعملين فيها بالتأكيد ستأتين بذخيرة واسعة يستفيد منها الجميع...بالمناسبة أنا حاجز نسخة من مؤلفك الجديد وما عندى مانع اسدد الثمن مقدما
|
Post: #125
Title: Re: دفـتـر يـومـيـاتـي..
Author: Raja
Date: 04-15-2007, 01:25 AM
Parent: #124
صديقي وجاري الحبيب حاتم..
سلام ومودة وشوق..
دي أجمل مفاجاة حصلت.. والبركة في المنبر الجمعنا مرة تانية..
توقع مني رسالة طويلة في الإيميل.. وبالمناسبة أنا حاليا في القاهرة لفترة لا أعرف حتى الآن كم؟
سأحكي هنا عن يومياتنا الجميلة في نيروبي واسمرا والقاهرة.. ولو قريت فوق شوية حتلاقي عبدالباقي مختار قاااعد..
يا لها من أيام..
وبالمناسبة المؤلف حيكون مفاجأة.. أدعو لي
والتمن إدًفع زمااااان..
أفتقدتك وصديقنا المشترك د. شفيع..
لك من الود الجزيل..
|
Post: #126
Title: Re: دفـتـر يـومـيـاتـي..
Author: سلمي النصري
Date: 04-15-2007, 01:47 PM
Parent: #1
سلام ومرحب بيك
كيف الحال...
انشالله راويه وجميع الاهل بخير...
متذكراني ولا لا...؟
سلام
|
Post: #127
Title: Re: دفـتـر يـومـيـاتـي..
Author: سلمي النصري
Date: 04-15-2007, 01:47 PM
Parent: #1
مكرر.
|
Post: #128
Title: Re: دفـتـر يـومـيـاتـي..
Author: Raja
Date: 04-16-2007, 10:32 PM
Parent: #127
الحبيبة سلمى..
سلام ومودة..
راوية بخير.. وأتوقعها تكتب هنا في أي لحظة..
سألتني لو عرفتك ولا لأ..
بجد سؤال حيًرني.. لأنو لو بس عرفتنا هنا في المنبر أيوة عارفاك شديد.. لكن السؤال أوحى إنها معرفة أكبر وأعمق.. ولسة محتارة..
يالله جاوبني بسرعة..
ولك من الود الكتير
|
Post: #129
Title: Re: دفـتـر يـومـيـاتـي..
Author: سلمي النصري
Date: 04-17-2007, 00:36 AM
Parent: #1
سلام يا عزيزتي
بدون حيره .... و بكل امانه والله العظيم, بقصد عرفتنا هنا في المنبر ...
ما زلت كسوله في المشاركه...بينكم..كما تركتيني..
تعجبني اقلامكم واسلوب الكثيرين منكم في الحوار.
لذلك تجديني استمتع باقلامكم .....
و قلما اشارك....
لك مودتي يا اختي.
والله من وراء القصد.
|
Post: #130
Title: Re: دفـتـر يـومـيـاتـي..
Author: Raja
Date: 04-17-2007, 02:01 AM
Parent: #129
الحبيبة سلمى..
سلام تاني كبير..
أيوة بعرفك وبتذكرك..
وأنا زاتي متابعاك قاعدة تعايني بهدوء.. وبقرأ مداخلاتك المهذبة البتعلمني وغيري كيف يكون الرد..
ليك كل الود..
|
Post: #131
Title: Re: دفـتـر يـومـيـاتـي..
Author: غادة عبدالعزيز خالد
Date: 04-17-2007, 02:39 AM
Parent: #130
الأخت الحبيبة
رجاء
كنت واثقة, تمام التقة
بأن دفتر يومياتك سيتضمن
بوست الدكتور ياسر شريف..
..
لأبنه الرحمة..
و لك كل الود
و دوام المحبة
غادة
|
Post: #132
Title: Re: دفـتـر يـومـيـاتـي..
Author: رقم صفر
Date: 04-18-2007, 12:32 PM
Parent: #131
اختفي هذا البوست بفعل الحملة الاحتجاجية امس .
فوق ، ولقرأ يوميات رجاء
|
Post: #134
Title: Re: دفـتـر يـومـيـاتـي..
Author: Raja
Date: 04-19-2007, 07:42 PM
Parent: #132
العزيز معتصم..
مرحب بيك في اليوميات..
تكرم..
|
Post: #133
Title: Re: دفـتـر يـومـيـاتـي..
Author: Raja
Date: 04-18-2007, 08:01 PM
Parent: #131
الحبيبة غادة..
مرحب بيك في اليوميات.. وأكيد كان لـ "شريف" رحمه الله مكان هنا..
دمتي..
|
Post: #138
Title: Re: دفـتـر يـومـيـاتـي..
Author: Nasser Mousa
Date: 04-25-2007, 05:38 PM
Parent: #137
الاخت / زجاء
سلام وتحايا
للضمان كده لمي لينا ده عندك
مسابقة كبــرى,,,,هات/ى اجمل اسم لبنوته,,,, واربح 100 دولار
لانو اكيد كان ربنا رزقنا بت حا نحتاج ليهو
مع اني مشارك باسم ( ريناد) والاسم عاجبني جداً
لكن المشكلة الاساسية ما عارف معناهو شنو
عشان كده ما قادر اقنع المدام بيهو وكل مرة بألف ليها حاجة جديدة عن معناهو عسى ولعل تقتنع بيهو والغربية شايفو من ضمن الاسماء الفايزة مع انو شرط المسابقة تجيب معنى الاسم ..... ؟
ناصر موسى
|
Post: #139
Title: Re: دفـتـر يـومـيـاتـي..
Author: Raja
Date: 04-26-2007, 09:26 PM
Parent: #138
العزيز ناصر..
مرحبتين في اليوميات.. ومرحب بأي بوست تجيبو..
"ريناد" إسم جميل فتشتت عن معناه وما لقيته.. لكن تعرف شنو، في مرات أسماء ما بيكون عندها معنى بقدر ما يكون وقعها على الأذن حلو.. والله أعلم لأن دي فتوى خاصة بي شكلها كده..
أنا غايتو حأهديهم إسم "أمنية" إسم عاجبني شديد..
وربنا يجيب البنوته..
تحياتي
|
Post: #141
Title: Re: دفـتـر يـومـيـاتـي..
Author: Raja
Date: 04-28-2007, 04:04 PM
Parent: #140
عبدالباقي صديقي الجميل..
مرحب بيك وبكل مجايبك..
بالمناسبة في البوست الأصلي بتاع الأخ بشرى عبدالله طلبت منه الاتصال بيك عشان تساعدهم بأي معلومة.. وبركة الكتبت البوست..
حأجيك برواقة..
تحياتي
|
|
