دفـتـر يـومـيـاتـي..

الأحباب الزملاء والقراء..

سلام الله عليكم..

في هذا البوست، سأضع رابط أي بوست جميل لم يجد حظه في التواجد في الصفحة الأولى التي تمتلئ عن آخرها بمواضيع فيها المفيد وفيها ما يدفع بمثل هذه البوستات للصفحات الجوانية..

الدعوة مفتوحة لكل من يجد بوستا شهيدا يريد أن يشارك به القراء..




تخريمة: عنوان البوست لسببين:
الأول إن الفضول حيدفع بالبعض للدخول لقراءة يومياتي.. عادي
الثاني سيكون هذا البوست هو أول بوست أفتتح به قراءتي للمنبر وآخر بوست برضو

ودي الكتير

البداية مع أحلى هدية من الفاتح ياسين مزيكا ترد الروح

رمال لأطفال دارفور

..

يتبع

الفكرة جات من بوست عاطف ده:

حتى لا يحزن الأعضاء الحساسون ، الصفحة الثانية وما يليها...مكان للمواضيع الجيدة

..

سلامات يا رجاءنا

باكر كان الله حيانا نبدأ من الصفحة العاشرة ، ونفتش ( الضحايا ) ونجيبهم ليك


دمتي بألف خير

عاطف يا غالي..

سلامات ومحبات..

هسسع أنا غاطسة في صفحة 10، وجبت منها موضوع حالي وعلامة إستفهام ودعوة من خالد عويس:

سامي الحاج

في إنتظارك باكر

أوووبس.. نسيت أكتب في العنوان "يوجد صور" ..

بالمناسبة حاكتب يومياتي. يعني لازم نستفيد من عنوان البوست..


وحيكون في صور كمان

وده وعد..

الاخت العزيزة رجاء, لك التحية, وسعيد بالتعرف بك عبر هذا المكان.
واصلي, فنحن متابعين.....

تاج الدين العزيز..

وأنا أسعد بالتعرف على شباب يدونا أمل في بكرة.. زيك..

دمت

رجاء ازيك

Quote: الثاني سيكون هذا البوست هو أول بوست أفتتح به قراءتي للمنبر وآخر بوست برضو ودي الكتير

طبعا انا بحب الشمارات علشان دخلت كده انتى صح فىالجزء البيتعلق بالعنوان والسبب التانى لانو اول بوست ليكى بعد الاجازة
التالت علشان اقول ماشيه وين وانتى جيتى هسه
كيف الحاجه انشالله كويسه
تحياتى

ههههههههه يا ماجدة..

الشرك نفع يعني يا حبيبة..

لا قصدي إني كل يوم حأبدأ بالبوست ده، وقبل ما انوم برضو بعدًي عليهو..

الحجة بخير.. طبعا كانت كاسرة يديها اليمين.. موال صعب شديد..

تعرفي برااحة ممكن نتونس في البوست ده.. مش هو يوميات؟

تحياتي لماما جارة وسمير وكل الحبايب..

كيفك يا رجاء

الفكرة جميلة جدآ
مرات الواحد يكون متابع بوستات دسمة جدآ
تقوم شكلة وتفور البوستات ما تلقيهم فى سلقط ملقـط
حأستغل بوستك وأدس فيه بوستاتى المتابعا
المصيبة يضيع هو زاتو

تحياتى

ياااا مراحب بالغالي من ريحة الغالين رأفت..

جيب كل بوستاتك العايز تدكنها هنا، وأوعدك إنو في الفترة الجاية البوست ده ما يمشي الصفحة التانية..

إن شا الله أرفعه بشكلة ..

في إنتظارك

لكن الشرك ماعندك بس اعملى حسابك مايقبض ليك دبيب
مشتاقين الحاجه فى السودان وسمير هايص

يا ماجدة الدبايب ما بتجي بي هنا، عارفين ده ما الإستايل بتاعهم

ما عندك جية قريبة للقاهرة..؟

.

أقول ليك حاجة يا رجاء

إنتي بت جميلة

و البتسوي فوقو هسع دا جمالو أصلاً ما لاقاني .

لكن في جملة انتي كتبتيها

انا خفت منها شديد

وكدي عايني لي التحتو سطر في الكوت دا :

Quote: الثاني سيكون هذا البوست هو أول بوست أفتتح به قراءتي للمنبر وآخر بوست برضو

بالجد أنا خفت شديد

من قطعة تاني طويلة

يا بت الناس أفهمي إنو

وجودك هنا ضرورة.





ودي
م.كرفس

معاوية يا هميم..

سلامات ومحبات..

زي ما قلت لماجدة فوق.. أنا عنيت آخر بوست أقراهو بالليل..

قاااعدة ما تخاف.. ما أظني حأمشي..

دمت

العزيز رجاء

يعني نخت في بطنه بطيخة صيفي و نعاود كتابة مواضيع جديدة؟؟؟؟؟؟

يا سلام علي مواصلة افكارك المبدعة

نصار يا حبيب..

سلام وشوق كتير كتير..

خت في بطنك بطيخة صيفي وأكتب لينا..

تعرف مرات في كتابة بتحفزك وبتعمل "brain storming" نحن في حاجة ليها.. كبرنا على المناهدة ..

135 و حكاوي و احاجي و كدا

ودي

ده بوست فنااان من الخواض الفنان

..... فلسكاب

..

ودي بوستاتي العايزة ردود للحبايب:

دارفور: أزمـة أمـن أدت لـكشـف أزمـة حـيـاة أم الـعـكس..؟

يــاتو.. رجـــاء ، في الرجاءات ؟

احتفاء بعودة رجاء العباسي

واجــــــب..

..

شكرا لزرك رمالي على افتتاحية يومياتك ولي قدام مع الاحترام

الفاتح العزيز..

سلامات..

شكرا ليك للهدية الرايعة..

ودي حاجة جميلة من شرنوبي الحبيب:

وحم كاذب (كاتابات هابطة فى زمن جاد)

..

مبدئياً كدا أضع ( طوبتي ) في الصف ( لحين عودة )
الثقافة الشفاهية في حياتنا أو نظرتنا لأهمية التوثيق

بسم الله

نرفع البوست وندس لينا حاجة
والتلصص على يوميات البنات برضو لزيز

ود الشلهمة

رأفت يا عزيز..

تعرف حكاية قراية مذكرات البنات دي هي الشرك زاااتو..

البوست ده من أجمل البوستات القريتها وشاركت فيها، بدأ بفيلم حلو وإنتهى بمتابعتنا الحية للأوسكار..

السينما من أجمل الفنون الفي العالم.. وبالمناسبة دي في سنة من سنوات "الشباب" سجلت في معهد السينما في القاهرة لدراسة الإخراج.. وبديت بالفعل، لكن الحاجة قالت لي لو ما خلًصت الكلية الاتقبلت فيها "بمجموع وليس رغبة" ما ابدأ شئ تاني..
تركت الإخراج وكل يوم تزداد الرغبة للعودة.. وسأفعلها حتى ولو كان عمري 90 سنة..

البوست بتاع "سمارت هي 2001":

مريم بنت الحسين :واحد من الافلام اللى (ح) تحبيها نزل اليوم فى السينما

..

عاطف يا غالي..

حلو..

دي من البوستات الجميلة بجد:

الأولاني لحامد برقو:

الي الصحافيين: كيف تصبح ملحقا ثقافيا بسفاراتنا في زمن قياسي

وده بوست الوليد الطيب الطرح فيه أهم سؤال:

لماذا نكتب؟؟؟

..

+

أستاذتنا/ رجاء

اضافة الجمال لموقع الجمال ..

ودا الرائع تمبس
..نجمــات .. نجــوم الغــد

نوقع ونبايع

ونقول ونردد

أنتي الرجــا والمرتجــا العمرو ما خيّب رجــا

حبيب نورة العزيز..

سلامات ومحبات..

مليون مراحب..

العزيز معروف..

سلامات ومراحب..

البوست الجبتو ده من أجمل البوستات في العقد المنصرم..

وده بوست للصحفية العصامية عواطف أحمد إسحق:

جريدة الرحيل قريبا علي الموقع

وفي إنتظار بوستات جميلة تانية

واااو..

راجعة ليكم يا أحباب..

شوية من بوستات فاضلابي:

غاندي أحمد ** عماد الدين محي الدين

Re: غنية لمجدي النور

صديقي الأجنبي (كتاب جديد)

أسمع بي قلبك (عن الموسيقى في الدنيا)

وده بوست من أجمل بوستات مزيكا قارتنا الجميلة.. شكرا محي الدين أبكر

Fela Kuti....I love You

..

رجوية العسل
بارك الله فيك
حسيت براحة بال شديدة وانا اتصفح واعيد
ذكريات من سنة 2004 .
صراحة البورد خليه كده بدون تعليق ,
بقينا نزور عشان نبارك او نقدم واجب العزاء فقط
رجعينا وخلينا نكتب بوستاتنا الحلوة
انا لابدة مع يومياتك لى ساعتين ما طلعت للمنبر
ولا ناوية .
شكل اليوميات دى حتكون شجرتى بتاعت الونسة الظريفة
حازورك كل يوم ولا اقول ليك فى اليوم كم مرة كدة
تحياتى لبنات العباسى والوالدة الحنينة والف حمدا لله
على سلامتها .
ارسل عبرك للحبيبة لنا مهدى بزيارتنا فى موقعنا الجديد
هنا { منتدى العباسى للثقافة والفنون }
تحياتى يا راقية ,,,,,,,,,
ام وضاح

الحبيبة أم وضاح وشيماء..

سلام ومحبة يصلوك محل ما إنتي قاعدة..

تعرفي هو مافي غير الأيام الجميلة وذكراها المخلينا مواصلين لغاية هسع..

مفتقدة سوركتي وعلي عثمان.. يا ربي الحاصل عليهم شنو؟

إتفقنا خلاص إنو اليوميات دي حتبقى شجرتنا.. البيزور كله، نكرمه ببوست يهدئ الاعصاب وونسة حلوة تنسيه الكتاحة الجا منها..

لنا زاتها وينها؟ ليها ايام مختفية..

..

أنا قاعدة في القاهرة لغاية الأسبوع الأخير من مارس ده. لأنه المفروض أول أبريل أمشي لي لمكان تاني لسة ما عارفاه، لكن المرة دي حتى وأنا بعيدة لازم نتواصل..

سلامك وسؤالك وصلو للحجة.. وكل بنات العباسي، وحملوني السؤال والتحايا ليك ولوليداتك..

أديك البوست بتاع حامد برقو.. من أحلى البوستات

الي الصحافيين: كيف تصبح ملحقا ثقافيا بسفاراتنا في زمن قياسي

وي ليك، وفي إنتظارك

بيومياتك دي ,,
تعرفي انك احبطيني جدا لاني هيأت نفسي اليها ،ودعوت اليها صديقي (كوب القهوه)قبل ان ناتي اليك,,
واتخدعنا انا وصديقي كوب القهوه الذي (تنرفز من فعل الاحباط البقى ملازم )واندفق في قميصي من الزعل
لكن الجميل في الامر انو جاء ناطي لي كلام امي الزمان عشان يرضيني (جاياك قروش)
وفرحت واتجاوزت زعلي منو وابينا نسبك ,,
وتعرفي لي الليله المرتب ما بيكون جاء وكوب القهوه غادر رفقتي,,
واليوميات طلعت وهم جميل بربط بجمال آخر في آخر بدايتو
وده العزاء الوحيد..

لكن كويس انك جيتي
عشان تملي المنبر بحراك مختلف ,,
لكن بقول ليك وصيه قبل ما امشي
اقعدي جنب يومياتك ديل عشان تحرسيها ما يمشن الصفحه رقم 40
في 10 دقايق..

فيصل عباس يا حبيب..

طبعا الكبر حصل.. وكنت فاكرة إني رديت عليك، لأني كنت بتكلم وأنا بقرأ في مداخلتك..

ضحكت شديد على المقلب الحصل عليك.. يتخيل لي لو قررت في يوم أنشر يومياتي حتلاقي الناس زي يوم الحشر.. لأنهم بيتخيلو إنها مليانة بالمثير العجيب.. خليهم على كده.. لأنه الما عارف يقول....

وأتمنى إنه "دلق القهوة" جاب خير.. وبالمناسبة أنا بحب القهوة وقراية فنجانها.. لما أغلب وما الاقي شغل حافتح لي محل لقراية الفنجان والكف..

تحياتي ليك يا عزيز.. وسؤالي عن حال الدنيا معاك..

ودي لناس البيت

رجاءنا

محبات وأشواق

تعرفي البوست ماشي في إتجاه ليكون الـ Favorites of the board

عشان كدا نلحق نضع طوبة ثاني
مظاهرة مارس ---- قبس من ذكريات الزمن الجميل

be back soon

انا جيت

لحقنا قبل ما يصل الصفحة التانية..

صباح الخيرات عليكم/ن

نسلم علي الاخت رجاء والجميع هنا
وانا يا جماعة (مجرم حرب) سابق
خلاص وقفت كل حروبي الاسفيرية الما بتجيب قصة تام زين دي..
وجاي (البد) البوست بتاعي معاكم بجاي لحدي ما يرجع لينا(المود) بتاع الكتابة
زي كلامكم السمح ده..ونواصل معاكم...
وتحياتي لكم جميعا..
حكايات (قوي) الذي مات بالكوليرا في ابيي ..واخريين..!!

العزيز عبدالكريم..

سلام ومراحب بيك وبأي من البوستات البتجيبها.. بس خلي بالك من بوستات المجانين ..

دمت..

_

وده بوست جميل بشكل ما عادي لتاج السر الملك:

الأسماء الحلال

..

رجاءنا
صباحاتك ندية
كيف كان الفيلم ؟؟
أهديك هذه القصة ( في بوست الثقافة الشفاهية )
كما أهديها للأخت سارة حمزة

Quote: تعالوا نسمع قصة السيد المرحوم ميرغني حمزة مع ( المهدية ) يرويها الدكتور منصور خالد . " نستذكر قصة مع ميرغني حمزة رحمه الله . كان ميرغني بين أبناء جيله رجلاً شامخاً . لا يلحق شأوه في النظرة العقلانية للأمور العامة ، إلا أن تلك العقلانية لم تسعفه في حالة واحدة : نظرته للمهدية . سألته : لماذا- مع عقلانيته- يبغض المهدية بغضاً غريزياً ؟؟ لم يرق له السؤال ، بل تجهم وجهه وأخذ يحملق فىً وكأنه يقول : ما أغباك !!! ثم أخذ الكلام يتلكأ في لسانه ( وتلك حالة كانت تعتريه دوماً عند الغضب ) قبل أن ينطلق : إنت... إنت ... إنت ما عارف أنا إتولدت وين ؟؟؟ ولدتني أمي في الصحراء ، تحت ظل شجرة تنضب أثناء هروبها من المتمة حماية لشرفها مما لحق بغيرها من بنات الجعليين . "

العزيزة رجاء
تحية طيبة

عايزين موسيقى تصويرية للبوست ده


ارجو ان يكون لفت نظرك ابداعات صابرين الدباغ الاخت المصرية في البورد

وديل إتنين من البوستات الجميلة إحتفال بناس فنانين بالجد..

الأول لأحمد يوسف أبو حريرة:

أولاد البنا .. واسطة العقد السوداني الفريد


والتاني للهادي الرشيد دياب (نيو سوداني)

آل البنا "عائلة يجب تكريمها"

..

يا سلااااااااااااااااام
الله يفرج همك
ويزيح غمك
يا بت العباسى
ام وضاح

صديقي العزيز عادل..

وأهو الموسيقى التصويرية..

"أندريا بوتشيللي" زي السحر كده..



تخريمة واجبة: تسلم يا تمبو على الدعم الميكنيكي ..

مع الدعاء لـ "أفراح" في بوست محمد ابو القاسم

(افراح) طفلة دارفورية تحتاج الي ابناء وطنها مبادرة انسانية هامة و عاجلة

..

ينقل من الصفحة الثانية إلى الصفخة الأولى مترقياً

وللقصة القصيرة مكان هنا

الشيطان و عسكري البلاستيك ... قصة



كان جينا لبوبار
نلقى ناسو كتار

دي من البوستات العايزة متابعة للضرورة:

كوستاوي : غادة نوري

صداح : مرة ثانية : التفاته قد تلم الشمل

..

قريناك قبل كمين يوم ولاثمة رد
وقد أجبرنا شخصك أن نرد بذات الإجبار يومها إكبارا
لفرح العودة
وذاك البوست أغلق دون اشعار آخر
وأسقط بفعل التقادم
وردد أستقبالنا الصدي
ونأمل بأب ديت حتي لاتنالنا سلة...
مهمش
لي العتبى إن تباقص دخولي هاهنا

النور الهادي النبيل..

سلامات ومحبات جمة..

شفت مداخلتك في بوست الواجب، وقريت كلامك ولو ما الخوف من زعل الحبايب الفوق البوست كنت نطيت وسلمت عليك وقلت ليك ترحيبك بي خلاني طايرة من الفرح طير..

والبوست داك كل يوم بمشي ارد على كمين حبايب، حتى إني خاتاهو هنا عشان الاقيهو طوالي، وعمري ما تجاهلت حرف لي زول فما بالك حرف جميل وأخضراني؟

دخولك ليومياتي أسعدني وعدل يومي "بخاف من يوم السبت.. ما عارفة ليه..؟"

وبالمناسبة "بحسدك" على تطويع اللغة بالشكل السمح ده..

ودي الوافر

خلاص يازولة صافية لبن
وذي لون أبتسامتك
وشكرا على الكلام الرسم
نورالهادي

مشيت لقيتو في قعر الصفحة التانية متوجها للصفحة التالتة..

غيبتي كانت غصبا عني.. بالمسا حصلت مشكلة في توصيلات النت..



سلام

بت العباسى الحبيبة
سلام ,,,,,,,,,,,,,,
انكتى لينا لسه من الآخر الروائع الفاتتناكلها
عشان انت عارفاها كلها .
انا كنت بشيل شختك بختك لكن بعد دفترك ده ارتحت
راحة الله يريحك دنيا وآخرة .
وتانى ما بتلقيه الا فى الصفحة دى بس ,,

ام وضاح

آمال يا حبيبة..

محبات كتييرة..

تعرفي أنا لما أغطس في الصفحات الجوانية، بنسى الحاصل شنو في الصفحة الأولانية.. ولما أجي ألاقي البوستات "حتتك بتتك" إتدردقت..

هاك البوست ده لجني العزيز:

خورخي بورخيس: أغنية إلى عندليب كشفت لي جوهر الشعر . أستمتعوأ!!!

وده بوست مبااالغة لصالح عبده:

لعق الاصابع......... من العادات السودانية السيئة

..

Quote: سيكون هذا البوست هو أول بوست أفتتح به قراءتي للمنبر وآخر بوست برضو

قلنا ليكم ياااخ بوس(ط) ما بوست ما تجهجهونا


____

فكرتك عجيبة وعينك نجيضة تسلم عيونك يا رجاء

العزيز عبدالمنعم سليمان..

سلام.. ومرحب بيك في اليوميات..

شوف البوست ده الكتبو د. خالد أصيل حتلاقي فيهو حاجات أجمل بكتييير من بوستات المجانين ..

وجوه وزكريــات مــن مـديــنة نــيالا



..

دي مجموعة برضو:

تماضر: خروفين ..واحد مضبوح معلق فى شجرة كريسماس والتانى بياكل فى العلم السودانى

وبالمناسبة ليك وحشة يا تماضر..



أبو ذر المطر: تكملة العودة السنارية



د. ياسر الشريف: عرض كتاب: حياتي مع القاعدة - قصة جاسوس

..

صباحات ومساءات الخير..



من بوست عزان سعيد: صور أعضاء المنبر زمااان ( الطفولة , الإبتدائى .. إلخ )

..

ده بوست مهم عشان نعرف إحنا بنكتب ليه؟

الكاتب: العوض الطيب: لماذا نكتب؟؟؟

..

البوست الجميل الكتبه فيصل محمد خليل عن حلفا القديمة

تعالو شوفو معي حلفا القديمة قبل الهجرة

..


أحيي كل البوستات البتحكي عن البلدان.. لأنها ما أماكن بس.. وإنما حياة وتاريخ..

الروعة دى ما قلنا
فوووووووووووووووق
دايما ,,,,,,,,,,,
ام وضاح

تانى لقيتوا جنب اللفة
ورجعتوا .
فوووووووووووووووووووق

ام وضاح

رجاء
سلام
ده واحد من البوستات الكان مفروض يكون معلق في السما سنه لكن?
أستادنا نبيل اديب
ضرورة إصدارقانون لحماية للتجمعات السلمية

أيمن صديقي الزين..

مراحب كتيرة..

وده بوست جميل برضو كتبه عبدالباقي مختار.. هي قصة لكنها بتفتح الباب للكلام عن النص الحلو الأجنبي..

فركة قصة.........تاني

..

يا جماعة والله المنبر عايز فهرس..
أول شئ الزول عايز 45 دقيقة عشان يفهم شئ في الصفحة الأولى..
وتاني زيهم للصفحتين التانية والتالتة لأنه مواضيعهم بتكون برضو طازة..

وما بين البوستات الحالية للعزاء والتهنئة.. الزول بيلقى زي ساعتين كده ما عمل فيهم اي شئ.. ومن هنا جاتني فكرة في ان يكون هناك أيام معينة للقراية، مثلا السبت والأحد والإتنين.. ويوم راحة.. والتلاتة الفاضلين الزول يكتب فيهم، كان بوست جديد أو يشارك بردود في بوستات تانية.. لكن حيدخل في نفس الدوامة.. لأن معدل إنتاج البوستات زاد بنسبة 900%..
غايتو يوم حأتجرأ واسأل زول من القاعدين ينتجوا 5 بوستات صحيحة في اليوم بيلاقوا وقت كيف ووين.. والأهم: بيلاقوا الفكرة للبوست كيف؟

ودي

رجوية ازيك ومشتاقين


رباب

الحبيبة رباب..

سلامات ومحبات..

يحزنني وكل أحباء "صلحة" الحبيبة أن نمر هنا كل يوم ولا نجدها..
ربنا يرحمها.. وقد كتبنا عن فقدها في منتدى "عكس الريح" كثيرا..

..

يا جماعة رباب وصلحة ديل أخواتنا عديييل.. ونحن كلنا بنات "حنتوب الجميلة"..
رباب زميليتي ورفيقتي في كل من المتوسطة والثانوي العالي والجامعة..
وكل واحد في اخوانها زامل واحد في أخواني..
وابوي الله يرحمه درًس أخواتها الكبار..
يعني عشرة عمر.. ما تسألوني كم..؟

رباب سعيدة شدييد بزيارتك الليلة ليومياتي..

سؤالي عن محمد طه والأبناء..

حبي

رجاء

انا الاسعد جدا جدا بوجودك فى هذا الفناء الفسيح ..

وانت اعلم منى بان الكل يحتاج قلمك الهادف وصريح وما كضاب

وكمان خفيف ظل ولماح



صلحة وفقد صلحة دا موال تانى يا رجاء

لو قلت ليك حارقانى وقاطعة قلبى قدر شنو ما ح تصدقي

عزاؤنا الوحيد انتم يا اصدقاء صلحة وحبايبها ومعارفها

هل تعلمى يا رجاء ان مدرستنا الابتدائية للبنات تحتضن مسرحا تعليميا اهدته صلحة لتلميذات المدرسة بعد عام من رحيلها.....

وللحديث بقية



لك التحايا مجددا



ولى قدام

رباب

رجاء
كيفنك

امسكي عليك وليدك ده
لاني لقيتو مساسق بين الدروب
وخوفته عليهو من الطشاش
ومن تعبك في العثور عليه..

فيصل يا حبيب..

كل 8 مارس وكل نساء ورجال بلدنا بخير..


الله يرفع مقامك كمان وكمان..

الليلة العيد.. وأنا مشغولة بالضيوف البي هناك في بوستات قلم الكحل ومشاركة المرأة في العمل السياسي..

برجع برواااقة..

أسبوع المرأة: قـلـم كـحـل (موضوع قديم)

تعالن يا حرائر المنبر وفرسانه / بمناسبة يوم المرأة العا... يصنعن القرار ...

أي صـوت زار بالأمـس خيااالـي... طـاف بالقلـب وغنـي للكمـااال..!!

ابداعات ... كتابات.......... نسائية 2007

بمناسبة اليوم العالمي للمرأة ..التهاني والتحايا إلى كل نساء بلادي

8 مارس: مـشـاركـة الـمـرأة فـي الـعـمـل الـسـيـاسـي

ودي

جيت اتاوق في الصورة لقيت نفسي غرقان في البوست، فقلت احسن اتلصص بدون ما زول يحس بي ، لكن الكلام عن الأخت الراحلة صلحة جرجرني ، لأني عشت معاها فترة بنيروبي و الفترة دي كانت فيها صلحة شعلة من النشاط بين السودانيين بنيروبي ، ولم إنتقلت من نيروبي لكندا كلنا أعلنا أنه البلد بقت فاضية خلاء يعني ، و عرفنا قيمة الفراغ الذي كانت تشغله صلحة الكارب ، و الأن بعد أن إنضممت لهذا البورد أحسست بأنها فعلاً كانت هنا و بكثافة،
ربنا يرحمها ويسكنها فسيح جناته
أمين

تحية خاااصة لتارا الحبيبة وهديتها لينا في يوم المرأة..

.. على هامش الإحتفال بيوم المرأة العالمي ..

ومليون مراحب بعودتها

Quote: جيت اتاوق في الصورة لقيت نفسي غرقان في البوست، فقلت احسن اتلصص بدون ما زول يحس بي ، لكن الكلام عن الأخت الراحلة صلحة جرجرني ، لأني عشت معاها فترة بنيروبي و الفترة دي كانت فيها صلحة شعلة من النشاط بين السودانيين بنيروبي ، ولم إنتقلت من نيروبي لكندا كلنا أعلنا أنه البلد بقت فاضية خلاء يعني ، و عرفنا قيمة الفراغ الذي كانت تشغله صلحة الكارب ، و الأن بعد أن إنضممت لهذا البورد أحسست بأنها فعلاً كانت هنا و بكثافة، ربنا يرحمها ويسكنها فسيح جناته أمين

الاخ العزيز عبد الباقى

شدنى حديثك عن صلحة بشدة, فهى كما ذكرت تترك عظيم الاثر اينما حلت...


عزاؤنا هو سيرتها العطرة وارثها العامر...

وربنا وحده العليم بحجم الفرااااغ الذى تركته فى دنيانا!!!

دعنى اردد معك امين ولصلحة اسمى ايات الدعاء....

رباب الكارب

ويا رجاء عذرا اذا كان ذلك خارج اطار البوست

الأحباب رباب وعبدالباقي..

سلام ومحبة..

يا رباب كيف يكون الكلام عن صلحة الحبيبة خارج إطار البوست..؟
لأيام وسنوات كتيرة من حياتنا كانت صلحة موجودة.. وحتظل موجودة

ربنا يرحمها بقدر ما أعطت من سيرة زاكية وعلم من بعدها..


عبدالباقي يا صديق من زمن وأماكن حلوة للروح..

مرحب بيك هنا وفي المنبر.. متاوقا ومشاركا بقصصه الجميلة..

ودي

الليلة الجمعة 9 مارس..

المنبر كان ملياان ناس لامن مدفق.. ومواضيع يوم المرأة إتدحرجت للصفحة التانية.. غايتو نعتبره ويك إند للشباب العايز يهيًص وما بيهضم نوع الكلام ده..

الشئ العجبني إنو في زول قال لي بقى يفتح البوست ده عشان يعرف يمشي يقرأ شنو.. عشان في مواضيع بتتدحرج بفعل التوسانامي البوردي..

ودي

انا عاوز سطر بس في الدفتر دة

يا تلتمية ألف مرحبا..

اسعد في دارنا.. ده أجمل حدث في الجمعة دي.. منبريا وشخصيا

وحندون الحدث ده في الصفحات البرتقالية في الدفتر (البرتقالي لون برج الأسد)..

سطر بس..؟ يا راجل بطل بخل..

ودي

سلام للكل..

الليلة السبت 10 مارس..

المنبر هادئ نسبيا بعد زيارة رواد الدول العربية.. الليلة اول الاسبوع.. وناس اوروبا وأمريكا وأستراليا الليلة أوف.. يعني بتفرجوا في الأول وبعد شوية حيبدو..

حأغطس شوية وأطلع ببوستات تايهة..

ودي

سلام للكل..

ده بوست جميل للعزيزة ريهان الشاذلي: للمرأة في عيدها ..فير أند لفلي (وشك منور ..مستقبلك منور)

..

البوست لازم يبقي قووووق...عاااالي زي مقام صاحبته

و تاني جيت اتاوق
و اتابع بعيوني و اضاني
و حا اتعامل مع البوست
زي دليل المسافر في سودانيز اون لاين
هواجس.... قصة قصيرة ، قديمة،بمناسبة المنتدى الأدبي بمدني

الزاكي يا غالي..

ربي يعلي مقامك كمان وكمان..

تحياتي وسؤالاتي عن حال الدنيا معاك..

ودي

عبدالباقي يا غالي..

سلامات ومراحب كتير كل ما تجي..

في بوست مشاركة المرأة في العمل السياسي.. جاء تعليق للعزيز عادل عبدالعاطي عن إنه القراء للبوست كانوا 386 شخص.. وقال ده عيب في حق البورد أن يكون العدد كده في حين قراء بوستات الشكلات بيوصل للآلاف..

هسع البوست ده عدد القراء فيهو 973.. ما عدا المشاركين والقراء الإعتبروهو فهرست يلاقوا بيه البوستات البتضيع.. الغالبية جوا يقروا اليوميات بتاعتي لزوم الفضول.. أعتذر ليهم لخيبة الرجا


تحياتي..

UP

الزاكي يا غالي..

تتعلى ما تتدلى..


تكرم

....... أو هكذا لملم شاطئيه ورحل.. قصة قديمة يا يحي فضل الله
و دي يا رجاء دعاية بالدفع المقدم

عبدالباقي سلامات كتيرات..

تعرف إنو في الليل شديد كده.. المنبر ده بيبقى حاجة تانية خالص، وبتثبت فيه للأسف وصفك في بوست القعدة..

الناس كأنه في جن ركبهم.. نبذ طاير تخاف بس تقتح الصفحة تلاقي ود او بت حلال يخبطك بكلمة..

لا لا لا لا شئ ما بيتوصف..


ربنا بس يخارجنا بالسلامة..
..

مأساة حب ( غير معلن)
أحب تماضر شيخ الدين وهشام شيخ الدين
ورجاء العباسي (دا حب قديييم)
وناذر الخليفة
وسيف الدين جبريل
وصلاح واسبة
وكتيرين

وش اسوي؟
ترى المحبة من الله !!

مرحبا بعودتك استاذة رجاء.

معاذ حسن يا عزيز..

ولأن المحبة من الله.. أنا برضو بريدك ومتابعة أي حرف بتكتبو ومبارياك من بوست لبوست..

هنيئا للمنبر بقلم وادب ونبل متلك.. وهنيئا لي بصديق وحبيب..

وشكرا كتير على الترحيب يا ذوق..

الود الوافر

العزيزة رجاء...
الإدهاش طوااااااااالي كدا..ما كويس...بقوموا يطقوك علينا عين ساكت .. الولية تبعنا جات لقتني ليك متنح في البوست بتاعك والصورة والإبتسامة الما خمج..طوالي قامت ركبت لينا وش بتاع بوليس سافي ليهو سفة شينة كدا.. المهم..قلت ليها دي رجاء العباسي حبيبة الناس كلهم .. أكان عندك موضوع تاني شوفيهو أحسن ليك...تاني قلت كدي النقوم أغيظ ليك المدام دي...قلت ليها والله أنا عندي موضوع مع رجاء العباسي دي..داير أستأذن منها وأجيب موضوع معرض الفنان التشكيلي الطيب الحضيري دا هنا...
ماشي أحضر ليكم إفتتاح معرض الفنان التشكيلي الطيب الحضيري

عاد بعد كدا ما باقي لينا إلا الواحد تراااااح يضرب تعظيم سلام وإنصراف...
وعيني ديب فريزر

العزيز محمود..

سلام وتحية ومرحبتين حبابك..

البوست وصاحبته وضيوفه يرحبوا بما جلبته لنا..

وتحياتي لنصك الحلو.. وقول ليها رجاء دي ما محظوظة قدر ده.. خليها تطمئن..

ودي

حلوة إنتي يارجاء
أكتبي كتير ..عشان بحب أقرا ليك كتير..

الجميلة المحيا والحرف والنفس تماضر الخنساء..

ما تتخيلي أسعدني حضورك قدر شنو..

وإنتي زاتك أكتبي واكتبي عشان كل ما تكتبي بتتفتح ورود في المنبر وبتتغير صورته.. زي فاطمة السمحة لما تتكلم.. (تتذكري الحجوة..؟)

دمتي يا حبيبة ودام ودنا

Up>>UP>>UP

الزاكي يا غالي..

تتعلى ما تتدلى..

مشيت لقيتو في الصفحة الرابعة..
بعدين حأجي ومعاي بعض البوستات الكانت معاه في الصفحة..

دمت

____________________

الأستاذة : رجاء العباسي

أرجو أن يتسع دفترك لهذه البوستات. ونشكرك على
هذا المجهود المقدّر الذي يشعرنا بأهمية المتابعة
الجيدة لنعرف أن المنبر العام ليس فقط الصفحة الأولى

البوستات هي:

( كليلة و دمنة دوت كوم ..فصل التناسخ )
الكاتب: تاج السر الملك

( محاولة لعبور النيل على ( عنباج ) .. أو النهر يعود القَهْقَرى )
الكاتب: أبو جهينة

( شاعر يذكرنى بالنيل )
الكاتب: أبو بكر علي

تمجيداً لشاعرنا الكبير: مدني النخلي

( خلفَ جدرانِ الغـيوب )
الكتاب: شاذلي جعفر

وتقبلي مني هذا الإهداء لك ولزوار بوستك الرائع
( نعي لا يخص أحد )

لك خوالص التحية والاحترام.

الفاضل هشام..

سلام وتقدير..

سعدت للغاية لحضورك الملئ بالجميل..

كل بوست من البوستات التي أحضرتها يستحق بوستا للمتابعة..

تكرم..

الليلة عيد الأم..





كل يوم وكل أمهاتنا بصحة وعافية..

وربنا يرحم الغايبات عننا.. آمين

سلامات يا رجاء ,

فقط للمرور
والتحيه ..

كونى بألف خير.

مامون العزيز..

ألف مرحب بمقدمك..

وكل ربيع وأنت بخير

افتتاح مهرجان الربيع بسودانيز اونلاين .. غني ياطيور.. غني ..





افتتاح مهرجان الربيع بسودانيز اونلاين .. غني ياطيور.. غني ..


...

الرائعة جدا / رجاء
انا جيت داخل بي جاي لانك اول واحدة لاقيتيني ورحبت بي لما قلت بسم الله وفتحت باب الحوش وجيت داخل برجلي اليمين عشان كدة انت في البال وقبال ما ادخل كنت متابعك بي فوق الحيطة اها الناس الحلوين زيك لي هسي واقفين ويسلموا علي ويرحبوا بي وهسي اخدت لي زوغة صغيرة وجيتك داخل كدي خليني اكمل سلام عليهم وارتاح لي شوية لانوا الترحيب انا ماكنت قايلوا حار كدي وبجيك راجع




ودالعشا

لاحولااااااا , رجاء
والله العتب على النظر
يااخى سلامة العودة
اتارى انا اقول البورد دا مالو
منوّر كدا
ليك وحشة والله, وويييين راوية

غايتو امسحيها لينا فى وشينا

بكرى

فــــــــــــــــــــوق

بكري السمندلاوي العزيز..

مشتاقيين كتير.. وراوية بخير..

والمنبر منوًر بناسه الحلوة..

تسلم كتيير

أحبابي الكرام..

سلام ومودة وافرة..

من يوم الأحد الفات وانا غايبة إجباريا من عالم النت نسبة لعطل في الكيبل البيوصل للبيت.. وطبعا بقيت راجية الشركة الكل يوم تقول لي خلاص بكرة.. ويجي ويفوت بكرة ولا جديد.. المهم قمت بتغيير الشركة الأولانية اليوم الصباح. والخط وصل بعدالمغرب..

..

دخلت المنبر.. برجلي اليمين طبعا. والحمد لله الزول لسة عنده حبة تفاؤل، ساعد في كده البدر المكتمل..

آخد نفسي وأمشي اقرأ الحاجات الفاتتني.. مع إنه العناوين بتقول ما فات كتير..

لغاية بعدين..

الأحباب جميعا..

طبعا غيبة الاسبوع والكترابة الحصلت سحبت كل البوستات لي جوة..

ده بوست جني عن الأستاذ المحترم محمود محمد طه: هذا الرجل لا تملك الا ان تحترمه اتفقت معه ام اختلفت!


وده بوست فاهم للغاية لمنى أحمد: الحائـط الرابـع ليـس شـرطاً !!


أما بوست الفنان مصدق عن الحالة في البورد فمبااالغة: تعال يا تمبـــس .. فالحاله مزمنه ،، كاراكاتير

..

وده بوست تشييع شهداء مجزرة المهندسين:

صور تشييع شهداء حركة /جيش تحرير السودان بأمدرمان

شكرا للعزيز نهار عثمان نهار للتوثيق

uppppppppppppp

سميتي العزيزة رجاء..

ألف مرحب بيك. في المنبر وفي اليوميات..

ودي هدية من صديقنا المطر: الريد سما، قال للسحاب خليك هنا، بنزل أنا

مع الود..

حمدا لله على السلامة يا أستاذة...
البيت محروس وستو تكوس...
والله عشان غيابك الحااااار دا...الليلة أكان أتكل ليك المعرض دا هنا:

بوست بدل فاقد عن تجربة الفنان التشكيلي أبوشريعة أحمد

عشان تاني تغيبي...

مودتي الشديدة..

العزيز مصطفى..

سلام وتحية..

شكرا ليك كتير لمراعاة البوست.. فما بين بوستات التهاني والعزاء.. تلاقي مواضيعك اختفت من قدامك..

مشيت للبوست المعرض.. وهو جميل بجد..

دمت

الأحباب جميعا..

سلام ومحبة..

بحمد الله سيستمر البوست في الربع الثاني للمنبر.. لمتابعة البوستات الشهيدة..

ودي

البوست ده من أجمل ما قريت في الفترة الأخيرة للزميل الطاهر ساتي:

غطرسة

..

Quote: ده بوست مهم عشان نعرف إحنا بنكتب ليه؟ الكاتب: العوض الطيب: لماذا نكتب؟؟؟

شكراً أختي العزيزة رجاء
تشرفت أن يكون موضوعي بهذه الأهمية وفي دفتر يومياتك.

الكتابة فعلاً مسئولية أرجو أن نتحملها بجدارة، فالإنسان عندما تتاح له فرصة الحصول على القليل من المعرفة يكون توصيلها للآخرين واجباً عليه. ثم بالمشاركة مع الآخرين في الآراء والحوار يعرف الإنسان موقفه ويوفق في معارفه متوازناً في فكره وسلوكه ومنهجيته، محققاً لرسالته في الحياة.

فقد قال الإمام الشافعي وهو قد وصل في العلم إلى مراتب سامقة:

كلما أدبني الدهر أراني نقص عقلي وكلما إزددت علماً زادني علماً بجهلي

ونحن كسودانيين تجمعنا هنا نطمح أن تكون بلادنا في مقدمة العالم في كل مجال. لكننا قبل ذلك نحرص على تحقيق إنسانية المواطن السوداني ورفع الظلم عنه. فعندما يرى الواحد منا الظلم يقع على أهله ووطنه من كل صوب عليه أن يكافح بكل ما أوتي من قوة لرفع الظلم.

من هنا يأتي ترتيب الأولويات في طرح المواضيع للنقاش وفي المشاركة، بهدف تحقيق رأي عام موحد. ومن هنا يكون القاريء العزيز رأيه عن كل مشارك وعضو في المنبر.

في الختام أهديك أجمل ما قرأت صباح اليوم:

Quote: "To get others to come into our ways of thinking, we must go over to theirs; and it is necessary to follow, in order to lead." -William Hazlitt

أخوك،

عوض الله أحمد الطيب

العزيز العوض..

سلام وتحية..

مرحب بيك في اليوميات.. واسعدتني مداخلتك للغاية..

..

جبت معاي:

جديد لعصام عبدالحفيظ: . . عـــذاب دارفور ..

بوست المطر: النهر وعبد الله والمحراب، عنك يسألون يا جبران

وبوست طلال: محجوب شريف ( عودة المحبوب ) ..

..

في هذا البوست المهيب: وكان الجليد يتساقط!!!! فيديو وصور
صديقي المكلوم ياسر الشريف يشاركنا وداعه لواسطة عقد أبنائه "شريف"..

له الرحمة.. ولياسر وإلهام وشقيقيه الحزن النبيل



كل الحزن..

الاستاذة رجاء
ليك وحشة
اين انتى الان
شاطرة ...فعلا عنوان البوست يثير الفضول ويشد للدخول
وهكذا دائما بت العباسى
تقبلى تحياتى

الصديقة العزيزة رجاء
كويس اننا عرفنا نلاقيك اخيرا
الحكاية شنو ما تحركك الا العواصف الرعدية؟؟؟ يبدو انك اخذتى مناعة من العواصف الترابية..أليس كذلك؟؟؟؟ كتر الف خير مناطق الشدة التى تعملين فيها بالتأكيد ستأتين بذخيرة واسعة يستفيد منها الجميع...بالمناسبة أنا حاجز نسخة من مؤلفك الجديد وما عندى مانع اسدد الثمن مقدما

صديقي وجاري الحبيب حاتم..

سلام ومودة وشوق..

دي أجمل مفاجاة حصلت.. والبركة في المنبر الجمعنا مرة تانية..

توقع مني رسالة طويلة في الإيميل.. وبالمناسبة أنا حاليا في القاهرة لفترة لا أعرف حتى الآن كم؟

سأحكي هنا عن يومياتنا الجميلة في نيروبي واسمرا والقاهرة.. ولو قريت فوق شوية حتلاقي عبدالباقي مختار قاااعد..

يا لها من أيام..

وبالمناسبة المؤلف حيكون مفاجأة.. أدعو لي

والتمن إدًفع زمااااان..

أفتقدتك وصديقنا المشترك د. شفيع..

لك من الود الجزيل..

سلام ومرحب بيك

كيف الحال...


انشالله راويه وجميع الاهل بخير...


متذكراني ولا لا...؟


سلام

مكرر.

الحبيبة سلمى..

سلام ومودة..

راوية بخير.. وأتوقعها تكتب هنا في أي لحظة..

سألتني لو عرفتك ولا لأ..

بجد سؤال حيًرني.. لأنو لو بس عرفتنا هنا في المنبر أيوة عارفاك شديد.. لكن السؤال أوحى إنها معرفة أكبر وأعمق.. ولسة محتارة..

يالله جاوبني بسرعة..

ولك من الود الكتير

سلام يا عزيزتي


بدون حيره .... و بكل امانه والله العظيم, بقصد عرفتنا هنا في المنبر ...

ما زلت كسوله في المشاركه...بينكم..كما تركتيني..

تعجبني اقلامكم واسلوب الكثيرين منكم في الحوار.

لذلك تجديني استمتع باقلامكم .....

و قلما اشارك....

لك مودتي يا اختي.

والله من وراء القصد.

الحبيبة سلمى..

سلام تاني كبير..

أيوة بعرفك وبتذكرك..
وأنا زاتي متابعاك قاعدة تعايني بهدوء.. وبقرأ مداخلاتك المهذبة البتعلمني وغيري كيف يكون الرد..

ليك كل الود..

الأخت الحبيبة
رجاء

كنت واثقة, تمام التقة
بأن دفتر يومياتك سيتضمن
بوست الدكتور ياسر شريف..
..
لأبنه الرحمة..

و لك كل الود
و دوام المحبة

غادة

اختفي هذا البوست بفعل الحملة الاحتجاجية امس .

فوق ، ولقرأ يوميات رجاء

العزيز معتصم..

مرحب بيك في اليوميات..

تكرم..

الحبيبة غادة..

مرحب بيك في اليوميات.. وأكيد كان لـ "شريف" رحمه الله مكان هنا..

دمتي..

سلام للكل..

لهواة الفن الجميل دي بوستات رائعة:

سلمى صبحي: لوحــات تتغازل فيها الألــوان بريشة الفنــان الأستاذ....محمد مختـار جعفر

هشام آدم: ساحر لا يملك عصا .. إنما ريشة!!

..

بوست عصام عبدالحفيظ

. . نداء . انقــذوا ولــيد دارفور . .

..

الاخت / زجاء
سلام وتحايا
للضمان كده لمي لينا ده عندك
مسابقة كبــرى,,,,هات/ى اجمل اسم لبنوته,,,, واربح 100 دولار


لانو اكيد كان ربنا رزقنا بت حا نحتاج ليهو
مع اني مشارك باسم ( ريناد) والاسم عاجبني جداً
لكن المشكلة الاساسية ما عارف معناهو شنو
عشان كده ما قادر اقنع المدام بيهو وكل مرة بألف ليها حاجة جديدة عن معناهو عسى ولعل تقتنع بيهو والغربية شايفو من ضمن الاسماء الفايزة مع انو شرط المسابقة تجيب معنى الاسم ..... ؟


ناصر موسى

العزيز ناصر..

مرحبتين في اليوميات.. ومرحب بأي بوست تجيبو..

"ريناد" إسم جميل فتشتت عن معناه وما لقيته.. لكن تعرف شنو، في مرات أسماء ما بيكون عندها معنى بقدر ما يكون وقعها على الأذن حلو.. والله أعلم لأن دي فتوى خاصة بي شكلها كده..

أنا غايتو حأهديهم إسم "أمنية" إسم عاجبني شديد..

وربنا يجيب البنوته..

تحياتي

فلنسميه ، بوست ملف الأسري ، يا دكتورة
و ده من عندي يا رجوية

عبدالباقي صديقي الجميل..

مرحب بيك وبكل مجايبك..

بالمناسبة في البوست الأصلي بتاع الأخ بشرى عبدالله طلبت منه الاتصال بيك عشان تساعدهم بأي معلومة.. وبركة الكتبت البوست..

حأجيك برواقة..

تحياتي

بوست لقيت روحي بهديه لأي زول اليومين دي:

حــال الـمـنـبـر يـا هـبـة..

..

الأحباب جميعا

سلامات ومحبة

سأجمع كل بوستاتي هنا لظرف مغادرتي (المؤقتة) وحتى يسهل إيجادها عند عودتي..

مع الود الوافر

دارفور: أزمـة أمـن أدت لـكشـف أزمـة حـيـاة أم الـعـكس..؟

أسبوع المرأة: قـلـم كـحـل (موضوع قديم)

كـلام كـبـار كـبـار..

5 لوحات مهر "مـي مـحـجـوب شـريـف".. ألف مبروك

هـــــل للســــــودان مستقبـــــــل؟

حــال الـمـنـبـر يـا هـبـة..

أسـاسـي.. عـجـبتـنـا لـيـك البـنـيـة.. مــبـروك

بـشـاشـة.. أركـز لـلـبـجـيـبـهـا الـريـح.. تـقـيـف إنـت...ويـشـيـلـهـا الـريـح

رجـل مـطـلًـق..

Rawia ســــــلام..

عندك أخ/ت زوج/ة معاك في سودانيز أون لاين..؟

لـو كـنـتُ قـبـطـيـا...

عـرض أزيـاء رجـالـي فـي الـخـرطـوم..

لـك الـرحـمـة الـخـالـة جـلاديـس الرشـيـد..

المنبر يزدان بمقدم د. سعاد تاج السر علي الشيخ.. مـرحـبـا

حتى لا ننسى: يـوم فـي حـيـاة أسـرة نـازحـة في دارفـور*