عندك أخ/ت زوج/ة معاك في سودانيز أون لاين..؟

الأحباب جميعا.. قراء وزملاء

سلام وتحية

لاحظت إنه في المنبر في عدد مقدر من الأعضاء الأهل..

إحنا في المنبر 4 أخوات (تارا وراوية ورجا وسارا).. ومعانا كمان الأخوات قوتة (هالة ويمنى).. وفي الأخوات عوض خوجلي (ماجدة ومنى ومنال).. والأخوات الطيب حسن (شادية وعواطف).. راندا حاتم عندها أخت برضو

وفي أخوان ملخبطين يعني بنات واولاد زي الأخوان شيخ الدين (تماضر وأخوانها يا زول وتبارك وقصي ولد أخوهم).. وأخوان قدورة (أمل واخوانها شهيد وناصر)

وفي أخوان بدون أخوات زي الأخوان جبريل (طارق وناصر) وعبدالكريم واحمد الأمين..

وفي أم وبتها زي سلمى الشيخ وسوميتا.. أب وبنته زي د. أحمد الحسين ومريوم

طبعا في أزواج هنا زي (لنا ويعقوب)، (النصري وسهير النصري )، (سلوى والخواض)، (إلهام والبرنس)، (المحرب وعفاف أبوحريرة)، (رؤى واسامة الخاتم)، (مريم ونادر)

أكيد في أخوان وأزواج ما عارفينهم يا ريت نعرفهم في البوست ده..




تخريمة: عندي حمى 40 درجة ليها يومين.. إحتمال البوست ده من تأثيرها عشان ما تقولو رجا عايزة تعمل إحصاء في البورد ..

من الـ (Couples) برضو:
(أماني وعلي عمر)/ (سهام ود. بلة)، (بت الأحفاد وخالد كوليل)..

Quote: وعبدالكريم واحمد الأمين

مرحب يا رجاء والله يكثر الاخوان والاخوات في المنبر
احنا ثلاثة ماشاء الله
معانا الاخ د. صلاح الامين وهو السنير والمدير بتاعنا لكن يعيد من المنبر لفترة...
...
وبوست حميم وتعالوا نعمل رابطة اخوان اخوان بسودانيز اون لاين

Amal and Ahmed Omer and me,

السهيلي إزيك...

شكرا كتير.. قمت بالإضافة

ويا ريت زول تاني من آل مجذوب يكون معانا..

من الدوحة
عماد وصلاح عبدالله...
ومعتز قريش ومهلب القريش
والاخوات عواطف وشادية ومحمد الطيب...
وبت وابوها ماهيتاب والعجوز ابو ساندرا..

ونادوس وابنوسة (ازواج) ومعاهم اخوهم رقم صفر

عبدالكريم حبابك..

أهلا بصلاح.. طبعا إحنا ما نشيطين إلا أنا وأخوي الكاشف (راوية).. ناس تارا ديل راسييين والشديد القوي البيحركهم..

ومعاك إنه الخطوة الجاية تكون عمل الرابطة.. ونعمل فيها قوانين كده زي بتاعت الفرسان التلاتة (One for all & All for one)..

غايتو بس ربك يستر على المنبر..

الأب وبنته (أ. أحمد عمر وأمل) ومعاهم إبن العم السهيلي حمد مجذوب..

وأبو ساندرا وبناته ماهيتاب وساندرا

والأخوان: الكارب (رباب ومحمد خليل)، والأخوان عبدالله (عماد وصلاح)، والأخوان القريش (معتز ومهلب)..

والأزواج (ليلى ونادوس) وأخوهم معتصم..


أرجو عذري للتعديل للإضافة

Raja,

My father is uncle to Ustaz Ahamed and I am uncle to Amal

العزيز السهيلي..

قمت بالتصليح فوق..

والمفروض أضيف أن أولاد خالنا أستاذ أحمد عمر بيبقى ليهم خالهم..

الدنيا صغيرة.. والبورد اصغر..

تسلم

إزيك يا رجاء
وألف لا بأس عليك

أخواتي وأخواني في البورد كتاااار والحمد لله

إنتي أولهم

صديقتي اللدودة سعدية عضو ( من منازلهم )
تقرأ البورد بالنهار وتديني Summary لمن أرجع البيت ومرات لمن ( الشمار ) يحرقها تتصل تلفونياً " عليك الله أدخل النت شوية شوف موضوع ...... "
ومرات تقعد تترصد ( أخطائي ) لتشمت خاصة لو لقت زول ( بستفني ) شوية.

هل طلعت من موضوع البوست ؟؟

مشيها وفوتيها

هضربة صباحية

تعديل كلمة

عاطف يا حبيب واخو الكل..

صباحك نادي..

المستغربة ليه لغاية هسع ليه سعدية ما معانا..؟

ومن هنا لازم تنضم لينا وبأسرع وقت..

تحياتي ليها ولبنياتي والأمين

Quote: أكيد في أخوان وأزواج ما عارفينهم يا ريت نعرفهم في البوست ده..

تراث والجندرية أزواج
خدر وبارعة أزواج
بدرالدين شنا ورجاء العباسي أخوان

أخوي وصديقي الحبيب البدر..

شكرا ليك كتير.. قمت بالإضافة..

وبرضو بدرالدين شنا ورجاء العباسي اخوان (دي تنفع يافطة مية مية )

ودي

الأخت رجاء
تحية واحترام
المسافر (محمد ود حمد) وزوجته سلمى على محجوب
لكن نادراً ما تطل من هنا

المسافر يا عزيز..

صباحك فل..

تسلم للتعريف.. وقمت بالإضافة..

تحياتي ويا ريت سلمى تظهر في البوست ده ونتعرف عليها اكتر..

ودي لكما

من الأزواج ايضا:

(أماني الجندرية وعثمان تراث)، (بارعة وخدر)، (صباح/حليمة تو وابو مهند)

(سلمى علي محجوب والمسافر)..

بعد السلام

المهندس المعز هاشم وزوجته غادة عبدالعزيز
واخوه حاتم هاشم

ودي
ناصر موسى

العزيز ناصر..

صباح الخيرات..

تسلم للتعريف.. أنا بعرف غادة وحاتم.. وما عرفتا أختهم في ياتو (Category).. حلو إنو معز معانا برضو..

قمت بالإضافة..

شايفة في إسم عبدالله إدريس محمد وعمر إدريس محمد (عمر بعرفه بالحيل) فجراوي الزمان.. لكن ما عارفة هل هم اخوان ولا تشابه أسماء..

من الأزواج أيضا:
(غادة عبدالعزيز خالد والمعز هاشم) وحاتم أخو معز..

برضو د. هالة خوجلي وبكري أبوبكر ومعاهم بنوتتهم بيان

د. بلة العزيز..

سلام وتحية..

الليلة بقيت زي ناس التعداد صحي صحي.. شايلة ورقي وأعد..

ما تخاف علي من الثعابين.. أخدتا مناعة من السايبر من سنيييين

يا ريت سهام تظهر هنا كمان..

تسلمو

بكتاش ناصر وزوجته شذى عبدالله(يا بنت يا نيل)

وايضا من الاخوات

شذى عبدالله وعبير عبدالله

متولي يا غالي..

مليون سلام..

تسلم للتعريف، قمنا بعمل اللازم والإضافة..

تعرف بعد شوية حنعمل لستة طويلة تضم الجميع..

دمت ودام ودنا

سلام يا رجا وكفارة ليك
بكرى(سيدالحوش) وبته اعضاء
خالد كودى وندى مصطفى (أزواج )
ثريا ابراهيم وناظم ابراهيم وولد اخوهم كبروس
مطر قادم وجودة قادم

انوار عبدالوهاب وابراهيم الحاج (ازواج)

طه جعفر والهام عبدالخالق(ازواج)

طه جعفر ومرتضى جعفر(اخوان)

الحبيبة سلوى..

كفر الله سيئاتك..

طبعا قبل كده ما جاتني ملاريا كلو كلو.. لكن الحاسة بيه ده شكلها ملاريا.. بعد ما مشيت السودان إرهاب الإصابة بالملاريا بقى ملازمني لغاية هسع..

شكرا ليك للستة.. قمت بإضافتهم..

تحياتي لأسامة.. وقولي ليه رجاء قالت لازم الناس المعنيين يشاركو..

ودي لكما

بروف معز عمر بخيت/امانى عمر بخيت_اخوان
ابراهيم الحاج/انوار عبد الوهاب _ ازواج
ابراهيم الحاج /انور الحاج _ اخوان

علي يا عزيز..

سلامات كتارات..

تشكر على الإضافة.. قمت بعمل اللازم..

وييين أماني..؟؟؟؟؟

من الأزواج:
(ندى مصطفى وخالد كودي)، و(شذى/يا بت يا نيل وبكتاش ناصر)، (أنوار عبدالوهاب وإبراهيم الحاج)، (إلهام عبدالخالق وطه جعفر).

من الأخوات: (شذى وعبير عبدالله)

من الأخوان المجمر (هشام وسهام وأظن إلهام برضو)، (أماني ود. معز عمر بخيت)، و(مطر قادم وجودة قادم)، و(طه ومرتضى جعفر)، و(ثريا إبراهيم وناظم إبراهيم) وولد اخوهم مظفر (كبروس)، و(ابراهيم الحاج وانور الحاج)، و(نادر وناصر ومحمدالحاج)..

تحياتي يا رجاء ولكل آل العباسي في كل مكان ... وفرحين بعودتك القوية للكتابة في البورد وأبلغ خالص تحايا مريم ... في البورد كذلك (نادر+ناصرالحاج+محمدالحاج) أخوان. وهناك طه ومرتضى جعفر.

الأخت العزيزة رجاء أنا والله ما عندي إضافة لكن العنوان جذبني وحبيت بس أشارك معاك

أنا ما عندي أخوان أو أخوات أو زوجة لكن بعتبر كل من إنضم للسودانيز اون لاين أهلي وخاصة اخونا

بكري ابوبكر , وبما إنك مريخابية فاتن أختي الشقيقة . والكتابة بالأحمر لزوم التورية .

العزيز هاشم..

سلام وتحية ومرحبتين..

تصدق أنا شايفة إسمك وإسم اسامة خلف الله.. وكنت شاكة إنكم أخوان.. سبحان الله..

مرحب بيك في بوست الأخوان.. وأنا أخواني الهنا لو كتبتهم ما حيكفي البوست ولا بوست تاني كمان..

عرفت أجمل الناس وجمعتنا أجمل المناسبات وأصعب المحن.. وبجد في ناس هنا ما جابهم العباسي لكنهم أخوان بحق..

وتسلم يا مريخابي..

تحياتى رجاء
صدق البوست ده مهم كتير
ووجدنا انفسنا وسط عصابة من الرائعين
غايتو لو قمتو بانقلاب بتقلبو البورد ده فى دقائق

((وليد 500 واخته.......)) تعرفيها ليك 50 جنيه مصرى

وليد 500 الكوز المستنير ..

سلامات وتحايا..

طبعا عرفتا أختك.. وهي أكيد إسمها حاجة 250. مش برضو للذكر مثل حظ الانثيين ..

أعملو حسابكم.. الإنقلاب ساااهل يتعمل في البورد لو طلعنا من البوست ده برابطة.. واللذيذ حيكون معانا بكري زاااتو..

سلمت..

ما المصيبة فى كونه بكرى زاتووووووووووو معاكم

Quote: الأخت العزيزة رجاء أنا والله ما عندي إضافة لكن العنوان جذبني وحبيت بس أشارك معاك أنا ما عندي أخوان أو أخوات أو زوج لكن بعتبر كل من إنضم للسودانيز اون لاين أهلي وخاصة اخونا بكري ابوبكر , وبما إنك مريخابية فانت أختي الشقيقة . والكتابة بالأحمر لزوم التورية .

رجاء نورتيناالله ينور عقلك ثم قبرك
أناجابنى الجاب أخونا هاشم
قلت إمكن فى نصائح نستفيد منها
وقالوا أسأل مجرب ولا تسأل طبيب
لك كل الود.
( بس أنا هلالابية يارجاء وهاشم.)

الحبيبة سمية..

يا ألف مرحبا بيك في أي بوست.. وهنا خصوصا..

من البوست ده حنعرف عن بعض أكتر.. هسع أنا أول مرة أعرف ناس أخوان وناس أزواج.. وبيكون بمثابة تعريف أو إعادة تعريف للإعضاء.. ودي الحاجة الحلوة

ولأني أبدا ما شفت ليك عيب في المكان ده.. ويشهد الناس كلهم بكده.. ما حأقول ليك عيبك الوحيد إنك هلالابية.. فالهلالاب برضو ليهم نصيب من المعزة في قلوبنا (بالجنبة كده)..

واللون الأزرق لتحيتك يا ذوق..

رجاء

سلام و أهلييين

كفارة و سلامات

محمد الشيخ و زوجته ست البنيات
مصدق و زوجته حليمة محمد عبدالرحمن
طارق و زوجته د. رشا

تخريمة : طبعا عزابة الرياض حسع كل واحد بيتخيل إسمو و معاهو ( ست الريد ) مكتوبة

الحبيب أبو جهينة..

أهلييييين..

وبجد ليك وحشة..

تشكر على الإضافات.. وأول مرة أعرف إنو مصدق راجل حليمة.. معلومة حلوة بجد

Quote: تخريمة : طبعا عزابة الرياض حسع كل واحد بيتخيل إسمو و معاهو ( ست الريد ) مكتوبة

وحاتك ما براهم.. كلنا قاعدين نقيس ونتخيل ونعمل تباديل وتوافيق

نادر يا غالي..

سلامات ومراحب..

وشكرا ليك للإضافة..

سلامي لمريم ومنتظرينها.. وعقبال ما نشوف محمود الصغير معانا..

ودي

رجاء الف لاباس عليك
انت بريه من الحمى والنيران
وانت بريه من مرضا بجو الجيران

مريخنا فوق .

صديقي الغالي ود المحرب..

سلامات وحمد لله على سلامة عودتك لبيتك بخير..

وتسلم على الدعوة الحلوة..

ما تشوف فصاحتي دي ساكت.. بخاف موت من العيا..

دمت

رجا
بوست ظريف فعلا - حلو انه الواحد يتعرف اكتر على الاعضاء ويعرف طبيعة العلاقة بينهم في الواقع على الاقل ح نعرف لما يكون في تعليقات من نوع (مين يشهد للعروسة )

الأستاذة الفاضلة شادية..

أهلا وسهلا..

تعرفي السبب ورا البوست ده كان ردي على أختك عواطف في بوست راوية أختي..

من متابعتي للزملاء هنا.. ما قاعدين الأخوان يتداخلو في صالح بعض إلا لما يلاقو ليهم زول بدا يشاكل أخوهم أو أختهم.. غايتو انا بعمل كده مع راوية ..

والأزواج نادرا ما تلقيهم في بوست واحد.. لو عاينتي لبوستات لنا مهدي ما حتشوفي إسم يعقوب إلا في بوست فيه تهنئة أو عزاء..

غايتو انا كان راجلي معانا هنا.. بوستاته بزخرفها ليه وأرفعها الـ 24 ساعة مع الـ 5 بوستات الأولانية ..

سلامات يا رجاء العزيزة,

وسلامات تانى من ال40 درجة دى

شكلها عاملة رجّة شديدة !

ذكرتينى ناس اللجان الشعبية و احيانا أخرى ناس التعداد السكانى !

رب إخوة لكم لم تلدهم امهاتكم!

الحمد لله إخوتنا فى الإنسانية كتااااار هنا,

سلامى لكل العبابسة,

دمتم


أيمن

أيمن يا حبيب..

إزيك إنت؟

طبعا يا جماعة أيمن ده أخونا صحي صحي.. وهو إبن الأستاذ الفاضل عبدالرزاق الطيب.. كانوا معانا في حنتوب وعشنا كما الأهل.. ودامت العشرة حتى اليوم..

ربي يديمها كمان وكمان..

مرحب بيك يا أيمن

الاخت رجاء سلامات

Quote: لاحظت إنه في المنبر في عدد مقدر من الأعضاء الأهل.. إحنا في المنبر 4 أخوات (تارا وراوية ورجا وسارا).. ومعانا كمان الأخوات قوتة (هالة ويمنى).. وفي الأخوات عوض خوجلي (ماجدة ومنى ومنال).. والأخوات الطيب حسن (شادية وعواطف)..

تتخيلي نحن دايما واقعين تحت الرجلين يعني الاسم الطويل وعريض ده ماعاجبك
بوست جميل ومفيد
لزوم الشمارات وكده

العزيز محمد..

أولا ليك العذر من هنا لغاية الدوحة.. وحأمشي اضيف إسمك في اللستة الجديدة..

ومرحب بيك في المنبر..

تعرف أنا لما كتبت البوست أصلو ما كنت متخيله يتطعًم بالشمار كده.. أول مرة أعرف ناس أخوان وناس معرسين.. أتاري كنا مسطحين ساكت ..

مرحبا

مريم محمد الطيب وعبداللطيف على الفكى.

سيف الدين يا عزيز..

ألف مرحب بيك.. وتسلم للإضافة..

من الأزواج أيضا:

(حليمة محمد عبدالرحمن ومصدق ما فنان الكاريكاتير مصدق تاني)، و(مريم الطيب وعبداللطيف على الفكي) و(ميادة ومحمد الشيخ) و(د. رشا سالم وطارق)

الأخوان: (شادية وعواطف ومحمد الطيب حسن)، و(نهار وأيوب عثمان نهار)، رشا سالم زاتها عندها أخوان ما عارفة أسمائهم

البوست لما يكون لذيذ وخفيف زي بوستك ده بجيب دخل والردود بتكون كلها حلوة وده دليل على حلاوة دواخل الكاتب والمعلقين

شادية يا حبيبة..

سعدت شديد لمشاركتك في البوست.. وأتمنى إن المنبر يتصلح حاله ونلاقي فيه كل جميل..

وحأنتظر حضورك تاني..

عبااااااااااااااس ورجاء العباسي منسوبه لي يعني وراويه كمان

زيكو وهوزي ازواج

كل الاعضاء اخواني

عباس ابو التومات الغالي..

سلامات ومحبات..

طبعا نسبنا ليك عدييل..

شكرا لإضافاتك الجميلة

الاخت رجا

عن جد بوست جميل
والاجمل ان عرفنا بمعلومات جديدة عن الاعضاء
وبصراحة انا اول مرة اعرف بنسة 99% الارتباطات العائلية المذكورة في البوست

وطبعا جاني احساس بالوحدة لانو اكتشفت انو ناس كثير بالبوست اخوان واخوات وازواج

بس هل في نسابة برضو ؟؟؟؟

بس عموما انا بعتبر كل الناس الفي المنبر اخوان واخوات واصدقاء عزاز

لدرجة انو بحب ناس كتار ( حب اخوان )وبعزهم رغم عدم وجود اي معرفة بيناتنا ولا مداخلات

عن جد المنبر دا كل يوم بكتشف فيه حاجات احلى






ودي اجمل مداخلة في البوست

Quote: غايتو انا كان راجلي معانا هنا.. بوستاته بزخرفها ليه وأرفعها الـ 24 ساعة مع الـ 5 بوستات الأولانية

شكرا ليكي رجا

العزيز أيوب..

سلامات ومراحب..

سعدت للغاية إنو البوست عجبك.. وحزنت لإحساسك بالوحدة.. وزي ما إنت براك قلتا. البين الناس هنا أكبر من الأخوة.. وأنا جربت كده هنا في القاهرة. وفي الأمارات وفي السودان ولما لاقيت الحبايب في فيينا.. زي الأهل بجد

ربنا يحفظ الود البين الناس.. هو الدنيا دي فيها شنو غير الكلمة والسيرة الحلوة..؟

مرحب بيك تاني

رجاء ازيك..

أهلي في المنبر :

السهيلي مجذوب ، آل العباسي ، ونهال الطيب

ومن حلتي:

آل الكارب

واهلي في الغرب :

الجندرية وتراث

تسلمي رجاء على البوست الجميل

أمل يا حبيبة..

من أجمل المفاجآت الحصلت لي في المنر هي لقاءكم مرة تانية..

ليك الف تحية وألف سلام

سلامات يا رجا، وسلامتك.. وشكرا على البوست الظريف..

هنا برضو أنا وإلهام أمير.. قلت ليها إشتركي تعرفي قالت لي شنو؟؟ كفاية علينا إنت!!

ولكنها تقرأ وقد كتبت يوما بوستا بإسمها وكانت هي تمده بالمواد هنا:
هذا البوست من زوجتي إلهام.. وقد وعدتها بأن يكون بإسمها

ما تنسي في المنبر الأخت د. نجاة محمود أمين "بيان" وشقيقها الأخ عادل محمود أمين "عادل أمين"..

وسلام للجميع..

ياسر و [إلهام من وراء حجاب ]

من الازواج بهذا المنبر الاخ خالد الايوبى والاخت اميره عبدالرحمن واميره تكتب اسمها بالانجليزيه وهى قليله المشاركات وتوجز كثيرا..

العزيز أحمد..

سلامات ومراحب..

شكرا كتير على التعريف.. حاقوم بالإضافة

الأحباب إلهام وياسر..

سلامات ومودات..

ما حنرضى إلا بعضوية كاملة لإلهام.. مشيت قريت البوست الفي الوصلة.. وما حنقبل يكون قلمها ورا حجاب

من توصيات البوست ده أي عضو عايز يقدم لزوجته حنعمل ليها تزكية سريعة..

وشكرا ليك يا ياسر على الإضافة وفعلا أعرف الصديق عادل أمين الرجل الخلوق المهذب.. حاقوم بإضافتها

ودي لكما وللأبناء

رجاء إزيك

الحقيقة المدام فى منبر وانا فى منبر
عايزين نتلم هنا لكن زى ما شايفة بكرى كل شويتين بقفل باب العضوية ،وحاولت اعتذر ليها ردتنى بقولها (أمبارح دى فى ناس سجلو!)
ولو استمر الحال كده اخليها تتلم معاى فى باسوورد واحد وخلاص ولا شنو؟



مودتى

وليد عريسنا العزيز..

سلامات ومحبات..

هسسع قلت لدكتور ياسر حنطلع بتوصية من البوست ده لكل (الفرد) الما مسجلة معانا..

ثم ثانيا.. التسجيل إتقفل من شهر بس.. إنت ليك كم معرًس..؟

تحياتي لنصك الحلو..

من الأزواج برضو:
(هوازن/هوزي والفاتح/زيكو)، و(خالد الأيوبي وأميرة عبدالرحمن)..

من الأخوان (عادل أمين ونجاة محمود الأمين)، والأخوان أبو سن (سموأل وحاتم)..

رجاء حمتك حلوه مادام بتخليك تجيبي حقايق..علشان كده ماهقول ليك سلامتك!

وقريبا ان شاء الله ماما جاره معانا..وماتتهجموا!
واليرش أختي بالنار أرشه بالمويه

اضافتي ليك انعام حيموره وعلاء ومحمد أفتكر اخوان ده غير بنت العم وخالتي بت عم أمي لزم..ديل محسوبين؟

شمال وجنوب أخوان

قلت ليك..
انتي ليه ما صليتي علي النبي "كتابه" قبل ماتعدي الناس دي كلها؟

منوية يا حبيبة..

سلامات ومودات

غايتو لو ماما جارة بقت معانا حنمسكها رئاسة الرابطة وبقلب جامد نجيها بعد كل بوست نشتكي (شفتي داك قال لي شنو؟ شفتي ديك بترمًي في الكلام قاصداني، شفتي بكري قفل المنبر وطفًش البوست، شفتي عدد الزوار في بوست عاطف (الكعكة ) إختفو كيف..) ..

طبعا أنا ما خايفة من العين بقدر ما خايفة من زول يجيني يقول لي مالك ومال أخوي أو مرتي ..؟

لكن إتطمنت قانونيا من الناحية دي.. وهي إنه بما إنهم أعضاء هنا فأسمائهم معروفة وهم معروفين.. يعني ما مشيت دقيت لي باب وجبت الإسم او عملت كم سلك وجبت المعلومة ..

الزول بقى يأمًن نفسه قانونيا وكده.. الظروف ما معروفة

ودي

رجاء

سلامات كتااااااار


ما بينفع تطابق الأسماء عشان الواحد يقول دا اخوي او اختي؟

غايتو انا عندي اخوي هنا اسمو عصام عبد الحفيظ

وفي ناس كتار مفتكرننا اخوان

لكن بالجد هو صديق وأخ عزيز جداً

إنعام يا حبيبة..

سلامات ومراحب..

غايتو كان عصام عبدالحفيظ اخوك.. إحنا زاتنا أخواتك. لأنه عصام ده أخونا برضو

حلو شديد لما تلقي ناس بينهم حاجة حلوة كده

فرحت بمشاركتك

تحياتى يا رجاء

بوست جميل ومهم و مفيد جدا بالذات للاخوان لان تشابه الاسماء

مرات كتيرة بشكك الواحد فى علاقة الشخصين ببعض لكن ما تقدر تسأل



نشكرك على هذا البوست



أحمد العمار

العزيز أحمد..

ألف مرحب بيك في بوست الأخوان..

وربنا يديم الود بيناتنا

السلام عليكم

رجاء ازيك
شكراً على البوست الخفيف الظريف
اها
انا جاييك ب ( نمونة غير )
رايك شنو شقيقي موجود هنا ... وقديم كمان
انا عارفو لأنو بيكتب بأسمو الحقيقي
بس هو ما عارفني
وانا مستمتع جداً بالحركة دي
اتخيلي لما يقعد يطيرها معاي شكلة لرب السما
وما بعيد ينفعل وينبز ويقول لي مثلاً ( أخوانك صعاليك )
دي ما حصلت لسة ، لكن ما بعيدة على الحال الشايفنو في المنبر ده
او يقعد يجامل فيك
يا سلام عليك يا الزوول
والله ظاهر عليك زول فنان ...الخ
للأسف ما اقدر اقول اسمو ... عشان ما افقد متعتي (الخبيثة) دي
تحياتي
........................
وما الناس إلا هالك وأبن هالك *** وذو نسب في الهالكين عريق

الزوول العزيز..

سلامات وتحايا..

أولا يا ريت تقول لينا إسمك.. طبعا تابعت في بوست الأسماء المنبرية وما طلعتا بنتيجة.. وتاني بطًل (غتاتة) على أخوك وقول ليه ..

لو رسلت لي إسم أخوك في المسينجر حاكتب اقول فلان الفلاني أخو زول معانا هنا ...

بنهاية البوست ده لازم نعرف كل الأخوان

شكرا على مشاركتك

سلام يارجا

قبل حوالى سنتين عملت لى بوست
فوجئت بسهير احد المتداخلين (وهى دائما ما بتداخل فى بوستاتى )

فكرت ...وفكرت

وقررت اعمل مجنون
وقمت بمخاطبتها بالسيده سهير للتضليل ....

ردت على بالانجليزى ( اصلها ما بتعرف تتطبع عربى)

ممكن تلقى ردها فى البوست ده ..
3سودانيين مضربين يتعرضون للضرب من مدراء المصنع(كندا)

وبهدوء خليت البوست يمشى للصفحات الخلفيه
.....


برضو ...


فى زول فى المنبر ده زوجته بتكتب معانا

اموت واعرف بتكتب بياتو اسم..
نتمنى بوستيك ده يبقى شرك ويبرد بطنا

رجاء

Quote: تشكر على الإضافات.. وأول مرة أعرف إنو مصدق راجل حليمة.. معلومة حلوة بجد

مصدق مش فنان الكاريكاتير ..
مصدق واحد تاني .. عضو معانا بس مشغول في منتديات كتيرة و نادرا ما يخش هنا و لكنه متابع

أبو جهينة يا عزيز..

شكرا ليك للتوضيح..

طبعا أنا عارفة حليمة صحفية.. ومصدق فنان كاريكاتير.. فإتخيلتا كده..

أقدم إعتذاري للإتنين ولأنصافهم الحلوة التانية لو إتضايقو من سوء الفهم ده..

ودي

هههههههههه يا النصري..

مشيت قريت رد سهير ليك.. ما حصل

Quote: فى زول فى المنبر ده زوجته بتكتب معانا اموت واعرف بتكتب بياتو اسم..

غايتو لو قلت لينا الزول منو أوعدك حنعرف مرته منو..

تحياتي لسهير وقول ليها أظهر وبان..

EMU و إيمو أخوات

لا تكتري من الجنزبيل يا رجاء

إيمو العزيز..

سلامات ومراحب..

جنزبيل براهو؟ ده ما خلينا حاجة

تسلم

الأخت رجا

تحياتى

أنا برضو أخوى هنا (د/ أحمد أمين) و بنت خالى و "حماتى" تراجى مصطفى ، و ود خالتى مكاوى محجوب الشريف،،

"تخريمة"

وجارنا "لزم" مولانا عادل سمير ، و د المعز عمر بخيت

أها يلا متابعين معاك

نوسة يا حبيبة..

مليون سلام ومرحبا

شكرا كتير على التعريف الجميل.. حاقوم بالإضافة حالا..

وفعلا عايزين نعرف القرايب كلهم.. يعني أي زول عنده قريب يعرفنا بيه..

تسلمي..

ازيك يا رجاء

غايتو والدي الحبيب زااااتو معانا هنا و نبهني للبوست دا
لكن ما بوريكم ليه..
يجي واحد كمان يوم يقول لي : بجيب ليك ولي امرك

تسلمي على البوست الظريف و ان شاء الله ما يكون في ناس لابدين
بيها زيي ..ههههه

مودتي

العزيز سعد الدين..

سلامات وتحايا ليك وللوالد الكريم..

طبعا ما حنقبل غير إنك تعرفنا بيه.. وياريت يجي هو بنفسه يعرفنا ونتشرف بيه..

وصدقتا بالفعل.. تاني لو عملت أي شئ حنمشي لكبيرك ..

تحياتي وفي الإنتظار..

الأســاذة رجـــاء

ســلام

يا ســلام على البوست الظريف الذي جمعنا كأسرة واحدة.
أنا أبو سعدالدين ولي عظيم الشرف بوجودي مع الكوكبة المحترمة في هذا المنبر.

كان سعدالدين دا غلط مع أي زول/ة قـولي لي عـــوك

تحياتي ومودتي

العم الفاضل جعفر إسماعيل..

ألف مرحبا بمقدمك وتعريفنا بشخصك الكريم..

من اجمل المفاجآت الحصلت في البوست.. وبركة يا سعد الدين العملنا البوست وجاب لينا الوالد..

أوعدك من الليلة أباري كتابات سعد الدين ولو شفتو مشى كده ولا كده حنجيك في مكانك..

مرحبتين تاني..

وبجد انا سعيدة سعيدة..

الاخت رجاء بوست طريف وظريف ،وفكرة غير مسبوقه، الجميع اهلى واسرتى هنا، لى اقارب فقط هنا، شكرا يا راقية.

العزيز هجو الأقرع..

سلام وتحية..

مرحب بيك في البوست..
وفعلا هسع كده أنا إكتشفتا إنه الخوًة في المنبر ده ما بالدم.. وفي ناس معرفتهم براها كنز..

نحمد الله على النعمة دي.. الناس كلها ما حاساها

شكرا لمشاركتك الجميلة

والله بعد دة يا رجا
انا عندي أختي ليلي الا أجيبا ليكم
عشان عندها الجينات البعاتية
وخاصية السخطة بي كل تفاعلاتها الجنونية


انتي الرجـا و المرتجـا العمرو ما خيب رجـا

وسلمي لي علي راوية
قولي ليها الحبيب نورة مشتاق ليك موت أحمر
مرة كدة في المسينجر قالت لي دقيقة برجع ليك شوية كدة
عندي مشوار في الشقة!!
قلت ليها أجيش!!! انا أقرب مشوار في الشقة بتاعتي بوديني الشارع التاني
مقدررررررررررة و سيطررررررررررة

السلام امانة


شكرن كتيرن!

حبيب نورا وكل النوارات

سلام كبيير ومحبة

راوية رجعت من يومين.. وهي بخير

شكرا لكلامك الحلو وفي إنتظار ليلى..

ودي

حبيب راوية ونورة


والله مشتاقة ليك وبجد

وياحليل ايامك وايام الماسنجر

ادينا نمرة تلفونك بالماسنجر ونحنا نوضح ليك الحاصل عشان تعرف براك الحصل لينا


رجوية بوستك حلو

بس عندي سؤال

علاقات تانية غير الاخوة والزواج مابتنفع

عشان عاوزين نشوف طريقة لاساسي دا نلمو علي جهة

لاولا الحبيبة (يا جماعة راوية دي كلنا لما كنا صغار ما كنا بنعرف ننطق إسمها وكنا بنقول ليها كده )

سلامات كتااار..

أساسي ده ينفع في فئة (المشوكشين من جكس البورد ).. خلينا بعد يومين نعمل لينا بوست ليهم ..

هسع عادل أمين قال لي أساسي وهو أخوان مسلمين ..

غايتو أساسي أخ اساسي لناس كتار هنا.. وخوته ما بناباها

ودي

سلام تاني يا رجاء

من الأخوان
أماني عبدالجليل ( الجندرية )
أسامة عبدالجليل ( أبومهيار )

عاطف يا عزيز..

ألف شكر..

فعلا أنا عندي حمى.. كيف نسيت أبو مهيار والجندرية..؟

تابع معانا ضروري

من الأخوان أيضا:

(أماني الجندرية وأسامة أبو مهيار)، (نوسة ود. احمد أمين) وبنت خالة نوسة تراجي مصطفى، وولد خالتها مكاوي محجوب الشريف

Quote: طبعا في أزواج هنا زي (لنا ويعقوب)، (النصري وسهير النصري )، (سلوى والخواض)، (إلهام والبرنس)، (المحرب وعفاف أبوحريرة)، (رؤى واسامة الخاتم)، (مريم ونادر)

عدي معاكي ميادة و محمد الشيخ(أحدث كوبل)-وجه باسم-
إلهام و طه جعفر
حليمة و أبو مهند
ويوجد أب و بنتو و زوجتو يا رجوية:بكري أبو بكر و هالة و بيان صغيرتهم الإنضمت مؤخراً
دقيقة بعمل رفرش للذاكرة و أجي

لنُو يا حبيبة

صباح الخيرات..

طبعا حأعتمد على ذاكرتك وذاكرة راوية.. عارفاكم شيوخ حلة ..

سيبي الكي بورد ليعقوب يجي يسلًم على الناس الهنا.. ويقابلوه..

ودي

Quote: تخريمة : طبعا عزابة الرياض حسع كل واحد بيتخيل إسمو و معاهو ( ست الريد ) مكتوبة

علاء تمبس و ..........
صلاح شتات و .........
معتصم دفع الله و ........

يا رجوية بالله أكملي النقاط الناقصة دي

ههههههههه يا مو..

إنتو الواحد فيكم يلبد.. وفجأة نشوف ليك التهاني والأغنيات تتطاقش ..

في الأول قولو لينا (مجكسين) منو عشان ما نمشي نلخبط المواضيع ..

ودي..

انا واساسي اخوان


اخوان مسلمين يا رجاء


مرور للتحية للجميع في هذا الوطن الافتراضي

وتحية لياسر الشريف

ايوه
انا وبيان/نجاة اشقاء

وانا ومنوت اخوان
في الانسانية
كما قال المطرب الراحل مصطفى سيد احمد

الحبيب عادل..

سلامات ومودات..

أساسي ده خوتو خوة جريوات.. يلعب معاك حلووو.. وفجأة تلاقي العكة قامت ..

لا والله أنا شخصيا من الناس الغيرو رايهم في أساسي 180 درجة.. أول ما جينا كان متلًحتى وبيرد لي رد لما يخلعني.. وكنت مكجناهو وما بدخل في اي بوست ليه.. ما بعرف الحصل شنو، لقيت ليك الزول أصلو ما بالصورة الكان مصدًرها لينا.. وبقيت بقلب جامد ورجلي اليمين أدخل ليه وألاوي كمان.. وهسع غايتو بعد العرس والبنية دي ما بتخيل لي تاني يرجع للخربشة ..

منوت من الناس الحلوة بجد.. وبفم مليان وسعيد اقول إنه من اقرب الأصدقاء.. لم ينقطع عن السؤال عني طيلة إنقطاعي من المنبر..

وإنت زاتك يا عادل من الناس الواحد بيقول عنهم: ده أخوي بالجد..

تسلم.. وبطًل غيبة

Quote: أساسي ده خوتو خوة جريوات.. يلعب معاك حلووو.. وفجأة تلاقي العكة قامت ..

تشكرى اختي رجاء وراوية ايضا واعتز بخوتكما ولا زلت اذكر هدية رواية في عيد فالنتين...
اساسى زول مفترى لانه عمل نفسو ولد السيد محمد عثمان الميرغني(بوست لاساسى في الارشيف)

ونحن قايلنو شماشى ساكت
في الحقيقة عداوتي ليه وربنا يعرف الفي الضمايير
ما كانت متجذرة...بمكن نصها ريد ساكت

ما عارف الحصل ليه شنو بعد ما جاء من السودان اخيرا
غايتو شايفو بقى ليبرلي /اسلامي بعد ما اخد جرعات مركزة من من طبيب العائلة عادل عبدالعاطي

هذا الوطن الجميل
نختلف ...نتعارك....نتخاصم ولكن نعود
والسودان بلد القيم
وهنا بدات الحضارة
وهناك حركة عودة لكثير من الناس الزمان
بس
افتقد
العم ارنست سوداني عجوز
عساه بخير

عادل يا عزيز..

سلامات ومحبات..

فعلا الناس هنا علاقتهم بقت زي الأهل.. أنا لما رجعتا آخر مرة هنا كان إحساسي زي كنت مسافرة ورجعت البيت.. مش بتسلم كده وبيكون في مليون شئ وسؤال في راسك.. وتبدا تدخل الأوض تشوف التغييرات الحصلت وتسمع الأخبار الفاتتك.. ده الحصل بالضبط معاي

العم أرنيست بجد ليه وحشة.. أتمنى فعلا يرجع في موسم عودة كل العصافير المهاجرة..

ودي

السلام عليكم ورحمة الله وبركاته

الحبيبه رجويه صباحك فل وياسمين

أستمتعت ببوستك هذا وانا اتناول افطار الصباح(Toast with jam and butter+ orange juice & a cop of milk) وقد اعطى بوستك هذا مزاقا خاصا لافطارى

سعدت بهذه التعريفات وكما قلتى انا وزوجى خالد (كوليل) فى هذا البورد لكنه لا يكتب الا قليلا برغم متابعته للكثير مما يكتب هنا

لى ايضا بنت خاله وود خاله هناعرفتهم بمحض الصدفه وهم ناصر البطل وريهان
الريح الشاذلى

وايضا قريبات فى هذا المنبر وهم الحبيبتان لنا مهدى ورباح الصادق

كما سمعت ان الاخ محب وابناء شيخ الدين ينتمون لنا بقرابه لجدنا احمد شرفى اتمنى ان يؤكدوا هذا الكلام او ينفوه

ايضا القرضابى وشوقى سليمان طلعوا اقرباء لنا

وبنات العباسى لنا قرابه معهم زكرتها لى راويه يوما فأرجو ان تتأكدى منها

انا متأكده ان عرفت نفسى بالكامل من ناحيه الام والاب سيطلغ نصف البوردابى
من اقاربى او معارفنا

ولكى التحيه بحجم هذا البوست الجميل وحمدلله على سلامتك

ومرحبا بعوده الاخت راويه


وفى امان الله

لا اله الا الله

بوني ياحبيبة

الف الف الف مبروك ياحبيبة ومبروك لخالد

ماعندي طريقة اتصال بيك وياريت تمديني بيها

اما

Quote: وبنات العباسى لنا قرابه معهم زكرتها لى راويه يوما فأرجو ان تتأكدى منها

ايوة يايوني

لينا الشرف بانه يكون لينا نسب معاكم


وبيجمعونا معاكم الاخوات الغاليات اميرة وامل جعفر قريش وقع ليك

بوني الحبيبة..

صباح شريف يا أميرة..

قراباتنا معاك بناس قريش.. ولما كنتا في الخرطوم آخر مرة سألت عنك وقالو لي كيييف؟ بالله بتعرفو بعض؟ شفتي الدنيا صغيرة كيف؟

وحلو نعرف ريهان وناصر أولاد أخوالك.. وأولاد شيخ الدين ومحب والقرضابي وشوقي سليمان ولنًو ورباح..

ده البورد كله أهلك وإحنا ما جايبين خبر ..

تعرفي تاني في أول بوست دشمان.. عليك علي أحشدهم ليك بالدور.. طبعا بعد ما أنا وراوية نقوم بالواجب ..

تحياتي لخالد. ويا ريت يظهر علينا في البوست ده

وبالهنا يا حبيبة الفطور.. والله يسلمك

الغالية رجا العباسي
خالص تحياتي وشكري على هذا البوست الرائع..
تعرفي بالبوست دا عمت
عملتي حاجات كتيرة.. واحدة منها ، على سبيل المثال ..انو الناس
تاني ح تعمل حسابها كان دايرة تتشاكل مع واحد / واحدة..
ما خلاص بقي عندو/ها بودي قارد..
يعني متوقع لغة المخاطبة و الاختلاف يتغير ترمومتر حرارتها..
ونتوقع ان نودع مواسم "الدُواس".
انا زوجي اسمه الحقيقي مصدق الصاوي خلف الله
وهو عضو نشط هنا ويكتب بصورة منتظمة باسم "ابو خالد"
له مداخلات كتيرة اغلبها في بوستات الاقتصاد والموسيقي..
لذا لزم التنويه..
شكرا للريس ابو جهينة على مبادرته الطيبةلضمنا الى قائمتك الكبيرة،
قلبا ومحتوى..
خالص مودتي..
حليمة

الحبيبة حليمة..

سلام ومودة..

أولا أشكر البوست العرًفنا على الأستاذ مصدق.. يعني لو ما البوست ده اصلو ما متخيلة نصك الحلو معانا..

وفعلا ملاحظتك في محلها.. تاني الناس حتخت إعتبارات للناس التانية.. وبكده النفوس حتهدا شوية

ياااا رب

ودي

رجوية الحبيبة
تبري من الحمى
سلامتك والسودان كله كرامتك
وأنتي الهضربة منك زاتها ما إبداع

عايني أنا أسامة خلف الله ود عمي ومتربي معانا في البيت يعني أخوي الكبير

وبعدين كان لتطابق الاسماء والله نص ناس المنبر ديل أخواني لانو الطيبين كتار

وتسلمي يا عزيزة من كل شر

الحبيبة نهال..

سلام ومحبة وريدة من أول يوم شرفتينا فيه..

تسلمي من كل شر.. تعرفي أنا علاقتي بالدكاترة سيئة للغاية.. امي من أمبارح واقفة في راسي عايزة توديني للدكتور.. بخاف رسمي منهم.. وطبعا ما حأقول ليك الحقن بيشكًلو لي شنو..؟ ومستعدة أقنع نفسي أني بقيت تمام عشان بس ما أمشي للدكتور..
طبعا الدكاترة المعانا هنا حيكونو إتصدمو من إعلاني ده ..

أسامة أنا كنت قايلاهو اخو هاشم.. حتى قلت ليه فوق كده..
وفرصة حلوة نعرف إنه أخوك الكبير..

دمتي

سلام تالت يا رجاء

من الأخوات
عشة بت فاطنة ( عائشة مبارك عوض الكريم )
عالية عوض الكريم ( عالية مبارك عوض الكريم )

من الأخوان

د. أحمد مصطفى الحسين
متوكل مصطفى الحسين

من الأخوان أيضاً

د. حيدر بدوي صادق
النزير بدوي صادق

غايتو يا عاطف ما عارفة أقول ليك شنو..؟

بركة في يقظتك ومتابعتك..

تسلم يا هميم..

حأعمل الإضافة

رجويه حبيبه اريك
ماتنسى ديل اخوى واخته




وماتنسى كلام راويه وانا غايتو بديك عينة

وديل زوح وزوجته ولو انتى عملتى جوله شامله كامله هتلقيهم فى

[/url
[url=http://www.sudaneseonline.com/]

البوست جميل عجبنى قلت اهظر شويه معاكم

Quote: تشكرى اختي رجاء وراوية ايضا واعتز بخوتكما ولا زلت اذكر هدية رواية في عيد فالنتين...

وانا يا عادل مابنسى ليك موقفك مرة وعرفت فيه قدر شنو انت انسان محترم

كل التحايا ليك

بالمناسبة من احرص الناس اني اقرا لك ماتكتب

رجاء العباسى


لامن ربنا جبانى الدنيا جبابنى وحيد
لا أخو ولا اخت ( اشقاء ).
لى اخوان واخوات غير اشقاء من طرف (الحبيب )الوالد
واهو ربنا عوضنى اخوان واخوات كتار فى هذا الحوش العامر باهله
دوما باذن الله .
انت اولهم أخت عزيزة

الغالي دور نقاس..

تحايا ود وتقدير..

يعلم الله من اول يوم لي هنا وأنا خاتاك في أي مكانة.. مكانة الأخو ود الأم..

وزي ما قلت.. الحوش عامر.. وبجد أنا فرحت بكل الناس الفي البوست ده.. ديل براهم اهل..

دمت أخ عزيز وصديق نبيل..

الحبيبة ماجدة..

سلامات ومحبة..

يعني ما لقيتي غير الحلوين ديل ..؟

طيب.. مقبولين منك

وين منال..؟

العزيزة رجاء

تحية وسلام

شنو يعني لابد من الجرجرة دي...؟؟

مصدق (أبو خالد) وحليمة محمد عبدالرحمن (أم خالد).

قرايبي (وهم برضو ما عارفين ): دكتور متوكل وأسامة ميرغني

وأولاد (ولا الأصح شيوخ) مدرستنا:عبدالله الشقليني وخطاب حسن أحمد

أولاد حلتنا: كل أبناء زاهر السادات.

تحية ليك وللبوست المهضوم خالص.

أسمعوني
في إتنين مرتبطين و حيعلنو الخطوبة فالزواج قريب و حيكونو بجدارة متربعين على عرش البوست دة...
أقوووول وللا هُسْ؟؟؟؟

يا لنا بطلي شحتفة وقولي لينا بسرعة..

من بورداب وين..؟
مرتبطين من زمان ولا هسع..؟
منو النشيط الفيهم.. يعني المتابع كتير في المنبر..؟

عايزين إجابة وافية بالله ..

Quote: يا لنا بطلي شحتفة وقولي لينا بسرعة.. من بورداب وين..؟ مرتبطين من زمان ولا هسع..؟ منو النشيط الفيهم.. يعني المتابع كتير في المنبر..؟ عايزين إجابة وافية بالله ..

من بورداب المنبر دة يا رجوية
مرتبطين منذ أمد ولكن ليس ببعيد
الإتنين معتبرين روحهم نشيطين
إن شا الله الإجابات وافية

Quote: من بورداب المنبر دة يا رجوية مرتبطين منذ أمد ولكن ليس ببعيد الإتنين معتبرين روحهم نشيطين إن شا الله الإجابات وافية

تمـــــــام
انت في زول قال ليك انت خير من يميع قضاياD:

كيف انتو

غادة يازولة مابتغلبي

حتلقى البتقوليهو ان شاء الله تحكي لينا بي جيرانكم

يا لنًو بطلي غتاتة بالله..

دي هسع إجابات ترجعي بيها للجريدة؟

إفصح/أبن

اهلا بيك انت والراقية حليمة

Quote: قرايبي (وهم برضو ما عارفين ): دكتور متوكل وأسامة ميرغني

طبعا كدا احنا برضو اهل لانه الراقي دكتور متوكل واسامة قرايبنا


من قرايبنا عزة احمد نجيب - بت خالتي زينب

وكمان عمر التني - عمر ود خالتنا وود خالنا

غايتو ما عارف حا تكون اضافة وله حا تطلع اوت
غادة عبدالعزيز خالد بت عمت زوجتي الاء عيدالرحمن عبدالعاطي
مع العلم انو زوجتي ليست عضو هنا ( وجه حزين )
باختصار بجيب ليك في العلاقة بيني وبين ناس المعز وغادة

ودي
ناصر موسى

برضو نسينا الأخوان طارق و ناصر جبريل
تراجي و بنت عمتها نوسة
بتذكر و بجي
محبتي
لنا

العزيز ناصر..

سلامات ومراحب..

حلو فعلا الزول يلاقي قرايبه هنا..

إحنا زي ما راوية كتبت عندنا بت خالتنا عزة أحمد نجيب.. ما بتدخل كتير.. وكمان عمر التني ولد خالنا وخالتنا.. دخل قريب يا ريتو نشوفو في البوست ده..

وفي إنتظار ناس غادة..

العزيز الفاضل ابو خالد..

يا ألف مرحب بيك.. وبركة في البوست العرًفنا بيك وخلاك تظهر لينا..

وزي ما راوية قالت.. د. متوكل واسامة قرايبنا برضو.. يعني الصدفة الجميلة الخلتنا كمان اهل..

بجد انا سعيدة لدرجة..

شكرا ليك كتير على مشاركتك الجميلة..

دمت

و الله يا رجوية
كل إضافة قلت أشارك بيها
لقيت ناصر موسى ختاها
و الله ما خلى لى حاجة


خارج النص
مالك خاتى وجة حزين
و إنت بتتكلم على علاقتك بينا
يا ناصر؟


مجرد سؤال..



غادة

غادة يا حبيبة..

سلام وتحية..

أولا وين الباشمهندس..؟ وليه ما بنقرأ ليه..؟

أوعك تكوني محتكرة الكمبيوتر وسايبة ليهو الريموت ..

يا ريت يجينا في البوست ونتعرف بيه اكتر..

سلامي لفرسانك الصغيرونيين..

Quote: أولا وين الباشمهندس..؟ وليه ما بنقرأ ليه..؟

عارفة, لما معز يجى طالع الشغل
هاشم و شهاب بيقولو ليهو
يا بابا ماشى وين؟
-الشغل.
-لية تمشى الشغل يا بابا؟-
عشان أجيب القروش
و لية تجيب قروش؟
-عشان أمكم تلهفها


فوحاتك, هو فى الشغل
بيعمل فى القروش
علشان ألهفها


خارج النص
و الله العظيم أنا غلباااااااان

ههههههه ياغادة ..

يعني بقو على معز ميتة وخراب ديار.. إحتكار الكي بورد ولهف القروش ..

ربي يعينه..

لكن برضو ما حنرضى إلا بطلًته هنا..

ودي

Quote: الحبيبة ماجدة.. سلامات ومحبة.. يعني ما لقيتي غير الحلوين ديل ..؟ طيب.. مقبولين منك وين منال..؟

ما دة كضابة ما تصدقيها!
ديل بنات حلتنا امبراطورية ميم كنا بنوصف ميدان الرابطة وسوق الندى والمغتربين ومركز الشرطة بىبيتهم!
يعنى زى توصف لي واحد تنزل محطة البراميل وتتج شرقا تلقى بيت ناسو كلهم سمحين منو 50 متر ميدان الرابطة! سعادتى لا توصف بعودة رجاء وراوية

الله يخليكم يا بنات العباسى
جنى

جني الحبيب..

سلامات ومودات كتاااار..

طبعا أخوي الكاشف ( ) من أول يوم جاب لي القرابة.. وقالت لي حيدر منو..

الشرف لينا إنه يكون بالفعل لينا الكم والكيف ده من الأخوان..

ودي الدائم..

ســلام للجميع:

حسن زمراوي وياسر زمراوي أخوان.

وبعد السلام كلنا بقينا "أكوان" ولا ما كدة.

الأخ ياسر مطول منكم شوية علشان مشغول مع الجامعة.

والســــلام ...

حسن زمراوي محمد عثمان
خريج مدرسة أبي كدوك – دفعة 1986

مدينة شيكاغو - ولاية إلينوي
الولايات المتحدة الأمريكية

العزيز حسن..

سلامات ومراحب..

وفرصة جميلة بجد أعرف إنك أخو ياسر..

بعرف ياسر شخصيا من 3 سنين.. وكنت أتمنى ألاقيه في السودان لما عرفت إنه كان هناك.. وربي يوفقه في دراسته..

شكرا لتعريفك لينا بالمعلومة الجميلة دي..

وإحنا زي ما قلتا كلنا أخوان..

دمت..

شكرا لك يا رجاء يا مدهشة والله طردي النعاس من البورد بهذا البوست الحي . من الأزواج أيضا ( فردة) الشاعر والسينمائي حافظ خير والكاتبه سالي فو حمر( سالي خطاب حسن أحمد) وامها مريم الطيب.
مع حميم مودتي.

الفاضل بانقا..

سلامات ومحبات..

تسلم يا غالي على إضافاتك.. حأقوم بإضافتهم في اللستة..

ومرحب بيك في البوست العجبني أنا زاتي من الناس الحلوة الدخلو فيه وخلوه حي كده..

ودي

من الأخوات: (عشة بت فاطنة وعالية عوض الكريم)، والأخوان: (د. حيدر بدوي ونذير)، (د. أحمد الحسين ومتوكل الحسين)..

رجوية يا عسل...

كيف احوالك؟

انا غايتو عندي اخو خسارة فيهو الباسوورد

الزول كتب بوست واحد بيفتش فيهو عن صاحبه..وبعد ما لقاهو ..شتت!

المهم اسمه جمال سالم..

وزوجي طارق للاسف ما عضو في البورد..

وابو جهينة شكله ملخبط في الموضوع دا..

من الاعضاء المتزوجين :

تمبس وست الريد النساية

رشا يا حبيبة..

سلامات ومودات..

قبل أي شئ لازم نصك الحلو يكون معانا.. وبكده نحقق هدف البوست وكلام ابو جهينة..

غايتو ما بسأل أخوك.. إحنا (تارا وسارة) ما قاعدين يكتبوا زاتهم.. تارا مرات مرات.. لكن سارة أدًت البورد القدرو من اول هكر جا ..

..
هسع نقوم نكتب تمبس وست الريد تقوم ست الريد الصحي صحي تجي تودينا البوليس ..

شكرا لمداخلتك الحلوة..

سلام


احمد حمزه( النصري) وسوسن النصري وسلمي النصري اشقاء.

بالنسبه للمشاركات انا انشط واحده فيهم ..شفتي النشاط ده

سلام

الحبيبة سلمى..

تحايا وود..

لو إنتي النشيطة فيهم يبقى ده أحلى مقلب ..

مرحبتين بأخوانك.. وحاضيفهم في اللستة.. ولازم نشوفهم في البوست ده ويعرفونا بروحهم..

ودي ليكم كلكم

من الأخوان الفي البورد برضو:

الأخوان النصري (سلمى وأحمدحمزة وسوسن)..

وأحدث عروسين في البورد هم سالي خطاب (فوحمر) وحافظ خير (فردة)

وسالي طبعا بنت إتنين من أعضائنا الأحباب وهم مريم الطيب وخطاب حسن أحمد..

رجوية الحبيبة

الف سلامه عليك وما تشوفي شر

بوستك عسل ..

تعرفي أنا ناس سودانيز اون لاين ديل كلهم

جماعتي وفي مقدمتهم مهندس بكري ابوبكر

اصلها حليمة جابت لها بودي قارد وكده

ورجوع للكبار ..

اسمي خالدة الأمين البدوي

من يجد/ تجد نفسه/ها

اب ، أم ، اخ/ت ، عم/ه خال/ه

ولد/بنت عم ، ولد/ بنت خال/ه

.... الخ

كل من يجد في نفسه المواصفات فقط

يضع نفسه في المكان المطابق للمواصفات

ورجوية ما تنسي نفسك أنت كل حاجه ..

ودي ،،

الحبيبة خالدة..

سلامات ومحبات..

طبعا ضحكتا لمن دمعتا في (من يجد المواصفات...)..

وأول زول حيجبك زي ما قلتي بالضبط.. رجاء الأمين البدوي ..

سعدت بوجودك في المنبر أولا.. وبمشاركتك هنا..

تحياتي للوليدات وأبوهم..

دمتي

رجوية ازيك

شكلي كدا انا الحا أطلع مقطوعة من شجرة في البورد دا (وش باكي)

يعني نقيف في باب البوست دا ونقول خوة لله ولا كيف ؟!



شوق وسلام كتير لتارا ...

تتقطعي من شجرة وفي البورد القاعدين فيه إحنا..؟؟

قسما ما تجي..

كدي يا الملكة بس قولي بسم الله وأرجعي لي ورا وشوفي كم أخت واخو من جندرية لي شوايقة ..

طبعا زماااان لما كتبنا خوًتنا لقينا روحنا كتبناها بدم الإحترام والريد ال (لله في الله)..

حبي وتقديري الدائمين..

Quote: زي الأخوان جبريل (طارق وناصر)

... وراشد

الـ أختي رجاء

شكراً على البوست الذي عرّفني على جيراني، وأشعرني بوحدة "فورية"... أشد من وحدة أخينا ايوب عبد الرحيم.

ورغم الغربة الاسفيرية (المزمنة) التي تسيطر علي، وتدفعني للتخلص منها بالدخول لأعضاء بعينهم، أجدني أشعر بـ"خوّه" طاغية تجاه بعض الأخوان ممن لا رابط عائليا أو جغرافيا بهم.
أحد هؤلاء أحببته من أول بوست.
وما زلت أنقب في دواخلي، وأشحذ ذاكرتي وأحاول أن "أخترق" عقلي الباطن لأصل إلى سر حبي لهذا المخلوق.
هل يشبه أحدا في أسرتي؟
هل هو من أفراد أسرتي؟
هل لأن كمية خرافية من الطيبة تتدفق من وجهه (صورته) حتى تكاد تغمر البوستات المجاورة؟
هل لأنّ به دروشة ً محببة؟
هل لأننا التقينا ذات حياة في مكان ما في هذا الكون الفسيح، وافترقنا؟
------------
هل لأسباب أخرى لا أعرفها؟
أحيانا كنت أتجنب بوستاته لأنني بمجرد أن أبدأ قراءتها تغرورق عيناي بالدموع، وأشعر بحنين موجع له؟
------------
------------
شكرا رجاء ...
وان شالله ما أكون طلعت بره الموضوع؟

العزيز محجوب..

سلام ومراحب وتقدير..

حلو بوست الأخوان جاب كل الناس الحنان.. وبجد مشاركتك من أجمل ما قريت..

وتسلم على تعريفنا بجبريل أخوان.. ربي يحفظهم ويجبر بكسرهم في الوالدة الجليلة وشقيقهم متوكل..

سعدت كتير بتشريفك للبوست ده يا عزيز

دمت لكل أخوانك الفي المنبر..

رجا

ازيّك

والفيكم اتعرفت يا بنات العباسى ....

ويا جماعة أحكموا ..

أنا قلت لى رجاء ...
يا _ تبقى القرابة علاقة ..
أو نكسب الاتنين ..

ردّت قالت لى ( مرحب .. معتصم العباسى)

يعنى شاكوش .. طريف .. لكن قلت احسن برضو مادام ..طلعت بالخوة ..

الليلة باعتنى ..

لا لمّيت فى العباسى ( last name )
ولا فى القرابة علاقة ..

والله يارجا عيني باردة وبوست خرافي ومدهش
وشايف الاخوان اخوان رقدوا هبطرش والرابطة شكلها كده حيكون ليها ضل..
عشان كده الواحد متخيل الرابطة دي حيكون عندها ثروة وسلطة لذا بالله
اي ثلاثة اخوان يكون عندهم اربعة اصوات حفاظا علي عدالة التقسيم للثروة

Quote: الواحد متخيل الرابطة دي حيكون عندها ثروة وسلطة لذا بالله اي ثلاثة اخوان يكون عندهم اربعة اصوات حفاظا علي عدالة التقسيم للثروة

ههههههه يا عبدالكريم.. عايزين تضمنوا الأصوات ..

غايتو الحلو في الرابطة دي حيكون صوت البنات والأولاد متساويين..
أنا حبيت أكون عادلة شوية وما قلت صوت البت بتلاتة أولاد.. عشان نرجًع كل حقوقنا الإتهضمت ..

ودي..

هههههههه يا معتصم العباسي ..

بجد ليك مليون وحشة..

إنت ما قريت كلامي القلت فيهو لو بديت أعد في أولاد العباسي الهنا البوست ده ما حيكفينا..؟

..

يا جماعة معتصم ده من أجمل الناس القابلتهم شخصيا.. وكتب لي أجمل كلام سمعتو في حياتي قصيدةإسمها (رأس الرجا العباسي)..

عندي مكتوبة في منديل ورق بخط أيدو.. حأجيبها هنا..

دمت يا معتصم ودام ودنا..

بت العباسى الحبيبة
مالك نسيتينا انا والراحل المقيم ابو وضاح
لازم تذكرى كل الناس لأنه الانسان البرحل بترك
بوستات جميلة وما تنسى انه ابو وضاح زى ما بقول ليه
ابو ساندرا الراجل الكتااااااب ده اعمل ليه شنو ؟؟
راجعى الارشيف .
تحياتى يا عسل
عندى اهل كتااااار هنا وما بوريك ليهم .
عشان نسيتينا .

لك الحب
ام وضاح

آمال يا حبيبة..

عارفاني ما نسيت.. كيف أنسى عصام.. لكن وحاتك ما قدرت أكتبه.. وكل مرة اقول لازم أكتب ما بقدر..

حتقولي شنو لو قلت ليك لغاية هسع ما مصدقة رحيله؟

الله يرحمه ويرحمنا..

طبعا النسيت أكتبها صحيح صحي إنك خامسة بنات العباسي..

حبي

رجاء ازيك
ينفع اقول انا وانت اخوات



بوست رايع والله كروعت صاحبتو

الأخت رجــاء بوســت رائــع و دمــو خفيف

أهـــا هــاك دي 2007 :

سجيمـــان و هو د/ عادل الصادق المكــي

أخ و شقيق

مـرتضـــى الصـــادق

ســـلام....

العزيز هيثم..

سلامات ومراحب..

شكرا كتير على مشاركتك وتعريفنا بأخو د. عادل سيجيمان..

بالمناسبة انا كنت قايلاك أخو ناس عمر وياسر عبدالعزيز.. وهسع إتذكرتا أضيفهم في الأخوان برضو

تكرم..

العزيزة رجاء عساك طيبة..

تعرفي البوست دة تاني حقو الواحد يجي داخلو و شايل مُبخر ... و يتمتم يا عين يا عنية يا كافرة يا شرانية ... أمرقي يا وش الفقـر ...
قلت لي:

Quote: بالمناسبة انا كنت قايلاك أخو ناس عمر وياسر عبدالعزيز.. وهسع إتذكرتا أضيفهم في الأخوان برضو

أنا أخو غادة عبدالعزيز و لا شنو يا "موزة" و طبعاً موزة دي بتاعت مجلة ماجد و شقيقها رشود...

لكن اولاد خالاتي كتار في المنبر بس لابتين ... أها هاك المفاجأة دي أنقري ود خالتي منو و من بورداب جدة؟؟؟؟ و نواصل في الحلقة القادمة...

العزيز هيثم..

سلامات تاني..

تعرف بعد ما شفت صورتك الجديدة دي.. إتأكدت إنك أخو عمر وياسر وعندكم أخوكم مع فرقة عقد الجلاد..

ما ممكن الإسم والشكل وتقول لي ما أخوان ..

تسلم

سرور يا حبيبة..

الما بيخليه ينفع شنو وعمراب الموردة أهلنا إحنا الإتنين..؟

أنا متأكدة بعد شوية حنلاقي كلنا أهل بعض.. شايفة كتيرين قرايب ناس مشتركين..

غايتو بالشفتو في البوست ده طلعنا قرايب كل ناس البورد..

..

سرور مشتاقة ليك ونولة لدرجة ما تتخيليها.. ولمشاويرنا بالأتوس الخضرا

يا ريت نتقابل قريب.. يا ريت

طمنينا على صحتك وخلي بالك من روحك يا غالية

Quote: في الأول قولو لينا (مجكسين) منو عشان ما نمشي نلخبط المواضيع ..

يا رجوية والله الحاجة دي ما بناباها ..
لكن الفينا إتعرفت زمانا فات وغناينا مات

أنا وشتات أخوان .. دي تعرفيها براك ..
تمبس دا أخوي الذي لم تلده أمي ..
أها عندي خالي وود خالي هنا في المنبر ديل لسه جداد ما اتعرفوا كويس ..
بجيك بي أساميهم نخلي الناس تفتش شوية ..

مو يا عزيز..

سلامات كتااراات

طبعا لو نزلت ليكم اي إسم حيصبح معتمد نهائي.. أعملو حسابكم وما تزوغو..

حلو فعلا إنو إنت وشتات أهل.. لكن عليك الله ورينا أهلكم الجديدين..

بالمناسبة الزول بقى يخاف بعد البوست ده. يقوم يدخل شمال في زول يحرجنا مع قريبه أو قريبته..

في إنتظارك

استاذة رجاء سلامات
- ابراهيم كرسني (ابن عم وخالة لنا)
- القلب النابض (بنت خالنا)
- عبد اللطيف بكري (ود خالتنا)
- طارق جبريل
- ناصر جبريل
- راشد جبريل
- زرياب كنيش (ابن اختنا)

يعني بالعربي كدة فضل لينا البيان رقم واحد
ونحدد نوع الثورة التي سنقوم بها
لنحتل المنبر

بوست جميل و اسر بجمال الروابط و تسد عين الشمس .
و حقا سودانيز اونلاين منبر بحجم وطن.



رجاء نحن في المريخ اخوة

ســلام للجميع:

حسن زمراوي وياسر زمراوي أخوان.

وبعد السلام كلنا بقينا "أكوان" ولا ما كدة.

الأخ ياسر مطول منكم شوية علشان مشغول مع الجامعة.

والســــلام ...

حسن زمراوي محمد عثمان
خريج مدرسة أبي كدوك – دفعة 1986

مدينة شيكاغو - ولاية إلينوي
الولايات المتحدة الأمريكية

كوستاوي

Quote: خارج النص مالك خاتى وجة حزين و إنت بتتكلم على علاقتك بينا يا ناصر؟ مجرد سؤال.. غادة

الوجه الحزين ده عشان زوجتي ما عضو معانا في سودانيز اون لاين

ام علاقتنا بيكم فهي تاج في رؤسنا ونتشرف بيها كثيراً

ام الباشمهندس عزو ليهو الله وعيشة السوق ( زي ما بقول المثل الانا ما متذكر ناجرو من وين )

كوستاوي يا حبيب..

سلامااات كتااااار و3 وحشات..

كنت منتظرة تجي تقول لينا (كوستاوي وكوستاوية)..

ودي مناشدة للحبيبة نايلة بالإنضمام لينا.. عشان نكتًر كوم الجندريات..

حبي وسلامي لكل القبيلة الكوستاوية

العزيز د. شهاب..

سلامات وتحايا جميلة بقدر جمال ما تنشره هنا..

وملايين الترحيبات بكل المريخاب..

ودي للكل

العزيز طارق..

بداية البركة فينا وفيكم في أخونا "متوكل" وقبله الوالدة الكريمة.. ربي يرحمهما ويثبت قلوبكم..

وجودكم كأخوان من أجمل الحاجات في المنبر ده.
غايتو لو عايزين نسمع كلام منى خوجلي وهيثم عبدالعزيز المفروض نجيب ليكم البخور إنتو.. ربي يحفظكم ويغطي عليكم..

وشكله كده البيان رقم واحد حيصدر بنهاية البوست ده، ونقوم بإحتلال إذاعة المنبر ..

ودي

من أجمل ثنائيات المنبر صديقي الراحل عصام محمد الحسن (أبو وضاح)، وأمال.. كم يحزننا غيابه..
والصديق الحبيب الغائب عبدالماجد فرح (ماجد).. وعروسته توما.. يا لقسوة فقدك يا ماجد..

وبرضو من الأخوات الراحلات صلحة الكارب.. شقيقة رباب ومحمد، وخالة اسامة الخاتم.. نفتقدها عند كل كلمة منظومة..

وفقيدنا الشاب عبدالمنعم موسى" إبن أخت ناصر موسى.. يا لصدمة رحيله..

لهم الرحمة "صلحة" و"عصام" و"ماجد" و"عبدالمنعم"..

المرحوم عبدالمنعم موسى

له الرحمة

ود اختي

ناصر يا عزيز..

أولا البركة فينا وفيكم في عبدالمنعم..

عرفته شخصيا وقابلته في القاهرة، جاء لزيارتي مرتين في الجريدة واحتفلنا بهم في نقابة الصحفيين، وقابلته في الخرطوم وكنا الاتنين على عجل.. وإتفقنا على اللقاء عند عودتي من دارفور.. لكن القدر كان أقرب من موعد عودتي..

أحزنني رحيله، ولا زلت أحس بوجوده كلما التقيت أحد أصدقائنا المشتركين..

له الرحمة.. ولكم أهله ولنا صحبه الصبر..

من الأخوان ايضا:
الأخوان جبريل (طارق وناصر وراشد) وولد أختهم زرياب كنيش، والأخوان زمراوي (حسن وياسر)، والأخوان الصادق المكي (د. عادل/سيجيمان ومرتضى)..

اجمل اتنين كانوا وحيفضلو فينا طول ما احنا عايشين

اتنين جميلين بيحبوا بعض وبوستاتهم كلها حب وجمال
هو كان رقيق وانسان ورائع روعة ابتسامته ومريح راحة ملامحه وجميل دواخل ووسيم كان اوسم الرجال
وهي نسمة وشاعرة رقيقة وبت ماحصلت

اصلو ماحصل اتداخلت معاهم غير تهنئة زواجهم بس كنت بتابعهم كل ليلة وهي زي القراشة بخفة تتنقل من بوست لبوست تنثر عبيرها وهو حلو كان وروحه مرحة ونكاته جملية


الله يرحمك يا عبد الماجد يوسف فرح
والله يصبرك على فقده ياتوما
اشهد انه كان اجمل حب
وحيعيش فينا

Dear Raja
Thanks for this post. Sudaneseonline has connected me with friends from my days at Khartoum East Elementary school in 1960s. Although I can't count all my relatives in this forum, but this are the relatives who I have recognized
1. From my paternal family
a. Asha Bit Fatima ( Asha Mubark Awad Elkarim)
b. Alia Mubark Awad Elkarim.
c. Mutwakil Mustafa Elhussein.
d. Dr. Ahmed mustafa Elhussein.
e. Mariam Bit Elhussein.
2. From my maternal family
a. Amna Izzeldeen Mekki Shibeika- Cousin
b. Mekki Yousif Almagrabi- cousin
c. Abdelhalim Osman Abugusseisa- cousin
d. Hassam Elamin Shibeika
e. Shawgi Bedri
Regards

اسماء عبد الحليم وهميمة محمد

الاخ / Marouf Sanad

Quote: اسماء عبد الحليم وهميمة محمد

ديل علاقتهم شنو بي زكي جمعة

ودي وتحياتي

ناصر موسى

العزيز معروف..

سلامات ومحبة..

شكرا كتير على إضافتك.. قمت بالواجب وعملت لستة..

سعدت بحضورك

الفاضل العزيز المعز ابو نورة..

سلام ومحبة..

أول شئ: إنت أخو منار وإبن خال ناس آمنة ونهلة وحليم أبوقصيصة؟
لو كده إحنا أهل لأنو علاقتنا بناس آمنة أقرب من الخوًة.. وبنعرف كل أهلهم وعندنا نسب مع بنت عمهم متزوجها خالنا..
والفاضلة إبتسام بنت خالتكم عملت معها في جريدة الخرطوم الشريكة فيها مع زوجها د. باقر وأستاذ فضل الله..
نعمة وقيلي وصفية ويسرا من أقرب الأصدقاء وكنا بنحرص نتلاقي في كل مرة أنزل فيها الخرطوم من دارفور..

وطبعا عارفة إنكم اصلا من رفاعة عشان كده ما استغربت قرابة ناس عشة بت فاطنة وعلًوية.. ود. متوكل قريبنا إحنا برضو بالمناسبة..

غايتو فعلا السودان ده كله أهل..

شرفت وسعدت بمعرفتك زيادة وبمشاركتك..

بدر الدين الأمير و معتز قريش

طبعا أنا بعتبر

ود رملية وعائشة بت فاطنة

أحلى أخوان

فهم من الذين يحبون أن ينسبوا لأمهاتهم ..

معتصم العباسي..

سلام ومحبة..

بت فاطنة وود رملية من أحن الناس الهنا..
من أحلى الشخصيات القابلتها في حياتي كانت عشة.. قضينا أجمل ايام وبدون مبالغة كانت كلها ضحك..
عشة نوع الناس الكل كلامهم حكم.. ليها مليون تحية وهي واختها الرقيقة شديد علًوية..

سلامات يا رجاء ..

أنا طبعا عندي أهل كتاراااار في المنبر ..

عندي جدي بشاشا وحبوبتي تراجي
وود عمي علي مزمل المريخابي الجديد في المنبر ..

صنفرة :

وخطيبتي برضو عضو قديم في المنبر بس إسمها خليهو هسي

ناذر سلامات..

وشرفت بوست الأخوان..

أول شئ لازم نعرف خطيبتك منو عشان عندنا ليها وصايا كتيييرة..

ومرحب بود عمك المريخابي.. سلمنا عليه وراجينه في بوست المريخابيات..





* لبشاشة وتراجي التحية والإحترام دايما.. لأنهم أهل له..

من الأخوات: (د. أسماء عبدالحليم وهالة/هميمة)

من الأخوان: (عمر وياسر عبدالعزيز)

وليد399 وليد محمد عثمان وعثمان محمد عثمان المهندس اشقاء
اما انا ماعندى اخ هنا بس فى النشرة الجوية مرات بقولو
حالة الموج تنفع اقول اختى
بعدين على كده يا رجاء رجعى لى صورى وجواباتى واعتبرى البينا خوه لووووووووووووول

الموج الحبيب..

سلامات ومودة..

بداية آسفة للتأخير في الرد..
وشكرا كتير على إضافتك للمهندس ووليد.. قمت باللازم

صورك وجواباتك ما بيرجعو والبينا أكبر من كده ..

ودي

السلام عليكم
الاخوان
امير عون الشريف و احمد عون الشريف ومجموعة كبيرة من اهلنا بحلفاية الملوك منها
بكرى ابو بكر
احمد الريح
غادة عبد العزيز خالد

العزيز أمير..

سلام ومحبة..

مرحبا بك في المنبر.. أنا بعرف احمد وهو مختفي من دهر كده..
وبالمناسبة إحنا برضو أخوان.. فوالدانا رحمهما الله كانا من أقرب الأصدقاء أيام الدراسة بمصر.. قابلت شخصا في السودان مؤخرا قال أنه سمع بوالدي من والدك.. ولم يكن يعرف أنني بنت أستاذ العباسي..
لهما الرحمة..

تشرفت بمقدمك وإضافتك..

العزيزة رجاء
انعم بك من اخت..للفقيدين الرحمة.
امير

أشكر كثيرا الصديق الذي ارسل لي إضافات عبر المسينجر.

من الأخوان أيضا:
الأخوان عثمان (عثمان/المهندس ووليد 399)، الأخوان المرضي (إقبال وأحمد)، الأخوان الشريف (أمير وأحمد عون الشريف قاسم)..

Dear Raja
Quote
الفاضل العزيز المعز ابو نورة..

سلام ومحبة..

أول شئ: إنت أخو منار وإبن خال ناس آمنة ونهلة وحليم أبوقصيصة؟
لو كده إحنا أهل لأنو علاقتنا بناس آمنة أقرب من الخوًة.. وبنعرف كل أهلهم وعندنا نسب مع بنت عمهم متزوجها خالنا..
والفاضلة إبتسام بنت خالتكم عملت معها في جريدة الخرطوم الشريكة فيها مع زوجها د. باقر وأستاذ فضل الله..
نعمة وقيلي وصفية ويسرا من أقرب الأصدقاء وكنا بنحرص نتلاقي في كل مرة أنزل فيها الخرطوم من دارفور..

وطبعا عارفة إنكم اصلا من رفاعة عشان كده ما استغربت قرابة ناس عشة بت فاطنة وعلًوية.. ود. متوكل قريبنا إحنا برضو بالمناسبة..

Thanks for your response. Yes, Manar Elgamri Abunura is my
one, and only sister.Amna, Halim, and Nohala are my maternal cousins. Their mother, aunt Afaf Mekki Shibeika is the young sister of my mother Souad Mekki Shibeika. Ibtisam Afan is my maternal aunt. Her mother Saffia Mohamed Shibeika is the young sister of my grandmother, the late Amna Mohamed Shibeika. Your friends Asha, and Alia Mubark Awad Elkarim are my relatives from my father side, Abunura family.I am aware of the stong ties between you and my cousins Amna, Halim, and Nohla Abu Guessia. If you come to the U.S you will be welcomed at Asheville. Please drop me a line at [email protected], and forward my e.mail to Rawia
Peace and love to you

المعز العزيز..

سلام ومحبة..

بعرف منار كويس والخالة سعاد كمان.. إتقابلنا ومنار هنا في القاهرة وفي الخرطوم برضو..

وإن شا المولى لو جيت لراوية بالتأكيد حيكون بيننا إتصال وترتيب عشان نتقابل كلنا مع آمنة وأسرتها..

ودي

عزيزتي رجاء..
زي ما كتيرين قالوا ليكِ..إذا نجح البوست دا في حاجة..فقد نجح في إقناعنا بإننا أسرة واحدة.
إذا إشتكى منا بوست..تداعي باقي البورد بالسهر و الحُمىٌ.
تسلمي يا ستي على الفكرة الحميمة دي.

عن نفسي فأنا يا ستي مقطوعة إسفيرياً من شجرة..ما عندي لا أخ لا أخت لا خال لا عم..
لكن تربطني علاقات أسرية و إجتماعية و صداقات حقيقية مع كمية من الأعضاء ممن تزاملنا في الجامعة أو جمعت بيننا ظروف الحياة المختلفة..
لكن و- لظروف كتيرة - حلفت ما أوريهم أنا منو أو أعترف ليهم إني ممكونة البتكتب معاهم في البورد...
أقابل الواحد/ة فيهم/ن في مناسبات مختلفة و أسلم بمنتهى الحرارة و الإنفعال..
أو بمنتهى الثقالة و البياخة...على حسب آخر مداخلة دخلوها معاي ..
مما يصيبهم أحياناً كثيرة بالدهشة و النظرة التى تحمل معنى واحد بس...
هناية دي جنٌت و لا شنو ؟؟!!!

الممكونة العزيزة..

سلامات ومراحب بيك في بوست الأخوان والأحباب..

طبعا إتخيلتك تجي تقولي لي (الممكون زاتو) معانا.. ودي كانت حتكون مفاجأة البوست..

غايتو لو قلتي لينا أهلك منو الفي المنبر أو قريتي مع منو حنعمل (كولومبو) ونعرفك في النهاية..

تشكري كتير على مشاركتك الظريفة..

الاخت الفاضلة رجاء

تحياتي

شكرا علي البوست والترحيب بالمناسبة اول مرة اعرف انو سوسن اختي معانا هنا او نحن معاها هنا المهم شكرا

علي الترحيب وليك وكل الاخوان والاخوات بالبورد كل الود والاحترام

رجاء زي العسل انتي والبوست
انا د\ ابوحريره عمي واحمد يوسف ابوحريره
ود خال ابوي
تسلمي انتي من الحمي
انشاء عدوك وان كنت اشك ممكن زول عاقل
يعاديك
عفاف

سلام رجاء

عندك ناس رائعين شديد من ايام الجامعة (طه جعفر والهام ومرتضى جعفر وزوجتو )

تحياتى لهم عبر هذا البوست الجميل .

.......


كمان الواحد عندو اخوان كتاااااااار يسدو عين الشمس فى المنبر ده

خاواهم فى الله ولقاهم فيه

وديل والله يسرو القلب ويعدلو العوج ويزيلو الهم




تحياتى الطيبات


بابكر زيكو

العزيز بابكر..

سلامات وتحايا عاطرة..

مرحب بيك أخو نبيل وصديق عزيز للكل.. وتحايا لإصدقائك طه وإلهام ومرتضى..

وتسلم على مشاركتك الرقيقة..

الحبيبة عفاف..

سلامات ومراحب..

من أجمل الحاجات الحصلت للواحد هنا في المنبر ده معرفة الناس الزيك وود المحرب..

تعرفي أنا يا دوب وقغت لي حكاية الإسمين أبو حريرة: واحد بالإنجليزي والتاني بالعربي أبو حريرة.. كنت فاكراهم لشخص واحد.

تحياتي لهما مع التقدير..

دمتي

العزيز أحمد..

مرحب بيك تاني..

والبوست كان مناسبة حلوة لمعرفتك وباقي الأخوات..

دمت

أخواتي وأخواني الهنا كلكهم..

أسفة للغياب..

راجعة ليكم بروقااان..

ودي ليكم

الأخت /رجاء

[/B/]يعني لازم تبكونا وتخلونا نحس ب(اليتم) الأسفيري؟
كفاية أنو (بوستاتنا ) بنعتل فيها برانا لمن روحنا
طلعت ،وكمان عايزين تطلعونا هاملين ساكت بين أولاد
أسر( سودانيز أونلاين).الله يسامحك يارجاء.
وكان أبيتو وكان قبلتو ،عضوات المنبر كلهن أخواتي
وكمان الأعضاء بجميع كيمانهم وشللهم ،برضو أخواني.
أها..غايتو اللائحة بتاعتك (الخدرا) دي أكان دخلتيني
فيها حايبقى لونها كلو( أحمر).
وبعدين عندي شك في واحدة اسمها انعام حيمورة ،كدي
اساليها ،امكن بتقرب لي وانا ماعارف .اصلو ألوانا
قريبه من بعض.and we have something in common.
وتسلمي علي فكرة البوست الظريفة والتوثيقية.
مع صادق الود وفائق التقدير...أخوك ود اللحمر...

ايضا أنا و الأخ العزيز العوض
ابناء خالات
.
.

و ناس الحلفاية كلهم في البورد
متأكدة لو ركزنا كده
بنطلع قرايب
بما فيهم الأخ بكري
(سحسيا )

ودي
غادة

غادة يا عسل..

سلامات ومحبات..

شكلك كده شيخ حارة زي راوية اختي.. تغطس وتطلع تقول لي: هي يا رجاء شفتي فلان أو فلانة؟ أقول ليها ماله/ا؟ تقول لي ما طلع بيبقى لناس فلان (اللي هم يا أولاد عمنا او خالتنا).. واي علاقة قرابة عرفتها في البورد ده جابتها راوية بالمناسبة ..

غايتو كان الـ Boss سحسيا طلع قريبكم حنعمل ليكم زي أهل العوض ..

الاستاذة رجاء

بوستك روعة و إذددنا معرفة ببعضنا البعض.

وفتحتي باب الجوديات مستقبلا إذا لا قدر الله حصل ما يعكر الجو؟؟؟!!!!

و لابد أساهم معاك وانت سابقاني بالفضل لانك قبل اربعة سنةلما كنت برلوم في سودانييز اون لاين كنت من المرحبين بي في بوستين.

أشقاء راشد السني /م. عياد السني

لك التحية

راشد

رجاء

Thank You

من (الشخديناب) التحت ديل

هشام يا زول...

سلامات يا عزيز..

ربي يبارك ويحفظ.. ما شاء الله في الشخديناب..

طبعا قابلت (علوية) الصغيرونية بت رشا في فيينا.. حاجة ما حصلت..

تحياتي للكل..

السني العزيز..

سلام ومحبة..

ألف حمد لله على سلامة الطلة.. وين كنت مختفي..؟

إتذكرتا الأيام الزينة في البورد.. يا مرحبا

تسلم للتعريف وحاقوم بعمل الإضافة حالا..

ودي

العزيز الفاضل صلاح الأحمر..

سلامات ومودات ومليون مرحبا..

الله ما يجيب اليوم التحس فيه بإنك مقطوع من شجرة في المكان ده..
تعرف أنا غايتو بحس إن عدد أخواتي وأخواني في المنبر قرييب لـ 3500 لو المنبر فيهو 4000. الـ 500 ديل لسة ما عرفتهم..

وبالمناسبة متابعة معاك كل الكلام السمح القاعد تكتبه..

شرفت البوست وأهل البوست يا نبيل

Thank you Raja for the nice post. It is so informative and surprising to know how people are related in this board, it is just a small Sudan. BTW, if you can put your replies at the end it might make it easier to follow.o

رجــــــــــــا
أنا وانتي ما أخوان ولا عاوز أكون أخوكي
عارفة ليييييييي

بكلمك بعدين ـ
أشوفك ذكية؟؟؟

اخواتي وأخواني الفوق..

صباحكم زين..

أسمحو لي أرد على معتز القريش وأرجع ليكم..

...

صباح الخير يا معتز..

لو ذكية صحي حاقول عشان سببين:
الأول إنو واحد فينا أخو مسلم (غايتو ما أنا )
التاني ناوي تعمل معاي دشمان. وخوًة فرتق ..

لكن لو ما ذكية حأقول عشان ما حينفع أبقى الخامسة وإحنا أخوان ..

ههههههه هههههه

نوًرت البوست ومليون مرحبا

Quote: أسمحو لي أرد على معتز القريش وأرجع ليكم..

شفتي كيف بعرف نجر النحل إلى خلايانا العسلية
ونخليهم يفطو سنة تانية تالتة ورابعة ويجونا في سنة خامسة

Quote: صباح الخير يا معتز..

صباح النور يا أخت عيوووووون معتز

Quote: لو ذكية صحي حاقول عشان سببين: الأول إنو واحد فينا أخو مسلم (غايتو ما أنا ) التاني ناوي تعمل معاي دشمان. وخوًة فرتق ..

ولا واحد في الاتنين اذن انتي ما ذكية
عشان أنا ما كوز ولا سلفي والدليل هنا

سهرتنا مع علي السقيد.. والقريش عازفا وعماد يرسم الحضور ...يفا وكوستاوي بالهاتف

وهنا مثال واحد فقط


والتاني غلط عشان أنا ما بعمل دشكمان مع الجكس
الجكس عندنا للجكيس فقط

Quote: لكن لو ما ذكية حأقول عشان ما حينفع أبقى الخامسة وإحنا أخوان

في دي عداك العيب بس أنا ما قاصدك انتي
عشان عارف انك مرتبطة مع العجوز صديق الموج
أنا قاصد حاجة تانية ممشطة كدا

Quote: نوًرت البوست ومليون مرحبا

البوست منور بي أخت ستو

معتز سلامات تاني..

أول شئ بركة الجيتني في مكاني ده عشان اقول اللي في قلبي..

أنا بجد بخاف أفتح ليك اي بوست. لأنه فجأة كده تلاقي الكترابة وعربية المطافي وسرينتها ملعلعة ..
وتانيا عامل لي لخبطة في الجمجمة بتاعتي.. لا عارفاك ضلامي ولا مستنير.. ففي الوكت المطالب فيه بإقامة حد على زول، ألاقيك (غاطس في البطاطس )..

عموما يا سيدي أنا بجد مبسوطة بتشريفكم لنا هذا الصباح (حلوة دي ).. وأكيد أخت ست البوست حتكون سعيدة برضو في إننا الليلة شفنا الجانب المنوًر منك..

تحياتي

Quote: معتز سلامات تاني..

سلامات تاني ليك وسلامات تلتمية للفي قلبي
الكان حبت اسمو الهوا بقسمو

Quote: أول شئ بركة الجيتني في مكاني ده عشان اقول اللي في قلبي..

قولي اللي في قلبا هي عليك الله

Quote: أنا بجد بخاف أفتح ليك اي بوست. لأنه فجأة كده تلاقي الكترابة وعربية المطافي وسرينتها ملعلعة

أها لقيتيني كيف بالله بخوّف ؟؟؟ هم براهم بتصلوا بالمطافي
وأها بعد داك أن بقوّم الحريقة عشان ناس المطافي مايرجعو بي صمة خراطيمن
عيب والله لازم نكرمن

Quote: وتانيا عامل لي لخبطة في الجمجمة بتاعتي.. لا عارفاك ضلامي ولا مستنير.. ففي الوكت المطالب فيه بإقامة حد على زول، ألاقيك (غاطس في البطاطس )..

سلامة جمجمة أختك أن شاء الله اللي يكرهوها
أنا يا ستي لا ظلامي آوي ولا مستنير أوي (ماخد من الاتنين)
خاطف لونين يعني ـ أمي جعلية نفيعابية وابوي جعلي كتيابي
الذين يعرفونني عن قرب يعرفون أنني أطيب من المسك وأرق من النسيم
وأحن من الحنية ذاتا (دي طبعا بكم الزواج تلاتة شنكل)
وود حلال آووووووووي ـ لا تفارقني الإبتسامة ابدا (انظر الصورة)

Quote: عموما يا سيدي أنا بجد مبسوطة بتشريفكم لنا هذا الصباح (حلوة دي ).. وأكيد أخت ست البوست حتكون سعيدة برضو في إننا الليلة شفنا الجانب المنوًر منك..

على كدا فانني أتقدم اليكم بطلبي في القرب منكم في شقيقتكم المابقدر أجيب اسما كما ذكرت سابقا خوفا من الهوا يقسما أملا الموافقة عليه دون الرجوع للمذكورة لأنها مش ح تقبل وأكون أخدت شاكوش في جمجمتك انتي (أنا جمجمتي تبرا وتستبرا جاهل وسغير)

سيكون الفرح مكان ما انتو عاوزين والدعوة خاصة جدا

هههههههه يا معتز ..

هو إحنا الباراااهو عندنا فيهو راي.. يجينا واحد بتلاتة شنكل.. وبنوتة زي القمر ..؟

أحسن تضمن الخوًة يا أبوي.. مقدور عليها

بصراحة انا زول ما عندي خوة

عادل امين اخوي في الاسافير وعلاقتنا زي الواطـة

بعدين المفروض اي اسرة فيها زول مشترك ما ياخد منها زول تاني اسم دخول للمنبر دا
ما عرفناهو منبر ولا كشف سماية

لكن حقيقي اتفاجأت بي اولاد جبريل انهم اخوان مافي حاجة بتدل علي انهم اخوان من قريب ولا بعيد



ـــــــــــــــــــــــــــــــــــــــــ

غايتو يا رجا بعد تنتهي من بوست الاخوان في البورد مفروض تفتحي بوست حق اولاد حرام سودانيزاون لاين*


* (اولاد حرام كلمة صادمة ولكن المقصود منها هنا الافراد الذين ليس لهم علاقات اسرية منبرية )

ـــــــــــــــــــــــــــــ
اخيرا كانت في محاولة للمخاواة بيني ودكين بس طلع زول استغلالي ومتملق ونفعي وقصير شديد

العزيز أساسي (المثقف الحداثي)..

سلامات وتحايا..

أمشي شوف عادل أمين كتب في الصفحة الأولى شنو.. وراوية كمان..

البوست الجاي قلنا بوست (المشوكشين من زملاء وزميلات البورد ).. وطبعا سعادتك حيكون ليك نصيب الاسد..





شفتا الفتنة دي كيف..؟

العزيز العوض..

سلامات ومراحب..

فعلا البورد سودان مصغًر.. تلاقي فيه الأخ والزميل القريت معاه وولد الجيران..

ردودي للناس بعد تعليقاتهم تساعد عدم التجاوز. لكن قوائم الأخوان دايما أضعها في النهاية وباللون الأخضر..

تسلم لحضورك..

من الأخوان برضو:

الأخوان السني (راشد، م. عياد السني)..






وهدية للعزيز صلاح الأحمر في إسمه يتكتب بالأخضر:

صلاح الأحمر أخو كل ناس المنبر

Quote: هههههههه يا معتز .. هو إحنا الباراااهو عندنا فيهو راي.. يجينا واحد بتلاتة شنكل.. وبنوتة زي القمر ..؟ أحسن تضمن الخوًة يا أبوي.. مقدور عليها

خوة نههههههههههههههي ـ مهبت كهي

انتي كدي أساليها وخليك محضر خير
وبارك الله فيمن جمع رأسين في الحلال

أنا واثق من مقدراتي بس انتي اساليها
وحتشوفي بركاتنا ح تنزل عليكي كيف

انتي ما حاسة بي شنكلة الحب لما يقع
يا اخواتي بحبها

رجاء
تحياتي
بوست جميل ورائع


انا غايتو يتيم
لكن اخواني كتاار منهم
عاصم الحزين

واخواتي كتاار منهن
دوما
وست البنات
ومريم محمد الطيب
وعواطف ادريس

وخال امين محمود هدهد
وتحت تحت انا جدو مش خالو
تتصوري

خالد العبيد يا عزيز..

سلامات ومحبات..

يعني نسيت أهم زولة وهي منى العبيد..

تحياتي لكل آل العبيد

ودي

جينا نسلم ونقول سلام لكل الحبان

عزيزتنا رجاء خليك قريبة
الانقلاب العسكري الجبريلي على الأبواب

سلام يا رجاء

نوبي و دكين اخوان في البرتكان

تسلمي يارجاء.

يادوب حسيت بي حرقتي بردت.
وانحنا مابنزعل، بس بنعاتب.
وابشري..أنا أخوك يارجاء
وعلي بالطلاق البرشك بي ريحه
أرشو بالفليت.

بس ياناس زورونا في بوستاتنا
عشان نعرفكم متابعين معانا.
ودمت أختا عزيزة.ولك صادق
المودة وفائق التقدير.

..........أخوك ود اللحمر...

Quote: العزيز هيثم.. سلامات تاني.. تعرف بعد ما شفت صورتك الجديدة دي.. إتأكدت إنك أخو عمر وياسر وعندكم أخوكم مع فرقة عقد الجلاد.. ما ممكن الإسم والشكل وتقول لي ما أخوان .. تسلم

العزيزة رجاء ... آسف للرد المتأخــر ... و ما لاحظت ليهو إلا اليوم...

لكن أنا و الله الأخوان ديل ما أخواني ... لكن ممكن نكون أخوان محبين لله نجتمع يوماً ما و نتفرق من أجلـه... طبعاً انا في ناس كتااار زي ما بتقولي .. بقول لي إنت مصطفى عثمان إسماعيل و عمر الشاعر أخوانك... أنا طوالي بقول ليهـم عفارم علبكم عرفتو كيف....

يلا فتك بعافيـة....

فيصل نوبي سلامات..

ومرحب بيك في بوست الأخوان..
عندي سؤال من زمااان: إنت الصور (الوسيمة ) البتختها بتكون حقتك إنتا ولا الطاهر ساتي..؟
عليكم مراعاة الناس كبار السن الزينا والعندهم 4 عيون ..

تحياتي

سلامات يا رجاء
العيون الاربعة ما براكـ ( في الهواء سوا )
الصورة الشينة دي لا نوبي لا ساتي .. بس أكتر من كده ما بنقدر نقول
___
انتي عاجباك الفلجة

من الأخوان أيضا:

الأخوان حمدتو (حاتم وصديق حمدتو)*








* المعلومة جبتها من بوست الإمتداد..

قائمة شبه نهائية:

الأخوان:

(تارا وراوية ورجا وسارا)، الأخوات قوتة (هالة ويمنى)، الأخوات عوض خوجلي (ماجدة ومنى ومنال)، الأخوان الطيب حسن (شادية وعواطف ومحمد)، الأخوان شيخ الدين (تماضر وأخوانها يا زول وتبارك وقصي ولد أخوهم)، الأخوان قدورة (أمل واخوانها شهيد وناصر)، الأخوان جبريل (طارق وناصر وراشد) وولد أختهم زرياب كنيش، الأخوان زمراوي (حسن وياسر)، الأخوان الصادق المكي (د. عادل/سيجيمان ومرتضى)، الأخوان الأمين (عبدالكريم واحمد وصلاح الأمين)، الأخوان الكارب (رباب ومحمد خليل)، الأخوان عبدالله (عماد وصلاح)، الأخوان القريش (معتز ومهلب)، الأخوات (شذى وعبير عبدالله)، الأخوان المجمر (هشام وسهام وأظن إلهام برضو)، (أماني ود. معز عمر بخيت)، (مطر قادم وجودة قادم)، (طه ومرتضى جعفر)، (ثريا إبراهيم وناظم إبراهيم) وولد اخوهم مظفر (كبروس)،(ابراهيم الحاج وانور الحاج)، (نادر وناصر ومحمدالحاج)، الأخوان (نهار وأيوب عثمان نهار)، (رشا وجمال سالم)، الأخوان (عادل أمين ونجاة محمود الأمين)، والأخوان أبو سن (سموأل وحاتم)، الأخوان (أماني الجندرية وأسامة أبو مهيار)، (نوسة ود. احمد أمين) وبنت خالة نوسة تراجي مصطفى، وولد خالتها مكاوي محجوب الشريف، الأخوان النصري (سلمى وأحمدحمزة وسوسن)، الأخوات (د. أسماء عبدالحليم وهالة/هميمة)، الأخوان (عمر وياسر عبدالعزيز)، الأخوان عثمان (عثمان/المهندس ووليد 399)، الأخوان المرضي (إقبال وأحمد)، الأخوان الشريف (أمير وأحمد عون الشريف قاسم).. الأخوان السني (راشد، م. عياد السني)، الأخوان حمدتو (حاتم وصديق حمدتو)..


أم وبنتها سلمى الشيخ وسوميتا.. أب وبنته د. أحمد الحسين ومريوم.. أب وبنته أ. أحمد عمر وأمل، ومعاهم إبن العم السهيلي حمد مجذوب.. أبو ساندرا وبناته ماهيتاب وساندرا.. جعفر إسماعيل وإبنه سعد الدين عبدالرحمن..

الأزواج:

(لنا ويعقوب)، (النصري وسهير النصري)، (سلوى والخواض)، (إلهام والبرنس)، (المحرب وعفاف أبوحريرة)، (رؤى واسامة الخاتم)، (مريم ونادر)، (أماني وعلي عمر)، (سهام ود. بلة)، (بت الأحفاد وخالد كوليل)، والأزواج (ليلى ونادوس) وأخوهم معتصم (رقم صفر)، (أماني الجندرية وعثمان تراث)، (بارعة وخدر)، (صباح/حليمة تو وابو مهند)، (سلمى علي محجوب والمسافر)، (غادة عبدالعزيز خالد والمعز هاشم) وحاتم أخو معز، (د. هالة خوجلي وبكري أبوبكر) ومعاهم بنوتتهم بيان، (ندى مصطفى وخالد كودي)، (شذى/يا بت يا نيل وبكتاش ناصر)، (أنوار عبدالوهاب وإبراهيم الحاج)، (إلهام عبدالخالق وطه جعفر)، (حليمة محمد عبدالرحمن ومصدق ما فنان الكاريكاتير مصدق تاني)، (مريم الطيب وعبداللطيف على الفكي)، (ميادة ومحمد الشيخ) (د. رشا سالم وطارق)، (هوازن/هوزي والفاتح/زيكو)، (خالد الأيوبي وأميرة عبدالرحمن)، وأحدث عروسين في البورد هم سالي خطاب (فوحمر) وحافظ خير (فردة).
وسالي بنت إتنين من أعضائنا الأحباب وهم مريم الطيب وخطاب حسن أحمد..

من أجمل ثنائيات المنبر صديقي الراحل عصام محمد الحسن (أبو وضاح)، وأمال..
والصديق الحبيب الغائب عبدالماجد فرح (ماجد).. وعروسته توما..

وبرضو من الأخوات الراحلات صلحة الكارب.. شقيقة رباب ومحمد، وخالة اسامة الخاتم..

وفقيدنا الشاب عبدالمنعم موسى" إبن أخت ناصر موسى..

لهم الرحمة "صلحة" و"عصام" و"ماجد" و"عبدالمنعم"..

سلامات ان شاء الله بقيتي كويسه

سجلي عندك ايهاب وابوايهاب

الأخت رجاء
بوست ظريف و فتح بعداً آخر للتعارف وتعريف لأعضاء البوست الأهل
و فعلاُ المنبر منبر عوائل بحق وحقيقه
لكن لما تقولى (الأخوان) إحتمال الناس تفتكرهم من (الأخوان)

أحييى فيك لمسه وفائك بذكرك للاعضاء الراحلين نسأل الله لهم الرحمة والمغفرة

Quote: من أجمل ثنائيات المنبر صديقي الراحل عصام محمد الحسن (أبو وضاح)، وأمال.. والصديق الحبيب الغائب عبدالماجد فرح (ماجد).. وعروسته توما.. وبرضو من الأخوات الراحلات صلحة الكارب.. شقيقة رباب ومحمد، وخالة اسامة الخاتم.. وفقيدنا الشاب عبدالمنعم موسى" إبن أخت ناصر موسى.. لهم الرحمة "صلحة" و"عصام" و"ماجد" و"عبدالمنعم"..

الفاضل نادر الفضلي..

سلام ومحبة..

شرًفت البوست.. وشرًفتني بكلماتك..

دمت

صديقي الغالي إيهاب..

سلامات محبات..

منو أبو إيهاب..؟ عايزين تعريف أكتر.. عشان اللستة..

وأعذرني لو لقيتني دايشة .. اليومين دي ما قادرة أجمًع ..

تحياتي

انا و حليمه2 أزواج

العزيز أبو مهند..

سلام ومحبة..

أرجع للستة حتلاقي أسماءكم منورة..

وين صباح..؟ ومهند بقى قدر شنو..؟

تحياتي

الأخت / رجاء
أحييك على البوست الإخواني الظريف
وجميل أن تمتد الأسر في هذا الفضاء،،

كتب طارق جبريل:

Quote: جينا نسلم ونقول سلام لكل الحبان عزيزتنا رجاء خليك قريبة الانقلاب العسكري الجبريلي على الأبواب

بما أننا من منفذي هذا الإنقلاب فأنا أطالب
سعادة القائد طارق بأن يبعدنا أنا والقلب النابض
من الكباري لأننا شوايقة تايوان ولا نجيد السباحة،،

أدونا الإذاعة ،،
تحياتي طارق وللأسرة الكريمة وربنا يجزيكم الخير
كله على الصبر والثبات عند هذى النائبات،،
--
ثانكيو رجاء،،

الأحباب الفوق كلهم..

سلامات ومحبات..

راجعة ليكم برواقة..








ياخ الدنيا سخانة ما طبيعية الشارع حيولع غايتو ..

رجاء كيفنك
شفتي الانقلاب بتاعنا خلاص قرب
وولد خالتي عبد اللطيف بكري اداك نقطة البداية


يا عبد اللطيف كيفنك
والخالة ان شاء الله تمام

Quote: يا عبد اللطيف كيفنك والخالة ان شاء الله تمام

العزيز طارق،،
الظاهر رجاء مسكت ليها كبري ، المهم
go to plan B

==
والله الخالة بصحة جيدة والآن في الأبيض بعد
رحلة شاقة الرياض - الشمالية - الأبيض

الأعزاء عبداللطيف وطارق..

سلامات ومحبات..

أولا مرحب بيك يا عبداللطيف.. وأول مرة اعرف العلاقة بينك وناس طارق.. وبكده فعلا آل جبريل (عيني باردة) حيشيلو الكاس ويقومو بالإنقلاب..

علاقة القلب النابض معاكم شنو..؟

يا طارق أنا غايتو عايزة وزارة الدفاع.. الإعلام ده ما جايب همه.. يمكن نعمل لينا قرشين زي عبدالرحيم الحرامي ..

ودي..

الأحباب الفوق.. راجعة ليكم





صلًحت حرف الهاء في ده..

العزيزة رجاء
القلب النابض بنت خالنا انا وعبد اللطيف

حكاية الوزارة دي فيها نظر بعد طبزة (طارق وسلافة)

طارق سلامات..

Quote: حكاية الوزارة دي فيها نظر بعد طبزة (طارق وسلافة)

ياخ أنا قلتا خلاص نسيتو..
تصدق كل ما أتذكرها أضحك براااي ..

المهم ناصر ما يكون لسة محنبًك ..