إشــراقة مصطفى.. نــدى أمين.. نــدى مصطفى.. الجندريــة.. ويــن انــتــو..؟!!

الحبيبة إشراقة تركتها قبل السفر هنا في المنبر.. وعندما عدت لم أجد لها أثر كتابة..

صبرنا يوم، والتاني، والتالت، وهسع اليوم السابع.. وهي ما ظهرت..

اتمنى ان يكون مانع ظهورها خير مثل عودة نورسها من عندنا.. أو إنشغال بعمل في الجامعة أكيد حنعرفوا لما ترجع.. أو متابعة لواصل ومرافئ في مشاريع خاصة (رحلات.. إجازة..الخ)..

المهم.. من بين ده كلو.. ننتظر عودتها السريعة.. (وما حأقول في شمار حااار في انتظارها)

ندى الأولانية (أمين)..

حقيقة غيابك ملاحظ.. هناك الكتير الكتير المنتظر.. وبالمناسبة التقيت بمجموعة من الناشطات في أسمرا والعاملات في مجال حقوق الإنسان والمراة خاصة وقد تم الاتفاق على عمل (Network) ما بين الجميع.. في انتظارك

ندوية التانية (مصطفى)..

لا عيد حب جابك.. لا شئ.. الحاصل شنو..؟

برضو في انتظارك حاجات كتيرة جميلة وسؤالات عن الحيحصل في المستقبل القرييب..

الجندرية..

طبعا شفت بوست الوداع بتاعك.. وكتبت ليك انه مافي طريقة.. وهنا أكررها ليك مرة تانية وتالتة كمان..

وفي الانتظار..

ودي..

الاخت رجاء

سؤال حاف كده مابنفع شوفي لينا اغنيه حنينه ترجعهم
وكمان وين كروتك وورودك وزهورك

تخريمه!!اموت اعرف بتجيبهم كيف!

ندي وندي واشراقه والجندريه في انتظاركم يلا كونوا!

Quote: إشــراقة مصطفى.. نــدى أمين.. نــدى مصطفى.. الجندريــة.. ويــن انــتــو..؟!!

متولي العزيز..

كل يوم وانت بخير..

نتمنى ان يستقبل الأسبوع الجاي علينا كلمات إشراقة وندى وندى وأماني.. ده لو ما حصلت المفاجأة وهلًوا علينا في باقي الساعات دي..

دمت ودام الود

الحبيبة سوسن..

لا يفتى ومالك في المدينة.. هسع نوصًي عمك تنقو يجيب لينا غنيوة حنينة..

أما الورود فلك ولهن كل الباقات العاطرات..



وحأقول ليك تجيبيهم من وين.. خلي البوست يتدحرج شويتين..

حبي..

Quote: إشــراقة مصطفى.. نــدى أمين.. نــدى مصطفى.. الجندريــة.. ويــن انــتــو..؟!!

شوفو رجاء فرشت المنبر ورد... ولو ما صوتي شين ما كان انتظرت الاغنيه كن براي اتلومت!(زول انزل لينا وش ضاحك هنا)

شكرا للورد

sorry

سوسن يا عسل..

أولا اشكال الوجوه دي من عندك بيمين الصفحة لما تجي تكتبي رد.. في smilies library. اها لما تفتحيها اعملي click بيمين الماوس تجيك لستة في آخرها proprties اختاريها تلاقي عنوان اعملي ليهو copy.
تقومي تجي في الرسالة ومن محل Image تفتحي وتعملي paste للعنوان الجايباهو.. ولما تشوفي الـ preview حتلاقي كلو تمام..

والورود ممكن بنفس الطريقة.. وحأجيب ليك عنوان موقع كله ورود..

..

حلو البوست ده لما يحقق غرضو حتكوني أسطى كبير في الورود والوجوه الحلوة ..

..

لسة ناس الجندرية ما جوا..

وجه حزين ..

wait will try agaiiiiiiiiin

إشــراقة مصطفى.. نــدى أمين.. نــدى مصطفى.. الجندريــة.. ويــن انــتــو..؟!


اسمعن يا (هولاء واولئك واللاتى) نحنا ما عندنا بنات بطلعن بدون اذن سامعات؟؟؟؟

لكن وحات البيناتنا كان مارجعتن!!!!!!سمح

الموج العزيز..

نداءك واضح وجميل..

عشمي أن تلبينه..



في كل مرة أقول ان واحدة منهن على الأقل سمعت الندا..


تسلم..

.

عشان خاطرنا يا ناس وخاطر رجاء

يا رجاء
فى صوتك صدى الاخريات
و حتما هن ... عائدات

شكرا لصوتك ... الصهيل
و لهن حتى .. الميعاد



.

محمد أشرف يا عزيز..

مرحبا بصوتك انت زاتك ليعلى النداء لكل الغائبات..

دمت ودام ودنا..

تنقو العزيز..

تسلم لتلبية طلب سوسن والأغنية بجد رسالة..

وفي انتظار عودة الجندرية وندى2 وإشراقة..

وكل من غادرت..

ودي..

افتقادك للاخوات ينم عن حساسية انسانية رائعة
اعرف فقط عن الجندرية انها ابتعدت بعد خزان البذاءة الذى انفجر كم عبر صادقا
عثمان محمد صالح
اظن ان بقية العزيزات ابتعدن لنفس السبب
ولعلك تلاحظين ايضا اختفاء تماضر

رجاء كيف قيلتي !
الاح. عمك تنقو شكرا.. انشاءالله يجوا ويضوي بيهم البيت


الاخ محمدسيد احمد ..معهم اذا اصابهم الاحباط وحزنوا واخذوا استجمام,, وضد توقفهم لن التغير واجبهم

في انتظاركم

العزيزه رجاء

شكرا جميلا لهذا النداء الاليف فهو ليس غريبا عليك ان تفتقدين من حولك بحنية ومحبة
شغلتنى مشاغل كثيرة فيها العام والخاص ومع ذلك لابد من الاعتراف بان البورد ماعاد مشجعا رغم انى لا اؤيد الانسحاب بل احبذ المواجهة ولكن مرات بيطفح بي ولهذا انأى بنفسى قليلا حتى تهدأ امواج البورد

ومعك افتقد العزيزات ندى امين، الجندرية التى وللاسف الشديداكدت ابتعادهاوندى على وكذلك تماضر والقائمة تطول

شكرا تانى ولسوسن ولعمك تنقو للاغنية وكل الحضور الكريم

وبرجع قريب كان الله هون { والشمارات راقدة} بس خليها فى وقتها


ولكم/ن مودتى

ام واصل

ها هي اشراقه اشرقت..عارفه رجاء من امس بتعلم فيني الورود والوجوه المبتسمه لكن فشلت شديد!!!!!!!!!

حمداله علي السلامه والكلام ده

Quote: لابد من الاعتراف بان البورد ماعاد مشجعا رغم انى لا اؤيد الانسحاب بل احبذ المواجهة ولكن مرات بيطفح بي ولهذا انأى بنفسى قليلا حتى تهدأ امواج البورد

هو الكلام ..استجمام شويه مكن
(الليله هي البوست ده حق رجاء غاجيتو شوبار شديد)

الحبيبة الإشراقة..

مرحبتين حبابك.. اليوم السعيد الليلة جابك

يا مليون مرحبا بطلتك.. وبتلبيتك الرقيقة لنداء الأحباب الفوق ديل كلهم..

عااارفة ما تحسين به.. فقد كنت هناك يوما ما.. ولكن يقيني بما تحمليه من فكر وإيمان بهذا المكان ومن تعرفت عليه به أو تجدد لقاءك بمن فقدتهم في زحمة الحياة.. تجعل من أمر عودتك الدائمة امر حتمي وقريب..

نفتقد تماضر وهالة الأحمدي وندى مصطفى وندى أمين وأماني وهالة ويمنى ومريم الطيب ورقية وراق وآمال أم وضاح وأوت كاست.. وغيرهن كثر..

وعشمنا في أن تهدأ الأمور والخواطر وأن يعدن جميعهن إلى هذا المكان الذي يزدهي ويخضًر بما يجدن به من فكر وعلم وخلق وإبداع..

تحياتي للحبيب أيوب ومرافئ وواصل..

وفي انتظارك..

محمد سيد احمد يا غالي..

تماضر من أول يوم رجعتا فيهو مشيت سالت عليها في بوستها القالت انتظروني جاييكم أبدع..

وكل يوم بنسال كلنا عنها.. وعن كل الغائبات..

ومن هنا نضاعف الندا.. ونقول انحنا منتظرين رجعتك يا أم سيرين مع كل الصاحبات الجميلات..

سلمت..

وما زلنا منتظرين..

خالص التحايا00
ياصاحبه فى الزمن الصعب00
رجاء00
زمن زمن ما تلاقينا
ورساليى عامله فيها تقيله ..
لارد لاخبر
لكن قالو لو انت عاجبالك نفسك نحن برضو العزه فينا(شفتى العزه دى كيف على وزن معتز)

*معاك نهتف بالصوت العالى تعالن ..
او حبابن جن...(باعتبار ماسيكون)

ولهن جميعا..نساء بقامة اشجار بلادى 00
اهديهن بعض كلامات ..



كل التحيات

صباح الخير سيدتي
أمد سبابة العين
المس وجهك المنسوج
في عمقى00
أمد سبابة الحرف
اخط رؤايا بالسحر00
لهيب النار سيدتي
تمدد في أعماق خارطتى00
جمالك العبقر حيرني
أصاب الدهشة في ذاتى00
صرت اهرب منك سيدتي
فصباح الخير لاتجدى00
وصرت ابغض هذا الصبح
سيدتى00
فقد اخذ لبى والباقي
من عمرى00
وهلا الشفق بالسعد
........................الخ

معتز ايها الصديق الذي نفتقد..

مرحبا بعودتك انت.. وهي بادرة لعودة كل الأحباب..

وما زلنا في انتظار ندى وندى وأماني وتماضر وآمال أم وضاح.. وإشراقة تاني..

دمت..

up

واثق يا عزيز..

تسلم..

ولسة ولا واحدة غير إشراقة ما طلًت..

وآآآآدي قعدة..

العزيزة رجاء
لا أعرف ان كنت تتذكريني فقد التفينا مرات فليلة بجريدة الخرطوم عشرة شارع عائشة التيمورية
لك مني كامل الاحترام
أنا الآن أقرأ لك كثيرا لكني (ما ملاحق) هذا التنوع الثر
أسألي لي معاك عن ندى مصطفى فأنا لا أعرف عنها أي شي منذ مغادرتها القاهرة
سلامي أيضا لهدي العباسي (أين هي)
سلامي لجميع الأهل

العزيز أيمن..

ســـلام وتحية وشوق كتير..

كييف ما أتذكرك..؟ بس فراج دي توهتني شوية لغاية ما شفتا الصورة الما بغباها..

كانت أجمل أيام أيام عائشة التيمورية وجريدة الخرطوم بصحبها الميامين.. الذين تفرق نصفهم وعاد للبلد بعضهم.. وبقى في القاهرة القليل..

شكرا للسؤال عن ندى.. وهي معنا هنا باسم nada ali ومشاركاتها كانت واضحة ومفيدة ولا نزال نطمع في المزيد.. وانا على يقين من كده..

هدي العباسي بخير.. وهي في لندن..

اتمنى قبل ان ينتهي اليوم تظهر واحدة او اثنتين من الغائبات..

دمت..

رجاء عواسة ابرى مافى البنوت ديل يكونن مشن وين يا ربى؟؟؟؟؟

الموج العزيز..

ســـلامات كتيرااات..

لسة منتظرين ندى التانية وأماني الجندرية وكل الغايبات..

وبرضو قاعدييين..

الحبيبة رجاء

عارفاكي زوله رائعه و بتحبي الناس عشان كده بتسألي عنهم/ن
ربنا يديم محبتك للناس و يديم محبتهم/ن ليكي

و كل الجميلون و الجميلات الذين و اللائي سألوا/ن عنا

أنا بخير و الحمد لله
فقط هي مشاغل الدنيا التي لا تنتهي...
و البورد فقد نكهته المميزة في الفترة السابقة
و لكني الأن أراه يتنفس عافية و عبقاً

حأرجع لما المشغوليات تخف شوية
و لما يرجع لي مزاج الكتابة من تاني
و أعد بالطلة بين الفينة و الأخرى
و أهو إشراقة ظهرت بكلماتها الطيبة الجمال و في إنتظار عودة الغاليات الجندرية و ندى الأخرى

و أرجو أن تقبلوا/ن مني وردة و إبتسامة لحين العودة

الحبيبة ندى..

ياااااااااه..

أجمل مفاجاة لقيتها لما فتحت من شوية ولقيت إسمك في البوست..

تكرمي يا غالية على تلبية النداء الأصلو ما حا أون منه.. لا انا لا باقي الحبايب..

ومعاك في اي كلمة قلتيها.. ونتمنى ان تخف مشاغلك عشان تزيدي لينا من الطلة الموسمية.. واعرفي ان بوجودكن ستعود للمنبر عافيته التي فقدها الفترة الفاتت..

الله..؟ نحنا ولا والرياح..؟ أكيد نحنا..

ويا رب بكرة الصباح نشوف توقيع ندوية التانية وأماني الجندرية ونشوف بوست إبداع بي هناك لتماضر.. وتعود كل الغايبات..

وفي انتظار حضورك الدائم المعطًر..

ودي..

.

حمالة الاسية ما بتقصرى اها نرفع معاك شوية كان البنيات
يسمعن قولنا،،،

الموج العزيز..

تتعلى ما تتدلى..

دي دعوة من دعواتك الجميلة مردودة ليك وانت بتسال وتتفقد الغايبين..

..

ولسة منتظرين..

يا بنات سنصبر انا ورجاء حتى يعجز الصبر عن صبرنا
دى مش كان زمان بكتبوها فى الباصات يا رجوية؟؟هاهاهاهاها

up

الملهم العزيز..

تحية وود وتقدير..

تحية لك وانت تشاركنا النداء للغائبات الغاليات..

..

تخريمة: انت زاااتك كنت وين..؟

ودي..

=

الغالية رجاء
اشكرك كثيرا لهذه اللفتة الجميلة التى تدل على روحك الطيبة،
و "يسأل منك الخير".
و امنيات طيبة لك و للاخوات العزيزات بمناسبة "عيد الحب".
اعانى احيانا من "ضيق ذات الوقت"، و اتمنى ايضا ان يتوفر مناخ يشجع على التواصل و الحوار البناء و المفيد فى هذا الفضاء. و فعلا كما قالت ندى امين هناك تحسن كثير اتمنى ان يزيد و ان لا يكون هناك تسامح مع العنف اللفظى و ال
bullying.
و فى انتظار عودة العزيزات الغائبات.

و شكرا جميلا لجميع زوار البوست و لسوسن التى استلمته (انتى ما وريتيها انه الحكاية دى ما مجان؟) و لعمك تنقو على الاغنية الجميلة.

العزيز ايمن حسين،
سلامات و سعدت جدا حين علمت بانضمامك هنا. سألت عنك فى فبراير الماضى و ايضا حين زرت المركز فى صيف 2003. ارجو ان يكون الجميع بخير. لك التحايا و ارجو ان نكون على اتصال، سارسل لك الايميل عبر الماسنجر.

العزيز صديق الموج

Quote: رجاء عواسة ابرى مافى البنوت ديل يكونن مشن وين يا ربى؟؟؟؟؟

ما تقول لى 8 مارس قرب؟

ندى

الحبيبة ندى مصطفى..

يا تلتمية ألف مرحبا.. والبوست قبل البورد نوًر..

كده المفاجآت ولا بلاش.. وهي بجد مفاجآة حلوة وأمل في عودة المنبر لسابق عهده الجميل "أيام الشباب" .. لوووووووووووول..

وزي ما قلت لإشراقة وندى من قبلك اننا نقدر ما تشعرن به.. لا لشئ إلا لأنه نفس شعورنا.. ولكن الانزواء ليس حلا.. فكل ما إنكمشت الفائدة تمددت الفوضى..

وأهو "عواسة الأبري بتاعت 8 مارس قرًبت" .. عايزين أمر عسكري بتواجد كل الجندر.. وكل عام والمرأة السودانية بألف خير..


وفي انتظار عودة أماني وتماضر وكل الغايبات..

ودي..


تخريمة واجبة: ليك وحشة آآآآآد كده..

لا حولة ولا قوة يا ندى..بعد هديتو حيلنا انا ورجاء من رفع
البوست ..لكن والله عودتكم تنسى الزول جناه خلى التعب
ارجو ان تتغلبى على سلطان الوقت بى سيف شوق للحبان
تسلمى والبورد نور،،،

صديق الموج..

مشيت وين خليتني براي للرفع..؟

..

وما زلنا في انتظار الجندرية والأخريات..

العزيزات اشراقه
وندى وندى

كنت اتمنى اني اكون فى اول الداعين ليكم بالعوده
لكن لانه الحال ما زى زمان
ولا زى زمان حتى
تلقانى ما متشجعه اناديكم ولا الجندريه ولا حتى نفسي


المهم سعدت بسماع اصواتكم الجميله فى هذا البوست
واتمنى دوام التواصل

الحبيبة راوية..

ســـلام..

ولأنه الحال ما زي زمان كانت الدعوة لناس زمان عشان يرجعو ويصلحو الحال..

الغياب ما حل.. أسالي مجرًب ..

الحل ان توجد الفائدة ويوجد الجمال والإبداع عشان ينكمش القبح وتتنوًر العقول..

..

خليك محضر خير ياخ ..

..

واتمنى ان تعود كل الغايبات..

ودي..

الأخت العزيزة رجاء
تحياتي وتقديري
عذرا لغيابي الذي منعني أن أرفع صوتي بالنداء معك للشابات النيرات، إشراقة، ندي وأماني....... رغم أن بالقلب حسرة من ذهاب أماني الجندرية.

شكرا لك علي إطلاق النداء، ومعك أقول: أتمني عودة كل الأقلام الغائبة
ونداء خاص للأستاذة تماضر أيضا

سلام
إيمان

Up

اميمة الحبيبة..

تتعلي ما تتدلي..

همتك معانا يا الحنينة.. لغاية ما يرجعن الغايبات..

..

ودي وسؤالي عن اخبارك..

الحبيبة إيمان..

عارفااااكي مختفية.. ومراقبة كسرك للعزلة في قليل من الأحيان.. لذلك اعتبرتك معنا.. وبركة الجيتي عشان تنادي معانا الغايبات الغاليات..

أتمنى قبل يوم 8 الجاي كل طيور المنبر المهاجرة تعود..

..

وفي انتظارهن..

تخريمة واجبة: مشتاقوووووووووووووووووون

تـــمـــــاضـــــــر..

وااااو

راوية
إيمان
واميمة..

حتة واحدة..

حارجع ليكم..


وفي انتظار كل الغايبات..

؟

الجندرية..

يعني شنو..؟


5 وجوه حزينة..

تماضر رجعت..

وفاقدين عالية.. .. هالة قوتة.. رقية وراق.. زولا واحد اتنين تلاتة.. منى عبيد.. وهالة الأحمدي..

يا جماعة انتو الناس دي بتمشي وين..؟

10 وجوه محتارة..


ويا أماني لسة راجينك..

حبيبات المرة ...

لكن الاجنحة ..


والتفاؤل...

عدن الى هنا...فلاخير فى الفرقة "تانى" بعد الوطن...



وياليت رودا تعود ايضا فالفرق الوحيد بين هذا المنبر وكل المنابر هو صوتها المبصر..

العزيزه رجاء

التحايا و اجمل الأمنيات بمناسبه 8 مارس - in advance

و انشالله بعوده،

و الجميع في الوطن الذي نتمني ان يكون

تخريمه علي قولك - وجه باسم:

انتي بتجبي الكروت الرائعه دي من وين

خالص الود

العزيزه رجاء

التحايا و اجمل الأمنيات بمناسبه 8 مارس - in advance

و انشالله بعوده،

و الجميع في الوطن الذي نتمني ان يكون

تخريمه علي قولك - وجه باسم:

انتي بتجبي الكروت الرائعه دي من وين

خالص الود

الأتصال مع الشبكه عملها فيني و البوست باين اترسل كم مره

اعتزر

ياااااااا

كوستاوي
تماضر
وهالة..

غايتو يا الغايبات ما عندكم اي سبب يأجل العودة..

راجعة ليكم زول زولة..

..

تخريمة يا هالة: الكروت من هنا: http://www.123greetings.com

.