بـورداب القاهـرة وضيوفهـا.. حاجـة تسًـر العيـن وتبهـج النفـس..

الأحباب الزملاء والقراء المتابعين..

مساءاتكم أو صباحاتكم فل وياسمين..

أعتبر نفسي جد محظوظة بأن التقيت منذ أمس وحتى اليوم بعدد مقدر من البورداب..

اولا سعدت القاهرة واشرقت بمقدم الصديقة أميمة الفرجوني.. وهي بالمناسبة لا زالت طالبة تدرس في إحدى جامعات التشيك.. وحتى اللحظة لم أتشرف بلقائها المباشر وإن تحدثنا كثيرا منذ حضورها وتواعدنا ليوم الخميس..

أما الضيف العزيز الذي شرًف القاهرة فهو معتصم الطاهر.. وده حدوته لوحدها سأحكيها مفصلة..
التقيته أمس حينما حضر لمكتبي.. ثم جلسنا في "كافيه" قريبا من المكتب.. وبصراحة لم أعد الساعات التي أمضيناها من حلاوة اللقاء..

اليوم التقيت والواثق تاج السر ونزار اسحق وذهبنا لزيارة صديق وزوجته.. وفي الطريق قابلنا محي الدين أبكر الذي كان ذاهبا لنفس وجهتنا..
وبعد الزيارة الاجتماعية دهبنا للمركز السوداني للثقافات الذي كان يقيم محاضرة عن التجمع الوطني.. فالتقينا بعلاء سنهوري ومحمد عكاشة..

ده بالاضافة لصديقتي وصديقة المنبر الصحفية المصرية التي تتابع كل ما يكتب في المنبر الحر.. صباح موسى..

..

أردت مشاركتكم سعادة أحسستها ولا زلت بلقاء كل هؤلاء الأحباب.. الذين يدحضون مقولة "معرفة كي بورد".. هي معرفة حقيقية.. واحترام نشا من كل حرف سطره أي منهم..

..

فمرحبا بضيوف القاهرة.. وكل المنى ان نجتمع كلنا بورداب القاهرة الجميلة..

ودي للكل..

شكلها الناس الفي القاهره متونسه أخر ونســــه

أوعدنا يارب


ودي
محمد علي

محمد البشير العزيز..

مرحبتين بيك في بوست ناس القاهرة.. ويا تلتمية ألف مرحبا لو زرتنا عديل..

تعرف رغم ان اليوم في القاهرة ما 24 ساعة.. فقط 8 ساعات.. إلا اننا نعيش أحداث 48 ساعة تقريبا..

محاق الوقت يكون في الزحمة.. يعني لو فكرت تمشي من الهرم او المهندسين لمدينة نصر او مصر الجديدة أو المعادي.. أنسى..

اتذكر ان صديقنا وزميل المنبر الصحفي حسن أحمد الحسن قال حكمة شهيرة قبل ان يغادرنا لأمريكا، قال: انه قضى في مصر 8 سنوات 6 منها في الشارع..
ودي حقيقة..

نحتاج 24 ساعة إضافية ليومنا.. ويوم إضافي لأسبوعنا.. واسبوع إضافي لشهرنا.. وشهر إضافي لسنتنا.. ونطمع في سنة زيادة.. لأننا ما بنلحق نعمل حاجة في السنة المشت..

..

ودي..

سؤال شرعى يا رجاء..

انتى اخو البوردابى بكون بوردابى؟؟ لانو عشة اختى حتجى القاهرة بعد يومين....


بختكم بى بعض ...وتحياتى لكل البورداب ...ونسابتهم...اهل الثقافة....ولك

تماضر يا حبيبة..

مية فل وأربعتاشر..

أخوان البورداب وأحبابهم وكل من يمت اليهم بصلة مليون مرحب بيهم..

وطبعا عشة ما اخت البورداب شيخ الدين بس.. انتي ناسية انو عندنا فيكم خوًة..؟

سأرسل ليك تلفوناتي كلها ووصف البيت الذي يشرفه ان تنزل فيه عشة..

ودي..

الحقيقة عندي أمنية و هي زيارة القاهرة والإلتقاء بالبورداب الظريفين المستنيرين في القاهرة

وأتمني حضور المحاضرات الأدبية الجميلة و لقاء المفكرين و بالأخص الكاتبة المستنيرة الشجاعة رجاء العباسي تلك الصحفية المتميزة التي نقرآ لها في جريدة البيان والمعروفة بالتواضع و الشجاعة و سعة الأفق و الحس المرهف و

حقيقة أقرآ مقالاتك و تغطياتك الصحفية الممتازة وأستند عليهافي قراءة الأحداث السياسية لمصداقيتها و عقلانية المنهج و أمانة النقل

ورجاء العباسي إسم ما ساهل بيخوف الحكومات و ملاك الصحف (جريدة الخرطوم مثال) لشعبيتها الكاسحة و أنا بأرشحك كنقيب للصحفين السودانين و أنتي بلا شك نجمة البورد و موضو عاتك متميزة دائمآ زي شخصيتكـ ـوبورد بدون رجاء العباسي يساوي صفر

ويدفعني الفضول لسؤال واحد هو هل لكي صلةقرابة ب الشاعر الكبير محمد سعيد العباسي وهل إنتي من أحفاد العباسي أو عباسية جعلية وياريت تكتبي لينا عن مكان النشأة ـوأنت شخصية قومية لها وزنها

Quote: الحقيقة عندي أمنية و هي زيارة القاهرة والإلتقاء بالبورداب الظريفين المستنيرين في القاهرة وأتمني حضور المحاضرات الأدبية الجميلة و لقاء المفكرين و بالأخص الكاتبة المستنيرة الشجاعة رجاء العباسي تلك الصحفية المتميزة التي نقرآ لها في جريدة البيان والمعروفة بالتواضع و الشجاعة و سعة الأفق و الحس المرهف و حقيقة أقرآ مقالاتك و تغطياتك الصحفية الممتازة وأستند عليهافي قراءة الأحداث السياسية لمصداقيتها و عقلانية المنهج و أمانة النقل ورجاء العباسي إسم ما ساهل بيخوف الحكومات و ملاك الصحف (جريدة الخرطوم مثال) لشعبيتها الكاسحة و أنا بأرشحك كنقيب للصحفين السودانين و أنتي بلا شك نجمة البورد و موضو عاتك متميزة دائمآ زي شخصيتكـ ـوبورد بدون رجاء العباسي يساوي صفر ويدفعني الفضول لسؤال واحد هو هل لكي صلةقرابة ب الشاعر الكبير محمد سعيد العباسي وهل إنتي من أحفاد العباسي أو عباسية جعلية وياريت تكتبي لينا عن مكان النشأة ـوأنت شخصية قومية لها وزنها

دا كله عشان رجاء
طبعا هى تستاهل
بس كنت عاوزه اضيف ملاحظتى برضو
انا طبعا لاحظت نضجها وحسها الصحفى العالى وتحليلها العقلانى
بالمناسبه دى يارجاء امشي ارفعى بوست غبار سياسي
وضيفي ليهو من تحليلاتك شويه
انا صراحه بديت افهم لعبه السياسه السودانيه على حسك ومن البوست دا

برجع ليك تانى

راوية الرائعة عيد ميلاد سيد و كل سنة و أنتي طيبة و عقبال ألف شمعة ومع تمنياتي لك بدوام السعادة و السرور و الصـحة و العافية

العزيزة/ رجاء
سأكون في زيارة للقاهرة تبدأ غداً....سأتصل بكم من محل إقامتي ..تحياتي لك وللأسرة ومن معكم

سناري

العزيزة رجاء،
التحية لك ولك البورداب الزائرين والمقيمين بقاهرة المعز، وتحية خاصة للزميلة "صباح موسى" على الجهود المقدرة لها في متابعة الشأن السوداني، وهي بالمناسبة تراسل صحيفتنا" الشرق" من القاهرة.

راكوبة يا عزيز..

ســـلامات ومية ألف مرحبا..

تحيتك الجميلة وصلت مباشرة لصباح لما قرأتها بنفسها.. وستقوم بالرد على هذا البوست..

ومثل ما أبنت ان صباح هي مراسلة "الشرق" القطرية من القاهرة.. وتعد من أنشط وأمًيز الصحفيين الذين يتعاملون في ملف السودان.. وقد حضرت مؤخرا من زيارة للخرطوم وجوبا..
تابعت "صباح" في المؤتمرات الصحفية واللقاءات التي تتم في القاهرة، فوجدت ان أسئلتها تكشف عن فهم عميق وليس سطحيا للمعطيات السياسية.. وأتمنى ان نتشرف بإضافتها هنا للمنبر الوطن..

ودي..

Quote: التحية لك ولك البورداب الزائرين والمقيمين بقاهرة المعز، وتحية خاصة للزميلة "صباح موسى" على الجهود المقدرة لها في متابعة الشأن السوداني، وهي بالمناسبة تراسل صحيفتنا" الشرق" من القاهرة

راكوبه يعلم الله تعبنا تعب عشان نشرح اسمك دا لي صباح



دمت يا زوق وهمتك معانا عشان نقنعها تدخل

د. ماجد الغالي..

يا تلتمية ألف مرحبا.. والقاهرة حتنوًر بمقدمك الجميل..

وبجد خبر حلو..

حارسل لك تلفوناتي على المسينجر..

راوية يا حبيبة..

ومليون سلام وشوق ليك في القاهرة الساحرة..

طبعا ما ممكن أمشي أي مكان ما اتذكرك فيهو.. وكل ما أمشي لـ "أجنس" القعدة تمسخ لي.. وناس حسام بس يسألو منك..

حاااضر مشيت رفعت البوست.. وانا سعيدة بجد انه حقق الحصل ليك ده لأنه قطع شك حيكون ما ليك انتي براك..

ومنتظرين عودتك للحكي عن روكسي وما أدراك ما روكسي..

ودي..

يا راوية
واحدة فى الإتنين
يا بغرانة .. ودى ما أظنها
او ما بتعرفى توصّفى ..

يا اخوانا كان رقتو ..

الفاضل كامل،،

تحية ومودة وتقدير..

لا أدعي تواضعا.. ولكن كلماتك التي تكتبها في حقي ايها العزيز لهي أكبر مني.. لا أحسب نفسي إلا ترسا من تروس العمل المتكامل..

"العباسي" هي لقب لجدي لوالدي "محمد الأمين" اتخذه حينما كان يعمل مدرسا في اندونيسيا.. عندما سئل عن قبيلته وقال "جعلي" ولم يفهم السائل ماذا تعني، فأوضح له جدي.. (يعني لو الاندونيسيين كانو فهمو جعلي كان اسمي الآن: رجاء الجعلي).. ونحن من منطقة المحمية غرب، ومشرعنا المتمة.. وأهل والدي لا زالو يقيمون هناك..
..
أسرة الشاعر الكبير محمد سعيد العباسي تربطنا بهم صلة الإسم. لأن هناك من يوجه لهم نفس السؤال.. وكانت معرفة خير لنا.. ولن أشعر بفخر إضافي إلا انتمائي لهم.. فلهم كل التقدير..

..
والدي رحمه الله كان يعمل مدرسا في الثانويات.. وقد تنقلنا في مختلف مدارس السودان وخارجها.. وقضينا طفولتنا وصبانا في "الجنة" وهي بالنسبة لي حنتوب الجميلة.. ودرست واخوتي الجامعة في القاهرة التي أصبحت بلدا ثانيا لنا بعد ان قررنا الاستقرار بها..
وفي السودان مكان استقرار اهلنا هو أم درمان.. ولا زال منزل حبوبتنا في ود نوباوي وإن تفرق أخوالي في مناطق ام درمان المختلفة..

..

تسلم على حضورك.. وننتظرك في القاهرة المدينة التي تستيقظ طوال اليوم.. مدينة السحر والفن والثقافة والجمال..

ودي..

غير أني موجود في القاهرة ومازالت وحشة المكان تملأني .. نتمني مقابلة بعضكم حتي من قبيل (الدليل السياحي ) هاتفي 3903108

الفاضل شعبان (مو)..

تحية ومحبة وتقدير..

اتصلت بك اليوم ولم أجد احدا.. أتمنى ان تراجع مسينجرك فبه ارقامي..

وفي انتظار لقياك،،

لك الود..

والله يارجاء الزول حزين انو مالاقاكم موش قلت ليك بلدكم غريبة
المهم
لازم يتعزمو جراد بالباشميل فى السارية

ودالديم

Quote: اولا سعدت القاهرة واشرقت بمقدم الصديقة أميمة الفرجوني.. وهي بالمناسبة لا زالت طالبة تدرس في إحدى جامعات التشيك.. وحتى اللحظة لم أتشرف بلقائها المباشر وإن تحدثنا كثيرا منذ حضورها وتواعدنا ليوم الخميس..

الاخت العزيزة رجاء


بالله اميمة في مصر... سلامي الكثير لها


بعدين انا طالباك باقة ورد... جيت حفلتكم و عيدت عليكم و طلعت يدي فاضية


متابعة جهدك و تعبك مقدر


تحياتي الصادقة

غادة

الأحباب الفوق..

ســـلام وود.. وبعد اذنكم نراضي غادة العزيزة وأرجع ليكم..

الحبيبة غادة..

تصدقي ما شفت المشاركة بتاعتك إلا بعد كلامك ده.. عشان انا كنت متابعة وعرفت اني لاقيت كل الأحباب بهناك ومشيت للصفحة التانية..
بيني وبينك النضارة محتاجة لتغيير من يوم بوست رسالة حب في عيد الحب..

دمتي يا غادة.. والقلوب زي ما بيقولو شواهد.. ولم اندم إلا لعدم اللقاء بك حتى الآن رغم معرفتي بوالدك الجليل ووالدتك الفاضلة.. ودعيت لعقد قرانك هنا.. واتطلع للقاء قريب في القاهرة أو في الخرطوم إذا الله أراد..

وليك ولأسرتك الحلوة ولكل من حولك

ود الديم العزيز..

ســـلامات ومراحب..

إنت وين..؟؟

انتظر رقمك على المسينجر.. عشان المرة الجاية ما تغيب من لقاءاتنا..

غايتو لو لسة في القاهرة.. تلاتة ارباع عمرك راحو الما شفت ضيوفنا..

تقول لي جراد شنو وابصر شنو.. أمًال تورتة الجبنة بتعمل أيه..؟

منتظرة الرقم..


تحياتي..

وتكون سعادتنا الغامرة دائما بوجودك بيننا رجاء



ولا اكتم سرا ان قلت كم نحن سعيدي الحظ فى القاهرة بوجود رجاء العباسى بيننا وبوتقة

من بورداب القاهرة الرائعين ...............



ولكى الود دوما رجاء

sweet Raja..Cairo's Rose

Thank you for the nice welcoming

Looking forward for tomorrow to finally meeting you




Ghadoya

Ghada Abdelazeez..izayik

really moshtageen kateer

hey where can i get hold of your contacts

Please let me know

الصديقة
رجاء
لك التحية ولكل الزملاء بالقاهرة
القاهرة التى ما زالت ذكرياتها ندية..
لكم المحبة

رجاء تحياتى

العجوزة مدينة الإعلام ,الدقى شارع سليمان جوهر, الدقى شارع السبكى, مدينة نصر الحى السابع, عمارات العبور شارع صلاح سالم, مصر الجديدة كبرى التجنيد, المهندسين شارع شهاب وشارع أحمد عرابى , حدائق المعادى .

فندق آمون, ديسكو آفريكانا وصديق العاتى, ديسكو ميناهاوس.

أيام جميلة وذكراها أحلى . أنا بالمناسبة سودانى عاصمتى القاهرة.

لك كل المودة و بخت القاهرة بوجودك المضئ.

الفاضل د. بلة..

سلامات وتحياات عاطرات..

بالله انت حمتا كل المحلات دي..؟

القاهرة جميلة بجد للبيعرف وهو فيها انها كده.. لكن للأسف هناك من الناس من يأتي بفكرة مسبقة من تجربة زائر تعيس.. وهو بفكرته دي بيظلم نفسه ويظلمها معاهو..

طبعا هسع كوبري 6 أكتوبر عمل القاهرة 3 أدوار.. فمترو الانفاق هو الأول والتاني الشارع العادي.. وممكن تمشي من 6 أكتوبر لغاية مدينة نصر وانت فيهو بعد ما تاخد المحور..

ننتظرك تاني تنوًر القاهرة..

مع صادق الود..

الصديق العزيز منعم..

تحايا جزلة لك وللحبيبة العروسة التي توقعت انضمامها في لستة ديسمبر..

حتما هي ذكريات ندية في القاهرة.. كيف لا وقد جمعتنا أماكن غالية مثل 10 عائشة التيمورية.. واشخاص خالدين في نفوسنا كالراحل وديع.. وعمي عبدالنبي أطال الله في عمره..
..
وأتوقع ان تتحق مقولة المصريين ان من يشرب من "نيلهم"* لا بد ان يعود..

وفي انتظارك بعد ان أصبحت اتنين..


* "نيلهم" من السد وحتى البحر الأبيض.. أما "نيلنا" فسره باتع.. يجعلنا نرى في كل الأمكنة لمحة من الوطن..

ودي..

الوسيمة خلقة واخلاق أميمة..

فرحتي بلقاك اليوم لا تعادلها فرحة..

وفرحة زملائي في العمل بك وسؤالهم المتكرر إن كنت اختي (حظي).. كان جد كبيرة..

وطبعا عند وعدنا الآخر بلقاء كل البورداب القاهريين قريبا..

..

حفظك الله لوعيك الذي يتجاوز سنين عمرك الغض.. وهنيئا لنا نساء السودان بنساء واعدات وشامخات كالجبال مثلك..

ودي..

واثق يا عزيز..

ســـلامات كتيراااات وحلواااااات..

عرفت الواثق من المنبر ولم أكن اعرف انه في القاهرة.. وعلمت من صديق مشترك ان الواثق الذي يكتب هنا يقيم ايضا هنا.. وكان ان اتصل بي في أمر يتعلق بمهمة كلفه بها احد الأساتذة واعطاه رقمي.. وتحدثنا زي البنعرف بعض من مليون سنة كده.. وما التقينا إلا بعد كده بسنة.. في ورشة عمل أقامها مركز القاهرة لحقوق الإنسان.. وطبعا عرفتو طوااالي.. رغم ان الصورة بتقول انه زول أخدر ومربوع حسب ربطي لصوته بصوت العزيز فتحي الضو..
..
أنا هي تلك المحظوظة يا واثق بوجودك وبقية الأحباب هنا..

..

حأرجع تاني..

العزيزه رجويه

سلامات وكده

لن انسى ايام اقامتي في القاهره والتي قضيتها معكم طعم البتزا مازالت

في ذاكراتي شوارع القاهره المزدحمه وليالي الحسيني فعلا ايام لهانعناع

لك ولاسترتك التحيه

مع حبي

منير الغالي..

اولا حمد لله على سلامة طلًتك.. وشكلها الهاوس مان كانت مآخداك كل وقتك.. نقول مبروك خلاص وبقيت دكتور رسمي وشعبي..

لمن لا يعرف "مشتاق" فهو د. منير الذي درس في أكرانيا وكان من البورداب الأوائل (يا قول أساسي الله يطراه بالخير).. حضر الينا في القاهرة العام قبل الماضي في طريق عودته النهائية للبلد.. وما حاقول أقل من القلتو في حق اي بوردابي قابلته شخصيا هنا.. فهو باختصار "إبن ناس محترم"..

العزيز مشتاق.. نوًر بيتنا.. وشارع بيتنا.. يوم ما جيتنا

اتمنى يا منير ألا تختفي من هذا المكان.. فبعودتك يعود المنبر لسيرته الزمان قبل احداث 11 سبمبر.. لووووووووووول

بورداب القاهرة انتساب
فرع أمريكا

يتمنون اقامة سعيدة لكل الزوار

ربنا يجمعنا بكم قريبا انشالله

كل الود
وليد العجب

إنت نسيتي يا رجاء إنو أنا من بورداب القاهرة ؟..
بس قديم شوية بإعتبار ما كان ..



أمنياتنا لكم بدوام السعادة ..

معتصم يا عزيز..

بوردابي قاهري مليون المية..

أي زول درس او زار او حتى جا ترانزيت بالساحرة هو مننا.. كيييييف..؟

وحننتظر مقدمك الحديث..

كل الود،،

وليد العجب الغالي من ريحة الغاليين..

مرحب بيك مليون.. ونفرش ليك كل القاهرة سجاد أحمر ونرشه بموية الورد كمان..

نتوقع حضورك في شهر العسل.. وربنا يهنيك وعروستك..

ودي..

أما الضيف العزيز الذي شرًف القاهرة فهو معتصم الطاهر.. وده حدوته لوحدها سأحكيها مفصلة..
التقيته أمس حينما حضر لمكتبي.. ثم جلسنا في "كافيه" قريبا من المكتب.. وبصراحة لم أعد الساعات التي أمضيناها من حلاوة اللقاء..

أحسن تحكى قبال أحكى بطريقتى ..

الغالين

رجـاء
مـعـتـصم

تـحـكـوا ولاَّ أحـكي أنا

اســـكــــت
خليك من خيالاتك .. بقيت تألف
وانا المرّّة دى حأكتب معلّقة مش بس قصيدة

بالمناسبة
7 و 14
وحاتك يا اسماعيل ..

مولانا إسمعيل الغالي،،

مليون مراحب بيك في ضيافة القاهراب وضيوفهم..

تعرف أول ما نويت أحكي،، لقيت الحكي ما ساهل..

صعب انك ترصد نقاط جمال في لوحة مليانة جمال..

شفتا كيف..؟


اها انت حتجينا متين..؟

ومنتظرين،،

العزيز معتصم،،

لنت يا القاسي
فارقتها الروقة
بين غمضتي وحاسي
دبت في ذوقها
يا تبقى من ناسي
أو تبقى معشوقا

XXX
زولة.. القمر دونها
كمل الوصف فيها
الزهر من لونها
الدر مكنونها
الأرض وما فيها
الشمس.. وما فوقها..


..
عندما التقيت بمعتصم فوجئت بكم الجمال والأريحية التي يحملها بداخله.. وتلك الحكايات الخلاًبة التي يرويها.. اعتبره محظوظا لحياته في كل تلك البقاع في السودان.. واعتبر ان الخدمة المدنية حتما فقدت أحد أهم تروس العمل بها..
اثناء حديث معتصم استشفيت قدرا عاليا من الاحترام للمرأة.. فحديثه عن زوجته حديث رجل تتمنى أي إمرأة ان يكون عنها.. يدافع عن أحقيتها في العمل، وفي ان تحس بأنها عضوا فاعلا في مجتمعها وأسرتيها الكبيرة والصغيرة.. ومن هنا أحيي تلك السيدة الكريمة التي شاركت معتصما حياته وروعته.. والتحية لأبنائهما المحظوظين..
..

حزنت لعدم معرفتي نظم الشعر.. فالموقف يعجز وصفه نثرا،،

حارجع تاني،،

تحتفظين بالقصاصة
ام تحفظين المقطع ..
البقية فى الرد القادم ..

معتصم العباسى ..

الحبيبة الغالية/رجاء العباسى
أسعدنى كثيرا ذكرك لاسمى فى منبركم الرائع الذى أتابعه وأراقبه جيدا فقد أضاف لى بالفعل الكثير فأرجو أن تنقلى تحياتى وتقديرى لكل من أسهم مساهمه جاده فى هذا العمل البناء واسمحى لى أن أعلق على بعض الشخصيات الهدامه والتى تحاول فى بعض الأحيان أن تحول هذا المنبر الجاد الى ساحه للمهاترات والشغب, وكم حزنت كثيرا وأنا أجد بينكم مثل هذه الشخصيات. تمنيت كثيرا أن أنضم اليكم ولكنى وجدت أن أراقبكم من بعيد وانشاء الله سيأتى الوقت المناسب لانضمامى اليكم والى أن يأتى هذا الوقت لكم منى كل الود.

رجاء أتمنى أن تبلغى تحياتى وامتنانى الى الأخ راكوبه ردا على تحيته الجميله وليوفقنا الله جميعا لحماية سوداننا الغالى.

أما أنت يارجاء فأنت تعلمين جيدا أننا كم اختلفنا فى رؤانا ولكن بقى بيننا كل الود والاحترام فمن يجدنا نختلف لايمكن أن يصدق أننا أصدقاء حميمين جدا وأعترف أن هذا يعود الى شخصيتك فأنت تجبرى من يتعامل معكى على احترامك وتقديرك, فلكى كل التقدير واعلمى رجاء أننى كم استفدت منكى كثيرا واعلمى أيضا كم انتظرت بوستاتك بلهفه على المنبر لأنها بحق تضيف الى الكثير فأرجوكى لاتنقطعى وواصلى دائما هذه الروائع التى تفيدنا جميعا كمراقبين للشأن السودانى,وتذكرى جيدا أننى كم كنت كالأطفال عندما أجد بوست جديد لك لأننى أعلم أن به مايفيدنى,عموما استمرى لاتنقطعى أى كانت الضغوط وأى كانت السخافات وفقكى الله وسدد خطاكى,تحياتى للجميع فى المنبر من مثقفين وسياسين وفنانين وشعراء.........فأنتم بحق شرف لبلادكم السودان الغالى.

صباح موسى
صحفية مصرية

العزيزة رجاء
عفوا
شغلتنا اعمالنا واهلونا عن التعبير عن عميق شكرنا لاطراءك ونتمنى دوام المحبة والتواصل. لكن يااختى انا والله بقيت جنى وجن الانتماءات, كان سياسية طائفية, او عقائدية راديكالية, كان شوفينية نازية او اممية, ولا محلية ولا معولمة, لكن عاجبنى الانتماء لبورداب القاهرة.

اقعدى عافية

العزيز محي الدين..

مية مسا على الناس الكويًسة..

طبعا انا اعجبت بمحي الدين وببوسته الحلو بتاع المريسة والكديسة.. وابدا ما خطر ببالي انه معانا هنا في القاهرة.. ويوم الزيارة داك.. ولما نزار ناداهو بـ : محي الدين ابكر.. عرفت ان الدنيا دي صغيرة قدر شنو..

التقينا بنصه التاني.. مدام لبنى.. وهي من الناشطات في المنظمات العاملة للمرأة هنا في القاهرة.. وأتمنى ان تنضم لينا برضو.. طبعا هم الآن في انتظار مقدم أول أطفالهم.. ربي يسعدهم ويهنيهم..

..

محي الدين.. غول حكايات خطيرة.. تابعوه وانتو تعرفو انا قلت كده ليه..

له الود وللبنى..

العزيزة رجاء

بالفعل الباشمهندس معتصم الطاهر


رجلا نادرا تستطيعى ان تحكى عنه الكثير والكثير

وانا فى اشد الاسف لاننى لم اتمكن من اللقاء به فى القاهرة . وقد تشرفت بلقاءه بين عامى94-95

فى مدينة الحصاحيصا وكنت حينها طالبا فى كلية النسيج جامعة الجزيرة - وتحديدا فى وفاة

بروفسير بشير الفاضل عميدكلية النسيج - وهو رجل له كثير من الصفات فهو سياسى وشاعر وفنان

وانسان ............


فلك خالص التقدير الاستاذ معتصم

العزيزة رجاء

تصوري اني مريت بالقاهرة عدة مرات و في واحدة من المرات دي كان مفروض ادخل البلد و اقيم في فندق موفمبيك لكن ناس الانقاذ الله لا يكسبن متوصين بينا في كل مكان، كانوا بدوا مشاكل مع المصريين بتحويل اسم جامعة فرع القاهرة في الخرطوم و مضايقة موظفي الري المصري و الاساتذة المصريين بس الكويس اننا مشينا في فترة اعادة مضايقة المسافرين في مطارات البلدين التي اعقبها اهانات اكتر مثل الضرب و الاعتقالات يعني الحمد لله ما ادقينا في مطار القاهرة و ادونا غرف في فندق داخل المطار لحد ما دبرنا امور مواصلة رحلتنا في اليوم التالي. بكلامك بتاع الزحمة المرورية لو فكرت اجي القاهرة ما ح احجز فندق و لا شقة طالما 90% من الزمن بقضيها الواحد في الشارع العشرة في المية بتدبر لووووووول.

نصار يا غالي..

ســـلام مربًع..

انتا بس أنوي تجي القاهرة وكلها تتسهل.. وعليك علينا يستقبلوك ناس عند باب الطيارة كمان.. الله.. هو انحنا بنلعب..

الزحمة خلتنا نعمل مواعيد إما في أوقات نعرف انها ساهلة شوية (مع انه الفترة الأخيرة مافي اي وقت ساهل).. أو أيام الجمعة قبل الصلاة والسبت بالصباح.. وهي الاوقات الفيها اجازات.. لكن يوم الاتنين ما تفكر تعمل اي مشوار إلا بعد الساعة 12 بالليل.. ويوم الخميس أنسى..

إجازة المدارس في نص السنة والصيف فيها شوية رحمة بالصباحات.. لكن في المسا الكل ماشي يتفسح.. ياخ المصريين ديل كتار بشكل.. عندي صديق قال لي والله خايف انو يوم القيامة مع المصريين والصينيين وناس الهند ونيجريا انحنا ينسونا..

لووووووووووووول..

ودي..

الأحباب الفوق كلهم..

ســـلامات طيبات..

طبعا ما قادرة أوصف سعادتي اليوم بلقاء (الوسيمة) أميمة الفرجوني.. وهي إبنة الفنان الرائع أحمد الفرجوني.. عرفت ذلك منذ أول اتصال لها.. يا مشتاق مشينا لبيتزا هت وجبنا سيرتك.. حتكون مشروق اليوم كله.. ده غير الـ 402 زول القلنا عليهم ناس رايعين ومحترمين من الزملاء المعانا هنا..

هذا الموجز.. التفاصيل قادمة..


ودي..

العزيزة رجاء،
الزميلة صباح أعتقد سوف تشكل إضافة حقيقة لهذا المنبر، نتمنى أن نراها بيننا هنا في أسرع وقت..

راكوبة يا زمل..

سلامااات..

صباح تبلغك تحياتها.. وكلنا في انتظار مقدمها..

تحياتي لود رملية الهلالابي..

العزيزة رجاء

يا سلااااااااام عليك وعلى القاهرة
هذى المدينة تضئ فى عمقى عند ذكرها

اها احكى لينا عن البورداب ولقاء معتصم

وتسلمى

الفاتح يا غالي..

مرحبتين حبابك..

طبعا اي زول عاش يوم في القاهرة واااااضح من البورداب (عارفاها عنصرية).. وزي ما بيقول اهل الخليج (غير)..
..
القاهريون زي البتعرفهم كده ليك مية سنة.. وعندي ميزة حلوة.. أنا بعرفهم كلهم.. لكنهم ما بيعرفو بعضهم كلهم.. وبعمل لأننا نتقابل كلنا يوم..
..
معتصم الطاهر جانا ضيف خفييف.. ومشى وساب فراغ كانه قاعد معانا.. شفت كيف..؟
بتذكر لما جانا عاصم الحزين من سنة ونص.. قعدنا زي شهرين عشان نتأقلم بعده..
..
ومنتظرين حضورك.. وملاييين المراحب..

العزيزة رجاء
حاجة تبغّر عديييل كدة
ده كان ما جابت ليها حسادة :-).

اطيب التحايا للاخ الفاضل معتصم الطاهر مع امنيات باقامة سعيدة

و سلام كتير لاميمةالفرجونى

ندى

*

سيجيمان الغالي..

سلام ومودة

ليه شلتا مشاركتك..؟

والله العظيم وان شا الله اتكسًر حتة حتة جاية ارد عليك وما مطنشاك..

وحيت عشان اقول ليك لو ما شالتك القاهرة تشيلك رؤوسنا.. وده يوم المنى يوم تجينا بي جاي.. وكنت بقطع امبارح مع واثق فيك.. قلتا ليهو لما سيجيمان يجي.. حنعمل حفلة بندى القلعة..

الرسول كما رديت علي..

منتظراك..

رجاء

Quote: والله العظيم وان شا الله اتكسًر حتة حتة جاية ارد عليك وما مطنشاك..

الحليفة دي بتاعتي انا......يعني دي سرقة ادبية

وبعدين انا ما قاعد ازعل من الطناش دا انا ملك الطناش..... لكن لقيت الضيوف في البوست كتار وقلت شوية اديهم فرصة....وانا سيد بيت"بوست"....وبرضو اجلت الجيه بتاعتي للموسم الجاي.........انتي الناس ديل بيجو يسو شنو؟.... عُمرة؟

سيجيمان الغالي الممسوخ ..

أمانة في ذمتك شوفني رديت لي منو بعدك..؟

انتا الرطبطة دي ما تسويها إلا فيني..؟

انا اصلو ما بطنش زول.. في البكان ده عندي 4 تنفار بس ما قاعدة لا اقرأ ليهم ولا برد عليهم لو دخلو لي.. ولا واحد فيهم الحرف الأول فيهو "سيجيمان" ..

بمناسبة السرقة الأديبة.. انتا ما سمعت انو هكرة العلم حلال ..

لوووووووووووووول ..

الحبيبة ندى..

مليون سلام وتحية..

طبعا كل ما أعبر الجامعة الأمريكية أتذكرك وأتذكر برامجنا التي كنا نبتكرها أيام الخميس.. فهل ممكن ترجع الأيام ديك..؟
غايتو مافي مانع خالد يكون معانا ..

..
اتمنى ان نتقابل قريبا..

ودي..

الأخ الواثق
تحية وشـــــوق
وذكرى وذكريـــات
وكلية النسيج حيث كنتم نسيجا فريدا ...
صنعتم من مبانى كلية ..
كان طلبها يؤمنون بأن الجامعات تبنى بأيدى الكل
وليست من الحكومات
كل من كان فاعلا فى تلك الفترة ..
صار علما ..
وشكرا للاطراء
حاولت الاتصال بك .. ولكن يبدو أن حظى ما تحرك ..
نلتقى قريبا ..

بالمناسبة عليك ببكرى الجاك ..
هو أحد أركان الحج فى القاهرة ..

الأحباب الفوق كلهم..

وصلنا بالسلامة الغالي د. ماجد سناري..

وهو بخير وسيتم لقائنا به قريييب جدا..

القاهرة نوًرت يا ماجد..

ودي..

رجاء العباسى..زهرة القاهرة...حديقتها الغناء ونوارة الفريق...رجاء...بورداب القاهرة يسعدون بك ويكبرون...فانت دوماانسانا وحضورا...ارجو لك دوام الصحة والعافية...
مع مودتى وتقديرى

الرائعة

رجاء العباسى

لكم سعدت بلقائك

اخذت يدك مصافحة وما كان الا وارتمينا فى "مقالدة" سودانية تتوق الى لم الشتات المتراكم فى

الدواخل فاذا بك اخت تضمضم تبعثراتى وتأسر كلماتك الدافئة برد شتاءاتى.

راقبتك وانت تحكين وتدندنين بهمة اشواقنا الحراقة للوطن وقضايانا الجندرية المشتركة، وانت

تنثرين اطاييب الصفات بكل من التقاك من البورداب ضيوفا وقاهريين.

وكما يسطر قلمك الصادق ينطق لسانك بنفس التفانى.

تصطحبك عفوية سودانية ذكية يقظة تطغى على حواجز أى لقاء أول دون تكلف لتتواصل ومرافى

الوجدان ، ويتبعك حضور قوى يفرض تواجدك المضى ، واجتماعات خصال تنزع الاحترام.

قرأت على صفحة محياك مشاعر ترحيب ودود بللت بها جفافا قد كان بالقلب حيثما ترك كثر الفراق.

هنيئا لى وبورداب القاهرة بك.

نقطة : مازالت تتقمصنى انتلجستيا ثرثرتنا تلك ، أطمع فى المزيد.

فالى لقاء مرتقب وجميع بورداب القاهرة .


خالص معزتى

العزيزة

ندى على

لك حار التحايا والمنى

سلامك وصل ومقدر


خالص معزتى

محمد عكاشة العزيز..

ســـلام ومودة..

طبعا محمد عكاشة زميل مهنة.. وهو صحفي في جريدة الراي العام.. تعرفت عليه أثناء مفاوضات التجمع والنظام.. رجعت لكتاباته في الصحيفة والمنبر وجدتها رشيقة وأنيقة.. أتمنى ان تفعلوا مثلي..

واتمنى ان نلتقي يا محمد قريبا..

لك الود..

الاستاذة رجاء
عبرك احى وارسل التحايا لك بورداب ام الدنيا (مصر) نعم طال بعادى عن قاهرة المعز ولكن كما كان يقول لنا الشعب المصرى ونخن طلاب علم بها (سوف تأتون يوما الى القاهرة طالما شربتم ماء النيل ) كنا نستعجب من القول فالنيل يمر بنا قبلهم ولكن ربما تكون حكمة فرعونية هم أدرى بها واتمنى ان تتحق فى حضور بورداب القاهرة
تحياتى

العزيزة رجاء

شكرا علي باقة الورد الجميلة.. دايما ذوق



الاخت اميمة..

سعيدة بالتواصل معك... راجعي الاميل



تحياتي لكل بورداب القاهرة و الاخ معتصم الطاهر

غادة

الحبوب العزيز..

مساءاتك فل،،

زي ما قلت فوق.. ان الدرس او عاش في مصر (غير)..
بعد شوية حنعمل لينا تنظيم او حزب عدييل.. ومليون المية نكسب اي انتخابات ننزلها..

وفي انتظارك لشراب مية النيل (اللي هنا) مرة تانية..

ودي..

من بورداب الخرتوم محل الكتاحه وكوم الهموم مليون تحيه لى جماعه القاهره وزوار القاهره

عثمان فضل الله يا عزيز..

مليون سلام يا شعبنا
ومليون حباب
والاغتراب
يا ابونا ما طول الغياب..
الاغتراب
فال اليخونك ويزدريك
..
...

مصيرنا كلنا نرجع للكتاحة وكوم الهموم.. والنمل أبو ريش..

وننتظرك وعروستك الغالية وفارسكم الجديد..

مع الود..

جبتو من آخر الصفحة التانية..

ارفعه عشان ارجع ليكم..

رجاء
_________
صحيح البورداب أخوان في الإنسانية ،وزي ما قلتي أنت في بوست كده ، صارت ونساتنا في بيوتنا وكل معارفنا هم البورداب ، ولو عرفتي في اليوم الواحد انا بتكلم مع كم بوردابي لأشفقت على جيبي المثقوب .
وبرغم جيبي المثقوب لو الكارثة معتصم الطاهر قال لي انا ماشي القاهرة كان حملته جوابي وهدايا من سوق واقف وهناك البيع الكوم بي قرش .
بعدين انا لمن كنت في القاهرة ماكنت بتعتني بي مالك ، غايتو التحية لكل بورداب القاهرة زوار وفي الإنتظار ، وتحية للصاروخ القاهر وكفر طهرمس وشقة الأقليات وإسكان الضباط وزهرة البستان وزهرة الباهي.

معتصم الطاهر
___________
إنت تتبارك وما تتشارك ، لو كان أشركتني معاك في الفكرة كنت متعتك بقاهرة غير ، وعلمتك أسرارها وفكيت ليك شفرة الدخول لطقسهاوسهراتها وجنونه ومجونها وده كلو رجاء ما عارفه فيهو التكتح ، يللا خم وصر .
وبعدين عازمني كسرة ومفروك متين ؟

مولانا إسماعيل التاج
____________________
إنت دايمآ تحب تدخل بين البرتكانة وقشرتها ! متذكر لمن وقفت بيني وبين {قشرتي} وإتلصقت فيها حتى فاحت رائحة البرتقال منك وكنت بنكهة عصير ، والله مشتاق ليك ، تصدق!
أها وعملت لي شنو في موضوع العزيز فيصل عثمان الحسن؟

الإستاذة صباح موسى
__________________
صباح الخير بالليل ، أوع تكوني أخت النور موسى ، البور موسى ، ده كان من الناس الحلوين بجد فقدته الإذاعة السودانية التي ترملت من بعده!
يااخ عندي واحد صاحبي بحبو وبعزو وهو بيحب مصر والسودان وشعاره المفضل وحدة وادي النيل ، بنبله وكرمه خفف عنا مكابدات شظف العيش في القاهرة بل وعلمنا سبل كسب العيش فيها وعلمناه كيف يحتسي الفرح المعبأ في الزجاج وكبدة الأبل وصار سوداني حتى ربى شنبو ، أبحثي لي عنه في زهرة البستان ، مع المثقفين والإعلاميين ، مع الشغيلة والناس البسطاء فهو حبيبي ، صابر نايل ، شفتي إزاي في إسمو يجري نيل موحد بيننا ، لو لقيتيهو ليك هدية معتبرة من سوق واقف ، رشوة محترمة
نتمنى ان نراك في المنبر الحر قلم رشيق وجميل ومصادم ومنحاز للنور

الغالي أبو ساندرا واخواتها وأمهن..

يا تلتمية الف مرحبا..

قلت لي كنتا حتجيب لي من سوق شنو..؟ بركة الما عرفتا بسفر معتصم..
غايتو اقل من اسورة دهب فيها ألماظ ما بقبل من زول عندو البنات وبيعرف معناتها شنو..

المشكلة لما كنت في القاهرة كنا يا دووب متخرجين.. ودايشين..

وسلامك وصل من عندنا لكفر طهرمس والصاروخ القاهر والمريوطية عند خالد عبدالنور.. وشقة الأقليات وإسكان الضباط وزهرة البستان وزهرة الباهي كمان..

ومنتظرينك الصيف ده مع رشيدة.. ولو الامور ما مشت رسلو لينا ماهيتاب وساندرا..

ودي..

لم أنس باقي بورداب القاهرة.. ولكنني لم ألتق بهم قريبا أو بعد..

معنا إضافة للبورداب الفوق:

أمين محمود
مانديلا
كبروس
قاسم المهداوي (اعرفه ويعرفني من زمااان ولكنه بيتغاتت علي)..
مطر قادم
جمال ادريس (صديقنا الصحفي)
محمد صالح (الاسكندرية)
ود الديم (انتا وين)
عبدالله (النسر)
..
..

وطبعا معانا
حسام هلالي
أيمن حسين..
..
..

الاخت رجاء
تحياتنا لكل ناس القاهرة ...

الفاضل معروف..

مليون مراحب ببورداب القاهرة السابقين..

تحياتك وصلت لكل الناس.. وبلغ تحياتنا لبورداب القاهرة الذين هم بطرفكم الآن..

لك الود..

الأخوات ندى على وغادة عبد العزيز

شكرا على التحية ..


أبو ساندرا ..
أنا خاصة انت .. ما دايرك تعرف أو تورينى دروبك ..

بعدين البلقى رجاء داير بيك شنو ..

الكسرة يوم الجمعة ..

معتصم التاهر
معتصم الشاعر
معتصم الطاهر
قلنا { كسرة } يا أبو علي

صدقت إحساسى ..
وكذبت مرساتك ؟
غافلت حراسى ..
وشديت شراعاتك ..
كمّلت أنفاسى..
فى شهقة الموجة ..

ما بحمل لهيب شوقا
ولا قادر أطفيهو ..
(حدثتو يتصّبر )
من ريدو وتصابيهو
( قال لى "ما بقدر")
يا ريِتك تصافيهو
من ورطتو الفيهو

صدقت إحساسى ..
وكذبت مرساتك ؟
غافلت حراسى ..
وشديت شراعاتك ..
كمّلت أنفاسى..
فى شهقة الموجة ..

ما بحمل لهيب شوقا
ولا قادر أطفيهو ..
(حدثتو يتصّبر )
من ريدو وتصابيهو
( قال لى "ما بقدر")
يا ريِتك تصافيهو
من ورطتو الفيهو

Quote: يا راوية واحدة فى الإتنين يا بغرانة .. ودى ما أظنها او ما بتعرفى توصّفى .. يا اخوانا كان رقتو ..

تصدق لو قلت ليك مابعرف اوصف

كل ما اقرا ليها حاجه ولا اشوفها بتبدع بفرح ليها فرح.........
وبفخر بيها

لنت يا القاسي
فارقتها الروقة
بين غمضتي وحاسي
دبت في ذوقها
يا تبقى من ناسي
أو تبقى معشوقا

XXX
زولة.. القمر دونها
كمل الوصف فيها
الزهر من لونها
الدر مكنونها
الأرض وما فيها
الشمس.. وما فوقها..

راوية يا حبيبة..

سلامات ومراحب..

تعرفي قدر ما حاولت اتحصل على القصيدة كاملة ما قدرتا.. لأني كنت محتفظة بيها على الجهاز واتعمل فورمات..

غايتو لنهاية البوست ده حنجمعها مرة تانية..

دمتي يا غالية..

رجوية العسل

ما بتقصري يا كريمة يابت الأصول
تعرفي ماهيتاب جننتني ، داخله في رأسها فكرة سفر وإلى أي مكان تسافر وبس ، والعبدلله منسجم مع الفكرة وطنين النحلة في أذني لكن { الجيب } كان مقدود من الخلف ، قد من دبر ، من كتر الأيادي الداخلة فيهو ، البناء ، الجامعات { ودي برضو بناء ومهم } المصاريف اليومية المواصلات ، الساندوتشات ، وآفة جديدة إسمها الموبايل ، حيث يتوجب علي تعبئة الرصيد بالكروت والكرت ب25000 تصدقي ، على أن أدفع الونسات والغزل والرسائل الملتهبة ، وده كلو كوم ، هناك المصاريف السرية ، حق الكوافير ، حق الحنانة ، لمن زهجت وقبلت مبدأ تعدد الأزواج ، واحد يكون الزوج الطبيعي للأعمال المنزلية والتاني للمصاريف و مشاوير الجمرة الخبيثة
المهم ، تدخلت رشيدة وقالت ليها : { يا بت هوي مافيش سفر براك / لوحدك }
وتبسمت انا المخدوع في سري وقلت الولية عاقلة وخايفة على جيب ، هذه المرة جيب بدون قوسين جيب حر ، قلنا حاولت حماية جيب بعلها
ولمن كنت متآمر بطبعي قلت إستثمر الموقف من الجهتين فقلت : { والله بالغت يارشيدة أنت قاعدة وين ، انت ما عارفة ناس خالدة زاهر سافرن براهن زماااان وقبل ما يلدوك ، أيه التخلف ده
وإبتلعت ماهيتاب الطعم ، ووقفت مع البابا بولس الثاني، ونسيت فكرة السفر
وتبسمت
علا المرة أم وش الإسمها رشيدة العسل { برضو } أحبطت مؤامرتي قائلة : لا { بالطريقة المصرية } انا ما قاصدة ما تسافر براها زي ما إنتو فهمتو ، أنا قاصدة نحن كلنا محتاجين نغير جو ونفسنا نمشي القاهرة
وأسقط في يدي ، وقلت ليهم انا ذاتي عايز أغير جو وأغير الجو ذاتو وبديت أغير هدومي إستعدادآ للخروج من المأزق والوقف بين يافطتين { رشيدة وبتها الأحلى منها } المطلعة دين قرمبوز وأصحابو
المهم أكان الحال إنعدل { بطرشها } لك

ههههههههههههه

غايتو يا ابو ساندرا ما قادرة اوقف الضحك على وصفك الفوق ده..

المهم بعد ده كلو ما تخدناش في دوكة زي ما بيقولو المصريين .. البنات وامهن عايزين تغيير.. وانحنا مستعدين للإستقبال..

بجيك راجعة..

العزيزة رجاء العباسي ...
معروف عنكم ظرفكم و لباقتكم التي تأبى
أن تسمي الأشياء بمسمياتها .. و هذه ميزة
نادرة حباكم بها المولى عز و جل ..

ذلك لأن المعتصم ود الطاهر الرواسي لا أخاله
(ينستر) مهما جال في العواصم و عبر المحيطات ..

دحين أطلعي من كياستك دي شوية و ورينا الحقيقة ، و ماذا
عن الخبر المنشور في جريدة الجمهورية القاهرية بعنوان
(مهندس سوداني يسرق الرسومات الهندسية لتمثال رمسيس) ؟؟؟

رجاء العباسى



عارفه يا رجاء قلتا اسلم وبس وزى انتى الليله ضاربه طناش من الندوه
الفى دار الوفد ( التجمع )

عرفتى

رجاء

ووجود بورداب القاهرة معنا فى المنبر الحر وانت على رأسهم مكسب لا يمكن ان تنازل عنه
تحياتى

رجاء

ووجود بورداب القاهرة معنا فى المنبر الحر وانت على رأسهم مكسب لا يمكن ان تنازل عنه
تحياتى

Quote: وأسقط في يدي ، وقلت ليهم انا ذاتي عايز أغير جو وأغير الجو ذاتو وبديت أغير هدومي إستعدادآ للخروج من المأزق والوقف بين يافطتين { رشيدة وبتها الأحلى منها }

العزيز ابو ساندرا ..
أزهرى محمد على ..
قال لى نغيّـر الجمة الجاية .. ونمرق من البيوت
.. وضاحته .. قالت له : فكرة جميلة :
أزهرى قال : ( طيب نحن دايرين نغّير من منو؟ )