تمبس.. رجاء خاص.. "بتقولي لا"

تمبو الغالي..

ســـلامات كتيرات..

تقب وتغطس وتجيب لينا اغنيات عبد العزيز المبارك وأولها "بتقولي لا"..


رأيك شنو نعمل أسبوع لعبد العزيز المبارك..

بالمناسبة أغنياتو "شرك" حتجيب كل أهل الزمن الجميل..

بتقولي لا .. بتقولي لا ..


بتقولي لا .. لقليب عليك يقطر حنان ويذوب ولاه
بتقولي لا لقليب رقيق ما اظنو لالالا بيحملا
بتقولي لا .. يا بهجة يا غالية يا ست القلوب يا مذهلا

بتقولي لا ... بتقولي لا ...

وحيات شبابك ذوبت في عينيك حنان ومغازلا
سافرت في رحلة مشاعر ملهمة ومتأملا
شفت الورود من وجنتيك غيرانه متوسلا
حتى القمر غار من صفاءك وأصبح يردد في الصلا
جاءك المساء يؤدي الفروض داعب شفايفك وغازلا
شال لون جميل من وجنتيك مسح خدودك وبللا
واصبح يلملم في النجوم ينظم عقود ويغزلا
طرز لجيدك بالحرير احلا العقود

بتقولي لا ... بتقولي لا ...

انا بيك بدغدغ في القلوب يا حلوة احرف واشتلا
املاها رقه ودندنات وعناق حنان ومبادلا
انا بيك لو قلبك يحن عالم يجن من الوله
اسقيك حنان.. ما اظنه كان.. في الدنيا او كانت صلا
وازرع هواءك بين النجوم.. روضة حنان وابللا
واحكيك لحون يا غالية لا انصاغت ولا عود غازلا
واخلي كل الكون يقول فنان يذوب في مذهلا
بتقولي لا.. يا لهفه المشتاق ويا طعم الحلا

بتقولي لا... بتقولي لا....



- - -

تحية حلوة لخال فاطمة..

تسلمي الصديقه رجويه


لو سمحتي اعملو لينا الاسبوع ده

يكون صوت وكتابة (يعني الاغنيه مسموعه ومكتوبه ) ولو امكن يكون في صورة فيديو للرائع عبدالعزيز


وممكن الاستفاده من اهل الاختصاص

Quote: تحية حلوة لخال فاطمة

معلومه

انا برضوا خال فاطمه

عبد الله صديقي..

شفت الشرك.. أهو جابك ..

خال فاطمة هو اللبى النداء في منتدى سودانيات..









طلعت أوت ..

رجاء ... لا وأخواتها (بس)!!!!

رجاء


دا بوست مكاواة واضح وضوح الشمش..... ارعي بي قيدك




تاج السر

Quote: لا وأخواتها

انا كنت مجكس واحدة منهن

سيجيمان..



بقيت تلاوز ..؟؟!!!!

العزيز تاج السر (في النيو لوك بتاعو) ..

أخواتها ديل أولهم "تحرمني منك".. مش كده..؟

وبس..

يا رجـــاء

بي اكسسسوارات والا بدون اكسسوارات ؟؟

كان بي اكسسوارات الا بعد العيد

تمبو..

هسع جيبها لينا بدون اكسسوارات..

وفي العيد نبدأ الأسبوع كلو..

أوكي..؟

ما بنقول لا لي طلب زي دا



<br style="color:black;background-color:white"><bgsound src="http://www.tabatpeople.com/songs/sudan/abdulaziz/bitgolila.rm" style="color:black;background-color:white"><br style="color:black;background-color:white">

ياسمبتيكو ..

الاكسسوارات مني ..


قبل العيد يارجاء ...



Save @ PC

تمبو..

هو الاكسسوارات ياهم اللينك ..؟

لاااااااااا ..

انحنا دايرين صوت وصورة..

شفتا كيف ..؟

اللطيف سيمباتيكو..
























ما حأقول شكرا.. لأنها شوووووووووية..

تعرفى يا رجاء الاغنية دى عندى معاه زكريات جميلة لذلك كل ما اسمعا بجن عديللللللللللللللل؟

Quote: انا بيك لو قلبك يحن عالم يجن من الوله اسقيك حنان.. ما اظنه كان.. في الدنيا او كانت صلا ãÇ ÍÃÞæá ÔßÑÇ.. áÃäåÇ ÔæææææææææíÉ..

العزيز سيف..

تحيات عطرات عطر الزمن الجميل..

كنتا متأكدة من أن الأغنية دي حتجيب الناس المرهفة..


وبرضو:

Quote: انا بيك لو قلبك يحن عالم يجن من الوله اسقيك حنان.. ما اظنه كان.. في الدنيا او كانت صلا

سلمت..

لآ ... يا رجاء
ليه ياقلبى ليه تانى رجعت ليه زى أيام زمان عدت تحن ليه، ليه ... ليه ياقلبى ليه.
هذه الأغنيه أحدى الحسان من دوله جارة شقيقه كانت تعمل فى احدى مكاتب الأمم المتحده، حينما تستمع اليها كانت تبكى وهى لا تعرف اللغة العربيه !!! وتعلق أنها تحس بشئ ما (حنين) فى طريقة الأداء وفى اللحن الحزين.
أتارى الفن بداوى كثير من الجراح .... بس.

العزيز تاج السر..

أي أغنية لعبد العزيز المبارك، بها ذلك الحنين الذي لمسته صديقتك..

مثل هذا الفنان ولا يزال أرق الأحاسيس لكثير من الناس..



و..

ليه ياقلبى ليه..

&

Quote: بتقولي لا .. لقليب عليك يقطر حنان ويذوب وله بتقولي لا لقليب رقيق ما اظنو لالالا بيحملا بتقولي لا .. يا بهجة يا غالية يا ست القلوب يا مذهلا

لكين الكسير ما عندكم!
يا حليلنا نحن إتكسحنا من زمان هسه شغالين بي أب دمام باقي
القليب الراسمة حنة إتهرى زمااااان
جني

جني العزيز..

ســـــلام..

أنا فووووق قلت الغنية دي حتجيب المرهفين..










كنتا متأكدة..

والله يا رجاء الأغنية حلوة شديد
وأي بيت فيها يفتح نافذة للغزل
والمنبر ده شايفو بقى حر خالص
أنا مش خايف عليك من ناس تمبس ، أنا خايف عليك من خيلانك ،،

ود قاسم العزيز..

كنتا متأكدة مليون المية الغنية دي حتجيبك..

أكيد أكيد انو:

Quote: أي بيت فيها يفتح نافذة للغزل

دي فيها مليون حكاية ..


وما تخاف علي.. طالما الناس الحلوة دي كلها هنا..

تسلم..

رجاء
برضو انته يا بت العباسى بتقولى لا
على فكرة الاعنية من اغانى الفنان عبد العزيز الجميلة
شكرا على الطلب والشكر موصول لتمبس
تحياتى

الحبوب بلدي..

لما فوق قلت انو الغنية دي شرك للناس المرهفة عدًيتك من ضمن أول تلاتة من الـ 50 الراصداهم في المنبر..


حلو ان الاختيار عجبك..

بتجيب خمسين ليه اصلو قكو تسعة دينارى عدم؟؟؟
والخمسين ديل .... أنا اسمى مكتوب؟؟؟

رجويا العزيزه

تعرفي انا الاغنية دي عندي معاها زكري جميله جدا

كنت رايح من الحصاحيصا لي مدني والدنيا خريف والوقت عصر بعد الساعه 4 مساءا

ومشغل شريط عبد العزيز المبارك

وعند ود المجدوب جات الاغنيه دي

وسرحت معاها شديد

تعرفي ما حسيت الا والعربية مغلوبه علي لكن ربك ستر علينا

صديقي الهلالابي عباس..

اولا اعتذر عن التأخير في الرد.. ومعها ألف حمد لله على سلامتك من الحادثة..

حلو انها المرة دي جابتك تاني وما بقت ليك ذكرى وحشة..


ودي..

سمعته الأغنيه دي كلمات فقط .. قبل أن أسمعها ملحنه.. وكعادتي أفضل الأغاني السوداني دون لحن... اختيار (جمييييييييييييييييييييييييييييييييييل) يا رجاء.. جميل وكل الياءات بتاعتها دي ختي تحتها تلاته خطوط....



وسلامى إلى.....



















الأهل بالكلاكله صنقعت
بنت الحسين

السلام رجاء
تمبس والله يا اخي اسف فتشت ليك كل الدنيا ما لقيتك لانو كنت عامل ليك حاجة ما تصورها ابدا شيخ عبد الرحيم البرعي يكلمك في التلفون لكن ما في زول جاب لي خبرك . لكن تلفون السودان عندي وبتصل بي شيخ حسن يوصلك بيهو

Quote: تمبس والله يا اخي اسف فتشت ليك كل الدنيا ما لقيتك لانو كنت عامل ليك حاجة ما تصورها ابدا شيخ عبد الرحيم البرعي يكلمك في التلفون لكن ما في زول جاب لي خبرك . لكن تلفون السودان عندي وبتصل بي شيخ حسن يوصلك بيهو

والله ياسيف انا خاتي حاجاتي كلها في البروفايل ..بس فترة كده كنت مافيش ..
طمنا علي الشيخ وصحتو .. ربنا يكتب ليهو الشفاء ..

يا رجاء البوست ده كان وين ؟؟

تمبو ازيك..

تصدق مشيت جبتو من هناااااااك بعد ما بكري انذرنا وقال لينا حيشمًع المواضيع.. اتذكرتا في احباب ما رديت عليهم..

اها الأحباب زادو كمان..

وكل ده بفضل الأغنية الحلوة..


ما قلت لي: الأسبوع الاحتفال عملت لينا فيهو شنو..؟

الحبيبة مريوما..

وجمييييييييييييل مشاركتك الحلوة واهداءك اللطيف..






أنا فوووق قلتا شنو..؟

الناس المرهفة الحتجي..


لك حبي..

العزيز خال فاطمة..

مــــــرحــــبا بك..

الأغنية مهداة لك يا راقي.. لأنك سبق ان اهديتني اياها في سودانيات..

تحياتي..

Quote: انا بيك بدغدغ في القلوب يا حلوة احرف واشتلا املاها رقه ودندنات وعناق حنان ومبادلا انا بيك لو قلبك يحن عالم يجن من الوله اسقيك حنان.. ما اظنه كان.. في الدنيا او كانت صلا وازرع هواءك بين النجوم.. روضة حنان وابللا

العزيزة رجاء

طلب جميل وراقى

تسلمى ....

ود العباسية العزيز..

طبعا..

الناس المرهفة منوًرة البوست والأغنية..

رجـــاء + تـمــبـس
دى معادلة إبداع للثمالة
وبطريقتكم دى حتعوقوا ليكم زول/لة

وده عالم بجن من الولــــه

كل الحب
وليد

العزيز وليد..

سلامات كتيرات..

شكلك كده اتعوقتا..

مرحب بيك في نادي المرهفين..

بصراحة اغنية ما حصلت ولا حتحصل..

مش..؟

سلام طـــــن

وهو داب عويق ساي يا رجاء

وبرضه ده عالم بيجن من الوله

لك ودي
وليــــــد

رجاء إختيار جميل وموفق خاصة مع كمية الحنان دي

Quote: بتقولي لا .. لقليب عليك يقطر حنان ويذوب ولاه

Quote: وحيات شبابك ذوبت في عينيك حنان ومغازلا

Quote: املاها رقه ودندنات وعناق حنان ومبادلا

Quote: اسقيك حنان.. ما اظنه كان.. في الدنيا او كانت صلا

Quote: وازرع هواءك بين النجوم.. روضة حنان وابللا

شوفوا لينا حل للحنان دي


ولا مالهاش حل .. زي ماقالوا أخواننا المصريون


عامر الأمير

العزيز عامر..

مرحبتين..

الغريبة الحنان مش بس في الكلمات.. ده في اللحن والأداء والصوت وكله كله حنان X حنان..

وحقيقة ملهاش حل..

شرفتا البوست..

الاخت رجاء

ما دام جبتى سيرة الشرك دا

شوفو ينا حاجة لى هاشم ميرغنى اللة اسعدكم

خالص التحايامنى

على الحسن

العزيز علي الحسن..

يا تلتمية ألف مرحبا في المنبر وفي البوست الشرك..

وحااااضر هاشم ميرغني هو الطلب القادم..

بالمناسبة الفنان هاشم ميرغني عضو معانا في المنبر ويمكن لو عملت بحث باسمه تلاقي مشاركات واغنيات جميلة..

مرحبا..

لااااااااااااااا
يا رجاءءءءءءءءءءء
فى ناس حلوين ممكن اقولو غير كدا

الأخ العزيز عبدالمنعم..

مرحبتين.. في المنبر وفي البوست الأغنية..

رجاء

Quote: حلو ان الاختيار عجبك..

سبب التأخير هو الاختيار ده فرصة قلت ابحر مع الاحاسيس

تخريمة
رايك شنو اغنية (يا عسل ) فى بوست اخر وما تنسى ده نهاية السنه دايرين نطرب المنبر الحر حتى الثمالة طربا
تحياتى

يا عسل حلوة
وبردو ارجوك
غنية يا بلدى يا حبوب

الحبوب العزيز..

"يا عسل" براها.. انا هسع بفاوض في "تحرمني منك"..

فعلا قبل نهاية السنة لازم نعمل الأسبوع..

كل سنة وانت طيب..

رجاء الجميله
نتي نسيتي الزول الجميل صاحبنا,,,,كان اخر مره شفتو في شارع عباس العقاد ,,,ما عارف ازهري طه كان معاي ولا انا غلطان,,,لانو انا وازهري كنا نجوب هذا الشارع ايام مؤتمرنا الثاني ,,,المهم اخر مره شفت الفاتح كسلاوي كان في عباس العقاد وكان يعمل حارسا باحد المحلات,,,لشدما االمني ذاك الفاتح صاحب تقولي لا ,,,والكثير من الروائع,,,, مع انه لحن اغنية شعارنا العال
بيرفع حقت الكيزان , بحكم موقعه كضابط بسلاح الموسيقي ,,الا انه شاعر ومن قبل ذلك ملحن مرهف,,,له الكثير من جيائد الالحان ,,,احبه ولعبد العزيز التحايا ,,,ولصديقه زيدان ابرهيم الف تحيه ,,,ولخاله عوض احمد خليفه الذي علمه الجمال, يا رجا خسمتك بالنبي في بوستك الجاي اتكلمي لينا عن كسلاوي الذي انجب بقولي لا ,,,كويس ??
ما تقولي no

العزيز معروف سند..

مرحبتين بيك في المنبر الحر.. ومرحبتين برضو في بوست "بتقولي لا"..

نعم أذكر الشاعر الفاتح كسلاوي.. وقد التقيته كثيرا.. وعلى وعد ان اكتب سيرته وأشعاره كذلك..

شكرا لإضافتك الجميلة هنا..

دمت..

عزيزي معروف
قبضتـــك

بتقولى لا برضة جابتك

والله دة شرك عجيب يا رجاء

كل الود
وليد العجب

وليد العجب ازيك ,,,صديقنا الذي علمنا انو امريكا فيها تلج ,,,يعني ثلج,,,اول مره شفت الثلج يتساقط ,كان ذلك من شرفة منزلك ,,شلت تلفونك مره من اسكاو وضربت ولكنك لم ترد,,, اعترف الان , اول مره اتعامل مع الكمبيوتر كان في بيتكم وفي كمبيوترك انت بالذات,,,بس ما تكلم زول,,,,
تهانينا لي الرشيد,,, طبعا ما حاقول لي اي زول انك اكبر منو,,بالمناسبه عرسو متين ???

رجاء وتمبس
عفوا للمداخلة لكن طولنا من معروف

رسل لي علي [email protected]

كل الود
وليد

الاخت / رجوية




روعة . وخاصة الواحد لمايجي يسمعها الصباح في الشغل .وتحية خاصة لتمبس والحبيب الغالي سمبتيكو

الغالية رجاء

دائماً أحب إختياراتك الرائعة ..
بتقولي لا أغنية جميلة أتذوق طعمها ..
والفنان عبدالعزيز ينقلنا بها إلى فضاءات بعيدة نحلق معها ..
وهو مميز في إختياره لكلمات أغنياته ..
وألحانه دائماً ما تأتي مميزة وجميلة ..

وأنا قبل كم يوم بطلب خاص من الصديق محمد الشيخ قمت بإنزالها ..
خليني أهديها ليهو هنا من بعد إذنك طبعاً ..

سلام كتاااااااااااااااااااار ..
وشوق أكتررررررررررررررررررر ..

الأخت العزيزة رجاء تحياتي
زمن ماإتشاوفنا من أيام القاهرة

تحياتي وأتمني أن أسمع وأري منك
حسن

الأحباب الفوق أسمحو لي أحيي الزميل والصديق الصحفي وسلفي في جريدة البيان حسن احمد الحسن..

يااااااا

مليون مراحب.. ولي الفخر ان يكون البوست رقم واحد مشاركة معنا..

أكيد حنتلاقى اون لاين وأوف لاين برضو بالمسينجر..

مـــــــــرحـــــبــــا..

ود المايقوما المريخابي العزيز..

وإحنا في ديك الساعة لما المزاج يكون عال العال..

اتمنى دايما يكون كده.. صباح مساء..

وتحية لسيمباتيكو وتمبو الرائعين..

الأخت الكريمة رجاء..
هل تعلمين ان هناك أغنية لا تقل روعة عن ( بتقولى لا ) وهى اغنية(بتحرمنى منك) وهى من تلحين الأستاذ فتحى حامد صالح المك والتى من بعدها تصوف اخونا فتحى المك وطلق عالم الفن والتلحين وتفرغ للعبادة,وبهذا خسر الفن ملحنا كان يمكن ان يثرى الساحة الفنية بأعمال عظيمة,
ولكنها قناعاته .
مع تحياتى

العزيز قلقو..

ســـلام وتحايا..

انا لما بديت البوست ده كان في مخططي اسبوع كااامل يبدا ببتقولي لا وتليها "تحرمني منك".. إلى كل أغنيات الفنان الجميل عبدالعزيز المبارك..

لو داير تسمع "تحرمني منك" امشي لبوست فرانكلي بتاع أسعد ابراهيم غيابك طال..

تلقاها محكًرة.. انا كل يوم بدخلو عشان اسمعها..

لك الود..

يا سلاااااام يا رجويا
والله فعلاً أعدتينا للزمن الجميل .. والله والله كان زمن جميل بشكل
وإنت طبعا عارفه ناس مدني لما بيبدعوا بيعملوا شنو !!! وعبدالعزيز هو نتاج لتلك البيئة المبدعه ... بتقولي لا .. أعادتني لزمان طريق الشوق .. .. وأحلي جاره .. وياماري بيبيتنا ليك هللوا البابين .. وفرحت شبابيكنا ... ايضا أعدتيني يارجاء لترديدنا زمان لتلك الرائعه .. ماكنت عارف ياريتني كنت عارف.. وهل السنين ضاعت فعلاً .. ؟ واحسرتي
شكرا ليك يا رجاءنا .. ونحن مستعدين تماماً لفكرة إسبوع عبدالعزيز مبارك.. وهو الآن إستقر بالسودان منذ العام الماضي وإستعاد قطاع كبير من جمهوره الذي إفتقده بسبب إغترابه لعدة سنوات بالسعوديه .. بل قد إكتسب عبدالعزيز قطاعات جديدة ومؤثرة من شباب الجامعات .. وهو قطاع حيوي لكل مفاصل الحياة السودانية .. حتي في السياسه
شكرا ليك يارجاءنا .. يا.. م ذ ه ل ه
وإلي اللقاء

اختي رجاء

قبل ما أدخل في البوست أسأل نفسي لماذا ياترى اختارت هذا العنوان، طبعاً لكل البوستات واضعاً في بالي إن موضوع البوست ربما يشار إليه في العنوان، وذلك ليس رجوعاً للمقولة القديمة الجواب من عنوانه ، ولكن انحيازا للخبرة الصحفية التي تعمل على عصر الموضوع بأكمله في السطر الأول بعد العنوان إن لم يسعه العنوان...

ودخلت في الموضوع وقرأت الأغنية، خاصة أنني أجد صعوبة في حفظ الأغاني ولا أحفظ الشعر إنما أكتبه أحياناً وأنساه بقية الأحايين، ووجدت نفسي اتذكر كل كلمات الأغنية ، لا أحفظها ولكن كلما قرأتها أتذكرها وكأنني كنت أحفظها، وعسى أنني كنت اترنم مع عبد العزيز المبارك في وقت ما عسى أنه كان ينقلني إلى عالم ما، لا تسعفني الذاكرة،، لقد نسيت أشياء كثيرة ومن ضمنها على ما أظن أشياء جميلة أو ربما أعتقدت الآن إنها كانت جميلة ولم أكن أعرف إنها بمثل هذا الإحساس الذي لا يمكنني أن أصفه حيث أن المعادلات التي أمامي في هذه المرحلة العمرية (سنين وليس شخص) لا تتبع لنفس التصنيف أو أنني انتقلت بمشاعري بعد انتهاء مدة الخدمات والإحالة إلى أرصفة الإستدارة والتقوقع والتبحلق والتزحلق ...

ما علينا دي مشكلة جهنمية والآن نهتم بموضوع متعلق بالحنان الذي تذكرت أنه يفهم من ألحان عبد العزيز ... طبعا في فترة ظهور هذا الفنان ظهرت البرينسات والسماعات التي يربطها أصحاب البصات للركاب ، وكذلك التقنية اليابانية لمسجلات السيارات وسهولة ربطه في السيارة دون الحاجة لمعرفة الدوائر الكهربائية للسيارات فأصبح كل سائق يربط المسجل بنفسه ويسمح للكمساري بمد السلك للخلف... بالإضافة لهذه النهضة التقنية انتشرت أجهزة نسخ الأشرطة والأشرطة نفسها من نوعية يمكن أن تستحمل التشغيل المستمر، في تلك الفترة سمعت كم هائل من الألحان وبنفس الصورة كانت تتحرك لدينا أفكار بكم مهول وتنعكس منها مشاعر أكثر من المجهول، ونظراً للحاجة الماسة للركاب التي تطفر على ظهر الحافلة أو الدفار أو غيره في أن تطفر بمشاعرها مع ألحان الأغنيات التي تعم أجواء الرحلة التي يرغب أفرادها الوصول إلى محطة النزول بأسرع وقت ممكن، ولو تم إختصار هذا الزمن بالتنقل بالإحساس بتزحلق إطارات السيارات إلى الإحساس بتدفق الألحان من الأستريو وتنطط الأفكار من عالم إلى عالم ومن حضر إلى ريف...

فضلت أنادي الذكريات ولم تأتي منها غير الدلالة التي يسترشد بها من يعرف الدار بعد توهم وحيث أنني لا استطيع أن أجزم فدعيني في ظني هناك ذكريات جميلة...

العزيزة رجاء

عبد العزيز المبارك وزيدان ابراهيم كفتان متسوايتان في الغناء

اوعي تقولي لا

ولكن اذا وضعت بتقولي لا لرجحت كفة عزو



تخريمة واجبة على قول رجاء



العجب

انا بشوفك ببرد طوالي وبكتكت

ياخوي نحن مكيفاتنا شغالة صيف شتا

تحياتي ليك

قرجة أخوي
والله عندنا الايام دي سقط النوع البيصن الاضان

لكن اخوك الجمعة ماشي السودان يشحن البطاطير

كل الود
ودالعجب