عضو جديد.. هل من مرحًب.. شكرا بكري وكل البورداب/ يات

الحكومة تسفر عن وجهها الحقيقي بعد ان تسلمت المقاتل عبد العزيز خالد

عصابة الانقاذ التي حولت قضية مناضل من اجل رفعة وطنه الي قضية انبوب نفط!!

B]التحالف الطلابي السوداني/ بيان

بيان الجبهة الوطنية الافريقية / التحالف الطلابي

ابو خالد يزيح ورقة التوت

القائد..عبد العزيز خالد..انه لشرف كبير لك

أبو خالد في الخرطوم :إعادة توجيه الأسئلة : ((ما قنا اقروا !!!!))

بيان من التحالف الطلابي السوداني-حول ترحيل طغمة الانقاذ للمناضل لأبي خالد

أوجـلان السـودان .. والقطط السـمان

تسليم عبدالعزيز خالد ومهام الحركة الجماهيرية !!

عاجل / احتجاز عبد العزيز خالد بمطار الخرطوم

صدقى أو لا يا رجاء ..
أنا عضو جديد بى هنا ..
وكنت منتظر بوستك عشان أعلن دخولى .. لكن الشفقة ( شفقة بت مكلّى) ..
المهم أرحب بيك
فى سفينة الى رأس الرجاء العباسى ..
من هنا والصمت ..

العزيز معتصم الطاهر..

مليون مرحبا بمقدمك..

قدر ما فتشتا لي بوست الترحيب بتاعك ما لقيتو..

ويشرفني ان يصبح البوست ده ترحيب بيك..

مرحب مرحب بمعتصم الطاهر والله نورت.. وحياتك نورت

د. معز ..
شكرا للترحيب ..
والله روحــك رياضية !!

الصديقة رجاء

الحكاية قلبت المسجلين الجداد يرحبوا بالقداااااااااااام

العزيز عبدالله..

منو القال ليك ديل جداد ..

ديل أعضاء إلا خمسة من سنتين وزيادة ..


بالمناسبة.. اي بوست ضايع ليكم اليومين دي في زحمة الترحيبات جيب اللينك بتاعو هنا..

معتصم الطاهر ترحيب شنو كمان العليك

انا غايتو ما حاسه بيك جديد ولاحاجتين









وسمعتك يوم داك قلت شنو

قال شنو يا راوية..

ما عايز ترحيب..؟






نفي النفي إثبات ..

راوية مرحب بيك فى بوست الترحيب بى ..
قلت شنو ..
انتى بقيتى تجيبى شمار الجيران ؟
بعدين يا راوية ما دخلنا الحوش ..
ترحبى بى هنا .. أو ترحبى بى ( هناك)؟

غبد الله بابكر

الوُد قديم .. ولكن الود جديد ..
والتشكيل عليك

الاخت اهلا وسهلا بيك شرفتي الدار

إيهاب يا ملك..

الدار متشرًفة بناسها الجميلين البيطمًنوا اي زول جاي جديد..




اسمعني.. الليلة عندي احساس زي يوم العيد بالعصر.. بعد ما نتفسح ونرجع وناكل الحلاوة والكعك.. أها نعمل شنو تاني ..

رجاء:

بعد دا تتوكلي علي السرير.. وتنومي طوالي

..الواطه عندك صبحت

كل سنة.. وانت والبرالمه الجداد بخير...

ايهاب..

صباح شنو..

يا دوب الساعة واحدة إلا تلت صباحا..

لو مشيت نمتا هسع الناس حتضحك علي ..

سلام يارجاء
انا نذلت لى بوست فيهو فيديو كليب
وبعد عشره دقائق السيول شالتو الصفحه الرابعه

اهو اللنك لكن لا بد الانتظار حوالى دقيقه او 2 عشان يبدا

فن الاعلانات

النصرى

النصري العزيز..

ازيك..

أيوة كده.. تصدق شفتو لما كان في الصفحة التالتة..

انا من الصباح جاتني قطايع في اصابعي من رفع البوستات..




تخريمة: عجبني ترحيبك بالأعضاء الجدد وسؤالهم بيعرفو شطرنج ولا لأ..

رجاء انتى الجديدة ولا الجديد منوا ؟؟ انا بينى وبنك كدة اتجهجهتا وما عارف الحاصل شنوا

وبعدين يا مها بشير (بت الفريق) ماشاءالله لكى يومين مشتركة وعينى باردة عليك عندك 50 مشاركة عقبال المليون كدة قولى امين

لووووووووول يا هشام ..

أصلو وأنا ماشي في العراق.. ..

أبدا.. امبارح قدر ما رفعتا المواضيع التانية الآنية.. والمحتاجة لمتابعات.. يجي طوفان الترحيبات ويشيلها ليك للصفحة الرابعة..

قمتا جمعتا كل المواضيع ذات الصلة.. انظر أعلى..

وكان أول الزائرين ضيف جديد.. وتاني وتالتة ورابع وخامسة.. وبقى حقيقي بوست ترحيب جميل..

ومرحب بيك..

االأخت الحبيبه رجاء الرجاء,

شكرا لك مره أخري علي الضيافه .......

مع الود,
مها

الحبيبة الهميمة (متابعاك من امبارح) مها..





مليون مرحبا.. والشرف والمكسب لينا احنا قبل الناس الحتقرأ..

12-10-04 اليوم العالمي لحقوق الانسان(امنسيتى) ويوم التض...مناضل عبدالعزيز خالد

نحنا يرحب بينا النمل ..

العزيز تاج السر الملك..




مليون مرحب بيك معانا في المنبر الوطن..



تخريمة: منو القال ما رحبنا بيكم..

شوف الصفحة الأولى والتانية ونص التالتة..

Fear of Torture: Abdleaziz Khalid

وبرضو بنرحب بالكاتبة اليانعة
والإعلامية الجميلة
«سامية بكري»
والتي برغم صغر سنها تملك قلماً ناضجاً وجريئاً ومقتدراً

دخلت علينا كالنسمة
وبلا ضجيج
وأول مشاركة ليها كانت هنا:

ما بين طالبات الطب وزيدان ابراهيم ..!!

مرحبا بالزميلة سامية بكري

وبقلمها الجميل الذي أعلن عن نفسه من أول مساهمة..

حتما إضافة معرفية.. ونوعية..

مرحبا رجــاء

ليس

لأنك عضـوة جديدة


لكــن

لأنك عضـوة

متجددة


تحياتي

الصديق أحمد..

ســـلام وود..

تعرف أحلى حاجة في التسجيلات الجديدة دي.. انو الزول حسً بنفسو قدييييييييم.. وتاني ما يجوك ناس يقولو قدامى شنو وجدد شنو..!

تحياتي..

رجاء العباسى
نزلت اهلا وحللت سهلا يانعا ومموسقا وبنفسجيا

مرحب بيك فى حوش بكرى ومرحب بيهم برالمة يملوا العين

شدوا حيلكم معانا بس ... وجيبوا الاتاوات بتاعة لنا مهدى
لكن هنا بتستلمها رجاء عشان لنا العباسى تقسم لينا بعدين


رجاء ... كلو سنة وانت طيبة

الف مرحب
منورين البورد ومزيد من الجمال..

بت فاطنة

الاخت رجاء لك التحية
ونستاذنك للترحيب بكل القادمين الجدد
ومرحبا بهم اضافة ثرة ..ودماء شابة تثرى هذا المنبر

عبدالمنعم صديقي..

ســـلام..

طبعا كنت أتوقع مع القادمات والقادمين الجدد عروستنا الحلوة..

لييه ما حصل..؟

لو منك.. فهذا تحريض..

لوووووووووووووووول

الأحباب الفوق..

ســـلام..

أسمحوا لي أرحب بصديقتي صاحبة القلب الحار والحق العالي.. عشة بت فاطنة..

ازيك يا عشة.. جيًتك تطمًن القلب..


تخريمة: منوًرة وزاهية..

الفاتح يا ذوق..

تحايا عطرة..

من أجمل الأشياء في أعياد الترحيبات دي..

الزول عرف ما بيعنيه المكان والناس المعانا هنا شنو..



تخريمة: انا محتفلة بيهم هسع.. خليهم يدخلو في الغريق عشان نجيب قانون التخريمة لسنة 2004 مرة تانية ..

الاستاذه رجاء
وهكذا انت شعلة المنبر التى توقد لتضىء وفراشته التى تلثم لتزهر

ومنك كم نستفيد
تحياتى

الحبوب بلدي..

تحايا عطرة..

عجبتني بجد الوصايا الخطيرة القدمتها للأعضاء الجدد..

غايتو تلزمك وصايا تانية للأعضاء القدامى.. شكلهم حيحتاجوا ليها..


تحياتي..

الاخت العزيزة / رجاء نعتزر عن عدم مشاركتنا فى البوستات حتى الآن
نسبة لفرحتنا ورهبتنا(وخلعتنا) بقبولنا اعضاء جدد بالمنبر وهذا شرف لى شخصيا
ان اكون ضمن كوكبة من ابناء السودان البرره اكرر لك الود والتحية وان اكون عند حسن ظنك
وان اعمل بالنصيحة التى قدمها الأخ العزيز بلدى ياحبوب مع اضافة نصيحتك الغالية القيمة

مع خالص تحياتى

العزيز عماد..

مرحب بيك تاني وتالت ورابع كمان..

والبشائر بتقول ان معظم القادمين إضافة بحق..

تحياتي..

الأخت رجاء، والجميع... سلام، ومشكورة على إهتمامك بالإتنين في آن: البرالمة، (أو الجناير بلغة الثانوي)، وبالمواضيع الأخرى الهامة في البورد ليتمكن الجميع من متابعتها بعد أن (غتّست) بوستات الترحيب حجرها...وبرضو (أنتهز الفرصة) مرة أخرى كما كتبت في بوست الأخ عادل عبد العاطي للترحيب، أن أكشف لكي عن سر خطير جدا جدا!، وهو أني قبل ما أشترك هنا الآن، سبق وأن كتبت مرتين في البورد دا، كانت إحداهما باسمك!!، وكدة استني شوية قبل ما تقولي على هكر وكرور الخ، فلو تذكري كانت لكي مبادرة قبل مدة طويلة عندما فتحتي بوست طلبتي فيه معرفة رأي القراء غير الأعضاء حول ما يكتب في البورد، فأرسلت لكي إيميل، نشرتيه بالكامل، أعتقد أنني ما زلت أحتفظ بصورة منه في صندوق الرسائل الصادرة... فلكي الشكر ثانية، والود..

العزيز عيسى..

ســـلام وتحية وتقدير..

Quote: أن أكشف لكي عن سر خطير جدا جدا!، وهو أني قبل ما أشترك هنا الآن، سبق وأن كتبت مرتين في البورد دا، كانت إحداهما باسمك!!، وكدة استني شوية قبل ما تقولي على هكر وكرور الخ،

طبعا قلتا أكيد بكري في أوكازيون التسجيل جاب لينا هكر.. وكمان عايز يعترف ..

مليون مرحب بيك عضو بيننا..

وأدناه مشاركتك الأولى في المنبر بتاريخ 15 سبتمبر 2003، والبوست موجود في مكان مواضيع توثيقية هامة..

Quote: الأستاذة رجاء تحية وسلام وشكراً لكي على مبادرتك بمعرفة رأي غير الأعضاء في البورد من القراء على ما يكتب أولاً في الحقيقة أنا لست عضواً مع سابقية الإصرار على الرغم أن الكثير من أصدقائي وأيضاً أخي هم من الأعضاء. طبعا تلاحظي أن البورد ملئ حد الثمالة وأكثر شوية يعني حتى الإغماء بالكلام الفارغ والفارغ جداً والشتائم التي لا علاقة لها بما يكتب في البورد ولاعلاقة لها بما تسمونه أنتم المثقفين بالنقد، وبالعربي كده أغلب الناس أحس أنهم ما عندهم موضوع ولذلك يكثرون من نوع الكلام الذي يذكرني بتعليق كتبه دكتور بشرى الفاضل تعليقا على شكلة أخرى معناه اننا نسمع نهيقا وصياح ديكة هنا.. وما ذنب القارئ المسكين الذي يخسر وقته وربما فلوسه من أجل قراءة مواضيع جادة وهادفة أو حتى مسلية وطريفة أو أخبار عامة الخ لنجد عنوانين من نوع من عادى فلاناً فقد عاداني أو ساعمل على فلترة البورد ولماذا يريد البعض استغباء الآخرين والضحك على عقولهم وتحديد ما يجب وما تحرم قراءته ولماذا ينصّب نفسه إلهاً فوق الآلهة، يذكرني هذا بدكتاتورية أمراء بنو أمية من نوع والله لايقول لي أحد بعد مقامي هذا اتق الله إلا ضربت عنقه، مشكلتنا الكبرى في رأي أننا نتكلم عن الديمقراطية ونبكي عليها ولكننا لا نؤمن بها من أعماقنا أبداً. وربما أننا أحيانا لا نعرف ما نريد ألاحظ أيضاً محاولاتك للحل بإدخال بوستات هادفة وسط تلك العكاكيز ولكن لا اعتقد ان ذلك يساعد كثيرا لأن مواضيعك تلك في الغالب بنكون منشورة في مواضع أخرى وأراكم كثيرا تتكلمون عن الباند ودث وما أدراني ما الباند ودث والمعنى واضح كما يقول البروف الله يرحمه!. قصدي أن القارئ حتى عندما يجد موضوع آخر وسط تلك المهاترات قد لا يعيره كبير اهتمام اما لأنه قد قرأه في مكان آخر وأما أنه لا يريد قراءته فقط لأن هذا ما محله. هذا على الأقل في حالتي أنا، وأشكر لكي مرة أخرى كتاباتك ومساهماتك الجيدة جداً والمفيدة ولكي كل الود وأرجو أن أكتب لكي مرة أخرى في مناسبة أخرى ودمتم عيسى

Re: .. عفوا للأعضاء .. تحية لكل متصفحي المنبر الحر في سودانيز أون لاين

الاخت رجاء تحياتى
شكرآ لرفع البوستات...الحركة دي لذيذة وانا كان رايح لي بوست كسلت افتشو لكن لقيتو جاهز هنا
وتانى برضو برحب بالبرالمة الجداد من بيتك ..اقصد بوصتك
ولك ودى
منى عبيد

الحبيبة منى..

تحية وود وتقدير..

سعدت يأن حقق البوست فائدته وغرضه المرجو..

تسلمي..


تخريمة: اختفيتي وين كل المدة دي...؟

بوست لطيف
شكرا رجاء ..


عادل

العزيز عادل..

تحايا وســـلام..

شكرا لتعليقك الألطف..

وحمد لله على السلامة..