هووووي يا ناس الأغاني..

عارفينكم بتطربونا وتعدلو مزاجنا ولا أجدعها كباية شاي كشري.. بس يكون ليبتون خرز ..
لكن المصيبة انو تكنلجتكم ما بتخارج مع أجهزتنا البراند نيو للمعلومية ..

يومدااااااك أساسي جاب لينا غنية جابت لي فايرس ..

ويومداااااك تمبس الجن العملو في بوست ديناصورات ابوجهينة.. جهجه جهازي وعمل ليهو حوص ..

ويومدااااك خالد الحاج في بوست يمنى قفل لي الجهاز 4 مرات.. ولومني لمن فتح لي البوست.. التورتة كانت كملت ولا في ولا قزازة ميراندا واحدة.. الفضل بس الاسبرايت وانا مابريدو ..

ويومداااك طيفور في بوست صاحبو القاعد في الصقيعة الا مشيت شفتو بعد يومين قررب ينشف ..

ويومدااك جاتني هدية بالأسم عدييل.. يعني ما لبط.. من طيفور زاتو ولي عبدالقادر سالم ويعميني ويطرشني فيها لي الليلة ..

وامبارح راكوبة يقوم يجيب منو؟ زيدااان.. وجهازي اول ما اعمل اوبن يحرن حرنة حمار سيجيمان داك ..

يعني لا نسمع لا نرد..؟ ده كلام عاد؟

أمهلكم حتى نهاية الأسبوع، يا تعدلو لينا المسألة.. يا وحات الاخوة ياني الداخلة أدفانسد كورس لي الشغلانة ونخليكم لي بوستات النضمي ..

اها قلتو شنو..؟

Quote: أمهلكم حتى نهاية الأسبوع، يا تعدلو لينا المسألة.. يا وحات الاخوة ياني الداخلة أدفانسد كورس لي الشغلانة ونخليكم لي بوستات النضمي .. اها قلتو شنو..؟

ha ha ha......Raja
WE ARE WAITING......TAKE IT EASY

حنونة.. قايلاني ما عرفتا الحتة البجيبو منا اللينك ..؟
اها دي حدوة.. واهم تفصيلة عشان شفتا الجندرية بجييب ليها زار عدييل كده ..

الغالية رجاء

دا تهديد ختييييييير ما بنتحملو لووول

جهازك البران نيو متفوق علي تكنولوليتنا القدر حالنا نسوي شنو..

غايتو انتي اديني مواصفاته وانا عندي بي هنا كمية من الخبرا الاجانب
اخليهم يعملو كنصلتو ويدوكي افضل الحلول والواضح ان المشكلة بسيطة
وفي السوفت وير المستعمل لمعالجة الصوت في جهازك

طيفور يا ذوق..
انا كان فهمتا كلمة من القلتو ده.. كان عملتا العمايل دي؟
أخوكو ابوجهل في الحتت دي..
البعرفو تفتح الغنيوة تشتغل.. سوفت وهارد والذي منو.. انسى..

كمبيـوترك دا الظاهـر عنـدو ذوق فنى رفيــع..
سنعلن تأسيس جمعيــة الرفق بالكمبيـوتـرات.

أبو الريش..
لا.. نؤسس جمعية اللينكات التعاونية ..
عشان نحير حنينة دي تاني ..

عفيت منّك يا رجاء..

تهديد.. ومهله.. وشروط..

وبعدين مافي أي فرصة.. يعني مجمّعه معلوماتك..
وبناية قضيتك... وعندك الأدله...


قويه..

بنت الحسين

اها يا رجا العباسي دي اغنية واتمني ان تصدق وتقدري تسمعيها

بت الحسين.. الحمشني وحمسني التورتة والميراندا الكملت في عيد ميلاد يمنى ..
والهدية بتاعت طيفور المافتحتها لي هسع ..
وتقول لي ما اتحضر..؟
الجايات اكتر.. يفوتونا؟
هععع على قول سيجيمان ..

يا شباب الغنية دي طالعة من وين..

جننتونا

اها يا رجا اول ما عرفت اعمل اغاني اهديت ليك اتنين

وطبعا الفاتت دي خلفية بس

لشيرين احمد

والتانية ظاهرة في البوست التاني

ها...ها...ها يا رجاء
في زول عمل ليك غنية بالحبر السري

دة إسمه الكود المخفي

شفتي يا رجاء تابعي الدرس كويس مع تمبس و خالد
وبكرة مستنيين منك الطرب الاصيل

إتفقنا؟؟؟

حنونة..
استني انت بث..
من يضحك اخيرا يضحك كثيرا ..

أسعد.. شكرا للتكنولوجيا..
وزي ما بتقول راوية.. دي ما ادونا ليها ..

الحبيبة رجاء

صباحك كله نور في نور

تعرفي اختك دفعة في مسألة الأغاني مرة اسمع بوضوح ومره بدون ومرة تجي الغنية "ناطة" من وين الله اعلم ..المعرفة بالجهاز ما يعيننا علي العمل فقط والسياحة في البورد..لكن يخيل لي لازم نشوف لينا حلل من " البرليم" الكل مرة دا ..

تسلمي يا عزيزة

انتي يا بت النيل..
سوري ما رجعت ليك يا زمل.. طبعا لما تقري الصفحة الأولى حتعرفي كنت بعمل في شنو ..

نحنا بس خلينا نعرف كم حركة كده صوت وصورة.. كما قلبنا ليهم المنبر سينما ..

لا لا ما زي بتاعت اليومين الفاتو ..

Raja

Salam

رضا..

أهلييين..

في جاه الملوك ..
بالله يا رجاء لمن كمبيوترك تعود ليه الصحة .. كلميني عشان أقول ليك أطلبي منهم عصافير الخريف ..

أهل العوض يا ملك انت ذاااتك..

كدي قول خير.. عندي لستة طويييييييييييلة عصافير الخريف حتكون أولها..

يوم

Quote: دااااااك أساسي جاب لينا غنية جابت لي فايرس

أساسي يا غتيت ..

أسأل خالد الحاج كان معاي في الماسينجر ..

وكمان يومداااااك يوم غنية القرارات بتاعت بكري برضو ربك ستر ..

رجاء العباسى اخت لنا وراوية
كيف حالك
ضحكتينى فى جملة زى حمار سجيمان وكت حرن .
اقول ليك حاجة كمبيوترك دة لحق امات طه

الفاتح هوووووي..
جهازي "اللاب توب".. من أحدث وأفخر ما انتجته "توشيبا"..

شفت الدعاية دي..

اوعى تسألني سوفت الشنو وهارد الشنو ديك..

لوووووووووووول

هسع خلونا من الأغاني..
البوست كلو بقى مليان بصورتي..
قولو لي دي كيف..


يا جماعة عليكم الله ما تضحكو ..

يارجاء ..
انا ما قايلك كيشه والله
الكلام ده كان .. تحت تحت كده ...
لكن ما عندك مشكلة .. والله نخليهو ليك ..رتينة بس عندي كم رجاء عليك الله..
في كم حركة كده بنوريك ليها بي رواقه ..
برجع ليك تاني

رجوية
رسل لى ماسنجر وليك على اشرح ليك من طق طق للسلام عليكم

الملكة يا مستهبلة يا البتنتهز الفرص ..

جايبة لينا الهوا هنا ليييه ..؟

خلاص يارجوية الماسنجر خليناهو
لكن يا اسعد جييييب شيرين دي (بقدام) والحقنا بلنك ياعمك

تمبو..

كيشة الكمبيوتر دي مقدور عليها.. زيي كتتتتتار ..

لو بتعرف انا التلفزيون بستخدمو في تلتلة ..

رجاء الحمد لله شغلي طلع صاغ سليم كلو وما فيهو فايرس

نواصل ولا برضو تبع المهلة ؟؟

عندك برنامج فرونت بيج FrontPage ? كدي عايني ليهو كويس وبيجك صادي .. حنينة ما تحمري لي ما قلت حاجة انا

اسعد اغنيتك شديدة جدا .. شيرين دي زولة غناية كان خلوها لينا ناس الشركات المتخصصة في بشتنة الفنانات

تنقو

غايتو يا رجاء شيلي شيلتك وطولي سلك السماعات..
خاصة بعد الكورس الجديد..
أما أساسي وأسعد ديل ما تبعنا في الكورس الفات
وخاصة أساسي لو نزل ليكي غنية فيها بنبان ما تستغربي
عارفو حاسد ..
أسعد بقي يشتغل بالكودات المخفية ويظهر إنو مفروض نبتكر حاجات جديدة عشان ننافس الجيل الجديد
وخاصة الكوامر العمروها دي (ناس أسعد)..
أرجعي للبوست بتاع الأنتي فايرس مهم مع ناس أساسي ديل

الحبيب خالد..

طبعا اليومين الاجازة ديل المفروض تديني فيهم درس درسين بتوع مزيكا .. عشان أول ما تجي راجع.. أعمل ليك أكبر سلام مربع ..

تستاهل يا حبيب ..

تنقو يا رائع..

لاااااااااا انت خميساتك عداهم العيب..

وعشان كده التهديد ما بيشملك.. على شرط انك تفكر في حكاية الاتنين كمان ..

انا اسمى مكتوب؟؟؟


الحمد لله اسمى مافى مع الناس ديل


والاغانى حقتى ما بتعمل حاجة


الف حمد وشكرا ليك يارب




كل الود

شيبا يا رائع..

لا لا لا .. شغل على مية بيضا زي ما بيقولو ..

تسلم لذوقك كمان..

تمبس..
ما بقدر اشاكلك.. لكن أحيي .. البوست الخطر بتاع ابوجهينة لا بلغ قلبي الرشد ، و لا وصل لساني حد السداد علق لي البورد عديييل مش جهازي بس ..

رجاء.
غايتوحيل المشاكل خلص مني .. لكن بحرش ليك .. الفرد كتار في البورد


عارفه يارجاء .. الجهاز ده حاولي احزفي الريل بلير .. ونزليهو تاني من جديد .. اظن المشكلة منو ..يا غايتو تكوني صايطاهو انت براك .. ومحرقه روحو ..
بوستات ابوجهينة دائما مجنونة يارجاء .. وبترد الروح والله.علشان كده طوالي بتلقيني منحل بي هناك وعامل فيها صاحبو

Quote: هووووي يا ناس الأغاني..

Quote: هووووووووووووووووووي I am not tea boy

هسع هووووووووويك ياتا في ديل؟؟؟
هووووووووووووي وهوووووووووووووويك إتبدلن قبيل في الجامع في صلاة الظهر لكن أنا هوووووووووووي ياها التحت دي بعرفها موسما بي تشة سيجارة

بدر الدين الحنين
ماتسلبط ساي
تشت سجارة شنو البتحلك
اكيد رجويه دي بتكون كتابه في قعر هويا بي منكير احمر

رجوية الغالية
شفتي الكلام القالوا تمبس دا هو الدواء
تشيلي البتاع القديم دا ترميه وتجيب واحد جديد بس

رجاء
تحية كبيرة

يمكن ( السداد ) هو الجاب السدد بتاع كمبيوترك.
غايتو الأغاني البيجيبا تمبس تقفل شوارع بحالها مش كمبيوتر.
بس أغنية البت دي ( بتعمل جرح غائر ) ، أريتو يجي في كمبيوتري.
أرقدي عافية

الله يجازيك يا رجاء والله بالبوست بتاعك دا طبقتي فيني نظرية عجيبة جداً وأظنك عارفه انا برضو زول

مجنون أغاني ما اشوف لي بوست فيه أغنية الا واستلمو ليك زي العاملو انا وأبقى سيدو زي ما بقول

أهلنا اتحكر ليك في وسط الحفلة وداك يا البشير والصفقه والرقيص والعرضة وهلم جر.

يا ستي الموضوع انا قاعد في الشغل واول ما جيت من بره في المكتب كالعادة جري على المنبر الحر

وأول بوست يلاقيني بوستك المتعوس دا بوست المشاكل اول ما فتحتو كدا وانا لما كنت قفلت الجهاز

الصباح نسيت انو السماعات فاتحة على الاخر والحكاية دورت في نص مكتب مدير عام الشركة ورئيس

مجلس الادارة وللعلم انا شغال في شركة كمبيوتر اسمها الحاسب العربي في الرياض بالسعودية وانت

عارفه السعوديين عندهم رأي في اي حاجة والموسيقى ضربت في نص المكتب قام طوالي المدير العام

قال لي عملتها لي صالة ديسكو قلت في نفسي كلو منك يا بت العباسي الله يجازيك وخصوصاً شفت اسم

تمبس بس قلت دي الليلة حا تكون اغنية الموسم والحفلة كاربة وصباحية لكن بقت لي توبة يا حبوبة

انت عارفه الحق ما عليك يا رجاء الحق علي انا بتاع الملح عشان بحب الملح الانترنت عشان عندنا

ملح نكثر منو ما كنت عارف الملح مش بجيب الضغط بس بجي معاه الطرد واشياء اخرة ولنا عودة ودقي

يا مزيكة وسلام لي بورداب الرياض بقول ليهم يا جماعة "صــــح الـنــوم" مالك اصابكم شنو ما كنت

نشيطين اخباركم انقطعت وخصوصاً من الاخ احمد ساطور وبنقول ليهم نحن في انتظار جوابكم بالرد

السريع.........جاييكم يا أخوانا ما تستعجلو لانو الكلام فيه عقاب ماشي

>>>>THEN, HOLD ON TO CONTINUE>>>>>>

وليد ود حاج احـــمد

وليد يا رااااايق..

مرحبا أيها المرح ..

رايـــق غايتو الحمد لله الما عارف يقول عدس يا رجاء علي العموم الله يديك العافية وشكراً جزيلاً على

الاطـــراً نسأل الله أنو نكون قدروا ويكون في محلو ولك التحية الاحـــتراام يا بنت العباسي.


وليد

اها يا رجاء الاصفهاني
انتي طوالي كدة شغالة فينا نجاض
ما شوية شوية يا حنينة